Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlaphur (may) 12, 2019 pathienni (sunday)

Hmasawnna Thar Vol - 34/208 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

HYA Ambulance Contact nos.

+91 98627 53196/ +91 98626 58868/ +91 70058 80278

Sielmat Hospital AmbulanceContact No. 9612911006

thangko/sunnaupa lalhmingthang sinate (72), s/o (L) Vom-runlien of Khawmawi chu May 11, 2019 zantieng 4:00PM khan a thi a, May 12, 2019 hin Khawmawi th-lanmuolah a ruong vuiliem ning a tih.Puihai: Sielhnam Lung\au

3D Vacuum Mobile phone cover printer an nei tharCCpur: Churachand-pur-a printing house in-lar R&L Enterprises 3d Vacuum Mobile phone cover printing Machine an inchawk thar a, an machine thar hi May 11, 2019 khan Rev Saithanglur in Pathien kuomah \awng\aia inhlan-na a nei. Tuta 3D Vacuum Mo-bile phone cover printer hi CCPur a ding chun a hmasa la nia hriet a nih. R&L Enterprise hi CCPur phairuoma chun Sublima-tion print le DTG machine haia Sublimation printing le textile digital printing thaw hmasa pawl tak an lo ni bawk. Machine thar hmang

hin Ieng ang mobile cover khawm dit ang ang de-sign-a print thei nghal a ni a. Mobile phone cover inchain an print thei zing ding nih. R&L Enterprises hin kha hma met khan Badge le

name plate printing khawm an lo nei thar ta bawk. Tshirt, flag, mug, keychain, glass memento, crystal frame & plate, tro-phies, bag, cap, sash le a dang dang hai khawm an print thei zing a nih.

SukdiknaZani SSC hnuoia CGL, 2017 (Tier-3) result ei hung insuo a Joshua Lalmalsawm Sinate ti le Joseph Lalzuithang Sinate tia ei hung ziek kha suksuol pal a nih. Joshua Lalmalsawm Sanate le Jo-seph Lalzuithang Sanate tia tiem ve ve ding a nih. Suk-suolna thuah pawi ei ti hle.

Mother’s DayCCpur: Vawisun May 11, 2019 hin khawvel pum-puiah Nuhai Ni ‘Moth-er’s Day) hmang ning a tih. Kohran tum tum hai khawmin Nuhai Ni hmang dingin a hran lieuin pro-gramme an siem tawl.

Jehovah Jire Agape Centre hawng

CCpur: May 11, 2019, 11AM khan Pangzawl Bus Terminal Campus, CCPur-ah Jehovah Jire Agape Centre hawng a nih. Centre hi Thang-khosuanmung, Chief of Hiangtam Lamka & Dy. Chairman, ADCC in khuolliena \hangin a hawng a, Rev. Genlal, Lingsiphai in \awng-\aia inhlanna a nei.

TKSU in Gen-eral Strike nei

tum an \hul phawt

CCpur: Thadou-Kuki Students Union (TKSU) GHQ in May 12, 2019 a inthawk tiemchin um loa General strike thaw an tum chu thuthar um nawk hma poa dingin \hul a nita thu May 11, 2019 khan Secy. Inf. & Publicity, TKSU GHQ chun thusuok a siem. Department of Higher and Technical Educa-tion, Govt. of Manipur le concerned minister han 17th Lok Sabha Election zoa Code of Conduct hlip a ni hunah an thil ngen sukpuitling pek an remti leia general strike thaw tum hi an \hul hri a ni thu an thusuok chun an ziek a. Amiruokchu, sawrkarin a thutiem anga a sukpuitling naw chun Union chu nuorna nei dinga inringsa zinga um a ni thu an hril. TKSU chun CCPur Govt. College principal ruotna seniority basis ni raw seh tia an an ngirna chu an inphet naw thu an thusuok a chun an zieklang bawk.

MBBS le BDS inchuk thei dingCCpur: MBBS, BDS le BASLP inchukna ding le inzawma NEET-UG 2018 a Select le Wait List a suok tah. Manipur-ah ST candi-dates 52 an \hang a, chu taka ei ni mi \hanghai chu, Margaret D.Sinate (135), Chinnunthem Lhouvum (198), Jerry Helialen Dimn-gel (215), Thangboilal Vai-phei (234), Niangsuanhoih Thomte (257), Priscilla

Lamthenkim (258), Seilen-lal Lhouvum (268), Hannah Iris Malsawmi (269), Neng-hoiching Haokip (270), Lh-ingjaithem Kipgen (277), Zomngaihching (281), L.Langsuanmung Ngai-hte (285), Chingngaihnem (298), Leivon Neithang Kom (302), L.Lamneineng (305), Vunghoihkim (306) hai an nih. Bracket-a number hai hi an rank a nih.

Suolna do dan ding chungchang an hriltlang

CCpur: Mr Kabib K. Sr. SP, CCPur hmalakna hnuoia khawtlanga suolna/sietna sukbo a ni theina ding a Police Community Liaison Group indin a ni hnungin May 11, 2019,

11:30AM khan SP, CCPur Office-ah ama (SP, CCPur) inrawinain Police Commu-nity Liaison Group (PCLG) meeting nei a nih. PCLG a hin Mr Kabib K. hi Chairman a ni a, De-

partment tum tuma head hai bakah, district sunga Civil Society Organisation \huoitu, Women Society, Philanthropic le Students Organisation \huoitu hai member an nih. Meeting huna hin dis-trict sunga suolna dang dan ding \halem ngaituo le hrilt-lang a ni a. Suol thawna dang dang tlung huna suk-suoltu hai inrang taka man anni theina dinga CCTV sie ding chungchang le thu pawimaw dang dang an hriltlang a. Meeting zo hin zantieng ruoi an kil tlang.

Dan hrietna kawngah ei inhnuoi:chairman, ADccCCpur: May 11, 2019, 11:30AM khan District Legal Service Authority, CCPur United Club Organ-isation (CUCO) le ADC, CCPur hai \hangruola huoi-hawtna le Manipur State Legal services Author-ity sponsored-nain Council Hall, ADCC Tuibong-ah One Day Legal Awareness programme hmang a ni a, Khaw tum tuma lal hai bakah school tum tuma Headmasters le mi dang dang an \hang tawl. Hi huna hin T. Paukhan-lian, Chairman, ADCC chief guest in a \hang a, S. Kulla Mangang, President, CUCO, CCPur le Paolal Haokip, Vice Chairman, ADCC hai functional presi-dent le Guest of honour in an \hang. Paolal Haokip chun, Legal tiengpanga aware-ness hi nuom mei meia nei thei a ninaw thu hrilin, mi tam takin Legal awareness

nei dingin sawrkar ngen hai sienkhawm a ngen po poin an hmu thei lo a ni thu a hril. A hril peinaah Legal Awareness fethlenga India ram ran, Rights ei nei hai a tam thei ang tak hriet tum dingin an fui a. Right ei hriet angin ei duties khawm ei hriet a pawimawh. Rights chau hrie a, duties hriet lo hi tawpsan a hun tah tiin a hril. T. Paukhanlian chun, lekha inchukna kawngah CCPur district chu Literacy percentage insangna tak nisien khawm Legal tieng-

pangah India danpui hrietna ei inhnuoi hle a nih tiin a hril. Legal tiengpang hri-etna ei nei tlawm leiin Dan hmangna ding um hunah ei buoi hlak thu hrilin, hien-gang dan tiengpang inhril-hrietna ding buotsaia um chu lawmum a ti thu a hrila, Dan tiengpang thiem han a tam thei ang awareness hung huoihawt thei hai sien a nuom thu a hril bawk. Awareness hunah P Khamkhanthuam, Advo-cate; Songzamang, Advo-cate le Lalthomawi Advo-cate hai resource person in an \hang.

a san hriet loin Bawng 18 zet an thi tah

imphal: Tulai hin Kum-bi Assembly Constituency, Bishnupur District sungah bawng natna hri an leng a, zani chen khan bawng 18 lai zet an thi tah. Tuhin bawng damnaw \hahnem-

tawk tak an la um niin ei thu dawngna chun a hril. Bawng an thina hmun hai chu, Haotak, Wan-goo Sabal, Ithai, Wangoo Ahallup, Chuthek Leikai le Napat hai an nih.

Zani zingkar khawm khan Wangoo hmuna lam-pui sir lai Bawng pakhat thihmun suola um hmu a ni a. A neitu chun san-him tumin damdawi a pek a, sienkhawm ieng natnaa damnaw am ti hriet a la ni nawh. Tuchena hin Veterinary official han Bawng thina hmun hi sirin an la enfel nawh. Tuta hma khan Chura-chandpur a khawm a san hriet loin ramhnuoiah Bawng iemanizat a thisaa hmu an lo nitah.

Helpawl 7 ralthuom leh manimphal: May 9, 2019 khan Security Forces han Kamjong District, Manipur ah helpawl group thuma mi 7 hai chu ralthuom leh an man. Mana um hai lai hin PREPAK 5, KYKL 1 le UNLF a an \hang. An kuta inthawka ralthuom an man hai lai hin 7.62mm AK-56 Rifle 1, 7.62mm Assault Rifle Type 81, 9mm Pistol 1, 7.62mm AK Silaimu 79, 9mm Silaimu 9, China siem

Hand Grenades 3, Lethod High Explosive round 2, Detenators 3, AK magazine 1 le 9mm Pistol maga-zine 1 a \hang. Helpawl le

ralthuom mana um hai hi Imphal West District Police Station-ah peklut a nih tiin Security Forces thusuok chun a hril.

rFt in Quilt le bedsheets an sem

CCpur: Ropiang Foun-dation Trust (RFT) chun CCPur khawpui sung le a sevela naufahra enkawlna home haia \hangpuina

thil sem an sunzawm pei a, zani khawm khan Lainat Ministry le home dang dang haiah thilpek Quilt le Bedsheets an sem.

RFT hin April 13, 2019 khan Only Grace le Amazing grace, April 11, 2019 khan Hebron Children Home le Cov-enant Children Home hai bakah April 10, 2019 khan Thingkangphai a um Mercy Home le Pan-gzawl a um Hapiness Home bakah April thla bul khan Sangga Muon In, Bijang, Tunnu Limbel, Zomi Colony le Vondei Saulim, Zomi Colony hai khawm Quilt le Bedsheets an lo pek tah.

