Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWS Agency : KIM JOEBooking : 6th. deC. , 2017 to 22nd. JAn.,2018delivery : 09-02-2018 (FrI) Time :9AM-tillstockStock :306@rate:Rs. 842(19 & 5kg. available)

HmasawnnaTharVol-33/116 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

thlavul (February) 09, 2018 zirtawpni (Friday)

NEWS TOMkiMcHANcHIN LAKTAWI

GAS NEWS Agency : SASBooking : 1st. deC. , 2017 to 22nd. deC. 2017delivery :09-02-2018 (FrI) Time : 9AM till stock laststOCK : 306 @rate:Rs. 842/-

Centre fee pea Ad-mit Card la dingin

an hriettirCCpur: Board of Sec-ondary Education Mani-pur (BSEM) huoihawtna hnuoia HSLC Examina-tion, 2018 hung um ding le inzawmin Churachandpur District-a Principals/Head-masters/ Headmistress hai chu Centre Fee pein Feb-ruary 9, 2018 a inthawk 10:00AM-2:00PM inkar sung Gandhi Memorial Govt. High School, Mol-nom West ah mani school chita student hai Admit Card la suok dingin C.L. John, Officer-in-Charge, HSLC Exam, 2018 CCPur Private Centre chun inhri-ettirna a siem. Chun, HSLC Exami-nation, 2018 candidates hai chu exam huna mani school uniform chit inbel dinga inhriettir an ni a, Exam hall-ah Mobile phone le electronic thil hai hrim hrim chawilut phal ni naw nih. Tukum HSLC Exam a hin CCPur Private Centre- ah candidate an rengin 3170 an um a nih.

District Level Meet for Farmers Club neiCCpur: February 8, 2018 khan Rural Women Up-liftment Society (RWUS) Training Hall, Sielmat, CC-Pur-ah NABARD le Ru-ral Development Society (RDS), Rengkai hai huoi-hawtnain District Level Meet for Leaders of Farm-ers Clubs Workshop nei a

nih. Hi huna hin Salbung, Saidan, Ngurte, Then-muol, Mission Compound le Tuikham area haia in-thawk Farmers Club tum tuma leaders 39 an \hang. Training hi Rev. Dr Buhril in \awng\ainain a hawng a, M. Ginzalian, AO/DSMS Agri Depart-

ment, Ms Manngaihkim, SMK KVK CCPur le Thangchinkhup Guite, AGM, NABARD hai re-source person in an \hang. M. Ginzalian in Or-ganic Farming pawimaw-na le Chemical hmanga thlai ching \iumna hai an chuktir a, Ms. Manngai-

hkim in Farmers Club pawimawna, sin hrim hri-ma indikna, tumruna le tita-kna hai a pawimaw zie an chuktir a, Thangchinkhup Guite, AGM, NABARD chun Farmers Club pro-gramma hung in\andan, role and functions hai a hril.

Khuga Dam tui lakna pipe a sukveng pal

CCpur: Zani hmasa khan Khuga Dam a inthawk CC-Pur khawpui tui hung pe-kna Tuilawng (pipe) chu BCM Mualpang ah JCB in Nulla ding a chonaah a sukveng pal leiin Pipe in-veng siem\hat zo a ni hma chu CCPUr khawpui sung tui supply a sukbuoi ding thu department chun an hril a. Siem\hat tuma buoipui mek a ni leiin mipui hai lo hrethiem dingin depart-ment chun a ngen.

Feb. 20 chen hnina pek thei

CCpur: March 13-19, 2018 inkar sung Urban Haat, Nilakuthi, Imphal East a Manipur ramri zula cheng hai ta dinga Manipur Handlooms & Handicraft Development Corporation (MHHDC) huoihawtnaa ni 7 sung aw ding Craft Exhibition nei dinga \hang ve nuom han Feb. 20, 2018 chen khin inhnina Project Manager (Handloom), Dis-trict Handloom & Textiles, CCPur kuomah peklut thei a la nih. Sawrkarin Stall a siem pek ding bakah TA le riek le fak man hai a tum-pek ding a nih.

Manipur HC CJ an tiemkam dingiMphal: Vawituk dar 9:30 AM hin Manipur High Court a Chief Justice dinga ruot thar Justice Abhilasha Kumari chu Durbar Hall, Raj Bhavan, Imphal-ah in-tiemkamna nei a tih. Pi Ku-mari hi Gujarat High Court

a Judge sin a thaw mek laia hi mawphurna hi pek a nih. Chief Justice thar hi Gover-nor hmaah intiemkam a ta, hun hmangna a hin cabinet ministers le departments tum tuma \huoitu hai \hang an tih.

Civil Secretariat March 15 hma ngeia zo tum a nih: Works MinisterManipur Assembly in Demands For Grants pali, Rs. 1, 419.52 crore a passed

iMphal: Manipur State Legisla-tive Assembly 11-na in\hung Ses-sion vawi lina February 8, zing-tieng session-a Oposition MLA Mr K. Ranjit Singh zawna Star Question dawnin, Works Minister Mr Thongam Biswajit Singh chun, Prime Minister Mr Narendra Modi-in a hawng hman ngei dingin Civil Secretariat (Capitol Project) chu March 15, 2018 hma ngeia zofel tum a ni thu a hril. Works Minister-in a hril dan chun, hi Capitol Project hi state mipuhai ta a ni ang bawkin a renga zofel a nih phat chu mipuihai kutah inhlan ni dingin a hril bawk. Prime Minister Mr Narendra Modi chu March 15 khi Manipur-a BJP \huoi sawrkar a ngir \anna ni, kum khat a tlingna ding ni a ni leiin Manipur hung inzin a tum a nih, tiin Governor Dr Najma Hep-tulla chun tuta hma khan a lo hril tah a. Chief Minister khawmin a hril bawk. Tipaimukh MLA Dr Chaltonli-

en Amo zawna, Jiribam-Tipaimukh Road Km.48- Km.99 point chen siemna dingin pawisa/fund ieng-zam sanction, iengzam pek suok tah, ieng chen am sin thaw tah, ti le a dang dang an dawnna dawnin, Works Minister chun, Jiri-Tipaimukh Road siemna ding hin Fund iengkhawm pek suok a la um naw thu a hril. Amiruokchu, implementing Agency National Highway infra-tructure Development Company Limited (NHIDCL) chun lamlien a pawimaw le \ul ang anga siem\

hatna ding Detailed Project Re-port (DPR) chu Ministry of Roads, Transport and Highways kuomah a pek lut ta niin a hril. Works Minister Mr Biswajti Singh chun, Jiri-Tipaimukh Road ah bawk hin, State Work Program hnuoiah lamlien a \ha naw zuolna deuhai Km. 4 a inthawka Km.42 siem\hatna ding chun Plan a um niin a hril bawk. Hi lamlien seim\hatna dinga State Work Program hnuoia sum sanction/proposed zat ruok chu kim-changin iengkhawm a hril nawh.

MLA Ranjit a inthawka zawna, Manipur a tuilet zing zing dangna dingin sawrkarin iengtinam hma a lak a, ni kum tuilet khan ieng iem a suksieta tihai le a dang dang an dawnna dawnin, Water Resource Minister Mr Letpao Haokip chun, department chun vadung lien hai a let a let tah nawna dingin vadung mawng le bang hai \ha taka \uong dap (dredging) thaw dingin an buotsai mek niin a hril. Water Resource Minister chun, Central kuomah Project Proposal submit a la um nawa chu, Imphal River laia tuilien zuolkaina bik hlak hmun li vel, a \uong le vakam siem\hat dinghai Chief Minister leh entlangin thaw dinga identified an ni ta thu a hril a. Detailed Proj-ect Report (DPR) khawm siem zing lai niin a hril. MLA Okram Henry zawna dawnin, MAHUD Minister Mr Th Shyamkumar Singh chun, Chura-chandpur-Imphal-Yaingangpokpi >>sunzawmna phek 4-ah

Deputy Speak-er dingin kong-

kham Rob-indro Singh

iMphal: Zani 10:00 AM khan state Assem-bly Secretariat-ah Mani-pur Legislative Assembly Deputy Speaker ding th-langna nei a na, voice vote a vote lak niin, Congress candidate Md. Fazur Ra-him hnebanin BJP candi-date Kongkham Robindro Singh (30) S/o Kongkham Manglem Singh of Ma-yang Imphal Thana, IB Road Awang, PO & PS Mayang Imphal thlang tling a nih. Kongkhawm Roindro Singh hi BJP ticket-a Mayang Imphal Assembly Constituency-a inthawka thlang tling a na, ama hi Manipur Legisla-tive Assembly history-a Deputy Speaker laia la naupang pawl tak a nih.

Assam-a Samak kapnaa hmang tum M-16 Rifle leh pasal pakhat man

CCpur: February 7, 2018 zan khan CCPur Police han ralthuoma sumdawngtu pasal pakhat M-16 Rifle leh an man. Mana um hi Mr Thongthansang @ Sang Guite (35), s/o (L) G. Khan-thong of Khominthang Vil-lage, Churachandpur a nih. Police thusuokin a hril danin, report an dawng le inzawmin CCPur District Police a SI James Lian-zagou Vaiphei, 2nd OC/CCPur-PS; SI Khamchin-pau Tunglut, SI H. Than-glyanmang Paite le C/D No. 10D0203 H. Pausonlun of CCPur-PS hai \hangna le Inspector L. Khogen Singh, OC/CCP-PS le P. Binod Ranjan Singh, MPS, Addl. SP (Ops), Churachandpur hai enkaipuinain dapppui an hang thaw a, chu hunah Mr Thongthansang hi man a nih tiin SP, CCPur thusuok chun a hril. Mr Thongthansang hin a supply-tu hrietlo Chikha, Myanmar-a inthawk M-16 Rifle hi December, 2017 a kha a laksawng a ni thu le Assam-a Samak (Rhino)

kapnaa hmang dinga an chengnaina a thupruk a ni thu le February 8, 2018 a kha ama ngeiin Assam tieng phur/tawlruk a tum thu a puong niin Police thu-suok chun a hril. M-16 Rifle baka hin a kuta inthawk Mobile handset (Nokia ASHA 501), Airtel SIM Card No. 8131929614 mansa a ni bawk. Hi le inzawm hin CC-Pur Police chun FIR No. 9(2) 2018 CCP-PS U/S 25 (1-C) Arms Act hnuoiah Case siem khum a ni bakah thu indawn chieng dingin Ni 6 sung February 13, 2018 chen Police Custody-a la um phawt dinga ti a nih.

phurtlung ning a ta, Febru-ary 10, 2018 khin Bethel hmunah a ruong vuiliem ning a tih. Pu P.K. Singson hi Kuki Students Organisa-tion (KSO) founder Presi-dent a nih. September 14, 1944 khan Lungthulien Vil-

lage, Manipur-ah a pieng a, Pherzawl High School-ah class VII chen lekha an chuk a, kum 1960 khan matric a passed a, kum 1964-a khan DM College, Imphal a inthawk a gradu-ate hnungin 1967 khan Gauhati university hnuoiah History ah Post graduate a zo nawk a, kum 1970 khan V.L. Peki Singson le innei-in nau pasal pathum le nau nuhmei pakhat an nei a nih. Pu P.K. Singson hi North east a Broadcaster inlar le sin thaw \ha takel niin September 30, 2004 khan a sina inthawk a lo pension ta a nih.

