zam thupuak journal volume 10, issue 21_may 29, 2011
TRANSCRIPT
![Page 1: ZAM Thupuak Journal Volume 10, Issue 21_May 29, 2011](https://reader030.vdocument.in/reader030/viewer/2022021214/577d29c81a28ab4e1ea7d1a4/html5/thumbnails/1.jpg)
8/6/2019 ZAM Thupuak Journal Volume 10, Issue 21_May 29, 2011
http://slidepdf.com/reader/full/zam-thupuak-journal-volume-10-issue-21may-29-2011 1/2
“Na khe ngakna mun a man ah koih in la, tuakhiat ciangin kip takin dingtang in.”Abraham Lincoln
ZAM Information Department
Volume 10, Issue 21May 29, 2011
Since 2006
Informing People, Transforming Lives
Estd. 2006
KUA AA DING SEM, BANGCI SEP (A zom)(Hih anuai aa thute khempeuh Kipawlna ii deihzia
hikimlo thei aa, mimal lunggulhna pan cile’ng khiallo hi.)
Malaysia gamah, lungsim puakzia tul tampi apha,panpihna kisam tul tampi a pha, thu muh zia, thutheih zia,
lampi tampi, nam tampi tawh a om Zomi-te mai aa mapang
ding, a panpih ding, ahih kei leh hih tul tampi ii sawltak
(sawl tangzang) ding pen, a pil, a tei tampi ih omna sung
pan anuai aa nasep zia (pawlkhat) a nuntak pih zo tampi
tak a hikei zongin pawlkhat a omloh phamawh hi;
Mipi tawh nasep
Tuni ciangciang, Kipawlna in kaal khat sungah zum
khak hun ci aa a ki ciapteh sawm ni a omzel hangin mipitawh nasepna ahih mah bangin, a hun zui-in zum khak
leh nasep tawlnga hithiat cih zong om theilo zel hi. Zumhun ci-in zong aki ciamteh hunte-ah, mipi tawh na kisem
mah hizel aa, vai omzia zui-in zum hun hinawnlo cih tentan
tawntung theihloh hun zong om zelzel hi.
Nasep zia ki etphat zel ding thupi
Hih atung aa dinmun khattawh nasep a kisapna gamahi hi. Hih nasep pen kei zawhding, kei sepding ci aalungsim ah veina a omkhit ciangin, kei mite aa ding a
semding aa om hi ingh, cih lungsim vom hamtang ding hi.
Tua lungsim leh ei leh ei kitheihna mahin lungsim leh pumpisawl aa, a hun, a ni, a mun cih omlo-in, panpih theih a om
khatpen paulap zon’na ding nei manlo ding hi.Paulap nei cihtak ciangin, Kipawlna ii maban khat
peuhpeuh, Kipawlna ii vai kisam khat peuhpeuh hang tawh
buaina ding nei cihpen paulap kici pah theilo hi.
Ahi zongin, sepding mu gigu, sepding thei gigu aa,
eima mimal vai, innkuan sung vai, lawm leh gual vai, eima
ukna khat peuhpeuh tawh panpih nasep ding, Kipawlnanasep ding a kipelh zelzel leh tua pen Kipawlnacidamlohna ding khaici tuh kipan kici thei hi.
Mimal vai semlo ding ki citheilo hi. Mimal vai sepna
ding mun leh a hun piakding zah, a hun piakding hun, ani a ngaihsun thei, a ngaihsun siam kisam hi.
Eima phattuamna ding tak ciang
Leitung nuntak zia ih et ciang, a tamzaw pen, eima
mimal vai, innkuan sung vaite ahih leh, naa kisa phadeuh,
nuamna dingah kinuam phadeuhin, hanciamna dingte-
ah thatang-lungsim khempeuh ki piazo, ki pia ngam hi.
A tomin gen le’ng, eima pumpi leh innkuan pih, tanauvaite-ah ih veina leh ih dinmun pen a simtham ahi zong, akilang in ahi zong ciik mahmah, kip mahmah tek hihang.
Tuamah bangin, Kipawlna sung nasem khatin, hih
Kipawlna pen, keima puahding leh keima daal ding hi, cihlungsim a vomzo den kisam hi. Hih munah, tuate ka
panmun ii sepding hikei cih lungsim lauhuai thei zel hi.
