issue : march 2012
TRANSCRIPT
-
8/2/2019 Issue : March 2012
1/34
1
Kum 24 Issue No.27 Missionary Tlngau March 2012
Editor : HS.Lalhmingthanga 2342250 (O)
9615344234(M)Asst. Editor : H.Zadingliana 2342294 (R)
9436157190(M)
Cir.Manager : K.Lalremsanga 9436370298(M)
Member : Rev.Dr.K.Lalrinthanga 9436158852 (M)
: L.H.Liandinga 2342667 (O)
Email Address : [email protected]
Address Baptist Church of Mizoram Office
Serkawn, P.O. Zotlang - 796691
Lunglei, Mizoram Ph.Off - 2342250
A man kum khatah - Rs 40
Thuchhuah rng rng hi a ziaktu mawhphurhna a ni a, Editor lehBCM ngaihdn a ni vek kher lo.
A CHHUNGA THU AWM TE
Sl.No Phk1. Editorial 1
2. Koh ka ni ve a.. 2
3. Buddhist Puithiam chu Kristian a ni ta
4. Report from Damparengpui
5. Rawtna leh thurawn
6. Marpara Circle-a Pathian hnathawh
7. Ziro-ah Krismas ka hmang
8. Samuksuri (Chengkawllui) Work Camp Report
9. Missionary Lehkhathawn
10. Prayer Letter
-
8/2/2019 Issue : March 2012
2/34
2
Editorial
LAL ISUA HMATHLIR
Tin, he ram Chanchin Tha hi hnam zawng zawng hriattirna turin,
khawvel zawng zawngah hrilhin a awm ang; chu mi zawhah chuan
tawpna chu a lo thleng ang. Matthaia 24:14
Matthaia bung 24-ah hian Isua chu a zirtirten Jerusalem tih chhiata
a awm tur thu leh, hun tawpa ropuina nasa tak nena van chhum
chunga a lo kal tur thu an zawt a, chipchiar takin a chhang a.
Hun tawpa Lal Isua ropui taka a lo kal hmaa thil thleng tur pakhat
Isua ngeiin chiang taka a sawi chu Chanchin Tha hi hnam zawng
zawng hnenah khawvel zawng zawngah hrilhin a awm ang tih hi a
ni. Hei hi Isua Hmathlir Saptawnga a Vision a ni. Thufingte
29:18 chuan, Inlarna a awm loh chuan mipuite an tladah thin, a tia. Isua Pathian Fapa mal neihchhun, Thlarau Thianghlima khat, a
Pa duhzawnga nun leh rawngbawl tum tlat thin chuan, a zirtirte chu
hun tawpah, thiltihtheihna nasa tak nen ropui takin a lo kal leh
dawn a, chumi hma chuan Pathian ram Chanchin Tha hi khawvela
hnam zawng zawng hnena hrilh tur a ni tih a hrilh a ni. A zirtirte leh
amah zuitute vana a lawnsan dawn tepah he thu hi a hrilh nawn leh
a, Isua hian he a thuchah hi a ngai pawimawh em em a, a zirtirte
hian chiang taka hriain lo bawhzui ngei se a duh a ni.
He Isua rilru, a ngaih pawimawh em em, a zirtirte leh an thu avanga
amah ringtute zawng zawngin chiang takin hria sela, lo bawhzui
ngei sela ti a, vawi khat mai a sawi pawh duh tawk lo va, a chah
nawn hial hi BCM hian engtin nge a ngaih aw? Kan Lalpa Isua rilru
hi kan la tawmpui tak zet em? Min chah nawn mawlh mawlh
khawvel zawng zawnga kal a, hnam zawng zawng hnena ChanchinTha hril hna hi kan kohhran hmalakna pui ber a la ni zel em? BCM
Editorial
-
8/2/2019 Issue : March 2012
3/34
3
thiltum (Mission Statement) chu khawvela Pathian ram a lo zau va,
a lo ngheh a, a lo lan fiah deuh deuh theih nana hnathawh a ni a.
Kan thupui (Motto) chu Chanchin Tha mi tin tan (Gospel for all) tih
a ni a, hei hi kan Biak in hmun langsar lai Pulpit chungah kan tarvek a. He kan thiltum hi kan tihlawhtling dawn anih chuan BCM
pumpui leh kohhran mal te chuan kan Bible chang tarlana Isua
Hmathlir hi kan tawmpui a, thahnemngai taka Chanchin Tha kan
hril a, Pathian ram tizauva din thar zel thei tura hma kan lak a ngai
a ni.
Lal Isuan Chanchin Tha hi hnam zawng zawng hriattir a duh a. A
hriattirna hmanrua atan amah ringtute, kohhran te hi min ko va, min
tir chhuak a ni. He Chanchin Tha hril tura tirh chhuahna hi Pathian
thu thiamte chuan Tirhchhuahna Ropui (Great Commission) an ti a.
Baptist kohhrante chuan he kan Lalpa Isua thupek hi kan ngai
pawimawh a, harsain hautak hle mahse zawm ngei tumin nasa takin
tan kan la thin a, kan la bei mek zel a ni. Hei hi Baptist kohhran
danglam bikna (Baptist distinctives) pawimawh tak pakhat a ni.
Heti taka Chanchin Tha hril kan tuipuina chhan chu Lal Isua rilru a Hmathlir kan tawmpui vang a ni.
Isua chuan, Ngai teh, ka lo kal thuai dawn e. (Thupuan
22:12) tiin min hrilh a. Ropui taka a lo kal leh huna a tih tur
pawimawh tak chu mi tin an thiltih ang zela ro relsak a ni.
Lalthutthlengvar lian taka thu a, mi tin ro a relsak hunah chuan, a
thupek hnam tin hnena Chanchin Tha hril tura min tirhna hi
engtin nge kan tih? amah ngeiin min la zawt dawn a ni. Engtin ngekan chhan ang? Engtin nge i chhan dawn le? He kan kohhran
hnapui, a thisen hlu taka min leitu Lal Isuan a ngaih pawimawh em
em hi engtin nge i tih hlawhtlin Missionary in i kal nge?
Missionary te rawngbawlna atan i lo tawngtai tang tang nge?
Thlarau bote chhanchhuah nan thilpek pein, nangmah ngei pawh
taksain i thawk chhuak? A eng ah mah hian i tangkai ve mang lo
anih hlauh chuan, a hmaa i din a, rorelsaka i awm hunah, Lal Isuathinur hmel i hmu palh ang e. Lalpa Isua Hmathlir tawmpui a,
-
8/2/2019 Issue : March 2012
4/34
4
Chanchin Tha hriltu lam hna thawh hi ringtu mimal leh kohhran
nunna, chakna leh thiltihtheihna hnar pawimawh tak a ni tih hriain,
lawm chungin he Lal Hna hi i thawk zel ang u.
I lawmna ber Lalpa, thlarau bo chhandam,I hna tul ber khawvela Chanchin Tha hril
I kohna hi haider thei ka lo ni lo,
Nangin min tir thlarau bo chhandam turin;
I Thlarau Thianghlimin min hruai zel la,
I ram tan ka rawn inpe e, Lalpa.
***************************
KOH KA NI VE A .(Mendavari Lamtluang)
Nl. Lalrindiki Renthlei,
Dipsing Academy, Mendavari
Mi fel lo leh tling lo ber mai, hmeichhe dawrawm tak mai
hi, hna azawnga hna ropui ber Missionary hna thawk tura koh ka
ni ve a, Lalpa khawngaihna kal tlanga BCM hotute thlan ka la ni
zui leh nghal. A va mak em! BCM Missionary atana thlan ka ni vetih ka hriat hma atangin, keimah ka in en a, ka tlin lohna leh ka fel
lohna nasa takin min delhbet a, ka insit ngawih ngawih a, he hna
zahawm tak hi ka phu lo tak zet a ni tih ka hre bawk. Kei aia fel leh
tling, thlan awm zawk tam tak ka hmu a, chu chuan ka tlin lohna
min hriat chiantir hle bawk. Mahse, ka pian tirh atanga vawiin
thlenga ka awm dan min hre chiangtu Lalpa chuan, ka tlin lohna leh
fel lohna zawng zawngte min haidersakin tlingah min pawm a, atana thawk ve turin min thlang ta si. Upa H. Biakkhuman (RIP)
-
8/2/2019 Issue : March 2012
5/34
5
Phu lovin tling lo ber mah ila,
Aw Lalpa, lawmthu ka hrilh a che
a lo tih angin Lalpan a khawngaihnaa Chanchin Tha hril tura minthlang hi ka lawmthu ka hril seng lo a ni ber e!
Dt. 08.08.2011 (Thawhtanni) ah Lunglei Ramthar venga kan
in chhuahsanin Tripura Yakhili Academy-a ka thawmhnaw ka zuk
la a. He sikul Principal Pu T. Nghaksangan kawng engkimah min
tanpui a, a chungah ka lawm tak zet a ni. Tripura atanga Guwahati
ka pan zan hi ka theih nghilh thei tawhin ka ring lo. Night Super
Bus-ah keimah chiah hmeichhe passenger(khualzin chuang) ka ni
a, hnam dang mipa hlang karah ka thu ngawi kar mai a. Ka rilru a
nuam lo hle a, kan kohhran BCM Ramthar, Lunglei leh ka chhungte
pawh min lo tawngtaipui turin phone-in ka hrilh mawlh mawlh reng
a. Chutih nak alaiin ka hmaah chuan vai pa lian zet mai a thu a, min
rawn thlek zoh zoh bawk a, ka hlau ru tan hle mai! Zan khuaa tlan a
la ngai dawn chu a ni si a tiin ka thlamuang hlei thei lo a. Ka hmaa
thu pa chuan a nghenchhan chu rawn tiawn vakin ka ke a rawnkhawih palh (lui?) ta zauh zauh mai. Ka hlau lutuk chuan ka thutna
(seat)-ah ka ke ka hlangkang a, kawng zatve vel zet chu ka thu tung
ta khar mai a, ka mut chhuak deuh riai riai pawh a reh chiang kher
mai.