Pu P.K. Singson ruong Feb. 10 in Bethel ccPur-ah vuiliem dingCCpur/Guwahati: Tribal/tlangmi hai laia Doordarshan a Deputy Di-rector General le All India Radio a hmasatak, a sina inthawk lo pension tah Pu P.K. Singson chu Febru-ary 8, 2018 khan Guwahati, Assam-a a chengnainah kum 73 mi niin a thi a, ama ditthlangna angin February 9, 2018 hin Bethel, Chura-chandpur-a an Inpui hung

Zomi Namni insingsatna a fe mekCCpur: February 20, 2018 nia Organizing Com-mittee huoihawtnaa 70th Zomi Namni ropui taka hmang tumna le inzawma inzingsatna a fe mek a. Sound, Music, Video le hla bakah artistes tiengpang mawphurna cheltu Zogam Artist Association (ZAA) inrawinain zanikhan ZAA Office, Hiangtam Lamka hmuna tribe tum tuma art-ists Assn. hail eh joint meet-ing nei a nih. Hi huna hin Kuki Artists Progressive Union (KAPU), Hmar Artists Association (HAA), Mizo Zaimi Inza-wmkhawm (MZI), Vaiphei Artists Association (VAA), Zou Artist Union (ZAU)

(ZAA) a inthawk \huoi-tu hai an \hang tawl. Adviser dingin Benny Khongsai, V. Paukhan-siam, Lalsuong Famhoite, SN Thanga, Haumang, C Lalzawmliana le LL Muona hai ruot an ni a, Khuppu Buansing, Music Coordina-tor inrawinaa musician din-

gin David Kakap, Mwanlal Tunglut, Robert Rodi-a, Sia Khup, Steve Kids Valte, TG Lian Zai-a Valte le S. Pauginmuan hai ruot an nih. Feb. 10, 2018 khin Joint Artists pawl chun khawpui sung hmun tum tumah Road show neiin hla sak an tih.

Mid-Day Meal phurdawk dan ding siemfelCCpur: Pu Shyam Lal Poonia, IAS, DC, CCPUr chun zanikhan district sunga naupang hai kuoma sem ding Mid-Day meal bufai 2017-18 third le fourth quarter phurdawk dan ding a siemfel. Hi dungzui hin Feb. 14, 2018 in Lamka Block in quintals 400; Feb. 12 in Singngat a ding quintals 208; Feb. 14, 2018 in Thanlon a ding quintals 110; Feb. 13

in Tipaimukh a ding quin-tals 120, Samulamlan a ding quintals 200 le Feb. 12 in Henglep block a ding quin-tals 220 phurdawk dinga ti a nih. Mid-day Meal bufai phurdawk lem semna ZEO in geotagged thlalak leh re-port pelut dinga inhriettir an ni a, Block tina SDO/BDO hai khawm enkaipui dinga inhriettir an nih.

Minister-in cycle Tlan Le Boruok Siemfai A Hrilmawi

iMphal: CAF & PD Minister Mr Karam Shyam chun kha hma khan taksa hriselna ding le boruok sukpawrche nawna dingin kar tin ni khat office Cycle-in a kai ding thu hrilin media hmaah inlar takin Cycle-in of-fice a fe a. A la sunzawm pei am hriet an naw laiin zani khan, Kangla to Moirang chen Cycle Rally hawngin, Mr Philem Rohan-in Mani-pur boruok sukfaia, thienghlimna le faina,

hriselna \ha lem hrilmawina kawnga hma a lak ve thei leia a lawm zie thu a hril. Mr Rohan hin “Pollution Free India” ti thupuia hmangin, January 8 a inthawk khan India Gate, New Delhi a inthawkin Cycle-in a hung tlang \an a. Km 2, 800 lai zet Cy-cle-a hung tlanin February 7 khan Manipur a hung tlung a nih. Rohan thilthaw ropuitak le a tumruna chu inpakin, Minister chun, “Tulai \halai tamtakin zu le drugs, damdawi inruithei le Mobile phone inernet technology an ad-dict laiin, hriselna \ha lem le boruok fai lem siemna dinga ‘green environment’ hril-mawia hnam tin inremna chawilar theia a um hi a ropui a nih” tiin a hril. Chanchinbumihai kuomah, Bihar politi-cian pakhat Pappu Yadav-in lamlakah Ro-han a lo hmuoka a lo lawmpui hi ‘’national integration’ entirna (symbol) a nih tiin, Manipur state aiin lawmthu a hril. Rohan hi Green Revolution Cyclist, Manipur mem-ber a nih a, “Pollution Free India” Cycle Rally-a \hang ve a nih.

Ngampalong Bazar kang an en tlang

iMphal: Zani hmasa zan dar 8:50 PM vela Ngam-

palong Bazar, Myanmar a kangmei rapthlak tak suok

leia thil a kang siet hai chu zani zantieng dar 5:00 PM vel khan Saigang CM Dr. Myint le Manipur sawrkar palai RK Shiva Chandra Singh han a hmuna an va en tlang. Hi kangmei suok hin dawr 53, Godown 100, In 6 le a sunga um hai a kang siet vawng a, thil a kang siet hi Rs. 50 crore manhu vel ni dinga s<t a nih. Saigang CM Dr. Myint Naignnasu hi an Finance Minister le Planning Minister han an hung zui.

Manipur ah Handloom 3, 09, 372 A Um:

Th BiswajitiMphal: Commerce and Industries Minister Shri Biswajit Singh chun, kum 2017-18 sunga sawrkarin puon khawngna khawl Han-dloom machine a semsuok chu 244 a nih a. Tuchen hin Manipur ah Handloom 3, 09, 372 a um a, Power-loom 293 a um bawk niin a hril. Hi thu hi MLA Surjaku-mar Okram-in Star Ques-tion a siem a dawnnaa a hril a nih. Ama chun, draft Ma-nipur Textiles Policy, 2017-18 chu March 2018 chena zofel hma dinga Cabinet approve dinga pek lut el thei dingin a um tah niin a hril. Minister chun, Local Handloom and Handicrafts Products Procurement Pol-icy ti a um a, Handloom Promotion & Development Policy ti ruok chu a um naw thu a hril bawk.(DIPR)

KCP-MC (P) cadre 1 ralthuom leh man

iMphal: Zani zingkar dar 5:30 vel khan Imphal East police han Kanglei-pak Communist Party-MC (Progressive) cadre pakhat,

Nandeibam Suratjoy Singh @ Sanjoy (32) S/o N. Iren of Langdom Makha Leikai an man. An puongnaa in-thawk Patsoi area-ah 9mm

pistol 1 le a mu 2, IED kg 5 a rik le mobile phone pahni dapdawk le man an ni bawk tiin police thusuok chun a hril. Sanjoy hi a chengna Leikai-a man a ni a, KCP-MC (P) hnuoia Thoi an ti command-na hnuoia um a nih. KCP-MC (P) hi tu-lai hnaia Catholic School hai banned-tu an nih. An banned thaw lei hin Febru-ary 5, 2018 a inthawk khan Imphal khawpui le a se vela Catholic school hai chu khar \an an nih.

Nagaland-ah candidate 29 nomina-tion hnawl

KOhiMa: Nagaland Assembly election a dinga nomination file candidates hai zani khan scrutiny thaw an na, san tum tum leiin candidates 29 hai chu an nomination pawm pek an ni nawh. Assembly seats 60 umna Nagaland a hin candidates 257 in nomina-tion an file a, chu hai laia candidates 227 chu ngir thei dinga thlang niin, Suruhotu biela ngir ding candidate pakhat chu Feb-ruary 10, 2018 hin scrutiny nei la ning a tih tiin Abhijit Sinha, State Chief Elec-toral Officer chun a hril.

S. Phaiza khuoah RCH Outreach Camp

CCpur: Zanikhan Singn-gat Sub-Division sunga S. Zezaw Primary Health Centre hnuoia S. Phaiza khuoah Reproductive Child Heald (RCH) Outreach

Camp nei a nih. Hi Outreach camp a fe ding hai hi zani zingkar khan Pu Shyam Lal Poonia, IAS, DC, CCPUr chun a flag off a, Dr Kim Simte,

CMO, CCPur le Jameson Hangshing, SDO/Singngat hai khawmin an uop. Outreach camp a hin Dr Liangoumuan Samte, MO i/c S. Zezaw PHC in-rawinain S. Zezaw PHC a thawk Nurse Khamkhan-niang, Dimkhanman, Niru-pama, Lhingboi, Tingboi, Ningthiankim le DIO a intahwk nurse Muanching han damnaw mi 102 vel an en. Hi huna hin damnaw hai counselling an neipui bakah damdaw a thlawnin an sem bawk.

Bangladesh PM hlui Khaleda Zia chu Corruption kum 5 sung jail

intang dingin Dhaka Court in a rel

Hmasawnna Thar2 thlavul (February) 09, 2018 zirtawpni (Friday) artiCle/health & eMplOyMent newS

Editorial Boardlalmalsawm sellate:Editor&Publisherroding l. sellate: Jt. Editor ramditum ralsun: Asst. EditorJoseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

