par Sr Unuel

Un reporta scriveda par Sr Unuel e lejeda (en un forma alga cambiada e cortida) par Sr L. de Beaufront en la congresa de la Asosia Franses per la Avansa de la Siensas (Paris, 1900).

2

1

Tota ideas, cual va ave un rol importante en la istoria umana, ave sempre la mesma fortuna egal. Cuando la ideas apare, la persones contempora encontra los con no sola un desfida notable ostinos, ma an un enemia nonesplicable. La abri-vias de esta ideas debe batalia multe e sufri multe. On regarda los como persones demente, enfantin nonsaja, o final e direta como persones multe nosiva.

Ave persones ci ocupa se con asurdas de tota spesies multe nondirijeda e nonusos, cuando estas es mera a la moda e en conforma con la ideas costumal de la popla. An cuando tal persones benefica no sola de tota bones de la vive, ma ance de la nom onoros de "persones instruida" o "rolores usos en la popla", la abri-vias de ideas nova encontra no otra cosa ultra burlas e atacas.

La enfante vagante, ci encontra prima los, e ci ia aprende ja vera poca, regarda la abri-vias de alta e dise a los ce los ocupa se en cosas nonsaja. La jornaliste, ci encontra prima los, scrive articles e notas "astuta" sur los, sin aseta la taxe de conose, a la min a alga grado, la cosa sur cual la abri-vias labora vera. E la popla, ci vade sempre como un manada de oveas pos la persones criante, fa ries e riones, e no demanda se, an per un minuto, esce ave an un gota de sensa e lojica en tota esta burlas "astuta".

Sur esta ideas, "la moda es" parla a no otra modo ultra un surie de ironia e nonrespeta. Donce A e B e C condui ance tal, e tota de los teme entra, an per un minuto, en pensas seria sur la idea burlada, car los "sabe ja" ce "vera el conteni sola cosas nonsaja", e los teme ce, a alga modo, on ta ajunta los se mesmas a la grupo de "acel persones nonsaja" si los atenta relata seria a esta cosa nonsaja an per un minuto corta. La persones es stonada "como, en nos tempo pratical, tal fantasiores pote apare, e per cual razona on no pone los en la casas de dementes".

Ma alga tempo pasa. Pos un serie longa de batalias e sufris, la "bufones fantasiante" ia ateni la gol. La umanas ia deveni denova plu rica par un reali importante, e los estrae de el la usas la plu vasta con formas la plu varios. Alora la situa cambia.

La cosa nova, cual ia deveni ja forte, pare a la persones es tan simple, tan "comprendable par se mesma" ce on no comprende como on ia pote vive sin el tra milenios longa. Cuando la desendentes leje la recontas de la disposa oposante de la persones ci ia es contempora con la nase de la idea, los vera no vole crede, e los pensa ce tota esta ia es imajinada par la scrivores de istoria per burla la jeneras mor.

"Esce," los dise, "la mundo intera a acel tempo ia es vera composada de persones stupida? Esce persones ia esiste vera, ci ia denunsia la abri-vias con tal oposas asurda? E esce la otra persones ia resta silente, e la enfante prima de sinco anios, ci encontra los, no ia dise a esta criticores: 'Seniores, vos parolas es vera xocante, asurda, e sin funda, e la replica es ja situada direta ante vos nases!'? A no modo comprendable! Clar, la istoristes esajera!"

Leje la istoria de la nase de cristianisme e de alga ideas grande en la campo de moralia, filosofia, e siensa. Leje la istoria de la descovre de America, de la introdui de fero-vias, etc, etc. En cada loca, intera la mesma cosa. "Es ist eine alte Geschichte, doch bleibt sie immer neu." [deutx: La nara es vea, donce el resta sempre nova.] La lus apare como un cosa nesesada a la person ci sta distante, ma a los ci sta prosima, el talia se oios e los labora per estingui el.

La idea de Colombo, ce "un via ueste a India debe esiste", pare a nos aora es tan simple, tan natural. E vera nos no vole crede ce, a un eda pasada, persones ia pote esiste ci sabe ja ce la tera es un globo, ma ci es capas de duta ce on pote veni a cada pais no sola de este, ma ance de ueste, e ce on pote trova paises interesante e nonconoseda a nos en esta ueste nonesplorada.

Cuando nos leje la oposas cual on ia fa alora a Colombo – per esemplo, ce no person ia viaja ja a ueste de Europa, donce esta no es posible; ce Dio ia proibi ce on fa esta; ke la barcones va desende a su e no va pote asende denova per reveni…; etc – nonvolente, nos demanda nos como persones matur ia pote parla tal cosas asurda, ante cual cada enfante en nos tempo ta roji. E an tal, en acel tempo, on ia opina ce esata esta oposas naive es veras cual permete no duta, opinas la plu lojical de tota la mundo pratical, e on ia trata la ideas de Colombo como cosas enfantin cual merita no spesie de atende.

3

Cuando on ia mostra a la mundo la fortia de la vapor e se manera de usa, on ta suposa ce cual person pratical ta pote dona cualce razona contra el? E an tal, la inventor ia debe tolera tan multe batalias, sufris, e burlas per multe anios! E an cuando on ia susede ateni la gol, cuando en England la locomotivas ia es ja seguente se cursos a modo enorme usos per tre anios completa, an alora, sur la continente de Europa, persones instruida e an corporas instruida intera no ia regarda simple e no ia deveni convinseda, ma los ia scrive ancora tesis en pensa profonda cual dise ce la construi de locomotivas es un empresa enfantin, ce el no es posible, ce el es nosiva, etc.

Como esta es? nos demanda nos. Esce esta ia es un spesie de stupidia epidemica en cada person? Esce tal jeneras ia esiste vera? Si, tal jeneras ia esiste, e nos, ci es aora stonada, es vera no plu bon ultra los, e nos netos no va es plu bon ultra nos. Tota esta persones an con se oposas e atacas ofendente asurda no ia es stupida, an si cisa los pare tal a nos aora.

Se culpa intera ia ave sola esta forma: seguente la inertia spirital natural de cadun de nos, o los no ia vole judi la apares nova naseda – preferente restrinje se a ries cual aida se sania – o los ia comensa judi con un convinse ja preparada ce la cosa proposada a los es nonrealable. E los ia labora per conforma tota se razonas a acel convinse ja fada, sin persepi ce esta razonas ave intera no funda, e contra la razonas de la defendores de la idea nova los ia clui se serebros par securadores la plu durante. E donce la razonas de la defendores, ci ia labora per demostra la posiblia de la cosa "sur cual cadun sabe ja ce el no es posible", ia debe pare tan enfantin a acel persones inerte como se oposas de acel tempo pare aora a nos.

A tal ideas – cual pare a la contemporas como fantasias vacua, e a la desendentes como cosas tan natural ce los no comprende como la persones ia vive sin los tra milenios – a tal ideas esta parteni ance: la idea de introdui un lingua comun per la comunicas entre poplas varios. Cuando nos desendentes va leje en la istoria ce la umanas, esta res de la tera, esta representores la plu alta de la inteleto de la mundo, esta dios minor, ia vive, la unes con la otras, tra milenios longa sin comprende mutua, los simple no va vole crede.

"Vera, per esta on no ia nesesa un spesie de fortia supernatural," los va dise. "Cadun de esta persones ia posese serta un colie de sonas abitual, per cual el ia pote es comprendeda a modo plen esata par se visinas la plu prosima. Donce como los no ia veni a la idea de acorda entre se ce on ta introdui un de tal colies de sonas abitual per la comprende mutua entre tota persones? A modo simil, per la plu de la poplas instruida, on ia introdui ja ante multe tempo un colie abitual de mesuras, un alfabeta abitual, alga sinias musical abitual, etc!"

Nos desendentes va es indiniada cuando los aprende ce la persones, ci ia labora per la introdui de un lingua comun, ia es burlada par jestos contempora como manicas, bufones, ci no ia merita la nom de persones seria; ce cadun con testa vacua ia pote broma en la jornales sur esta persones, tan multe como el ia vole, e ce ia ave no person ci ta dise a acel testas vacua: "Vos pote trova ce esta ideas es realable o nonrealable – ma burla los, an sin comensa conose los, es vergonios, seniores!"

Nos desendentes va fa riones de la cor cuando los oia acel oposas naive cual multe de nos contemporas ia fa contra la idea jeneral de un lingua internasional, e de la idea spesial de un lingua artifisial.

Tal, como nos relata con un surie compatinte a acel de nos treavos ci cisa ia protesta contra la introdui de un alfabeta artifisial ante alga milenios, criante con la sertia de un instruida – ma intera sin atesta – ce medios per espresa nos pensas es ojetos organal, natural, creada par la istoria (la scrive par desinias ieroglifal) e no capas de "es creada en un sala de studia" – tal nos desendentes va burla aceles de nos contemporas ci declara autorios ce un lingua no pote es artifisial creada, sola par causa de la fato noninformos ce la linguas presente ia crea se mesmas a modo sieca. "Asta aora no ia es, donce no pote es!"

"Como me pote crede," un aprendor con des anios va dise a se instruor en la sentenio veninte, "ce ia ave persones ci ia nega la posiblia de esiste de un lingua artifisial cuando, ante se nases, un tal lingua ia esisteja, ia ave ja un leteratur rica, e ia reali ja en la pratica tota funsiones cual on pote esije de un lingua internasional, e esta seniores, en loca de babela sempre par teorias asurda, ia debe sola abri se oios e regarda! Esce es posible ce persones matur ta parla sempre en frases asurda refinada sur alga difere de la organos de vose entre la poplas, cuando cada enfante

4

ia vide a cada paso ce membros de un popla parla estrema bon en la lingua de un otra popla!" E la instruor va responde: "Esta es vera noncredable, ma el ia aveni an tal!"

A la otra lado, en la tempo presente en la conserna de un lingua internasional, la costum e inertia spirital comensa gradal sede a la sensa sana comun. Ja per un tempo longa, asi o ala en jornales e revistas varios, articles apare plen de aproba per la idea se mesma e per se bataliores. Ma esta articles es ancora timida, como si la autores teme ce on no debe esposa los a desonora publica.

Esta voses timida es perdeda en la coro multe forte de la criores e burlores, tal ce la majoria vasta de la popla, ci es abituada de vade sola a la loca do on cria la plu forte, e de opina ce cada burlor es saja, cada atacor es brava, e cada person atacada es culpable, regarda ancora la idea de un lingua internasional como un fantasia enfantin asurda. Nos no atenta convinse esta popla, car tota nos parolas ta mori futil. Sola la tempo va convinse el. Doman, el va construi monumentos a la abri-vias de la idea con acel mesma senti manadin con cual el lansa oji mugre a los.

Nos leson es sola definida per los ci ia atenta relata a nos idea con judi nondependente, ma ci, su la influe de opinas varios oiada, ia perde se ecuilibra, no sabe como los debe disposa, ta desira crede, e es tormentada a la mesma tempo par dutas constante. Per los nos va analise asi la demanda, esce nos, la amis de la idea de un lingua internasional, labora per alga utopia – e esce nos es menasada par la peril ce tota nos laboras va mori futil, como nos oposores fa crede, o esce nos vade a un gol clar definida, nondutable, e asoluta atenable.

Nos sabe, escutores respetada, ce vos es abituada de relata respetos a sola acel razonas cual es plenida con multe sitas, entreteseda con multe nomes forte e autorios, e briliante con un monton grande de frases falsa siensin e alta volante. Nos averti vos ce tota esta no va es trovada en nos leson.