Lok Sabha Elections 2019 Phase 6-na State 6-a Seat 59 nei dingModi le Minister han kum 5 sung inzinnain Rs. 393 Crore an hmang: PMOnew delhi: Lok Sabha 17th siemna dinga election sawng rukna chu May 12 hin State le UT 6 haia Lok Sabha seat 59 a candidate 979 thlangna dingin ieng-kim peifel vawng a ni tah a. Voter Crore 10.17 haiin polling station 1.13 lakh ah zing dar 7am a inthawka zantieng dar 6pm chenin vote thlak an tih. Union Minister le State Chief Minister senior tak takhai biel \hangna in-thlangna hi State 6 seat inthlang ding zat chu Ut-tar Pradesh 14, Haryana 10, West Bengal, Bihar le Madhya Pradesh 8 seng, National Capital Delhi 7 le Jharkhand 4 hai an nih. Delhi hi Chief Minis-ter hlui le Delhi Congress chief Ms Shiela Dixit biel khawm a \hang a. BJP Pres-ident Manoj Tiwari le AGP hotu lien le Union Minister iemani zat an \hang bawk. Madhya Pradesh ah CM hlui Dig Vijay Singh hai an \hang. Delhi CEO Ranbir Singh chun, Delhi ah voter 1.43 crore an um a. Poll-ing booth 13, 819 ah 17 chu ‘pink booths’ tiin nuh-mei vawngin enkawl an ta, South Delhi-a Madangir chu pieng danglam, PwD (People with Disabilities) han an enkawl ding niin a hril. Free and Fair elec-

tion a um theina dingin thawktu 1, 44, 270 sawrin security personnel para-military forces company 47 le police personnel 60, 000 hmang ning an tih” tiin a hril. Delhi hi VIP tamna tak a ni leiin venghimna khawm sukkhauin, EVM khawm 25, 146 le VVPAT 12, 819 hmang a ni ding niin a hril. Voter lai hin nuhmei 64 lakhs le pasal 78 lakhs an um a, Third Gender 699 an um bawk. Vote thlak ding leiin Pathienni Delhi Metro chu dar 4am a inthawkin tlan \an a ta, minute 30 kar dan peiah hung a tih. Delhi ah hin candidate 167 an um a, 16 chu nuhmei an nih. Phase ruknaa candidate inlar deuhai chu: Union Minister Maneka Gan-dhi, Radha Mohan Singh, Harsh Vardhan, Narendra Singh Tomar, Delhi Unit President Manoj Tiwari, Jharkhand Unit President Laxman Giluawa, cricketer

Gautam Gambhir le Pragya Singh Thakur bakah UP CM hlui le SP chief Akh-ilesh Yadav hai an nih. Delhi hi AGP inlalna a nih a, Chief Minister Ar-vind Kesriwal chun Con-gress leh an \hangkawpa an hrat chun Rahul Gandhi Prime Minister ning a tih, tiin a hril a. Khawhnungah, Congress \hangpui chu BJP thlawp ang tho a nih, a ti nawka. Iem a ang ding? Senior Congress ngirhai chu Digvijay Singh, Bhupinder Singh Hooda, Jyotiraditya Scindia, boxer Vijender Singh le cricketer Kirti Azad hai an nih. UP hi 2014 khan BJP-in tuta 14 laka hin 12 an lo lak a, an hrat vawng nawk naw chun an muolpho ding a nih. Madhya Pradesh seat 8 inthlang ding a na. A renga seat 29 ah 2014 khan BJP-in 26, Congress 3 an nih a. State Assem-bly Election ah khan seat 230 ah Congress-in 114 le

BJP in 109 an hmu a. state ah Congress rorel lai a nih. Haryana ah candidate 223 an uma, nuhmei 11 an \hang. Jharkhand, ah ex-chief minister Madhu Koda nuh-mei Gita \hangin candidate 67 an um. Kum 2014 khan seat 4 hi BJP-in an lak vawng. Hienglai zing hin, 2014 June a inthawk khan Prime Minister Narendra Modi foreign inzinna dinga chartered flight ruoi man, aircraft maintenance, hot-line haiah Rs. 2, 021 crore hmang a nih a. Modi le a Council of Minister han domestic le internatinal flight ah Rs. 393 crore an hmang bawk niin PMO-in RTI zawna a dawn. Mr Anil Galgali-in RTI a file dungzuia report chun dometic ah 48 crore le foreign trip ah Rs. 283 crore, mipui pawisa Modi le Minister han an hmang niin hril. City-based RTI

activist Anil Galgali hin ‘Foreign Travel Expens-es (FTE) and Domestic Travel Expenses (DTE) incurred by the Prime Min-ister and his Council since May 2014” tiin PM a ngen a. Senior accounts officer of Pay and Account Office of the Cabinet Affairs, Mr Satish Goyal-in a pek suok a nih. Cabinet Minister le Minister la \he nawk a ni a. CM han Rs.311 crore an seng laiin Minister han Rs. 82 crore an seng a. Tam-tak Rs. 88 Crore sengna 2014-15 sunga mi hmu a ni naw thu a hril bawk a. Anil chun 2014-15 sunga mi Rs. 88 crore hmangna mumal record a um naw chu ‘lack of transparency’ a nih tiin, “RTI zawna dawnna chun a kimchangin a mi hril nawh, transparency indiktak a um nawh” tiin a sawisel. Election campaign-naa PM Modi sum hmang zat an dawn nawka. Hi hi chu sawrkarin a sanction thei naw leiin a hriet naw thu a hril. Mimal Private hai do-nate pawisa hmanga cam-paign niin a hril a. Private agency/company/mimal do-nation thawhai an dawn naw-ka chu a la pek suok nawh. Modi hin a term sung khan foreign ah vawi 49 an zin hman a nih, May 2014 a inthawka February 22, 2019 chenin. (IT/HT/PTI)

Chandel dist teacher hai thla 2 hlaw la ta lo

imphal: Chandel Dis-trict teachers’ Association (CDTA) in thusuok siema an hril dan chun, Zonal Education Officer (ZEO) Chandel-in an hlaw thla hni, March le April a re-lease pek nuom nawa, an la hmu naw zing niin an hril. Mr LK Premson Anal, President of CDTA-in Im-age TV Kakching ah press-men hai an hmupuinaa chun, Zonal Education Of-ficer (ZEO) Chandel hnuoia thawk Teaching le Non-

teaching staff hai chun thla hni hlaw kan hmu ta nawh” tiin a hril. Mr Anal chun, an Head Clerk khawmin Bill po po a zo vawng tah a, amiruok-chu, ZEO hin hlaw pekna dinga Clearance a pek/thaw nuom \hak naw hi asan ding awm an hriet naw thu a hril bawk. Vel tam ZEO an hril taa chu a ngaisak naw leiin Eduction Minister kuomah intlun an tum ta niin a hril bawk.

director rims-in Contract market an changtir: KCp

imphal: Phairam helpawl Kangleipak Communist Par-ty (Military Affairs) chun, election Code of Conduct a um lai zingin Director of RIMS, Imphal chun pawisa tam tham tak chu ‘Marjing’ ti company hmingin a pek suoka, RIMS chu election lai ‘Contract Market’ an changtir, tiin an tum. Comrade Lanchenba Meitei, Secretary, Informa-tion and Publicity, Military Affairs chun, RIMS direc-tor chu mipuihai hriselna

ngaisak nekin contract work chauh ngaituo le ngai pawimawin an tum bawk. Hi thil hi tulai RIMS le JNIMS haiah damnaw tamtak enkawl mek laia thi an pung/tam taluo hi a san iem tia KCP-in a sui laia a hmusuok niin a hril a. A hril pei dan chun, document lekka tamtak el, RIMS di-rector-in health care centre chu Contractor market (sin zawngna) an changtir zie a nei niin a hril a. Dirctor chu mipui hriselna nekin con-

tract an hnik lem tah tiin a hril bawk. An thusuok hril dan chun, RIMS director hin a mi le sa-hai, a rawihai chu Engineer-ing Cell ah a thun a, A sung le kuohai tamtak le a tarpuhai khawm contract tamtak a pek niin a hril. Chubkah, helpawl le terrorist anga ngai RSS le ABVP (BJP) mi sawr le \hangkawppui) hai kuomah donation tamtak a pek hlak niin a hril bawk. Staff, professor le doctor han an hril rik ngam nawna san chu Director hin CSO hotu ie-mani zat a hriet a, thilthawthei hmelhriet a hau si leiin an chungah thil \ha naw tlung an inlau leiin an to a nih, tiin Di-rector chu a thil thaw a bansan naw chun a tuor ding niin KCP MC lekha chun a ziek. (IT)

Hmasawnna Thar2 thlaphur (may) 12, 2019pathienni (sunday) artiCle/health & emplOyment news

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

VAWISUN THUPUINuhmei var taphawt chun a in chu a bawl a, Nuh-mei invet ruok chun a kuthaiin a \hiek hlak.

-THUVARHAI 14: 1

nu |haRam le hnamin a \ha zawnga ke a penna ding hin mamaw chi hran hran um thei a ta, mi hran hranin pawimaw ei ti le ei sie pawimaw le ei sie chun-ghnung tak khawm inang nawng a ta, a pawimaw tak ti bik ding khawm a um chuong naw el thei. Amiruokchu, thlirtu hran hran hai hmai \hel der lo ding a um a, chu chu NU |HA a nih. Hnam nun ngielnghet le belchiengdawl indinna ding le a \ha zawnga hnam fedan her dik ding chun Nu \ha hi ieng hnam le ieng ram khawmin a mamaw tak niin an lang. Khawvel hin mamaw chi tum tum a nei a, chuhai laia pakhat chu NU |HA hi a nih. Nu \ha hai hi an hlu a, an ropui a, inza le ngaisang an um a nih. Nu \ha pawimawna ei hrietchieng leiin Nuhai Ni (Mothers’ Day) hi kum tin khawvel pumpui huopin hmang a ni hlak. Vawisun khawm hin Mothers’ Day ei thaw thei dan ang tawk senga \ha le ropuiin ei hmang nawk seng ding a nih. Nu \ha hi an pawimaw em em a, an puol bika Ni bik (Special day) hmang hi an phu hlie hlie a nih. Sap thuvar chun, “Nu’n khawvel a siem”, a lo ti hiel a nih. Nau le tehai ta dingin Nu le Pa hai hi pawimaw v eve hai sienkhawm Nu pawimawna hi a danglam bik a, nauhai chun Pahai nekin Nu-hai an nel lem. Hi hi Nuhai danglam bikna a nih. Nauhai chau an ni naw ie! Pahai khawm Nu-hai bo chun an tlei thei bik der nawh. Sungkhata Nu tak an hang um naw meu chun Pahai khawm lunglengin ei invai ruoi el hlak a nih. Fena ei nei a, In ei hang lut chara ei indawn hmasa tak chu i nu khawlam ti a ni hlak. Nu tak an um naw chun insung hi a kawruok huou el hlak a nih. Insung suk inhawitu tak chu Nuhai hi an nih. Nu \ha le nutling umna insung chu vanram le hremhmun an hril anga inthlau a ni ring a um, an hawi le an hawi naw thuah. Insung inhawina dingah hin sungkuo a member tin han mawphurna nei seng inlakhawm, a mawphurtu tak chu Nuhai an nih. Nu tak a fel na na na chun insung hi an hawi hlak. Khawvel hin NU |HA a mamaw takzet a nih. Hril rawp angin ei hnam, ei ram, ei khawtlang, ei kohran le ei insung hai siem \hatna ding hin pasalhai hi pawimaw ve tho inlakhawm, nuhmei an pawimaw zuol a, Nu \ha ei mamaw a, chu ding chun nunghak \ha ei sersuok tam a ngai a, nung-hak nun thienghlim, Pathien \i mi, midanghai chunga \hatna hau mi, mi taima le lampui \ha hriea zui mi ei mamaw a, tukhawm hin chu-ongang mi chu iemanizat ei nei a, sienkhawm hi neka tam lem ei \ulin ei mamaw a nih. Nunghak \ha le Nu \ha ei nei tampo leh mi \ha le mi fel an hung tam el ding a nih. Khawvel siem \ha theitu an ni tlat leiin. Nu \ha chun a nauhai chu an fak ding, an dawn dingm an sil le bil ding ngaituoin an thlathlam ngai naw a, Pathien ringna le inzana tak tak an hung nei theina dingin an kei\huoi a, Pathien thu le tienami \ha hai an hril a, \awng\ai dan an inchuktir a, \hahnemngai takin an \awng\ai pek bawk hlak. Lekha inchuklai an ni chun an inchuk-lai an enpui a, an inchuktir thiem naw khawmin suk phur dan an ngaituopui a, chuongchun an nau han nun \ha le nun ngielnghet, belchiengdawl an hung nei hlak. Ei society sungah ngei khawm hin mi hlawtling le nun belchiengdawl neihai chu NU \ha le Nu fel nei an ni nge nge hlak. Nu hai chu nauhai enkawl seilientu le kilkawi tam taktu an ni a, Nuhai zie an lak tam lem hlak. Hi lei hin Nu \ha le nuhmei \ha hi an hlu bek bek el a nih. Nu \ha ni ding chun nunghak laia inthaw-ka nunghak \ha ni a lo ngai a, ei society hin nung-hak \ha sersuok tam hi a mamaw em em el a nih. French ram \huoitu ropui Napolean khawm khan, “France ram hin Nu \ha a mamaw a nih, Nu \ha mi pe unla, France ram hi suk danglamin siem \hang ka tih,” a lo ti hiel a nih. Nu \ha ei tlasam chun ie ram hi \ha thei ngai naw nih. Pasalhai nekin Nuh-meihai hin mihai lungril hne theina an nei \ha lem. Nuhmei mei mei ti hi ching tam lo ding a nih.

