Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWS Agency : KIM JOEBooking : 9th. June ., 2017 to 9th. July., 2017delivery :26-10-2017 (tHU) Time :9AM-tillstockStock :306 (19 kg. & 5 kg available)

GAS NEWS Agency : SASBooking :23rd. May., 2017 to 23rd. June, 2017delivery :26-10-2017 (tHU) Time : 9AM till stock laststOCK : 252/-rate:Rs. 749/-

HmasawnnaTharVol-33/24 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

changer (october) 26, 2017 ningani (thursday)

NEWS TOMkiMcHANcHIN LAKTAWI

RADIANT E L E C T R I C A L S

Lighthouse LaneTiddim Road, Churachandpur

Electric hmangruo chikim, company hran hran kutsuok

(multi brand) kan nei, mi hung pan ro

Discount khawm kan pek thei.

# 8413801371

Ec in Gujarat Assembly Election Phase 2 in Dec. 9 le 14 haia nei dingin a puongnew delhi: Elec-tion Commission (EC) chun Uttar Pradesh As-sembly seats 182 um haia inthlangna (Election) chu phase hni-in December 9, 2017 le December 14, 2017 haia nei dingin October 25, 2017 khan a puong. November 9, 2017 nia phase khata Himachal Pradesh Assembly Elec-tion nei ding le Gujarat As-sembly Election result hi a ruolin December 18, 2017 a tiem le puong ning a tih. Gujarat Assembly Elec-tion phase khatnaa hin District 19 haia Assembly Constituencies haiah inth-langna nei ning a ta, first phase-a dinga Election No-tification chu November

14, 2017 in insuo ning a ta, nomination November 21, 2017 chen file thei le inhnukdawk nuom han No-vember 24, 2017 chen inh-nukdawk thei an tih. First phase a hin voters 2.11 vel an um. Second Phase a chun District 14 haia Assembly Constituencies 93 haiah in-thlangna nei ning a tih. Hi taka dinga Election notifi-

cation chu November 20, 2017 khin insuo ning a ta, scrutiny Nov. 22, 2017 in nei ning a ta, inhnukdawk nuom han November 30, 2017 chen inhnukdawk thei an tih. Second phase-a hin voters 2.21 crore an um. Election nei hun ding puong a nita le inzawm hin Model Code of Conduct hmang \an nghal a nih. Chief Election Com-

missioner A.K. Joti chun, Gujarat Assembly fe mek hi Jan. 22, 2018 a tawp ding a ni thu le Assembly Constituencies 182 haiah voters 4.33 crores an um a, polling stations 44,579 um hlak chu 50,128 a sukpung a ni a, nuhmei chauin an enkawl/enkai Polling sta-tions 102 hawng a ni ding thu a hril. Gujarat Assembly Elec-tion a hin critical polling booth haiah voters hai se-crecy bawise si loin CCTV cameras hmang ning a ta, Vote thlaknaa hin Electron-ic Voting Machines (EVM) le Voter-Verified Paper Trail Audit (VVPAT) ma-chines hai hmang ning a tih.

DI Tipaimukh in training \hang

seng dinginccPur: October 30, 2017- November 3, 2017 inkar sung Tipaimukh Block sunga teachers hai ta dingin DRDA/BRGF Hall, Parbung-ah ni 5 sung aw ding Refresher in service Teachers training um a tih. Hi le inzawm hin Lal-hmasawn, Deputy Inspec-tor of School, Tipaimukh Block, Pherzawl District chun Teacher hai train-ing-ah kim taka \hang seng dingin an hriettir.

DFWO charge an hlanccPur: Dr Vumchinpau Tonsing in Medical Super-intendent, District Hospital charge a lak ta le inzawmin a sin lo chel hmasa District Family Welfare Officer (DFWO) dinga ruot thar Dr Jamthianlal kuomah zani 11AM khan DFWO charge an hlan. October 17, 2017 nia Under Secretary, Health & FW in transfer and post-

ing order an suo dungzuiin Medical Superintendent, Dist. Hospital Dr J. Son-gokham Samte chu CMO Imphal East ah Senior spe-cialist dinga sawn le Dr Vumchinpau chu Medical Superintendent, Dist. Hos-pital dinga ruot a ni a, hi le inzawm hin tuta hma met khan Dr Vumchinpau hin Medical Superintendent sin a lo chel ta a nih.

Regional work-shop New Delhi-

ah nei dingccPur: October 26 le 27, 2017 hai khin JNU, New Delhi huoihawtnain JNU Convention Centre, New Delhi hmunah Two Day Regional Workshop on “Disasters and Community Resilience in the Northeast-ern States” nei ning a tih. Workshop hi Mos for Home Kiren Rijiju in khuolliena \hangin hawng a ta, Northeast a inthawk NGO/CBO, social worker le activist tam tak \hang an tih. Hi huna hin CT Lian, MDC khawm zu \hang a tih.

Elementary Teachers trainingccPur: October 26, 2017, 10:00AM hin SSA/RTE Tipaimukh Block hmalaknain Buonzawl, HSA Campus, Rengkai road-ah ‘One Day Capac-ity Building of elementary teachers on learning out-come SSA/RTE Tipaimukh Block training um a tih. Training hi Lalh-

minglien, ZEO, Pherzawl District in hawng a ta, Training hunah Gospel Laltanthang le Lokee hai resource person in \hang an ta, Lalhminglien, ZEO in CE Social Science & EVS ti thupui hmangin training pe bawk a ta, subject tinah presentation le discussion um bawk a tih.

YPA N. Lamka Block meet

ccPur: November 1-4, 2017 inkar sung khin YPA New Lamka Block chun Block meet hmang an ta, No-vember 1, 2017, 5AM khin Marathon nei an tih. Mara-thon hi Langkhanpau Guite, Adviser, YPA N. Lamka Block in flag-off a tih.

MPCC in Parliamentary Secretar-ies 12 hai disqualify dingin an ngen

imPhal: Zanikhan Ma-nipur Pradesh Congress Committee (MPCC) chun an President T.N. Haokip inrawinain Manipur Gov-ernor Dr Najma Heptulla chu Raj Bhavan, Imphal-an an van hmupui a, Mani-pur Sawrkara Parliamen-tary Secretaries 12 hai chu disqualify dingin hnina lekha an pek. Governor chun an thil ngen hi lo bawzui ka tih tiin MPCC \huoituhai chu a lo hril. Hi zova Congress Bha-van, B.T. Road, Imphal hmuna MPCC President, T.N. Haokip in chanchin-bumihai an hmupuina a chun, Office of Profit neia

sin chel Parliamentary Secretary-hai chu Ma-nipur Governor in India Constitution article 192 hnuoiah a disqualify thei. July 26, 2017 khan Su-preme Court of India chun Parliamentary Secretary ruot hi dan kal a nih tiin a lo rel ta a nih. Hi dung-zui hin Mizoram Sawrkar chun Parliamentary Sec-retaries 7 hai chu a ban a, suma ham\hatna an lo dawng ta sa hai khawm an ni ruottu Chief Secretary kuomah pekkir dinga ti an nih. Manipur a Parliamen-tary Secretaries 12 um hai laia 7 hai an inban ta

a, tuhin MLAs 5 hai chun Office of Profit neiin Par-liamentary Secretary an la chelzing a nih. An leh MLAs 12 hai hin Parlia-mentary Secretary sin an la chelzing ding a ni or India danpui article 192 hnuoiah disqualify an ni ding tiin T.N. Haokip chun indawnna a siem. Kum 2004 khan AICC President Sonia Gandhi le Uttar Pradesh MP Jaya Bachan hai khawm Office of Profit neia sin an chel leiin an inban a, chu hnun-gah election-ah an ngir nawk a, MP an hung nawk el a nih tiin T.N. Haokip chun a hril bawk.

KNF-N Cadre 1 silai leh manimPhal: October 24, 2017 zingkar inhma tak dar 2:30 vel khan Imphal East Po-lice Commando han Kang-pokpi District a Saichang Village-ah dappui an thaw a, Kuki National Front-Nehlun

(KNF-N) a Self Style Ser-geant Satkithang Kipgen @ Ranking (31) S/o (L) Khai-lam Kipgen of Saichang Vil-lage chu a chengna In sungah 9mm Pistol pakhat, Govt. of Kukiland (KNF-N) inziekna,

magazine 1, a mu 5 le Ladies Carbine 1, S. Carbine inziek (L-30) MI quality pakhat leh an man a, Yairipok Police Station-ah an peklut niin Kabib K, SP, Imphal East District chun a hril.

ECI National Quiz 2017-18ccPur: Elections le elec-toral process le inzawmin November & December, 2017 sung khin “ECI Na-tional Quiz- 2017-18” nei ning a tih. First round (Intra School round) chu Nov. 1-10, 2017 inkar sung School, Hr. Sec. School le College tin han huoihawt an ta, Second round (District round) chu Nov. 11-17 inkar sung khin District Election Officer (DEO), Ccpur in huoihawt a ta, Third round (State round)

chu Nov. 20-25, 2017 inkar sungin Chief Electoral Of-ficer (CEO), Manipur in huoihawt a ta, Fourth round (Semi Finals) le Fifth round (Grand Finale) chu Decem-ber 11-17, 2017 inkar sun-gin Election Commission of India (ECI), New Delhi in huoihawt a tih. School/Hr. Sec. Schools/College hai chu School Winners list 11-11-2017 chenah DC/DEO, Ccpur kuoma pelut dinga inhriettir an nih.

PAP nei lo China khuolzinmi 1 manimPhal: Zani zingkar dar 9:50 vel khan Tuilihal Air-port, Imphal-ah CID Spe-cial Branch han Ministry of Home Affairs a inthaw-ka Protected Area Permit (PAP) nei lo, China khuol-

zinmi pakhat Liu Peng (34) chu an man a, Singjamei Police Station-ah an pe-klut. Liu Peng hi October 22, 2017 a Imphal hungt-lung, Indigo flight a Imphal to Mumbai via Kolkata

pan tum a nih. PAP hi NE bielah kum 5 sung hmang lo dinga hlip le inthlazal a ni a, sienkhawm China, Af-ghanistan le Pakistan mihai ta ding chun PAP hi hlip sa lo nia hril a nih.

MU Hostel thar hawng ding \hulimPhal: Manipur Uni-versity, Canchipur a Hostel pangana ding Boys Hostel bawl thara um chu zan-ikhan hawng dinga ti a ni a. Amiruokchu, hi hostel thar hming dinga Netaji Subash Chandra Bose Hostel tia inbuk chu DESAM paw-lin dit lova an dodal leiin hi Hostel thar hawng ding hi \hul hri a nih. Zanikhan VC rawiin hi thuah hin meeting nei a ni a, Hostel thar hming dingin “Kheba Ching Boy’s Hostel” tia ko dingin an rel niin ei thu dawngna chun a hril.