Si vos trova ce vos debe atende sola acel cual es liada con nomes forte, leje alga cosa scriveda sur un lingua internasional, e vos va trova ala un serie longa de siensistes glorios e autorios ci ia labora per la idea de un linguas internasional. Ma asi nos va abandona tota balasto nonesesada e va parla a vos sola en la nom de lalojica nuda. No atende la dises de Pedro o Johann, ma considera par vosmesmas. Si nos razonas es coreta, aseta los – si los era, lansa los a via, an si miles de nomes forte sta pos los.Nos va analise sistemos la demandas seguente: 1) esce on nesesa un lingua internasional; 2) esce el es posible en prinsipe; 3) esce ave un espera ce vera on va introdui el en pratica; 4) cuando e como on va fa esta, e cual spesie de lingua on va introdui; 5) esce nos labora presente gida a alga gol definida, o esce nos ata ancora sieca e risca ce nos laboras va mori futil, e persones pratical debe ancora disposa separada de nos asta cuando "la cosa clari se".

5

2

Esce on nesesa un lingua internasional? Esta demanda par se naivia va evoca un rie en la jeneras futur, tal como nos contemporas ta comensa rie, per esemplo, a la demanda "esce on nesesa la posta?" La majoria de la mundo intelijente va trova ja aora ce esta demanda es intera nonesesada. An tal, per coere, nos fa esta demanda, car ave ancora multe persones ci a esta demanda responde "no".

La razona solitar, cual alga de esta persones ofre, es la seguente: "Un lingua internasional va destrui la linguas nasional e la nasiones." Nos confesa ce, an pos rompe tan multe nos testa, nos ia pote a no modo comprende como ta es un aveni nonfelis per la umanas si, a un dia bela, ta evidenti ce no ave ja plu nasiones e linguas nasional, ma ave sola un familia de tota umanas con un lingua de tota umanas. Ma lasa nos suposa ce esta ta es en fato un cosa asustante, e nos va freta per calmi esta seniores.

Un lingua internasional desira sola dona la capasia de comprende mutua a la persones de poplas diferente, ci sta la un ante la otra como mudas – ma el intende a no modo misca se en la vive interna de la poplas. La teme ce un lingua internasional va destrui la linguas nasional es tan egal riable como, per esemplo, la teme ce la posta, cual dona la capasia de comunica a los ci es distante la un de la otra, menasa elimina la conversas par boca entre persones! Un "lingua internasional" e un "lingua de tota la mundo" es du cosas intera diferente, cual on debe a no modo misca la un con la otra.

Si nos ta suposa ce, a alga dia, la persones va conflue per fa un popla de tota umanas, en esta "aveni nonfelis" (como la xovinistes nasional va nomi el) la culpa va parteni no a la lingua internasional, ma a la convinses e opinas cambiada de la persones. Alorala lingua internasional va fasili vera ce la persones ateni resultas sur cual on ia deside ja ce estas es prinsipal desirada. Ma si la intende de conflue no nase nondependente en la persones, la lingua internasional par se mesma va vole a no modo forsa un tal uni a la persones.

Nos ta pone estra discute la demanda de la desira o nondesira per xovinisme nasional, e nos va nota sola esta, ce an la xovinisme la plu intensa e sieca no debe esclui la gol de un lingua internasional. Car la relata entre la gol de un lingua internasional e la xovinisme nasional es egal como entre la patriotisme nasional e la ama a se familia propre. Esce algun pote dise ce la aumenta de comunicas mutua e acordas entre persones de acel mesma pais (per un gol patriota) menasa en alga modo la ama familial?

Par se mesma, la lingua internasional no sola no pote debili la linguas nasional, ma en contrasta, el debe gida sin duta a la forti grande e flori plen de estas. Car on nesesa mestri linguas stranjer varios, on no pote aora encontra comun un person ci posese perfeta se lingua propre. E la linguas se mesmas, cual es constante puiada la un a la otras, deveni sempre plu confusada, descapasi se, e perde se ricia e encanta natural.

Ma cuando cadun de nos va debe mestri sola un lingua stranjer (e ance multe fasil), cadun de nos va ave la posible de mestri completa se lingua propre, e cada lingua va developa pronto a modo la plu potios e briliante, liberinte de la presa de multe visinas, e plen conservante, sola a se, tota la fortes de se popla.

La razona du, cual la enemis de un lingua internasional ofre, es la teme ce cisa un lingua internasional va es elejeda de entre la linguas nasional, e ce alora la persones no va prosimimutua a se, ma ce alga popla va crasee engoli simple tota otra poplas, par causa de la suprapotia enorme cual el va oteni supra tota otra poplas.

Esta razona no es intera sin funda. Ma on pote ofre el sola contra esta o acel forma de lingua internasional cual es nonconsiderada e eros. Esta razona perde natural tota sinifia, si nos fa comprende ce un lingua internasional pote es, e va es, sola un spesie de lingua neutra, como nos va mostra a su.

Donce, per alga tempo, si nos lasa estra discute la demanda de la posiblia o nonposiblia de introdui un lingua internasional (sur esta tema nos va parla a su), si nos suposa ce la introdui de un tal lingua depende sola de nos desira, e si nos esclui cualce paso xocante mal en la eleje de la lingua, alora cadun debe acorda ce on pote parla a no modo, an la plu peti, sur la nosivia de un

6

lingua internasional. Ma la benefica cual un tal lingua ta trae a la mundo es tan enorme e vidable per cadun ce nos vera no nesesa parla de esta. An tal, nos va dise alga parolas a esta tema, an si simple per dona completia a nos analise.

Esce vos ia considera a alga tempocual cualia ia leva la umanas a un loca tan nonatenable alta supra tota otra animales, cual es construida, en fato vera, a la mesma model como umanas? Nos debe tota nos cultur e sivilia alta a sola un cosa: a la posese de lingua, cual ia capasi nos per laintercambia de pensas.

Como ta es a nos, la res egos de la mundo, si nos no ta pote comunica par lingua la unes con la otras, si cadun de nos ta debe developa tota se sabes e inteleto per se mesma, como un comensor, en loca de usa – par la intercambia de pensas – la frutas ja matur de la esperia e sabes varios de milenios longa, de miliones e miles de miliones de otra creadas simil a nos? Alora, nos no ta sta, an par la grado la plu peti, plu alta supra acel bestas varios cual ambie nos e cual es tan nonsaja e sin defende!

Prende de nos la manos e la pedes e cual tu vole, ma lasa a nos sola la capasia de intercambia la pensas – e nos va resta egal como acel res de la natur, e nos va perfeti constante e nonsesante. Ma dona a cadun de nos an sento manos, dona a nos an sento sensas e capasias varios, nonconoseda ante aora, ma prende de nos la capasia de intercambia la pensas – e nos va resta como bestas nonsaja e sin defende!

Ma si la capasia, multe noncompleta e multe limitada, de intercambia la pensas ia ave un sinifia tan enorme per la umanas, alora considera la benefica, enorme e comparable con no otra cosa, cual la umanas ta oteni de la lingua cual ta completi la intercambia de pensas, e par cual no sola A ta pote es comprendeda con B, C con D, E con F, ma cadun de los ta pote es comprendeda con cadun de la otras!

Un sentuple intera de inventas la plu grande no va fa un revolui tan grande e beneficos en la vive de la umanas como la introdui de un lingua internasional ta fa! Lasa nos prende alga esemplos peti.

Nos atenta tradui la leteratur de cada nasion a la linguas de tota otra nasiones. Ma esta engoli vera un monton nonproduos jigante de laboras e mone, e an tal, an con tota, nos pote tradui sola un parte la plu nonimportante de la leteratur umana – e, per cadun de nos, la majoria vasta de la leteratur umana con se furnis rica de pensas varios resta nonotenable.

Ma cuando un lingua internasional ta esiste, alora tota cual apare en la campo de la pensa umana ta es traduida sola en esta un lingua neutra, e multe operas ta es direta scriveda en esta lingua, e tota produidas de la spirito umana ta deveni otenable per cadun de nos.

Per la perfeti de esta o acel ramo de la sabes umana, nos organiza congresas internasional a cada paso. Ma los fa un rol tan misera cuando la partisipa en los es posible no per algun ci desira vera oia un cosa beneficante, no per algun ci vole vera comunica un cosa importante, ma sola per algun ci sabe babela en un cuantia de linguas. Nos vive es corta, e la siensa es vasta: nos debe aprende, aprende, aprende!

Nos pote dedica sola un parte de nos vive corta a la aprende, cual es per dise nos anios enfantal e joven. Ma ai! Un parte grande de esta tempo cara desapare, intera nonproduos, per la mestri de linguas! Nos ta gania tan multe si, par la esiste de un lingua internasional, nos ta pote dedica la tempo intera, aora dedicada a la aprende nonproduos de linguas, a la aprende de siensas real e positiva! Alora, tan alta la umanas ta leva se!…

Ma nos no va parla plu a esta tema, car sin depende de la manera en cual cadun de nos escutores relata a esta o acel forma de lingua internasional, nos duta ce ave entre los an un ci ta duta la benefica se mesma de un tal lingua.

Ma car, a multe persones ci no es abituada de dona a se un calcula esata de se gustas e nongustas, pare comun ce, si los no aproba esta o acel forma de la idea, los debe asoluta ataca la idea se mesma en jeneral – donce nos, per es sistemos en nos analise, sujesta ce cadun de la escutores respetada ta nota bon en se memoria, ante tota, ce sur la beneficajeneral de un lingua internasional – si on ta introdui esta – el no duta.

Donce memora bon, seniores, la conclui prima a cual nos ia veni. Nota el a vos, e memora ce vos acorda con esta conclui, cual es per dise:La esiste de un lingua internasional, par cual la persones de tota paises e poplas ta pote comprende mutua, ta trae un benefica enorme a la umanas.

7

3

Aora nos va traversa a la demanda du: "Esce un lingua internasional es posible?"Ance sur esta, no person sin prejudi pote duta an per un minuto, car no sola no ave an fatos la

plu peti cual ta parla contra un tal posiblia, ma no ave an razonas la plu peti cual, an per un minuto, ta obliga duta un tal posiblia. Ave vera persones ci fa crede, con sertia siensal, ce un lingua ta es un ojeto natural, organal, cual depende de cualias fisiolojical diferente de la organos de parla de cada popla, de la clima, la erita, la crusa de razas, la situas istorial, etc.

E tal parlas impresa multe la popla, spesial si los es entreteseda a cuantia sufisinte con sitas varios e con termas tecnical cual es misterios per la popla. Ma vera, un person instruida, ci osa ave un judi propre, sabe multe bon ce tota esta es sola babelas falsa siensin, cual ave no sensa, e contra cual la enfante prima encontrada ta pote replica multe fasil.

De la esperia dial, tota de nos sabe vera multe bon ce si nos prende un enfante de cualce pais o nasion e instrui el, de la dia de se nase, entre persones de un nasion intera stranjer e an antipoda per el, el va parla en la lingua de acel nasion a modo tan eselente e pur como cada fio natural de acel nasion.

Si la mestri de un lingua stranjer es comun difisil per un person matur, esta veni a vera no modo de la construi de se organos de parla, ma simple car el no ave pasientia, no ave tempo, no ave instruores, no ave medios, etc. Esta mesma person matur ta encontra serta esta mesma difisiles en la mestri de se lingua propre, si el no ta es instruida en esta lingua en se enfantia, ma ta debe mestri el con la aida de lesones.

Final, ance aora, cada person instruida debe vera mestri alga linguas stranjer, e serta el no eleje acel linguas cual es conforma en alga modo a se organos de parla, ma sola aceles cual el nesesa. Donce ave no cosa nonposible en la idea ce, en loca de la aprende par cadun de linguasvarios, tota persones ta mestri la mesma un lingua e, como resulta, ta pote comprende la un la otra. An si cadun no ta posese la lingua comun asetada a modo plen perfeta, an alora la demanda de un lingua internasional ta es ja desideda, e la persones ta sesa sta la un ante la otra como sordas e mudas.