happy mothers’ day!

Nu Chu Thlarau Thienghlim Ang A Nih -Joseph Joute, Journalist.

Nuhmei chu Thlarau Thienghlim anga siem a nih a. Thlarau Thienghlim chu Pathien nuhmei a nih.

nuhmei nîna: Nuhmei hi lo um naw hai sien chun khawvêl hi ân hawina ding tak tak a vâng awm! Pasal ruol vawng umin du du fain dâwn inla khawm, nun hi ân hawi tak tak ring a um nawh. Sûngkuo ah khawm Nu (hmei) um lona insûng chu ieng anga hausa le burip khawm hlimna le lâwmna, inhawit$nahai a famkim tak tak nawh. Pawisa ringawtin inhawi t$na le lungkimna a mi pêk nawh. Nu (hmei) an uma, nau leh boruok an sukluma an chawkhar hin insûng khawm, hringnun khawm ân hawih chauh a nih. Chuong ang char chun Kristien hringnun khawm hi Isu Krista Thlarau Thienghlim um nâwna chu, ân hawi tak tak chuong nawh. Thlarauin a sukhring lo thu le hla chu ieng anga \ha le var khawm nisien, a hring naw tlat leiin an hawih naw el a nih. Hringna khawm thlarau bo chu thi a ni ang charin khawvêl hringnun khawm NU (hmei) \hang lo chun a hringin a hlimum tak tak thei nawh. Chuong ang khawpa a pawimâw laiin Thlarau Thienghlim angin a chapoin a uong ding an nawh. Inngaitlâwm takin, a tlâwm lem a nih zat zatna ah chauh a pawimawtak le chunghnungtak angin a um hlak ti a hriet ding a nih. Pasal chungah um a tum nâwkna ah chun hnâwl le dit lo a nih hlak. Machi angin, a da ta chun hnuoia sirde mei mei ding naw chun tukhawma an dit tah ngai nawh. Chuong ang lâwma Nuhmei a hlut lai khawm chun, nunghâk thienghlim naw chu tlangvâlin an dit nawh a. Nuhmei uire chu pasalin an dit tah nawh. Nu suol chu nauhai ta dinga rinumna, a pasal ta dinga beidawngna le lungsenna siemtu a nih. Nu ringum lo chu pâin ienga ding khawm a tih nawh a, vântlângin an hnâmin an hmusit bawk. Sûngkuo le khawtlâng hming a suksiet hlak. Nuhmei \ha naw chu thawhlâ a um êm êm a, khawvêla thil dang po po nêkin thawhla a um tak. A suol vêk chun pasal nêkin an turu lem. Khingtieng pangah, nunghâk inthieng chu tlangvâlin an ngaisânga, an dit êm êm hlak. Nuhmei ringum chu a pasal a lâwm a. Nupui nunnêm le hrietthiemna hauh chu insûng ta dinga muongna le khawtlâng ta dinga hâdamna, mi tin ta dinga hlimna le lâwmna a nih hlak. Chutak chu Thlarau Thienghlim le an inangna chuh a nih. Nuhmei remruot thiem chu a ram pumpui ringzo a kai a. A nîna le ditumna chu, malsâwmna tinrêng phurtu, thlalêr ram tâwl lum êm êm, tui um nawnaa tui f$m le thienghlim dâwn ding ind$l zing, thingkûng hring zing (Palm tree) hân an hlie deina hmun ang le, varuoma Vadung (stream) f$mtak luong hieu hieu, ramsa tinrêng

itlân le ramvâkhai sâwlhâdamna ang hi a nih. thlarau thienghlim: Chuong ang chun, Pathien Thlarau Thienghlim khawm hih kawng iengkimah hlimna le lâwmna, thlamuongna le hâdamna mi petu a nih a. Nuhai khawm an nih. Thlarau Thienghlim \hang lova Kristien ringtu nun a hâdam naw êm êm ang hin, Nu bova pasal hringnun khawm a hlimum nawin a ngui em em hlak. Thlarau khawm a ‘thienghlim’ le ‘thienghlim naw’ a um ang bawkin, NU khawm nu suol le nu \ha an um ve nâwk a. Chuhai kâr chu hla tak a nih. “Nu \ha chun a in a bâwla, nu suol chun a in a \hiek” a ti angin, nuhmei \ha naw vêkin sûngkuo an hei keidar tak tak chu buoithlâk tak a nih. Nuhmei suol vêk chu khur se tak nek khawmin \i a um lem. Chu nuhmei bawk chu Setanin Eden huona a hmang tah a nih leiin, tukhawm hin a la hmang zawm pei a. Setanin a hmang tah laklâw nuhmei chu hril ngaina a um nawh; Pathien khawmin hun tâwpa Meidil a buotsai pêk el naw chu mihriem lem chun hrem theina ei nei nawh. Ei tuor hlakin tuorhlâ an um! Amiruokchu, Thlarau Thienghlim kawng iengkima mi \huoitu le vêngtu dinga a mi pêk anga Nu a mi pêk, Pathien thu ang taka umtuhai ta ding chun, suol thuneina hnuoiah khawm ‘Vânram intem lâwk’ thei a nih a. Vânram nun khawm hnuoiah hmang thei a nih. Chuong ang nun/hun siemtu Nuhai chu a nih khawvêl ta dinga hlu bêk bêk hai chu! Thlarau Thienghlim khawm hi lo um naw sien chu, Isu a thia, thlâna a zâl khan keithotu ding um naw’ng an ta, Isu kha thonâwk naw sienla hlak chu ei ringna po po a thlâwn vawng ding a nih si a. Ei châw hle ding a nih. Isu Krista Thlarau Thienghlim tak nih si, Ama taksa Isu keithotu nisi, Pathien (PA) a nîna chu a ropuina tak le vawisûna ei thuziek le thilthâw po po hung suokna san khawm a nih. Chu a ropuina hmu ding le chênpui ve dinga a mi dithai ei nih leiin a mi lo hril lâwk a nih. Pathienin a nîna anga mi hril ding nisien chu tukhawma ei hmu/biek ngam naw ding a nih leiin Thlarau Inthiengin mihriem anga hung insiengin, Nu sûnga inthawk ngeia hung suokin a mîn pawlpui a. Taksa a um tah naw hnung khawma mîn pâwlpui zing a nuom a. Eini hlak chun ama nêkin khawvêl thilhai ei ngaiin ei thlang lem sih a. iengtinam mothers’ day hmang ding?: Mother’s Day ah khawm nisien, ama Thlarau Thienghlim \hang naw chun, mihriemin program ei siema, sawisêlna tamtak kârah, lungawina famkim ei hmu chuong nawh.

“Ka \hang naw chun iengkhawm in thaw thei nawh” a mi ti hi an dik, Isu (Thlarau Thienghlim) \hang naw chun iengkhawm (Pathien thu angin) ei thaw thei nawh. (Thil ei thaw thei naw nih lovin, Pathien ditzâwngin ei thaw thei nawh tina lem a nih). Pathien \hang lo khawmin mihriem felna le hratna’n iemani chen ei thaw thei. Lal Saula khawm kum 20 n>ka tam a tha h^atna’n a la thawa, lal la nih zingin David a hnawt ngat ngat thei. Anachu, Pathien a lâwm tah nawh. Chuong ang chun, Kohran khawm hin Thlarau Thienghlim \hang lovin thil a thaw thei. Anachu, hringna a nei tah nawh. Khawvêl Kohran tamtak hi an nih tah a. Mothers’ Day khawm an lâwm ve vawng, eini nêka hmasa le ropui an nih. Eini chu ei la ropui naw vei leh Thlarau Thienghlim a mi la umpui lei hin lâwmthu hrila inp^k naw chu thaw ding ei nei nawh. Nu i la nei leiin lâwm hle rawh. I nu i chawimawi (tum) râwn poleh nang i mawi ding a nih. Inhawi tina dinga i nu i hmang \angkai tum poleh rinumna tuok i tih. I nu I suknuor chun khawlai khawm fena ding, bêl ding i nu ang hmu ta naw ti nih. I Nu i suknuor chun i pa lung i chungah sen a tih. I nu’n a hrem che chun, mi dang po po hremna nêkin na ti’ng i tih. I nu i chungah a lâwm chun mi dang lâwm naw hai sienkhawm, lungawi tho i tih. I nu i chunga a lâwmna nêka lâwmna kha khawvêlah lâwmna dang, a nêka insâng hmu naw ti nih. I suknuor chun nang i chaw ding a nih. Chuong ang char chun Pathien Thlarau Thienghlim suknuortu chu ngaidam ni naw nih tiin Pa le Naupa Isu’n an hril tawp el a nih. Nuhai hi ditt^wka rau ph$ta, vuoka hal khawma, an ngai umna bo lo a ni ang bawkin, Thlarau Thienghlim khawm a nih. Chuleiin, Mothers’ Day ei hmang hin khawvêl dâna hmanga, nu nei le nei lo, insukthlasieta, hmêl hlim lo, lungril ngui taka um d^m um pal ei tih. Annawleh, khawvêl thila lâwm taluoa Pathien Thua lâwm tum si lovin ‘material’ thilah chauh lâwm pal ei tih, a pahni (taksa le thlarau) inchawi tâwka lâwm thiem ding a nih. Nuhai po po Happy Mothers’ Day! In hlutna hi hrie zingin Pathienin mawina a pêk cheu anga mawi zuol deu deu le mi tamtak thlamuongna nih pei dingin ka ditsak cheu. Pathien Thlarau Thienghlim angpuia siem in nih! Pathien angpuia Pasal siem a nih ang bawkin Thlarau Thienghlim angpuia Nuhmei siem in nih! Chuleiin, kawng iengkimah Pathien le in pasalhai chawimawi ro, chu chun nangni khawm ropui in tih! Amen!

