godokono wade tabo - scripture earth wade tabo the new testament in the fly river dialect of the...

Godokono Wade TaboThe New Testament in the

Fly River dialect of the Tabo language of Papua New Guinea

Nupela Testamen long tokples Tabo (Fly River) long Niugini

Godokono Wade TaboThe New Testament in the Fly River dialect of the Tabo language of

Papua New Guinea[knvF]

Translation by Wycliffe Bible Translators

2006 The Bible Society of Papua New Guinea

Print publication, 2006 by The Bible Society of Papua New GuineaPrint version ISBN: 9980 63 977 6

Web version2014, Wycliffe Bible Translators, Inc.

www.Wycliffe.org

http://pngscriptures.org

www.ScriptureEarth.org

Creative Commons license (Attribution-Noncommercial-No Derivative Works)http://creativecommons.org/licenses/by-nc-nd/3.0

Your are free to share to copy, distribute and transmit the text under the following conditions: Attribution. You must attribute the work to Wycliffe Bible Translators (but not in any way that

suggests that they endorse you or your use of the work). Noncommercial. You may not use this work for commercial purposes. No Derivative Works. You may not alter, transform, or build upon this work. In addition, you have permission to port the text to different file formats, as long as you dont

change any of the text or punctuation of the Bible. Notice For any reuse or distribution, you must make clear to others the license terms of this work. Tok Orait

Dispela Buk Baibel i kam wantaim tok orait na lo bilong Creative Commons Attribution-Noncom-mercial-No Derivative Works license. Em i tok olsem yu ken givim kopi long narepela manmeri. Yu ken wokim kopi na givim long husat i laikim. Tasol, yu mas tok klia dispela samting i kam long http://tokplesbaibel.org. Yu no ken kisim mani na salim dispela. Yu mas givim nating. Na tu, yu no ken senisim Tok.

Ol piksa i kam wantim ol Baibel na narapela buk i stap long dispela sait i gat tok orait long usim wan-taim dispela samting tasol. Sapos yu laik narapela tok orait, yu mas askim husat i papa bilong copyright long dispela ol piksa.

Sapos yu laik stretim samting i no orait long dispela tok orait, stretim tok, salim Buk Baibel, o tainim Tok bilong God long nupela tok ples, yu ken askim mipela.

Olgeta tok orait na lo long tok ples English i stap long http://creativecommons.org/licenses/by-nc-nd/3.0.

Sapos yu gat askim long dispela, plis askim mipela.

Me Kawo Bukano Iyaiya Egege Buka

Oli Nopo Buka Gopogopo

Yasukono Wade Tabo Matiyute Akuloliya Matiyu . . . . . . . . . . . . . . . . . . . . .Mat . . . . . . . . . . . . . . 1

Yasukono Wade Tabo Makate Akuloliya Maka. . . . . . . . . . . . . . . . . . . . . . .Mak . . . . . . . . . . . . . 104

Yasukono Wade Tabo Lukute Akuloliya Luku . . . . . . . . . . . . . . . . . . . . . . .Luk . . . . . . . . . . . . . 163

Yasukono Wade Tabo Yonete Akuloliya Yone . . . . . . . . . . . . . . . . . . . . . . .Yon . . . . . . . . . . . . . 270

Yasukono Alibolepi Dubuno Osiyodilole Tanalo Alibolepino Osiyodilole Tanalo . . . . . . . . .Ali . . . . . . . . . . . . . . 350

Polote Leta Loma Sosi Epatamo Osiyodiliya Loma. . . . . . . . . . . . . . . . . . . . . . .Lom . . . . . . . . . . . . . 451

Polote Dopo Leta Kolini Sosi Epatamo Osiyodiliya 1Kolini . . . . . . . . . . . . . . . . . . . . .1Kol . . . . . . . . . . . . . 506

Polote Naba 2 Leta Kolini Sosi Epatamo Osiyodiliya 2Kolini . . . . . . . . . . . . . . . . . . . . .2Kol . . . . . . . . . . . . . 565

Polote Leta Galesiya Opono Sosi Epatamo Osiyodiliya Galesiya . . . . . . . . . . . . . . . . . . . . .Gal . . . . . . . . . . . . . 603

Polote Leta Epesese Opono Sosi Epatamo Osiyodiliya Epesese . . . . . . . . . . . . . . . . . . . . .Epe . . . . . . . . . . . . . 623

Polote Leta Pilipai Opono Sosi Epatamo Osiyodiliya Pilipai . . . . . . . . . . . . . . . . . . . . . .Pil . . . . . . . . . . . . . . 643

Polote Leta Kolosi Opono Sosi Epatamo Osiyodiliya Kolosi . . . . . . . . . . . . . . . . . . . . . .Kol . . . . . . . . . . . . . 655

Polote Dopo Leta Tesalonaika Sosi Epatamo Osiyodiliya 1Tesalonaika . . . . . . . . . . . . . . . . . .1Tes . . . . . . . . . . . . . 668

Polote Naba 2 Leta Tesalonaika Sosi Epatamo Osiyodiliya 2Tesalonaika . . . . . . . . . . . . . . . . . .2Tes . . . . . . . . . . . . . 679

Polote Dopo Leta Timotitamo Osiyodiliya 1Timoti . . . . . . . . . . . . . . . . . . . . .1Tim . . . . . . . . . . . . 685

Polote Naba 2 Leta Timotitamo Osiyodiliya 2Timoti . . . . . . . . . . . . . . . . . . . . .2Tim . . . . . . . . . . . . 701

Polote Leta Taitasitamo Osiyodiliya Taitasi . . . . . . . . . . . . . . . . . . . . . .Tai . . . . . . . . . . . . . 712

Polote Leta Pailimonitamo Osiyodiliya Pailimoni . . . . . . . . . . . . . . . . . . . .Pai . . . . . . . . . . . . . 719

Godokono Wokodawate Leta Yu Epo Nanitabokobi Midipiatamo Osiyodiliya Yu Epo . . . . . . . . . . . . . . . . . . . . . .Yu Epo . . . . . . . . . . . 723

The New Testament in Fly River Tabo of Papua New Guinea; 1st ed. 2006; web version, 2014, Wycliffe Bible Translators, Inc.

Yaimesikono Leta Ebete Nanitabokobi Midipiatamo Osiyodiliya Yaimesi . . . . . . . . . . . . . . . . . . . . .Yai . . . . . . . . . . . . . 768

Pitakono Dopo Leta Ebete Nanitabokobi Midipiatamo Osiyodiliya 1Pita . . . . . . . . . . . . . . . . . . . . . .1Pit . . . . . . . . . . . . . 782

Pitakono Naba 2 Leta Ebete Nanitabokobi Midipiatamo Osiyodiliya 2Pita . . . . . . . . . . . . . . . . . . . . . .2Pit . . . . . . . . . . . . . 798

Yonekono Dopo Leta Ebete Nanitabokobi Midipiatamo Osiyodiliya| 1Yona . . . . . . . . . . . . . . . . . . . . . .1Yon . . . . . . . . . . . . 807

Yonekono Naba 2 Leta Ebete Nanitabokobi Midipiatamo Osiyodiliya 2Yona . . . . . . . . . . . . . . . . . . . . . .2Yon . . . . . . . . . . . . 820

Yonekono Naba 3 Leta Ebete Nanitabokobi Mididawa Iditamo Osiyodiliya 3Yona . . . . . . . . . . . . . . . . . . . . . .3Yon . . . . . . . . . . . . 823

Yudakono Leta Ebete Nanitabokobi Midipiatamo Osiyodiliya Yuda . . . . . . . . . . . . . . . . . . . . . . .Yud . . . . . . . . . . . . . 826

Me Opo Uwomu Teteno Iyaiya Tanalo Godote Yonetamo Dawokalilamiya Awokalilame Tanalo . . . . . . . . . . . . . . .Awo . . . . . . . . . . . . . 831

Kodakoda Tabono Magumu . . . . . . . . . . . . . . . . . . . . . . . . . . . . . . . 886


Me Bukano Mabu Awokalimi Tabo

Me buka ebe Fly Tabo epono bukala, ibi mabuma ale me tabono iyaiya tanalo keyakeyapino Baibolo bukane obamidalima. Egawalo kalakala kawonomola, me atu tetelo ale Aramia Tabo epono buka ibi mabuma atumu kosiyodilima. Buka kalamioledawa, amale me bukano unu tabo ma kunu umata, Godokono Wade Tabo, Ebete Ebeno Oli Nopo Epatamo Diyatiya.

Ebema ale aimano kawo kalakalanomo Godotamo adipatema, mabu ebeno nilakapo magumulo ebete ebeno ubi tanalo iyalo iyatiya me wade tanalo Tabo epatamo kosiyodiloma. Me mabuma 1987 ulamalo wagilimite, ebete iyaiya nanitabokobi midipi epetapino tepo magumuno woki eba wadipalatelelo ibino towetowe tabo gela tanalodo egawalo ibino mani ikameo tanalodo atamo elawo ikaeamenaki, ale me woko nanitabonomolo kopoliyama.

Ebema modobola Godote me bukano woko osiyodilo tanalone kawo amama tanalonomo nalawenakomene, mabu nanitabola, Ebete moto ete woko osiyodiloano, piyate ebe woko osiyodiloma dowagelena ibate nanitabo tanalo akuimana (Oale 127:1). Ebema kalakala kawonomola, Godote kebe woko iyalo dowagilimiya, ebete ebe wade woko ebeno Tabo epagodolo eba osiyodilona, modobola ibate me Igilo Buka kalamiole tanalodo egawalo iyatulame tanalodo ibino nanitabokobi midi magumulo kodakodanomoma nedahamena.

English Preface

This book is a translation of the New Testament into the Fly River dialect of the Tabo language of Papua New Guinea. It is being published simultaneously with the New Testament for the other half of the language, the speakers of the Aramia River dialect. The two dialects together presently comprise a total of about 3,400 speakers, most of whom live in villages located along the banks of the Aramia, Bamu, and Fly Rivers as well as Segero Creek.

We offer thanks to God who out of love for the Tabo people determined to give them this special gift. We are grateful to Him for the many, many individuals who, by their faithfulness in prayer and giving over the years, have enabled us to complete this work. Through them God has caused this portion of His Word to become a reality for the Tabo people in their heart language.

And so we dedicate this book to God for his eternal glory, for truly, Unless He builds the house, its builders labour in vain (Psalm 127:1). May He use the reading and the teaching of this Book of Life to continue building His house among the Tabo people, helping them not only to grow as a church in terms of numbers, but also in an ever increasing quality of faith.


1

Yasukono Mabu Epono Mailono Tanalo Luk 3:2338

1 1Yasu Kelisoko ebe Daibidikono walone gudula, egawalo Daibidiko ebe Aibalayamakono walone dawala, ebene me ebe Yasukono mabu epono mailono tanalola.a

2 Aibalayamako tetene wagilimite Daibidiko tetamo pemaiga, Yasukono mabu epono tanalo ma kunula.

Aibalayamakono gudu Aisaketela.Aisakekono gudu Yaikobotela.Yaikobokono gudu Yudatela, wiyasiya Yudako kapiya kosiyodiliya,

ebeno nani egawalo ekaki epetapi ebago nilukulinamiya.b3 Yudakono gudi netewa Peleseko egawalo Silako, ibino menoko

Taimatela.Pelesekono gudu Esalonatela.Esalonakono gudu Lamatela.c4Lamakono gudu Aminadabatela.Aminadabakono gudu Nasonatela.Nasonakono gudu Samonotela.5Samonokono gudu Bowasetela, ebe guduno menoko Laiyabatela.Bowasekono gudu Obedatela, ebe guduno menoko Lutitela.Obedakono gudu Yesitela.d

YASUKONO WADE TABO

MATIYUTEAKULOLIYA

a 1:1 W Mabu 22:18 b Buka kalamioledawa, modobola ama me tanalo niyatawa, Yu epo magumulo 12 gu tanebapiate ilukulinamiya, ibate Yaikobokono 12 dubu gudagodone maimiya. c 1:3 W Mabu 38:2930; Lut 4:1822 d 1:5 Lut 4:1317


2

e 1:6 2Sam 12:24 f 1:11 2Ela 24:1415; Yel 27:20 g 1:12 Esa 3:2

6 Yesikono gudu Daibiditela, ebete Isalaela opono Kawo Elawodubuma edanami.

Ebene Daibidiko tetene wagilimite Yekonayako tetamo pemaiga, Yasukono mabu epo me ebe Yu epo Kawokawo Elawodubula, ibino mailono tanalo ma kunula.

Daibidikono gudu Solomonotela, ebe guduno menokote dopamo Ulayakono kamiyalema edanami.e

7Solomonokono gudu Liyobaumatela.Liyobaumakono gudu Abayatela.Abayakono gudu Aisatela.8 Aisakono gudu Yosapatatela.Yosapatakono gudu Yolamatela.Yolamakono gudu Usayatela.9Usayakono gudu Yautamatela.Yautamakono gudu Aiyasatela.Aiyasakono gudu Esekayatela.10Esekayakono gudu Manasatela.Manasakono gudu Amonatela.Amonakono gudu Yausayatela.11Yausayakono gudu Yekonayatela, wiyasiya ebe kapiya kosiyodiliya,

ebeno ekaki epetapi ebago nilukulinamiya. Yekonayako tetelo Babaloni gowelaopiate pelamete Isalaela opo epo elawamo puwatete ibino Babaloni oponomamo ebo magataliya.f

12 Ebene gowelaopiate ibi Babaloni opamo demagataliya ebe tetene wagilimite Yausepeko tetamo pemaiga, Yasukono mabu epono tanalo ma kunula.