Mahse, Pathian thu sawi angin, Amah tihtute chu, an velah
Lalpa vantirhkoh chuan a awm chilh a, a chhanhim thin, (Sam
34:7) tih ka hriat thiam theihna kawng ropui takah a lo chang tazawk a ni. Ka thutpui pa, Tribal hmelpu, pa lian ve tak mai chu, chu
zan khawhar leh tihbaiawm taka min venghim tura Pathian (ka van
Pa min hmangaihtu) ruat lawk a lo ni reng mai! Min be miah si
lovin min ngaihsak hle a, vai pa thutna rawn tihawn vak chu a nam
ngilsak hmiah a, zun ram thiar leh chaw eia kan chhuk pawhin min
hlat lo takah, min hmu thei tawkin a awm ta zel a, a hnuah phei
chuan kan thutna (seat) kan in thleng ta hial a, thlamuang takin kachuang ve thei ta a ni. Lalpa chu fakin awm rawh se.
-
8/2/2019 Issue : March 2012
6/34
6
Mak tak maiin kha Tribal pa khan Guwahati pana kan tlan
chhung zawng khan vawi khat mah min be hauh lo. Ka biak pawhin
zaizirin min chhang a, tawngtheilo emaw ka ti hman hial a! Mahsea hnuah phone call a dawng a, a tawng thei tho bawk si. Airbag te
reuh teah jacket pakhat leh tui bottle a keng a, a bak bungraw dang
a ngah lo khawp mai. Rin tlak Pathian, ka hlauhzawng zawng
zawng laka min chhanhimtu, ka chhungte leh kan kohhrante min
tawngtaisakna lo ngaithla a, ka manganna zawng zawnga min
chhan chhuaktu ka nei a ni tih min hriatchiantir hle a ni.
A tuk zingah Guwahati chu tluang takin ka thleng a.
Sundarpur, Zoo Road-a Baptist House-ah Nuteii (Nl. F.
Zoramthangi, Evan. Nurse), Mendavari hmuna ka thawhpui tur
chuan min lo nghak a. Zanah rilru hahdam leh thlamuang takin
Guwahati chu kan chhuahsan a. Assam Bandh a awm avangin
Debitola-ah kan cham a. Tichuan Dt. 16.08.2011 (Thawhtanni) ah
ka thawhna tur Dipsing Academy, Mendavari, West Bengal chu
tluang takin Lalpan min hruai thleng ta a ni.
Kan sikul hi a la changtlung lo hle mai a, tih tur leh
mamawh kan ngah hle a ni. Thlen hlim atangin kan Principal thar
Pu F. Lalramdinpuia (U Madina) te chhung, Adini, Engmawia leh
kan hotu nu Nuteii te nen kan buai ve nghal char char a. Hostel
Warden atana post ni lo mah ila, quarters ka la neih ve loh
avangin Girls Hostel hnung lamah room (chenna tur pindan) min
siamsak a, chutah chuan riakin Boys Hostel ka enkawl ve thung ani.
Kohhranho te min lo tawngtaipui zel turin ka ngen tak meuh
meuh che u a, hmeichhiain zirlai mipa naupangho awmna Boys
Hostel han enkawl chu thil namai leh awlsam a ni hauh lo. Heng
naupang kan kuta awmte hi Lal Isua hnen hruai thleng a, nun tak
tak an neih ngei theihna tura zirtir a, tawngtaisak a, kaihruai zel thei
turin min lo tawngtaipui a, min fuih a, a tul anga min zilh a, mintichak thar fo turin ka ngen nawn leh che u a ni.
-
8/2/2019 Issue : March 2012
7/34
7
******************
BUDDHIST PUITHIAM CHU KRISTIAN A NI TA.
Upa C. Lalhmunmawia,BCM Shalom, Chawngte P
Lalpa a che a ni : Pathian leh hotute duhsakna avangin Arunachal
rama BCM Mission Field tlawhtute zingah zuk telvein Pathian
hnathawh mak leh ropui tak tak kan hmu a, Chanchin Tha hril tura
mintirtu Lalpa Isua rin tlakzia a tharin ka hmu a, ropui ka tiin ka
hlim tak zet a ni. BCM hian Upa leh Pastor te Field tlawh hi
chhunzawm zel se kan rawngbawlna pawhin rah hlawk zawk a
chhuah ngei ka beisei tlat a ni. Chutia rilru hlim taka Chawngte ka
thlen hnu chuan, chanchin thar lawmawm em emin min lo la hmuak
cheu mai! Mizoram pawn lamah chauh ni lovin Chawngteah pawh
Lalpa a che leh ta! Lalpa chu fakin awm rawh se
Buddhist Puithiam Joyongte-in Kristian nih a duh : Dt.
02.12.2011 khan Chawngte atanga km. 15 vela hla Borkolokkhuaah Buddhist puithiam 5 chu an sakhaw thil (Dhormo) tiin an
kal a. An tih tur an zawh hnuah Borkolok-a kan Missionary (BCM
Shalom, Lunglawn chawm) Pu Amar Singh-a chuan lo kawmin
Pathian thu leh Kristian nunphung tlem a lo hrilh a. Chuta tang
chuan an zinga pakhat Joyongte chuan Kristiana inpek a duh ta a.
Dt. 08.12.2011 khan Chawngtea kan Circle i/c Pu Buatsaiha, Evan.
hnenah a rawn sawi a. Joyongte hi kum 20 mi, Mok hnam, Kasa
Palewah khua, Myanmar rama awm thin, nu leh pa nei tawh lo,unau pianpui 5 nei, rethei tak, chaw a nghei loh nana a naupan lai
atanga Buddhist puithiam hna zir a, Buddhist Mandir-a awma Kawl
tawnga Class VI thleng zir a ni. Puithiam hna a zir chhuah hnu hian
Myanmar-ah kum thum a thawk a, chumi hnuah Chawngte C
Kamalanagar-ah lo kalin Buddhist Mandir-a awmin kum thum lai
puithiam hna hi a thawk leh tawh a ni. Chakma tawng thiam tak, an
sakhaw dana Serh leh Sang khawih thei leh thahnemngai tak a ni a;hetia Buddhist sakhua kalsana Kristian nih a lo duh ta hi kan tan
-
8/2/2019 Issue : March 2012
8/34
8
chuan a lawmawm tak zet a, eng dang vang mah ni lovin Lalpa a
che a ni.
Puithiam thuam hlip thlain a hak lai nen chiah : Dt. 09.12.2011khan Pu Buatsaiha leh Pu Amar Singh te nen kan pathumin
Kamalanagar Buddhist Mandir-ah kalin kan va ngaihven a.
Joyongte hian a puithiam thawmhnaw bak engmah a neih loh
avangin, tlai dar 6:00-ah a inthlakna thawmhnawte kenga in la
chhuak turin kan hawsan ta rih a. Pu Lalthlamuanan motor a thawh
a, BCM Chawngte Bialtu Pastor Rev. H. Lalremtluanga hovin kan
kal leh a, nghak hlel takin min lo thlir reng a, kan thlen chuan a lo
intiam tawh angin a Buddhist puithiam puan ropui leh zahawm tak
chu a hlip thla a, an mite ngaihsan leh ngaih hlut thin kha, mi
pangngai niin a vawi khatna atan kan thawmhnaw kensak chu a han
inbel ta a, a zei lo lutuk a, kan han pui nawk nawk a, a pian tirh
atanga a vawi khat nan kawnghren a han hreng phei chu a lo thlirtu
tan chuan nuihzat thlak hle mahse kan nui phal lo va. Lawm
avangin kan hnuk a ulh zawk a, thahnemngai taka thlarau bote tana
mittui tlaa lo tawngtai thin kohhranhote hmuh ve atan kan va it takem! Hei aia hmuhnawm hi a awm tawh chuang awm lo ve.
An puithiam hotupa leh a puithiam thian 5 te nen, inthlahna
leh induhsakna thuchah an inhlan fel hnu chuan hlim takin kan
hawpui ta a. Heng a puithiam kalsan tak zingah hian a pianpui ngei
a nau pawh a tel ve a ni. A kekawrte hak lai leh slipper bun lai bak
engmah chhuahpui tur a neih loh avangin mi thahnemngaite pek
khawma a inthuam a ngai a, khawr riau leh sa deuh hut hutin ainhre hial thin a ni. Tunah hian Kamalanagar Town Church
Secretary Pu Bog Bono Kumar te hnenah a khawsa rih dawn a ni.
Kutbenga rawn chhuak anih avangin BCM Shalom, Chawngte P
chuan Rs 2,000/- in an tanpui a, an ti ropui tak zet a ni. Dt.
11.12.2011 Pathianni khan Udalthanasora-ah Rev. R. Lalrintluanga,
Mission Coordinator-in Baptisma a chantir nghal a ni.
-
8/2/2019 Issue : March 2012
9/34
9
Kristiante hi an thlamuangin an lungawi tlat : Joyongte hi eng
vanga Kristiana rawn inpe mai nge tih kan zawt a, Kristiante awm
dan ka hmuh hian ka awt em em a, an hmelah nun thlamuanna leh
lungawina ka hmu a; hun rei tak ka lo zawn tawh thlamuanna chuBuddhist sakhuaah hian ka hmu zo lova, chuvang chuan a rukin ka
nun hi a tuihal em em thin a. Chu thlamuanna chu Kristian sakhua
Isua Kristaah hian a awmin ka hria a, chuvang chuan Kristianah ka
inpe a ni, tiin min chhang a ni. Ringthar mai a la ni a, kaihhruai leh
tawngtaipui a la ngai hle a. Lal Isua zuitu rinawm tak, Buddhist
puithiamte zinga Lalpa ram dintuMeichher eng tak leh tangkai tak
a nih theih nan bang lovin a tan hian i tawngtai sauh sauh ang u.
