Romeo et Juliette translated by Thomas Martin

DRAMATIS PERSONAE

Escalus Prince de VeroneParis un jane Noblle parent au PrinceMontague/Capulet Chefs de daeux maisons en quamas l’un auve l’autreUn vier homme Onclle a CapuletRomeo Fi d’MontagueMercutio Parent au Prince et ami a RomeoBenvolio N’vaeu a Montague et ami a RomeoTylbalt N’vaeu a la dame CapuletFrère Laurens un moine de Saient FrancoisFrère Jean dla meme Ordre Balthazar Valet a RomeoSamson, Gregouaire Valets a CapuletAbram Valet a MontagueUn ApotiquaireTreè MusiciaensChorusGarconValet a ParisPierreUn captiaine Dame Montague femme a MontagueDame Capulet femme a CapuletJuliette fille a CapuletFemme a JulietteGens d’VeroneHommes et femmes, parents aie daeux maisonsGens a faux visagesGardesGargiaens et autres

Scene Luagi [luazi?] tout l’temps a Verone, un caoup dans l’shinqhieme acte a Mantua

Purmiere Herangue

Daeux maizounaies auve la meme nobilitaiDans la belle Verone ou aie que j’metton not sceneD’une vieille haine louine en nouvelle revolteOu aie que l’sang d’parent fait leux maiens sangyaisDaie cotais falal de sh’aie dauex hainaeux laUne pare d’amouaraeux distrobais en amour ont leux viesDe qui leux poures chances et lustes viesD’uve leux morts enterre l’quamas1 dleux parentsL’taireiblle passage dleux z’amour merqiu dla mortEt la continuation dla rage dleux parentsQue riaen qu’ la mort dleux z’efants pouvait molli

1 Thomas Martin has written ‘cllameux’, in pencil, above ‘quamas’ here

Aie laie daeux z’heures de travats d’not coumedieDe qui si vou z’ouvrai vos z’oraeilles en patiencheShu que j’manqueron not travats tachra d’amendai

Acte 1 Scene 1

Un endre publique – Entre Samson et Gregouaire armais auve daie sahbres et daie undelles

Sam: Gregouaire, ou ma parole j’en pouteron pouin du heibon.Gre: Non car je s’raemes daie porteux d’heibon.Sam: J’entends quand je s’ron en colere j’degaieneron.Gre: Vere tandis hou vivai allougrue vot cô hors du coyié Sam: J’frappe vite etant touchiGre: Mais tu naie pouin touchi vite pour frappai Sam: Un tchaen dla maison d’Montague le faitGre: Boughiè aie d’changhiè, d’endre d’ave coeur aie die restai de qui, si laie touchi tu couar hors

dla vieSam: Un tchaen d’shute maison la m’ fra’s’restai J’prendrait la muralle pour aucun homme ou fille a Montague Gre: Vla qui l’mourte un fayi eshcàve car la pu fayi va a la muralleSam: Vere de qui laie femmes etant laie pu fayi vaeissiaues sont tourjoue poussaies contre la

muralle de qui j’pousserait les hommes de Montague dla muralle et saie filles contre la muralle

Gre: L’quamas aie contre nos maitres et nou leux z’hommesSam: Sh’aie egal, j’me mourterait un tyran quand j’erait capuchi les hommes je s’rait cruel auve laie

filles, j’leux copprait la teteGre: Laie tetes daie filles?Sam: Oui, laie tetes daie filles ou leux tetes de filles; prend le du sens qu’tu voudraisGre: I’ faudra qui l’prenne du sens qui l’sentironsSam: I’ m’sentirons tandis que j’pouvait me t’ni d’but et nou siei que je sié un biau morsait d’chairGre: Sh’aie tant mues qu’tu naie pouin paeisson si tu y’etais tu s’rais l’poure Jean. D’ehahle ten

oueti; yaen ichin daeux dla maison daie Montagues

Entre Abram et Balthazar

Sam: Men oueti nud aie hors: picagne, j’té supporteraitGre: Comme qui? Devirai ten dos et coure?Sam: N’me craiens pouinGre: Naennin, gr’atre té craiendre Sam: I’ faut prendre la louai d’not cotai, laquie laie c’menchieGre: En passant j’fait un muze et qui l’praenne comme i voudraisSam: Non, comme il eront l’couer. J’morderait men gros dait endre yaeux, haie une disgrace pour

aeux si veule l’endurai Abr: Mordue vot gros dait a nou mousieu?Sam: J’mors men gros dait mousieu Abr: Mordue vot gros dait a nous mousieu? Sam: La louai aie t’alle d’not cotai si j’dit oui?Gre: NaenninSam: Naennin, mousieu, j’en mors pouin men gros dait a vou mousieu, mais j’ mors men gros dait,

mousieuGre: Trachoue quamas, mousieu?

Abr: Quamas, mousieu! Naennin, mousieuSam: Si vou l’faizai, mousieu, mé ichin pour vou; je sers un ossi bouan homme comme vouAbr: Pouin miyeurSam: Eh biaen, Mousieu

Benvolio entre a une distance

Gre: Dizai miyeur: ichin yun daie parents d’men maitreSam: Oui miyeur mousieuAbr: Vou mentai Sam: Dègaienai sou z’aites des hommes. Gregouaire pense a la bouanne volaie

[I’ s’batte]

Ben: Sèpartai, fous! Engaienai vos sahbres, vou n’savai pouin haie hou fazai

[Il abât leus sahbres]

Tybalt entre

Tyb: Qui! Aie tu dègaienai parmi sh’aie gens ichin sans coeur. Tourne té, Benvolio, et r’garde pour ta morte

Ben: J’garde seulemaen la paix: engaiene ten sahbre, Ou fait le servi auve mé a sèparti sh’aie gens ichin

Tyb: Qui! l’sahbre nud, et pahli d’paix; j’hiei l’môt, comme j’hiei l’enfer, tous laie Montagues, et tè. Annon a tè, cayon!

[I’ s’batte]

Entre differentes personnes daie daeux maisons qui sie maiele et pie laie gens dla ville entre auve daie batons

Hom: Batons, raegôts, gayards! Battai! Frappai laie abras! Abras laie Capulets! Abras laie Montagues!

Entre Capulet a la c’minze et Madame Capulet

Cap: Kiei quamas qu’ sh’aie ichin? bayie me men long sahbre, ho!Da Cap: Une cache, une cache! Pourqui hou heryai pour un sahbreCap: Men sahbre, j’dis! l’vier Montague aie v’nu et joué sen sahbre la maugrai mé

Entre Montague et Madame Montague

Mon: Viyaien Capulet n’me hiaen pouin laque mé allai L Mon: Tu n’boughias pouin un pi pour trachié tu ennemie

Entre le Prince auve d’autres

Prin: Sujets d’revolte, ennemis d’paix, Vou qui profanai cht’acier ichin dans vot quamas –Aieske qui n’ouons pouin? qui ho! hommes, betes, Qui daitaignie l’faeu d’vot maudite rage,

Auve le paupe sang qui couar d’vos vaienes, Sous paiene tourment d’sh’aie maiens d’sang illo,Echipai vos sahbres mal trempais bas Et ecoutai la sentence d’vot prince gervai Trie caoup comme shunshin, amnai par quik paroles Par té, vier Capulet et MontagueOnt trie caoups distorbais la paix d’nos rues Et ont fait laie vielles gens d’VeroneEchipai su leux tombaies biaues z’ornemaensPour tachiè d’appaiegiè l’ma fazaiEn distorbant la paix et pour molli vot haiene cancere Si jamais vou distorbais nos rues derchèVos vies paierons l’amende dla paixPour shu caoup que l’reste s’en alleTé, Capulet, tu viaendras auve méEt Montague, v’nai cht harlaivaiaisPour connietre not pyaieze yiaen dans shunshin Acouare un caoup sous paiene de mort allouezen tousVou v’nai a Ville libre notre endre pour jughie d’amas

Prince et gardes sorte, Capulet, dame Capulet, Tybalt, Gens dla Ville et valets sorte

Mon: Shaie qua mis shu vier quamas ichin su pi derchi?Pahle n’vaeu etais tu la quand il a c’menchi?

Ben: Y’avait ichin laie valets de votre haieneaux,Et laie vôs qui s’entre battai quand j’ait apperchi: J’ait dègaienai pour laie separti ossi tât vla L’apre Tybalt auve sen sahbre preparaiDe qui en m’defyant a mes oraeillesTournait autouar d’sa tete et coppait l’ventQui n’en ayant pouin d’ma j’me sie moqui dli Tandis qu’ j’etaemes a nou z’entre battre nos daeux Il en aie v’nu d’autres qui s’sont battus etou Enchè que l’prince ne vinse qua separti tous

L Mon: O! ou aie’kaie Romeo? l’avoue veux oignet?Que je sie fière qui n’tait pouin dans shunshin

Ben: Madame, une heure d’vant que l’soleil adoraiN’aeuse epyai par la f’naitre ornaie dl’estUn esprit gènai ma pousai a allai faire un touarEt un d’soue dla allaie daie sycamoresQui sont pyantais vouais du cotai dla villeOssi du partems a s’pourmenai j’ait veux vot fiJ’ait fait pour su li, mais i saie me’fryai d’méEt saie paqui dans l’pu epais du bouaisMe, m’zurant sez amouras par laie miaensQui sont biaen miyeurs si sont laquis en r’pasJ’ait gardai mn’humeur sans syaire la siaenneEt fier d’evitai l’siaen qu’etait fier ds’en allai d’mé

Mon: Une route de matinaies il a etai veux par laA grassi auve daie lermes la rouzaie du matinA joutant pu d’nuaris aie nuaris auve tous saie jaientsMais ossi tot comme la cyartai du soleil

L’menche a s’mourtai brieyante dans l’estEt a hahlai laie neres courtines du yiè du matinHors du jeur s’paque men fi sombreEt a sen tout saeu dans sa i s’enfrumeFrume laie f’naietres et sache le biau jeur t’horsEt fait une gniet pour li memeNere et triste cht humeur la deit etreA mouains qu’un bouan avis naen hahle la cause

Ben: Men noblle onclle, en savoue la course?Mon: J’en la siei pouin ni n’peux pouin savè dlaBen: Yaen avoue pahlai en aucune manière?Mon: Jl’ait fait et une route d’autres amis

Mais li l’consiyie d’saie propres amietiesL’garde a li j’en dirait pouin combiaen fidele Mais a li meme si secret et cachiSi yaen d’eaet sondai et trouvai hors comme vereComme le bouton aie mordu par un ver envieaux D’vant d’pouvee epane saie douces fielles a l’airOu mourtai sa biautai au soleilSi j’pouraernes savè d’ou aie qu’saie paienes craisseJe s’raemes ossi freis de gueri comme de savè

Entre Romeo a une distance

Ben: Vaiyoue li vla: Si vou pyait mettoue d’cotaiJ’counietrait sa paiene ou s’rait ardi i fazai

Mon: J’voudrais t’vee ossi heuraeux par restaiPour ouir la veritai. Annon, Madame, i faut allai

Montague et Dame sorte

Ben: Bon jour cousinRom: Le jour air li aie jane?Ben: A viaen d’sounai neufRom: Mon dou! Les heures de paune paraise longues.

Etaite la mon pere qui s’en aie allai n’vite?Ben: Oui. kiei paienes qu’allouanne les heures du Romeo?Rom: Par n’avè pouin shu qui laie fait courtes quand jl’aitBen: En amour?Rom: HorsBen: D’amour?Rom: Hors d’sa faveur la ou’aie’qu j’memeBen: Helas! ql’amour si doux a la veuxRom: Helas! ql’amour, de qui la veux aie acouare muchie,

Pourrait, sans iers vee laie ch’mons d’sa volontai Ou’aie que j’dineron? Mon dou! Kiei quamas qu’etaitichin?Acouare n’me dizai pouin, car j’ait oui toutLa haine a ardi a y’ faire mais l’amous puQui donc, O amour de quamas! O chere haiene!O aucune chose! en prumie v’nu de riaenO b’zante ligerètai! vanitai seriaeuse!

Boucais mal formai aure de belles formesPyame de pion, cyair fumaie, faeu fred, santai maladeSomme èviyi qui naie pouin shu qu’il aieJe sens cht amour la qui n’sens pouin d’amour ichinRit tu pouin?

Ben: Naennin, cousin, pu tôt pyeurai Rom: Bouan coeur, a qui?Ben: Au triste etat d’ten poure coeur Rom: Qui laie paienes dl’amour sont d’memes

Maie propres paienes sont b’zantes dans men saienQue tu vors faire pière par yaen poussaiPu daie hiaennes cht’amieti ichin qu’ t’as mourtaiAjoute pu d’paiene au surpu daija daie miaennesL’amour aie une fumaie etraie par le faeu daie soupirsEtant purghie, un faeu brieyant dans lz’iers dz’amouaraeuxEntant gervaie, une mair nourrie auve daie lermes d’amouaraeuxKaie qu’ sh’aie? auetermaen une forte troubyaiezanUn fieil qu’etouffe et un shucre pour preservaiAdi, cousin

[I fait pour s’en allai]Ben: Douashmaen, j’erait etou

Et si vou m’laque d’meme vou m’faizai tortRom: Bah! j’me sie perdu; j’en sie pouin ichin

Sh’naie pouin ichin Romeo, il aie a quik aut bordBen: Dis mé dans ta paiene auve qui laie en amour Rom: Qui; jaiendrait jei pour te dire?Ben: Jaiendre! Pourqui, naennin

Mais dans tn’ adouelemaen dis mé quiRom: Dis a un homme malade de faire sen testament en paiene

Ah! mot mal piechi a yun kaie si maladeEn adouelai, cousin, j’aieme une femme

Ben: J’ait vizai biaen quand j’ait creux hou z’aiemaetesRom: Un biaen bouan tireux! et al aie belle ma gayardeBen: Un biaen biau mars, men cousin, aie pu vite frappaiRom: Et dans chunna vou manquerai a n’sra pouin frappaie

Auve la fleche de Cupidon al a l’espirit de Diane Et biaen armaie auve le modestie Dl’aie fayi dl’efant amour a vit sans ave d’maA n’arraietra pouin a ecoutai daie termes d’amourNi a r’gardai dz’ieis fins dd’amouaraeux Ni a ouvri saie maiens a dl’or qui tente laie saientsO! al aie riche en biautai; seulemaen paureQuand a mourra sa richesse meurt auve sa biautai

Ben: Al a donc jurai qua restera acouare chaste?Rom: A la fait, et par le faire fait une taireiblle perte

Car la biautai coppaie hors par sa maniere a faireRahlle la biautai hors dla posteritai Al aie trop belle, trop sage, trop sagemaen bellePour meritai l’bonheur par me faire adouelai Al a parjurai l’amour et par shu sermaen laJ’vit mort qui vit a l’dire oshteure

Ben: Saiyie avizai par mé; rombiyai a pensai a elle

Rom: O! apprend mé comme qui rombiyai a pensaiBen: Par bayie libertai a lez ieis

R’garde d’aut biautais Rom: Vla la maniere

D’applai la siaenne parfaite acouare en d’suSh’aie faux visages la qui bouze laie fronts daie belles damesEtant neres nou font pensai qui muche le belL’siaen kaie frappai sans vee n’peut pouin rombiyaiL’preciaeux trezor de sez iei s perduMourtai mé une gayande kaie pu qu’ belleKaie qu’ sa biautai m’sers que comme une lettre Ou’aie’que j’peux vee kaie qui surpasse la pu qu’ belleAdi: tu n’peux pouin m’apprendre a rombiyai

Ben: J’paierait shute lecon la ou j’mourrait en dette [I sorte]

Scene 2 Une rue

[Entre Capulet, Paris et Valet]

Cap: Mais Montague aie yai ossi biaen comme méDla meme amende et i naie poiun dur j’crePour dez hommes a notre age d’gardai la paix

Par: Vou z’aites vos daeux d’familles honorbllesEt sh’aie piti kou z’avai veku en quamas si long tempsMais oshteure men Seigneur kaie kou dizai a ma d’mande

Cap: Dire derchè shu qu’ j’ait daija ditMn’efant aie acouare etranghiere dans l’mondeA na pouin veux l’touai de quatorze annaiesLaquie acouare daeux z’etais fyaientri dans leux z’orgueilD’vant qu’ j’en la craiyon maeure pour se maryai

Par: Pu janes qu’ elle sont faites meres heuraeuses Cap: Et trop vite ruinaies quie sont faites si janes

La terre a avallai toutes mez attentes sinon ielle Al aie la dame d’attente de ma terreMais amouarache la, civile Paris, gagne sen coeur Ma volontai a la siaenne naie qu’une partieEt i al accorde et qua baeille sen chouaix car

Ma bouanne vouaix et men consentemaen aie d’dansChti gneit j’garde un frico d’une vieille amorsonDe qui j’en ait invitai une gaiene Daie siaens qu’ j’aieme, et vou parmi yaeuxYun de pu biaen v’nu fait men nombre puR’gardai pour passai la gneit a ma poure maison et vée Etelles qui piyonne la terre qui font l’mer cieil cyair Et qui baeille du s’comfort a daie jan z’hommes en santaiQuand Avril biaen appauyai su l’talon Du triste hiver pile meme un tiei pyaiezai Parmi d’biaues janes boutons fumelles chti gneit Vou z’erai sie vne vou z’orrai tout verrai tout Et aiemerai pu la siaenne qui l’merritai l’puUne tieile veuze parmi une route la miaenne etant y’une

Pourra s’butai parmi sans en comtai yunAnnon, v’nai auve mé2

Allai mousieu marchiePar la belle Verone trachie pour laie personnes qu’laie nomsSont ichin [I baielle un papier] et dizai laeu Qu’ ma maison aie biaen v’nue pour yaeux vizitai

[Capulet et Paris sorte]Val: Trouvai hors laie siaens qu’ ont leux noms ecrit ichin!

Jl aie ecrit que l’cordonnier se d’monte d’sa verge et l’coueturié d’sa forme, le paiessougnié d’sen pinceau, et l’paientureux d’saie raieis, mais je sie envyai a trouvailaie personnes

qu’ont leux noms ecrit ichin et j’en peux pouin trouvai kiei noms qu’la personne la ecrit a ecrit ichin. I faut qu’alle a quikkuns qui save en bouan temps.

[Entre Benvolio et Romeo]

Ben: Bah! Homme un faeu brute le faeu d’un autreNot paiene aie mollie par la miserie d’un autreQue ta tete tourne et seit mis a tournai en derriere Une triste misere gueri par la miserie d’un autreQui viaenne quik nouvelle poure veux a tn’ieilEt la forte vieille pouaizon mourra

Rom: Vot fieille de baume aie superbe pour chunnaBen: Pourqui, jl’en prie?Rom: Pour vot collet d’pi écorchiBen: Qui, Romeo, aie tu troubyai?Rom: Pouin troubyai mais pu yai qu’un homme

Enfurmai en prison gardai sans maghieFouittai et tourmentai , Ah mon dou, bouan gayard

Val: Byu seit auve vou, j’vou suppyie, Mousieu, pouvoue yaire?Rom: Oui, ma propre fortune aie ma misereVal: Pet etre kou z’avai apprins sans livre

Mais, Mousieu, pouvoue yare tout shu kou vaiyie?Rom: Oui, si j’counie laie lettres et la langueVal: Vou pahlai comme i faut; Arraietai un p’titRom: Arraiete gayard j’peux yiere [I yié]

L’Seigneur Martino et sa femme et saie filles; Comte Anselme et saie belles soeurs; La dame veuve de Victruvio; Seigneur Placentio et saie belles nieches; Mercutio et sen frere

Valentin; Mn’onclle Capulet, sa femme et saie filles; Ma belle nieche Rosaline; Livie; Seigneur Valent et son cousin Tybalt; Lucio et la vive Helene

Une belle assembyaie; [I s’baeille le paier] Ou’aie’qui faut qu’il alle?Val: A hautRom: Eyou?Val: Soupai; a la maison Rom: Kiei la maison?Val: D’men maitreRom: Vraiment, j’erais deux vou d’mandai chunna d’vant Val: Oshteure j’vou dirait sans kou d’mandai. Men maitre aie l’grand riche Capulet et si vou

n’aites pouin dla maison d’Montague j’vou z’en prie v’nai et a vallai une coupaie d’vin. Saiyie en jouaie! [I sort]

Ben: A shu frico ichin de Capulet une vieille amorson

2 in the original text, a stage direction appears here as follows: ‘to servant, giving a paper’ - the equivalent does not appear here in the translation, though a similar stage direction is included a few lines further on

Soupe la belle Rosaline que t’aiemeras tantAuve toutes laie biautais admiraies d’VeroneVa ni et auve in ieil biaen attentif Met sen visage a cotai daie siaennes que j’té mourteraitEt j’té frait craie ten cygne un corbin

Rom: Quand la piaeux religion de mz’ieisGarde ahaut une tieile mentrie, laie lermes tourne en faeuEt laie siaens qui souvent n’yais n’ont pouin peux mouariDaie malvarins s’rons brulai pour daie menteux Y’une pu belle que mn’amour! l’soleil qui vêt toutNaen a jamais veux une tieile depie que l’monde c’menchi

Ben: Bah! vou la vayie belle, aucune autre butais apresIelle meme l’zaie auve ielle meme dans laie daeux z’ieisMais laquie b’zai dans sh’aie balanches la d’verreL’amour d’vot dame auve quik aut filleQue j’vou mourterait brieyante a shu frico laEt a n’mourtera pouin biaen kaie oshteure la pu belle

Rom: Jm’en vais donc pour naen vée riaen entouEt pour joui dla biautai dla miaenne

[I sort]

Scene 3 Un endre dans la maison Capulet

[Entre Dame Capulet et nourriche]

D Cap: Nourriche, ou’aie’kaie ma fille? Keryai li qua m’pahleNour: Oshteure, par ma tete de fille, a douze ans

J’lie die de v’ni. Qui berbes! Qui mouisson d’dame!Gu en empaieshe. Ou’aie’kaie shute fille ichn? Qui Juliette!

