augustus, 2012 - edicion 1

E MESA ON THE FIELD

pag 15

PARTIDO MEP DEN MOVECION

URIRAMA KETO

BAY DEN PREPARACION

Y SIN APROBACION

DI PUEBLO

pag 4

RECORDANDO

35 AÑA DI

AUGUSTUS

SCURpag 13

Augustus, 2012 - Edicion 1Tel: 585-6917 - E-mail: [email protected] Cortesia

Bishitando 50 cas pa simanPartido Movimiento Electoral di Pueblo ta den movecion. Varios candidato ta bishitando casnan y den algun districto tin reunion di contacto ya ta tumando lugar. Ami mes tin como meta pa bishita 50 cas pa siman. Tur esaki ta bay sin mucho publicidad pa diferente motibo. E motibo principal ta pasobra hopi hende ta sinti nan intimida y ainda no kier mustra nan sosten na nos partido publicamente y nos ta respeta esey.

MEP scuchando e Pueblo

Unda cu mi bay mi ta wordo ricibi cu braza habri. Hendenan tin necesidad di papia, di expresa nan mes, di wordo scucha, di sinti cu nan no ta nan so. Durante e bishitanan mi ta scucha kico ta e dolornan cu ta biba den nos comunidad y mi ta mira unda por yuda. Hopi hogar tin problemanan social y problema cu placa no ta yega pa fin di

luna. Tambe varios famia no tabata tin manera pa paga schoolgeld pa nan yiu of placa pa boeki of uniform pa school. Locual tambe nos ta topa cune ta casnan cu no tin awa y coriente. Pero locual tin practicamente tur hende sumamente fada ta e criminalidad halto. Ya Pueblo no ta sinti su mes sigur mas den su propio cas.

50 cas pa siman

Mi meta ta pa bishita 50 cas pa siman, pa asina ta den contacto cu Pueblo y pa a base di e dolornan cu ta biba den nos comunidad, duna prioridad den nos Plan di Campaña y nos Programa di Gobernacion. Bo tambe por spera mi bishita pronto.

Mr. Evelyn Wever - CroesLider di MEP

PARLAMENTO A VOTA

CONTRA AMIENDA DI

MEP PA DUNA HUSTICIA 9 MIYON

FLORIN MAS

pag 11

Pag 2 AUGUSTUS 2012VOX POPULI

Team Dinamico y Activo di MEP Apoyando F. A . D. A . S i m a n p a s a diasabra un di e teamnan dinamico di MEP consciente di e problematica di droga y alcohol na Aruba a goza di un atardi activo durante e caminata organiza pa

F.A.D.A. Y di e forma aki tambe aporta na e causa. E problematica di droga y alcohol na Aruba ta uno serio cu ta causa destruccion den miles di hogarnan y hasta daña bida di nos yiunan. Consciente di esaki, a uni hunto cu pueblo di Aruba

durante e caminata exitoso di F.A.D.A. Union ta haci forza y hunto por crea e ambiente sano pa nos yiunan, famianan y amigonan biba aden.

Un Aruba sano ta dushi pa biba.

TEAM DINAMICO Y ACTIVO DI MEP APOYANDO F.A.D.A.

ACTIVIDAD

Durante un encuentro ameno coleganan di partido MEP a reuni cu dr. Maikel Kelly pa brinda riba su carera nobo na Hulanda.

Dr. Maikel Kelly a drenta politica na aña 2009, y a sirbi den Parlamento desde Februari 2011 te cu Januari 2012.

Durante e periodo cortico aki dr. Kelly a haci un impacto pa su forma di hiba politica, suave ora tin mester, pero fuerte tambe ora tin mester.

Dr. Kelly tabata especialmente critico riba e tereno di salubridad, especialmente pa cu e maneho den Hospital cu tabata dirigi contra nos mes un hendenan.

Dr. Kelly a sali na defensa di Arubianonan, entre otro Ruben Croes, despues cu hopi a bira lomba pe. Dr. Kelly a tene contactonan estrecho cu sindicato di Hospital tambe, y asina

a sostene e lucha di e sindicato.

Dr. Kelly a destapa iregularidadnan tambe den construccion di e hospital nobo.

Dr. Kelly mester a bandona Parlamento, después cu presion a wordo poni riba dje cu e no por a sigi eherce como dokter, cual tabata su pasion. Probablemente

ta su forma scerpi di hiba politica mes a pone e presion ey aumenta.Recientemente el’a tuma e decisión difícil di bay biba na Hulanda pa sigui specializa den su ramo. Partido Movimiento Electoral di Pueblo MEP sigur ta lamenta e decision di dr. Kelly, pero ta comprende. Durante e encuentro Presidente di Partido, Joe Koolman, lider di fraccion, Eddy Briesen y lider di partido Evelyn Wever-Croes a hiba palabra. Tur a repasa e trayectoria politico di dr. Kelly den partido.

Den nomber di henter partido Evelyn Wever-Croes ta desea dr. Kelly hopi exito y tur cos bon.

COLEGANAN DI PARTIDO MEP A DESPEDI DI DR. KELLYDR. MAIKEL KELLY TA BAY SIGUI STUDIA Y BIBA NA HULANDA

DESPEDIDA DI DR. MAIKEL KELLY

PENDIENTE RIBAAGENDA

C O N G R E S O M E P 2 3 S E P T E M B E R

2 0 1 2N A W E S T I N

H O T E L

B I N G O N O V E M B E R

2 0 1 2N A C L U B

C A I Q U E T I O

NOS TA WARDA BO !!

Pag 3AUGUSTUS 2012 VOX POPULI

[email protected]

Nos ta un aña leu di eleccion 2013. Gobierno cu a haya e mandato di Pueblo cu un mayoria absoluto, pa realiza den 4 aña su compromiso cu nos Pueblo. Pero 3 aña a pasa y nos ta mira cu e compromiso- y promesanan haci durante campaña, no ta wordo realiza.

Elimina BBO y combati pobreza

E promesa mas grandi di e Gobierno aki tabata pa elimina BBO pa asina baha costo di bida y combati pobreza. Berdad nos a mira cu a rebaha e BBO te na 1½%, pero Gobierno no a percura pa esaki trese cune un rebaho di prijs. E rebaho di BBO a keda den man di e comerciante y asina Gobierno no a cumpli cu e compromiso di rebaha costo di bida pa nos Pueblo. Realidad ta, cu awor 3 aña despues tin mas hende sin trabou, mas hende ta depende di onderstand pa por sobrevivi, mas famia no por pone pan riba mesa y mas famia no por paga nan recibo di awa y coriente, indicando nos cu pobresa a aumenta na Aruba na man di e Gobierno aki. Cu e rebaho di BBO Gobierno a percura tambe pa saca nos finanzas publico for di balance y asina a hinca nos den un crisis financiero nunca antes bisto na Aruba.

Prijs di awa y coriente

Un otro promesa importante tabata cu lo baha prijs di awa y coriente desde e

prome dia, pero loke nos por constata ta cu prijs di awa y coriente a aumenta drasticamente y te hasta a redobla. E ta conoci cu e prijs halto di crudo riba mercado internacional ta afecta e prijs di awa y coriente na nos Pais. Pero asina mes, e Gobierno aki no a hasi nada pa baha e costo di operacion di e companianan di utilidad pa asina di e manera aki e Pueblo por haya un reduccion den e tarifa pa awa y coriente. Al contrario, e Gobierno aki a pone e companianan di WEB y Elmar haci tantisimo gasto adicional pa paga pa e luhamento di e Gobierno aki. Anto ora e momento a presenta cu por a baha prijs di awa cu 33%, Gobierno a prefera di postpone esaki y a duna e Pueblo solamente un averahe di 26% rebaho di prijs di awa.

Criminalidad

E promesa di combati criminalidad ta otro promesa cu a keda sin wordo cumpli cune. E partido den Gobierno a priminti den campaña di tin un team y un plan pa combati criminalidad, pero realidad ta mustra cu criminalidad a aumenta cu 60% den 3 aña. Mientrastanto Minister di Husticia ta bisa cu criminalidad no a aumenta, ta e percepcion di Pueblo ta robez. Hecho ta cu Aruba ta mas insigur cu nunca.