E on debe vera recorda ce, si on ta sabe en tota locas ce, per comunica con la mundo intera, on debe mestri sola un lingua – un cuantia vasta ta esiste de bon instruores de esta lingua, e de scolas spesial, cadun ta mestri esta lingua con vole e zelo la plu grande, e final tota jenitores ta abitua se enfantes a esta lingua en la enfantia, a modo paralel con la lingua propre.

Donce, nos ta pone estra discute la demanda, esce la persones va voleeleje un lingua de alga spesie per la rol internasional, e esce los va susede veni a acorda sur esta eleje. E, continuante, nos reconose acel fato cual segue a modo plen nondutable de tota cual nos ia dise a supra, cual es ce la esiste se mesma de un lingua internasional es intera posible. Donce nota bon en vos memorias acel du concluis nondutable a cual nos ia veni aora, cual es per dise:

1. Un lingua internasional ta trae un benefica enorme a la umanas.2. La esiste de un lingua internasional es plen posible.

8

4

Esce un lingua internasional va es introduida a alga tempo? Si nos ia veni a la conclui ce un lingua internasional ta trae un benefica enorme a la umanas, e ce se esiste es posible, de esta du concluis la conclui esflue ja par se mesma ce un tal lingua va es serta introduida a un tempo o un otra, car, si no, nos ta debe nega en la umanas la esiste de tota spesie de intelijentia an la plu fundal.

Si un lingua capas de reali la rol internasional no ta esiste ancora aora, ma ta debe ancora es creada, alora un responde a la demanda fada a la comensa de esta capitol ta es en duta, car on no ta sabe ancora esce on va pote crea un tal lingua. Ma nos sabe serta ce vera multe linguas esiste, e ce on ta pote defini cada de los como internasional en un caso de nesesa, con sola la difere ce un de los ta conveni plu per esta gol, e un otra ta conveni min. Donce tota es preparada, e nos nesesa sola fa la desira e eleje– e ja en un tal situa, la responde a la demanda fada a supra no pote es en duta.

La persones vive un vive consensa, e los dirije nonsesante a se bonia. Donce si nos sabe ce esta o acel cosa promete a la persones un benefica enorme e nondutable, e ce el es atenable per los, alora nos pote sempre predise con sertia plen ce, de acel momento cuando la persones comensa atende esta cosa, los va dirije ja ostinos a el, sempre plu, e los no va para se dirije tra la tempo longa asta cuando los ateni la cosa.

Si du grupos umana es separada la un de la otra par un rieta, ma los sabe ce la comunica mutua ta es multe usos, e los vide ce plances per junta ambos rivas reposa completa preparada ante se manos, alora on no nesesa es un profeta per predise con sertia plen ce, a esta tempo o acel, un plance va es lansada a traversa de la rieta, e la comunica va es organizada.

Es vera ce alga tempo pasa comun en esita, e esta esita es comun causada par escusas la plu asurda: persones saja dise ce dirije se a la organiza de comunica es un cosa enfantin, car nun de los ocupa se en pone plances supra un rieta, e car esta idea es vera no a la moda; persones esperios dise ce la presedores no ia pone plances supra un rieta, donce el es un utopia; persones instruida demostra ce la comunica pote es sola un cosa natural, e ce la organisme umana no pote move se sur plances, etc. An tal, a un tempo o un otra, un plance es poneda a traversa, e la comunica es organizada.

Ia es tal con cada idea usos, ia es tal con cada inventa usos. Apena pos cuando la persones nonprejudos ia veni a un conclui nondutable ce la cosa donada es multe usos e simultan realable, los ia pote ja sempre sabe con sertia plen ce, a esta tempo o acel, la cosa va es serta asetada, an con cada spesie de batalia a la lado de la persones costumal. Car esta es garantiada no sola par la intelijentia natural de la umanas, ma ance par se dirije a se bonia e profita pratical. Va es ance tal con la lingua internasional.

En la longia de multe sentenios, la persones, ci no ia nesesa ancora multe un lingua internasional, no ia entra en pensas sur esta demanda. Ma aora, cuando la comunicas fortinte entre la persones ia fa ce los persepi esta demanda, aora, cuando la persones ia comensa es convinseda ce un lingua internasional va trae un benefica enorme a los, e ce el es atenable, los va dirije ja a el, sempre plu e sin cualce duta, se nesesa va deveni sempre plu sentable per los a cada dia, e los no va calmi se ja tra la tempo longa asta cuando la demanda va es solveda. Esce vos pote duta esta? Serta no!

Cuando esta va veni – nos no intende predise aora. Pote es ce el va veni pos un anio, pos des anios, pos sento anios, o an pos alga sentos de anios. Ma un cosa es ja nondutable: no importa cuanto la abri-vias prima de esta idea va debe sufri, e an si esta idea ta adormi a multe veses per desenios intera, el va mori ja nunca. Sempre plu frecuente e plu ostinos la voses va sona per esije la introdui de un lingua internasional, e final, a esta tempo o acel – si la demanda no es solveda de la sosia se mesma – la governas de tota paises va debe sede, organiza un congresa internasional, e eleje un lingua de alga spesie como internasional.

Asi pote ave sola un demanda sur latempo. Alga de vos va dise ce esta va veni multe pronto; otras va dise ce el va veni sola en un futur la plu distante. Ma ce esta fato va veni jeneral e ce la umanas, vidente la benefica enorme e a la mesma tempo la realablia de un lingua internasional, no va resta eterna noncurante per esta idea como un colie de esentes sin defende e sin

9

comprende la un la otra – serta, nun de vos duta esta per an un minuto. Donce nos sujesta ce vos nota en vos memorias la conclui tre a cual nos ia veni, cual es per dise:

"A un tempo o un otra, un lingua internasional va es serta introduida."Asi nos va fa un pausa peti, e va dise alga parolas sur nos, bataliores per la idea de un lingua

internasional. De tota cual nos ia demostra, vos vide ce nos es a no modo fantasiores e utopistes de acel spesie cual cisa multe de vos ia vide en nos, e como multe jornales pituri nos, sin desira entra en la esense de la cosa per cual nos batalia.

Vos vide ce nos batalia per un cosa cual va trae un benefica enorme a la umanas, e cual va es serta atenida a un tempo o un otra. Donce cada person pratical pote junta se a nos con coraje, sin teme la burlas de la popla nonsaja e nonpensante. Nos batalia per un cosa plen considerada e serta, e donce no spesies de burla o ataca va colpa nos de sur la via. La futur parteni a nos.

Lasa nos suposa an ce esta formade lingua internasional, per cual nos batalia, va evidenti en la futur como un era, e ce un lingua internasional futur no va es acel cual nos ia eleje. Ma esta debe confusa nos a vera no modo, car nos batalia no per la forma, ma per la idea, e nos ia dona un forma concreta a nos batalia sola car batalias de tota spesies astrata e teorial gida comun a no resulta.

A su nos va demostra ce an estaforma concreta de la lingua es ance intera considerada e ave un futur nondutable. Ma si vos ta duta an esta, la forma restrinje nos a vera no grado. Si esta forma evidenti como un era, nos va cambia el doman e, en un caso de nesesa, nos va cambia el denova a la dia pos doman. Ma nos va batalia per nos idea tra la tempo longa asta cuando on va reali el a modo plen a esta tempo o acel.

Si nos, ci obedi la vose de la egoisme noncurante, ta asteni de nos laboras sola car cisa, con la tempo, la forma de la lingua internasional va difere de acel per cual nos labora, alora esta ta ave la mesma sinifia como, per esemplo, refusa la usa de vapor car cisa, a pos, on va trova un medio plu bon de comunica, o refusa bonis de governa car cisa, a alga tempo seguente, on va trova formas plu bon per construi un rena.

Aora nos es ancora debil, e cada enfante vagante pote ancora burla nos e jesti a nos con se ditos. Ma la rior ultima rie la plu bon. Nos idea progresa lenta e difisil. Vera pote aveni ce la majoria de nos no va vive asta acel momento cuando la frutas de nos ativia va apare, e ce nos va es ojetos de burlas asta la mori se mesma. Ma nos va vade a la tomba con la consensia ce nos idea no va mori, ce el pote nunca mori, ce a un tempo o un otra el debe ateni la gol.

E an si, fatigada par la laboras nongrasiada, nos ta lasa la manos cade en despera e apatia – intera egal, la idea no va mori. En loca de la bataliores fatigada, bataliores nova va apare. Car nos repete denova ce, si es estra duta ce un lingua internasional ta trae un benefica enorme a la umanas, e ce es el atenable, alora, en un tal situa, no person ci no es siecida par costum pote ave cualce duta ce, a un tempo o un otra, el va es serta atenida, e nos laboras constante va fa ce la umanas recorda eterna tra la tempo longa asta cuando la idea de un lingua internasional va es realida.La desendentes va bondise nos memoria. E a acel persones saja ci dise aora ce nos es fantasiores, los va relata tal como nos relata aora a la contemporas saja de la descovre de America, de la inventa de veculos de vapor, etc.

10

5

Ma lasa nos reveni a nos analise interompeda. Nos ia demostra ce un lingua internasional va es serta introduida a un tempo o un otra. Ma la demanda resta: cuando e como el va veni? Esce pote es ce esta va veni sola pos sentos o cisa an pos miles de anios? Esce per esta on nesesa asoluta un acorda mutua entre la governas de tota paises?

Per dona respondes plu o min sasiante a esta demandas, nos debe comensa par analise un otra demanda, cual es esta: "Esce on pote predise cual spesie de lingua va es internasional? Entre la demanda prima e la ultima ave la relata streta seguente: si on no pote predise cualspesie de lingua va deveni internasional, e si linguas varios es plu o min egal probable per esta, alora on debe espeta asta cuando la governas de tota renas (minima la plu importantes) va deside organiza un congresa con esta intende e solve la demanda de un lingua internasional.

Si algun conose la difisilia tan grande con cual la governas fa desides per cada cosa nova, el va comprende ce estrema multe anios va pasa ancora ante cuando la governas va trova ce la demanda de un lingua internasional ia deveni sufisinte matur e meritante se envolve. E a pos, natural, un otra serie de anios va pasa per la laboras de comites e diplomatas varios, ante cuando la demanda va es desideda.

Persones e sosias individua ta pote asi fa no cosa. Los ta pote sola speroni constante la governas, ma los se mesmas no ta pote solve la demanda sin la envolve de la governas. Donce la solve de la demanda en un tal situa ta es ancora estrema distante.

Ma la situa ta es intera diferente si ta evidenti ce on pote predise a ante, con esatia plen e sertia plen, cual spesie de lingua va es internasional a alga tempo. Alora on no ta nesesa ja espeta tra un monton de anios posible sin fini. Alora cada sosia, cada person individua ta pote labora, su se gida propre, per la estende vasta de esta lingua. La cuantia de espertas de esta lingua ta crese con cada ora, se leteratur ta rici rapida, congresas internasional ta pote direta comensa usa el per la comprende mutua de se membros, e, en un tempo la plu corta, esta lingua ta deveni tan durante en la mundo ce la taxe solitar restante per la governas ta es dona se permete a un fato ja realida.

Esce nos pote predise cual spesie de lingua va es internasional? Felis, nos pote responde esta demanda a modo intera positiva: "Jes, nos pote predise cual spesie de lingua va es internasional; nos pote predise esta con esatia e sertia plen, sin cualce ombra de duta."

Per convinse nos escutores sur esta, nos demanda ce los imajina ce on ia reali ja un congresa de representores de renas varios, e nos va esplora cual lingua los ta pote eleje. La demonstra no va es difisil per nos ce ave un lingua unica cual los ta pote eleje, e ce tota eleje de cualce otra lingua ta es asoluta nonposible per los, an si los ta vole eleje el, e ce si los ta eleje an tal alga otra lingua, an pos tota razonas de la sensa sana comun, alora la vive se mesma ta protesta contra esta, e se eleje ta resta como sola leteras nonvivente.