Yekonayakono gudu Siyatiyelatela.Siyatiyelakono gudu Selababelatela.g13 Selababelakono gudu Abiyudatela.Abiyudakono gudu Elayakimitela.Elayakimikono gudu Aisotela.14Aisokono gudu Saidokatela.Saidokakono gudu Aikimitela.Aikimikono gudu Eliyudatela.15Eliyudakono gudu Eliyesatela.Eliyesakono gudu Matanatela.Matanakono gudu Yaikobotela.16 Yaikobokono gudu Yausepetela. Yausepeko ebe Malikono awila

egawalo Malite Yasuko alaimiya, ebe gudu epate Godokono Alibodawa Kelisoma kaminaka.

Mat1


3

h 1:18 Luk 1:27,35 i Yasu mailono magumu nitana Godoko ebe Igilo Muladawala. j 1:21 Luk 1:31; 2:21 k 1:23 Ais 7:14 l 1:25 Luk 2:21

17Ebema Yasukono mabu epono tanalo ma kunula. Aibalayamakono tetene wagilimite Daibidikono tetamo pemaiga 14 epola, egawalo Daibidikono tetene wagilimite gowelaopiate epo Babaloni opamo demagataliya ebe tetamo pemaiga 14 epola, egawalo Babaloni tetene wagilimite Kelisokono tetamo pemaiga 14 epola.

Yasu Kelisokono Awokala Tanalo Luk 2:17

18 Ebene Yasu Kelisote keba kunu kawokaliyale, me ebe tanalola. Ebeno menoko Maliko Yausepetamo natamiya, ebene ibate kapiyama edano, Malite dopamo iyatawiya ebete Godokono Uliyanamo lamituma edate gudu kalaimimene.h 19Ebeno awi Yausepeko ebe wade tuputupudawanomola. Ebema ebete Maliago kapiyama edano ebete ebeno lamituma eda tanalo diyatawiya, ebe tetelo ebe ubila Maliko gelebadiago alibutima, mabu ebe ubianola epono ololo apulo ebetamo ilipo ikaema. 20Wiyasiya ebete me tanalo eba malagidilolo Kawodawa Godokono nopodawate iyo gabodo ebetamo maiganate negeni, Daibidikono alamu Yausepe, amale Maliko aimano kamiyalema edama akotoletolala, mabu ebeno tepo magumulo daluta ebe gudu Godokono Wadetalena Uliyanate ebetamo ikami. 21Iyo, ebete dubu gudu kalaimimene ebene ama ebeno mailo Yasuma nekamiye, mabu ebete ebeno epo ibino iyaiya kuba osiyodilole magumune uwatete ibino igilo kamulalelaemene.ij

22 Ebene me tanalo bilibilinomate emaimiya, Kawodawa Godote ebeno woki awokalimidawado degiya ebe tabote nanitaboma kedama, iyo, iyalo tetelo ebete tabo ma kunu giya, 23 Buwelete lamituma edate dubu gudu kalaimimene,

ebene ibate ebeno mailo Imanuwelama kekaimana.Buka kalamioledawa, modobola ama niyatawa me Imanuwela mailono magumu nitana Godote ago nokolina.k

24Ebema Yausepete u wata baine maiganate Godokono nopodawate ebe beda tabo kananiyale, ebete ebe tabamo tuduwatate Maliko ebeno kamiyalema ebo lawiya. 25Wiyasiya Malite gudu Yasuko alaimiano Yausepete dopamo ebago kapiyama kediya, ebene Malite Godokono gudu dalaimiya ebe tetelo Yausepete ebe Yasuma ebo kamiya.l

Mulolo Mawele Kalamiolepi Dubuno Tanalo

2 1Elodite Yudiya opolo Kawo Elawodubuma eba edanalo, idoko idilo Yasute ebe opono Beteliyama duliyomololo ebo awokalani. Ebene

Mat1 , 2


4

m 2:2 Nabas 24:17 n 2:6 Mai 5:2; Yon 7:42

egela epetapi dapetoiya, ebe tetelo mulolo mawele kalamiolepi dubate egelate dapemaiganako eba apune mulu opone pelamiya Yudiya opono kawo duliyomolo Yelusalemamo. 2 Ibate ma kunu pegeliya, Keleka Yu epono Kawo Elawodubuma edama dawokali ebe gudu? Ale ebeno mawele aimano mulu opolo umite ebe amamatema pelaema.m

3Ebema Kawo Elawodubu Elodite me tanalo dolowiya ebeno tepo magumulo woki bilibilinomoma ediya, egawalo Yelusalema kawo duliyomololo dilukulionamiya ibi bilibilinomate atumu woki bilibili tanalo ebo kelawiya. 4Ebene Godotamo kalimagono ikameopino ununomo watowatopi egawalo Godokono Totomu iyatulamepi, Elodite ibi bilibilinomo ebetamo kalamite nalatedaliya, Laimano woki keba kunulaka? La Yu epono Kawo Elawodubu Kelisote kebe duliyomololo nakawokalamene?

5Ibate ebetamo nowamiya, Ebete Yudiya opono Beteliyama duliyomololo kawokalamene, mabu Godokono woki awokalimidawate Godokono Bukamo tabo ma kunu akuloliya, 6 Beteliyama duliyomolo Yudiya opolo ditana,

Yudiya opono kawokawo elawodubu magumulo ama dapesoa,mabu ama magumune epono watodawate kemaigamene,

naimano Isalaela epo ebete bulamenamene.n7Ebene adimo tetelo Kawo Elawodubu Elodite mawele ka lamiolepi

diya gabodo ebetamo ebo ka lamini, mabu ebe ubila mawelete kebe tetelo kemaiganiyale ibagodone ebe tete kiyatawanama . 8Ebete ebe tanalo lawenate ibi eba alibolenalo nanaleni, La tolamawete Beteliyama duliyomololo gudu wadenomamo nowadiawete danumaema, modobola la walo kapelamawete na napananiyala , ebene nale atumu katote ebe kakanamamatemamo.

910Ebema mawele kalamiolepiate Elodikono tabo olowinate gito tolameniya. Ebene ibate eba tolamenalo, egelate dapemaiganako ebe mulu opolo dopamo duminiya, ebe atu mawele walo nakanuminiya. Ebe tetelo ibate mawele dakanuminiya kalakala ebo nelaweniya, o kalakala beda kawonomolaka, ebene ebe mawelete ibi dopolamenate eba tonalo, gudute kebolo kowataniyale mawelete ebe tetenomamo gito nutini. 11Ebema ibate ebe moto guamo nopilaonate gudu egawalo ebeno menoko Maliko ebo nulameniya. Ebe tetelo ibate ibino pupamo eba ilukulinalo gudutamo tudilaonate ebe ebo amamateniya, ebene ibate dopamo mani kawokawonomamo duwateiya ebe nilakapo inamabu waulatelenate gudutamo ebo ikameoniya, ma kunu golodo mani, ape abutimino wade nibo inamabu, egawalo wade nibo ii inamabu idi.

12 Ebe idokolo Godote iyolo ibi nanaleni, La Kawo Elawodubu Eloditamo walo akotolamala, ebema egela idilo ibate wagilimite gabo idido ibino oponomamo ebo tolamiya.

Mat2


5

o 2:18 Yel 31:15; W Mabu 35:19

Yausepeko Maliko Ibate Isipiti Opamo Dalautiniya13 Ebene idoko idilo Kawodawa Godokono nopodawate Yausepetamo

iyolo pemaiganate ebe napanani, Modobola ama samonomamo maigawete, gudu egawalo ebeno menoko uwatawete Isipiti opamo nalautala. La ebolo eba nokolionalo, kebe tetelo nale la dakanaletama la mamo walo ebo kakapemamota, mabu tete tatalila Elodite gudu anakapuima Beteliyama duliyomololo kapowadimene. 14Ebe tetelo Yausepete maiganate gudu egawalo ebeno menoko uwatenate Isipiti opamo to gabodo ebo toniya.

15Ebema ibate Isipiti opamo nemaimite ebo nokoliya Kawo Elawodubu Elodikono ae tetamo. Me tanalote ma kunu pemaigiya Kawodawa Godote ebeno woki awokalimidawado degiya ebe tabote nanitaboma kedama, iyo, iyalo tetelo ebete tabo ma kunu giya, Naimano gudute Isipiti opone kapema nale ebe kekaimamo.

Elodite Gudi Egege Danakapulamiya16 Ebene mawele kalamiolepi dubate Elodiko ada demasigiya, ebete

me tanalo iyatawate kawonomamo dowiya. Ebe ubi kawonomola gudu Kelisoko anakapuima, ebema ebete Beteliyama duliyomololo egawalo niyakabolo dilukulinamiya ebe epatamo gowelaopi dubu aliboliya, ibate tolamete netewa ulama tete dubu gudi egawalo aliali gudi bilibilinomo kananakapulaema. Ebete ma kunu osiyodiliya mabu mawele kalamiolepi dubate ebe aniya kawo mawelete iyalo netewa ulama tetelo dopamo emaigani.

17Me tanalote ma kunu pemaigiya Kawodawa Godote ebeno woki awokalimidawa Yelemayado degiya ebe tabote nanitaboma kedama, iyo, iyalo tetelo ebete tabo ma kunu giya, 18 Laima duliyomolo epagodone imi kawonomote maiga,

mabu Lesulate ebeno gudi liyalamena!Iyo, ebete gowelalo diina katepana,

mabu ebeno gudi bilibilinomate nanitabolo aela.o

Yausepeko Maliko Ibate Isipiti Opone Walo Dakapiya19Walone tetelo Elodite daiya, Yausepete Isipiti opolo eba okolinalo

Godokono nopodawate iyo gabodo ebetamo ebo maigani. 20Nopodawate ebe nanani, Ama gudu egawalo ebeno menoko uwatawete, la Isalaela opamo nakolowamiyala, mabu gudu anakapuima dowagelenamiya ibate aelaiya. 21Ebene Yausepete maigate gudu egawalo ebeno menoko uwatete Isalaela opono pe gabodo walo nakapiya.

Mat2


6

p 2:23 Luk 2:39; Ais 11:1; 53:2; Yon 1:45 q 3:2 Mat 4:17; 1:15 r 3:3 Ais 40:3 s 3:4 2Ela 1:8 t Yasukono tetelo Yu epono iyatulamepiate netewa taneba magumulo ilukulinamiya, ebe taneba netewano mailo ebe Palisi tanebapi egawalo Sadiyusi tanebapila. Ebe netewa tanebapiate woki kapiyama kedaonamia, ibate apaminateuago ilukulinamiya. Palisi tanebapiagodolo totomu bilibilinomate polanamiya, ibate totomu epetapi Godokono Bukane uwatiya egawalo totomu epetapi ibi akatuwa ibino woki mabune uwatiya. Ebema ibate ebe totomu bilibilinomo uwatete wadenomamo tudilaonamiya, egawalo piyate atu totomu uwateano Palisi tanebapiate ibi kubakubapima gelanakiya. Sadiyusi tanebapino tanalo iyala. Ibate akatuwa ibi Godoko walomatapima gelanakiya, wiyasiya ibino kateneno ubilo wapatalamenamiya, ebema ibate Palisi tanebapino totomu bilibilinomamo katudilaonamia.

22 Wiyasiya Yausepete tanalo idi ma kunu olowiya, kalo Elodikono gudu Akeleyasiko ebete ebeno nabiwino gobebobo lawete Yudiya opolo Kawo Elawodubuma edi. Ebema Yausepete Yudiya opolo nokolima datoletoliya, ebe tetelo Godote iyo gabodo tabo idi ma kunu palibiya ebete Galili opamo katoma. 23 Ebene ibate Galili opono Nasalete duliyomolamo nemaimite ebo nokoliya, mabu iyalo tetelo Godokono woki awokalimipiate negeliya, Epate Kelisoko Nasalete duliyomolodawama kekaimana, ebema me tanalote ma kunu pemaigiya Kawodawa Godokono tabote nanitaboma kedama.p

Yoneko Epo Obamo Wadubamidaoledawate Godokono Tabo Dakiyawaiya Mak 1:18; Luk 3:118; Yon 1:1928

3 1Ebene ulama epetapi dapetolamiya, ebe tetelo Yoneko epo obamo wadubamidaoledawate pete Yudiya opono bulu opolo Godokono tabo ma kunu pakiyawaiya, 2 Laimano kubane nolobilala, mabu Godote Kawo Elawodawama dedana ebe tanalote nape!q

3 Nanitabola, Godokono woki awokalimidawa Aisayate dopamo Yonekono pe tanaloma tabo ma kunu giya,

Lumagite bulu opolo tabo ma kunu kawonomamo kapegemene,Kawodawano gabo nosiyodilomala,ebeno gabo natupugaimala!r

4Ebe tetelo Yonekono okoli tanalo ebe epo epetapino ilukuli tanalo keba kunulaka eba kunua, mabu ebete kamologoeo ipo kuba kaliku kaugoeo tama batago pulinaki, egawalo ebeno bae siguniya egawalo molo naonaki.s 5Ebema Yelusalema kawo duliyomolo epo egawalo Yudiya opo epo epetapi egawalo Yodane Kolomo apulo dilukulionamiya, ibi bilibilinomate Yonetamo tolamiya ebeno tabo olowioma, 6 ebene ibate ibino kuba danawokalilamoliya, ebete ibi Yodane Kolomolo obamo ebo wadubamidaoliya.