Sepding, gamtat ding a sawlzo veina
Nisim, khasim aa buaina, lung himawhna om hetlo aa
kha tampi a paizo kipawlna pen leitung ah om khollo dinghi. Kipawlna a lawhcin’ zawkdeuh hun teh, ama aituam
lian bang phial aa a lungdam zo leh Kipawlna a thanem
teh zong, hih pen keimah mahin ka panmun hang cih hilo-
in ka septheihna penpen pan laptop ding ci aa a lainavelvel kisam hi.
Veina pen, mikim in atawm atamin ki neitek hi. Veina
nungah seemkhia ning, gamtang khia ning, tha saan ning
a ci pen tamlo thei hi. Sepding, gamtat ding zong tawlkhatsung cih hithei lo aa, ih naesp vai a zawhdong, a tawpdongsep tantan ding thupi zawlai hi.
A gah limci hong gahtheihna ding ki lunggulhin, kam
tawh gendan zong ki siamtek aa, a kung puahding leh tuibuah tangtang ding ciang, kampau zahin sepna-in zui
nuamlo thei zel hi. Hong semkhia sakzo veina kisam hi.
Thupi a kici khempeuh sepna ding mun hiloAki piakhia aa nasem khat pen, full-time volunteer in
ki ciamteh ahihna tawh kizui-in, nai (24) a om ni khat
sungah, mite aa ding nai bangzah a piazo, a hihkei leh a
piaksawm cih a hanciam, khentatna, kiphawkna aneitawntung kisam hi.
A beisa hun ciangciang, a seemte’ kipiak zawh zahzah
hunte pen a manpha hi toto aa, nang hun tawmpiak lua
teh, a kici cihdan kiza ngeilo-in, tuabang kicih theihnading dinmun hilo zong ki cithei kawikawi hi.
Hun leh thatang, theihna, siamna om zahzah a piading
aa ki piakhiatna ahi hi. Tua munah, ni khat ih bei pih, nai
khat ih bei pih, zingkal nitak kal aa ih buaipih pen bang hiaa, tua-in Kipawlna koiciang matut pih hiam cih zong a
khinkhai tawntung ding kisam hi.Mihing khat hihna tawh ahi zongin Malaysia aa
om Zomi khat aa ding ahi zongin a tomin en le’ng,kipawlkhopna, kithuahna thupi hi, khua leh tui vaithupi hi, meltheih tanau vai thupi mahmah hi, biakna
lam ki-apna leh ki piakkhiatna thupi hi, lai nasepkhatpeuh zong thupi hi, thatang kipiak khiatna
khatpeuh thupi hi, pau leh ham tawh sepna thupi
hi, ei theihna tawh ih pattawm vai khatpeuh zong
sialo hi, ei muhna tawh ih sep khat zong thupi hi,
pawlkhat in hong thapiakna tawh ih vaihawmkhatpeuh zong thupi hi, cih bangin a thupilo leh hici
et le’ng a thusia om hetlo mah hi.Ahi zongin, zingkal nitak kal ih buaipih nasep
khat, ahih kei leh nasepte-in Kipawlna bangciphattuamna pia hiam, cih a khinkhai tawntung kisamhi. Nasep hoih khat sepna pen thupi mah aa, ahih
hangin tua nasep hoih icihte-in Kipawlnaphattuamna ding mah maw, mimal’ hoihsak thu tawh,
ahih kei leh ukna tawh maw cih a khinkhai tawntung
kisam hi. (Zoplai ding) Tg. Kham [iNFO]
![Page 2: ZAM Thupuak Journal Volume 10, Issue 21_May 29, 2011](https://reader030.vdocument.in/reader030/viewer/2022021214/577d29c81a28ab4e1ea7d1a4/html5/thumbnails/2.jpg)
8/6/2019 ZAM Thupuak Journal Volume 10, Issue 21_May 29, 2011
http://slidepdf.com/reader/full/zam-thupuak-journal-volume-10-issue-21may-29-2011 2/2
ZAM THUPUAK May 29 , 2011
Nomination Committee Pan Theihsakna June 7, 2011 ni-in ZAM 2011-2012 Makai Thak ding kiteelna
omding hi.
Kiteelna aa kihel ding min piakte pen, kiteelni ciangin a min
piate leh a min piakte khawmpi ah hun man dong kihel
hamtang ding hi.
Kiteelna aa kihel/lut dingte pen Zomi bup aa ding a deihsak
takpi, a sumh ngam, aki piakhia ngam leh Kipawlna ii
Thukhun leh Dante a zuizo khat hiding hi.