Kohhran te u, Lalpa ram tana in thawhrimna kha a thlawn ngai lo a
ni tih hriain, thahnem ngai tak leh tumruh takin, Setana kulhpuite
thiat zel turin lo tang fat fat zel ang che u. (Pu Hmuntean
Chawngte leh a chheh vela 2008-2010 a Buddhist intuai tharna
movement chak tak, Pathian Thlarau Thianghlim thiltihtheihna
hmanga BCM-in kan chhan let dan Buddhist puithiam Kristiana a
inpek thu ngaihnawm tak min rawn hrilh leh ta a, a va lawmawm
teh reng em! Pu Hmunte, kan lawm e. Ni e, kulhpui nghet takte thiattura Pathian zara thil ti thei tak Pathian ralthuama thuam (tisa ami
ni lovin) kan ni miau va, kohhranten Chanchin Tha hrila Pathian
ram din tura ke kan penna lam apiangah Setana leh a hmanruate
chu an tawlh dawr dawr zel mai dawn chu anih hi! Ed.)
**************************
-
8/2/2019 Issue : March 2012
10/34
10
REPORT FROM DAMPARENGPUIUpa Laldika Zadeng,
Headmaster, BCM Comp. H/S,
Damparengpui
Damparengpuia BCM rawngbawlna hi Pathian hruainain tluang
takin a kal zel a, tawngtaisaktu leh tlawhtu kan nei zel hi a
lawmawm kan ti hle a ni. Min rawn tlawhtute leh kan thil tawn then
khat kohhranhoten kan hriat atan kan report leh ang e.
1. June 19, 2011 Pathianni khan Rev. Samuel Lalremsangan sawi
lawk lovin min rawn tlawh thut mai a. West Phaileng Bial TKP
Meet-ah Speaker niin hun a hmang mek a lo ni a. Pathianni
chawhnu hun awlah Damparengpui hi a rawn tlawh zawk a ni.
Darkar khat vel inkawmho a, kan Quarters hrang hrang kan tlawh
kual hnuin, a hun hman mekna lam panin min chhohsan leh ta.
Thalai lam hotu lianten tun hmaa an la rawn hmuh loh kan hmun
hma, hun chep tak kara min rawn hmuhpui thei hi, a chungah kan
lawm hle a ni.
2. August 19 21, 2011 chhung khan BCM Comp. H/S,
Damparengpui chuan Gospel Meeting kan nei a. Speaker atana kan
sawmna ngai pawimawhin Pu H.S. Lalhmingthanga, BCM Mission
Promoter a lo kal a. An kohhran ami Pu P.C. Laldinthara,
Lunglawn Unit TKP hruaitu a rawn hruai bawk a. Speaker hian
Pathian thu tha tak tak, naupangte hriat thiam zawng takin a puang
chhuak thin a. Sikul naupangho pawhin an ngaithla tha hle a ni. PuDina pawh Counselling lamah a thawh hlawk hle.
Kan khual thate hian Pathianni pawh chamin Bru Baptist Church
(BBC) kohhran pahnihah Pulpit rawngbawlna an nei zui nghal a,
Pathian thu tha tak tak an puang chhuak a, a lawmawm hle a ni.
Kohhranhoten kan hlawkpui ngei kan beisei. Thawhtan zingah min
hawsan ta a ni.
-
8/2/2019 Issue : March 2012
11/34
11
3. September 2, 2011 khan AICS atangin Rev. K. Rohmingliani,
Lecturer, Miss Brenna (U.S.A), Mr. Letkholun Haokip, Registrar
leh Faka (Driver) ten min rawn tlawh a. Kan sikul Hall-ah
programme hlimawm tak kan hmang. Hemi zawh hian sikultualzawlah Cheraw leh Bru Cultural Dance kan sikul naupangten an
entir bawk. Aizawl panin min hawn chhohsan leh ta.
Tun tum hi American Sap tlawhtu kan neih vawi thumna a ni ta.
Nikum hmasaa min rawn tlawhtu Tv. Austin fuihna thusawi pawh
kha kan sikul zirlaiten an la hre reng a ni. Kan sawmna min phalsak
a, motor rawn tirtu AICS Principal Prof. Dr. R.L. Hnuni chungah
kan lawm tak zet a. AICS nena inpawhna tha tak kan nei zui zel hi
kan tan a hlu tak meuh a ni. Rev. R. Zolawma D.Th. zuk zirna
Princeton University (USA) leh AICS ten inzawmna tha tak an nei
zel pawh hi a tha hle a ni. Min rawn tlawhtute fuihna thu sawite kha
kan nauten an hlawkpui ngei kan beisei.
4. October 1 13, 2011 chhung khan Tv. Zabiaka, AICS-a III Yr.
B.D zirlai chuan Damparengpuiah Practical Ministry a rawn nei a.
Sikulah leh kohhranah kan lo hmang tangkai a, a vanneih thlak hle.Amah hi tlangval fel tak, Pathian tih mi niin kan hmu. A nun
atangin zir tur tam tak kan hmu a, kan lawm hle a ni. A
rawngbawlna Lalpan mal a sawm zel kan duhsak e
5. November 3 6, 2011 chhung khan Damparengpui-a kohhran
pathum BBC, Damparengpui, BBC Shalom leh BBC Bethel ten
Shalom Biak inah Crusade kan nei a. BCM Recognised - Thutak
Puangtu Team kan hmang a. An Speaker Upa Dengdailova pawhPathianin a hmang hle. Hemi senso atan hian BCM Zotlang, Aizawl
in Rs 10,000/- lai min pe a, an chungah kan lawm hle.
Kohhranhoten kan hlawkpui em em a, kan hlim hle a ni.
6. November 13, 2011 Pathianni khan BCM Kawrthah BMP
member 17 laiin min rawn tlawh a. Rev. L. Rithangan a rawn ho
thei a, a lawmawm hle. Inrinni zanah Pu Rithanga, Pathianni zingahPu A. Vanlalpianga, Pathianni zanah Pu J. Vanlaldika ten Pathian
-
8/2/2019 Issue : March 2012
12/34
12
thu tha tak tak, an tawn hriat hmang tangkai chungin an sawi a, a
ropui hle mai. Kohhranho tan malsawmna thar anih ngei kan ring.
7. November 27, 2011 Pathianni hmang khan BCM Maubawk,Aizawl ten BBC Bethel, Damparengpui an rawn tlawh a. Member
10 an lo kal. An kohhran Mission hmalakna a ni a, an kohhran
Chairman Upa H. Rohnuna leh an kohhran Secretary Upa H.
Lalthankhuma ten an rawn ho thei a. Bethel kohhran hi thilpek Rs
4,000/- lai an pe a, a lawmawm hle a ni.
8. December 8 11, 2011 chhung khan BBC Damparengpuiah Lay
Leadership Training neih a ni. Hei hi BBC worker-te pual a ni a,
BCM Missionary te pawhin kan tawiawm tho va. Rev. R. Zolawma,
Rev. C. Vanlaldika leh Rev. K. Rohmingliani te an lo kal a, training
tangkai tak min rawn neihpui a, kan lawm hle a ni. Mahni kea din
zir tan mek BBC hian an hlawkpui ngei kan ring tlat a ni.
9. BCM Maubawk, Aizawl in kan Hostel hungna tur thirhlum
(barbed-wire) hlum khat leh a chanve lai min rawn pe a. AnSecretary Upa H. Lalthankhuman (Makhuma) January 10, 2012
Thawhlehni khan Damparengpui Sumo Counter-ah phur pheiin a
rawn thleng thla a, an kohhran leh Pu Makhuma chungah kan lawm
tak zet a ni.
Tlang kawmna : Aw le, BBC pawh kum thum a lo ral meuh chuan
mahni kea ding thei kohhran a lo ni ve dawn ta reng mai. Tanpui
erawhchu an la ngai hle. An la intodelh lohna lian ber chuEducation (Sikul) lamah hian a ni. An mahni zingah hian zirtirtu tha
leh tling an la tam lo va, hemi kawngah hian BCM-in kan la puih
zel rih chu an ngai ang. Damparengpuiah hian BBC member 600
chuang an awm ve ta a, a lian ber erawhchu kan la ni lo fo, a dawttu
chu kan ni ta. Kan sikul pawh hian hma kan sawn zel a, tuna kan
mamawh ber chu Classroom tihlen a ni. Room khatah hian zirlai 20
chauh an leng a, naupang 30 tal dawng thei room neih a chakawmhle mai. Hei vang hian Class then khatah chuan lak (admit) sen loh
-
8/2/2019 Issue : March 2012
13/34
13
kan nei thin a, hei vang hian kum tin kan sikul leng tawk zirlai 250
bawr chauh kan nei reng mai a ni; rawngbawlna lam atanga thlir
chuan a uihawm thei khawp mai. Thawktute min lo tawngtaisak
reng thin avangin kohhranhote chungah lawmthu kan sawi e.(Report from Damparengpui rawn ziak thintu Pu Dika hi a
fakawm hle. BCM Mission School dangte ka cho fiam tawh che u a,
mahse in chhanna response mumal kan la dawng lo tlat!
Kohhranhoten ngaihsakin tawngtaisak tak tak che u sela in duh
chuan, sikul hmanga in rawngbawlna reports rawn tarlang taima
deuh teh u. Pathian Thlarau tanpuinaa inchhem alh tawn hi
rawngbawlna hlawhtlinna a ni a, chuvangin Mission Field lam leh
in lama kohhranhote i han tang nasa lehzual dawn teh ang u. Pu
Dika chungah kan lawm e. Ed.)
*******************************
RAWTNA LEH THURAWNH. Lalhuliana, E/T
Pathianin khawvel zawng zawnga kal a, Chanchin Tha hril
a, a ram tizau turin kohhrante hi mawhphurhna min pe a. He hna
Mission hi sawt zawka kan thawhho theih nan, Chakma Mission-a
rawng kan bawlna atana tangkai thei tura rilrua ka rin Rawtna lehThurawn tlem han tarlan ka tum a ni.