7Ebe tetelo Palisi tanebapi egawalo Sadiyusi tanebapi,t ibi epetapi bilibilinomate Yonetamo tolamiya ebete ibi obamo wadubamidaolema,

Mat2 , 3


7

u 3:7 Mat 12:34; 23:33 v 3:9 Yon 8:33,39; Lom 4:12 w 3:10 Mat 7:19; Luk 13:69 x 3:11 Yon 1:2627,33; Ali 1:5 y 3:16 Yon 1:32 z 3:17 Oale 2:7; Ais 42:1; Mat 12:18; 17:5; Luk 9:35

wiyasiya Yonete ibi ulamete ibatamo negiya, La bu kalulata! La potele kanaletia obamo wadubamidaolema dapelamaema, ba, Godokono kawo dowa tanalonomote latamo akapemene? Ao, kapemene!u 8 Laimano tepo magumu iyakobi damidilaema, modobola la laimano nanitabo tanalo awokalima wadewade tanalo nosiyodilolala. 9La akatuwa laimano wokilo ma kunu akogelanakala, A modobola mabu Aibalayamako ebe aimano ewono nabiwila. Ao, la akamodobomata! Na latamo nani tabo gemo, Godogodolo elawo bitana ebete me nokolamo Aibalayamakono gudi kosiyodilolema!v 10Ebema kalo Godote ebeno kabi ali, noloa daimi kewa bilibilinomo ebete lute elamo kiyalekemene.w

11La epetapi laimano kubane dolobilaima, nale ebe tanalo kawokalima la obamo wadubamidaolemata. Wiyasiya lumagi idino elawo kawonomola, naimano elawo nodoliona, ebema na wadenoa ebeno agowa ukulaleno obo aguwataema. Ebete naimano walogabo apune bapena, ebene ebete la Godokono Uliyanamo egawalo ebeno elamo kapowadubamidaolemata.x 12 Iyo, ebete witilaisono nonoka balamo alomono inamabu elawi, ebene ebete witilaiso naono ebeno moto guamo eba alomolo nonoka elamo ebo kiyalekemene, ebe elate uwomua tetelo nowaena, kaegana.

Yonete Yasuko Obamo Dadubamidiya Mak 1:911; Luk 3:2122

13 Ebene Yasute Galili opone Yodane Kolomamo Yonetamo piya, ebete ebe obamo kadubamidama. 14Ebe tetelo Yonete negiya, Amale na obamo adubamidanema modobola, wiyasiya mabu keleka ama ebe tanalo nagodone laema dapawa? Modoboa!

15Wiyasiya Yasute ebetamo negiya, Modobola a kosiyodilomalema, mabu Godokono tuputupu gabodo tolame magumulo ebete a tanalo bilibilinomo osiyodilolema danaenakomene, ale ubianoma akedaonakoma.

Ebe tetelo Yonete Yasukono tabamo tuduwatate ebo osiyodiliya. 16 Ebene Yasute obone eba pidiwilo, ebe tetenomolo Godote ebeno Unu Duliyomolo aiyamiditalo ebo umiya, egawalo ebete tanalo idi ma kunu kumiya, Godokono Uliyana bigo ola keba kunulaka eba kunu piwisigate ebetamo gito pokoliya.y 17Ebe tetelo tabote Unu Duliyomolone ma kunu piwisigiya, Me naimano kapiya Gudunomola. Na ebetamo nekalakalitamo.z

Mat3


8

a 4:1 Yu Epo 2:18; 4:15 b 4:2 Maimi 34:28 c 4:4 Totomu 8:3 d Saitanate degiya ebe tabo Godokono Bukalo nanitabonomolo bitana, iyo, modobola ama Sam Oale Buka 91:1112 numiye. Saitanako ebe kawo ada tabo kiyawaodawanomola, ebema tete epetapilo ebete Godokono tabono iyaiya tanalo epono woki mabuamo wadaenako, wiyasiya ebe tabono magumu ebete nanitabolo kawokalilamena, iyo, me gabodo ebete ibi kuba gabamo wabugatalenako, ebete Yasutamo osiyodiloma dowageliya eba kunu. e 4:6 Oale 91:1112 f 4:7 Totomu 6:16

Saitanate Yasuko Kuba Gabamo Kowabugatama Ebetamo Dapemaigiya Mak 1:1213; Luk 4:113

4 1Ebene Godokono Uliyanate Yasuko bulu opamo nemagatiya, mabu ebe ubila Saitanatamo tete ebolo nikamete, ebete Yasuko kuba gabamo kowabugatama.a 2 Ebene bulu opolo 40 egelamo eba nokolilo Yasute ebe tete geyageyanomolo bae kenanakia, ebema ebete bae kape tanalo ebo iyatawiya.b

3 Ebene Saitanate ebetamo pemaigate ebe naniya, Ama Godokono nani Guduma dedawena, me nokola baema namidila.

4 Yasute ebeno tabo eba wiyalo negiya, Godokono Bukalo tabo ma kunu itana, Lumagite me opono bae kapiyalo akigilonamene, wiyasiya ebete Godokono tabo bilibilinomo denaomene nanitabonomolo bigilonamene.c

5 Ebene Saitanate Yasuko Godokono wadetalena duliyomolo Yelusalemamo magatate Godoko Amamateno Iya Motono auba unamo nadipite 6 ebe ebo naniya, Ama Godokono nani Guduma dedawena, ama akatuwa opamo nanepatega, mabu Godokono Bukalo tabo ma kunu itana,

Godote ebeno nopopi aimano tanaloma kapalibolemene,iyo, ibate ibino kotamo ama kapelaemata,ebema amale nokolalo agowa akanukamidaemene.de

7Wiyasiya Yasute negiya, Ao, nale ebe kuba tanalo akosiyodilomo, mabu Godokono Bukalo tabo idi ma kunu itana, Opo lumagite Kawodawa Godoko wabudima akowagelala. Iyo, ebe mabuma me opo lumagite ebeno daedale wokiamo tanalo idi dosiyodilomene, ebete akomalagidilala Godote ebeno igilo gito kapamulaema.f

8 Ebene Saitanate Yasuko damela ununomo idamo magatate me opo kawonomono iyaiya opo kawokawo eba niyatumiolo, ibate ebe opo bilibilinomo egawalo kawokawo inamabu ebo ulamoliya. 9Saitanate ebetamo negiya, Ama pupamo okoliawete na namamanatena, ebene nale me tanalo bilibilinomo amatamo kikameomamota.

Mat4


9

g 4:10 Totomu 6:13 h 4:12 Mat 14:3; Mak 6:17; Luk 3:1920 i 4:15 Ais 9:12 j 4:17 Mat 3:2; 19:27

10Wiyasiya Yasute ebetamo negiya, Saitana, ama nagodone natoa! Godokono Bukalo tabo idi ma kunu itana, Ama aimano Kawodawa Godoko amamatelo ebe kapiyatamo natuduwatanakiye!g

11Ebene Saitanate Yasuko atepate, wiyasiya Godokono nopopiate pelamete ebe ebo pabuiyatiya.

Yasute Ebeno Woko Dowagilimiya Mak 1:1415; Luk 4:1415

12 Ebene gabamaniate Yoneko idoko motamo diyatiya, Yasute ebe tanalo olowite ebete Galili opamo gito tiya.h 13 Ebete Nasalete duliyomolo atepate Kapeniyama duliyomololo nokolinami, Kapeniyama duliyomolo ebe Galili Paka balalo itanami, me paka Sebulana egawalo Napatali me netewa gu epono opo niyakabolo itanami. 14Me tanalote pemaigiya Godokono woki awokalimidawa Aisayate kebe tabo kakiyawaiyale ebe tabote nanitaboma kedama, iyo, ebete iyalo tetelo ma kunu akiyawaiya, 15 Sebulana opo epo egawalo Napatali opo epo,

Galili Pakamo tolame gabo niyakabolo dilukuliawenama, la ebe epolata.

Iyo, la Yodane Kolomo apu balalo dapolawenama ebe epolata,laimano opono mailo ebe Yua epono Galilila.i

16 Piyate idoko magumulo dilukuliona,ibate alo kawonomo kuimana,

iyo, piyate ae magumulo dilukuliona,wiyasiya igilo alote ibi kapukuilaemene.

17Ebe tetelo Yasute Godokono tabo kiyawao eba wagilimilo negiya, Laimano kubane olobilawete woki iyakobi namidilala, mabu Godokono Kawo Elawodawama eda tete tatalila.j

Yasute Namo Uwatolepi Netewa-netewa Duwatiya Mak 1:1620; Luk 5:111

18 Ebene Yasute Galili Paka balado eba petolo dubu netewa ebo nulamiya, Saimonoko ebeno mailo idi Pitatela egawalo ebeno ekawi Anduluko, ibi netewapi namo uwatolepila, ibate namo kamauamo nautiya. 19Ebene Yasute ibatamo negiya, La na nowalomaenala, ebene nale la epo uwatepima kamidilimamota. 20Ebe tetenomolo ibate ibino kamau miyapate Yasuko ebo walomatiya.

21Ebene Yasute kelamo walo katote Sebedikono gudu Yaimesiko egawalo ebeno ekawi Yoneko ebo kanulamiya, ibate ibino nabiwago pelo ilukulite kamau akoelamolitiya. Ebene Yasute ibi netewapi

Mat4


10

k 4:23 Mat 9:35; Mak 1:39; Ali 10:38 l 4:24 Mak 6:55 m 4:25 Mak 3:78 n 5:3 Ais 57:15 o 5:4 Ais 61:23; Awo 7:17

dekalamiya, 22 ebe tetenomolo ibate ibino pe egawalo ibino nabiwi miyapate Yasuko ebo walomatiya.

Yasute Godokono Elawamo Epo Bilibilinomo Dowalubilinaki Luk 6:1719

23 Ebene Yasute Galili opo kawonomodo dapetonaki, ebe tetelo ebete Yu epono iyaiya balidi ibilamole motolo ibi eba iyatulamelo, Godote Kawo Elawodawama dedana ebete ebe tanalono Wade Tabo ibatamo ebo kiyawaonaki, egawalo epo magumulo piyate iyaiya temetemago dilukulionamiya ebete ibi bilibilinomo wadekobi atumu akamidiolenaki.k 24Ebene ebe tetelo Siliya opo epo bilibilinomate atumu Yasukono tanalo kolowiote, ibate ibino iyaiya temetemagopi ebetamo ebo magaelenakiya. Ma kunu kubakuba uliyanagopi, ea temetemagopi, ape kodakoda temetemagopi, egawalo iyaiya gabugabuagopi bilibilinomo epetapiate Yasutamo dapelamenakiya, ebete ibi wadekobi ebo midiolenaki.l 25Nanitabola, ebe tetelo epo bilibilinomate Yasutamo iyaiya opone pelamoliya, iyo, ibate Galili opone, Teni Duliyomolono opone, Yelusalema kawo duliyomolone, Yudiya opone, egawalo Yodane Kolomo apune iyaiya pelamolete Yasuko ebo walomatiya.m

Yasute Epo Iyatulaema Damela Unamo Danodoliya

5 1Ebene ebe epo bilibilinomate Yasutamo dapelamiya, ebete ibi ulamete damela unamo nodolote gito nokoliya. Ebema ebe walomatapi dubate pelamete ebe dapawamidadigiya, 2 ebete ibi iyatulame ebo wagilimiya.

Godokono Nanitabo Kalakala Tanalo Luk 6:2023

3 Yasute ibatamo negiya,Piyate ibi akatuwa ibi egegema gelalo

Godoko ibino Kawodawama degelanaka,modobola ibate nekalakalaimana,

mabu Godote Kawo Elawodawama dedana,ebe wade duliyomolono tanalo ibinola!n

4 Egawalo piyate me tetelo temetemago dimina,modobola ibate nekalakalaimana,mabu Godote ibatamo gelebadi kikalaemene!o

5 Egawalo piyate amamaoapima dedaona,modobola ibate nekalakalaimana,

Mat4 , 5


11

p 5:5 Oale 37:11 q 5:6 Ais 55:12 r 5:10 1Pit 3:14 s 5:11 1Pit 4:14 t 5:12 Ali 7:52 u 5:14 Yon 8:12; 9:5 v 5:15 Mak 4:21; Luk 8:16; 11:33

mabu Godote me opo kawonomo ibatamo kikalaemene!p 6 Egawalo piyate tuputupu ilukuli tanaloma diyawaona,

modobola ibate nekalakalaimana,mabu Godote ibino iyawa tanalo kamodoboilaemene!q

7 Egawalo piyate nilakapo dawokalilamena,modobola ibate nekalakalaimana,mabu Godote ibatamo ebeno nilakapo kawokalimene!

8 Egawalo piyate ibino tepo magumu wadenomamo dukulalena,modobola ibate nekalakalaimana,mabu ibate Godokono ololo kuimana!

9 Egawalo piyate dowaopiatamo milo dikalamena,modobola ibate nekalakalaimana,mabu Godote ibi ebeno gudima kegemene!

10 Egawalo piyate tuputupu gabodo eba wapatalamenaloebe mabuma temeteme duwatenaka,

modobola ibate nekalakalaimana,mabu Godote Kawo Elawodawama dedana,ebe wade duliyomolono tanalo ibinola!r

11Egawalo epate na mabuma la malogolelo kawokawo temeteme eba ikalamelo la kubapima degelana, la atumu nakekalakalala!s 12 Iyo, la kawonomamo nekalakalala, mabu walone tetelo lale Godokono Unu Duliyomololo laimano wiya kawokawonomo kanuwatemamota. Numala, dopamo tetelo dilukulinamiya ebe kubakubapiate atumu Godokono woki awokalimipiatamo kawokawo temeteme eba kunu kikalamenamiya.t

Solu Egawalo Alo Ibino Tanalo Mak 9:50; Luk 14:3435

13 Ebene Yasute walo nakegiya, La me opono solu golalata, wiyasiya laimano soluno golate dalatidimene, lumagi idite walo solukobi midima akamodobomene. Ebe solu kubanomoma eda, ebema epate iyabaiamo aminaolete agowamo kamikitaolemana.