Donce nos ta imajina ce la representores de renas varios ia viaja asemblada, e ce los prosimi a la eleje de un lingua internasional. La seguente ta sta ante los: 1) o eleje un de la linguas vivente esistente, 2) o eleje un de la linguas mor (per esemplo: latina, elinica, ivri), 3) o eleje un de la linguas artifisial esistente, 4) o defini un comite cual ta ocupa se per crea un lingua intera nova, no ja esistente.

Afin nos escutores pote, en se pensas, partisipa en la laboras e consideras de la elejores, nos debe ja fa los conose alga la carater de la categorias nomida de lingua. La carater de la linguas vivente e mor es plu o min conoseda a la escutores, donce nos va dise alga parolas sola sur la linguas artifisial, cual presenta un "tera nonconoseda" a modo credable asoluta per la majoria de nos escutores.

Como la idea de un lingua artifisial ia nase en la persones, como esta idea ia developa, ia pasa tra niveles varios, comensante de la pasigrafias la plu nonperfeta, asta la tipo la plu perfeta de lingua plen e rica, como on ia fa un monton enorme de atentas en esta dirije, como on ia sacrifia un monton enorme de laboras per esta idea tra la tempo de la du sentenios resente – a tota esta temas nos no va parla, car vos tempo e pasientia no ta sufisi per escuta plen tota esta.

Nos va dise sola alga cosa sur lacualias spesial de la linguas artifisial, per cual, natural, nos va ave ante nos oios no la atentas varios presedente e nonsusedos, cual no posese la majoria de

11

la cualias analiseda par nos, ma la forma la plu perfeta de lingua internasional cual esiste en la tempo presente.

En ajunta a la neutria plen en relatas nasional, un lingua artifisial es distinguida par la cualias seguente:

1) El es fasil per aprende a grado multe stonante e noncredable: sin esajera, on pote dise ce el es plu fasil a minima sincodes veses plu ce cada lingua natural. Ci no ia comensa conose un lingua artifisial, el no pote an crede la spesie de grado cual se fasilia ateni.

La autor e filosofiste grande Liov Tolstoi, a cual serta nun en tota la mundo va osa suspeta ce el vole fa un anunsia per la lingua internasional, ia dise la seguente a tema de la lingua esperanto: "La fasilia de se aprende es tal ce, pos reseta un gramatica e disionario esperanto, e articles scriveda en esta lingua, pos no plu ce du oras de ocupa, me ia ave la posible, si no de scrive, an tal de leje libre en esta lingua. En cualce caso, la sacrifias cual cada person de nos mundo european va tolera, pos dedica alga tempo a la aprende de esta lingua, es tan nonimportante, e la resultas cual pote veni si tota persones, a la min la europeanes e americanes, va prende esta lingua a se, es tan enorme ce on no pote no fa esta atenta."

Comprende, seniores, la sinifia de esta: "pos no plu ce du oras de ocupa"! E en esta mesma manera, a tema de la lingua esperanto, tota acel persones nonprejudos e onesta ia espresa se, ci, en loca de filosofi sieca sur el, ia emprende la labora peti de comensa vera conose el.

Es vera ce persones instruida pote aprende esperanto con plu rapidia ce persones noninstruida, ma ance la grupo du aprende el con un fasilia estrema e stonante, car la aprendor nesesa no sabes presedente per aprende la lingua esperanto. Entre la esperantistes vos va trova multe persones tan noninstruida ce, asta aora, los scrive estrema mal e eros en se lingua propre, padral, e an tal los scrive intera sin eras en la lingua esperanto – e los ia aprende esta lingua en la tempo de alga semanas, ma la aprende de alga lingua natural ta ocupa acel mesma persones per minima 4 o 5 anios.

Cuando, en la anio 1895, studiantes svensce ci sabe sola svensce e esperanto ia veni a Odesa, un jornaliste ci ia desira intervisa los ia prende en se manos un libro de aprende de esperanto per la ves prima a la matina e, a la sera de acel mesma dia, el ia pote ja parla sufisinte bon con la svensces.

De do esta fasilia noncredable de un lingua internasional veni? Cada lingua natural es sieca construida, par via de la asembla de avenis la plu varios e intera acaso. No lojica ia opera ala, no desinia definida, ma simple sola la usa: on ia aseta usa esta parola a esta modo, e donce nos debe usa el a esta modo; on ia aseta usa acel parola a otra modo, e donce nos debe usa el a otra modo.

Donce on pote dise ja a ante ce un sistem de sonas per la espresa de pensas, cual va es creada par inteletoumana a modo consensa e seguente leges definida e lojical, va debe es plu fasil a vera multe veses plu ce tal sistem de sonas cual ia es construida a modo acaso e nonconsensa.

Nos no ave la posible de analise asi tota acel via de la pensas, par cual la autores de linguas artifisial ia gida se, e ance no la posible de mostra detalios tota acel fasilis enorme cual un lingua artifisial posese en compara con la naturales, car esta ta nesesa un tesi vasta intera – donce nos va prende sola alga esemplos.

A esta modo, per esemplo, en cuasi tota linguas, per alga razona, cada sustantivo parteni a esta o acel seso. Per esemplo, en la lingua deutx, "testa" es mas, en la lingua franses, el es fema, e en la lingua latina, el es neutra. Esce ave un sensa o razona an la plu peti en esta? E, an tal, la memora de la seso de cada sustantivo presenta un difisilia tan enorme!

La aprendor nesesa tan multe eserse, eserse, e eserse denova ante veni a acel perfetia en cual el no va es ancora confusada e no va dise, per esemplo, "le fin" en loca de "la fin", o "das Strick" en loca de "der Strick"! En un lingua artifisial, esta seso de la sustantivos es intera sutraeda, car ia evidenti ce el ave an no un razona la plu peti en la lingua.

Donce vos ave ja ala un esemplo de como, par un medio la plu simple, on ateni un fasili la plu enorme de la lingua. En la linguas natural declinas e conjugas la plu complicada e confusada esiste, con un monton enorme de formas varios, no sola per tota declinas e conjugas, ma en cada de los un serie completa de formas. Per esemplo, en la conjugas, on ave no sola series intera de formas per cada tempo e moda, ma en cada de esta tempos e modas formas ancora diferente per cada person e cuantia.

12

On reseta un serie de tables gramatical enorme, cual on nesesa aprende e conserva en la memoria. Ma esta es ancora sola un comensa. A esta on ajunta un monton de declinas e conjugas noncoerente, de cual cada ave un serie diferente de formas, e on debe no sola aprende e conserva tota esta en la memoria, ma recorda constante cual spesie de parola cambia se seguente la declinas e conjugas coerente, e cual segue la noncoerentes, e par cual de esta tables coerente e noncoerente cualce parola donada cambia se. La aprende de tota esta esije un pasientia enfernal, un monton de tempo, e eserses constante sin sesa.

En la entretempo, en loca de tota esta caos, cual esije anios longa de labora pasiente, un lingua artifisial dona a on sola 6 paroletas "i, as, is, os, us, u", cual on pote aprende perfeta en la tempo de alga minutos, e cual on va oblida ja nunca e confusa nunca.

Vos demanda con stona grande: "Como esta es posible?" Vide, multe simple: esperanto dise ce declinas es nesesada a no modo, car los es plen sustituida par la preposadas, cual nos usa ja en loca de acel. E en la conjugas no sola un table sufisi pertota verbos, ma, an per esta table, es completa sufisinte ce el conteni en se (con eseta de partisipios, cual presenta un forma separada) sola 6 finis, cual es per la tempos presente, pasada e futur, e per la modas nondefinida, nonreal, e comandante.

En la minuto prima, esce vos va pensa serta ce la lingua perde se curvablia par causa de esta table pico de conjugas? A no modo: comensa conose la lingua artifisial, e vos va vide ce se conjuga espresa tota sutiles de la pensa a modo noncomparable plu bon e plu esata ce la tables la plu complicada e confusada de la linguas natural, car la lingua artifisial no ia lansa a via acel cual la lingua nesesa, ma sola acel cual formi en el la balasto asoluta nonesesada cual servi vera no cosa.

En fato, per ce nos nesesa un serie separada de finis per cada person e cuantia, e en ajunta a esta un serienova e diferente de esta finis en cada tempo e en cada moda, si tota esta finis es vera completa nonesesada, car la pronom cual sta ante la verbo mostra ja se person e cuantia a modo intera sufisinte?

La ortografia en la majoria de linguas (e, plu, la majoria de esata acel linguas cual es la plu probables per es elejeda como internasional) presenta un crus vera per la aprendor. En un parola un letera donada es pronunsiada, en un otra el no es pronunsiada o el es pronunsiada a otra modo. En un parola, un sona donada es scriveda a esta modo, en un otra parola a otra modo…

Un franses o un engles debe pasa anios longa afin el pote scrive coerente en se lingua propre! Cambia estrema esta ortografia es asoluta nonposible, car alora un monton enorme de parolas, cual difere la un de la otra a no modo, o sola par alga cosa sutil e apena persepable en la pronunsia, ta deveni completa nondistinguable la un de la otra en la scrive. La lingua artifisial ia dona a cada de se leteras un pronunsia clar, sever definida, e sempre egal, e par esta causa la demanda de ortografia esiste a no modo en la lingua artifisial. E ja pos un cuatri de un ora de ocupa sur la lingua artifisial (cual es per dise: simple pos comensa conose se alfabeta la plu simple), cadun va scrive un dita en el intera sin eras, an cuando en un lingua natural el va ateni esta sola pos anios longa de labora difisil e noiante.

Ja de esta poca esemplos cual nos ia dona, vos pote reseta un idea de la fasili tan vasta cual la envolve de arte consensa dona a la lingua. Natural, nos ta pote sita ancora multe otra esemplos, car a cada paso nos encontra en la linguas natural difisiles e confusas enorme, cual en un lingua artifisial es o intera sutraeda como balasto nonesesada, o moveda a un o du paroletas o regulas corta, sin alga dana an la plu peti per la curvablia, ricia e esatia de la lingua.

An tal, nos no va parla plu de esta, ma nos va dise sola esta, ce la gramatica intera de la lingua esperanto es composada sola de 16 regulas peti e corta, cual cadun pote aprende eselente en la tempo de un dui de un ora! Pos sola un dui de un ora de labora sur esperanto, la aprendor conose tota la gramatica e tota la construi de la lingua a tal grado ce la taxe solitar cual resta per el es aprende simple e fasil un colie de parolas!

Per comprende e judi tota la importantia de esta, imajina ce vos ia emprende la aprende de alga lingua natural, e ce pos alga anios de labora pasiente, vos ia veni final a un nivel do vos ia mestri perfeta la construi de la lingua, e do vos es serta ce vos pote ja nunca plu fa alga era gramatical o ortografial en esta lingua, e do vos debe ja aora sola aprende simple tan multe parolas como posible – vera, alora, vos ta senti felis e ta dise ce vos ia pasa ja la parte la

13

plu difisil e noiante de la labora… Vera, no? En la lingua esperanto, vos ateni esta ja pos un dui de un ora de labora!

Donce, si esperanto ta ave an solaacel cualia de cual nos ia parla a supra, cual es per dise un fasilia e coere enorme de la gramatica e ortografia, nos ta debe ja dise ce el es plu fasil a multe multe veses plu ce cada lingua natural. Ma la fasilia de la lingua esperanto no fini ancora con esta. Cuando vos ia veni a un nivel do sola la aprende simple de parolasresta ja a vos, vos va encontra ancora fasilis enorme an asi.

A esta modo, per esemplo, la coere se mesma de la lingua dona ja a on un economia enorme en la cuantia de la parolas cual on nesesa aprende, car, si on conose ja la forma sustantival de la parola, on conose ance ja a ante, e sin alga aprende, se ajetivo e se averbo e se verbo, etc, an cuando, en cada lingua natural, vera multe espresas ave un parola diferente per cada parte de parla (per esemplo:parler, oral, verbalement).

