Unless otherwise indicated, all Scripture quotations are taken from THE AMPLIFIED BIBLE: Old Testament.

Copyright © 1962, 1964 by Zondervan Publishing House (used by permission); THE KING JAMES VERSION; and from

THE AMPLIFIED NEW TESTAMENT Copyright © 1958 by the Lockman Foundation

(used by permission).

Copyright © 2014 by Joyce Meyer Ministries – South Africa

All rights reserved. No part of this publication may be reproduced, distributed, or transmitted in any form or by any means, or stored in a database or retrieval system, without the prior written

permission of Joyce Meyer Ministries – South Africa.

Joyce Meyer Ministries – South AfricaPO Box 5, Cape Town, 8000

Phone: +27 (0) 21 701 1056Website: www.joycemeyer.org

Go to tv.joycemeyer.org to watch Joyce’s messages in a variety of languages

Tell Them I Love Them – BembaNot For Resale

IfIlImo

Amashiwi Yantanshi 4

1. Lesa Alikutemwa 5

2. Ndi Uwalinga? 9

3. Ukutemwa Kubishanya 14

4. Ukutemwa, Ukucetekela Necisumino 18

5. Ukulubuka Kumwenso 23

6. Ukutemwa Kulasanduluka Ukutemwa 27

7. Ukutemwa Kwakwa Lesa Kuka Kwalula 32

Kwata Ubumi Ubupya 35

Ipepo Elyepusikilo 36

Pa Walembele Ici Citabo 37

4

AmAshIwI YAntAnshI

Nalicetekela ukuti abantu bafwaisha ukucila palifyonse ukusokololwa kwa kutemwa kwakwa Lesa kuli bena. Nalicetekela ici ecaba ishintililo lya bwina Kristu. Tatushintilila pa kwishiba kwapalwesu ukukuma kukutemwa kwakwa Lesa, tufwaisha ubusokololo. Umupashi wamushilo fye ewinga tulanga ilyo lintu cina umo umo uwabaifwe pamo nga basumina, tulebebeta pakutemwa kwakwa Lesa, ilyo tuleikala mukutemwa nelyo lintu tulefwaya ukwishiba ukupitila mu cebo cakwa Lesa namwi pepo.

Caliba icayanguka ukusumina ukuti Lesa alitemwa icalo conse icakuti atuma Yesu ukwisa tufwila. Lelo cili ica kosako panono ukucetekela ukuti nga wali fye weka pesamba lyachalo, ukuti Lesa alikutemwa sana icakuti nga alitumine Yesu ukwisa kufwila iwe weka fye. Panuma yamyaka iingi iya kuba umwina Kristu uwakalifiwa, nalishile ishiba ukutemwa kwakwa Lesa. Lesa muluse Iwakwe asokolwele, ukupitila muli mupashi wamushilo, ukutemwa kwa kwe paliine.

Ndecetekela ukuti ifyo mulebelenga muli ici citabo filemupela ubwishibo bupya elyo nokumfwkisha ukutemwa kwakwa Lesa. Ndecetekela lcicitabo cikamulenga ukuba abakufwayisha ukukwata ukusokolola kwapalwenu. Ndemukonkomesha ukubelenga ici citabo panono panono, ukucibomfya nge cakumwafwa ukusoma elyo nokubebeta pa malembo yali mufipandwa ifikonkelepo.

Ici citabo capelwa kuli iwe mukuicefya, ndimuntu wafye kano fye umwine elyo asokolola elyo nokumfwikisha kwa cebo cakwe, nikuluse lwakwe ulwa kulisha.

5

1

lesA AlIkutemwA

“Eico Lesa atemenwe abapano isonde, apele umwana wakwe uwafyalwa eka, ukuti uyo onse uwasumina muli ena takonaike, lelo akakwata umweo wamuyayaya.” - Johane 3:16

Lesa afwaya ulupwa, eico atupangile ukuba abana bakwe. Tafwaya ifwe ukucita nga bana, abanono lelo afwaya ifwe ukushintilila pali ena umupwilapo nakabili afwaya ifwe ukuya kuli ena ilyo tuli mukukabila. Afwaya ukwampana naiwe.

Abengi abaifwe twasenda Johane 3:16 mukwanguka, “Ee, cacine, nalishiba Yesu afwilile abantu bonse,” lelo tatuli ibumba lya bantu fye Yesu afwilile pesemba lya chalo. Afwilile umo umo uwaifwe. Alikufwilile!

Nga cakuti niwe weka walipo pesemba lya chalo, nga afwilile fye iwe. Nga apitile mukucushiwa pamulandu obe. Afwilile lwe! Lesa alikutemwa umuyayaya.

Ubushiku bumo naile pamusebo ndeensha elyo, Lesa asosele kumutima wandi ati “Joyce, uli mboni yapa linso lyandi.” Nshaishibe ukuti ililembo lyaba mubaibele. Elyo ciwa aleta itontokanyo panuma ukuti, “bushe ico tecilumba? Niwe ani?” nailwike ukuti twaliba abaibelako, twalipalwa, twalipelwa ifyabupe. Cina umo umo aliibela, twapangilwe kuli Tata wesu uwakumulu kuli umo nomunankwe.

6

Ilyo nali ndetontonkanya palwa ici, Lesa andangile icikope kumuntontonkanya ica mukashana naiminina mwituka mupepi nomupile wama apples. Uyu mukashana aLesala ukumona iapple ilisuma ilyo enga sanga. Ico Lesa alesosa naine cakuti nali iapple ilisuma sana, nali uwaibelako. Cileumfwika icishalungama, lelo, Lesa asosa ifi kuli ifwe bonse. Tacilepilibula ukuti pantu ulimupepi, elyo aba bonse abashala tabali bwino. Bonse twalitemwikwa kuli Lesa. Ayamashiwi yaba mucebo cakwa Lesa na kabili icebo ca muntu onse. Ulimboni yapalinso lya kwa Lesa.

Nshapokelele ico Lesa asosele kuli ine pantu naleyumfwa uushalinga natontonkenye ukuti ndiuwa cepako. Panuma yanshiku shibili, nakupukwile Baibele yandi pa Amalumbo 17:8, palya nasangile amashiwi yaleti: sungeni nge mboni yapa linso lyenu, nfiseni mwisamba lya cintelelwe camapindo yenu.” Natile, “Yangu, ni Lesa cine cine, ndimboni yapalinso lyakwe.” Nayumfwile ukuba uwatemwikwa panshita ntali ilyo lyonse lintu natontonkenye palwa ici.

Abantu balafuluka, kabili bafwaisha, ukutemwikwa. Lesa atupangile nokukukabila. Abantu abengi balisumina ukuti Lesa alitemwa icalo nokuti alitemwa Yesu, lelo balacisanga icakosa ukucetekela ukuti alibatemwa Lesa. Nakuba icebo cisambilisha ukuti Lesa alibatemwa ukulingana nefyo atemwa Yesu. Alikutemwa ngefyo atemwa Yesu. Natumone Yohane 5:20: “Pantu Wishi atemwo Mwana, kabili amulanga fyonse ifyo umwine acita.

Ne milimo iyacisha ifi akamulanga, ukuti imwe musunguke.”

Lesa asosa ukuti “Ndecita ifi fintu ifikulu ukupitila muli Yesu ukuti musunguke” (amashiwi ya kwakalemba waicicitabo). Bushe walishiba ukuti calibafye bwino ukusunguka pafintu fimo, ukupapushiwa pafyo Lesa alecita?

Tulabelenga aya amalembo, lelo ilingi line tatumfwikisha ico Lesa alefwaya ukutucitila. Alefwaya ilyo twamona imilimo acitile ukupitila muli YESU tulesunguka no kusosa ukuti, “Yangu, mwe Lesa yaliwamisha imilimo mwacitile ukupitila muli Yesu.” Eico

7

afwaya iwe ukubelenga Yohane 14:12 apo Yesu asosa ukuti “Uyo onse uusumina muli ine, fyonse ifyo ndecita naowine akacita, kabili akacita imilimo iikalamba ukucilamo, pantu ndeya kuli Tata.”

Lesa akacita ifintu fyalinganako ukupitila muli iwe, kabili ukacita ifikalamba pantu YESU aliya kuli Wishi, Wasumina ico? Walisumina mucine cine ukuti Lesa alikutemwa nokuti kuti akakubomfya?

Shikulu ashimikile ine akasuba kamo ilyo nalebelenga kabili atile, “Joyce, ndacitila abantu ifintu ifingi cilabushiku pantu nalibatemwa, lelo tabeluka iyoo. Tabeluka iyoo. Tabamona incitilo yandi nakalya. Nala pela icakumwenako. Lyonse njeba akusuba ati ‘Akubala, ncitila Joyce, Betty, Jamie, na (bikapo ishina lyobe).”

