1

't Glaze Hoes ielegaal edisie

Jaorgaank 53 nommer 1 2 miert 2011

Vaan de Hoofredaksie Leef Vastelaovendsvierend vollek vaan Mestreech en umstreke, veer wete dat geer mèt smart op de ierste edisie vaan dit jaor höb zitte wachte. Dat kump netuurlik umdat de vastelaovend dit jaor wel histories laat vèlt. Laote veer hope dat dat aoch beteikent dat ut get minder kaaid weurt es veurig jaor, want al dee sjnie is wel leuk, mer bijj sommige luij bevrore hun tiene es ze aon de verkierde kant vaan 't hoes zaote. Veer kinne uuch alvas melde dat veer begrepe höbbe dat in Nijjmege unne entoesiaste Cito kandidaat is opgestande. Nils voont ut jaomer dat de citotoets op sjaol alweer veurbijj waor. Dat geit nog get geve. Weijer höb geer netuurlik allemaol mètgekrege dat de neuije

börregemeister metein geperbeerd heet um get vaan ziene Jaan te make door te verbeje dat d'r mèt vasteloavend beer in glazer gesjoonke zow weure. Dat höbbe de Mestreechtenere häöm op ónnaovolgbare wijjze weer oet de kop wete te praote. Sjappoo veur eederein dee daor aon heet mètgewèrrek. Veer höbbe daan aoch gemeind häöm mèt de nuije naom vaan de gezèt te móte bedaanke veur zien fleksibiliteit. De veurige naom vaan de gezèt waor neet mie te handhave naodat veer bezeuk hadde gehad vaan dee vaan Rekko. Veer kinne uuch vertèlle dat dee e paar kleijerklaste bijj ziech had, die veer gere hadde ingeheurd veur ut geval de aw hoofredaktries ziech de kaomende daog weer in Mestreech zow laote zien. Oondaanks eus oetputtende poginge um daor get euver te wete te kaome, móte veer uuch melde dat veer niks, nada te wete zien gekaome.

Häör e bitteke kinnende, beteikent dat ut erregste. Veer stèlle daan aoch mer euze hoop op ut sjerrie-cordon dat in un straol vaan 15 km roond de Vriethof is gelag (bedaank hè Onno). Geer höb mesjiens gehuurd dat d'r hijj op de redaksie nogal get veranderinge in de loch haange en es gevolg daovaan löp de straotkorrespondent hijj de lètse weke roond met aoge die volcontinue op oorlog stoon en mèt dikke rumpels tot in ziene nek. Veer dörreve dee al lang niks mie te vraoge umdat de stress devaan aof spat. Wat dat geit geve mèt de vastelaovend? Oondaanks de bezuiniginge kinne v'r gelökkig, dit jaor nog wel vashawwe aon twie edisies, zoedat dees ierste weer gewijjd kin weure aon de oetslaag vaan de moojer van alle teste, de citotes 2011. Op ut momint vaan sjrieve waor de strijjd nog in volle gaank en woort d'r geperbeerd via valse Ipet accounts inziech te kriege in aander luij's inzendinge. Ut waor in eeder geval un hiel sjieke tes, al wiste veer alleijn mer dat antwoord op die knepkes. Dat móte die rumboene zien die de straotkorrespondent bijj eeder intervjuw in groete tute bijjj ziech heet. D'r waor zellefs weer un ganse nuij sait veur de tes in ut leve gerope. Sjappoo veur de kommendeus vaan 2011. Dat kump netuurlik umdat die e prachtig kroenjaor (4x11) achter de rök heet. Zoeget mót wel inspirere. Euver kroenjaore gesproke, veer móte hijj op dees plaots Irma alvas vaan harte felicitere mèt häör kroenjaor (5x11). Op 2 miert geit dat gebäöre. Vendaog dus! Loert nog ins in de gezèt vaan 2006, daor stoont un hommaasj aon dit prachtige vrommes, die veer hijj metein aon de moer höbbe gehaange en boe de ganse hoofredaksie nog steeds neet mèt druug aoge langs kin laope. Sjappoo en unne ieresalut vaan de ganse kompenei!!