Falta di honestidad

Talvez locual mas ta indigna nos Pueblo ta e

hecho cu e Gobierno na mando no ta honesto cu nos Pueblo. Nan tabata sa di antemano cu e promesanan haci durante campaña 2009, no por wordo cumpli. Pero asina mes nan ta purbando via tur sorto di triki pa manipula y sconde informacion pa Pueblo no haya sa e berdad. Nos Pueblo merece mihor.

Plan di Gobernacion

Pesey MEP ta preparando su Plan di

Gobernacion, dunando solucionnan real pa e problemanan cu ta biba den nos comunidad. Den esaki nos lo ta honesto y transparente cu nos Pueblo, y nos lo no haci promesanan cu nos no por cumpli cu nan. Den e lunanan nos dilanti nos lo presenta nos vision y e solucionnan cu nos ta propone pa combati e problemanan den nos hogarnan, e problemanan social, di desempleo, problema di inseguridad, nos

crisis financiero y nos desaroyo economico. Cu honestidad y transparencia nos lo convence e votador cu MEP ta e unico alternativa pa e siguiente eleccion!

Corant mensual

Tur siman MEP ta tene dos conferencia di prensa, tratando por lo menos 10 tema tur siman, pero nos por a constata cu prensa no ta duna suficiente publicacion na e ponencianan di nos partido. Por ehempel, tin corantnan ta publica apenas 25% di nos articulonan, y na noticieronan di television tin canalnan cu ta ignora nos partido casi completamente. Hopi informacion cu nos ta trece dilanti no ta wordo publica, specialmente ora ta expone e mal maneho di Gobierno. Di e modo aki, e Pueblo no ta haya e otro banda di medaya pa e por huzga pa su mes a base di hecho y berdad. Pesey nos partido a bin cu nos mesun corant yena cu noticianan nobo y al caso y den cual nos ta duna nos vision di solucionnan real pa e problemanan cu nos Pais ta enfrentando. E corant mensual aki ta e prome paso pa informa nos comunidad, na un forma directo y cu e berdad. Tur locual wordo publica den e corant aki ta e berdad y por wordo verifica. Nos ta spera cu e corant aki cay na bo agrado!

Evelyn Wever-CroesLider di MEP

LIDER NA PALABRANOS PUEBLO MERECE UN GOBIERNO HONESTO Y

TRANSPARENTE


ENERGIA

Nos a yega luna di Augustus y ainda no tin decision kico ta bay sosode cu e proyecto di Urirama, pero tur cos ta mustra cu lo sigui cu e proyecto. Manera conoci Gobierno di Aruba tin intencion pa pone un di dos proyecto di molina di biento na Aruba. Esun prome a worde poni pa Gabinete Oduber na Vader Piet y awor Gobierno a scoge Urirama pa pone e di dos parke di Molina. MEP no ta di acuerdo cu e hecho cu kier pone e molinanan di biento na Urirama, pasobra tin hopi preocupacion cu nos mester tene cuenta cu nan promer cu tuma decicion.

Hopi ta esnan cu ta contra e proyecto

Contrario na esun di Vader Piet, e proyecto di Urirama a bin haya hopi obhecion tanto di habitantenan, gruponan ambiental y tambe varios parlamentario tanto di oposicion como di coalicion. Mientras tanto cu hopi ta contra e proyecto di Urirama, trabaonan di preparacion ta sigui keto bay. Ta mustra cu e proyecto lo sigui apesar di tur oposicion. Asina nos por a mira riba e pagina di facebook di “No Windpark in Noord” un declaracion di Minister Mike de Meza cu aparentemente ta graba riba tape bisando: "The wind park will be built at Urirama, that is a fact. Yes, indeed there is no MER yet, but the decision has been made already. Regarding possible health risks; there is NO PROOF". Tambe e propio Minister President Eman a indica caba cu Gobierno ta scoge a base di interes general. Pero

mientrastanto un reunion den Parlamento tocante Urirama te ainda no a wordo yama.

Habitantenan preocupa

Den cercania di Urirama tin bario cu ta hopi habita y mas di 700 habitante a expresa nan preocupacionnan cu nos mester tene na cuenta. Nan ta teme pa e efectonan negativo cu e molina di biento den

cercania di nan cas por tin riba nan salud y di nan yuinan, debi cu varios rapport internacional ta indica cu e presencia di molinan den cercania di lugar habita ta cuasa daño na salud di hende. Tin estudio cu ta indica cu e molina di biento ta afecta e sistema nervioso y ta ocasiona depresion, insomia y problema pa concentra y aborbe informacion nobo. E molinan ta afecta e oido tambe. Door cu e molinanan cu lo bin na Urirama ta 145 meter di haltura, hopi mas halto cu esnan na Vader Piet, nan lo produci mas desorden y esnan den vecindario lo wordo malamente afecta. E habitantenan a expresa tambe e preocupacion cu e balor di nan cas lo baha

cu 30 porciento debi na e presencia di un parke di molina den cercania di nan cas y den cercania di e casnan di Tierra del Sol. Esakinan ta precocupacionan valido cu nos mester tene na cuenta promer cu nos tuma cualkier decicion. L a m e n t a b l e m e n t e ainda ningun di e preocupacionan aki no a haya oido di Gobierno.

Lugar di recreo y patrimonio di nos Pais

na peliger

Urirama ta un sitio di naturaleza prestino cu ta wordo hopi bishita pa nos deportistanan, amante di naturaleza y nos turistanan pa recreacion. Na nos Pais no tin suficiente parke pa por practica deporte of djis cana y disfruta di naturaleza. Ta pakico nos lo mester sacrifica un di e poco lugarnan di recreo na Aruba asina no mas? Urirama a den cercania tambe di e Kapel di Alto Vista cu ta un lugar sumamente special pa e Pueblo di Aruba. E Kapel aki ta wordo bishita pa hopi hende cu ta bay resa, medita, busca paz, y cu e molinanan di

biento asina cerca, paz en todo caso nos lo no haya mas. E Kapel di Alto Vista ta un patrimonio historico y cultural di e Pueblo di Aruba cu ta wordo bishita cada dia pa miles di turista. Si nos bay haci cambio asina grandi den su cercania, nos ta daña un patrimonio nacional y nos ta hacie e atraccion turistico aki berde su interes cerca nos bishitantenan.

Mester evalua Vader Piet promer

Gobiero kier un di dos proyecto di molina di biento, pero te ainda no a sinta evalua e efecto di e promer parke di molina na Vader Piet. Nos mester tene na cuenta cu e inversionnan pa un di dos parke di molina no lo conduci directamente den un rebaho di e recibonan di awa y coriente. WEB lo mester haci inversionnan cuantioso atrobe pa por conecta riba e di dos parke di molina. Asina lo mester inverti un total di 40 miyon dollar pa por pone extra infrasturctura den WEB y pa pone un parke di bateria pa por almacena e energia produci na Urirama. Tambe WEB lo mester un extra 5

miyon dollar pa aña pa por mantene e parke di bateria na Urirama, cu cada 7 aña mester wordo reemplaza pa bateria nobo. Sin e inversionnan miyonario aki, e di dos parke di molina lo pone e suminstro di coriente den e peliger cu e consecuencia cu coriente lo bay mas frecuente den diferente bario na Aruba. Nos mester realiza cu e inversionnan aki lo significa un subida drastico den prijs di coriente y ta Pueblo lo mester bay paga pe. Ademas un subida di prijs lo haci nos un destino turistico demasiado caro cu lo pone nos economia na peliger.