Min hong kipuak zahzah sung pan mi (9) kiteel ding hi.
Tua mi (9) lakah numei (2) kihel ding ahih manin numeizong min kipuak thei hi.
June 5, 2011 ni ma aa hong kipuak minte bek kisang ding
aa, kiteelna ah tuate sung pan bekin kiteelna, me piakna
kibawl ding hi.
June 7, 2011 ni 1:00pm lianin me piakna kipan ding hi.
Me piadingte leh a kiteelna lut/kihel ding peuhmah ZAM card
(hing) tawi hi hamtang ding hi.
Min puakna ding pen, hih Election, Nomination Commitee
te tung hipah hi;
- Pa Dai Za Kam (019 338 5142)
- Pa En Khan Nang (016 214 8135)
- Rev. Suan Khan Do (016 342 6390)
- Pa Thawng Khen Pau (012 665 7348)
- Pa Pau Kho Kam (016 283 9390) Kumcin’ Kiteelna vai tawh kisai, dotnop, theihnop leh ngaih-
sut piakna a om bangbang Election Committee tung ahi
zongin, ZAM panmun neite tung ahi zongin, ZAM official mail
ah ahi zongin kidong, ki piathei hi. ZAM vai ahih manin ZAM
2010-2011 aa sem laitak palaite leh hih committee (5) teng
bekin a thu telcian beklo-in thuman zaw hipah hi.
RSC Pan Contact KingahloteAnuai aa file nambat tawite pen, May 9 leh May 20, 2011 kikal
interview lutding RSC pan contact ngahzolo uh hi. Hih file nambat
a tawite-in RSC zum ah zaksak kul aa, uliante-in interview ni ding
hong sehsak kik ding uh hi. RSC zum pan hong piak bangbang
un aki suaksak hi aa, a Minte kihello hi. Tanau meltheihte tungzasak sawn tek ni. A thu tellote-in ZAM ah kidong thei hi.
791-09C01597
354-09C04824
791-10C08304
791-09C01597
791-09C02403
791-09C02918
791-10C07251
791-09C00003
354-08C00414
791-09C05666
791-08C01685
354-09C00965
791-09C11093
791-09C00038
354-08C02549
354-09C04562
791-09C03573
354-09C04086
354-08C02573
791-08C01216
791-09C05641
354-08C01444
354-07C02971
791-08C01519
791-09C01776
791-08C00618
791-09C05745
354-07C03903
354-09C04580
354-07C03838
354-09C03281
354-08C05641
791-08C01436
791-09C03054
354-09C02775
354-03C12109
791-09C02904
791-09C05740
791-08C01580
354-07C06999
354-09C01151
354-08C03337
791-09C01556
791-09C02692
354-10C08161
791-09C00028
354-09C03855
791-09C02584
791-08C00098
791-09C03501
354-09C01554
791-09C03593
791-09C04039
791-09C04152
791-09C03924
Lai Siangtho Bu Bu khat RM15 tawh ki leitheita hi. Kawllai
tawh zong bu khat RM15 tawh kingah hi; Tawmbek om hi.
Bank Card Kibawlsakthei UNHCR card ngahkhin bank card
a lunggulhte-in Sia Hau Khai (012 367 4665) tawh na kizom un.
Lungdampihna leh Thu (3)May 23, 2011 ni-in IOM te vaihawm sak venleng tung tuangin,
hun khat lai aa ZAM zum ah citak takin palai a sem Pa Zam Khat
Langh in, a zi leh a ta tawh USA gam hong zuatsanta hi. Kipawlna
leh Zomi bupin ih lungdam pih hi.
Langhpi pen, kum 2007 panin 2010 ZAM Kumcin Khawmpidong ZAM ah palai khatin ki piakkhiatna tawh a hunte piathei hi.
Zum sung registration lam panmun laakin nei zawdeuh aa, a
kisapna a om leh zong ki tangzang sakthei hi.