Wee kump? Jeh, dat is eeder jaor weer de groete vraog. Pé en Liny, zoonder kinder, mer mèt Janneke nr.11. Maud kump al op zaoterdag en Cécile is drök bezig um e appartemint te zeuke. Ron en Janneke, Ingrid en Marcel, allebijj mèt kinder, zien d'r beslis weer bijj. De aofdeiling Amsterdam is moesstèl op de sait, mer heet laote wete ziech erreg te verheuge op de vastelaovend. En is Danielle debij? Veer laote ut allemaol wel op us aofkaome. Veer zien uuch gere eederen aovend (zaoterdag t/m dinsdeg) roond 9 oor veur de Knijnspiep. Op zoondeg weure daor de honneurs vaan de citotes aofgewèrrek. Paul en Irma höbbe get nuijts geheurd, mèt de garansie dat ut daor in eeder geval minstens tot 17 graode opgestook kin weure. Vergeet neet allemaol op maondag mèt te goon ete want daan is de perfessor jaorig en dat zal heer wete! Malon móte veer dit

jaor helaas misse. Dat errem keend zit in Amerika. Cas kump netuurlik wel en mesjiens wel mèt un vervengster vaan zie zuster. De ballotaasj-commissie zit al veerdig!! Oondaanks de neet aoflaotende poginge vaan Pé, hèlt de aw hoofredaktries ziech akelig stèl. Loert mer ins good roond op zoondeg bijj ut insjete. Jeh, en daan geve veer ut veur de res vaan dees gezèt mer weer oet han en drage veer de redaksie vaan dees edisie euver aon de twiedoezendèllefcitoteskommendeuze, die dit jaar de groete ier had um de èllefde citotes in mekaar te finsternölle en dat op un geweldige meneer heet gedoon. Allèh daan, laot goon, veer zien óntzèttend benuijd, zoewel naor d'n oetslaag netuurlik, mer aoch naor de antwoorde op al die vraoge. En zeker aoch naor de lies vaan bieste, boe volleges us wel e paar blaajer mèt gevuld kinne weure.

2

D’n Oetslaag vaan de Cito-tes 2011 Heij kaome daan de vraoge en de gooj antwoorde vaan de Cito-tes 2011. Geer Höb allemaol errug good eur bès gedoon dit jaor! Unne ganse dieretuin höb geer verzameld. Meh d’r zaot miech aoch unne haop kwatsj bei. Doevestroont is gei bies! Ut kump wel oet e bies, meh stroont is gei bies. En daan die prachtige vrijje opdrachte. Wat zien ze sjoen! Geer zeet ze heij in de gezèt op versjillende plaotse. Daankzij ut geautomatiseerde systeem dat al un paar jaor drejt en de sjoene nujje website www.citotes.nl, kos de tössestand steeds weer gaw beigewèrrek weurde. Sommige vaan uuch waore erg teleurgestèld tot neet eedere tössestand weer trök te hole waor (meh dat is aoch noets gewees) want zie wowwe geere de stand boe zie zelluf op de ierste plaots stoonte blieve zien. Dat snap iech, meh

daan moste zelluf mer unne screenprint make. Kinste dee es wallpeper op dunne kompjoeter zètte. De ierste plaots bleef mer wissele tösse de versjillende deilnummers. Ut waor errug spannend dit jaor. Op de lètste bladzijde vaan dees gezèt kint geer zien wee oeteindelik gewonne heet. Zoonder bonusse waore d’r oeteindelik 161,25 punte te verdene en degene dee gewonne heet had d’r dao 157,25 vaan. E sjiek percentage zow iech zoe zègke. CATEGORIE 1 (antwoord + leedsje) Ech gemekelik: 1. Boe bis diech neet mèt te betaole, Goud (Diech bis mèt goud neet te betaole) 2. Wie aajt weure veer? 100 jaor (Altied mer doorgoon) 3. Wat höb iech aon mien veuj? Blaore (Mèt blaore aon mien veuj) 4. Wienie geit alles beter ? Mörregevreug (Mörregevreug) fout: es de zon sjeint 5. Wat höb iech heij veur euver ? Alles (Hei höb iech alles veur euver) 6. Boe zien ze muzikaal? Bei Zjeng toes (Zjeng de Moneka) fout: in Lummel 7. Boe woent mien tant? In Kier (Reube, Friet en Beer) fout: in de Kaffee 8. Wee mot miech nao hoes bringe? Lekker Menneke (Lekker Menneke) fout: de nachbös, aoch fout: e meidske 9. Wat steit al in de gaank? Dien koffers (Iech haw vaan ut leve) fout: e baike 10. Wat höbbe 12 vrowluij? 24 batse (dreuver moule of drop klatse) fout: sjoen ouge (die höbbe ze missjiens wel, meh dat waor neet ut gooje antwoord), aoch fout: hoeg hekskes (de Maosboelvaar)