1. Biak in sak : Kum 70 chuang lai kan thawh tawhna Mizorama
Chakma hnam zingah Pathian ram a zau chak hle a. Fellowship leh
kohhran ding thar pawh tun kum hnih chhung pawh hian an awm
chho zel a, a lawmawm hle. Hetih lai hian BCM kohhran leh mi
thahnemngaite hian kan Chakma ring tharte kut nghak hman lovinan Biak in tur sak kan hman hmawhpui a, kan sa mek bawk a. Hei
-
8/2/2019 Issue : March 2012
14/34
14
hi thil lawmawm tak anih rualin, Chakma Kristiante rilru leh
nunphung enin, hmasawntirtu nge ni ang, an hmasawn zelna ti
thuanawptu aw? tih ngaihtuah a va tul em. Biak in hi kan sakpui
anih pawhin Mizo Kristian duh dan aiin Chakma Kristian nunzemil hian puahpui ta zawk ila, an inti neituin, a enkawl zel kawngah
pawh an thiam zawng a ni zawkin a rinawm. An rilru ti piangsual lo
zawng a, an rilru leh thlarau lam buatsaih hmasa a, an duhzawng
ngeia Biak in neihtir dan kawng i ngaihtuah teh ang u.
2. Kohhran tlawh : BCM kohhrante hi Mission rawngbawlnaah
kan tui a, Mizoram chhung leh pawna kan kohhran dinte tlawh kan
uar telh telh niin a lang a. Hei hi thil lawmawm tak a ni. Kan theih
hram chuan kan kohhran tlawh turte hi dawr ngei ila. FD, Circle i/c,
Missionary leh Headmaster te kal tlanga kan dawr anih pawhin, kan
tlawh turte mamawhna dik tak hre chunga an hlawkpui theih ngei
tur programme kan siam a tha ang. Hei bakah hian Missionary hma
lo la mekte hna tisawt zawnga kan tlawh a ngai a. Keimahni tui
zawng, kan thiam zawng leh duh dan chu, min lo dawngsawng turte
mamawh ber anih loh chuan dah that ngam a tul a ni. A ram mitehian hnamzia, tawng leh nunphung hran an nei tih hre rengin, an
chhawr tangkai theih tur zawnga thawktute nen inrawna kan tlawh
hi a tha ber ang.
3. Tawng, thlen in leh incheina : Sawi tawh ang hian hnam nun
ziarang hrang nei, tawng hrang hmang, incheina leh khawsak dan
hrang nei zingah rawng kan bawl a, kan tlawh tih hre rengin, an
nunphung leh ziarangte kan theih ang chin china luh chilh kan tuma tha. Hei hi Pathian Fapa Lal Isua tih dan pawh anih kha. An
tawng kan thiam lo anih pawhin kan thu leh hla chu an mahni
emaw, Missionary an tawng thiam emaw lehlintir (interpret) hram
hram a tha. Tin, hla pawh an hla, an sak thiam zawng sakpui thei
tura kan inbuatsaih a, a tul phei chuan an hla duhzawng te chu kan
lo zir lawk hial pawh a tul a ni. Thu leh hlaa inpawh taka Pathian
kan fakho a, chibai kan bukho theih chuan kan tlawh kohhrante tanmalsawmna a ni nge nge thin a ni.
-
8/2/2019 Issue : March 2012
15/34
15
Kohhran tlawha feh chhuakte hi a theih phawt chuan a ram mi
kohhranhote inah thleng ngei se a tha. In khata ei leh inho a, han
awmho hi chuan rilru a inpawh bik a; nuam lovin nasa taka
insiamrem ngai mahse chhel taka kan tlawhte chu kan thlenchilhhram hram a ngai a ni. Missionary inah emaw, hmun dang nuam
zawkah emaw kan thlen daih chuan kan tlawh kohhrante nen in nel
leh inpawh tak tak a har duh hle a ni. Hreawm inhuam a, rilru zau
taka Field tlawh i tum ang u.
Chakma hmeichhiate hi khawvel hnam hrang hrang zinga
mahni hnam incheina thlah lo ber zinga mi an nih a rinawm.
Chuvangin kan tlawh chhung nana na chuan hmeichhiate phei
chuan an hnam incheina te han tawmpui ve nawk nawk sela. Hei
hian in nelna leh inkawmngeihna a thlen duh hle a ni. Tawngkaa an
hnam incheina leh thil ngaihsan zawngte sawimawi a, a tha lai te
chu fak pawh a hlawk duh viau bawk. Hetiang lama beng varte chu
an ngaina thuai thin a ni. An thinlung hneh a, an rilrua min pawm
theih dan tur zawnga an bula awm i tum ang u.
Chakmate hian an ei leh in siamna (choka) ah chuan
pawnlam mi chu lut lose an duh a. An thian tha leh chhung khat te
chauh an luhtir thin a ni. An zinga kan awm chhung chuan he an
hnam tih dan hi zahsak a, an phal china awm mai kan thiam a tha a
ni. Ngaihtuah mang lo va luh tlang pur pur loh hram hram a him
ang. Hetiang lam thil dangte pawm an hnamze hre chiang
Missionary te zawh a, fimkhur taka an kianga khawsak thiam a ngai
a ni.
4. Rawngbawlhona : Kohhranhoten Chakma Mission-a an
inkhawmpui hmanpui, kohhran tlawh, Crusade, Gospel Meeting leh
Camping buatsaih te kan uar chho telh telh a. Kohhran feh chhuak
thinte chuan thlarau lama hlawkna leh malsawmna ropui tak an
dawn hlim takin an sawi thin. Mahni kohhrana hetiang lam
programme siam a, an duh leh duh lo chung chung Camper tur vaikhawm tawng tawng ai chuan, Ramthima thlarau bo chhanchhuah
-
8/2/2019 Issue : March 2012
16/34
16
ngaite tan leh, ringtu la naupang leh la puitling lo tak tak te Pathian
thutaka phun ngeh, zirtir leh siam puitlin nana insengso va
programme siamsak hi i uar zel teh ang u. Tunah chuan Chakma
Circle 4-ah Chakma Evan. Team kan nei tawh a. Heng Team te lehkan Missionary te hi Speaker leh Counsellor atana hmang a,
programme senso tumsak a, hetiang lamah hian hlawhtling taka
rawngbawl theih a ni tawh a. Kohhran leh mi thahnemngai te chuan
heng mite hmang tangkai hian thlarau bote Lal Isua hnenah an hruai
a, Chakma kohhran te thlarau lamah an chawmin thanglian zel turin
an fuih mek a ni. Hetiang programme siam hi senso pawh a hautak
lo hle nghe nghe a ni. Tin, Chakma kohhranhote inkhawmpui
hmanpui a, zaia lampui a, Pathian thutaka chawm kawngah pawh
tan i la zel ang u. Hun bikah lo pawh an Biak ina Pathian chibai
bukpui a, Pathian fakpui dawrh dawrh hi an tan a hlimawm a,
thlarau lama tichaka chawmtu tha tak a ni tih hriain i uar deuh deuh
ang u.
Mizo Kristian hmasaten an tih fo Pathian Chawimawi te pawh
hi Chakma Kristiante nun tihchak a, Pathian thutaka chawm lennahmanraw tangkai tak a ni a. Marpara S ah pawh vawi eng
emawzat hetiang Chawimawina hun hi an hmang tawh a, Thlarau
Thianghlim pawlna ropui tak changin hlim takin Pathian an fakho a
ni. Hmangaihtu Lalpan Chakma hnam zinga Thlarau Thianghlima
hna a thawh mek hi chhem alh a, chhawm nung a, alh chhuahtir zel
turin thahnemngai taka tawngtaiin tan i la zel ang u.
5. Chakma Kohhran puitling din : BCM Mission-a pawimawhem em, Chakma Mission-ah pawh hna hman hmawh leh pawimawh
tak chu Chakma Kohhran puitling a lo din chhuah theih dan tur
kawng ngaihtuah hi a ni. Hqrs. hotute remruatnain 2011 September
thla khan Chakma tualchhung kohhran, Circle leh Convention
hruaitu atan an mahni hnam vek an inthlang ta a. Missionary te
chuan hmangaih taka tawngtaisak chunga Chakma kohhran tha leh
nung tak a lo din theihna tura hna thawh thiam a tul a. Hei hi thilawl ai erawhchu a ni hauh lo vang. An hnamze mil a, an tawng
-
8/2/2019 Issue : March 2012
17/34
17
thiam a, an rilru tawmpui a, an nunphung luh chilh zel chunga
fimkhur tak, tang tak sia rawngbawl a ngai a ni. Thawktute leh
Chakma kohhrante an in ngainat a, an inpawh that phawt chuan
kohhran puitling din kawnga hma lak hi thil harsa lutuk chu a ni lovang. Kohhran mahnia intodelh, mahnia ro inrel leh mahnia Pathian
thu inzirtir thei din turin theih tawp chhuahin rawng i bawl ang u.
Committee neih dan, thurel bawhzui dan, inkhawm leh inpawlhona
hruai leh neih dan, kohhran in tlawh dan, ringthar siam leh
Baptisma chang tura buatsaih dan, kohhran thianghlimna tura
member te zirtira fuih dan, Sunday School leh kohhrana Fellowship
te kaihhruai chungchang te thua zirtir bakah a taka kaihruai zel
chunga zirtir a ngai a ni. Hetiang lam ziakna BCM Bookroom ami
chhiar bakah, Chakma hnam nunphung mil thei ang ber tura heng
kaihhruaina te hi siamrem a, an Kristian mimal leh kohhran nuna
senglut thei tura zirtir a tul ang. Missionary te chu hemi ti thei tur
hian inchhiar zauvin, an thawhna hnamte nunze zir leh chumi mila
rawngbawl tura tan la sauh sauh tura beisei an ni. He rawngbawl
hna hi nakin lawka Chakma Baptist Kohhran tha, nung leh puitling
lo ding tur mitthlaa hmu kiau chunga thawh a ngai a. He hmathlir(Vision) hian Missionary te, Chakma kohhran hruaitute a hruai
chuan, Thlarau Thianghlim leh Pathian thutak thiltihtheihna azarah
an hlawhtling ngei ang tih i ring tlat ang u.