EditorialBawzuina

A hrila hril hi an hawi a, a tak taka thaw le sukpuitling hi harsa ei ti tawl hle. Hi kawngah hin chu indem le insawisel thei ding bik ei um tawl naw a, angkhat vawng ei nih ti inla ei hril suol bek bek ring a um nawh. |awngbau thiem le thuhril thiem khawm ei tam ta a, a zui le a zawm tiengpang ruok chu ei baksam hle. Hieng ang bawk hin thil \ha thaw ding khawm ei hriet rawn a, scheme le policy chi hran hran ei induong hlak. Amiruokchu, a bawzuina tiengpang ei baksam leiin scheme, policy le programme ei siem hai chun umzie a nei thei ngai nawh. Hi kawngah hin sawrkar chau a ni naw a, hnam, khawtlang, Kohran le pawl tum tum hai khawm a chuong a liem ei ni bik naw a, ei inang tlang seng a nih. Hi lei hin ei hrat ding angin ei hrat thei naw a, ei hlawtling ding angin ei hlawtling thei naw a, ei hmasawn ding angin ei hmasawn thei naw pha hlak. Hming mawi tak le ropui tak khawm phuokin indin inla, pawl ropui tak ang khawmin inlang hlak inla, ei indin san anga mipui ta dinga thil \ha le thil \an-gkai ei thaw thei si naw chun umzie nei ngai nawng a tih. Pawl ei indin nuomna lungril hi iem a ni a, sin \ha le \angkai ei thaw tumlei am, a hming mawina ding chauva ei indin am, ei thuhril hai hi mihai ngai le zawm ding chauva ei hril am tihaiah hin ei inenfie nuom a um hle. A tak ram ei tlungna ding chun ei thil thaw le ei thuhril hai hi bawzui hlak ding a nih. Kum a hung thar a, mimal, sungkuo, khawtlang, Kohran le pawl tum tum hai chun kum thar hun sunga thaw ding thil chi hran hran ei induonga, target le in-tiemna hai khawm ei nei hlak. Amiruokchu, a hnun-gah ei bawzui ngai ta lem naw leiin a rasuok hmu nekin hmu lo a tam lem rawp hlak. Ei thil induong, ei target le ei intiemna hai ei bawzui ta ngai naw leiin harsatna ei tuok hlak. Pasie tiem kum an hril ang elin ei um a, kum nawk chu tiin ei \awngbauin ei hril nawk tawng hlak. Inthawina nekin thuawina a pawimaw lem ang bawkin a thu chauva hril le \awngbau \ha ringawt nek chun ei lungril ram hi a pawimaw lem a nih. Thaw dinga ei induong le ei hril hai po po hi ei lungril takah ei pai phawt chun bawzuina hi a hung um ngei ngei hlak. Lungrila invawina a um naw pha pha leh thil hi bawzui ta lovin a hung um hlak. Manipur Assembly budget session a fe mek a. MLA \henkhat chun ram le mipui ta dinga thil \ha chi tum tum haiah indawnna chi hran hran an siem a. Hieng indawnna hai hi a \ha zawngin CM le a Minis-ter-hai chun inpuiah dawnletna an siem a, an thuhril le an dawnletna hai hi a taka an hung thaw a, an la hung bawzui chun thil lawmum tak, ei ram hmasawnna pak-hat hung ning a tih. Amiruokchu, hun fe liem tasa hai ang bawkin Assembly Session zo le inruolin theinghil, thaw ta lo le bawzui ta lo hung ni pal a tih ti hi inlau um takel a nih. Hieng a ni lei hin indawnna siemtu MLAs le a dawnlettu CM le a Minister-hai hin As-sembly Session zo hnungah khawm Inpuia an thuhril hai hi hung bawzui seng hai sienla nuom a um. Ei ram \huoituhai hin thudik pui pui le thu \ha tak tak, inzaum tak tak an hril rawn hle hlak. An thuhril hai laia zaah sawm chau khawm bawzui, zawm le thaw ni hlak sienla chu tuta ang hin ei ram hi hnufuol zing ta naw ni a, hmel thar a put ngei ta ring a um. Ei CM ngeiin Secretariat-a “File Delay” a um hlak chu a ngaipawimaw thu le file delay a um ta nawna dingin a hung bawzui ding thu inpuiah a hril a, lawm a um. Secretariat-ah chau ni lovin Sawrkar Office dang dang haiah khawm file delay hi a um ta nawna dingin hma hung la bawk sienla lawmum zuol a tih. Ei ramah corruption a hluor a, corruption dotu din-gin Anti-Corruption Department hiel indin a ni ta a. Hi thil khawm hin bawzuina a pawimaw em em el. Baw-zuina a um naw chun Anti-Corruption Department indina um hin umzie nei ngai naw nih. Chun, Anti-Corruption Department ei indin a, thuneina insang tak ei pek chuong naw chun umzie hung nei naw bawk a tih. State dang haiah chun an thuneina an sang a, CM hlui dam, Minister hlui dam, IAS Officer, IPS Officer le Officer dang dang hai chenin Jail run thim an nghak pha a nih. Hiengang hin ei ramah khawm thaw ngam ve inla nuom a um.

employment news1. Union Public Service Commission (UPSC) chun hieng a hnuoia post tum tum hai lakna dingin June 3, 2018 khin Combined Civil Services Preliminary Examination, 2018 huoihawt a tih.1. Indian Administrative Service2. Indian Foreign Servfice3. Indian Police Servcei4. Indian P & T Accounts & Finance Service Group ‘A’5. Indian Audit and Accounts Service Group ‘A’6. Indian Revenue Service (Customs & Central Excise), Group ‘A’7. Indian Defence Accounts Service, Group ‘A’8. Indian Revenue Service (I.T), Group ‘A’9. Indian Ordinance Factories Service, Group ‘A’ (Assistant Works Manager, Administration)10. Indian Postal Service, Group ‘A’11. Indian Civil Accounts Service, Group ‘A’12. Indian Railway Traffic Service, Group ‘A’13. Indian Railway Accounts Service, Group ‘A’14. Indian Railway Personnel Service, Group ‘A’15. Post of Assistant Security Commissioner in Railway Protection Force, Group ‘A’16. Indian Defence Estates Service, Group ‘A’17. Indian Information Service (Junior Grade), Group ‘A’18. Indian Trade Service, Group ‘A’19. Indian Corporate Law Sevice, Group ‘A’20. Armed Forces Headquarters Civil Service, Group ‘B’ (Section Officer’s Grade)21. Delhi, Andaman & Nicobar Island, Lakshadweep, Daman & Diu and Dadra Nagar Haveli Civil Service, Group ‘B’22. Delhi, Andaman & Nicobar Island, Lakshadweep, Daman & Diu and Dadra Nagar Haveli Police Service, Group ‘B’23. Pondicherry Civil Service Group ‘B’24. Pondicherry Police Service, Group ‘B’ Inhnikna nei hai hai ta dingin March 6, 2018, 6:00PM chenin http://www.upsconline.nic.in fethlengin Online application peklut thei ning a tih. Thu chienglem UPSC website: www.upsc.gov.in ah hmu thei ning a tih. Minimum Qualification: Graduate from recognised University.

VAWISUN THUPUIChun keia hmingin iengkhawm in hni taphawt chu, thaw pei ka tih, Pa, Naupa leia chawimawia a um theina dingin. Nangnin keia hmingin iengkhawm in hni chun chuchu thaw pei ka tih. ~ Johan 14:13

ID card tehlem hmanga WB CM In lut tum 1 man

KOlKata: Doctor anga inhril le ID card tehlem siema West Bengal Chief Minister Mamata Baner-jee chengna In lut tum mi pakhat man a nih tiin za-nita Kolkata police thu-suok chun a hril. Mana um chu Bankura district, West Bengal a um SK Aynal (30) a na, Pune hmuna health-care establishment puithu tak neia inhril niin, a kuta inthawk document tehlem khawm tamtak man a nih

tiin senior Kolkata Police officer chun a hril. Hi huna hin Bengal CM Banerjee hi In-ah a um nawh a, Kalighat po-lice station-ah SK Aynal hi hrentang mek a nih. Senior Kolkata Police officer in a hril dan chun, Aynal hin iengleia CM In-a lut a tum am ti a puong nuom nawh a, zawna a dawnna hai du-thusam a tling naw leiin thuchieng lem hriet tuma la hrentang a nih tiin a hril.

Naxal commander kaphlumraipur: Chhattisgarh police hnuoia Special Task Force (STF) le District Reserve Guard (DRG) \hangruol le Naxal hai zani khan Dantewada district huom sung ramhnuoi-ah an inkaptuo a, Naxal commander Ungami alias Chakra kaphlum a nih. Dantewada district hi Naxal hai hratna hmun a

na, police team hai hi intel-ligence report an hmu leia dappui thaw dinga fe an nih. Police team le Naxal hai chu hun sawt tak an inkaptuo a, midang khawm thi le hliem an um ring a na, thuchieng lem nghak zing a nih tiin Dantewada Additional Superintendent of Police Gorakhnath Ba-ghel chun a hril.

Cabinet in PMRF scheme a approvednew delhi: B. Tech graduates 3,000 han IITs le IISCs haia Ph.D an inchuk theina ding Prime Minister’s Research Fellows (PMRF) scheme chu zani khan Union Cabinet in a approved. Hi scheme hi kum 7 sunga din-ga ti a na, Rs. 1,650 crore an-ghu seng dinga riruong siem a nih. Scheme chu 2018-19 session hin \an nghal ning a ta, February 1, 2018 a Union Finance Minister Arun Jait-ley in budget speech a nei laia scheme hi a puong a nih.

PMRF hnuoia \hang-puina dawng ding hin guide-lines tum tum siem a na, exam fethlenga thlang suok han kum 2 sung thla tin Rs. 70,000, a kum 3-ah thla tin Rs. 75,000 le a kum 4 le kum 5-na ah thla tin Rs. 80,000 an dawng ding a nih. Hieng hai baka hin kum 5 sung thlang suoka um han ‘research grant’ Rs. 2 lakh dawng bawk an ta, hi fund hi research an thawna le inza-wma ram puotienga inzinna a hmang dinga ti a nih.

Kohran \huoitu visa pek lo, Congress in an demShillOnG: Meghalaya state a Kohran programme a \hang ding Baptist World Alliance President Paul Msiza chu India in visa a pek nuom naw niin Rev. JR Sangma, General Sec-retary, Garo Baptist Con-vention chun a hril. Paul Msiza hi South Africa mi a na, zani hmasak khan Johannesburg a Indian

consulate in India rama a programme-ah a \hang thei naw ding thu an hriettir nia hril a nih. BWA President hi East Garo Hills district, Megha-laya a Baptist Church in kum 150 a tling lawmna huna \hang dinga hung tum a nih. January 29, 2018 khan Paul Msiza hin visa hnina a peklut tah a na,

India sawrkarin a hung an phal naw leiin Meghalaya a Baptist Kohran hai chu an lung a hnuol hle a nih. Chuong lai zing chun, Meghalaya Congress in thil tlung chu theitawpa an dem thu an puong. Megha-laya Pradesh Congress Committee (MPCC) in thusuok an siemna a chun, central a BJP sawrkar in

Kristien missionary In-dia-ah a lut an phal naw a nih tiin an hril. Hi thil hi ngaitha mei mei chi an nawh a, visa hnawl pekna el khawm an nawh. Nag-pur hmuna BJP \huoitu hai lungril le thil fe dan en chun a umzie tak chu hri-etthiem el thei a nih” tiin MPCC thusuok chun a hril bawk.