De Brandweer Mieljaar wat un opgaaf, e verhäölselke euver de brandweer. Es d'r get is boe iech niks mèt höb daan is ut de brandweer wel. E paar jaor gelèje hadde veer die ech ins nudig toen uzze krónsel vaan unne naober (erkint funkeleer) d'r eindelik ins in geslaag waor um ziene ope haard zoe hel op te stoke dat de vlamme oet de sjòw sloge. Jao deen oelewapper maak us soms zoe werrem van binne (en vaan boete). En jao veer höbbe ze gehuurd, de jonges in roej jasse, dat wèlt zègke, tatuu tatuu, de sirenes, want ze kóste ut adres neet vinde….. Geer snap ut al, iech höb ech niks mèt de brandweer. Kloetzek, kloetzek zien ut allemaol. Sorrie Maud, diech snaps ut neet, iech zeen ut. Toen iech nog e junkse waor, waor iech aoch neet zoe eine dee reep vaan Iech höb gedruimp vaanach um brandweermaan te mage weure. Nein, iech had mien zinne gezat op de mèllekboer. Meh mie lepke, wat zègkste noe? Jao, de mèllekboer! Bijj us kaom nog eederen daag Dré langs de deure, in deen tied al mèt zoen elektries keerke. Dee hoofde dus neet te stake um tot heer geine höllepmotor aon zie keerke had. Hiel af en tow mochte veer es koejonges mèt häöm mèt op dat keerke de buurt rónd en hellepe de boter, mèllek, kies en veerse eijer rónd te bringe. Wat veulde iech miech daan groets. Mèllekboer, dat wòw iech weure. En veur wee ziech soms aofvreug of dee soms zóng vaan "de liekens väöl op miech" , nein, iech lieken abseluut neet op dee Zaten Dré. Bedaank Ma. Boeveur is d'r toch noets e geslaag leedsje euver unne mèllekboer gemaak? Vrije opdrach vaan Pé

CATEGORIE 2 (antwoord + leedsje) Get Lestiger: 11.Wat deis diech mèt Ricardo? In bad ligke (Sjiek is miech dat) fout: in bèd ligke, aoch fout: puune 12.Wat veur e geveul höb iech? Tot iech zweef ( In d’n Hiemel) of ’n hiemels geveul (In d’n Hiemel) fout: ’n hiel apart geveul, aoch fout: good geveul (Altied zal iech vaan diech hawwe)

3

13.Wat maak miech zoe bang? Op diech wachte ( Lerang) fout: hoegtevrees (Meh mie lepke), aoch fout: dat de Vastelaovend aoflöp, aoch fout: de nachte (Traone) 14.Wat laot iech diech zien? Wie sjoen de Karnaval kin zien ( diech bis e lekker menneke) 15.Wie aajt is Merieke? 18 jaor (iech höb geine leefste) fout: 17 jaor 16.Wee waor wiet weg gewees? Miene noonk Cornelis (Kakkedie) fout: diech spöls selduitsje, aoch fout: veer zien mèt de bös nao Oostenriek gewees, aoch fout: Merie waor naor ’n argentinies fees 17.Wienie weurt zie e bitsje astrant? Es ze hand in hand laope (Es diech miech puuns ) fout: mèt die dreij daog, aoch fout: es zie teväöl gedroonke heet, aoch fout: ins beij unne blinne moer (Lerang bis neet zoe bang)