-Bible Hill, Rengkai, May 8, 2019.

Ka Nu~Mary Grace Zarzomawi

2015-a Hollywood Movie Room an ti chun, a naupa kum nga mi kuomah, ‘Nu ka tlin naw ie maw’ tia a hril chu a naupain, anachu ‘Nu i nih annawm’ tiin a dawn a. ‘Nu chu tu’m?’ tia an mi’n dawn chun, nu chu ‘hmangaina a nih’ ti bâk chun hrilfie dan dang ka hriet nawh. Pathien hmangaina dawttu chu nu hmangaina a nih tia mi’n an lo hril hi a lo indik ngawt el. Ka ngaituo hlak a, khawtlângin mi tlaktlailova an ngai, ienga an ngai lo le an hmusit le san tlâk ta lova an ngaihai khawm hi, nu hmangaina angsunga chawlna deihlim invai hi ka la hmu ngai nawh (Invai an lo um a ni chun pawi ti hle’ng ka tih). A suol a \ha khawm, nu hmangaina angsungah an inleng seng a. Ieng anga lawmum lo le suol khawm lo thaw lang, nu hmangaina chu beisei le thlâkhlain, la phûtlui tho ka tih. A san chu, ka bêl phawt chun nu hmangainain a mi hnarin a mi hnawl naw ding ti ka hriet chieng em lei a nih. Nu haiin, “I fel de aw, i hmel a \ha de aw, ka naupa hi, ka naunu hi”, an mi ti chun, ieng anga upa khawm ni inla, ei ngai nghawk nawin, “A ho de aw” ti hlak inla khawm, a mi la suklawm tho tho a nih. Ka nu hin kum 65 a hraw mek a, vawisun huna chen kan in sukmawi le suklum a, ‘Nu’ tia kan ko chànga a’n hawikir, nakawra kan la hriet hi Pathien malsawmna kan dawng chu a nih. Mother’s Day puolin, ka nu zara Bible inchuk theia ka um hi lawmthu hril malamin hi thuziek tawite hi ka hung thur suok a nih. A hmasatakin, ka Bible inchukna kawnga hin ka nu chungah ka lawm takzet a. Ama hin a mi lo phurpui hmasa a, a hnungin ka pa’n MA ka zo ta tho tiin a mi phalpek kha a nih a. Pathien mi kona ka dawnna ni sien khawm, a mi lo nuompuitu le sukpuitlingthei dan ding mi zawngpuitu mihriem an um naw chun, nuom pawnga Bible hi inchuk el thei a ni nawh a, a bikin nuhmei ta ding lem chun. Naunuhmei Bible inchuk nei, nû hi tam an tih. Amiruokchu leng\ûl rak khawpa inchuk dinga phal chu an tam bek ka ring nawh. Ka nu hi a nunghak laia nunghak fela an hril ve a nih a. Nunghak fel chu khawtlangah a’n hmang a, mi mit a tlung a, tlangval tu el khawm a biek sie ngai nawh. Ka nuin pasal a hung nei a, nuhmei fel a hung ni nawk a. Nu fel chun a pasal thu a awi a, a pasal remtina le hrietpuina a

ngaipaimaw hlak. Kei ruok chu nunghak fel kan’ naw a, lekha inchuk lei le inhmang tanaw laklaw leia khawtlanga inhmanglo ka nih. Nupui \henkhatin, “I nu in suknunghak sawt ta ie” tiin fiemthu titakin an mi hril rawn tah. Kan inchuk a mi nuompuina leiin khawtlangah ka unu le kei ka ai a lo aw char char a, ‘a naunuhmeihai hi a hril naw ‘manih?’ ti khawpa dem hlaw rawn deu a nih. Chu el bakah, Bible inchuk chu inchuk sang dang ang an’ nawh a. ‘Inchuk zo phat, chu zât chu hlaw’ng a ta’ ti thei an’ nawh. Pension um bawk lo. Khawtlanga le ka mimal nun ngeia ka hmabâk ding hre lo a, Bible inchuka Pathien rawng bawl dinga ka nu mi nuompuina le a mi’n hlànna hi lawmum deu thil a nih! Taimakna chungchangah, mi’n ka pa taimakna an hril a, intieng ka nu lo taimak leia ka pa hi puotieng hrieta taima thei chau a nih ti lang, hril suol kher naw’ng ka tih. Nau panga, sangsie em em el, umpui khawm nei lovin a mi lo enkawl a, ‘ka sawl, ka kham’ a ti hi hriet ding a vâng hle. Tu tieng tieng hin, a upa deu ta bawk leh, fiemthu chun chu a hril zeu zeu tah. Ka pa hlaw, 100-a 95 vel chu kan inchukna tieng a fê vawng a, 5 dang chu insung inenkawlna a ni thei \àwk, thuomhnaw chu hril lo. Amiruokchu, ka nu huon siemin hme ding a lo tuok char char thei a, huon siem a taima a, Pathienin a kut mal a sawm a, hme ding le thei fak ding chu huonah a um zing a nih ti thei a nih. Nû takin chawl lova thaw a nei ràn chun, thil thaw ding a ti pha, chier puma thaw an’ hawi ngai rak nawh. Khawlai \awng hi a tam a, mi lai ka \hang bek nawa chu, ka nu chungchang an hril hi ka hriet zeu zeu a, chu laia ka na khel deu pakhat chu, ka nu hin ka pa hi ‘a’n sàng ding angin a’n sàng zotir nawh’ an ti hi a nih. Pathienin nupa chu \hangruola Kristien sungkuo indin dinga a riruong a nih a. Lecturer nuhmei ti a, thuom nal tak tak inbela suok zing hlak a ni nawh a. Ka nu hi nu a ni lem a, innghaktua \hangin, a mi umngha zing hlak a, ka pa um naw laiin insung tieng a \hang char char a, tuhin a nauhai Pathien zarin ngaituoum kan um ta nawh. Ka pa nauhai hi a mi enkawl puitling \hak tàwl a nih. Ka nu hin ka pa a thlawp zo em em a, ka pa khawm hin a ring a nih. Ka pa sung le kuohai a hmangai thiem a, ka pa nek hin ka pa sunghai hi a

hriet lem hman hman a nih. Keini an nau haiin nu le pa \hangruol kan nei hi vangnei tak kan nih. Ka nu hi nu lulul a nih a, thil hi a thaw \àl \âl hlak a. |um khat chu, nga\âwl a mi zeu pek tum a, hme suong hman naw chànga hmea zuk hmang el thei ding tiin. ‘A ngai nawh,’ ‘a buoithlak’ ka tipèk a, a lo zeu tho a, kan college ka tlung hnung hlak chun a lâwm lawmah ka la \hang nawk nghal. A thaw \àl \âlna leia zakuolum dam, fak ding dam neipha hlak ka nih. ‘A tûl nawh’ tia thil ngaisaklo hi ka hau si a. A tlangpuiin, lululna hih a \hanaw zàwng tieng lak a ni hlak a, a \ha zàwnga làk ruok chun mihriem ta ding hin \hatpuina le hlawkpuina a’n tlun hlak a nih. Ka nu lululna hi ka puo a, tu tieng tieng hin ka hmang \angkai a. Ka Bible inchukna kawnga khawm inchuk zawm thei lo ngirhmuna ka ngir khawm a, inchûk \àl ka tum kha ka ta dingin lampui a hung inkuophâ pei a nih. Pathien thilsiem tinrenghai hih a mawina hi a karchâng chu hmu lo a awl hlak a. Pathien kutsuok mawizie ngaisakna mi’n neitirtu chu ka nu hi a nih. Kan huona hin khanghmuk kung thum lai kan nei hlak a. Khanghmuk um lai chu, a der a tam ve a, zing inhmataka tho a \ûl hlak a, nisa a lum tak tak hmaa lo zo hman dingin. |halai imu dû lai tak chu, tho phak em emin, ka nu ka zu lopui ve hlak a, kan lo laiin ka nu’n ‘a dawn hei \hat tàwlzie hi, Pathien thilsiem hi a mak maw, lo inhawi ka ti thei taluo,’ a ti hlak a. Mi sukphur a, ka lo vat vatna dinga a ti ’mani ti ding hlak chun, a hmel ka en leh, a’n nui sàng a, parte lo ang el hin a hmalthlàk zung zung hlak. Kei hlak chun a hling ka tâwk fûk ka tâwk fûk hlak bawk si. Huon a siem hin, thlaihnahai le theirahai hi a lawm thei em em hlak a. Ka nu hi a tik a tlai bawk a, laina deuhai an hung pha, huon hmeruo le thei a um chun, kutruokin a’n kirtir ngai nawh. School kan kai lai khan, zing bufak hma hin ka nu hi a \awng\ai zie hlak a. Kan hringna le kan school fena ding Pathien kuomah a’n hlan hlak. Tu huna ka thlir kir hin, ‘a \awng\aina khan mi’n huolin, tuoksiet le thil\hanaw tam taka inthawkin a mi lo sanhim nasa awm de aw…’ ka ti hlak. Tu chen hin ni tinin a \awng\ainaah kan hminghai a sàm hlak a. Ka umna hmun hmunah a \awng\aina hin a mi’n huol vêl \hupin ka hriet hlak. Ka nu hi ka ta ding chun ‘nu’ a nih a, hmangainain a sip a, ka lam hraw ding hi keia nek khawma a sui hla lem hlak a nih. Taimakna kawnga hai, inchukna kawnga hai, sungkuo hrietna kawnga hai, Pathien thilsiem mawina hriet kawnga hai le \awng\aina kawnga hai hin amaa inthawkin inchûk tam tak ka nei a nih. Vawisun hin ka nu hi ka ta ding le kan sungkuo ta dingin nu a tling takzet leiin ka lawmin Pathien chungah lawmthu ka hril takzet a nih.

