First IssueP 30.00

‘’Sintamis ng Tubo

Ardy and Miriam Quiambao-Roberto’s Story

Spotlight on Davao CityFashionista na, Eco-friendly pa!Ang Himala ng Langis ng NiyogTapat na KatiwalaBagong Simula

3 APPEND tagumpay

Contents

For advertising reservations, please contact us at:

appendnetwork@gmail.com

09228427017 / 09228898839

www.facebook.com/APPENDinc

Editorial

Nego-KuwentoFashionista na, Eco-Friendly pa!

Kuwentong OFWKambal na Investments Stocks at Boarding House

InspirationalTapat na Katiwala

Talakayang KalusuganAng Himala ng Langis ng Niyog

Kuwentong TagumpayBagong Simula

Sintamis ng Tubo: Ardy and Miriam Quiambao Roberto’s Story

Negosyo, Diyos ang Kasosyo

Pag-bangon mula sa Pagsubok

Nagsimula sa Hirap, Tuloy pa rin ang Sikap

Trivia MunaAlam mo Ba?

Likas na YamanBaboy na Walang Amoy!

Serbisyong Append

Spotlight on Davao City: Helping Microbusinesses GrowCover page photo by: Bong & Tish Guloy / Saddleback Church South Manila

www.append.com.ph

Editorial Team

Dr. Virginia P. Juan, Editor-in-chiefLouie N. Tabing, Editorial

ConsultantMarieta R. Manza, Managing EditorGloria A. Guevarra, Advertising &

Circulation ManagerAbygail M. Donguines, Layout &

Graphics Design ManagerJoan Ruth S. Roda, Admin

Contributing Writers, Louie N. Tabing, Marieta R. Manza, Gloria A. Guevarra, Kenneth S. David, Mohammad Sufyan Bin Saad, Ranie B. Catimbang, Margaret

Rose N. Rodriguez

Editorial Board

Angel L. de Leon, Jr., Edgardo F. Garcia, Rolando B. Victoria,

Eduardo C. Jimenez, Zeny T. de Jesus

Board of Trustees

Edgardo F. Garcia, ChairmanEddie T, Panlilio, Vice Chairman

Angelo B. Solarte, TreasurerFranklin L. Lopez, Auditor

Dr. Virginia P. Juan, President/CEO

Joel A. Jacobo, Jane M. Manucdoc, Zeny T. de Jesus,

Narciso A. San Miguel, MembersAtty. Raineer Q. Chu, Corporate

Secretary

5

6

7

8

10

11

14

16

18

20

21

22

24

26

ang magasin ng micro at social entrepreneurs sa Pilipinas.

5 APPEND tagumpay

EDITORIAL

Pinakabagong paglalathala ito ng APPEND Inc. (Alliance of Philippine Partners in Enterprise Development Incorporated) para sa ating mga micro-entrepreneurs at program members, kasaping organisasyon, mga katuwang sa ating adhikain, at sa pangkalahatang komunidad ng mga taong gustong iangat ang buhay ng mga nagsisikap na mahihirap.

Ang APPEND Inc. ay isang non-stock at non-government organization na itinatag noong 1991. Kami ay samahan o alliance ng mga micro-enterprises at microfinance non-government organizations (NGOs) na tumutulong na lumago ang mga mumunting negosyo ng ating mga program members. Ang grupo ng APPEND ay nagbibigay ng mga serbisyo katulad ng microenterprise development, microfinance at micro-insurance. Kalakip din ang mga programa na nagpapalakas ng moral values at leadership quality ng ating mga development workers at mga micro-entrepreneurs. Kasama din sa package ng serbisyo ang marketing, educational assistance, water, health and sanitation at mga pagsasanay na nagpapalago ng kanilang mga negosyo at nagpapatibay ng samahan ng kanilang pamilya.

Simula nang maitatag ang APPEND noong 1991, mahigit sa limang milyong Pilipino na sa buong bansa ang natulungan ng aming mga programa.

Ang mga nasasakupan ng APPEND ay mga micro-entrepreneurs na kababaihan at kalalakihan, indigeneous peoples, senior citizens, mga may kapansanan, manggagawa, at mga children and youth na nasa kanayunan at urban areas. Ang mga micro-entrepreneurs ay yung may sari-sari stores, mga maliliit na magsasaka at mangingisda, mga gumagawa ng mga crafts, naghahabi at nananahi, magtataho, magbobote, nagtitinda ng kwek-kwek, banana cue, mga naglalako ng mga prutas at gulay, nagtitinda ng karne, isda at dry goods sa palengke, mga gumagawa ng damit, sapatos at marami pang iba. Sila ang tinagurian naming backbone of the Philippine society.