CATEGORIE 3 Kleure: 18. Wat/Wee is wit en zwart? ’t Kelbeske vaan Tant Neske (Tant Neske) 19. Wat/Wee is roed? De Roeze (Roed roed roed zien de roeze) of Roeje Jan (Roeje Jan) 20. Wat/Wee is roed, geel en greun? De kleur vaan Vastelaovend ( Roed geel en greun) of de kleur vaan Carnaval (Roed geel en greun) 21. Wat/Wee is roed, wit , greun? Miene trico Tricolore (Trico Tricolore) 22. Wat/Wee is greun, geel en roed? Miene paprika (Paprika) fout: dee kop (Gesjmink nao bèd), aoch fout: de onvolprezen saait vd Citotes (leuk bedach!) 23. Wat/Wee is blow? 2x Häör ouge (Adam en Eva), Miene vogel (Och wat höb iech gelök) of blow plekke (de Straoteluiper) fout: de zaate herremenie 24. Wat/Wee is blow blow blow? Iech (Es ’t water vaan de Maos) of Zjeng (Es ’t water vaan de Maos) of de vès (Es ’t water vaan de Maos) fout: Beppie of de Maos (Es ’t water vaan de Maos) 25. Wat/Wee is zwart? 2x Häör ouge ( Iech bin zoe verleef), Peper (Urbi et Orbi) of ’t Haor vaan de signoritas (Viva la Mexico) of leere brook (Jao die pits) of ’n zwarte (de nozem) 26. Wat veur kleur heet Jan? Roed (Roeje Jan) 27. Wat/Wee is wit? 5x Wien (Leefde wint altied), E gleeske wien (Friete), E Lake (Menier d’n deender), E peerd (Mustafa), Zand (Mustafa), Beurtsje (Zjuulke Zeuthout) of zand (de Sirtaki) of goud (Reiske op de Maos of goud (Plezeer in Limburg) of Staar (Mestreechs Volksleed) of Brigitte Bardot (Brigitte Bardot) of haor (’t Woonder) of roeze (Höbs diech dat aoch?). Geer zeet ’t d’r is unne houp wit te vinde in Mestreech. Fout: Dentergems, Wieckse, Hoegaarde, Raaf en Trappist

28. Wat/Wee is roed en wit? De kleure vaan MVV (Jao dat is us MVV) 29. Wat/Wee is vuurroed? De haore vaan Tina (Tina) of oere (Dreij daog verlore) fout: de loch in vuur en vlam (Sjierra) aoch fout: unne bloete karnavalsvierder 30. Wat/Wee zuut ze gere roed en blont? Roeje Jan (Roeje Jan) fout: de nozem, aoch fout: sjarel 31. Wat/Wee is gries? 3x D’n haore (Diech bis mèt goud neet te betaole), Mien moojer (Diene lètste jas), E pepier (de keutel) of d’n haore (Woele Boele) of haore (mèt Vastelaovend bin iech gebore) of haore (Lekker Joonk) of haore (in gedachte) of iech (daorum leef iech m’n eige leve) 32. Wat/wee is broen? Kaffeeke ( Broe de Brouwer is) of veer op ’t terras (Es de zon sjeint) of boene (Dat is de sajs) fout: pater

Merretkoer - De brandweer Let op, oet de weg, heij kom iech met mien sjuif Iech moot wel heijop blose want de sirene vaan de wagel is kepot Dus blaos iech miech te barste, en laop iech trots veuroet Want dat kin iech mer neet laote, en blaos dus op mien toet Vrije opdrach vaan Roger

CATEGORIE 4 Kryptoos: 33.Rege of Zonnesjien, ’t is allemaol vaan miech

Iech höb ut weer fout: diech bis ‘t zönneke 34.Huur dee ezel achter dat vaat Tonia 35.Wat un vètte roes De Boterblom 36.Wat is die deur! Diech bis mèt goud neet te betaole fout: ‘t hiemelpeurtsje 37.Mèt hiemelknepkes, zoonder ’n tekst

Meh mie lepke fout: d’n ingel vaan Mestreech 38.Neet noe Later fout: mörrigevreug 39.Die vlege es ut doonker is Nachraove 40.Links, rechs, links, rechs, links, rechs, links

7 stappe. Heij had geer toch unne houp originele oplossinge veur! Un hiel lies, mien kompliminte ! allemaol fout: sjoggel, sjoggel, Vriethofmars, Nao Väöre, Dao kump de sjötterei, Polonaise, Altied mer doorgoon, French can can, Mestreechter Mars 41.Bloet Zoonder hùmme zoonder brook fout: Iech bin gebore in Mestreech

