volume 1 issue 2 january 2019 - cbcusa...volume 1 issue 2 january 2019 greetings from general...
TRANSCRIPT
Volume 1 Issue 2 January 2019
Greetings from General Secretary
January, 2019
2019 Kumthar a kan phak ter tu Khuazing Pathian a min ka
thangthat. Khrifabu cheukhat cu 2019 kum ah Khrifabu chungtel le
chungkhar tling ti loin a lutmi zong kan um lai. Bawipa nih in hnem
cio ko hna seh!!
Kum 14 chung CBCSUA thluachuah a petu Bawipa ka
thangthat. Kum 14 chung thlacamnak, pekchanhnak, thawhvo le
thazang in CBCUSA a dirhkamhtu Khrihfa dihlak le pumpak cio
upatnak kan pek hna. Nanmah le Khrifabu cio i pumpeknak
thawngin CBCUSA hi tinhmi ah a kal khawhnak asi. Amen!!
CBCUSA tinhmi Dal 2:B ah Chin miphun dihlak pumsa,
thinlung, thlarau le a lamkip in thanchoter asi. Chin miphun dihlak
ti asi caah CBCUSA cu Chin miphun caah tuanvo a ngeimi kan si, ti a
fiang. Phundang in chim ahcun Khuazing Pathian nih CBCUSA hi
Chin miphun, zumhnak, fimthiamnak, thanchonak le miphun
dirhkamhtu dingah tuanvo a hrawmmi BU asi.
Tuanvo ngeihmi tlamtlinnak caah a hmasabik ah CBCUSA
chungtel Khrifabu dihlak a hram a feh, a ngan a dam, a that hmasa a
herh. Thingkung cu a hram a that ahcun a kung aa dawh, a theipar a
tha i va phuntling nih an tlanh. CBCUSA a hram asimi Khrifabu kip
hi hram a fek i, a ngan a dam, a thawn, mission thinlung, miphun
himnak a ngeih ahcun CBCUSA a thawng ve lai, CBCUSA a thawn
ahcun tinhmi bantuk in Chin miphun a lamkip thanchonak caah
tuan khawhnak thazang a ngei ve lai. Local Church cio tluang tein a
kal i, Khrih nih a dirhmi Khrifabu si hi biapi bik cu asi.
2019 kum ah local church nih a lamkip in a thangmi
Khrihfabu si dingah thlacam hna usih. Minung le ram a thanchoter
tu hi thlennak (change) asi. Thlennak a um lo ahcun thannak
(growth) a um kho lo. Thannak a um lomi Khrifabu cu aa dilmi tibual
bantuk asi. Ti cu aa dil lai i, aa dilmi ti duhsah tein a zut lai, a
donghnak ah ti a reu lai. Cu bantuk in zumtu kan zumhnak,
Khrifabu rian hi aa dilmi ti bantuk si loin, a luangmi tiva bantuk si a
herh. Thannak (Growth) caah thlennak (change) a ngamhmi Khrifabu
si a herh. Ruahdamhnak in a kalmi zumtu le Khrifabu siloin, zumhnak
in a kalmi zumtu le Khrifabu si a herh. Khrih le Khrifabu thanchonak
caah thlennak a ngamhmi chungtel si hna usih.
Kum 2018 ah pumpak, chungkhar le Khrifabu cio ah thluachuah
kan donmi kha 2019 ah a thluachuah a relzia a thiamtu, a thluachuah a
zohkhenh zia a thiam mi siding ah i zuam hna usih. 2018 thluachuah rel
cawk lo hi 2019 ah a zohkhenh le a thluachuah rel zia kan thiam ahcun
2020 ah thluachuah a let in a kan donter khotu Khuazing Pathian asi hi
philhhlah usih. Khrifabu kip le pumpak cio nih 2019 caah tinhmi ngeih
cio asi lai caah nan i timhmi cio cung ah Bawipa nih tlamtlinnak in pe
hram hna seh.
Khual tlawnnak:
October 6: Siangbawite thlan Khuazing Pathian sinpekchanhnak ah biatawi chimnak le onnak ka ngei. Dedication serviceah a rami zumtu hna nih CBCUSA cungah lawmhnak an chim cio.
October 12-14: Kum thum dan ah voikhat tuah tawn mi Four Sisters(Baptist Association of Maraland, Lautu Association of BaptistChurches, Thantlang Association of Baptist Churches, Zophei BaptistAssociation) Bible Conference kan ngei.