[Juliette entre]

Jul: Qui oshteure! kaie qui crie?Nour: Vot mèreJul: Madame, ve ichin

Kaie kee vot volontaiD Cap: Ichin l’affaire. Nourriche viaen derché

Jie pense t’orras shu qu’ j’avon a direTu siei qu’ma fille aie d’une belle age

Nour: Fouai, j’peux dire sen age a une heure D Cap: A na pouin quatorze Nour: J’mettrait bas quatorze de maie dents

Et acouare i faut dire la veritai j’naen ait qu’ quatre Qua na pouin quatorze combiaen qu’ ya oshteure A allai au purmie d’Aout?

D Cap: Daeux s’maienes et quik joursNou3: Pu ou mouains d’jours comme vou voudrai

La seraie du prumié jour d’Aout al era quatorzeEt Suque etou lz’erait - Que Gu r’poze lez armes Chrequuiaennes -Il laie d’une age. Eh biaen, Suque aie auve Gu Al tait trop bouanne pour mé mais comme j’dis

3 the translation varies slightly here from ‘Nour’ to ‘Nou’, this variation occurs elsewhere in this scene

La seraie du prurmié d’Aout al era quatorzeA lz’era giatre j’men i souviaens ardi biaenSh’aie onze ans depie l’traembyemaen d’terreQua fut esservaie jamais j’en le rombibraitSu tous laie jours dl’annaie car shu jour laJ’avais mis dl’ayiaenne su men tittonAssise au soleil au pi dla muralle apres la maison a pigeonsMen Seigneur et vou etaetes partis a MantuaVere j’porte un chervé mais comme j’disais Quand a goueti l’ayiaenne su l’tittonQu’ j’avais mis et l’trouve amair, poure niaise Dla vee en fouais et souannai l’tittonL’eloquet souannai la maison a pigeons tout en vaienA la fin a fut pu tranquille Et depie shu temps la ya onze ansCar al allait toute seule vère ardi biaenAl erait peux coure et s’douabai par toutCar meme le journaie de d’vant a s’fendit l’frontEt pie mn’homme, que Gu seit auve sen ame!Sh’tait un homme de pyaiezi, i prins l’efant‘Vère sti tu kait su ten visage?Tu kaieras su l’dos quand t’eras pu d’idéeAushe pouin Jullie?’ et par ma saiente dameLa chère petite quitti a pyeurai et die ‘vère’Et d’vée oshteure comme une rizlaie s’trouveJ’peux dire quand j’vivraie mille ansQue jamais j’en le le rombilrait aieske pouin Jullie stiEt, belle niaise, a soupiri et die ‘vère’

D Cap: Assai d’shunshin; jt’en prie, tai ta gouleNour: Oui, Madame. mais j’en peux pouin m’empaiechié d’rie

De pensai qua quitti a pyeinai et die ‘vère’Et acouare j’peux dire kal avait su sen frontUne coupe ossi grosse comme une roque de jane coquet Une famaeux volaie et a pyeuri ardi ‘Vère’ s’fie mn’homme ‘tu kait su ten visage?Tu kaieras su l’dos quand tu s’ras pu vieille;Aieshe pouin, Jullie?’ a soupiri et die ‘vère’

Jul: Et soupire etou jt’en prie j’dis nourricheNou: Paix, je sie paraie. Que Gu t’baeille sa grace

J’etais l’pu biau efant qu’ jamais j’ait souagniEt si j’peux vivre pour té vée maryaie un caoupJ’ait men d’sir

D Cap: Maryaie, maryaie aie l’pouaintQue j’vors pahlai atouar. dis mé, fille Juliette,Kaie kou pensai atouar eaet maryaie

Jul: Sh’aie un honneur a quui jn’ait pouin songhiNour: Un honneur si jn’etais pouin ta seule nourriche

J’dirais qu’ t’as suchi sagesse du tittonD Cap: Eh biaen, pense au marriage oshteure; pu jane que té

Ichin dans Verone, daie dame d’honneur,Sont daija faites meres: par men comte,J’etais vot mère ossi jane comme vou z’aites

Fille oshteure. Et donc pour en fini;L’famaeux Paris vou trache pour sen amouaraeuze

Nour: Un homme, jane dame! madame, un tiei hommeVaut tout l’monde – Qui, sh’aie un homme de shire

D Cap: L’etai d’Verone na pouin une tieile fyieur Nour: Vère, sh’aie une fyieur en fouai, une belle fyieurD Cap: Kaie kou dizai? Pouvoue aiemai l’mousieu

Chti gneit vou l’verrai a not fricoVou pourrai yaire le livre du visage du jane ParisEt trouvai la jouaie ecrite la auve la pyume dla biautaiExaminai toutes laie lines d’sen visageEt veè comme yun praiete contentemaen a l’autreEt shu qui naie pouin ecrit dans shu biau volume laVou l’trouvrai ecrit dans sez ieisSha prèciaeux livre d’amour la shu biau amouaraeuxPour le faire pu bel manque d’une couvertureL’paeisson vit dans le mair et sh’aie ardi dl’orgueilDe pouviè mouchiè l’bel dans l’belShu livre la sharre la glouaire d’une route d’ieisQu’enfurme auve daie crochets d’or l’histouaire d’orVou z’erai etou sharre de tout shu qu’il aPar l’avé sans vou molli de riaen

Nour: Pouin mouains! Biaen, pu; laie femme craisse par lez hommesD Cap: Pahlai vite, pouvoue aiemai l’amour de Paris?Jul: J’en f’rait la mine si vla qui peut faire

Mais j’en lanchrait pouin mn’ieil pu profondQu’vot consentemaen n’baeille de forche pour le faire volai

[Un valet entre]

Val: Laie viziteux sont v’nus, l’soupai aie su la tablle, vou z’avai keryai, ma jane dame a v’ni, la nourriche enquiablle dans la cuisine, et tout aie dairoutte. I faut qu’ j’arraiete; j’vou suppyie, v’nai vite madame.D Cap: J’iron. al heure, Juliette, il arraiete pour nouNour: Va, fille, trache daie nies heuraeuses a daie jours heuraeux

[I sorte]

Scene 4 Une rue

[Entre Romeo, Mercutio, Benvolio auve shinq ou sie a faux visages, d’aut auve daie veux et d’autres]

Rom: Qui shunshin s’ra tu dit pour nou z’excuzai Ou nou jei sans dire riaen entou

Ben: Le temps et l’affaire aie tieileJn’eron pouin un cupidon a cyentai auve un sckalle [shalle?] Portant un arc de Tartare en latte paienturaiEfferyant laie dames comme un gardeux d’corbinsNi aucune herangue sans livre tristemaen pahlaie Et berdanguie pour nou a entraiMais qui nou m’zure par shu qui voudronsJ’laie m’zurrkon?? etou et pie j’nou z’en iron

Rom: Bayie me une veux j’en sie pouin pour shute sautrie laEtant b’zant j’porterait la veux

Mer: Noufè bouan Romeo j’voulon kou dansaiRom: Noufè craiyaiè mé vou z’avai daie saules pour dansai

Auve daie ligeres s’melles j’ait peux pouin boughiéMer: Vou z’aites un amouaraeux empruntai lz’ailes de Cupidon

Et sautai auve aeuse en d’su dla tete dez autresRom: Je sie piqui trop profond auve sa fleche

Pour volai en haut auve saie pyumes et sautaiJ’en peux pouin sautai en d’su dla triste paieneSous l’bzant?? paquet dl’amour je pille et fonse

Mer: Et die fossai vou d’vai portai l’amourUn trop fort paquet pour une affaire tendre

Rom: L’amour aie ti une affaire tendre Ah naennin giaJl aie rudre erraghi et pique dez epines

Mer: Si l’amour aie rudre auve vou saiyie rudre auve l’amourPique l’amour pour vou piquet et coppai l’amour abasBayie mè une casse pour mettre men visage dedans

[I met un faux visage]Un visage pour un visage kaie que jm’en sieKiei ieil curiaeux qui verra d’que pouin biaenIchin l’front d’ecarbot qui rouagisse pour mè si veule

Ben: Annon tappai et entrai el a paiene en d’dansQue tout homme faishe servi saie guerets

Rom: Une veux pour mé que lz’amouaraeux ligers de coeurCatoualle l’herbe qui n’sent pouin auve leux talonsCar je sie dittounai auve un pu grand dittonJe sie t’neux d’chandelle et r’gardeuxDla biautai dla gamme et vla tour pour mé

Mer: Bah la souaris aie grize l’mot daconnetablleSi taie gris j’té hahleron dla baueSeulemaen [i faut dire] pouin d’amour dans qui taieJusqu’aie z’oraeilles Annon j’brulon l’jeur ho

Rom: Noufè sh’naie pouin d’memeMer: J’entends mousieu en peute de temps

J’boulon not veux pour riaen comme daie lampes de jeurPraen shu qu’ j’entendon car not bouan jugementAie shinq caoups la pour un caoup dans laie shinq sens

Rom: Et j’entendon biaen en mettant shu faux visage ichinMais sh’naie pouin esprit d’allai la

Mer: Pourqui, peut nou d’mandai?Rom: J’ait songhi un songe la gneit passaieMer: Et mé etouRom: Eh biaen, kaie qu’etait l’votre?Mer: Qui daie songheux mente souventRom: Au yie endormis quand i songe la veritai Mer: O! j’vêt donc la raiene Mab a etai auve vou

Al aie la nourriche4 daie faies et a viaenEn forme pouin pu grosse qu’une pierre d’agate

4 the page in Thomas Martin’s notebooks on which this section of the translation appears features a number of circled words - ‘nourriche’ here is circled along with ‘pouin’ in the next line, ‘sergeant’ in the following line and further examples that will be marked with subsequent endnotes

Su l’aridait d’un sergeantTraienaie auve une gaiene de p’tits ch’vaeus Qui passe par su laie nais dz’hommes quand i sont couachis Laie reux d’sa chaise sont faites de longs pies d’crassiaues5 La couverture, d’aieles d’avouetresses;Laie brides6, daie pu fines cordes d’eragniéLaie coyiers dla cyartai7 yiauezaie dla luneSen fouet, un os d’criquet, la lagniere d’une tenure pelSen cacheux un p’tit papiyon8 a grize cottePouin la maienti si grand comme un p’tit rond verEpyuqui du dait faignient d’une filleSen keryio aie une cruque de nouaix viede Fait par le m’nuezié ecureuil ou l’vier verQui font laie chaises pour toutes laie faiesEt dans cht’etat la a galoppe toutes laie niesDans l’chevre dz’amouaraeux et pie i songe d’amourPar su laie juinouaix d’hommes de cour et i songe de civilitais Par su laie daie d’avocats qui song a leux fiezes Par su laie lieivres daie dames qui songe a eaet baieziesQue souvent Mab gervaie puni auve daie malonsPar leux z’halaiene a senti a d’que bouan Parfeis a galoppe par su l’nai d’un homme de courEt pie i songe a senti un pressaie hors Et parfeis a viaen auve la coue d’un porche d’dimeCatouayié l’nai d’un ministre quand i dortEt pie i songe d’avé un aut cure Parfeis a cache par su l’cô d’un soudardEt pie i songe qui coppe daie gorges etranghieresDe briques, d’attaques, de sahbres d’EspagneDe santais shinq braches de profond et biaentotTabouarins dans sez oraeilles de qui I tersautte et s’evilleEt etant effraras jure une peryiere ou daeuxEt dort derché sh’aie shute meme Mab laQu’appyatti laie crineries daie ch’vaues dans la gneitEt cuit laie piaues d’biche en biau maieli maieloKaie une poure sine si sont deboue quies d’ensaemblleSh’aie la la soulle quand laie filles sont su leux dosQui laie pousse en bas et leux z’apprend a enduraiShu qui laie fait femmes a portai bouan paquet Sh’aie la sh’aie la belle

Rom: Paix, paix! Mercutio, paix! Ta pahle de riaen

Mer: Sh’aie vrai, j’pahle de songesQui sont lz’efants d’un chervé faigniaentProduits de riaen sinon dl’idéeKaie une maquère ossi tenvre comme l’airEt riaen entou pouin tant comme le vent qu’amouaracheMeme oshteure le saien j’lai du Nor

5 Thomas Martin includes a question mark at the end of this line6 this word is circled7 there is another question mark here8 this word is circled and there is a note at the end of this line saying ‘bibet’

Et etant gervai fait du quamas de dlaEn s’déviriant du cotai du Su a rouzaie

Ben: L’vent d’qui vou pahlai nou soufflle d’nou memesL’soupai aie parai et j’iron trop tard

Rom: Trop partems j’craiens car mn’espirit m’ditQu’ya quik chose qui pend dans lz’etelles Qui c’menchra a saie si un ch’min amair Auve la gamme de chti gneit et amenra l’butD’une vie hayie enfurmaie dans men saienPar quik mauvais caoup d’mort d’vant l’tempsMais que l’siaen qua l’gouverneux d’ma coure Mine ma velle! Annon, maie bouans Messieux

Ben: Tabouarin sonne! [I sorte]

Scene 5 Une chambre dans la maison d’Capulet

[Musiciaens qu’arraiete. Valets entre]

1 Val: Ou’aie kaie Potpan qui n’aigue pouin a ramassai? li hahlai un tracheux? li gratti un trancheux

2 Val: Quand laie belles manières sont entre laie maiens d’un ou daeux z’hommes et yaeux laie maiens sales etou sh’aie d’qué triste 1 Val: Allouezen atou laie scabiaues hahlai la grande aumare r’gardai a l’argentrie bouan gayard sauve mè un morsai d’paien a shucre et comme tu m’aieme que l’porqué laque entrai Suque meule et Nell Antony et Potpan2 Val: Oui garcon tout aie prêt1 Val: Nou r’garde pour vou et nou crie d’mande et nou vou trache pour la grande chambre2 Val: J’en pouvon pouin eaet ichin et la etou Annon maie garcons boughie un p’tit et que l’draien en vie prenne tout

[I s’en vont en derrière]

[Capulet entre &c auve sa visite et laie faux visages]

Cap: Messieux biaen v’nus dames qu’avai dz’ortaiesPouin pyagui d’cornes vou dansrai auve aeuxAh ha maie maitresses laie kieile de vouQui denie d’dansai ielle qui n’voudra pouin ielleJ’vors jurai kal a daie cornes Et j’apperche de vou oshteureVou z’aites biaen v’nus messieux j’ait veux l’jourDe portai un faux visage et j’pouvais direUne histouaire en bas a l’oraeille d’une belle dameComme vou z’aiemai vla kaie parti parti vère partiVou z’aites biaen v’nus messieux annon souneux sounaiVoyon voyon faizai du run et piyounai le garces

[La musique joue et i danse]

Pu d’veux viyaiens et dèpaquie kaie tabllesEt daitaignie l’faeu l’endre aie oshteure trop caueAh mousieu shu pyaiezi ichin pouin attendu fait du biaenVère assyaivoue vère assyaivoue bouan cousin Capulet Car vou et mè je simes passai nos jours de danse

Combiaen qu’ya oshteure depie qu’vou et méAvaemes daie faux visages

2 Cap: Par ma dame trente ansCap: Qui? homme; n’ya pouin tant n’ya pouin tant

Sh’aie depie laie neuches de LucentioQu’la Paiene t’coute viaenne ossi vite comme a voudraYa vint shing ans qu’j’en mimes le draien caoup

2 Cap: Ya pu ya pu sen fi aie pu vier mousieu Sen fi a trente

Cap: Voulune m’dire chunnaSen fi etoit sous tuteur n’ya qu’daeux z’ans

Rom: Kiei dame qu’sh’aie la qu’enrichi la miaen De shu ch’vayiè la

Val: J’en siei pouin Monsieu Rom: O! al apprend aie veux a brulai vives

Sa biautai pend su la joue dla gneitComme un riche bijou a l’oraeille d’un EthiopiaenBiautai trop riche pour faire servi pour terre trop chèreA mourte comme un byanc pigeon parmi daie corbinsShute dame la parmi saie camaradesLa danse paraie je r’garderait ou’aie que s’mettraEt a touchiè la siaenne f’rait ma rudre maien heuraeuxMen coeur a ti aiemai d’vant oshteure parjure le veuxCar jn’ait jamais veux la vraie biautai que chti gneit

Tyb: Shtin shin par sa vouaix dait eaet un MontagueVa keuere men sahbre garcon qui l’eskiave a l’coeurViaen ichin te muchi auve un vier visage kaie v’nu Pour rire et t’moquè de not solemnitai Oshteure par l’orine et l’honneur de ma parentaiDe l’frappai mort j’naie vêt pouin aucun ma

Cap: Qui oshteure parent pourqui faire shu quamas illoTyb: Onclle sh’aie ichin Montague notre haienaeux

Un viyaien kaie v’nu ichin en morqueriePour faire une rizlaie d’not pyaiezi de chti gneit

Cap: L’jane Romeo aieshe Tyb: Sh’aie li l’viyaien RomeoCap: Contente té civile cousin laque le en r’pos

I s’comporte comme un vèritablle monsieuEt pour dire le veritai Verone se vante de liQu’il aie un jan homme vertuaeux et biaen gouvernaiJ’en voudrais pouin pour tout l’biaen d’shute ville ichinLiè faire aucun tort ichin dans ma maison De qui ayie patienche naen pernai pouin d’couaintizeSh’aie ma volontai de qui son la respectaiMourtai une belle mine et mettai shu maz la abasUne mine qui naie pouin propre pour une fete

Tyb: Al aie propre quand un tiei viyaien aie viziteux J’en peux pouin l’endurai

Cap: I s’ra enduraiQui bouan garcon j’dis qu’il y’s’ra AnnonSie ju maitre ichin ou vou AnnonVou n’pouvai pouin l’endurai Gu amendra mn’ame

Vou f’rai une revolte parmi maie viziteuxVou f’rai un foutu quamas vou s’rai l’homme

Tyb: Qui onclle sh’aie une honteCap: Allai allai

Vou z’aites un garcon impudent i s’peut biaenQu’shute trique ichin peut vou gervai je siei biaen quiVou voulai m’oppozai giatre il aie tempsBiaen dit maie coeurs Vou z’aites un impudent allaiAyiè r’pos ou pu d’veux pu d’veux kiei honteJ’vou f’rait en avè Qui en jouaie naie coeurs

Tyb: Patienche par forche auve ma colere se trouve Et fait ma chair traembyai chunna d’memeJm’en irait mais li a v’ni ichin tourneraBiau qui parait doux oshteure en fiel amair

[I sort]Rom: Si je sali auve ma maien saloppaie

[A Juliette]Shu saient front ichin la douce amende aie shunshinMaie lievres daeux viagheux qu’ont honte sont prètesPour fyattai la rudreux en laie baiezant tendermaen

Jul: Bouan gayard vou faizai trop d’tort a vot maienQue vot bouanne piètai mourte ichinCar daie saients ont daie maiens et daie viageux y toucheEt maien contre maien s’entre baize comme bouche

Rom: Daie saients ont etou daie lieivres et daie viagheux etouJul: Oui vraiment lieivres pour faire servi a peryai Rom: O donc chere saiente laque lieivres faire shu qu’maiens font

I prie tu dis pour ne perde pouin leux fousaiJul: Saients n’bouge pouin quand i sont a peryaiRom: Eh biaen n’bouge pouin tandis que j’frait ma peryière

D’maie lieivres par laie vôs ma faute aie purghie[I la baieze]

Jul: Maie lieivres ont donc la faute qu’il ont prinsRom: Faute d’maie lieivres O faute vite pardonnaie

Bayie mè ma faute derchèJul: Vou baiezie par le livreNour: Madame vot mère vos vou pahlai une paroleRom: Kaie keè sa mereNour: Giatre jan homme

Sa mere aie la dame dla maison Et une bouanne dame sage et vertuaeuseJ’ait allaittai sa fille a qui vou pahlaetesJ’vou dis l’siaen qui pourra mettre la miaen d’su Era lz’iers ouverts

Rom: Aie t’alle une CapuletO cher conte ma vie aie la dette d’men haienaeux

Ben: Annon allai l’pyaiezi aie au pu hautRom: Vere j’craiens l’surpu aie contre de méCap: Annon messieux n’vou prèparai pouin d’allai

J’avon un frico niais et de riaen en allant Aieshe de meme Qui j’vou r’mersie tousTaien qui honnete messieux bouanne gneit

Pu d’veux ichin Annon i faut allai s’couachiéAh moussieu [a 2 Cap] par ma fouai il aie tardJm’en vais me r’pozai

[Tous sorte sinon Juliette et Nourriche]

Jul: Viaen ichin nourriche kaie kèe shu mousieu laNour: L’fi et l’heriquè du vier Tiberio Jul: Kaie shtin-naen qui sort l’u oshteureNour: Giantre shtin-naen j’cre aie l’jane PetruchioJul: Kaie shtin-naen qui va souventre qui n’voulait pouin dansaiNour: J’en siei pouinJul: Allai et d’mandai sen nom s’il aie maryai

Men tombè a la mine d’eaet men yiè d’neuchesNour: Il a nom Romeo et un Montague

L’seul fi d’vot grand ennemiJul: Men seul amour a sorti d’ma seule haiene

Trop vite veux sans counietre et couneux trop tardHorriblle produit d’amour qu’shaie a mèQui faut qu’j’aieme hayi

Nour: Kaie shunshin kaie shunshinJul: une rime que j’ait apprins oshteure De yun auve qui j’ait dansai

Quikhuns crie en d’dans JulietteNour: Biaentot biaentot

Annon i faut allai tous laie viziteux sont partis

[I sorte]

[Chorus entre]

Oshteure li vier d’sir aie couachi sue sen yiè d’mortEt l’jane amour baille pour eaet sn’heriquéShute belle pour qui l’amour etait en paiene et erait mouaruMize a cotai dla tendre Julliette naie pouin d’aut belleOshteure Romeo aie aiemai et aieme derchèEnsorchelais laie daeux par le charme dla veuxMais a la siaenne qui crè qui l’kiei i faut qui pahleEt qua vole la douce bette dl’amour daie z’haiens taireiblles Etant r’gardai ennemi i n’peut pouin allaiFaire daie sermaens comme dez amouaraeux ont amors de faireEt ielle autant en amour et saie moyaens mouaindresPour trouvai sen cher amouaraeux a quik bordMais l’amour leux prete pouvior et l’temps ds’entre trouvaiMaietant l’pu amair auve le pu douse

[I sort]

Acte 2 Scene 1 Un courte l’perchaien du gardin d’Capulet

[Romeo entre]

Rom: Peux jei allai l’avant quand men coeur aie ichin?R’vire, sombre terre, et trouve ten miyi

[I’ monte amont la muralle et saute dedans]

[Entre Benvolio et Mercutio]

Ben: Romeo! men cousin Romeo!Mer: Il aie sage

Et, su ma vie, saie paque sie li a s’couachieBen: Il a coaur par ichin et a sautai shute muralle

Crie, bouan MercutioMer: Vere, j’evokrait etou

Romeo! humeurs! troubyai! amour! amouaraeux!Mourte té auve l’image d’un soupirDis seulemaen une parole et vla qui fra pour méCrie donc ‘Ah mé!’ biau coupelle ‘amour’ et ‘pigeanne’Pahle a ma couarakaire Venus une belle paroleUn meis nom pour sen fi et heir que qui n’vet pouinL’jane Adam Cupidon, li qui tiri si dretteQuand le rouai Caphetua aiemi la fille kaie’mandeI’ n’ô pouin, n’bouge pouin, n’raimouque pouinL’guernon aie mort et i faut que jl’evoqueJl’evoque par laie fins z’ieis de RosaliePar sent haut front et sa rouage lieivrePar sen biau pi, drette gambe, belle hanqueEt laie parties qui sont la autouarQue tu t’mourte a non trei qui taie

Ben: Et pie si t’ô tu l’gerverasMer: Shunshin n’peut pouin l’gervai, i s’rait gervai

Si j’faizais l’vai un espirit et pie l’laquet laPour ielle a l’mettre abas et l’evoque horsS’rait la gervance mais shu qu’ j’ait faitAie biaen et honete et au nom d’sa maitresseJn’evoque aucun aut que li

Ben: Annon, i saie muchi parmi chez arbes laPour eaet d’accord auve l’humeur dla gneit Sn’amour n’vêt pouin la gneit yaie pu propre

Mer: Si l’amour ne vêt pouin, i n’peut pouin vizai chette Oshteure i s’assyaira sous un nouaiziéD’girant qu’ sa maitresse s’rait un tiei fritComme daie filles appelle quand i rie toute seules9

[Thomas Martin’s notebook missing two lines of the translation here]

Mer: Romeo, bouanne gneit: Pour mé jm’en vais au yieShu yie ichin d’courte aie trop dur pour mé a dormeAnnon, nou z’en non ju?