4

’t Brandweervruiwke D’r woende ’s e mestreechs meitske, in ’t oosten vaan ’t land. Zie heel vaan vastelaovend, en regelde ziech zier galant, tot ze eder jaor vaan de parteij waor, ze stoont noets aon de kant. En wie häör dat steeds lökde, is e verhaol apaart. Ze maakde lang veuraof planne, brach ziech alles perceis in kaart, en ging zie daan loos, woort ‘t nèjmesjien gesjaard.. Tatuu tatuu, ’t vastelaovesthema vaan dat jaor. ’t Nèjmesjien drèjde ore, de pekskes waore al klaor. Drei brandweermanne plus ein vruiwke, of ’t de normaalste zaak vaan de wereld waor. De volgende ranzjasie, g’r wèlt ’t neet beleve. Vriethof, 12 oor acte de presence, waor häör mojerlik streve, zoetot ze häör keender, al waor ’t mer eve, toch get Mestreechter Geis kòs geve. De kleinste in ’t kuitske, zwart, geel en roed. De groetste deneve, mèt ‘ne prachtigen hoed. Sjus op tied veur de reijeloet slote zie aon, nein ’t kòs gei koed De ganse femilie trof ziech, en ederein waor bleij, tot aoch zie oet ’t oosten, weer aonslote in de reij. Lof kraog ’t vruiwke hiel oetgebreijd, veur al häör excentrieke kunstemekereij En wie de brand ech geblus waor, nao Vriethof en Chinees, ginge de brandweermanne trök, mèt aon de leiding papa Kees. ‘t Brandweervruiwke bleef achter, veur ‘t jaorlikse Mestreechse fees. ’t Meitske deit dit noe al jaore, zingk heerlik mèt, weurt gans oontspanne, vaan dat Mestreechse vollek, zoonder häör brandweermanne. Dee vastelaovend deit häör geweldig good, en heus neet allein veur die Citotesplanne.

Irma 22/02/2011

5

CATEGORIE 5 Boe bin iech?

42. Karkol

43. Charlemagne

44. Lure

CATEGORIE 6 Boe zien veer hei?

45. Knijnspiep

46. De Belsj

47. (Ex) Forum

48. De Pieter

6

Iech haw vaan ´t leve 2 juni 2002. Met gierende banden op weg naar het ziekenhuis. Baby (nog net) in de buik, cd van Paul in de tas. Een cd met een spetterende selectie van vastelaovend leedsjes af te spelen tijdens de bevalling. Uiteraard met als achterliggende gedachte: heel erg jong geleerd is ongetwijfeld oud gedaan. Leuk als theorie, maar de barende praktijk is anders. Een dappere poging van Ron om de weeën op te leuken met mestreechse muziek, wordt door een scheldkanonnade uit het kraambed in de kiem gesmoord. Maar als Saar net een minuutje op aarde is doet Ron een tweede poging ... Iech haw vaan ´t leve: de eerste muziek die onze dochter hoort! Vrije opdrach Ron en Janneke CATEGORIE 7 Aajt: 49. Wat geit geine aon? Of iech zit of staon of leun (Hihaheppening) fout: Aon miene straank 50. Wie lang wach iech op wee (naom), mie es un oor op Pieke (Iech wach op diech) of Altied op Merie (Ach Merie) fout: eder nach op Lewieke, aoch fout: 1001 op Dalila 51. Wee höbbe zekskes in hun tes? Goofies (Bloos mer) 52. Wat hat Tant Leen gezeen? Wie heer hat gevrijt (Ut waor geen leefde) 53. Wie goon veer d’rachteraon? Op de huukskes (Meer kom oet dee zedeleer) of mèt de dikke zjiem veurop (Mèt de dikke Zjiem veurop) of veer vlege (Iech huur un herremenie) of in Polonaise (Dao goon veer weer) of op de huukskes (Iech huur un herremenie) fout: zjus wie uzze pa en ma 54. Wat zeet Noonk Nelis? Noondepie (Gaank toch kiene) 55. Wat ruuk nao beer? De Maos (Vaan Eijsde tot de Mookerhei) 56. Wee had neet te klaoge? Merie (De Vrattel) fout: Sjarel, aoch fout Sjengske, aoch fout: iech (zoonder get te vraoge) 57. Boe waore veer? In d’n olie (Boe Boe Boe) 58. Wee deit zoe gek? Maria (d’n aria vaan Maria) of Mie Lewieke (Menier d’n deender) fout: de loaj vaan ’t bestek, aoch fout: Tant Neske CATEGORIE 8 Dat de bieste in punte gedevalueerd zien, waor oonvermijjdelik. 89 höb geer d’r beij elkaar gevoonde. Klasse luij! Klasse! En iech dörf te wèdde tot veer d’r mèt de Vastelaovend nog miejer goon hure. Pé voond zellufs ‘n Fretske in Mien Moojertaol en Cécile waor zoe schlum um aoch de wäörd “bies” en “dier” mèt te neume. Dat zien tenslotte aoch bieste, neet woer?

