Kaplie’l Naji-e’sue’ket

Copyright © 2015 Eskasoni School BoardProduced and published by Ta’n L’nuey Etl-mawlukwatmumk (TLE) Mi’kmaw Resource Development Centre in Eskasoni, Nova Scotia, Canada, under the authority of the Eskasoni School Board, with support from the Canadian Heritage Aboriginal Languages Initiative and Mi’kmaw Kina’matnewey. All rights reserved. No part of TLE resource materials may be reproduced in any form or by any means without the written permission of the Eskasoni School Board.

“Kinutmaqn”

Kaplie’l Naji-e’sue’ketWritten by: Helen SylliboyIllustrated by: Rejay Gould´

1

Kaplie’l aqq wujjl naji-e’sue’kejik. Ela’tijik kwesawe’k, Kaplie’l pema’latl la’taqsunji’jl aqq qaliputi pema’toq. Ika’tij qaske’k, Kaplie’l pipanimatl wujjl. “Ta’ta, tami eykik e’sik? Mu nemiaqik tamiaw alapekultijik.”

2

Wujjl weskewe’litl, “Mu na e’sik alapekulti’k, kwi’s. Alapia’tijik na.” Elu’kwatk lampo’q sam’qwan. Nemitutl ta’pukl wpukikji’jl e’s saqitpekl atuomk-iktuk.

“Kaplie’l, kekka! Nemitatl ala tapu’kl wpukikji’jl. Mulqwen na’te’l, we’jiates e’s.”

3

Kaplie’l paqasasukwa’t. Tepotji’jk naskuaji. Eliet ta’n wujjl elu’kwelitl. Nemitoql tapu’kl wpukikji’jl ankamtl.

“Kekka, Ta’ta. Na’t wen ankamit! Nemitaql wpukikji’jl!” Kaplie’l welqatk, we’jiatl e’sl. Na Ta’ta mulqwet na’te’l.

4

Mu pekije’nuk ketalqikwalatl e’sil, aqq e’s te’wijua’toq sam’qwanji’j. “O’, eluskomitaq jel!” Kaplie’l teluet.“Moqo, kwi’s kamlamitaq na, aqq apaji-pija’latl wji’taqn. ” Wujjl telimtl.

5

Klapis pukwelta’tiji e’sik. Waju’peka’la’tita wtla’taqsunuewa. Tujiw elma’titki’k.

6

Nike’, Ta’ta wissukwalata e’sik, l’tutew e’suey, aqq eykik e’sik ta’n sisla’kwa’lata. Kaplie’l welta’sit amskwes aptukulit.

7

Nike’, nekm na ji’nmji’j mita kisi-mimatua’toq wela’kwewey.