Tih dan ngai renga thil ti chunga hmasawnna ropui takneih tum hi thil theih a ni lo an lo tih angin BCM hian Chakma
hnam zinga Kristian an lo pun a, kohhran tha tak a lo din chhuah a,
Chakma kohhrante hi Lal Isua an rinnaah an din ngheh a, Pathianthutak hriatna leh nunpui kawngah hma an sawn a, puitlin leh
thlarau lama rah tha tak chhuah ve khawpa an thanlen theih nan tan
i la ang u. Heng thil 5 chauh ka han rawt te hi kan tih hlawhtlin
theih chuan Chakma Mission tan hian hmasawnna leh malsawmna a
nih ngei ka beisei. Pathian tan hian thil ropui tak tih tumin, a hnen
atang pawhin thil ropui tak i beisei tlat ang u.
************************
-
8/2/2019 Issue : March 2012
18/34
18
MARPARA CIRCLE-A PATHIAN HNATHAWHK. Lalbiaknunga, Mar. S
Harhna Beihpui neih kan rel : Kohhrante Tho leh Isua Kristahmingin chibai ka buk a che u. September 7 12, 2011 chhunga
kan thawhna Marpara S a Lalpan a hnathawh min hmuhtir
chanchin han hrilh che u ka duh a. A.B.C Buarpui chuan Mar.
Circle chhunga rawngbawl nan Rs 14,000/- lai mai min pe a. He
thilpek hi engtia hman tur nge ni ang? tih kan ngaihtuah a. Kan
Circle-a Pathian Thlarau Thianghlim pawlna kan chan thar lehna
anih beiseiin rinnain Harhthar lehna beihpui leh Pathian fakna hun
neih kan rel ta a. Hemi lai hian BCM Comp. Middle School,
Marpara chuan kan zirlaite tan Gospel Meeting kan buatsaih a. Tin,
BCM Hqrs. lam atangin September, 2011 thla chhung ngei hian
Chakma Circle leh tualchhung kohhran hruaitute thlan fel hman vek
tur tih thupek a lo kal bawk a. Kan Circle khawmpui aiawh rorel
October, 2011 a neih kan tum tawh chu sawn hmain, hemi chhung
hian rorelna leh Circle hruaitu thlan chu kan nei ta bawk a. Tichuan
Lalpa remruatnain heng thil pathum te hi hlawhtling takin kan nei tavek mai a ni. Pathian hnathawh kan hmuh leh chan hi ropui kan va
ti em!
Speaker tha tak Lalpan min pe : Speaker atan BCM Hqrs. a
Social Concern committee Coordinator Pu C. Lalbiakthanga kan
sawm a. A hun chep tak karah kan sawmna hi min rawn
tihhlawhtlinsak thei a, kan lawm hle. Sept. 7, 2011 (Nilai) zanah
Gospel Meeting chu kan tan a. Sept. 9, 2011 (Zirtawp) ah Circlerorel leh hruaitu thlan kan nei a. A tuk Sept. 10, 2011 (Inrinni) ah
Chawimawina hun hmang tannin, a tuk Pathianni zan thleng
Harhna Beihpui kan nei chhunzawm ta a ni. Speaker hian thian a
rawn hruai a, A.B.C Buarpui lam atanga lo kal leh Circle rorel
palaite nen mikhual chu an vaiin 83 an ni. Kan beisei leh dil angin
Pathian Thlarau Thianghlim chuan min pawl thar leh ta a, zai nuam
kan tiin kan hlim em em a, lamtualah pawh kan leng lo a, Biak inthutthleng zawng zawng hnawl tawmin Lalpa fakin kan lam tam up
-
8/2/2019 Issue : March 2012
19/34
19
mup mai! Sept. 11, 2011 Pathianni chawhnuah Baptisma channa
buatsaihin Chakma ringthar mi 9 ten Baptisma an chang a, Lalpan
kohhran member min pek belh leh ta. Lalpa chu fakin awm rawh
se!
Mar Lui Chhawrthlapui eng hnuaiah : Pathianni zan hian kan
tiak dawn zan anih vang nge, kan zai tuiin kan hlim nasa kher mai!
Khua a lum hle mai bawk si a, thlan tuiin min chiah zawr hneh hle
mai. Inkhawm kan han bang chu kan engkim hi a bal vek ni berin
kan hria a. Chhawrthlapui lah chu chung lamah a lo eng no paw
phuai mai a! Tichuan Mar lui lamah Speaker hovin kan tlan thla ta
sup sup a, a va han dai nuam kher em! Zan laia Mar luidung khawk
rum ruma hlimna nui ri nena inbual runpui neih hi ka tawn vawi
khatna a ni e. Nuam tak a ni nuam tak.
Chawimawina neih nawn a tul : Kan inbual zo kan hawng chho
chu tumahin mut zai kan rel thei ta lo. Kan kohhran hruaituten
Chawimawi an lo rawt a, Manager hovin zanlaiah mi vawk inahte
vawk zawngin an lut zak zak mai a. A thei theiin thawhlawm thawhkhawmin, a tuk Sept. 12, 2011 Thawhtanni chuan vawk pahnih
talhin Chawimawina hun kan hmang leh ta a. Buhseng tul zual tih
loh chu mikhualte pawh an cham leh ta a. Zing dar 10:00-ah
inkhawm tannin, banna pawh siam hleih theih a ni lo! Thingpui ina
kan chhuak zawk tih loh chu kan zai char char a, tlai dar 3:00-ah
Ruai theh a hun avangin kan tin thei ta hram a ni. A tuk Thawhlehni
zingah kan mikhualte pawhin min tinsan ta a ni.
Gospel Meeting kan nawn leh : Sept. 14, 2011 Nilainiah sikul
kan kal tan a. Kan naupangten Pathian faka zai an chak em em a,
keini Missionarty te rilruah pawh a awm a ni ang chawhnu Work
Education aiah hnathawk lovin kan zai a, kan ri ta mup mup mai a,
kham lo takin kan bang a. zanah chuan kan Headmaster-in Staff
meeting a ko ta tlat mai! Eng tak chu rel dawn i maw? kan tih nak
alaiin, Gospel Meeting neih nawn leh kan rel ta rup mai. Sept. 15 16, 2011 Ningani leh Zirtawpni khan Speaker atana Missionary te
-
8/2/2019 Issue : March 2012
20/34
20
leh Circle Team te hmangin Counselling class te nen kan nei leh ta
a ni. Kan hlimin nuam kan ti em em a, Lalpa faka zai kan kham hlei
thei lo a ni e. Lamtualah kan leng lo va, pindan dang kan hawn belh
a, hmeichhia leh mipa a hrangin kan lam ta a, a ziaawm ta deuh.Kan naute hian Thlarau Thianghlim pawlna an chang a, taksa
chetna nen, a then tap chungin an zaiin an lam a. Chakma
naupangten thinlung leh tih tak zeta Pathian an fak hmel han hmuh
hi a va hlimawm em! Lal Isua sawi ang khan hetiang kan hmuhna
mitte hi a vannei a, hetiang ri ngaihnawm kan hriatna bengte hi a
vannei tak meuh meuh a ni. Hlim taka ruai thehin kan Gospel
Meeting tum hnihna chu kan tin darh ta a ni. Krista avanga kan
unau Chakmate tan hian i tawngtai zel ang u. Ram lak tur a la tam
hle mai si a. (He reports ngaihnawm tak ziaktu hi Pi Saizami
Sailo, Mar. S BCM Comp. M/S zirtirtu, zaithiam tak pasal a ni a,
he sikulah hian a thawk ve tawh a ni. A chungah kan lawm e.
Mizoram Chakma te zinga Thlarau Thianghlim harhna mei hi
tawngtainain i chhawm nung zel ang u. Chakma Baptist Church
(CBC) tha leh nung tak din a, an Chakmapui ram dang amite hnena
Chanchin Tha meichher chhi kai thei tura buatsaih turinthahnem i ngai tlang teh ang u. Ed.)
****************************
ZIRO-AH KRISMAS KA HMANG- Hmingtea, Mission Promoter
Sawmna ka dawng : Ziro, Apatani Area, Arunachal West-a 1994 a
BCM kan luh khan Apatani Kristian kha 50 emaw chauh an lo la ni
a. Kum 17 hnuah chuan Kristian 5000 chuang awmin, tualchhungkohhran pawh 10 lai a lo ding ta reng mai. A ding hnuhnung ber
-
8/2/2019 Issue : March 2012
21/34
21
Ziro phaizawl hmar chhak lama Rake Baptist Church (RBC),
November, 2010 tawp lama ding chuan a tum hnihna atan Krismas
an hmang ve dawn a. An Secretary Pu Ngilyang Tajang chuan
Krismas Speaker atan min rawn sawm tlat mai! Kan hotuten anremtih chuan ka kal theih tur thu ka hrilh a, thin a phu dut dut mai.
