the story of god trainer's guide
DESCRIPTION
A trainer's guide for making disciples who make disciples using Bible stories.TRANSCRIPT
THE STORY OF GOD Trainer’s Guide for Making Disciples
Baliwag Bible Christian Church Team of Trainers
2013 Edition
~ 1 ~
Table of Contents Process Overview ................................................................................................................................................................................. 3
Listening to Their Story..................................................................................................................................................................... 4
Telling God’s Story in Your Life ..................................................................................................................................................... 6
Telling the Changed-Man Story ..................................................................................................................................................... 8
Telling the 12-Minute Story of God ........................................................................................................................................... 10
Leading Storying Groups ................................................................................................................................................................ 14
12-Week Story of God (Overview) ............................................................................................................................................. 20
WEEK 1: Creation and Rebellion ................................................................................................................................................ 21
Scene 1 ~ Ang Mga Unang Tao .................................................................................................................................................... 22
Scene 2 ~ Ang Pagrerebelde ........................................................................................................................................................ 24
WEEK 2: Spread of Rebellion ........................................................................................................................................................ 27
Scene 3 ~ Ang Magkapatid ........................................................................................................................................................... 28
Scene 4 ~ Ang Baha ......................................................................................................................................................................... 30
WEEK 3: The Promise of God ........................................................................................................................................................ 34
Scene 5 ~ Ang Pangako .................................................................................................................................................................. 35
Scene 6 ~ Ang Anak ......................................................................................................................................................................... 37
WEEK 4: The Law of God ................................................................................................................................................................. 41
Scene 7 ~ Ang Pagliligtas at ang Kautusan ............................................................................................................................ 42
Scene 8 ~ Mga Hari at mga Propeta .......................................................................................................................................... 46
WEEK 5: The Coming of Jesus ....................................................................................................................................................... 51
Scene 9 ~ Pagsilang kay Jesus ..................................................................................................................................................... 52
Scene 10 ~ Ang Bautismo kay Jesus ......................................................................................................................................... 54
Scene 11 ~ Ang Tukso kay Jesus ................................................................................................................................................ 55
WEEK 6: The Authority of Jesus .................................................................................................................................................. 58
Scene 12 ~ Mga Himala ni Jesus ................................................................................................................................................. 59
Scene 13 ~ Ang Kaharian .............................................................................................................................................................. 61
WEEK 7: The Death and Resurrection of Jesus ................................................................................................................... 65
Scene 14 ~ Ang Mahabaging Ama ............................................................................................................................................. 66
Scene 15 ~ Ang Kamatayan at Muling Pagkabuhay ........................................................................................................... 67
WEEK 8: The Spirit and the Church .......................................................................................................................................... 73
Scene 16 ~ Ang Misyon at ang Kapangyarihan .................................................................................................................... 74
WEEK 9: Living by the Spirit’s Power ...................................................................................................................................... 78
Scene 17 ~ Ang Pamumuhay ng Iglesia .................................................................................................................................. 79
Scene 18 ~ Ang Pakikipaglaban sa Kasalanan...................................................................................................................... 81
~ 2 ~
WEEK 10: Life to the End ................................................................................................................................................................ 84
Scene 19 ~ Ang Katapusan ........................................................................................................................................................... 85
WEEK 11: Forsaking Idols and Following Jesus ................................................................................................................. 89
Scene 20 ~ Si Jesus at ang Lalaking Mayaman ..................................................................................................................... 89
WEEK 12: Following Jesus in Baptism and the New Life ............................................................................................... 93
Scene 10 ~ Bautismo kay Jesus .................................................................................................................................................. 93
Scene 16 ~ Bautismo sa Unang Iglesia .................................................................................................................................... 95
Baptism Interview Guide ................................................................................................................................................................ 99
Guide for Training Trainers ....................................................................................................................................................... 101
References ........................................................................................................................................................................................... 105
~ 3 ~
Process Overview
Makinig sa kuwento ng
buhay NILA
Pag-isipan: Paano kaya natin
siya matutulungang ilapit kay Jesus?
Ikuwento ang kuwento ng buhay MO
Ikuwento ang Changed-
Man Story
Tulay: “Bagong-buhay ang ibinibigay ni Jesus sa mga tao mula pa noon…”
Tanong: “Gusto mo bang
magkaroon ng bagong-buhay tulad ng lalaki sa kuwentong ito?
Ikuwento ang 12-Min Story of God
Tanong: “Gusto mo bang makinig sa
ilan pang mga kuwento? Puwede mo bang isama ang pamilya mo (o mga kamag-anak at kaibigan)?
Pagkuwentuhan ang 12-Week Story of
God (Overview)
Sanaying ikuwento din ang
Story of God sa iba
Kapag handa na, gabayan sila sa pagdedesisyong
sumunod kay Jesus.
Pagkuwentuhan ang 12-Week Story of God’s Church (Acts)
Pagsunod kay Jesus
Baptism
Church
Kaagapay Group
Tanong: “Gusto mo na bang
maging tagasunod ni Jesus?
Pagkuwentuhan ang 12-Month Story of
God (Whole Bible)
~ 4 ~
Listening to Their StoryBakit dapat makinig muna sa kuwento ng buhay
nila bago mo ikuwento ang Story of God?
1. Si Jesus ay nakikinig din sa kuwento ng buhay
ng mga tao.
2. Makikita natin sa kuwento nila kung ano ang
tingin o palagay nila sa atin.
3. Matutulungan tayo nitong mapag-isipan ang
sagot sa tanong na, “Paano ko kaya siya matutulungang makalapit kay Jesus?”
4. Kapag naikuwento nila ang buhay nila at ang mga nasa puso nila, mas magiging bukas silang
makinig ng iba pang kuwento.
5. Nakikita nila ang concern natin sa kanila dahil naglalaan tayo ng panahong pakinggan sila.
6. Sa pakikinig, nagsisimulang maging bahagi tayo ng kuwento ng buhay nila.
Anu-ano ang dapat tandaan sa aktibong pakikinig (active listening)?
Ang aktibong pakikinig ay ang pagsisikap nating marinig hindi lang ang mga salitang sinasabi ng
isang tao kundi, higit na mahalaga, ay masubukan nating maintindihan ang kabuuang mensaheng
gusto niyang iparating. Dahil dito, dapat na…
1. Ibigay sa kanya ang ating buong atensiyon.
Tingnan sa mata.
Alisin muna ang mga gumugulo sa isip mo.
Huwag mo munang isipin kung ano ang sasabihin mo pagkatapos.
Huwag magpagulo sa paligid n’yo na maaaring magulo (tulad ng may ibang nag-uusap).
“Makinig” din sa kanyang body language.
Iwasang mag-text o gumamit ng cellphone.
2. Ipakitang nakikinig ka talaga.
Gamitin din ang body language mo at iba pang mga senyales para maipakitang nakikinig
ka.
Tumango paminsan-minsan.
Ngumiti at gumamit ng iba pang facial expressions.
Tingnang mabuti ang pagkakatayo o pagkakaupo mo at tiyaking nagpapakita ito ng
pagiging bukas mo at para bang inaanyayahan mo siyang magkuwento pa nang
magkuwento.
Hikayatin mo siyang ituloy pa ang pagkukuwento niya sa pamamagitan ng ilang mga
kumento tulad ng, “Oo nga,” “Uh huh,” atbp.
3. Magbigay ng feedback
~ 5 ~
Ibalik sa kanya ang sinasabi niya sa pamamagitan ng pag-uulit ng narinig mo gamit ang
sarili mong pananalita (paraphrasing). Puwedeng simulan sa, “Ang pagkakaintindi ko sa
sinasabi mo…” o kaya ay, “Naririnig kong sinasabi mong __________________________________.
Tama ba?”
Magtanong para malinawan ang ilan sa mga gusto niyang sabihin. “Anong ibig mong
sabihin nang sinabi mong…?” “Ganito ba ang ibig mong sabihin…?”
4. Iwasang manghusga
Huwag sisingit basta-basta kapag nagsasalita siya.
Hayaan mo munang matapos ang isang bahagi ng sinasabi niya bago ka magtanong.
Huwag sasagot ng mga bagay na kokontra sa mga sinasabi niya.
5. Magbigay ng angkop na tugon sa pinag-uusapan
Maging bukas at totoo sa mga sasabihin mo. Huwag mambola.
Maging magalang kung may sasabihin ka mang iba sa pinaniniwalaan niya.
Itrato ang kausap sa paraang sa tingin mo ay gusto niyang tratuhin siya.
~ 6 ~
Telling God’s Story in Your Life Narito ang ilang bagay na
dapat tandaan sa
pagkukuwento ng kuwento ng
buhay mo na makatutulong
nang malaki sa pagpapakilala
mo kay Jesus sa mga kamag-
anak at malalapit na kaibigan.
1. Ipanalangin ang isusulat mong kuwento upang maging malinaw ito at makahikayat sa iba
upang naisin din nilang mas makilala ang Diyos.
2. Maglahad ng personal na pangyayari sa buhay. Tandaang hindi ito oras ng pangangaral kundi
pagkukuwento ng ginawa ni Jesus para sa iyo.
3. Sikaping maikli lamang ang pagkukuwento. Limitahan sa 3-4 na minuto. Makabubuti ito
upang manatili kay Jesus ang sentro ng kuwento ng buhay mo.
4. Maaaring bumanggit ng ilang mga talata sa Bibliya na makapagpapatibay sa iyong sinasabi.
5. Sa pagkukuwento ng kuwento ng buhay mo, simulan mo ito sa pagsasabi kung sino o ano ka
bago mo pa personal na makilala si Jesus; pagkatapos, kung paano mo siya nakilala at
nagsimulang sumunod sa kanya; at sa huli, kung anong pagbabago ang ginawa niya sa buhay
mo. Iwasang itaas ang sarili, bigyang-diin ang ginawa ni Jesus sa puso mo. Maaari mong
banggitin ang katiyakan sa buhay na hawak-hawak mo na ngayon. Tiyakin mo rin na
mababanggit ang mga bagong pangyayari at patuloy na ginagawa ni Jesus sa iyong buhay.
6. Subukan mong isulat ngayon.
Sino ako bago ako naging tagasunod (nagsisi at sumampalataya) ni Jesus?
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
~ 7 ~
Paano ako tinawag at naging tagasunod ni Cristo?
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
Ano ang ginawa at ginagawang pagbabago ni Jesus sa buhay ko?
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
___________________________________________________________________________________________________________________________
~ 8 ~
Telling the Changed-Man Story Galing ito sa Marcos 5:1-20:
Kumakalat na ang kuwento tungkol
kay Jesus at sa mga himalang
ginagawa niya, kaya maraming tao ang
nagpupuntahan kung nasaan siya para
sila mismo ang makakita. May mga
ilang nagdesisyon nang sumunod kay
Jesus. Kasama dito ang labindalawang lalaki na palagi niyang isinasama,
tinuturuan, at sinasanay saan man siya magpunta. Sa lahat ng mga
tagasunod niya, sila ang naging pinakamalapit kay Jesus.
Isang araw, isinama sila ni Jesus na sumakay ng bangka at tumawid sa kabila
ng lawa.
Pagbaba ni Jesus sa bangka, may sumalubong sa kanya na isang lalaking
sinasaniban ng masamang espiritu. Kagagaling lang niya noon sa tinitirhan
niyang sementeryo.
Madalas na iginagapos ng mga tao ng kadena ang mga paa’t kamay niya,
pero natatanggal niya ito agad. Kaya walang makapigil sa kanya.
Araw at gabi, nagpapagala-gala siya sa sementeryo at sa mga burol at
nagsisisigaw at sinusugatan ang sarili niya ng matatalas na bato.
Malayo pa si Jesus, nakita na agad siya ng lalaking ito. Dali-dali siyang
tumakbo at lumuhod sa harapan niya. Sinabi ni Jesus, “Ikaw na masamang
espiritu, lumabas ka sa taong iyan!” Humiyaw ang lalaki, “Ano ang pakialam
mo sa akin, Jesus na Anak ng Kataas-taasang Diyos? Nakikiusap ako sa
pangalan ng Diyos, huwag mo akong pahirapan!”
~ 9 ~
Tinanong siya ni Jesus, “Anong pangalan mo?” Sagot niya, “Kawan, dahil
marami kami.” Paulit-ulit siyang nagmakaawa kay Jesus na huwag silang
palayasin sa lupaing iyon.
Sa di kalayuan, may isang kawan ng mga baboy na nanginginain sa may
burol. Nakiusap ang masamang espiritu, “Doon mo na lang kami payagang
pumasok sa mga baboy.”
Pumayag naman si Jesus. Kaya lumabas ang masamang espiritu sa lalaki at
pumasok sa mga baboy. Kumaripas ng takbo ang may 2,000 baboy pababa
ng burol, nagtuluy-tuloy sa lawa at nalunod. Tumakbo papunta sa bayan
ang tagapag-alaga ng mga baboy at ikinuwento doon at sa mga kalapit-
bayan ang nangyari.
Kaya pumunta roon ang mga tao para alamin ang nangyari. Natakot ang mga
tao nang makita nila ang lalaking dating sinasaniban ng masamang espiritu.
Kasi nakaupo na siya, nakadamit nang maayos, at matino na ang pag-iisip.
Pagkatapos nito, nakiusap ang mga tao na umalis na si Jesus sa kanilang
lugar. Nang pasakay na siya sa bangka, lumapit sa kanya ang lalaking
pinagaling niya at nakiusap na isama siya.
Pero sinabi ni Jesus, “Huwag na, umuwi ka sa inyo – sa pamilya mo at mga
kaibigan – at ikuwento mo sa kanila ang mga kahanga-hangang bagay na
ginawa sa iyo ng Diyos at kung paano ka niya kinaawaan.”
Kaya, umalis ang lalaki, pumunta sa
Sampung Bayan, at ikinuwento lahat ng
ginawa ni Jesus para sa kanya. At namangha
ang lahat ng nakarinig sa kuwento niya.
~ 10 ~
Telling the 12-Minute Story of God
Ang kuwentong ito ay galing sa Biblia. Tungkol ito sa Diyos na sa simula't
simula pa ay narito na at siya ang maylikha ng lahat ng bagay. Sa
kuwentong ito, ang Diyos lang ang laging gumagawa ng mabuti, ng tama, at
ng perpekto. Tinatawag siyang banal.
Napagpasyahan ng Diyos na lumikha ng isang espesyal na nilalang -ang
tao. Sinabi ng Diyos, "Likhain natin ang tao – lalaki at babae – ayon sa
ating larawan para maging katulad natin." Inihanda niya ang mundo para
maging tirahan ng tao - pinuno niya ito ng mga halaman, at ng iba’t ibang
uri ng mga hayop
Pinatira sila ng Diyos sa isang magandang hardin at ipinagkatiwala sa
kanila ang pag-aalaga at pamamahala sa lahat ng kanyang nilikha sa
mundo. Naging malapit ang Diyos sa kanila, naglalaan ng oras sa kanila,
at ipinapakita sa kanila kung paano mamuhay ayon sa nais niya.
Namuhay silang malapit sa Diyos at nasa ilalim ng pangangalaga niya -
isang buhay na sagana, walang kulang, at walang katapusan.
Pero ang nakalulungkot, sa kabila noon, pinili nina Adan at Eba na
magrebelde laban sa Diyos at sa kanyang pamamahala. Pinili nilang
mamuhay ayon sa gusto nila, sa halip na ayon sa gusto ng Diyos.
Dahil hindi hahayaan ng Diyos ang anumang pagrerebelde na manatili
sa presensiya niya, pinalayas niya sila sa hardin, palayo sa Diyos. Dahil
dito, pumasok sa buhay nila ang sakit at kamatayan.
~ 11 ~
Pagkatapos nito, dumami nang dumami ang mga tao. Kumalat ang
kasalanan sa mga anak nina Adan at Eba - hanggang sa mga sumunod na
henerasyon. Kahit na ang tao'y nilikha ayon sa larawan ng Diyos, pinili ng
lahat ng tao na suwayin ang Diyos.
Naging marahas sila sa isa't isa. Nagpatuloy ito sa mga sumunod pang ilang
libong taon.
Sa kabila nito, nagpatuloy ang plano ng Diyos na ibalik ang tao palapit
ulit sa kanya. Nagbitaw siya ng isang matibay na pangako (tinatawag na
tipan) kay Abraham. Sinabi ng Diyos sa kanya, "Gagawin kitang ama ng
isang malaking bansa at magiging tanyag ka. Ang buong mundo ay
pagpapalain ko sa pamamagitan ng lahi mo. Ako ang magiging Diyos ninyo
at kayo ang magiging bayan ko."
Kahit matanda na si Abraham, naniwala pa rin siya sa pangako ng Diyos na
bibigyan siya ng anak. Dahil nagtiwala siya sa Diyos, itinuring siyang
matuwid at nagkaroon siya ng magandang relasyon sa Diyos.
Nagkaanak si Abraham, at lumaki nang lumaki ang pamilya niya. Tinawag
silang Israelita at sila ang bansang magpapakita sa buong mundo kung
paano mamuhay ayon sa kagustuhan ng Diyos, na malapit ulit sa Diyos.
Binigyan sila ng Diyos ng malaking lupain kung saan lalo pa silang
pinagpala ng Diyos at binigyan ng kasiyahan ayon sa ipinangako niya.
Ngunit habang tumatagal, nagsimulang gawin ng mga Israelita kung ano
ang magustuhan nila at nagrebelde at sumuway sa mga utos ng Diyos.
Di na sila nagtiwala sa Diyos. Sumamba sila sa mga di-tunay na Diyos - sa
tao, sa mga bagay, sa kayamanan, sa kapangyarihan. Ipinagpalit nila sa mga
ito ang Diyos. Dahil sa pagrerebelde nila, pinahirapan sila ng Diyos at
inalipin ng mga bansang kaaway nila.
~ 12 ~
Pero patuloy pa rin ang pagmamahal ng Diyos sa kanila. Nagpapadala
siya ng mga mensahero sa kanila para bigyan sila ng babala tungkol sa
parusa ng Diyos sa kasalanan at hikayatin silang tumalikod dito at
magbalik-loob sa Diyos.
Nangako siyang isa sa lahi nila ang darating para iligtas sila at ibalik
sa magandang relasyon sa Diyos. Hindi lang sila, kundi lahat ng
nilikha ng Diyos...pabalik sa dating kalagayan noong una silang
nilikha ng Diyos.
Nagkaroon ng 400 taon na hindi nagsasalita ang Diyos sa kanila. Sa
panahon ito, tinatawag na silang Judio, nasa ilalim sila ng pamamahala ng
Roma, pinakamalakas sa lahat ng kaharian sa buong kasaysayan.
Sa wakas, nagpadala ang Diyos ng isang anghel sa isang dalaga na ang
pangalan ay Maria na taga-Nazareth. Sinabi ng anghel, "Magbubuntis ka at
magkakaroon ng isang anak na lalaki at tatawagin siyang Jesus. Maghahari
siya at ang kaharian niya ay walang katapusan. Mabubuntis ka sa
pamamagitan ng Espiritu, kaya siya'y tatawaging Anak ng Diyos."
Ipinaalam ng Diyos kay Maria at sa kanyang mapapangasawang si Jose na
ang lalaking ito ang pinakahihintay na haring pinili at ipinangako ng
Diyos na magliligtas sa kanyang bayan! Totoo nga, noong sumunod na
taon, nagsilang si Maria ng isang lalaki na pinangalanan nilang Jesus, ang
ibig sabihin, "Ang Diyos na nagliligtas." Lumaki si Jesus at minamahal ng
Diyos at lahat ng nakakilala sa kanya. Sa buong buhay niya, lagi niyang
pinipiling sumunod sa gusto ng Diyos, gawin palagi kung ano ang
mabuti at tama.
Pinatunayan ni Jesus na siya nga ang Ipinangakong Tagapagligtas sa
pamamagitan ng paggawa ng maraming himala at pagpapagaling sa
mga maysakit. Sa pamamagitan din ng mga himala, naipakita niya ang
kanyang awtoridad bilang tunay na Diyos at Panginoong dapat sundin.
Nanawagan si Jesus sa mga tao na sumunod sa kanya. Inanyayahan
niya silang maging bahagi ng Kaharian ng Diyos, nakapailalim sa
pamamahala ng Diyos. Hindi lahat ay kumilala kay Jesus pero mayroon
ding ilang nagpasyang talikuran ang kanilang kasalanan, magtiwala sa
kanya at sumunod hanggang kamatayan, ayon din sa mga sinabi niya.
~ 13 ~
Tulad ng ipinangako ng Diyos, ipinadala niya si Jesus para iligtas ang mga
tao mula sa kanilang pagsuway at sa parusa ng kamatayan. Tinanggap
ng Diyos ang matuwid na pamumuhay ni Jesus bilang kahalili natin.
Binugbog siya at ipinako sa krus para tubusin tayo sa ating kasalanan!
Sa ikatlong araw nagtagumpay siya sa kamatayan nang buhayin
siyang muli ng Diyos. Nakita ito ng mahigit sa 500 saksi.
Pagkatapos, bumalik na si Jesus sa kanyang Ama sa langit, kitang-kita ng
mga tagasunod niya ang pag-akyat niya sa ulap! Bago siya umakyat sa
langit, nangako siyang ipapadala niya ang kanyang Espiritu para
manirahan sa kanila.
Inutusan din ni Jesus ang kanyang mga tagasunod na puntahan ang mga
tao at ikuwento sa kanila ang tungkol sa kanya - ang buhay niya at ang
pagkamatay niya bilang handog na umako sa parusa sa kanilang mga
kasalanan - at akayin sila para magtiwala at sumunod din sa kanya.
Totoo sa kanyang pangako, dumating nga ang Espiritu sa lahat ng mga
tagasunod ni Jesus. Ang Espiritu ang magpapaalala sa kanila ng lahat ng
itinuro ni Jesus, babago sa kanilang mga puso para maging tulad ni Jesus, at
magbibigay sa kanila ng kakayahang mamuhay sa kagustuhan ng Diyos.
Ito ang simula ng tinatawag ng Bibliya na Iglesiya (Church) - isang
komunidad ng mga tao sa buong mundo na dahil sa ginawa ni Jesus ay
may buhay na walang kulang, malapit sa Diyos, at sumusunod sa
kanyang mga kagustuhan.
Inaanyayahan tayo ng Diyos na maging bahagi ng napakagandang
kuwentong ito. Inaanyayahan niya ang lahat na ipakita sa pamamagitan ng
bautismo o paglulubog sa tubig ang pagsisisi, pagtitiwala at pagsunod kay
Jesus.
Nangako si Jesus na isang araw ay babalik siya para tuluyang tapusin na
ang lahat ng kasamaan, kasalanan at pagrerebelde sa Diyos.
Pagkatapos, wala nang sakit, hirap, at kamatayan. Bago dumating
iyon, patuloy tayong mamumuhay ayon sa kagustuhan ng Diyos,
ikinukuwento at ipinapakita sa mga tao kung ano ang klase ng buhay
na nasa loob ng kaharian ng Panginoong Jesus.
~ 14 ~
Leading Storying Groups
BAKIT KUWENTUHAN?
“Lahat ng tao ay may kuwento (o maraming kuwento) at lahat ay sanay sa pagkukuwento.”
Bakit mabisa ang paggamit ng mga kuwento? 1. Nakakakuha ng pansin natin, napapanatili ang atensiyon natin, at nadadala tayo hanggang sa dulo ng
kuwento.
2. Napapagana ang imahinasyon natin.
3. Bumubuo ng magagandang relasyon.
4. Hindi direktang sinusubok ang nakagisnang paniniwala natin.
5. Mas madali nating naaalala ang pagkakasunud-sunod ng mga pangyayari, ang mga salitang ginamit,
at mga prinsipyong nanggagaling sa kuwento.
6. Nakikita natin ang sariling karanasan natin sa kuwento.
bakit?
Storytelling is powerful because it has the ability to
touch human beings at the most personal level. While facts are viewed from the lens of a microscope, stories are viewed from
the lens of the soul. Stories address us on every level. They
speak to the mind, the body, the emotions, the spirit, and the
will. In a story a person can identify with situations he or she
has never been in. The individual’s imagination is unlocked
to dream what was previously unimaginable.“
Mark Miller
~ 15 ~
ANO ANG KUWENTUHAN?
Isang paraan para maituro ang mensahe ng Salita ng Diyos. May oras na inilalaan para
ikuwento nang ilang beses ang kuwento, mapag-usapan at matuklasan ang itinuturo ng
Kuwento ng Biblia. Sa pag-uusap, ang tagapagkuwento ay gumagamit ng mga tanong na gagabay sa mga
nakikinig para matuklasan ang kahulugan at kahalagahan ng kuwento sa Biblia, at para magabayan ang mga
nakikinig na maiugnay o maikonekta ang mga kuwento nila sa Kuwento ng Diyos.
PARA SAAN ANG KUWENTUHAN?
Para maintindihan (understand), maranasan (experience), at
maiugnay ang sariling buhay (connect to life) sa Kuwento ng Diyos.
1. Para masanay na ang buhay ay araw-araw na binabago ng mga katotohanang mula sa Kuwento.
2. Para makapagsanay ng mga tagasunod ni Jesus na makakapagsanay din ng iba pang tagasunod
ni Jesus.
3. Para makita ang kabuuan ng plano ng pagliligtas ng Diyos sa buong kasaysayan na makikita sa
Biblia – na makita ang kaugnayan o koneksiyon ng lahat ng mga kuwento – at makita ang Biblia na
isang malaking kuwento.
4. Para masabik sa isang Kuwento na ang bida ay
ang Diyos na palagi tayong hinahabol para
maiparanas sa ating ang tunay na buhay at
lalo siyang makilala.
5. Para makita kung paano nakapaloob ang mga
kuwento ng buhay natin sa Kuwento ng Diyos.
6. Para mas makilala natin ang sarili natin, kung
sino talaga tayo ayon sa Kuwento ng Diyos, sino siya, at ano ang nais niyang
mangyari sa atin nang likhain niya tayo.
7. Para mahikayat tayong sambahin ang Diyos sa mas malalim na paraan.
8. Para maipamuhay ang magandang balita na napakinggan at pinaniwalaan natin, na may iba nang
pananaw sa buhay, na nais ipakalat ang mensahe ng Kaharian ng Diyos, na mamuhay ayon sa misyong
ibinigay ng Diyos.
9. Para masabik sa mga kuwento ng Biblia, na basahin pa lalo at pag-aralan ang mga kuwentong ito sa
Biblia.
10. Para matutunang ikuwento din sa iba ang mga kuwentong napakinggan at tulungan ang iba kung
paano nila makikita ang sarili nila sa Kuwento
ng Diyos.
11. Para makapagtayo ng mga iglesia (pamilya
ng Diyos) na may iisang karanasang
nagbubuklod sa bawat miyembro ng pamilya.
Our lives must find their place in some greater story or they will find
their place in some lesser story.
H. Stephen Shoemaker, Godstories
God’s Story My Story
God’s Story My Story
para saan?
ano?
~ 16 ~
PAANO GAWIN ANG KUWENTUHAN?