Katulad ng pangalan ng magasin na ito, ang Tagumpay ay naglalaman ng mga true-to-life success stories hindi lamang ng aming mga dakilang miyembro kundi ng mga magigiting at sikat nating mga social entrepreneurs. Tampok sa unang isyung ito ang nakaka-inspire na kwento nina Ardy

at Miriam (Quiambao) Roberto. Ibabahagi din namin ang mga bukod-tanging kwento ng mga microentrepreneurs. Makakapulot din tayo ng mga payo at ideyang pang-negosyo. Hina-highlight din natin ang mga kwento ng Overseas Filipino Workers (OFWs), at mga kaugnay na usapin sa agrikultura at kapaligiran. May section din tayo tungkol sa isang modelong Local Government Unit o LGU at mga magagandang mga programa nito para sa kanilang mga nasasakupan na maaring gawing ehemplo ng mga ibang LGUs.

Nais din naming ipakita ang mga Christian values na tutulong magpalakas sa ating mambabasa at magpapayabong sa kanilang pagkatao at buhay pamilya. Babalitaan din namin kayo tungkol sa mga ibat ibang gawain ng APPEND.

Sa pangkalahatan, ang pangarap namin para sa Tagumpay ay maging isang magasin na mag-iequip, mag-iinspire at magbibigay kapangyarihan sa aming mga mambabasa. Gusto namin itong maging kawili-wili, siksik sa impormasyon, at higit sa lahat, kapaki-pakinabang para sa sambayanang Pilipino.

Sana ay ma-enjoy ninyo ang unang isyu ng Tagumpay. Karangalan naming maibahagi ang gawa ng aming mga contributors. Pinasasalamatan din namin ang mga sponsors na naniniwala sa layunin ng ating magasin.

Kasiyahan nawa ng Maykapal tayong lahat na magbabasa at magtataguyod sa Tagumpay.

Muli, maraming salamat sa inyong pagtangkilik sa tagumpay!

Nagagalak kami na hawak ninyo ngayon ang kauna-unahang isyu ng Tagumpay magazine!

Mabuhay!

Virginia “Jeng” P. Juan, DTL,APPEND Inc President/CEO

21 APPEND tagumpay

kasama na rito ang pang araw-araw na gastusin ng kanyang pamilya. Dahil sa kanyang mga negosyo, napaaral niya ang kanyang mga anak sa mga pribadong paaralan. Naniniwala siya na mabibigyan ang mga ito ng tamang pananaw sa buhay.

Ang kanyang panganay na anak ay nakapagtapos ng accountancy sa Divine Word College at kukuha na ito ng board exam. Siya ang kasalukuyang namamahala sa isa nilang negosyo kasama ang kanilang bunsong anak na lalaki na nag-aaral ng Bachelor of Science in Hotel and Resources and Management (BS HRM) sa parehong paaralan. Ang anak niyang babae na nakatapos ng Architecture sa Manuel L. Quezon University sa Maynila ay part-time instructor sa San Jose Occidental Mindoro State College.

Ngayon nga ay may anim na silang katulong sa tindahan. Masipag din at iginagalang sa pamayanan ang kanyang asawang si Marcelino dela Cruz na nagsilbing Ingat Yaman, barangay kagawad, at kapitan. Hindi nalaunan si Mang Marcelino ay naging konsehal na ng kanilang bayan.

Kahit abala sa kanilang negosyo, hindi nakakalimutan ni Mercedita na magsilbi sa Panginoon. Siya ang Ingat-yaman sa kanilang church organization sa Sto. Niño Parish Church. Aktibo rin siya bilang Barangay health worker, Pangulo ng BHW Federation Association of Rizal, lider ng “KALIPI ng RIZAL,” at sa samahang pangkababaihan sa kanilang lalawigan.

Ang mga pagsubok ang humubog sa kanya upang maging matatag at mapagmahal na ina. Patuloy siyang nagpapasalamat sa Panginoong Diyos sa paggabay sa kanyang buhay.

Nagpapasalamat siya sa TSKI na ginamit na instrumento ng Panginoon sa pagtulong sa mga mahihirap na kagaya niya. Naniniwala din si Mercedita na susi sa tagumpay ang pagsusumikap.

(Isinalin sa Pilipino ni Marieta R. Manza)