Vancung, Pathian Inn

Dawh

Hngakchia caah BibleAchuahtu

Attial tu: Edward hughes

Hrilhfiang tu: LazarusAlastair Paterson

A hmangtu: Sarah S.

Alettu: Hre Ling

Achhuah tu: Bible for Childrenwww.M1914.org

©2020 Bible for Children, Inc.Lisen: Hi tuanbia hi Zawr awk si lo in hman awk ah copy

le print tuah khawh a si.

Jesuh nih vawlei i a rak um lioah, a lamkaltu hna kha vancung kong a rak chimh hna. “Ka Pa Inn”, tiah a rak ti hna i, khaan tampi a um ti zong a rak chimh hna. Khaan (mansion) timi cu, ‘aa dawhmi inn’ tinak a si ko. Vangcung cu vawlei cung zeibantuk inn nakhmanh in,

a kau deuh i aa dawh deuh.

Jesuh nih hitihin a rak chim: “Nan caah hmun remh ding in ka kal lai. Ka remh dih tik ah ka ra than lai i kan kal pi hna lai. Cun, ka sin ah nan um cang lai.”

Thihnak in athawhtthan hnuah khan Jesuh cu vancung ah a kai taktak. A lamkaltu hna i an mithmuh bak ah, Jesuh cu van ah cawi a rak si, cun minmei nih a hunphenh i an hmu kho ti lo.

Cu ri cun, Khrihfa hna nih Jesuh biakam ningin a ra tthan lai i, a kan kalpi lai tiah an hngalh peng. Jesuh

nih an ruah lo caan ah ruahphak lo in kara tthan lai, a ti. Sihmanhselaw,

Amah a rat hlanah a thimikhrihfa hna kong tah, zeitin

dah a si lai? Bible nihJesuh sinah an kal colh

ko, tiah a kan chimh.Pumsa in kan umti lo cu, Bawipa

he kan um cangtinak a si ko.

Pathian he an um cang

Bible chung i a hnu bik a simi Biathlam cauk nih, vancung khuaruahhar a sizia cu a kan chimh. Khuaruahhar bik a sinak cu, phundang tein a um i, vancung cu Pathian Inn a si. Pathian cu khuazakip ah

a um ko nain aBawitthutdan

cu Vancungah a um.

Vancungmi hna le vancung i a ummi hna nih Pathian cu vancungah an biak. Pathian minung A thi i, vancung a kai cangmi hna zong nih an biak ve. Annih nih phundangte a simi Pathian thangtthatnak hla kha an sa.

An sakmi hla chungin a bia acheu cu hihi an si. “NANGMAH CU THANGTTHAT AWKAH NAA TLAK , ZEICAHTIAH NA THISEN IN MIPHUNKIP LE RAMKIP CU NA KAN TLANHI, SIANGPAHRANG LE TLANGBAWISI DINGIN PATHIAN SINAH NA KAN PHAKTER”. (Biathlam 6:9)

Bible cauk a donghnak bik cahmai ah Vancung cu, “Jerusalem Thar” tiah a chim. A ngan tuk hringhran i, vampang sangpi in aa kulh. A vampang cu Jasper lungvar a si i, tleng lakin hmuh khawh a si.

Vampang a hram cu lung mansung le lungvar hna in khuh a si, a dawh ngaingaimi a si i a tleu in a tleu. Khuapi kutka hna cu sui lungvar tlangkhatpi lawng a si!

Cu sui lungvar kutka hna cu zeitik hmanhah khar an si bal lo. A chungah lut in zoh tuah usih. A va lianngan hringhran dah! Vancung cu a chung aa dawh

chinchin lai. Khuapi cu sui fangfak a si. Thlalang thiangmi bantuk

a si. Khuapichung tlalanghmanh sui in

sermi a si.

Pathian Bawitthutdan in a thiang le aa dawh mi nunnak tiva a luang. Tiva kam khatlei veve ah nunnak thingkung an um, cu thingkung cu Eden dumchungah rak hmuh hmasa bik mi a si. Hi thingkung cu phundang ngaingai a si. Theitlai phun hleihnih lengmang a tlai i, thlakhat ah phun hleihnih lengmang a tlai. Nunnak thingkung i a hnah cu miphun vialte

caah damnak a si.

Vancung nih cun ceunak caah nika le thlapa a herh hna lo. Patian sunparnak nih khuaruahhar ceunak in a khahter. Zan zeihmanh a um ti lo.