Debate den Parlamento

E debate den Parlamento riba Urirama no a tuma lugar ainda. MEP a expresa caba di ta pro energia alternativa, pero nos no ta di acuerdo pa un di dos parke di molina bin na Urirama. Di banda di AVP nos por a constata cu originalmente tabata tin varios miembro di AVP contra di e proyecto. Pero poco poco nan a cuminsa hala atras y ta cambiando nan pocicion. Kizas esaki tin di haber cu e hecho cu tin conflictonan di interes entre un parlamentario y e compania di Vader Piet cu lo traha y maneha e parke di molina. Di tur manera nos ta spera cu e debate aki por bin pronto. E ta importante pa na nos Pais nos hiba un discucion den ki rumbo nos kier bay y ki prijs nos ta dispuesto pa paga pa haci esaki posibel. Pueblo mester ta para tras di e plannan di Gobierno y pa awor aki tur cos ta mustra cu Gobierno no ta conta cu sosten di Pueblo pa un di dos parke di molina na Urirama.

URIRAMA KETO BAY DEN PREPARACION Y SIN APROBACION DI PUEBLO


[email protected]

Ta bisto caba cu gabinete di Mike Eman no tin ningun atencion pa e topico di finanzas public, of no tin conocemento di e materia. Hecho ta cu constantemente nan ta haci como sifuera cu nos ta biba den un situacion di abundancia y rikeza nunca visto y sin ningun clase di problema financiero. Si den otro paisnan desaroya e topico di finanzas publico ta prome riba lista di prioridad, na Aruba bao di Gabinete Eman esaki ta aparece como ultimo riba tur e prioridadnan.

Aumento dramatico di debeTa increibel pa constata con durante e ultimo 3 añanan di Gabinete Eman, e debenan di gobierno a aumenta for di 2.2 biyon florin na 2009 te na 3.1 biyon florin na 2012. Un aumento dramatico y alarmante casi 1 biyon florin den apenas 3 aña di tempo y cual aumento ta equivalente na 300 miyon florin pa aña. Cu e aumento aki, tur dia nos di MEP ta haci nos mes e pregunta, ta na kico tur e deroche di placa di pueblo aki a bay?

Contrario na e aumento di e debenan descabeya door di Gabinete Eman, durante e 8 añanan di Gabinete Oduber e debenan di gobierno a aumenta for di 1505 miyon florin (1.5 biyon florin) na 2001 te na 2226 miyon florin (2.2 biyon florin) na 2009, un aumento di 721 miyon florin den 8 aña y cual ta equivalente na 90.1 miyon florin pa aña. Naturalmente e pueblo pagador di belasting lo kier haya sa tambe con e 721 miyon florin aki a wordo gasta den e 8 añanan.

Hustificacion di debenan

Ta pesey den un forma transparente nos ta presenta siguientemente e porcentahe y e sumanan corespondiente pa loke ta e debe extra aki di 721 miyon florin:

Deficitnan di AZV:

E 45% di e 721 miyon florin, esta 324 miyon florin a wordo ocasiona door di e deficitnan di AZV y e aumento di gasto di prima pa gobierno durante e periodo di 2006

pa 2009.

Prima di APFA:Un 34%, esta 245 miyon florin a wordo ocasiona door di aumento di prima cu gobierno ta paga na APFA cu 19% desde 2001 pa por cubri e deficitnan di e fondo aki.

Gastonan di interes:

E 16%, esta 115 miyon florin a wordo ocasiona door di gastonan di interes y boet cu mester a paga APFA, pasobra promer cu aña 2002 gobierno di AVP no a paga APFA 277 miyon florin.

Claims di Garantianan:

E 6%, esta 43 miyon florin a wordo ocasiona door di claims di garantianan cu a wordo resolve y interes paga, despues di kita e reduccionnan obteni a base di negociacion y e 250 miyon ricibi di e placa di Plant N.V.

Pues aki claramente por mira un hustificacion detaya di parti di MEP pa loke ta e aumento di e debenan di gobierno cu 721 miyon florin den 8 aña di tempo.

Awor De Meza mester splica

Ta pesey pueblo ta spera cu di parti di Gabinete Eman y AVP nan tambe por trece un hustificacion pa loke ta e debe nacional cu nan a laga crece cu casi 1 biyon florin den apenas 3 aña di nan mal gobernacion. E cuenta di

tira para y manipula cu cifra cu AVP ta gusta haci mester termina, y esaki por sosode solamente si nan ta dispuesto pa hiba un discusion sano y profesional pa loke ta

nos finanzas publico. Y si resulta cu di berdad nan no tin e capacidad ni conosemento pa maneha nos finanzas public, nan mester hala un banda y laga esnan cu si tin conosemento y experiencia financiero, y esnan cu si kier bienestar di e pais aki, haci e trabao.

DEBE NACIONAL DI PAIS ARUBA A AUMENTA CU CASI 1 BIYON FLORIN NA MAN DI

GABINETE MIKE EMANAumento di 2.2 biyon (2009) pa 3.1 biyon (2012)

FINANZAS

Pa 2012 e deficit por yega 374 miyon y e debe 3.1 biyon

NOS DEBE TA KEDA CRESE......

871.900.000


Tin un crisis na e momentonan aki den Reino Hulandes mirando e hecho cu tur e Paisnan y Islanan BES cu awor ta pertenece na Hulanda, ta den un situacion dificil y den un posicion cu nan por wordo perhudica. Nos mester sigui e desaroyonan den Reino di cerca, pasobra nan tin consecuencia pa nos Pais tambe.

Gobierno Hulandes ta cay debi na deficit

mucho halto

Na nos Madre Patria Hulanda e Gobierno a cay debi cu nan no por a presenta un presupuesto cu ta cumpli cu exigencia di Union Europeo, pa tene e deficit financiero bao di e margen di 3%. Pa por a cumpli toch cu e exigencia aki, e Gobierno Hulandes mester a tuma mas medida, pero e patrido politico PVV cu tabata sostene Gobierno, no kier a apoya mas medida pa masacra e Pueblo cu ya caba a bay atras den nan poder di compra. PVV a retira su sosten na e Gobierno Hulandes y e Gobierno a cay cu consecuencia cu dia 12 di September proximo lo tin eleccion na nos Madre Patria.

Corsou bao curatela y sin Gobierno

Na Corsou tambe e Gobierno a cay. E proceso

con e la tuma lugar ta wordo hopi cuestiona, mirando e hecho cu Hulanda a presiona Corsou masha pisa mes pa loque ta trata e presupuesto, anto a bai asina leu pa duna e Gobierno un “aanwijzing”, un sorto di curatela debi na e situacion financiero malo y e problemanan social. Gobierno di Corsou no ta di acuerdo con Hulanda a trate den e caso aki. E Gobierno a percura pa tuma algun medida di precaucion, pero Hulanda no a considera esakinan suficiente y a impone Gobierno pa tuma mas medida contra e Pueblo di Corsou. Debi cu algun parlamentario a dicidi di kita nan sosten na Gobierno di Corsou, a disolve Parlamento y a yama eleccion nobo dia 19 di Oktober proximo.

St Maarten y Islanan BES no ta contento

Mescos cu Corsou, St. Maarten tambe ta bou supervision Financiero y Hudicial. Nan no ta contento con Hulanda ta trata cu ehecucion di e leynan di Reino, especialmente riba e tereno di husticia. E islanan BES tampoco ta contento. Hopi ta sinti cu nan a bira ciudadanonan di segundo categoria den Reino. Pa drecha e percepcion aki, Hulanda kier haci cambio den Constitucion prome cu 2015. Pero ya tin voznan

na St. Eustatius a cuminsa lanta pa cuminsa encamina e proceso pa yega na Comision di Decolonizacion di Nacionnan Uni.

Aruba na caminda pa curatela

Na Aruba e situacion financiero ta esun di mas malo den Reino. Pero asina mes e Conseho di Ministro di Reino a duna su aprobacion pa Gabinete Eman fia 500 miyon florin riba mercado mundial. Ningun hende sa bao di cual condicion e aprobacion aki ta wordo duna, pero mirando e situacion na e otro partinan di Reino, Aruba probablemente ta na caminda pa wordo poni tambe bao di curatela. Di e manera aki Gabinete Eman ta caba cu e Status Aparte cu a hiba nos Pais conoce un desaroyo economico na beneficio di nos Pueblo, pa nos bira un Pais cu mester sucumbi bao di e curatela di Hulanda. Eleccion na Aruba lo ta na September 2013. Pero di awor aki caba teniendo na cuenta e situacion den Reino, nos mester tuma e decicion si nos ta sigui apoya un Gobierno di AVP cu ta hiba nos bao curatela of nos ta apoya un Gobierno di MEP cu a sa di asumi e responsabildad financiero y a desaroya e Pais aki pa e por a bay dilanti.