Ben: I faut donc allai car sh’aie en viaenDe trachie ichin l’siaen qui n’vors pouin eaet trouvai

9 the translation appears to be missing two lines here, perhaps omitted intentionally by Thomas Martin

[I sorte]

Acte 2 Scene 2 L’gardin d’Capulet

[Romeo entre]

Rom: I’ s’marque daie blaessaeures qui naen a jamais yeux

[Juliette s’mourte ahaut a une f’naiietre]

Rom: Mais douashmaen! Kiei veux qui s’mourte a shute f’naietre la?Sh’aie l’Est et Juliette aie l’soleil!Leve té, biau soleil, et tue la lune enviaeuxKaie daija malade et pale de paieneQue té sa baisse aie biaen pu belle qu’ elleN’seit pouin sa baisse depie hal aie enviaeuse Saie hardes de fille sont malades et vertesEt n’ya qu’ daie fous qui laie porte hahle laieSh’aie ma dame; O! sh’aie mn’amourO! si a savait qu je sie ichinA pahle acouare a n’dit riaen; qui d’chunna?Sez ieis pahle; j’laie répondraitJe sie trop impudent, sh’naie pouin mé qua pahleDaeux daie pu belles z’etelles du cieilA yant qui’k’ bord, a allai suppyie sez ieisDe prendre leux pieches enche qui ne s’viaenneQui si sez ieis etaie la yaeux dans sa tete?La oyartai d’ sa jaue f’rait honte a chez etelles laComme le jeur fait a une lampe; sa ieis au cieilA travers l’air mourterais si brieyantsQui laie mouissons chantraie sans craie qui s’rait gneitVaiyoue! comme a couache sa jaue dans sa maiensOh! vouchais ju eaet un gant su shute maien laPour pouvé touchie a shute jaue la

Jul: Ah mé!Rom: A pahle!

O! pahle derché, ange brieyante; car taieOssi glouaeux a la gneit etant en d’su d’meComme un m’saghie du cieil aielai aieAie byancs z’ieis tournais en hautDes hommes qui kaie su l’dos pour le r’gardaiQuand i marche su laie nuairs sachis du vent Et noue su l’saien dl’air

Jul: O Romeo, Romeo! pourqui qu’ taie RomeoDenie ten père et abandonne ten nomOu, si tu n’vous pouin, jure mé tn amourEt j’en s’rait pouin d’autre une Capulette

Rom: En orrait ju pu ou pahlerait ju a shunshin a cotai?Jul: Sh’naie qu’ ten nom kaie mn’enemie

Taie té meme, sans etre un MontagueTkaie kei Montague? sh’naie ni maien, ni pi

Ni bas, ni visage, ni aucun aut partreQui apparhiaen a un homme. O! seit quik aut nomKaie qu’ sh’aie d’un nom shu qu’ j’applon une roseErait ossi bouan sent auve un aut nomEt Romeo, si n’avait pouin nom Romeo,Erait la doucein et la biautai qu’il aSans shu titre la. Romeo quitte shu nom laEt pour shu nom la qui naie aucune partie d’téPraen mé toute

Rom: J’té prends a la paroleAppelle mé amour et je s’rait nommai derchéA l’avai j’en s’rait pouin d’autre Romeo

Jul: Tkiei homme que taie qui muchi dans la gneitDistorbe m’en d’vi comme shunshin?

Rom: Par un nomJ’en siei pouin comme qui t’dire kaie que i’sieMen nom chere saiente aie kayi d’mé memeA cause qu’il aie un ennemi a téSi il avais ecrit, j’echibrais l’môt

Jul: Mez oraeilles n’ont pouin acouare bu shent parolesDu d’’vi d’shute langue la, acouare j’la i’ counieAie tu pouin Romeo et un Montague?

Rom: Aucuns, belles saiente, si tu n’lez aieme pouinJul: Commaie qu’ taie v’nu ichin, dis mé, et pourqui?

Laie muralles du gardin sont hautes et mauvaises a montaiEt l’endre la mort pour té tu sieiSi aucuns d’maie parens t’attrape ichin

Rom: Auve laie ligeres aieles dl’ amour j’ait sautai laie murallesCar laie bornes de roque n’peuve pouin gardai l’amourEt shu ql’amour peut faire aie quazi incroyablleDe qui taie parens nm’ effrie pouin etou

Jul: Si t’vee taie seur d’eaet tuai Rom: Helas! ya pu d’danghie dans tn’ ieil Que dans vint dleux sahbres: seulemaen parait fière

Et leux haiene naie riaen entou pour mé Jul: J’en voudrais pouin pour le monde qui t’verraie ichinRom: J’ait la robe dla gneit pour me muchiedluex veux;

Et seulemaen aieme mé et qui m’ trouve ichinMa vie finira mue par laie haieneQu’ la douce mort et pouin pouin auve ten amour

Jul: Tkaie qui ta m’nai a trouvai cht endre ichinRom: L’amour, qui ma poursai a n’enkaietai

I’ ma praietai avis et j’ait praietai mz’ieisJ’en sie pouin pilote acouare st’etais ossi yaenComme le gallet kaie lavai auve la mair la pu yiaen Jie risqueraie pour une tietre marchandise

Jul: Tu siei que l’vouaelle dla gniet aie su men visageOu biaen une rouageur de fille s’rait su ma jauePour shu qu’tu m’as oui dire chti gnietJ’voudrais biaen pouvié et s’raie fiere de l’deinyaiComme jl’ait dit mais acti shute pensaie laM’aieme tu? je siei qu’ tu diras ‘Oui’

Et j’prendrait ta parole acouare si tu jure

Tu pourrais prouvai faux a daie sermaens d’amouaraeuxI’ dize que Jove rit. O civile RomeoSi t’aieme dit le du fond d’ten couer Ou si tu cre que je sie gagnie trop vite J’frait une laie et sure mine et dire ‘naennin’Et tu m’amouarabras pouin; auter maen pouin pour la mondeEn veritai, biau Montague, j’aieme tropDe qui tu peux craire ma conditte couniesanceMais fie té su mé, Mousieu, j’prouvrait pu vraieQu’ laie siaennes qu’ont pu d’uze a par aitre drolesJ’erais etai pu drole, j’avoue,Sinon qu’ t’as oui sans qu’ j’le saeuseL’humeur d’men vrai amour de qui pardonne mé

Rom: Dame, par la lune bénie que vla je jureQue touche auve dl’argent l’coupé dz’arbes a frit que vla

Jul: O! n’jure pouin par la lune, la lune qui changeVere tous laie meis de pyaiene viedeDe craiente que tn’amour ne prouve la meme chose

Rom: Par qui qui faut jure?Jul: N’jure pouin entou

Ou s’tu vors jure par ta propre graceTkaie l’dyu qu’ j’adoreEt j’té craisrait

Rom: Si l’cher amour d’men coeur -Jul: Eh biaen, n’jure pouin. Biau qu’ j’ait jouaie d’té

Jn’ait pouin d’jouaie dl’ accord de chti gneitIl aie trop vif, trop subit, trop sans y pensaiTrop comme un ecyar, kaie passaiD’vant qu’ nou n’peuve dire il ecyaire. Cher bouanne gneit!Shu bouton ichin d’amour maeuri par l’halaiene dl’ etaiPourra eaet une belle fyieur l’perchaien caoup que j’pahleronBouanne gneit, bouanne gneit! qu’ le doux r’pas et l’somméViaenne su ten coeur comme le siaen dans men saien

Rom: O! m’laqueras tu si p’tit satisfaitJul: Tkiei satisfaction peux tu avé chti gneitRom: L’sermaen fidele de tn’amour pour le miaenJul: Jt’ait bayi l’miaen d’vant qu’ tu nl’aie d’mandai

Et j’voudrais l’avé acouare a bayiéRom: Voudrais tu hahlai pourqui ma chere?Jul: Pour caet libre et l’bayié derche a té

Et acouare j’en vors que shu qu’ j’aitJe sie libre comme la libertai dla mair Mn’amour ossi profond tant pu que j’té baeilleTant pu qu’ j’ait car n’ya pouin d’but aie daeux

[La nourriche crie en d’dans}J’ô du quamas en d’dans; cher amour, adiBiaen tot, bouanne nourriche! Doux Montague, seit fideleArraiete un p’tit je r’viaendrait derché [A sort]

Rom: O benite benite gneit! mais j’craiensQu’ etant gneit que sh’naie qu’ un songe

Qui fyatte trop biaen pour eaet la veritai

[Juliette r’entre ahaut]

Jul: Trei paroles, bouan Romeo, et bouanne gneit shu caoupSi t’en penchant d’amour aie honorablle Ten pyant marriage, fait mé a savé d’maienPar yun a qui j’envierait a téEyou et d’kiei temps qu’ la ceremonie s’fraEt toutes maies fortunes j’mettrait a taie piesEt srait auve té men Seigneur a travers le monde

Nou: [en d’dans] Madame!Jul: Jm’en viaens, al’ heure – Mais si tu n’as pouin bouan sens

J’té suppyie - Nou: [en d’dans] Madame!Jul: Jm’ens viaens biaen tot

De quittai a v’ni, et d’mé laquet adouelaie,J’envierait d’maien

Rom: Que mn’ame seit en jouaieJul: Bouanne gneit mille coups !

[A sort]

Rom: Tant piere mille caoups d’manque ta cyartaiL’amour va a l’amour, comme daie garcons d’leux livresMais l’amour dl’amour en d’viers l’ecole auve une sure mine

[I’ s’en va douashmaen]

[Juliette r’entre ahaut]

Jul: Kiei! Romeo, kiei! O! pour un vouaix d’sachaire Pour amnai shu tchaen ichin d’sache dercheL’eskiavage aie rudre et n’peut pouin pahlai en hautOu biaen j’vais defonsai la cave ou’aie que la echo aieEt frais sa langue d’air pu vive qu la miaennePar repetai la nom d’men Romeo

Rom: Sh’aie mn’ame qui crie men nomComme laie langues d’amouaraeux de gneit ont un son argentaiComme la pu douce musique a l’oraeille qu’ecoute

Jul: Romeo!Rom: Ma chere Jul: A kiei y’heure demaien

Envierait jei a téRom: A l’heure de neufJul: J’en manquerait pouin; ya vint ans enché

J’ait rombiyai pourqui que jl’ait keryaiRom: Que j’reste ichin enché qu’tu rue penseJul: J’rombilrait a t’avé acouare butai la

En pensant comme j’aiemeta compagnieRom: Et j’resterait acouare pour que tu rombille acouare

Toutes lez aut maisons sinon shette shin

Jul: Il aie quazi jeur, j’té voudrais partiEt acouare pouin pu yiaen que l’mouisson d’une gareeQui l’laque sautottai un p’tit hors d’sa maienComme un paine prizougnie dans saie fers enberdaiequiEt auve un fi d’souaie le r’amaene derchéPar eaet si jalouse d’sa libertai

Rom: J’voudrais eaet ten mouisson Jul: Men cher, et mé etou

Acouare j’té tuerais auve trop d’souain et d’amourBouanne gneit, bouanne gneit! s’entre quittai aie une tieile douce paieneQue j’dirais bouanne gneit enché d’maien [A sort]

Rom: Que l’dormi kaie su tez ieis la paix dans ta saien J’voudrais eaet dormi et paix pour servi ossi douceD’ichin jm’en vais a la grotte d’men père saientLie d’mandai sn’aigue et de m’dire ma chance [I’ sort]

Scene 3 La grotte du Frere Laurens

Frè: L’matin a gris ieil rit su la gneit gerghie Piyant laie nuaris de l’Est auve daie rilles de cyartai Et la laie obscuritai comme un ivérouanne bordingueHors dla vee du ch’min du jeur fait par laie reux d’TitanOshteure d’vant que l’soleil ne mourte sn’ieil de faeuPour réjouir l’jour et bere la rouzaie dla gneit I faut qu j’emphlle shute bingue ichin d’osier Auve de grosses herbes et daie fyieurs a preciaeux junLa terre sh’aie la mere dla nature sen tombre aieEt shu kaie sen tombre pour enterrai aie sen ventreEt d’sen ventre une route de sortes d’efants Suchant su sen saien naturel j’trouvon Une routes pour une routes de vertus superbes Aucunes qui n’sont pouin bouannes et toutes differentes O! famaeuse aie la taireiblle grace kaie Dans lz’herbes lz’arbes roque et leux vraies qualitais Pour riaen si laid qui vit su la terreQui a la terre n’lie baeille pouin quik biaenNi riaen si bouan kaie hahlai d’sa piècheEt d’sen vrai usage kaie abuzai qui f’raLa vertu s’tourne en crime sa naie pouin a sa pièche Et pie l’crime etou aie parfeis elvai Dans l’miyi de shute p’tite fyieur ichinLa pouaizon d’meure et un pouvai metchinalCar shunshin etant sentu rejoui laie parties auve le sentEtant gouetai tue laie sens auve le coeur Daeux z’etais haienaeux oppozais sont etou maielaisDans le homme comme dans lz’herbes grace et rudre volontaiEt ou’aie’que l’pière aie l’pu fortLe cancre dla mort maghu al heure la pyante

[Romeo entre]

Rom: Bon jour, pereFrere: Seit beni

Kiei langue si du partems qui m’salue si biaen?Jane fi vla qui mourte une tete maladeDe dire bonjour si vite a ten yiéL’souain fait garde dans l’ieil de tous laie viersEt ou’aie’que l’souain d’meure l’dormi nie s’ra pouin biaenMais ou’aie’qu’ la janesse niaise a chervé vièdeCouache saie membres l’somme d’or yaie rouaiDe qui te ossi du partems m’ditQue taie distorbai par quik maladieOu sik non j’erait donc la veritaiSh’aie qu’not Romeo na pouin couachi chti gneit

Rom: L’draien aie vrai l’pu douse r’pas etait l’miaenFre: Que Gu pardonne la faute etais tu auve RosalineRom: Auve Rosaline men Saient pere naennin

J’ait rombiyai shu nom la et i n’maie de riaenFre: Vla un bouan fi mais ou’aie donc qu’ t’as etaiRom: J’te dirait d’vant qu’ tu n’mé d’mande derché

J’ait etai m’rejoui auve men ennemi Ou’aie’qu’ yu’une ma blessai au subitKaie blessaie par mé le r’miède d’nos daeux Dans tn’aigue et ta metchine aieJn’ait aucune haiene saient homme car la Jn’ait riaen entou contre men ennemi

Fre: Ouvertemaen bouan fi et pahle au pouaint Penfesse a la maienti dite naie qua la maienti faite

Rom: Eh biaen sachie donc l’cher amour d’men coeur aie misSu la belle fille du riche CapuletComme le miaen aie su ieille le siaen aie su l’miaenTout aie accordai sinon shu qui faut kie seit Par le saient mariage: Quand, eyou et comme quiLe c’menchemaen l’amour et l’echange de sermaensJ’te dirait en allant mais shunshin j’te suppyie D’avé la bontai d’nou maryai ogneit

Fre: Saient Saient Francais! kiei change ichin Dans Rosaline que t’aiemais tant mon dou

Si vite rombiyaie l’amour daie jan z’hommes naie doncPouin au fond dleux coeurs mais dans leux z’ieis Jesu Marie! Kiei quantitai d’sailQua lavai taie poures jaues pour RosalineCombiaen d’iaue salaie perdue pour riaenPour assaizounai l’amour qui naen goute riaen L’soleil na pouin acouare bu taie soupirs au cieilTaie viers jaients sonne acouare dans maie vieilles z’oraeillesLa ichin su ta jaue la taque aie assise D’une vieille lerme qui naie pouin acouare lavaie horsSi jamais t’as etai te meme et sh’aie paienes la a teTe et sh’aie paienes la etaie toutes pour RosalineEt aie tu changhi dis donc shute sentence ichinFemmes peuve kaie quand n’ya pouin d’forche dans lz’hommes

Rom: Tu m’as rouannai souvent pour aiemai RosalineFre: Pour en eaet niais pouin pour aiemai men garconRom: Et tu m’as dit d’enterrai l’amour

Fre: Pouin dans une fossePour lie mettre pour en hahlai un autre

Rom: Jt’en prie n’grond pouin ielle que j’aieme oshteure Baeille faveur pour faveur et amour pour amour etouL’aut n’le faizait pouin

Fre: O! a savait biaenQue tn’amour etait niais et n’pouvait pouin faireMais annon jane gilhouette viten auve méJ’te s’rait d’aigue dans une affaireCar cht’ayance ichin pourra tournai en biaenPour tournai la haiene d’vos maisons en pur amour

Rom: O! Qu j’allon d’ichin je sie ardi en hateFre: Douashmaen en sages; I s’echappe qui keuere vite

[I sorte]

Scene 4 Une rue

[Entre Benvolio et Mercutio]

Mer: Ou guiablle qu’shu Romeo ichin aie?Aeishe qui naie pouin v’nu chti gneit

Ben: Pouin sie sen père; j’ait pahlai a sn’hommeMer: Ah shute pale gayarde a coeur dur shute Rosaline

L’tourmente tant qui troubyera pour de seur Ben: Tybalt l’parent du vier Capulet

A envyai une lettre a la maison d’sen pèreMer: Pour le defyai, su ma vieBen: Romeo l’repondraMer: Aucun homme qui siei ecrire peut repondre une lettreBen: Vere i repondra l’maitre dla lettre comme i faut

pour sen impudence Mer: Helas! poure Romeo il aie daija mort;

piqui auve le ner ieil d’une byanche gayarde; tirai atravers l’oraeille auve une chanson d’amour l’pivotd’sen coeur fendu auve la fleche de l’arc du garconqui n’vet pouin; Et aie ti un homme pour recontrai Tybalt?

Ben: Qui kaie qu’ sh’aie de Tybalt?Mer: Pu que l’prince daie cats j’peux vou dire. O! il aie l’pu couaragaeux captaiene dla civilitai. I s’bat comme vou chantai une chanson, garde le temps, la distance, et shu qui faut arraiete entre laie notes, yun, daeux, et l’triezieme dans vot saien; l’bouachie d’un bouton d’souaie un batayeux un batayeux un mosieu dla prumiere maison dla prumiere et daeuxieme cause. Ah! l’immortelle pouainte! la siaenne de travers! le faien!Ben: Le qui?Mer: La vereule su d’etais mots du d’vi qui touche et qui naie riaen daie termes nouviaues biaen arranghais. Par Jesu, un biaen bouan shabre! un homme ardi haut! une biaen bouanne putaien! Qui, aieske pouin la d’que lamentablle grandpère d’eaet afyighi d’meme auve sh’aie droles de mouques la sh’aie faizeux d’modes sh’aie pardonnai mé qui haienne tant a la nouvelle mode qui n’peuve pouin eaet assis en r’pos su l’vier banc? O! leux bouans, leux bouans.