Iminina no kutontonkanya palwaico. Akasuba kabalila iwe mu mulu. Ee, akasuba! Nakabili twacisenda fye mukwanguka. Twalishiba ati akasuba kalabala, kabalila iwe. Ilyo imfula yaisa munshita yamfula, ilokela iwe. Ilyo snow yaisa iwe. Lesa alikutemwa sana.

Amalango 7:9 isosa kuti,“Ishiba ukuti shikulu Lesa, ni Lesa wachishinka, uwacishinka,

uwacitile cipangano no luse no kutemwa abasunga amafunde yakwe kwikana limo ilya nkulo.”

Uletontonkanya ikana lyankwulo kuti yaba iyalepa ukuti unonke ukutemwa kwakwa Lesa? Mona ni Lesa wa muyayaya, kabili teti ushe Lesa iyoo. Abengi abaifwe tutontonkanya ukuti twalimusha Lesa umulandu wafilubo fyesu no kukana fikilisha, lelo tekuti ucite ico. Ukutemwa takupwa, tekuti uleshe Lesa ukukutemwa, ukutemwa tecintu Lesa acita, ecintu aba.

Nangu uwa kowela, umubembu uwabalile ukwenda pachalo kabili afwishile Yesu amatemumenso no kusosa ukuti, “Nshikwete cakucita icili conse naiwe.” Ndiuwaikushiwa nokuya Poswa mwlibemba wamulilo” Lesa alimutemwa. Eco chinshi engakana ututemwa abasalwa bakwe kabili aba bikwa pambali ku kucita imifwaile yakwa Lesa.

8

Nalimo naulandu ukuti, “Nalipokelela Yesu mumutima wandi, elyo nali mutemwa.” Lelo ndekwipusha, ubukulu bwaba shani ubwa citetekelo cobe ukuti Lesa ali kutemwa?

Ubu bukombe ubwayanguka sana kuli iwe. Lesa alikutemwa. Iyi ni mfundo yakubalilapo iyo Lesa alebika muli iwe pakuti umfwikishe fyonse.

Temulandu nefyo ulesambilila kabili no kusoma no kufwaya ifintu fyakwa Lesa, nga cakuti tawasumina ukuti Lesa alikutemwa ninshi fyonse fyafye. Ukutemwa kwakwa Lesa kuli iwe eshintililo lya citetekelo cobe, ukulubuka kulubembu no kuba uwaiteyanya mumulimo wakwebako bambi ukwabula umwenso. Kuti wapokela ukutemwa kwakwa Lesa kuli iwe?

Lesa alikutemwa!

9

2

ndI uwAlIngA? “Isubilo talitulekelesha nangu ukutokopele nangu ukutulenga insoni,

pantu ukutemwa kwakwa Lesa kwapongoiwelwa mumitima Yesu ukupitila muli Mupashi wapelwa kuli ifwe.

Ilyo twali ababunake (ukwabula amaka yakuyafwa) panshita iyalinga Kristu alitufwilile (pambaliya) bashaishiba Lesa.

Nomba cilicaibelako kuli umo ukupela umweo wakwe pamulandu wamuntu uwalungama, ukuba nalino uwingaipela apafye pakuti nakwata ukutemwa lyena kuti afwa. Lelo Lesa alilanga apabuta (ukwakwe) ukutemwa kwakwe kuli ifwe pa mulandu wakuti ilyo twali tucili ababembu, Kristu (Mesiya, uwasalwa) alitufwilile.

Eico, apantu twalilubuka (ukwabula umulandu, twalilungamikwa kabili twalyampana na Lesa) pa mulandu wamulopa wakwa Kristu. Kutitwaba abashininkisha (ukuti cine cine) tukapusushiwa kubukali bwakwa Lesa.

Pantu nga twali abalwani twalibwenshiwa kuli Lesa ukupitila mumfwa ya mwana wakwe, calishininkishiwa (cacine), nomba twaliwikishanya kuli Lesa, tukapusushiwa (ukupokololwa kulubembu) ukupitila mu (kubushiwa) bumi bwakwe.”

Abena Roma 5:5-10 (AMP)

10

Fwebengi kuti twasumina ukuti Lesa alitutemwa ilyo tushilelufyanya. Abantu abengi tabaitemwa sana, eco basondolwela ukuti Lesa tekuti atemunwe. Lelo Baibele isosa ukuti (Amalumbo 8:4) Tulifibumbwa fyakwa Lesa fye, kabili alitutemwa pantu alitutemwa. Lesa kutemwa (1 Yohane 4:16).

Alikutemwa, kabili waliibelako. Ukoekuti walipusanako nokwibela, taufwile ukuba nga ine. Kabili nshilingile ukuba ngaiwe kuti twaba ababulanda ngatulefwaya ukupala bambi. Eco cipala satan ciwa amaka yakukweba ifyo tauli uwalinga. Kuli Lesa taulingile ukuba

“uwalinga”.

Bushe Yesu akufwilile umulandu wakuti wali uwacindama no kuyemba, atemwa alikufwilile pantu alikutemwa? Baibele ilanda ukuti nga alikutemenwe icakutila alikufwilile, cili icacilapo. Ukuyafwa uwa bulu umulundu pakuba pamulopa wakwe, bushe nomba alikutemwa? (abena Roma 5:8,9). Alikutemwa icakuti alafimba pa menbu shobe ishinono cila bushiku. Alikutemwa icakuti alekwafwa mumaka nobupalume ukucimfya muli buno bushiku.

Lesa anangile icakumwenako ubushiku bumo ifyo amona ifilubo fyesu nokukana pwililika kwesu. Elenganya umwana uwa myaka itatu atemwa ine, lyonse amona uko nyina alebomba imilimo yapa nganda. Alitemwa banyina sana icakuti abula imbeketi yamenshi iinono ne nsalu iinono atampa ukuwaamya iwindow lyena abula amapepala alapukuta.

Nokucilisha, ashingenye fye isopo, kabila ngawalolesha ifyo acitile, abonfeshe insalu yobe iya kuwamishako, kuti wafwaya ukumupota umukoshi. Lelo aisa kuli iwe neshiwiiyakwe iliisuma kabili ilinono ati “Mayo mayo, ninsamfya windo. Nimyafwa incito nimomba sana. Nalimitemwa mayo.” Nyina uwakwato kutemwa kuti atila “Iyee, wacita bwino, natotela pakungafwa.” Lyena lilya umwana aleangala kumbi, nyina kuti awamya nokuko nkomesha umwana wakwe ifyo talingile kubwekeshapo nakabili.

Lesa anjebele ukuti efyo atucitila lyonse alawamya nga twalanfya.

11

Nga cakuti ulecita ifisuma, Eco Lesa enekela kuli ifwe. Tenekela iwe ukucita ico ushinga kwanisha. Kuti akwalula nga uli uwaitemenwa ukuti, walilungama Lesa, ine ninduba “ninjesha lelo nshilealuka.” Lyena kuti a kwafwa pantu teti uilungamineke ukwabula ukwafwa kwakwe alishiba.

“Pantu uyo Lesa atumine alande fyebo fya kwa Lesa; pantu Lesa tapelelo mupashi ku mulingo.

Wishi atemwo Mwana, kabili napela fyonse mu minwe yakwe.”

Yohane 3:34, 35

Ubushiku bumo ilyo nale belenga nalebebeta pali uyu musela nalilile ifilamba fya buseko ilyo nailwike ukuti Lesa tatupela mupashi uwapimwa. Tatupela utunono palya na palya.

Asosa ukuti, “Senda fyonse ifyo nkwete.” Ifili fyonse Lesa kuti akupela lelo, amaka nangu ukutemwa. Alikwata fyonse ifyo ukabila kabili alefwaya iwe upokelele pantu alikutemwa. Taufwile ukuba uwalinga iyoo pantu teti ube uwalinga, Lesa alefwaya ukukupela pantu alikutemwa.

Amalango 7:6,7: “Pantu muli uluko ulwashila kabili abantu abasalwa kuli Shikulu Lesa, shikulu Lesa wena alimisala ukuba abantu abaibela kuli ena ukufuma mu bantu bonse.”

“Shikulu tabikile ukutemwa pali imwe pantu mwali a bengi ukucila abantu bambi, mwali abacepako pa bantu bonse.”

Lesa asalile abena Israel ukuba abantu bakwe abaibela, kabili pamo nge cilonganino, tuli bana ba Israel aba kumupashi ilelo eico ililembo lyenu naimwe kwati bena. Alandile ati nshamisalile pantu mwali umutundu uukalamba pesamba lya chalo. Kuli ifwe ililembo lileti, nshamisalile pantu mwacitile fyonse mukulungika nangu pantu mwaliyemba.