Cuando on ave un direto plen e nonlimitada de junta cada parola con cada preposada e con cada otra parola, on es librida de aprende un monton de parolas cual ave radises diferente en la linguas natural sola car esta o acel composa de parolas es proibida per alga razona. Ma en ajunta a esta casos pratical de composanatural cual la lingua esperanto ave, vos va trova en el an otra medios, cual es per dise medios artifisial, cual introdui un economia enorme a la aprende de la parolas.

Tal, per esemplo, es se sufisas e prefisas, de cual nos va sita sola alga per esemplos. La prefisa "mal" dona a la parola un sensa direta oposante ("bona" bon – "malbona" mal). Donce, si vos conose la parolas "bona, mola, varma, larĝa, supre, ami, estimi" etc, vos pote ja formi per vos mesmas la parolas "malbona, malmola, malvarma, mallarĝa, malsupre, malami, malestimi" etc, par ajunta sola la prefisa "mal" a la parola ja conoseda par vos.

La sufisa "in" sinifia la seso fema ("patro" padre – "patrino" madre). Donce, si vos conose la parolas "patro, frato, onklo, fianĉo, bovo, koko" etc, vos es ja librida de aprende la parolas "patrino, fratino, onklino, fianĉino, bovino, kokino" etc. La sufisa "il" sinifia un util ("tranĉi" talia – "tranĉilo" cotel). Donce, si vos conose la parolas "tranĉi, kombi, tondi, pafi, sonori, plugi" etc, vos conose ja per vos mesmas la parolas "tranĉilo, kombilo, tondilo, pafilo, sonorilo, plugilo" etc.

Ave ance multe otra tal pesetas de parolas, cual diminui estrema multe la vocabulo de la lingua.

Donce recorda aora tota cual nos ia dise sur la construi de un lingua artifisial, e alora vos va acorda fasil ce, si nos ia dise ce un lingua artifisial es plu fasil a minima 50 veses plu ce un natural, en esta ia ave no spesie de esajera. Nota esta fasilia enorme de un lingua artifisial en vos memorias, car nos va reveni ancora a el a pos.

2) La cualia du cual distingui un lingua artifisial es se perfetia, cual es trovada en esatia matematical, curvablia, e ricia sin limita. Ce un lingua artifisial posese un tal cualia, esta ia es ancora prevideda e prediseda, ante la apare de la lingua artifisial prima, par tota acel testas eselente ci ia relata a esta idea estrema importante per la umanas a modo plu seria ce la Jupiteres varios presente ci pensa ce cualce conose, an la plu surfasal, con la esense de linguas artifisial ta basi se onora e dinia.

Nos ta pote sita tal luses grande como per esemplo Bacon, Leibnitz, Pascal, de Brosses, Condillac, Descartes, Voltaire, Diderot, Volney, Ampère, Max Müller, etc – ma nos regarda la sitas como un arma sola de sofistes falsa instruida. Donce, sin vanta par sitas, nos va atenta demostra tota par sola la lojica.

Ce un lingua artifisial no sola pote ma debe es plu perfeta ce linguas natural, esta va es comprendeda par cadun per se mesma, si el considera la seguente: cada lingua natural ia es construida par un via en cual un person ia repete cual el ia oia de otras. No lojica, no deside consensa de la inteleto umana ia ave asi alga fortia.

Cada espresa cual vos ia oia a multe veses es usable per vos, e cada espresa cual vos ia oia ancora nunca es proibida per vos. Donce, en cada lingua natural, a cada paso, nos encontra la apare seguente: alga comprende apare en la serebro, ma… vos no ave la posible de espresa el par un parola bocal, e donce vos debe aida vos par un descrive vera parolos e multe nonconveninte de acel comprende cual esiste en la serebro como un comprende, como un parola de la spirito.

14

A esta modo, per esemplo, car la lava de telas es comun la ocupa de femas, vos ave en cada lingua un parola per espresa la comprende "lavor fema". Ma si un om va vole ocupa se en la lava de telas, en vera multe linguas vos sta ja nonaidable e vos no sabe nomi un tal person, car vos ia oia nunca la nom de un om ci ocupa se en la lava de telas!

Sola omes ia ocupa se en medica asta aora. Ma cuando dotores fema ia apare, o femes ci ave alga posto siensal, no parola ia esiste per los en la majoria de linguas! Per espresa se parola nominte on ia nesesa ja aida se par usa un serie de parolas a modo descrivente, e cuando vos vole plu fa un ajetivo, verbo, etc de se titulo – estas es ja intera nonposible!

En cada lingua vos va trova multe sustantivos cual no ave esta o acel seso, esta o acel caso, esta o acel forma derivada; ajetivos cual no ave esta o acel grado de compara, esta o acel forma; verbos cual no ave esta o acel tempo, person, moda, etc; de esta sustantivo on no pote fa un ajetivo, de esta verbo on no pote fa un sustantivo, etc.

Car, nos repete, cada lingua natural es fundida no sola sur la lojica, ma sur la siecia de "on parla tal" o "on no parla tal". Donce per cada comprende cual nase en la serebro, ma per cual on ia oia no espresa en parolas asta aora, on no ave comun la posible de espresa el, e on nesesa aida se par descrives. Ma en un lingua artifisial, consensa fundida sur la leges sever de pensa cual no permete esetas o acasos, no cosa simil pote ave un loca. Espresas de la spesie de "tal vorto no ave tal formas o no permete tal combinas de ideas" es intera nonposible en un lingua artifisial.

Suposa, per esemplo, ce doman un om reseta la posible de nase enfantes o nuri los par se senos – e per el un parola preparada esiste ja direta en la lingua, car en un lingua artifisial la esiste de un parola per un seso e la nonesiste per la seso du no es posible. Suposa ce doman algun eleje per se alga carera nova, an la plu strana, per esemplo un labora con aira – per el un parola preparada esiste ja, car si sola ave en un lingua artifisial un sufisa per espresa careras, el dona ja a on la posible de espresa careras decada spesie cual pote sola apare en la serebro.

En ajunta a esta, no oblida ce la perfeti de un lingua artifisial es posible asta infinitia, car un lingua artifisial ave un direto plen de prende a se cada bon regula, bon forma, bon espresa cual esiste en cualce lingua, e la direto de boni e cambia cada manca cual ta pote es trovada en el, an cuando on no pote parla de alga cosa simil en un lingua natural, car alora un lingua natural ta deveni artifisial.

Estra la du bonis enorme de un lingua artifisial cual nos ia analise (fasilia estracomun e perfetia), ave ance otras, sur cual nos no va parla. Nos ta traversa aora a la males de un lingua artifisial. Ci ia comensa conose an poca un lingua artifisial e ave coraje sufisinte per crede cual el vide e per no repete frases de otra persones con oios cluida, el pote veni a sola un conclui, cual es ce, en compara con un lingua natural, un lingua artifisial posese no mancas.

Serta, cadun de vos ia pote oia vera multe atacas contra un lingua artifisial. Ma nos pote dise sola un responde contra tota esta atacas: tota de los sorti de la bocas de persones ci ave no sabes de un lingua artifisial, e ia vide an nunca el, e, en loca de considera cual los dise, prefere lansa sieca a destra e sinistra frases forte e modos ma asurda.

Si los ta comensa conose a sola alga grado un lingua artifisial, los ta vide ce se frases es intera falsa. Si los, an conosente la lingua a no modo, ta considera el sola en teoria, los ta vide ce tota se frases ave no funda an la plu peti.

Si algun desira fa crede ce tota casas en la vila visina es construida de paper, e ce tota persones ala es sin manos e sin pedes, el pote impresa par esta la popla, ci crede santa cada parola pronunsiada en un tono autorios. Ma un person pratical va relata multe criticos a esta parolas, ja a ante, car en se sajia el va trova ja no fundas asetable per esta frases. E cuando alga duta va resta en el, el va vade simple en la vila visina e regarda, e alora el va es convinseda ce tota frases cual el ia oia es asurdas la plu asoluta.

Es ance tal con un lingua artifisial. En loca de repete sieca frases, vos nesesa simple considera la esense de esta frases, e vos va comprende ja ce los no ave an un funda la plu peti. E si la considera teorial no sufisi ancora per vos, alora vade simple e regarda, lansa un regarda en un libro de aprende de un lingua artifisial, comensa conose la construi de esta lingua, vade profonda en se leteratur ja multe rica e diversa, fa un atenta, regarda la fatos cual vos trova ante vos nases a cada paso – e alora vos va comprende ce un asurdia tan grande es trovada en tota acel frases cual vos ia oia contra un lingua artifisial.

15

Vos ia oia, per esemplo, la frase "un lingua no pote es creada en un sala de studia, como un esente vivente no pote es creada en la retorta de un cimiciste". Esta frase sona tan bela e "saja" ce per la majoria vasta de persones el lasa ja no duta ce un lingua artifisial es un cosa enfantin.

E an tal, si esta persones ta ave la capasia propre de critica sufisinte per fa un demanda peti, multe peti – "per ce?" – alora esta frase forte ta perde tota sensa en se oios en un momento, car los ta vide ce no responde lojical esiste, e ce esta frase es un colie de parolas bela sonante cual ave no funda lojical an la plu peti.

Esata esta mesma frase ta pote es usada ance contra la alfabeta artifisial, cual la umanas usa ja tan longa con un benefica la plu grande per se, e contra la viaja artifisial aidada par vapor o bisicle, e contra tota nos sivilia artifisial! E la persones repete ostinos esta frase e frases simil sempre cuando alga nova idea usos apare.

O, frase, frase, frase, cuando tu va sesa rena supra la spiritos de la persones?Vos ia oia ce un lingua artifisial no es posible, ce persones no va comprende la un la otra en

el, ce cada popla va usa el a modo diferente, ce on pote espresa no cosa en el, etc, etc. Si nos fa persepi ce tota estas es cosas cual, con un dosa la plu peti de onestia e bonvole, cadun pote esaminafasil e pratical, e ce simple tota esta persones frasos no vole esamina acel sur cual los parla en un tal tono autorios, ma per la aplaudi de la popla los prefere clui se oios e lansa mugre a la cosa sola car el es nova e ancora no modos – alora tota esta frases es ja mostrada como no sola riable, ma direta ofendente.

En loca de lansa sieca frases, vade e regarda – e alora vos va vide ce tota vos parolas es simple mentis conoseda. Vos va vide ce, en realia, un lingua artifisial esiste ja longa en fato, ce persones de nasiones la plu diversa usa el ja longa con benefica la plu grande, ce los comprende eselente e la plu esata la un la otra, como par scrive, tal ance par boca – ce persones de tota nasiones usa el a modo intera egal per cadun. Se leteratur ja multe rica e diversa va mostra a vos, a modo plen vidable per la oios, ce tota sutiles de la pensa e senti umana pote es espresada en el en la manera la plu bon…

En loca de babela sieca asurdas teorial diversa, vade e regarda la fatoscual esiste ja longa, es fasil esaminable per cadun, e es sin duta e nonegable – e alora no duta va resta per vos ce asoluta no motivas esiste cual parla contra la introdui de un lingua artifisial en la usa comun.

Nos ta revade aora a acel sur cual nos ia parla a la comensa de esta capitol, cual es per dise: nos ta imajina ce un congresa de representores de tota renas la plu importante ia colie se per eleje un lingua internasional. Nos ta regarda cual spesie de lingua los pote eleje. No difisil va es demostra ce nos pote previde se eleje no sola con credabliamulte grande, ma an con sertia e esatia plen.

De tota cual nos ia dise a supra sur la bonis enorme de la linguas artifisial en compara con la linguas natural, segue ja par se mesma ce sola un lingua artifisial pote es elejeda. An tal, nos ta suposa per un momento ce, triste, la congresa intera es plen composada de la costumores ostinos e la enemis de tota cosa nova, e ce la idea veni en se testas ce plu bon ta es eleje un lingua natural, nonconveninte en tota relatas, plu bon ce un lingua artifisial plu conveninte a sento veses. Nos ta regarda acel cual aveni alora.