Ganito ang mangyayari bawat session…
1. Balikan ang nakaraang kuwento. Maliban na lang kung ito ang una n’yong kuwentuhan, pagtulungan
ng grupo na mabuo ulit ang nakaraang kuwento. Huwag munang pupunta sa susunod na kuwento
kapag may mga naiiwan pa. Kung may mga malabo at nakalimutan, pagsikapang mabalikan at
matulungan ang buong grupo na makasabay sa kuwentuhan.
Note: Tingnan ding mabuti kung kakain ng maraming oras ang pagbabalik-tanaw sa mga nakaraang
kuwento. Bilang lider, isa sa responsibilidad natin ay matiyak na magamit nang maayos ang oras
natin.
2. Ikuwento ang bagong kuwento. Sikaping maikli lang (3-6 minutes). Huwag
magpaliguy-ligoy. Stick to the Story!
3. Pagkuwentuhan ng grupo ang narinig na kuwento.
Buuin ulit ang kuwento at pagtulungan ng buong
grupo. Hilingang makibahagi ang lahat sa pag-uulit
ng kuwento. Puwedeng sabihin, “Tingnan nga natin
kung kaya nating ulitin ang mga sunud-sunod na
nangyari sa kuwento.” Sa simula, kailangan mo pa
talaga silang tulungan dito, pero kapag nagtagal na
masasanay din sila dito.
4. Ipakuwento sa isa ang narinig na kuwento. Ngayon, tingnan mo naman kung
makakaya ng isang tao sa grupo na ulitin ang buong kuwento. Kung may mga
detalyeng nalaktawan, puwede siyang tulungan ng iba sa grupo pero dapat
gawin nang mahinahon. Makakatulong ang pag-uulit na ito para maging
malinaw ang kuwento at maitanim sa isip nila.
5. Pag-usapan ang kuwento. Dito na magsisimulang maging bukas ang isa’t isa at masabik sa
pagkukuwentuhan. Mahalaga ang bahaging ito para makuha ang mga mahahalagang ideya at
prinsipyo sa Kuwento. Gumamit ng mga tanong para maging tuluy-tuloy ang usapan, at palaging
ipaalala sa grupo na sikaping sagutin ang mga tanong ayon sa sinasabi ng kuwento. Hindi ito panahon
para magsermon! Bilang lider, ikaw ang gabay ng grupo para matuklasan ang mga katotohanang
galing sa Kuwento HINDI galing sa IYO! May mga suggested na tanong na ibibigay sa inyo pero para
lang iyon masimulan ang kuwentuhan. Huwag gawing Q & A portion ‘to!
Note: Kung mayroong higit sa isang eksena sa isang session, ulitin ang numbers 2-5 (ikuwento
pagkuwentuhan ipakuwento pag-usapan) sa bawat eksena.
6. Iugnay sa buhay ang kuwento. Maglaan ng oras para sa ilang mga tanong na may kinalaman sa
pagsasabuhay ng kuwento, tulungan silang ikonekta ito sa kanilang buhay. Puwede ring gamitin ang
oras na ito para may isa o dalawang magbahagi ng personal nilang kuwento. Makikita n’yo kung
paano naikokonekta ng mga tao ang buhay nila sa mga bahagi ng Kuwentong narinig nila at napag-
usapan. Hikayatin silang magbahagi ng mga nararamdaman nila at mga bagay na galing sa puso nila.
Kung nag-aalangan sila, tiyakin mo na ang lahat ng mapag-uusapan ay confidential.
7. Magbigay ng puwede nilang gawin sa bahay – basahin ang Bibliya at magsaulo ng ilang talata.
paano?
~ 17 ~
Paano magiging mahusay sa PAGKUKUWENTO?
1. Alaming mabuti ang kuwento, huwag ikuwento nang di napag-aralang mabuti. Huwag sauluhin
(word-for-word), maging pamilyar sa pagkakasunud-sunod ng mga pangyayari.
2. Manatili sa kuwento, huwag dagdagan ng mga sariling kuru-kuro.
3. Ikuwento ang kuwento mula simula hanggang katapusan, huwag titigil para magpaliwanag.
4. Maging totoo at natural, huwag gawing pormal o katatawanan.
5. Gamitin ang boses mo para maramdaman nila kung ano ang nangyayari, huwag basahin lang.
6. Relax ka lang at gamitin ang sarili mong style, huwag magpaka-artista.
7. Magsanay muna na magkuwento at humingi ng feedback, huwag isiping kayang-kaya mo na.
Paano magiging mahusay sa PANGUNGUNA NG USAPAN?
1. Pag-aralan at paghandaan ang mga tanong na
gagamitin. Tiyaking sa mga tanong na gagamitin ay
mapag-uusapan ang mga katotohanang nakasulat sa
“Tandaan ng Lider.” Nasa kaliwang bahagi ang ilan sa mga
simpleng tanong na puwedeng gamitin sa bawat kuwento
2. Idirekta ang grupo pabalik sa Kuwento para sa mga sagot,
at mga katotohanang ituturo.
3. Kapag may nagtanong, huwag sagutin agad. Ibalik sa
grupo ang tanong para sila ang sumagot.
4. Pag-usapan lang ang mga impormasyong nanggagaling sa
mga kuwentong napag-usapan na, huwag lulundag sa mga
susunod na kuwentong hindi pa alam ng iba.
5. Huwag hayaang maging “Question and Answer time”
ang usapan.
6. Matutunang mamuhay na may tensiyon at hiwaga. May
mga tanong na hindi talaga masasagot.
7. Iwasang maging “ekspertong guro” at tingnan ang sarili
bilang kasama nila na estudyante din na kasama nilang
nag-aaral, at guide na kasamang naglalakbay.
8. Makinig mabuti kung paano ipinapakilala ng Diyos ang
sarili niya sa pamamagitan ng mga kasama sa grupo.
Pakinggan din ang mga sagot nila para mas makilala sila at
kung ano ang nasa puso nila.
9. Magtiwala sa Diyos na kikilos siya sa prosesong ito. Mahalaga ang kaalamang matututunan, pero
mahalaga rin ang sama-samang nararanasan ang ginagawa ng Diyos.
10. Maging matiyaga, maglaan ng sapat na oras sa prosesong ito, lalo na kapag nagkakaiba-iba ng
opinyon, may tensiyon, maraming tanong o pagtataka.
1. Ano ang nagustuhan mo sa kuwentong ito? Bakit?
2. Saang bahagi ng kuwento medyo napaisip o nalito ka? Bakit?
3. Ano ang natutunan mo tungkol sa Diyos sa kuwentong ito?
4. Ano ang natutunan mo tungkol sa tao sa kuwentong ito?
5. Ano ang dapat mong sundin sa kuwentong ito?
6. Paano mo maaalala ang kuwentong ito?
7. Kanino mo gustong ikuwento din ito?
Mga tanong na puwedeng gamitin
~ 18 ~
Paano magiging mahusay sa PAG-UUGNAY SA BUHAY?
1. Sa tingin mo ba ay kilala mo na ang mga kakuwentuhan mo para magkaroon ng mas makabuluhang
usapan sa kanila? Naglalaan ba tayo ng oras sa kanila na hiwalay sa oras ng Kuwentuhan? Gaano na
natin sila kakilala? Gaano na nila tayo kakilala?
2. Nakikita mo bang ang pagkukuwento mo ng buhay mo sa kanila ay isang pangyayari – isang bagay na
nangyari na? O isang proseso – isang bagay na nagpapatuloy na nangyayari?
3. Nakikita mo ba na ito ay isang pag-uusap/talakayan o paglilipat lang ng impormasyon?
4. Ano ang “background” nila? Mga paniniwalang espirituwal? May church ba sila? O dating meron, pero
umalis na? O ayaw na talaga sa church? Kailangan ba natin silang ayain sa church?
5. May nabuo na ba tayong relasyon sa kanila? Gusto ba talaga nating magkaroon ng relasyon sa kanila o
gusto lang natin silang maging “contact” na maturuan ng tungkol sa Diyos at pagkatapos ay iwanan na?
6. Sapat na ba ang naikuwento mo sa kanila tungkol sa buhay mo para mahikayat silang magkuwento
din ng sarili nilang buhay?
7. Anu-ano ang nakikita mong hadlang o balakid para maintindihan at tanggapin nila ang Magandang
Balita? No-Read/No-Write, di sigurado kung may Diyos, di naniniwala sa Diyos, aktibista, maalam sa
science, sarado-kandado-Katoliko, kahit ano puwede?
8. Hindi basta-basta maipapasok ang Kuwento ng Diyos…kailangan ng ilang oras, tiyaga, at
permisong maipasok mo ang Kuwento sa kanila.
9. Kailangan mo bang magkuwento muna ng ilan pang mga kuwento para maihanda sila sa pakikinig
ng Kuwento ng Diyos?
10. Anu-anong tanong ang puwede mong gamitin para masabik silang magsimulang pakinggan ang
Kuwento?
11. Huwag masyadong direkta o pranka. Maging sensitibo sa kultura o tradisyon nila. Hayaan silang
mag-isip-isip para sa sarili nila.
12. Hanggang saan mo sila dadalhin sa unang beses na marinig nila ang Kuwento? Gaano kalalim ang
magiging talakayan n’yo?
13. Huwag mong ipilit ang doktrina sa kanila. Hayaan mong lumabas ang doktrina galing sa Kuwento!
14. Ipinapaliwanag ba natin ang mga salitang di karaniwang ginagamit? Huwag agad gumamit ng mga
“theological terms” na di nila naiintindihan, kung di rin lang natin ipapaliwanag sa kanila. Anu-anong
salita ang dapat nating wag munang gamitin o gumamit ng kapalit para mas maintindihan?
15. Pangunahing layunin natin ay mailapit ang relasyon nila sa Diyos. Huwag magsermon o pilitin
silang magdesisyon agad-agad. Maging kaibigan ng mga taong malayo ang relasyon sa Diyos!
16. Tandaan – the goal is DISCIPLESHIP. Ang karanasan sa Kuwentuhang ito ay dapat ikonekta sa buhay
ng isang pamilya ng Diyos na magkakasamang gumagawa ng misyong ibinigay ng Diyos. HEAD –
HEART – HANDS ang target ng Kuwentuhang ito. Dapat kang maglaan ng oras kasama ang mga
tagapakinig ng Kuwento sa kanilang normal na pang-araw-araw na buhay.
~ 19 ~
PAANO MANGUNA SA PAGSASANAY?
Para matiyak na tuluy-tuloy ang Story of God, mahalagang sundin ang MAWL Principle sa pagsasanay sa mga
susunod pang Story of God trainers.
Model (Ipakita). Sa simula ng pagsasanay, dapat ipakita ng trainer sa kanyang trainee kung paano gagawin
ang Story of God. Sa panahong ito, ang trainee ay pinapanood ang ginagawa ng trainer.
Assist (Tulungan). Pagkatapos ng sapat na panahon ng pagpapakita kung paano gagawin, hahayaan naman
ng trainer na ang kanyang trainee ay gawin din ang ginagawa niya pero tinutulungan pa niya at inaalalayan.
Ang trainee naman ay nakikibahagi na sa proseso at nagtatanong at nagpapatulong sa trainer sa mga bagay
na hindi pa siya pamilyar.
Watch (Tingnan). Kapag nakita na ng trainer na nagkakaroon na ng kumpiyansa ang trainee sa ginagawa,
mas marami na ang ibinibigay niyang responsibilidad dito at siya naman ay nakatingin o pinagmamasdan
ang trainee. Habang pinagmamasdan niya ito, nagbibigay siya ng evaluation, feedback, corrections at
encouragement para mas maging mahusay pa ang kanyang trainee.
Leave (Iwanan). Kapag napansin ng trainer na kaya na ng kanyang trainee na gawin ito mag-isa, iiwanan na
niya. Ngayon, ang trainee ay isa na ring trainer at siya naman ang hahanap ng ibang trainee para ulitin ang
prosesong pinagdaanan niya at makapagsanay din ng iba gamit ang MAWL Principle.
Tandaan na ang kailangang panahon para sa bawat hakbang sa prosesong ito ay nagbabago depende sa mga
taong sinasanay. Hindi natin puwedeng gawing pare-pareho ang “time-table” para sa bawat tao. Hindi natin
puwedeng sabihing bawat isa ay tutugun sa pare-parehong paraan sa pagsasanay. Ang iba ay mabilis, ang
iba ay mabagal, depende sa tao at depende rin sa sitwasyon nila sa buhay.
Leave
(Model)
LT
Model
LT
T
Watch
LT
T
Assist
LT
T
~ 20 ~
12-Week Story of God (Overview)
Weeks Stories Biblical References
Week 1 Creation and Rebellion
Scene 1 ~ Ang Paglikha
Scene 2 ~ Ang Pagrerebelde
Genesis 1-2
Genesis 3 (Job 38:4-7; Isa. 14:12-21; Pah. 12:7-9)
Week 2 Spread of Rebellion
Scene 3 ~ Ang Magkapatid
Scene 4 ~ Ang Baha
Genesis 4
Genesis 6-9
Week 3 The Promise of God
Scene 5 ~ Ang Pangako
Scene 6 ~ Ang Anak
Genesis 11-18, 21
Genesis 22
Week 4 The Law of God
Scene 7 ~ Ang Pagliligtas at ang Kautusan
Scene 8 ~ Mga Hari at mga Propeta
Exodus 1-2, 7-12, 19-20
Deuteronomy; Joshua; Judges; 2 Samuel; 2 Kings;
Prophecies from 2 Sam 7; Isa 7, 9, 40, 53, 61; Psa
22; Mic 5; Zec 12
Week 5 The Coming of Jesus
Scene 9 ~ Ang Kapanganakan ni Jesus
Scene 10 ~ Ang Bautismo kay Jesus
Scene 11 ~ Ang Pagtukso kay Jesus
Matthew 1-2; Luke 1-2
Matthew 3; Mark 1; Luke 3; John 1
Matthew 4; Luke 4
Week 6 The Authority of Jesus
Scene 12 ~ Mga Himala ni Jesus
Scene 13 ~ Ang Kaharian ng Diyos
Mark 2-5; Luke 3; John 1
Matthew 5, 7, 10, 13, 18-20; Mark 3-6, 10, 13; Luke
6, 8-10, 12-15, 17; John 3
Week 7 The Death and Resurrection of Jesus
Scene 14 ~ Ang Mahabaging Ama
Scene 15 ~ Ang Kamatayan at Muling
Pagkabuhay
Luke 15:11-32
Matthew 26-28; Mark 14-16; Luke 22-24; John 13,
17-20
(optional) Ang Pag-asa (Video)
Week 8 The Spirit and the Church
Scene 16 ~ Ang Misyon at ang
Kapangyarihan
John 20; Matthew 28; John 14; Acts 1-2;
1 Corinthians 15:3-8
Week 9 Living by the Spirit’s Power
Scene 17 ~ Ang Pamumuhay ng Iglesia
Scene 18 ~ Ang Pakikipaglaban sa
Kasalanan
Acts 2, 4, 9:31; 1 Corinthians 16; 2 Corinthians 8
1 Corinthians; Galatians 5:16-25; Romans 12:1-2
Week 10 Life to the End
Scene 19 ~ Ang Katapusan
Mateo 13:24-30, 36-42; 22:13; 24:14; 28:18; Juan
15:20; 16:33; 1 Tesalonica 4:13-5:11; Santiago
1:12; Pahayag 2:10; 20:10, 21:1-22:21
Week 11 Forsaking Idols and Following Jesus
Scene 20 ~ Si Jesus at ang Mayamang Lalaki
Mark 8:34-38; 10:17-31
Week 12 Following Jesus in Baptism and the New Life
Scene 10 ~ Ang Bautismo kay Jesus
Scene 16 ~ Ang Bautismo sa Unang Iglesia
Matthew 3; Luke 3
Matthew 28:18-20; Acts 1-2
~ 21 ~
WEEK 1: Creation and Rebellion
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Ang Diyos ang Manlilikha at Siya’y dakila at makapangyarihan.
2. Ang tao ay nilikha sa larawan o wangis ng Diyos.
3. Lahat ng kailangan ng tao para mabuhay nang may kasiyahan ay ibinigay ng Diyos.
4. Nilikha ang tao para sa walang-hanggang buhay.
5. Binigyan ng Diyos ang tao ng kalayaang pumili kung magtitiwala sa Diyos o sa sarili.
6. Nagrebelde ang tao at pinalayas sa presensiya ng Diyos.
7. Walang karapatan ang taong husgahan kung ano ang mabuti at masama; Diyos lang ang may
awtoridad dito.
8. Hinahabol ng kabutihan ng Diyos ang tao, kahit na sila’y mga rebelde.
9. May misyon ang Diyos na binigay din niya sa tao.
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
PANIMULA
Anu-ano ang gusto mong makita sa mundong tinitirhan natin na iba sa nangyayari ngayon?
Di ganyan ang nakikita natin ngayon, pero may panahon na ang mundo natin at buhay ng tao ay
katulad ng isinalarawan ninyo…at darating ang araw na ibabalik ng Diyos sa dati ang lahat ng ito.
~ 22 ~
Ipinakita sa Biblia – ang Salita ng Diyos – kung paano gagawin iyon ng Diyos…Simulan natin sa
pinaka-simula ng Kuwento ng Diyos…
SCENE 1 ~ ANG MGA UNANG TAO
Ikuwento…(Galing sa Genesis 1-2)
Ang Kuwentong ito ay matatagpuan sa Bibliya. Ito ay tungkol sa Diyos –
kung sino siya, ano ang ginawa niya, at ano ang plano niyang mangyari.
Nang pasimula, nilikha ng Diyos ang langit at ang mundo. Wala pa ang lahat
ng bagay narito na ang Diyos. Lahat ng bagay sa mundo at sa langit ay
ginawa ng Diyos mula sa wala. Lahat ay galing sa Diyos at para sa Diyos.
Sa kapangyarihan ng kanyang salita, nalikha ang lahat. Sinabi niyang,
“Magkaroon ng liwanag,” nagkaroon nga ng liwanag.
Dito nagsimulang buuin ng Diyos ang mundong titirhan ng tao, ang
mundong magsisilbing lugar na paghaharian ng Diyos. Sa loob ng anim na
araw, pinaghiwalay niya ang liwanag sa kadiliman, ang tubig at kalawakan,
ang tubig at lupa sa mundo.
Nilikha niya ang araw, buwan at mga bituin. Inihanda niya ang mundo para
maging maganda at kapaki-pakinabang. Pinatubo niya ang iba’t ibang uri ng
puno at halaman. Pinuno niya ang mga tubig ng mga isda at ang himpapawid
ng mga ibon, at ang lupa ng mga hayop. Nakita ng Diyos ang lahat ng
kanyang ginawa at nasiyahan siya sa ganda ng nakita niya.
Pero may kulang pa, hindi pa tapos ang kanyang obra maestra. Pagkatapos
niyang ihanda ang mundo, sinabi ng Diyos, “Likhain natin ang tao ayon sa
ating larawan. Sila ang mamamahala sa mundo, sa mga halaman at mga
hayop na naririto.”
Kaya dumampot ang Diyos ng lupa, hiningahan niya ito, nagkaroon ng
buhay, at naging tao. Siya ang unang lalaki na ang pangalan ay Adan.
Pagkatapos nito, nilikha ng Diyos ang unang babae, si Eba. Hindi lang lalaki
ang ginawa ng Diyos dahil sabi niya, “Hindi mabuting mabuhay ang tao nang
nag-iisa lang, kaya igagawa ko siya ng kasama na tutulong sa kanya at
nararapat sa kanya.” Kaya mula sa isa sa mga tadyang ni Adan, ginawa itong
~ 23 ~
babae ng Diyos, at iniharap kay Adan. Kaya nilikha ng Diyos ang tao na lalaki
at babae ayon sa wangis niya.
Pinagpala ng Diyos ang unang mag-asawa at binigyan ng kakayahang
magpakarami sa pamamagitan ng mga anak na galing sa kanila. Sinabihan
niya sila, “Magpakarami kayo para mangalat ang lahi ninyo at mamahala sa
buong mundo.”
Inilagay niya sila sa isang magandang hardin, isang lugar kung saan nasa
kanila na ang lahat ng kailangan nila para masiyahan sa buhay.
Sa gitna ng hardin, merong dalawang espesyal na puno. Ang isa ay ang
Punong Nagbibigay-Buhay. Ang isa naman ay ang Punong Nagbibigay-
Kaalaman ng Mabuti at Masama. Sinabi ng Diyos kay Adan at Eba na puwede
silang kumain ng galing sa anumang puno maliban lang sa isa – ang Punong
Nagbibigay-Kaalaman ng Mabuti at Masama. Nagbigay siya ng babala na
kung kakain sila ng bunga nito, tiyak na mamamatay sila.
Araw-araw, dumarating ang Diyos, naglalakad na kasama ng mga tao, at
nakikipagkuwentuhan sa kanila. Ipinakita niya sa kanila kung paano
mamuhay nang kasiya-siya – isang buhay na malapit sa Diyos at nasa ilalim
ng kanyang pangangalaga at pamamahala. Nasisiyahan naman sina Adan at
Eba na kasama ang Diyos.
Nang matapos ang paglikha ng Diyos, tiningnan niya lahat ng ginawa niya at
lubos siyang nasiyahan. Nagpahinga siya at naglaan ng isang araw sa loob ng
isang linggo bilang araw ng pamamahinga para sa kanyang mga nilikha.
Pagkuwentuhan…Ipakuwento…Pag-usapan…
1. Ano ang kaibahan ng tao sa lahat ng nilikha ng Diyos? Nilikha sa larawan ng Diyos…hiningahan ng Diyos para magkabuhay…may awtoridad na mamahala sa iba pang nilikha ng Diyos.
2. Saan natin makikita sa Kuwento na nilikha ang tao na mabuti at maganda? Nilikha sa larawan ng Diyos…nasiyahan ang Diyos sa nakita niyang nilikha niya.
3. Ano ang pagkakakilala mo sa sarili mo (trabaho, pamilya, relasyon, abilidad)? Gaano kahalaga ang mga bagay na ito sa iyo? Anong magbabago kung ang pagkakakilanlan (identity) mo ay nakadepende sa pagiging “larawan ng Diyos”?
4. Anong klaseng relasyon meron ang Diyos sa mga tao? Nakikipagkuwentuhan siya sa mga tao…nasisiyahan silang kasama ang Diyos…Binigyan sila ng responsibilidad…Pinakita niya kung ano ang kasiya-siyang buhay…Inilalayo sa kapahamakan.
~ 24 ~
5. Anong klaseng relasyon meron ang tao sa isa’t isa? Malapit…Si Eba galing sa katawan ni Adan…Hubo’t hubad at di nahihiya.
6. Ano sa tingin mo ang kahalagahan ng dalawang puno sa gitna ng hardin?
7. Sa tingin mo ba’y nilikha ang tao na mabuhay nang walang hanggan (di mamamatay)? Saan sa kuwento makikita iyon?
8. Ano ang natutunan natin tungkol sa Diyos sa eksenang ito? Pinagmumulan ng lahat ng pagpapala… Makapangyarihan, Manlilikha ng lahat…Ipinapakita sa tao kung paano mamuhay…Ipinagkatiwala sa tao ang pangangalaga sa kanyang nilikha…Nagbibigay ng lahat ng kailangan ng tao…Nasisiyahan sa kanyang ginawa…Naglaan ng araw ng pahinga.
9. Ano ang natutunan natin tungkol sa kahulugan o layunin ng buhay ng tao? Bakit tayo naririto? Saang bahagi ng kuwento makikita natin iyon? Para masiyahan at matuto sa Diyos…Gugulin ang panahong kasama siya at namumuhay ayon sa kanyang kalooban.
10. Anong kaibahan nito sa buhay at pag-iisip ng mga tao ngayon?
SCENE 2 ~ ANG PAGREREBELDE
Ikuwento…(Galing sa Gen. 3; Job 38:4-7; Isaias 14:12-21; Pahayag 12:7-9)
Habang inilalagay ng Diyos ang pundasyon ng mundo, nanonood ang mga
anghel – hangang-hanga sa ginagawa niya, kumakanta, at humihiyaw sa
tuwa! Nilikha niya ang magagandang anghel na ito para sambahin siya. Pero
ang ilan sa mga ito ay nagrebelde sa Diyos at sa kanyang paghahari.
Anumang pagrerebelde sa Diyos – sa isip, sa salita, at sa gawa – ay tinatawag
na kasalanan. Dahil di hahayaan ng Diyos na manatili ang kasalanan sa
kanyang presensiya itinapon niya ang mga rebeldeng anghel sa kadiliman sa
mundo, at darating ang araw na haharapin nila ang tiyak na parusa ng Diyos.
Isang araw, ang pinakapuno sa mga anghel na ito na si Satanas ay nag-
anyong ahas at lumapit kay Eba. Tinanong niya ang babae, “Totoo bang
pinagbawalan kayo ng Diyos na kumain ng bunga ng alin mang puno sa
halamanan?”
Sumagot si Eba, “Hindi, puwede naman naming kainin lahat puwera lang dun
sa Puno na Nagbibigay-Kaalaman ng Mabuti at Masama. Sinabi ng Diyos na
kapag kinain namin iyon, o hinawakan man lang, tiyak na mamamatay kami.”
Sabi ng ahas sa kanya, “Hindi totoong mamamatay kayo! Sinabi iyan ng Diyos
dahil alam niya na kapag kumain kayo ng bungang iyon, mabubuksan ang
mga isip ninyo, at magiging katulad niya kayo na nakakaalam kung ano ang
mabuti at masama.”
~ 25 ~
Nang makita ni Eba na maganda at mukhang masarap ang prutas na iyon, at
dahil gusto niyang maging marunong, pumitas siya at kumain. Binigyan din
niya ang asawa niya, na katabi niya, at kumain din si Adan! Pinili nilang di
maniwala sa Diyos kundi sa kasinungalingan.
Noon din ay nabuksan ang kanilang isip at nalaman nilang hubad sila kaya’t
nahiya sila at natakot. Kumuha sila ng mga dahon at pinagtagpi-tagpi para
pantakip sa kanilang katawan.
Pagdating ng hapon, narinig nila ang Diyos na dumarating, kaya nagtago sila
sa likod ng puno. Tinawag ng Diyos si Adan, “Nasaan ka?” Sumagot si Adan,
“Narinig ko po kayong dumarating, kaya nagtago ako. Natatakot po ako dahil
hubad ako.”
Sumagot ang Diyos, “Sino ang nagsabi sa iyo na hubad ka? Kumain ka ba ng
bunga ng punongkahoy na sinabi ko sa iyo na huwag ninyong kakainin?”
Sinisi ni Adan ang asawa niya at ang Diyos, “Ang babae po kasi na ibinigay
n’yo sa akin ay binigyan ako ng bunga ng punongkahoy na iyon at kinain ko.”
“Bakit mo ginawa iyon?”, tanong ng Diyos kay Eba. Sinisi naman ni Eba ang
ahas, “Nilinlang po kasi ako ng ahas, kaya kumain po ako.”
Kaya sinabi ng Diyos sa ahas, “Dahil sa ginawa mong ito, sa buong buhay
mo’y gagapang ka sa pamamagitan ng iyong tiyan at ang bibig mo ay
palaging makakakain ng alikabok. Ikaw at ang babae ay mag-aaway. Ang
lahi mo at ang lahi niya ay mag-aaway din. Dudurugin niya ang ulo mo at
tutuklawin mo ang sakong niya.”