Sommige verkleinwäörd woorte wèl apaart mètgetèld, aandere neet. Es d’r un “/” steit, daan geit ’t um unzellufde soort bies en koste mèr veur eine vaan de twie, punte kriege. Verzamelle: Alleh, op alfabèt: Aap/ Dao mot iech niks vaan höbbe Apen ’t Geit neet, besteit neet Baj Tettemerie Bere/ Hakke stoond te kakke Beer d’n Doeje giraf Bieske Bieskesleed Bijje Heimwee Bok Bokkie bokkie beh Veur de bok z’n kloete Bökkem Bijj de Kazjematters Miene bökkem De Merret vaan Mestreech Dier Es diech miech puuns Duifkes de Vriethof op en neer Doeve ‘ne Knappe knöl Eepke Bei mien grameer Everzwijne Takke takke dai dai Ezel/ ’t Ezelke de Keutel Rel del del del Ezelke Hadde veer mer un ezelke Fretske Mien Moojertaol Gans de Boeredans Giraf Super sjoenen daag Haai Chinees leedsje Haon Allemaol Egaal Es de zon sjeint Häönsje Mien grameer Haos Sjei oet mèt prakkezeere Hertsje Sterre die foonkele Hieringe Wèlt geer neet nao de

pieringen Hin/ Es de zon sjeint Hinneke Boerinneke Hoond C’est la vie Houtwörm C’est la vie Hunneke Awwe gek Dao achter bei ’t welke Kangeroe de Kangeroe Kat de Kattebak Allemaol maskes Kater Geef miech toch get water Macaroni Veer höbbe get te viere

7

Vrijje opdrach Ingrid

8

Kemeel/ 1001 nach Kemele Moestafa Kenarie Venaof 1 januari Miene kenarie Miene vogel is gevloge Keuj de Groete optoch vaan 1905 Kip Allemaol egaal Klook de Nozem Knarieveugelke Miene kenarie Knien Spring wie ‘ne knien Allemaol maskes Koeleköpke Koeleköpke Kooj Allemaol egaal de Misser ’t leedsje vaan de kooj Gaank nao de Merret Korewolf Veer zien vaan ut zuide Krej Bieskesleed C’est la vie Kuke(s) de Nozem Mien grameer Kuusj Ze make miech gek Kwalle ’t ete oet de zie Liew de Liew is weg Maoj Iech höb de piep leeg Moes In St. Servaoskerrek Viva Mestreech Mögk/ Gloria Philomene Mögske Bieskesleed Möschke/ Schattepie Mösje Passazjiere ’t Is gei weer Mosquitos Viva Cantina Mexico Mossele Mossele Muiskes En de bis vaan miech Muskus Allemaol maskes Nachraove Nachraovesamba Nachtegaal/ Es de sterre daobove straole Nachtegäölke Geer mer gaas aon de maas Olifant d’n Olifant Ooievaar Es iech opnuj gebore weur En de bis vaan miech Os de Groete optoch vaan 1905 Pappegej Bieskesleed

C’est la vie Pouw Beij de Kazjematters Peerd de Straoteluiper Pleite mèt ’t peerd vaan Beite Hei höb iech alles veur euver Kèrremis D’n allerierste kier de Keutel Pieringe Wèlt geer neet nao de

pieringe Pieteke Höllep miene tralala Pietsje Knarie Allemaol bazel Plesiehoond Miene pa is drekmaan Poes Snoezepoes Raove In Mestreech bin iech gebore Ree Dans mer mèt mèt