Atwalilila ukuti bali a banono mumpendwa mucishinka, ngawali kwati ine, limbi ngawa tontonkenye ukuti wali uwabipisha intanshi taula pela ubumi bobe kuli Lesa. Lelo umusela 8 (yaambulwa ukufuma

12

mu AMP Baibele) Lesa asosa ukuti, “Pantu Lesa alikutemwa na kabili akasunga umulapo alaile kufikolwe fyenu. Shikulu akufunishe mubusha, kukuboko kwakwa Farao imfumu yaku Egupti.”

Uko kulanda kwakucimfya, Lesa asosa ukuti nabika ukutemwa kwandi pali iwe, kabili nakwebele uli washila, nakwebele ukuti waliibela, nalikusala, tepa mulandu wakuti ulacita icisuma nangula waliyemba, lelo pantu nalikutemwa. Nawishiba ico Lesa alefwaya ucite ilelo? Alefwaya usumine nokupokelela ukutemwa kwakwe Abengi abaifwe, ubwafya bwesu bwakutila tatwaitemwa. Tatucetekela ukuti Lesa alitutemwa, nokuti bambi kuti batutemwa. Tulangulu ka ifyo kuti batutemwa shani ilyo tuli bafilubo? Nga wacetekela ifyo walikowela elyo uli mubi, netontoonkanyo lyobe line nencitilo yobe yakulalola kulaba ilya ndoti kabili iyibi.

Ubwafya bwandi bwali ukukana itemwa, 75 parecent uwa nshita yandi naleesha ukuyalula. Naletontonkanya ukuti nalelanda sana eco naleikala tondolo, lelo naleumfwa ukupopomenwa, naonse alefwaya ukwishiba ico na letalalila tondolo. llyena mumutima naleti, mulanda ati nali landikisha, ndekeni fye neka, ndeesha ukwikala tondondolo.

Tekuti myebe imyaka napitilemo ilyo nalecite fyo kabili lyonse akanwa kandi kalembika mubwafya abantu abengi abalanda sana baupwa kuba shilanda landa. Cilalenga ukumoneka kwati ulalanda sana, satan ciwa lyonse akula kwibukishako, uko ekuyumfwa uwa mulandu.

Lesa afwaya iwe ukulubuka kuku yumfwa uwa mulandu, lelo ulingile ukukwata icisumino. Bushe walishiba ukuti temulandu nefyo wingayumfwa shani uwamulandu, tapali ici kalula ububi wacitile? Caliba icakosa sana ukucetekela ukuti Lesa alitkutemwa nagu winga cita icintu calubana.

Inshita yonse satan chiwa alekomaila muma tontonkanyo yobe pafyo wakowela nefyo wabipa. “Wabwekeshapo,” efyo asosa,

“uletontonkanya ukuba niwe ani? Lesa takakupale, uli wakowela we cimuntu cikote umuntu umukote. Tekuti ushimikile kuulionse nomba.

13

Tekuti ucite icalinga iyoo.”

Ici cikabila ubukose kumuntu wamukati ukwima nokusosa ukuti, “Tata, naliluba, nakabili ndelomba mu mulopa wakwa Yesu ukunjelela. Ndiwacishinka mumutima wandi, ndelomba ubwelelo. Chiwa fuma apa. Yesu alintula, kabili tacikuku mine iyoo,” lyena twalilila ukuba uwansansa, no kusekelela. Lelo kuti limbi ulelanguluka ukuti,” Efyo naletontonkanya, naine, mpaka nalekele ukuyumfwa uwa mulandu. Ilyo waleka ukuyumfwa uwa mulandu pafyo wacita, lyena ukaleka ukucita icabipa.

Ukuyumfwa uwa mulandu kulaku bwesesha panshi kabili ula popomenwa icakuti tekuti uyumfwe 24 umuntungwa. Cikabila ukushipa. Ulingile ukuba uwashipa nokuba uwa citetekelo.

Nokukana ukuyumfwauwamulandu. Ichiwa cikatila bushe uletontonkanya tawako mfwe ububi pali ico? Ninshi, kuti waumfwa ububi pakashita akanono fye. Cali cintu icibi ico wacitile.ico ufwile ukulanda kutila “Awe, nshilecetekela ico nshaumfwe ububi, palwa ico iyoo.” Efyo wasosa. Inshita yakubalilapo, caliba icashupa lelo cisendafye imikuitatu nelyo ine, ukacilabako.

Isaiah 53:5,6 na muli Amplified Baibele itweba ukuti ilyo Yesu asendele imembu shesu abulile aba lubembu lwesu (ico cilesanshako nabumpula mafunde bwesu). Ichiwa tacifwaya iwe ukuleka ukuyumfwa mpula mafunde. Mulandu nshi? Pantu ilyo uleyumfwa ukuba mpula mafunde tekuti uisanshemo mukutemwa kwakwa Lesa. Ukuyumfwa uwa mulandu kwiminina pakati kobe na Lesa nge cibumba chanshimbi. Tekuti umone Tata Lesa ilyo uleyumfwa uwa mulandu. Wakula monafye ukuyumfwa kobe ngo wa milandu elyo no lubembu pantashi yobe.

Lubukako kukuyumfwa uwa mulandu nakabili cetekela ukuti uluse lwakwa Lesa lwali fulisha kabili kuti kwafimba pa membu shobe, Alilaya. Alikutemwa, nakabili uluse lwakwe no bwelelo bupe bwafye. Pokelela lelo!

Lesa alikutemwa!

14

3

ukutemwA kubIshAnYA

“Kabili twalishiba (ukumfwikisha, ukwiluka, twaliba aba iluka, kukumona ificitika nefyo twapitamo) nokucetekela (ukwikalilila nokubika icitetekelo nokushintilila) ukutemwa Lesa atesa kuli ifwe. Lesa kutemwa, kabili uwi kalilila mukutemwa akekalilila muli Lesa, na Lesa akelilila muli ena.” - 1 Yohane 4:16

Kuti wailuka shani palwa kutemwa kwakwa Lesa? Temulandu nefyo akutemwa, ngata wilwike no kwishiba ici, tacaka kucitile icisuma. Walishiba ifyo cumfwika bwino ilyo umuntu umo akulanga ukutemwa? Ulayumfwa uwa nsansa kabili, uwacilamo ukuyemba ukuti ichalo conse cobe pantu nautemwi kwa, Lesa alikutemwa kabili alefwaya ukukulanga uku kutemwa. Alefwaya iwe ukuba nankwe cila bushiku.

Bushe wali kwata ukubishanya kwapa lobe na Lesa? Temulandu no kuti wali pusushiwa kabili ule kwata ukumfwana kusuma na Lesa. Ilyo naisula amenso ulucelo icintu cakubaliapo ntontonkanya ni Lesa ecaba icakulekelesha ilyo ndelala, kabili ntontonkanya pali Lesa munshita na munshita. Tapali cimbi ico ninga kabila muli ici calo conse, kamofye ukubombela Lesa no kumusekesha, ico ecalinga.

Mwaliba icipunda cabuLesa mukati kesu ico Lesa fye umwine enge susha. Takuli cimbi icinge kusha ukokukabila. Kuti wasosa ukuti,

15

“Nalishiba ifyo kale nalipokelela Yesu”. Lelo bushe ulemupokelela, panshita yonse,cila bushiku, mumibele yonse? Bushe ulepokelela ukutemwa kwakwa Lesa? Lesa ali kutemwa, nakabili wali ibela kuli ena. Atupangile ukuti tulebishanya nankwe. Ici ecikalamba icaba ukufwaya kwakwe kabili eco afwaisha palwakwe mu bumi bobe. Lyonse ulucelo mwisano atila kuli iwe, “Washibuka shani, Nalikutemwa.”

Umunandi alikwete icimonwa ilyo alepepa. Amwene Tata uko aleingila mumayanda yabantu baku America ilyo baleshibuka ulucelo. Ali uwaipekanya ukubishanya nabo nokulanda nabo. Abulile umupando mupepi netebulo aikalapo, abantu balibukile balifumine, kabili balingile. Batwalilila ukweba Lesa, “Pembeleniko panonofye. Mwe Lesa, panuma yancito nkwete ngayapwa nalalanda nenu. Nalabishanya nenu panshita imbi, mwe Lesa, inshita imbi mwe Lesa, imbi mwe Lesa”.

Icungulo, umukashana uwamwene ici ayumfwile ukubipilwa pantu amwene uko Lesa afumine uwabula insasa. Nakabili tapali uwalandile nankwe kalya kasuba.