thiSen a inzawM

Ziektu: H.Zate, Hmar Rûn- www.hzate.in

Kum 2018 January ni 31 zan thla var chu kum tina tlung ngai naw a ni leiin a hre taphawt chun

an lawm a, an tung a, an ngaisak hle. Kawla thla (th-lapa) a suok hun ding chenin an ngaiven a, a suok hnung khawmin a um dan khawm an la suizui rawp. Chunghai laiah chun kei khawm ka \hang ve a, ngai-hlut san ding nei em em chuong lovin ka lo ngaiv-en ve kar a! Thla var hrim hrim hi a mawiin a hlu a, khawpuiah a lo hlu bek naw khawma tlangram le Thingtlang khuo-ah chu a tluka hlu a um chuong naw a, a hlutna hi hrilfie phâk ruol a ni nawh. Zan thla var hnuoiah tlangval ruolin chawr sawngah Perkhuong perin hla an hei sak dap dap a. ‘A mawi ngei chunga sawrthla....’ tiin thla var lawmin hlim takin nun khuo an chên hlak. Hi thla var a ngaiventu le a ngaihlutu ta dinga a hlu(t) ang bawk hin Inunauna khawm hi ngaiventu le ngaisaktu ta ding chun ngaiven khawp a tling a, suizui a, belchieng rawp khawp a ni hrim a nih. Hnam hran hran umin chi hran hran ei um a, chu-ong laiah chun \henkhat chun an hnam maksanin sa phunin hnam dang sa an pawm a, sa an phunna hna-mah an inzel a, an inpek hlak. Chuong chun, a hmaa unau le sungkuo ni naw kha sungkhat an hung ni a, inrem naw khawm an inrem hiel ta hlak. Hmar ni ngai der naw kha Hmar a hung nia, Thado ni ngau naw khawm Thado a hung ni hlak! Khawsak tieng khin thaw dan le ching dan dang-dai deu deu hi an nei ve a. Eini laia ‘Zawl’ a ei inman hlak ang deu hin ‘unau’ in an inman hlak. An banah at ve vein, thisen a suok a, an ban chu an suktuo a, an thisen khawm intawk vawngin, chuong chun, chu-ong anga an thaw ni a inthawk chun unau ah an in-pawm a, iengkimah a sie a \ha ah inlawm a intuorpui intuoin an in\an tlat hlak. A san chu, thisena unau an ni ta tlat leiin. Inunauna hi a pawimaw a, unau nei naw hai khawmin unau zawngin dan hran hran zawmin ‘pah-nam - laibung’ dam an inzawng hlak. Pahnam khat an tlawm pha sietni \hatnia inlawm dingin pahnam dang dang leh pahnam laibung an insiem hlak!Hnam hi inunauna niin hnam khat chu ei inunau dan le inngaisak dan khawm a dang bik awm ie. Hnam khat ei nina chu thisen hi a ni a. |henkhatin, ‘\awng hi hnam a nih’ tiin \awng thiem naw chu hnam a mi ni naw ang vang vangin an hril hlak. Sienkhawm, Hnam hi thisena bet a ni a. Thisena unau ei ni lem. Tu khawmin a hnam \awng thiemin thiem naw sienkhawm hnam a nina a bo chuong nawh. Thado pain Hmar \awng a thiem vieu leiin Hmar a ni thei chuong naw angin Hmar pa khawm Hmar \awng thiem naw sienkhawm Hmar a nina a bo chuong nawh. Sienkhawm, chu lai zingin \awng hi hnam keikhawmtu a ni tlat leiin mani hnam \awng thiem tluka \ha a um naw a, mani hnam \awng thiem ngei hi a thei chun a \ha tak a nih. Hmun hran hran, a bikin Mizoram a Champhai le Mamit district ah hin Hmar an nizie hre a, an hnam hming a kau peng chin tak chen hre a, Hmar \awng ruok chu hmang thei ta lo an tam khawp el. Tripura a Jampui - Sakhan tlangdungah khawm Hmar hnam inhre em em, a \awng ruok chu hmang ta lo an um nuk el. Chuonghai chun an hnam chu Hmar a nih ti an hriet a, an pawm a, sienkhawm, \awng an hriet ta

nawh. Chuonghai ta ding chun, Hnam hi \awng a in-thawka ei inkhi sung chu an ta dingin hnamah hin chan ding a um hmel nawh. Sienkhawm, Hnam hi thisen a ni a, thisena inzawm ei ni a, thisen leia in-unau ei nih ti hi ei pawm pha chun Hmar hnam hi dam tlang a tih. Hmar \awng thiem le hmang thei chau ei ngai Hmar a, ei suksungkhat vieu a, Hmar \awng thiem naw chu mikhuol mela ei mel sung chu Hmar \awng hre po lawmin innui ver ver an ta, sienkhawm, Hmar a inngai, inti-Hmar em em hai a \awng an thiem naw leiin an lungril na a ta, An unau hai lai mikhuolah inngaiin inhnai nekin inhlat tiu tiu ei ta hi hnam hi dam ngai naw nih. Vawi khat chu Hmar a ni thu mi hrilin Hmar \awng inchuk a nuom leiin Hmar \awng hmangna WhatsApp groupah um a mi hni a. A hei um ta a, Lusei \awng a hung hmang zau pha, Ar chalin ‘Ka cho tawk ka hmu tah’ ti ni awm takin a hman hma-nin ‘Hmar nisi Hmar \awng khawm thiem lo’ tiin an chuk hrawn a. Ka kuomah a nuor a, nuor ngawiin chu group chu a suoksan ta a. Mi hi an ngirhmun enin \awng thiem awm le thiem chi a ni le ni naw en hmasak a \ulin ka hriet a. Kum 2003 buoi lai vela Mizoram lut an ni a, Hmar \awng an hmang thei naw a ni chun chuk hrawn chur chur khawm a awm a. Annaw leh, Aizawlah thla khat vel puon khawng inchukin a um a Hmar \awng a hmang thei naw a ni chun a hawn a chuk hrawn khawm a awm a. Sienkhawm, Hmar hnam thlangtla laia \hang ve lo, Mizorama Lal inlal lai khawma Sailo Lal hn-uoia khawnbawl dam, Sadawt le bawlpu dam lo ni ta chinhai thlahai dam kha chu Hmar \awng thiem dinga va beisei chi an ni kher nawh. Chu nek hmanin inchuktir a, Hmar hnam peng nisi hmar a inngai naw hai khawm Hmar an ni zie inhriettir lem hi ei tum fan ding a ni lem! Tiena tlanga inthawka Tripuraa um a hnam inchekpawl laia khawsa ta hnung dam Hmar \awng an thiem naw leia lo hnuolsuot a lo ngaisak naw ngawt chi an ni nawh. Myanmar a pieng le seil-ien, a upat hnunga Indiaa hung lut dam Hmar \awng innal zara hmang dinga ei beisei ringawt dam a lo ni chun a’nfu chie naw a. Hmar \awng a thiem naw leia ei en hran ringawt a ni chun Hmar hi in\hang tieng nekin chin tieng pan lem rawi a tih! Sienkhawm, ei \awng hi ngainep a theinghil a hmang naw ding tina a ni chuong nawh a. Hnam anga ei um a, ei ngir sung chu ei \awng hi a hluin, hnam ei nizie suklangtu a ni a, Ngaipawimaw a, vawng hring zing lem ding a nih. Hnam anga mi khaikhawmtu chu ei \awng hi a ni si a! Ka pain, “Hmar \awng hi in thiem naw chun in unauhai lai la mikhuol rawi in tih!” tia mi kawk puma a mi lo hmangpui hlak kha a hlu ka ti a. Tuchen hin Mikhuol anga mel hrek hrek chu ka la tuok chie naw a ni hmel!! Siemfawm le mihriem dana unau-a inman fawm hai hman inzawmna inthuk taka inzawm a, a sie a \ha ah intuorpui a , annm inlawm za thei chun, eini Hmar nau, thisena inzawm seng seng lem chu \awng le Ramri hin mi dang naw sien, ei inkara State le In-ternational Boundary hi ei lakah chu hnephnawl ang chau ni lem mawl raw seh!

07 February 2018 | Thingdawl

Tarun Gogoi in BJP beihrawn dingin secular forces hai a fielGuwahati: Assam Chief Minister hlui Ta-run Gogoi chun BJP \hangin India rama ‘com-munal force’ hai do dinga \hangruol dingin ‘secular forces’ hai a fiel. India rama political corruption lientak chu BJP hin a thaw mek a nih tiin Mr. Gogoi chun a hril. Northeast state 3 Assembly election dinga inbuotsai mekna haia cam-paign thawna dingin BJP chun indiklo takin pawisa tamtak a hmang thamral niin Mr. Gogoi chun a hril. “Campaign thawna dingin choppers an hire bakah, campaign bikes, campaign vehicles le mihriem hratna tamtak an hmang, hieng hai hi election a hratna dinga an thaw a na, BJP hin hieng zozai pawisa hi khawlaia a lak am ti ka hriet nuom a

nih” tiin Mr. Gogoi chun a hril. Mr. Gogoi in a hril pei-na-ah BJP in an party vote-tu hai \hangpui dingin an tiem a, amiruokchu, a suk-puitling naw niin an tum. BJP hin Manipur, Assam le central a voters hai a tiemna sukpuitling pakhat khawm a nei nawh tiin Mr. Gogoi chun a hril. Switzerland-ah PM Modi an zin a, anachu, black money a hung hawn

kir nawh. Kum tina India-ah 2 crore sin siem dinga a tiem chu a puitling naw chau an nawh a, beiseina khawm a tling phak naw lem a nih tiin Mr. Gogoi chun a hril. Mr. Gogoi chun cen-tral a BJP le Tripura state a Left Front sawrkarna chu a dem ve veh a, hieng hai hi India \halai hai sin nei lova inumtirtu an na, thilman suksangin vantlang mipui

an intuortir bawk a nih tiin a hril. Tripura state-ah Left Front in sawrkarna a chel sungin a mipuihai hlemin tamtak a hlepruk a, an CM Manik Sarkar rorelna an dik naw bawk leiin BJP chu huoisen takin Tripura-ah a ngirsuok ngam pha a nih tiin Mr. Gogoi chun a hril. BJP hin development thaw in danglamna intlun ngai naw nih. Asanchu, BJP hi communist ngaitu-ona lungril put a na, a mipuihai chu politics-ah ham\hatna a chang theina dinga harsa taka inumtir nuomtu a nih. Leftists hai hin khawvel theina khelah danglamna siem an nuom a, chu thil chun mipuihai zalenna le an hringnun a sukbuoi a nih” tiin Mr. Go-goi chun a hril.

AP-ah Budget 2018 dodalna in bandhviJayada: Zani khan Andhra Pradesh state pum-pui huopin Left parties han Union Budget 2018 dodalna in bandh an huoi-hawt a, nundan pangngai a sukbuoi pha hle. Union Budget 2018 hin Andhra Pradesh state hmasawnna ding iengkhawm a phur sa naw nia hrilin, Budget chu “anti-Andhra” tiin Left par-ties han an hril a nih. Zing-kar inhma taka inthawk Vi-jayawada, Visakhapatnam le Tirupati khawpui haiah

bandh thlawptu pawl an pungkhawm a, placards thil dang dang inziekna chawi-in, Andhra Pradesh dikna inza dingin central sawrkar an ph<t. Left parties hai bandh thaw hi Andhra a politi-cal parties lien hieng YS-RCP, Congress, Janasena le BJP local committees bakah TDP han an thlawp a, Andhra mipui khawmin theitawpin bandh hi an thlawp bawk leiin bandh chu a hlawtling hle.

Lawmthu hriLna Hun sawt taka inthawk ta khan Asthma natna ka nei a. Nasa takin kan khul a, ka tha a sukzawi a, ka hnar a sukping a, ka awm a na hle a, ka hnar sun-gah an bawk a um a, a na hle a, ka beidawngin Pu MV Azad Phusam ka pan a, hun iemani chen a mi enkawl a, tuhin chu ka dam fel ta a, ka lawm hle. Hi lei hin Pu MV Azad Phusam chungah lawmthu ka hril. Asthma natna neihai chun Pu MV Azad Phusam va pan ve dingin ka ditsak cheu.1. Contact Nos. : 7628890261 / 80140255642. Address : Center Road, Opp. ICI Church Road, Hi-angtam Lamka (HI NOKIA Building 1st Floor), CCPur.

Lawmthu hriltu -Moite, New Lamka.