MGSF in Mass Casual leave an lakimPhal: Manipur Gov-ernment Services’ Fed-eration (MGSF) chun 7th Central Pay ngennain zan-ikhan mass casual leave an lak leiin Old Secretariat, Imphal-ah chun sin a fe mumal thei nawh. Hi nuorna le inzawm

hin zanikhan Old Secre-tariat, Imphal tuolah Po-lice han Sawrkar thawktu 5 an man. An thil ngen hi sukpuitling ning a tih tia sawrkarin ziek ngeia thut-iem a pek naw chun Nov. 2, 2017 a inthawk hun tiemchin um lova an sin

thaw chawlsana nuorna an nei \an ding niin N. Kuljit Singh, Secretary, MGSF chun a hril. Hi nuorna hi AMTUC le AMGEO hnuoia JAC le CM chun vawisun hin 7th Pay thuah hin inbiekna an nei ding nia hril a nih.

ATSUM in an dem thu an puong

imPhal: Student pakhat \huoihmang a nina le inza-wma zani 1:30 PM vela Manipur Police han Ad-imjati Complex, Imphal a ATSUM Office dap an tum chu ATSUM pawlin \ha an tinaw le hi thil hi nasa taka an dem thu zanikhan AT-SUM chun an puong.

A hran ve vein an biekpui

ccPur: October 24, 2017 khan India Sawrkar palai (Interlocutor) Deneshwar Sharma chun New Delhi-ah UPF le KNO palaihai chu a hran ve vein an biekpui niin ei thu dawngna chun a hril.

India le US Chu Inruol\ha An Nih, US-in Hung |hangpui Pei A Tih: Rex Tillerson

new delhi: Tulai khawvêl buoi nuoi nuoi kârah helpâwlhai le China hung lien pei lo dang-puitu dingin Pakistan nêkin India sukhrât chu US ta dingin a \ha ti US sawrkârin a hriet leiin South Asia biela vênghimna le econom-ic inlaichinna sukhrât dingin a vawikhatna dingin US Secretary of State Rex Tillerson chu October 25 khan New Delhi a hung tlung a. In-dia le US chu inruol\ha sa (natural allies) an nih tiin a hril. Rex Tillerson hi Pakistan a sir zo hnunga hung inzin a nih a. Paki-stan hming sam chie lovin helpâwl \hangpui hlak rambung chu ngaisam mei mei nih naw nih tiin Pakistan-in helpâwl dona kawnga a thaw tâwk naw thu a hril. External Affairs minister Ms Sushma Swaraj-in a lo hmuoka, a ruola press conference an pêkna chun, Ms Swaraj chun, India le US chun a biela remna le muongna a um theina ding le rambung pahni-hai inlaichinna kawng hran hrana sukhrât nawk zuol dan dinghai hriltlang a ni thu a hril a. Khawvêl him lema a um theina ding lampui-hai khawm an hriltlang bawk. Ms Swaraj chun Rex direct-a Pakistan tinzawnin, “President Trump-in helpâwl a dona (ter-rorism policy) chu Pakistan-in helpâwlhai a do tak tak phât le chauh hlâwtling a tih” tiin Pakistan le US nekna deuvin a hril.

Indian hai US lûtna din-ga pawimawtak Visa, Trump sawrkârin khir taka a rekbet le dang tum tlat H1-B Visa chungchâng thu khawm an hriltlâng niin a hril. H1-B US Visa hi India mihai lut tamna tak a ni leiin Trump sawrkârin a suktlâwm/sukkhir hin harsatna an tlun thei ding niin a hril pek. US-in helpâwl dona kawnga a thlawp Afghanistan thua khawm, India chun Afghanistan thlawp pei a tum le December ah inbiekna nei a ni ding thu khawm a hril bawk a. US le inlaichinna siem\hat a ni mek laiin a ruol hlui Iran le North Korea hai economic, trade & com-merce thilah a tosan sawng el thei bîk naw thu khawm Ms Swaraj hin a hril pêk sa bawk. Rex Tillreson hin Prime Minis-ter Mr Narendra Modi khawm an hmupui a. US le India inlaichinna,

abîkin economic le security tieng sukhrât a \ul thu, helpâwl dona kawnga \hangruol a pawimaw zie hai an hriltlang. Rex Tillerson chun a hung inzinna chun Asia ah geostrategic inzawmna (security) \hatak a siem ding leiin a pawimaw thu a hril a. Abîkin, China hung lien pei le khawvela a thu a lien deu deu dan-gna ding chun India le \hangruol a \ul thu hrilin, China chu direct-a sawisêl lovin India mit ruok chu hawng peka inhmutir a tum a nih. Tillerson chun India a hung hma daih khan, “India-in ei ram himna ding le in\hanglienna ding le inzawmin international dan ang ta-kin framework hnuoia umin sin le a mawphurna a hlen laiin China chun an \hanglienna ding a ni phawt chun international rules bawsiea thil thaw khawm pawi a ti nawh”

tiin China nêkin India inruol\hatpui a pawimaw thu Washington-a Cen-tre for Strategic and International Studies a lo hril dai ta a. Chu a thu le inzawm peia ‘ruol\ha siem’ dinga South Asia hung inzin a nih. China hung lien pei bâkah helpâwlhai dona kawnga India le \hangruol dan ding lampui zawnga hung inzin a ni tak. External Affairs minister le an inbiekna ah Tillerson chun, helpâwl dona kawnga a hrât nawk zuol theina dingin US-in India chu râlthuom a pawimaw ang ang a \hangpui ding thu a hril a. A sûngthu taka chu râlthuom \haa inthuoma a \ul chun China dangpui tu dinga a dit lei a nih. “US chun India in\hang mêk chu \hangpui pei a nuom a. Asia biela remna le muongna a um theina dinga hmalâkna kawngah hrât nâwk zuola thu a nei theina dingin \hangpui a nuom a nih” tiin tlang takin a hril. Rex Tillerson chun, “Helpâwl chu tu tu ta ding khawmin \ium an ni vawng, Pakistan ta ding khaw-min. Pakistan khawm ka hril. Paki-stan sawrkâr himna khawm kan ngai pawimaw tho. Chuleiin, India le Afghanistan dodâl zâwnga che helpâwlhai do dingin kan hril hlak. Helpâwl humtu chu ngaisam mei mei tah nawng kan tih” tiin a lak thutak thu a hril. Rex Tillerson chu Prime Minis-ter le inbiek zovin Ningani hin US tieng panin vuong suok nâwk a tih.

Free Coaching camp zo; student hai inthlasuokccPur: Leimakhong huna Indian Army lakna ding le inzawma Physical fitness test a fethleng writ-ten exam hmasuon ding hai ta dinga Khuga Dam a um 6th Light Infantry pawlin October 25, 2017 a inthawk Free Coaching Camp an huoihawt chu zo a nita a, hi le inzawm hin coaching-a \hang student hai inthlasuok an nitah. Coaching zo a ni le inza-wm hin student hai writ-ten exam-a an hlawtling seng ding ditsaknain Puja neipui an ni a, hi huna hin Athul, Second-in-

Command chun infuina thu hrilin written exam-ah hlawtlingna chang seng ding le Uniform angkhat hak seng dingin coaching-a \hang hai ditsakna an hlan tawl. Hmatieng peiah a \ul le pawimaw anga \hangpui

dinga inpeisa a ni thu a hril bawk. Hun hmang zo hin thingpui dawntlangna an nei bawk. Written exam hi Oct. 29, 2018 in Bhagat Sta-dium, Rangabar, Dimapur, Nagaland-a nei ding a nih.

Hill district badminton khel dingin an suok

ccPur: Churachandpur District Badminton Asso-ciation (CDBA) team khat chu Manipur Hill District Badminton Tournament-a \hang dingin October 25, 2017 khan an suok. CDBA tam hi Rev. E. Paukhanlian, Divisional Su-perintendent, Lamka South Division, EBC in Commu-nity Hall-ah \awng\aipekna

a nei a, Thienlaljoy Gang-te, AC to DC, Churachand-pur in a vailiem. CDBA team hi Bus pakhata chuong an ni a, an rengin mi 48 an ni a. Hi lai hin Under 13, Under 17, Under 19, Under 35, Under 40, Under 45, Under 50, Under 55, Under 60 bakah Mixed double khel ding hai an \hang.

C-DAC hawng, training \an

ccPur: Department of Electronics and Information Technology, Ministry of Com-munication and Information Technology, Government of India hnuoia Manipur-a a

hmasa tak ding Centre for Development of Computing (C-DAC) in e-Saadhya chu The Malsawm Initiative, MARC Pearson-mun-ah hawng a nitah. Hawng a ni le inzawm hin TMI staff 4 le Cherry Blossoms, Nagaland a inthawk Staff 2 le SSA a inthawk staff pakhat han training an nei. Training a hin Dr NS Sreekanth inrawinain C-DAC a inthawk mi 6 in training an pek. e-Saadhya hi naupang Mild Mental Retardation le Autism nei hai \hangpuitu ding Framework pakhat a nih.

Hmasawnna Thar2 changer (october) 26, 2017ningani (thursday) article/health & emPloyment news

Editorial Boardlalmalsawm sellate:Editor&Publisherroding l. sellate: Jt. Editor Joseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIThil \ha chanchin intluntuhai ke, tlang chunga in-thawka hung chu a va mawi de! Inremna thu hril a, sandamna thu khekpuia, Zion kuomah “I Pathien chu lalah a \hung tituhai chu.