Wilaba uwapempenkana, Ngataukwete inshita yakupepa nenshita yakuba na Lesa ninshi walipempenkana. Kwata inshita yakweba Lesa ifyo wamutemwa. Ilyo fyonse fikapita elyo kukaba ukupunda, kukaba fye Lesa. Epela fye. Ngataukwete ukubishanya na Lesa cikaba kucelwako. Ico tacilepilibula ukuti tawakaye kumulu lelo ukapusa ubuseko bwakwikala ngo mwina Kristu uwacimfya.

Kuti caba icalinga ngacakuti walipatwileko umwaka umo, ukaleke fwe Lesa akakutemwe. Leka ukwesha ukukwata icitetekelo mumaka yobe ukuba umwaume atemwa umwanakashi wamaka ne citetekelo.

Leka kabili bango mwaice umunono. Amfwila fye muceni cakwa Tata, leka Lesa akutemwe. Tekuti ubwekeshemo ukukutemwa mpakafye ilyo wamusuminisha ukuti akutemwe.

Yowani wakubalilapo 4:16 (AMP) asosa ukuti “Kabili tawalishiba (ukumfwikisha, ukwiluka, twaliba abalola na mufyo twapitamo)

16

noku cetekela (ukwikalilila ku nokukwata icisumino noku shintilila pafyo) ukutemwa kwakwa kwa Lesa kututesa”.

Bushe ilyo wacibuka ulucelo wacipatulako inshita yaku tontonkanya pafyo Lesa akutemwa? Limo ngawabuka ulucelo tauyumfwa uwakufwaya ukucita icili conse. Lelo ulekabila uku bomfya akanwa kobe ukubusha umubili nokuleka umuntu wakumupashi mukati kobe ukwima kabili no kucita ifintu ifisuma.

Eico ngawa buka ulucelo, ulingile ukusosa ukuti, “lyee, Tata, Ndatasha ukiti mwali ntemwisha, Ndatasha ukuti mwatumine Yesu ukwisa mfwila. Iyee, Tata, Ndatasha ukuti nalikwata Mupashi. Ndatasha ukuti amaka yaku bushiwa yaba mukati kandi. Iyee, Shikulu, Ndatasha pakuti konse uko ndeya mba ipalo.

Lesa, walintemwa. Walintemwa, muno mwine mun’ganda yandi iyi nono, mwalintemwa Ndimwana wenu uwaibela. Ndili mboni yapalinso lyenu. Mwalintemwa.”

Ulingile ukuisosha nokuba uwaibukila ukuti walishingulukwa nokutemwa kwakwa Lesa alipampamika icikope cobe paminwe yakwe. (Esaya 49:16 AMP).

Kuti namona mumulu alesosa ukuti, “Lolesha, ulemoma? Iyee, bushe temusuma? Nali mutemwa sana. Lolesha abana bandi muminwe yandi.” Alikubika muminwe yakwe nge cakumwi bukishako ifyo akutemwa kabili afuluka ukubishanya naiwe.

Ibukisha ukuba uwakutasha pantanshi yakwa Lesa kabili kula ukwampana kwakubishanya. Limo ulingile ukuwa ubukupeme mukuba ne pepo noku tasha Lesa pafyo wapusushiwa. Muli conse temwa Lesa. Belenga pali 1 yohani 4:16,17 AMP apo asosa ukuti,

“Lesa kutemwa, kabili uwikalilila mukutemwa ekalilila muli Lesa, na Lesa atwalilila ukwikalilila muli ena.

Muli ici (abaikatana nokuibimba pamo nankwe) ukutemwa kulafikilishiwa kuli ifwe kabili muku pwililika, pakuti tube abashika kubushiku bwabupingushi.”

17

Ukwishiba ukuti Lesa alikutemwa cilenga iwe ukuba uwashika muli Ene nokucetekela bucinshinka bwakwe.

Amapalo yonse yakesa ilyo lintu wasuminisha Lesa ukukutemwa; icitetekelo icapulamo, ukucimfya ulubembu, ukuposhiwa, ukutunguluka elyo no buseko. Ififikesa ilyo twasuminisha Lesa ukututemwa.inshita ishingi tulacimwena mukuti, “Kwena, mfwile ukumutemwa Lesa.” Ndecetekela icakubalilapo ulingile ukusuminisha Lesa ukukutemwa. Nshilecetekela ukuti kuti walumbulula ukutemwa kobe kuli Lesa Mpaka ilyo Lesa abala akutemwa.

Kuti nakweba ukuti ulebishanya na Lesa nokutila mucinecine ulekabila ukubishanya na Lesa, lelo nishani winga cite co? Ilyo Lesa anjebele ukuti mbishanye nankwe. Nafikilile pacipuna candi naikala nokusosa ati, “Nomba finshi ifi mwe Lesa?” Cacine! Nshaishibe ifya kubishanya pantu, nali ncili nshilaishiba ifyo Lesa antemenwe.

Nishani fintu winga londolola inkuntu shobe kubantu, mucinecine kuba temwa fye, ngatawishibe ngana bakutemwa? Lyena kuti pambi waba no mwenso wakukana moneka ngecipuba, wali belela abantu abenga kupokelela no kukutemwa. Kuti nalanda noku cita ifintu ku mwina mwandi ifyo nshingacita kuuli onse pantu nalishiba ukuti ali ntemwa.

Eco esha ukwaka ngo lutanda Pela Lesa inshita kabili akakufunda ukubishanya nankwe.

Ipushe ukuti, Bushe ndi uwakakuka kuli Lesa?

Lesa ali kutemwa!

18

4

ukutemwA, ukucetekelA necIsumIno

“Eico [nga tuli aba] muli Kristu YESU, ukasembululwa nelyo ukukana sembululwa tacili nakantu lelo, kano fye icisumino ukupitila muku temwa.” - Abena Galatia 5:6 (AMP)

Abengi baifwe tuposa inshita ukwesha ukukwata icitetekelo. Twalishiba ukuti ukwabula tekuti tusekeshe Lesa. (Abahebele 11:6), eco tulesha apo twingapesha ukukwata icitetekelo. Lelo icitetekelo caku mutima, ukupitila mukwampana kwaku temwa ukubishanya na Lesa. Tekuti nkufunde icitetekelo, lelo kuti nakufunda imfundo yaciko ubenensala yakucifwaisha. Icitetekelo cisokololwa ukufuma kuli Lesa.

Leka ukwesha namaka ukukwata icitetekelo, noku sekesha Lesa, kwata inshita mumaka yobe yonse ukuba na Lesa, ukumutemwa. Akasuba konse ulemutemwa kabili ulesuminisha Ena ukuku temwa.

“Pantu twenda mucitetekelo (tulabebeta imyeo yesu elyo nencitilo shesu ukulola kuku bishanya kwa muntu na Lesa elyo ne fyashila, mukuba no kucetekela ne cikuku ca mupashi, efyo tweenda) temukumona nangu ukumonekela.” - 2 Abena Kolinto 5:7

Ilyo lintu nalebelenga ililembo, Lesa atendeke ukulanda ifintu ifya

19

kupapusha ku mutima wandi. Ndesha ukwenda muci tetekelo. Mu fintu fyonse mu bumi bwandi ndefwaya ukwenda mucitetekelo. Baibele ya Amplified pa 2 Abena kolinto 5:7, pasosa ukuti,

“...tulabebeta imyeo yesu nencitilo shesu mukushingamwa nangula ici sumino cesu ukulola kuku bishanya kwa muntu kuli Lesa.”

Mu mashiwi yambi uko ekutila, ine nakulaenda mucitetekelo fye ukushintilila pafyo nasumina palwa kubishanya kwandi na Lesa. Bushe waumfw? Umuntu uwasumina ukuti talungama tekuti ende mucitetekelo. Umuntu uwa sumina ukuti mwambo uukote mu mushily nokuti Lesa tamutemwa nao wine tekuti endele mucitetekelo, iyoo. Abantu abengi balesha ukwenda mu citetekelo, lelo tabakwata ifintu fimbi mumitima yabo.

Abena Galatia 5:6 pasosa ukuti, Icitetekelo cibomba nakutemwa. Lesa abikile ici mu mutima wandi: “Bonse ba tontonkanya ukuti ili ilembo lipilibula ukuti ngata batemenwe abantu bambi, lyena icitetekelo tekuti cibombe. Tefyo cipilibula iyoo. Cipilibula ukutila nga tabeshibe ifyo nabatemwa, icitetekelo cabo tekuti cibombe iyoo.” Icitetekelo icabula ukutemwa tekuti cibombe. Lelo tacili cishingamo cobe ukutemwa abantu bambi. Kusuminisha Lesa wa maka yonse uku kutemwa.