Nalungkot ang Diyos sa ginawang pagsuway ng tao, pero di niya puwedeng
palampasin lang iyon. Lahat ng ginagawa ng Diyos ay mabuti, tama at
perpekto – dahil makatarungan siya dapat lang na parusahan ang kanilang
pagrerebelde sa kanya. Kaya pinarusahan sila ng Diyos at pinalayas sa
hardin – malayo na sa naranasan nilang pangangalaga at pag-iingat ng
Diyos. Dahil di na sila nagpasakop sa Diyos, pumasok ang sakit, hirap, sirang
relasyon at kamatayan sa buhay ng tao. Sa kabila noon, patuloy pa ring
ipinakita ng Diyos ang kanyang pag-ibig kina Adan at Eba – tumahi pa nga
siya ng damit para sa kanila na mula sa balat ng hayop na pinatay niya.
Ginawa niya para sa kanila, para matakpan ang kanilang kahihiyan.
~ 26 ~
Pagkuwentuhan…Ipakuwento…Pag-usapan…
1. Ano ang kaibahan ng tao sa lahat ng nilikha ng Diyos?
2. Pero ano ang piniling gawin nina Adan at Eba sa eksenang ito? Pinaniwalaan ang kasinungalingan ng ahas…piniling hindi magtiwala sa salita ng Diyos…sa halip ay nagtiwala sa sarili…na pamahalaan ang mabuti at masama sa kanilang buhay nang hiwalay sa Diyos.
3. Ano ang tuksong iniharap ng ahas kina Adan at Eba? Na piliin ang sarili nang hiwalay sa relasyon sa Diyos (pagmamataas)…na paniwalaang may karapatan tayong husgahan kung ano ang mabuti at masama nang hiwalay sa Diyos.
4. Ano ang karaniwang kuwento ng buhay ng tao ngayon? Ano ang resulta nito? Sino ang bida sa kuwentong ito? Makababalik pa kaya tayo sa orihinal na kuwento?
5. Ano ang unang tugon ng Diyos kay Adan pagkatapos na siya’y sumuway? Hinanap sila ng Diyos…Tinanong, “Nasaan ka?”
6. Sa tingin mo ba’y di alam ng Diyos kung nasan siya? Bakit niya hinanap si Adan at tinanong?
7. Ano ang resulta ng ginawang pagsuway nina Adan at Eba? Paghatol ng Diyos – pagkahiwalay sa kanya…Nasirang relasyon sa Diyos at sa isa’t isa…sakit, hirap at kamatayan…ngunit may awa pa rin ang Diyos…di sila agad pinatay…binihisan pa sila.
8. Bakit sa tingin mo may parusa sa ginawang pagsuway ng tao? Bakit di na lang ito pinalampas ng Diyos? Hindi niya hahayaang manatili ang kasalanan sa presensiya niya…Banal siya – lahat ng ginagawa ay tama, mabuti at perpekto.
9. Tulad ba tayo nina Adan at Eba o iba sa kanila? Sa paanong paraan?
10. Anu-ano ang natutunan natin tungkol sa Diyos sa kuwentong ito? Alam niya ang lahat ng bagay, walang maitatago ang tao sa kanya…Makatarungan at banal…Nangako ng Isang darating na papatay sa ahas… Pinagmumulan ng lahat ng biyaya at pagpapala.
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Genesis 1-3
Job 38:4-7
Isaias 14:12-21; Pahayag 12:7-9
~ 27 ~
WEEK 2: Spread of Rebellion
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Bawat tao ay piniling magkasala – piniling pahalagahan ang sarili nang higit sa Diyos at
hiwalay sa Diyos.
2. Tumitingin ang Diyos sa puso ng tao.
3. Ang kasalanan at pagkamakasarili ay nauuwi sa pagkahiwalay sa Diyos at sa kamatayan.
4. Ang pagtitiwala at pagsunod ay tungo sa ganap na buhay at relasyon sa Diyos.
5. Nilikha tayo ng Diyos at inutusang mamunga o magpakarami.
6. Ang Diyos ang pinagmumulan ng awa at pagpapala.
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 28 ~
SCENE 3 ~ ANG MAGKAPATID
Ikuwento…(Galing sa Genesis 4)
Pagkatapos palayasin ng Diyos, nagkaroon ng dalawang anak na lalaki sina
Adan at Eba, na ang pangalan ay Cain at Abel.
Paglaki nila, si Cain ay naging magsasaka at si Abel naman ay nag-aalaga ng
hayop.
Nang umani na si Cain, naghandog siya sa Diyos ng galing sa kanyang ani. Si
Abel naman ay nagdala ng pinakamaganda sa kanyang mga alagang hayop.
Tinanggap at natuwa ang Diyos sa handog ni Abel, ngunit kay Cain ay hindi.
Dahil dito nagalit si Cain.
“Ano ba ang ikinagagalit mo?” tanong ng Diyos sa kanya. “Bakit ka
nakasimangot? Tatanggapin ko ang handog mo kung tama sana ang puso mo
sa paghahandog. Pero mag-ingat ka! Ang kasalanan ay maghahari sa iyo.
Sapagkat ang kasalanan ay katulad ng mabagsik na hayop na nagbabantay
sa iyo para tuklawin ka. Kaya kailangang talunin mo ito.”
Di nakinig sa Diyos si Cain. Naghari sa kanya ang inggit at galit kaya pinatay
niya si Abel.
~ 29 ~
“Nasaan ang kapatid mo?” tanong ng Diyos. Sumagot si Cain, “Ewan ko. Bakit,
ako ba ang tagapagbantay niya?”
Sabi ng Diyos, “Dahil sa ginawa mo, isusumpa ka. Kahit magtanim ka pa, ang
lupa ay hindi na magbibigay sa iyo ng ani. At wala kang pirmihang
matitirhan, kaya magpapagala-gala ka kahit saan.”
Sabi ni Cain, “Napakabigat ng parusang ito. Itinaboy ninyo ako ngayon sa
lupaing ito at sa inyong harapan. Kung may makakakita sa akin, tiyak na
papatayin ako.”
Sumagot ang Diyos, “Hindi! Ang sinumang papatay sa iyo ay gagantihan ko
ng pitong beses.” Kaya nilagyan ng marka ng Panginoon si Cain para hindi
siya mapatay. Pagkatapos, lumayo si Cain sa presensiya ng Diyos at doon
tumira sa bandang silangan ng hardin.
Pagkuwentuhan…Ipakuwento…Pag-usapan…
1. Ano ang sinabi ng Diyos kay Cain pagkatapos na di niya tanggapin ang inihandog nito?
Ano sa tingin mo ang ibig sabihin noon? Tumitingin ang Diyos sa puso ng tao. Hindi isyu
ang handog kundi ang puso ng naghahandog. Alam ni Cain kung ano ang dapat gawin pero di
naman niya ginawa. Di tama ang relasyon niya sa Diyos.
2. Bakit sa tingin mo pinatay ni Cain ang kanyang kapatid? Galit…inggit…pagnanais na
maging katanggap-tanggap sa sariling paraan.
3. Ano ang ginagawa mo kapag hindi mo nararamdamang tanggap ka? Ano ang gagawin
mo para maging katanggap-tanggap?
4. Ano sa tingin mo ang magbabago sa buhay mo kung alam mong kahit sino ka pa at ano
ang ginawa mo ay minamahal ka at tinatanggap ng Diyos?
5. Ano ang reaksiyon ng Diyos sa pagpatay ni Cain sa kanyang kapatid? Bakit di niya na
lang pinalampas ang kasalanan ni Cain? Dapat lang na mamatay si Cain. Makatarungan
ang Diyos, pero nagpakita pa rin siya ng habag at awa.
6. Ano ang matututunan natin tungkol sa tao sa eksenang ito? Nagtatago sa
kasalanan…Naiiinggit…Di marunong makinig sa Diyos…Di ginagawa ang alam na dapat
gawin.
~ 30 ~
7. Ano ang matututunan natin tungkol sa Diyos sa eksenang ito? Interesado ang Diyos sa
buhay ng tao…Pinaparusahan ang kasalanan….Mahabagin at maawain…Alam ang lahat ng
bagay.
8. Sino ang mas katulad mo sa eksenang ito? Si Cain o si Abel? Paano mo nasabing
ganoon?
SCENE 4 ~ ANG BAHA
Ikuwento…(Galing sa Genesis 6-9)
Hindi nagtagal, dumami nang dumami ang mga tao sa mundo. Sa pagdami
ng tao, kumalat din ang kasalanan hindi lang mula kina Adan at Eba tungo sa
kanilang mga anak, kundi sa bawat salinlahi.
Kahit na ang tao’y nilikha sa larawan ng Diyos, pinili nilang sumuway sa
Diyos. Naging marahas sila sa isa’t isa.
Nang makita ng Panginoon na ang ginagawa ng mga tao sa mundo ay puro
kasamaan lang, at ang palagi nilang iniisip ay masama, nanghinayang siya
kung bakit ginawa pa niya ang tao sa mundo. Labis ang kalungkutan niya,
kaya sinabi niya, “Lilipulin ko ang lahat ng taong nilikha ko sa buong lupain.
At lilipulin ko rin ang lahat ng hayop sa lupa dahil nanghihinayang ako sa
paglikha sa kanila.”
Pero may isang tao na nakapagbigay-lugod sa Panginoon, siya ay si Noe. May
malapit siyang relasyon sa Diyos at siya lang ang namumuhay na matuwid
noon.
Kaya sabi niya kay Noe, “Lilipulin ko ang lahat ng tao. Pababahain ko ang
mundo para malipol ang lahat ng nabubuhay. Mamamatay ang lahat ng nasa
mundo. Pero may plano ako para maligtas ka at ang pamilya mo. Pangako ko
ito sa iyo.”
~ 31 ~
At sinabihan siya ng Diyos na gumawa ng isang barko – kung gaano ito
kalaki at kung ano ang itsura nito. “Gumawa ka ng isang barko na may mga
kuwarto para sa iyo at para sa mga hayop na ililigtas ko. Magdala ka ng
pitong pares ng mga hayop na ihahandog n’yo sa akin at tig-isang pares ng
iba pang hayop. Magdala ka ng sapat na pagkain para sa pamilya mo at sa
mga hayop.”
Sinunod ni Noe ang lahat ng iniutos ng Diyos sa kanya. Nang mayari ang
barko, pumasok na si Noe at ang kanyang pamilya sa loob.
At tulad ng sinabi ng Diyos, dumating nga ang malaking baha. Nagsimulang
maglabasan ang mga tubig mula sa lupa at bumuhos ang malakas na ulan.
Sa pagbuhos ng malakas na ulan, tumaas nang tumaas ang baha hanggang
nalubog ang pinakamataas na bundok, at lahat ng tao at lahat ng nabubuhay
sa mundo ay nalunod at namatay; maliban lang doon sa mga nasa loob ng
barko.
Tumigil ang ulan pagkatapos ng 40 araw, at pagkatapos ng halos isang taon
nang magsimulang umulan, humupa na ang baha, at lumabas na sa barko si
Noe at ang kanyang pamilya, pati mga hayop.
Paglabas ng barko, gumawa si Noe ng altar para sa Panginoon, pumili ng
mga malilinis na hayop para ihandog, at sinunog niya ito sa altar bilang
handog sa Panginoon, bilang pasasalamat at pagsamba sa kanya.
Natuwa ang Diyos sa handog ni Noe at nangako siya, “Hindi ko na muling
susumpain ang lupa dahil sa ginawa ng tao, kahit alam kong makasalanan
ang tao mula nang bata pa siya.” Pinagpala ng Diyos si Noe at ang kanyang
mga anak, at sinabing sila’y magpakarami, at muling punuin ang mundo ng
mga tao.
~ 32 ~
Iniutos ng Diyos kay Noe at sa mga anak niya, “Kayo ang maghahari sa lahat
ng mga hayop. Puwede n’yo silang kainin, ‘wag lang ang mga hayop na hindi
pa lumalabas ang dugo, dahil ang dugo ay simbolo ng buhay. Sisingilin ko ang
sinumang papatay sa kanyang kapwa. Sapagkat ang tao ay ginawa ng Diyos
na kawangis niya.”
At dugtong pa niya, “Bilang palatandaan ng kasunduan ko sa inyo at sa mga
hayop, maglalagay ako ng bahaghari sa ulap. Tuwing lilitaw ang bahaghari
sa mga ulap, aalalahanin ko agad ang walang hanggang kasunduan ko sa
lahat ng uri ng nilikha na nabubuhay sa mundo.”
Pagkuwentuhan…Ipakuwento…Pag-usapan…
1. Bakit sinira ng Diyos ang halos lahat ng nilikha niya sa mundo? Meron ba siyang sapat
na dahilan para gawin ‘to? Kasalanan ng tao at pagrerebelde sa Diyos.
2. Bakit naligtas si Noe at ang kanyang pamilya?
3. Ano ang ibig sabihin ng “namumuhay na matuwid”? Wala bang kasalanan si Noe?
Hindi dahil sa ginagawa ni Noe, kundi dahil sa relasyon niya sa Diyos at sa biyaya ng Diyos
sa kanya.
4. Ano ang kahahantungan ng kasamaan, pagrerebelde at karahasan ng tao? Kamatayan!
5. Ano naman ang kinahantungan ng pagtitiwala at pagsunod ni Noe? Naligtas ng Diyos,
kasama ang pamilya…Gumawa ang Diyos ng paraan para siya maligtas.
6. Batay sa eksena ngayon, at sa mga nauna pa sa Kuwento, ano ang pagsasalarawan sa
mga tao? Simula sa pagrerebelde nina Adan at Eba, lahat ng tao ay mga rebelde rin at
makasalanan.
7. Ang mundo ba at mga tao sa panahon ni Noe ay iba sa panahon natin ngayon? Paano
mo nasabi?
8. May nakilala ka na bang isang taong PERPEKTO ang naging buhay? Na walang
nagawang makasariling bagay, kahit kailan?
9. Mula sa eksenang ito, ano ang nararamdaman ng Diyos sa mga tao? Nalulungkot at
nagagalit sa kanilang kasamaan…Nahahabag, pinakita nang iligtas si Noe at mangakong ‘di
na niya ulit sisirain ang kanyang nilikha.
10. Ano ang ibig sabihin ng mamunga at magpakarami? Ano ang kinalaman nito sa
pagpapalaki ng anak, sa paghawak ng pera, sa paggamit ng talento, sa paggamit ng
oras, at sa relasyon sa ibang tao?
~ 33 ~
11. Ano ang sinabi ng Diyos tungkol sa hayop at sa dugo nito? Tungkol sa pagpatay at
buhay ng tao? Bakit ito mahalaga? Lahat ng buhay ay para sa Diyos, at ang buhay ay nasa
dugo. Sisingilin niya ng dugo (buhay) ang sinumang aagaw ng buhay ng kapwa.
12. Anu-ano ang natutunan natin tungkol sa Diyos sa kuwentong ito? Makapangyarihan,
kontrolado ang kalikasan…Hindi hahayaan ang kasamaan sa kanyang
presensiya…Nagpaparusa…Nagbibigay babala sa parating na paghatol…Nangakong di na
muling sisirain ang mundo, kahit makasalanan ang tao.
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Genesis 4, 6-9
Hebreo 11:4-7
Roma 3:9-18
~ 34 ~
WEEK 3: The Promise of God
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Ang ating pagkakakilanlan (identity) bilang isang bayan o pamilya ng Diyos.
2. Pinili ng Diyos ang kanyang bayang pag-aari (o pamilya) dahil lamang sa kanyang biyaya
(grace), hindi sa anumang kabutihan o kakahayan na mayroon sila.
3. Nais ng Diyos sa kanyang pamilya ay magtiwala sa kanya at sa kanyang pangako – hindi
magtiwala sa sarili nilang pamamaraan o kakayahan.
4. Ang kasalanan at pagkamakasarili ay nauuwi sa pagkahiwalay sa Diyos at sa kamatayan.
5. Ang mga taong pinili niyang gamitin para matupad ang kanyang pangako at layunin ay mga
makasalanan at mahina ang pananalig sa kanya. Ito ang kundisyon ng lahat ng tao.
6. Paulit-ulit ang Diyos sa kanyang pangako para patibayin ang pagtitiwala sa kanya ng
kanyang mga anak, at alisin ang mga takot nila.
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 35 ~
SCENE 5 ~ ANG PANGAKO
Ikuwento…(Galing sa Genesis 11-18, 21)
Di lumaon, nakalimutan ng mga sumunod na lahi ni Noe ang Diyos na
nagligtas sa kanila sa baha. Nagbalak silang gawing tanyag ang sarili nila sa
halip na bigyang karangalan ang Diyos. Sabi nila, “Magtayo tayo ng isang
lungsod na may toreng aabot sa langit, para maging tanyag tayo.”
Nakita ng Diyos ang kahambugan ng tao. Sa panahong iyon, lahat ng tao sa
mundo ay may iisang wika lang. Kaya pinag-iba-iba ng Diyos ang wika ng
mga tao para di sila magkaisang magrebelde sa kanya. At ikinalat ng Diyos
ang mga tao sa iba’t ibang dako ng mundo. Noon nagsimula ang mga bansa…
Pagkatapos ng ilang panahon, mula sa mga bansang ito ay tumawag siya ng
isang tao na ang pangalan ay Abram at nagbitaw siya ng isang pangako na
tinatawag na tipan – na siyang pinakamatibay sa lahat ng kasunduan sa
pagitan ng dalawang tao.
Ito ang tipan ng Diyos kay Abram, “Gagawin kong isang tanyag na bansa ang
lahi mo. Pagpapalain kita at magiging tanyag ka…Pagpapalain ko ang
magmamagandang-loob sa iyo. Pero isusumpa ko naman ang susumpa sa iyo.
Sa pamamagitan mo, pagpapalain ko ang lahat ng tao sa mundo.”
Napakalaking pangako ang binitawan ng Diyos. Pinili niyang pagpalain ang
buong mundo sa pamamagitan ng isang pamilya! Pero merong isang
problema. Si Sarai, na asawa ni Abram, ay di magkaanak. Paano ngayong
mangyayaring pagpapalain ang mundo sa pamamagitan ng mga anak nila?
Bukod doon, tumatanda pa sila. Si Abram ay 75 taon na at si Sarai ay 65!
Iniutos ng Diyos kay Abram, “Iwan mo ang bansa mo at mga kamag-anak mo
at pumunta ka sa lugar na ipapakita ko sa iyo.” Dinala ng Diyos sina Abram
at kanyang pamilya sa lupang tinatawag na Canaan.
Doon, sinabi ng Diyos sa kanya, “Ang lahat ng lupain na maaabot ng
paningin mo ay ibibigay ko sa iyo at sa mga lahi mo, at magiging inyo ito
magpakailanman.” Kaya ang Canaan ay tinawag na Lupang Pangako.
~ 36 ~
Lumipas ang ilang taon, wala pa ring anak ang mag-asawang Abram at Sarai.
Nagtanong si Abram sa Diyos, “Ano po ang halaga ng gantimpala n’yo sa akin
dahil hanggang ngayon ay wala pa po akong anak. Tumatanda na ako at ang
magiging tagapagmana ko ay isa sa mga tauhan ko.” Pero tugon ng Diyos,
“Hindi siya kundi ang sarili mong anak ang magiging tagapagmana mo.”
Pagkatapos dinala siya ng Diyos sa labas at sinabi, “Masdan mo ang mga
bituin sa langit, bilangin mo kung makakaya mo. Magiging ganyan din
karami ang lahi mo.” Nagtiwala si Abram sa Diyos at sa kanyang pangako, at
dahil dito, itinuring siyang matuwid ng Diyos.
Lumipas pa ang maraming taon at nainip na si Sarai dahil di pa siya
nagkakaanak. Nagplano siyang ibigay ang alipin nilang si Hagar para
magkaanak para sa kanya. Pumayag naman si Abram. Dahil doon, nabuntis
si Hagar at ipinanganak niya si Ismael. Di naging maganda ang relasyon ng
mag-inang ito sa pamilya ni Abram kaya di nagtagal ay umalis din sila.
Nang 99 taon na si Abram, muling nagpakita sa kanya ang Diyos at sinabi,
“Ako ang Diyos na Makapangyarihan. Tutuparin ko ang kasunduan ko sa iyo;
pararamihin ko ang mga lahi mo. Abraham na ang itatawag sa iyo dahil ikaw
ay magiging ‘ama ng maraming bansa.’ Si Sarai naman ay tatawaging Sara,
dahil siya ang magiging ‘ina ng maraming bansa.’”
Parehong natawa ang mag-asawa at nagduda sa ipinangako ng Diyos.
Nagtaka si Abraham, “Magkakaanak pa ba ako na nasa 100 taong gulang na?
At si Sarah, mabubuntis pa kaya siya na nasa 90 taong gulang na?” Si Sarah
naman, sa isip-isip niya, “Magkakaanak pa ba ako ngayong matanda na ako,
at mas matanda pa ang asawa ko?”
Nagtanong si Abraham sa Diyos, “Puwede po bang kay Ismael n’yo na lang
ipasa ang pagpapalang pinangako n’yo?” Pero sabi ng Diyos, “Bakit kayo
natawa? May bagay ba na hindi ko kayang gawin? Isang taon mula ngayon,
magkakaroon ka ng anak na lalaki. At sa kanya ko ipapasa ang pagpapalang
ipinangako ko sa iyo – hindi kay Ishmael.”
Totoo nga, paglipas ng isang taon – eksakto ayon sa sinabi ng Diyos –
nanganak si Sara ng isang lalaki, at pinangalanang Isaac, na ang ibig sabihi’y
“tawa.” Ang pagsilang kay Isaac ang pasimula ng pagtupad ng Diyos sa
pangako niya kay Abraham. Nais ng Diyos sa lahi ni Abraham na sila’y
maging isang bagong bayan, pamilya ng Diyos, na magpapakita sa buong
mundo kung paano mamuhay ayon sa kalooban ng Diyos.
~ 37 ~
Pagkuwentuhan…Ipakuwento…Pag-usapan…
1. Bakit pinigilan ng Diyos ang balak ng mga taong gumawa ng tore? df
2. Mula sa eksenang ito, ano ang matutunan natin tungkol kay Abraham? Pinili siya ng
Diyos para dalhin ang kanyang pagpapala sa mundo…Matanda na siya…Nagtiwala siya sa
Diyos at sumunod…Kahit na nagtiwala siya’t sumunod, nahirapan pa rin siyang lubos na
magtiwala sa pangako ng Diyos.
3. Saan sa eksenang ito makikita nating nagduda o nag-alinlangan si Abraham sa
pangako ng Diyos? Inisip ni Abraham na ang isa sa mga alipin niya ang magiging
tagapagmana niya…Silang mag-asawa ay natawa sa pangako ng Diyos at nagtanong,
“Paanong mangyayari ‘to?”
4. Bakit tinawag ng Diyos na matuwid si Abraham? Ano sa tingin mo ang ibig sabihin ng
“matuwid”? Paano mo isasalarawan ang relasyon ng Diyos kay Abraham?
5. Ano ang tawag sa espesyal na pangakong ito ng Diyos kay Abraham? Bakit ito
espesyal? Saang bahagi ng Kuwento nakita n’yong nagbitiw ang Diyos ng pangako?
Tipan o covenant…Kay Cain…kay Noe.
6. Ano ang ipinangako ng Diyos kay Abraham? Gagawin siyang ama ng dakilang
bansa…bibigyan ng maraming anak…pagpapalain…iingatan…Pagpapalain lahat ng bansa sa
pamamagitan niya.
7. Kung maghihintay ka ng 25 taon bago matupad ang pangako ng Diyos, magtitiwala ka
pa kaya sa Diyos?
8. May narinig ka ba sa eksenang ito na may koneksiyon sa mga naunang bahagi ng
Kuwento? Ano ‘yon?
9. Anong sinasabi ng pangakong ito ng Diyos tungkol sa kung sino siya? Gusto niyang
pagpalain ang lahat ng tao…Pumili siya ng isang pamilya (bansa) na pagpapalain niya at
mamumuhay sa kanyang kalooban.
SCENE 6 ~ ANG ANAK
Ikuwento…(Galing sa Genesis 22)
Nang magbibinata na si Isaac, sinubukan ng Diyos ang pananampalataya ni
Abraham. Sinabi ng Diyos kay Abraham, “Dalhin mo ang kaisa-isa at
pinakamamahal mong anak na si Isaac. Umakyat kayo sa bundok na ituturo
ko sa iyo at ialay mo siya sa akin bilang handog na sinusunog.”
~ 38 ~
Kinabukasan, maagang-maaga pa’y bumangon na si Abraham. Nagsibak siya
ng ilang kahoy para sa paghahandog. Nang maigayak na niya ang lahat ng
gamit na kailangan, isinama niya si Isaac at ang dalawa sa kanyang mga
tauhan at naglakbay papunta sa bundok na sinabi ng Diyos.
Pagkaraan ng tatlong araw ng paglalakbay, nakita na nila ang bundok.
At sinabi ni Abraham sa kanyang mga tauhan, “Dito muna kayo, dahil aakyat
kami roon ni Isaac para sumamba sa Diyos. Babalik din kami agad.”
Ipinapasan ni Abraham kay Isaac ang mga kahoy na gagamitin sa
paghahandog, at siya ang nagdala ng itak at sulo.
Habang naglalakad sila papunta sa bundok, nagtaka si Isaac at nagtanong,
“Tatay, may dala po tayong sulo at panggatong pero nasaan po ang tupa na
ihahandog?” Sumagot si Abraham, “Anak, ang Diyos ang magbibigay sa atin
ng tupang ihahandog.”
Pagdating nila sa taas ng bundok, gumawa sila ng altar at inilagay ang mga
kahoy sa ibabaw. Pagkatapos, iginapos niya si Isaac at inihiga sa altar.
Pagkatapos, kinuha niya ang itak, itinaas ito at nakahanda nang patayin ang
kanyang anak bilang handog sa Diyos.
Sa oras ding iyon, sumigaw ang Diyos, “Abraham! Abraham!” “Opo, nakikinig
po ako!” sagot naman niya. Sinabi ng Diyos, “Ibaba mo na ang itak. ‘Wag mo
nang saktan ang anak mo. Ngayon, napatunayan ko nang nagtitiwala ka sa
akin dahil hindi mo ipinagkait ang kaisa-isa mong anak.”
Paglingon ni Abraham, may nakita siyang isang tupa na ang sungay ay
nasabit sa mga sanga ng kahoy.
Kinuha ito ni Abraham at sinunog bilang handog sa Diyos kapalit ng
kanyang anak. Tinawag ni Abraham ang lugar na iyon na “Ang Diyos ang
Naglalaan.”
~ 39 ~
Pagkatapos noon, sinabi ng Diyos kay Abraham, “Sumusumpa ako sa sarili ko
na pagpapalain kita dahil hindi mo ipinagkait sa akin ang kaisa-isa mong
anak. Lalaki nang lalaki ang pamilya mo – magiging singdami ng mga bituin
sa langit at ng buhangin sa dalampasigan. Sa pamamagitan ng iyong lahi
pagpapalain ko ang lahat ng bansa sa mundo, dahil pinili mong sumunod sa
akin.”