14 Egawalo me tanalo idila, la me opo kawonomono alolata, mabu nanitabola, damela unulo ditana epate ebe duliyomolo wadenomamo buminamana.u 15 Iyo, lumagite ebeno wuiki alo pite bagowo magumamo akiyatimene wiyasiya ebete awokala baiamo kiyatimene, ebene ebe alote moto gulo dilukulina ebe epo bilibilinomo kapukuilaemene.v 16 Atu gabodo modobola laimano alote epo epetapi napukuilaemene, ebene ibate laimano wadewade

Mat5


12

w 5:16 Epe 5:89; 1Pit 2:12 x 5:17 Lom 3:31 y 5:18 Luk 16:17; 21:33 z 5:19 Yai 2:10 a 5:21 Maimi 20:13; Totomu 5:17 b 5:22 1Yon 3:15 c 5:23 Mak 11:25

osiyodilole tanalo ulamete laimano Unu Duliyomolo Nabiwi kemoiomana.w

Godote Mosesedo Epatamo Dikalamiya Ebe Totomu Tabono Tanalo17Ebene Yasute walo nakegiya, La wadenomamo nemalagidilala,

Godote Mosesedo epatamo dikalamiya egawalo ebeno woki awokalimipiate ebeno Bukamo dakuloliya, nale ebe wadewade Totomu Tabo iyabaiamo alomoma kapiya. Ao, eba kunua. Nale wiyasiya ebe iyaiya Totomu Tabono nanitabo tanalo awokalima piyamo.x 18 Na latamo nani tabo gemo. Me opo egawalo tobolo unu ibino inamabuate tete geyageyanomolo eba polanalo Godokono Totomu Tabote atumu bakapolanamana, ibi bilibilinomo magumulo tabo dapesonomo idite akalatidimene. Iyo, Godote kebe tabo apuapu ebeno Bukamo dalomoliya, ebe tanalate epo biyatulamenakomana ebeno woko bilibilinomo opoliyale uwomuamo!y 19Ebema Godokono Totomu Tabo bilibilinomo magumulo kebe lumagite tabo dapesonomo idi ubianoma edate, ebene ebete epetapi tudilaoa tanalo diyatulaemene, walone tetelo ebete Godokono Unu Duliyomololo dapesonomoma kanedamene. Wiyasiya kebe lumagite Godokono Totomu Tabo bilibilinomamo eba tuduwatalo epo epetapi atu tanalo osiyodilolema diyatulaemene, ebete Godokono Unu Duliyomololo kawoma kanedamene.z 20Ebema nale la analemata, modobola lale Godokono Totomu iyatulamepi egawalo Palisi tanebapi ibino tanalo nemalagidilala. Epate ibi tuputupupima gelana, wiyasiya laimano tuputupu ilukuli tanalote ibino ilukuli tanalo odoliano la Godokono Unu Duliyomolamo akanopilaema.

Epono Dowa Tanalo21Ebene Yasute walo nakegiya, Dopamo tetelo epate Godokono

totomu tabo idi ma kunu diyatulamenakiya, la olowiyamata. Lumagi akoanakapumala. Potele lumagi idi danakapuimene, epono tabo anagilamelelamedawate ebetamo kuba wiya kikaemene.a 22 Wiyasiya me tetelo nale tabo idi nakegemo. Kebe lumagite ebeno ekawitamo dadowamene, tanalo anagiyamidadawate ebetamo kuba wiya kikaemene, egawalo kebe lumagite ebeno ekawi demalogomene, Kanisolo dubate ebetamo kuba wiya kikaemana, egawalo kebe lumagite ebeno ekawi watoanoma degemene, ebe kuba mabuma Godote ebe Ela Opamo kanalibomene.b 23 Ebema ama Godoko watidilonoma kalimagono inamabu patapatamo eba adaelo ama woki wadenomamo ma kunu danelawaemene, Eiye! Naimano ekawite natamo nadowana!c

Mat5


13

d 5:27 Maimi 20:14; Totomu 5:18 e 5:29 Mat 18:9; Mak 9:47 f 5:30 Mat 18:8; Mak 9:43 g 5:31 Totomu 24:14; Mak 10:4

24modobola ebe tetelo ama aimano nilakapo inamabu ebamo natepapiye. Ama dopamo toawete aimano ekawi gelebadikobi namidawete, ebene ama walo kapawete ebe nilakapo inamabu Godotamo ebo napikamiye.

25Amatamo dadowana ebe lumagite ama gabamani dubu kawotamo demagatatamene, la ebetamo nemaimiano modobola ama dopamo goweladawago gelebadima nanediyala. Ama ebe gelebadikobi midiano, nanitabola, ebete ama kawo dubuno kotamo kaniyatimata, ebene kawo dubute wiyasiya aimano kuba anagiyamidametate ama polisi dubutamo eba nalibolo, ama idoko motamo ebo katomata. 26 Na amatamo nani tabo gemo, ama idoko moto gulo eba nokolilo, gabamani dubute kebako tete wiyama ama danatamene, amale ebako kuba wiya modobutinomo modobutawete duliyomolamo walo kakapemata, wiyasiya amale ebe wiya modobutiano akapemaigaemene.

Kamiyale Pilo Tanalo27Ebene Yasute walo nakegiya, Epate Godokono totomu tabo idi ma

kunu diyatulamenakiya, la olowiyamata. Lumagi idino kamiyale pilolo akolawala.d 28 Wiyasiya me tetelo nale tabo idi nakegemo. Kebe dubute kamiyale idi umite ubi ebetamo diyatimene, Godokono umi magumulo ebete ebeno tepo magumulo ebe kuba iyalo osiyodilo. 29Ebema aimano tumudi apu balidite ama kuba gabamo dowabugatatana, ama magobawete iyabaiamo nebaidila! Modobola aimano balidite me tetelo alatidi, modoboa walone tetelo Godote aimano ape kawonomo Ela Opamo baidiloma!e 30Egawalo aimano tumudi apu kotote ama kuba gabamo dowabugatatana, ama itamidawete iyabaiamo nebaidila. Modobola aimano kotote me tetelo alatidi, modoboa walone tetelo amale ape kawonomago Ela Opamo toma!f

Kamiyale Alibuti Tanalo Mat19:9;Mak10:1112;Luk16:18

31Ebene Yasute walo nakegiya, Egawalo epate Godokono totomu tabo idi ma kunu iyatulamenakiya, Kebe dubute ebeno ubia tetelo kamiyale dalibutimene, kuba. Ebete ebe alibuti tabo pepamo akulolete ebetamo ikamelo ebo kanalibomene.g 32 Wiyasiya me tetelo nale tabo idi nakegemo. Dubu idino kamiyalete dubu idago kuba osiyodiloano, ebene ebeno awite ebe ubianoma edate gito dalibutimene, ebe dubute kawo kuba kosiyodilomene, ebene ebete Godogodone kuba wiya nanitabolo kelaemene. Mabu ebeno kuba osiyodilo tanalodo ebeno kamiyalete eba

Mat5


14

h 5:32 1Kol 7:1011 i 5:33 Maimi 20:7; Kalima 19:12; Nabas 30:2; Totomu 23:21 j 5:34 Ais 66:1; Yai 5:12; Mat 23:22 k 5:35 Oale 48:2; Ais 66:1 l 5:38 Maimi 21:24; Kalima 24:20; Totomu 19:21

tolo dubu idi danelaemene, Godokono umi magumulo ibi netewapino osiyodilo tanalote pilo tanaloma kedamene.h

Godokono Ololo Apulo Tabo Nanitabonomolo Ge Tanalo33 Ebene Yasute walo nakegiya, Dopamo tetelo epate Godokono

totomu tabo idi ma kunu diyatulamenakiya, la olowiyamata. Amale Godokono mailamo kebe tabo dakiyawaemene ebe tabo bilibilinomo nanitabonomolo nosiyodiloliye.i 34Wiyasiya me tetelo nale tabo idi nakegemo. Amale epetapiatamo nani tabonomo gema dowagelaemene, ibate aimano tabo nanitabokobi kamidima amale Godokono Unu Duliyomolono mailo akokamiala, mabu ebe Duliyomolo talenama edana, ebe Godokono okoli baila.j 35Egawalo me opono mailo akokamiala, mabu me opo atumu talenama edana, ebe Godokono agowa puti baila. Egawalo atumu Yelusalema kawo duliyomolono mailo akokamiala, mabu ebe aimano Kawo Elawodawa Godokono duliyomolola.k 36 Egawalo aimano tabo olowidawate aimano tabo nanitabokobi kamidima, amale aimano mailo akokamiala mabu ama kawodawa, iyo, amagodolo elawo kitana aimano kapiya kilikili eke keyakeyama midima. 37Modobola ama wiyasiya aimano tabo kiyawao magumulo inamabu idino mailo kamiano tabo nanitabolo ma kunu negiye, Iyo, na kosiyodilomamo, egawalo kebe tetelo ama tanalo idi osiyodilo modoboanoma dedaemene, modobola ama nani tabo idi ma kunu negiye, Ao, na akosiyodilomo. Eiye! Epetapiate aimano tabo nanitabokobi kamidima amale aimano tabo elawokobi kamidaema tabo idi akogeala, mabu ebako tabo kiyawao tanalote Saitanagodone kapemene.

Amatamo Kuba Dosiyodilonako Ebe Lumagitamo Kuba Ako-osiyodilala

Luk 6:293038 Ebene Yasute walo nakegiya, Epate Godokono totomu tabo idi ma

kunu diyatulamenakiya, la olowiyamata. Lumagi idite aimano balidi dakubaimene, ama wiyasiya ebeno balidi kakubaimimata. Egawalo lumagi idite aimano lalo dowakeamidalemene ama atumu ebeno lalo kowakeamidalemata.l 39Wiyasiya me tetelo nale tabo idi nakegemo. Potele amatamo kuba dosiyodilonako ebe akoodiyobala, ma kunu ebete ama tumudi apu tatakolo danagalimitamene, modobola ama pele apu ebetamo nakikamiye. 40Egawalo kebe lumagite aimano lubudino

Mat5


15

m 5:43 Kalima 19:18 n 5:44 Maimi 23:45; Luk 23:34; Ali 7:60; Lom 12:14,20 o 5:48 Kalima 19:2; Totomu 18:13

inamabu laema ubi iyatilo ama tanalo anagiyamida baiamo magatama degemene, modobola ebetamo gito nikamiye egawalo ebe atu tetelo aimano sete inamabu akoamoedala, amale ebetamo nilakapolo gito nakikamiye. 41Egawalo gabamani dubu idite ebeno inamabu kapiya kilomita tatalidopamo aguwataema ama danatamene, modobola ama kalakalago ebeno inamabu netewa kilomita muludopamo aguwawete ebago natiye. 42 Egawalo kebe lumagite aimano inamabu idima ama datoweometamene, modobola ama ebetamo nilakapolo nikamiye. Iyo, idite tete idilo amagodone inamabu lawete walo amatamo ikaema dakegemene, modobola amale ebe nowalubiye.

Lago Gowelaopi Nilakapolo Malagidilole Tanalo Luk 6:2728,3236

43 Ebene Yasute walo nakegiya, Epate ma kunu diyatulamenakiya, la olowiyamata. Ama aimano namutudawa nilakapolo nemalagidilona, wiyasiya potele amago dagowelaona amale ebako lumagitamo dowama kuba.m 44Wiyasiya me tetelo nale tabo idi nakegemo. Lago dagowelaona, modobola la ibi nilakapolo nemalagidilolenala, egawalo latamo temeteme dikalametana ibi Godotamo nowadipalatelenakiyala ebete ibi wadenomamo kowalubilinama.n 45Mako osiyodilo tanalodo la Unu Duliyomolo Nabiwino gudima bedaonamata, mabu ebete ebeno egelano alo egawalo ebeno ulama kuba epo egawalo tuputupu epo ibatamo kapimiya pikalamenako. 46 Piyate la nilakapolo demalagidiloletana, la ebe epo kapiya demalagidilolawenama laimano woki keba kunulaka? Ebe mabuma Godote latamo wade wiya bakikalametamene? Ao, mabu mani pilolo uwatepiate atumu ibino namutupi kapiya malagidilolenaka! 47Egawalo la laimano epo kapiyatamo wadewade tanalo dosiyodilolawenama laimano woki keba kunulaka? La ebe wadewade osiyodilole magumudo epo epetapi bakodoilaema? Ao, mabu nanitabokobi midiapiate atumu ibino epo kapiyatamo wadewade tanalo osiyodilolenaka! 48 Ebema laimano osiyodilole magumulo wadenomamo nilukuliniyala, laimano Unu Duliyomolono Nabiwi keba kunulaka eba kunu, mabu ebegodolo kapiya kuba idi kitana.o

Epono Wadewade Osiyodilole Tanalo Egawalo Nigologolopiatamo Nilakapo Inamabu Ikalame Tanalo

6 1Ebene Yasute walo nakegiya, La nanisiwale, wadewade tanalo osiyodilole tetelo epetapiate laimano wade tanalo uima ibino

Mat5 , 6


16

p 6:1 Mat 23:5 q 6:5 Mat 23:5; Luk 18:1014 r 6:7 1Ela 18:2629 s 6:8 Mat 6:32

ololo apulo akoosiyodilolala. La eba kunu dowagelaema laimano Unu Duliyomolono Nabiwite latamo wade wiya akikalametamene.p 2 Ebema nilakapo inamabu nigologolopiatamo ikalame tetelo epetapiate laimano wade osiyodilo tanalo uima awokala akoosiyodilala. Numala, mena netewa epate balidi ibilamole motolo egawalo epono ololo apulo ibino nilakapo inamabu diyamo kawonomago ikalamenaka epetapiate ibi kemoiolema. Ebema na latamo nani tabo gemo, ibate epono moiole tanalo magumulo ibino kawo wiya iyalo elawa, Godogodone walo akuwatemana. 3 Wiyasiya laimano nilakapo inamabu ikalame tetelo modobola lale diya gabodo nosiyodiliyala, ma kunu laimano wade namutudawa idite akoiyatawala, Godoko kapiyate niyatawamene. 4Iyo, la nilakapo inamabu diya gabodo nikalamenakiyala, ebene laimano Nabiwi Godote laimano diya osiyodilo tanalo umite ebete akatuwa latamo wade wiya bikalamenakomata.