CRISIS DEN REINO HULANDES

Union Europeo a habri un oficina di Europa na e isla den Caribe, Barbados. E oficina aki tin 39 hende den servicio y ta costa 2.5 miyon euro pa aña, mas di 6 miyon florin pa aña. E oficina aki mester coordina proyectonan di Union Europeo destina pa e islanan den e region. E oficina di Europa aki a wordo masha critica, pasobra scepticonan no ta mira su beneficio pa e islanan Caribense, pero si ta mira cuanto placa ta wordo gasta na un oficina asina. Na Aruba Gobierno a instala un Cas di Europa. Den e caso di Aruba e situacion ta poco diferente si, pasobra no ta Union Europeo ta paga e gastonan di e Cas di Europa manera ta e caso na Barbados, pero ta placa di belasting di pueblo di Aruba ta paga esaki.

Aruba ta paga pa un Cas di Europa,

cuestionaGobierno a cumpra e edificio di ex Dolce Vita Restaurant via Utilities, pa use como un cas pa propaganda Europa. E compra aki a wordo masha cuestiona, pasobra un persona entremedio a cumpra e edificio pa 900 mil florin y riba e mesun dia a bende cu Gobierno pa 1.3 miyon florin. Den un solo dia un persona hopi cerca di ministernan a gana 450 mil riba lomba di pueblo. E motibo pa esaki nunca a wordo splica. Gobierno ta paga huur pa oficina di e instituto Hulandes TNO. TNO ta un instituto tecnico cu mester yuda Aruba riba diferente tereno di energia alternativo. Pero te ainda na Aruba bo no por mira nada di e trabaonan di TNO. Un area cu tur hende a pensa cu TNO lo encarga su mes, ta e estudionan rond

di e efectonan negativo di e molinanan di biento na Urirama. Pero eynan a scoge un otro compania, uno cu añas ta wordo paga pa WEB, pa haci estudio. Cas di Europa lo a atrae tambe inversionistanan di Sur y Latino America, y di Europa, pero di esey tampoco por nota nada. Mientras tanto pagadornan di belasting ta paga 350 mil florin pa aña pa TNO por ta ubica den Cas di Europa, y hopi ta puntra nan mes kiko ta e balor agrega di Cas di Europa na Aruba.

Un Cas di Europa cuestionabel y sin

beneficio pa e PuebloUn incertidumbre grandi ta dicon Hulanda no a lucha pa e gastonan di Cas di Europa wordo paga door di Union Europeo, mescos cu na Barbados? Utilities a paga 1.3 miyon florin pa cumpra e edificio, en bes di a inverti e placa ey pa baha prijs di awa y coriente. E Pueblo, pagador di belasting ta paga 350 mil florin di huur pa aña, un suma balente cu sigur por a wordo inverti den proyectonan cu UNESCO no ta subsidia mas. Of e suman por a wordo inverti den Departamento di Meteo, of den luznan solar pa Parke Yaburibari, cual lo a beneficia nos Pueblo mucho mas.

Tanten e incertidumbre aki keda, y tanten cu pueblo di Aruba no mira e frutonan di e aventura aki, Cas di Europa ta keda conoci den pueblo como e “deal di Dolce Vita” hopi cuestionable den cual un of mas persona desconosi a strika 450 mil florin den un solo dia, y den cual pa aña nos tin cu paga 350 mil florin pa un instituto Hulandes.

CRITICA RIBA OFICINA DI UNION EUROPEO NA

BARBADOS

REINO HULANDES

CONFERENCIA DI REINO JULI 2012

CAS DI EUROPA NA ARUBA


[email protected]

Desde Congreso 2011 na Augustus 2011 lider di partido, mr. Evelyn Wever-Croes a cuminsa cu restructuracion di partido. Awor, despues di 11 luna, e restructuracion ta den su fase final.“Mi a realiza cu nos mester restructura y fortifica nos partido. Un partido fuerte y uni por enfrenta tur reto su dilanti. Mi a introduci un structura den cual nos lidernan di bario ta nos wowo, nos oido y nos boca den pueblo. Cu otro palabra, nan lo scucha y mira kico ta biba den nos comunidad, nan lo informa Conseho di Partido di esey. Hunto lo defini kico ta e prioridadnan riba cual MEP mester enfoca, y e mensahe ey e lidernan di bario lo hiba bek pa nos comunidad. Cu e structura aki nos miembronan ta haya un bos mas grandi den nos partido.Nos a realiza cu pa kibra e sistema di malinformacion, manipulacion y mentira cu actualmente e gobierno na mando tin nos pueblo aden, ta un structura fuerte y solido tin mester. Un structura cu ta inspira confiansa, y cu ta duna participacion real na nos pueblo”, segun lider di

MEP.

Un structura noboA base di e structura nobo, partido a instala 6 directiva di districto. Districtonan ta Noord, Playa, Paradera, Santa Cruz, Savaneta, San Nicolas. Cada directiva ta consisti di 15 persona, entre nan un presidente, un vice-presidente, un secretario, un tesorero. E districtonan a wordo reparti den bario y cada bario tin un comision di bario, cu ta consisti di e lidernan di bario. E lidernan di bario lo drenta

e barionan pa inventariza kico ta locual ta biba bao di nos comunidad, pa asina Conseho di Partido por fiha e prioridadnan. E resultadonan preliminario di mayoria di e districtonan ta conoci caba, y esakinan lo determina e programa di campaña 2013 di partido Movimiento Electoral di Pueblo. E structura di Conseho di Partido tambe lo cambia. Awor ainda ta e candidatonan so ta miembro di Conseho di Partido, e organo cu ta tuma decisionnan pa partido. Pero cu

e restructuracion e presidentenan di e directivanan di cada districto tambe ta bira miembro di e Conseho di Partido. Asina ta duna e presidentenan y e districtonan mas participacion den decisionnan importante di partido. Un partido di Pueblo, pa Pueblo. E restructuracion ta finalizando, y durante Congreso 2012 lo presenta e cambionan na miembronan di partido. Una vez e cambionan wordo aproba, partido ta restructura y por cuminsa

cu campaña.

Candidato noboAparte di e structura nobo, lider di partido a cuminsa busca candidatonan nobo. “Nos miembronan por spera un lista cu hopi cara nobo, un lista cu ta inspira confianza, vision nobo y experiencia combina. Den esaki nos directivanan di districto tin un voz importante, y algun districto ya a cuminsa propone candidatonan potencial pa e lista nobo. Tin hopi interes pa subi lista, pero algun di candidatonan potencial kier anuncia nan candidatura comienzo di 2013. Candidatonan potencial lo pasa un trayecto di preparacion como politico social democrata, pa asina nan ta cla pa campaña. E aña aki nos lo lanza algun candidato nobo. Durante Congreso 2012 otro luna por spera cu e prome dos of tres candidatonan nobo wordo lanza. E lista aki lo ta esun cu lo brinda e unico alternativa na nos pueblo den eleccion 2013”, asina lider di MEP Evelyn Wever-Croes a declara.

RESTRUCTURACION DI PARTIDO

MEP UN PARTIDO DI PUEBLO Y PA PUEBLO!