[Romeo entre]

Ben: Ichin Romeo, ichin Romeo

Mer: Comme un herant seque sans sez oeuvres. O chair, chair, comme taie paeissounaie! oshteure aie ti pour laie siaens que Petrarque fat parmi: Laure a sa dame n’etait qu’une garce de cuisine, giatre al avait un miyeur amour a rimai; Dido une saloppe; Cleopatre une Egyptiaenne; Helene et Hero daie filles de riaen et daie putaienes; Thisbe une gris ieil ou d’meme, mais pouin au pouaint. Seigneur Romeo, bon jour! vla un salut Francais a vot saloppe Francoise. Vou nou paquites d’une belle maniere de nou hier au serRom: Bon jour a vos daeux. Kiei paquerie que j’fie hier au ser de vou?Mer: L’ecappe, mousieu, l’ecappe; avoue rombiyai?Rom: Pardon, bouan Mercutio, mn’embarras etait grand; d’dans un cas comme la miaen un homme peut ecappai civilitai Mer: Sh’aie autant comme de dire qu’une cas comme le votre forche un homme a piyai dans saie jambons Rom: Vla qu’entend saluaiMer: Tu l’as justement biaen frappaiRom: Une biaen civile maniere Mer: Vere je sie l’ieillet dla civilitaiRom: L’ieillet d’une fyieur Mer: Le vlaRom: Qui ma pompe aie donc biaen fyieurieMer: Biaen dit continue auve mé shu badinage la enchè d’avé uzai ta pompe pour que quand l’purmié cuir s’ra uzai que l’badinage neste apres l’uzure d’ardi drole et seulRom: O badinage a un seul cuir ardi seul par eaet a sen tout saeu Mer: Viaen entre nou, bouan Benvolio; mn’espirit manque Rom: Baguette et eprons, eprons et baguette; ou j’cueriat pour une jouainteMer: Vere, si tn’espirit couar a la sache de l’ouaie sauvage, je sie parai, car t’as pu de l’ouaie sauvage dans yun de taie dittons que jn’ait dans maie shinq. j’en sie seur etais ju auve vou la pour l’ouaie?Rom: Tu n’as jamais etai auve mè pour riaen quand tu n’taie pouin la pour l’ouaie Mer: J’te morderait l’oraeille pour shu ditton la Rom: Noufè, bouan ouaie, n’mors pouinMer: Tn’espirit aie’un doux amair; une vive salade Rom: Et a naie pouin biaen servie dans un ouaie douxMer: O! ichin un ditton d’cuir de biche qu’elaieze d’une pouce de laieze a une aune de laiezeRom: Jl’elaieze pour le mot elaieze qui mis auve l’ouaie en laieze en en longueur un large ouaie te fait Mer: Qui aieshe que shunshin naie pouin miyeur que d’jaiendre pour l’amour oshteure taie comme d’amors oshteure taie Romeo oshteure taie shu qu’ t’etaie par art comme par nature car cht’ amour ichin niais aie comme un grand gayard qui couar en fou en amont et en ava pour muchiè sa jouette dans un pertu Ben: Arraiete la, arraiete laMer: Tu vors que j’arraiete mn’histouaire contre le piau Ben: T’erais autermaen allouagni tn’histouaireMer: O! taie trompai; jl’erais accourchie; car j’etais a la pu grande profondeur d’men conte vraiment pour en pahlai pu long temps j’nie pensais pouinRom: Yaen ichin une une bouanne parre

[Entre Nourriche et Pierre]

Mer: Une velle; une velle; une velleBen: Daeux, daeux; une c’minze et un fro Nour: Pierre!Pier: Al’heure!

Nour: Mn’eventouail, PierreMer: Jt’en prie fait le bouan Pierre pour muchiè sen visage car sn’eventouail aie l’pu bel daie daeuxNour: Que Gu vou baeille bon jour Messieux Mer: Que Gu vou baeille bouan jeur d’mouaiezelleNour: Aie ti bouan jeur?Mer: I naie pouin mouains j’vou dis car l’egulle payarde du cadran aie oshteure su la pouainte de mejeu Nour: Taizoue donc! kiei homme kou z’aites?Rom: Yun, ma bouanne dame, que Gu a fait pour se douabai li memeNour: Par me veritai, vla kaie biaen dit; ‘pour se douabai li meme’? s’ti Messieux pouvoue m’dire quikhuns ou’aie que j’peux trouvai l’jane Romeo?Rom: J’peux vou dire; Mais l’jane Romeo s’ra pu vier quand vou l’erai trouvai qui n’tait quand vou l’trachaetes je sie l’pu jane de shu nom la manque d’un pièreNour: Vou pahlai biaenMer: Qui l’pière aie ti biaen? biaen prins, en fouai; biaen sage, biaen sageNour: Si sh’aie vou, Moussieu, j’voudrais vou pahlai quik parolesBen: A vors l’invitai a quik soupaiMer: Un bordé, un bordé, un bordé! Vère ho!Rom: Kaie qu t’as trouvai?Mer: Pouin d’yièvre, moussieu; a mouains, moussieu, un yièvre dans un palai d’Paques kaie d’que vier et mouzi d’vant d’eaet maghi

Un vier yièvre mouzi, et un vier yièvre mouziAie un biaen bouanne viande pour Paques:

Mais un yièvre kaie mouzi, aie trop pour un caoupQuand i mouzi d’vant d’eaet maghi

Romeo viaendroue cie vot père j’iron dinai la? Rom: J’irait auve vouMer: Adi, vieille dame, adi dame, dame, dame

[Mercutio et Benvolio sorte]Nour: Giatre, adi! j’vou z’en prie, mousieu, kiei marchand impudent que sh’tait la qu’etait si pyaien d’corderies Rom: Un mousieu nourriche qu’aieme s’oui pahlai et kaen dit pu dans une minute qui n’peut en endurai dans un meis Nour: Et si pahle aucune chose contre de mé j’le mettrait bas quand i s’rait pu gros qui naie et vint gayards comme li et si j’en peux pouin j’trouvrait laie siaens qui l’frons. Viyaein a scarvi! j’en sie pouin une d’sh’aie couarahaires; j’en sie pouin laie garas d’sa oshaiene. Et i faut qu’tu reste la etou et endurai tous laie viyaiens a faire shu qui voudrons d’méPier: Jn’ait veux aucun homme faire qui shu voulait d’vou si en cas men sahbre ont biaen vite sorti j’peux vou dire j’oze degaienai si vite comme un autre homme si j’vêt la causitai dans un bouan quamas et la louai d’men cotai Nour: Oshteure je sie si gervaie que toutes laie parties d’mè traemblle, vère endrè Gu. Viyaiens a scarvi! j’vou z’en prie, mousieu, une parole; comme j’vou z’ait dit, ma jane dame ma dit d’vou trouvai hors shu qua me dit d’dire j’garderait a mè mais Capuie mè en prumiè vou dire si vou la m’nai dans l’paradis daie fous, comme i dize, s’rait une conditte biaen brutale, comme i dize, car la d’mouaiezelle aie jane de qui si vou z’aites a daeux visages auve elle pour de seur i’rait une laie affaire de s’offre a une d’mouaiezelle et pie d’faire comme chunnaRom: Nourriche r’c’mande mè a ta dame et maitresse. J’te dis pour de seurNour: Bouan coeur! et, un fouai, j’lie dirait chunna. Seigneur, Seigneur! a s’ra une femme joyaeuseRom: Kaie qu’tu lie dirais, nourriche? tu nin ecoute pouin Nour: J’lie dirait mousieu kou certifyai kaie comme j’le prends l’offre d’un Mousieu Rom: Dit li de trouvai

Quik moyaens pour v’ni eaet confessaie apres dinaiEt la dans la grotte du frère LaurensA s’ra confessaie et maryaie. Vla pour ta paiene

Nour: Naennin, d’seur, moussieu; pouin un penniRom: Annon! j’dis kou l’frai Nour: Apres dinai, mousieu? eh biaen a s’ra laRom: Arraiete, bouanne nourriche; derrière la muralle dl’abbaye

A une heure d’ichin mn’homme s’ra la auve téEt apportera daie cordes faites en echaielleQui au pu haut coupé du mât d’ma jouaie S’rons mn’aigue dans la gneit toute nèreAdi! Pahle biaen et tu s’ras payie pour ta paiene Adi! R’c’mande mé a ta maitresse

Nour: Oshteure que l’Gu du cieil te benise! Ecoutai mousieu Rom: Kaie qu’tu dit, ma chere nourriche?Nour: Votre homme aie ti seur? avoue quick caoup ouiQue daeux peuve consiyiè s’il en hahle yunRom: J’té gairanti mn’homme aie seur comme dl’acierNour: Eh biaen, Mousieu; ma maitresse aie la pu douce dame -Seigneur, Seigneur! quand al tait une p’tite garce – O! ya un noblle dans la ville, un Paris, qui s’rait fier die mettre le couté; mais ielle, bouanne arne, aieme ossi biaen si une taupe vère une taupe comme li. j’la gerve parfeis et j’lie dit qu Paris aie l’miyeur homme mais j’peux vou dire que quand j’le dis a parait ossi pale comme aucune shique kaie dans l’monde. Rosemarin et Romeo c’menche ti pouin auve le meme lettre? Rom: Oui, nourriche; qui d’chunna laie daeux quve un RNour: Ah! moqueux; sh’aie la pour le tchaen. R aie pour le tchaen – Noufè je siei qui c’menche auve quik aut lettre et al a l’pu biau ditton atouar vou et rosemarin qui vou f’rait du biaen a la oui Rom: R’c’mande mè a ta dame [I sort] Nour: Oui mille caoups

Pierre!Pier: Me ichinNour: Praen mn’eventouail et va d’vant

[I sorte]

Scene 5 L’gardin d’Capulet

[Julliette entre]

Jul: L’haueloge a sounai neuf quand j’ait envyai la nourriche Al a promis de r’vaini dans une de m’y’heure vèrePet’etre qua n’peut pouin l’trouvai sh’naie pouin d’memeO! al aie éhanquie; laie herants dl’amour devraie eaet pensaiesQui vont die feis pu vite qu’la lueur du soleil Sachant l’ombrage de d’su laie coetis De qui laie pigeons si vifs su l’aiele mourte amourEt ont lz’aieles de Cupidon vif comme le ventL’soleil aie oshteure su l’pu haut montD’sa jouinaie d’agneit et d’neuf a douzeYa tree longues heures acouare a naie pouin v’nueS’al tait en amour auve un jane sang caue A boughrait ossi vite comme a un bal Maie paroles la fraie sautai a men cher amour

Et l’siaen au miaenMais d’vieilles gens une route font lu mine d’eaet mortsLairds sombres b’zants et pales comme du pion

[Entre Nourriche et Pierre]

O Gu! la vla. O nourriche de mieil! kiei nouvelles? L’as tu trouvai? Envie tn’homme hors dla vée

Nour: Pierre, reste a l’û [Pierre sort] Jul: Oshteure, o bouanne douce nourriche; pourqui qu’tu parait?

Biau qu’laie nouvelles saie tristes dit laie en jouaieSi bouannes t’ahontage la musique de douces nouvellesPar laie jouai auve une si sure mine a mé

Nour: Je sie lassaie laque me un p’titAh! comme j’ait ma dans lz’os! Ait ju yeux un jabJul: J’voudrais qu’t’erais mz’os et mè taie nouvelles Annon! voyon jt’en prie pahle bouanne bouanne nourriche pahleNour: Jesu! kiei hate aieshe kou n’pouvai pouin arraietai?

Aieshe kou n’vaiyie pouin que je sie horte d’halaieneJul: Commaie qu’taie horte d’halaiene

De m’dire que taie horte d’halaieneL’excuze qu’tu fais dans shunshinAie pu longue que l’histouaire qu’tu vors excuzaiQui nouvelles sont ti bouannes ou mauvaises repond chunnaDit yun daie daeux et vla qui fra pour méSatisfait mè donc aieshe biaen ou ma

Nour: Eh biaen, vou z’avai fait un simplle chouaix; vou n’savai pouin comme qui chouaiezi un homme: Romeo! non, pouin li; biau qu’sen visage aie miyeur que l’siaen d’aucun homme acouare sa gambre aie en d’sei d’chunna et pour une maien un pi et un corps biau qu’nou n’dait pouin en pahlai acouare i surpasse la biautai meme. I naie pouin la fyieur dla civilitai mais j’le gairanti tranquille comme une berbes. Va ten ch’min gayarde sers Gu. Qui! avoue denai sie vou?Jul: Naennin, naennin: mais shunshin j’le savais d’vant. Kaie qu’il a dit d’not marriage? qui d’chunna? Nour: Ah Seigneur! ma poure tete kiei tete que j’ait!A bât comme sa s’en allait en vint morsiauesMen dos dl’aut cotai. Ah! men dos, men dos Qu’vot coeur seit maudi pour m’envyai par campsPour prendre ma mort par coure haut et basJul: En fouai j’ait r’gret qu’tu naie pouin biaenDouce, douce, douce nourriche, dis mé, kaie qu’men cher dit?Nour: Vot cher dit comme un honnete mousieuEt un civile un bouan et un belEt j’en sie seure un vertuaieux – Ou’aie kaie vot mère?Jul: Ou’aie kaie ma mère! qui, al aie en d’dansOu’aie qua s’rait? Comme tu repond drolemaen:‘Vot cher dit comme un honnete mousieu,Ou’aie kaie vot mère?’Nour: O! la cher dame de Gu. Aites tous ossi caude? Giatre, en veritai, eh biaen;Aieshe ichin l’patron pour men ma dans lz’os?A l’avni faizai vos m’sages vou meme Jul: Mon dou, kiei traiens! Annon, kaie qu’ Romeo dit?

Nour: Avoue permission d’allai a la confesse agneitJul: J’en aitNour: Eh biaen allai d’ichin a la grotte du Frère Laurens

Ya un homme qu’arraiete la pour vou faire une femmeOshteure vla le visage sang qui viaen dans vos janes I s’rons ecarlates a aucunes nouvellesAllai a l’egllise i faut qu’ j’alle d’un aut cotai Keure une echaielle par qui votre amouaraeuxS’en va montai a va nid d’mousieu quand i s’ra gneitJe sie la baisse et travalle pour vot pyaiezi Mais vou porterai l’paquet a caoup de gneitAllai jm’en vais dinai allai a la grotte

Jul: Vite a la haute fortune! honnete nourriche, adi![I sorte]

Scene 6 La grotte du Frere Laurens

[Entre le Frere Laurens et Romeo]

Fre: Que l’aeil rie su shute saiente action ichinEt qu’pu tard auve paiene i n’nou r’proche pouinRom: Amen, amen! mais viaenne paiene qui voudra

A n’peut pouin abafouai toute la jouaie D’une courte minute me baeille a la véeJouains seulemaen nos maiens auve de saientes parolesQu’la mort qu’avalle l’amour faieshe shu qua voudraSh’aie assai que j’peuve l’applai la miaenne

Fre: Sh’aie fortes jouaies ichin ont daie fins fortesEt dans leux victouaire meure comme le faeu et la poudreQui en s’entre baiezant s’consume L’pu doux miel Aie hayi dans sa propre douceurEt dans l’goue riune l’appetitDe qui aiemai et moderoue le long amour le faitTrop vite viaen ossi tard come trop douashmaen

[Julliette entre]Ichin la dame: O! un pi si ligerN’pourra jamais uzai la roque eternelleUn amouaraeux peut s’eperquè su l’dunQui vole par l’air couarquè dl’etaiEt acouare n’kaie pouin la vanitai aie si ligère

Jul: Bon jour a men saient confesseuxFre: Romeo te r’mersiera, fille, pour nos daeuxJul: Autant a li ou saie taienquis sont te tropRom: Ah! Julliette si la m’zure de la jouaie

Aie amouashlaie comme la miaenne et que tn’espirit aie puPour l’ornai adouci la auve ten halaieneCht’air ichin vaizin et qu’ la riche langue dla musiqueDecouvre le bonheur imaginai qu’ nos daeux enduron etQu’ j’avon ichin dans not chere recontre

Jul: L’orgueil pu riche en maquere qu’en parolesS’vante de sa maquère pouin dl’ornemaenSh’naie qu’ daie haiemands qui peuve contai leux biaen

Mais men amour a creux si fort Qu’ j’en peux pouin contai la maienti d’men biaen

Fre: Annon, v’nai auve mè et j’en coppron au courtCar par vos d’sirs vou n’resterai pouin seuls Enché qu’la saiente egllise ne faieshe yun d’vos daeuxEt vivai donc en paix et saiyie donc heuraeux

[I sorte]

Act 3 Scene 1 Une rue Publique

[Entre Mercutio, Bevolio, Valets et Pages]

Ben: Jt’en prie, bouan Mercutio, i faut s’en allai: L’jour aie caue, laie Capulets par camps Et si j’laie trouvon jn’ecapron pouin du quamasCar, d’shu temps ichin caue, l’sang boui et erage

Mer: Taie comme yun d’sh’aie gayards la qui quand i met l’pi dans un calaret fourre sen sahbre su la tablle et dit ‘que Gu nm’envie pouin l’bezouain d’te!’ et auve l’effet dla daeuscieme coupe la hahle de dla quand i naen aie pouin d’bezouain entouBen: Sie ju comme un tiei gayard?Mer: Annon, annon, taie un Jean ossi caue dans taie quintes comme aucuns en Italie et biaen vite poussai a une quinte et vite en quinte pour y’eaet poussaiBen: Et a qui?Mer: Vere si yaen avait daeux z’etais je s’raemes sans a caoup car yun tuerait l’autre. Te! qui t’eras du quamas auve un homme qua un piau d’pu ou un piau d’mouains dans sa barbe que te. T’eras du quamas auve un homme pour craque daie nouaix pour aucune aut raison sinon qu’ t’as d’gris z’iers. Kiei ieil que l’hiaen qui verrait une tieile dispute. Ta tete aie ossi pyaiene de houannes comme un heu aie pyaien d’viande et acouare ta tete a etai capuchie ossi malle comme un heu maielai pour disputai. T’as yeux du quamas auve un homme pour toussai dans la rue a cause qu’il eviyi ten tchaen qu’etait couachi a dormi aie soleil. Aeut tu pouin du quamas auve un coueturie a cause un autre pour avé umarrai saie neux saules auve du vier riban et acouare tu vors me dire dn’avé pouin d’quamas Ben: Si j’etais ossi aprè a avé du quamas comme té, aucun homme acabrait l’simplle pux d’ma vie pour une heure et quartMer: L’simplle pux! Kiei ni ollin

[Entre Tybalt et autres]

Ben: Par ma tete ichin laie Capulets Mer: Par men talon j’en m’ensie pouinTyb: S’yaivai mé d’près car j’vors leux pahlai

Messieux, bon jour! une parole auve yun de vouMer: Et qu’une parole auve yun de nou? Maielai la auve quik chose fazai une parole et une volaie Tyb: Vou m’trouvai vif assai a chunna, Mousieu, si vou picagnie auve méMer: Aieshe kou n’pourraetes pouin en trouvai vou meme sans aucune aigue Tyb: Mercutio taie comarade auve RomeoMer: Comarade! qui! nous fais tu daie musiciaens? fais tu daie musiciaens d’nou taie donc seur de oui d’fauesses notes ichin mn’arquet; ichin shu qui vou f’ra dansai. Giatre! Comarade!Ben: J’pahlon ichin a un endre ou’aie qu’tous passe

Ou allouezen a quik endre hors dla vée Et pahlai ensaemblle d’vos gervancesOu pahkoue tous lz’iers nou vée ichin

Mer: Lz’iers dez hommes sont faites pour vée et qui r’gardeJ’en boughrait pouin pour le pyaiezi d’aucuns mé

[Romeo entre]Tyb: Bon qu’ la paix seit auve vou, Mousieu, ichin mn’hommeMer: Mais j’vors eaet pendu mousieu si porte vot grêt

Giatre, allai d’vant a l’herbe il na auve vouVot Seigneurie dans chunna peut l’applai homme

Tyb: Romeo la haiene que j’te porte n’peut pouin bayiéUn miyeur terme que shunshin – Taie un viyaien

Rom: Tybalt, la raison qu’ j’ait a t’aiemai Met abas toute la forche dla rageDe shu qu’tu m’dit Viyaien j’nie sie pouin De qui adi j’vêt qu’tu n’mé counie pouin

Tyb: Garcon, shunshin n’peut pouin excuzai l’tort Que tu m’as fait de qui degaiene oshteure

Rom: J’peux certifyai qu’ j’en tait jamais fait tort Mais jt’aieme mues qu’ tu n’peux craire Enchè d’counietre la raison de mn’amietiAnnon, bouan Capulet, le nom de qui j’respecteJustement autant comme le miaen seit satisfait

Mer: O calme, laie tranquillitai, sans aucun honeurUne pouainte du sahbre s’en va atou [I dègaiene]Tybalt, attrapeux d’rats, marcheroue?

Tyb: Kaie qu’tu vors avé auve mé?Mer: Bouan rouai daie cats riaen sinon y’une de taie neu vies auve qui mé a l’avni capuchiè lz’aut huit seques. Vouloue errachiè vot shabre hors de sa pouque par les oraeilles daipaiechoue de criaente que l’miaen n’seit autouar d’vos z’oraeilles d’vant qui n’seit horsTyb: Me ichin pour vou [I dègaiene]Rom: Bouan Mercutio, serre donc ten sahbreMer: Annon, Mousieu, vot pouainte [I s’batte]Rom: Dègaiene, Benvolio; coppe leux sahbres abas

Messieux, kiei honte, quittai donc chunna!Tybalt, Mercutio, Le prince a d’fendu tout shu quamas ichinDans laie rues d’Verone arraiete Tybalt bouan MercutioArraiete, Tybalt! bouan Mercutio!

[Tybalt et sa gaiene sorte]Mer: J’ait yeux du ma

Une pyaie su vos daeux maisons! je sie paraiAie ti parti sans avè riaen?

Ben: Qui! as tu yeux ma? Mer: Oui, oui, egrattai, une egrattaeure; giatre, sh’aie assaiOu’aie kaie men page? Va, viyaien, keure un docteur

[Page sort]Rom: Couarage, homme, la blessaeure aie p’titeMer: Vere, a naie pouin ossi profonde comme un pis, ni si large comme un û d’egllise; mais sh’aie assai, a f’ra: d’mandai pour mé d’maien et vou m’trouvrai un homme de fosse. je sie paivrai, j’en sie seur, pour shu monde ichin. Une pyaie su vors daeux maisons! Giatre! un tchaen, un rat, une souaris, un cat, de grimai un homme a la mort un vanteux, un voleux, un viyaien qui s’bât par le livre du chiffre! Pour qui guiablle kou z’aites venu entre nou? j’ait etai blessai sous vot brasRom: J’pensais faire pour le muesMer: Aieguie mè a quik maison, Benvolio,

Ou j’haierait ichin. Une pyaie su vos daeux maisons!