Godago Tabo Gela Tanalo Luk 11:24

5Ebene Yasute walo nakegiya, Lale Godago tabo gela tetelo mena netewa epoma akoedaoala. Ibate balidi ibilamole motolo egawalo epono ololo apulo utitatate tabo madodo unamo wadipalatelelo Godotamo ebo gelanaka, mabu ibi ubila epate ibino gela tanalo kolowilatelema. Ebema na latamo nani tabo gemo, ibate epono moiole tanalo magumulo ibino kawo wiya iyalo elawa, Godogodone walo akuwatemana.q 6 Wiyasiya amale Godago tabo degelaema, modobola ama motamo nodolawete gigiyu napemopiye. Ebene amale aimano Nabiwago diya gabodo tabo eba gelalo, amale ebe akumaemene, wiyasiya ebete aimano diya osiyodilo tanalo umite amatamo wade wiya ebo kikaemata.

7Ebema amale Godago tabo gela tetelo, ama Godoko iyatawa lumagima akoedala. Numala, ebako lumagite Godoko toweome tetelo ma kunu malagidilonako, Nale atu towetowe tabo bilibili tetamo degenakomo, ebema Godote naimano tabo nanitabonomolo kolowimene.r 8 Wiyasiya la ebako lumagima akoedaoala, mabu lale laimano iyaiya modoboa tanalo Godoko anano ebete iyalo iyatawanako.s 9Ebema la Godotamo towetowe tabo ma kunu negelanakiyala,

Aimano Unu Duliyomolono Nabiwi,modobola aimano talena mailo epate nadipatemana,

10 egawalo modobola amale Kawo Elawodawama dedawenaebe tanalote nawokalamene.

Mat6


17

t 6:10 Luk 22:42 u 6:12 Mat 6:1415; 18:2135 v Mat 6:13b buka apuno tabo Matiyute bukamo kakuloliya, wiyasiya ebeno buka osiyodilo walogabo apune nanitabokobi mididawa idite akuloliya. w 6:13 Luk 22:40; Yai 1:13; Yon 17:15; 2Tes 3:3 x 6:14 Mak 11:2526 y 6:16 Ais 58:59

Nanitabola, amale aimano ubi tanalo keba kunu kalomawenaUnu Duliyomololo eba kunu bosiyodilolenakomata,

ebema modobola ama me opoloaimano ubi tanalo atumu nakosiyodilolenakiye.t

11 Egawalo modobola ama me kapiya egelano bae atamo modobolo nikaeama.

12 Egawalo epetapiate atamo kuba dosiyodilolena,ale ebe kuba egebolelamete kadodolomatililaemalema,

ebema modobola ama atumuaimano kuba egeboleamawete nadodolomatiliama.u

13 Egawalo Saitanakono kuba gabamo wabugata magumuloamale wiyasiya a eba walubiloaimano wade gabodo nemagataenakiye,

iyo, ebeno kuba osiyodilo magumuneaimano igilo namulaleama,

mabu aimano Kawo Elawodawa tanalo,egawalo elawo kawonomo,egawalo amama tanalo

uwomua tetelo amagodolo bapolanamana.Taula.vw

14Yasute tabo mogamelo walo nakegiya, Epetapiate kuba latamo dosiyodiloliya, lale ibino kuba dadodolomatililamaema laimano Unu Duliyomolono Nabiwite atumu laimano kuba egebolelametate kadodolomatililaemata,x 15wiyasiya lale epetapino kuba dodolomatililameano, laimano Unu Duliyomolono Nabiwite atumu laimano kuba egebolelametate akadodolomatililametamene.

Godokono Woko Osiyodiloma Bae Naoano Polana Tanalo16 Ebene Yasute walo nakegiya, Lale Godokono woko osiyodiloma

bae naoano dapolawenama, mena netewa epoma akoedaoala. Ibate bae naoano polana tetelo ibino dopo mibomiboma edaolamenaka, mabu ibi ubila epate ibino bae naoa tanalo kumilaema. Ebema na latamo nani tabo gemo, ibate epono moiole tanalo magumulo ibino kawo wiya iyalo elawa, Godogodone walo akuwatemana.y 17Wiyasiya aimano bae naoano okoli tetelo modobola ama ebe tanalo diya gabodo nosiyodilonakiye. Ebema ama bae kapete umiano, amale kalakalago dokoliawena ama eba kunu nokolitiye, amale aimano eke

Mat6


18

z 6:19 Yai 5:13 a 6:20 Mat 19:21; Luk 18:22

wadipalatelawete aimano ololo wadenomamo kukulamata. 18 Ebene epate akiyatawaomana amale bae naoano dokoliawita, Nabiwi Godoko kapiyate kiyatawamene. Amale ebe akumaemene, wiyasiya ebete aimano diya osiyodilo tanalo umite amatamo wade wiya ebo kikaemata.

Godokono Unu Duliyomololo Inamabu Dogodogokobi Midili Tanalo Luk 12:3334

19Ebene Yasute walo nakegiya, La me opolo inamabu dogodogokobi akomidilinala, mabu me opolo wadewade kaliku nopaiate akubailamenaka egawalo auli inamabu nabote atumu akakubailamenaka. Iyo, nanitabola, pilo epate moto guamo podolote laimano inamabu epetapi gito kapakubailaemana.z 20Ebema modobola la Godokono Unu Duliyomololo laimano inamabu dogodogokobi namidilinala, mabu ebolo nopaiate inamabu kenaona, egawalo nabote inamabu kakubailamena, egawalo pilo epate moto guamo odolote laimano inamabu akuwatemana.a 21La nanisiwale! Laimano inamabuate kebolo dapolanamana laimano tepo magumuno woki atumu ebolo kanapolanamana.

Apeno Alono Tanalo Luk 11:3436

22 Ebene Yasute walo nakegiya, Lumagino apeno alo ebe ebeno balidila. Ebema aimano balidite wadenomamo dapukuilaemene aimano tepo magumuno alote atumu wadenomamo kakapukuilaemene, 23 wiyasiya balidite wadenomamo pukuilameano aimano apete idoko magumulo kitanamene. Ebema ama nanisiwale, aimano tepo magumuno alote didokomene, ebe idoko tanalo beda kawonomolaka!

Godoko Egawalo Mani Ibino Tanalo Luk 16:13

24Egawalo me tanalo idila, lumagite netewa elawodubatamo wokodawama edama modoboa. Ebete eba kunu dowagelemene iditamo eba dowanalo idi nilakapolo bemalagidilonamene, egawalo ebe iditamo eba utinalo idi ubianoma bedanamene. Ebema ama atumu, Godotamo egawalo manitamo kapiya tetelo tuduwatama modoboa.

Godoko Nanitabokobi Midi Tanalo Luk 12:2231

25Ebene Yasute walo nakegiya, Nale la analemata, laimano ilukulio tanaloma woki bilibilima akoedaonala, iyo, lale nao inamabu,

Mat6


19

b 6:25 Pil 4:6; 1Tim 6:68; 1Pit 5:7 c 6:26 Mat 10:2931; Luk 12:67 d 6:29 1Ela 10:47 e 6:32 Mat 6:8 f 6:33 1Ela 3:1314; Oale 37:4,25; Lom 14:17

nio inamabu, egawalo pupuliono inamabu uwatema kawonomamo akomalagidilolala, mabu nao inamabu egawalo pupuliono inamabu ibate kawokawoma kedaona. Nao inamabute lumagitamo nanitabo igilo bakikaemene? Ao, akikaemene, egawalo pupuliono inamabute atumu ebeno ape uwomua tetelo akowalubinamene.b 26 Ebema la olaolano tanalo nemalagidilala, ibate pali inamabu kamiona egawalo ibate pelamete naono pali inamabu kapetapionakoa, iyo, ibino pali inamabu alomono moto puliyala, wiyasiya laimano Unu Duliyomolono Nabiwite ibatamo bae modobolo ikalamenako. Numala, Godokono nilakapo nanitabolo bitana olaolatamo, wiyasiya latamo keba kunu kitanale? Nanitabola, ebeno nilakapo latamo kawonomoma edate ilukulina ilukulina tetelo bitanamene!c 27Ebema la woki bilibilima akoedaoala. Lumagite ebe akatuwa ebeno ae tete egela idamo keba kunu nakiyatimene, egawalo ebete ebeno igilo keba kunu nakegeyageyaimatepamene? Gabo puliyala, kitana.

28 Ebema mabu keleka la pupuliono inamabuma woki bilibilima dedawenama? La me opono kaiyakaiyano tanalo nemalagidilala, ibate woko kosiyodilona egawalo pupuliono inamabu kosiyodilolena. 29Nale la analemata, Kawo Elawodubu Solomonote inamabu dogodogodawanomoma edanami, wiyasiya ebete wadewade titagono inamabu dapupulinaki, ebe kalikuno titi me opono kaiyakaiyano titite nodoilina.d 30Numala, me opono uwagate kalo napepeuta, dumutu epate elamo kiyalekemana, wiyasiya Godote ebe nonoka inamabu titagonoma midilina, ebema ebete atumu latamo pupuliono inamabu modobolo bikalamenakomata. La me tanalo wadenomamo iyatawaoano laimano nanitabokobi midi tanalo Godotamo kawokawoa!

31Ebema lale woki bilibilima edaolo ma kunu akogelanakala, A beda nakenaoma, egawalo a beda nakanioma, egawalo a beda nakapupulioma? 32 Nanitabokobi midiapiate me inamabu woki bilibilago olena, la wiyasiya eba kunu akowagelenala, mabu ebe inamabu lagodolo modobolo polanano laimano Unu Duliyomolono Nabiwite iyalo iyatawanako.e 33 Ebema la laimano Kawo Elawodawa Godotamo tudilaolo ebeno tuputupu okoli tanalo dopamo nowadiala, ebene laimano modoboa tetelo ebete laimano iyaiya tanalo ulamelelametate latamo modobolo bikalamolenakomata.f 34Ebema la dumutu egelano tanaloma woki bilibilima akoedaoala, mabu ebe egelano tanalote akatuwa kapawokalamene. Kalo egelalo dapolana ebe iyaiya tanalo nemalagidilola, wiyasiya egela idino kuba tanalate pemaimiano dopamo tole tanalote latamo akopala.

Mat6


20

g 7:1 Lom 2:1; 1Kol 4:5; Yai 4:1112 h 7:2 Mak 4:24 i 7:7 Mak 11:24; Yon 14:13; 15:7; 16:2324 j 7:8 1Yon 3:22; 5:1415

Epono Tanalo Anagilamelelame Tanalo Luk 6:3738,4142

7 1Ebene Yasute walo nakegiya, Epo epetapino kuba osiyodilole tanaloma lale ibi kubakubapima samamo akokalamiala, ebene Godote la kubakubapima akekalamitamene,g 2 mabu lale epono tanalo keba kunu kanagilamelelamaema, Godote laimano tanalo eba kunu kanagilamelelaemata, egawalo la epetapiatamo keba kunu kosiyodilolawenakoma, eba kunu Godote latamo atumu bakosiyodilolenakomene.h 3 Keleka mabu aimano ekawino balidilo nonoka dapeso umilo wiyasiya aimano balidilo ditana ebe kawo kewa tete kumawena? 4 Egawalo beda mabuma aimano ekawitamo ma kunu degeawita, Modobola aimano balidilo ditana ebe nonoka dapeso nale kelaemamota, wiyasiya aimano balidilo ditana ebe kawo kewa tete ama kelawawena? 5 Eiye! Ama mena netewa lumagilata! Modobola ama dopamo aimano balidilo ditana ebe kewa lawawete, amale walone wadenomamo melawete aimano ekawino balidilo ditana ebe nonoka dapeso ebo kelaemata.

6 Egawalo me tanalo idila, lale Godokono talena inamabu gaagaatamo akoikalamala. La eba kunu dowagelaema, diyala, ibate latamo olobilate la kubanomamo dabaloletamene, egawalo laimano wadewade mani goeogoeatamo akoikalamala, ibate ebe inamabu agowamo mikitaolete gito dabamiyapamana.

Modoboa Tetelo Godoko Toweome Tanalo Luk 11:913

7Ebene Yasute walo nakegiya, La Godoko natoweomala, ebete latamo kikalaemata. Iyo, la ebeno wade tanalo nowadiala, lale kuimamota, egawalo gigiyu nanakamiala, ebete latamo kaiyamidamene.i 8 Numala, piyate Godoko datoweomenaka ibate ebegodone kelaemana, egawalo piyate ebeno wade tanalo dowadinaka ibate kuimana, egawalo piyate gigiyu danakaminaka ebete ibatamo kaiyamidamene.j 9La magumulo kebe dubu ebeno gudute ebe baema datoweoemene, wiyasiya ebetamo nokola bakikaemene? 10 Egawalo ebe gudute ama namoma datoweometamene, ama wiyasiya ebetamo bu kalu bakikamaemene? 11Numala, la wadewade epoa wiyasiya la iyatawalata laimano gudatamo wadewade bae ikalaema, ebema laimano Unu Duliyomolono Nabiwi atumu iyatawanomola wadewade

Mat7


21

k 7:11 Yai 1:17 l 7:12 Mat 22:3940; Luk 6:31; Lom 13:810 m 7:15 Mat 24:24; Ali 20:29; 2Pit 2:1 n 7:16 Gal 5:1922; Yai 3:12 o 7:19 Mat 3:10; Luk 3:9; Yon 15:6 p 7:20 Mat 12:33

tanalo epatamo ikalaema, piyate ebe datoweomenaka ibatamo kikalaemene.k

12 Ebema epate latamo beda tanalo osiyodiloma lale ubi diyatawenakoma, la epetapiatamo eba kunu nosiyodilonakiyala, mabu Godote ebeno Totomu Tabo Mosesedo epatamo dikalamiya egawalo ebeno woki awokalimipiate ebeno Bukamo dakuloliya, ebe kawokawo tabono magumu kapiya ebe ma kunula, la epetapiatamo nilakapo tanalo nawokaliminakiyala.l

Takumi Gigiyuno Tanalo Luk 13:24

13 Ebene Yasute walo nakegiya, La takumi gigiyudo nopilala mabu Ela Opamo danopilaonaka ebe gigiyu kawonomola, gabo kodakoda. Epo bilibilinomate ebana nopilaote ebe gabodo tolamena. 14Wiyasiya Godokono Igilo Duliyomolamo danopilaonaka ebe gigiyu takuminomola, gabo kodakodala. Kapiyakapiya epate ebe gigiyu numite ebana tolamena.