Fietsefreem Rolmops Ze make miech gek Rups Kèrremis Sfinx de Groete optoch vaan

Mestreech Sjäöpkes Es de zon sjeint Slak Miene bökkem Sprinkhaon Super sjoenen daag Stier Allemaol egaal Teddybeer Miene teddybeer Tieger Super sjoenen daag Tortelduifkes Fluuster ’t mer in mien oer Verreke de Boerendans Vès Es ut water vaan de Maos Miene bökkem Boe biste Ach wat is ut leve sjoen Veugelke/ Bieskesleed de Keutel Miene vogel is gevloge Veuleke Wie meziek op e pleetsje Vinkske Miene knarie Vleeg/ Sjiek is miech dat Vlege Harie Bombarie Vlinder/ Harie Bombarie Vlinders Diech bis ’t zönneke Vloei De keizer vaan China Vlu Dao is gein stad in us lendsje Vogel Miene vogel is gevloge Och wat höb iech gelök Super sjoenen daag Vogelstruys d’n awwe Vogelstruys Wörrem de Boonte störrem Viva Sombrero Iech höb aoch hiel get inzendinge aofgekäörd. Iech gaon ze neet allemaol opneume, meh väöl hadde de mèt te make tot ’t neet um un bies ging, meh um un “oonderdeil” vaan e bies: douvestroont, hinnevel, verrekespu, berekow, haaievinnesop, ziepeerdevleis, kattepis en gaank zoe mer door.

9

Aoch woorte inzendinge aofgekäörd boe hielemaol gei bies in veurkaom: ‘ut beer is op’, geit neet euver unne beer. Es lètste categorie zien inzendinge aofgekäörd vaan leedsjes die iech neet kin (luij: boe haolt geer ze allemaol vaandan?). Wèlt geer uuch frustratie kwiet umtot d’r bieste volges uuch oonterech zien aofgekäörd: zoondagaovend 21.00h bei de Knijnspiep! En degene mèt de groetste moul, maag volgend jaor de Citotes make. Lang leve de Mossel! CATEGORIE 9 Veur de oetslovers: Ut leedsje dat wèl op de dvd steit, meh neet in ut beukske waor “de Brandweer”. Geer kos dit aoch op de website vinde door mèt de moes links euver de gele balk te bewege. Dao kump daan “oplossing” te stoon en dao kint geer op klikke. De inzendinge veur de vrije opdrach die hei mèt samehing vind geer op versjillende plaotse in deez gezèt. En heij kump ut oordeil vaan us allerleefste Citotestwiedoezendellufassistente: Leef Luij, Geer höb ut miech ouch dit jaor weer erreg lèstig gemaak met al die pragtige verhaole, gediegte en kreatieve inzendinge. De beoordeiling heet miech flink get koppijn bezörreg, umtot eeder inzending op ziech sjoen en orzjineel waor. Daobijj kaom nog tot iemes mien deskundig oordeil perbeerde te beïnvloede via steekpenninge en mentale sjantage. Geer snap natuurlik tot iech daor es doorgewinterde citoteskommandeuze-assistente totaal neet bevattelik veur bin. Wie verleidelik die steekpenninge ouch waore……………. Genog gewawwelt………….noe de oetslaag: Ierste plaots (11 punte) : Irma Ierste plaots (11 punte) : Ron en Janneke Ierste plaots (9 punte) : Ingrid Ierste plaots (7 punte) : Peter Ierste plaots (7 punte) : Cécile Ierste plaots (6 punte) : Roger Ut idee, de tèks en de opmaak vaan ’t Brandweervruiwke voont iech ech vaan groete klasse; dik verdeend 11 punte veur Irma. Mèr ut verhaol euver de geboorte vaan Saar

raakte de Citoteskommandeuze-assistente werkelik deep in häör Mestreechs hart; dus ouch 11 punte veur Ron en Janneke. Ut brandweergezèlsjap vaan Ingrid voont iech erreg orzjineel; iech bin benuijd of geer dat leuke stèl nog tege komp met de Vastelaovend. Pé heet duudelik niks met de brandweer, mèr heer weit daor wel zoe’n kwatsjverhaol vaan te make met passende verwijzinge naor allerleij Carnavalsleedsjes tot iech häöm beloen met 7 punte. Dat aontal punte geef iech ouch aon Céciel die kort en kragtig in un grappig pleetsje aongief oonder welke kondisies zie lid wilt weure vaan de brandweer. De lètste in ut rijjke is Roger met 6 punte veur zien leuk, kort gediech. Leef luij, ut waor weer un groete ier um mien jaorlikse taak es Citoteskommandeuze-assistente te mage verriegte. Iech wins uuch allemaol unne oonvergetelikke Vastelaovend 2011 met väöl plezeer, vrundsjap, leefde, good weer en smakelik beer. Dikke knoevel, De Assistente. CATEGORIE 10 Eige vraoge: 10a. Wee heet gein facelif nudig? Tant Neske (Tant Neske) 10b. Wienie laoch iech op de vloer? Toen dat bies begos te dreje (de Keutel) 10c. Wat dinkste este ut eve höbs gehad? Sjiek is miech dat (Sjiek is miech dat) 10d. Waar vond ik de peerdeblomme? In de wei (Klaverke veer) 10e. Wienie zow iech gelökkig zien? Es iech mèt diech op stap moch goon (Diech bis op de köpke gevalle) 10f. Wie houdt van limburgse mannen? Suzanne (Iech bin Suzanne) 10g. Wee is veur de meziek gebore? Zjiemelezjo 10h. Wee heet de deur neet good tow gedoon en wat gebäörde d’r toen? Sint Pieter, de sjoenste ingele vloge nao Mestreech (de Meitskes vaan Mestreech) 10i. Boe vinste losse sokke? Op de Merret (de Merret) 10j. Wie weet niet hoe vader aan moeder is gekomen? Netteke (Iech maag neet vrijje) 10k. Wat veulste aon die water? Dee kump neet mie (Boe biste, boe biste noe?) 10l. Wat doen ze na het samen tuttele? In bad (Knuffel-samba) 10m. Wat höb iech Minckeleers belaof? Nog eve langs de Merret (Iech höb de piep leeg) 10n. Wat is zeker good veur e mieljoen? Dee poen (Wat unne poen)