Ama tungtawnin anuai aa thu (3) te a thakin kimu thei hi;
Gentheihna pan gamthumna ah
2008 March khabei-in thuneite-in ZAM zum (lui) hong lut uh
aa, aki mangngilh theilo ding lipkhap huai takin Zomi Innpi sung
aa om khempeuh a vekpi (18) hong kaiikhia uh aa, palai nasem
aa giakte leh dongtuahna leh panpih kisapna tawh a giak
khempeuh ngaihsut ngei hetlopi-in thuneite truck (mawtawpi) sung
kilut deudeu hi. Lenggeng Camp ah kha khat dektak gawtna,
gentheihna thuakin aki-om khitteh Thailand gamgi lam ki hawlkhia
aa, agent te tung sumtang tampi pia-in Kuala Lumpur ki tungkik
hi. Mipihte aa ding ki piakhia aa nasep laitak, gentheihna, gawtna,
dangtak gilkialna, kikhumcipna, bawlsiatna tungtawnin UNHCR ii
ciaptehna angah thei Zomi khat USA gam a tungta ahi hi.
Palai nasep leh mimal nasep
Lawmpa pen, palai a sep sungin, khatvei a tanau innkuan
khatin, ki tanauna tawh ci-in Zato paipih ding zingsang nai giat
hunin kiciam uh hi. Nai 8am a sat khit dong a tanau innkuante
hong pailo zaw uh ahih manin, Zato aa ki ensak ding a
hihlel teng tawh, “Kei tanau vai semding aa om hikei ingh,
zum ah ka nasep ding tam hi.” ci-in zasak aa, tuani-in
Zato ki paipihlo hi. Palai nasep panmun tawh ih om leh
Kipawlna nasep leh mimal nasep a tawntungin khentel
kul mahmah hi.Palai khat zong Kipawlna in panpih zolo dinmun
Langhpi pen, zi hong neihkhit, ta hong neihtak ciangin innkuan
nektawm ding, innsap ding sum leh pai kisam aa, ki piakkhiatna
tawh ma kipang Kipawlna ahih mah bangin Kipawlna panin zong
ngaihsut sak zawhna ding zahin sum leh pai kineilo hi! A sepzawhna
ki lunggulh mahmahta leh sum thalawhna-ah hun a piaklohphamawh dinmun tung hi.
Hunbit aa mipihte panpih ding a semthei khinsa, a semnuam
khat ama neih leh lamh ding hi peuhmahlo, innkuan nektawm
ding ciang ih vaihawm sak zawhloh pen leitungbup aa Zomi te
cikei ni, Malaysia pan gamthumna a tungkhin leh Malaysia aa
omlai Zomi mipi-in ih ngaihsun kha ngei hiam?
New Strait Times Leh ZECKum 2010 sungin, UNHCR vaihawmna tawh The Star
Newspaper thu kaikhawm khatin naupang pattahna sang vaite
leh Malaysia aa gambel naupangte ii nuntak ziate tawh kisai hong
kan hi. May 26, 2011 ni-in UNHCR thugen theihna za anei Nu
vaihawmna tawh New Strait Times pan thu kaikhawm khat leh
UNHCR pan palai khat ZEC-Talalla ah zingsang lam bup leh ZEC-
Maharjalela ah nitak lam bup hong hawh uh aa, thudotnate leh
photo bekbek (100) vei val bang zaih ngekngek uh hi. UNHCR te-
in gambel naupang sangte thu Malaysia mipi tung theihsak
semsem ding a lunggulhna uh tungtawn aa LearningCentre (80) val lakah ZEC Sangte hong hawhsak uh
ahi hi. Zomi te-in ih nasepna, ih hanciamnate pen
namdangte tang dingin hong ki ciamteh leh aki
mukhia thei semsem ahi hi. ZEC Thupuak
Star Newspaper Tungah Ihihna Bangin KigelhloStar Newspaper te ii thusuahna pan Zomi Association of
Malaysia ii dinmun leh ihihna khat pen, May 22 ni hawmna-ah a
hibangin hong suaklo aa, athu a kikan ciangin kamlet sem khat ii
khialhna cihthu ki mukhia hi. Tua thusuah khat pen ZAM Information
Department panin a maanlohna/ahihlohna kong pulak pha hi.
Card Piakik Nawnlo Ding2011 June kha aa kipan UNHCR card a mansuah peuhmah
card ki piakik nawnlo ding aa, laidal pen bek ngahding, ci uh hi.
ZAM Card Hin’sak Ding KisamZomi Kipawlna ah pawlmi kician hihna ding ahi zongin,
panpihna ngahding ahi zongin, UNHCR pan ZAM tungtawn aaregistration ngahding ahi zongin ih tawi ZAM card pen a hin’ding kisam hamtang hi. Kum 2010 June kha ma aa ZAM card
bawl peuhmahin a manlang in kum khat extend bawlsak dingkisam hi. UNHCR card ngahkhinte zong extend ding kisam hi.