Dalit mi a nuhmei nei nia Sakawr chunga chuong leiin boycott tuokahmedaBad: Gujarat-a Mehsana district sunga Lhor village-a Dalit hnama mi pasal pakhatin nuhmei a neinaa marriage procession-ah Sakawr chunga a chuong leiin hnam insang (higher castes) han boycott an puong khum nia hril a nih. Hi thil tlung lei hin Gujarat Deputy Chief Minister Nitin Patel chu inrang taka North Gujarat panin thil um-

dan a enfel. Thil tlungna hmun hi Mr Patel constituency sung a ni bawk a nih. Thu dawngnain a hril danin, inneina procession-a Sakawr chungah a chuong lei hin hnam insang hai chun bawngnene bakah nitin mamaw thil bazar-a an chawk ding chen an dang a, boycott lei hin drivers han an \i a, autorickshaw hai khawmin an phur nuom naw niin an hril.

Dalit tlangval hin Thawleni-a kha nuhmei a nei a nih. Boycott puong tuhai lai hin Village head (sarpanch) Vinuji Thakor khawm a \hang nia hril a ni a, hi le inzawm hin Police han Thakor le midang iemanizat an man. Social Justice and Empowerment minister Ishwarbhai Parmer chun hi thil tlung hi inquiry thaw dingin Order an suo bawk.

SSc cHSL (10+2) Exam, 2017 resultStaff Selection Commission hnuoia Combined Higher Secondary level (10+2) Examination, 2017 result khawm a suok ta a, candidate qualify-hai laia Hmar mi hlawtling ei hriet hai chu a hnuoia hai hi an nih. Tuhin Tier-2 (de-scriptive paper) Typing Test an la hmabak a nih.1. Edward Lalsiemsang Sungte2. Emmanuel Jouremthang Joute3. El Ramneivar4. Joseph Lalzuithang Sanate5. Samuel Lalruotlien Pangamte6. Kaimalsawm Ruolngul7. J.Lalhmingthang Fimate8. Alfred Ngamthanlien Pangamte9. Samuel Lalmuankima

3thlaphur (may) 12, 2019pathienni (sunday) natiOnal/internatiOnal & advertisement Hmasawnna Thar

laKtawi

TRINITY COLLEGE AND SEMINARYSielmat, Churachandpur, Manipur

Diploma in Theology/B.Th./M.Div. ProgramAccredited by Asia Theological Association (ATA)

TCS invites applicants to undergo Theological Training for men and women who are called and committed to serve the Lord Jesus Christ as pastors, teachers, evangelists and missionaries for the academic year 2019-2020 (with a very limited seats available)COURSE ELIGIBILITY DURATIONDiploma in Theology (Dip. Th) 10th Pass 2 yearsBachelor in Theology (B. Th) 10th +2 pass/Dip. Th Pass 3 yearsMaster of Divinity (M. Div) B. Th pass (above 60% GPA) 2 years B. Th pass/Secular Graduate 3 years

For application and prospectus, Please call: Director of Admission (Mobile) 8119053744(11,12)

UP-ah Sakei in mi 4 a se hliem

BahraiCh: Uttar Pradesh-a Bahraich dis-trict a chun Inrinni khan Chandajhar village-ah Sakei (keite) in mi pali a se hliem tiin Forest depart-ment official thusuok chun a hril. Sakei in a se hliem mi 4 hai chu Ram Singar (68), Ram Singh (42), Avdhesh (40) le Anil (32) hai an nih.

IAF in Apache Guardian Helicopter hmasa tak a dawng tah

new delhi: US aero-space major Boeing chun Mesa, Arizona, USA-a Boeing production facil-ity –ah Air Force (IAF) kuomah Apache Helicop-ter AH-64E(I) hmasa tak an hlan tah. Apache Helicopter hi Zirtawpni khan Air Mar-shal AS Butola in a dawng-dawng. Indian Air Forces chun

September, 2015 khan Apache Helicopters 22 sup-ply-na dingin US sawrkar le Boeing Company hai leh contract an lo ziek a ni a, Helicopter batch hmasa tak tukum July thla hin Lawng hmanga India ram hung phurtlung dinga riruong a nih. Helicopter hi IAF ma-mawna phuhruk thei dinga modify (customised) a ni

a, Apache Helicopter hi IAF thuom\hatna kawnga step pawimaw tak a ni thu senior IAF official chun a hril. AH-64E Apache hi US Army han attack helicop-ter-a an hmang tlanglawn tak a ni a. Hi helicopter khaltu ding or aircrew le ground crew dinga thlang-bik han tuta hma khan US a Army base Fort Rucker,

Alabama hmuna training an lo nei ta a nih. Helicopter hi a hma chun AH-64D Block III ti a ni a, model hlui siem-danglam hnungah kum 2012 khan AH-64E Guard-ian tia a hming thlakthlen-ga hung um a nih. Apache Guardian at-tack helicopter hin, im-proved digital connectivity, Joint Tactical Information Distribution System hi bakah a hrat lemna dinga engines khawm upgrade niin, Unmanned Aeriel Vehicles (UAVs) control theina nei le IFR capabil-ity le landing gear \halem nei a ni a. 70mm rocket le automation cannon bakah Helfire missiles a phur thei a nih.

National Technology Day 2019; President le PM han chibai an buk

new delhi: India rama chun May 11, 2019 khan National Technology Day a ni a, hi ni le inzawm hin President Ram Nath Kovin le Prime Minister Naren-dra Modi hai chun science tienga India hlawtlingna hrietzingna leh India mipui hai chibai an buk.

National Technology Day hi kum tin May 11 a hmang hlak niin, In-dia in kum 1998 a nuclear bomb hmasa tak Shakti-I hlawtling taka a lo ensinna ni a ni a. Nuclear test hi Rajasthan-a Indian Army’s Pokhran Test Range hmuna nei niin, hi \uma test ang

nuclear bomb hi May 11-May 13, 1998 sung khan panga test a nih. India chun nuclear test a ni hma-sa tak May 1974 a mi chu ‘Smiling Buddha’ ti hming pek a lo ni a, test vawihnina hi Pokhran II tia inbuk a nih. Test nei hun kha Atal Bihari Prime Minister a ni hun lai a ni a, test thaw dinga scientific team in-rawitu chu president Dr APJ Abdul Kalam kha a nih. Pokhran hmuna nu-clear test nei zo hnung khan kha huna Prime Minister Vajpayee chun India chu nuclear state a puongin, khawvela nuclear state/rambung 6-nain a lo \hang phak ta a nih.

IAF in Karachi pan An-12 vuongna an dang; Jaipur-ah in\umtirnew delhi: Zirtaw-pni khan Pakistan-a Karachi tieng pan ding Georgian An-12 vuongna chu India ram sung boruok-ah a hung vuon-glut leiin Indian Air Force (IAF) han lo hmuin an dang a, investigation thaw dingin a thu loin Jaipur airfield-ah in\umtir a nih tiin Press In-formation Bureau (Defence Wing) thusuok chun a hril. PTI report in a hril danin vuongna hi Tblisi (Geor-gia) a inthawk New Delhi via Karachi pan ding a ni

a, North Gujarat Sector lai chawhnungtieng 3:15 khan hmu niin, Air Traf-fic Services (ATS) route a hraw naw bakah Indian

controlling agencies radio calls a dawn bawk naw a, Air Force Officials han an cho hnungah hung dawnin, a thu loa Jaipur airfield-

a in\umtir a nih tiin defence ministry thusuok chun a hril. Thusuokin a hril danin tulai geopolitical situations leiin a hung vuongna ATS route hi khar niin a hril. Vuongna hi Jaipur air-port-ah darkar iemanizat sukchawl le enfel a ni a, iengkhawm ringhla um thil hmu a ninaw leiin insuo le Jaipur airfield a inthawk invuoksuok tir nawk chau a nih tiin Jaipur Additional Police Commissioner Lax-man Gaur chun a hril.

ISJK helpawl kap hlum

srinagar: Jammu and Kashmir a chun Zirtawpni khan Shopian district-ah Islamic State Jammu and Kashmir (ISJK) helpawl pakhat security force han an kap hlum. Kap hluma um helpawl hming chu Ishfaq Ahmad Sofi alias Umaa a nih. In-telligence a inthawk thuruk an hriet le inzawma Ram Nagri area lai cordon and search operation (CASO) thaw a ni huna inkaptuona hi tlung a nih.

WB a BJP candidate POcSO Act hnuoia case siem khumKOlKata: West Ben-gal-a Diamond Harbour Lok Sabha constituency-a BJP Candidate Nilanjoy Roy chu Falta, West Ben-gal –ah sex thila nuhmei kum tlinglo sawisak a intumna leiin POCSO Act hnuoiah case siemkhum a nih. West Bengal Com-mission for Protection of Child Rights (WBCPCR) chun hi thil tlung thua hin

complaint an dawng thu an hril a, state Police chu thil suksuoltu man dinga hma la loin an tum bakah state chief Electoral officer chu Mr Roy chungah darkar 24 sunga action la ding le Police hai chu POCSO Act hnuoia man dingin a hril. Mr Roy hin April 26, 2019 a kha nuhmei nau-pang hi sex thila a sawisak nia hril a ni a. Hi thil tlung zo a zingah Falta Police sta-

tion-ah complaint pek a ni bakah medical examina-tion thaw le statement lak a ni a, sienkhawm tuchen hin Police hin Roy hi an la man naw a nih. Intuma um Roy ruok chun politics thila an kh-ingpui Trinamool Con-gress candidate Abhishek Banerjee in a beina a nih tiin a hril a, intumna a umna chu thudiklo niin a hril.

China ambas-sador in Sikkim CM an hmupui

gangtOK: Nikhat cham dinga Sikkim inzin Chi-na ambassador to India Luo Zhaoui chun Inrinni khan Sikkim Chief Min-ister Pawan Kumar Cham-ling chu a chengnain-ah inhmupuiin, Nathula corri-dor chungthu bakah India le China ram hai insum-dawngtuona chungchang an hriltlang. Zhaoui chun ramri-a indawrtuona darkar bi suk-sei le indawrtuo ni sukpung dinga rawtna a siem.

UP a sungkuo pakhatah mi 66 han vote an nei

allahaBad: Ut-tar Pradesh-a Allahabad hmuna cheng member 83 umna sungkuo pakhata chun vote nei (eligible vot-ers) 66 zet an um. Hi sungkuoa an pa tak chu Ram Naresh Bhurtia a ni a, Allahabad khawpuia Bahraicha hmuna cheng an ni a, an fakzawngna chu Lo nei/thlai ching a ni a,

an sungkuoa member pahni hai chu Mumbai hmunah private companies-a thawk an nih. Ram Naresh hi tuhin kum 98 mi a nita a, an sungkuo hi tam hle hai sienkhawm busuongin pakhat in\awm an la ni thu a hril a, nitin bufai kg. 15, thlaihna kg. 20 le hme dang dang an suong hlak

a, thlaisuong chu an sung-kuoa nuhmei hai maw-phurnaa sie a ni thu Mr Na-resh chun a hril. Sungkuo lien tak, thlaisuongin pakhatah member hizat inrem taka an um theina thuah a lawm hle thu Naresh chun a hril a, an sungkuoa member pakhat khawmin umhran an nuom thu an la hril naw niin a hril a. An insung khawsak dan chu midang hai khawma entawn dingin a ngen. Vawisuna LS 6th phase election um dinga hin vote thlak an tih. Baktawng village, Mizoram-a nuhmei 39 nei Ziona Chana hai sungkuo chu an phak naw deu. Pu Ziona chun nuhmei a hau bawk a, an sungkuo vote 200 chuong zet a nih.