- Isai 52:7

EditorialPolitical Party hai “Duthusam Bu”

Kawng hran hranah hma ei sawn pei ang bawkin mipuihai khawm thil chik le bichieng kawngah hin hma ei sawn ve pei a lawm a um. Mani right bakah Sawrkar, Hnam, Kohran le Khawtlanga ei \huoituhai khawm ei bichiengin ei chik nuom sawt khawp el. Thil hrim hrim hi chik taka ngaituo le thaw hlak ding hrim a nih. Tuta hma ang mei mei khan thil namnul mei mei le nam liem mei mei a thei ta nawh. Hi lei hin Sawrkar \huoituhai, Kohran \huoituhai le khawtlang \huoituhai khawm an thu hril, an thutiem le an nungchang haiah an fimkhur hle a \ul ta a nih. Mipuihai hi tienlai anga kha hlem le namnul mei mei thei an ni ta nawh ti hi an hriet tlat a \ul ta a nih. Ei ram \huoituhai \awngbau le an sin thaw ngawr ngawr bakah inthlang laia an intiemna hai khawm bawzuina chang ei hriet ta a, hi thil hi ei ramin a \hatpui le hma a hung sawnpui ngei ring a um. A bik takin Sawrkarna chel mektu han elec-tion hun le election hnunga an \awngbau, an thu hril le an intiemna hai an thaw am, an sukpuitling am, an bawzui am tihai hi mipui han ei bawzui hi a \ul a nih. Hi sin hi mipuihai mawphur vena a nih. A bawzuitu an um naw chun thil hi ngaisak lova namnul a ni hlak. State \henkhatah chun Sawrkar siemtu Politi-cal Party han election huna an Party manifesto an ngaisak am, an bawzui am, an thaw am, an suk-puitling a um ta am tiin Pawl \henkhat chun sui-zuina le bichiengna an nei hlak. Hi thil hi mipui ta dingin a bengvar thlak a, ram ta dingin a \angkai hle hlak. Ei State a khawm hin hiengang Pawl hi um ve hai sienla nuom a um hle. Ei ram \huoituhai khawmin thu tak le hla takah ngaiin an thu hril le an thutiem neihai hi inenchiengnain hung hmang thei ngei hai sienla nuom a um. Tulai hin Manipur Sawrkar hnuoia thawktuhai (State Government Employees) chun 7th Central Pay Recommendation dungzuia an thla tin hlaw pe ve ta dingin nawr tharna an nei a. Hi thil hi an thaw ding hrim a nih. 7th Pay hi pe dinga an ngenna kha Sawrkar hmasa, Congress Party an sawrkar lai daia inthawk ta kha a nih. Tuta ei rama Sawrkarna cheltu, BJP chun 11th Manipur Legislative Assem-bly Election,2017 vote zawng hun lai khan, “Kan Sawrkar chun Sawrkar thawktuhai 7th Central Pay Recommendation dungzuiin an hlaw pe’ng kan tih” tiin election promise an nei bakah BJP’s Vi-sion Document an insuoah khawm an zieklang a nih. Manipur BJP Sawrkarin election hun laia an in-tiemna le an Vision Document hi sukpuitling zo ngei dinga hma an lak chu an thaw ding le an maw-phurna a nih. An thutiem an sukpuitling zo naw a, State Sawrkar hnuoia thawktuhai an nuor chun a mawphurtu ding an ni a, nuorna neihai inthiemnaw thei ding an ni nawh. A bul \an hmasatu an ni tlat a nih. Chun, BJP chu “Election Promise” le “Vi-sion Document” sukpuitling zo lo Political Party an hung hlaw ding a nih. 7th Central Pay lo khawm hi BJP chun elec-tion huna khan election promise thil chi tum tum an nei bakah an Vision Document a khan an thil thaw ding tam tak an zieklang a, khang thil hai po po kha a reng a ramin la sukpuitling thei nawhai sienkhawm an thutiem ieng thil thil am an suk-puitling ta a ti hi mipui hriet thei dingin puonglang thei hai sienla nuom a um. Political Party hran hran hai chun election lai hin election promise le elec-tion manifesto an nei seng hlak. Nisienlakhawm election zova chun ngaipawimaw a hlaw ta ngai meu naw a, Political Party-hai “Duthusam Bu” a hung ni hlak.

Agartala-a inthawk Rajdhani Ex-press service tuta kar sung

agartala: Tuta kar tawp tieng hin Agartala-a inthawk Rajdhani Express Rel service hawng ni el theiin Northeast Frontier Railway (NFR) thusuok chun a hril. Rajdhani Express ser-vice hawng ding ni hi suk-fel la ninaw sienkhawm tuta kartawp tieng hin

hawng hman beisei a nih tiin Chief Administrator, NFR, AK Jadav chun zani hmasa khan reporter hai kuomah a hril. Hi Rel service thar a ding coaches 19, power vans 2, pantry cars 2 hai chu October 14, 2017 khan Agartala Railway station a hungtlung ta a nih.

An chungthu rel lai in-tang 2 tlansuok

muzaffarnagar: Uttar Pradesh-a chun zan-ikhan Kairana khawpuia an chungthu ngaituo dinga \huoi mi pahni hai chu Po-lice custody-a inthawk an tlanhmang. Police kuta inthawka tlanhmang hai chu Sushil le Vishal hai an ni a, tuolthat tumna (attempt to murder) case-a man le an chungthu ngaituo lai mek a nih tiin Superintendent of Police

(Rural) Ajay Sehdev chun a hril. Mi pahni hai hi Police Van a phur an ni a, Mu-zaffarnagar road lai mo-tor sukchawl met a ni huna tlanhmang nia hril an nih. Hi le inzawm hin Court-a inlang dinga \huoitu police constable pathum hai chu an sina inthawk suspended an ni a, intang tlansuok hai hi mankir nawk ngei tuma dap-pui thaw zing a nih. (PTI)

Rajdhani Rel sungah Gold bis-cuits 10 dapdawk; mi 2 man

guwahati: Govern-ment Railway Police (GRP) chun zanikhan Guwahati Rel station-a innghat Dibru-garh- New Delhi Rajdhani Express Rel sungah rang-kachak (gold biscuits) kg. 1.6 zet dapdawkin an man. GRP hai hin dan pan-gngai anga zani zingkara Guwahati Railway station-a checking an thaw huna rangkachak hi passenger pahni haia inthawka an dapdawk a nih. Rang-

kachak dapdawka um hi Rs. 50 lakh vel manhu ni dinga hisap a ni a. A phurtu pahni hai chu Gha-ziabad mi Ravi le Delhi mi Sanjay Sharma hai an ni a, Dimapur, Nagaland-a inthawka Delhi pan tum an nih tiin GRP Officer-in-Charge Pankaj Kalita chun a hril. Rangkachak mana um hai hi Custom Department kuta peklut an nih tiin OC Kalita chun a hril. (PTI)

Kangra A/C-ah candidate 13 an umshimla: November 9, 2017 a Himachal Pradesh Assembly seats 68 haia in-thlangna hung um ding le inzawma nomination paper file hai ta dinga inhnuk-dawk theina hun tawpna tak chu vawisun hi a nitah. Zani hmasaa nomina-tion hai scrutiny nei zo hnunga candidate tamna tak chu Kangra district-a Dharamshala Assembly constituency a ni a, candi-

dates 13 an um. Chief Minister ni lai Virbhadra Singh ngirna Solan district-a Arki con-stituency-a khawm BJP candidate Ratan Singh Pal \hangin candidates 4 an um a, Sujanpur Assembly con-stituency-a khawm Chief Minister hlui Prem Kumar Dhumal (BJP) le Congress candidate Rajinder Rana hai \hangin candidate 5 an um. (AIR)

SEM SEM, DAM DAMthuvarhai 11:24

By Lalramhlun, Zote Veng, Rengkai

Khawvela hin mi hausa tamtak an uma mi pasie khawm tamtak an um bawka, Taimak leia hausa an uma, indikrak lo sum lam suoka hausa an um bawk, Thuvarhai 13:11, Teplo mei meia hausakna hmu chu kiem a ta, sin inrima la khawmtu chun a pung hmung a tih. Thuvarhai 6:6, 9-11, Nang thabo, Phaivang kuoma chun fe la, A lampuihai ngaituo la, var rawh. Aw thabo iengchen am i zal ding ana? I zalna a inthawkin iengtikam i tho ding ana? Chang 11ah, Chuongchun, inru angin i pasietna chu hung a ta, I tlaksamna chu mi ralthuoma inthuom angin hung a tih. Thabo leia Pasie ei uma, Vangduoi leia pasie ei um bawk a nih. Taimak leia hausa ei uma, tep lo mei mei a hausa ei um bawk. Tlangrama mi pakhat chu a taima taluo a, Lo a sinthawa a fe hi var lai in alut ngai nawh. An venghai in a hming an phuok peka RIENG-KHAWTHIM an ti a, chu pa chu an venghaiin Mei-kangrawl khawm Loin neisienla Bufak khawp nei tho a tih anti hlak. Meikangruol chu Loa nei thei lo a nih. Dr. Thanglung lekhabu Buhmasa a chun TAI-MAKIN LUKHAWNG a nei a lo ti hi andik ngawt el. Loneitu mi taima hai chun Bufak khawp an thlo suok hlak. Zu le va in an suksiet pek naw chun, mi thabohai ruok chun Bufak khawp an thlo suok ngai nawh. Lekha inchuktuhai khawm taimataka Sikul kai tu le taimataka lekha tiem tuhai chun Hlawtlingna an changa, lekha thiem nana nachun Sin insang an hung chela, Hlaw tam deu an fak seng lo an neia, kuchu mi taima kut chu sukthau ning a tih, ti ku kha a sukdik tu an ni el. Mi thabo ruok chun thawpei a nei naw a, tum khawm a nei naw bawka, thawpei nei lo chun hmu ding um lo chu Pasietna in an thuom chu a ni el. Tulai |hangtharhai theida lo dingin, |hangthar huna hin thabona in ram alak hrat nasa taluo lei in Ruk-rukna, inhlemna, mi inrawkna, pawisa inlak pekna, a pung hrat a nih. 2 Thesalonika 3:10, “Tukhawmin sin a thaw nuom naw chun, a fak khawm fa naw raw seh”. Ephesi 4:28, Inruhmang chun inru ta naw sienla a tlasam kuoma pek ding anei theina dingin, a kuta thil\hathaw in inrim lem raw seh. Mi dit ang dit chun taimak ding, mi nei ang nei nuom chun taimak ding, mi fak ang fak nuom chun taimak ding. Pathien mal-sawm tlaka um ding. Amiruokchu mi taima khawm hrisel naw lei dam, vangduoina lei dam in an pasie thei tho a nih. An nuom thu an naw tlat lei in, Natna lei dam, Kang mei lei dam, Misuolin an rawk lei dam, Pienkena ruolban lo lei damin mi chu Pasie in an um thei. A bikin Lo-neitu lem chu Ruosur naw lei dam, Ruotui tam taluo lei dam, Zu le va lei dam in, tam a tlak ngun lei dam in Pasietna chu a hung tlung thei a nih. Kum 1888 kum khan |AMPUI, Singtam anti chu a tlunga, Mizorama, Fak ding a um naw a, Vawkpui khawmin fak ding an hriet naw a, an buhngeina leiin an chau a, an khâtin an lawn pei ta naw a, An\am hu-ondai in nghai pumin an lawna, a tawpa an tlu tawp el a nih, anti chu, \ampui pakhat Mautam ei ti a, Pu Rohlun chun Rawtam ting a tih, khawm kha nasa ve tak a nih. Bu a tlung naw a, Ruo kha ara nasa a, Ruo rahai kha an ruta sumah an suka, leidarin an sep faia, busuong angin an suonga, chuchu an fak hlak a nih. Chun, Burma ram Shana um lai khan |am nasatak a thla a, Liendohai unau khawmin MIM ra pakhat an inkhawi hiel ani kha, tuchena Liendohai unau hman in MIMpum khat an inkhawi ei la ti pei a nih. A telpuia |AM a thla naw khawmin Lo raw infuk naw lei dam, Saruol, Sanghal, Mazu le thlihrang le