Qu’ont fait dla macalle a vers de méJl’ait et comme i faut: vos maisons!

[Mercutio et Benvolio sorte]Rom: Shu mousieu ichin, l’près parent du prince,

Et mn’ami a yeux sen caoup mortel Pour me supportai; men nom aie taqui Auve la r’proche de Tybalt; Tybalt que ya une heureKaie men parent. O douce Julliette!Ta biautai ma hahlai men coeurEt molli la trempe de l’acier d’men coeur

[Benvolio r’entre]Ben: O Romeo, Romeo! le brave Mercutio aie mort

Shu famaeux espirit a montai dans laie nuagesParti d’vant sent temps en s’fichant dla terre

Rom: D’aut jours depende su la nere scene d’agneit Shunshin c’menche la paiene d’aut la finirons

[Tybalt r’entre]Ben: Ichin l’furiaeux Tybalt derchèRom: En vie! en victouaire! et Mercutio tuai!

Parti au cieil qu’men respect oshteure Et l’faeu allumai de mn’ieil me mêneOshteure, Tybalt, praen l’viyaien derchè qu’tu m’as bayiN’ya pouin long temps car l’arme de MercutioNaie pouin biaen haute en d’su d’nos tetes Arraietant pour le haienne a lie gardai compagnieOu te ou mé ou nos daeux i faut qu’ j’allon auve li

Tyb: Te viyaien d’garcon tu l’as fait v’ni ichinEt t’vas auve li la

Rom: Shunshin en daisiddra [I s’batte; Tybalt kait]Ben: Romeo, va! t’en au pu vite

Laie gens dla ville s’en viaenne; Tybalt aie tuaiN’reste pouin etonnai l’prince te condamra a mouari Si taie prins d’ichin; va! t’en au pu vite!

Rom: O! Je sie l’fou dla fortuneBen: Pourqui qt’arraiete

[Romeo sort]

[Gens dla ville entre]

1 Hom: De kiei cotai qui saie paqui qua tuai Mercutio?Tybalt, shu meurtrier, par eyou qu’il aie parti?

Ben: Vla Tybalt couachi la1 Hom: Butoue Mousieu v’nai auve mé

J’vou c’mande au nom du prince d’ecoutai

[Entre le Prince, gardai; Montague, Capulet, leux femmes et d’autres]

Prin: Ou’aie kaie laie viyaiens qu’ont c’menchi shunshin?Ben: O noblle prince j’peux vou contai tout

Shu haen aie d’shu quamas fatal ichinVla l’homme couachi tuai par le jane RomeoQua tuai ten parent l’brave Mercutio

D Cap: Tybalt, men cousin! O l’efant d’men frère!Triste veux ah mon dou! l’sang aie purai

D’men cher parent Prince comme tsaie bouan Pour not sang pure de sang d’Montague O cousin, cousin!

Prin: Benvolio, kaie qua c’menchi shu quamas ichin d’sang?Ben: Tybalt, tuai ichin, qu’la maien d’Romeo a tuai;

Romeo, ya pahlai biaen, et ya dit d’pensaiAu danghie du quamas et a etou dit Vot gervance atouar. Tout shunshin pahlaiAuve une douce vouaix, belle mine et civilitaiNa pouin peux gagniè riaen su l’arne en fouaisDe Tybalt qui na pouin voulu oui mais a lanchiSn’acier pouaintu au saien du brave MercutioQui ossi caue tourne sa pouainte a la siaenne Et auve une maquerie rède curve une maien pousseLa frède mort de cotai et auve l’autre l’envieDerchè a Tybalt de qui li ossi vifLa r’pousse Romeo crie a haute vouaix‘Arraietai amis! amis, quittai!’ et pu vif que sa langueSen fort bras abat leux fatales pouaintes Et s’furre entre taie daeux de qui sous sen brasUn mauvais caoup de Tybalt a frappai la vieDu gros Mercutio et pie Tybalt saie paquiMais biaentot et aie r’vainu a RomeoQu’avait a paiene pensai a la r’vengeEt i sie mette comme dez coyais car d’vant queJ’en paeuse laie sèparti ou eprouvai l’gros Tybalt etait tuaiEt quand il a etai bas Romeo saie paquiEt vla la veritai que Benvolio vou dit

D Cap: Il aie un parent a Montague;L’amieti l’fait faux i n’dit pouin la veritai Une vintaiene saie battue dans shu ner quamas ichinEt tous laie vint n’ont peux tuai qu’une vieJe d’mande la justice que te prince daie m’donnaiRomeo a tuai Tybalt, Romeo dait etait tuai

Prin: Romeo la tuai, il a tuai Mercutio;L’kiei qui dait oshteure le prix d’sen cher sang?

Mon: Pouin Romeo, prince, il tait l’ami d’MercutioSa faute dit donc ou’aie qu’la louai devrait finiKaie la vie d’Tybalt

Prin: Et pour shute faute laAu pu vite j’le bannisson d’ichinJ’ait un interêt a foulai vos haienesMen sang pour tout vot quamas aie ichin punaiMais j’mettrait su vou une si forte amende Que vou vou r’paentirai dla porte du miaen Jn’orrait pouin vos peryières ni vot d’viNi lermes ni aut chose sh’aie tout en vaienDe qui naen pahlai pouin que Romeo s’en alle a caoupOu biaen s’il aie trouvai s’ra la draiene heure R’empartai shu corps ichin et v’nai nou servè

L’piti faut un meutre si pardonne laie siaens qui tue[I sorte]

Scene 2 Un endrè dans la maison d’Capulet

[Julliette entre]

Jul: Galloppai vite ch’vaues a pies d’faeuEn d’viers le chati d’Phaebus un tiei cacheuxComme Phaeton vou f’rait allai dans l’vouaisEt f’rait v’ni la nere gneit biaen viteMet ta belle courtune gneit pour faire sez amoursQue lz’iers du monde peuve cyintai et RomeoSaute dans sh’aie bras ichin sans eaet veux ni suppozaiAmouaraeux peuve vee a faire leux jab d’amourAuve leux propre biautai ou si l’amour ne vêt pouinIl aie pu propre a la gneit. Viaen, civile gneit Té sobre bouanne femme sage tout en nerEt apprend mé comme qui perde une gamme pour gagnièJouaie pour une parre d’ouetis pouin taquis Muchi men sang pouin hommai qui monte dans maie jauesAuve ta nere robe enchè ql’amour n’ait prins du coeurPour vee l’vrai amour jouai simplle modestieViaen, gneit! viaen, Romeo! viaen, jeur dans la gneit!Car tu l’couachras su lz’aieles dla gneitPu byanche que dla nee su l’dos d’un corbinViaen belle gneit viaen chere nere brune gneitBaeille me men Romeo et quand i mourraPraen le et coppe le en p’tites etellesEt i s’fra l’visage du cieil si belQue tout l’monde s’ra en amour auve la gneitSans adorai entou l’soleil de jeurO! j’ait acatai l’manair d’un amourMais j’en l’ait pouin et biau que j’sie venduePouin acouare jouie. Shu jour ichin aie ennyant Comme la gniètre d’vant une feteA un efant sans patienche qua d’neuves hardesEt qui n’peut pouin laie mettre. O! ichin ma nourriche

[Nourriche entre auve daie cordes]

Et al apporte daie nouvelles et toutes laie langues qui dizeSeulemaen l’nom d’Romeo pahle un lingo du cieilOshteure, nourriche, kiei nouvelles? kaie qu’ t’as illo? laie cordesQue Romeo t’avè dit d’allai vee pourin

Nour: Oui, oui, laie cordes[A lz’echipe bas]

Jul: Mon dou! kiei nouvelles? pourqui qu’tu frotte taie maiens?Nour: Ah! mon dou! il aie mort, il aie mort, il aie mort!

Je sirnes parais, madame, je sirnes parais!Helas l’jour! il aie parti, ile aie tuai, il aie mort!

Jul: L’cieil peut ti eaet si enviaeux?

Nour: Romeo peut,Si l’cieil ne peut pouin. O! Romeo, Romeo;Kaie qui l’erait jamais creux? Romeo!

Jul: Kiei guiablle que taie qui m’tormente de meme?Shunshin devrait etre heurlai au fond dl’enfer Romeo saie ti tuai li meme? dis seulemaen ‘oui’Et shu p’tit mot le oui empouaizounra puQue l’ieil dl’aspie qui m’niche le mortJ’en sie pouin me si ya un tiei ouiOu frume tez iers pour pouviè rèpondre ‘oui’S’il aie tuai dit Oui sik non naenninUn court son daisidde d’ma jouaie ou d’men deuil

Nour: J’ait veux la blessaeure jl’vait veuze atou mz’iersGu sauve la merque ichin su sen saien d’hommeUn triste corps un triste corps sangyaiPale pale comme dla shendre tout douabai d’sangDu sang figui j’en ait yeux une fyaibyesse

Jul: O! Romp men coeur poure perdu romp oshteure Iers en prison jamais n’vaiyie d’aut libertaiLaie terre cede a la terre fini ta vee ichinEt te et Romeo faizai un b’zant coffre

Nour: O Tybalt, Tybalt! l’miyeur ami qu’ j’avaisO civile Tybalt! honnete mousieu!Que jamais j’vivrais pour té vée mort!

Jul: Kiei gaiele que sh’aie ichin qui soufflle si contraireRomeo aie ti tuai Tybalt aie ti mort?Men cher cousin aiemai et men pu cher SeigneurEh biaen, horriblle trompette, sonne la fin du mondeCar kaie qui vit si sh’aie daeux la sont partis

Nour: Tybalt aie parti et Romeo aie banniRomeo qui la tuai aie banni

Jul: O Gu! La maien d’Romeo a t’alle purai l’sang d’Tybalt?Nour: A la fait, a la fait; helas l’jour! a la fait.Jul: O coeur de serpent muchi auve un visage de fyieurs!

Jamais dragon a ti gardai si belle grotte?Biau tyran! ange haienaeux!Corbin a pyumes de pigeon! berbes a coeur de loup!Maquere hayie d’une veux divine!Justement oppozai a shu qu’tu mine mourteUn saient dammai un honorablle viyaienO nature! kaie qu’ t’avais a faire en enferQuand t’emprunti l’espirit d’un guiabllePour mettre dans l’corps mortel d’ossi belle chair?Jamais livre auve une si laid continu a ti jamaisEtai mues yai? O! qui la traiezon d’meureDans un si biau palais

Nour: N’ya pouin d’fyanche Ni d’fouai, ni d’honnetitai dans lz’hommes; tous triqueuxTous parjurais, tous menteux, tous hypocritesAh! ou’aie kaie mn’homme? bayie mé d’iaue d’vieSh’aie paienes miseres et traiens ichin m’fait vieilleQu’ la honte kaie su Romeo!

Jul: Qu’ta langue seit mallounaiePour un tiei d’sir i na pouin etai nai pour la honteSa sen front la honte a honte de s’assyaieCar sh’aie la un throne pour y couronnai l’honneurSeul souveraien de toute la terreEtais ju donc bête de dire du ma dli

Nour: Pahleroue biaen du siaen qua tuai vot cousinJul: Dirait jei du ma du siaen kaie mn’homme?

Ah! men poure Seigneur, kiei langue qui r’parrha vot nomQuand mè ta femme de tree z’heures la ruinai?Mais pourqui viyaien qu’ t’as tuai men cousin?Shu viyaien d’cousin erait tuai mn’hommeAbas lermes niaises allai derche a vot r’source Car toutes vos gouttes sont pour le misereDe qui en vou mèpernant vou z’offrai a la jouaieMn’homme vit que Tybalt erait tuaiEt Tybalt aie mort qu’erait tuai mn’hommeTout chunna aie biaen; Pourqui donc que j’pyeure?Y’avait un mot pière que Tybalt aie mortQui ma tuaie j’voudrais pouviè l’rombiyai Mais, O! I pousse su ma mèmouaireComme une action coupablle su l’espirit d’un homme‘Tybalt aie mort et Romeo banni!’Shu ‘banni’ la shu mot la ‘banni’A tuai die milles Tybalts. La mort de TybaltEtait mal assai s’al avait fini laOu si la sure paiene aieme la compagnieEt a bezouain d’eaet maielaie auve d’aut paienesPourqui qua na pouin dit en dizant ‘Tybalt aie mort’Ten pere, ou ta mere, vère, laie daeux,Qu’la mort nou z’erait biaen lamentai? Mais auve une parole sièvant la mort de Tybalt‘Romeo aie banni!’ a dire shute parole la aieshe Que pere, mere, Tybalt, Romeo, Julliette,Sont tous tuais et morts: ‘Romeo aie banni!’N’ya pouin d’but d’fin de m’zure ni de riaenLa mort aie dans shu mot la n’ya riaen qui peut l’sondaiOu’aie kaie mon pere et ma mère, nourriche?

Nour: A pyeurai et soupirai su l’corps de TybaltI roue auve aeuse j’rait vou zie m’nai

Jul: Lave ti saie blessaeures de lermes laie miaennes s’rons uzaiesQuand laie laeu s’rons sèques pour Romeo banniPernai sh’aie cordes la Poures cordes vou z’aites trompaisI vou fie pour un ch’min a men yiéMais mé une fille j’meurt une fille veuveAnnon cordes viaen nourriche j’rait a men yié d’neuchesEt la mort pouin Romeo prend men prumié pyaiezi Car pour mé je sie tuaie et Romeo banni

Nour: Allai a vot chambre j’trouvrait Romeo Pour vou satisfaire je siei biaen ou’aie qu’il aieEcoutai vot Romeo s’ra ichin chti gnietJ’rait a li il aie muchi dans la grotte de Laurens

Jul: O trouvai le bayie shute bague la a men vrai coeurEt dizai li de v’ni dire sen draien adi

[I sorte]

Scene 3 Le grotte du Frère Laurens

[Entre le Frère Laurens et Romeo]

Frè: Romeo, viaen ichin; viaen ichin, homme taireiblleL’afyiesion aie en amour de taie partiesEt taie maryai a la misère

Rom: Père kiei nouvelles kaie kee la sentence du princeKiei paiene qui d’mande accouaintance auve méQu’ j’en counie pouin acouare

Fre: Daija biaen tropAie men cher fi dans une tieile sure compagnieJt’apporte laie nouvelles dla sentence du prince

Rom: Qui mouains que l’draien jour aie le sentence du prince?Fre: Une affaire pu douce a sorti d’saie lievres

Pouin la mort du corps mais l’corps banniRom: Ha! banni! ait piti dit la mort

Car eaet banni parait pu efferyiablle Biaen pu qu’la mort n’dit pouin banni

Fre: Taie banni d’ichin d’VeroneAit patienche car le monde aie long et large

Rom: N’ya pouin d’monde en l’hors daie murs d’VeroneQue l’purgatouaire, l’tourment et l’enferBanni d’ichin aie banni d’mondeEt par le monde aie la mort de qui bannissementTa coppe ma tete auve une hache d’orEt tu rit dla volaie qui m’tue

Fre: O mauvais crime! O rudre brutalize!Ta faute not louai appelle mort mais l’bouan princePraen ta partie et pousse la louai d’cotaiEt a tournai l’ner mot d’mort a bannissement Sh’aie la cher piti et tu n’le vêt pouin

Rom: Sh’aie tourment et pouin bontai l’cieil aie laOu’aie qu’ Julliette aie et tout tchaenEt p’tite souaris et que de riaenVive dans l’cieil et peuve la r’gardaiMais Romeo n’peut pouin Pu d’libertaiPu d’honneur d’etat pu d’amouarachrie aieDans daie mouques a tchasses qu’dans Romeo i peuve s’assysaieSu la belle et chere byanche maien d’Julliette Et volai benediction immortelle d’saie lievresDe qui meme en pure modestie d’filleRouagisse acouare par eaet si modeste et si divines Mais Romeo n’peut pouin il aie banniMouques peuve le faire quand mè i faut qu’ j’en voleI sont dz’hommes libres mais je sie banniEt dis tu acouare que bannissement naie pouin mort?As tu dla pouaizon dètrempaie quik coute biaen èguchi

Quik moyaen d’mort subite n’ya pouin d’souain quiMais banni pour me tuai? ‘banni’!O frere! laie damnais font servi shu mot la en enferEn l’dizant i heurle: Commaie qu’ t’as l’coeur Un saient homme un saient confesseuxQui pardonne laie fautes et qui passe pour amiDe m’tourmentai auve shu mot ‘la bannissement’?

Fre: Homme troubyai d’amour ecoute mè dire une paroleRom: O! tu pahlerais derchè d’bannissementFre: J’té baidrait une armaeure pour gardai chunna hors

L’doux lait dla misere la philosophiePour té consolai biau qu’taie banni

Rom: Acouare ‘banni’ pend le philosophie A mouains qua n’peuve me faire une JullietteChanghiè une ville virai la sentence d’un prince A n’aigue pouin a n’gagne pouin n’pahle pouin d’autre

Fre: O! j’vêt daie troubyais n’ont pouin d’oraeillesRom: Commaie qui peuve quand daie sage n’ont pouin d’iers?Fre: Saque mè disputai auve té su tn’etatRom: Tu n’peux pouin pahlai d’shu qu’tu n’sens pouin

Si t’etais ossi jane comme mé Julliette tn’amourMaryai depie une heure Tybalt tuaiAiemant comme mé et comme mé banniTu pourrais donc pahlai tu pouorrais donc errachie taie k’vaeuxEt t’echipai bas comme j’fais oshteure Pernant la m’zure d’une fosse pouin faite

Fre: Bute té nou tappe bouan Romeo muchè té[Nou10 tappe en d’dans]

Rom: Pouin mé a mouains qu’ l’halaiene daie jaients de coeurComme une brunaie me muche dla veux dz’iers

[Nou tappe]Fre: Ecoute! comme i tappe. Kaie kee la? Romeo, bute té;

Tu s’ras prins. Arraiete un p’tit! Bute té; [Nou tappe]

Couar a t’muchiè. Al heure. La volontai d’Gu!Kiei traiens qu’ sh’aie ichin! J’viaens, j’viaens!

[Nou tappe]Kaie qui tappe si dur d’ou’aie kou v’nai kaie kou voulai?

Nour: [en d’dans] Laquie me entrai et vou serai men me entrai J’viaens dla dame Julliette

Fre: Biaen v’nue donc [Nourriche entre]Nour: O Saient Frère! O! dis mè, Saient Frère

Ou’aie kaie l’Seigneur d’ma dame? ou’aie kaie Romeo?Fre: La su la terre bragi auve saie lermes Nour: O! il aie dans l’etat d’ma maitresse

Justement comme ielle. O triste affaire! Affaire de piti! Vla justement comme al aie,A soupirai et pyeurai; a pyeurai et soupiraiButoue butoue sou z’aites un hommePour l’amour de Julliette, pour l’amour d’elle butoue butouePour qui kaie dans un si profond O?

10 Nourriche

Rom: Nourriche!Nour: Ah mousieu! mousieu! la mort aie la fin d’toutRom: Pahle tu d’Julliette? commaie que sn’affaire va?

Sans doute qua m’crè un vier meurtrierOshteure que j’ait taqui l’jane temps d’sa jouaieAuve du sang biaen p’tit éryanni du siaen?Ou’aie kal aie? commaie kal aie? et kaie qua dit Ma dame muchie a notre amour separti?

