Download - Diploma Ferdinando
Cfr. la nota al doc. n. 213 del Il Cartulario di Carlo Maria L’Occaso.
ASCV, notaio Luigi Donato senior, cc. 32v-33r: «Transumptum concessionis pheudi positi in
tenimento civitatis Cassani domini Francisci Campanelle».
Ferdinandus et Helisabeth Dei gratia rex et regina Hispanie ac utriusque Sicilie et cetera. Consalvus
Ferrandes de Corduba dux Terrenove et Sancti Angeli prefatarum catholicarum maiestatum
armorum capitanius, vicerex et locumtenens generalis et cetera, quibusvis officialibus maioribus et
minoribus et aliis quibuscumque vocabuli appellatione denominatis presentis nostri conservatorii et
confirmationis licteras inspecturis tam presentibus quam futuris gratiam regiam et reginalem et
bonam voluntatem decet enim reges et principes erga subditos et fideles eos reddere benivolos, et ne
dum pro serviciis et fidelitate premia retribuere verum etiam pro eorum munificentia in omnibus
ostendere liberales tam ad conservandum et confirmandum quam etiam de proprio elargiendum.
Sane pro parte magnifici utriusque iuris doctoris domini Francisci Campanelle de Castrovillaro
prefatarum catholicarum maiestatum fidelis nostri fuit nobis reverenter expositum quemadmodum
ipse tenuit et possedit prout ad presens tenet ex subcessione paterna pacifice et quiete quoddam
pheudum nominatum de Angerrano situm et positum in tenimento et pertinentiis civitatis Cassani
suis locis et finibus limitatum cum membris, iuribus, iurisdictionibus, proprietatibus et pertinentiis
suis quod quidem pheudum emptum fuit per condam iudicem Decum Campanellam a condam
Menagus <così, si intenda Menago, altrove citato anche come Minelaus o Minaus de Minachio> de
Menacio de eadem civitate Cassani et in comuni pro indiviso possidetur cum nobili Roberto de
Verderaymo de eadem civitate sub annuo redditu carlenorum decem singulis annis persolvendo in
fine mensis agusti scilicet per predictum dominum Franciscum carlenos quinque et alios quinque
per predictum Robertum eorumque heredes et subcessores in quo quidem pheudo includuntur certe
quantitates terrarum positarum in tenimento Martelli et in cursu defense Pampanee territorii civitatis
predicte cum authoritate aperiendi et dictas terras cultivandi ac cum usu et iurisdictione spicarum
prout hec et alia tam ex privilegiis et scripturis desuper expeditis per illustres principes Bisiniani
quam etiam ex plateis antiquis nobis demostratis ac per regios et reginales auditores bene visis et
mature discussis clarius demonstrantur supplicavitque nobis predictus dominus Franciscus quatenus
pheudum predictum cum terris predictis ac cum iuribus, iurisdictionibus et proprietatibus
supradictis ipsis domino Francisco et Roberto eorumque heredibus et successoribus utriusque sexus
in perpetuum conservare, confirmare et quatenus opus est de novo concedere dignaremur iuxta
tenorem et continentiam eorum privilegiorum, scripturarum et platearum supradictarum. Nos vero
considerantes plurime grata et accepta servicia que hactenus dictus dominus Franciscus prestitit pro
servicio dictarum maiestatum et ad presens prestare non cessat queve continuacione lauda<bi>li
speramus prestare posse in futurum maxime quia iusta petiit eapropter predictis domino Francisco
et Roberto eorumque heredibus et successoribus in perpetuum actento quia iura curie persolverunt
in manus maioris dispenserii pheudum predictum cum terris Martelli et in cursu defense Pampanee
positis cum omnibus aliis membris suis ac cum omnibus iuribus, iurisdicionibus, dignitatibus et
proprietatibus ac cum usu spicarum secundum tenorem privilegiorum, scriptarum et platearum
supradictarum conservamus, confirmamus, ratificamus, approbamus et quatenus opus est de novo
concedimus ad habendum, tenendum, possidendum et utifruendum et de eo in totum vel in partem
disponendum ad eorum arbitrium et voluntatem si et prout tenuerunt et possiderunt tenentque et
possident ad presens meliusque tenere et possidere potuerunt et possunt cum dicto annuo redditu
carlenorum decem persolvendo in fine mensis augusti singulis annis carlenos quinque scilicet per
dictum dominum Franciscum et alios quinque per dictum Robertum heredes et successores eorum
in perpetuum ut supra prefatarum maiestatum et cuiuslibet alterius iuribus sempre salvis et penitus
reservatis mandantes propterea omnibus et singulis officialibus maioribus et minoribus presentibus
et futuris constitutis constituendis quatenus formam presentium diligenter observent et faciant ab
aliis inviolabiliter observari iuxta eius continentiam et tenorem et contrarium non faciant nec
quilibet actentare presumat pro quanta gratiam regiam et reginalem caram habent ac penam
ducatorum mille per quemlibet cupiunt evitare. In cuius rei testimonium et cautelam quorum
interest et interesse quomodolibet poterit in futurum presentes fieri iubximus parvo sigillo et nostri
subscriptione munitas et roboratas presentibus singulis vicibus presentanti remansuris pro cautela.
Datum in Castello Novo Neapolis decimoquinto martii 1504. El duca de Terranova. Iohannes de
Tufo. Dominus vicerex mandavit mihi Bernardino Bernaudo. Solvat tarenos XII. Partium quarto.