Rawsur nasat lei dam in, a\hen chun mi harsa thang-pui nekin Duamna leiin Bu\inkhat kha \inhni a thung dingin an sema, a\henin khawtlang \huoitu V.A. hai in Bu\inkhat Rs. 10 anti lai in Bu\inkhat chengnga a thung dingin an lo sem nawka, a\hen a thung thei naw hai kha ngaidamna um loin, anfak dinga an neis-un Rapa an in hak \awl lai an kei thlak tawpa, an inkhi a, an lakpek hlak anti chu! Thuvarhai 10:16, Mi khawhlo hlawkna chun Suolna, Thuvarhai 11:24, Sem dar raka pung deu deu si a uma, Mamawtawk bak inro tlata tlasam si a uma, a lo ti a. Sem sem dam dam thawtuhai chunga malsawmna a uma, min harsatna an tuok laia hmangaina \hanglo-va hlawkna lo zawngtuhai chu a tawpa harsatna an tuok hlak. Thuvarhai 11:25, Mitiktlai chu sukthau ning a ta, tuibuoktu chu, ama ngei khawm tuibuok khum ning a tih. Bu inrotu chu mi in \awngsie inphur an tih. Sem Sem Dam Dam thawtu chu malsawmna hmu tlak a nih. Tienlai Pathien thu ei dawng hma khan tlawmn-gaina le khuo le veng pansak panthlang in hman-gaina le Tulai \hangthar huna Chanchin\ha ei dawng hnunga, Mihriem khawsak dan khaikhi chun, Tienlai mihai khan Sem sem dam dam an thaw \ha lem a hawi, Rukru an um nawh a, kawtkhar khawm Ar lut ding le ui lut ding vengna in an kawtkhar khartâwl le tâwl naw khawm, thingherin an do \ût a, an nuomna tieng tieng an leng san hlak. Tulai chu Tâla \ha chi khawm a \angkai ta nawh. Ienglei am ning a ti aw? Ti ngaituo tham tak a nih. Pastor Thangngur in, Misuol hlawtlingna chu tlang angin lein sienkhawm, Lalpa ditnawzawng chu lan hmang a tih, a lo ti andik ve hle in an lang. Thuvara ei hmu angin Mi khawhlo bau ruok chu nunsietna in an khum, Mi khawhlo hming ruok chu thâm hmang a tih. Mi khawhlo hlawkna chun suolna, Misuol le mi khawhlo hai khawm chu thung an va ni nasa awm de! tiin a ziek, Sem Sem, Dam Dam leh. Matthai 25:35-40, Ka phing a \amin, nangnin fak ding in mi peka, Ka dang a charin, dawn ding in mi peka, mikhuol Ka ni in inmin tlungtira, Sa-ruok Ka ni in Puon in min siltira, Ka dam nawh a, in mi kana, intang inah Ka um in inhung si a, la ting a tih__________. Chun, Laltak chun an kuomah, “Ti-takzetin ka hril cheu hi, hieng mi chintak hai chunga inthaw hi Ka chunga thaw in nih”. tiin la dawn a tih. Sem Sem, Dam Dam a tlung tah. Thuvarhai 19:17, Mi pasie lunginsiet tu chun Lalpa an puktir a nih. Tu-lai chu mi pasiehai in Dawra khawm bat thei an nei naw a, mi hausahai kuoma khawm Pawisa puk ding an zawng khawma, an hmu ngai nawh, asanchu Mi hausahai khan Pawisa an lo nei naw pei a nih. Mi nei-nung deuhai chun an dit zat zat an hmu hlak. Khawm chu a pung bo ding chun an nei naw a, a pung um ding ruok chun an dit zat zat a um in an nei zing. Hausakna dit um tak le tluongtlung tak chu mi pasiehai \hangpui a nih. Mi rethei \hangpuitu chun Lalpa an puktir ana, Lalpa in athung pek ding ani lei-in, iengzatin am a thung ding chu ei hriet nawh. A lêt zain am, a let sang, sing, nuoi in am athung pek ding ti ruok chu ei hriet nawh. A lawm dan i zir ning a tih. Thuvar 14:31, Mi pasie neksawrtu chun ama siemtu a hmusit a nih. Tlasam chunga lunginsietna nei ruok chun ama an za a nih. Chuleiin, Vangduoina leia harsatna, pasietna tuokhai Chunga Sem Sem thaw hi a khela DAM DAM a tlunga, a khela hlimna, lawmna, imu inhnikna in a zui sa hlak a nih.

Terrorist hai tukdawlna din-ga nasa lema bei dingin a hril

islamabad: US Sec-retary of State Rex Tiller-son chun, Pakistan ram \huoitu hai chu an ram sunga terrorist hai tukdawl le sukchimit vawng an ni theina dinga nasa lema bei dingin a hril. Hi thu hi zani hmasaa

Islamabad khawpuia Mr Tillerson in Pakistan a hung sir zawk huna a hril a nih. Pakistan ram a cham sung hin Prime Minister Shahid Khaqan Abbasi khawm an hmupui a, Pakistan le US ram hai inlaichinna siem \hat dan ding an hriltlang.

Sharmila Tagore Lifetime Achievement Award inhlannew delhi: PHD Chamber of Commerce and Industry chun kum 72-a upa veteran actor Ms Sharmila Tagore chu Indi-an cinema-ah a thaw hlaw-kna leiin Lifetime Achieve-ment Award an hlan. Award hi zani hmasa zan khan Siri Fort Audito-rium-ah Minister of State for Prime Minister’s Office Jitendra Singh le Delhi BJP chief Manoj Tiwari han Tagore kuomah an inhlan. Tagore in film an chang hmasatak chu Satyajir Ray Bengali film “Apur

Sansar” (1959) a ni a, “Kashmir Ki Kali” (1964) bakah classic “Aradhana”, “Mausam”, “Amar Prem” le “Satyakam” film dang dang tam tak a lo inchang

a, “Aradhana” le “Amar Prem” hai chu film hit nihai sienkhawm “Mausam” chu a favourite film a ni thu Tagore in a hril. Mausam film an chang-

naa hin National Award for Best Actress award a lo dawng bakah kum 2003 khan Bengali film “Aabar Aranye” ah National Award for Best Supporting Actress a lo dawng bawk a nih. Hi award inhlannaa hin music thiem Usha Mangeshkar le hlasak-thiem Prem Bhatia, Kavita Seth, Ankit Tiwari, Ra-hul Vaidya, Akriti Kakar, Manmeet of Meet Brothers le actor Sukhmani Lamba hai khawm chawimawina inhlan an nih. (PTI)

March 31, 2018 chena suksei nawknew delhi: Sawrkar Schemes le Aadhaar num-ber tlungzawm ding hun chu Sawrkar thlungpuiin March 18, 2018 chena din-

gin a hun a suksei nawk. A hma chun December 31, 2017 (Mobile Phone le Aadhaar Feb. 6, 2018) deadline a nih.

NSCN(K) General nuhmeia in-thawk Rs. 27,90,550 dapdawk

new delhi/dima-Pur: October 24, 2017 khan National Investiga-tion Agency (NIA) han Naharbari Basti, Dimapur, Nagaland hmuna NSCN(K) Lt. General Nikki Sumi nuhmei Shelly Sumi cheng-na In bakah Ikheli Yep-tho, Shutoli le Hozhel hai chengna In hai an dap a, In-dia pawisafai Rs. 27,90,550

zet dapdawkin an man. Hi pawisa hi Sawrkar thawk-tu le mipuia inthawka an khawn le NSCN-K Camps, Myanmar a an thawn tum ni dinga ringhla a nih. Chun, dappui an thaw huna hin Mobile Phones 12, Lap-tops 3, hard disk 1 le lekha pawimaw 33 dapdawkin an man sa tiin NIA thusuok chun a hril.

AMWJU team Tengnoupal District-ahimPahal: Rural Report-ing le inzawmin AMWJU team chun zanikhan Imphal suoksanin Tengnoupal Dis-trict sunga Sawrkar hmal-akna le mipui harsatna hai

a hmun ngeia fein an va en ding a nih. AMWJU team hi Senior Journalist N. Tombi-raj in an rawi tawl. AMWJU team hi DIPR Mini-Bus hmanga inzin an nih.

AR han Silaia sumdawng mi 3 an manccPur: Assam Rifles han October 23, 2017 khan Silaia sumdawng pasal 3, Tunkhopau (37), S/o Tual-gou Tonsing of New Lam-ka, Paubawi Paite (27), S/o M. Sanga Paite of New Lamka le Lalboi Misao (22), S/o Letmang Misao of Saipum near Khuga Dam,

CCPur District hai chu Sten Gun 1, Honda Activa 1 le sumfai leh an man a, Churachandpur Police Sta-tion-ah an peklut niin ei thu dawngna chun a hril. Mana um mi 3 hai hin hun sawt taka inthawka ralthuoma lo sumdawng ta hlak an ni thu an inpuong nia hril a nih.

State Level Student Science Seminar 2017 39th Nei Ding

imPhal: National Sci-ence Seminar 2017, Birla Institute & Technology Museum, Kolkata ah No-vember 9-a neina dinga Manipur State aia \hang ding thlang suokna din-gin National Council of Science Museum, Govt of India buotsainain Oct. 26 dar 10:30am khin Lamyanba Sanglen, Pal-ace Compound, Imphal ah “Swachh Bharat Role

of Science & Technology Promises and Challenges” ti thupuia hmangin 39th State Level Students’ Sci-ence Seminar, 2017 nei nîng a tih. Hi Seminar a inthawk hin student pakhat thlang suok nîng a ta, ama chun Manipur State aiawtu din-ga tir nîng a tih tiin Mr N. Krsihnakumar Singh, Dy Director, IPR, Govt of Ma-nipur thusuok chun a hril.

Mizoram Assembly Session Dec. 14-a nei dingaizawl: Mizoram Leg-islative Assembly Winter Sesion chu December 14, 2017 a nei dingin Gover-nor in a ko. Hi le inzawm hin zanikhan inhriettirna

siem a ni a. Session nei hun sung ding le session sunga thaw ding hai chu Business Advisory Com-mittee in\hungkhawmin la sukfel an tih.