PARTIDO


Pa combati criminalidad y ilegalidad, trece trankilidad y seguridad den comunidad, Gabinete Oduber durante 8 aña a hiba un maneho hudicial sin distincion y sin interferencia politico y a percura pa reforza leynan ya estableci. Ilegalnan kendenan den pasado tabata drenta Aruba cu tur facilidad a wordo frena completamente. E gobierno di MEP durante 8 aña a traha duro pa combati tur clase di criminalidad, pero muy en particular criminalidad organiza, criminalidad cu

arma di candela, fraude y ilegalidad.Ta danki na e maneho dinamico aki, nos pais - compara cu otro paisnan den region - tabata relativamente trankil, cu un porcentahe abao di criminalidad. Cifranan den e Statistical Yearbook 2011 ta indica cu na 2007 e cantidad di crimennan cometi tabata 6277. Esaki a ser reduci na 2008 te na 5690 y na 2009 esaki a yega na un cantidad di 4864.Aki ta sigui un parti di tur e logronan di Gabinete Oduber riba tereno di husticia:

DURANTE 8 AÑA GABINETE ODUBER A PERCURA PA LOGRONAN GRANDI RIBA TERENO DI HUSTICIA

LOGRO


[email protected]

Durante 8 aña di Gabinete Oduber tur nos companianan di utilidad a wordo maneha den forma serio y responsabel, a haci inversionnan multi-miyonario den e companianan aki y tur tabata haci ganashi cuantioso. Historia por comproba cu ta danki na e gobiernonan di MEP e companianan WEB N.V. y Setar N.V. a wordo independiza. Alavez tabata Gabinete Oduber cu mediante financiamento di Nederlandse Investerings Bank (NIB) a percura pa cumpra e compania di electricidad Elmar y desde aña 2000 Aruba ta e unico doño di Elmar N.V. despues cu a caba di paga e fianza na N.I.B.Aki ta sigui un parti di tur e inversionnan cu Gabinete Oduber a haci den nos companianan estatal:

SETAR N.V.: Dia 31 di januari 2003 ex-Promer Ministro Nelson Oduber a firma pa independisa Setar N.V. E compania estatal aki no solamente a yuda Gobierno cu sumanan substancial pa paga parti di e debenan di garantia na e Italianonan

y debenan miyonario di promocion di turismo cu Gabinete Eman a laga atras, pero tambe a inverti grandemente den e propio compania, e.o. e renobacion y ampliacion di Centrale di Setar den Hendrikstraat, SETAR Teleshopnan na Irausquinplein, Palm Beach, Santa Cruz y San Nicolas. Alavez ta bao di gobernacion di MEP Setar a cumpra Tele Aruba N.V. y Cable TV N.V.

WEB N.V.: Pa garantisa pueblo un suministro continuo di awa y coriente, sumanan miyonario a wordo inverti den e.o. e

Turbina Generador nr. 7 di 33 megawatt, tres planta nobo di electricidad di e compania ‘Wärtsila’, planta di awa Reverse Osmosis y motornan RECIP y den

10 mulina di biento den e parke di mulina na Vader Piet. Esaki ta demostra claramente cu ta Gabinete Oduber a inicia cu e proceso di energia alternativo na

Aruba, sin cu nan tabata tin mester di viaha rond mundo, haci show y organiza un gran cantidad di conferencia internacional pa logra esaki.

ELMAR N.V.: Durante 8 aña di Gabinete Oduber a inverti sumanan miyonario den e compania aki, e.o. den construccion di un Transformatorhuis grandi na San Nicolas y esaki teniendo na cuenta cu den futuro e districto aki lo wordo desaroya positivamente, e.o. den e parti turistico na Seroe Colorado. Aki ta ser demostra claramente cu partido MEP tabata tin e determinacion pa laga tur e companianan aki ser maneha den forma profesional y leu for di esfera politico. Na final di 2009 tur e companianan estatal aki a wordo laga atras den un situacion financieramente saludable y cu un gran cantidad di proyecto visonario cu awe ta dunando su frutanan na comunidad.

GABINETE ODUBER A MANEHA E COMPANIANAN DI UTILIDAD RESPONSABLEMENTE

LOGRO

Turbina Generador nr. 7 di 10 mulina di biento den e Aruba, sin cu nan tabata tin

[email protected]


Na Aruba tin un indice bastante halto di e maleza di Dengue. Dengue ta un maleza viral cu ta ser ocasiona pa mordi di e sangura Aedes aegypti. Webonan di e sangura ta ser pone den awa cu para manera den tirenan di auto. E larvanan ta desaroya den e awa y ta cambia cuero cuater biaha y e sangura ta sali den mas o menos dos dia. E sangura ta tur caminda y asina ta pika hendenan cu ta haya e maleza. E cantidad di casonan di dengue registra ta

aumentando drasticamente.Aumento di 1455 caso

Segun Centraal Bureau voor de Statistiek, tabata tin 350 caso na aña 2008, y den apenas dos aña esaki a aumenta te na 1760 caso registra den 2010. Esey kier meen cu den dos aña nos a conoce un aumento di 1455 caso. E consecuencianan di Dengue ta keintura halto, dolor di cabez fuerte, diarrea, mancha na cuero, dolor di musculo y weso pero tambe

bo por fayece di Dengue. Esaki a sosode tambe na Aruba, na unda oficialmente tin casonan registra di fayecimento pero den pueblo ta ser bisa cu e casonan ta mas hopi.

Control y boet pa concientiza

Mirando e consequencianan grandi pa salubridad publico bo lo por a spera hopi urgencia pa di parti di gobierno. Sinembargo esaki no ta e caso. Gobierno ta activo cu su instancianan di Gobierno controlando y partiendo boet na un nivel standard. Segun director di GKMB Roque Dirksz na Noord a controla como 600 cas y ta calcula cu di 25 pa 30 boet a wordo duna na casnan caminda a haya criadero. Pero ainda mester warda e proceso keda cla dor di Ministerio Publico, cu ta dicidi riba cuanto lo mester paga na

boet. A controla den Paradera caminda a cuminza na Seroe Patrishi, sigui pa Pavia, y tur e demas bario cu ta parti di e distrito aki. Sr. Dirksz a bisa cu ta mas of menos un mil cas a wordo controla pa di dos biaha. Un team di 6 grupo ta envolvi den e control aki unda cu GKMB ta conta cu seis auto y 25 trahador. Nan a confronta cu dos tipo di criadero, esnan haya den hemchi cu ta hopi caso, y den artefactonan lubida benta den cura, manera wasmachine of frigidaire. Tambe den bari caminda hendenan ta colecta awa, pa por ehemplo, muha mata. Sr. Dirksz a splica cu e meta di e control aki ta pa concientiza e poblacion riba e peligro cu tin criadero den cas ta representa pa e famia mes y esnan biba mas cerca cu por wordo bishita pa e sangura cu ta infesta cu e virus di dengue

No tin placa pa elimina criaderoNa Aruba mester elimina e presencia di e sangura Aedes Aegypti urgentemente. Gobierno a palabra cu sector priva mester financia mitar di e proyecto miyionario aki pa caba cu e sangura di dengue na Aruba, pero mas di un aña a pasa y nada. E motibo real pa e tardanza aki no ta conoci. Pesey nos mester puntra nos mes, pakico Gobierno mes no ta asumi su responsabilidad pa e bienestar di nos Pueblo y saca placa pa paga e proyecto pendiente aki? Si pa otro asuntonan manera e tram si tin placa mesora, pakico pa elimina criadero no tin placa? E contesta ta obvio, Gobierno a malgasta placa y awor den vispera di un otro temporada di awacero, no tin placa pa elimina criadero di sangura na bienestar di nos Pueblo.

DENGUE TA UN PELIGER PA PUEBLO CU NO TA PRIORIDAD DI GOBIERNO

MINISTERNAN VISSER Y SEVINGER MESTER DUNA ATENCION NA E SITUACION DI ASBEST

SALUD

Na luna di Juni e dak di e gymzaal di Mon Plaisir ta wordo ranca pa un biento fuerte y di inmediato a manifesta su mes un peliger pa e salud di alumno y maestro di e school. E dak a wordo drecha y un aña escolar nobo a cuminza. Pero te ainda ta reina preocupacion cerca e mayornan di e alumnonan di e school. Nan no tin ningun seguridad cu e school ta safe pa nan yiu y ni Minister Dowers, ni Minister Visser, ni Minister Sevinger por demostra nan preto riba blanco cu e school ta safe. Pa colmo Minister Visser y Sevinger cu nan silencio a opta pa no duna atencion mes na e situacion di asbest na e school.