Pali ubupusano ubukalamba, ukucetekela Lesa no kwenda mucitetekelo ku shintilila pali Ena no kucetekela Ena muli fyonse. Tekuti ucite ico no uli onse nga tawishibe ati ali kutemwa. Kuti wasulako fye. Tawakabale aucetekela Lesa nga cakutila tawaishiba ukuti ali kutemwa.

Nga ca kutila walishiba mucinecine ifyo Lesa akutemwa, tekuti ukwate ubwafya bwa kupokelela ukundapwa. Tekuti ukwate ubwafya ukupokela ifikabilwa fya ndalama shobe.

Umulandu ushinga pokelela wakutila tawa sumina mucine cine, mukukumanina, ukuti Lesa alekupela. Kuti wasosa ukuti, “ndefwaya ukusumina ico, lelo kuti nasumina shani ico?”

Wali kwata ukutemwa kwa kwa Lesa mukati kobe, kabili ico ulekabila

20

fye kutendeka ukwibukila ilyo lintu Lesa akulanga. Baibele isosa ukuti, “Twalimutemwa, pantu ewa tutemenwe pakubala” (Yohane 4:19) tekuti cicitike iwe ukutemwa Lesa ngaca kuti tawaebwa mukubwekesha bwekeshapo palwa cishinka cakuti Ali kutemenwe intanshi.

Conse caba mukati kobe, mu mutima obe. Emo caba! Lesa ali kutemwa! Wali yemba! Uli musuma! Wali ba uwauma umutengo!

Lesa ali kutemwa. Takuli uuli onse mucalo conse uukakutemwa ifyo Lesa akutemwa. Taulekabila uuli onse kano fye Lesa.

Lesa, lelo akakupela abantu bambi mu bumi bobe. Icishinka cakutila nga takwali uuli onse umbi pambali yobe na Lesa, nga mwaliumfwana fye bwino. Lesa akaba ni cibusa obe. Akaba umunobe nga tawakwata umo. Akaba noko atemwa wiso nga tawakwata umo.

Lesa ali kutemwa sana. Efyo winga mucetekela mufili fyonse. Ali kutemwa sana ica kuti wali shiba. Alefwaya iwe ukucikwata. Mpaka ilyo waishiba ukuti Lesa alefwaya iwe ukucikwata, tekuti ubombe mucicetekelo icalinga ku ku pokelela icili conse.

Icicetekelo cibomba ilyo lintu walenga Lesa ukukutemwa. Tacibomba ku maka yobe ukuya temwa umuntu umbi. Leka Lesa akutemwe. kabili akasuba konse uleeba Lesa, “lyee, mwe Lesa. Nalishiba mwali ntemwa. Haleluya!.

Tata, Ndemilumba. Nde sabankanya ishina lyenu.”

Smith Wigglesworth ali umutumwa wakwa Lesa. Umuntu umo ali mwipwishe ngaca kuti alapepa inshita iitali mwi pepo,elyo ayaswike ukuti, “Telingi mpepa ukucila pama miniti amakumi yatatu, lelo nshikala amakumi yatatu iya mamineti ukwabula ukupepa”. Limo asosele ukuti nga aikala ama miniti ikumi na fisano (15 minute) ukwabula ukulanda na Lesa, alingile ukulapila.

Twilacita infintu munshila iyalubana. Tekuti ucilenge ukucitikako kumaka yobe. Lesa akakupala pantu alikutemwa. Akakupela munshila imo ine iyo akupelelemo ipusukilo.

21

Tawakabule umo uwa mulupwa, atemwa umuntu umbi, ukumupususha kumaka yobe. Leka Lesa akutemwe. Lyena, panshita wamona uwa mulupwa ukamutemwa, ukaba uwaipekanya ukumutemwa. Baibele yakweba ukuti nga ukabatemwa kabili waleka ukubonfya amashiwi yobe nenshila sha mucenjeshi, lyena ukabawikisha kuli Yesu. Mupashi wakwa Lesa ukawikisha ulupwa lobe ukupitila mukutemwa kwakwe. Lelo tekuti utemwe bambi nga cakuti taulesuminisha Lesa ukukutemwa intanshi.

Abena efeso 2:8 AMP isosa ukuti, “Nikuluse lwapa fye (Uluse lwakwa Lesa ulwapulamo) eko apusushiwa...” Bushe walishiba ukuti tapali ico wacita pakuti upusushiwe? Abengi abaifwe twali ababipa twali ababipa nga filya ubushiku Yesu atupuswishe bwalepa lelo taca shintilila pa milimo Yesu iisuma atemwa mu maka Yesu ukucita icili conse icalungama. Cali nipa mulandu wacintu cimo fye: Lesa ali tutemenwe sana icakuti atumine umwana wakwe uo atemwisha ukuti uyo onse uwa sumina muli ena takafwe lelo akakwata umweo wamuyayaya. (Yohane 3:16).

Uluse kuti munshila imbi lwa pilibula ukuitemenwa kwakwa Lesa ukubomfya amaka yakwe ukukumanisha ifi fwaika fyonse mu bumi bobe. Cimo cine nge fyo uluse lwakwa Lesa, lwakupela icicetekelo icalinga pakuti upusushiwe, kabili pa mulandu wa kutemwa kwa kwe, akupela icicetekelo ukusumina ukuti ni Shin’ganga obe. Akupela icicetekelo ukusumina ukut eukupela (fyonse)?

Ngaca kutila icicetekelo akupele kwipusukilo lyobe cali icalinga ukukupususha kumasambi yobe yonse cilya cine icicetekelo caba mukati kobe ukukwanisha ifi fwaikwa fya bumi bobe bonse mu mweo obe.

Nga cakuti walisumina ukuti Lesa alikutemwa, kabili cine cine watendeka ukwishiba ico, lyena mucine cine ukatendeka ukumucetekela. Ukaba uwashininwa ku cine ca cebo ca kwa Lesa.

Ukeshiba ukuti teti akubepe pantu ali kutemwa.

22

Ukulingana na Amplified Baibele, “icicetekelo” caba kushintilila umupwilapo ukwa buntunse bobe bonse pali Ena (Lesa) “Mukuba no kucetekela no ku bika amano yobe yonse mu maka yakwe, mu mano yakwe no busuma bwakwe.” (Abena kolose 1:4). Ilyo ulesuminisha Lesa ukukutemwa, ukasambilila ukumutemwa no ku mucetekela kabili ukakwata icicetekelo.

Lesa ali kutemwa!

23

5

ukulubukA kumwenso

“Tamwaba umwenso mukutemwa (Ukututuma takwaba ko_, lelo ukukula ukwafikapo 9ukupwililila mucituntulu) ukutemwa kutamfya umwenso panse kabili no kufumya ukubapo.

Kwaku tina konse! Pantu umwenso uleta amatontokanyo yaku cushiwa, eico uyo uuletina tafikapo pa kwishiba ukutemwa (takulaukufika paku pwililila kwakutemwa).” 1 Johane 4:48 (AMP)

Ilingi twenda fye bwino mucicetekelo ukushininkisha ukuti Lesa ali tutemwa, ukucetekela a ena. Lyena muku pumikisha, tulapakaswa. Impupu iikalamba iya cicetekelo fintu fitu ponena-ifintu ifibi ifituponena. Taukwata ubwafya sana ukusumina ukuti Lesa alikutemwa.

Mpako ifiponekako fyalenga ukumona kwati takutemwa.

Lyena chiwa aisa no mwenso no kuyumfwa umulandu ukukupatula kufintu fine ifikakulenga ukuba umuntungwa-ukutemwa kwakwa Lesa, “icisuma nishani palwa ici?” efyo asosa. “Naletontokanya ukuti Lesa ali kutemwa. Eco mulandu nshi ifintu ifibi filekuponena? Ufwile walicite infintu ifibi. Lesa nakufulilwa mu cine cine.”

Lyena walufya bucishinka kuli Lesa, tekuti akwafwe nga taukwete bucishinka. Tekuti ube uwa cinshinka, atemwa uwaisulamo

24

icicetekelo, nga cakuti tawishibe ukuti Lesa ali kutemwa. Elyo nga wapokelela katundu wa mwenso ukufuma ku chiwa no kuyumfwa uwamulandu, ninshi tawaishiba ifyo Lesa akutemwa.

1 Yohane 4:18 isosa icintu cicikalamba ica maka “Ukutemwa ukwapwililila kutamfya umwenso.” Nali bebeta mukubwekesha bwekeshapo pali ili lembo. Ukwesha ukumfikisha, elyo akasuba kamo Lesa aciletele mu mupashi wandi. Ukutemwa ukwapwililika kutamfya umwenso, kabili Lesa, eunga kutemwa ukwaprililila. Ilyo waishiba ifyo kwapwililika uko kutemwa kwaba ukulola kuli iwe, tapali ico winga tina mu bubumbo bonse. Teti utine ngaca kuti walikwata ukusokololwa kwapa lobe ukwakuti Lesa ali kutemwa.