Pagkatapos nito, bumaba na sila ng bundok, binalikan ang mga kasama nila,
at umuwi na sa kanila.
Pagkuwentuhan…Ipakuwento…Pag-usapan…
1. Ano ang ipinapakita ng eksenang ito tungkol kay Abraham?
2. Tungkol sa relasyon ni Abraham sa kanyang anak na si Isaac?
3. Tungkol sa relasyon ng Diyos kay Abraham? May espesyal na relasyon sa Diyos…piniling
maging pagpapala…May pananalig sa Diyos na tutuparin ang pangako…Mahal ni Abraham si
Isaac…Nakikinig siya sa Diyos.
4. Ano ang sabi ni Abraham sa kanyang mga alipin? Ano ang ipinapakita nito tungkol sa
pananampalataya ni Abraham? Babalik kami…Naniniwala si Abraham na gagawa ang
Diyos para di mabali ang ipinangako niya.
5. Ano ang makikita natin tungkol kay Isaac? May tiwala sa kanyang ama.
6. Ano ang nakasalalay sa pagsunod ni Abraham sa Diyos sa eksenang ito? Ang
pangakong pagpapalain ng Diyos ang buong mundo sa pamamagitan ng mga lahi niya.
7. Saang bahagi ng Kuwento nakita na nating naghahandog ang tao sa Diyos? Bakit nila
ito ginagawa? Ano ang itinuturo ng Diyos tungkol sa mga paghahandog na ito? Cain at
Abel…Noe…pagkilala sa mga biyaya ng Diyos…na ang Diyos ang nagbibigay ng buhay…siya
ang nagkakaloob ng kapalit na ihahandog…buhay sa buhay.
8. Ano ang tinuturo ng eksenang ito tungkol sa Diyos? Siya ang naglalaan ng kailangan ng
kanyang mga anak para makasunod sa kanya…Sinusubok niya ang pananampalataya ng
kanyang mga anak…Nais niyang pagpalain niya tayo…Sa kanya nagmumula lahat ng
biyaya…Tinutupad niya ang pangako niya.
9. Susunod ka ba sa Diyos kapag sinabi niyang gawin mo ang tulad ng pinagawa niya kay
Abraham? May nakikita ka bang koneksiyon nito ngayon sa nais niyang ipagawa sa
iyo ngayon?
~ 40 ~
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Genesis 11-18, 22
Roma 4
~ 41 ~
WEEK 4: The Law of God
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Ang Diyos ang nagliligtas sa kanyang bayan mula sa pagkaalipin/pagkabihag sa kasalanan.
2. Ibinigay ng Diyos ang kanyang kautusan para ipakita sa kanila kung paano mamuhay na siya
ang kinikilalang Diyos. Ang Kautusan ay ibinigay sa kanila pagkatapos na sila ay iligtas mula
sa pagkaalipin, nagpapakita kung paano sila dapat mamuhay bilang mga malaya na.
3. Nagbigay ang Diyos sa kanyang bayang pinili ng paraan para sa kapatawaran o kabayaran
ng kanilang kasalanan at mamuhay na malapit ang relasyon sa kanya.
4. Sila ay dapat maging isang bayang ipinapakita sa mga bansa ang karangalan ng Diyos.
5. Nagrebelde ulit sila at namuhay sa sarili nilang paraan – na ginagawa kung ano ang sa tingin
nilang tama (nagpapasya kung ano ang mabuti at masama para sa kanilang sarili).
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 42 ~
SCENE 7 ~ ANG PAGLILIGTAS AT ANG KAUTUSAN
Ikuwento…(Galing sa Genesis 37-50, Exodo 1-2, 7-12, 19-20)
Ang bayang nagmula kay Abraham ay tinawag na Israel, pangalang ibinigay
ng Diyos sa apo niya kay Isaac na si Jacob. Si Jose, isa sa 12 anak na lalaki ni
Jacob, ay napunta sa Egipto. Inanyayahan niya ang kanyang pamilyang doon
na tumira para makaligtas sa matinding taggutom.
Habang nasa Egipto sila, dumami nang dumami ang mga Israelita. Nang
mamatay si Jose, nabahala ang Hari ng Egipto sa dami ng mga Israelita.
Pinagmalupitan niya sila at ginawang mga alipin. Naging alipin sila nang
halos 400 taon. Nagsimula silang dumaing sa Diyos at inalala ng Diyos ang
kanyang pangako na pagpapalain niya ang kanyang bayan.
Tumawag ang Diyos ng isang taong gagamitin niya para iligtas ang mga
Israelita mula sa pagkaalipin, ang pangalan niya ay Moises. Pinadala niya si
Moises sa Hari para balaan na masasama ang mangyayari kung hindi
papakawalan ng mga Egipcio ang mga Israelita.
Pero nagmatigas si Faraon at hindi nakinig. Kaya nagpadala ang Diyos ng
sunud-sunod na mga nakapangingilabot na mga salot para parusahan ang
mga Egipcio, pero ang mga salot na ito ay hindi nakaapekto sa mga Israelita.
Sa kabila ng lahat ng mga nangyari, ayaw pa ring paalisin ni Faraon ang mga
Israelita. Kaya nagpadala ng panghuling salot ang Diyos…isang salot na
papatay sa bawat panganay – tao at hayop – sa Egipto. Ngunit nagbigay ang
Diyos ng paraan para maligtas ang mga panganay ng mga Israelita.
Binilinan niya sila na kumuha ng isang panganay na lalaking tupa na walang
kapintasan, at ihandog ito sa kanya na hindi binabali ang anumang buto nito.
~ 43 ~
Pagkatapos, kukunin nila ang dugo ng tupa at ipapahid sa hamba ng pinto ng
kanilang bahay. Kaya ginawa ng mga Israelita ang mga sinabi ng Diyos.
Pagdating ng hatinggabi, nagpadala ang Diyos ng anghel na dadaan sa buong
Egipto para patayin ang lahat ng panganay, pero nilagpasan nito ang lahat
ng bahay na may nakapahid na dugo sa hamba ng kanilang pinto.
Umiyak ang mga Egipcio sa nangyaring trahedya sa kanila at
nagmakaawang umalis na ang mga Israelita. At ngayon ang Israel, malaya na
mula sa pagkaalipin sa Egipto at higit dalawang milyon na ang dami, ay
nagsimulang bumalik sa lupang pinangako ng Diyos kay Abraham.
Pero gustong maghiganti ng Hari – nagpadala siya ng mga tauhan para
habulin ang Israel at patayin. Nang malapit na ang mga Israelita sa dagat,
natakot sila dahil akala nila aabutan sila ng mga kalaban.
Pero hinati ng Diyos ang dagat para makatawid sa tuyong lupa ang mga
Israelita.
Nang subukan ng mga kalaban na tumawid din sa dagat, nagpadala ang
Diyos ng malakas na hangin na nagbalik sa mga tubig. Patay lahat ng mga
kalaban nila, ngunit ang mga Israelita ay naligtas.
Dalawang buwan pag-alis sa Egipto, nagpahinga muna ang mga Israelita sa
paanan ng Bundok ng Sinai. Bumaba ang Diyos sa bundok sa naglalagablab
na apoy at nabalot ng usok ang bundok. Tinawag ng Diyos si Moises na
humarap sa kanya sa tuktok ng bundok.
Doon, sinabi ng Diyos sa kanya, “Sabihin mo ito sa aking bayan, ‘Nakita n’yo
kung paano ko kayo dinala na parang sa isang pakpak ng agila at iniligtas
mula sa Egipto. Ngayon kung susundin n’yo ako at magiging tapat sa tipan ko
sa inyo, kayo ay magiging bayang pag-aari ko – isang kaharian ng mga pari –
ibinukod para kumatawan sa akin sa mundo.” Pagkatapos noon, binigyan ng
Diyos si Moises ng mga tagubilin kung paanong ang mga tao ay babalik sa
~ 44 ~
pagsunod sa kanyang kalooban at mamuhay nang may kalayaan, isang
buhay na malapit sa Diyos at nasa ilalim ng kanyang pangangalaga. Ilan sa
mga nasa Kautusan ng Diyos ay ito…
“Ako ang inyong Diyos na nagligtas sa inyo mula sa pagkaalipin sa Egipto.
Pahalagahan n’yo ako nang higit sa lahat. Huwag kayong sasamba sa ibang
mga bagay. Huwag kayong gagawa ng mga imahen o rebulto para sambahin.
Huwag n’yong aabusuhin o lalapastangin ang aking pangalan. Alalahanin
n’yong maglaan ng isang araw sa isang linggo para mamahinga at sumamba
sa akin…
“…Igalang n’yo ang inyong mga magulang. Huwag kayong papatay, o
magnanakaw, o magsisinungaling. Huwag kayong sisiping sa iba maliban sa
inyong asawa – maging tapat kayo sa inyong asawa. Huwag mong
pagnanasahan ang pag-aari ng iba – maging kuntento ka kung ano ang bigay
ko sa iyo.”
Pero ayaw ng mga taong mamuhay ayon sa itinakda ng Diyos. Nagrebelde
sila ulit, na tinawag ang mga utos na Diyos na parang isang klase na naman
ng pagkaalipin. Kahit ang mga taong sinubukang sumunod sa mga utos na
ito ay nalamang di pala nila kayang makasunod sa lahat. Kamatayan ang
naging kabayaran ng kanilang kasalanan.
Pero dahil mahal ng Diyos ang kanyang bayan at tapat siya sa kanyang mga
pangako, nagbigay siya ng paraan para ipalit nila sa kanilang buhay bilang
kahalili ang buhay ng isang inosenteng hayop. Magdadala ang mga tao ng
malinis na hayop sa Diyos, at hihilingin sa kanyang ilipat ang kanilang
kasalanan sa walang kamalay-malay na hayop. Ang hayop ay pinapatay at
ang dugo nito ay binubuhos bilang kabayaran sa kasalanan ng taong
nagkasala. Gagawin nila ito hanggang dumating ang minsanan at panghuling
handog na siyang magbabayad ng mga kasalanan ng mga tao sa mundo.
Pagkuwentuhan…Ipakuwento…Pag-usapan…
1. Ano ang itinuturo ng eksenang ito tungkol sa ating mga tao – na masasalamin sa
reaksiyon ni Moises, ng Hari ng Egipto, at ng mga Israelita sa salita ng Diyos? Rebelde,
makasalanan, hindi nagtitiwala sa Diyos.
2. Ano ang itinuturo ng eksenang ito tungkol sa Diyos?
3. Paano maliligtas ang mga Israelita sa pagpatay sa mga panganay? Dapat silang pumatay
sa isang tupang lalaki, panganay, at walang kapintasan, at ilagay ang dugo nito sa pinto ng
~ 45 ~
bahay…Dapat silang pumasok sa loob ng bahay…Ang Diyos ang nagbigay ng kaligtasan!
Magagawa lang nila nito kung maniniwala at magtitiwala sila sa Diyos.
4. Saan pa sa mga nakaraang bahagi ng Kuwento nakita nating ang buhay (o dugo) ng
isang inosenteng hayop ay ibinigay para takpan o bayaran ang kasalanan ng isang tao?
Kay Adan at Eba nang gumawa ang Diyos ng damit nila mula sa balat ng hayop.
5. Bakit mahalaga ang mga handog at ang dugo? Sinabi ng Diyos na dapat pagbayaran ang
kasalanan ng tao. Ang kabayaran ng kasalanan ay kamatayan…Ang bayad sa kasalanan ay
buhay, buhay sa buhay. Ang tipan kay Noe ay nagtuturo sa ating ang buhay ay nasa dugo.
Dugo (buhay na binigay o inialay) lang ang paraan para mabayaran ang kasalanan.
6. Ano ang isang tipan? Anong tipan ang tinutukoy ng Diyos? Kanino ito unang ibinigay?
Kay Abraham… Sa bayang Israel…(balikan ang iba’t ibang bahagi ng mga pangako ng Diyos
sa tipan kay Abraham)
7. Paano ang dapat gawin ng mga Israelita para magampanan ang bahagi nila sa tipan?
Sundin ang lahat ng mga utos ng Diyos.
8. Babalewalain ba ng Diyos ang tipan kung hindi sila sumunod sa kanya? Bakit o bakit
hindi? Hindi lahat, bahagi lang. Maaaring tanggalin niya ang pagpapala at proteksiyon niya,
pero sa bandang huli pinili pa rin niyang iligtas sila para ipakita kung gaano kadakila ang
habag niya, na hindi nakadepende sa nagawa nilang kabutihan.
9. Ano sa tingin mo ang ibig sabihin ng Diyos nang sabihin niyang, “Kayo’y magiging
isang kaharian ng mga pari”? Dapat silang maging isang bayan na sasalamin o magpapakita
sa buong mundo kung sino ang Diyos…Sila ang magiging tagapamagitan sa Diyos at sa ibang
bansa, para ang pagpapala ng kaligtasan ng Diyos ay maranasan din nila.
10. Ano ang layunin ng Diyos sa pagbibigay ng mga utos? Para ba ito maging paraan para
maging katanggap-tanggap sila sa Diyos? Ibinigay ang utos pagkatapos na sila’y iligtas
mula sa pagkaalipin, para ipakita sa kanila kung paano mamuhay nang may kalayaan, na
malapit ang relasyon sa Diyos. Para manatili silang tapat na mamuhay ayon sa tipan ng Diyos
sa kanila.
11. Anu-ano sa mga utos ang sa tingin mong pinakamahirap sundin? [Subukang gabayan
ang grupo para makitang ang una sa sampung utos ang nagsasaad ng kabuuang utos ng
Diyos.]
12. Ano ang ipinapakita ng mga utos ng Diyos tungkol sa kanya? Na siya ay banal at nais
niyang sila ay mamuhay na tulad niya at may malapit na ugnayan sa kanya.
13. Ano ang resulta ng pagsunod sa kalooban ng Diyos? Ng di pagsunod?
~ 46 ~
SCENE 8 ~ MGA HARI AT MGA PROPETA
Ikuwento…(Galing sa Deuteronomio, Josue, Mga Hukom, 2 Samuel, 2 Hari; 2 Samuel 7; Isaias 7, 9, 40, 53,
61; Awit 22; Mikas 5; Zacarias 12)
Pagkatapos na magpaikut-ikot sa disyerto sa loob ng 40 taon, pinangunahan
ng Diyos ang Israel para mapasakanila ang Lupang Pangako mula sa mga
kaaway ng Diyos. Ang Diyos ang nagbigay sa kanila ng maraming tagumpay
sa mga digmaan. Lahat ng ipinangako niya sa kanila, tinupad niyang lahat.
Pero sa kabila ng lahat ng iyon, itinakwil pa rin siya ng mga Israelita at
sumamba sa mga hindi tunay na diyos. Ang pagkakaroon nila ng ibang diyos
ang nagdala sa kanila sa marami pang kasalanan.
Dahil sa kanilang kasalanan at pagsuway, tinanggal ng Diyos ang kanyang
proteksiyon at hinayaan silang masakop at maparusahan ng mga dayuhang
bansa. Kapag nahihirapan na sila, babalik sila sa Diyos at magmamakaawang
tulungan at patawarin.
Muli naman silang pinatatawad ng Diyos at nagpapadala ng mga pinunong
nagliligtas sa kanila sa kanilang mga kaaway. Sa sunud-sunod na digmaan,
tinatalo ng Israel ang mga kaaway nilang bansa nakadikit sa kanila.
Kapag nagtatagumpay sila, sasamba sila sa Diyos, pero di magtatagal
tatalikod na naman sila sa Diyos at gagawin kung ano ang sariling gusto nila.
Nakakalungkot na ganito ang paulit-ulit na nangyayari mula sa isang
henerasyon hanggang sa mga sumunod. Ito ang panahon na ginagawa ng
lahat kung ano ang sa tingin nilang tama.
At dahil mga hari ang namumuno sa ibang mga bansa, nagreklamo ang mga
Israelita sa Diyos at sinabi, “Gusto namin ng isang haring nakikita namin at
siyang mamumuno sa amin.” Ibinigay ng Diyos sa kanila ang gusto nila, pero
ang mga haring namuno sa kanila ay mga nagrebelde rin sa Diyos.
Meron din namang ilang hari na sumunod sa Diyos tulad ni Haring David. Sa
kanya ipinangako ng Diyos na ang kanyang kaharian ay magpapatuloy
magpakailanman. Ang kanyang anak na si Solomon ang nagpatayo ng
templo (bahay-sambahan) para sa Diyos. Sa loob ng templong ito ay may
isang silid na tinatawag na Pinakabanal na Lugar, na natatabingan ng isang
~ 47 ~
makapal na kurtina at walang sinuman ang puwedeng pumasok maliban sa
Punong Pari minsan sa isang taon.
Pero dahil sa kanilang patuloy na pagrerebelde, tinanggal ng Diyos ang
kanyang proteksiyon sa Israel at hinayaang pasukin sila ng ibang mga bansa
para sakupin.
Pinalayas sila mula sa Lupang Pangako at marami sa kanila ang naging
alipin ulit.
Sa panahon ng mga haring ito, nagpadala ang Diyos ng mga propeta para
maging mensahero niya. Sa pamamagitan nila, nanawagan ang Diyos na
magsisi na sila at bumalik sa pagsunod sa kanya. Binalaan sila ng mga
propeta sa mga mangyayari kung patuloy silang magrerebelde sa Diyos.
Sinabi din ng mga propeta ang tungkol sa isang bagong tipan na gagawin ng
Diyos para sa kanila. Sila ang nagturo sa mga tao tungkol sa darating na
Mesias, isang dakilang hari na siyang tutupad sa tipang ito, ililigtas sila at
walang-hanggang mamumuno sa kanila. Binigyan ng Diyos ang mga propeta
ng ilang mga larawan ng darating na Mesias.
Ang mga propetang tulad ni Isaias ay nagsabing, “May isang birheng
magsisilang sa kanya sa Bethlehem…manggagaling siya sa lahi ni Haring
David, na siyang galing sa lahi ni Abraham…wala siyang gagawing mali,
mamumuhay nang walang kasalanan…bubugbugin siya, papatayin at ililibing
sa libingan ng isang mayaman lalaki…ang buhay niya ay iaalay para sa
kasalanan natin…magtatayo siya ng isang kahariang walang katulad sa mga
nakita na ng Israel…dahil sa kanya, marami ang magiging matuwid sa
harapan ng Diyos.”
Sa kabila ng mga babala ng mga propeta, ayaw pa ring makinig ng mga
Israelita sa Diyos. Kaya sa loob ng 400 taon, di na nagsalita ang Diyos sa
kanila.
~ 48 ~
Pagkuwentuhan…Ipakuwento…Pag-usapan…
1. Ano, para sa iyo, ang ilan sa mga kakaibang katangian ng kasaysayan o kuwento ng
bansang Israel?
2. Ano ang paulit-ulit na nangyayari sa mga Israelita? Nagtiwala sila sa sarili nila sa halip
na sa Diyos, ginagawa kung ano ang mabuti sa paningin nila…Tapos, paparusahan sila ng
Diyos sa pamamagitan ng ibang mga bansa…Tapos, tatawag sila sa Diyos para humingi ng
tulong…Tapos, ililigtas sila ng Diyos…Tapos, balik na naman sila sa dating gawi, tatalikod sa
Diyos at susunod sa ibang mga diyus-diyosan sa kabila ng mga ginawa ng Diyos para sa
kanila.
3. Sa anu-anong paraan nakikita mo ang sarili mong buhay sa buhay ng mga Israelita? D
4. Paano mo isasalarawan ang naging ugali mo kapag may ibang tao na mas mataas ang
awtoridad sa iyo at sinasabi sa iyo kung anong dapat mong gawin (hal., magulang sa
anak, gobyerno sa mga mamamayan)?
5. Sa kabuuan ng Kuwento (mula pa sa simula), paano mo isasalarawan ang nagiging
buhay ng mga tao kung hindi sila sumusunod sa mga utos ng Diyos at nabubuhay para
lang sa sarili nila?
6. Magbigay ng ilang mga nangyayari sa paligid o sa lipunan natin na nakikita nating
mas pinapahalagahan ng mga tao ang sarili nilang kagustuhan (kung ano ang
kumportable sa kanila) kaysa sa pagsunod sa kalooban ng Diyos.
7. Sino ang nagligtas sa kanila sa pagkaalipin at siyang paulit-ulit na nagliligtas sa
kanila? Ang Diyos!
8. Sa mga nagdaang bahagi ng Kuwento, anu-ano na ang natutunan mo tungkol sa Diyos?
Ang Diyos ay banal – hindi niya hahayaan ang kasamaang manatili sa presensiya niya.
Lahat ng ginagawa niya ay mabuti, tama, at perpekto.
Makatarungan siya sa lahat ng ginagawa niya, hindi unfair.
o Siya ang humatol kay Satanas at sa mga nagrebeldeng anghel sa pamamagitan ng
pagpapalayas sa kanila mula sa langit.
o Siya ang nagpalayas kina Adan at Eba mula sa hardin.
o Siya ang nagpalayas kay Cain para magpagala-gala siya.
o Winasak niya ang mga buhay sa mundo sa pamamagitan ng baha.
o Siya ang nagparusa sa Egipto.
o Siya rin ang nagparusa sa Israel nang itapon at alipinin sila sa ibang bansa dahil sa
pagsunod nila sa mga diyus-diyosan.
Nasa kanya ang lahat ng kapangyarihan.
o Siya ang lumikha ng lahat pati ang mga anghel.
o Siya ang lumikha sa tao at inihanda ang mundo para matirhan nila.
o Pinatay niya ang mga tao at mga hayop sa baha.
o Ang mga babaeng di magkaanak ay binigyan niya ng anak.
~ 49 ~
o Kaya niyang wasakin ang pinakamakapangyarihang bansa (Egipto) at hari (Faraon), sa
isang salita lang niya.
o Kontrolado niya ang lahat sa nilikha niya: Ginawang dugo ang tubig sa ilog, nagpabagyo
nang malakas, nagpadala ng mga insekto para sirain ang mga tanim, nagawang gabi ang
umaga, nahati ang tubig ng dagat. Kontrolado ang hangin at alon!
o Siya ang may kontrol sa mga bansa: Nang sumuway ang Israel siya ang nagpadala ng
dayuhang bansa para alipinin sila.
Alam niya ang lahat ng bagay.
o Alam niya ang iniisip ni Satanas.
o Alam niyang nagkasala sina Adan at Eba.
o Alam niyang nagbabalak gumawa ng masama si Cain.
o Alam niya ang lahat ng iniisip at binabalak ng lahat ng tao sa mundo.
o Alam niyang magkakaroon ng anak si Sara.
o Alam niyang ililigtas ni Jose ang kanyang pamilya mula sa taggutom.
Sa kanya nagmumula ang lahat ng biyaya o pagpapala.
o Hindi pa niya pinatay si Satanas.
o Hindi niya agad pinatay sina Adan at Eba.
o Nalugod siya kay Noe.
o Tinawag niya si Abraham at nangakong gagawin siyang isang tanyag na bansa at
pagpapalain lahat ng bansa sa pamamagitan niya.
o Binigyan niya si Sara ng isang anak kahit matanda na siya.
o Sinabi niya kay Moises kung paano maliligtas ang mga panganay ng Israel kapag
dumating na ang anghel na papatay sa mga panganay.
o Gumawa siya ng paraan para mapatawad ang mga kasalanan ng mga Israelita sa
pamamagitan ng dugo ng mga handog na hayop upang manahan ang Diyos sa kanila.
o Siya ang nagpadala ng mga hukom, mga hari at mga propeta para ibigay sa mga tao ang
kanyang salita.
o Nangako siyang may darating na hari na magtatayo ng isang kahariang pangwalang-
hanggan at siyang magliligtas sa mga tao mula sa kanilang mga kasalanan.
o Siya ang nagsasabi kung ano ang dapat gawin o ang layunin ng tao.
Lagi siyang tumutupad sa kanyang pangako.
o Sinabi niya kina Adan at Eba na kapag kumain sila ng bungang ipinagbabawal niya
mamamatay sila.
o Nangako siyang magpapadala ng baha, at ginawa nga niya.
o Nangako siya ng isang anak kina Abraham at Sara at nagkaanak nga sila.
o Nangako siya kay Abraham na gagawin siyang isang tanyag na bansa at nagkatotoo nga.
o Nangako siyang papalayain niya ang mga Israelita mula sa pagkaalipin sa Egipto at
ginawa nga niya.
o Nangako siyang ililigtas niya ang mga panganay kapag nagpahid sila ng dugo ng tupa at
ginawa nga niya.
o Nangako siyang ibibigay sa lahi ni Abraham ang lupa ng Canaan at ibinigay nga niya.
o Nangako siyang may darating na Mesias at Tagapagligtas…darating kaya siya?
~ 50 ~
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Exodo 14, 20
2 Samuel 7
Isaias 7, 9, 53
~ 51 ~
WEEK 5: The Coming of Jesus
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Si Jesus ay ipinanganak ng isang birhen. Siya ay tunay na tao.
2. Si Jesus ay binautismuhan sa tubig. Siya ay nakikipag-isa sa mga makasalanang tao.
3. Siya Jesus ay pinapangunahan ng Espiritu. Sa Espiritu ng Diyos nanggagaling ang kanyang
kapangyarihan.
4. Si Jesus ay tinukso, nagtagumpay at kailanma’y di nagkasala.
5. Si Jesus ay isang perpektong tao. Ginawa niya ang hindi nagawa ni Adan nang magtagumpay
siya sa tukso ni Satanas at patuloy na namuhay na may pagtitiwala, pagpapasakop at
pagsunod sa Diyos.
6. Nais ng Diyos na tayo rin ay maging handa na matuto at magpasakop bilang isang lingkod o
alipin ng isang Panginoon.
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 52 ~
SCENE 9 ~ PAGSILANG KAY JESUS
Ikuwento…(Galing sa Mateo 1-2; Lucas 1-2)
400 taon ang lumipas bago nagsalita ulit ang Diyos sa kanyang bayan. Ang
mga Israelita, na ngayo’y tinatawag nang mga Judio, ay napasailalim sa
kontrol ng iba’t ibang bansa sa panahong ito. Ngayon, sila na ay
pinamumunuan ng mga Romano, ang pinakamakapangyarihang imperyo sa
kasaysayan ng mundo. Naghihintay pa rin ang mga Judio at umaasang
darating ang isang haring magliligtas sa kanila at pangungunahan sila sa
pagpapatalsik sa mga Romano.
Sa wakas, nagpadala ang Diyos ng isang anghel sa isang dalaga na ang
pangalan ay Maria na nakatira sa Nazareth. Nakatakda siyang pakasal sa
isang lalaking nagngangalang Jose, na siyang galing sa lahi ni Haring David,
at galing din sa lahi ni Abraham.
Sinabi ng anghel kay Maria na siya’y mabubuntis at magsisilang sa Anak ng
Diyos – kahit na siya’y isa pang birhen! Sinabi sa kanya ng anghel na ang
batang ito ay manggagaling sa Banal na Espiritu at magiging isang hari na
ang kaharia’y hindi magtatapos.