November 2-4: CBCUSA bawmhnak in sakmi Mindat TownshipBaptist Association (MTBA) building dedication ah a tanglei minunghna nih an kan telpi: Rev. Za That, GS, CACC, Rev. Nawl Cung Lian,GS, HBA, Rev. Hla Aung, ES, GCCF, Rev. Lian Hup Ling, SeniorPastor, Halkha Baptist Church, Rev. Ngun Dun, Pastor, HlampheiBaptist Church.
November 3: Pioneer Missionaries Memorial Center opening lededication service kan tuah. CBCUSA bawmhnak in sakmi inn cu“Pioneer Missionaries Memorial Center” tiah min an sak. Mindat khuaah mah tluk building tha a um tikah Mindat mizapi an i lawmhnak anchim ka hmuh tikah CBCUSA riantuannak hi Bawipa nih thluachuah apek ti hi mit hmuh kut tongh in a lang.
November 6: Union Theological College (UTC) Board of Trustee, UTCStaff he meeting kan ngei. MBA, MABA, MCBA, STBA nih UTC caahthazang chuah deuh ding ah forhfialnak ka ngei.
Four Sisters Bible Conference ngeih lio
Mindat Township Baptist Association Building
Mindat Township Association Building dedication caan hman lio
November 7: Sami myo ah Kima Education Centre an ngei. Falefimnak duh ruang ah khuate lei ah a ummi an chungkhar nih pharh inn(mau inn) an sak piak cio hna i, cu ka ah cun an it, anmah tein rawl an ichuan, an cazoh nak cu tuang phah um loin, vawlei ah, mau tein ankulh, mau in thutdan le cabuai an ser. Siangngakchia 83 an si. Hi tlukfimnak cawn a duhmi an thut dirnak ruat in, fimthiamnak in miphun adirhkamhtu an sinak lai khuaruah awk a um ngai.
November 8: Sami khua hi a thangcho ding, inn 600 khua asi.Denomination tam ngai nih mission an tuan cio. Minung an hninghnongai. CBCUSA nih Sami caah thlacam deuh a herh ngai tiah ka ruah.Kap hnih upa he bia kan i ruah dih hnu ah kan i thawh than i Paletwa1:30 pm ah kan phan. Matupi in Paletwa hi meng 136 a hla. Lam sul,fing le tlang an tha. Tha deuh le phei deuh in lam remh ding a tam lo.An vawlei a hak, Chaklei Chin State bantuk in vawlei cimh a um tuk lailo. Matupi in Paletwa lam thla 12 chung kal khawh asi ahcun Chinthanchonak caah biapi bik asi te lai. November 8 zan ah Paletwa pengah thlahmi ram thar riantuantu 36 hna he biaruahnak, thazang peknakle siaherh bia chimnak kan ngei. An kan hmuh tikah an thazang kansinak an chim cio.
Sami Education Center Siangngakchia umnak inn
Sami Education Center Siangngakchia Library
November 9: Mirza khua, Paletwa, ah CBCUSA nih a sakmiKutletchaung Biakinn kan va zoh. An lim cang. Leiba sing 60 an ngei.Mirza khua cu Kaladan tiva pawng ah a um mi khua dawh ngai asi.India-Paletwa Highway lam i pawcawmnak a thatnak hmun asi caahCBCUSA nih Mirza khua ah thazang chuah deuh awk asi, tiah ka ruah.
Paletwa in Mirza khua tiang, Kaladan tiva pi cu speed boat in kan kal.Tiva pawngah khua lawngte, an ram a thatning, ka hmuh tikah Matupile Paletwa lam a that ahcun Paletwa peng cu Chin miphun a kancawmtu asi te lai, ti hi hmuh chung khawh asi. Paletwa peng cu Chinmiphun rawl buk, asi lai.
November 11: Ann khua kan phan. Rakhine Yoma ah a ummi Chinmiphun sinah Khrih thawngtha aupinak survey tuah dingah Khrifabuhruaitu he tonnak kan ngei. Ann khua ah suimilam 4 lawng kan ummanh i, Padan khua, 6 pm ah kan phan. Padan khua hi a thang ngaimikhua asi. A khua pawngkam hi Asho Chin an si. Halkha Baptist Churchnih kum 23 mission rian an tuannak hmun asi. Building tha ngai an sak.Mission field director Rev. Ca Peng nih Padan khua ah ram thar riantuan a herh le herh lo, fianternak a kan tuah. Padan ahhinDenomination tam ial nih field an ngei. Nain hlawh a tlingmi an um rihlo. Asho Chin ah gospel a karh khawh lonak a ruang bik cu fimthiamnak a tlawm deuh caah le miphun i fiannak an ngeih lo caah asi, tihi chim cio asi.