3thlavul (February) 09, 2018 zirtawpni (Friday) natiOnal/internatiOnal & advertiSeMent Hmasawnna Thar

laKtawi

Oja Zia-ul Haque chunga lawmthu hrilna Hun sawt taka inthawka ka natna hai chu ka tawl sir hung inbawk, inhnawm \ha thei lo, inhnawm zova tawl sa h>mhuom, nak^wr s<ng inri, awmna, ring thahrui na, kawng na, bu du lo, phingsip, inhnawm changa kel-ek anga inkhal hlak ang a nih. Oja Zia-Ul Haque Phusam ka pan a, a mi enkawl dam ta leiin ka lawm hle a, ama le Pathien chungah lawmthu ka hril.Pan theina hmun hai:1. Old Bazar, Zomi Colony, Muslim Majid, CCPur.2. Kekru Villa, North AOC, Opp: AMUCO/UCM Gate, Imphal.3. Contact Nos.: 9615391873/8014254414

Lawmthu hriltu, -Jackson (Khomyai) Murlen

In tHe COUrt OF tHe sUB-dIVIsIOnAl OFFICer/eXeCUtIVe MAGIstrAte:CHUrACHAndpUr

AFFIdAVItI, emanuel Malsawmlien Hmar,sonofKhupthang,aresidentof Rengkai, Muolhlum, P.O. & P.S. Churachandpur, DistrictChurachandpur, Manipur within the Churachandpur Sub-Division,doherebysolemnlyaffirmanddeclareunderoathas follow:- 1.That,mynameis‘emanuel Malsawmlien Hmar’whichholdstruewithmyAadhaarcardbearing Aadhaar no. 9749 4105 8393.Thisistrue 2.That,duetoinadvertentmistakemynameiswronglyrecordedas‘enamual Malsawmlien Hmar’ inmyServicere-cordwiththe Indian Army underArmyno. 4374027-K, Rank-spOy of 7 Assam regmnt. 56 ApO.Thisistrue. 3. That, correction/rectification of my name is neededinmyservice recordwith the Indian ArmyunderArmyNo.4374027-K Rank-spOy of 7 Assam regmnt. 56 ApO so that it isreadandrecordedas‘emanuel Malsawmlien Hmar. This is true. 4. That, I am aware of the fact that if the informationgivenbymeisprovedfalse/nottrue,Iamliableforcriminalproceedingaspertheprovisionofsection177, 193, 197, 198, 199 and 200 of the Indian penal Code andanysuitableprovi-sions of Law. I, do hereby solemnly affirm and declare before CourtthatthecontentsofthisAffidavitaretrueandcorrecttothebestofmyknowledgeandbeliefandnothinghasbeenwill-fullyconcealedorsuppressedtherefrom,onthis8thdayofFebruary,2018AnnoDomini.

sd/- emanuel Malsawmlien HmardepOnent

LeT member Abu Hanzal-la \hangpuitu 5 man

SrinaGar: February 6, 2018 a Pakistan besan helpawl LeT member le J&K jail a intang mek Nav-eed Jutt alias Abu Hanzalla SMHS Hospital, Srinagar a check-up dinga fepui a ni laia a tlanhmang theina dinga \hangpuitu mi 5 man an nih tiin zanita J&K Police thusuok chun a hril. Pulwa-ma district huom sungah sun le zan inzawmin police han dappui an thaw huna mi 5 hai chu man an na, an hming hai suklang an la ni hri nawh. SMHS Hospital puo-tienga inthawk Abu Hanzal-la a vengtu police hai mi 2 velin silaia an kap huna Abu Hanzalla hi a tlanhmang a na, hi huna hin police con-stable 1 kaphlum a nih.

Agartala-ah mi 1 pistol leh man

aGartala: Zani khan Government Railway Po-lice (GRP) han Agartala rail station-ah mi pakhat .22 calibre pistols 3 le mu 500 leh an man. GRP hai hin report an hmu dung-zuia dapna an nei huna an man a nih. Mana um chu Gomati district, Tripura a um a na, ama hi ralthuom a sumdawng hlak niin, pis-tol le a mu hai chu khawlai taka zawr a tum am a pu-ong nuom naw niin GRP Agartala Officer-in-charge Kishor Das chun a hril.

SL Navy han India ngamantu 7 an manraMeSwaraM: Delft island bula Palk Bay hmuna nga man India ngamantu 7 zani khan Sri Lanka Navy han an lawng hai leh an man. Ngamantuhai chu Kank-esanthurai naval camp-ah an chungthu ngaituo dinga \huoi an nih. Ramri kana Sri Lanka tui-a nga an man leia ngamantuhai chu man an na, thla hmasak khawm khan Sri Lanka Navy han India ngamantu 12 Nedun-theevu island-ah an lo man ta bawk a nih.

PM in Zakir Hus-sain inzana a pek

new delhi: India Presi-dent hlui Dr. Zakir Husain a piengchampha a tlung le inzawmin zani khan Prime Minister Narendra Modi in inzana a pek thu a puong. PM chun, Dr. Zakir Husain in India zalenna dinga a sinthaw hai inchik zing tlak an na, ama hi scholar le ed-ucationist ropui tak khawm a nih tiin a hril. Dr. Zakir Husain hi India President a 3-na a na, Vice President le Bihar Governor mawphur-na khawm a chel bawk.

Swaraj in Saudi King Salman bin Abdulaziz an hmupui

new delhi: Saudi Ara-bia a cham mek External Affairs Minister Sushma Swaraj chun zani khan Riyadh-ah Saudi King Salman bin Abdulaziz an hmupui. Inbiekna an nei huna India le Saudi Arabia han inzawmna tum tum an nei hai an hriltlang a, an inzawmna in tuta neka ra \ha lem an suo theina dinga hma la tlang dingin remtina an nei niin zanita External Affairs Spokesperson Ra-veesh Kumar in thusuok a siemna a chun a hril. Inbiekna an nei zovin King Salman chun National Heritage and Culture Festi-val ‘Janadriyah’ hawngna a nei a, hi huna hin Pi Swaraj khawm a \hang ve. Cultural festival a hin India khuol inzaum dinga fiel a ni anga Pi Swaraj le a team hai chu India ai-aw a \hang dinga fe an nih. Festival sung hin Saudi Arabia rambung cul-ture le heritage hausakna hai pholang ning an tih. Pi Swaraj chun India khuol inzaum dinga an fiel-na leia a lawm thu a hril. A hril peina-ah, April, 2016 huna Prime Minister Nar-endra Modi Saudi Arabia a

an zinna in rambung pahni hai inkarah inzawmna \ha tak a siem leiin, hi hun hi inchik zing tlak a nih tiin a hril. Hi festival hin India le Saudi Arabia rambung han inlaichinna an nei hai phol-angna le hmabaka inza-wmna \ha lem an nei theina ding hun \ha tak a siem a nih tiin Pi Swaraj chun a hril bawk.

J&K Assembly hall a inthawk opposition hai an suok tau

JaMMu: Jammu and Kashmir Assembly in\hung zani khan sunzawm nawk a na, National Con-ference (NC) le Congress MLA hai inrawina in oppo-sition han Haryana hmuna Kashmiri students 2 vuok an ni thu an ngirpui a, hun sawt tak inselbuoina an nei hnungin opposition hai Inpui a inthawk an suok tau. Hi chungthu hi oppo-sition han Inpui in\hung \an hlimin an ngirpui nghal a, Kashmir mi inchukna le sinthawna leia hmun tum tuma um hai an himna ding bill induong dingin an ph<t

a nih. February 2, 2018 khan Central University, Hary-ana a inchuklai Kashmiri students Aftab Ahmad le Amjad hai chu Temple-ah \awng\ai dinga an fe an in-lawi hunah sawisak le vuok an nih. Hi chungthu hin chawlkar hmasaka inthawk khan J&K Assembly in\hung a sukbuoi \an tah a, central chen khawm deng pha in, Parliament session boruok khawm a suklum pha hle a nih. Sawisaka um students pahni hai hin an thu le hla ni lova an thaw lui niin an hril.

Rahul Gandhi hi ka boss an tah, ringhlana um ta naw raw seh: Sonia Gandhinew delhi: Congress President thar Rahul Gan-dhi in mawphurna a lak hnung khawma Congress party-ah a thuneitutak thu-ah mi tamtak buoiin hril chierna an nei hlak leiin, Congress President hlui So-nia Gandhi chun zani khan hrilfiena a siem a, “Rahul Gandhi hi ka boss an tah, ringhlana um ta naw raw seh” tiin a hril. Congress parliamentary party meet an nei zoa chanchinbumi-hai hmaa Pi Sonia in hi thu hi a hril a na, a hril peina-ah, “Congress in President thar a nei tah a, party po po ai-aw in hlawtlingna chang pei dingin ditsakna kan hlak. Ka naupa hi ka ‘boss’ an tah, party inenkawlna-ah ama hi mawphurtu tak a na, ringhlana um ta naw raw seh” tiin Pi Sonia chun

a hril. Pi Sonia chun Prime Minister Narendra Modi \huoi sawrkarna theitaw-pin a dem. Central sawrkar hi ‘publicity ngai thupui, sawrkarna inthlada’ le ‘marketting ngaisang si a, a ram mipuihai tlawmte chau pesuok hlak’ a nih tiin Pi Sonia chun Modi sawrkar intumna a siem. India a

democratic institutions tum tum hai sukbuoitu in sawrkar chu Pi Sonia in an tum a, politics buoina a intelligence hmang \angkai hlaktu niin intumna a siem bawk. Pi Sonia chun, BJP hin sawrkarna kum 4 tling vang a chel tah a, hi hun sung hin democratic institutions hai chu sukbuoi an nih. Judi-

ciary system, media le civil society hai hmang \angkaiin Parliament ngei khawm inza lovin a hnuoisie a nih. Intel-ligence department hai chu BJP in politics a an kingpui hai beina ding le an hremna ding ngaituotu dingin zalen takin an thlasuok bawk tiin Pi Sonia chun a hril. Gujarat Assembly elec-tion le Rajasthan by-polls a Congress in an thaw \hat leia a lawmthu Pi Sonia in a hril. Gujarat le Rajasthan a Congress hming \hatna hin danglamna thli (winds of change) a hrang \an tah ti a suklang a nih. Karnataka a khawm Congress in rorelna chel nawk ngei a tih ti ka ringhla nawh tiin Pi Sonia chun a hril. Congress President hlui Pi Sonia chun Congress \huoitu hai chu 2019 Lok

Sabha elections a dingin inring zinga um dingin an fui tawl a. “2014 kha Con-gress tadingin hnungkirna nasatak a na, amiruokchu, tuta election hung um din-ga hin nghawng hung nei a ta, thil \hatak Congress in a hmasuon mek a nih” tiin Pi Sonia chun a hril. Pi Sonia chun Indian economic ngirhmun le sin siemna (job creation) thuah sawrkar zawna lientak tak a pek. Ei \halai hai sin nei lovin an awngrawp zo tah. Sin thar hi siem thar lo chau an nawh a, sin umsa hai khawm sukbo lem an nih. Invention thar a um naw chun sin thar siem thei a ni nawh. Kum 4 tling vang liemtah khan India-ah in-vention thar hmu ding a um nawh tiin Pi Sonia chun a hril.