Cosnan a bay robezTin varios indicacion cu cosnan a bay robes. Na momento cu e dak di e gymzaal a kibra, e school a sigui funciona normal y e alumnonan, maestronan y mayornan a wordo exponi sin mas na e peliger di asbest. E ta conoci cu asbest ta bira un peliger pa nos salud, ora e kibra y e particulanan bay den biento. De e caso na Mon Plaisir, ta te despues di tres dia un experto por a midi e peliger di asbest den aire, cu consecuencia cu e resultado no por a

mustra e peliger real cu a presenta na e school. E area rond di e school, tampoco a wordo cera pa asina evita contaminacion di esnan den vecindario. Tin duda tambe si e compania cu Minister Dowers a laga drecha e dak, tabata debidamente certifica pa traha cu asbest, ya cu un experto di asbest mes a cuestiona esaki publicamente. Te ainda ningun hende sa si promer cu e school a habri bek, un experto a bolbe midi e aire, e tera y tambe e materialnan den e gymzaal, pa verifica cu nan ta liber di particula di asbest. DTI parce di no tin e aparatonan necesario pa haci e midimento. Asina mes cu tin tanto indicacion cu cosnan no a bay bon, Minister Visser ta keto keto y no ta splica ki medida di seguridad

a wordo tuma pa evita peliger pa salud pa e alumnonan, maestronan y e bisiñanan di e school.

Atencion pa medida di seguridad

Dentro di poco e school Cristo Rey cu tambe tin un dak di asbest mester wordo drecha. Mirando locual a pasa na e school Mon Plaisir, e Ministernan mester evita cu cosnan ta bolbe bay robez. Mester tene na cuenta cu den vecindario di e school aki tin dos otro school y nos no por afford pa expone mas

alumno, maestro y mayor na e peligernan di asbest. Pesey mes Minister Visser y Sevinger no por keda mas den silencio sin duna atencion na e situacion di asbest. E mandatarionan aki mester asumi nan responsabilidad di informa e Pueblo aki debidamente di e peligernan di asbest y cual ta e medidanan di seguridad cu Gobierno lo tuma pa evita cu nos muchanan inocente ta wordo exponi na e peligernan di asbest. E promer medida di seguridad cu mester di nan atencion ta, pa laga un compania debidamente certifica traha cu e asbest, ya cu e trabaonan na Cristo Rey lo wordo haci door di un compania nobo na Aruba di cual ningun hende sa si e ta debidamente certifica pa traha cu asbest.


[email protected]

HUSTICIA

Corant na Aruba ta yena cu noticia di ladronicia na cas, na negoshi, hortamento di auto y atraco arma riba negoshi y turista. Sinembargo ora cu nos di MEP denuncia e aumento drastico di criminalidad den e Pais aki, nos contrincantenan politico ta desmenti esaki categoricamente y nos Ministro di Husticia Arthur Dowers ta cualifica esaki simplemente como un percepcion robez. Pero luna pasa Centraal Bureau voor de Statistiek (CBS) a publica su cifranan annual den e Statistical Yearbook 2011, den cual nos por

mira un aumento drastico di crimen na Aruba den 2010.

Criminalidad ta subi drasticamente

Desde cu Gabinete Eman a sinta na November 2009 nos por mira con criminalidad a aumenta den forma alarmante na nos Pais. Riba e grafico adhunto nos tur por mira con durante e añanan 2007 te cu 2009 tempo di gobernacion di Gabinete Oduber, e cantidad di crimen na nos Pais a reduci. Sinembargo na 2010 na man di Gabinete

Eman e cantidad di crimen a aumenta di casi 5000 na 2009, pa mas di 8000 na 2010. Un aumento drastico di casi 70%.

Boycott logronan di MEP

E cifranan di CBS ta refleha e consecuencia di e decisionnan di Gabinete Eman pa boycotea algun di e logronan di Gobierno di MEP, manera entre otro, Guarda Nos Costa, e radarnan di Raytheon, e Visibility Team, e proyecto Radex pa Inmigracion etc. Pues no ta nada straño cu door di tur e boycotnan aki

criminalidad a aumenta drasticamente na nos Pais

Amienda di MEP rechaza

Durante tratamento di presupuesto 2012 pa nos Pais, e fraccion di MEP den Parlamento a entrega un amienda den cual a duna Minister di Husticia 9 miyon florin adicional pa e departamentonan cu ta resorta bao di Ministerio di Husticia pa asina por combati criminalidad mas efectivamente. Nos Cuerpo Policial ta un di e departamentonan cu seguramente por haci bon uso di e placa aki pa por emplea mas Polis y cumpra material necesario pa haci nan trabao. Pero e parlamentarionan di AVP, PDR y e miembronan independiente a vota contra e amienda aki. Lagando tur e placa extra aki wordo destina pa Gobierno paga coordinadornan, conseheronan, viahenan y propaganda. E falta di prioridad aki di Gobierno

y algun miembro di opocicion ta pone cu awe criminalidad na nos Pais ta di fiesta y nos Pueblo ta sufri.

Desmenti cifraAwor cu e cifranan di CBS ta verifica cu criminalidad a subi na nos Pais na man di Gabinete Eman, nos Minister di Husticia, sr Dowers kier bin bisa nos cu CBS no a haci su trabao bon y cu e cifranan aki no ta cuadra cu realidad. Ta parce manera cu sr Dowers no ta lesa corant y no ta cana den Pueblo pa e por mira con e Pueblo aki ta sufriendo na man di ladronicia. Si e Minister aki kier para riba cu e cifranan no ta bon, anto e mester pidi pa Minister Oduber, encarga cu CBS, splica Pueblo pakico e ta permiti CBS publica cifra cu no ta cuadra cu realidad. Tanten Pueblo mes por lesa den corant y ta biba den carni propio con criminalidad creciente manera un tsunami ta suta e Pais aki.

PARLAMENTO A VOTA CONTRA AMIENDA DI MEP PA DUNA HUSTICIA 9 MIYON FLORIN MAS

Criminalidad mientrastanto a aumenta cu 70% desde 2009HUMOR3.000.000.000

y mas ....!

Esaki no ta cos di hari!Miranan hunga anto

anos chikitonan mester paga!


Nos ta cuminsando un aña eschoolar nobo cu hopi reto pa nos docentenan. E Ley di Leerplicht lo keda implementa sin cu Gobierno a tene debido cuenta cu e preocupacionan cu nos docentenan ta trece dilanti.

Trabao adicional pa e maestronan

E aña eschoolar nobo aki e Ley di Leerplicht lo ta den efecto y ta obliga tur mucha entre 4 y 16 aña pa bay school tur dia. Si e mucha ta malo, of si tin un ocasion particular, por ehempel un entiero den famia, e mucha por keda cas, pero e mayor tin e deber di raporta esaki na e school prome cu 9’or di mainta. School y e departamento di leerplicht di Gobierno lo controla esaki. E Ley aki pues ta trece cune cierto obligacionnan pa mayornan y ta importante pa tur hende ta consciente di dje. E Ley ta trece tambe hopi trabao adicional pa e schoolnan. E directornan di school tin un responsabilidad grandi pa registra tur e casonan di mucha cu no ta na school. Tambe ora un docente ta ausente, e director di school no por manda e muchanan cas mesora. Nan mester busca un manera pa wanta nan e muchanan na school y precura pa docente di reemplazo of pa tin un hende pa tene supervision riba e muchanan.

No tin suficiente espacio na schoolnan

E Ley di Leerplicht ta pone cu mas mucha lo bay school e aña aki, e klasnan lo bira mas grandi y esaki ta afecta e calidad di enseñanza.

Docentenan ta pidiendo atencion pa basta tempo caba pa e problematica di klasnan grandi, pero no ta haya oido di Gobierno. E schoolnan nobo na Noord y na Dakota cu a keda priminti, ainda no a wordo construi y pesey por lo pronto nos schoolnan lo keda conta cu klasnan grandi. Esaki ta sin conta e hecho cu na Aruba nos tin mester di mas school pa nos muchanan special. E schoolnan existente pa nos muchanan cu problema pa siña ta yen y tin un lista largo di muchanan cu ta wardando pa asina por haya enseñanza riba nan nivel.