Tekuti utine ukufilwa ngaca kuti walishiba ati Lesa alikutemwa. Tekuti ufilwe nga wa shintilila pali Lesa. Ilyo washintilila pali we mwine lyena iyoo enshila fye inga kulenga ukufilwa. Nga walishiba ati Lesa ali kutemwa tawaka tine ukufilwa. Nga walishiba ati Lesa ali kutemwa tawa katine ukukanwa.

Ukutemwa kwakwe Lesa kwalikulisha icakuti kufimba pali fyonse. Bushe uletontokanya ukuti Lesa umo wine uwa kupuswishe no kuku lenga ukuba umuntungwa kuti nakabili akulenga ukuba uwamulandu. Satana eulenga abantu ukuba aba milandu. Lesa akakushinina pa lubembu lobe mu bumi obe, kabili aka kulanga nenshila iya kupusukilamo. Ichiwa cikakulenga ukuba wamulandi kabili cikakweba ukuti takuli inshila yakufuminamo.

Muli Amplified Baibele ili Ilembo libelenga ukuti, “Tamwaba umwenso mukutemwa (Ukututuma takwabako) lelo ukukula ukwafikapo (ukupwililika mucituntulu) ukutemwa kutamfya umwenso panse kabili no kufumyapo kwakutina konse. Pantu umwenso uleta amatontonkanyo ya macushi, eico uyo uuletina tafikapo pakwishiba ukutemwa (takuli ukufika pakupwililila kwa kutemwa). - 1 Yohane 4:18

Abantu abengi batontokanya ukuti ililembo lyalola mukuti nga kuti wantemwa mukulinga lyena tekuti untine, atemwa nga ca kuti

25

watemwa umbi mukulinga lyena umwenso ukafuma mu bumi bobe. lelo ifyo tefyo ililembo lya lolamo.

Cipilibula ukuti nga kuti wasuminishaLesa ukukutemwa, lyena tawakabe no mwenso. Ulingile ukusuminisha Lesa ukukutemwa ngataulefwaya ukuba no mwenso mu bumi bobe. Pokelela ukutemwa kwakwa Lesa nomba line. Mukuba nencitilo ya citetekelo kabiye kuntanshi. Fikapo mu cicetekelo kabili senda ukutemwa kwakwa Lesa.

Mupepi na panuma lintu Lesa ampele ukusokolola; a uku ukwafyo ukutemwa kwakwe kutamfya umwenso. Nalyeseshe ukucibika mukubomba. Twalekwata ubwafya na motoka Yesu kabili twatontokenye ukuti nalimo transmission yalyonaike, yali iikalamba transmission. Nalimo kuti yashitwa imyanda ine atema imyanda isano iya ma dolas ($ 4,500) ukushitilapo imbi. Tatwa kwete indalama. Eco twatwalilile ukwensha.

Lesa ashimikile kuli ine atile, “Joyce akuntemwa fye akasuba konse kabili unsuminishe ukukutemwa. Taulingile ukucita icili conse. Taulingile ukuba umwanakashi wa citetekelo icikalamba. Ulingile fye ukuntemwa kabili uleke ine ndekutemwa inshita fye yonse, leka ine ndekekutemwa.”

Eico naleya ndekula icicetekelo candi icashila kuli mukuba no kwimba, ukupanga inyimbo kuli Lesa no kukwata inshita iisuma. Lyena mukupumikisha naumfwile umwina mwandi abwela mu galage. Lelo aciba naya kuku bomba muma miniti ikumi na fisano (45 Min). Aiswile icibi no kutila, “Nshacifunya motoka muli giya wa kubalilapo. Tulekabila ukuitwala mukulungisha.”

Nalisele icibi kabili natendeke ukuseka. Teconasalile ukucita, caishile fye. Cafumine mu mupashi wandi, kabile Lesa andangile ukuti pantu nalimusuminisha ankuntemwa ulucelo lyoonse eico nasekele. Ukusuminisha Lesa ukukutemwa kwisula icicetekelo mukati kobe ukufuma. Natendeke ukuseka. Ico cali citetekelo.

Abraham asekele uluseko lwa citetekelo. Ilyo Lesa amwebele kuti

26

ali no kukwata umwana umwaume, Abraham asekele fye, no kusosa ukuti, “Ubukata! Nasumina ico.” Nomba Sarah asekele uluseko lwakutwishika no kukana sumina, na Lesa ali mulungike, lelo taile lungika Abraham. Talandile na Abraham pantu kwaliba uluseko lwa citetekelo.

Ilyo ichiwa caisa mukulwisha neyo chilecita fya buwelewele elyo ifyabula ipilibulo, kabili twalishiba. Lesa obe, kabili tauletina seka mu ciitetekelo. Walishiba ukuti Lesa alikutemwa, kabili Lesa nafimbapo.

Eico naleseka ifyo nalepitamo, Lesa alandile ku mutima wandi mwishiwi ilinono, lelo ilya maka. Asosele kuli ine imiku itatu,

“Nga wakula cita ifi kuli ine, Joyce, Nshakaku lekeleshe.” Cali kwati capitile mu mwela wa Nganda yandi. “Nshaka kulekeleshe, Nshakakulekeleshe.”

Nga cakuti washintilila pali Lesa no kuleka Lesa ukukutemwa naiwe ukumutemwa, kuti wasulako umulimo wakwesha ukubomba mu cicetekelo. Waleka fye Lesa ale kutemwa, Naiwe ukumtemwa, Akacilenga ukupita ukutemwa kwakwa Lesa mukati kobe kukema no kutamfya umwenso.

Lesa ali kutemwa!

27

6

ukutemwA kulAsAndulukA ukutemwA

“Neli kambisho (twapokelela uyo uwatemwa Lesa akatemwa munyina (uwasumina) nao.” - 1 Johane 4:21

Ulimwana wakwa Lesa uwaibela. Ali kwebele fyo mu Malango 7:6 nga watendeka iyo ncitilo, kuti watampa ukwalula isonde ukengila mwituuka mukuba no kumwentula pa menso yobe kabili ukasenda na basiketi wakubikamo ifyo ulechita no kusosa ukuti, “Fyonse ifyo ndeikata fintu fya palwa. Haleluya! Naba palwa pakuba kwandi muli lino ituuka ilelo ubukata!” Kabiye ulelisha umunsoli ilyo uleshinguluka mwituka, uleimba ukuba uwachindama ukuli konse uko wingaya.

Ilyo twaishiba ifyo twa cindama nokutampa ukulanga ifyo Lesa atutemwa kuti twaleta abantu abengi kuli Yesu. Ukutemwa kuka sabankana ngo mulilo. Lelo tacakatu citile icisuma ukuya tuletila tuli bena Kristu, ilyo tulefulilwa uuli onse. Utila, ndi Mwina Kristu ndi mwina Kristu, lelo motoka yakucila yaba pantanshi yobe, watila,

“Iwe, fuma munshila. Tawishibe ukuti ndingile ukuya kungauda yamapepo? Nala celwa kuma pepo, we muntu untu fye iwe.”

Ifyo efintu tucita limo limo. Bushe uli uwaipekanya ukucimfya?

28

Fika mukati kamupashi obe, kabili ikata kukucimfya no kusosa ati, “chiwa walintungulula mu bufi no mwenso panshita iitali. Ndi muntu uwacindama, nala cimfya mwishina lya kwa Yesu Pantu Lesa ali ntemwa. chiwa tapali ico winga cita palwa ico!”

Ukutemwa kwa kwa Lesa mukati kobe kukakulenga umuntungwa ukufuma ku mwenso, kabili tawakafilwe ukuya kuli bambi mukubafwa mukuba no kutemwa Lesa alefwaya iwe usumine nga atila akacita imilimo iikulu pantu Yesu aile kuli Wishi. Bushe ulesumina Lesa akakubomfya? Lesa akakupela ico waasumina ukuti akakupa. Tekuti ube no mwenso wakufuma no kubomba.

Nshishibe apondetampila ukumweba ukuti imuku iingi nali fika panembenembe ya cicetekelo. Pa nembe nembe yaku cita icintu ica kuinya, Lesa atile, Leka Joyce, leka, nkacita ifintu ifingi ukupitila muli iwe. Leka. Nalekele pakati, Lesa tendekelesha nagu fye panshita iinono.