North Korea-in Mike Pence Inhmupui A Tum Nawh: KCNAp y e O n G C h a n G : Vawisuna \an ding Winter Olympic-a \hang dinga fe ve US Vice President Mike Pence chu North Korea-in inhmupui a tum nawa, a nuom naw bawk niin North Korean news agency KCNA chun a hril. Nor th Korea chun President Kim Jong Un sangnu Kim Yo-Jong (30) chu Olympic Games uop ding le South Korea President Moon Jae-In inhmupui dingin a tir a. Kim Yo-Jong hin US VP Mike Pence khawm an hmupui

el thei tia media report le thuvuongva a tam leiin North Korea chun hrilfiena hi a siem a nih. “South Korea a cham zungin US tieng palai le inhmu kan tum nawh a, \ul kan ti bawk nawh. Winter Olympic anga infiemna \ha political thila sukbal \ha kan ti nawh, thaw \ulna a um naw bawk” tiin North Korea palai pakhat chun a hril. US Vice Pres ident Mike Pence chu Ningani khan Tokyo a inthawkin Seoul a lut a, Zirtawpni hin Pyeongchang ah Winter

Olympic opening ceremony \hang a tih. North Korea khawmin Kim Yo-Jong le Kim Yong Nam (90) hai chu ‘official delegate’ angin a tir a. Kim hai le Mike hi an inhmuin an inbiek tamtakin an beisei a nih.

Mi tamtak chun North Korea chet dan hi US le South Korea inlaichinna suksietna dinga a thaw niin an hril a. An dik ding niawma inlang theina chu, North Korea hung inzin a tum char hin a lo lawmlut a, rekbetna

(sanction) khawm \henkhat inthlazal a rawt nghal a nih. Chun, South Korea chun US army leh kum tina Military Exercise an nei zie khawm North Korea le an inbiek paw hnung hin la \hul dingin a rawtpui nghal a. Tukum Join Military Drill ding khawm la \hul dingin a rawt nghal a, US le an inlaichinna chu tlawm tlawmin kar a um tiel tiel nghal niin an lang. South Korea President Moon Jae-In chun Kim Yo-Jong hi official taka inbiekpui a tum niin Blue

House thusuok chun a hril. “President Moon chun North Korean palaihai lo hmuok a ta, February 10 khin bu fakpui a tih” tiin Kim Eui-kyeom chun Journalist hai a hrila, a hmun ding le darkar bi ruok chu a hril nawh. President Moon chun North Korea palaihai, an hotutak Kim Yong Nam \huoi le President Kim Jong Un sangnu Kim Jo-Yong hai chu bu fakpui a ta. Kim Jong Un lekhathawn khawm President Moon kutah Kim Yo Jong hin an hlan ding niin a hril bawk.

BJP in NE states haiah danglamna an tlun mek : PMaGartala: Prime Min-ister Narendra Modi in zani khan Tripura capital Agaratala a inthawk 50 km vela hla Sonamura-ah cam-paign a nei. PM Modi chun Northeast state haiah BJP in development sin thaw in danglamna an tlun mek niin a hril a, “Tripura state a la hnufuol zingna san chu kum 25 sung zet Left Front sawrkarin indiklo taka ro a rel lei a nih” tiin a hril. Central a BJP sawrkar chun indik le ringum takin Northeast states hai dawm-sangna dingin sin a thaw mek niin PM Modi chun a hril. BJP in theitawp suo a Northeast dawmsang a tum laiin, Left Front sawrkar chun Tripura state hi hnu-fuol takin a siem zing a,

danglamna siem tum lovin a mipuihai hmang \angkai a tum lem a nih tiin PM Modi chun election rally a \hang hai a hril. Development of North Eastern Region Ministry (DoNER) hi Northeast state hai sukhmasawnna dinga Vajpayee sawrkarin a siem a nih tiin PM Modi chun a hril. A hril peina-ah, “kei le

ka sawrkar khawmin North-east states hai sukhmasawn a, danglamna mak tak in-tlun dinga infrastructure hai sukchangtlung chu kan ngaipawimaw tak a nih” tiin PM Modi chun a hril. PM Modi chun, North-east state haia Ruo hai hmang \angkaia sumhnar \ha taka hmang an ni theina dingin Rs. 1,300 crore an-

ghu sengna ding ‘National Bamboo Mission’ \an a nih tiin a hril. Zanita PM Modi in a campaign-na hi Chief Minister Manik Sarka a biel sunga um a na, mipui fekhawm hai chu “Cholo Paltai” (Go for Change) slogan changchawia Tri-pura-ah danglamna siem dinga BJP vote dingin a fiel tawl. February 18, 2018 huna ‘lotus symbol’ hmeta BJP in vote chun kum 25 sung zet rinum taka inumtiru cheu Left Front sawrkar in hremna ding a nih. Kum 25 sung khan Tripura mipui han iengkhawm in hmu nawh, retheina a kaisang a, Tripura mipuihai hnufuolna a zuol tiel tiel a nih tiin PM Modi chun a hril.

Taiwan Lirinhninga Mithi 9 An Tling, Inhmang 62 An La Umh u a l i e n : T a i w a n khawpui pakhat khuozinmi (tourist) hai fe tamna taka hriet Hualien-a magnitude 6.7 a hrat lir inhning leia mithi chu 9 an tling tah a, mi 62 an umna chin hriet lovin an lan hmang a. Hliem po po hi 265 an tling ta bawk tiin official thusuokin a hril.Reuters hril dan chun, Ningani zingkar khawm khan ‘after-shocks’ vawi iemani zat la hriet a nih a. Ningani tuk khawm khan 5.7 a hrat after-schok hriet nawk a nia, building chim laia sansuokna sin thawtuhai a chawkbuoi hle niin a hril. Thawlenni khan tuipui kama Hualien khawpui chu 6.4 a hrat lirinhningin a sawi a. Building insang tak tak pali a chim a, mithi zan khat thilthuin 7 an tling nghal a, hliem 265 an uma, inhmang

150 vel an la um ring a nih. Mithi zat khawm hi building chim hnuoiahai an lut thei phat chu a la pung ring a nih. Tuta mi inhmang la hmu lohai hi Building sawng 12-a insang chimin a del tawl ni dinga ring a nih. Building hi 45-degree zetin an awn a nih. A sunga chenghai chun an thuomhnawhai tuolah an hung deng dawk a, tukver

haia inthawkin an hung inchawm thla a, an tet hliem an um nuol bawk. Hualien hi mihriem 100, 000 vel umna a nih a. A lamlien hai chu an kak huou deu vawng a, lampui sira building hai an inawn \ei \ui bawk a. An khawpui lailung lai taka building lien tak chu an awn duoia, hliem an tamna tak a nih. (Reuters/AP)

Islamic State An Tlusie Meka chu Al-Qaida An La Hrat: UN Report

u n i t e d n a t i O n S : UN Sanctions Monitor-in vawisuna report a pek dan chun, hmun tamtak ah Islamic Helpawl ISIS hai an chau taa buoipui tham an tling ta nawa chu Al-Qaida global network chu ‘buoipui tham le tawk khir tak’ an la nih tiin a hril. UN Security Council kuoma a thawn Report-a a ziek dan chun, ‘Al-Qaida in the Arabian P e n i n s u l a ( A Q A P ) ’ , Yemen rama um chu UN-

in ‘dan puoa a hnawl’ helpawlhai inbiekpawna (communication) centre tak a ni thu a hril bawk. “West Africa le South Asia ah, Al-Qaida chun helpawl hran hran hai le inzawmkhawmin ISIS hai ang thoa tium le buoipui um thei ding khawpin thawpui an nei a, mi chunga thu nei taka rorel thei ding emin an la um nawa ti thu chau a nih” tiin a hril. A hril pei dan chun, hmun tamtakah chu Al-Qaida le IS

hai inzawmkhawmin \ium tak pawl pakhata an hung suok nawk theina ding umin a hril bawk a. “IS chun ama le ama an siema an din Syria le Iraq-a lalram siemfawm “Celiphate” chu a tluksietpui tah a. A chau der tah a. Anachu, Al-Qaida ruok chu ‘bei tham’ a la tling a nih” tiin a hril bawk. “Syria rama chun Al-Nusra Front chu ‘khawvel p u m p u i a A l - Q a i d a network hrattak’ niin, a sipaihai chun ‘in\hithaina le thawluinahai, tharum le pawisaa inthamnahai’ hmangin helpawl chin lemhai a laklut pei a. Al-Nusra Front chun tuhin Fighters 7, 000 a inthawka 11, 000 vel a nei tah a. Idlib province, Syria ah an hratna tak hmun Headquarter neiin foreign mi khawm tamtak an um mek a nih” tiin a hril bawk.

Delhi-ah mi 1 police barricade hruiin a at hlum, police 4 ban

new delhi: Delhi-ah mi pakhat helmet khum lova bike a tlan chu police bar-ricades pahni thlung zawntu thir hruiin a ring-ah a ^t hlum a, hi le inzawmin po-lice 4 suspend an ni tah. Hi thil hi Netaji Subhash Place, North-West Delhi-ah zani zingkar inhma taka tlung a na, tuoksiet tuok chu Ab-

hishek Kumar niin, office an lawina lampuia thi a nih. Hi lai hmuna police hai chun zingkar dar 10:00 AM hnun-ga zalen taka inlawn khapna in barricades pahni inkarah thir hrui an keizam hlak a, Abhishek Kumar hi hrat taka tlan a ni leiin thir hrui chu a hmu hman naw niin Senior police chun a hril.

Bogus Pune call centre in American mi 11,000 a hlem, mi 3 man

pune: Pune khawpui Ko-regaon Park area a bogus call centre le American mi 11,000 vel hlemtua intum chu Pune police han an dap a, call centre a sinthawtu mi 3 an man. Hi call cen-tre hi US tax department anga um niin, tax pe lo hai chu hremna pe dingin thu-pek an insuo khum a, chu hnunga tax an pek hai chu

anni hin an nei hlak nia hril a nih. Call centre daptu hai chu Pune police economic and cyber crimes cell an na, Pune hmuna call centre indiklo hai mansuokna ding hin United States (US) fed-eral government’s Internal Revenue Services (IRS) le Federal Trade Commission (FTC) han an \hangpui a nih.

Bangladesh PM hlui corruption thuah thiemnaw inchangtirdhaKa: Bangladesh Op-position leader le Prime Minister hlui Ms Khaleda Zia chu Corruption thilah thiemnaw inchangtir le kum 5 sung jail intang din-gin Dhaka Court chun zan-ikhan a chungthu a rel. Jail intang dinga Court in a puongna hmuna hin a supporters sangtel an pungkhawm a, a hnawtdar-na dingin Police han Tear Gas chen an kap. Ms Khaleda Zia (72) hi Charitable Children’s Trust a dinga international fund peka um sukchingpena in-tum a ni a, sienkhawm intu-ma a umna hi Ms Zia chun

a hniel a, politics thila an khingpui han an beina a ni thu a hril. Thiemnaw inchangtir a ni lei hin tukuma Parlia-mentary Election hung um dinga hin a ngir theinaw ding a nih. Ms Zia naupa Tarique

Rahman, tuta London a um mek khawm kum 10 sung jail intang dinga a chungthu rel a ni a, ama baka hin midang 4 a \hangruolpui hai khawm hiengang chen bawk jail intang dinga thiemnaw inchangtir an nih.