Nour: O! a n’dit riaen mousieu mais pyeure et pyeureEt a s’echipe su sen yiè et pie a tersautteEt crie a Tybalt et pie crie a RomeoEt pie s’echipe derchè

Rom: Comme si shu nom laTirai du barri meurtrier d’un armeLa tuait comme la maudite maien d’shu nom laTui sen parent. O! dis mè frère dis méDans kieile laie partie d’shu corps ichinQu’men nom d’meure? dis mè que j’trachePar le manoir hayi

[I hahle sen sahbre]Fre: Arraiete ta maien meurtriere

Aie tu un homme? la forme crie qu’tu yaie Taie lermes sont d’femme tn’action d’rage mourteLa fouais sans raison d’une beteAction d’femme mourtaie dans un hommeAction etou d’une bete et aucunes propreTu m’as etonnai par men saient ordreJ’craiyaie ten couarage biaen mues trempai.As tu tuai Tybalt vors tu t’tuai té memePar une homme damnaie contre té memePourqui qu’tu r’proche ta vie l’cieil et la terreDepie té d’un caoup qu’tu vors perdu d’un caoup Honte honte t’ahontage ta forme tn’amour tn’espiritQui comme un homme riche en aie beniEt tu n’fais pouin servi entou comme i fautShu kaie pour ornai ta forme tn’amour tn’espiritTa noblle forme naie qu’une forme de shire A cotai du couarage d’un hommeTen fort amour jurai mais ardi parjuraiTuant cht’amour la que t’as jurai d’aiemai Tn’espirit l’ornemaen a la forme et l’amour Mal formai pour m’nai laie daeux z’autresComme dla poudre dans la pouaire d’un soudard niaisAie muze a faeu manque de savè la manyaiEt té mis en pièches auve ten propre instrumaenQui! bute té, homme; ta Julliette aie en vie Pour le cher amour de qui t’en erais mouaru hierTaie heuraeux la Tybalt t’erait tuai Sinon qu’ t’as tuai Tybalt la taie heuraeux etouLa louai qui te m’nichait tourne tn’amieDe qui taie banni la taie heuraeuse etouUn paquet d’benedictions kaie su ten dos

L’bonheur t’amouarache auve saie miyeures hardesMais comme une putaien gerghiè et d’mauvaise conditteTu boute su ta fortune et tn’amour Mefie té mefie té car d’etais meure dans la misereAnnon va cie ta chere suivant l’accordMonte a sa chambre pour lie bayiè du r’comfort Mais garde de n’arraietai pouin qu’la garde seit mizeCar tu n’pourrais pouin passai a MantuaOu’aie qu’tu vivras enche que j’ayon l’tempsD’faire savè vot marriage mettre vos z’amis d’accordD’mandai pardon du prince et vou r’applai Auve vint shents mille feis pu d’jouaie Que d’lamentations en vou z’en allant Va d’vant nourriche r’c’mande mé a ta dameDit li d’envyai au pu vite la maizounaie au yiéQu’la b’zante paiene i poussera al heure Romeo s’en viaen

Nour: O Seigneur j’erais peux restai ichin toute la gneitA oui bouan conseil O shu qu’la couniesance aieMen Seigneur j’dirait a ma dame kou viaendrai

Rom: Vere et dizai a ma chere de s’preparai a grondreNour: La, mousieu, vla une bague qua ma dit d’vou bayié

Mousieu daipaiechoue car il aie daija tard [Nour sort]

Rom: Comme men espirit aie ravivai par shunshinFre: Allai d’ichin bouanne gneit et ichin tout votre etat

Ou allouezen d’vant qu’la garde ne seit mizeOu apres l’jeur dèguizai d’ichinAllai a Mantua J’trouvrait votre hommeEt i vou dira d’un caoup a la’autre Le biaen qui vou viaendra pour vot bonheurBaeille mè ta maien il aie tard adi bouanne gneit

Rom: Sinon qu’une jouaie passaie jouaie m’crieS’rait une paiene de quittai si court auve téAdi [I sorte]

Scene 4 Un endrè dans la maison d’Capulet

[Entre Capulet, Dame Capulet et Paris]

Cap: Lz’affaires se sont tournaies si tristemaen mousieuQue jn’avon pouin yeux l’temps d’pahlai a not filleVaiyioue al aiemait sen parent Tybalt ardiEt mè etou: eh biaen, j’avon etai nais pour mouariIl aie ardi tard a n’viaendra pouin chti gneit abasJ’peux vou dire sinon pour vot compagnieQue ya une heure que je s’raie au yié

Par: Shu temps ichin d’paiene me baeille pouin l’temps d’faireMadame bouanne gneit r’c’mandai mé a vot fille

D Cap: Oui et j’vors savè sn’idée du partems d’maienChti gneit al aie adouelaie dans sa b’zanteur

Cap: Mousieu Paris j’frait une forte epreuve Dl’amour de mn’efant j’crè qua s’ra c’mandaie Au mouains par mé acouare pu j’naen doute pouin Femme allai a ielle d’vant d’allai au yiéFaizai li a savé l’amour d’men fi ParisEt dizai li entendoue Mecerdi qui viaenMais, douashmaen! kiei jour qu’il aie?

Par: Lundi, men SeigneurCap: Lundi! ha, ha! Mecerdi aie trop vite vère vère

I faut dire Jeudi! Vere Jeudi dizai liQua s’ra maryaie a shu noblle comte ichin.S’roue prêt? aiemoue shute hate la?Jn’eron pouin grand tripo; un ami ou daeux;Car, vaiyoue, Tybalt qui viaen d’eaet tuaiNou pourrait craie que j’mè penson pouinEtant not parent si j’faizon trop d’traiensDe qui j’eron une demie douzaiene d’amisEt en fini. Mais kaie kou dizai d’Jeudi?

Par: Men Seigneur, j’voudrais qu’Jeudi s’rait d’maienCap: Eh biaen, allai: j’metton pour Jeudi.

Allai a Julliette d’vant d’allai au yiéPrepare la femme pour shu jour ichin d’neuchesAdi, men Seigneur. dla veux a ma chambre, ho!D’vant mè il aie si tard que j’pourron l’applaiA caoup du partems. boaunne gneit.

[I sorte]

Acte 3 Scene 5

Jul: Vors tu t’en allai? i naie pouin su eaet jeur Sh’tait l’rossignol et pouin l’allouetteQua perchi l’taireibelle creux de tn’oraielle Toutes laie nies i chante su shute belle arbre la Crè mè, amour, sh’tait l’rossignol

Rom: Sh’tait l’allouette l’heraut du matinPouin d’rossignol: vai tu, ma chere, sh’aie ulles laQui separte laie gros nuairs la dans l’estLaie chandelles dla gneit sont brulaies et l’joyaeux jourAie su sen but d’pi su l’coupè daie hautes montanesI faut qu’ j’alle pour vivre ou restai pour mouai

Jul: Shute lueur la naie pouin l’jeur j’le siei biaen méSh’aie quik vapeur que l’soleil fait l’vaiPour eaet une veux pour ti chti gneit Pour que tu veè ten ch’min a MantuaDe qui arraiete acouare tu n’as d’faire entou d’allai

Rom: Laque mè eaet prins laque me eaet fait mouaiJe sie content s’tu vors l’avé d’memeJ’dirait qu’shu gris la naie pouin l’ieil du matinSh’aie seulemaen la pale lueur du front d’CynthieNi sh’aie pouin l’allouette qui fait oui saie notesContre la vote du cieil si haute en d’su d’nos tetesJ’ait pu d’souaen d’restai que d’volontai d’allai

Viaen mort et biaen v’nue Julliette le vors biaenSeit en jouaie mn’ame? i faut pahlai i naie pouin jeur

Jul: Sh’yaie, sh’yaie; va d’ichin va vite va t’enSh’aie l’allouette qui chante ossi hautEtriyant sa gorge a forche de chantaiNou dit ql’allouette fait de douces seperationsShette shin n’le fait pouin car a nou separtiO! j’voudrais oshteure qu’il eraie changhi leux vouaix etou Depiè qu’shute vouaix la effrie bras d’entre bras Te sachant d’ichin endrè la lueur du jeurO! va t’en vite l’jeur crait de pu en pu

Rom: Pu en pu de lueur; pu nere en nere nos paienes

[Nourriche entre]

Nour: Madame!Jul: Nourriche!Nour: La mère d’vot dame s’en viaen dans vot chambre

L’jeur aie rompu; mefyoui, r’gardai ni [Nour sort]Jul: Eh biaen, f’naietre laque jeur entrai et laque la vie sortiRom: Adi, adi! que j’te baieze et pie jm’en irait

[Romeo d’valle]Jul: Aie tu parti d’meme? men cher, men Seigneur, mn’ami!

I faut qu’ j’os d’té tous laie jours dez heuresCar dans une minute ya une route de jeurs O par contai d’meme j’erait une route d’annaiesD’vant d’vee men Romeo derché

Rom: Adi! j’en manquerait pouin une chanceQui pourra t’bayiè daie nouvelles ma chere de mé

Jul: O Gu! j’ait une ame qui pense a du maJ’crè que j’té vêt oshteure que taie abasComme un mort dans l’fond d’un tombéOu biaen ma veux manque ou tu parait pale

Rom: Et j’peux t’dire ma chere dans mn’ieil tu l’fais etou La paiene seque bêt not sang. adi!

Jul: O crè tu que j’nou z’entre verron derchèRom: J’naen doute pouin et toutes sh’aie paienes ichin f’rons

Un biau d’vi pour non pu tard. adi! adi![Romeo sort]

Jul: O fortune, fortune! Tous lz’hommes dize que tu changiSi tu change kaie qu’ t’as a faire auve le siaenKaie r’nommai pour sa fouai? Change fortune;Car j’erait attente qu’tu n’le garderas pouinMais qu’tu l’envieras derchè

D Cap: [En d’dans] Ho, fille! aites tous l’vaie?Jul: Kaie qu’ sh’aie qui crie? aieshe madame ma mère?

S’couache t’alle ossi tard ou s’leve t’alle ossi partemsKiei caux dourouttaie qui la fait v’ni ichin

[Dame Capulet entre]

D Cap: Qui, qui oshteure Julliette?Jul: Madame, j’en sie pouin biaenD Cap: Tourjoue a pyeurai pour la mort d’vot cousin

Qui vors tu l’lavai d’sa fosse auve daie lermesEt si tu pouvaie tu n’pourraie pouin l’faire vivreDe qui fini daie paienes mourte ardi dl’amietiMais trop d’paiene mourte etou un manque d’espirit

Jul: Acouare laque mè pyeurai pour une tiele perte D Cap: Vou sentirai la perte mais pouin l’ami

Pour qui vou pyeurai Jul: En sentant la perte

J’en peux pouin chouaizi d’pyeurai l’amiD Cap: Eh biaen, fille tu n’pyeure pouin tant pour sa mort

Comme que l’viyaien vit qui le tuaiJul: Kiei viyaien, madame?D Cap: Shu viyaien la RomeoJul: Entre li et viyaien ya une route de milles

Que Gu l’pardonne j’le fais auve tout men coeurEt acouare aucun homme n’fait d’paiene a men coeur li

D Cap: Sh’aie la a cause que l’traietre meurtrier vitJul: Vere, madame, hors de l’avaiente de maie maiens

J’voudrais que ny’erait qu’me a r’venghie sa mort vèreD Cap: J’eron not r’venge pour naen craiens pouin

N’pyeure pouin d’autre j’envierait a yun a MantuaOu’aie qu’shu gayard la banni vitQui lie baidra une si bouanne daouse Qui gardera biaen vite la compagnie de TybaltEt pie j’espere que tu s’ras satisfaite

Jul: Vraiment j’nie s’rait jamais satisfaiteAuve Romeo enché dla vee mortMen poure coeur aie ti si gervai pour un parentMadame si vou pouvai seulemaen trouvai un homme Pour portai dla pouaizon j’la dètraempraitDe qui Romeo quand i l’era prinzeDamira biaen vite en paix. O! comme men coeur kieiA l’oui nommai et n’peux pouin apperchiè dliPour errachiè l’amour qu’ j’avais pour men cousin TybaltSu sen corps qui la tuai

D Cap: Trouve laie moyaens et j’trouvrait cht’homme laMais oshteure j’té dirait d’bouannes nouvelles fille

Jul: Et la jouaie viaen dans un temps d’bèzouain Kaie qu’sh’aie j’vou zaen suppyie madame

D Cap: Eh biaen, eh biaen. T’as un père de souain filleYun qui pour te hahlai de tn’adouelemaen Ta prèparai un jour subit d’jouaie A qui tu n’peux pouin ni su qui tu n’te fie pouin

Jul: Madame en temps heuraeux kiei jour que sh’aie la? D Cap: Mayai mn’efant du partems Jeudi matin

La brave jane et noblle mousieuLe comte Paris a l’Egllise de Saient Pierre Qui t’fra la en bonheur une femme heuraeuse

Jul: Oshteure par l’egllise de Saient Pierre et Pierre etou

I n’mé fra pouin la une femme heuraeuxJe sie ravie d’shute hate ichin qui fait eaet maryaieD’vant que l’siaen kaie pour l’homme n’ait fait l’ammourJ’vou suppyie dizai a men Seigneur et père MadameQu’ j’en marierait pouin acouare et quand j’le frait je jureS’ra Romeo que vou savai que j’kieiPu tot qui Paris Sh’aie donc la d’belles nouvelles

D Cap: Ichin vot pere dizai li chunna vou memeEt vaiyie comme i l’prendra d’vos maiens

[Entre Capulet et Nourriche]

Cap: Quand l’soleil se couache l’air rouze dla rouzaie Mais pour le soleil couachi du fi d’men frèreSh’aie un bouayon d’iaueQui oshteure un ussè fille qui acouare en lermesTourjoue schoualles dans un p’tit corpsTaie comme une barque une mair et un vent Car tourjoue tez iers que j’peux applai la mairMorte et d’valle auve daie lermes ten corps aie la bayueDans shute mair la salaie le vent taie soupirsQui èraghant auve taie lermes et taie lermes auveSans un calme subit renverseronsTen corps dans la tempete Qui oshteure femme Avoue bayi notre ordre tieile kal aie

D Cap: Oui mousieu mais a n’vors pouin a vou r’mersieJ’voudrais qu’la niaise s’rait maryaie a sa fosse

Cap: Douashmaen pernai mè auve vou pernai mè auve vou femmeQui a n’vors pouin a nou r’mersie aieshe Aieshe qua naie pouin orgiyaeux qua n’seit crait pouin lenieBiau qua n’le vaut pouin qu’ j’avon amnaiUn si noblle mousieu pour eaet sen homme

Jul: Pouin orgiyaeux entou mais j’vou r’mersie dl’avè faitOrgiyaeux j’en peux pouin etre de shu que j’kieiMais fière meme dla haiene kaie entendru amour

Cap: Qui oshteure qui oshteure coppe raison kaie shunshinOrgiyaeux et j’vou r’mersie et j’en le fais pouinEt acouare pouin orgiyaeux ma p’tite maitresse n’méR’mersyai pouin d’taienquis ni nm’orgiyaeux pouin d’orgiyaeuxMais preparai vos belles jouaintes pour Jeudi qui viaenPour allai auve Paris a l’egllise Saient Pierre Ou j’tie traienerait pu tot su un traienêtAnnon haryouanne a maladie verte annon marchandiseGoule graissie annon

D Cap: Honte honte qui aites tous troubyaiJul: Bouan père j’vou suppyie su maie junouaix

Ecoutai mè auve patienche dire une paroleCap: Seit pendue jane haryouanne viyaiene entrinaie

J’té dirait qui va a l’egllise JeudiOu jamais n’mé r’garde d’aut dans l’visageN’pahle pouin n’dit mot n’me repond pouinMaie daies m’font majue j’nou craiyaernes a paiene benis femme

Que Gu n’nou z’avé envyai qu’shute fille ichinMais oshteure j’vêt qu’shette shin aie y’une de tropEt qu’ j’avon une malediction par l’avéSeit maudite laie bete

Nour: Que Gu kaie au cieil la benisse!Vou z’aites a byasmai men Seigneur dla nommai d’meme

Cap: Et pourqui ma dame sagesse taizie vot gauleMa gayarde caqtai auve daie gens comme vou allai

Nour: J’en pahle pouin d’taiezonCap: O Gu seit auve vou doncNour: Aieshe que nou n’peut pouin pahlaiCap: Paix niaise caqteresse

Captai vot bouan sens par su une bôlaie d’soupeCar ichin j’naen voulon riaen

D Cap: Vou z’aites trop caueCap: Pouin d’Gu vla qui m’erage niet jeur tard partems

Ichin ayeurs seul en compagnieEviyi ou endormi men souain a tourjoue etai Dl’avé coupyaie et ayant trouvai oshteureUn mousieu d’une parentai d’princeUn bel homme jane et nobyemaen elvaiPyaien comme i dize de parties d’honneurProportionnaie comme le coeur peut d’zerai un homme Et pie d’avé une guiabyesse de foutu niaise Une chagrine pirante contre sa propre fortuneA repondre j’en vos pouin maryai j’en peux pouin aiemai Je sie trop jane j’vou z’en prie pardonnai méMais si vou n’voulai pouin maryai j’vou pardounraitMaghie ou’aie kou voudrai mais pouin maizounaie auve méR’gardai ni pensai ni jn’ait pouin amas de badinaiJeudi apperche mettai maien su coeur pensaiSi vou m’appartenai j’vou baidrait a mn’amiSik shu kaie l’miaen jamais n’vou f’ra d’biaenPensai ni biaen car j’garderait ma parole

[I sort]Jul: Aieshe que n’ya pouin d’piti assis dans laie nuairs

Qui vêt dans l’fond d’ma paiene O ma chere mere mn’abandounai pouinR’mettai shu marriage ichin pour un meis une s’maieneOu sou n’le faizai pouin faizai l’yiè d’neuchesDans shu sombre tombé la ou’aie qu’ Tybalt aie

D Cap: N’mé pahle pouin car j’en dirait pouin une paroleFait comme tu voudrais je sie paraie de d’dauve té

[A sort]Jul: O Gu! O nourriche commaie qu’shunshin s’ra evitai

Mn’homme aie su la terre ma fouai au cieilCommaie qu’shute fouai la r’viaendra su la terreAmouains que cht’homme la nl’envie du cieilPar quittai la terre console mé baeille mé dz’avisHelas, helas! Que l’cieil pratikrait daie triquesSu un pouaint ossi tendre comme méKaie qu’tu dis as tu une seule parole de jouaie

Pour me consolai nourricheNour: Fouai yaen ichin Romeo

Aie banni et tout l’monde contre riaenS’il oze jamais r’vaini pour vou r’prochiè riaenOu si l’fait s’ra donc par haute maienEt depie que l’cas aie donc butai comme il aie J’crè kou f’rai mues d’vou maryai auve le comteO sh’aie un biau mousieuRomeo aie un torchon a li un aieglle madameNa pouin un ieil si vif si vert ni si belComme Paris a Maudissai meme men coeurJ’crè kou z’aites heuraeux d’shu daeuxieme homme laCar i bât vot prumié ou si n’le fait pouin Vot prumié aie mort ou comme si y’etaitVou vivant ichin sans jour dli entou

Jul: Pahle tu d’ten coeurNour: De mn’ame etou

Ou biaen maudissai laie laie daeuxJul: AmenNour: A quiJul: Eh biaen tu m’as donc consolaie ardi

Entre et dit a ma dame que s’sie partieAyant gervai men père a la grotte de LaurensPour me confessai et eaet pardonnaie

Nour: Giatre! oui gia et vla kaie sagemaen fait[A sort]

Jul: Vieille malediction O malvarin d’guiablleAieshe pu d’ma de m’vouyiè parjuraieOu de dire ma d’men Seigneur auve la meme langueQui la louai en d’su de tout l’mondeTant d’mille feis Va consiyeuxTé et men saien a l’avni s’rons daeuxJ’erait ou frère pour counietre sen r’miède seurEt pie si tout manque la fin en na la mort

Acte 4 Scene 1 La grotte du Frere Laurens

[Entre le frere Laurens et Paris]

Fre: Jeudi, mousieu? l’temps aie ardi courtPar: Mon pere Capulet vors l’avè d’meme

Et j’en travalle pouin pour molli su hateFre: Vou dizai kou n’savai pouin l’idee dla dame

Le ch’min naie pouin drette j’en l’aieme pouinPar: Sans raison a pyeure pour la mort de Tybalt

De qui j’ait biaen p’tit pahlai d’amour Car Venus ne rit pouin dans une maison d’lermesOshteure, Mousieu, sen père crè l’affaire danghraeuseQua s’adouele tant dans sa paieneEt par sa sagesse daipaieche not marriagePour arraietai l’russè d’saie lermesKaie trop rumenai par ielle toute seule

Qui sat hahlai d’elle par eaet auve compagnieOshteure vou savai la raison d’shute hate ichin

Fre:11 J’voudarais n’savè pouin l’oppazai d’shunshin Vaiyuoue, mousieu, ichin la dame en d’viers ma grotte

[Julliette entre]

Par: Biaen rencontraie, ma dame et ma femme!Jul: Vla qui s’peut, mousieu, quand j’pourrait eaet femmePar: Vla qui s’peut et s’ra chere Jeudi qui viaenJul: Shu qui faut qui seit s’raFre: Sh’aie la un ditton seurPar: V’noue vou confessai a shu père ichin?Jul: Vou repondre chunna aie m’confessai a vouPar: N’lie denyai pouin kou m’aiemaiJul: J’peux vou z’avouai que jl’aiemePar: Et vou lie duai je sie seur kou m’aiemaiJul: Si j’le fais i vaudra baien mues

Dit derrière vot dos qua vot visagePar: Poure ame, ten visage aie defigurai d’lermesJul: Laie lermes ont une fayie victouaire par chunna

Car sh’tait mal assai d’vant leux gervancePar: Tu l’fais tort pu qu’laie lermes par dire chunnaJul: Sh’naie aucun tort mousieu sh’aie une veritai

Et shu qu’ j’ait dot jl’ait dit a men visagePar: Sh’aie a mè ten visage et tu l’as r’prochiJul: I s’peut biaen car sh’naie pouin a mé

Aites tous appouaint Saient père oshteurePu viaendrait jei ichin a la messe d’a saie sè

Fre: L’temps m’sert, fille humiyante, oshteureMen Seigneur, je suppiyon l’temps a nou

Par: Que Gu empaieshe que j’distorbe la piètaiJulliette Jeudi j’vou z’evilrait du partemsEnchè, adi; et gardai shunshin

[I la baieze et sort]Jul: O! Frume l’û et quand ty l’era fait

Viaen pyeurai auve mé passai esperance guerison et aigueFre: Ah! Julliette, j’counie daija ta paiene

Vla qui m’pousse en t’hors du cerclle de mn’ameJ’ô qui faut et n’ya riaen qui peut l’empaiechiéQui tu marie shu comte ichin Jeudi qui viaen

Jul: N’mè dit pouin frere qu’t’as oui chunnaA mouains d’me dire comme qui l’èvitaiSi dans ta sagesse tu n’peux pouin bayiè d’aigueAppelle seulemaen men pyant sageEt auve shu couté ichin al heure j’en r’parrhaitGu jouagni men coeur et l’siaen d’Romeo te nos maiensEt d’vant qu’shute maien ichin cashtaie par te a RomeoSeit la victime d’une autre actionOu qu’men vrai coeur auve une rèvolte traietresseTourne a un autre shunshin laie tuera laie daeux

11 Aside

De qui par la couniesance que tu peux avèBaeille me quik avis oshteure ou tu verrasEntre maie paienes et mè shu coutè ichin sangyaiJouera l’juge daisiddant chunnaQue taie longues z’annaies et ta couniesanceN’pouvait pouin amnai a un but d’honneurN’seit pouin si long temps a pahlai j’ait hate de mouariSi shu qu’tu dis m’pahle pouin de r’miède

Fre: Arraiete fille j’vet une manière de chanceQui d’mande une action d’autant d’couarage Comme la siaenne que j’voulon evitaiSi pu tot que d’maryai l’comte ParisT’as la forche d’espirit de t’tuaiNou zaie seur que tu voudras faireUne affaire comme la mort pour hahlai shute honte ichinJouaint auve la mort meme pour en ecappai Et si t’en as l’coeur j’té baidrait un r’miède