Totoo nga, sa sumunod na taon, habang sila ay nasa Bethlehem, nagsilang si
Maria ng isang anak na lalaki na pinangalanan nilang Jesus, na ang ibig
sabihin ay, “Ang Panginoon ang nagliligtas.” Tinawag din siyang Emmanuel,
na ang ibig sabihin ay, “Kasama natin ang Diyos.”
Ipinakita ng Diyos hindi lang kina Jose at Maria na ang lalaking ito ang
pinakahihintay na Haring Mesias, kundi sa ibang tao rin. Ibinalita rin ito ng
mga anghel sa mga tagapag-alaga ng tupa…
…na sila namang dali-daling hinanap ang bagong silang na sanggol, at
masayang ikinalat ang nakakatuwang balita!
~ 53 ~
May isang bituin pa na nagdala sa mga mago – mga matatalinong tao mula
sa silangan – mula pa sa malayong lugar…
…para puntahan, sambahin at dalhan ng mga regalo ang isinilang na Hari.
Ang pagsilang ni Jesus ay isang himala – gawa ng Diyos!
Lumaki si Jesus na malusog at marunong, minamahal ng Diyos at ng lahat ng
nakakilala sa kanya.
Pagkuwentuhan…Ipakuwento…Pag-usapan…
1. Ano ang mga kakaiba sa kapanganakan ni Jesus?
2. Kaninong lahi nanggaling si Jesus? Bakit ito mahalaga? Haring David at
Abraham…Katuparan ito ng tipan o kasunduan ng Diyos sa Israel…Katuparan ito ng mga
propesiya.
3. Ano pa ang narinig n’yo sa kuwentong ito na nagpaalala sa inyo ng ilan sa mga
binanggit ng mga propeta tungkol sa darating na Mesias? Isinilang ng isang birhen sa
Bethlehem…galing sa Nazareth.
4. Bakit mahalaga ang mga ito? Ang pagkapanganak sa kanya ng isang birhen ay
nagpapakitang siya ay isang tunay na tao. Sinabi ng mga propeta na ito ang palatandaan ng
isang tunay na Mesias.
5. Ano ang kahalagahan ng pangalang Emmanuel? Na si Jesus ay Diyos, Anak ng Diyos.
6. Ano ang ibig sabihin ng pangalang Jesus? Ang Panginoon ang Nagliligtas…Panginoon
nino? Ano ba ang kaligtasan? Kaligtasan mula saan? Para saan?
~ 54 ~
SCENE 10 ~ ANG BAUTISMO KAY JESUS
Ikuwento…(Galing sa Mateo 3; Marcos 1; Lucas 3; Juan 1)
Nagpadala ang Diyos ng isang mensahero na ang pangalan ay Juan para
sabihin sa mga taong maghanda sila dahil parating na ang Mesias. Si Juan ay
pinsang makalawa ni Jesus, matanda lang ng anim na buwan kay Jesus.
Matapang niyang hinahamon ang mga Judio, “’Wag n’yo lang basta sabihing
mahal n’yo ang Diyos – patunayan n’yo ‘to sa buhay n’yo. Tumalikod na kayo
sa mga kasalanan n’yo at magbalik-loob sa Diyos!”
Nakilala siya na Juan na Tagapagbautismo dahil inilulubog niya sa tubig sa
Ilog Jordan ang mga taong nagsisisi sa kanilang mga kasalanan. Ang
bautismo ay simbolo ng paghuhugas at paglilinis sa kasalanan at pagpili sa
isang bagong paraan ng pamumuhay.
Nang tanungin si Juan ng mga pinunong Judio kung siya ba ang Mesias, sagot
niya, “Hindi ako! Pero may isang parating na higit na dakila kaysa sa akin – ni
hindi nga ako karapat-dapat magtanggal ng kanyang tsinelas o maging alipin
man lang niya. Abangan n’yo ‘to…nagbabautismo ako sa tubig, pero siya’y
magbabautismo sa Espiritu ng Diyos!
Hindi nga nagtagal, dumating si Jesus para magpabautismo kay Juan. Nang
makita siya ni Juan, sabi niya, “Ako pa nga ang dapat magpabautismo sa iyo.”
Pero sinabi ni Jesus na dapat gawin iyon bilang pagsunod sa kalooban ng
Diyos, kaya binautismuhan na siya ni Juan sa harap ng maraming tao.
Pag-ahon ni Jesus mula sa tubig, bumaba ang Espiritu ng Diyos mula sa
langit – para itong isang kalapating dumapo sa kanya. At may narinig na
malakas na boses mula sa langit at nagsabi, “Ikaw ang aking Anak na
minamahal. Lubos akong nasisiyahan sa iyo!”
~ 55 ~
Pagkuwentuhan…Ipakuwento…Pag-usapan…
1. Ano ang matututunan natin tungkol kay Juan sa eksenang ito?
2. Ano ang mensahe niya sa mga tao?
3. Bakit pumupunta ang mga tao para magpabautismo kay Juan?
4. Kung wala namang kasalanan si Jesus, bakit siya kailangang magpabautismo? Para
maipakita ang pakikipag-isa niya sa mga taong makasalanan…para matupad ang kalooban
ng Diyos.
5. Ano sa tingin mo ang kahalagahan ng sabihin ng Diyos kay Jesus, “Ito ang aking anak
na minamahal…”? Nagpapahayag na si Jesus ang Anak ng Diyos!
6. Ano ang gustong patunayan ng Diyos sa mga tao sa pamamagitan noon? Kung sino si
Jesus!
SCENE 11 ~ ANG TUKSO KAY JESUS
Ikuwento…(Galing sa Mateo 4; Lucas 4)
Pagkatapos mabautismuhan ni Jesus, agad siyang dinala ng Espiritu ng
Diyos sa disyerto. Doon, tinukso siya ni Satanas sa loob ng 40 araw at 40
gabi. Sa mga araw na iyon, di kumakain si Jesus at siya’y gutom na gutom.
Sinubukan ni Satanas na linlangin si Jesus at sinabi, “Kung ikaw nga ang
Anak ng Diyos, bakit hindi mo gawing tinapay ang mga batong ito para may
makain ka?”
Sinagot siya ni Jesus, “Hindi! Nang magsalita ang Diyos kay Moises sinabi
niya, ‘Hindi lang tinapay ang kailangan ng tao para mabuhay – kailangan
nilang mabuhay sa pamamagitan ng mga salita ng Diyos.’”
Tapos dinala ni Satanas si Jesus sa tuktok ng pinakamataas na gusali sa
Jerusalem at sinabi, “Kung ikaw nga ang Anak ng Diyos, tumalon ka nga! Di
ba’t sinasabi sa inyong banal na kasulatan na, ‘Magpapadala ang Diyos ng
kanyang mga anghel para saluhin ka at hindi lumagpak sa lupa!’”
~ 56 ~
Sumagot si Jesus, “Isinulat din ni Moises, ‘Huwag na huwag mong susubukang
subukin ang Diyos.’”
Tapos, dinala naman siya ni Satanas sa tuktok ng isang mataas na bundok.
Ipinakita niya sa kanya ang lahat ng mga bansa sa mundo at ang mga
kayamanan nito. Sabi niya, “Ibibigay kong lahat ito sa iyo – kahit anong gusto
mo – kung luluhod ka sa harap ko at sasamba sa akin.”
Sumagot si Jesus, “Lumayas ka, Satanas! Ipinag-uutos ng Diyos, ‘Pahalagahan
mo ang Diyos nang higit sa lahat ay siya lang ang iyong sambahin!”
Pagkatapos ay umalis na si Satanas at dumating ang mga anghel para
alagaan si Jesus. Sa panahong ito, halos 30 taon na si Jesus. Sa buong buhay
niya ni hindi man lang siya nagkasala o nagrebelde laban sa Diyos. Lagi
niyang pinipiling gawin kung ano ang mabuti, kung ano ang tama, at kung
ano ang perpekto.
Pagkuwentuhan…Ipakuwento…Pag-usapan…
1. Sa sarili mong salita, ano ang tuksong iniharap ni Satanas kay Jesus? [Makikita rin ito
kung paano sumagot si Jesus sa bawat tukso.] Para magtiwala sa magagawa o maibibigay
niya para sa sarili niya – pero and Diyos ang talagang nagbibigay at siya ay mabuti – kaya
hindi na tayo dapat humanap o tumingin sa iba…Para subukin agn kanyang pagtitiwala o
relasyon sa Diyos – pero ang Diyos lang talaga ang mapagkakatiwalaan at dakila ang Diyos –
kaya hindi nating kailangang ilagay sa kamay natin ang kontrol sa mga bagay-bagay…Para
makuha ang pagsamba ni Jesus, hiwalay sa Diyos – pero ang Diyos lang talaga ang karapat-
dapat sambahin [Saang bahagi ng kuwento nakita mo nang ginawa ito ni Satanas?] –
kaya hindi tayo dapat matakot o sumamba sa iba.
2. Paano tumugon si Jesus sa mga tukso ni Satanas? Paano ito iba sa naging tugon nina
Adan at Eba? Tinanggihan niya si Satanas, di pinaniwalaan ang kasinungalingan niya, at
binanggit ang katotohanan mula sa Salita ng Diyos.
3. Ano ang hinahamon ni Satanas nang tanungin niya si Jesus, “Kung ikaw ang Anak ng
Diyos…”? Hinahamon niya ang pagkakakilanlan o identity ni Jesus.
4. Saang ibang bahagi ng Kuwento nakita nating hinamon din ni Satanas ang tao at
tinukso? Hinamon din ba niya ang pagkakakilanlan o identity ni Eba? “Alam ng Diyos
na magiging katulad niya kayo kung kakainin n’yo ‘to…” Nilikha sila sa larawan ng Diyos!
~ 57 ~
Para maging katulad niya!...Palaging ganito ang istratehiya ni Satanas – baluktutin ang
orihinal na salita ng Diyos at hamunin ang ating pagkakakilanlan sa harap ng Diyos.
5. Ano ang naiiisip mo, nararamdaman o reaksiyon mo sa bahagi ng eksenang ito na
sinabi, “Sa buong buhay niya ni hindi man lang siya nagkasala o nagrebelde laban sa
Diyos. Lagi niyang pinipiling gawin kung ano ang mabuti, kung ano ang tama, at kung
ano ang perpekto”?
6. Sa mga nakita natin at natutunan tungkol sa mga tao sa Kuwento mula pa sa simula,
may nakita na ba tayong tulad nito?
7. Naging tapat ba ang mga tao sa pagdesisyon kung ano ang mabuti at ano ang masama,
ano ang tama at ano ang mali? Pero si Jesus ay isang tao rin…paano ito magiging
posible!? Diyos lang ang makagagawa ng mabuti, tama, at perpekto sa lahat ng
pagkakataon. Diyos lang ang perpektong nakakapagpasya kung ano ang mabuti at masama.
Si Jesus ay Diyos! Siya ang Anak ng Diyos – parehong Diyos at tao…Pero kahit na siya’y
walang kasalanan, nagpabautismo siya para makipag-isa sa mga taong mga makasalanan!
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Mateo 1-4
Lucas 1-4
Juan 1
~ 58 ~
WEEK 6: The Authority of Jesus
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Si Jesus ay nakagagawa ng mga himala – nagpapakita ng kanyang kapangyarihan at ng
kanyang pagiging Diyos.
2. Nagturo si Jesus tungkol sa Kaharian ng Diyos – si Jesus ang kaisa-isang taong naging
perpektong HARI na dumating na parang isang mababang alipin.
3. Ipinakita (preview) niya at nagpatikim (foretaste) siya kung ano ang mga bagay na
mangyayari – ang kanyang buhay at mga katuruan ay nagpapakita at nagpapahayag kung
ano dapat at ano ang magiging takbo ng mundo sa ilalim ng kanyang paghahari.
4. Si Jesus ang Daan, ang Katotohanan, at ang Buhay patungo sa Ama at sa pagbabagong-buhay.
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 59 ~
SCENE 12 ~ MGA HIMALA NI JESUS
Ikuwento…(Galing sa Marcos 1-6)
Kahit saan magpunta si Jesus, napakaraming tao ang sumusunod sa kanya
para makita siyang gumawa ng mga himala at magpagaling ng mga
maysakit.
Pinapalayas niya ang mga demonyong sumasapi sa ilang mga tao, at ang
mga demonyong ito ay nanginginig sa takot kapag nakikita si Jesus.
Minsan, habang nagtuturo si Jesus ay sinabihan niya ang isang lalaking di
makalakad, “Wag kang mag-alala, pinapatawad na ang mga kasalanan mo.”
Tinanong siya ng mga pinunong Judio kung sino ang nagbigay sa kanya ng
awtoridad na magpatawad ng mga kasalanan, dahil Diyos lang ang may
karapatang gumawa nito.
Pinatunayan ni Jesus ang kanyang awtoridad nang pagalingin niya ang taong
lumpo!
Minsan din, pagod na pagod si Jesus pagkatapos na maghapon siyang
magturo. Sinabi niya sa mga tagasunod niya na sumakay sila sa bangka at
pumunta sa kabila ng dagat.
Biglang may dumating na malakas na bagyo. Kahit anong sikap nila, hindi
nila makayang pigilang mapuno ng tubig ang bangka nila.
~ 60 ~
Kaya nataranta na sila at lumapit kay Jesus.
Bumangon si Jesus at sinabi sa hangin at sa alon, “Tumahimik kayo. Tumigil
kayo ngayon din.”
Tumigil nga ang malakas na hangin at naging kalmado ang dagat. Nang
makita ito ng mga tagasunod niya, nagtinginan sila at sinabi, “Sino ang taong
ito na pati hangin at alon ay napapasunod niya?”
Minsan naman, habang naglalakad si Jesus kasama ang mga tagasunod niya,
may lumapit sa kanya at nakiusap na sumama siya sa bahay nila dahil ang
anak niyang babae ay malubha ang sakit at mukhang mamamatay na.
Nang papunta na sila sa bahay, ibinalita sa kanila na namatay na ang bata.
Pagdating nila sa bahay ay nadatnan niyang humahagulgol sa iyak ang mga
tao sa loob. Tinanong sila ni Jesus, “Bakit kayo umiiyak? Hindi patay ang bata
– natutulog lang siya.” Pinagtawanan siya ng mga tao.
Pagpasok nila sa kuwarto ng bata, hinawakan niya ang kamay nito at sinabi,
“Ineng, bumangon ka.”
Biglang bumangon nga ang bata at dali-daling nagpaikut-ikot sa paglakad!
Sinabi ni Jesus na bigyan nila ang bata ng makakain. Manghang-mangha ang
mga magulang niya sa nangyari!
Pagkatapos ng buong gabing panalangin ni Jesus sa kanyang Ama, pumili
siya ng labindalawang lalaki mula sa kanyang mga tagasunod para sanayin
niya, at tinawag silang mga apostol.
~ 61 ~
Naglalakbay sila kasama ni Jesus saan man siya magpunta, habang
tinuturuan silang mamuhay ayon sa kalooban ng Diyos. Ipinadala niya ang
kanyang mga apostol para magpagaling ng mga maysakit, ituro sa iba kung
ano ang mga natutunan nila at ibalita sa iba ang mensahe ng Kaharian ng
Diyos.
Pagkuwentuhan…Ipakuwento…Pag-usapan…
1. Ano ang kalagayan ng nilikha ng Diyos sa simula?
2. Anu-ano ang naging problema?
3. Paano ipinakita sa mga ginawa ni Jesus na may ginagawa siya para baligtarin o
solusyunan ang problemang ito?
4. Paano mo mas nakilala si Jesus sa pamamagitan ng mga kuwentong ito?
5. Ano ang pinatutunayan nito tungkol sa kung sino siya? Posible kayang si Jesus ay tao
lang tulad ng pinaniniwalaan ng ibang sekta ngayon?
6. Anu-ano ang iba’t ibang klaseng tugon ng mga tao sa mga nakikita nilang himala ni
Jesus? Ano sa mga tugong ito ang nais niyang maging tugon din natin ngayon?
SCENE 13 ~ ANG KAHARIAN
Ikuwento…(Galing sa Mateo 5-7, 13; Juan 3)
Nagpatuloy si Jesus sa pagtuturo sa mga tao, “Dumating na ang Kaharian ng
Diyos – talikuran na ninyo ang inyong kasalanan at inyong sarili at lumapit sa
Diyos!”
Isang araw umakyat siya sa isang bundok kasama ang grupo ng kanyang
malalapit na mga tagasunod. Naupo sila at tinuruan niya sila tungkol sa
Kaharian ng Diyos: “Pinagpapala ng Diyos ang mga taong kinikilala nilang
kailangan nila ang Diyos; ang mga mapagpakumbaba at mahirap, ang
maamo at maawain – ang Kaharian ng Diyos ay para sa kanila. Pinagpapala
din ng Diyos ang may malinis na puso at nasasabik na makasama siya.”
Pagkatapos, itinuro din ni Jesus ang tungkol sa mga kautusang ibinigay ng
Diyos kay Moises: “Huwag n’yong isiping naparito ako para balewalain ang
mga kautusan ni Moises at ang mga isinulat ng mga propeta. Dumating ako
para tuparing lahat iyon!”
~ 62 ~
Itinuro niya sa kanila, “Sinabi ng kautusan na huwag kayong papatay, pero
sinasabi ko sa inyong kapag nagalit kayo sa isang tao o ininsulto n’yo sila,
nagkasala rin kayo tulad ng isang mamamatay-tao. Sinasabi din sa kautusan
na ‘wag kayong makipagtalik sa asawa ng iba. Pero sinasabi ko sa inyo na
sinumang tumingin nang malaswa sa isang babae ay nagkasala na rin ng
pangangalunya sa kanyang puso.”
Itinuro pa niya, “Kapag sinampal ka, huwag kang gaganti…
…Kapag ninakaw ang damit mo, ialok mo pa ang balabal mo…
…Maging sagana kayo sa pagbibigay! Huwag kayong pakitang-tao lang tulad
ng ginagawa ng ilan…
…Mahalin n’yo ang mga kaaway n’yo. Kahit sino naman kayang magmahal ng
kaibigan, pero kayo kahit mga taong di kaibig-ibig ay mahalin din ninyo.
Dapat mamuhay kayo na naiiba, ginagawa kung alin ang mabuti, ang tama,
at nakalulugod sa paningin ng Diyos. Tularan n’yo ang Diyos na inyong Ama.”
Namangha ang mga tao sa turo ni Jesus. Meron siyang tunay na
kapangyarihan at awtoridad – di tulad ng mga tagapagturo nila ng kautusan.
(Huminto sandali…)
Nagpatuloy si Jesus na turuan sila tungkol sa Kaharian ng Diyos gamit ang
mga maiikling kuwento na tinatawag na talinghaga (parables).
~ 63 ~
Sabi niya, “Ang Kaharian ng Diyos ay parang isang maliit na buto na itinanim
sa bukirin. Ang butong ito ay maliit sa simula…
…pero tumubo ito at naging isang malaking puno kung saan sumisilong ang
mga ibon.”
Marami pang kuwentong tulad nito ang narinig ng mga tao mula sa kanya.
Sinabi niya, “Ang Kaharian ay tulad ng isang kayamanang nakabaon sa lupa
– sulit na pagsumikapang hanapin…
…Tulad ng isang mamahaling perlas – ipagpapalit mo ang lahat makuha lang
ito…
Namangha ang mga tao sa kanyang mga turo at karunungan. Naintindihan
nila ang iba sa mga sinabi niya, pero ang iba ay nanatiling hiwaga sa kanila.
(Huminto sandali…)
Isang gabi may isang Pariseo na ang pangalan ay Nicodemo ang lumapit kay
Jesus. Sinabi sa kanya ni Jesus, “Sa totoo lang, walang sinumang makakakita
at makakapasok sa Kaharian ng Diyos malibang sila’y ipanganak ulit sa
pamamagitan ng Espiritu ng Diyos. Hindi ito magagawa ng tao, pero ang
Espiritu ng Diyos ang nagbibigay ng bagong buhay sa Kaharian.”
“Totoo ang sinasabi ko sa iyo. Ipinadala ako – ang nag-iisang Anak ng Diyos –
para ipakita niya ang malalim niyang pag-ibig sa mga tao sa mundong ito.
Sinumang maniwala, magtiwala sa akin at sumunod sa kalooban ko ay
matatagpuan ang buhay na kumpleto at walang-hanggan! Ipinadala ako
ngayon ng Diyos para iligtas ang mga tao – hindi para hatulan sila.
Pagkuwentuhan…Ipakuwento…Pag-usapan…
1. Ano sa tingin mo ang Kaharian ng Diyos? Nasaan ito?
2. Bakit mahirap itong ipaliwanag o isalarawan?
~ 64 ~
3. Ayon sa eksenang ito, paano makakapasok ang isang tao sa kaharian ng Diyos?
4. Anu-ano ang matututunan natin tungkol kay Jesus sa eksenang ito? Nagturo si Jesus
tungkol sa Kaharian ng Diyos, kung ano ang buhay sa loob ng Kahariang ito. Si Jesus lang ang
daan patungo sa Ama, wala nang iba. Kung kilala natin at nakita si Jesus, kilala rin natin at
nakita ang Diyos.
5. Ang Kaharian ba niya ay tulad ng kaharian ng mga taong narinig na natin sa mga
naunang bahagi ng Kuwento? Hindi – si Jesus ang taong perpekto ang paghahari.
Ginagawa niya lahat kung ano ang mabuti, kung ano ang tama, at nakalulugod sa Diyos. Siya
ang tunay na Hari na inaabangan talaga ng mga tao!
6. Ano sa tingin mo ang magiging itsura ng mundo kung bawat tao ay nasa Kaharian ng
Diyos, pinamamahalaan ng Diyos, inaalagaan, at iniingatan?
7. Ano sa tingin mo ang koneksiyon ng pamumuhay ayon sa kalooban ng Diyos at
pagtitiwala kay Jesus?
8. Sa sarili mong salita, ano ang narinig mong itinuturo ni Jesus sa kanyang mga
tagasunod sa eksenang ito?
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Marcos 1-6
Mateo 5-7, 13
Juan 3
~ 65 ~
WEEK 7: The Death and Resurrection of Jesus
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Ang Diyos ay mapagmahal na ama na nagnanais na maibalik ang kanyang mga anak palapit
sa kanya.
2. Pagtubos sa pamamagitan ng kapalit na buhay (substitutionary atonement) – si Jesus ang
Tupa ng Diyos na nag-aalis ng mga kasalanan ng mga tao sa mundo.
3. Dahil kay Jesus, may kapatawaran ng kasalanan.
4. Si Jesus ang Panginoon na may awtoridad sa pagpapatawad ng kasalanan at sa kamatayan.
5. Si Jesus ang Panginoon na may awtoridad sa lahat ng bagay.
6. Si Jesus ba ang Panginoon ng buhay mo?
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 66 ~
SCENE 14 ~ ANG MAHABAGING AMA
Ikuwento…(Galing sa Lucas 15:11-32)
Nagkuwento pa si Jesus sa kanila ng isang talinghaga tungkol sa isang tatay
at sa kanyang dalawang anak:
May isang lalaki na may dalawang anak. Sinabi ng mas bata sa kanyang
tatay, “Gusto ko nang makuha ang mamanahin ko ngayon din – ibigay mo sa
akin ang mana ko!” Kaya hinati ng tatay ang kanyang ari-arian para sa
kanyang mga anak.
Di rin nagtagal at nag-empake na ang mas batang anak, lumayas, at pumunta
sa malayong lugar. Dahil wala siyang disiplina at maluho pa, inubos niya ang
kanyang mga kayamanan sa sobrang kasiyahan at sa mga babaeng bayaran.
Nang maubos na ang pera niya, wala na siyang matirhan at makain.
Nakakuha siya ng trabaho sa isang bukirin kung saan nabilinan siyang
magpakain ng mga baboy. Sa sobrang gutom niya pati ang para sa baboy
kinakain na rin niya.
At noon bumalik ang katinuan ng pag-iisip niya. Sinabi niya, “Ang mga
tauhan ng tatay ko ay kumakain nang tatlong beses isang araw, habang ako
ay nandito at mamamatay na sa gutom. Babalik ako sa tatay ko. Hihingi ako
ng tawad.”
Kaya tumayo siya at nagsimulang maglakbay pabalik sa kanila. Malayo pa
lang siya, nakita na siya ng tatay niya. Patakbo niyang sinalubong ang anak,
at hinalikan.
Sinimulan ng anak na sabihin, “Tatay, nagkasala po ako sa Diyos, nagkasala
rin ako sa inyo; Di na ako karapat-dapat pang tawaging anak n’yo. Kahit
gawin n’yo na lang akong isa sa mga tauhan n’yo…”
~ 67 ~
Pero di naman na siya pinakinggan ng tatay niya. Tinawag niya agad ang
mga tauhan niya, “Dali. Dalhin n’yo ang pinakamagandang damit at isuot sa
kanya. Ipasuot n’yo sa kanya ang singsing na nakalaan para sa miyembro ng
pamilya. Pumatay kayo ng isang baka at litsunin. Magkakainan tayo!
Magkakasiyahan tayo! Nandito na ang anak ko! Para bang namatay siya at
ngayon ay nabuhay ulit! Nawala at ngayon ay natagpuan na!” At nagsimula
silang magkasiyahan.
Pagkuwentuhan…Ipakuwento…Pag-usapan…
1. Bakit hindi pinarusahan ng tatay ang anak niya?
2. Bakit niya isinuot ang singsing para sa kanyang anak?
3. Ano ang ipinagdiwang nila? Wala namang ginawa ang anak kundi magrebelde sa
ama…karapat-dapat ba siyang patawarin at ipagdiwang ang pagdating niya?
4. Ano ang naaalala n’yo sa ginawa ng tatay sa eksenang ito?
5. Anong mangyayari sa iyo o mag-iiba sa buhay mo kung ganito rin ang nangyari sa iyo
tulad ng anak na tinanggap ulit ng kanyang tatay?
6. Ang talinghagang ito ay larawan ng tinatawag na ebanghelyo o mabuting balita
(gospel)…pagkarinig mo ng kuwentong ito, paano mo ipapaliwanag ang mabuting
balitang ito?
SCENE 15 ~ ANG KAMATAYAN AT MULING PAGKABUHAY
Ikuwento…(Mateo 26-28; Marcos 14-16; Lucas 22-24; Juan 13, 17-20)
Patindi nang patindi ang galit kay Jesus ng mga pinunong Judio. Dahil ito sa
mga sinasabi niya tungkol sa kanyang sarili, lalo na sa pag-angkin niya na
siya ay kapantay ng Diyos at may kapangyarihang magpatawad ng
kasalanan. Naghanap sila ng pagkakataon kung paano siya huhulihin para
ipapatay.
Pumunta si Jesus at ang mga tagasunod niya sa Jerusalem para ipagdiwang
ang Pista ng Paglampas ng Anghel (Passover), kung kailan inaalala nila ang
ginawang pagliligtas ng Diyos sa mga Israelita sa pagkakaalipin sa Egipto.
Habang nagkakainan sila sa isang bahay, dumampot si Jesus ng tinapay,
ipinagpasalamat sa Diyos, at pinagputul-putol. Ibinigay niya ito sa kanyang
mga tagasunod at sinabi, “Kunin n’yo ‘to at kainin, ito ang aking katawan na
ibinibigay para sa inyo.”