Hmasawnna Thar4 EntErtainmEnt / SportSthlavul (February) 09, 2018 zirtawpni (Friday)

sun ZAWMnA....... & Tuolsung

West Ham United in Patrice Evra short term contract a ziekpui

lOndOn: West Ham United chun Manchester United left back hlui Patrice Evra chu short-term contract an ziekpui thu Premier League Club in zanikhan a puong. K u m 3 6 - a u p a Frenchman Patrice Evra hi Europa League match hmaa

club fans hai pakhat a pet leia nikum November thlaa Ligue 1 side Olympique Marse i lle ama thua a suoksana inthawk club nei ta loa um a ni a. Hi hnung hin UEFA chun Evra hi season pumpui European competition-a

khel thei lo dingin a ban a ni a, sienkhawm West Ham ah domestic a chun a khel thei ding a nih. Evra hi kum 2006-2014 inkar sung khan United ta dingin vawi 379 a khel a, hi hun sung hin Premier League title vai 5 bakah 2008 khan Champions league title a lo lak bawk. Kum 2013-14 sung khan David Moyes in West Ham a enkawl laiin Old Trafford ah a lo khel bawk a nih. Kum 2014 khan United suoksanin Juventus a zawm a, Marseille tieng an sawn hmain Serie A title vawihni a lo lak bawk.

Sevilla in Leganes 2-0 a hnein Copa del Rey Final an lutMadrid: Sevilla chun zani zingkar khan Lega-nes 2-0 a hnein Copa del Rey final an lut tah. Sevilla ta dinga goal hmasa tak Joaquin Correa in minutes 15 naah a thun a, first-half chenah Se-villa chun Leganes hi 1-0 in an hne a, second-half minutes 89 naah Franco Vazquez in Sevilla ta dinga goal khat a thun

nawk leiin inkhel tawp chenah Sevilla chun 2-0

in Leganes hnein final an lut a nih. Tuta \um hi

Sevilla in kum 12 sunga final vawi 17 an khelna ding a ni a, hi lai hin Copa del Rey final 5 a \hang. Leganes hin quarterfi-nals –a khan Real Madrid an petdawk a, last 16 ah Villarreal an lo petdawk bawk a nih. Sevilla hi Copa del Rey vawi 5 lo lata an ni a, vawituk (Feb. 9, 2018)

hin Barcelona le Valencia han semifinal inkhel an ta, a hrat lem lem Sevilla chun final an khelpui ding a nih. Vawituka semifinal khel Barcelona khawm hi champion vawi thum lo nita le kum 2016 final-a Sevilla lo hnebantu a nih. Copa del Rey Final hi April 21, 2018 a inkhel ding a nih.

Sanchez chu a Sie peklo a pek ding leiin jail an tang naw ding

Madrid: Manchester United forward Alexis Sanchez chu Barcelona ta dinga a khel lai kum 2012 le 2013 inkar sunga tax (sie) a pek ding 1 million euros (dollar 1.2 million) a peknaw leia thla 16 sung jail intang thei ding ngirhmuna a um hnungin a Sie (tax) peklo hi pawma a sie pek lo hi a pek ding leiin jail intang ding a pumpel tah. Sanchez hi Spain sawrkarin tax a pek ding ang pe loa intuma case a siemkhum a ni a, intuma a umna hi thla 16 sung jail

intang theina a nih. Tax a peklut po a pek ding baka San-chez hi fine euros 600,000 deuthaw inchawitir a ni bakah tax a peklo po in-terest 100,000 chuong interest a pek bawk ding a nih. Hi tax thubuoia inremna dungzuiin Sanchez chun kum 2 sung tax benefits a ngen theinaw ding a nih. Sanchez hi kum 2011 a inthawk khan Barcelona ta dingin a khel a, 2014 khan Arsenal a zawm a, thla hmasa lai khan Arsenal suoksanin Manchester United hi a zam nawk ta a nih. Tuta hma khan Lionel Messi le Javier Mascherano hai khawm Sie peklo chun-gthua hin thubuoi siemkhum an lo nita a, Messi hi £223,000 inchawitir le Mascher-ano chu £611,000 pound inchawitir a lo nitah a nih.

namni Football tournamentQUARTERFINALS

Feb. 8 result: uKb 1-0 lenlaiFeb. 9, 2018 Fixture

Happy Feet Football Academy v/s Avoi FC

ISL: ATK le Kerala Blasters 2-2 in an indraw

KOlKata: Indian Su-per League fe mekah zan-ikhan Salt Lake Stadium-ah Kerala Blasters le ATK an inkhel a, a hrat lem um loin 2-2 in an indraw. Kerala Blasters hin hratna chang hai sien chu league table-ah Jam-shedpur lekhelin top 4 an inhlangkai thei ding a ni a, sienkhawm defending champion ATK chun 2-2 a indraw puiin an ngirhmun insawn tir loin an la chelt-ang hri a nih. Goal hmasa tak ATK a inthawk Ryan Taylor in minutes 38 naah a thun a, hi zo minutes 33 naah Kerala Blaster ta dingin Guojon Baldivinsson chun inangna goal a hung thun nawk a. Second half min-utes 55 naah Dimitar Ber-batov chun Kerala Blaster ta dingin goal hung thunin Kerala Blasters chun hma an \huoi a, sienkhawm ATK a inthawk Tom Thorpe in minutes 75 naah

ATK ta dinga goal a hung thun nawk hlau leiin a tawp chenah 2-2 in an in-draw ta a nih. Zani zana ATK le Kerala Blasters inkhel zo hin Kerala Blasters chun games 15-ah points 21 an hmu a, ATK ve thung chun games 14 ah points 13 hmuin a 8-na in an \hang mek a nih. Vawizan 8:00PM hin league table-a a pakhatna/hma\huoitu ni mek Benga-luru FC le Goa FC inkhel nawk an tih. Bengaluru FC hin games 14 ah points 30 hmuin hma an \huoi a, Goa

FC hin games 12 ah points 20 hmuin a paruknain an \hang mek a nih.

section suklienna sin zofel a la ni naw lei-in Lamlong Bazaar bawlna chu \an a la ni naw niin a hril a. Tombisana Market chu 35% zofel ni tain a hril. Chawhnung tienga Inpui in\hung nawkah chun Demands for Grants pali a rengin Rs. 14, 19, 52, 83, 000 passed a ni a. Chuonghai chu: Demand No. 8 (Public Works Department) Rs. 990, 29, 46, 000/-, Demand No. 26 (Administration of Jus-tice) Rs. 97, 09, 26, 000/-, Demand No. 44 (Social Welfare Department) Rs. 3, 27, 55, 11, 000/- and Demand No. 46 (Science and Technology) Rs. 4, 59, 00, 000/- hai an nih. Demands for Grants haia Discus-sion hunah, MLAs Dr Chaltonlien Amo, Mr. K. Govindas Singh, Mr. Th. Lokesh-war Singh, Mr. D. Korungthang, Mr. Meghachandra Singh, Mr. D.D. Thaisii, Ms. AK Mirabai Devi, Md. Abdul Nasir, Mr. Kh. Joykisan Singh, Mr. Surjakumar Okram le Mr. K. Ranjit Singh han policy cut motion an move naah, Demand No. 8

(PWD) ah CM in hrilfiena a siem. State sawrkar chun contractors/work agency Tender process-a \hanghai black-listed an ni le ni naw en (check) theina a nei nawh, asan chu NHIDCL hi Ministry of Road Transport and Highways hnuoia um a nih leiin tiin a hril a. Dr Chaltonlien Amo, Mr Kh Joykisan Singh le Mr K. Govindas hai Policy Cut dawnin, CM chun, Centre a inthawkin NHIDCL black list dinga hrilna a um naw niin a hril bawk. Hi thu hi NHIDCL-in a ruoi contractor \henkhat ‘black-listed’ an um a, iengleia sawrkarin action a lak naw am a na, ti leia hrilfie a ni a. Works Minister Th Biswajit Singh chun, implementing agency/com-pany hin an hriettir naw leiin State De-partment chun contractor hai ‘black-listed status’ iengkhawm a hrietlawk naw thu a hril a. NHIDCL hi Union Ministry of Road Transport and Highways hnuoia um a nih leiin State sawrkarin iengkhawm a law thei naw thu a hril. (DIPR & AIR)

Manipur Assembly

KcP-Mc (P) in catholic Education Society an bannediMphal: KCP-MC (P) in zani khan Ma-nipur mipuihai hmakuo ngaina leia Catho-lic Education Society an banned thu an pu-ong. Maheikhomba Meitei, Information & Publicity Secretary, KCP-MC (P) hminga thusuok an siemna a chun, hun sawt taka inthawka ngaituo chet chet a ni hnung le mipui hmakhuo ngaina leia Catholic Edu-cation Society hi banned puong khum a

nih. Hlawkna, demands le admission quota hai leia banned thaw khum an ni naw a, rules le regulations party in a siem an zui naw a, students hai sumdawngna thil anga an hmang leia Catholic Educational Soci-ety hi banned puong khum a nih. Catholic Educational Society in party an biekrawn-pui zo hnungah chau banned hi hlip ning a tih tiin a hril.

atwu in |awng\airuolna an neiCCpur: All Tribal Women Union (ATWU) chun zani 10:30AM a inthawk khan YPA Hall, Hebron Veng, New Lamka-ah Tribal Movment le inzawmin \awng-\airuolna an nei. Hi huna Nianglian, President, AWTU in thu a hrilnaah Movement le inzawma nuhmei pawl han \awng\ainaa nasa taka hma an lak tung pei thu, 6th Schedule nisien, Territorial council nisien, sawrkarin mi hung pe sienkhawm sin thaw loa um thei a ninaw leiin ei thil hmu ding hai nghak puma company le inzawma market skbuoi lo dinga sin \an tum a ni thu, nuhmei pawl hai chu hotuhai hnung zuia thlawpa, an hma lo lakna hai bawzui dingin sawtnawte

hnungah Delhi fe a ni ding thu a hril. Nuhmei pawl hai mani intodelna dinga Mushroom Cultivation \an tum le inzaw-min a zawrna ding thil iengkim inbiekrem-na nei tasa a ni thu, le thil dang dang a scheme hai hmu thei dan ding lampi dap mek a nih tiin a hril bawk.