Vancung ah cun saram hna hmanh hi an i dang ngai. An dihlak in an ngam i, komh awkttha an si dih. Cenghngia le tuufa hna nih ram an ei tti. A tthawng ngaimi chindeih hmanh nih cawtum bantukin capawl a ttam ve ko. Bawipa nih hitihin a chim: “Ka tlangthiang ah cun, fahnak an i pe lai lo i, rawhralnak zong an i pe lai lo”, a ti.

Khua kan cuanh tikah, vancung ah a chambaumi thil an um ti kan hngalh. Thinhunnak bia theih a um ti lo. Aa si thiam ahohmanh an um lo, mah zawnlawng ruatmi zong an um lo. Inn ka vialte zong tawh hrenhan umlo, zeicahtiah vancung ah cun mifir an um lo.

Vancung ah cun, lihchimmi zong an um lo, lainawngmi zong an um lo, eithiam zong an um lo, mitthalo zong an um lo. Vancung ah cun zeibantuk sualnak hmanh a um hrimhrim lo.

Vancung ah Pathian he cun mithli tlaknak a um ti lo. A caancaan ah cun, Pathian minung hna cu fakpi in an ttap tawn, zeicahtiah hi kan nunnak (atu kan nunnak) caah hin an ngaih a chia tuk hringhran. Vancung ah cun Pathian nih mitthli vialte a hawh dih lai.

Vancung ah cun, tthihnak zong a um ti lo. Pathian minung hna cu Bawipa he zungzal in an um thluangthluan lai. Ngaichiatnak, ttahnak le fahnak zeihmanh a um ti lai lo. Zawtnak a um ti lai lo i, tthennak zong a um ti lai lo, ruakvui zong a um ti lai lo. Vancung i a ummi vialte cu Pathian he an i lawm zungzal ko.

Vancung a tthatnak bik cu, ngaknu le tlangval caah a ttha khun i,upa ca zongah a ttha thiamthiam ko. Annih nih Jesuh Khrih kha an zumhi, Bawipa le Khamhtu ti in a nawl an ngaih dih.

Vancung ah cun cauk pakhat a um i, ‘Tufa Nunnak Cauk’ tiah kawh asi. Cu cauk cu minung min lawngte in a khat dih. Cuka i min ttialmi cu ahodah an si na hngal maw? Jesuh ah bochannak (trust) a ngeimi an si. Nang na min a um ve maw?

Vancung kong ah Bible a donghnak bia cu, khuaruahharmi Sawmnak a si. “Thlarau le Monu nih

cun, ‘Ra ko!’ An ti. A theimi kip hna zong nih ‘Ra ko!’, ti cio hna seh. Ti a halmi paoh cu ra ko seh, man loin

nunnak ti a duhmi poah nih cun ding ko hna seh.”

Vancung, Pathian Inn Dawh

Pathian bia ah kan hmuh mi tuanbia hi, Bible,

chung ta a si

Johan 14; 2 Korin 5; Biathlam 4; 21; 22

“Na bia thiang nih ceunak a pek.”Salm 119:1330

Adonghnak

Hi Bible tuanbia nih, khuaruahhar a si mi, a kan ser tu Pathian kha hngalh ter a kan duh. Pathian cu thil ttha lo kan

tuah mi kha a hngalh, a ttha lo mi tuah cu sualnak a si. Sualnak man cu thihnak a si. Sihmanhsehlaw, Pathian nih a kan dawt tuk caah Afapa ngeihchun Zesuh Krih a kan pek i,

kan mah aiawh in vailam cung ah a thi. Cu hnu ah thihnak in a tho tthan i, van cung ah a kal! Zisuh Krih kha na zumh i, na sualnak kha na ngaihchih ah cun an ngaihthiam ko lai! Na sin ah a ra lai i, nan um tti lai. A mah he zungzal nan um tti lai. Na sualnak kha kal tak na duh ah cun, hitihin Pathian sin ah thlacam: Dawt tu Pathian, Zesuh Krih cu ka caah a thi i, a tho tthan cang. Maw Bawipa, ka sin ah ra law ka sualnak

viatle kha ka ngaihthiam ko. Maw Bawipa, zungzal nunnak ka ngei i na sin ah zungzal ka um nak hnga, ka sin ah ra law, ka sualnak kha ka ngaih thiam ko. Na fapa bantuk in ka nun

khawhnak hnga ka bawmh ko. Amen.

Nifatin Bible rel law Pathian he i chawn uh. Johan 3:16