Ui in pasalte kum 6 mi an se hlum

BhOpal: Madhya Pradesh-a Bhopal khaw-puia Awadhpuri area-a chun Zirtawpni khan pasal naupang kum 6 mi chu a nu hmuhawiah khawlai Ui (stray dogs) in an se hlum. Ui in an se hlum nau-pang hi Sanju a ni a, Shiv Sangram Nagar-a an cheng-na Ina inthawk metres 300 vela hlana hmuna Lo laia inhnel a ni a. A nu hin san-suok tumin theitawp a suo a, sienkhawm sansuok thei loin a hmuhawi ngeiah a naupa hi Khawlai Ui in an se hlum a nih. Sanju nu hi thla hmasa lai ela nau nei a ni leiin Inah um niin, a pasal chu sinthawa suok a nih. In bul velah a naupa a hmunaw leiin a zawng vel naah an Ina inthawk me-tres 300 vela hlana hmuna a naupa hi khawlai Ui in an inhuolkhum a hmu a. |hangpuitu ding koa a khek hnungin an khaw mipui hai le \hangruolin a setu Ui hawn chu an hnawthmang a, sienkhawm Sanju ruok chu a lo thi der ta a nih.

TN engineer in eco-friendly engine a siemsuok

COimBatOre: Tamil Nadu a chun Coimbatore mi mechanical engineer Sounthirajan Kumaraswa-my chun engine danglam takel, boruok chikhat ‘hy-drogen’ hmanga hring le Ogygen pesuok thei ding eco-friendly engine a siem-suok. Khawvela engine dang

dang siemsuoka lo um ta hai laka a danglamna tak chu Oxygen a peksuok (releases) hi a nih. Hi engine siemsuokna dinga hin kum 10 sung hun a hmang niin Mr Kumaras-wamy chun a hril a, hien-gang engine hi khawvel pumpuia dingin a hmasa tak a la nih, hydrogen

hmanga hring ( uses hydro-gen as fuel source) le oxy-gen suksuok thei engine a nih tiin a hril. Mr Kumaraswamy chun, hi engine hi India rama introduce nisien ti chu ka beiseina a ni a, sienkhawm ka thilthaw a ding hin administrators dang dang hai kawt ka

nawk a, ngaisak ka ninaw leiin Japan sawrkar kawt ka nawk a, hun \ha an mi pek leiin tuta inthawk ni tlaw-mte hnungah engine hi Ja-pan ramah introduced ning a tih tiin a hril a. India rama khawm introduced a ni ve ngei a beisei thu a hril. Kumaraswamy hi Co-imbatore based company, NG Automobile Engineer-ing Private Limited a Man-aging Director ni bawk a ni a. Japan a official trade promotion institute, Japan External Trade Organisa-tion (JETRO) chun Kuma-raswamy hi a engine siem-suokna dingah an \hangpui a nih.

US Indo Lawng Dang USS Arlington Middle East ah TirlutwashingtOn: US le Iran hai kara boruok chu a sosang tiel tiela, Middle East laia America sipaihai \hangpuitu dinga USS Abraham Lincoln a tirlut hnungin, US chun indo lawng dang Patriot missile-defense system, USS Arlington chu zani khan a tirlut nawk niin Pentagon chun a hril. Pentagon hril dan chun, USS Arlington hi khawmuol le tuia fe thei ‘amphibious vehicles’ a nih a. Indo vuongna fighters phur thei a ni bawk a, USS Abraham Lincoln hang zawm a tih. Hieng lawnghai baka hin US B-52 bomber khawm zani khan Qatar an tlung tah tiin a hril. Pentagon chun hienga lawng lien a tirlut nawkna san chu boruok a sosanga Iran an hrosa lei a nih tiin a hril a. Iran ruok chun US thuhril chu ‘suonlam mei mei’ tiin a hnawl. Iran chun US thilthaw hi, ‘psychological warfare’, Iran chophawkna dinga thaw niin an tum. I ran chu Nuclear Deal a inthawka US an hnukdawka \hangpuinahai a pek nuom ta leiin, nuclear hmangruo Uranium siem lo dinga ti khawm a siem zawm nawk el thei, tiin a hril a. Europe

member le China le Russia hai chu US rekbetna po ai Inremna hnuoia an thaw naw chun Uranium a siem nawk ding thu a hril pek bawk. US chun sipai tamlem a tirlut nasan chu US forces hai bei an tuok el thei ti thu a hriet lei niin a hrila, tu a inthawkin am khawlam tihai ruok chu a hril nawh. Washington thusuokin a hril dan chun, Iran le indo a nuom/tum nawh a, US sipaihai bei tum an nih ti hriet leiin invengna dinga a tirlut niin a hril. US chun tu tak hin Iraq ah sipai 5, 200 a sie a. USS Arlington phur Patriot defense-system hin hmelmahai ballistic missile (Iran ta

ang) le Cruie missile (Russia ta ang) le aircraft taphawt a lo kap thlak thei a nih. Gulf War lai khan Saddam Hussein missile hai a lo kap thlak hlak. Iran hotu Yousef Tabatabai-Nejad chun, US sipaihai le hmangruohai chu an Ballistic Missile pakhat khawmin vawi khatin kap sie vawng thei a tih, tiin a hril ve. Hienglai zing hin USS Abraham Lincoln chun Ningani khan Suez Canal a lut tah a, Strait of Hormuz tieng fe pei a tih tiin Pentagon chun a hril. US le Iran inlaichinna hi 1975

laia Iran \huoitu US le indawr thei phet thlaka, tuta Muslim sakhuo bul ringa \huoituhaiin US an hung kal a inthawka sie \an an tah a. Iran-in US le Israel a do hrim hrim lei a nih bawk. Chu belsana dingin 2015 a Barrack Obama-in Nuclear Deal a lo siempui President Trump an hnukkir nawkna leiin a zuolkai a nih. Chu naksapah, thla hmasak khan Iran Revolutionary Guard Corps hai chu US-in ‘foreign terrorist group’ tiin a listed a, Iran a lung a sen hle a. Chulai zingin, economic sanction thaw Iran thautui inchawk a khapna chu, China, India, South Korea le Turkey hai dan \henkhat hnuoia phalpek an nih laiin phalpekna suktawp a tum tah bawk. Iran ta dingin inthuok an tak deu deu tah leiin bei let dan a ngaituo a nih. Trump chun Iran hi rekbet hrepa Deal Thar siempui a tum a nih. Chu Deal chun nuclear bomb siem lo ding ti bakah, Missile khawm siem lo ding ti inhuomtirin, Middle East laia mi a chophawkna le Israel a sukbuoina suktawp sien a nuom bawk leiin Inremna hlui a inthawk inhnukdawkin a rekbet a nih. (Reuters)

SINLUNG TEcH SPEcIAL LUcKY DRAW ScHEME2nd draw result: date- 11/5/2019

Prizes No. Name Agent

1st. 1511 Roneikim Ngaizahat & Julie

2nd 1762 Pokrambam Surjit

3rd. 1858 Sangnei Ngamcha

4th. 1060 Jagadish Surjit

5th. 0232 Ramfanglien Ngaizahat & Julie

Sri Lanka Sawrkarin Muslim Mosque Hai KhuokhirCOlOmBO: Sri Lanka sawrkar chun Easter Sunday nia bomb puok leia mi 258 an thina thu le inzawmin, Muslim helpawlhai thil thaw a nih ti hriet a ni ta bawk leh, Muslim hai biekin Mosque po po chu Muslim helpawlhai inluttir ta lo dingin a khap a. An biekina an thuhril (sermon) copy po po khawm hril ani hmain sawrkar kuomah copy pe hmasa seng ta dingin an hriettir bawk. Minis t ry of Musl im Rel ig ious and Cul tura l Affairs chun, Mosque haiin ‘radicalization’ an hmang ding an naw a. Kohran mihai an thuhne ding an nawh, tiin

a hril a. “Tulai thil umzie leiin sawrkar chun Mosque hai po po chu Muslim firfiek hai chetna le thu inchuktirna hmuna siem lo dingin a hril vawng a nih” tiin a hril. Sri Lanka rama ISIS helpawl lo zawmtuhai chu Church le Hotel bomb tu an nizie an puong a. ISIS khawmin anni thaw

a ni thu a hril a. Sri Lanka sawrkar ruok chun ISIS international levela mihai ni lovin tuolsunga Jihadist hai niin a hriet leiin anni tukdawl tumin a bei a nih. Easter Sunday April 21 bomb puok le inzawmin ringhla 56 man an ni tah a. Muslim le foreign clerics 200 tir suok an ni ta bawk

a. Bomb chang kamtu inrawlna Muslim Jihadist hai po a man ta bawk. Hienglai zing hin Bomb chang kamtu mastermind nia hriet, kap hlum Mohamed Cassim Sahran ruong chu raw/vui liem hmain ama ngei a nih ti fiena DNA test thaw dingin sawrkarin thu a pek bawk. B o m b c h a n g k a m t u Zahran hi a ruolpa Ilham Ahmed Ibrahm-in a hlawp ti hriet a ni bawk a. Ilham Ahmed Ibrahim hi Shangri-la Hotel beitu kha a nih a. A bomb paiin ama le ama an that a nih. April 21 khan Sucide bomber 9 in bomb paiin an bei a nih. (AFP)

ISRO in May 22-ah RISAT-2B

kapsuok dingsrihariKOta: Indian Space Research Organisa-tion (ISRO) chun May 22, 2019 khin India radar im-aging satellite thar tak RI-SAT-2B chu Sriharaikota a inthawk kapsuok a tum. RISAT-2B hi PSLV-C46 hmanga kapsuok ding a nih. RISAT-2B hi hnuoia inthawk km. 555 a hla or-bit-ah kaplut ding a nih. ISRO in Viewers gal-lery a siemna hmuna in-thawk RISAT-2B kapsuok lai en nuom hai ta dingin kapsuok hma ni 5 la uma inthawk online registration thaw thei ning a tih tiin ISRO thusuok chun a hril.

|ekin mi pathum a deng hlum, mi 6

hliemKOKrajhar: Assam-a Kokrajhr district-a chun Inrinni khan hmun hran hrana |ek tla in mi 3 a deng hlum bakah midang 6 na ta-kin an hliem. |ek tlain a deng hliem hai lai hin naute thla 6 mi a \hangsa.