JCb hmangin lamsir nulla Khur ding an choCCpur: National Highway Infrastruc-ture Development Corporation Limited (NHIDCL), M/s Satya Builders chun Sub-Contractor inrawinaa CCPur –Singn-gat inkar lampui siemna an sunzawm pei a, zanikhan Thingkangphai (B) a inthawk Tangmual inkar lampui sir Nulla (side drain) ding JCB hmangin an cho. Hi lai lampui siemna ding hi Novem-

ber 26, 2017 a kha Singngat MLA Ginsu-anhau, Chairman, MANIREDA; Khaipao Haokip, Chairman, ADCC le Shyam Lal Poon ia, IAS, DC, CCPur han an lo flag off a ni a, Singngat khawsung chenah lampui hi siem ding a nih. Lampui siem ding hi 34.5 km. a sei a ni a, a sirtuokah Nulla um ding le thla 24 sunga sin zo ding ti a nih.

prince harry nute, duchees of york inneinaa

|hang dinglOndOn: That ni le lawmna ni haia hin mi pawimawtak sung le kuo thenkhat ei theing-hil nuom an ti angin, Britain Prince Harry le Meghan Markle inneina ding fielna an sem suok lai khan Harry nute Duchess of York, lady Sarah Ferguson (Harry cousin Princess Beatrice le Eugenie hai nu) chu an lo theinghil a. A nuor hman a nih. Amiruokchu, Prince Harry-in thei tawpin ngaidam inhniin a nuhmei neina ding nia hung thang ngei ngei dinga a fiel leiin a nute Sarah Ferguson chun a hung thang ding niin a hril nawk ta a nih. Sarah Ferguson hi Prince Andrew leh 1996 a an inthe hnung khan Britain lal sunkuoah an zel ta bek nawh a. A nauhai Princess Beatric le Eugenie hai ruok chu an pi Queen Elizabeth le an pu Prince Philip hai fena na zuiin an la thang hlak. Lal sungkuo rawngbawltu han mak tah hnung nuhmei chu fiel ding le ding naw an hriet nawh a, an lo fiel sa naw niin Mail Today chun a ziek. Sarah Ferguson nauna Princess Eugenie hi Bar nghaktu ni hlak mi naran Jack Brooksbank leh ni khat lai khan an inhuol tah bawk. Royal Family staff han ‘reception’ ah chau \hang dingin an lo fiel a. Prince Harry-in an inneina tak ceremony ah khawm thang dingin a ti tlat leiin a zawm tah nia hril a nih. Rawng-bawltu pakhat chun, “Harry hin a ti tlat a. Sel thei an nawh” tiin a hril. Lal sungkuo dana chun mak ta hnung chu lal sungkuoa zelsa an tah nawh. Buckingham Palace khawmin tlang takin Sarah Ferguson, Prince Andrew le 1996 a inthe ta chu lalnau nuhmei neina ‘hun thienghlim’ ah

thang thei naw nih tiin a lo puong tah a. Prince Philip le Prince Charles hai khawmin hi hi an tawmpuia, an ip nawh. Amiruokchu, Harry thu an sel ngam tah bik naw a nih. Tuhai chungah chu ei inrum thei nawh an ti po Prince Philip le Queen Elizabeth khawmin an thaw a nih. Hieng hi thil umdan a nih leiin, Britain lal sungkuo chu bawrbang taka nuhmei pasal in-neina thilah thil a tlung zie bawk leiin, tuta tum khawm Buckingham Palace (Lalnu hai umna) le Kensington Palace (Harry hai umna) karah inhrietthiemnawna a tlung vang vanga, staff hai lu a sukhai takzet a nih. Britain Royal Family khu nuhmei pasal thilah khawvela hril kai tak a nih. “Lal sungkuo innei ding zatin ‘fiel ding’ le ‘fiel lo ding’ hi an umzie” tiin an hril. Prince William le Kate Middleton in-nei 2011 ah khawm khan an nute Sarah chu Thailand-a Spa pakhatah hun a lo hmang a nih. Sarah Ferguson, Fergie tia ko hin Switzerland-a an pa Prince Andrew le £13million-a an inchawk, vur intawlna le chawlhadamna In (Ski Resort) ah hun tam lem a hmang hlak. A nungchang ler lei hin Andrew-in a mak a nih a. Lal sungkuo thilthawnahai ah a \hang ta ngai nawh. Amiruokchu, Prince Harry-in a nute chu a ngaina bakah Princess Eugenie nu a nih bawk, Eugenie khawm October thlaa pasal nei ding a nih bawk, Biekin sunga “Aisle” an hraw laiin thang ve ngei sien a nuom leiin tukhawma an sel ngam ta naw a nih.

Bob Dylan Le Hlasak Kawp Thei Chu Vangnei Tak ka Nih:

Gene Simmons

lOS anGeleS: American-Israeli singer Gene Simmons chun hlasakthiem Bob Dylan chu a ngaisang taluoa, ama le hla sak kawp thei chu vangnei an ti hle a, lottery man ang tluk a nih tiin a hril. Kum 68-a upa ve tah Gene Simmons chun kum 76-a upa Bob Dylan, “Like A Rolling Stone” saklartu leh hla phuok khawm theia a um chu ‘vangneina chungchuong’ niin a ngai. The Pulse of Radio interview an thawnaa chun, “Mi tinin Lottery ei inchawk a. Manna chance chu a tlawm hle. Anachu, manna chance tlawmte karah a um chu a um, chuong ang vel chu ka nih. Bob a manager ka phone a, “Bob ka biek vak thei ding?” ka ta. “Iem i hril nuoma?” a hung tih a. Ama leh, i...i..hla phuok ka nuoma” ka tih ringawt a. “ N i h n i h n u n g a h inringlawkna um \hak lovin

kan tuolah Car a hung chawl a. Bod Dylan chu a Acoustic Guitar leh Car a inthawkin a hung suok a. Driver pa kuomah chun, “Zantieng inhmu nawk ei tih, mi hung \huoi rawh” tiin a hung lut a. Sun ni thlakin Guitar strum-in hla kan phuok/sak tah a nih. Chuong el chu a nih, an hawi dan chuh!” tiin a hril. N i kum khan Gene Simmons hin “Gene Simmons – The Vault Experience: 1966-2016” ti a tlangzar a. Chutaka chun hmun danga a la hril ngai \hak lo, studio ah Bob Dylan le an uma hla an phuok dun lai minute 15 video clip a \hang sa. “Lick It Up” saklartu Gene Simmons chun, “Blowin in the Wind” saklartu Bob Dylan leh studio ah hla phuok dan ding an buoipuia hla an siem dan ding an discussion video a nih tiin a hril a. Bob le hla an phuok tlang thei chu vangnei an tih hle a nih.

North Korea chungah Iengpo Thaw Dingin US An Ring: Mike Pence

yOKOta air baSe: Japan le an inlaichinna siem\haa sipaihai sukhrat dan ding le North Korea tukdei dan ding ngaituo dinga Japan inzin, US Vice President chun South Korea a fe tawmin US chu North Korea chungah ‘Iengpo khawm” thaw dingin an pei zing a. “Iengkim chu

dawkanah a um vawng a nih” tiin a hril. Hi thu hi Tokyo kawla Yokota Air Base a sir \uma a hril a nih a. Mike Pence chun North Korea-in a nuclear bomb a sukbo theina dingin US chun a \ul ang angin theitawpin bawzui pei a tih, tiin a hril a. A sukbuo nuom naw chun ‘pre-emptive strike” thaw dinga rawtna khawm a hnawl naw el thei thu a hril. Mike Pence hi North Korea nuclear bomb le inzawma Korean Peninsula lai boruok lum em em, South Korea-a Winter Olympic in kawng danga a hung sukdei nawk ang renga an lang lai takin Asia ram inzin rawt a nih a. Zirtawpni hin “Peace Olympic” tia an inbuk neina ding hmun Pyeongchang vuong lut veng a tih.

David Beckham Hai In £6.15million Manhu A Nih

lOndOn: Football petthiem inlar David Beck-ham le a nuhmei Victoria Beckham han sawl taka an bawl, Wets London-a an in bakah West Oxfordshire ah thingkung chunga In nal taka bawl £6.15million man zet chu bawl dan ding thu ‘permission’ buoina/hekna an nei meta chu hum thei dingin hnena an chang tah, zantieng dar 4pm hnunga mei an sukvar ta naw ding chun. David Beckham le Victoria han an Costworld Property laia pakhat dinga thingkunga In an bawl hi pawisa an seng rawn em em a. An bawl zo vawng hnunga cheimawi le var keng kawnga um lim chu Victoria Beckham-in hlim taluoin a lim tarlangin Instagram ah “Kisses from the country X!” tiin December 17, 2017 khan a post a. West Oxfordshire a mi thenkhain an lo hmu a. Mi hausa le inlar thiktuhai ta ding chun hekna ding remchang zawng bawk chun, hmu ding a lo um hlak angin, an In an bawl hmain ‘permission’ an lak nawh, ti hriein Parish Council le mimal thenkhatin an hek tah a nih. Amiruokchu, West Oxfordshire District Council chun thil umdan a enfel vawng hnungin, legal document hai siem dinga an ti ang ang an simfel hnungin, an In bawl tah sa chu nei an phalpek tah a nih; zantieng dar 4pm hnunga mei sukvar lo dingin. A umdan chu, December 13, 2017 khan Beckham hai nupa chun architect Michael Erga-toudis hmangin ‘modest tree house” bawlna ding permission an hni a. “Modest tree house” ti a nia chu London-a studio flat tam tak nekin a lien lem a nih. An hnina chu, Thing In meter 4.5 x 4.5 a dung le khang, an sang dan meter 4.275, hmun a hluo ding square meter 15.6 ti a nih a. December

13-a hnina an pek hma hin a In hi an lo bawl zo vawng tah niin Parish Council le an tuolbawm ding David Holland chun a hril. David Holland chun December 18 khan Council kuomah lekha thawnin, “Tree House hi bawl zo vawng an tah a, final touch chauh hmabak an tah. December 4 a inthawka bawl tan a nih. Bawl a ni vawng hnunga permission an hni hi dan inza nawna le palzutna niin ka ngai. Beckham sungkuo thil thawdan a nih, an thaw zo vawng hnungin ‘phalna’ an hni hlak. Minaran hai nisien chu a In hi thiek dingin ting an tih” tiin milar an ni leia ditsak bik angin a hril. Council-in phalna a pekna san a hril dana

ruok chu an dang nawk dai a. “David hi permis-sion dan ang taka la hmasaa thaw hlak a nizie hriet a nih a. Tuta an Tree House bawlna ding khawm dan a zui nawna a um nawh. An deloper-in a hni dan takah, um tasa siemtha/cheimawi ding ti a nih leiin, phal nawna ding san a um nawh” a ti ve thung.Design and Access han statement hmanga an hrilfie pek bawk leiin Council hin dan ang taka thawin an pawmpek a nih. David Beckham han Pound 6.15 million senga an bawl Tree House hi naupang inhnelna ding inhawi tak tak aum a. Huon mawi tak le thingkung, Apple, Plump, maple Trees, Orchard thei le parte hai a um \eu leiin environment \hangpuitu dinga beisei a nih. Bedroom paruk le insilna room paruk le swimming pool lien tawk tak a um a. Paparazzi hai thla lak thei nawna dinga ‘camera proof’ a siem a nih. Country side inhawi taka bawl a nih a. An tuolbawm celebrity hilaia um ve thenkhat chu Jeremy Clarkson le Kate Moss hai an nih a. Soho Farmhouse a inthawka hnaite a nih. Beckham hai hin West London ah khawm an nauhai Romeo (15), Cruz (12) le Harper (6) hai le umna ding In lien tawk tak an nei a. An naupa upa tak Brooklyn New York University-a kai umna ding New York ah ‘flat’ an nei bawk a. Los Angeles ah In an nei bawk.