Hmasawnna Thar3 changer (october) 26, 2017ningani (thursday) national/international & advertisement

laKtawi

LAWMTHU HRILNA Pile natna leiin phingna, phingsip, luna, kesa, bu du lo, fak khawma phingpuiin sa-wichip thei lo, kut le ke ngawi le inhnawm harsatna hai ka nei hlak a. Ka beidawngin M.V. Azad Phusam ka pan a, tuhin chu ka dam fel tah. Hi lei hin M.V. Azad Phusam chungah hin lawmthu hi Chanchinbu hmang hin ka hung hril. A pan nuom han a hnuoia hmunhai le phone number haia hin pan le biekpaw thei a nih.1. Teddim Road, Opp, J.P. Selection, ICI Church Road, Lamka, Ccpur.2. mobile Phone nos. : 8014025567 / 7628890261

sd/-thangboi Tuibong

(17,

19,

22,

26,

29)

ngoteKer KamisMolawm na huna le hnam hminga thil thawna huna haka inmil em em el ngoteKer Kamis chu Haire Hai store, Rengkai Bazar-ah inchawk thei dingin a um nawk tah. Unau hnam dang han an ta sawna an mi chawilak pek el ta hi nang le keiin ei chawilar tawknaw lei khawm a lo nih. Ngoteker puon hi Pi Hawikim Khaw-bung le a ruol hai Pi Thangi le Pi Lienkim hai phuok suok/ khawng vawng a nih.

Meghalaya in Human Logo ah Limca Book of

Recordsshillong: Meghalaya Election Department chun human logo lientakah Limca Book of Records a siem. Human Logo hi July thlaa Jawaharlal Nehru Sports Complex hmuna kum 18-21 inkar vote nei thei chin hai tukhawm Elec-toral Roll-a thunhmai um lo dinga special drive nei huna thaw a ni a. Schools 113 le colleges 3 haia stu-dents kum 18-19 inkar 2870 han feet 75x120 a lien human logo You ‘N’I ti an siem a nih.

2G Spectrum case November

7-ah hearingnew delhi: Rs. 200 crore 2G Spectrum scam case-a inrawlna neia intum Telecom minister hlui A. Raja, DMK Rajya Sabha MP Kanimozhi le midang dang chungthua hearing November 7, 2017 a nei dingin Special CBI court in zanikhan a sawnhla. Hi case le inzawma technical thil le thil dang dang enfel ding a la um leia hearing nei ding hun sawnhlat niin CBI Special Judge O.P. Saini chun a hril.

Dawr neitu silaia kap le suom tumtu mi 4 vuokhlum an nihPatna: Bihar-a chun October 24, 2017 khan Rohtas district-a Koath hmuna suomhmang mi 8 han Dawr pakhat suom tu-min dawr nghaktu silaiin an kap a, dawr suom tumtu mi 8 laia 4 hai chu mipui han manin an vuokhlum. Vuokhluma um mi 4 hai hi kum 30 vel mi ding an nitawl a, hi thu ei sut chena hin an hming hriet a la ni nawh. Police thusuokin a hril

danin suomhmang mi 8 hai hi Puonthan zawrtu Arun Kumar Chaudhary dawr-ah fein Rs. 50,000 pe dingin an ngen a. Sienkhawm Mr Chaudhary hin a pek nuom-naw leiin anni laia mi pak-hat chun Mr Chaudhary hi silaiin a kap a, sienkhawm ama tak kapfu loin hi thil tlung huna um ve a ruolpa Bhulan Chaudhary chu a keah a kapfuk a. Silai puokri an hriet le inruolin hi lai vela um 50

chuong chun hi lai hmun hi an pan a, mi 8 hai laia 4 mana an vuokhrawn el nia hril a nih. Suomhmang mi 4 hai hi a hnungin Hospital panpui an ni a, sienkhawm damzo loin an thi niin Dawath Police station a SHO Alok Kumar Singh chun a hril. Kaphliema um Bhulan Chaudhary hi Hospital-ah enkawl mek a ni a, a ngirh-mun a \ha tiin doctor han an hril. (ENS)

Darkar 24 sun-gin NE Delhi-ah

mi 2 kaphlumnew delhi: Northeast Delhi-a New Usmanpur le Krishna Nagar area, Shah-dara haia chun darkar 24 sungin mi pahni kaphlum an nih. Zani hmasa zingkar khan New Usmanpur hmu-nah thil inrukna le pawisa inngenna hai \hanga case tum tum nei mek Rohit Pal (23) chu a lu le phing-ah silaia kap niin damzo lovin a thi a, zani hmasa zantieng ma khan Krishna Nagar hmuna pasal kum 41 mi Jaffar chu bike-a chuong mi pahni han an kaphlum. Jaffar hi property dealer niin a dawr tuola kaphlum a nih. (PTI)

Mana um GJM leader Barun Bhuel Hospital-ah a thi

KolKata: June, 2017 laia Police han an man Gorkha Janmukti Morcha leader le Kalimpong Coun-cillor Barun Bhujel chu zani zingkar inmatak khan SSKM hospital-ah a thi. Mr Bhujel sunghai chun a dam-naw enkawl vat a ninaw leia thi a nih tiin an intum.

Hieng laizing hin Police han man dinga an zawng mek GJM chief Bimal Gu-rung chun police hai sawi-sakna tuorzo loa thi a nih tiin an tum a, mipui hai chu Mr Bhujel thina le inzawma pro-test nei dingin an fui bakah mipui hai chu Mr Bhujel sunnaa schools le colleges

hai khar dingin a ngen. Mr Bhujel hi Thin nat-na leia SSKM hospital-a panpui le ICU a sielut ng-hal a um a ni a, sienkhawm damzo lovin zani zingkar 2:45AM khan a thi a nih. A nuhmei le nau pahni a thisan. GJM hmalaknaa Gork-haland ngennaa Darjeeling hmuna protest nasa taka nei a ni huna June 16, 2017 a kha tharum thawnaah mawphurtua intum leia Po-lice han an man a nih. GJM chief Gurung chun video message hmangin Mr Bhujel thi a sun thu le a sunghai a sunpui thu a hril. (ENS)

Hardik Patel in congress hmaah thil phut tam tak a pharahmedabad: Patidar leader Hardik Patel chun Gujarat Assembly Election hung um ding le inzawma Patel hnam han Congress an thlawpna dingin thil phut chi tum tum Congress hmaah a phar. Mr Patel in Congress kuoma thil ngen a phar hai lai hin sawkar sin lakna, in-chuknain haia admission le a dang dang haiah Patel hnam hai ta dinga quota siem pek le Patel hnam hai constitu-tional protection pek ding ti hai a \hang. Hieng laizing hin Ahmedabad hmuna Hotel pakhatah a rukin Rahul Gandhi leh an inhmu nia hril chu thu diklo a ni thu a hril. Congress Vice president Rahul Gandhi Hotel-a a um huna khan ka va lut ve ngei a, sienkhawm kan inhmu/

inbiek naw a, Congress mi fielna angin Gujarat Congress in-charge Ashok Gehlot inhmupui dinga va fe ka nih tiin Mr Hardik Patel chun a hril. A rukin Rahul Gandhi kan hmupui naw a, kan hmu-pui ding a ni chun a rukin inhmupui naw ning, terrorist inhmupui ding khawm ka ni nawh tiin Mr Patel chun a hril bawk. Hieng laizing hin kum

2015-a Visnagar MLA Rishikesh Patel Office suosam a nina le inzawmin Mehsana District, Gujarat-a Visnagar Court chun Pa-tidar leader Hardik patel manna ding zanikhan Ar-rest warrant an suo khum. Patidar commu-nity han OBC hnuoia res-ervation siem pek dinga ngennaa protest nei huna MLA chengna in hi an suosam a nih. (ENS)

J&K a Interlocutor ding ruot in Army opera-tion sukbuoi naw nih: Army Chief

new delhi: Sawrkar thlungpuiin Jammu and Kashmir Interlocutor dinga Director of Intelligence

Bureau hlui Dineshwar Sharma a ruot chun Jammu and Kashmir-a Army oper-ation tawkpawiin sukbuoi

naw nih tiin Army Chief General Bipin Rawat chun a hril. Hi thu hi zanita New Delhi hmuna function huna thu a hrilnaa Mr Rawat in a hril a nih. Tuta India sipai han an mamaw tak (major requirement) chu western le northern border hai en-kai le venghimna ding In-telligence, surveillance le reconnaissance a ni thu hrilin, armed forces hai thuom\hat le ramri veng-himna tiengpang sukhrat zuol a \ul thu a hril bawk.

Home ministry in Journalist hai venghim dingin a hril

new delhi: Home Ministry chun India rama state sawrkar hai chu chanchinbumi (journalist) han freedom of speech and expression (kam zalenna) huoisen taka an hmang theina dinga Journalist hai himna ngaipawimaw le venghim dingin a hril. Hi baka hin Journalist hai beina thil hrim hrim in-rang taka suizui le maw-

phurtu hai chunga action la nghal zat zat dingin Home ministry chun state sawrkar hai an hriettir bawk. Tulai hnaia journal-ist pahni - Bengaluru -ah Gauri Lankesh le Agartala-ah Shantanu Bhowmi hai that an nina le inzawma home ministry in journal-ist hai himna ngaipawimaw dinga state sawrkar hai a hung inhriettir a nih.

Mi 7.5 lakh kuomah hear-

ing aid pek an ni tah: Gurjar

new delhi: Minister of State for Social Justice and Empowerment chun, accessible India campaign hnuoiah India rama camps vawi 5,500 nei haiah hear-ing aid 7.5 lakh vel sem a nitah tiin zanikhan a hril. Hi thu hi Indira Gan-dhi National Open Uni-versity (IGNOU) hmuna ni 2 sung aw ding national conference a hawngnaa thu a hril huna Mr Gurjar in a hril a nih.

Karnataka Joint session-ah Presi-dent in thu a hrilbengaluru: Presi-dent Ramnath Kovind chun Bengaluru-a state secretar-iat building-ah 60th Vid-hana Soudha anniversary le inzawmin Karnataka legislature joint session-ah zanikhan thu a hril. Parliamentary democra-cy pawimawna hrilin, leg-islature chu thil hriltlang le a tawpa thutlukna siemna ding hmun a ni thu a hril.