Si los desira eleje alga lingua vivente de un de la nasiones esistente, alora on va trova asi, como un impedi enorme, no sola la invia mutua de la poplas, ma ance la teme intera natural de cada nasion ja simple par causa de se esiste – car on pote comprende completa ce acel popla, de cual se lingua es elejeda como internasional, va reseta pronto un suprapotia tan enorme supra tota otra poplas ce simple el va crase e engoli los.

Ma nos ta suposa ce la delegadas de la congresa va atende ja esta a no modo, o ce los va eleje alga linguamor, latina per esemplo, per evita la invia mutua e la engoli mutua – donce ce va aveni alora? La aveni va es multe simple ce la deside de la congresa va resta simple leteras nonvivente e en fato va ateni nunca se reali.

Cada lingua natural, si vivente, o ancora plu si mor, es tan xocante difisil ce aprende el, a la min a modo alga profonda, es posible sola per persones ci ave un cuantia grande de tempo libre e recursos grande de mone. Como resulta, nos no ta ave un lingua internasional en la sensa vera de esta parola, ma sola un lingua internasional per la clases la plu alta de la sosia.

Ce la situa es tal e no diferente, esta es mostrada a nos no sola par la lojica, sed esta ia es ja longa mostrada a nos, a modo vidable per nos oios, par la vive se mesma. En realia, la lingua

16

latina es ja longa elejeda par tota governas como internasional. E ja longa en la lises en tota paises, par comanda de la governas, la jovenes dedica obligada un serie completa de anios a la mestri de esta lingua – e an tal, esce ave multe persones ci posese libre la lingua latina?

Seguente, la deside de la congresa ta dona no cosa nova a nos, ma el ta pare como sola un repete nondirijeda e sin fruta de acel deside cual es ja longa fada e an realida, ma sin cualce resulta.

En nos tempo, no deside, an de un congresa la plu autorios, pote a alga tempo dona a la lingua latina acel fortia cual el ia ave en la sentenios medieval. Alora tota governas, la sosia intera, la eglesa omnipotios intera, e an la vive se mesma ia favore no sola se internasionalia, ma an se rena asoluta. Alora el ia presenta la funda de cada spesie de siensa e sabe. Alora on ia dedica a el la parte la plu grande de la vive, el ia puia a via tota linguas propre par se mesma, on ia aprende el e labora sur el a modoobligada, ja sola car la persones instruida no ia ave simple la posible de espresa se en se linguas propre – e an tal, an con tota, la lingua no sola ia cade, ma, an en se tempo la plu bon, el ia es e ia pote es sola un posese de la clases elejeda de la sosia!

En la entretempo, si on ta eleje un lingua artifisial, pos alga menses el ta pote es ja eselente poseseda a un ves par tota la mundo, par tota sferas de la sosia umana, no sola la intelijentes e ricas, ma an la viletanes la plu povre e noninstruida.

Donce vos vide ce la congresa futurpote a no modo eleje alga lingua estra un lingua artifisial. Eleje alga lingua natural, cuando nos ave la posible de eleje un lingua artifisial, cual es plu bon en tota relatas ce la linguas natural, a grado enorme, sin duta, e vidable per nos oios, es tan nonsaja como envia alga cosa de Paris a San Peterburg par cavalos cuando nos ave la posible de fa acel par fero-via.

No congresa pote fa un tal eleje. Ma si nos ta suposa an ce la congresa considera tan multe e es tan siecida par la abituas costumal ce el fa un tal eleje asurda, an con tota, alora, par la fortia de la situas, esta eleje va resta intera egal como leteras nonvivente, e en fato la demanda de un lingua internasional va resta nonsolveda en la vive per la tempo asta cuando, plu o min pronto, un congresa nova colie se e eleje un lingua artifisial.Donce nos sujesta ce vos nota en vos memorias la conclui a cual nos ia veni, cual es per dise: un lingua internasional de la jeneras futur va es sola e serta un lingua artifisial.

17

6

Aora resta ancora ce nos ta solve la demanda cual spesie de lingua artifisial va es introduida en la usa comun. En la minuto prima, pare ce ave no posible de responde esta demanda, car – como vos va dise sin duta – "vera multe linguas artifisial esiste ja, e se cuantia pote es ancora plu grande a mil veses, car cada person individua pote crea un lingua artifisial individua, seguente se capris. Donce esce ave alga posible de previde cual de los va es elejeda?

Vera pare tal a persones ci no conose la campo, de la regarda prima, e, an tal, multe fasil es previde e predise cual spesie de lingua artifisial va es elejeda. Esta veni de la fato ce la opina diseda a supra, multe comun en la popla, sur la cuantia de linguas artifisial cual esiste e cual pote ancora apare, es intera noncoreta, e es fundida sur un nonconose completa de la istoria e esense de la linguas artifisial.

Ante tota, nos reconose la fato ce, an con la cuantia enorme de persones ci labora o ia labora ja sur linguas artifisial en la tempo de 200 anios, asta aora sola du linguas vera preparada ia apare, cual es per disevolapük e esperanto. Atende esta: sola du linguas artifisial.

Es vera ce vos leje en la jornales, a cuasi cada dia, ce un o ancora plu linguas artifisial ia apare o asi o acel, on sita a vos se nomes, on dona frecuente a vos an notas sur la construi de esta linguas, on mostra a vos alga frases en esta linguas conoseda como nova, e pare a la popla ce linguas nova artifisial apare e crese como fungos pos pluve.

Ma esta opina es intera noncoreta, e el aveni car la jornales no trova ce los nesesa profondi en la cosa sur cual los scrive, e los contenti se si los ave la posible de regala la lejores con un nova riable o de fa un bon broma. Donce sabe ce tota acel cual es portada a vos a cada dia par la jornales su la nom forte de "linguas internasional nova" es sola projetas, projetas coceda con rapidia e sin pensa sufisinte, cual sta ancora multe multe distante de reali.

Esta projetas apare asi en la forma de pajes corta, ala an en la forma de libros spesa con frases la plu forte e prometos – los apare e desapare direta de la orizon, e vos oia ja nunca plu un parola sur los. Cuando la autores de esta projetas prosimi a sereali, los deveni direta convinseda ce esta segue a intera no modo se fortes, e ce acel, cual ia pare un cosa tan fasil en teoria, mostra se como multe difisil e nonrealable en pratica.

Per ce la reali de esta projetas es tan difisil, e donce, asta oji, sola du linguas vera preparada e capas de vive ia apare? Sur esta nos va parla a su, e en la entretempo nos fa vos persepi sola ce sola du linguas artifisial esiste asta aora, e ce donce si la congresa ta aveni oji, el ta ave per eleje sola du de la linguas artifisial ja esisente. Seguente, la problem de la congresa ta es intera no tan difisil como el ta pote pare a la regarda prima.

Cual de esta du linguas on ta eleje? La congresa no ta esita ance an per un minuto, car la vive se mesma ia solve ja longa esta demanda en la manera la plu nondutada, e volapük es ja sustituida en tota locas par la lingua esperanto. La bonia de esperanto supra volapük es tan colpante grande ce el cade en la oios de cadun, direta de la regarda prima, e no es nonconfesada an de la volapukistes la plu zelos.

Va sufisi si nos dise a vos esta: Volapük ia apare a un tempo cuando la zelo de la popla per la idea nova ia es ancora intera fresca, e esperanto, par difisiles finansial de la autor, ia apare ante la popla a alga anios plu tarda e ia encontra ja enemis preparada a cada loca. La volapukistes ia ave recursos grande per se propaganda, e ia ata usante anunsias la plu vasta, pur american. E la esperantistes ia ata tra tota la tempo cuasi intera sin recursos material, e ia mostra un noncapasia e nondefende enorme en se atas.

E an con tota, de la momento prima de la apare de esperanto, nos vide un monton enorme de volapukistes ci traversa publica a esperanto, e un cuantia ancora plu grande de los ci ia cade a via de la idea de un lingua internasional, consensa ce volapük sta multe plu basa ce esperanto, ma sin desira mostra se como vinseda. En la tempo intera de la esiste de esperanto (13 anios), a no loca sur tota la globo de la tera an no un person ia es trovada – nos repete, an un – ci ta traversa de esperanto a volapük!

An cuando esperanto vive plu e flori e forti constante, an con la difisiles enorme con cual el debe batalia, volapük es ja longa abandonada par cuasi tota persones, e on pote nomi el mor ja de longa.

18

Natural, nos no pote analise asi multe detalios acel cual composa la bonia de esperanto supra volapük. Per esemplo, nos va mostra sola alga puntos:

1) Cuando volapük sona multe savaje e nondelicata, esperanto es plen de armonia e estetica, e recorda par se mesma la lingua italian.

2) An per persones intera noninstruida, esperanto es multe plu fasil ce volapük, ma per instruidas el es vera multe plu fasil, car se parolas – estra alga en un cuantia vera peti – no es acaso inventada, ma prendeda de la linguas romanica-germanica en tal forma ce los es fasil reconoseda par cadun. Donce cada person alga sivilida, ja pos alga oras de aprende, pote leje libre cada spesie de opera en esperanto ja cuasi intera sin disionario.

3) Cuando la usor de volapük debe asoluta repete constante el, car a otra modo el oblida presto el (car la parolas es intera inventada), la usor de esperanto, pos aprende el a un ves, no oblida ja el si el no usa el an per un tempo longa.

4) Esperanto, ja a la comensa, es multe fasil per conversa bocal, an cuando en volapük on debe eserse multe longa e pasiente se orea asta deveni abituada a persepi clar la difere entre la multe parolas cual sona multe simil la un a la otras (per esemplo "bap, pab, pap, päp, pep, pöp, peb, böb, bob, pop, pup, bub, pub, püb, bib, pip, püp" etc, cual deveni ancora plu simil la un a la otras si on prende los en la plural, cual es per dise con s a la fini).

5) En volapük, causada par alga eras fundal en la prinsipes de la construi (per esemplo: on no pote usa vocales a la comensa o fini de un parola, car los es sinias gramatical), cada parola nova cual on nesesa debe es creada par la autor (an tota nomes propre, per esemplo America = Melop, England = Nelij). Esta dona no sola un cuantia enorme de parolas completa nonesesada per aprende, ma fa ce cada paso de developa de la lingua depende sempre de se autor o de alga academia comandante.

A la mesm tempo, en esperanto, causada par la noninflue completa de la gramatica a la disionario, e causada par la regula ce tota parolas "stranjer", cual es ja internasional par se mesmas, es usada sin cambia, egal como en la otra linguas – un monton enorme de parolas deveni no sola intera nonesesada per aprende, ma la lingua reseta la posible de developa eterna, sempre plu e plu, sin depende de la autor o de alga academia.

Parlante sur la bonia de esperanto supra volapük, per esta nos intende a no modo diminui la meritas de la inventor de volapük. La meritas de Schleyer es enorme, e se nom va sta sempre sur la loca la plu onoros en la istoria de la idea de lingua internasional. Nos ia vole sola mostra ce, si un congresa ta aveni oji per eleje un lingua internasional, alora el no ta pote esita, an per un minuto, entre ambos la linguas artifisial aora esistente.

Seguente, nos ia demostra ce, si un congresa ta aveni oji per eleje un lingua internasional, alora, an con la cuantia enorme de linguas esistente, nos ta pote previde ja aora, con sertia e esatia plen, cual spesie de lingua el ta eleje, cual es per dise: de tota linguas esistente, vivente, mor e artifisial, la congresa pote eleje sola unlingua: esperanto.