Tu nge Ngilyang Tajang chu? 1998 khan tuna RBC awmna piah
lawk Lempia khuaah hian Biak in sak a ni a. Hemi hmuna Kristian
lo Donyi-Polo ho chuan Kristian Biak in sak chu phal lovin an
thiatsak leh vek a. He khua nena inzawm reng Bula khua hi helai
phaizawla khaw lian ber (Hong) dawttu, an hruaitu tam ber
chhuahna khua a ni a. An M.L.A te pawh hemi khaw chhuak deuh
zel hi an la ni a. Bula-a Donyi-Polo te hian Kristianna hi an dodal
nasa hle a. 2005 khan an khuaa Kristian thuziak (pamphlet) sem an
huat vangin Ziro puma Krismas programme boycott (hmang thei
lova min dan) an tum a. D.C leh S.P ten theih tawp an chhuah a,
Krismas kan hmang thei hram a ni. 2006 Sept. thlatir Apatani
Baptist Association (ABA) inkhawmpui lai khan kan Field Director
leh kan Speaker Pu K.L. Biakchungnunga te nen kan pathuminBula khua hi kan va tlawh a. Donyi-Polo puithiam pakhat chhun
pachanga a lo inthawi lai kan va hmu a. He khua hi kan vei ta hle
mai a. Target Village atan kan thlang ta a. Khatih laia ABA Vice
President Ngilyang Tajang, hemi khaw Development committee
Vice Chairman chu Evangelist atan lak a ni a. Kum khat chuang
chu Inrinni apianga training pein an khuaa Chanchin Tha hril turin
ka fuih a. Bula, Lempia leh Old Ziro Fellowship te hi tlawhin vawi
tam tak kan inzui chhuak a ni. 2008 khan Bula khaw kiang leiletzawl chu Biak in hmun atan kan (ABA-in) lei thei ta a. Mahse
dodalna avangin kum tawp lama Biak in Lungphum phum kan tum
leh, a kum leh 2009 February thlaa hmun danga Biak in Lung phum
kan tum pawh, Donyi-Polo hovin Chief Guest M.L.A lo kal tur lo
dang tlat a, lehkha ziak entira zai a, an lo au rual thup thup avangin,
a theih ngang lo a ni. An thutna pindana thu dun a, Mizorama sawn
ka nih ka hrilh chu, Ka pu, i tel lo chuan engtin nge hma ka lakang? dodalna a nasa si, a ti a, a mittui a tla zawih zawih mai! 2009
-
8/2/2019 Issue : March 2012
22/34
22
January tira Mizorama kan lo chho kha, he harsatna avang hian rilru
a hah hle.
Boruak a tha hret : Arunachal M.L.A inthlan a lo thleng a. ZiroM.L.A an in thlak ta. M.L.A hmasa nau Donyi-Polo Secretary,
Kristiante dodal tak chu Donyi-Polo puithiam rualin an nek chhuak
a. Hei vang hian dodalna chu tlemin a tlahniam ta a. Tichuan Bula,
Old Ziro leh Lempia Fellowship-ten kum 3 dawn lai thlatin Joint
Fellowship neia Biak in sakna an lo thawhkhawm leh Bula khaw
chhuak Kristiante thahnemngaihna Pathianin mal a sawm a, RBC hi
a lo ding thei ta a ni. An Biak in hawn zan chuan Donyi-Polo hovin
an rawn tihbuai an hlau lutuk a, hnung lam an hawi zak zak reng a
ni awm e! BCM Missionary helai vel enkawltu, Apatani tawng
thiam tak Nl. Malsawmliani hnenah, Miss, Mombati kan chhi
ngam ang em? an ti dak dak a, an chhi eng ngam ta hram a ni. A
din tirh chuan RBC-ah hian members 80 emaw chauh an awm a.
2011 Krismas kha chuan members 200 chuang an lo tling tawh a,
Krismas nia inkhawm phei kha chu 350 chuang an ni. Kan
rawngbawlna tlawm tak a let tam taka malsawma tipungtu Lalpachu fakin awm rawh se!
Khua a vawt si : Ziro-a Krismas zuk hman chu chakawm viau
mahse 2011 kha India ram hmarlama khua a vawh ber kum a ni a.
Phone-a ka zawh chuan, Kan pu, i hriat kha .vawt tak a ni,
tih chu ka chhanna hriat a ni. Kan Missionary te pawhin Ziro-ah
chuan vur a tlak thu min rawn hrilh a. Eng nge maw le, Lal Isua leh
Chanchin Tha avang chuan ka tlan chhiat ngai loh kha, tia inngaihtuahin a thara tuarna Kraws kawng zawha mi tin ta tur
Chanchin Tha lawmawm em em chu hril turin Ziro chu ka pan ta a
ni.
Lungngaihna mittui chu Lawmna mittuiin a thlak ta : Ziro-ah
chuan Old Ziro-a Sawmi inah kan thleng a. Ziro-a BCM
Recognised Missionary, Tailoring Instructress Nl. J. Lalrempuiin arawn pui bawk a, min duat hle mai. Tuktin vur a tla bawk a, a vawt
-
8/2/2019 Issue : March 2012
23/34
23
kher mai, hmaiphih ringawt pawh tuilum lo chuan kan ngam lo!
Dec. 24, 2011 zan Christmas Eve chuan RBC khat tlatin kohhran
members an lo pung khawm a, an tleirawl leh nulaho Music rema
an han lam thiamzia kha! Krismas thuchah sawiin Johana 1:12amah lawm apiang chu an hnenah Pathian fate nih theihna tur a
pe, a hming ringtute chu tih hi sawiin, thlarau lama Krismas
awmzia tak tak pawh pha turin, an thinlung hawnga Lal Isua chu
lawmlut turin ka sawm a. Rilrua Pathian hnena tawngtai chungin an
chhan dan ka thlir reng a. An vai deuh thawin an ding ta suau mai.
Hemi zan hi Thalai pual a ni a, kohhran pum chu an tel vek tho va,
inkhawm hruaitu Nl. Millo Mary, Apatani nula ngo leh ria thlarh
mai, II B.A zirlai pawh chu, a tuk zinga Baptisma chang tur zinga
mi a ni a, a rawn ding chhuak ve ta! A Pan Kristianna a huat em
avanga a Nun, Baptisma chu i chang rih lo mai dawn em maw ni
le a tih chunga, Pathianin kan tawngtaina a chhang a, a tuk
Krismas zing vur tla var tuar kara Hong luia Baptisma chang 63
zinga a tel kha kan va lawm em!
Kale-a te nupain Baptisma an chang : Kale Tamang hi Nepalitlangval, Hindu ruh tak a ni a. MEC-ah hian kum 9 lai Driver-in kan
chhawr tawh a. Nupui neiin fapa pakhat an nei ve tawh. Oct. 2011
tawp lam khan zan khat chu an fapa naute chu a khua a sik a, a kaih
a ni awm e. A thih mai an hlau thawng hle a. An nupa chuan an
piah lawka sorkar damdawi in pan lovin, km. 5 laia hla MEC chu an
rawn pan ta zawk a. Zing dar 2:30 khawvawt em emah Missionary
te an kaitho a. Annin naute dam lo chu an lo tawngtaisak a, Lalpan
a tidam ta! Mak an ti em em a, an sawi an sawi mai a. ChuvanginKrismas tuk khaw vawt lutuka Lal Isua an rinna Baptisma changa
an puang chhuak lai, lawm avanga bianga mittui luang zawih
zawiha kan thlir kha, a mak lo ve. Min hre chiangtute Lal Isua
hnena an lo kal tluka hmuhnawm hi a awm chuang dawn em ni?
Darkar 4 kan inkhawm : Dec. 25, 2011 Krismas tuk dar 10
atanga chawhnu dar 2 thleng kham lo takin kan inkhawm a. KristaRuai tih thuchah ka sawi pawh an ngaithla tha kher mai. Muthlu
-
8/2/2019 Issue : March 2012
24/34
24
tiharh tura Ushers duty tiang sei fe fe nena Biak in chhunga vei te
pawhin kaih thawh tur an hmu meuh lo niin ka hria! Krismas ruai
tlai takin kan kilho a, Apatani Pike-Pila (an Bastenga ve) han ei leh
chu lung hlui te pawh a leng rum rum mai. Tlai lamah MidlandEducation Centre (MEC)-a Headmaster Pu J. Lalsawmliana te
quarters-ah Missionary te nen zaihovin kan tawngtaiho a. A tuk
Thawhtanniah Tajang-a te nupain Nirjuli (Itanagar khawpui) thleng
an car-in min thlah a, RBC din tirha Donyi-Polo hovin thaha an vau
dan te, pawisa cheng vaibelchhe 5 peka he Kristian Biak in hi
Donyi-Polo Mandir-a let tura an thlem thu min hrilh te kha, a va
ngaihnawm em! Kan tana an insensona kha a ropui hle. Tluang
taka lo hawngin Dec. 29, 2011 khan Lunglei kan lo thleng leh a ni.
Tlang kawmna : Van atanga Chhang Nung lo chhukKrista Ruai
Apatani hnam zinga BCM ten kan theh thei hi a lawmawm tak zet.
Kohhran members an pung a, Biak in a din belh a, Prayer Centre
pawh hlawhtling takin an hmang ta. MEC pawh a thang nasa hle
mai. Heng zawng zawng hi kan vaia thawhhona rah chhuak,
kohhranten thahnemngai taka kan tawngtaina Lalpan min chhanvang a ni. A va ropui em! Berampute ang khan, rilrua Pathian
hnena tawngtaia lawmthu sawi mawlh mawlh chungin, Ziro
phaizawl mawi leh ngaihawm tak chu kan hmuh theih chhung
zawng kan thlir a, kan her liamsan ta riai riai a ni.
*******************************
-
8/2/2019 Issue : March 2012
25/34
25
SAMUKSURI (CHENGKAWLLUI) WORK CAMP REPORTUpa H. Hniarchhuma,
Chairman, Mission Committee,
BCM Hrangchalkawn
Work Camp kal kan rel : 2010-2011 chhung hian BCM
Hrangchalkawn Mission Committee chuan Work Camp neih ve
nise tha kan ti a. Hemi atan hian phur taka sum tuakin kan
inbuatsaih a. BCM Hqrs. lam rawn an ni a, kalna tur hmun min
kawhhmuh zingah Nl. K. Lalrinkimi (Numami) thawhna Samuksuri
Biak in saa kal chu lungrual takin kan pawm tlang ta a ni. Work
Camp kal a lo hun a, mi 22 lai mai Pathianin min pe a, a lawmawm
hle.