Hmasawnna Thar4 EntErtainmEnt / SportSthlaphur (may) 12, 2019pathienni (sunday)

Football Fixtures: May 12 PReMIeR LeAGUe: 7:30PM

Tottenham v/s EvertonMan. United v/s Cardiff City

Watford v/s West HamSouthampton v/s Huddersfield

Leicester City v/s Chelsea Fulham v/s NewcastleLiverpool v/s Wolves

Crystal Palace v/s BournemouthBrighton v/s Man. City

Burnley v/s Arsenal

SPANISH LA LIGA: 10:00PMBarcelona v/s GetfeBirona v/s LevanteVillarreal v/s EibarValencia v/s Alaves

Rayo Vallecano v/s valladolidReal Sociedad v/s Real Madrid

Atletico Madrid v/s SevillaLeganes v/s EspanyolReal Betis v/s Huesca

Ath. Bilbao v/s Celta Vigo

SeRIe ATorino v/s Sassuolo -4:00PM

Sampdoria v/s empoli - 6:30PMFrosinone v/s Udinese - 6:30PM

SPAL v/s Napoli - 9:30PM

Pathienni zan Premier League vawrtawp a tlung ta dinglOndOn: English football a league insang tak Premier League game tawpna tak chu Pathienni zan dar 7:30 hin a ruolin inkhel zo a nita ding a ni a. Games 37 lo khel ta haiah League title la thei ding fel tak an la umnaw leiin inkhel nuhnung tak zan hin Premier League latu ding chiengin a vawrtawp a tlung ding a nih. Defending champion Man-chester City chun games 37-ah points 95 in hma an \huoi a, anni dawttu Liverpool chun points 94 hmuin an karah point khat char a tla a, an inhnai thawr thawr hle. Tuchena hin Manchester City hin goal difference (pali-4) a nei leiin an sang bawk leiin Premier League hum thei nawkna chance a nei \ha lem hri a. Sienkhawm Football a hin thil mak a tlung rawp hlak leiin inkhel zo hma chu tum a champion ding ti hi hriet thei a la ni nawh. Tuta \um hi Premier League kum 1992-93 a \an a nia inthawk

final day-a champion ding/title latu ding sukchieng a vawi 9-na ding a nitah. Manchester City hin title an lak nawk chun Premier League title an lak vawi 4-na ding le a zawna Premier League title an lak vawihnina ding a ni a, kum 2011-12 khan title hmasa tak an lo lak a, 2013-14 khan an lak nawk bakah 2017-18 khan title an lo lak bawk a nih. Liverpool ruok hi chu tuhe-nah Premier League title la lalo

an ni a, tuta \um hin vangneia an lo lak pal a ni chun Premier League title an lak hmasatakna ding a nih. Tuchenah Premier League title la rawn tak chu Manchester United an ni a, vawi 13 an lo lak ta a, an lak nuhnung tak chu kum 2012-13 khan a ni a, tuta season a hin top 4 khawm an kai phak naw a, points 66 hmuin paruknaah an la \hang mek a nih. Manchester City hi an final game-ah Brighton in mikhuol

a ta, Liverpool chun Wolves a mikhuol ve thung ding a nih. Man. City hin title lakna dingin goal khat chaua hrat khawm a huntawk a. An indraw khaw-min Liverpool hin Man. City goal difference-a an insanglemna khumkhel theina ding chun an inkhingpui Wolves hi goal 4 le a neka tama an hne a ngai ding a nih. Hi lei hin Man. City an lo lost/draw khawmin Liverpool chun title an lak theina dingin an hne vieu a ngai hrim hrim a nih. Liverpool in an inkhelpui ding Wolves hi games 37-ah points 57 hmua pasarina ni mek an ni a, Man. City in an khelpui ding Brighton hi gmes 37-ah points 36 hmua 17-naa \hang an nih. Vawizan Premier League inkhel a tawp ta ding lei hin sea-son thar August thlaa \an nawk hma chu Premier League inkhel en ding um ta hri naw ni a, final game khel zoa inthawk chu play-er transfer thilah club tin hai an inphubuoi sup sup ta ding a nih.

David Luiz in Chelsea-ah contract a keiseilOndOn: Brazil inter-national Chelsea defender David Luiz (32) chunk um 2 sung, 2021 chena dingin Premier League club Chel-sea leh contract an suksei. Contract suksei a ni thu hi Zirtawpni khan Chelsea in a puong a nih. Luiz hi French side Paris St- Germian-a khawm season thum lo um tah, kum 2016 a kha Chelsea zawm nawk niin tuchenah Chel-

sea ta dingin games vawi 246 khel tain goals 18 a thun

ta a, tuta season fe meka khawm hin all competitions

ah games vawi 48 khel tain, Chelsea chu Europa League final a lut pui bakah Premier League a khawm Champi-ons League khel thei dingin top 3 a kaipui a nih. Luiz chun Chelsea-ah la cham dinga contract a suksei thei chu lawmum a ti thu hrilin, ‘club ka hman-gai a, player naupang lem hai ang thoin club-a hin tumna ka la nei a nih’ tiin a hril.

Madrid Open:

Halep le Kiki Bertens han women’s singles final an inkhelmadrid: Zirtawpni zan khan World number three Simona Halep chun wom-en’s singles semi-finals ah 18th rank Switzerland mi Belinda Bencic 6-2 6-7 (2-7) 6-0 a hnein final a lut bakah semifinal dangah Dutch mi Sloane Stephens chun Kiki Bertens 6-2, 7-5 a hnein final a lut a, zani zan khan Simona Halep le Kiki Bertens han women’s singles final an inkhel. Kum 27-a upa Ro-mania mi Simona Halep in semifinals-a a hneban

Bencic hin quarter-finals a khan world number one Japan mi Naomi Osaka a lo hne a nih. Simona Halep hin Kiki Bertens hnebana Madrid Open a hung lak chun number one ni lai Naomi Osaka thlakthlengin

women’s tennis number one a hung ni ding a nih. Men’s singles a chun Zirtawpni zan khan S. Ts-itsipas chun Zeverev hnein semifinal a lut bakah Fifth seed Australian Dominic Thiem chun grand slam champion vawi 20 lo nitah

No. 1 hlui Roger Federer chu 3-6, 7-6 (13-11), 6-4 a hnein semifinals a lut bawk. Chun, zanikhan Ma-drid champion vawi 5 lo nitah Spain mi Rafael Nadal chun Swan Waw-rinka hnein semi-finals a lut bawk. Nadal hin zani zan sawthnung khan semifinals-ah S. Tsitsi-pas an khelpui. Zani zan dar 7:30 khan Djokovic le Dominic Thiem han semifinal hmasa an inkhel bawk.

Student of the Year 2-in Ni Khatah Rs. 12 Cr HmumumBai: Karan Johar-in ‘Step Up’ film a inthawka idea a nei, tulai college student hai nungchang le inhnikna dang Sports le Music phawr suoka, lamna le hlasakna tienga insukhmuna dinga a siem ‘Student of the Year 2” chu May 10 khan tlangzar a nih a. Ni khatin Rs. 12crore a hmu phak. Tulai Hindi film thar Box office-a thaw \ha tak takhai nekin a la thaw \haa chu, Tiger Shroff film hmasa ‘Baaghi 2’ chu a tluk ta nawh. Tiger Shroff film hmasa ‘Baaghi 2’ (2018) khan chu ni khatin Rs. 25 crore a lam suok a nih. Thriller le publicity haia an thelar ang le trailer-in mi a hipa a hrilmawi em em ang a ni zo nawa chu film dang tamtak nek chun ngai hlut hlawin a la hlawk a. Tiger Shroff neka an ta dinga pawimaw, newcomer Ananya Panday le Tara Sutaria hai ta dingin a pawimaw. Trade analyst Mr Taran Adarsh

lo observe dan chun, SOTY 2 hin tulai Hindi film tamtakhai le khaikhin chu ni khata Rs. 12 crore hmu chun a la thaw \ha hle niin a hril. Abikin Weekend, Inrinni zan hi mi tamna zana ngai a ni hlaka, chu dawta Sunday. Hindi film tamtak chu an nih ta naw (entu tam tah lo) laiin SOTY 2 ruok chu beiseina a hmu phak niin a hril a. Tulai Hindi film hai lai chu Tiger Shroff film hi a hlawk pawl tak a nih, tiin a hril bawk.

Mi inngaitlawm, ngui rieu rieua um, thawluina hmang lova mi zai nghaka thuawi thei tak le inthlahrung thei tak le insum theihai hi hlawtlingna le pawisa khawmin a bawm nuom bik a hawi. Mani theina zawna dittawka thawa, a bak po midang (Pathien) kuta innghat dam hi mihriem hlawtlingna a nih lem ti khawm a suklang. SOTY 2 khawm hi college life tulai India rama tamtak ang a nih a.

Mimal nun khawm. Taksa khawsak dana mi neinung le neinung lo, lekhathiem le thiem lo, hausa le pasie kar hi chu a um zing ding chu a nih. Chuong kar laka chun Tiger Shroff khawm a naupang laia a ngaizawng tah Tara kaina college a kai ve theina dingin theitawpin a bei a. A va kai ve ngeia chu nunghak dang (Ananya Pandey) in a lo dit ve ta tlat a. Chuong nunghak pahni kara college life competition hran hran le activity hran hran inelna hai chanchin a nih a. Ho te ni si, tulai \hangtharhai en nuom zawng tak film, siemfawm pawisa hui lut rawn em emtu a nih. Tulaia Hindi film Box Office- ah ni khata Rs.5 crore chung lamsuokhai chu a hnuoia hi a nih:2018: Baaghi2 Rs. 25.10 cr 2019: SOTY2 Rs. 12.06 cr 2016: Baaghi Rs. 11.94 cr 2016: AFlyingJatt Rs. 7.10 cr 2017: MunnaMichael Rs. 6.65 cr 2014: Heropanti Rs. 6.63 cr

Kim Kardashian Nau Palina Nei Nawk TahlOs angeles: Mi tamtak chun nau hai hi malsawmna an ti laiin mi \henkhat chun nau t lawmte chau neia thawveng deu/intodel deuva um an nuom ve thung a. Kim Kardashian ruok chu an pa Kenye West khawm African-American sungkuo liena um chi a ni ang bawkin, aman a pai thei ta nawa chu, mi phing hawin nau 4-na chu an lo nei nawk tah ti thu a puong. Kim Kardashian-in fans hai a hril dan chun, an nau palina hi pasalte a nih a, ‘perfect’ tiin a hril a. A hming ruok chu a la hril lang nawa, a paipektu nu hi tum a na ti khawm a hril suok bawk nawh. Kim le Kenye hin nau pathum an nei ta a, chuhai chu nuhmeite North (5), pasalte Saint (3) le nuhmeite (Chicago (1) hai an nih. Tuhin chu pasal 2 le nuhmei 2 an ni tah. Kim hril dan chun an naute hi Ningania pieng a nih a. A rik dan chu 6 lbs (pound) le 9 ozs (gram) a nih a. Kg. 2 le ti met chu a nih.