Kewa Egawalo Ebeno Daimi Luk 6:4344; 13:2527

15 Ebene Yasute walo nakegiya, Lale Godokono mailamo ada tabo kiyawaopi wadenomamo nulamala. Ibate alagiole sipigoeogoeono tama pupulite latamo ebo pelamenaka, wiyasiya ibino tepo magumulo ibi elawoelawo gaagaa keba kunulaka eba kunula.m 16 La ibino osiyodilole tanalo wadenomamo nulamelelamiyala. Lumagite wadewade galaipi daimi moeagono kewalo akanulaemene, egawalo ebete moeagono kewamo tote umei kewano daimi akanetapiomene.n 17Numala, wadewade kewalo wadewade daimate kanolomana, egawalo kuba kewalo kubakuba daimate kanolomana. 18 Iyo, wade kewalo kubakuba daimate akanolomana, egawalo kuba kewalo wadewade daimate akanolomana, 19ebema nanitabola, wadewade daimi noloa kewa epate lute elamo kiyalekemana.o 20Ebema la ada tabo kiyawaopino osiyodilole tanalo eba ulamelo lale ibino nolo tanalamo ibino nanitabo tanalo ebo kiyatawaomamota.p

21Numala, piyate na Kawodawama gito dekanaminaka wiyasiya nanitabo tanalo puliyala, ebe epate Godokono Unu Duliyomolamo akanopilaomana. Wiyasiya piyate naimano Nabiwino ubi tanalamo datudilaona, ibi kapiyate ebeno Unu Duliyomolamo

Mat7


22

q 7:21 Luk 6:46; Yai 1:25 r 7:23 Oale 6:8; 2Tim 2:19 s 7:29 Mak 1:22; Luk 4:32

kanopilaomana.q 22 Ebema Godokono Kawo Egelalo epetapiate natamo ma kunu kegelamana, Kawodawa, Kawodawa! Ale aimano mailamo Godokono tabo akiyawaonakima, egawalo aimano mailamo kuba uliyana alibolenakima, egawalo atumu ale anoano tanalo epetapi osiyodilolenakima. 23 Wiyasiya nale ibatamo kegemamo, Na iyatawa laimano tanalo. La kuba osiyodilolepilata, nagodone natolamala!r

Moto Netewa Etemotepino Tanalo Luk 6:4749

24Ebene Yasute walo nakegiya, Kebe lumagite naimano tabo olowiote ebe iyaiya tanalo dosiyodilolemene, ebe wade mulo woki lumagila. Ebete ebeno moto kodakoda damela unamo detiya, ebe dubu keba kunulaka eba kunula. 25 Ebe tetelo ulamate dowiya obote ebo odoliya, ebene kawo awanomote pete moto dapadimagotiya motote kekagiya mabu ebete wade damelamo etiya. 26 Wiyasiya kebe lumagite naimano tabo olowiote osiyodiloleano, ebe daedale woki lumagila. Ebete ebeno moto wiyo damelamo detiya ebe dubu keba kunulaka eba kunula. 27Ebe tetelo ulamate dowiya obote ebo odoliya, ebene kawo awanomote pete moto dapadimagotiya motote kagate kubanomoma ebo ediya. O olalati beda kawonomolaka!

Tabo Olowiopiate Yasukono Tanaloma Danoanoiya28 Ebene Yasute me iyaiya tanalo kiyawao dolopoligiya ebeno tabo

olowiopi bilibilinomate nanoanoutiya, 29mabu ebete Godokono elawamo iyatulamiti, wiyasiya ebe ibino Godokono Totomu iyatulamepi keba kunulaka eba kunua.s

Yasute Kukulakukulago Dubu Wadekobi Damidiya Mak 1:4045; Luk 5:1216

8 1Ebe tetelo Yasute damela unune dapiwisigiya epo epetapi bilibilinomate ebe awamidalo ebo tolamiya. 2 Ebene kukulakukulago dubute ebetamo pete ebeno pupamo pokolite napegiya, Kawodawa, aimano ubi ditametana, amale na wadekobi kamidinimata.

3Yasute ebeno koto uwamidate ebe eba ologilo ebetamo negiya, Na ubila, ama wadekobi nolowia! ebema ebe tetenomolo kukulakukula temetemete ebegodone dolopoligiya ebete wadekobi ebo olowiya. 4Ebene Yasute ebetamo tabo idi ma kunu kegiya, Ama naimano tanaloma epo akonanalala. Modobola ama wiyasiya me tetenomolo toawete aimano ape Godotamo kalimagono ikameodawatamo nanawokalimiye, ebene kalimagono nilakapo

Mat7 , 8


23

t 8:4 Kalima 14:132; Mat 9:30; Luk 17:14 u 8:11 Luk 13:29 v 8:12 Mat 22:13; 25:30; Luk 13:28

inamabu Godotamo akonanikamiye, Mosesete dakiyawaiya eba kunu. Ebe tanalote epo kiyatulaemene aimano temetemete olopoligi.t

Yasute Gowelaodawa Elawodubuno Wokodawa Wadekobi Damidiya Luk 7:110

5Ebene Yasute Kapeniyama duliyomolamo datiya Loma epono gowelaodawa elawodubu idite ebetamo pete ebe petoweomelo napaniya, 6 Kawodawa, naimano wokodawa motolo kawo gabugabuago watita, ebe ape kodakoda temetemete umita.

7Ebene Yasute ebetamo negiya, Modobola, na pete ebe wadekobi kapamidimamo.

8Gowelaodawa elawodubute tabo eba wiyalo negiya, Ao, Kawodawa, eba kunua. Na wade lumagia amale naimano motamo podoloma. Wiyasiya na niyatawitamo, amale motamo peano tabo gito degeaemene, naimano wokodawate nanitabonomolo wadekobi kolowimene. 9Mabu na atumu gowelaopino kawokawo elawodubuno opodawama eba edanalo ibino tabamo atuduwatanakomo, egawalo atu tetelo naimano gowelaopiate naimano umi magumulo polana. Ibi magumulo nale idi danamo, Ama natoa! ebete ebo katomene. Egawalo idi dakanamo, Ama napa! ebete ebo kapemene. Atumu nale naimano wiya wokodawa danamo, Ama me tanalo nosiyodila! ebete ebe tanalo kosiyodilomene. Ebema Kawodawa, modobola ama tabote negea naimano wokodawate wadekobi kolowima.

10Yasute ebe tabo dolowiya ebete nelawiya, ebema ebe dowalomatitiya ebe epatamo negiya, Na latamo nanitabonomolo gemo, na Isalaela epo bilibilinomo magumulo mako lumagino nanitabokobi midi tanalo kuminakoa! 11Na latamo gemo, epo bilibilinomate me opo kawonomono apune apune pelamolete, ibate Aibalayamako, Aisakeko, egawalo Yaikoboko ibago kapimiya Kawo Elawodawa Godokono soliyomu bailo kapapolanamana .u 12Wiyasiya la Yu epo epetapi Godote la idoko magumamo kapiyalekemata, ebe idoko magumulo la lalo eba oliomolelo kawonomamo kimimamota.v

13 Ebene Yasute gowelaodawa elawodubutamo negiya, Mabu amale na nanitabokobi amidinata, ebema ama toawete aimano wokodawa nanumiye, ebete wadekobi olowi. Nanitabola, ebe tetenomolo Yasute ebe tabo eba gitalo wokodawate wadekobi ebo olowiya.

Yasute Pitakono Moto Lapino Wadekobi Damidiya Mak 1:2931; Luk 4:3839

14Ebe tetelo Yasute Pitakono moto guamo nodolote ebeno moto lapino ebo numiya, ebete ape enaena gabugabuago watiti. 15Ebene Yasute ebe

Mat8


24

w 8:17 Ais 53:4 x Epono Naniwi ebe Yasukono mailo idila. Ebe a epo bilibilinomono Naniwila, atumu Godoko ebe aimano Nabiwila. y 8:20 2Kol 8:9 z 8:21 1Ela 19:20 a 8:24 Oale 4:8

kamiyaleno koto dologimiya, gabugabute ebegodone eba olopoligolo ebete maigate Yasuko mabuma bae okalimi woko ebo wagilimiya.

16 Eba adimonalo duliyomolo epate kubakuba uliyanagopi bilibilinomo Yasutamo ebo magaeleniya, ebene ebete tabo kiyawao kapiyamo kubakuba uliyana ibagodone eba alibolenalo temetemagopi epetapi bilibilinomo atumu wadekobi ebo kamidioleni. 17Nanitabola, Yasute makomako wadewade tanalo epatamo osiyodilolenaki, Godokono woki awokalimidawa Aisayate degiya ebe tabote nanitaboma kedama, iyo, ebe dawate iyalo tetelo tabo ma kunu giya, Ebete aimano gabugabu egawalo temeteme kuwateaemene.w

Woki Netewago Yasuko Walomata Modoboa Luk 9:5762

18Egela idilo epo epetapi bilibilinomate Yasuko danawamidadigiya, ebete ebe tanalo umite ebe walomatapi nanaliya, A paka apuamo kanaiwaliye.

19Ebe tetelo Godokono Totomu iyatulamedawa idite pete ebetamo napegiya, Iyatulamedawa, ama kebamo katoaemene, nale ama ebamo kowalomatamota.

20Wiyasiya Yasute ebeno tabo olowite negiya, Iyaiya, ama dopamo me tanalo idi wadenomamo nemalagidila. Tumu gaagaano lao bai damela gugu bapolalamena egawalo olaolate ibino moto etemoteonaka, wiyasiya na Epono Naniwix naimano wata bai puliyala.y

21Ebene walomatadawa idite negiya, Kawodawa, modobola na dopamo tote, naimano nabiwi kadelete daemene, nale ebeno ape bobamo niyatite na walone ama kowalomaemamota.z

22 Yasute ebetamo nowamiya, Ao, ama kalonomo na nowalomaena, wiyasiya modobola aelao epate ibi akatuwa ibino aelaopi bobamo nalomomana.

Yasute Awa Matalukobi Damidini Mak 4:3541; Luk 8:2225

23 Ebene adimo tete eba tatalinalo Yasute peamo daniwisigani ebe walomatapiate ebago kapimiya niwitioniya. 24Ibate peamo olonate datolameniya ebe tetelo kawo awanomote eba penalo kawokawo ulate maimionate pe guamo obo ebo polomeni, wiyasiya Yasute pe gulo u ebe watani.a 25Ebema walomatapiate ebetamo pelamenate ebe eba pamutiyanalo ebo pananiya, Kawodawa, aimano igilo namulaleama! A kaelaomalema!

Mat8


25

b 8:26 Mat 14:31; Oale 89:9 c 8:29 Mak 1:24; Luk 4:41 d 9:1 Mat 4:13

26 Yasute wiyasiya negeni, La bedama katoletoleawenama? Laimano nanitabokobi midi tanalo depesonomola! Ebe tetelo ebete maiganate awa egawalo ulo kawiya nanaleni, La nolodiyobala! ebene pakate matalukobi olowinomo gito olowini.b

27Ebe tetelo ibi bilibilinomate eba anoanonalo negelaniya, Me kebako dubulaka? Awa egawalo ulo ibate ebeno tabo olowite atudila!

Yasute Gadala Duliyomolopi Kubakuba Uliyanago Dubu Netewa Wadekobi Damidioliya

Mak 5:120; Luk 8:263928 Ebene egela idilo Yasute paka apuamo naiwate Gadala

duliyomolono opamo nemaigate, damelamo eba nodololo kubakuba uliyanagono dubu netewate ebago ebo palugiya. Ebe dubu netewate aelao epono bobo bailo okolionamiya egawalo ibi elawoelawonomola, ebema epate ebe gabodo wapatalaema kawonomamo toletoleonamiya. Nanitabola, ebe opo epono tanalo ma kunula, ibate maboele nokola damela eba obobolelo iyaiya bobo ebo osiyodilolenakiya ibate ibino aelao epono ape alomoma. 29Me dubu netewate Yasuko dumiya ebe tetenomolo ibate gelatepaolo negeliya, Ama Godokono Gudulata! Ama atamo beda tanalo nakosiyodilaemene? Godokono kuba wiya ikalame tete peano, ama dopamo a anakapuaema kapawa?c

30Ebe tetelo ibi niyakabolo dabiole goeogoeo bilibilinomate nalago wapatalamitiya, 31ebema kubakuba uliyanagopi dubate Yasuko toweomelo negeliya, Ama a me dubagodone aliboema ubi diyatawita, modobola amale a goeogoeatamo naliboa.

32 Yasute ibatamo negiya, Natolamala! Ebe tetelo ibate dubagodone nemaimite goeogoeatamo ebo nopilaiya, ebema ebe goeogoeate damela unune puilaote maboele damelane danagudiya, obamo nololuote ibi bilibilinomate gito naelaiya.

33 Ebe tetelo Yasute kubakuba uliyanagopi wadekobi keba kunu kamidioliyale, goeogoeo ulamepi dubate ebe tanalo umite ibino duliyomolamo puilaote epo bilibilinomo ebo nanaliya. 34Ebene duliyomolo epo bilibilinomate Yasutamo pelamete, ibate ebe dapumiya ebe napaniya ebete ibino opo atepate katoma.