Kal kawng : Dt. 01.11.2011 (Thawhlehni) zing dar 9:30-ah Work
Camp kal turte chu kan Bialtu Pastor Rev. Sangliankhuman
tawngtaiin min thlah liam a. Lungsenah Police PC Biakmawia ten
theitui min lo inpui a, an chungah lawmthu kan sawi a ni.
Tuichawng kan thleng thla a, heath hian Samuksuri-a Chakmakohhran hruaituten min lo hmuak a, kan han inchibai chu kan hlim
tlang hle. Tichuan le, pian ahnu lama kan la hmuh ngai loh
Lawngah chuan chuangin lui mawnglam kan pan thla ta a. Darkar
khat zen zawn kan kal hnuah tlai dar 5:30-ah Samuksuri chu tluang
takin kan thleng ta a. Kan inhlan thlak fel hnuah kan Director Upa
C. Laltlanthangan tawngtaiin Pathian hnenah lawmthu a sawi a,
zanriah chaw tui tak min lo siamsak chu puar taka eiin kan
hahchawl ta rih a ni.
Biak in sak hna kan tan : Dt. 02.11.2011 (Nilaini) tuk thingpui in
zawh veleh Biak in sak hna chu kan tan ta a. A thenin lei an lai a, a
thenin thing kan nawt a, eirawng bawla lo buai te nen mahni hna
chanpual theuhvah kan han bung ta suau suau mai chu a nuam hle
mai. He kan Work Camp hi Samuksuri Biak in saka sul lo sutute
Upa Lalzawna leh Upa Biakzama, Lungsen ten min thawhpui theia, an ti ropui tak zet a ni. Harsatna leh buaina awm lovin Inrinni
-
8/2/2019 Issue : March 2012
26/34
26
thleng kan thawk a. Inrinni zan hian inkhawmna kan nei a, Upa T.
Lawmkungan hun a hmang a. A tuk Pathianni zingah Upa H.
Hniarchhuman hun a chang a; hla kan rem a, Sunday School kan
nei zawm nghal a, inkhawm boruak pawh a nuam kher mai.
Ukdasuri kan tlawh : Pathianni chawhnu hian Ukdasuri, kan
awmna atanga hla lo te, Missionary te thawhna hmun tlawhin kan
Missionary Numami leh an kohhrana rawngbawltute leh keiniho
chu kan kal a. Kan thlen chuan chibai inbukin thingpui kan inho a,
kan hlim hle. Upa H. Hniarchhuma thuchah tawi sawi a, a tawngtai
zawhin kan haw leh ta a. Samuksuri-ah hian zanah Upa Lalzawnan
thu sawiin ringtute rinawm tur kan nihzia leh rinawm loh pawizia
kan ngaithla.
Biak in kan sak chhunzawm : Dt. 07.11.2011 Thawhtanni chuan
kan hna kan chhunzawm leh ta a, Biak in chung inchhunte kan vuah
fel a, a chum erawhchu kan vuah hman ta lo. Lungsen Upa pahnih
hian cham hnu fualin an lo vuah zo thei a, an inpekna a lawmawm
tak meuh meuh a ni. An chungah lawmthu kan sawi e. SamuksuriBiak in hmun hi lawng chawlhna kailawn, vantlang pal tlang huai
huai a ni a. Chakma ringtu tlemte hi Chakma ringloten an lo elsen a,
Kum 4 pawh vei se Biak in in nei thei lovang, tiin an lo
tawngkhum a. Lalpan a mi tlawm tete te hmanga ni 3 chhung leka a
chung chih theih, tukverh leh kawngkapui te bel mai theiha a ruhrel
a han ding thelh thuai mai chu a hmu apiangin mak an ti a, an en
huai huai mai! Kan cham chhung hian Numami leh kohhran te hian
min duat em em a, in lama kan ei phak loh duhsakna thil tui tinrengmin hlui a. engmah kan ngaihtuah buai ngai lovin mamawh zawng
zawng a hma fel vek a ni ber. Hetiang hmeichhe awm nem zawk si,
tumruh nun thapa midangte tana malsawmna thlentu a ni hi a va
ropui em! A inpekna leh Chakma hnam hmangaih taka rawng a
bawlna hi Lalpan malsawm se tih hi kan tawngtaisakna a ni. Lalpan
ropuina chang rawh se.
-
8/2/2019 Issue : March 2012
27/34
27
Thu min chah chu : Numami hian thu min chah a, chu chu he
Biak in kan sak khat tlata inkhawm tur Chakma ringtu Pathianin a
pek theih nanatawngtaia tan lakpui sauh sauh turin min ngen a ni.
Keiniho pawhin he a thu min chah hi tihhlawhtlin ngei tumintawngtaina leh thilpek hmangin tan kan la zui zel dawn a ni. Lalpan
a khawngaihnaa a ram zau nana keini tehlul min la hmang duh hi a
lawmawm tak meuh meuh a, lawm chunga kan thawh zui zel a tul
hle a ni.
Hawn a ngai ta si! : Dt. 08.11.2011 Thawhlehni a lo her chhuah
chuan hreh tak chungin kan hawn a ngai ta si! Zing dar 6:45-ah
Samuksuri chu kan bye bye ta. Khawthlang tuipui zawh thlain
Tlabung thlen hma Pahehli-ah kan lawng chuan lung a su a, a chhe
viau va. Kan nulate te ri thawt pawh a ring khawp mai. Vanneih
thlak takin buaina lian tawk lovin Tlabung lawngkai kan thleng thla
thei a, kan thaw huai mai! Tlabung bazarah hlim takin kan kal a,
nuam kan ti khawp mai. Dt. 09.11.2011 Nilaini tuk dar 9:30-ah
Tlabung chhuahsanin Lungsenah Tukthuan puar takin kan ei a.
Pathian hruainaa tluang taka tlan chho zelin kan khuaHrangchalkawn chu kan thleng leh ta a. Kohhranhoten thingpui leh
a hmeh tui tak nen min lo hmuak a, kan Chairman Upa B.
Biakchhungan Pathian hnena tawngtaiin lawmthu a han sawi dap
dap chu, hah a dam sawng sawng mai. Kan fehchhuah chhung hian
kohhranhoten thahnemngai takin chaw te ngheiin min lo
tawngtaipui a, kan inpum khatna thatzia a lang chiang hle. Lalpan
ropuina chang zel rawh se.
****************************
-
8/2/2019 Issue : March 2012
28/34
28
MISSIONARY LEHKHATHAWN
Rawngbawlpui/ Thiante,
A hmasain Isua Krista hmingin chibai kan buk a che u.
Kan chhungkua pawh kan dam tlang a, Thailand-a kan awmna khua
Ban Luang-ah pawh kan tlangnel ve sawt viau mai. Mi an tha a,
thenawm khawveng ten mi puih te an peih a, nuam kan ti ve viau
mai. A khua hi a tet avangin thil lei tur a tlem deuh a, kar khatah
vawi khat tal chu khawpuia bazar a ngai a, a zia ve tho mai.
Krismas pawh tluang takin kan hmang ve a. Kristian an la awm loh
avangin kan thenrualte leh zirtirtute chaw eiah kan sawm a, a nuam
ve a ni mai e. Hetah chuan Krismas boruak a awm lo lutuk a, a
lunglen thlak loh phian mai! Kan thiante chaw eia kan sawm hi
rawngbawlna a ni a, thian siama kawmngeih a, bul tan nan hetizawng hian hma kan la a ni. Bible chhiarin Pathian hnena
tawngtaina te kan hmang a, eng vanga Krismas hmang nge kan nih
te kan sawifiah ve a, kan lawm ve khawp mai.
Tuna tan chuan School-a zirtirtute nen inpawh that phawt kan tum
a. Tlai tin deuh thaw va lengin zirtirtu awm ang ang te kan kawm a,
hei hi Thai tawng kan zirna remchang tha tak a ni a, hma pawh kan
sawn ve hret hret e. Tin, Tetei hian damlo te a kan kual ve thin a.Helai damdawi in thawktute nen an in hmel hriat tha tawh a, Doctor
leh Nurse te nen damlo te tlawh kualin, puih ngai te an pui pah zel
bawk a, hetiang ang rawngbawlna hi thian hmel hriat (relationship)
siam nan pawh a tangkai hle a, Pathianin kawng min hawnsak zel
turah kan ngai.
Pathian hnathawh dan hi a chang chuan mak kan ti hle a. Kanthiltum (plan) tam tak hi a hlawhchham thin a. Kan thlen tirh khan
-
8/2/2019 Issue : March 2012
29/34
29
helaia ringtu awm chhun Yin-i chu hma lakpui kan tum a, mahse
Chatuan ram min pansan (thi) hlauh mai a. Tunah hian Thai pa
pakhat Paul Prakit, America-a kum 30 zet lo awm tawh nen kan
innel hle a, Kristianna pawh a tuipui dawnin kan hria a. Vanduaithlak takin chawlhkar hnih liam ta lawk khan a nupui nen an inthen
avangin Bangkok lamah a hawn a tul leh thut mai a. Hetiang hian
kan tum angin rawng kan bawl tluang lo thin a; eng pawh nise,
Pathianin tul a tih vang zawk anih kan ring a. Hma kan lak zel dan
turah min lo tawngtaipui zel dawn nia.
Tuna kan tum ber Project chu kumin (2012) chhung ngeia Ban
Luang-ah hian Kristian inpawl khawmna (Fellowship) neih vengei a ni a. Kan tam emaw, kan tlem emaw, fellowship kan neih ve
ngei theih nan Pathian hnenah kan dil mek a ni. Lalpan eng angin
nge kawng min hawnsak dawn kan hre lo va, kan tawngtai ve tawp
mai a, min lo tawngtaipui ve dawn nia.