Scarcedad di trahador social na school

Na nos schoolnan tin hopi problema social ta manifesta su mes. Varios docente ta wordo confronta cu hobennan cu problema di comportacion na school pa motibo di e ambiente na nan cas cu no ta bon. Debi na e scarsedad di trahadornan social na nos schoolnan, e docentenan ta haya nan mes ta asumi e trabao di un trahador social tambe, locual ta haci nan tarea mas pisa. E combinacion

di tarea aki pa algun aña caba ta afectando e calidad di nos enseñanza seriamente, pasobra e docente ta haye ta trata cu problemanan social enves di duna les. Door di introduci e Ley di Leerplicht sin resolve e scarcedad di trahadornan social na school, e docentenan ta wordo poni bao di mas precion cu ya nan ta caba y esaki ta e problema di mas serio cu ta afecta nos enseñanza.

Posibel solucion

Mester bin mas informacion riba e Ley di Leerplicht pa asina nos Pueblo por ta consciente ki obligacionan e Ley aki ta trece cune tanto pa e mayornan como e docentenan. E schoolnan cu falta mester wordo traha mas pronto cu ta posibel pa asina alivia e scarcedad di school. Pero mas importante ta pa inverti awor den mas trahadornan social na nos schoolnan, pa asina nan por duna e asistencia necesario na e docente. Sin e alivio aki nos docentenan no lo por funciona optimal cu concecuencia cu nos calidad di enseñanza ta cay atras y ta keda leu di e enseñanza cu mester wordo brinda den un Pais di 5 strea.

PREOCUPACION PA PROBLEMANAN DEN ENSEÑANZA

Un aña escolar nobo yena cu reto pa docentenan

ENSEÑANZA

Despues di bishita varios school na apertura di aña eschoolar 2012/2013, MEP ta convenci cu na Aruba nos mester inverti mas den infrastructura di nos schoolnan y den materialnan di estudio mas moderno. Aki ta sigui algun punto cu sigur merece mas antencion di locual nan ta hayando awor for di Gobierno.

Inversion cu mantencion

Hopi di nos schoolnan ta den mal estado, y mester di mantencion. MEP ta propone pa tin mantencion continuo na schoolnan, caminda atencion especial mester wordo duna na e daknan di asbest. Tanten cu e daknan no kibra, no tin problema. Pero di e experiencianan di e hosnan aña pasa na Mei na Paradera y na Augustus na Noord, y e biento fuerte na Mon Plaisir na Juni e aña aki, nos a siña cu nos mester ta mihor prepara. Cu un bon plan di mantencion nos por logra cu nos schoolnan por keda un lugar safe pa nos studiantenan.

School secundario na Noord

Un otro problema den enseñansa ta e falta di un school secundario na Noord. E ultimo añanan e Pueblo di Noord a crece grandemente y esaki a haci e necesidad eminente. Nos a habri un otro aña escolar sin cu a cuminsa e construccion di e school secundario na Noord conforme plan cu e Gobierno di MEP a laga atras. Tabata tin hasta financiamento regla via FDA pa e school aki por bira un realidad. Pero e Gobierno aki a prefera di haci cambio den e prioridad aki y a usa e placa pa haci e proyecto di tram un realidad. Ta apenas algun siman pasa cu Gobierno a cuminsa traha riba un plan pa un di dos school secundario cu lo mester wordo traha riba e tereno di veld di baseball di Montaña. Te ainda e construccion di e school no a tuma lugar.

Ni sikiera e mapanan no a wordo pinta y no ta conoci ki tempo e school secundario na Noord lo bira un realidad. Unico cos cu Gobierno ta bisa ta, cu awor lo bai laga SOGA construi e school aki y Gobierno lo bai huur e school for di SOGA durante 30 aña. Pues pa 30 aña Gobierno mester bay paga huur tur luna, siendo cu Gobierno tabata tin e placa completo pa traha e school aki. Esaki ta prueba di e falta di vision di e Gobierno aki pa e bienestar di e studiantenan di Noord. Cu esaki nos enseñanza ta sufri un retraso di por lo menos 3 aña. Pasobra si a continua cu e plan cu MEP a laga atras 3 aña pasa, awor e school lo tabata cla caba y e aña escolar aki ya lo tabata tin studiantenan cu por a cuminsa nan HAVO/VWO na Noord. Ta di lamenta cu Gobierno ta kita e oportunidad aki for di nos hobennan, for di e Pueblo di Noord y for di henter nos comunidad. Na momento cu MEP ta bek den Gobierno, nos lo percura pa e proyecto aki bira un realidad.

Inovacion technico den enseñanza

Nos muchanan awendia kier traha mas cu computer, nan kier siña mas di internet. Ta solamente algun klas ta dispone di “digi-board”, esta e borchinan digital. Na Aruba nos ta canando atras cu inovacion technico den enseñanza, y cu esaki nos no ta tene atencion di nos studiantenan. Pesey nos mester inverti den mas inovacion tecnico, haciendo mas uso di “digi-board,” di computer y di internet na schoolnan. Docentenan mester por duna les usando internet y otro medionan computariza. Studiantenan, envez di carga tas pisa cu buki, cu ta daña nan lomba, mester usa mas computer, mas ‘tablets’, of ‘e-readers’. E vision di partido MEP ta pa medio di e mundo di tecnologia, stimula e interes di nos studiantenan pa nan supera nan mes y yega na e conocemento necesario cu mayan lo haci nan competitivo riba e mercado laboral.

VISION DI MEP PA MEHORA NOS ENSEÑANZA

Algun punto cu merece atencion


[email protected]

E luna aki, esta Augustus 2012 nos ta recorda cu 35 aña pasa nos Pueblo den forma decidido a lanta para pa defende cu alma y curpa su autonomia, su libertad. Historia ta demostra cu den e eleccion di Staten di dia 17 di Juni 1977 partido MEP a gana den forma aplastante, obteniendo 5 di e 8 asientonan y cu esaki e Pueblo Arubano a ratifica e mandato na MEP pa sigui cu e lucha pa libertad di e Pueblo aki. Despues di e victoria aplastante aki ningun hende na Aruba por a imagina loke ta sosode. E formador di Gobierno Central a maniobra di tal forma pa laga e partido mayoritario MEP for di Gobierno y asina keda sin respeta e decision di e electorado Arubano. .Pueblo di Aruba, mirando cu un partido di 1 asiento a drenta Gobierno Antiyano cu cooperacion di otro partidonan di otro islanan di Antiyas y lagando MEP completamente afor, a dicidi bao guia di Betico Croes hunto cu Gobierno Insular y gremionan pa lanta, protesta y pidi respet pa nos electorado Arubano. Sindicatonan den gran mayoria a pone trabao abao y a subi caya,

unda e sindicato di WEB tambe a notifica Gobierno cu lo kita coriente y consecuentemente esey a trece problema pa suministro di awa. Dia 11 di Augustus coriente a cay afor y henter nos comunidad a keda den scuridad total. E tension a sigui crece y nuebe dia largo Aruba tabata paraliza.

Riot Commando for di Corsou

Dos sindicalista, esta Presidente di IOWUA, sr. Chinto Geerman (q.e.p.d.) y sr. Juan Yarzagaray a ser encarcela, pa motibo di un pamfleta cu nan a saca. Pueblo tabata decidido. Despues di un reunion di MEP na Centro di Bario Noord, a dicidi cu lo bay Warda di Polis

na Playa pa exigi libertad di e sindicalistanan aki. Hendenan tabata furioso y tabata tira piedra riba e polisnan. Despues a bay protesta dilanti cas di Officier van Justitie Arps cu a bay baha bandera di Aruba cu tabata bula dilanti Bestuurskantoor. Mas laat den anochi a baha un avion yena cu Riot Commando for di Corsou bao guia di Castillejo Cova cu a bin marcha den cayanan di Oranjestad pa mustra nan poder. Durante e protestanan dilanti Bestuurskantoor balanan cayente a cay, a tira riba e jeep di Betico Croes y tambe varios persona a wordo herida y e mesun anochi ey Polis a distrui un auto Volkswagen cu dos ciudadano aden banda di Wilhelmina

Stadion. Na Aeropuerto e avion cu a trece e Riot Commando na promer instancia no por a baha, pasobra a blokia e pista cu e autonan di Cuerpo di Bombero, consecuentemenrte e avion mester a bolbe subi pa evita cu cosnan grave lo a sosode. Den tur e acontecimentonan aki e mayornan di Betico Croes a ser humiya, su primo y diferente otro personanan a ser herida y diferente lider di bario a ser persigui.