Jul: O! dis mè d’sautai pu tot que d’maryai ParisDe d’su l’coupè d’shute tour la ou d’marchièPar daie ch’mis a voleux ou dit mè d’allaiParmi laie serpents enchaiene mè auve dez ours èraghis Ou enfrume mè de gneit dans une maison a mortsQui seit toute pavaie auve dez os d’hommes mortsDz’os sans chair d’jaunes cranes sans k’vaeuxOu dit mè d’allai dans une neuve fosseEt d’mè muchiè auve un homme mort dans sa roleD’qui qua l’oui dire m’erait fait traembyai Et j’le f’rait sans craiente ou genePour vivre une femme pouin taquie a men cher amour

Fre: Arraiete donc va sie tè seit fiere accorde tèD’maryai Paris Sh’aie d’maein MecerdiD’maien au ser souanne de couachiè seuleN’laque pouin ta nourriche coachiè auve tè dans ta chambrePraen shute bouteille ichin et quand tu s’ras au yiéTu bevras shute formaeux likeur ichinQui al’heure courra a travers taie vaienes Une humeur frède et d’sommé qui haiera suTous taie sens car la pouce ne gardera pouinSen cours naturel mais quittra a battrePouin d’chaleur ni d’halaiene pour mourtai qu’taie en veeLaie roses su taie lieivres et taie jaues fyaietrironsEt tournerons pale laie f’naietres de tez iers haieronsComme la mort quand a fini l’jour dla vie Chaque partie manque du jun pour le nourri S’ra rède et dur et frêd comme la mort Et dans cht’image la empruntaie dla laie mortTu resteras pour herante daeux z’heuresEt pie tu t’evelras comme d’un biau songeEt quand l’Sieur Paris viaendra au matinPour t’eviyiè d’ten yiè la tu s’ras morteEt pie suivant la coutume d’not paisAuve taie miyeures hardes dans ten coffre dècouverte

Tu s’ras portaie a la vieille grotte Ou’aie qu’toute la parentai daie Capulets aieEn mème temps d’vant qu’tu n’saie eviyieRomeo par maie lettres sera tout shunshinEt i viaendra ichin et li et méR’garderon su tè et shute meme gniètie laRomeo s’en ira atou té d’ichin a MantuaEt shunshin t’fra libre de shute honte ichinSi aucune jouette ou craiente de femme N’mollisse pouin ten coeur en l’faizant

Jul: Baeille mè. O! baeille mé! n’mè pahle pouin d’craienteFre: Kiaen va t’en seit forte et ait du coeur

Dans shunshin j’envierait un frere au pu viteA Mantua auve maie lettres a ten Seigneur

Jul: Amour baeille mè dla forche et forche m’aiegraAdi cher pere [I sorte]

Scene 2 Un endrè dans la Maison d’Capulet

[Entre Capulet, Dame Capulet, Nourriche et Valets]

Cap: Invitai laie siaens qui sont ecrits ichin [Val sort]Mousieu, allai m’trachiè vint bouans appraieteux d’vitalles

Val: Vou naen erai pouin d’mauvais, mousieu; car j’eprouvrait si peuve liquet leux daiesCap: Commaie qu’tu peux tz’eprouvai d’meme?Val: Giatre, mousieu; sh’aie un poure appraieteux qui n’peut pouin liquet saie daies: de qui l’siaen qui n’peut pouin liquet saie daies n’viaen pouin auve mè Cap: Annon, va. [Val sort]

Je s’ron ardi mal prèparais pour shu temps laQui! ma fille aie t’alle partie au frère Laurens?

Nour: Oui, pour de seurCap: Eh biaen, i pourra pet etu faire du biaen su ielle

Sh’aie une entrinaie gerghie garce

[Julliette entre]

Nour: La la vla dla confesse auve une belle mineCap: Qui oshteure entrinaie d’ou’aie kou v’nai d’coureJul: Ou’aie qu’ j’ait apprins a me r’paenti dla faute

D’oppozai et dn’ecoutai pouinVou et vos z’avis et je sie ordonnaiePar le Saient Laurens d’kaie a jeinouaix ichinEt d’vou d’mandai pardon. Pardon, j’vou suppyie! A l’avni je s’rait c’mandaie par vou

Cap: Envyai pour le comte; allai lie dire shunshin:J’erait shu naeud ichin amarrai d’maien l’matin

Jul: J’ait trouvai l’jane Seigneur a la grotte de LaurensEt y’ait mourtai autant d’amour comme il tait propreSans passai laie bornes dla modestie

Cap: Qui, j’en sie fier vla kaie biaen: bute té:Vla kaie tout a sa pièche que j’vie l’comteVère, giatre, allai, j’dit, lie dire de v’ni ichin

Oshteure, endrè Gu! a shu reverend Saient frere laToute not ville aie yaie a li

Jul: Nourriche, viaendroue auve mè dans ma chambrePour m’aieguet a trachiè lz’ornemaens qui fautKou crairai propre pour m’ornai d’maien

D Cap: Naennin pouin d’vant Jeudi ya du temps assaiCap: Allai nourriche allai auve elle j’iron a l’egllise demaien

[Julliette et Nourriche sorte]D Cap: Je s’ron a court de shu qui nou faudra

Il aie quazi gneit oshteureCap: Bah! jie verrait Et tout s’ra biaen jt’en garranti femme

Va auve Julliette aigue li a s’graiasJn’erait pouin au yiè chti gneit; laque mè en r’pos;Je jouerait la femme pour shu caoup. Qui, ho!I sont tous partis: eh biaen, j’marcherait me memeAu comte Paris pour le faire se preparaiPour demaien men coeur aie ardi ligerDepie qu’shute garce ichin entrinaie aie r’amnaie

[I sorte]

Scene 3 La chambre de Julliette

[Entre Julliette et Nourriche]

Jul: Ah, sh’aie hardes la f’rons mues mais bouanne nourricheJt’en prie laque me seule chti gneitCar j’ait bèzouain d’une route de peryièresPour faire le cieil rire su mn’etatDe qui tu siei biaen aie triste et pyaien d’fautes

[Entre Dame Capulet]

D Cap: Qui! embarrassaie avoue? bèzouain d’aigue?Jul: Naennin, madame; j’avon arranghi shu qui faut

Et qui faudra poua notre affaire demaien Si vou pyait laquie mè oshteure eaet seuleEt laquie la nourriche restai auve vou chti gnietCar je sie seure kou z’avai laie maiens pyaienesDans cht affaire ichin si subite

D Cap: Bouanne gniet:Va t’couachié et te r’pozai car t’en as bèzouain

[Dame Capulet et Nourriche sorte]Jul: Adi! Gu siei quand j’nou z’entre verron derché

J’ait une frèdeur qui m’passe dans laie vaienesJ’leux crierait derché pour me consolaiNourriche kaie qua frait ichinI faut qu’ j’acte ma triste scene seuleAnnon, bouteille.Mais si shunshin n’travalle pouin entouFaut té que s’saie maryaie par forche au comteNaennin, naennin; shunshin en empaiechra reste la

[A met bas un couté]Mais si sh’aie dla pouaizon que l’fréreMa bayi par ruze pour m’avè morteDe craiente d’eaet dz’honorai dans shu mariage ichinPar m’avè maryaie d’vant a RomeoJ’en craiens et acouare j’en crè pouin qui voudrattCar il a tourjoue etai un homme saientJn’enterhiaendrait pouin une si mauvaise pensaieQui etou si couachie dans men tombeJm’eville d’vant l’temps qu’RomeoN’viaenne pour me heure vla un danghraeux pouaintS’rait jei donc etouffaie dans la grotteDans la laie goule de qui aucun air frais n’entreEt mouari la manque d’air d’vant qu’men Romeo viaenne?Ou si j’vit i naie pouin a craireQu’ l’horriblle scene dla mort et dla gnietMaielai auve la laie pensaie dl’endrèDans une grotte un vier endrè Ou’aieQu’pour une route de shents z’ans lz’osDe tous maie parents enterrais sont paquisOu’aie que l’sangyai Tybalt acouare frais en terreAie la couachi a pourri la ou’aie qui dizeQue lz’espirits s’mourte a quik heures dla gnietHelas, helas! i naie pouin propre pour mèD’eaet a cht endrè la auve une puanteur kayieEt daie cris comme daie mandragores errachie dla terre Que daie gens en vie lz’oyant en viaenne troubyaisOu si jm’eville s’rait jei pouin effraias et troubyaieEntouartiyiè auve toutes sh’aie laie craientes laEt jouai en troubyaie auve lez os d’maie peresEt errachiè Tybalt tuai d’sa robe?Et li dans sa rage auve l’os d’quik grand parentComme auve un bouais m’assoumai laO! vaiyoue, j’crè vee la vision d’men cousinQui trache pour Romeo qui fendit sen corpsAuve la pouainte d’un sahbre arraiete TybaltRomeo j’viaens j’baie shunshin a té

[A s’echipe su l’yiè]

Scene 4 L’Porta d’Capulet

[Entre Dame Capulet et Nourriche]

D Cap: Arraiete praen sh’aie cyais ichin et va keueure pu d’epices nourricheNour: I crie pour dla cernelle et du cairekoui pour la pate

[Capulet entre]Cap: Annon, boughie, boughie! l’daeuxième coq a chantai annon

Vla la cyoque qua sonnai il aie tree z’heuresR’gardai a la viande au fouar bouanne angeliqueN’epergnie pouin pour laie couetages

Nour: Allai, allai, putaien d’cuisine, allaiAllai vou couachiè fouai vou s’rai malade de miaen

Par avè restai l’vai chti gnietCap: Noufè pouin entou qui j’ait viyi d’vant oshteure

Toute la gniet pour biaen mouains sans en eaet maladeD Cap: Vère vou z’avai etai scahiè daie souaris a vot temps

Mais jie verrait kou n’irai pouin oshteure[Dame Capulet et Nourriche sorte]

Cap: Une vieille jalouse! une vieille jalouse! oshteure, gayard,Kaie keè la?

[Valets entre auve daie pyataienes, daie buches et daie paniers]

1 Val: D’que pour la cuisine, mousieu; mais j’en siei pouin quiCap: Daipaiechoue, daipaiechoue!

[1 Val sort]Mousieu, allai keuere daies buches pu sequesKeryai a Pierre i vou mourtera ou’aie qui sont

2 Val: J’ait une tete, Mousieu, qui trouvra daie buchesSans en enverrai Pierre atouar

[I sort]Cap: Messe biaen dit un gayard de pyaiezi, ha:

Tu s’ras tete de buche bouanne fouai il aie jeurLe comte s’ra ichin auve dla musique al heure

[Musique en d’dans]Car il a dit qu’il y s’rait jl’o il appercheNourriche! Femme! Qui, ho! Qui, nourriche, j’dis!

[Nourriche entre]

Allai eviyiè Julliette, allai, et prèparai la;J’rait pahlai auve Paris. Annon, daipaiechoue,Daipaiechoue; l’comte Paris aie daija v’nuDaipaiechoue, j’dit

[I sorte]

Scene 5 La chambre de Julliette [Julliette su l’yié]

[Nourriche entre]

Nour: Maitresse! qui, maitresse! vitè j’la gairanti ielleQui, berbes! qui, dame! honte, d’eaet acouare couachie!Qui, chere! qui, madame! cher coeur! qui, femme! Qui! pouin une parole? vou zaen pernai a vot penni oshteureDormai pour hui jours car la gniet qui viaen j’en sie seurL’comte Paris aie biaen daisiddaiKou n’erai pouin grand r’pos. Que Gu, m’pardonneVère, et amen, comme a dort donc biaenAh laquie l’comte vou z’attrapai au yiéI vou fra vou l’vai vite en fouai. Aieshe pouin?Qui graias et auve vos hardes et couachie derchéI faut que j’vou z’eville. Dame! dame! dame! Helas, helas! Dl’aigue! dl’aigue! ma dame aie morte!

O! maudi l’jour que jamais j’fut naie D’iaue d’vie, ho! Men Seigneur, ma dame!V’nai donc vite, v’nai donc vite a l’aigue

[Entre Dame Capulet]

D Cap: Kiei quamas qu’ya ichin?Nour: O jour de lamentations!D Cap: Kaie qu’ya?Nour: Vaiyoue, vaiyoue! O bizant jour!D Cap: Mon dou! Mon dou! mn’efant, ma seule vie

R’viaen, r;garde mé ou j’mourrait auve téDl’aigue! dl’aigue! deryai pour de dl’aigue!

[Entre Capulet]

Cap: Kiei honte! amnai Julliette; sen Seigneur aie v’nuNour: Al aie morte, partie, al aie morte; helas l’jourD Cap: Helas l’jour! al aie morte, al aie morte, al aie morte!Cap: Ha! que j’la veè. Ah, helas! al aie frède!

Sen sang aie figui et saie membres sont rèdesLa vie et sh’aie lippes ichin ont etai long temps separtisLa mort aie su ielle comme une gyache d’vant sen tempsSu la pu belle fyieur de tout l’courtiTemps maudi vier homme infortunai

Nour: O jour de lamentations!D Cap: O temps d’paieneCap: La mort qui la prinse d’ichin pour mé faire soupirai

Amarre ma langue et n’vors pouin m’laquet pahlai

[Entre le Frere Laurens et Paris auve daie Musiciens]

Fre: Annon, la fille aie t’alle prete pour allai a l’eglliseCap: Prete pour allai et pour jamais naen r’vaini

O fi! la gniètie d’vant l’jour de taie neuchesLa mort a couachi auve ta femme la la vla laFyieur comme al tait maryaie par ielleLa mort aie men gendre, la mort aie mn’heriqueAl a maryai ma fille j’mourraitI lie laquerait tout laquerant la vie tout aie a la mort

Par: Ait jei pensai long temps pour veè l’visage d’amatinEt m’baeille ti donc une tieile veux comme shunshin

D Cap: Maudi, malheuraeux, triste, jour hayiHeure la pu miserablle que jamais l’temps a veuxDurant tout l’temps d’saie visagesRiaen qu’un, un poure, un poure efant aiemai Qu’une affaire pour jour et prendre sen pyaieziEt la mort cruelle la errachie d’ma veux

Nour: O paiene! O triste, triste, triste jour!Jour de lamentations, jour de paiene,Que jamais jamais j’ait acouare veuxO jour! O jour! O jour! O jour hayi!

Jamais un jour si ner comme shtin-shin na etai veuxO jour de paiene, O jour de paiene!

Par: Triqui demaryai foulai traiezounai tuai!Horriblle mort trompaie par téPar té cruelle cruelle tout air renversai!O amour! O vie! pouin vie mais amour en mort!

Cap: Hayi, triste, laid, meurtrier, je sie tuaiHorriblle temps pourqui qu’taie v’nu oshteurePour tuai pour tuai tout not pyaiezi O efant! efant! mn’ame et pouin mn’efantTaie mort mort helas mn’efant aie mort Et auve mn’efant jouaies sont enterraies

Fre: Paix, ho! kiei honte! chunna n’guerit pouin la vieNan pouin entou L’cieil et vou avaetes vot sharreD’shute belle fille la oshteure le cieil a toutEt sh’aie tant mues pour la filleVot partie d’elle vou n’pouvaetes pouin gardai dla mortMais l’cieil garde sa partie dans la vie qui dure tourjoueL’pu kou pensaetes pour sh’tait l’elvaiCar sh’tait vot cieil qua s’rait elvaieEt pyeuroue oshteure par la veè elvaieEn d’su daie nuages ossi hautes comme le cieil memeO dans cht amour ichin vou n’aiemai pouin votre efantQue vou troubyai par la veè eaet biaenA naie pouin biaen maryaie qui vit maryaie long temps Mais al aie mues maryaie qui meurt maryaie janeS’kie vos lermes et mettai vot rosemarinSu shu miyeures hardes portai la a l’egllise Car biau qu’la chere nature nou dit a tous d’nou lamentaiAcouare laie lermes dla nature sont la jouaie dla raison

Cap: Tout shu qu’ j’avaienes adonnai pour une feteQui seit tout tournai a un ner enterrementNos z’instrumaens a daie cyoques de deuilNot pyaiezi d’neuches a un tkee d’enterrement adouelaiNos chansons d’jouaie a daie contiques de deuilNos fyieurs de neuches f’rons pour enterrai su l’corpsEy qu’ tout seit donc changhi au contraie

Fre: Mousieu entrai et Madame allai auve liEt allai Mousieu paris prèparoue tousPour m’nai shu biau corps ichin a sa fosseL’cieil en fait kaie su vou pour quik maN’le gervai pouin d’autre par oppozai sa haute velontai

[Capulet, Dame Capulet, Paris et Frere sorte]

1 Mus: Fouai, i faut servai sa musique et s’en allaiNour: Honnetes bouans gayards ah serrai serrai

Car vou savai biaen sh’aie ichin un triste cas[A sort]

2 Mus: Vère par ma veritai mais l’cas peut eaet amendai

[Pierre entre]

Pier: Musiciaens O musiciaens aize de coeur aize de coeur O si vou voulai qu j’vive sonnai aize de coeur

1 Mus: Pourqui aize de coeurPier: O Musiciaens a cause que men coeur sonne li meme

Men coeur aie pyaien d’paiene O sonnai mè quik note de jouaie pour me consolai2 Mus: Pouin d’note nou nan i naie pouin temps d’sonani oshteurePier: Vou n’voulai donc pouin 1 Mus: NanPier: J’vou zaen baidrait donc1 Mus: Kaie kou nou baidrai?Pier: Pouin d’argent su ma fouai mais la musique j’vou baidrait la musique1 Mus: Eh biaen j’vou baidrait la quériature qui sersPier: Eh biaen, j’mettrait l’couté dla quériature qui sers su vot tete j’en porterait pouin d’brins d’musique j’vou baidrait du ré et du fa mé r’merkoue1 Mus: Vou nou bayie du re et du fa vou nou notai 2 Mus: J’vou z’en prie serrai vot couté et dèhahlai votre espiritPier: Eh biaen a vou auve men espirit j’vou capuchrait seque auve men espirit d’fer et mettrait a cotai men couté d’fer reponnai mè en hommes

Quand la paiene detortante blesse le coeurEt qu’la nere melancolie foute l’espiritLa musique donc auve sen son argentai

Qui ‘son argentai’? Pourqui ‘musique auve sen son argentai’? Kaie qu’t’en dit Sinon p’tit cat?1 Mus: Giatre, mousieu, a cause ql’argent a un doux sonPier: Bouan. Kaie qu’ t’en dit Hugh Rebeck?2 Mus: J’dis son argentai car daie musiciaens sonne pour dl’argent Pier: Bouan, etou! Kaie qu’ ten dit Jumin? Bouan Paue?3 Mus: Fouai, j’en siei pouin qui direPier: O! j’vou d’mande pardon vou z’aites le chanteux j’pahlerait pour vou sh’aie musique auve sen son argentai a cause que daie gayards comme vou n’ont pouin souvvent d’or pour sonnai

Et donc la musique auve sen son argentaiAuve une vive hate nou met dans la jouaie

[I sort chantant]

1 Mus: Kiei peste de viyaien qu’ sh’aie la2 Mus: Qui seit pendu, Jean! Annon j’pourron entrai ichin a faire le deuil etou et restai a dinai

[I sorte]

Act 5 Scene 1

Mantua. Une rue.

[Entre Romeo]

Rom: Si j’peux m’fyai su l’ieil fyattant du dormiMen songe pridit quik bouannes nouvelles a vniL’Seigneur d’men saien aie baien assis su sen throneEt toute la journaie un espirit pouin comme d’amons

M’leve en d’su dla terre auve de belles pensaiesJ’ait songi qu’ma dame aie v’nue et ma trouvai mortDrole de song qui laque un homme mort pensaiEt a saffyai une tieile vie su maie leivres en m’baiezantQu’ j’ait navivai et j’etais un empereurAh mè ql’amour aie doux quand nou zaen jouiQuand l’ombrage dl’amour aie si riche en jouaie

[Balthazar entre]

Nouvelles de Verone! Qui oshteure, Balthazar?M’apporte tu pouin daie nouvelles du frère?Commaie qu’ma dame? aie mon père aie ti tchanne?Commaie qu’ma Julliette? aie chunna je d’mande derchèCar riaen naie mal si al aie biaen

Bal: Eh biaen al aie baien et riaen n’peut eaet maSen corps dort dans la grotte de CapelEt sa partie qui n’meurt pouin d’meure auve lez angesJ’la vit eaet couachie dans la grotte d’su familleEt au pu vite je sie v’nu pour vou l’direO pardonnai mè d’apportai sh’aie mauvaises nouvelles laDepie kou l’avai laqui a mè, mousieu

Rom: Aieshe de meme? eh biaen j’vou defie etelles!Tu counie mn’endrè: baeille mè dl’encre et du papierEt engage mè daie ch’vaues jm’en vais d’ichin chti gniet

Bal: Pardonnai mè mousieu j’en vou laquerait pouin d’memeVot mine aie pale et drole et preditQuik mauvaise chance

Rom: Bah! taie trompaiLaque mè et fait shu que j’té dis d’faireAieshe que tu n’as pouin d’lettre pour mè du frère

Bal: Nan men bouan SeigneurRom: N’ya pouin d’souain va t’en

Et engage laie ch’vaues je s’rait al heure auve tè [Bal sort]

Eh biaen, Julliette j’couachrait auve tè chti gnietVoyon pour daie moyaens O mauvaisque! taie viveA entrai dans laie pensaies d’hommes daisiddaisJ’me r’souviaens d’un apotiquaire Et i d’meure par ichin que j’ait r’merqui draienemaenEn shiques auve un front qui mourte pauretaiA epyaqui dz’herbes auve une mine maigreLa vive misere l’avoit uzai aie z’osEt dans sa poure shoppe une tortue etait pendueUn brocodile la etou auve d’aut pelsD’paissons mal formais et sie sez aiesUn poure lôt d’casses vièdes de verts pots d’terrireDaie vessies et daie graienes et d’vieilles gaeches de rosesQu’etaie evalinquie pour faire dla mourte Quand j’vis shute pauretai la j’die en mè memeSi un homme a bèzouain d’pouaizon oshteureDe qui la vente aie mort subite a Mantua

Ya un poure giatre d’eskiave ichin qui lie vendraitO! shute pensaie la n’alloit que d’vant men bèzouain Et i faut que cht’homme la en bèzouain m’en vendeJie pense oshteure sh’aie ichin la maison Etant fete la shoppe du kaiemand aie frumaieQui, ho! Apotiquaire

[Apotiquaire entre]

Apo: Kaie qui crie si durRom: Viaen ichin homme j’vêt qu’taie paure

Kiaen vla kerante ducats laque mè avè Un feis d’pouaizon qui travallera si viteQui s’evalinguera a travers laie vaienes Que l’perneux ennyai d’sa vie kaiera mortEt que l’corps al heure perdera sn’halaieneOssi vite comme la forté poudre tiraieS’daipaieche dla goule da taireiblle canon

Apo: Une tieile drogue mortelle j’ait mais la louai d’MantuaAie mort pour le siaen qui laie baidra

Rom: Aie tu ossi paure et pyaien d’misereEt tu craiens d’mouari la faiem aie dans taie jauesL’bezouain et la misere shinqtaeuxL’monde naie pouin tn’ami ni la louai du mondeL’monde na pouin de louai pour te faire riche N’seit pouin donc paure romp la et prend shunshin

Apo: Ma pauretai et pouin ma volontai s’accordeRom: J’paie tu pauretai et pouin ta volontaiApo: Met shunshin dans aucune bevrie qu’tu voudras

Et bêt lè et st’avais la forcheDe vint hommes i la prendrait acouare

Rom: Vla tn’or pière pouaizon a l’ame dez hommesQui fait pu d’meurtres dans shu monde ichin hayiQu’ sh’aie poures drogues ichin qu’tu pourraie n’vendre pouinJ’tè vends dla pouaizon tu nm’en as pouin venduAdi; acote du paien et fait tè dla chairViaen, sirop et pouin pouaizon viten auve méA la fosse de Julliette sh’aie la qu’ j’ait affaire a té

[I sorte]

Scene 2 La grotte du frere Laurens

[Entre le frere Jean]

Jean: Saient frere Francais! frere! Ho!