Bushe mwalishiba ico nshitinina ukwesha no kuba kafiliwa? Pantu nalishiba ati Lesa ali ntemwa. Kabili alishiba ati nali mutemwa, ukupitila mu Luse lwakwe nalilalika umweo wandi panshi, Nga wali citeco, kabili walitemwa Lesa, kabili ali kutemwa, tapali mwisamba lya bubumbo bonse icikaba ubwafya kuli iwe ico ushinga cimfya.

“N’ani akatupatulako ku kutemwa kwa kwa Kristu? Bushe nucushi, napamo kushikitika,napamo kupakaswa, napamo kuposwa ku bulwani, napamo lupanga? (Ifyo calembwa, aciti. Twipailwa imwe akasuba konse,tulingwa kwati ni mpanga ishabelapo ukwipayaulwa). Lelo muli ifi fyonse tuli abacimfya abacimamo pa mulandu wawatutemwe. Pantu ndesubila, ndeti, nangu ni mfwa, nangu mweo, bamalaika nangu ni bamulopwe,nangu fintu,ifyabapo nangu fintu ifikesabako, nangu fyamaka,nangu kusanasama, nangu kushika, nangu icibumbwa cimbi, tekuti cibe na maka ya kutupatululako ku kutemwa kwa kwa Lesa ukwa muli Kristu Yesu shikulwifwe.” - Romans 8:35-39

Nalimo taukwete ubwishibilo bwafyo Lesa afwaya iwe ukuba umuntungwa. Alakalipwa Lesa ilyo tauli nensansa. Limo limo

29

ula buka tauleumfwa bwino akasuba konse. Nawishiba akasuba ndelandapo? Ulepanta pushi, ulepatila abaice, ukupata abena mupalamano kabili no kuba uusha sangalala pa menso. “Lyonse momba fye ukubomba kabili tapaba uutasha.”

Nalishiba ifyo ucita pantu nalicitapo ifyo, naine. Ilyo abana baisa kung’anda, wa tontonkanya: Cinshi tamwa cikalila ku sukulu amahawala ikumi nafine (14) ukucila ukwikala fye amahawala mutanda.

Bushe walishiba ukuti ico cilakalipa Lesa. Nshileesha ukukumfwisha ububi. Ndeesha ukukulenga ukumona ukuti nga wa sumina ukuti Lesa ali kutemwa, ukatendeka ukwankulako kuli uko kutemwa, lyena uko kutemwa kukakwikusha kabili kuketikila kuli bambi. Ukaba umuntungwa, ukaba uwa temwikwa uwenda mucisabo ca luse.

Nga kuti wasumina ukuti Lesa ali kutemwa, ukuposhiwa kobe kukafikilishiwa, ukutingukuka kobe kuka moneka no kukabila kobe konse kuka moneka. Mulandu nshi? Ukatendeka ukutusha.

Umulandu uukalamba uo Lesa tatupela ifintu ifingi ifyo alefyaya ukutupela wakuti pantu twaliba abakufwaya fwaya icakuti Lesa teti atupele. Lesa afwaya iwe ukutusha muli ena no nokumutemwa. Alefwaya iwe ukumusuminisha ukukutemwa noku pokelela.

Chiwa tekuti aleshe uko kutantika pantu nga niwe katemwa, ukaba kapela. Tekuti utemwe ukwabula ukupela.

Icipande ca kulekelesha ice lembo lya Amalango 7:6 Amp “...Lesa ali misala ukuba abantu abaibela.” Lesa ali kwita, pali nomba umulimo obe kuti waba mun’ganda yobe no lupwa, lelo Lesa ali kwita wabomfiwa. Lelo ulekabila ukwishiba intanshi ukuti Lesa ali kutemwa.

Tekwesha ukonaula amaka yobe aya ku mupashi pali wemwine nokufwaya ifikabila fya bumi bobe ukusangwa. Eba Lesa ifyo ulefwaya mukwanguka kabili kula icicetekelo cobe pakuti ifi fwaikwa fya bambi fisangwe. Yesu alepepa kucinso cakwaWishi

30

pakuti fipelwe ifi fwaikwa fya bantu abo abaleya ku ma sambililo yakwe aya cicetekelo.

Lyena ale shimikila icebo kuli bena kabili balepokelela ifisungusho. Taleikala lubali lumo noku cetekela Lesa pafintu alefwaya. Ulekabila ukwena Lesa ifyo ulefwaya, lelo cilingile icintu ica cine. Ica kukabila ici kulu mubumi bobe, lyena, cilekabila ukuba ukukabila kwa bantu bambi.

Ukutunguluka kwacine, kwalondololwa ukuti amaka, ya kubomfya amaka yakwa Lesa ukukwanisha ifikabila fyobe. Ukutemwa kwakwa Lesa kuka kupela amaka yaku bika ukukabila kwa bambi pantanshi. Bushe uletontonkanya Lesa ali kutemwa icakuti kuti akulenga ukuya nokutemwa abo abashaba abaanguka ukutemwa-aba fulwa, aba shitotela.

Taci senda nangu cimo ukutemwa uwakutemwa. Tapali ubwile iyoo nangu fye umubembu wakale kuti acite co. Lelo ilyo watemwa aba shitemwikwa, watwalilila ukuba temwa, kabili ukwa bula ukuleka watwalilila ukuba temwa. Lyena ukutemwa kwa kwa Lesa ku kabalula.

Kuti casenda umwaka, kuti, casenda imyaka, isano kuti casenda imyaka amakumi yabili-na isano, lelo cili icalinga. Butali bwaba shani Yesu akupembelele?

Lesa ali kutemwa, kabili ali temwa abantu bonse abakushingulwike. Kabili alefwaya ukuku bomfya nge nshila yaku pongolwelamo ukutemwa kwakwe.

Wilatina ukwesha ukutemwa kwakwa Lesa ale kulubula kumwenso na kuku yumfwa uwa mulandu, kabili alikupela na maka ya kutemwa. Ba uwa mukosha ukusabankanya ukutemwa kwakwa Lesa kuli bonse. Tampa ukuba uwa bucibusa ku bantu. Cipange ukuba ubuyo bobe ukuba kapalwa kuli bambi mu mubili wa kwa Kristu.

Ipusha abantu ukwisa kukulya naiwe kabili no kutandala uleposha abantu muminwe, ule mwentula. Lesa ali kukwatila ifintu. Alefwaya

31

ukukwafwa munshila iyoo tete afwilemo icibumbwa icili conse pe sonde.

Kwali ba abantu abo iwe weka winga shimikulako. Takuli umbi uwinga fika kuli ulya muntu, lelo iwe. Ipusha Lesa uku kulanga inshila shakufikila mo kuli bambi mukuba no kutemwa, aka kufunda.

Lesa ali kutemwa!

32

7

ukutemwA kwAkwA lesA kukA kwAlulA

“Muli uku kutemwa, tekuti twale menwa Lesa, leloukuti alitutemwa no kutuma umwana wakwe ukuba kakosolwelo (uwa kupela ilambo) ku membu shesu mweo muli wene, E muli ukutemwa, te mu ifwe twatemenwe Lesa, lelo mu kuti wene atemwa ifwe, no kutuma mwane icikonsolweo ca pa membu shesu.” - 1 Yohane 4:10

Lesa ali tutemwa, lelo nshishibe nga cee kuti fwebengi tulomfwikisha ukutemwa kuntu Lesa atukwatila. Lesa alindenga ukupitila mukusoma kuntu nacita pali ici ukuti ngaca kuti twalishibe mucinecine mumupashi wesu ifyo Lesa atutemwa nga twali ba abapusanako sana ukucila ifyo tuba inshita iingi.

Bebeta pakutemwa kunti Lesa akukwatila. Eci kakwalula, nga ca kuti tawatemwa icintu icili conse pa lobe, “ukwishiba ukuti walishiba” Lesa alikutemwa kuka calula.

Cumfwika shani ukwishiba ukuti umuntu alikutemwa? Cila kulenga ukumfwa bwino, tefyo? Bushe ulomfwa ukubipilwa? Lesa anjebele ukuti bambi abantu abakulabelenga ici citabo tabaitemwa. Walipata ifyo ucita, kabili tawa sumina ukuti uli chibumba cipya lyonse ulalwa

33

no buntu bwa kale.

Nga wakulaenda uleumfwa ububi pa lwaiwe inshita yonse, ukwabula ukuitemwa, ukuipata, ukwabula ukwishiba ifyo wacindama, tawa kacite ifya mano. Baibele itila, “Pantu ifyo antontonkanya mumitma wakwe, efyo umuntu aba” (Amapinda 23:17). Calicindama ukwishiba ifyo Lesa akutemwa.