AA ral ruangah Bawm kan unau Mirza khua ah an rak dor lio ah thazang kanva pe hna
Mirza Khua ah CBCUSA nih a sakmi Kutletchaung Baptist Church
November 14: Kalaymyo, Zion Baptist Church (ZBC) ah tuah hngading CBCUSA missionaries training le renewal program (11/ 26-29 zing)tuahnak kong,ah Chin Baptist Association (CBA) upa le inntek ZionBaptist Church he tonnak kan ngei. CBA le ZBC nih tuanvo an kan lak.
November 15: November 29 in December 2 tiang, Kalaymyo,Taungphila ah tuah hnga ding, CBCUSA le CBA/NA missionariestraining le renewal program kong he pehltai in Lairawn BaptistAssociation (LBA) le Chin Baptist Union (CBU) hruaitu pawl he tonnakkan ngei. November 29 - Dec 2 tiang organization pahnih fonh inthlahmi missionaries training tuahnak caah LBA le CBU hruainak inTaungphila Baptist Church ah tuah ding kong, training caah herh hngading meeting kan ngei.
November 19: International Chin Literature Society (ICLS) kong hepehtlai in Lairam Isua Krista Baptist Kohhran (LIKBK), Lawngtlai heton ding ah kan i thawh Halkha in kan i thawh i, Sangau 6 pm ah kanphan. LIKBK upa dihlak Sangau ah an ra. Pumh chung i hla an sakmisolo le choir zong Laiholh lawngte in an sa dih. An aw a tha, hlasak anthiam, thangthat a nuam.
November 20: 7-10 am tiang LIKBK upa he ICLS kong meeting kanngei. LIKBK he kan meeting dih hnu ah 12 noon ah Sangau in kan ithawh i 7 pm ah Thantlang kan phan.
November 22: CBCUSA nih zohkhenhmi Mindat, Kanpetlet, Paletwale Gangaw in sianginn a rak kaimi forhfialnak le 2018 ah tanghra aawngmi minung 13 hna upat peknak le rawl dumtinak kan ngei. ChiefMinister Salai Lian Luai, Transportation Minister Pu Sui Thio, leBiaknak hruaitu hna le khuanu/pa tampi nih an kan telpi. Lung a hmuingai. Fimthiamnak in kan Chin miphun le Chin ram kilven a herh.Siangngakchia atam deuh in chiah khawhnak lam kawl a herh.
November 26-29: Zion Baptist Church ah CBCUSA nih thlahmi ramthar riantuantu le nurse aid caah Zion Baptist Church ah training kanngei. Missionaries 96 an ra. Cawnpiak an tha ngai. Bible long siloinChin miphun kan sinak le fim aherhnak tiang cawn aasi.
CBCUSA a thawnnak hi Thlacamnak sihram seh. CBCUSA aa tinhmi
lam tluang ah a kal khawh pengnak lai pekchanhnak in chungtel vialte
nih CBCUSA hi zohkhenh hna usih. Lungrualnak, mission rian tuannak
le miphun himnak caah Khuazing Pathian nih a rian a hrawmmi kan si.
Bawipa nih Khrih le miphun caah a rian thiang a kan hrawm caan te
ahhin Bawipa a lawmhtertu CBCUSA le Chin miphun kan sinak lai
zumhnak le thlacamnak in hmai ah fong hna usih. Khuazing Pathian nih
CBCUSA le Chin miphun thluachuah pe chin ko seh!!
Bawi Khrih ah nan tuan hawi,
Thlaawr Bawihrin
General Secretary
CBCUSA
LIKBK Hruaitu hna heMissionaries Training
Phaisa Kum le Siaherh BiaSiaherh Pahnihnak: CBCUSA Phunghram (Constitution) 5: A le
B ah kum 2 pehzul in “thawhvo a tho lo mi Khrihfabu le, BT meeting ah
BT palai a thlah lo mi Khrihfabu cu CBCUSA chungtel sinak in dinhter
khawh a si” ti a um. Cucaah kum 2 chung thawhvo a tho lo le BT meeting
a kai lo kan um sual ahcun kum dih (2019 March) hlan ah tlamtlinh i zuam
cio ding in ka’n nawl hna. Miphun le Pathian ram kauhnak ca ah rian ṭuan
duh tuk bu in CBCUSA chungtel ah a lut mi Khrihfabu lawngte kan si dih
ko. Nain thil philh sual ruang le daithlan ruang ah chungtel sinak in
chuahter khawh a si ca ah a cunglei phungphai he kan i ton sual nak hnga
lo i zuam usi, tiah ka’n nawl hna.