Albert Einstein Kuta Ziek Lekhathem (Note) $ 1.3 Million-a Zawr

Jerusalem: Germany rama pieng Juda pachal, a Theory of Relativity-in Physics khawvel chau ni lo, hnuoi le van (Cosmology) a thil umdân po poa thudik le vawisûn chena a dikna hmu suoka la um pei theina Theory (thu) thur suoktu, Albert Einstein-in kum 100 liemtaa lekhathem-a thu a ziek (note) chîte chu $1.3 million-a zawr/inchâwk a nih tiin Winner’s Auction and Exhibition chun a hril. Kum 1921 Noble Prize in Physics a dawng leia Tokyo, Japan ah Award dawng dinga fe Albert Einstein chu Imperial Hotel Tokyo ah a tlung a. Room ah a ngaituona thuhai ziek

suoka a \hung lai hotel-boy pakhatin thil a hung pêk a. Einstein chun tip (pawisa) hei pêk ding a ti leh pawisa a lo nei tah nawh a. Pawisa aiin lekhapuon ah thu iemani a zieka chu chu a pêk a. Kum za hnungah chu chêng tamtak man a ni ding a nih tiin. Chu a thuziek chu German \awngin, “Sawl taka hausakna le ropuina h n a w t n ê k i n h â d a m taka hringnun hmanga inngaitlâwmna taka um hin hlimna le lâwmna a mi pêk lem” ti a nih. Hotel-boy pa chu a lekha chu sie \ha dingin an fui a. Ni khat chu a value (hlutna) hi tuta ‘tip’ a pek thei naw nêkin a let tamtakin a la hlu

lem ding a nih tiin a hrilpek a. Chu lekha chu a sie \ha zing a. Kum za hnungah a tupain Auction thawtuhai a hung contact a, an lilam (zawr) tah a nih. Online-a inchawtu hi a nina an hriet nawh. A lekha ziek hi Auction thawtuhai chun $5, 000 to $8, 000 vel chauva zawr thei an inbeisei a. Bidding an hei \an a. A tirin $2, 000 an bid phawta, a hung kaisâng peia a tawpah chu $1.3 million (1.1 million Euro) zetin an châwk tah a nih, tiin Mr Gal Wiener-in a hril. Einstein-in hi Hotel boy pa bawk kuoma a pêk, ama ziek bawk, “Where there’s a will, there’s a way” ti

khawm USD 240, 000 (Rs. 1.56 crore) zetin zawr a ni bawk. Albert Einstein-in a hun nuhnung tienga a ziek lekhathawn pahni dang khawm $33, 600 le $9, 6000 ve vea zawr an nih. Kum za hnunga chu lekha them mei mei khawm, \ha taka vawng \hat thei chun a hlutna an sang veng veng hle. Lekha nêkin a sûnga THU um lei khan a hlu a nih. Albert Einstein kha German s t a te Baden-Wurttemberg ah 1879 khan a pieng a. Physics thiem a nih a. Theory of Relativity a hmu suok chun khawvêl a sukdanglam vawng a, vawisûn chenin Physics thiemna a la belsa pei a nih. Kum 1955-a a th i chenah khan a hming chu ‘thiemna’ le hmetkawp a nih tah a. Einstein chu ‘thiem’ (genius) tina tluka hmang a nih. Jerusalem ah Hebrew University an din a. Israel President ni dingin an fiela chu a hnâwl a nih. Mi ropui inngaitlawmtak a nih.

Russia-in Syria Gas Attack Suina Ding A Veto, US Lungsenunited nations: Syr ia rama indona le inzawma tu kum April thlaa Khan Shiekhun khuoa Syria army han damdawi râlthuom khap, boruok \ha lo (chemical) “Sarin” an hmang ti suitu, UN tir Organization for the Prohibition of Chemical Weapons in a suizui nawk theina ding, kum khat dang hun la suksei ding tia US-thlawp resolution (vote) chu Russia-in a veto (dang) leiin a fethleng thei nawh. A ruolpa Syria President Assad Gas hmangna intum

a nina thu suina hi Joint UN OPCW-in a suina hmasak report tuta Ningani hin a pek (phawrlang) ding chau a ni a. Chu hmaa a hun lo suksei nâwkna dinga vote lo lak ringawt chu an dik nawh ti leiin Russia hin a veto a nih thu UN ambassador Vasily Nebenzia-in a hril. April 4 a bomb puokah khan “sarin’ gas a \hang leiin nuhmei le naupang pawi tawklo tamtak \hangin mi 89 an thi a. Syria President Bashar al-Assad rawihai thaw niin US, Britain le France hai chun an hril tlat a. US lungsenin Syria army camp hai Cruise Missile-in a kap phâ nghe nghe a nih. Russ ia - in su izu ina sunzawmna ding a veto lei hin US palai Nikki Haley chun Russia chu a dem hle a. “A ruolpa (Syria) \anna ding a ni phawt chun ieng thil khawm thaw rin a nei nawh” tiin Russia chu a dem hle. “Khawvelin a khap damdawi râlthuom hmang khawm pawi ti lo khawpa nunrâwng dictator le helpâwl (Syria president) \antu a nih” tiin a hril bawk. “Joint Investigation Mechanism (JIM) thil suina ding sunzawmna dinga vote a veto (dang) hin, Russia chun khawvela chemical weapon hmang khawm pawi a ti nawzie a suklang a. A ruolpa president Assad-in

chemical weapon hmanga tuol a that zing lai khawmin hrem lova a suok thei dan lampui a zawngpui a nih” tiin an tum bawk. J I M s u i z u i n a sunzawmna dinga vote dingin UN Security Council member 15 laia 9 vote a ngai a. Permanent Members (US, Russia, China, Britain le France) hai laia pakhat a veto chun member po povin vote hai sienkhawm a fethleng thei nawh. Dan narân chun a tlâwm takah member 15 laia 9 bekin an vote a \ul a. Anachu, permanent member han an Veto power-in an dang thei a nih. Member 11 haiin extend dingin an vote a, Bolivia in “No” tiin a vote a. China le Kazakhstan hai an abstained. Russ ia ambassador Vasily chun JIM mandate (hun) November 17 a tawp ding a ni leiin, a tawp hnungin vote lak ni rawse tiin a rawta chu memberhai a thuhnex zo naw a. Russia chun report ngaithlâk phawt zova, thla thar tieng vote lak dingin a rawt a nih. V a s i l y c h u n , U S le a ruolhai chu “Russia sukmuolpho tum” angin an tum a. “Vawisuna thil tlung chu an hawi naw khawp el, inzak a um. Diktak chun tirdak a um a nih” tiin a hril. Ama chun, Khan Sheikhun

ah damdawi râ l thuom hmang a nizie fiena um lova intumna chu ‘nuizat um’ a tih a. Khan Sheikhun report peklut hnungah vote lak nawk thei a nih tiin, “JIM hi kan la hnawl bur nawh a. Vawisun hi extend na dingin kan vote nawa chu, kan la vote nawk tho ding a nih” tiin “Yes” am “No” vote ti ruok chu a hril nawh. Thla hmasak khan UN War Crimes department chun, Khan Sheikhun ah chemical weapon hmang ngei a nih ti an fie thu an puong a. Syria sipaihai thlak ngei a nih an ti bawk. Russia ruok chun a ruolpa President Assad thaw a ring thei nawh a. Hnuoia indona leia bomb puoka inthawkin ‘sarin’ gas kha lo put suok pal nih dingin a hril. OPCW hin tur hmang le hmang naw a sui thei a. Intum ruok chu a nei thei nawh a. A mawphurtu zawngdawk le intuma action lak chu JIM hi a nih. Russia chun JIM sinthawna ding dal tlat a tum a nih. JIM hin tuta hma khawm khan Syria sawrkâr hin 2014 le 2015 haia khan Islamic State jihadist hai lakah ‘chlorine gas’ le ‘mustard gas’ hai a lo hmang tah ti a hmusuok thu a puong. C h e m i c a l W e a p o n indonaa hmang hi UNO khap a nih.

Adhaar le ka mobile thlung-zawm naw ning: Mamata

KolKata: West Ben-gal Chief Minister Ms Ma-mata Banerjee chun, ‘ka phone connection suktawp a lo ni khawmin Aadhaar le ka mobile phone thlung-zawm (link) naw ning tiin zanikhan a hril. Sawrkar thlungpui chu mipui hai dikna (rights) le an privacy thila inrawla intuma, Centre-a BJP in ro an relna suktawp a ni theina dingin a party chun

hma a lak ding thu Ms Ma-mata Banerjee chun a a hril a. Party leaders hai jail-a thun an lo ni khawmin TMC chun protest nei pei an tih, mi dawizep kan ni nawh tiin a hril. Demonetisation sa-wiselin November 8, 2017 khin Demonetisation tha-wa um champha le inza-wmin TMC chun Black day a hmang ding thu a hril bawk.

Mumbai University Vc Sanjay Deshmukh banmumbai: Mumbai Uni-versity a Vice Chancel-lor Sanjay Deshmukh chu students nuoi 4 chuong hai result puong ding hun sawt takel sukhnuk (delay) a intumna leiin zani hmasa zantieng khan Maharashtra Governor C.V. Rao chun Vice Chancellor a ninaa in-thawk a ban.

Governor le Chancel-lor ni bawk C.V. Rao hin under Sect. 11(14)(e) of the Maharashtra Public Uni-versities Act, 2016 hnuoia a thuneina hmanga result puong ding sukhnukna kawnga suksuoltu a nih tia Mr Deshmukh hi Vice Chancellor a ninaa inthaw-ka a ban a nih.

BJP in Nov. 8 Anti-Black Money Day innew delhi: Congress inrawinaa India rama Op-position parties \hangruol han November 8, 2016-a Prime Minister Narendra Modi in India pawisa Rs. 500 le Rs. 1000 notes hai hmang zawm thei ta lo dinga puong (demonetisa-tion) dodalnaa joint protest

nei tuma an insingsat mek laiin BJP chun November 8, 2017 hin India ram pum-puiah Anti-Black Money Day a hmang ve an tum. Hi thu hi Finance Minister Arun jaitley in zanita New Delhi hmuna chanchinbu reporter hai an hmupui huna a hril a nih.

Police pakhat kap hliem

srinagar: October 25, 2017 zan khan south Kashmir-a Shopian dis-trict-a Police constable Ashiq Hussain chu helpawl han an kaphliem. Mr Hus-sain hi inrang takin hospital panpui a nih. Kap hliema um Hussain hi Personal Se-curity Officer (PSO) a nih.

US in Myanmar-a a sipai sie hai a laksuok

washington: US sawrkar chun tulai hnaia Myanmar rama Rakhine state sunga cheng Rohing-ya Muslims hai chunga thil tlung leiin Myanmar sawrkar \hangpuitu dinga sipai a sie hai a laksuok. Hi baka hin Myanmar sipai hotulien hai inzin vak phal-na khawm a hlip bawk a nih.

Hieng laizing hin Myan-mar sipai hai chun helpawl hai do an ni thu hrilin civil mi beituma che an ni naw thu an hril vet hung. UN a Bangladesh palai chun Myanmar-a inthawk Rohingya Muslims mak-taduoikhat chuong Ban-gladesh ramah an tlanlut ta niin a hril.