Lesa alefwaya iwe ukuba nankwe cila bushiku, Ico ecikakwalula, Nga taule bika Lesa pantanshi, ulemubika mucifulo ico tekuti akucitile ico alefwaya ukukucitila. Ninshita yapa lobe yintu ubishanya na Lesa eika kwafwa ukuleka Lesa akakutemwe, ecika kulenga ukukula no kukosa mu mupashi.

Abantu abengi banajani, tabacita ico. Kuti batemwa umuntu umbi ukuba citile co, mwila panga ubwelelo. Uyo onse uulebelenga ici citabo kabili tabishanya na Lesa kabili aleshininwa pa mulandu wafyo ndelemba ala pokelela chiwa panuma ya kusumina ati, “Lelo walikwata ifya kucita ifingi.”

Nalishiba – chiwa ala kupela ubwelelo panuma ya bwelelo. Posako amano kuli Lesa, lila kuli ena, Icebo cakwa Lesa elyo no kubishanya nankwe fika kwalula. Lesa ali kulenga ukuba kacita, Paulo mubena Filipi 4:13, asosa ati “Kuti nacita fyonse ukupitila muli Kristu uunkoselesha.” Mumashiwi yambi, tapali ico ushinga cita mu bubumbo bonse ukupitila mu maka yakwa Yesu Kristu.

Mukwangu fyanya ilyo Lesa akulanga ubwafya, ulekabila ukwima mu maka na mu kucimfya no kupwisha ubwafya. Ngaca kutila waima no kupokelela ukutemwa kwakwa Lesa kuli iwe kabili no kukana kabepa wafiko satana chiwa ifyo alekweba ati walibola kabili tawaba

bwino, ukatendeka ukulacita ngo wa cimfya.

Kuti limbi ulecita ifibi nomba, lelo kuti wacita mukupusanako nga cakuti wasumina ukuti uli muntu mupya mukati. Tawakaluke mpaka ilyo waima no kutendeka ukusosa ukuti, “Alinsangula Lesa. Nalipalwa. Naliba uwashila. Lesa alinsala nail uwashila ku mulopa wa mpanga. Temulandu ne filubo ninga cita, we chiwa, Lesa mukulu

34

akanjimya no kundenga ukutwalilia. Alantangilila!”

Mafyanshi yenga kucimfya? ngaca kuti walishiba ukuti Lesa alikutemwa? Takwingaba icili conse icinga kucimfya, ukacimfya muli fyonse.

Bushe kuti watemwa ukuba kacimfya? Asuka, bushe ulefwaya ukuba ne ca kucimfya? Enshila fye ukakulilamo. Nga taukwete ubwafya kabili taukwete ica kucimfya, cinshi cikakosha ameno yobe aya citetekelo?

Bomfya amafya Yesu pamo nga masuko yaku kulenga ukukula. Mona ifyo Lesa akacita pantu alikutemwa! Nga cakuti washintilila pali Lesa no kuleka Lesa akutemwa naiwe wamute mwa, kuti wasulako ukwesha ukucita mu citetekelo no kwingila mukutusha.

Ngaca kuti Lesa akutemwa naiwe wa mutemwa, lyena wakulaba ngo muntu uukolelwe nshita yonse, ukukolwa mu mupashi. Elyo ifiponeka mu bumi bobe tafya ka kukume pantu wakulaendela mukutemwa kwakwa Lesa.

Ilyo naba tishiwe mu mupashi wa mushilo, mu milungu itatu cali kwati ninkolwa nokutemwa kwaka Lesa Abantu baleti, “Finshi filubene kuli iwe? Naupusanako. Nshilecetekela, Joyce, finshi ficitike kuli iwe?” Aba bantu baishile kuli ine panuma ya milungu itatu no kusosa ukuti “Cinshi cicitike?”

Nshasosele nangu cimo ukuba shinina ukuti nalyaluka, Bali mwene. Ngo lebombela muku temwa kwakwa Lesa, wakula mwentula fye lyonse.

Wakula ba umusuma. Wakula kwata amaka no bukose. Wakula shimikila kubantu pantu wakulabombela mu mupashi na fyonse ifi Iekabilwa wakula fi cita.

Landa kuli we mwine, “Lesa ali ntemwa Haleluya, Lesa alintemwa!” Nomba kabiye ukwate icitetekelo ne cisumino.

Lesa ali kutemwa cine cine!

35

kwAtA ubumI ubupYA

Nga ca kuti taulaita Yesu ukuba Shikulu no Mupusushi obe, ndekukoselesha ukucita ico nomba. Kuti wa pepa ili ipepo ngaca kuti uli umufuma cumi palwa ici wala kwata ubumi ubupya muli Kristu.

Tata Lesa, Nalisumina Yesu Kristu mwana Wenu, umupusushi wa chalo. Nali sumina afwile pa mu salaba pa mulandu wandi, asendele imembu shandi shonse. Aile ku helo no ku cimfya imfwa ne nshishi. Nali sumina Yesu ali bushiwe ukufuma kubafwa kabili aikala ku kuboko kwenu ukwa ku kulyo. Ndemikabila, Yesu, njeleleniko imembu shandi, mpususheni, iseni mwikale mukati kandi, ndefwaya ukufyalwa cipya cipya.

Nomba cetekela Yesu aleikale mu mutima obe. Waelelwa kabili walengwa ukuba uwalungama ukaya ku mulu fwaya inganda yamapepo iilefunda icebo cakwa Lesa elyo walatendeka ukukula muli Kristu.

Takuli ici kulula ubumi bobe ukwabula ukwishiba icebo ca kwa Lesa. Yone 8:31-32 AMP isosa, “Ngaca kuti mwatwalilila mucebo candi, lyena muli basambi bandi icine cine. Kabili u keshiba icishinka,ne cishinka cika milenga ukuba abantungwa.”

Nde ku konkomesha ukubula icebo cakwa Lesa, cibike mu mutima obe, kabili ukulingana na 2 Abena Korinti 3:18, ilyo ulelolesha mu cebo, ukalulwa mu cata cakwa Yesu Kristu.

Mu kuba no kutemwa,

Joyce

Ipepo elYepusIkIlo

Lesa alikutemwa sana elyo alefwaya ukwate isenge Capamo na ene iwe. Nga wamupokelele Yesu kilisitu ngo mumpusushi iwe kutiwamu pokelele ino ene shita .Isula umutima obe kuli ene elyo upepe ili pepo…

“Tata, na lishiba ndimubaba. Mbelele uhise ine. Musafye mbute. Nalaya ukucetekela muli Yesu umwane wanu. Nasumina ukuti alifwalile ine alisendale imembwu shandi ilyo afwele pacapindama.Na sumina ukuti alibukile kubafwa natula umweo wandi kuli Yesu ino eneshita.

Natotela, Tata, pacabupe cabwalelo elyo nomweo wamuya yaya.Ngafwani ukuti njikale muli iwe mwishina “Iya Yesu Ameni.”

Ifiwa pepa ukufuma kumutima obe, Lesa akupokelele,akusafya elyo akupanga umutungwa kumipashi shafwa. Ufwaye ishita yakubelenga icebo alyo nokucishiba elyo mulombe kuli Lesa ukuti alanda naiwa nokwanda nakwa muliubulendo ubwa cipya cipya mumweo obe.

Yowane 3:16 1 Kolito 15:3-4

Abana efeso 1:4 Abana efeso 2:8-9

1 Yowane 1:9 1 Yowane 4:14-15

1 Yowane 5:1 1 Yowane 5:12-13

Pepe elyo lombe kuli ene ukufi engakwafwa wingasanga iceici ilyo ilyasumina mucine ukuti wingaba uwakosale shiwa no kukula nisenge na Kilisitu. Lesa ali naiwa yose. Fye akala kutungula iwe ishita yosefye elyo nokukulanga iwe ishila yakwekala mufingi mubwikashi obe iwe!

pA wAlembele IcI cItAbo

Ba Joyce Meyer balasambilisha amalembo ukufuma mu 1976 kabili baba mu mulimo walyonse uwa ku shimikila ukufuma mu mwaka wa1980. Niba kalemba musuma uwa 54fitabo amakumi yasano nafine pamulu ifya putwamo, ukusanshako na Secrets to Exceptional living, the joy of believing prayer, na Battlefield Of The Mind, ukulundako na ma cassette 220 no kucila pali 90 ama video. Kabili Joyce’s Life in The Word isabankani shiwa mu chalo conse, pa mulabasa na pa fikope ifisela (TV) kabili balenda muku salala ku kwakana ubukombe ukupitila muli “Life In The Word” mu ma conferences. Ba Joyce pamo na bena mwabo ba Dave bafyashi ba bana bane kabili bekala ku St. Louis, Missouri.