Kim hin ama phingin nau pahni a nei hnungin daktor han nau pai ‘risky’ ta dinga an hril pek leiin a pai ngam ta naw a. Nau a la dit si, an pa Kenye

West khawmin nau a la dit si leiin Chicago hi mi an inpaitir a nih a. Tuhin pasalte bawk mi dang phinga inthawkin an nei nawk a, sungkuo member

paruk niin Kardashian unauhai lai chu a tamtak an nih tah. Watch What Happen ti TV live program January thlaa a hril dan chun, “Daktor ka ringzo tak mi pahniin ka ta dingin nau pai nawk a remchang ta naw ding an mi hril chun, ka zawm el a nih. Ka ta dinga \ha chu an hriet lem” tiin a hril. “Daktor-in nau pai thei ta lo dinga an mi ti zo khan chu, options umsun chu ‘surrogacy’ (mi phing hawa nau inpaitir) kha niin ka hriet a. Tuhin a tak a chang an tah” tiin a hril a. Hringnuna rinumtak iem an ti chun, ‘naupai’ a tih bawk. Kimin nau a pai thei ta naw ding an hriet khan a unaunu Kourtney le Khloe han pai pek an inhuom thua an hrila. A ruol\ha Chrissy Teigen chenin pai pek an huom thu a lo hril hman a nih. A unau le ruolhai tukhawm hmang lovin hmel hriet ngai lo, khawhnunga buoina um nawna dingin tiin an pai tira, a hlawtling tah a nih.

HMAr MArtyrs’ FOOtBAll trOpHy 11 MAy resUlts.

MANIPUR STATe LeVeL (SAIkoT PLAy GRoUNd)

2:00PM- F.A.S.T 2-0 Tuithaphai FC (1st Semi-Final)

F.a.s.t Final an lut tah.

ASSAM (MSA GRoUNd, MAHUR) 3PM- MOP 2-1 Red Bulls

(2nd Semi-Final) MOP hai Final an lüt ve nawk tah.

JIRIbAM dIST. LeVeL Tuisuolien, Jiribam, Manipur.

11:00AM- Tuisuolien (A) 4-1 SINLUNG FC (Bekrasuo) 1:00PM-

Gilgal A (5)0-0 (4)United Young Star (Hmarkhawlien) Penalty Shootout

3:00PM- LRFC Muolkhang (4) 0-0 (5)Jiribam Police Penalty Shootout

Mahur MSA Ground Assam a inkhel fe meka chun MOP ha’n Red Bulls hai 2-1 a hne in Final an inpet lut ve nawk tah a, MOP hai hi PP FC hai leh Final khel an tih. Saikot Play Ground a inkhel meka chun defending Champion F.A.S.T ha’n an khingpui Tu\haphai FC 2-0 a hnebanin Final an lut. Fixtures le Jiribam Dist level Tuisuolien Play Ground a khel mek le Sinlung Hills Council tieng an inkhelna fe mek dan zinga hung update tum ei tih. -elâres

Final Trial \hang dingin Chandigarh an panCCpur: All India Football Federation (AIFF) hnuoia Football Academy pakhat Roundglass Sports in April 28 le April 29, 2019 haia Public Ground, CCPur hmu-na Under-13, Under-15 le Under -18 a ding Trial selec-tion test an hung nei le inza-wm khan CCPur District-a inthawk players 15 final trial a \hang thei dingin an thlang. Final Trial a \hang thei dinga thlang hai chu- V Khamgoulun, Laltinmang

Haokip, Lamminthang, H siamgoulian, Pausuanlian Simte, Lalminlen Haokip, Lallemsiam, Thianlallian, Liangkhanmang Valte, Gin-

goulian Vaiphei, Thangsuan-pen, Lallawmkima, Samuel Onthanglen, Khupkhanlian le Mangkhosat Haokip hai an ni a, May 12, 2019 hin Chan-

digarh-a Roundglass sport fi-nal trial-ah \hang an tih. Final trial a \hang ding hai hi Pastor S. Thangchin-lun, local pastor, EBCC Hiangtam in \awng\ainain an thla liem a, CDSA chun hlawtlingna chang seng din-gin ditsakna an hlan. Mi 15 hai hi Imphal a inthawk Vuongnain a chu-ongin zanikhan Delhi an tlung a, Delhi a inthawk Roundglass Academy Bus in Chandigarh chen phur ning an tih.

ISL team in 2-1 in CCPur XI team an hne

CCpur: May 11, 2019, 1:00PM khan Public Ground, CCPur-ah ISL le I-League team a inkhel footballer hai le District sunga inkhel thiem Chura-chandpur XI team han Ex-hibition match an nei a, ISL&I-League team chun

CCPur XI team 2-1 in an hne. Goal hmasa Mum-bai FC player Milan Singh Ongnam in minute 10 naah goal a thun a, hi zo hin ISL team a inthawk Ben-galuru FC player Thangk-hosiem Haokip chun goal

a hung thun nawk a, CCPur XI team chun inkhel tawp chenah goal khat chau an thun hman leiin ISL team chun CCPur XI team 2-1 in an hne ta a nih. Organiser han enman Rs. 500/-, Rs. 200, Rs. 50 le Rs. 20 an lak.

Mamit-ah Ui natnna hri an leng, Ui tam tak an thi tahmamit: Tulai hin Mizoram-a Mamit district- chun Ui natna hri “Canine Parvovirus Infection” an leng a, Ui tam tak an thi tah a. Mamit AH & Vety De-partment khawmin Ui natna hri inleng mek hi suktawp/dang tumin theitawpin hma an lak mek. Mami AH & Vety, Chief Veternary Officer Dr PC Lalrokima chun, Mamit

district sunga Ui natna hri inleng mek hi mihriem –ah kaisawng thei lo a ni leiin mihriem ta dingin \i a um nawh a, sienkhawm Ui le Ui ruok chu awlsam takin an inkaisawng thei tiin a hril. Parvovirus invawi Ui umna bul annawleh a lo umna hlak haiah Ui dang infe chun awlsam takin an kaisawng nghal thei niin a

hril. Parvovirus infection hi ni 10 a inthawk ni 15 sun-gin an langsuok hlak a, hi natna invawi hai chun bu an du naw a, an inluok a, sant-en an nei a, an zawi vawng nghal hlak a, an damnawna a sawt ta chun an ek-ah thisen a um hlak a, enkawl vat a ninaw thun an thipui hlak tiin Dr PC Lalrokima chun a hril.

Topper 5-in a Nu Thingpui a zawrpui hlak

imphal: Mihausa nau Tuition lak naw chun Top-per an nih thei nawh ti chu an dik nawzie tu kum Class 12 exam 2019-a Commerce Topper Miss Purnima Moi-rangthem (5th) chun a fie chieng hle. Miss Purnima hin class a \ina hunawl a nei pha a nu thingpui hotel ah thingpui a zawrpui ve hlak niin a hril. Topper Miss Purnima Moirangthem hi Govt TG Higher Secondary School-a kai a na. Khangabok Meis-nam Leikai, Thoubal dis-trict-a um an nih. A pa chu Moirangthem Surchandra a na, a thi tah a. A nu Mo-rangthem (o) Jamuna Devi hin thingpui hotel a siem a. School chawlin a \hangpui hlak. Class II a ni lai a pa in a thisan a nih. Purnima hi lekha a thiem thei leiin Class-VII to Class X chen khawm New Public Higher Sec-ondary School-in Free-in an inkaitir a nih. A hril dan chun, darkar 8-10 lekha a tiem hlak a, an hotuhaiin theitawpa an \hangpui hlak leiin Topper a nih thiea a lawm hle a. An pawisa neiin a dai naw ding a nih leiin DM College of Commerce ah sunzawmin, a puitling pha chu Charter Accountant ni a nuom niin a hril. (IT)

North Korea Missile Test Dan Bawsietna An Nawh: TrumpwashingtOn: Kum hni vel liemtaa North Korea-in America kap phak ding missile (meithallawn) le nuclear bomb a test lai khan chu ‘danbawsepa’ ‘Little Rocket Man’ dam tiin kap chimit vawng dingin a vau a. Tulai hnaia North Korea-in Missile inrang taka tamtak kap suok thei ‘short-range balistic missile’ a test ruok chu ‘Dan bawsietna an nawh’ tiin a hril. North Korea hi UN le US han nuclear bomb le Missile test thei ta lo dinga an rekbet a nih a. US President Trump le vawi hni zet an inbiek taa chu an la hlawsam a. Amiruokchu, mimal thil taka inhrietna le inpawna an nei tah leiin an inhmu khawhri ta nawa zie a um tah. Trump chun, “Kim-in missile ensin test hai chu short-range an nih a. Khap khawm an ni naw leiin ‘dan bawsietna’ angah ka ngai nawh. Ni dang kha chu nisienla, ka ngai el thei. Tuhin chu dan bawsietna ah ka ngai nawh. Short-range an nia, standard tak chu an nih” tiin a hril. N o r t h K o r e a h i n November 2017 a inthawk

khan Nuclear bomb le Ballistic Missile testna a chawl tah a. Inbiekna tieng hma lain Trump leh an inbiekna hmasatak khawm June 22, 2018 khan nei a nih a. Inremna angin declration an siema chu an zawm hlawtling nawa, thil dang ruok chu inpawna \halem an nei a. Kha taka inthawk khan an inhrietthiem \an a nih. Trump chun, “Chairman Kim chu ka ringzo a, mi \ha tak a lo nih. A ram mipuihai hmasawnna ding dit a ni leiin thil \ha naw thaw nuom naw nih” tiin Singapore ah bu inhnik tak an fak tlang a. February 24, 2019 khan Hanoi-ah an inbiek nawka chu a ul ta leiin bu khawm an fak tlang thei ta nawh. Ni dang chu Missile an kap puok met le military drill an nei kek khawmin a \awng khum el hlak a

na. Tuta \um chu, Ningani khan short-range missile an kap suok sin a. Inrinni khan Military Drill an nei bawk, tiin pangngai takin a hril. Hienglai zing hin Kim Jong Un a ringzona chu a bo (tawp) el thei thu a hril a. “Tu hri hin chu la ni naw sienkhawm, ring anga a thaw zawm pei chun ka la ringzo naw tak tak el thei a nih” tiin a hril bawk. North Korea chun hienga short-range missile a ensina, military drill a thaw hi US le South Korea han an thaw leia inralringna a thaw a ni thu a puong ve. Kim Jong Un chun Washington chu ‘lampui indiklo hraw’ angin a hril a. “Ringna indiklo” in a ringhla leiin kum tawp chen khawm an inhrietthiemna chun a dai naw el thei thu dam a hril. (Reuters)