~ 68 ~
Pagkatapos, dinampot ni Jesus ang baso para sa inuming gawa sa katas ng
ubas at ipinagpasalamat sa Diyos. Iniabot niya sa kanila ang basong ito at
sinabi, “Lahat kayo, inumin n’yo ‘to. Ito ang aking dugo na ibinibigay para sa
inyo – isang bagong tipan sa pagitan ng Diyos at kanyang binubuong pamilya.
Ibinuhos ito para mapatawad ang kasalanan ng marami. Alalahanin n’yo ako
habang patuloy kayong magkakasamang kumakain at umiinom nito.”
Sinabi sa kanila ni Jesus, “Kapag nakita n’yo ang mangyayari ngayong gabi,
iiwanan n’yo akong lahat. Bahagi ito ng plano ng Diyos na may magtatraydor
sa akin at ako’y papatayin. Pero ‘wag kayong matakot, muli akong
mabubuhay mula sa mga patay!” Alam niyang isa sa kanyang tagasunod na si
Judas ang magtatraydor sa kanya, kasama ang mga sundalong Judio para
arestuhin siya maya-maya lang kapag wala nang mga tao.
Pagkatapos maghapunan, nang dumilim na, pumunta si Jesus sa isang lugar
at nanalangin.
Pagkatapos niyang manalangin, nakita niya si Judas na may kasamang isang
grupo ng mga armadong sundalo. Binati niya si Jesus nang isang halik –
isang senyales para ipakita sa mga sundalo kung sino ang aarestuhin nila.
Pagkaaresto kay Jesus, nagtakbuhan ang mga tagasunod niya at nagsitago.
Binugbog siya ng mga sundalo at dinala sa mga pinunong Judio para
tanungin. Tanong nila, “Ikaw ba ang Mesias, ang Anak ng Diyos?” Sumagot si
Jesus, “Ako nga, at makikita mong katabi akong naghahari ng Diyos sa
kanyang trono – at babalik dala ng mga ulap sa langit.”
Pagkasabi ni Jesus nito, galit na pinunit ng Punong Pari ang kanyang damit
at sinabi, “Sinumang inaangkin sa sarili niyang siya ay Diyos ay dapat
patayin!” Pagkatapos ay pinagsasampal nila si Jesus at pinagduduraan.
Dinala si Jesus kay Pilato, ang gobernador na Romano, dahil hindi puwedeng
ipapatay ng mga Judio ang sinuman maliban na lang kung may opisyal na
pahintulot.
~ 69 ~
Hinimok ng mga pinunong Judio na pagkaisahan ng mga tao si Jesus at
mapilitan si Pilato na ipapatay si Jesus. Sumigaw sila, “IPAKO SIYA SA KRUS!
IPAKO SIYA SA KRUS!”
Natakot si Pilato na baka magkagulo, kaya ibinigay niya si Jesus sa mga
sundalong Romano para ipako sa krus. Ang pagpako sa krus ang
pinakamalupit at pinaka-nakakahiyang paraan ng kamatayan noon.
Binugbog nila si Jesus at nilatigo hanggang magkasugat-sugat ang kanyang
katawan. Pinatungan nila ang ulo niya ng koronang may matatalim na tinik
at sinuutan ng balabal habang pinagtawanan siya, “Tingnan n’yo, ang Hari ng
mga Judio!” Buong gabing binubugbog si Jesus ng mga sundalo at kinukutya.
Pagdating ng umaga, dinala nila si Jesus sa labas ng lungsod na tinatawag na
Golgota (“lugar ng bungo”). Parang isang kriminal, ipinako nila si Jesus sa
isang mabigat na krus na kahoy, na nasa pagitan ng dalawang magnanakaw.
Habang nakabitin siya roon, sumigaw siya, “Ama, nakikiusap po akong
patawarin n’yo sila, hindi nila alam ang ginagawa nila.”
Pagdating ng tanghali, nagdilim ang kalangitan sa loob ng tatlong oras. Bigla
na lang nahati sa gitna ang makapal na kurtinang nakasabit sa Templo!
Sa oras na iyon sumigaw si Jesus, “Ama! Ibinibigay ko sa iyo ang buhay
ko…natapos ko na ang pinapagawa n’yo.” Pagkatapos ay nilabas niya ang
kanyang huling hininga at namatay.
Biyernes ng hapon noon nang ibinaba nila ang katawan ni Jesus mula sa
krus, binalutan ng tela, at inilibing sa libingan ng isang lalaking mayaman.
Isang malaking bato ang itinakip nila sa bungad ng libingan at binantayan ng
mga sundalong Romano para masigurong walang kukuha ng katawan niya.
(Tumigil sandali…) Linggo ng umaga, bago pa sumikat ang araw, ilan sa
mga babaeng tagasunod ni Jesus ang pumunta sa libingan para ihanda ang
kanyang katawan sa paglilibing. Pagdating nila doon, nakita nilang
naigulong na ang malaking bato at wala nang mga nagbabantay na sundalo!
~ 70 ~
Bigla na lang may anghel na nagpakita sa kanila. Sabi nila, “Bakit kayo
nagtataka? Hinahanap n’yo si Jesus, pero wala na siya rito, binuhay siya mula
sa mga patay.”
Magkahalong pananabik at takot ang naramdaman nila kaya dali-dali nilang
ibinalita ito sa ibang mga tagasunod ni Jesus. Ang ilan nga sa kanila ay
bumalik sa libingan at nang sumilip sila…wala nga doon si Jesus! Muli siyang
nabuhay!
Ilang ulit na nagpakita si Jesus sa kanyang mga tagasunod sa sumunod na 40
araw. Nahawakan nila si Jesus at nakasamang kumain. Ipinaalala niya sa
kanila ang mga itinuro niya tungkol sa kaharian at ibinukas ang kanilang
mga isip para maintindihan kung paanong ang buong Kuwento ay patungkol
sa kanya. Higit sa 500 tao ang makakapagpatunay na siya’y buhay.
Pagkuwentuhan…Ipakuwento…Pag-usapan…
1. Bakit pumunta si Jesus sa Jerusalem? Ano ang alam na natin sa pagdiriwang na ito?
2. Ano ang nakita n’yong koneksiyon sa pagkamatay ni Jesus ng naunang kuwento
tungkol sa Pista ng Paglampas ng Anghel (Passover)? Si Jesus ang Tupa na inihahandog
sa Pistang ito, na nag-aalis ng mga kasalanan ng mga tao sa mundo.
3. Bakit sa tingin n’yo gustong ipapatay si Jesus ng mga pinunong Judio?
4. Ano ang ibig sabihin ni Jesus nang sabihin niyang, “Kunin n’yo ‘to at kainin, ito ang
aking katawan na ibinibigay para sa inyo…inumin n’yo ‘to. Ito ang aking dugo na
ibinibigay para sa inyo – isang bagong tipan sa pagitan ng Diyos at kanyang
binubuong pamilya?”
5. Ano ang Lumang Tipan ng Diyos sa Israel? Ano sa tingin n’yo itong Bagong Tipan na
binabanggit ni Jesus? Ang tipan ay unang ibinigay kay Abraham at sa kanyang mga
anak…Ako’y magiging Diyos n’yo at kayo’y magiging bayan ko…Bagong Tipan – Ako’y
magiging Diyos ninyo AT bibigyan ko kayo ng kakayahang mamuhay bilang bayan ko. Para
magampanan n’yo ang bahagi n’yo sa tipan. Gagawin ng Diyos para matupad ang bahagi niya
at bahagi natin sa bagong tipan.
6. Bakit sa tingin n’yo nahati ang kurtina sa loob ng Templo? Ano ang inihihiwalay ng
tabing na ito? Ang makasalanang tao ay nakahiwalay sa Diyos at sa kanyang
presensiya…nagsisimbolo na malaya na ang taong makalapit sa presensiya ng Diyos dahil sa
ginawa ni Jesus.
7. Paano natupad kay Jesus ang mga hula ng mga propeta tungkol sa darating na
Mesias? Tutuparin niya ang bawat pangakong binitawan ng Diyos kina Abraham, Isaac, at
~ 71 ~
Jacob…Bubugbugin siya, lalatiguhin at susugatan…Uusigin siya at ikukulong…Tutusukin ang
kanyang mga kamay at paa…Papatayin siya na parang isang kriminal at ililibing sa libingan
ng lalaking mayaman…Ilalagay sa kanya ng Diyos ang mga kasalanan natin at ang parusa
dito…Ang buhay niya ay magiging isang handog para sa atin…Dahil sa kanya, marami ang
ituturing at gagawing matuwid sa harap ng Diyos.
8. Naalala n’yo kung ano ang sinabi ni Jesus habang nakabitin siya sa krus? Ama,
patawarin mo sila…
9. Paano nagawang patawarin ni Jesus ang mga taong pumapatay sa kanya?
10. Naniniwala ka bang kayang patawarin ng Diyos ang lahat ng nagawa mong
kasalanan?
11. Naniniwala ka bang pinatawad ka na ng Diyos?
12. Ano ang kahalagahan ng muling pagkabuhay ni Jesus? Ano ang ipinapakita nito
tungkol sa kanya? Nagtagumpay siya laban sa kamatayan – resulta ng kasalanan at
pagrerebelde ng tao! Hindi lang niya ipinalit ang buhay niya para sa atin para tubusin tayo
sa ating mga kasalanan, siniguro pa niyang magkakaroon tayo ng bagong buhay!
13. Batay sa mga natutunan natin tungkol kay Jesus at sa mga itinuro niya, paano
mapapalaya ang mga tao sa parusa ng kasalanan…malaya na sa kamatayan at
pagkahiwalay sa Diyos? Sa pamamagitan ng pananampalataya o pagtitiwala sa ginawa ni
Jesus nang siya’y mamatay at mabuhay muli bilang kapalit ng mga makasalanan. Na hayaan
si Jesus na tubusin sila sa kanilang mga kasalanan at ipalit ang kanyang pagiging matuwid
para sa ating mga kalikuan at pagrerebelde sa Diyos…Talikuran ang buhay na
ipinamumuhay ayon sa sariling kagustuhan, sariling desisyon kung ano ang tama at mali –
lumapit sa Diyos, sa pamamagitan ni Jesus, nagtitiwala sa kanyang kalooban para sa buhay
natin.
14. Pitong linggo na tayo sa Kuwentong ito, at ito ang totoong kuwento. Kuwento ito ng
isang banal na Diyos na hinahabol ang mga makasalanan at mga nagrebelde sa kanya
na nagnanais na ibalik sila sa isang malapit na relasyon sa kanya. Ito ba ang kuwento
ng buhay mo? Kung HINDI, ano? Ang kuwento ba ng buhay ay ikaw ang bida o ang
Diyos? [Pakinggang mabuti ang mga sasabihin nila…]
15. Ano ang ibig sabihin para sa iyo na si Jesus ay Panginoon AT Tagapagligtas? Siya na ba
ang Tagapagligtas at Panginoon ng buhay mo? Kung hindi pa, ano ang humahadlang
sa iyo? [Pakinggan silang mabuti at tulungan kung ano ang pananampalataya at
pagsisisi…Huwag silang pilitin…Hayaang ang Diyos ang kumilos sa puso nila…]
~ 72 ~
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Lucas 15
Mateo 26-28
~ 73 ~
WEEK 8: The Spirit and the Church
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Nag-iwan si Jesus ng tagubilin sa kanyang mga tagasunod na gumawa pa ng ibang mga
tagasunod ni Jesus at maging mga saksi (The Great Commission).
2. Ibinigay kay Jesus ang lahat ng awtoridad sa langit at sa lupa. Siya ang Panginoon ng
misyong ito.
3. Ang mga tagasunod ni Jesus ay naghintay sa pagdating ng ipinangakong Banal na Espiritu.
4. Ang mga tagasunod ni Jesus ay binigyan ng kapangyarihan sa pamamagitan ng Espiritu.
5. Ipinangaral ang mabuting balita (gospel).
6. Libu-libo ang tumugon – nagsisi, at mga nagpabautismo.
7. May panawagan dito na kilalaning Panginoon si Jesus sa pamamagitan ng pagpapabautismo
sa komunidad ng mga mananampalataya (Pamilya).
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 74 ~
SCENE 16 ~ ANG MISYON AT ANG KAPANGYARIHAN
Ikuwento…(Galing sa Juan 20; Mateo 28; Juan 14; Gawa 2; 1 Corinto 15)
Ilang linggo pagkatapos mamatay ni Jesus, nagpakita siya nang maraming
beses sa kanyang mga tagasunod at nakita ng higit sa 500 mga saksi. Mabilis
na kumalat sa iba’t ibang lugar ang balita tungkol sa kanyang muling
pagkabuhay.
Sinabi ni Tomas, isa sa mga tagasunod ni Jesus, “Hindi ako maniniwalang
buhay siya maliban na lang kung maipapasok ko ang mga daliri ko sa butas
sa kanyang mga kamay na ipinako sa krus.”
Pagkatapos ng ilang araw, nagpakita si Jesus sa kanyang mga tagasunod at
sinabi kay Tomas, “Ilagay mo dito sa butas sa kamay ko ang daliri mo.
Hawakan mo ang sugat sa tagiliran ko.”
Napasigaw si Tomas, “Ikaw nga si Jesus – Diyos ko! Panginoon ko!”
Pagkatapos sinabi ni Jesus, “Pagpapalain ko lalo na ang mga hindi nakakita
pero naniniwala pa rin!”
Di nagtagal, nakasamang kumain ni Jesus ang kanyang mga tagasunod.
Sinabi niya, “Nagbautismo si Juan sa tubig, ngunit makaraan ang ilang araw
babautismuhan naman kayo sa Espiritu ng Diyos. Ito ang magbibigay sa inyo
ng kapangyarihang mamuhay ayon sa kalooban ko at upang maibalita n’yo
sa buong mundo ang tungkol sa akin.”
Iniutos ni Jesus sa kanyang mga tagasunod, “Ibinigay na sa akin ang lahat ng
awtoridad sa langit at sa lupa. Kaya, Puntahan n’yo ang mga tao at gawin
n’yong tagasunod ko ang lahat ng mga bansa. Bautismuhan n’yo sila sa
pangalan ng Ama at ng Anak at ng Banal na Espiritu. Turuan n’yo silang
sumunod sa lahat ng mga utos na ibinigay ko sa inyo. At makasisiguro kayo
dito: palagi n’yo akong kasama, hanggang sa katapusan.”
Habang nakatingin sila kay Jesus, umakyat na si Jesus pabalik sa langit,
natabingan ng mga ulap, at di na nila nakita. (Huminto sandali…)
~ 75 ~
Pagkatapos ng ilang linggo, may 120 tagasunod ni Jesus (kasama ang mga
apostol) ang nagtipon sa Jerusalem para manalangin, tulad ng lagi nilang
ginagawa nang sama-sama.
Habang sila’y nananalangin, bigla na lang may dumagundong, parang isang
malakas na hangin at kulog, sa bahay na pinagtitipunan nila. Bawat isa sa
kanila ay napuno ng Espiritu ng Diyos at nagsimulang magsalita sa mga
wikang hindi naman nila nakasanayan!
Lumabas sila sa kalye at nagsimulang ibalita ang lahat ng nakita nilang
ginawa ni Jesus. Narinig ang malakas na tunog na ito sa buong siyudad, at
dumagsa ang maraming tao sa labas ng bahay para makita kung ano ang
nangyayari. Sa mga panahong iyon, maraming Judio na galing pa sa iba’t
ibang bansa ang nasa Jerusalem para sa pista na tinatawag na Pentecostes.
Nang marinig ng mga tao na nagsasalita ang mga tagasunod ni Jesus,
nagtaka sila, “Paano nangyari ‘to? Mga taga-Galilea sila, pero paanong
nakapagsalita sila sa sarili nating wika?”
Nagsalita si Pedro, isa sa mga tagasunod ni Jesus, at ipinaliwanag sa mga tao
kung ano ang nangyayari, “Katuparan ito ng sinabi ng Diyos sa mga propeta.
Nasaksihan naming nabuhay si Jesus mula sa mga patay at siya ang tunay
Ipinangakong Tagapagligtas!”
Sinabi pa niya sa mga tao, “Bawat isa sa inyo ay dapat tumalikod na sa inyong
mga kasalanan at magsimulang lumapit sa Diyos. Kay Jesus n’yo lang
matatagpuan ang kapatawaran – siya ang panghuli at tanging sapat na
handog para sa kasalanan ng lahat ng tao. Ito ang bagong tipan ng Diyos na
inaalok hindi lamang sa mga Judio, kundi sa lahat ng gustong mapabilang sa
pamilya ng Diyos.”
Nang araw ding iyon, libu-libo ang naniwala sa sinabi ni Pedro, nagsisi sila
at nagtiwala kay Jesus. Tumalikod sila sa mga kasalanan nila para sumunod
kay Jesus at mamuhay sa paraang gusto ng Diyos. Binautismuhan sila at
naging kabilang sa pamilya ng Diyos.
~ 76 ~
Bilang isang pamilya, inilalaan ng mga tagasunod ni Jesus ang kanilang
buhay para sa Diyos at sa isa’t isa. Nagtutulungan sila at magkakasamang
nakikipag-usap sa Diyos, sama-samang nag-aaral kung paano mamuhay sa
paraang gusto ng Diyos. Masayang-masaya nilang ginagawa ang mga ito.
Araw-araw, magkakasama silang kumakain. Ito ang simula ng tinatawag ng
Biblia na “iglesia” (church), na sa araw-araw ay idinaragdag ng Diyos sa
kanila ang mga naliligtas.
Pagkuwentuhan…Ipakuwento…Pag-usapan…
“Ibinigay na sa akin ang lahat ng awtoridad sa langit at sa lupa. Kaya, puntahan n’yo ang lahat ng
tao sa mundo at gawin n’yong tagasunod ko ang lahat ng mga bansa. Bautismuhan n’yo ang mga
bagong tagasunod na ito sa pangalan ng Ama at ng Anak at ng Banal na Espiritu. Turuan n’yo silang
sumunod sa lahat ng mga utos na ibinigay ko sa inyo. At makasisiguro kayo dito: palagi n’yo akong
kasama, hanggang sa katapusan ng lahat.”
1. Ano ang misyong ibinigay ni Jesus sa kanyang mga tagasunod? Gumawa ng iba pang mga
tagasunod ni Jesus…bautismuhan sila…
2. Ano ang isang tagasunod (disciple)? Paano ka makagagawa ng iba pang mga tagasunod
ni Jesus?
3. Sa misyong ibinigay ni Jesus, bakit mahalagang malamang na nakay Jesus na ang
LAHAT ng awtoridad? May awtoridad siyang iutos sa atin ang misyon…May awtoridad
siyang tiyaking matatapos ang misyon…Ang mga tagasunod niya ay gagawa pa ng iba pang
mga tagasunod ayon sa kanyang awtoridad at kapangyarihan.
4. Ano sa tingin n’yo ang implikasyon ng salitang “PUNTAHAN N’YO…” at “GUMAWA
KAYO” ng iba pang mga tagasunod? “Puntahan” – may intensiyon, may pagsulong, may
pagbabagong gagawin… ”Gumawa” – may proseso, hindi biglaan…Ang utos ba na ito ay
para rin sa atin ngayon?
5. Ano ang kaibahan ng isang taong naniniwala sa Diyos sa isang tagasunod ni Jesus?
6. Ano ang dapat na magbago o mag-iba sa paraan ng pamumuhay mo kung ganito pala
ang utos sa atin ni Jesus? Kung tayo’y tagasunod, gagawa din tayo ng iba pang mga
tagasunod ni Jesus…Sino ngayon ang isang tao na tinutulungan mo para maging
tagasunod din ni Jesus?
7. Ano ang pumipigil sa iyo para maging isang tagasunod ni Jesus?
8. Ano ang nakikita mong sinasabi ni Jesus dito tungkol sa mga tagasunod at sa
pagpapabautismo?
~ 77 ~
9. Sino ang dapat bautismuhan? Ano ang layunin ng pagpapabautismo? Nabautismuhan
ka na ba? Ano pa ang humahadlang sa iyo para makasunod sa utos ni Jesus na
magpabautismo?
10. Sa Kuwento, libu-libo ang nagsisi at nagtiwala kay Jesus. Ano ang pinagsisihan nila at
saan sila lumalapit? Buhay na nakalaan para sa sarili, na para bang sila ang sarili nilang
Diyos…lumalapit sila sa Diyos sa pananampalataya – isinusuko ang kanilang buhay kay Jesus
bilang Panginoon ng lahat.
11. Ano ang resulta ng kanilang pagsisisi? Ano ang nag-iba sa paraan ng pamumuhay nila?
Tumalikod na sila sa dating paraan ng kanilang pamumuhay at nagsimulang mamuhay ayon
sa paraang gusto ni Jesus.
12. Ano ang natutunan natin tungkol sa Espiritu dito sa Kuwento? Sinabi ni Jesus na
darating ang Espiritu at maninirahan sa puso natin…Sa ilang paraan tulad ng sa Hardin ng
Eden (naibalik ang pagiging malapit sa Diyos), sa ilang paraan mas maganda pa nga…ang
Diyos, sa pamamagitan ng Espiritu niya, ay nakatira ngayon sa loob ng kanyang mga anak!
Nangyayari na ngayon ang pagbabago at pagpapanumbalik sa orihinal na intensiyon ng Diyos
sa tao…Ang Espiritu ang nagbigay kapangyarihan sa pagbabahagi nila ng mabuting balita ni
Jesus. Gawa ng Espiritu ang katapangan nila at ang pagbabago sa puso ng mga tao.
13. Nararamdaman mo ba (kahit unti-unti pa lang) na ang Espiritu ng Diyos ay nakatira sa
loob mo?
14. Paano unti-unting binabago ng Espiritu ang buhay mo ngayon?
15. Pag-akyat ni Jesus sa langit, ano ang nadatnang ginagawa ng mga tagasunod niya?
Naghintay sila sa ipinangako ni Jesus na kapangyarihan sa pamamagitan ng
Espiritu…Naghintay sila sa panalangin. Yun ang bahagi nila – maghintay sa kapangyarihan ng
Diyos…Nakinig at nakipag-usap sa Diyos hanggang dumating ang Espiritu.
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Gawa 1-2
~ 78 ~
WEEK 9: Living by the Spirit’s Power
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. Mga disiplinang espirituwal (spiritual disciplines) – pagpapasakop sa Espiritu, pakikipag-
usap sa Diyos, pakikinig sa Diyos, pagbibigay, atbp.)
2. Pagbabago ng buhay – bunga ng Espiritu.
3. Ang Mabuting Balita (gospel) sa mga ordinaryong gawain sa araw-araw – pagkilos ng
Espiritu sa pang-araw-araw na gawain.
4. Buhay sa loob ng pamilya ng Diyos at paglilingkod gamit ang mga espirituwal na kaloob.
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 79 ~
SCENE 17 ~ ANG PAMUMUHAY NG IGLESIA
Ikuwento…(Galing sa Gawa 2; 4; 9:31; 1 Corinto 16; 2 Corinto 8)
Sa Araw ng Pentecostes, sa araw na bumaba ang Espiritu at pinuspos ang
lahat ng mga tagasunod ni Jesus ang pasimula ng isang bagong pamilya na
binubuo ng Diyos, ang Iglesia (Church).
Ang mga bagong tagasunod ni Jesus ay nagsasama-sama para makipag-usap
sa Diyos sa panalangin at nagkakaisa ang puso’t isip nila sa pagbabahagi ng
mga bagay na meron sila. Ibinebenta nila ang mga ari-arian nila at hindi
itinuturing na pag-aari nila ang mga ito. Walang mahirap sa kanila, dahil
nagtutulung-tulungan sila kung may mangailangan man.
Sama-sama silang kumakain sa bahay-bahay para alalahanin ang ginawa ni
Jesus para sa kanila, nagkakasiyahan, nagpupuri sa Diyos at kinatutuwaan
din sila ng mga tao. Matapang nilang ibinalita ang muling pagkabuhay ni
Jesus, at lubos silang pinagpapala ng Diyos. Araw-araw ay dinaragdag ng
Diyos sa bilang nila ang mga naliligtas.
Gumagawa ang mga apostol ng maraming himala sa harap ng mga tao.
Namamangha ang mga tao sa nakikita nila. Regular na nagtitipun-tipon ang
mga mananampalataya sa may Templo at inilalaan ang oras at sarili nila sa
pagtuturo ng mga apostol tungkol sa Salita ng Diyos.
Habang ginagabayan ng Espiritu, lumago ang iglesia sa Jerusalem at kumalat
sa buong bansa at mga katabing bansa habang masipag na ibinubuhos ng
mga tagasunod ni Jesus ang kanilang buhay para sa pagkalat ng Mabuting
Balita. Patuloy nilang ikinuwento sa iba kung ano ang ginawa ni Jesus – ang
kanyang kamatayan, muling pagkabuhay, at ang bagong buhay para sa lahat
ng magtitiwala sa kanya.
Naging mapagbigay sila sa iba, handang magsakripisyo para sa mga
nangangailangan. Sa pamamagitan nito, malinaw nilang naipakita at
naipadama sa mga tao ang dakilang kahabagan at pagiging mapagbigay din
ng Diyos.
~ 80 ~
Lalo pang lumakas ang loob ng mga mananampalataya nang makatanggap
sila ng sulat galing sa isa sa mga apostol na si Pablo, “Gusto kong malaman
n’yo, mga minamahal na kapatid kay Cristo, kung ano ang mabuting ginawa
ng Diyos sa mga iglesia sa Macedonia. Ang dami nilang dinaranas na
pagsubok, at marami sa kanila ay naghihirap. Pero sa kabila noon, punung-
puno ng kagalakan ang puso nila, at nag-umapaw ito sa mga sagana nilang
ipinagkaloob.
“Masasabi ko sa inyong nagbigay sila hindi lang sa abot ng kanilang
makakaya, pero higit pa. At sariling kusa nila iyon, walang pumilit sa kanila.
Sila pa nga ang paulit-ulit na nakikiusap sa amin na ‘wag ipagkait sa kanila
ang pribilehiyong makibahagi sa pagbibigay para sa mga kapatid nating nasa
Jerusalem. Higit pa ang ginawa nila sa inaasahan namin, dahil una na nilang
inilaan ang buhay nila para sa Panginoon at sa amin din, tulad ng nais ng
Diyos na gawin nila.”
Sa isang sulat pa niya, itinuro ni Pablo sa mga mananampalataya, “Dapat
n’yong sundin ang tulad ng ibinilin ko sa mga iglesia sa Galatia. Sa unang
araw ng bawat linggo, bawat isa sa inyo ay magtabi ng bahagi ng perang
kinikita n’yo. ‘Wag n’yo nang hintayin ang pagdating ko, at saka pa lang kayo
mangongolekta.”
Sa ganitong paraan, nagpatuloy sa paglago ang Iglesia at naging pagpapala
sa isa’t isa habang nakasuporta silang lahat sa patuloy na paglaganap ng
Mabuting Balita. Nangyayari ito habang ginagabayan at pinalalakas sila ng
Banal na Espiritung naninirahan sa bawat isa sa kanila, at siyang nagtuturo
sa kanila kung ano ang mga dapat nilang paniwalaan at gawin sa buhay.