Siaherh Pathumnak: CBCUSA Phungṭeng (By-Laws) 1. D le 2. D
ah “thawhvo tho lo Khrihfabu cu Board of Management (BM) meeting le
Board of Trustees (BT) meeting ah vote ngeih khawh a si lo” tiah a um ca
ah thawhvo thawh a philh sual nan um ahcun kum dih hlan ah thawh caan
nan ngei rih tiah theihter ka’n duh hna. Phaisa thawh kong he pehtlai in
thil fiang hal a duh mi Khrihfabu nan um ahcun keimah (Office Secretary)
sin ah hal khawh a si.
Siaherh Palinak: CBCUSA ah chungtel luh a duh poh nih General
Secretary (GS) pehtlaih chawnhbiak ding a si lai (e.g., Application Form
tibantuk thil herhhai kong ah). Chungtel thar cohlangtu le a konglam
ceihmaitu cu Board of Directors (BD) an si (By-Laws 3. B. iii) ti a si ca ah
chungtel luh a duh poh nih BD meeting hlan ah application form cu GS sin
ah phanhter ding a si lai
Siaherh bia ka ṭial mi hna hi CBCUSA chungtel ca ah santlaihnak
um seh tiah saduhthah ruang ah a si ko. A ṭha mi a um ahcun Bawipa nih
thluachuah kan pekpiak ko seh.
Bawipa rian thiang ah nan ṭuan hawi,
Kepling Khengmual
Office Secretary
CBCUSA.
Chin Baptist Churches USA (CBCUSA) chungtel dihlak nan kut
ka’n tlaih hna. Bawipa nih kum hlun ngaihchiatnak le harnak kan ton mi
vialte kan teipiak seh law kum thar chung ah daihnak le hnangamnak he
lam kan hruai cio ko seh. Kum thar Newsletter hmasa bik a si ca ah Office
Secretary dirhmun in thawng thanh le siaherh bia tlawmpal chim ka duh.
Siaherh Pakhatnak: CBCUSA phaisa kum (fiscal year) cu
January 1 – December 31 a si tawn nain, 2018 BT meeting nih April 1 –
March 31 ah a thlen cang ruang ah tu kum kan phaisa kum (fiscal year) cu
2018 January 1 – 2019 March 31 a si. 2019 kan phaisa kum cu tha 3
(January 1 – March 31, 2019) aa chap tinak a si. Hiti a si ruang ah
thawhvo (6%, Relief Fund, Missionary hlawh, Biakinn saknak, tibantuk) a
tho rih lo poh nih thla 2 chung thawh khawh nak caan nan ngei rih. Phaisa
kum thar (2019 April 1 – 2020 March 31) thawhvo bel hi tu kum phaisa
kum dih hlan ah tho rih loin 2019 April thok in thawh ding a si lai tiah
fianter ka duh. A ruang cu 2019 April hlan i thawh ahcun tu kum chung
phaisa lutchuak le Bank statement a buaiter dih khawh ca ah a si.
October 5-7, 2018, Seattle Chin Baptist Church ah kan tuah. SCBC nih tha
tuk in an kan zohkhenh, sunglawi taktak in caan an kan hmanter; CBCUSA
an dawtnak mithmai a lang. Bawipa nih a sunparnak ah hmang chin ko hna
seh.
YOUTH DEPARTMENT NEWS
Zathawngcin Siakhel
A Voikhatnak OC Meeting
A Voikhatnak EC Meeting
October 19-21, 2018, Michigan Chin Baptist Church ah CBCUSA
ramchung khrihfabu kip Mino upa 100 leng kan i tong i nihnih chung
nuam taktak in kan tuah. Pathian sunparnak rian kongkau lungtho taktak in
kan ceih. Kan mino hna dirhmun le sining zoh tikah ah Bawipa lawmh lo
in kan um kho lo. Chin Mino tampi Pathian sunparnak caah santlai kan si
nak hnga, CBCUSA ramchung mino upa vialte Bawipa nih thluachuah pe
chin ko hna seh.