10

CATEGORIE 11 Geluidsvraog: De leedsje die te hure zien: Mestreech is eine groete kaffee Mestreech is neet breid meh laank Carnaval in Mestreech De meidskes vaan Mestreech Straotkarnaval Jao us Mestreech Mestreechs Volksleed Ut woord Mestreech kos geer 8x hure

De Vrije opdrach vaan Cécile

11

D’N OETSLAAG Leef luij, iech wèl uuch allemaol bedaanke veur uuche GEWELDIGE inzat. Wát höb geer uuch bès gedoon. Uzze Citotes is nao 11 jaor nog steeds springlevend. Moch geer neet gewonne höbbe (en dee kans is groet), daan kint geer ut ut volgend jaor gewoen weer opnuj perbere. Veer wèlle speciaal uzze daank oetspreke veur de Citotestwiedoezendellufassistene die häör taak weer prachtig heet volbrach dit jaor. Wat zowwe veer zoonder diech motte doon? En daan, ut oongeluifelikke is gebäörd: veer höbbe un gedeilde ierste plaots! Cécile en Pé höbbe exak dezellufde stand!!! Good gedoon, jonges. Mèt uuch debeij motte veer alle leedsjes kinne zinge! Perficia! Veer zien uuch geere op zoondagaovend 21.00 oor veur de Knijnspiep um uuch door us allemaol tow te laote juiche. Heij oonder stoon alle punte. B zien de bonuspunte die gegeve woordte este un categorie hielemaol good hads. Extra zien de extra punte die Irma heet gekrege umtot zie zoe gaw häör ierste antwoorde klaor had én veur häöre geweldige inzat.

Klasse: I II III IV V VI VII VIII IX X XI B Extra Totaal Cécile 10 14 15 27 9 12 20 18,3 10 14 8 9 166,3 Pé 10 14 15 27 9 12 20 18,3 10 14 8 9 166,3 Irma 10 10 15 27 9 12 20 14,0 14 13 8 7 3 162,0 Ingrid 10 8 15 27 6 12 17 7,8 12 11 8 5 138,8 Paul 10 10 15 27 9 0 20 11,5 0 0 8 6 116,5 Roger 9 10 10,9 3 0 0 16 6,8 9 12 8 1 85,6 Janneke 9 4 10,6 9 3 1 16 6,0 11 10 6 0 85,6 Ron 9 4 10,6 9 3 1 16 6,0 11 10 6 0 85,6 Marcel 4 0 4 9 3 9 2 0,5 3 0 3 0 37,5 Daan mot iech allein nog vermèlde tot iech door de Tempeleers bin oetgenudig um op zaoterdagaovend

in de Bonbonniere door de Prins geridderd te weure in de orde vaan de Sjouweveger vaanwege mien “Verdeenste veur de Mestreechter Vastelaovend” (en iech bin zoe gruutsj). Geer zeet allemaol

oetgenudig um daobei aonwezig te zien vaanaof 20.11 oor. En aanders zien veer us zoondag-, maondag- of dinsdagaovend um 21.00 oor veur de Knijnspiep (of

örriges aanders in Mestreech) Unne Gooje Vastelaovend!

De Citotestwiedoezendellufkommendeuze