Hmasawnna Thar4 EntErtainmEnt / SportSchanger (october) 26, 2017ningani (thursday)

English Football League Cup:

Bristol City lakah Crystal Palace an tlawm zan Arsenal, Bour-nemouth, Leicester City, Man. Utd. Le Man. City hai an hratbristol city : Nilaini zan EFL Cup inkhel paruk a um a. Division inhnuoi lema um Bristol City chun Premier League club Crys-tal Palace an mikhuol a, 4-1 tawpin an lo sawp. Inkhel \ana inthawk minute 21 naah Palace chun Sako hmangin goal an thun hmasa a. Min-ute 34 naah Taylor chun Bristol City ta dingin goal hmasa a hung thun a. Min-ute 39, 60 le 66 haiah inza-wm zatin Bristol City chun Djuric, Bryan le O’ Dowda hai hmangin goal khat seng an hung thun nawk a. Pal-ace chun theitawpin nawr hai sien khawm goal an thun thei ta nawh. Tuta inkhel hi Round lina a nih a, a nawkah Quarter Final ni tang a tih. Palace man-ager Roy Hodgson chun, ‘Hi chen rama mi zuitu, kan fan-hai chungah kan phalam

hle. Chun kan inkhel danah ka lung a awi nawh,’ tiin inkhel zovin a ngaidan a hril. Roy Hodgson hin Sep-tember 12, 2017-a inthawk Frank de Boer a hung thleng a. Tuta an inkhel nuhnung pasari-ah vawinga an hrat-nawna a ni tah. Manchester City chun Wolverhampton an mikhuol ve a. Hun pan-gngai le hun belsa chenah goal thun bik an um naw leiin penalty an pet a, City chun 4-1 in an hne ta a nih.

Hi zan bawk hin Ar-senal chun Norwich an mikhuol a. Vangneithlak takin 2-1 in an hrat lem hr^m. Hun pangngaiah goal khat ve ve thunin an inhnetawk a. Hun pek belsa an ni a, chu taka chun Arse-nal Nketiah hmangin goal an thun leiin an hrat lem ta a nih. Goal dang pakhat khawm hi minute 85 naa Nketiah bawkin a thun a nih. Norwich tieng minute 34 naah Murphy chun goal khat a thun bawk.

AFC Bournemouth khawmin Middlesbrough an mikhuol a, 3-1 in an hne. Bournemouth ta dinga goal thuntuhai chu Simp-son(49`), Wilson(75` pen-alty) le Afobe(83`) hai an nih. Leeds United chu Leicester City tieng an van zin a, khuolralah hratna an va chang zo nawh. Leices-ter hai chun 3-1 tawpin an lo sawp. Leicester ta dinga goal thuntuhai chu Iheana-cho(30`), Slimani(71`) le Mahrez (88`) hai an nih a, Leeds tieng Hernandez chun minute 26 naah goal khat a thun bawk. Swansea chun Man-chester United an mikhuol ve a, United hai 2-0 in an hrat lem. Hi an goal pahni-hai hi Jesse Lingard-in a thun ve ve a nih. Ama hin minute 21 na le 59 na haia a thun a nih.

spanish copa del rey:barcelona chun real murcia goal thum tawp an inb^murcia : Spanish Copa del Rey fe mekah Nilaini zan khan Ral Murcia chun Barcelona an lo mikhuol a. Hi taka an inkhel hi round lina leg 1 a nih. Barca tieng Alcacer chun minute 44 naah goal hmasa a thun a, Deleufeu chun minute 52 naah goal dang thun nawkin a tawpna takah Jose Arnaiz chun goal khat a thun nawk a, Real Murcia haiin goal khat khawm an thun nawh. Goal nuhnung tak thuntu Jose Arnaiz hi Senior team-a an khel vawikhatna a nih. Barcelona hin kum thum liem tah sung khan hi tournament hi an la lak vawng a, tukum khawm an

lak nawk ngei ring a nih. Chun, anni hi La Liga tieng hma \huoitu an ni mek bawk a, an inkhel nuhnung 13 haiah vawikhat khawm hratnaw an la nei nawh. Vawi 12 an hrat a, vawikhat draw an nei bawk. Hi zan hin Lionel Messi le Luis Suarez hai an \hang

naw a, an Junior-hai an inkheltir rawn lem bawk. Inkhel dangah Numen-cia chun Malaga 2-1 in an hne a, Sevilla chun Carta-gena 3-0 in an hne bawk. Chun Valencia, Getafe, Real Betis le Atletico Ma-drid hai khawm hi zan hin an hrat seng bawk.

italian seri a :

Inter Milan chun Sampdoria an hne leiin pakhatna inhlangkaiMilan : Italian Seria A inkhel, Nilaini zan khan pakhat char a um a. Minute 18 na chauah Milan chun Milan Skriniar chun goal a thun nghal a. Chun minute 32 le 54 haiah Mauro Icardi chun goal a thun nawk a. Half hnung minute 64 le 85 na haiah Sampdoria chun hung khel \hain Dawid Kownacki le Fabio Quagliarella hmangin goal pahni an hung thun a, anachu an goal bat an rul zo ta nawh. Hi dungzui hin Mi-lan hai hi inkhel 10-ah point 26 neiin table-ah pakhatna an ni hri. Pahnina Napoli hai chun inkhel vawikuo-ah point 25 an nei ve bawk. Hi lei hin Napoli hin an hung lekhel nawk thei tina a nih.

Table (Top 5)Pos. Team Pld. GD Pts.1. Inter Milan 10 13 262. Napoli 9 21 253. Juventus 9 18 224. Lazio 9 14 225. Roma 9 10 18 Naupang pakhatin footballer chengnga a pek

london : Kar hmasaka Huddersfield Town haiin Manchester United an hne zan khan stadium sunga um ve naupang pakhat chun Huddersfield Town hai mid-fielder Aaron Mooy chu chengnga lawmmanin a pek. Hi naupang hi kum 9 mi chau a ni a, Adam Bhana a nih. Hi inkhel lai hin hi chengnga hi stadium sungah a hmu a, a

pa’n mani pawisa naw chu lak ngai lo ding tia a lo infui

hlak kha a hriet kar a. Hud-dersfield hai an hrat bawk,

hi zan kher hin Aaron Mooy hi an khel \ha a, goal khawm thunin Man of the Match dinga thlang a ni nghe nghe a. Bhana hin a lawm em lei le Mooy hi thiem a ti em lei-in lawmmanin a pawisa hmu chu a pek ta a nih. Ama hin lekhathawn a ziek a, man-ager David Wagner kuomah Mooy lo pe dinga hrilin a pek a nih.

buffon-in a hmabak ding

hrillawk

rome : Italy le Juventus mihr^ng, Gianluigi Buf-fon chun champions league an lak naw chun season tawpah inkhel a tawpsan ding thu a hril. Tuhin kum 39 a ni tah a, thil awm tak khawm chu ning a tih. Ana-chu Champions League an lo lak pal chun Club World Cup khawm lan khel a nuom ding leiin a la tawp-san el naw ding a nih. Ju-ventus hai hi kum 3 liem ta sung khan Champions League Final vawihni an kai a, an hrat naw lem ve ve a nih. Buffon hin kum 2001 khan Parma-a inthawkin Juventus hi a zawm a, World Cup a lak ta a, Seria vawi 10 an champion ta a, Italian Cup vawi 4 le UEFA Cup vawi 4 bawk a lak ta a, anachu Champions league tak hi a la lak fuk naw a, inkhel a chawlsan hma ngeia lak chu a nuom hle a nih. Ama hi Thaw\annia FIFA’n lawmman a sem zan khan Goalkeeper of the Year-a thlang a ni bawk.

Gospel Singer-a Inthawka Pop Music Icon Katy Perrylos angeles: Mi \henkhat chu an hun ler tieng an nunah Pathien a vula, taksa \anin Thlarauin an zoa hla \ha tak tak an phuok hlak. |henkhat chun thlaraua \anin tisain an zo ve thunga, khawvêl ropuina chu an intem nalawm el. Chuong ang, khawvêla inlâr khawp chu an tam nawh. Khawvêl hrieta inlâr, Pop Music tieng lût leia kum khata $135 Million hlâw phaka khawvêl nuhmei hlasakthiemhai laia hlâw suok rawntak nina hautu Katy Perry chauh hi la nih mei a ti khawvêl thila hlâwtling êm êm chu. Oct. 25, kum 35 a tlingna le inzawmin a hlâwtling dân le a nun tlâwmte hei târlang ei tih. Katy Perry hi a hming indiktak chu Katheryn Elizabeth Hudson a ni a. October 25, 1984 khan California, US-ah a pieng a. Hollywood actress Kate Hudson leh an hriet pawl an

lau leiin a hming Katy Perry tiin a thleng a. A nu le pa chu Pastor ve ve an nih a. Conservative sûngkuo, Harry Potter le dawi tieng chanchin khawm tiem phal lona insunga seilien niin kum 9 a nia inthawk an Biekin ah hla a sak \an a, kum 17 a ni chenin Gospel hla a sak hlak.

A tawi zâwngin, album hmasatak “Kate Hudson” (2001) a hlâwsam leiin love song a hung sak \an a. Capital Records leh contract ziekin “I kissed A Girl” ti le “Fireworks” le “Teenage Dream” ti haia inthawkin a hung inlâr \an a. Pop music industry a lut \anna a nih. A album “I Kissed a Girl” (2008)

chu hit a kai nghâl a. Billboard Top 100 ah kar 7 zet No.1 a nih. May 2010 to September 2011 chen khan, châwlkâr 69 zet Billboard Hot 100 Top 10 ah a um a nih. Album pakhata inthawka hla Hit 5 nei thei chu ama le Michael Jackson chauh an la nih. Celebrity ruolhai chu Rihanna, Paris Hilton le Adam Lambert hai an nih a. Lady Gaga le Taylor Swift hai chunga mi a nih. Hlasakthiem celebrity Guinness Book of World Records a album kawng hni zeta chuong a la nih bawk. Kum 2010 khan “Best Star on the US Digital Chart by a Female Artist” tia inchuon a nih a. Kum 2013 khan “Best First Female with Five Number One US Singles from 1 Album” tia inchuon a nih bawk. Award tamtak a dawng tah a. American Music Award 5, Brit Award le Juno Award dawngin, a

hla million 100 nêka tam a zawr tah a “Best-selling music artist of all time” tih a nih. Kum 2015 lem khan chun khawvêla nuhmei hlasakthiem pawisa lam suok rawntaka record-in, kum khatin $135 million a hlâw suok. A nu le pa han milim bu en lo dinga an ti nu khan a hlâwtlingna album hai hrietzingna dingin a taksa ah tattoo a ziek pei a. A album “One of the Boys” hrietzingna dingin Strawberry lim le “Teenage Dream” hrietzingna dingin Peppermint a ziek bawk. Film tieng khawm a lût a, 2011 khan ‘Smurfette’ film ah râwl a thaw a. A kum nawk 2012 in auto-biography “Katy Perry: Part of Me” ti a siem a, 2013 in “The Smurfs” film a chang bawk. Khawvêla hin chu Pathien thutak nêkin khawvêl ropuina tehlema sum a tam lem a nih.

hya 12th gen. conference, 2017HT Sangliana Rolling Trophy

FIxtUre: 26/10/2017: seMI FInAl3:00pm-Rengkai(B)v/sSaikot

Venu: Saikot Playground3:00pm-Saidanv/sV&K

Venue: Saidan Playground25/10/2017: QUArter FInAl resUlts3:00pmRengkai(B)3-0Muolbem

Venue: Sielmat Playground1:30pmSaikot2-0KhawmawiVenue:SaikotPlayground

3:00pmRengkai(A)1-1V&K*Penalty2-4

Venue: Saikot Playground3:00pmHmarveng2-3Saidan

Venue: Saidan Playground*************

30/10/2017: 3:00pmFInAl ?v/s?