Pagkuwentuhan…Ipakuwento…Pag-usapan…
1. Paano n’yo nakita ang bagong buhay sa mga tagasunod ni Jesus? Anu-ano ang mga
nakita n’yong patuloy nilang ginagawa? Panalangin…pagbabahagi ng pag-
aari…pagbebenta ng mga ari-arian para pondohan ang misyon nila…sama-samang
kumakain…nagtuturo, nakikinig at nag-aaral ng Salita ng Diyos…nagbibigay sa gawain ng
Panginoon…nagsasakripisyo…nagdiriwang ng Banal na Hapunan (communion)…handang
maglingkod…
2. Saan-saan mo nakitang ipinamumuhay nila ang mga gawaing paulit-ulit nilang
gustong ginagawa na may intensiyong mapalapit sa Diyos, sa isa’t isa, at maikalat ang
Mabuting Balita?
a. Pakikinig?
~ 81 ~
b. Pagkain?
c. Pagdiriwang?
d. Pagpapala?
e. Pagkukuwentuhan?
Masayang-masaya nilang ginagawa ang mga ito!
3. Anu-anong bahagi ng kuwentong ito ang totoong nakikita ngayon sa buhay mo?
4. Anu-anong bahagi ng kuwentong ito ang gusto mong hilingin sa Diyos na magkatotoo
din at makita sa buhay mo?
5. Ano sa tingin mo ang dahilan bakit hindi tulad nito ang nangyayari sa buhay mo? Hindi
pagtitiwala sa Espiritu…hindi hinahayaang manguna ang Espiritu!
SCENE 18 ~ ANG PAKIKIPAGLABAN SA KASALANAN
Ikuwento…(Galing sa 1 Corinto)
Heto pa ang isang kuwento tungkol sa Iglesia… Ilang taon ang nakalipas at
nagsimulang magkaroon ng iba’t ibang problema ang mga
mananampalataya. Hindi na sila namumuhay sa ilalim ng kapangyarihan ng
Espiritu, nagiging katulad na sila ng mga tao sa paligid nila.
Ang Corinto ay isang siyudad na daungan ng mga barko, at kasama ng
kanilang maunlad na ekonomiya at edukasyon ay ang mga gawain nilang
puno ng mga imoralidad. Kung ano ang problema sa siyudad na ito, iyon din
ang naging problema sa iglesia na nasa Corinto.
Nag-aaway sila at nagkakahati-hati, at ilan pa sa mga lider nila ang
nagsisimulang itaas ang sarili nila kaysa sa iba. Ang iba ay
nagdedemandahan pa sa korte. Marami ring naging pag-aaway sa kanila
kung sino ang may pinakamagaling na espirituwal na kaloob.
Higit pa doon, nagsisimula ding magpangkat-pangkat ang mga taga-sunod ni
Jesus doon base sa kung sino ang mas magaling magturo sa kanila. Nagtatalo
rin sila kung totoo nga bang nabuhay muli si Jesus o hindi.
~ 82 ~
Mayroong ilan sa kanila ang nakikisalo sa Banal na Hapunan, sobra-sobra
ang kinakain at iniinom kaya ang iba sa kanila ay nalalasing na at ang iba
naman ay naubusan ng pagkain. Naging malaking problema rin sa iglesiang
iyon ang kahalayan at sekswal na imoralidad. Nabalita pang may isang
lalaking nakikipagrelasyon sa asawa ng tatay niya (stepmother) at wala ni
isa man sa kanila ang may ginagawang aksiyon tungkol doon!
Sumulat si Apostol Pablo sa kanila at sinabing, “Bawat isa sa inyo ang sabi,
‘Kay Pablo ako,’ o ‘Kay Apollos ako,’ o ‘Kay Pedro ako,’ o ‘Kay Jesus ako.’” Pero
sabi ni Pablo sa kanila, “Lahat naman ng bagay ay sa inyo…kay Jesus kayo, at
si Jesus ay sa Diyos. Ang mga pastor sa inyo ay di dapat mag-isip na
nakahihigit sila dahil nangunguna sila sa mga tao, sa halip, isipin nating lahat
na tayo’y mga alipin ni Jesus.”
Pagkuwentuhan…Ipakuwento…Pag-usapan…
1. Ano nang nangyayari dito? Bakit nagkaganito? Bakit ang laki ng pagkakaiba sa buhay
ng mga mananampalataya noong una kung ikukumpara sa nangyari sa Corinto?
Isinulat ni Apostol Pablo sa isa pang iglesia sa Galacia, na malapit sa Corinto, para paalalahanan
sila kung paano maiiwasan ang mga ganitong pangyayari sa iglesia…
Basahin ang Galacia 5:16-25 – “Ipinako na ng mga nakay Cristo ang pagnanasa at
masasamang hangarin ng kanilang laman [o makasalanang pagkatao] doon sa krus. At dahil nga
namumuhay na tayo sa kapangyarihan ng Banal na Espiritu, magpatuloy tayo sa patnubay nito
[sa lahat ng bahagi ng buhay natin!]” (5:24-25).
2. Paano mo iuugnay ang mga sinabi ni Pablo dito sa dalawang kuwentong narinig natin
ngayon tungkol sa iglesia?
3. Ano ang napansin mong mga pagkakaiba ng dalawang listahang ipinakita ni Pablo
[gawa ng laman at bunga ng Espiritu]?
a. Ang mga nasa ng laman [makasalanang pagkatao] ay nagdudulot ng mga damdamin at
gawaing nakakasira ng relasyon sa iba.
b. Ang bunga ng Espiritu ay parehong panloob at panlabas – mula sa pusong binago ng
Diyos at nakikita sa ginagawa sa araw-araw.
c. Salamin ito ng katangian ng Diyos…Nagmamahal tayo dahil ang Diyos ay pag-
ibig…Nagiging matiyaga at mapagpasensiya tayo kasi ganoon din ang Diyos.
4. Anu-ano ang nakikita n’yong magkaibang resulta ng ganitong dalawang klaseng
pamumuhay?
5. Paano ka magsisimulang mapangunahan ng Espiritu? Paano ka naman mananatili sa
ganitong klaseng buhay?
~ 83 ~
6. Isalarawan ang klase ng buhay na hindi pinangungunahan ng Espiritu at nagsisikap
na mabigyang lugod ang Diyos sa sariling paraan?
7. Ano ang natatanging pag-asa natin para hindi tayo matulad sa nangyari sa iglesia sa
Corinto…o tuluyang maging tulad ng mga tao sa mundong namumuhay ayon sa nasa
ng laman (o makasalanang pagkatao)? Mamuhay sa patnubay ng Espiritu sa lahat ng
bahagi ng buhay!
Basahin ang Roma 12:1-2 – “Kaya nga, mga kapatid, alang-alang sa masaganang habag ng
Diyos sa atin, ako'y nakikiusap na ialay ninyo ang inyong sarili bilang isang handog na buhay,
banal at kalugud-lugod sa Diyos. Ito ang karapat-dapat na pagsambaa ninyo sa Diyos. Huwag
kayong makiayon sa takbo ng mundong ito. Mag-iba kayo sa pamamagitan ng pagbabago ng
inyong pag-iisip upang maunawaan ninyo ang kalooban ng Diyos; kung ano ang mabuti,
kalugud-lugod at ganap na kalooban niya.”
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang kuwentong ito, anu-ano ang dapat na magbago sa buhay mo?
2. Anu-ano ang dapat magbago sa relasyon mo sa Diyos?
3. Anu-ano ang dapat magbago sa relasyon mo sa pamilya mo at sa ibang tao?
IPABASA PAG-UWI
Roma 8
Galacia 5
~ 84 ~
WEEK 10: Life to the End
PARA SA TRAINER
Ito ang mga pangunahing ideya o mga katotohanang inaasahan nating lalabas sa kuwentuhan:
1. May kasamang pag-uusig ang pagsunod kay Jesus.
2. Darating ang araw na bawat bansa, bawat lahi ay magbabalik-loob sa Diyos.
3. Ang iglesia ay binubuo ng mga taong gumagawa para tulungan ang ibang tao sa iba’t ibang
bansa na mapanumbalik sa Diyos.
4. Malapit na ang pagbabalik ni Jesus.
5. Ipapanumbalik ng Diyos ang lahat ng kanyang nilikha sa kanyang orihinal na plano/disenyo
para rito.
IPAALALA SA GRUPO
Ipaalala ang mga ito para maging maganda at makabuluhan ang kuwentuhan.
1. Nandito tayo para matuto at magbago; hindi lang basta kuwentuhan, kundi naisin ding mapalapit sa isa’t isa para tumibay ang samahan.
2. Magkaroon ng kasiyahan, maging tuluy-tuloy ang kuwentuhan at makibahagi lahat.
3. Tanggapin ang anumang hamon (challenge) mula sa kaninuman sa grupo, magtanong at mag-isip.
4. Maging totoo at ipahayag ang nararamdaman; bawat personal na bagay na pag-usapan ay confidential at di dapat ibahagi sa iba.
5. Hangga’t maaari sa pagsagot sa mga tanong, subukang galing din ang sagot sa mga kuwentong narinig ninyo. Lahat naman ng kailangan nating matutunan sa Diyos at sa tao ay makikita sa Kuwentong ito.
BALIK-TANAW
Alalahanin ang kuwento noong nakaraang linggo.
1. Anu-ano ang natatandaan ninyo sa kuwento natin noong nakaraang linggo?
2. Paano nangusap ang Diyos sa inyo nitong mga nakaraang araw na may kinalaman sa mga napagkuwentuhan natin?
~ 85 ~
SCENE 19 ~ ANG KATAPUSAN
Ikuwento…(Galing sa Mateo 13:24-30, 36-42; 22:13; 24:14; 28:18; Juan 15:20; 16:33; 1 Tesalonica 4:13-
5:11; Santiago 1:12; Pahayag 2:10; 20:10, 21:1-22:21)
Sa loob ng halos 2,000 taon, patuloy ang pagkalat ng Mabuting Balita
tungkol kay Jesus at ang paglago at paglaki ng kanyang Iglesia. Sinabi ni
Jesus na babalik siya sa katapusan ng mundo, pero hanggang ngayon ay
hindi pa nangyayari iyon.
Habang hinihintay natin ang pagbabalik ni Jesus, tayong mga tagasunod niya
ay dapat patuloy na mamuhay nang may kabanalan at nakalulugod sa Diyos.
Nang nandito pa si Jesus sa mundo, sinabi niya, "Ang Mabuting Balita ng
Kaharian ng Diyos ay maipapangaral sa buong mundo. Kapag nakarating na
ito sa bawat lahi at bawat lipi, darating na ang katapusan."
Marami pang lahi at lipi sa bansa natin at sa iba't ibang bansa ang hindi pa
nakakarinig tungkol kay Jesus. Bago siya bumalik sa langit, ipinagkatiwala ni
Jesus sa mga tagasunod niya ang tungkuling dalhin ang Mabuting Balita sa
mga taong hindi pa nakakarinig nito. Sabi niya, "Puntahan n'yo ang lahat ng
lahi at lipi at gawin silang mga tagasunod ko! Ngayon na ang panahon ng
anihan!"
Sinabi din ni Jesus, "Ang isang alipin ay hindi nakahihigit sa kanyang
panginoon. Pahihirapan kayo at papatayin dahil sa akin. Sa mundong ito
marami kayong haharaping kaguluhan, kaya magpakatatag kayo. Nagapi ko
na si Satanas! Manatili kayong tapat hanggang sa katapusan, at kayo'y
maliligtas.
"Sa katapusan ng mundo, lahat ng mga taong kabilang sa diyablo ay titipunin
at itatapon sa naglalagablab na apoy, kung saan naroon ang matinding
pagtangis at pagngangalit ng ngipin. Pagkatapos, lahat ng mga matuwid ay
magliliwanag na parang araw sa Kaharian ng kanilang Ama."
Pagbalik ni Jesus sa langit, sinabi niyang babalik siya sa mundo sa paraang
tulad din ng kanyang pag-alis - kitang-kita ng lahat mula sa ulap. Nangako
din siyang sa kanyang pagbabalik, lahat ng mga tagasunod ni Jesus na
namatay na ay babangon mula sa mga patay at sasalubungin siya sa ulap.
~ 86 ~
Ang mga tagasunod ni Jesus na buhay pa sa mga oras na iyon ay dadalhing
kasama nila sa ulap. Lahat ng mga tagasunod ni Jesus ay makakasama niya
magpakailanman.
Ibibigay sa mga tagasunod niya ang korona ng buhay. Hindi na nila
mararanasan ang ikalawang kamatayan, ang kaparusahan sa impiyerno. Sa
halip, mabubuhay sila magpakailanman kasama ang Diyos at may nag-
uumapaw na kagalakan.
Ngunit ang lahat ng hindi kumilala kay Jesus ay hahatulan ng Diyos at
itatapon sa impiyerno para magdusa magpakailanman. Sa impiyerno,
walang tigil ang pagtangis nila doon at pagngangalit ng ngipin nila sa tindi
ng hirap na mararanasan nila. Susunugin sila ng apoy na hindi namamatay
at kakainin ng mga uod na hindi namamatay.
Tuluyan na ring wawasakin ni Jesus si Satanas at ang kaharian nito at
itatapon siya kasama ng kanyang mga demonyo sa lawa ng apoy kung saan
siya susunugin magpakailanman. Pati ang kamatayan ay itatapon sa lawa ng
apoy sa impiyerno.
Gagawa si Jesus ng Bagong Langit at Bagong Mundo. Ang buong nilikha ng
Diyos ay magiging perpekto ulit, tulad ng orihinal na disenyo ng Diyos noon
bago magkasala sina Adan at Eba.
At si Jesus ay maghahari magpakailanman. Papahiran niya ang bawat luha
sa ating mga mata at wala nang kamatayan, wala nang paghihirap, wala
nang iyakan, wala nang kasamaan, wala nang sakit. Mamamahala siya sa
kanyang Kaharian na may kapayapaan at katarungan, at makakasama siya
ng kanyang mga tagasunod magpakailanman.
Pagkuwentuhan…Ipakuwento…Pag-usapan…
1. Habang pinapakinggan n’yo ang kuwentong ito, anu-ano ang naalala n’yo sa kabuuan
ng Kuwentong narinig na natin noong mga nakaraang linggo? Ang hardin…kung paano
ang simula ng lahat ng bagay… Ang Diyos na kasama ng tao, may mabuting kalagayan,
maayos na relasyon…Walang kamatayan, disenyo ng Diyos sa tao na mabuhay nang walang
hanggan…Lahat ng bagay naibalik sa orihinal na intensiyon ng Diyos!
2. Ano ang nakita nating nasira sa mga unang bahagi ng Kuwento na ngayon ay
naipanumbalik na? Sino ang may gawa nito? Relasyon ng Diyos at tao, ng tao sa kapwa-
~ 87 ~
tao…kalikasan…buhay…lahat-lahat! Si Jesus ang may gawa kung bakit nagbago ang lahat.
Tandaang siya ang Panginoon ng buong nilikha, Panginoon ng lahat ng mga tao, Panginoon
ng lahat ng bagay!
3. Ano ang nararamdaman mo nang malaman mo (kung ikaw ay nakay Cristo –
tagasunod niya) na mabubuhay ka nang magpakailanman?!
4. Sa kuwentong ito, nakita nating LAHAT ng mga bansa ay namumuhay na
magkakasama at may mabuting kalagayan at walang katapusang sumasamba sa
Diyos…Ano ang ipinapakita nito sa atin kung ano ang ginagawa ng Diyos ngayon sa
kanyang mga anak – sa mga tagasunod ni Jesus? Paano tayo dapat mamuhay kung
ganito ang nangyayari at mangyayari? Kung nilikha ng Diyos ang lahat na mabuti at
ipinapanumbalik ang lahat ng mga bagay sa ganoong kundisyon, hindi maaaring mamuhay
tayo na nakasalungat sa kanyang maganda at perpektong plano. Tayo rin dapat ay maging
kasangkapan ng Diyos para maipanumbalik ang lahat sa mabuting relasyon sa kanya.
5. Sinu-sino ang mga tinutukoy sa kuwentong ito na siyang magmamana ng buhay na
walang hanggan at malapit sa Diyos? Sinumang hinayaan siyang talunin ang kasalanan
at pagkamakasarili sa puso nila… Ano ang reaksiyon n’yo dito?
6. Ano ang sinasabi sa kuwento na hindi lang itong buhay na walang hanggan at malapit
sa Diyos ang posibleng maging sapiting walang-hanggang katapusan ng mga tao?
7. Anu-ano ang naiisip mo o nararamdaman mo sa sinasabi dito ni Jesus?
8. Ano ang sinasabi sa kuwento ngayon na isang dahilan kung bakit hindi pa bumabalik
ang Panginoong Jesus? Ano ang sinasabi niya sa atin ngayon na gawin natin bilang
tugon?
Basahin ang 2 Corinto 5:18-20: “Ang lahat ng ito’y gawa ng Diyos na nagpanumbalik sa atin sa
kanya sa pamamagitan ni Cristo. At ibinigay niya sa amin ang tungkuling papanumbalikin ang
mga tao sa kanya. At ito ang aming ibinabalita: Pinapanumbalik ng Diyos ang mga tao sa kanya
sa pamamagitan ni Cristo, at hindi na ibinibilang laban sa kanila ang kanilang mga kasalanan. At
kami ang pinagkatiwalaan na magpahayag ng mensaheng ito. Kaya nga, mga sugo kami ni Cristo,
at sa pamamagitan namin, nakikiusap ang Diyos sa inyo na manumbalik na kayo sa kanya.”
9. Ano ang itinuturo ng talatang ito mula sa Biblia tungkol sa tungkulin natin sa planong
ito ng Diyos na ipanumbalik sa kanya ang lahat?
~ 88 ~
PAGSASABUHAY
Bagamat kasama na sa usapan ang mga tanong kung paano isasabuhay, ang mga ito ay karagdagang puwedeng pag-usapan ng grupo:
1. Kung totoo ang mga napag-usapan natin, paano ito dapat makaapekto sa buhay mo?
2. Sa kabila ng mga mahahalagang desisyon o sitwasyong kinakaharap mo, ano ang nararamdaman mo ngayon tungkol sa buhay mo ngayong alam mo kung saan patungo ang Kuwentong ito? Nagbibigay ba ito sa iyo ng pag-asa?
3. Anong bahagi ng pagsasanay o pag-aaral na ito ang may malaking epekto sa buhay mo?
4. Paano mo gagawing prayoridad sa buhay ang disciple-making o pagtulong sa ibang tao na maging tagasunod din ni Jesus na tutulong din sa iba na maging tagasunod din ni Jesus?
5. Kung seseryosohin talaga natin ang pagiging aktibong disciple-makers, paano ito sa tingin mo makakaapekto sa pamilya natin, sa paligid natin, at sa bayan natin?
6. Paano kita maipapanalangin ngayon?
IPABASA PAG-UWI
Pahayag 21-22
Hebreo 12:18-29
~ 89 ~
WEEK 11: Forsaking Idols and Following Jesus
TANDAAN NG LIDER
Ito ang mga pangunahing ideya o mga katotohanang gusto nating lumabas sa pagkukuwentuhan:
1. Kung magiging tagasunod ni Jesus, kailangang iwanan ang lahat o ituring si Jesus na higit na
mainam at dapat pahalagahan at ibigin nang higit sa lahat ng bagay.
2. Ang pagpapahalaga sa buhay at sa kayamanan ang ilan sa mga nakahahadlang sa tao na
makasunod kay Jesus, makapasok sa kaharian ng Diyos at magkaroon ng buhay na walang
hanggan.
3. Ang pagtalikod sa mga diyos-diyosan at ang kaligtasan ay imposible sa tao ngunit ito ay
posible sa Diyos.
4. Higit na gantimpala ang ipinangakong ibibigay ng Diyos sa sinumang handang tumalikod sa
anumang makakahadlang sa pagsunod kay Jesus.
PANIMULA
1. Sa mga nagdaang mga pagkukuwentuhan, paano mo mas nakilala si Jesus?
2. Sa kabila ng mga katotohanang iyan tungkol kay Jesus, bakit sa tingin mo ang hirap sa
maraming tao ang magpasyang lubos na sumunod kay Jesus?
SCENE 20 ~ SI JESUS AT ANG LALAKING MAYAMAN
Ikuwento…(Galing sa Marcos 8, 10)
Isang araw, tinawag ni Jesus ang mga tao kasama ang mga tagasunod niya
na lumapit sa kanya. Sinabi niya sa kanila, “Ang sinumang gustong sumunod
sa akin ay kailangang talikuran niya ang kanyang sarili at pasanin ang
kanyang krus (maghirap at mamatay) alang-alang sa pagsunod sa akin. Ang
taong mas pinahahalagahan ang kanyang buhay ay mawawalan nito. Ngunit
ang taong nais ialay ang kanyang buhay alang-alang sa akin at sa aking
salita ay magkakaroon ng buhay na walang hanggan. Ano ba ang mapapala
ng isang tao kung mapasakanya man ang lahat ng bagay sa mundo, pero
mapapahamak naman ang kanyang kaluluwa?”
~ 90 ~
Pagkalipas ng ilang araw, nang paalis na si Jesus ay may isang lalaking
mayaman ang humabol sa kanya at lumuhod. Nagtanong siya, “Mabuting
Guro, ano po ba ang dapat kong gawin para magkaroon ng buhay na walang
hanggan?”
Sumagot si Jesus, “Alam mo ang sinasabi ng Kautusan, ‘Huwag kang papatay,
huwag mong pagnanasahan ang asawa ng iba, huwag kang magnanakaw,
huwag kang magsisinungaling, huwag kang mandadaya, at igalang mo ang
nanay at tatay mo.’”
Sumagot ang lalaki, “Guro, sinunod ko po ang lahat ng iyan mula pagkabata.”
Nahabag si Jesus sa kanya, tiningnan siya at sinabi, “Isang bagay pa ang
kulang sa iyo. Umuwi ka at ipagbili mo lahat ng pag-aari mo, at ipamigay mo
ang pera sa mga mahihirap. At magkakaroon ka ng kayamanan sa langit.
Pagkatapos, bumalik ka at sumunod sa akin.”
Nalungkot ang lalaki nang marinig ito, dahil napakayaman niya. Umalis siya
at hindi sumunod kay Jesus.
Pagkatapos nito, sinabi ni Jesus, “Napakahirap talagang mapabilang sa
kaharian ng Diyos, lalo na ang mga mayayamang pera ang ginagawang diyos.
Mas madali pa kaysa sa kanila ang isang kamelyo na makapasok sa butas ng
karayom.”
Nagtaka ang mga tagasunod niya kaya nagtanong sila, “Kung gayon po, sino
na lang ang maliligtas?”
Sagot ni Jesus, “Imposible ito sa tao, pero hindi sa Diyos, dahil lahat ay posible
sa Diyos.”
~ 91 ~
Sabi ni Pedro, “Paano naman po kami? Iniwan namin ang lahat para
makasunod kami sa iyo.”
Sumagot si Jesus, “Sinasabi ko sa inyo ang totoo, lahat ng nag-iwan ng bahay,
mga kapatid, mga magulang, mga anak, o mga lupa dahil sa akin at sa
Magandang Balita ay tatanggap sa panahong ito ng isandaang beses na mas
marami pa kaysa sa kanyang mga iniwan - kasama na ang mga pag-uusig. At
tatanggap din siya ng buhay na walang hanggan sa darating na panahon.
Maraming dakila ngayon na magiging hamak, at maraming hamak ngayon
na magiging dakila.”
Pagkuwentuhan…Ipakuwento…Pag-usapan…
1. Ayon kay Jesus, paanong ang isang tao ay magiging tagasunod niya at magkakaroon ng buhay na walang hanggan? Iwanan ang lahat, itakwil ang sariling makasalanan, at pasanin ang krus.
2. Ano ang ibig sabihin ng ‘pasanin ang krus’? Sa kuwento nang ipako si Jesus sa krus, paano mo mas nalaman ang kahulugan ng ‘krus’? Kahandaang itakwil ang buhay hanggang kamatayan, ang sariling ambisyon, at ang sariling reputasyon alang-alang sa pagsunod kay Jesus.
3. Ano ang tanong ng lalaking mayaman kay Jesus? Gaano kahalaga, sa tingin mo, ang malaman ang sagot sa tanong na ito? Paano magkaroon ng buhay na walang hanggan, higit pa sa sa tanong na kung paano yumaman o guminhawa ang buhay ngayon.
4. Ano ang naging sagot ni Jesus sa kanya? Bakit kaya ganito ang sagot niya? Ano ang gusto niyang ipakita dito? Ipagbili ang ari-arian niya at ipamigay sa mahihirap. Hindi dahil ang kaligtasan ay sa pamamagitan ng gawa at pagsunod sa utos kundi para ipakita kung ano ang problema ng puso ng lalaking mayaman, kung ano ang sinasamba niya na di niya maiwan.
5. Bakit hindi sumunod kay Jesus ang lalaking mayaman? Ano para sa kanya ang naging mas mahalaga o naging diyos-diyosan niya (idol)? Mas mahalaga sa kanya ang pera niya. Ito ang diyos-diyosan niyang di maiwan.
6. Ayon kay Jesus, tama ba ang desisyon ng lalaking mayamang ito? Ikaw naman, kung hindi ka susunod kay Jesus at hindi magpapabautismo, tama bang desisyon iyon? Maling-mali, nakapanghihinayang na nasa kanya nga ang maraming kayamanan, pero mapapahamak naman ang kanyang kaluluwa.
7. Ayon sa sinabi ni Jesus sa mga tagasunod niya, ang pagsunod ba kay Jesus at pagpasok sa kaharian ng Diyos ay madali, mahirap o imposible? Kung imposible pala para sa tao ang kaligtasan, ano ang nais ng Diyos na maging tugon natin dito? Imposible sa tao, pero
~ 92 ~
posible sa Diyos. Kaya dapat sa kanya lang tayo magtiwala at sa magagawa niya hindi sa magagawa natin.
8. Malaking sakripisyo bang iwan ang lahat para makasunod kay Jesus tulad ng ginawa nila Pedro at mga kasama niya? Ano ang “encouragement” sa kanila ng Panginoon? Higit na malaki ang gantimpalang nakalaan kaysa sa mga “diyos-diyosang” itatakwil natin.
9. Sa ngayon, sino ang may mas higit na magandang kalagayan – ang lalaking mayaman na hindi sumunod kay Jesus dahil sa kanyang pagyakap sa kayamanan o ang mga tagasunod niya na iniwan kahit ang kayamanan at sariling pangarap sa buhay sa pagsunod sa kanya?
10. Ano ngayon ang nais mong maging kalagayan sa buhay? Ano ang sinasabi ng Diyos na maging tugon mo?
PAGSASABUHAY
1. Alin sa mga ito ang nagiging diyos-diyosan mo (pinahahalagahan nang higit sa Diyos)
at siyang nakakahadlang para lubos ka nang sumunod kay Jesus? Sa paanong paraan
ito nagiging diyos-diyosan?