E deseo pa bira autonomo

concretizaLocual cu a sigui despues di tur e accionnan aki ta cu sindicatonan hunto

cu politiconan a tene un reunion grandi na Surfside, unda a dicidi cu a base di articulo 26 di Eilandenregeling lo bay manda un delegacion Hulanda. Hulanda porfin a habri wowo y a dicidi pa acepta un delegacion Arubano pa delibera tocante e futuro estatal di Aruba. Dia 3 di September 1977 den un forma triunfante e delegacion aki a sali rumbo pa Hulanda pa convence Madre Patria di Aruba su deseo di ta un Pais autonomo den Reino Hulandes.Mester reconoce cu ta danki na tur e accionnan aki den luna di Augustus 1977 awe nos Pais por ta gozando di su Status Aparte cu a trece tanto

DEN TEMPORECORDANDO 35 AÑA DI AUGUSTUS SCUR

Danki na e accionnan drastico di Augustus 1977 awe nos tin nos Status Aparte


INTERNACIONALDen prensa internacional a sali publica recientemente un articulo tocante e impacto di desempleo den e bida familiar na Spaña. E crisis bancario a afecta e economia di e Pais asina severo cu el’a causa un desempleo hamas bisto na Spaña. Asina mes e Pais mester tuma ainda mas medida severo di austeridad, cu consecuencia cu e mercado laboral ta sigui deteriora cada dia mas. Tras di e cifranan oficial di 25 porciento di desempleo, ta sconde un desaster social, cu ya ta tumando formanan spantoso. E articulo ta trece na claridad e miseria cu desempleo ta causando den bida di e pensionadonan cu tin yiu cu a perde trabao. Si ainda no tin mas hende ta subi caya na Spaña pa reclama un pida pan riba mesa, esey ta danki na e pensionadonan aki cu te ainda a logra mantene nan yuinan cu a perde trabou, cu e placa di nan pensioen. Pero pa cuanto tempo mas e dolor humano aki lo keda scondi den e sombra di e crisis aki? E articulo aki kizas ta un advertencia pa nos na Aruba.

Pensionado ta mantene yiunan cu

a perde trabaoE situacion social penoso na Spaña ta afecta bida di hopi pareha anciano cu ta mira nan soñonan conberti den un pesadiya. Despues di un bida pisa di trabao, despues di a paga e hipoteca di nan cas, enves di por disfruta di nan pensioen bon mereci, awor nan mester sostene nan yiunan hunto cu nan famia, ya cu desempleo ta reina na e Pais y e perspectiva pa trabao ta

uno casi nulo. E tasa di desempleo na Spaña ta haltisimo, esun di mas halto den Eurozone. Desempleo tin den casi tur sector laboral. Den cada 10 famia tin minimo un persona sin trabao. Mas y mas famia Spaño ta sucumbi bao di e peso di e recesion economico.

Placa no ta yega y e debenan di hipoteca cu nan no por paga mas, ta caba di hundi nan. Hopi ta depende di e pensioen di nan grandinan pa por

sobrevivi. Tanten cu no corta den e pensioennan, ta e grandinan ta ultimo recurso p’e famianan aki mantene cabez riba awa. Ta e grandinan ta lucha pa cria tres generacion pareu den nan apartamento cu no ta apto pa carga tanto hende. E parti positivo di e situacion aki ta, e muestra di solidarismo familiar. Pero di otro banda tin casonan na unda e desesperacion di desempleo ta pone yiunan pluma e grandinan di nan bienesnan y te hasta saca

nan grandinan fo’i cas di anciano, pa asina nan por cobra nan pensioen. Un acto lamentabel cu ta mustra e desesperacion di no tin un trabao.

E situacion na Aruba tambe ta

graveMientras tanto aki na Aruba nos ta hunga cu candela. Tin desempleo, pero ta parce cu nos no por confia e cifranan oficial cu Gobierno ta duna. Tin bastante

persona cu no por paga hipoteca of prestamo personal, nan huur di cas, e cuenta di utilidad y te hasta no por paga cuminda.

Pero nos Gobierno envez di mira kico ta pasando na por ehempel Spaña, ta scoge pa aumenta nos debe nacional den un forma desproporcional. Un maniobra kizas pa deliberadamente endeuda Pais Aruba, pa ora cu e dolornan scondi bao di e sombra di e crisis manifesta, djis duna Hulanda excusa pa den un accion di rescate, bolbe podera di e teritorio y gobernacion di Aruba.

E politica clasico di “Après moi le déluge,” na unda cu ta goberna nos Pais na un manera iresponsabel, fiando placa na banco, riba mercado internacional y di APFA, lubidando kizas cu mañan ora desempleo scondi sali na cla, ta hustamente e pensionadonan aki lo mester bay mantene nan yiunan cu nan placa di pensioen.

BIDA DI UN PENSIONADO BAO DI PRESION NA SPAÑAUn advertencia kizas pa nos na Aruba?


[email protected]

E MESAPa pone extra atencion riba e iregularidadnan den e proyectonan cu e Gobierno actual ta ehecutando y tambe pa hala atencion di Pueblo riba e asuntonan cuestionabel cu e Gobierno aki ta haciendo,

MEP ta tene un conferencia di prensa ‘on the field’ na e lugar na unda e iregulardidadnan aki ta tuma lugar of na unda cu tin asuntonan cu mester mas atencion di Gobierno. Pa e conferencia di prensa special aki MEP ta haci uso di un mesa. E Mesa, manera ya e ta conoci den Pueblo, ta cuestiona y ta trece na claridad tur locual e Gobierno aki kier tene scondi pa Pueblo. Den e sguiente reportahe grafico Pueblo por haya un bista unda E Mesa a pasa caba.

E MESA ON THE FIELD

Problema cu asbest na Mon Plaisir (XRM)

Cuestionando e rotonde cu San Nicolas no kier

E deficit na APFA

Den Caya G.F Betico Croes pa cuestiona e proyecto di Tram

Rosamento di groengebied na Palm Beach

Banda di hotelnan High Rise pidiendo atencion pa nos Turismo

Veld di Little League na Pos Chikito neglishaNa SIAD y Departamento di Finanzas cuestionando

finanzas publico

Compleho Deportivo Simeon Antonio lubida

Na Alto Vista cuestionando Urirama

Na Linear Park cu no tin fin di wordo finalisa

Na Mon Plaisir cuestionando e peliger di asbest

Pag 16 AUGUSTUS 2012VOX POPULIPABIEN ARUBA CU REBAHO DI PRIJS DI AWA

Y CORIENTE

Comunicado di WEB N.V., 1 di Juli 2012:

‘Entrante Juli 2012 WEB ta baha su tari-fa di awa y esaki ta danki na finalisacion di e plantanan di coriente RECIP III, e plantanan di awa Seawater Reverse Os-mosis SWRO II y bahada di prijs di co-mustibel. Mi ta contento cu porfin nos esfuerzonan pa haci eficiencia y haci inversionnan grandi for di aña 2006 bay ariba, awor ta duna su frutanan’. Director di WEB N.V.

E REDUCCION AKI TA DANKI NA E

VISION Y DETERMINACION DIGABINETE ODUBER

MEP SEMPER TA CUMPLI !!

PABIEN ARUBA CUREBAHO DI PRIJS DI AWA

Y CORIENTE

E REDUCCION AKI TA DANKI NA EVISION Y DETERMINACION DI

GABINETE ODUBER

MEP SEMPER TA CUMPLI!!

augustus, 2012 - edicion 1

Documents

pa asina ta

ta nan

pueblo ta

aruba ta

ta casnan cu

activo di mep

serio cu ta

ta scucha kico ta