[Entre la frere Laurens]

Lau: Shute vouaise la dait eaet la siaenne du frere JeanBiaen v’nu d’Mantua: Kaie qu’Romeo dit?Ou, si sa pensaie aie ecrite, baeille mè sa lettre

Jean: En allant pour trachiè un frère a pies nuds

Yun de notre ordre pour v’ni auve mèIchin dans la ville vizitai laie maladesEt l’trouvant laie gens dla villeAyant soupcon qu’ j’etaemes nos daeux dans une maisonOu’aie qu’la maladie dla peste etaitMire un cachet su laie portes et nou gardire laDe qui ma hate a Mantua a etai r’targie

Lau: Kaie donc qua portai ma lettre a Romeo?Jean: Jn’ait pouin peux l’envyai la ichin derché

Ni trouvai un m’saghiè pour l’apportaiIl taie si genai dla peste

Lau: Malheuraeux fortune par ma saiente piecheLa lettre n’etait pouin belle mais pyaiene de valeurVère et d’une grande et par tout shunshinI peut y’avè du danghié Frere Jean va d’ichinApporte mé une barre de fer au pu vite ichinDans ma grotte

Jean: Frere, j’erait et lt’apporterait[I sort]

Lau: Oshteure i faut qu’ j’alle a la grotte tout saeuD’ichin a tree z’heures la belle Julliette s’evilraA m’maudira ardi que RomeoNa pouin etai averti de tout shunshinMais j’ecrivrait derchè a MantuaEt la garderait dans ma grotte enchè qu’ Romeo viaennePoure corps envie enfrumai dans l’tombè d’un homme mort

Scene 3 Un chimquère et d’dans une grotte qu’apparkiaen aie Capulets

[Entre Paris et sen Page portant daie fyieurs et une veux allumaie]

Par: Baeille mè la veux d’ichin, garcon: et bute tè en d’suEt r’garde biaen car j’en vors pouin eaet veuxSous sh’aie z’ifs la couache te basEt met tn’oraeille contre la terre creuzeDe qui aucun pi n’marchera su l’chimquèreEtant creux pouin dur par y fonsai daie fossesSans qu’tu l’os et pie tu suffyeras a méComme un sine que t’ô quik chose qu’appercheBaeille mè sh’aie fyieurs illo fait shu que jl’ait

Pag: Je sie quazi effraias de m’butai tout saeu Ichin dans l’shimquère acouare jie risquerait

[I s’en va]Par: Chere fyieur auve daie fyieurs j’evalingue ten yiè d’neuches

Doux tombè qui dans ten saien conkiaenL’parfait modele de l’eternitaiBelle Julliette qui d’meme auve lez angesAccepte shu draein perzaen ichin d’maie maiensQui t’honoraie en vie et etant morteAuve de belles fyieurs ta tombe aie ornaie par mè

[L’garcon sufflle]L’garcon guerni quik chose apperche

Kiei pi maudi qui rode par ichin chti gnietPour me distorbai d’meme et l’deux d’men vrai amourQui auve une veux muche mè gniet un p’tit

[I va d’cotai]

[Entre Romeo et Balthazar auve une veux, picouaie, etc.]

Rom: Baeille mè shu picouaie la et la barre de ferKiaen prend shute lettre ichin dupartems l’matin Souanne dla bayiè a men Seigneur et pèreBaeille mè la veux su ta vie jt’ordonne Que t’os ou veè shu qu’tu pourras reste ahautEt n’mè distorbe pouin dans shu yiè ichin d’mortAie en partie pour veè l’visage d’ma dameMais particuyairemaen pour hahlai d’sen dait mortUne bague preciaeuse une bague qui faut que j’faishe serviA une chere empyette de qui d’ichin va t’en Mais si taie jaloux et qu’tu viaens epyaiPour tachiè d’savè kaie qu’ j’ait envie d’fairePar le cieil jt’etrilrait jouainte par jouainteEt taie membres s’rons evalinguis par le shimquère affamaiL’temps et maie pensaies sont asauevaghiesPu rudre et biaen pu sans pitiQu’un tigre affamai ou la mair èragie

Bal: Jm’en vais, mousieu, j’en vou distorberait pouinRom: Et tu m’mourteras dl’amieti praen chunna

Vit et prospère et adi bouan gayardBal: Pour tout chunna k’me mucherait par illo

Je r’doute sa mine et je r’doute sa pensaie [I va d’cotai]

Rom: Te hayi pertu te ventre dla mortPyaien auve le pu cher morsai d’terreVla comme je forche taie machouaires pourries a ouvri

[I romp l’u dla grotte]Et margrai tè jt’empyirait acouare de macalle

Par: Sh’aie ichin l’orgiyaeux banni MontagueQui tui l’cousin d’ma cher de qui dla paieneNou crè qu’la belle quèriature aie morteEt la vla pour faire quik action viyaieneAie corps morts jl’arraietrait

[Il apperche]Arraiete ten maudi travats laid MontagueLa r’venge peut t’alle eaet poussaie pu yiaen qu’la mortViyaien condamnai jl’arraiete Ecoute et viaen auve mè car i faut qu’tu meure

Rom: I faut vraiment vla pourqui je sie v’nu ichinBouan civile garcon n’tente pouin un homme erraghi Vole d’ichin et laque mè pense a sh’aie shin partesQue t’effrie j’te suppyie jane garconN’amouachelle pouin un aut crime su ma tetePar me faire entrai en fouais O va t’en Par le cieil jl’aieme mues qu’mè meme

Car je viaens ichin armai contre mè memeN’arraiete pouin va t’en vit et dit pu tardQue l’piti d’un troubyai ta dit d’coure hors dla veè

Par: J’defie tous taie sermaensEt jt’arraiete ichin comme un voleux

Rom: Vors tu m’gervai? eh biaen, a tè garcon [I s’batte]

Pag: O Seigneur i s’batte j’erait keuere la garde [I sort]

Par: O je sie tuai [I kait]Si t’as piti

Ouvre le tombè couache mè auve Julliette[I meurt]

Rom: En fouai j’le frait que j’veè shu visage laL’parent d’Mercutio l’noblle comte ParisKaie que mn’homme a dit quand mn’ame troubyaieNl’ecoutait pouin le long du ch’min j’crèQui m’die qu’ Paris erait maryai JullietteDie ti pouin chunna ou l’ait jei songhi d’memeOu sie jei troubyai de l’oui pahlai d’JulliettePour le craise de meme O baeille mè ta maienYun ecrit auve mè dans l’livre dla sure poure fortuneTu s’ras enterrai par mè dans en tombè d’victouaireUn tombè oh noufè une lanterne jan homme tuaiCar Julliette aie couachie ichin et sa biautai faitShute grotte ichin une fete pyaiene de cyartaiMort couache tè ichin enterraie apres un homme mort

[I mêt Paris dans la grotte]Combiaen sauvent quand dz’hommes s’en vont mouari Qu’il ont etai fiers qu’leux gargiaens appelleUn ecyar d’vant la mort O commaie que j’peuxApplai shunshin un ecyar O ma chere ma femmeLa mort qua suchi l’miel de tn’halaieneNa pouin acouare yeux d’pouvai su ta biautai Tu naie pouin gagnie la couleur dla biautai aie acouare Rouage su taie lieivres et su taie jauesEt la pale couleur dla mort naie pouin montaie laTybalt aie tu couachi la dans ten linchaeut sangyaiO kiei faveur que j’peux acouare te faireQu’auve shute maien ichin qui coppi ta janese en daeuxD’coppai shunshin qu’etait tn’ennemiPardonne mè cousin Ah chere JulliettePourqui qu’taie acouare ossi belle Crairait juQu’ la mort sans maquere fait l’amour Et que l’maigre monstre hayi r’gardeIchin dans l’obscuritai pour eaet ten amouaraeuxDe craiente de chunna j’resterait acouare auve tèEt jamais de shu sombre palais ichin dla gnietJ’naen sorterait ichin ichin j’resteraitAuve laie vers qui sont taie filles du chambre O ichinJ’erait men r’pos eternelEt shaquerait l’joue daie paienes et daie miseres

Dla chair d’shu monde ichin Iers pernai vot draiene veuxBras vot draien manierment et lieivres O vouLaie portes dl’halaiene cashtai donc en laie baiezant Un fidele accord a la laie mort!Viaen amair drigo, viaen rudre guide!Famaeux pilote oshteure couar au pu viteTa bargue lassaie et malade contre laie gros roquersIchin a ma chere!

[I bêt]O vrai apotiquaire!

Taie drogues sont vives. Et en la baiezant j’meurt.[I meurt]

[Entre a l’aut but du shimquère l’Frere Laurens auve une lanterne, une barre et une lèque]

Fre: Que Saient Francois m’aigue! combiaen d’caoups chti gnietQu’maie viers pies ont echoppai su daie fosses! Kaie keè la?Kaie qui garde compagnie si tard auve laie morts12

Bal: Yaen ichin yun un ami et qui vou counie ardi biaenFre: Saiyie beni! dizai mè, men bouan ami

Kiei veux qu’ sh’aie la qui baeille sa cyartai en vaienAie vers et cranes sans z’iers par shu que j’peux veèA brule dans la grotte daie Capulets

Bal: A l’fait, Saient mousieu; et men maitre aie la Yun que vou z’aiemai

Fre: Kaie qu’ sh’aie?Bal: RomeoFre: Combiaen qu’ya long temps qu’il aie la?Bal: Une bouanne de m’y’heure Fre: V’nai auve mè a la grotteBal: Jn’oze pouin mousieu

Men maitre me crè parti ya long tempsEt ma m’nichi auve la mort fortemaen Si j’arraietaie pour veè shu qui faizait

Fre: Arraiete donc j’erait tout saeu la craiente viaen su mèO comme j’craiens quik mauvaise affaire

Bal: Comme j’etais endormi sous cht’if ichinJ’ait songhi qu’men maitre et un autre s’battaieEt qui men maitre la tuai

Fre: Romeo[I marche]

Helas, helas! kiei sang que ichin qui taque L’entraie d’roque de shu tombè ichinKaie qu’ sh’aie sahbres ichin sans maitres sangyais veule direD’eaet couachi en sang apres cht’endrè ichin d’paix?

[Il entre dans la grotte]Romeo! O! pale. qui acouare qui Paris etouEt douabai d’sang O kiei triste heureKaie coupablle de shute lamentablle chance ichinLa dame bouge

[Julliette s’eville et bouge]

12 this line does not correlate to the original

Jul: O men cher pere! Ou’aie kaie men Seigneur?J’me r’souviaens ou’aue que j’deis etreEt mie ichin. Ou’aie kaie men Romeo?

[quamas en d’dans]Fre: J’ô du quamas. Dame, sortai d’shu nid la

D’mort de puanteur et d’dormi pouin naturelUn pouvoir pu fort qu’ j’en pouvon oppozaiA foulai nos pyants viaen sors d’illoTn’homme aie couachi la mort dans ten saien Et Paris etou annon j’te mettraitParmi une compagnie de saients nonnesN’arraiete pouin a disputai car la garde s’en siaen Annon viten bouanne Julliette

[quamas derchè]jn’oze pouin restai pu long temps

[I sort]Jul: Vère va d’ichin car j’naen sortirait pouin

Kaie shunshin une coupe etraiente dans la maien d’men cherLa pouaizon j’vêt a fini sa poure vieO gourmand: bère tout sans en laquet une seule gouttePour m’aiguet atou j’baizerait taie lieivres Par bonheur ya acouare dla pouaizon pendue d’suPour me faire mouari auve te etou

[A l’baieze]Taie lieivres sont caudes!

1 Gar: [en d’dans] Mene garcon, d’kiei bord?Jul: Qui, du quamas? O j’rait vite. O heuraeux coutè!

[Al errache la coutè d’Romeo]Ichin ta gaiene: [A s’pique atou]

roui la et laque mè mouari [A kait su l’corps de Romeo et meurt13]

[Entre la garde auve le Page de Paris]

Page: Ichin l’endrè la ou’aie qu’la veux bruleGar: Ya du sang la terre trachie par le shimquère

Allai quikhuns d’vou pernai laie siaens kou verrai[Quikhuns sorte]

Triste veux ichin l’comte couachi tuai Et Julliette qui sanne caude draienemaen morteQue vla daeux jours kaie couachie ichin enterraieAllai l’dire au prince couarai aie CapuletsKeryai aie Montagues d’aut trachie

[d’aut sorte]J’vouyon la terre su qui sh’aie paienes ichin sontMais l’vrai pi de toutes sh’aie scenes ichin d’piti J’en pouvon pouin counietre sans en savè pu yiaen

[Entre quikhuns dla garde auve Balthazar]

2 Gar: Ichin l’homme de Romeo jl’avon trouvai dans l’shimquère1 Gar: Gardai le en seuretai enchè que l’prince ne viaenne

13 this stage direction elaborates on the original

Entre un autre dla garde auve le Frere Laurens3 Gar: Ichin un frere qui traemblle jaient et pyeure

J’avon prins shu picouaie et shute leque ichin dliComme i sortait d’shu shimquère ichin oshteure

1 Gar: Un grand supçon arraietai l’frère etou

[Entre le prince et gardes]

Prin: Kiei traienerie kaie l’vaie si du partemsQu’appelle not personne d’not r’pos du matin

[Entre Capulet, dame Capulet et autres]

Cap: Kaie qu’ sh’aie qui crie tant par campsD Cap: Laie gens par la rue crie Romeo

D’ait Julliette et d’aut Paris et tous keuereA hauts cris en d’viers not grotte

Prin: Kiei quamas kaie ichin qu’econne nos z’oraeilles1 Cap: Souveraien ichin l’comte Paris couachi tuai

Et Romeo mort et Julliette morte d’vantCaude et tuaie draienemaen

Prin: Trachie, trachie et sachie commaie qu’ shu laid meurte ichin aie vnu1 Gar: Ichin un frère et l’homme de Romeo tuai

Auve dez instrumaens su yaeux propres a ouvriLaie tombaies de chez hommes ichin morts

Cap: O cieil! O femme! vaiyoue comme not fille sanne Shu coutè ichin saie mèprins car la sa maisonAie viède su l’dos d’MontagueEt mal engaienai dans l’saien d’ma fille

D Cap: O mè shute veux ichin d’mort aie comme une cyoqueQui guerni mn’age pour le tombè

[Montague entre et d’autres]

Prin: Viaen Montague car laie l’vai du partemsPour veè ten fi et herique pu du partems bas

Mon: Helas! Men rouai ma femme aie morte chti gnietLa paiene d’men fi banni a arraietai sn’halaieneKiei aut paiene qui comsplotte contre men age

Prin: R’garde et tu verrasMon: O bruta kiei civilitai qu’ya ichin

De poussai un père d’vant une tieile fossePrin: Cashte la bouche dla r’proche pour un p’tit

Enchè que j’counieson shunshin au cyair Pour en savè la r’source la tete et l’c’menchemaenEt pie je s’rait general d’vos paienesEt vou menrait a la mort enchè arraietai Laquè la pourre chance eaet eskiave dla patienche Amnai laie partis supçonnai

Fre: Je sie l’pu grand capablle d’en faire le mouainsAcouare le pu supçonnai comme le temps et la piècheAie l’pu contre de mè d’shu horriblle meurtre ichin

Et me ichin butai pour pahlai et m’purghiéQui sie condamnai et qui m’accuze mè meme

Prin: Dis donc au pu vite shu qu’tu counie d’shunshinFre: J’en copprait au court car men halaiene oshteure

Naie pouin si longue comme un conte ennyantRomeo que vla mort etait l’homme d’shute Julliette laEt ielle la morte la femme fidele de RomeoJ’lais maryi et l’jour dleux mariage en d’muchonEtait l’jour que Tybalt fut tuai de qui par sa mortL’nouvè maryai fut banni d’shutte ville ichinPour qui et pouin pour Tybalt Julliette s’adoueliVou pour hahlai shute paiene la de d’su ielleFianchites et l’eractes maryaie par forcheAu comte Paris A vint donc a méEt toute effraias m’die d’plannai quik chosePour la dibatai d’shu daeuscième mariage laOu dans ma grotte qua s’tuerait ielle memeEt donc j’lie bayi consiyie par mèUne drogue pour dormi qu’aeut l’effetQue j’pensaie car i travayi su ielle La forme dla mort en meme temps j’ecrit a RomeoPour qui vinse ichin chti gniet auve mèPour aieguet a la prendre d’sen tombè d’emprantEtant l’temps qu’la forche dla drogue s’rait paraieMais l’siaen qui portit ma lettre l’frère JeanFul arraietai par accident et hier au serR’apporti derchè ma lettre De qui tout saen A l’heure juste qua s’evilraitJe sie v’nu pour la hahlai dla grotte d’saie parentsAuve l’ideè dla gardai muchie dans ma grotte Endrè d’pouviè r’envyai a RomeoMais quand s’sie v’nu quik minutes d’vant l’tempsQua s’evilrait j’ait veux ichin couachiL’noblle Paris et l’fidele Romeo mortsA s’eville et j’la suppyie de v’niEt endurai shu travats ichin du cieil auve patienche Et pie du quamas ma effraias du tombèEt ielle trop agitaie na pouin voulu vni auve mèMais i parait qua saie faite du maVla shu qu’ jie counie et au mariageLa nourriche a l’secret Si ya quik chose ichin De mal par ma faute qu’ma vieille vieSeit sacrifyaie quik heures d’vant sen tempsPar la forche dla pu severe louai

Prin: Jl’avon tourjoue couneux pour un saient hommeOu’aie kaie l’homme de Romeo kaie qui peut dire ichin

Bal: J’porti a men maitre laie nouvelles dla mort de JullietteEt au pu vite i vint d’MantuaA cht’endrè ichin a shute grotte ichinShute lettre ichin i ma dit d’bayiè du partems a sen pèreEt ma m’niche d’mort d’allai dans la grotteSi j’en m’en allais pouin et l’laquet la

Prin: Baeille mè la lettre j’la r’garderait Ou’aie kaie l’page du comte qua etai pour la gardeMousieu kaie qu’vot maitre etait a faire ichin

Page: Jl aie v’nu auve daie fyieurs pour su l’tombè d’sa dameEt ma dit d’restai ahaut et jl’ait faitBiaen tot yaen ichin yun auve une veux pour ouvri la grotteEt biaen tot men maitre a dègaienai su liEt pie j’ait couaru a keuere la garde

Prin: Shute lettre ichin fait laie paroles du frère bouannesTout leux z’amour laie nouvelles d’sa mort Et ichin il ecrit qu’il acati dla pouaizon D’un poure apotiquaire et atouAie v’nu mouari a shute grotte ichin et s’couachie auve ielleOu’aie kaie chez ennemis la Capulet et MontagueVaiyoue kiei punition kaie kaiete su votre haieneQue l’cieil trouve daie moyaens a tuai vos jouaies auve amourEt mè par cyintai a vot dispute etouJ’ait perdu une parre de parents tous sont panis

Cap: O frère Montague baeille mè ta maienSh’aie ichin la jouainture d’ma fille car puJ’en peux pouin d’mandai

Mon: Mais j’peux t’en bayiè puCar j’frait mettre une statue d’or purQue tandis qu’ Verone s’ra couneux par shu nom laN’yaira pouin une image si belle mize ahautComme la siaenne dla vraie et fidele Julliette

Cap: Ossi riche Romeo après sa dame s’ra mis Poures sacrifices de notre haiene

Prin: Une sombre paix aie amnaie a matin L’soleil de paiene n’vors pouin mourtai sa teteAllouezon n’pahlai pouin d’autre de sh’aie miseres ichinYaen era d’pardonnai et d’aut de punisCar jamais une histouaire pu triste Qu’shette shin d’Julliette et d’sen Romeo

[I sorte]