La composa de la congresa no importa, la situas political no importa, e no es importante par cual consideras, prejudis, gustas, e nongustas la congresa ta gida se. Elno ta pote a cualce modo eleje alga otra lingua estra esperanto, car, per la rol de lingua internasional, esperanto es aora la aspirante unica en tota la mundo, la unica, intera sin competores.

Car, an en un congresa composada a modo la plu povre, persones pensante ta senta an tal en el, e la bonia enorme de la lingua esperanto supra tota otra linguas cade tro forte en la oios de cadun ci ia comensa conose esta lingua a la min a alga grado, donce on pote a no modo suposa ce la congresa va eleje alga otra lingua.Ma si, contra tota espeta, la congresa va es tan siecida ce el va desira alga otra lingua, alora – como nos ia demostra a supra – la vive se mesma va organiza ce la deside de la congresa resta como sola leteras nonvivente, per la tempo asta cuando un congresa nova va asembla e fa un eleje coreta.

19

7

Resta aora a nos la taxe de responde ance a un demanda final, cual es per dise: En la minutopresente, esperanto pare vera es la aspirante unica per un lingua internasional; ma car, suposable, un congresa de representores de renas varios per eleje un lingua internasional no va reali ancora pronto se, cisa pos des e cisa pos sento anios, esce ante acel tempo multe linguas artifisial novava pote vera apare, cual va sta multe plu alta ce esperanto, e donce un delos va debe es elejeda par la congresa? O cisa la congresa se mesma va organiza un comite capas ci va ocupa se en la crea de un lingua artifisial nova?

Al esta nos pote dona la responde seguente. La posible ce un lingua nova va apare par se mesma es multe dutada, e la encarga de la crea de un lingua nova a un comite ta es tan asurda como, per esemplo la encarga a un comite de scrive un bon poesia. Car la crea de un lingua plen, conveninte e capas de vive en tota relatas – cual a multe persones pare un cosa tan fasil e bromin – es en veria un cosa estrema difisil. El esije de un lado un talento e inspira spesial, e de la otra lado un enerjia enorme, un pasientia, e un ama nonfininte ajuntada a la cosa emprendeda.

Nos parolas va stona vera multe persones, car pare a los ce on nesesa sola deside a se ce, per esemplo, un table va es "bam", un seja va es "bim", etc etc, e un lingua va es ja preparada. La crea de un lingua completa, conveninte e capas de vive es intera tal como, per esemplo, la jua a un piano o la traversa de un foresta multe densa.

A un person ci no conose la esense de musica, pare ce no cosa es plu fasil ce jua a un piano – vera, on nesesa sola colpa un tecla e un tono es resetada; on colpa un otra tecla e on reseta un otra tono – on colpa teclas varios en la longia de un ora completa, e on reseta un composada completa… pare ce no cosa es plu fasil. Ma cuando el comensa jua se composada improvisada, tota persones core a via con un rion, e an el se mesma, oiante la sonas savaje cual el ia reseta, va comensa pronto comprende poca ce la taxe no es lisa a cualce modo, ce musica no es composada sola par colpas a teclas – e acel eroe, ci ia senta se ante la piano con un espresa tan autofidante, vantante ce el va jua plu bon ce tota otras, core a via con vergonia e no mostra ja plu se ante la popla.

A un person ci ia es nunca en un foresta grande, pare ce no cosa es plu fasil ce traversa un foresta de un fini a la otra: "Ce es asi la problem? Cada enfante pote serta fa esta. On nesesa sola entra, vade sempre direta a ante, e pos alga oras o pos alga dias on va trova se a la fini oposante de la foresta." Ma apena pos cuando el ia entra alga en la profonda de la foresta, el perde tan se via ce o el pote a no modo rampe a estra la foresta, o el sorti pos un vaga longa ma a asoluta no modo en acel loca do el ia debe sorti.

Es tal ance con un lingua artifisial:emprende la crea de un lingua, dona ja a el un nom a ante, trompi el a la mundo lejente – tota de esta es multe fasil – ma fini felis esta labora es vera no tan fasil. Con un espresa autofidante multe emprende tal labora; ma apena pos cuando los ia vade alga profonda en el, o los reseta un colie caosos de sonas sin tota desinia definida e sin tota merita, o los es presada par tan multe impedis, tan multe esijes mutua contradisente, ce los perde tota pasientia, lansa la labora a via, e no mostra ja plu se ante la popla.

Ce la crea de un lingua conveninte e capas de vive no es un cosa tan fasil como el pare a multe, on pote cisa vide la plu bon esta par la fato seguente: on sabe ce asta la apare de volapük e esperanto ia ave un monton enorme de atentas varios per crea un lingua artifisial internasional. No poca atentas ia apare ance pos la apare de la du linguas notada. En cada istoria de la idea de un lingua internasional on va trova un serie enorme de nomes de esta atentas e se autores. Esta atentas es fada par persones privata, egal como par sosias intera. Los ia engoli un monton enorme de laboras e alga de los ia engoli ance un monton grande de capital. E an tal, de esta cuantia enorme intera, sola du, vera sola du ia ateni reali e ia trova aderores e la usa pratical! Ma ance esta du ia apare sola acaso, car un de la autores no ia sabe ce la labora de la otra esiste.

La autor de la lingua esperanto, ci ia dedica se vive intera a se idea, comensante de se enfantia la plu joven, ci ia adulti con esta idea e ia es preparada per sacrifia tota a el, el se mesma confesa ce se enerjia ia es suportada sola par la consensia ce el crea un cosa tal como ia esiste nunca a ante, e ce la difisiles cual el ia encontra en la dura de se laboras ia es tan grande e ia esije tan multe pasientia ce, si volapük ta apare ja a un punto plu temprana par 5–6 anios, cuando esperanto no ia es ancora finida, el (la autor de esperanto) ta perde serta la pasientia e ta

20

refusa plu labora sur se lingua, an si el ia es vera clar consensa ce se lingua es enorme plu bon ce volapük.

Vos va comprende par tota diseda a supra ce aora, cuando la mundo intera sabe ce du linguas artifisial intera completa ia esiste ja longa, es multe dutable ce on va trova algun ci ta emprende aora de la comensa un labora de Sisifo simil, e ta ave enerjia sufisinte per gida el a un fini felis – an plu car el no ta es stimulada par la espera de dona un cosa plu bon ce acel cual esiste ja.

Cuanto poca espera un tal emprendor ta ave, on vide la plu bon esta en acel multe probas e projetas cual ia apare pos esperanto. An si la autores ia ave ante se un model ja intera preparada, seguente cual los ia pote labora, no sola zero de esta probas ia sorti de la area de projetas, ma an de esta projetas se mesmas on vide clar ce, si se autores ta ave la pasientia e potia per gida los a un fini, esta laboras ta presenta se a modo no plu bon, ma, par contrasta, multe min bon ce esperanto.

En cuando esperanto sasia eselentetota esijes cual on pote fa a un lingua internasional (fasilia estracomun, esatia, ricia, naturalia, capasia de vive, curvablia, belia de sona, etc), cada de esta projetas atenta boni un lado de la lingua, e los sacrifia per esta tota otralados, contra vole.

Tal, per esemplo, multe de la projetores la plu resente usa la truco seguente: Sabente ce la popla va judi cada projeta par conforma a la manera en cual la linguistes instruida va relata a el, los no cura ce se projeta conveni real per cualce cosa en pratica, ma sola ce el fa un bon impresa a la linguistes en la minuto prima. Per esta, los prende se parolas cuasi intera sin cualce cambia de la linguas natural ja esistente la plu importante.

Pos reseta un frase scriveda en un tal lingua projetada, la linguistes nota ce a la ves prima los ia comprende multe plu fasil esta frase ce en esperanto – e la projetores condui ja como vinsores e anunsia ce se "lingua" (si los va fini el a alga tempo) va es plu bon ce esperanto.

Ma cada person pratical es direta convinseda ce esta es sola un ilude, ce on ia sacrifia asi a la prinsipenonimportante, esposada per mostra e atrae, la prinsipes la plu importante(como per esemplo la fasilia de lingua per la noninstruidas, la curvablia, la ricia, la esatia, etc), e ce, si un lingua simil ta es an finida a alga tempo, el ta dona asoluta no cosa en la fini! Car, si la merita la plu importante de un lingua internasional ta es trovada en la fato ce el ta es direta comprendeda, tan fasil como posible, par la linguistesinstruida, vera nos ta pote prende simple cualce lingua per esta, per esemplo la lingua latina, tota sin cualce cambias – e la linguistes instruida va comprende el ancora plu fasil a la ves prima!

La prinsipe de cambia la parolas natural a modo tan peti como posible es no sola bon conoseda a la autor de la lingua esperanto, ma la projetores ia prende vera esta prinsipe de el. Ma si esperanto sasia pratical esta prinsipepar mesura de posiblia, laborante la plu atendos per no ofende contra otra prinsipes plu importante de un lingua internasional, la projetores dirije tota se atende a sola esta prinsipe, e los dona tota otra cosas, noncomparable plu importante, a sacrifia, car los no pote – e no ave an la desira per – combina e acorda mutua prinsipesvarios, car los, an se mesmas, no espera dona alga cosa preparada e conveninte, ma los vole sola fa un efeto.

Vos vide par tota diseda a supra ce no ave an un razona la plu peti per teme ce cualce lingua nova ta apare cual ta puia a via esperanto – acel lingua en cual tan multe talento es poneda, tan multe sacrifias e tan multe anios de labora pasiente e zelos ajuntada, la lingua cual en la longia de multe anios es ja probada en tota relatas e reali tan bon en la pratica tota de acel cual nos pote espeta de un lingua internasional.

Ma por vos, escutores respetada, esta no sufisi. Vos desira ce nos dona a vos un sertia lojical plen e sin duta ce la lingua esperanto no va ave competentes. Felis nos trova nos en un tal situa ce nos pote dona a vos esta sertia plen.

Si la esense intera de un lingua artifisial ta es trovada en se gramatica, alora de la momento de la apare de volapük la demanda de un lingua internasional ta es solveda per sempre, e cualce competentes a la lingua volapük no ta pote apare ja, car, an con eras varios, la gramatica de volapük es tan fasil e tan simple ce dona un cosa multe plu fasil e plu simple on no pote ja.

Un lingua nova ta pote difere de volapük sola en alga detalias pico, e cadun comprende ce nun ta emprende la crea de un lingua nova per detalias pico, e la mundo no ta refusa la lingua ja intera preparada e probada par causa de detalias pico. En un situa estrema, la academia o

21

congresa futur ta fa en la gramatica volapük acel cambias peti cual ta pare usos, e volapük ta resta sin duta un lingua internasional, e cada compete ta es escluida per sempre.

Ma un lingua es composada no sola par un gramatica, ma ance par unvocabulo, e la aprende de la vocabulo esije un tempo a sento veses plu longa ce la aprende de la gramatica. En la entretempo, volapük ia solve sola la demanda de la gramatica, e el ia lasa la vocabulo como intera nonatendeda, simple donante un colie completa de parolas inventada varios cual cada autor nova ta ave la direto de imajina per se, seguente se desira propre. Per esta razona, ja en la comensa se mesma de la esiste de volapük, an la volapukistes la plu zelos ia teme natural ce un lingua nova va apare doman, a no modo simil a volapük, e la batalia ia comensa entre la du linguas.

Con esperanto la cosa es intera diferente. On sabe – e no rexercor nega esta an per un minuto – ce esperanto ia solve no sola la demanda de la gramatica, ma ance la demanda de la vocabulo, seguente no un parte peti de la problem, ma la problemintera. Donce, en un tal situa, ce taxe ta resta per la autor de cualce lingua nova si un tal ta apare a alga tempo? No cosa ta resta ja a el ultra… descovre la America ja descovreda!