Pera/mga materyal na bagay
Relihiyon/tradisyon
Mga imahen/rebulto
Sex/pleasures
Trabaho/accomplishments
Reputasyon
Katayuan sa buhay
Pamilya/magulang/asawa/anak
Mga kaibigan
Boyfriend/girlfriend
Influence/position
Pangarap/ambisyon
Control
Sariling buhay
Hindi masama ang mga bagay na ito. Nagiging “idols” ito kapag inibig natin ito nang higit sa
Diyos at at binabaling ang atensiyon natin at inaakalang ang mga ito ang makapagbibigay sa
atin ng sapat na kaligayahan.
2. Ayon sa kuwento ngayon, paano mo maikukumpara ang kasiyahang maibibigay sa iyo
ng mga bagay na nagiging diyos-diyosan mo sa kaligayahang alok ng Diyos dahil sa
isang malapit na relasyon sa kanya at sa pagsunod sa Panginoong Jesus?
3. Anong hakbang ang gagawin mo para talikuran na ang mga diyos-diyosan mo?
4. Pagkatapos nito, maaaring bigyan sila ng ilang sandali para tahimik na manalangin nang
personal at sabihin sa Diyos na tinatalikuran na nila ang mga diyos-diyosan nila at handang
sumunod kay Jesus. Pagkatapos nila, maaari kang magwakas sa panalangin ng pagtatakwil
sa mga diyos-diyosan at pagtatalaga ng buhay sa Diyos.
~ 93 ~
WEEK 12: Following Jesus in Baptism and the New Life
TANDAAN NG LIDER
Ito ang mga pangunahing ideya o mga katotohanang gusto nating lumabas sa pagkukuwentuhan:
1. Ang bautismo sa tubig ay ginagawa sa pamamagitan ng paglulubog ng babautismuhan sa
tubig at pag-ahon muli nito.
2. Ang bautismo ay simbolo ng pagtalikod sa kasalanan at pagsunod kay Jesus tungo sa isang
bagong buhay.
3. Ang bautismo ay hindi paraan ng kaligtasan kundi pagpapakita lamang na ang
binautismuhan ay naligtas na at nakipag-isa na kay Jesus.
4. Ang bautismo ay pampublikong pagpapahayag sa mga tao na ang isang tao ay may bago
nang relasyon sa Diyos – bilang anak ng Diyos, bilang tagasunod ni Jesus, at pinananahanan
at ginagabayan ng Espiritu.
5. Ang bautismo ay pagsunod sa ipinag-utos ng Panginoong Jesus.
6. Ang bautismo ay pagpapahayag ng isang tagasunod ni Jesus na siya na ay kabilang sa iglesia
at nakikiisa bilang miyembro ng pamilya ng Diyos.
7. Ang bautismo sa tubig ay pisikal na tanda ng espirituwal na katotohanan ng pakikipag-isa
kay Jesus.
8. Ang bautismo ay nagpapaalala sa atin na hindi na tayo dapat mamuhay sa kasalanan kundi
magpatuloy sa pagsunod sa Diyos.
PANIMULA
1. Anu-ano na ang alam ninyo tungkol sa bautismo (baptism)?
2. Anu-anong tanong tungkol dito ang gusto n’yong mabigyan ng kasagutan?
SCENE 10 ~ BAUTISMO KAY JESUS
Ikuwento…(Galing sa Mateo 3; Marcos 1; Lucas 3; Juan 1)
Nagpadala ang Diyos ng isang mensahero na ang pangalan ay Juan para
sabihin sa mga taong maghanda sila dahil parating na ang Mesias. Si Juan ay
pinsang makalawa ni Jesus, matanda lang ng anim na buwan kay Jesus.
~ 94 ~
Matapang niyang hinahamon ang mga Judio, “’Wag n’yo lang basta sabihing
mahal n’yo ang Diyos – patunayan n’yo ‘to sa buhay n’yo. Tumalikod na kayo
sa mga kasalanan n’yo at magbalik-loob sa Diyos!”
Nakilala siya na Juan na Tagapagbautismo dahil inilulubog niya sa tubig sa
Ilog Jordan ang mga taong nagsisisi sa kanilang mga kasalanan. Ang
bautismo ay simbolo ng paghuhugas at paglilinis sa kasalanan at pagpili sa
isang bagong paraan ng pamumuhay.
Nang tanungin si Juan ng mga pinunong Judio kung siya ba ang Mesias,
sagot niya, “Hindi ako! Pero may isang parating na higit na dakila kaysa sa
akin – ni hindi nga ako karapat-dapat magtanggal ng kanyang tsinelas o
maging alipin man lang niya. Abangan n’yo ‘to…nagbabautismo ako sa tubig,
pero siya’y magbabautismo sa Espiritu ng Diyos!
Hindi nga nagtagal, dumating si Jesus para magpabautismo kay Juan. Nang
makita siya ni Juan, sabi niya, “Ako pa nga ang dapat magpabautismo sa
iyo.”
Pero sinabi ni Jesus na dapat gawin iyon bilang pagsunod sa kalooban ng
Diyos, kaya binautismuhan na siya ni Juan sa harap ng maraming tao.
Pag-ahon ni Jesus mula sa tubig, bumaba ang Espiritu ng Diyos mula sa
langit – para itong isang kalapating dumapo sa kanya. At may narinig na
malakas na boses mula sa langit at nagsabi, “Ikaw ang aking Anak na
minamahal. Lubos akong nasisiyahan sa iyo!”
Pagkuwentuhan…Ipakuwento…Pag-usapan…
1. Ano ang dalang mensahe ni Juan? Ipakita sa gawa ang pag-ibig sa Diyos, tumalikod sa kasalanan, lumapit sa Diyos, magpabautismo.
2. Paano niya ginagawa ang bautismo? Inilulubog sa tubig at iniaahon ulit.
3. Bakit lumalapit ang mga tao sa kanya para magpabautismo? Tanda ng pagsisisi o pagtalikod sa kasalanan at dating pamumuhay at pagpapahayag ng desisyong bumalik sa Diyos at magkaroon ng bagong buhay.
~ 95 ~
4. Sino si Jesus? Nasa kanya ang Espiritu ng Diyos, siya’y Anak ng Diyos na minamahal niya at lubos na kinasisiyahan.
5. Bakit siya nagpabautismo? Hindi dahil makasalanan siya, kundi bilang pagpapasimula ng kanyang misyong tatapusin n’ya hanggang sa kanyang kamatayan sa krus; para ipakita rin ang pakikiisa niya sa mga makasalanan.
6. Anu-ano ang natututunan mo sa kuwentong ito tungkol sa bautismo?
SCENE 16 ~ BAUTISMO SA UNANG IGLESIA
Ikuwento…(Galing sa Mateo 28; Gawa 1-2)
Si Jesus ay ipinako sa krus, inilibing, at sa ikatlong araw ay nabuhay na
muli. Bago siya umakyat pabalik sa kanyang Ama sa langit, may ibinilin
siyang misyong ipapaubaya niya sa kanyang mga tagasunod, "Ibinigay sa
akin ng Ama ang lahat ng kapangyarihan sa langit at sa lupa. Kaya
puntahan ninyo ang mga tao sa lahat ng bansa, ipangaral n'yo sa kanila ang
Magandang Balita, at gawin ninyo silang mga tagasunod ko. Bautismuhan
n'yo sila sa pangalan ng Ama at ng Anak at ng Banal na Espiritu. Turuan
ninyo silang sumunod sa lahat ng iniutos ko sa inyo. At tandaan ninyo: lagi
ninyo akong kasama hanggang sa katapusan ng mundo."
Habang nakatingin sila kay Jesus, umakyat na si Jesus pabalik sa langit,
natabingan ng mga ulap, at di na nila nakita. (Huminto sandali…)
Pagkatapos ng ilang linggo, may 120 tagasunod ni Jesus (kasama ang mga
apostol) ang nagtipon sa Jerusalem para manalangin, tulad ng lagi nilang
ginagawa nang sama-sama.
Habang sila’y nananalangin, bigla na lang may dumagundong, parang isang
malakas na hangin at kulog, sa bahay na pinagtitipunan nila. Bawat isa sa
kanila ay napuno ng Espiritu ng Diyos at nagsimulang magsalita sa mga
wikang hindi naman nila nakasanayan!
Lumabas sila sa kalye at nagsimulang ibalita ang lahat ng nakita nilang
ginawa ni Jesus. Narinig ang malakas na tunog na ito sa buong siyudad, at
dumagsa ang maraming tao sa labas ng bahay para makita kung ano ang
~ 96 ~
nangyayari. Sa mga panahong iyon, maraming Judio na galing pa sa iba’t
ibang bansa ang nasa Jerusalem para sa pista na tinatawag na Pentecostes.
Nang marinig ng mga tao na nagsasalita ang mga tagasunod ni Jesus,
nagtaka sila, “Paano nangyari ‘to? Mga taga-Galilea sila, pero paanong
nakapagsalita sila sa sarili nating wika?”
Nagsalita si Pedro, isa sa mga tagasunod ni Jesus, at ipinaliwanag sa mga
tao kung ano ang nangyayari, “Katuparan ito ng sinabi ng Diyos sa mga
propeta. Nasaksihan naming nabuhay si Jesus mula sa mga patay at siya ang
tunay Ipinangakong Tagapagligtas!”
Sinabi pa niya sa mga tao, “Bawat isa sa inyo ay dapat tumalikod na sa
inyong mga kasalanan at magsimulang lumapit sa Diyos. Kay Jesus n’yo lang
matatagpuan ang kapatawaran – siya ang panghuli at tanging sapat na
handog para sa kasalanan ng lahat ng tao. Ito ang bagong tipan ng Diyos na
inaalok hindi lamang sa mga Judio, kundi sa lahat ng gustong mapabilang sa
pamilya ng Diyos.”
Nang araw ding iyon, libu-libo ang naniwala sa sinabi ni Pedro, nagsisi sila
at nagtiwala kay Jesus. Tumalikod sila sa mga kasalanan nila para sumunod
kay Jesus at mamuhay sa paraang gusto ng Diyos. Binautismuhan sila at
naging kabilang sa pamilya ng Diyos.
Bilang isang pamilya, inilalaan ng mga tagasunod ni Jesus ang kanilang
buhay para sa Diyos at sa isa’t isa. Nagtutulungan sila at magkakasamang
nakikipag-usap sa Diyos, sama-samang nag-aaral kung paano mamuhay sa
paraang gusto ng Diyos. Masayang-masaya nilang ginagawa ang mga ito.
Araw-araw, magkakasama silang kumakain. Ito ang simula ng tinatawag ng
Biblia na “iglesia” (church), na sa araw-araw ay idinaragdag ng Diyos sa
kanila ang mga naliligtas.
~ 97 ~
Pagkuwentuhan…Ipakuwento…Pag-usapan…
1. Ano ang iniwang misyon ni Jesus sa kanyang mga tagasunod? Gawing tagasunod din ni
Jesus ang mga tao - puntahan sila at ipangaral ang Magandang Balita sa kanila, bautismuhan
sila, at turuang sumunod sa mga nais ng Panginoong Jesus.
2. “Bautismuhan n'yo sila sa pangalan ng Ama, ng Anak, at ng Banal na Espiritu.” Ano
ang ibig sabihin nito? Identification - pagkakakilanlan ng mga tagasunod ni Jesus; Ama -
Ang Diyos ang ating Ama, tayo’y kanyang mga anak, tayo’y isang pamilya ng Diyos; Anak - Si
Jesus ang ating Panginoon at tayo’y mga tagasunod at lingkod niya; Espiritu Santo - nasa atin
ang Espiritu na siyang gumagabay, bumabago, at nagpapalakas sa atin para matupad ang
misyong binigay sa atin ni Jesus.
3. Saan sa kuwento makikita nating sinunod at ipinamuhay ito ng mga tagasunod ni
Jesus? Nananalangin sila, puspos ng Espiritu na ipinangaral nila si Jesus sa mga tao,
binautismuhan nila ang mga nagsisisi, nagpatuloy sila bilang isang pamilya ng Diyos.
4. Ano ang mensahe ni Pedro sa mga tao? Ayon dito, ang kaligtasan ba ay nakasalalay sa
pagpapabautismo? Kung hindi, ano ang ibig sabihin nito? Magsisi at magpabautismo.
Ang biyaya ng kaligtasan ay dahil sa ginawa ni Cristo at matatanggap sa pamamagitan ng
pananalig sa kanya. Ang bautismo ay ‘di paraan para maligtas ang tao, ngunit nagpapakita
ito ng pagsisisi at pagsunod kay Jesus.
5. Puwede bang ang isang tao ay magpabautismo at walang mangyaring pagbabago sa
buhay niya? Sa kuwento, ano ang naging resultang pagbabago sa buhay ng mga taong
nagsisi at nagpabautismo? Masigasig sa pakikinig ng Salita ng Diyos, sa pananalangin, sa
pagsamba, sa pagsasama-sama ng pamilya ng Diyos, sa pagtutulungan at pag-ibig bilang
isang pamilya...
6. Ang pisikal na bautismo sa tubig ay paglalarawan ng espirituwal na bautismo na
nangyari na sa lahat ng sumasampalataya kay Jesus. Basahin ang Roma 6:1-14. Ayon
dito anu-ano ang dapat na mangyaring pagbabago sa sinumang nakipag-isa na kay
Cristo? Tumalikod na sa kasalanan at dating paraan ng pamumuhay at magpatuloy sa
pagsunod sa kalooban ng Diyos.
7. Anu-ano na ngayon ang naunawaan mo tungkol sa kahulugan at kahalagahan ng
bautismo?
8. Anu-ano ang malabo pa sa iyo? Anu-anong tanong ang gumugulo pa sa isip mo?
PAGSASABUHAY
1. Handa ka na bang sumunod sa utos ni Jesus na ipahayag mo ang pananampalataya mo
sa kanya sa pamamagitan ng bautismo sa tubig?
~ 98 ~
2. Para sa mga magpapabautismo na: Isulat ang kuwento ng ginawa sa ‘yo ng Panginoong
Jesus at maghandang ipahayag ito bago ang pagbabautismo. Gamitin ang guide na
Telling God’s Story in Your Life. Puwedeng magpakopya para sa bawat isa sa grupo.
Puwede rin namang isulat nila ito sa bahay, pero hilingang ibahagi sa grupo ang testimony
nila.
Note: Iminumungkahing maglaan ang mga lider ng one-on-one prayer time para sa
magpapabautismo para maipanalangin sila at para may pagkakataon din silang masabi ang mga
nasa puso nila na hindi pa nila masabi sa grupo. Para naman sa di pa magpapabautismo, ang one-
on-one prayer time ay para malaman kung ano ang nakakahadlang pa sa puso nila na lubos na
sumunod kay Jesus. Kung posible, mas mainam kung lalaki sa lalaki at babae sa babae.
~ 99 ~
Baptism Interview Guide Gamitin ang guide na ito para makausap ang sinumang nakatapos ng 12-Week Story of God at
nagpahayag na ng intensiyong sumunod sa utos ni Jesus na magpabautismo.
1. Magpakilala sa isa’t isa.
2. Ipaliwanag ang layunin ng interview: Hindi ito “exam” kundi isang paraan para matulungan
kang mas maunawaan ang ibig sabihin ng pagiging Cristiano at pagpapabautismo. Kung
may mga tanong ka, puwede ka ring magtanong. Lahat ng pag-uusapan natin dito ay
confidential, hindi namin ipagsasabi sa iba. Kaya kung may mga problema o struggles ka na
dapat ibahagi sa amin para maipanalangin, huwag kang mahihiya.
3. Masasabi mo bang Cristiano ka na? Paano mo nasabi? Ano ba ibig sabihin ng pagiging
Cristiano?
4. Puwede mo bang ikuwento ang buod ng Story of God?
5. Paano mo nakita sa sarili mong binago at binabago ka ng Diyos? Puwede mo bang ikuwento
ang buhay mo bago ka makakilala kay Jesus hanggang makilala mo na siya?
6. Kung tatanungin ko ang mga kasama mo sa bahay, ano sa tingin mo ang masasabi nilang
nagbago sa buhay mo?
7. Gusto mo bang ikuwento sa kanila ang Story of God? Handa ka bang magsanay kung paano?
8. Kung mamamamatay ka ngayon, nakatitiyak ka bang sa kabilang-buhay ay makakapiling
mo ang Diyos? Paano ka nakatitiyak?
9. May mga kasalanan ka bang nagawa dati o patuloy pa ring ginagawa ngayon na dapat mong
ihingi ng tawad sa Diyos? Anu-ano ito?
10. Gusto mo na bang magpabautismo? Bakit? Ano ang pagkakaintindi mo sa kahulugan ng
bautismo?
Pagkatapos ng interview, sabihing ang mga sumusunod ang itatanong sa kanya sa araw mismo ng
bautismo. Tanungin kung oo ang sagot niya sa mga tanong na ito:
Naniniwala ka ba na si Jesus ay tunay na Diyos at tunay na tao, na siya’y namuhay nang
matuwid at walang sala, na siya’y namatay sa krus bilang pagtubos sa mga kasalanan mo, at
siya’y nabuhay na muli para magkaroon ka ng bagong buhay?
Naniniwala ka ba na ikaw ay makasalanan at imposibleng makalapit sa Diyos sa
pamamagitan ng mabuting gawa kundi sa pamamagitan lamang ng kanyang habag at awa
sa pamamagitan ng ginawa ni Jesus?
Ngayon ba’y nagsisisi ka na at tumatalikod sa lahat ng kasalanan at makamundong
pangarap, nagtitiwala kay Cristo, at handang sumunod sa kanya anuman ang mangyari
hanggang sa kamatayan?
~ 100 ~
Pagkatapos, ipaalala sa kanya kung kailan at saan ang bautismo, at kung anu-ano ang mga dapat
dalhin. Gabayan din siya kung paano ikukuwento sa loob ng tatlong minuto ang kamangha-
manghang ginawa ng Diyos para sa kanya. Gamitin ang form ng Telling God’s Story in Your Life.
Magwakas sa isang panalangin para sa kanya.
~ 101 ~
Guide for Training Trainers Gamitin ang guide na ito para sa Story of God training sessions.
Para ito sa lahat ng mga nakatapos ng 12-Week Story of God
(Overview). Ang layunin nito ay para makasunod sa ipinag-uutos
ng Panginoong Jesus na “gawing tagasunod ang lahat ng bansa”
(Matt. 28:19). Hihikayatin sa training na ito na sundin agad ang
utos na ito ng Panginoon sa pamamagitan ng pagkukuwento nito
sa kanilang mga kapamilya, kapitbahay, kamag-anak o kaibigan.
Tandaan na ang layunin ng pagsasanay na ito ay pagsunod.
Ipaalala sa simula na ito ay isang “pagsasanay sa mga
tagapagsanay na magsasanay pa ng iba pang mga tagapagsanay” (training for trainers who will
train other trainers).
DAY 1 PART 1 – BAKIT NATIN ITO GAGAWIN? (1 HR 30 MIN)
1. Introduction / Expectations (15 min)
2. Bakit ito dapat gawin ng Church? (30 min)
Ikuwento o ipakuwento ang 12-Minute Story of God.
Paano mo mas nakilala ang Diyos sa Kuwentong ito?
Paano mo mas nakilala ang tao sa Kuwentong ito? Ano ang layunin ng Diyos sa paglikha sa
tao?
Ano ang nakita mo sa Kuwento na pinakamalaking problema ng mga tao?
Ano ang nakita mong ginagawa ng Diyos sa Kuwentong ito para tugunan ang problemang
iyon? Ano ang gusto niyang mangyari?
Ano ang Iglesia (Church)? Ano ang misyon na bigay ng Diyos sa Iglesia?
3. Bakit ito dapat gawin ng bawat Cristiano? (30 min)
Ikuwento-Pagkuwentuhan-Ipakuwento ang Changed-Man Story.
Ano ang nagustuhan mo sa kuwentong ito? Bakit?
Saang bahagi ng kuwento medyo napaisip o nalito ka? Bakit?
Ano ang natutunan mo tungkol sa Diyos (kay Jesus) sa kuwentong ito?
Ano ang natutunan mo tungkol sa tao sa kuwentong ito?
Ano ang dapat mong sundin sa kuwentong ito?
Paano mo maaalala ang kuwentong ito?
~ 102 ~
Kanino mo gustong ikuwento din ito?
4. Saan ka magsisimula? (15 min)
Kanino mo ikukuwento ang Story of God sa susunod na mga araw? Kailan mo ito gagawin? Sino ang isasama mo?
Maglaan ng ilang minuto para ipanalangin sila na baguhin din ng Diyos ang buhay nila tulad ng ginawa niya para sa iyo. Sama-samang manalangin.
DAY 1 PART 2 – PAANO NATIN ITO GAGAWIN? (2 HRS)
5. Anu-anong hakbang ang puwede nating sundin? (30 min)
Ipakita sa kanila ang Process Overview.
Huwag munang ipaliwanag sa kanila. Bigyan sila ng ilang minuto para tingnan at subukan
kung may isa sa kanila na kayang ipaliwanag kung ano ang naintindihan nila sa proseso.
Ipaalalang ang Steps 1-4 ay pagsasanayan ngayon at ang Steps 5-8 ay sa susunod na bahagi
ng training.
Ipaliwanag nang kaunti kung may kulang pa sa pagkaintindi nila sa proseso. Sagutin din ang
ilan sa kanilang mga tanong.
6. Magsanay tayo (1 hr 20 min)
Puwedeng magpakita ka muna ng “demo” bago sila ang gumawa.
Magbigay ng ilang minuto para makapag-practice sila. Gawin ito sa ka-partner.
Maghalinhinan at magkaroon ng kaunting evaluation.
Hilingang isa o dalawa sa kanila ang mag-practice sa harap ng grupo.
Pagkatapos, magkaroon ng kaunting evaluation. Puwedeng tanungin, “Anu-ano ang nakita
n’yong maganda nilang ginawa?”; “Anu-ano pa ang sa tingin n’yo ang puwede nilang
paghusayan?”
7. Gawin mo na! (10 min)
Ano ang nararamdaman mo ngayon? Takot? Parang hindi ko kaya? Ano ang naaalala n’yo sa
Story of God na magbibigay sa atin ng lakas ng loob o encouragement para magawa ito?
Ngayon naman ay ipanalangin ang bawat isa na puspusin ng Banal na Espiritu para maging
epektibong saksi para kay Cristo sa kanilang kapamilya o kaibigan na binanggit kanina na
babahaginan ng Story of God.
~ 103 ~
Ipaalalang sa susunod na bahagi ng training (pagkatapos ng isa o dalawang linggo),
inaasahang lahat (o halos lahat) ay nakasunod na sa utos ni Jesus na ibahagi sa iba ang Story
of God.
DAY 2 PART 1 – ANONG NANGYARI? (30 MIN)
Gawin ito isa o dalawang linggo pagkatapos ng training. Magkikita-kita ulit ang magkakagrupo
para ibahagi ang nangyari. Tiyaking halos lahat ay nagkaroon ng pagkakataong maisagawa ang
itinuro sa training.
1. Anong nangyari?
Ano ang nakita n’yong ginawa ng Diyos sa pagbabahagi ninyo?
Ano ang naging tugon nila? May magsisimula na ba ng 12-Week Story of God?
Sa pagbabahagi n’yo, saan kayo nahirapan? Paano kayo tinulungan ng Diyos?
May plano ba kayong balikan sila?
Anu-ano ang dapat nating ipanalangin para sa kanila?
Sino ang hindi pa nakapagbahagi? Ano ang naging hadlang? Kailan mo planong ibahagi ito?
Maglaan ng ilang minuto para magpasalamat sa Diyos at hilingin ang patuloy na pagkilos niya
sa grupo at sa mga bagong grupo na masisimulan.
DAY 2 PART 2 – PAANO NATIN ITO ITUTULOY? (3 HRS)
2. Paano manguna sa pagkukuwentuhan? (1 hr)
Tingnan ang guide para sa Leading Story Groups
Anu-ano ang nakita n’yong kahalagahan ng paggamit ng mga “kuwentuhan” bilang paraan ng
pagbabahagi at pag-aaral ng Salita ng Diyos at pag-akay sa ibang maging tagasunod din ni
Jesus? Paano n’yo ito naranasan sa inyong story group?
Kung mayroon pang hindi nabanggit, puwedeng basahin ang nakasulat sa “Bakit mabisa ang
paggamit ng kuwentuhan?” Pagkatapos banggitin ng isa, itanong, Paano n’yo ito naranasan?
Pagkatapos, pag-usapan at talakayin ang mga nakasulat sa…
Ano ang kuwentuhan?
Para saan ang kuwentuhan?
Paano gawin ang kuwentuhan?
~ 104 ~
3. Magsanay tayo (1 hr 20 min)
Demo. Puwedeng magpakita ka muna ng “demo” bago sila ang gumawa.
Role-Play. Magkaroon ng “role-play.” Tanungin kung may isa o dalawa sa kanila ang
puwedeng manguna sa pagkukuwentuhan gamit ang “Changed-Man Story” at ang pitong
tanong.
Evaluation. Magkaroon ng evaluation pagkatapos ng role-play, Ano ang nakita n’yong
maganda niyang ginawa? Anu-ano ang puwede pa niyang paghusayan?
4. Paano manguna sa pagsasanay? (20 min)
Magbigay ng demo kung paano gagamitin ang MAWL principle sa pagsasanay, bilang Lead
Trainer (LT) ng iba pang mga trainers (T) ng Story of God. Ipaalalang ang goal nito ay
multiplication.
5. Kailan ito matatapos? (20 min)
Ang training ay hindi magtatapos dito. Magpapatuloy ito hanggang sa pagdating ng
Panginoong Jesus. Mangyayari ang training sa regular na pagtitipon ng grupo para ituloy ang
pag-aaral ng Salita ng Diyos (12-Week Story of God’s Church at 12-Month Story of God),
pagpapatibay ng relasyon sa isa’t isa, pagpapaalalahanan at pagpaplano kung paano patuloy
na maibabahagi ang Story of God sa iba.
Sa pagtatapos, tanungin ang grupo kung ano ang nakikita nilang gagawin ng Diyos (vision) sa
buhay nila, sa pamilya nila, sa church nila, at sa lugar nila kung isasagawa natin ang lahat ng
natutunan natin sa training na ito. Sama-samang ipanalangin na ganito nga ang mangyari.
~ 105 ~
References Distant Shores Media (http://distantshoresmedia.org).
Open Bible Stories: http://bit.ly/17e6nDA
Bible Illustrations: http://bit.ly/XPxHp7 (courtesy of Sweet Publishing –
http://sweetpublishing.com)
Storying Training for Trainers (http://st4t.org).
Garrison, David. Church Planting Movements: How God is Redeeming a Lost World. Special
Philippines Edition. Midlothian, VA: WIGTake Resources, 2004.
Mind Tools. “Active Listening: Hear What People are Really Saying” (http://bit.ly/12hpCvV).
Muir, Bill. “Three-Story Evangelism” (http://bit.ly/12jdbvI).
Orality Strategies (http://oralitystrategies.org).
Payne, Jervis David. Discovering Church Planting: An Introduction to the Whats, Whys and Hows of
Global Church Planting. Colorado Springs, CO: Authentic, 2009.
Soma Communities. “The Story-Formed Way Leaders’ Guide” (http://bit.ly/17e8vLw).