Yasute Ape Kodakoda Temetemago Dubu Wadekobi Damidiya Mak 2:112; Luk 5:1726

9 1Ebene Yasute peamo olote paka apuamo naiwate ebeno okoli duliyomolo Kapeniyamamo gito nemaigiya.d 2 Ebe tetelo epate ape kodakoda temetemago dubu patapatago aguwatiya, ebene Yasute

Mat8 , 9


26

e 9:4 Mat 12:25; Luk 9:47; Yon 2:25 f 9:6 Yon 17:2 g 9:11 Luk 15:2

ibino nanitabokobi midi tanalo umilamete ebetamo negiya, Naimano namutudawa, ama nekalakala! Godote aimano kuba egebolemetate adodolomatilimata.

3 Wiyasiya Godokono Totomu iyatulamepi epetapiate ebe tabo olowite ibi magumulo tabo ma kunu gelitiya, Me dubute amamago kuba tabo ge Godokono ololo apulo!

4 Ibate ibino tepo magumulo degeliya, Yasute iyatawate ibatamo negiya, Mabu keleka laimano tepo magumulo me kuba tanalo demalagidilawitama?e 5 Me tabo kodakodalaka nale gema, Godote aimano kuba egebolemetate adodolomatilimata? O me tabo idi gema kodakodalaka, Ama maigawete natoa? 6 Ebema nale la kiyatulaemamota na Epono Naniwigodolo elawo bitana me opo kawonomolo epono kuba egebolelamete kadodolomatililaema. Ebene Yasute temetemago dubutamo negiya, Ama maigawete, bogo mokopiamidawete motamo natoa. f

7Ebema ebe dubute maigate ebeno motamo gito tiya. 8 Nanitabola, epo bilibilinomate ebe tanalo umite eba anoanoutalo Godokono mailo unamo ebo adipatiya, mabu ibino ololo apulo ebete Yasudo ebeno elawo kawonomo awokalimiya.

Yasute Matiyuko Dekamiya Mak 2:1317; Luk 5:2732

9 Yasute ebe motone nemaigate eba petonatolo dubu idi ebo numiya, ebeno mailo Matiyutela, ebe takese uwatedawala, ebete ebeno woko bailo okoliti. Ebe tetelo Yasute ebetamo negiya, Ama na nowalomaena, ebene ebete maigate Yasuko nowalomatiya.

10 Ebene Yasute ebe walomatapiago Matiyukono motolo bae eba nautalo, takese uwatepi egawalo Godokono Totomu Tabo uwateapi ibi bilibilinomo epetapiate pelamete ibago pepolaniya. 11 Ebe tetelo Palisi tanebapi dubu epetapiate ebe tanalo umite ebe walomatapiatamo negeliya, Laimano iyatulamedawate takese mani elemasigilo uwatepi egawalo Godokono Totomu Tabo uwateapiago bae bedama kenanakole?g

12 Yasute ebe tabo olowite negiya, Wadewade epate doketatamo akatolaemana, wiyasiya gabugabuagopiate katolaemana. 13 Iyo, piyate akatuwa degelana, A wadewade epola, na ebakobako epo uwatema kapiya. Na wiyasiya kubakuba epo kapiya uwatema piyamo, ibate na kowalomaenema. Ebema modobola la me Godokono Buka apuno tabo magumu nanowadiala, La natamo

Mat9


27

h 9:13 Mat 12:7; Ose 6:6 i 9:14 Luk 18:12

kalimagono inamabu gito akopikanamala, na ubianola. Wiyasiya na ubila laimano tepo magumulo nilakapo tanalo kuima.h

Godokono Woko Osiyodiloma Bae Naoano Polana Tanalo Mak 2:1820; Luk 5:3335

14Ebene Yonekono walomatapi epetapiate Yasutamo pelamete ebe napalatediya, Mabu keleka a egawalo Palisi tanebapi a bilibilinomate iyaiya tetelo bae naoano dapolananakoma Godokono woko osiyodiloma, wiyasiya ama walomatapiate bae naoano kapolananakoa?i

15Yasute ibatamo negiya, Dubute kamiyale daidimene, ebe tetelo ebeno namutupiate soliyomu bailo tepo mibomibago gito bakapolanamana? Ao, modoboa! Ibate ebago soliyomu bae kapimiya kenaomana. Wiyasiya kamiyale oli aidi dubute ebeno kamiyale duliyomolo idamo magata tete nape, nanitabola, ebe tetelo ebeno namutupiate ibino tepo temeteme tanaloma bae naoano kapolanamana. Ebema numala, me tete ebe laimano kalakalago bae nao tetela mabu nale lago bokolinamo.

Tagala Okoli Tanalo Egawalo Oli Okoli Tanalo Mak 2:2122; Luk 5:3639

16 Ebene Yasute tabo mogamelo walo nakegiya, Lumagite oli kaliku apu tagala kalikuno bolegalamo akowaluomene, mabu kaliku ukula tetelo ebe oli kaliku apute tagala kaliku kanagiyamidalemene, ebene bolegalete kawonomoma kedamene. 17Egawalo atu gabodo lumagi idite tagala gautugoeo tama kalilamo oli daimi obo akalatemene, mabu oli daimi obote tagala gautugoeo tama kalili kanatapulaemene, ebene daimi obote opamo kakaliyaote daimi obo egawalo kalili ibi netewate kapiya tetelo kakubakubaomana. Me mabuma iyatawadawate oli daimi obo olioli tama kalili kapiyamo nalateonakomene, daimi obo egawalo kalili ibate tete geyageyalo wadenomamo kapolanama.

Yu Watodawa Dubute Yasuko Datoweomiya Ebeno Buwele Wadekobi Kamidima

Mak 5:2123; Luk 8:4042a18 Yasute me tabo ibatamo eba kiyawautalo, Yu watodawa dubute

ebetamo pete pupamo pokolite napegiya, Naimano buwele kamanomo ae, wiyasiya ama pawete aimano koto ebetamo dapowatilaemene ebete aene walo kakemaigamene.

Mat9


28

j 9:21 Mat 14:36 k 9:27 Mat 20:2934 l 9:30 Mat 8:4

Kalima Kakaliya Temetemago Kamiyalete Yasukono Kaliku Dologiya Mak 5:2434; Luk 8:42b48

19Ebema Yasute maigate ebe walomatapiago ebe kawo dubu ebo walomatiya. 20Ebe tetelo kamiyale idi 12 ulama tetelo kalima kakaliya temetemete duminami, ebete Yasukono walogabo apune pete ebeno kaliku ebo pologiya, 21mabu ebete nemalagidiliya, Nale ebeno kaliku dologimo, nale wadekobi kolowimamo.j

22 Yasute olobigate ebe dumiya ebetamo negiya, Kamiyale, ama nekalakala! Aimano nanitabokobi midi tanalote ama wadekobi amidata. Ebe tetenomolo ebe kamiyaleno temetemete ebo olopoligomiya.

Yasute Yu Watodawa Dubuno Buwele Aene Dadipatiya Mak 5:3543; Luk 8:4956

23 Ebene Yasute Yu watodawa dubuno motamo pete ae buwele liyaema bibolo damoleutiya ebe dubu egawalo epo bilibilinomo ebo pulamiya, ibate gowela kawonomago polaniya. 24Ebema ebete ibi nanaliya, La bilibilinomo moto gune nanemaimiala. Buwele dapeso kaeaka, ebe u watita, wiyasiya ibi bilibilinomate ebe nekalakalatiya. 25Ebe tetelo Yasute epo motone palibolete buwelete dekapitani ebe baiamo nopegate ebeno koto danelaemiya ebete ebo maigiya. 26 Ebene ebe anoano tanalono tabote ebe opo kawonomamo gito tiya.

Yasute Balidi Tamiolame Dubu Netewa Wadekobi Damidioliya27Yasute ebe duliyomolo atepate eba tonatolo, balidi tamiolame dubu

netewate ebe eba walomatanatolo kawonomamo ebo negelapatiya, Daibidikono Alamu! Ama a nanilakapoiama!k

28 Ebene Yasute moto gu idamo nodolote ebe balidi tamiolame dubate atu motamo dakanodoliya Yasute ibi nalatedaliya, La nanitabokobi nakamidawitama, nagodolo elawo bitana la wadekobi kamidioletama?

Ibate tabo eba wiyalo negeliya, Iyo, Kawodawa, amagodolo elawo bitana.

29Ebe tetelo Yasute ibino balidamo ebeno koto eba watiolelamelo ibatamo negiya, Mabu lale na nanitabokobi amidinimata, ebe mabuma nale laimano balidi wadekobi kamidiolemamo. 30Ebene ibino balidite wadekobi dolowiolamiya, Yasute ibi kawonomamo analelo ibatamo negiya, La me tanaloma epo epetapi akoanalala!l 31wiyasiya ibate tote ebe opo kawonomamo Yasukono tanalo ebo nakiyawaiya.

Mat9


29

m 9:33 Mak 2:12 n 9:34 Mat 12:24; Mak 3:22; Luk 11:15 o 9:35 Mat 4:23; Mak 1:39 p 9:36 Mat 14:14; Nabas 27:17; 1Ela 22:17; Sek 10:2; Mak 6:34 q 9:37 Luk 10:2 r 10:1 Mak 6:7; Luk 9:1

Yasute Tabo Kiyawaoa Dubu Wadekobi Damidiya32 Ebene ebe dubu netewate eba tutalo epo epetapiate dubu idi

Yasutamo ebo magatiya, mabu ebe tabo kiyawaoa kuba uliyanagonola. 33 Ebe tetelo Yasute ebegodone kuba uliyana dalibiya ebete tabo kiyawao ebo wagilimiya, ebema epo bilibilinomate me tanalo umite anoanolo negeliya, A Isalaela opolo mako tanalo kuminakia!m 34wiyasiya Palisi tanebapiate negeliya, Ebete kubakuba uliyanano Kawodawano elawamo alibolenako, Godokono elawamoa!n

Yasute Ebeno Nilakapo Epatamo Dawokalimiya35Yasute Yu epono kawokawo egawalo egege duliyomolodo

dapetonaki, ebe tetelo ebete ibino iyaiya balidi ibilamole motolo ibi eba iyatulamelo ebete Godokono Kawo Elawodawano tanalono Wade Tabo ibatamo ebo kiyawaonaki, egawalo ebete ibino iyaiya temetemagopi wadekobi akamidiolenaki.o 36 Ebene egela idilo ebete epo bilibilinomo ulamete ebeno tepo magumulo kawonomamo nilakapoilamiti, mabu ibate woki bilibilima egawalo elawoanoma edautiya, sipigoeogoeate ulamedawano keba kunu kilukuline eba kunu.p 37Ebene Yasute ebe walomatapiatamo negiya, Godokono pali magumulo kono bilibilinomo akodakodaiya, wiyasiya tapio wokopi bilibilia,q 38 ebema la pali namutudawatamo towetowe tabo negelala, ebete wokopi epetapi pali magumamo kapalibolemene wadewade kono kapetapioma.

Yasute Ebeno 12 Alibolepi Dubu Dekalamiya Mak 3:1319; Luk 6:1216

10 1Ebe tetelo Yasute ebeno 12 walomatapi dubu ebetamo kalamite ibatamo elawo ebo ikalamiya, ibate epagodone kubakuba uliyana kanalibolema egawalo iyaiya temetemagopi wadekobi kanimidiolema.r 2 Me Yasukono 12 alibolepi dubuno mailola.

Dopo dubu ebe Saimonotela, ebeno mailo idi Pitate, egawalo ebeno ekawi Andulutela.

Sebedikono gudi Yaimesiko egawalo ebeno ekawi Yoneko. 3 Pilipiko, Batolomuko, Tomasiko, egawalo Matiyuko, ebe takese

uwatedawala.Alapiyasikono gudu Yaimesiko, Tadiyasiko, 4egawalo Saimonoko.

Me Saimono idi ebe ubila kapela Loma gabamani epago eba gowelalo ibate ebeno Kainane opo ebo katepama.

Mat9 , 10


30

s 10:6 Yel 50:6 t 10:7 Mat 3:2; 4:17; Luk 10:9,11 u 10:9 Luk 10:4 v 10:10 Luk 10:7; 1Kol 9:14 w 10:12 Luk 10:56 x 10:14 Luk 10:1012; Ali 13:51

Egawalo walogabo dubu ebe Keliyota duliyomolodawa Yudasite, ebete walone tetelo Yasuko anakapumipi walubiliya.

Yasute 12 Walomatapi Dubu Daliboliya Mak 6:713; Luk 9:16

5Yasute me 12 dubu eba alibolelo ibi nanaliya, La Yuapiatamo akotolamala, egawalo Samaliya opo epatamo akonemaimiala. 6 Wiyasiya la Isalaela opolo dilukuliona ebe Yu epo kapiyatamo natolamiyala, ibate tumamo dalatidioliya ebe sipigoeogoeo keba kunulaka eba kunu ilukulina.s 7Ebene la eba tolamelo me tabo kapiyate nakiyawaonatiyala, Godokono Kawo Elawodawama eda tete tatalila.t 8 Egawalo la ebolo gabugabute dulamena ebe epo wadekobi nanamidiolenakiyala, kukulakukulagopi ibi atumu. Ebe atu tetelo aelaopi ae magumune nowadipalatelenakiyala egawalo kubakuba uliyana epagodone nalibolenakiyala.