Vera, nos ta imajina a nos ce aora, an con la lingua esperanto ja esistente, eselente en tota relatas, probada a cada lado, avente ja un monton de aderores e un leteratur vasta, an tal un person ia apare ci ia deside dedica un serie intera de anios a la crea de un lingua nova, ce el ia susede gida se labora asta la fini e ce la lingua proposada par el mostra se como vera plu bon ce esperanto – donce nos ta regarda cual vista esta lingua ta ave.

Si la gramatica de la lingua esperanto, cual dona la posiblia plen de espresa tota sutiles de la pensa umana en la manera la plu esata, es composada intera de 16 regulas peti e pote es aprendeda en un dui de un ora – alora ce plu bon la autor nova ta pote dona? En un situa estrema, el ta dona cisa 15 regulas en loca de 16, e en loca de 30 minutos de labora el ta esije 25 minutos? Esce no?

Ma, par esta razona, esce algun va desira crea un lingua nova, e esce la mundo va refusa par esta detalia pico acel lingua ja esistente e probada a cada lado? Sin duta, no. En un situa estrema la mundo va dise: "Si alga detalia pico en tu gramatica es plu bon ce en esperanto, nos va introdui esta detalia pico en esperanto e la cosa va es finida."

De cual spesie la vocabulo de esta lingua va es? A la tempo presente, no rexercor duta ja ce la vocabulo de un lingua internasional no pote es composada par parolas acaso inventada, ma debe serta es composada par parolas romanica-germanica en se forma la plu comun usada. Esta no es afin – como multe projetores plu resente opina – la linguistes instruida pote comprende direta un testo scriveda en esta lingua (en un cosa como un lingua internasional, la linguistes instruida ave la rol final, car vera per los un tal lingua es la min nesesada), ma per otra razonas plu importante.

Tal, per esemplo, ave un cuantia enorme de parolas conoseda como "stranjer", cual es egal usada en tota linguas e es conoseda a tota persones sin aprende, e de cual la nonusa ta es un asurda direta. Tota otra parolas de la vocabulo debe sona armonios con estas, car, si no, la lingua ta es savaje, a cada paso ta ave un junta de elementos presada, noncomprendes, e la rici constante normal de la lingua ta es difisilida. Ave ance otra razonas varios per cual la vocabulo debe es composada sola de tal parolas e no de otras, ma sur esta razonas, car los es tro spesial, nos no va parla detalios asi. Va sufisi si nos dise sola ce tota rexercores la plu resente aseta ce esta lege per la vocabulo permete ja no duta.

E car la lingua esperanto ia gida se per esata esta lege, e car su esta lege un acasia grande en la eleje de parolas no pote esiste, la demanda resta: ce un autor de un lingua nova ta pote dona a nos, si un tal ta es creada? Es vera ce a acel o un otra parola on ta pote dona un forma plu conveninte – ma vera poca tal parolas esiste. On vide la plu bon esta par la fato ce, sempre cual on prende de la multe projetas cual ia apare pos esperanto, on va trova en cada de los minima 60% de parolas cual ave intera la mesma forma como en esperanto.

E si vos va ajunta ancora a esta la fato ce la 40% restante de parolas difere de la forma esperanto ance xef sola car la autores de acel projetas o no ia dona atende a prinsipes varios cual es estrema importante per un lingua internasional, o ia cambia simple la parolas sin cualce nesesa – vos va veni fasil a la conclui ce la cuantia real de parolas a cual on ta pote dona un forma plu oportuna en loca de la forma esperanto presenta no plu ce cisa 10%.

22

Ma si en la gramatica esperanto on pote cambia cuasi no cosa, e en la vocabulo on ta pote cambia sola cisa 10% de parolas, alora ave la demanda: ce la lingua nova ta presenta par se, si el ia es creada a alga tempo e si el ta pare como un lingua vera conveninte en tota relatas? Esta no ta es un lingua nova, ma sola un lingua esperanto alga cambiada! Seguente, tota la demanda sur la futur de la lingua internasional gida sola a la demanda si on va aseta esperanto sin cambia en se forma presente, o on va fa alga cambias en el a alga tempo!

Ma esta demanda ave ja no sinifia per la esperantistes. Los protesta sola si persones individua vole cambia esperanto seguente se preferis. Ma si a alga tempo un congresa o academia autorios va deside fa tal o otra cambias en la lingua, la esperantistes va aseta esta con plaser e va perde no cosa par esta. Los no va nesesa alora aprende de la comensa alga lingua nova difisil, ma los va nesesa sola sacrifia un o alga dias per la aprende de acel cambias cual es fada en la lingua, e la cosa va es finida.

La esperantistes reclama a no modo ce se lingua presenta un cosa tanperfeta ce no cosa plu alta ta pote ja esiste.

Par contrasta: cuando un congresa autorios va reali, de cual on sabe ce se deside va ave fortia per la mundo, la esperantistes se mesmas va proposa a el la defini de un comite ci ta ocupa se en un esplora tra la lingua e ta fa en el tota bonis usos, an si per esta on ta debe cambia la lingua asta un nonreconosablia plen. Ma car ave no posible de previde si esta labora de la comite va susede intera, si el no va dura per un serie de anios nonfininte, si el va es gidada a un fini felis en acorda, e si la labora finida va pare plen conveninte en la pratica, donce natural ta es un ata multe nonsaja e nonpardonable par la comite si, par causa de la futur problemos, el ta refusa la fatos presente, finida e probada en tota relatas.

Donce, an si la congresa ta veni a la conclui ce esperanto no es bon, el ta pote deside sola la seguente: asetaper la entretempo la lingua esperanto en se forma presente, e, paralel con esta, defini un comite ci ta ocupa se en la perfeti de esta lingua o en la crea de alga lingua nova plu ideal. E sola alora, cuando con la tempo ta apare ce la laboras de la comite ia es felis gidada a un fini e ia mostra se como intera conveninte pos multe probas, sola alora on ta pote anunsia ce on desprende la forma presente de la lingua internasional e ce la forma nova entra en la vive en se loca.

Cada person pratical va acorda ce la congresa pote ata sola tal e a no otra modo. Seguente, si nos suposa an ce la lingua final de la jeneras futur no va es esperanto, ma alga otra lingua cual es ancora no desiniada, en cada aveni la via a acel lingua debe gida serta traesperanto.

Donce, resomante tota cual nos ia dise de la comensa asta la minuto presente, nos dirije vos atende a la fato ce nos ia veni a la concluis seguente:

1. La introdui de un lingua internasional ta trae un benefica enorme a la umanas.2. La introdui de un lingua internasional es plen posible.3. La introdui de un lingua internasional va reali serta e sin duta, a un tempo o un otra,

sempre cuanto la persones costumal ta batalia contra esta.4. On va eleje nunca alga otra lingua per es internasional estra un artifisial.

5. On va eleje nunca alga otra lingua per es internasional estra esperanto. O on va lasa el en se forma presente per sempre, o an va fa alga cambias en el a pos.

23

8

E aora lasa nos regarda la cosas cual segue de acel ce nos ia dise a supra.Prima, segue ce la esperantistes es a no modo tal fantasiores como los pare a multe persones

conoseda como "saja" e "pratical" ci judi tota a modo surfasal e sin considera lojical, e ci mesura tota par la mesurador de la moda. Los batalia per un idea cual ave no sola un importa enorme per la umanas, ma cual ave en ajunta en se no cosa fantasial e cual debe reali e va reali serta a un tempo o un otra, sempre cuanto la inertes ta batalia contra el, sempre cuanto la sajas ta broma sur el. Como es sin duta ce pos la note la matina veni, es egal sin duta ce, pos un batalia corta o longa, esperanto va es introduida en usa comun per la comunicas internasional a un tempo o un otra.

Nos confirma corajos esta no sola car nos desira el, car nos espera el, ma car la concluis de la lojica simple dise ce debe es tal e ce no pote es a otra modo. Cisa per un tempo longa la esperantistes va debe ancora batalia, cisa per un tempo longa cada enfante vagante va lansa petras, mugre e bromas nonsaja a los, ma acel cual debe veni va veni a un tempo o un otra.

Cisa la inisiores de la idea esperanto no va vive asta acel tempo cuando la frutas de se atas va deveni vidable, cisa los va vade a la tomba con la nom desrespetada de persones ci ia ocupa se con cosas enfantin, ma a un tempo o un otra, en loca de la calix amarga cual los bevi de la manos de se contemporas, la desendentes va construi monumentos a los e va vosi se nomes con grasia la plu grande. Cisa los va pare ancora longa debil a la mundo, cisa a multe veses se idea va pare ancora a la mundo an como mor e enterada per sempre – ma esta idea va mori ja nunca car el pote ja nunca mori.

La idea va vive e va fa on recorda constante el. Pos cada tempo silente nova, an si el ta dura per un desuple de anios, un reforti nova va apare. Cuando alga bataliores deveni fatigada, bataliores enerjios nova va apare a un tempo o un otra, e a esta modo la idea va vade tan longa asta cuando final el va ateni plen se gol. Donce no despera, esperantistes, si persones nonsaja comenta ironios a vos ce vos es ancora vera poca; no perde la coraje si vos idea vade lenta. La idea es fundada no en rapidia, ma en sertia. Multe ideas nondirijeda ia brilia rapida ante la mundo, ma ia cade ance rapida. Un idea bon e serta progresa comun lenta e con impedis grande.

A la sinco concluis mostrada a supra nos dirije spesial la atende de acel esperantistes ci batalianonconsensa per se idea e donce sta sin defende ante un comenta la plu peti de la oposores e no sabe como responde, o perde la coraje. Tota esta concluis presenta un produida de lalojica simple e sever.

Donce, si on dise a vos "la mundo no desira vos lingua", responde corajos: "Egal si la mundo desira o no desira, el va debe aseta el a un tempo o un otra, car no pote ave un otra resulta." Cuando vos oia "On dise ce un lingua nova ia apare, on dise ce esta o acel sosia o congresa instruida desira eleje esta o acel lingua o crea un lingua nova", responde corajos: "Tota esta rumores o emprendes es fundada sur un noncomprende la plu asoluta de la esense e istoria de la idea de la lingua internasional. Tal probas, no sola par persones privata, ma ance par sosias intera, ia repete ja se a multe veses e ia fini e ia debe fini a cada ves en un fiasco la plu completa. La lingua internasional pote es sola esperanto, car a no modo poteave un otra resulta par la leges de lojica e par la esense de la idea."

Si on dise a vos "Esta o acel esperantiste o sosia esperantiste ia fa un paso falsa en zelo tro grande ma nonpratical, e en acel modo ia burla o desonora vos idea intera", responde alora: "La idea esperanto depende de no person e de no sosia, e no person pote ave cualce influe a se fortuna par se pasos falsa privdada. An la autor de esperanto se mesma es aora asoluta sin influe a esperanto, car esperanto ia deveni longa un cosa pur publica.

La cosa du cual segue de tota cual nos ia dise a supra es la seguente: Si la eleje de un lingua internasional ta depende de alga congresa de representores de renas varios, nos ta debe longa, multe longa, espeta esta, suposable, e nun de nos ta pote fa cualce cosa per esta. Ma si, como nos ia vide a supra, on pote ja aora previde con sertia e esatia plen a cuallingua la fortuna ia asinia la deveni internasional a alga tempo, alora la situa cambia.

Ja aora, nos no nesesa espeta congresas: la gol es intera clar, e cadun pote tira se a el. Sin la nesesa regarda sempre la cosas cual otras dise o fa, cadun pote trae se petra per la construi cresente. No petra va es perdeda. No laboror depende asi de la otra, cadun pote ata a modo

24

individua, en se sfera, seguente se fortes, e si ave plu laborores, donce la construi grande va es plu rapida finida. Spesial, nos dirije nos a sosias e congresas siensal varios.Sin regarda la cosas cual otras fa, sin espeta ce otras saisi la posiblia de inisia, cada sosia o congresa ta deside individua alga cosa cual ta prosimi la gol grande e comun umana par minima un paso.

25