Venue: sielmat playground

FIFA U-17 World cupOCTOBER 25:

semifinal :resultBrazil 1-3 England

Mali 1-3 Spain

Kamal Haasan criminal case siemkhum el thei

chennai: Actor Kamal Hasaan chu Dengue natna hri indar ding laka inveng-na herbal damdawi ‘Nila-vembhu Kudineer’ sem-naah a fans hai inrawl lo dinga tulai hnai ela a twitter account hmanga a tweet lei-in criminal case siemkhum ni el theia hril a nih. Hi thua hin Madras High Court chun zani hmasa khan Chennai City Police chu case siemkhum dingin an hriettir a nih. Mr Hasaan hin herbal damdawi

sema um nilavembu hin side effect a nei tia a fans han hi damdawi an sem tawpsan dinga an fuina a tweet nia hril a nih. Iengang side effect am a nei ti ruok chu actor Hasaan hin a hril nawh. Hi damdawi a fak leia amaa side effect a um chun chieng takin a suklang ding a nih tiin petition petu chun a hril. Hi thil hi politics thila Tamil Nadu sawrkar beinaa a thaw a nih tiin an tum bawk.

Charlie Sheen le a nuhmei Brooke Mueller hai In hlui 1991-a bawl, 2012-a an inchâwk, bedroom 5 nei, compound lientak swimming pool le Tennis court le Gardenhai um vawng, Spanish style-a bawl chu $8.55 million-in an

Kendall Jenner Zakuo Rs. 1.72 Lakh Man Lehnew yorK: Keeping Up The Kardashian sûngkuoa an naupangtak nia chu millionaire kai ve thei tah supermodel Kendall Jenner (21) chu New York le Los Angeles kar tâwnin a sin leiin an zin zek zek a. Thaw\anni zan khan New York ah khawlai lêng dinga a suok lai hmu a ni a. A hmêl\hatna chu thu dang, a hausakna le inphua inchei ti dim a nih zakuo thar Gown infuol a hâka a mawi hle. Silver color Gown infuol hi a hmatieng V-shape inhawng vawnga a nene bal bul \hut lai inlang theina a ni a. A malpui suk an thler bawk leiin a malpui le kerai po an lang thei bawk a. A hei lawn malamin a ke nal tak chu ngo pupin an lang zek zek a, a awmbawr lai a lo insawi bawk, cameramen hai an lâwm hle. Thlasik in\an tawm New York boruok dei met met laia hak ding chu a sexy tah deuh leiin mit a laka. Chu nek hmanin a Gown man hin lungril a lak nawk lem. Asan chun hi Gown hi Gown mei mei an naw a. Aman khawm Rs. 1.72 lakh zet (USD 26564) a nih. Hi bâka hin sing tel man Monalisa lim umna Bag a khai bawk a. An cheina ringawt khawm nuoi tel a nih. Hienglai zing hin Kendall Jenner hi supermodel el an nawh, sumdawng thiemtak a nih bâka property thila chu sum inren lo deu, investment thiemtak khawm a nih. Tulai hnai khan Los Angeles-a

châwk thar bawk. A in ropui hin bath-room paruk, family room le guest room Garden le inzawm a nei a. Choka lientak le breakfast bar le movie theatre le living room lien tak nei a ni a. Master suit a hin fireplace, vaulted ceiling le wood beams, TV lien deu le Chandelier, living room inhawi tak a nih. Puotieng courtyard le Fountain hai swimming pool le Tennis Court a um bawk. Kardashian sûngkuo hi real estate-a sumdawng khawm an lo thiem khawp el. Kendall Jenner hin John Krasinki le Emily hai In July 2016 khan $6.5 million-in an châwk a. Tu kum khan $6.85 million-in a zawr nawk a nih. Westwood laia a property chîte khawm kum bul khan $1.6 million-in a zawr bawk. Modelling bâkah real estate sumdawng khawm a thiem a nih. Tuhin nau a pai nia hriet a ni a. A model career iem a ang ding chu, a lo thei tah naw khawma sumdâwngna \ha tak nei an tah, lungngaina ding a um naw hle.

Gal Gadot, Israel-a Umsawng Tum Hollywood A-list Star Kai

los angeles: Tulai khawvêl, eini lei chen khawm naupang nuhmeite hai chen khawma an hriet tah, nuhmei huoisen “Wonder Woman” changtunu Miss Israel (2004) Gal Gadot chu, acting career a hlâwtling naw taluo leia Israel ah kira, umsawnga nauhai enkawl malama film teneu chang mei meia Hollywood tieng kir ta lo dinga lungril a siem hnungin tuta ngîrhmun (Hollywood A-list) hi a hung kai tah a nih. A pasal Yaron Versano le nau pahni nei tah, Ukil hlui kum 32-a upa Gal Gadot chun “Wonder Women’ film a hlâwtling hnunga GLAMOUR magazine le an interview-naa chun Hollywood a lut \an laia a hringnun (career) harsat zie a hril \eu a. Tuta a ngîrhmun a tlung hma hin Hollywood ah thawk khat beidawngin Israel tieng kir a tum niin a hril. Tu ruok hin chu a kai tung pei tah a. A

film thar tak, comic hero film bawk “Justice League” khawm November 7 khin tlângzar dinga peifel vawng an nawk tah. Hollywood A-list star a kai tah ti fiena chu tuta \um GLAMOUR magazine cover-a a chuongna khawm hi a nih. Glamour (mit la tak le \hatak) a ni taa chu, a career \an tir lai nun chu a rinum ve hle ti thu magazine ah hin a hril. “Wonder Woman” role ka chang hma hin, Los Angeles a hung kir nawk tah lo reng reng dingin lungril ka siem hman a. Israel ah uma, university lut nawka, a chang chang leh acting thawa um mei mei ka tum a nih. Asan chu, hnawlna ka tuok râwn taluoa, “NO” ti ka dawng râwn taluo tah leiin. Audition tinah “No” ka tuok a. Audition dinga interview, phone call, camera test set up, tamtak hnungah “No”. “Hi hi i thaw phât chu i hringnun danglam tang a tih, an mi ti hnung khawma ka hlâwsam râwn taluo tah a. Iengkhawm thaw/bawzui ta lova um \awk \awk nuomna chen ka tlung hman tah” tiin a hringnun chanchin a hril. In khat nu a nîna khawm a buoi thei hle niin a hril bawk. “Ka pasal Tel Aviv-a sinthaw a na. Nau kan nei bawk. Kan rênga Hollywood tieng insawna ka film career ka hnawtzui kha chu a hau an tak tho a nih. “No” tamtak ka dawng hnungin, “Iengleia hi hi ka la thaw zing am? Iem ana ka \hatna tak le ka thiemna tak?” ti kan ngaituoa “Wonder Woman” (action) hi a hung ra suok tah a nih” tiin nuhmei a nia chu ‘pa’ deuva action film chang chi a nih ti an hriet suok hnungin a hung hlâwtling ta a nih.

Taylor Swift-in Saruok Ang Zakuo Leh Album Tharlos angeles: Taylor Swift hi a hma chun tulaia hlasakthiem le celebrity tamtak hai angin a taksa saruokna suklang hlak a ni nawh a. Anachu, tuta \uma a music video thar “Ready For It?” ti thriller/trailer a post-a chun saruok ang charin an lang. Thaw\annia Instagram-a “Ready For It?” ti video a share-a chun saruok angin an lang a. Anachu, a video ei ena, an cheina bêlchieng chun saruok ni lovin zakuo chi khat, electric naked suit an ti ang, saruok ang chara inlangna a nih. Scarlet Johansson-in “Ghost In The Shell” ti film-a a hak ang deu naked suit a nih. Hei en chun saruok a hawi em leiin ei

inching zawk theia. Hla saka a lam le hei invir/chang vel lem chun saruok a ang zuol. Anachu, bêlchieng chun electric var thisen zam ang umna, saruok anga inlangna zakuo mei mei a nih. A video hi Oct. 26 khin official taka release tum a nih. Video a siem dan khawm hi pangzat um deuh, pang inthli huou huoua um theina ding deuva a siem chu a nih a. |ium tak le lung \hawng um tak dinga a siem tum chu a nih a. A thiltum ruok chu iem ti hriet an nawa, a hlasak le milim ruok chu en khawp a tling a nih. Taylor Swift hin “Ready For It?” bâkah hin a album thar “Reputation” khawm tlângzar ding a nei a. November 10 khin US ah tlângzar nîng a tih.

Madagascar-a Hripui leia Thi 124 Tling Tah

madagascar: Indian Ocean laia laia rambung chîte Madagascar rama hripui mak tak inlêng chu kiem tieng a pan taa chu, Nilaini chen khan mithi 124 an tling tah tiin official thusuokin a hril. August thlaa inthawk khan natna hri maktak le \ium tak, inrang tak chun Madagascar hi a run a. An khawpui Antananarivo chen a tlung tah a, mi 1, 133 an kai sâwng tah niin Health ministry thusuok chun a hril. Health ministry official Manitra Rakotoarivony in national Radio a hril dan chun, “Natna hri leia hospitala admit an tlâwm tiel tiel a. Admit hai dâma suok an pung tiel tiel tah” tiin a hril a. Hienglai zing hin \ha taka enkawl hman lova lo thi khawm an um bawk niin a hril. Madagascar hin 1980 a inthawk khan kum tin deu thawin natna hri mak tak tak a tuok zie ta hlak a. Abîkin September le April thla lai hin a suok nuom bîk. Tuta

hripui hi a danglamna chu khawpui (urban) area lai a nih a. Inkaisawng khawm a hrât bîk niin WHO chun a hril. W o r l d H e a l t h Organization (WHO) le Red Cross chun hripui dona dingin anti-biotic 1.2 million an thawn lut tah a. Volunteer za tel tamtak training pein an tirlut ta bawk. H i e n g a n g h r i p u i (plague bacteria) hi Mazu a inthawkin a hung intan a. Chu chu tho le mise han mihriem ah an hung kaisawng hlak. Mihriem ah chu Pneumonic version kha inkhêlna le inthuok suokna inthawkin inkaisawng pei thei a nih a. Enkawl nghâl naw chun dârkâr 72 sûngin an thi hman hlak. Madagascar-a tuortu (victim) tamlem hai hi Pneumonia ang an nih a. A tlângpuiin hi hri invawi an panga hung puom suok hai hi an thi intak lem niin an hril. Hri hi a puom suok chi le a puom suok naw chi a um a, anti-biotic inrang taka pêk vat chun sukdam thei an nih.