Nanitabola, tete bilibilinomolo Godote ebeno wadewade tanalo latamo nilakapolo gito ikalamenakota, ebema modobola la epetapi atu nilakapo tanalago nowalubilinakiyala. 9Ebema la eba tolamelo kawokawo mani gatele magumamo akoalomala, egawalo egege mani atumu akowatala.u 10Gabo tetelo la kapiyakapiya inamabu pupuliawete epetapi akouwatala, egawalo la inamabu alomono ikuwa, agowa pata, egawalo gaubu atumu akouwatala, mabu ebolo duliyomolo epate wade wokodawano iyaiya modoboa tanalo namodoboilamelemenakomana.v

11La duliyomolo idamo nemaimiawete wade okoli lumagi nowadiawete danumaema, ebeno motamo nodoloawete ebegodolo nilukulatepawete walone ebeno motone opo idamo kakatolaemamota, iyo, la moto idine moto idamo eba kunu akonowagelala. 12 Egawalo la kebe motamo danodoloaema, modobola la ebe moto epatamo nilakapo tabo nanegeliyala ma kunu, Godokono kalakalate lagodolo nitanamene.w 13 Ebema ebe moto epate la kalakalago uwatetate laimano tabo dolowimana, Godokono kalakalate ibagodolo nanitabonomolo kitanamene, wiyasiya ibate la uwatetano, la nilakapo tabo degelaema ebe tabono nanitabo tanalote ebolo akitanamene. 14Ebene kebe epate la kalakalago uwatetano, la ebe motone o duliyomolone eba tolamelo laimano agowano tuwae namodamidatepaliyala. Me tanalote ibi kiyatulaemene, Godokono tete ebe nape ebete ibino tanalo kapanagilamelelaemene.x 15Na latamo nani tabo gemo, Godote epono tanalo danagilamelelaemene, ebe Kawo Egelalo ebete me duliyomolo epatamo kuba wiya kawonomamo kikalaemene. Ebe tetelo ebete

Mat10


31

y Buka kalamioledawa, ama Sodomo egawalo Gomola duliyomolo epono tanalo iyatawama dowagelaemene, modobola ama Wagilamole Mabu 18:1619:29 numiye. z 10:15 Mat 11:24; Yud 7 a 10:16 Luk 10:3; Lom 16:19 b 10:1720 Mak 13:911; Luk 12:1112; 21:1215 c 10:20 Yon 14:26 d 10:21 Mai 7:6; Mat 10:35; Mak 13:12; Luk 21:16 e 10:24 Luk 6:40; Yon 13:16; 15:20

Sodomo egawalo Gomola duliyomolo epatamoy kuba wiya eba ikalamelo nilakapo kelamo kawokalimene, wiyasiya nanitabola, ebete nilakapo idi akiyatimene me kuba epatamo.z

Kawokawo Temetemate Pelaema Yasute Degiya Mak 13:913; Luk 21:1217

16 Ebene Yasute walo nakegiya, La nolowiala! La sipigoeogoeo keba kunulaka eba kunula, nale la elawoelawo gaagaano taneba magumamo alibolemata. Ebema piyate lago gowelaopima dedaona, lale ibago eba napolanalo modobola la mulo wokinomago nemalagidiloleniyala, egawalo atu tetelo milonomoma eba edaolo temeteme lumagi iditamo akoikamenakala.a 17La nanisiwale, mabu kubakubapiate la elawamo uwatetate tabo anagiyamida baiamo kemagatalemata, egawalo Yu epono balidi ibilamole moto gulo ibate la pakapakamo kanamagatiolemata.b 18 Ibate la na mabuma iyaiya kawokawo elawodubuno ololo apuamo elawago demagataletamene, ebe tetelo la naimano Wade Tabo ibatamo egawalo Yuapiatamo kakiyawaomamota. 19Egawalo ibate la tabo anagiyamida baiamo demagataletamene, ebe tetelo laimano gela tanaloma woki bilibilima akoedaoala, ma kunu, Na beda tabo nakegemo? Egawalo na tabo keba kunu nakakiyawaomo? Tete dapemene Godote ebeno iyaiya tabono tanalamo la kowalubilimata, 20mabu la akatuwa akakiyawaoaema, laimano Nabiwi Godokono Uliyanate lado kakiyawaomene.c

21Ebe tetelo naniwite ekawi aeamo kalibomene, egawalo atu gabodo ekawite naniwi kanakapuimene. Iyo, dubute ebeno gudu atumu kakamitimene, egawalo gudate dowaote ibino menokobila nabila aeamo kalibolemana.d 22 Ebene na mabuma epo bilibilinomate latamo kadowaomana, wiyasiya kebe lumagite temeteme magumulo kodakodalo utite uwomuamo danemaigamene, Godote ebeno igilo kamulaemene. 23 Ebema ibate latamo temeteme dikalametamene, ebe tetelo la wiyasiya duliyomolo idamo nalautiyala. Na latamo nani tabo gemo, la Isalaela opono duliyomolo bilibilinomolo woko eba nosiyodilolo ebe iyaiya woko opoliyaleano Epono Naniwite ebo kapemaigamene.

24Numala, epono umi magumulo sukulu guduno iyatawa tanalote ebeno iyatulamedawano iyatawa kodolina, egawalo wokodawano elawote ebeno woko namutudawano elawo kodolinakoa.e 25Ebema

Mat10


32

f 10:25 Mat 9:34; 12:24; Mak 3:22; Luk 11:15 g 10:26 Mak 4:22; Luk 8:17 h 10:28 Yai 4:12 i 10:31 Mat 6:26 j 10:33 Mak 8:38; Luk 9:26; 2Tim 2:12

modobola sukulu gudute ebeno iyatawa magumulo ebeno iyatulamedawa keba kunulaka ebako dawama nakedamene, egawalo wokodawate ebeno woko magumulo ebeno namutudawa keba kunulaka ebako dawama nakedamene. La nolowiala! Ibate na moto namutudawa kuba uliyana Biyelesibulu mailamo ekanamiya, ebema walone ibate atumu la naimano ekakiatamo kuba mailonomamo kekalaimata!f

La Poko Nakatolemawenama Luk 12:47

26Ebene Yasute walo nakegiya, Ebema ebe elawoelawo dubu akotolelama la . Kebe itiole tanalate dapolana walone tetelo Godote kawokalilaemene, egawalo waminaole tanalate dapolana walone epate kulamolemana .g 27Ebema nale idoko tetelo la dakiyawaolametanakoma, la le wiyasiya alo tetelo nakiyawaolamenakiyala , egawalo la le nagodone gananalo dolowiawenakoma, ebe iyaiya tanaloma laimano tabo madodo eba adipatelo epo bilibilinomatamo nawokalilamenakiyala . 28La ape anakapulame iyatawaopi akotolelama la . Ibagodolo elawo puliyala epono uliyana anakapulamete Ela Opamo iyalekema . Wiyasiya la Godoko natolemenala , mabu ebegodolo elawo bitana epono ape egawalo uliyana kapiya tetelo Ela Opamo iyalekema .h 29Numa la , epate netewa piliyo olaola kapiya toea maniamo uwatelo gelanaka ebe olaolano igilo kawokawoa , wiyasiya laimano Nabiwi Godote ebako egege olaola eba malagidilolenalo, ebete modobo tabo geano ibi magumulo idi kapiyate akaemene. 30Egawalo nanitabola, laimano watono eke bilibilinomo Godote iyalo tetelo eka lamioliya, iyo, laimano iyaiya tanalo ebete iyatawanomola. 31Ebema la woki bilibilima akoedaonala . Ebeno nilakapo olaolatamo nanitabonomolo bitana, wiyasiya ebeno nilakapo latamo kawonomoma edate ilukulina tetelo bitanamene!i

Epono Ololo Apulo Yasuko Awokalimi Tanalo Luk 12:89

32Ebene Yasute walo nakegiya, Kebe lumagite awokala degemene, Na Yasuko walomatadawala, na atumu Nabiwi Godokono ololo apulo kegemamo, Me lumagi ebe naimano ekawila. 33Wiyasiya kebe lumagite na iyatawama awokala degemene, na atumu Godotamo ebe iyatawama kakegemamo.j

Yasute Epono Gowela Mabuma Edana Luk 12:5153; 14:2627

34Ebene Yasute walo nakegiya, La nakemalagidilawitama nale me opamo milo adaema pe? Ao, na epatamo milo ikalaema kapiya, na

Mat10


33

k 10:35 Mai 7:6 l 10:3839 Mat 16:2425; Mak 8:3435; Luk 9:2324; 17:33; Yon 12:25 m 10:40 Mak 9:37; Luk 10:16; Yon 13:20

gowelaono gili ikalaema piyamo. 35Numala, naimano iyaiya tabono tanaloma anagiyamida tanalote epo magumulo kapemaigamene. Ma kunu anagiyamida tanalote dubu egawalo ebeno nabiwi ibi magumulo kitanamene, egawalo buwele ebeno menokago ibi magumulo kitanamene, egawalo kamiyale ebeno awino menokago ibi magumulo kitanamene. Iyo, na anagiyamida tanalo epatamo ikalaema piyamo,k 36ebema nanitabola, na mabuma dubuno moto epate ebago kagowelaomana.

37Ebema kebe lumagite ebeno nabiwila menokola kawonomamo eba malagidilelo na kelamo demalagidilonena, ebe lumagite naimano woko osiyodiloma akamodobomene. Egawalo kebe lumagite ebeno gudi kawonomamo eba malagidilolenalo na kelamo demalagidilonena, ebe lumagite naimano woko osiyodiloma akamodobomene. 38 Egawalo kebe lumagite ebeno kewa olotolowa agute na walomaeneano, ebete atumu naimano woko osiyodiloma akamodobomene.l 39Ebema kebe lumagite ebeno kateneno ubi gabodo eba tolo ebeno igilo nagodone damoedamene, ebeno igilote kalatidimene, wiyasiya kebe lumagite ebeno igilo na mabuma datutimene, ebete nanitabo igilo kelaemene.

Godogodone Wade Wiya Lawe Tanalo Mak 9:41

40Ebene Yasute walo nakegiya, Kebe lumagite ama kalakalago dowalubitana ebete na walubinina, egawalo kebe lumagite na dowalubinina ebete na kapiya kowalubinina, ebete na Alibonedawa Godoko atumu nakowalubina.m 41Ebema kebe lumagite Godokono woki awokalimidawa kalakalago dowalubina ebete walone Godogodone ebeno woki awokalimidawano wiya kelaemene, egawalo kebe lumagite tuputupudawa kalakalago dowalubina ebete atumu tuputupudawano wiya kelaemene. 42 Na latamo nani tabo gemo, me egegepi magumulo kebe lumagite na walomaenedawama dedana, ebe mabuma idawate gibagiba obo ebetamo dikaemene, ebete Godogodone delaemene ebe wade wiyate akalatidimene.

Yonete Ebe Walomatapi Yasutamo Daliboliya Luk 7:1835

11 1Ebene Yasute ebeno 12 walomatapi iyatulame dolopoligiya, ebete ebe duliyomolo atepate Yu epono duliyomolo epetapilo ibi iyatulamago eba tolo Godokono tabo ebo kiyawaolamenatiya.

2 Ebe tetelo Yoneko epo obamo wadubamidaoledawate idoko motolo eba okolinalo, Kelisote wadewade tanalo dosiyodilolenami

Mat10 , 11


34

n 11:5 Ais 35:56; 61:1 o 11:10 Mal 3:1; Luk 1:76 p 11:1213 Luk 16:16

ebete ebe tanalo olowiote ebe walomatapi ebetamo ebo aliboliya. 3 Ebene ibi netewapiate Yasutamo dapemaimiya ibate ebe ma kunu paniya, Yonete pema degi, ama ebe lumagilaka o ale lumagi idi kemakopelenama?

4 Ebene Yasute wiya tabo ibatamo negiya, La toawete lale kebe tabo kolowiawitama egawalo kebe tanalo kulamawitama, ebe iyaiya tanalo Yoneko nananala. 5 Balidi tamiopiate balidi amelea egawalo agowa tataipiate nowapatalama! Kukulakukulagopiate wadekobi olowiya egawalo galo tamiolamepiate nolowia! Aelaopiate aene walo akemaimiya egawalo nigologolo epatamo Godokono Wade Tabote ape!n 6 Ebema kebe lumagite na nanitabokobi eba midinilo woki netewama edano, ebegodolo Godokono kalakala tanalote bitanamene!

7Ebene Yonete dapaliboliya ebe dubate eba tolo, Yasute Yonekono tanaloma epatamo ebo kiyawaiya. Ebete negiya, La Yonekono tanalo olowiawete bulu opamo danemaimiaima, beda tanalo uima katolamaima? Pudo kapiya awate gito dadegetiti, ebe uima katolamaima? 8 O la wadewade kaliku pupulio dubu uima katolamaima? Ao, la iyatawalata wadewade kaliku pupuliopiate bulu opolo kilukuliona, wiyasiya ibate kawokawo elawodubuno motolo ibino kateneno ubilo ilukuliona! 9Ebema la na niyatunamala, la bedama katolamaima? Godokono woki awokalimidawa uimalaka? Iyo, na latamo nani tabo gemo, Yonete Godokono woki awokalimipi bilibilinomo odoili. 10 Nanitabola, Yonekono tanaloma Godote ebeno Bukalo tabo ma kunu giya,

Nale Kelisokono dopo apuamo naimano tabo atadawa kapalibomamo,ebete ebe dopomete ebeno gabo kosiyodiloma.o

11Yasute walo nakegiya, Nale latamo nani tabo gemo, wagilimi mabune me tetamo pemaiga me opo kawonomolo dawokalaiya, ebe epo bilibilinomo magumulo Yoneko kawodawanomoma edana. Wiyasiya me tetene wagilimite Godote Kawo Elawodawama dedana, ebe duliyomololo kebe lumagite dapesonomoma dedamene ebete Yoneko nanitabolo kodolimene. 12 Me tanalo idila. Yoneko tetene wagilimite me tetamo pemaiga, elawoelawo dubu ubila Godokono Wade Duliyomolo ibi akatuwa ibino elawamo lawete ebamo kanopilaoma, wiyasiya ibate akamodobomana.p 13 La nolowiala. Godokono woki awokalimipiate ebeno Bukamo dakuloliya egawalo ebete ebeno Totomu Tabo Mosesedo epatamo dikalamiya, ebe wade tabono tanalote iyalo tetelo awokalate, pete, pete,

godokono wade tabo - scripture earth wade tabo the new testament in the fly river dialect of the...

Documents