Visa-a harsatna : Tunah hian kan thian then khat te hian Church
of Christ in Thailand (CCT) hmangin Visa an nei hlawm a.Amaherawhchu CCT hmalak dan leh kan Mission Partner Global
Interaction, Australia (GIA) te hma lak duh dan hi a in an loh
avangin Visa-ah harsatna an tawk mek a, engtin nge kan hmalam
hun hi a awm zel dawn pawh kan hre thei lo. Keini chhungkua
pawh hian School hmangin kum 2 chhung chu kan nei thei a, a bak
chu kan hre tawh lo a. CCT hian khawpui kohhran din tawhnaa
thawk turin min duh a, GIA lam hian kohhran la awm lohnaa thawk
turin min duh bawk si a, an thu a inhmu rem thei rih lo a ni. Min lotawngtaipui zel kan ngai hle mai.
Min lo tawngtaipuina tur te : -
1. Pathian hruainain Ban Luang-ah hian kan inbengbel ve hret hret
a; tin, thian te leh duhsaktu te kan hmu ve zel a, lawmthu min lo
sawipui dawn nia.
-
8/2/2019 Issue : March 2012
30/34
30
2. 2012 chhung ngei hian Fellowship neih ve Pathian hnenah kan
dil a, min lo dilpui ve turin kan ngen a che u.
3. In lama kan fate zirtir thei tur Home Teacher hi kan mamawh hle
a, chuti lo chuan kan fate zirna a buai deuh tlat mai a, a buai thlakve hle mai. Home Teacher tha tak Pathian hnenah min lo dilpui teh
u.
4. Buddhism (Buddhist sakhua) hian a hneh viau mai a. Chu bakah
puithuna at thlakin a la bawih hneh hle mai bawk a. Pathian a in
puan chhuah a, an thinlung a inhawn theih nan min lo dilpui sauh
sauh dawn nia.
In rawngbawlpui,
Thangridema te chhung,
Ban Luang, Thailand.
Postal Address : PO BOX 18,
Banluang, Nan,
Thailand. 55190.
***************************
PRAYER LETTERRemlalliana Fanai
A hmasain SIM, Ghana aiawhin in zavaiin kan Lalpa Isua
Krista hmingin chibai ka buk a che u. A ram Chanchin Tha
rawngbawlna a, tawngtaia a hrui lo chelh tlat thin, bang lova
thahnemngai taka lo tangtute kohhran-ho in zavaia chungah
lawmthu a tharin ka han sawi e.
-
8/2/2019 Issue : March 2012
31/34
31
RAWNGBAWLNA CHANCHIN TLANGPUITE
A. SIM International Director, Malcolm McGregor leh a nupui
Liz-i ten ka hnung thla khan Africa chhunga SIM rawngbawlna
ram paruk, Ghana telin min rawn tlawh a. Kei pawh ka awmna
Tamale hmunah min rawn tlawh a. Hlim takin duh zawng inhrilh
tawnin hun thawl leh tha tak kan hmang a, chhunchaw (lunch)
pawh kan kilho bawk a ni. An nupa inpekna hi a ropui hle. Khawvel
ram puma SIM rawngbawlnaah hun a tam thei ang bera SIM
missionaries awmte tlawh chhuah a, an rawngbawlnaa (ministrycontext a immersed) inhnamhnawih ve hi an tum leh duhthusam a
ni. An fakawm tak zet a ni.
B. EVANGELISM PROGRAM : KAMONAAYILI KHUA-AH.
Kamonaayili khuaah hian kohhran a ding ve tawh a. Mi tam takin
an M*lim sakhua kalsan an la duh lo bur a, chutih laiin, kum
naupang lam group-ah chuan Isua hming la hre reng reng lo an laawm bawk a ni. Tunah hian engmah dodalna awm lo tlukin,
Chanchin Tha hrilh leh zirtirna kawngah kawng zau takin a
inhawng a, kan vannei hle. Amaherawhchu, chutia kan sawi lai si
chuan, kan ringtu unau then khat ten harsatna an tawk mek si. An
M*lim chhungkuaa an harsatna tawh then khat evangelism
programme atanga kan experiences/ tawn then khat atangin ka han
tarlang dawn a ni.
1) Ramadan (fasting month) M*lim chawnghei thla khan, kan
ringtu pakhat, Kamonaayili khaw kohhran member chuan harsatna
ama M*lim chhungkaw member atangin a tawk a. A rinna bansan
tur leh Biak Ina kal tawh lo turin a chhungten an nawr nasa mai a.
A fate zinga then khat phei chuan, tap chungin mittui nen an
-
8/2/2019 Issue : March 2012
32/34
32
sakhua Islam-a kir leh turin, aw rawl chhuah meuhin a rilru
lamlettir an tum a ni.
A tisa leh thlarau nun, a rinna thlengin tih buai a ni a. Mahni inpawh chhuahsan lovin, Biak In pawh kal lovin an siam a. Tin, heti
hian a sawi chhuak a, Hun engemaw chen chu hetianga ka awm hi
a tul, ka chhungten ka rilru an tihbuainate reh fel turin. Pathianin
chakna pein, he a harsatna hi sutlang a, huai taka a rawn pen chhuah
thei nan leh nghet taka Cross a vawn zui tlat theih nan in lo
tawngtaipui dawn nia.
2) He khua a tlangval pakhat Biak In hial pawh lo rap tawh,
amaherawhchu a M*limpui te atanga hmuhsit do zawh loh avanga
tawpsan ta chu, remchang hmu a Pathian thua chawhharh leh fuiha
kawmna hun kan va nei a. A M*lim thianten amahah Kristian rinna
nun zawi zawia thleng an hmuh avangin, tinawmnah leh
nuihzaburin an tibuai a. Heng a pumpelh nan Biak In a kal a tawp
phah ta rih bawk a ni. Then khat ten heng ang buaina delhbettu an
mahni M*lim chhungkua a mi ngei te, chhungkhat laina te lehthiante atangte a lo awm hi an tuar zo lo fo thin a ni. Hetiang kawng
hi kan unau thenkhat ten an zawh mek chu a ni. Tawngtaipui an
ngai tak zet.
C. KPANDU FELLOWSHIP.
Kpandu khua-ah hian SIM Ghana-in kan thawhpui (partner) Bible
Church of Africa in fellowship din tawhin, member erawhchu nu
leh naupang tlem chauh an la ni. Thingbuk hnuaiah kan inkhawmpui thin. Kan tih tawh ang khan programme te siamin
kartina tlawh leh kaihruaina program kalpui mek a ni. An tan
tawngtaina i hlan zel ang u. Tlem viau mahse, zawi zawi a rinnaah
an lo ngheh a, fellowship tam zawk an hman ve theih nan.
November thla tir lam khan he khuaah Isua film chhuah a ni a,
thahnem tawk tak M*lim an rawn tel bawk a ni. Kan sawi ang khan
an sakhuanaah hian an la nghet ve bur mai a, a then khat erawh
-
8/2/2019 Issue : March 2012
33/34
33
damlo leh tawngtaipui ngaia in hriate pawh an M*limpui hlauh
avangin an rawn pen chhuak ngam thin lo a ni.
D. THE WAY OF RIGHTEOUSNESS (TWOR)TRANSLATION.Media hmanga Chanchin Tha hril hi tun lai khawvelah hian a
tangkaiin a pawimawh hle a. Media hmangin tunah hian Chanchin
Tha M*lim zinga theh darh tuma hmalak mek a ni. The way of
Righteousness M*lim te tan bik a hriatthiam leh thlirdan awmze
nei tura lehlin a ni. Ghana ram chhungah hian hnam tawng lia (4)
lehlin (translate) te chu Kasen, Sisaala, Mampruli leh kan
rawngbawlna hnam tawng Dangbani te a ni. TV, Intennet, etc. thlen
phak lohna thintlang khaw tam tak awmin radio erawhchu in tin
deuh thawin an nei fur a, regular takin an chhuah/ngaithla thin a ni.
Radio hmanga Chanchin Tha /Thutak (truth) puanchhuah tuma
hmalak mek a ni. The Way of Righteousness tih Dangbani
tawnga lehlin tawh chu, tunah proof-reading leh correction neih
mek niin, nakum lama recording peih fela Radio-a puan chhuahtum a ni. A buaitsaihtu team ten tha taka an hna an zawh theih nan
leh Radio hmanga M*lim tlimpui zinga puan chuah anih a, a
ngaithlatu ten rilru in hawnga hriat thiamna thinlung an neih nan
pawh in lo tawngtaipui dawn nia.
Kan buan te hi tisa leh thisen an ni silo, lalnate leh, thuneihna te
leh, he thim chunga khawvel roreltu te leh, van hmunah te thlarausual ho awmte an ni zawk e. (Eph 2:6)
Setana chuan a seh theih tur zawngin sakeibaknei rum thin angin
kan velah hian thinrim em em in chak takin a thawk mek a. Pathian
thil ruahman tih chhiat tumin, mi ten Lalpa hmangaihna ropui tak hi
an hmuh theih loh nan, an mit tihdelsak hi a thil ruahman lian tak
chu a ni. Rinna leh tawngtainain hnehna kan puang ang a, Setana
-
8/2/2019 Issue : March 2012
34/34
kulhte ti chimin Pathian Lal ram kan din zel ang. Indona chu Lalpa
indona a ni a, hnehna chu Lalpa ta a ni si a.
Ka han tarlan takte hi kan rawngbawlna report then khat te a ni a.ka han ziah lan atang hian kan rawngbawlna leh kan dinhmun then
khat te in lo hriata tawngtaia min lo chelh tlat zel turin kohhran
hote ka han ngen nawn leh che u a ni e.
Mailing address P.O.Box 1221, Tamale, Ghana.
E-mail - [email protected], [email protected]
Mobile no. - 00- 233- 0273940874
SIM NEI address - SIM NEI, GPO Box 66, Shillong 793001,
Meghalaya, India email: [email protected]
SIM East Asia - SIM East Asia Ltd, 116 Lavender St., #04-09 Pek
Chuan Building, Singapore, 338730
SIM website: www.sim.org