lunjina dit sinduki
DESCRIPTION
Cartea al Custandin Dini TranduLunjina dit sindukiEditsia - 2015Nj-u aflai casa tu lunjina sh-tu lunjina a melu kiroSh-tora dukescu ca hiu mini sh-ca mini hiu Io !TRANSCRIPT
2
EDITOR: CUSTANDIN TRANDU
Cartia esti tipusitã tu Albanii la tipografia “Argjiro” Ghirocastro cu agiutara a autoru Custandin Trandu.
Art Designer: Autoru Copyright © Autoru
ISBN: 978-9928-102-75-1
GJIROKASTËR 2015 GHIROCASTRO
3
…sh-tsi voi s-hiu mini azâ…
*Apâ aratsi di la shopatù
*Pâni caldâ dit cireapù
*Cash tu pita armâneascâ
*Lunjinâ tu sindukea li-dadi…
Vi li-dau tuti-a vau!
Sh-dit vrearea mea ti Voi, tu Voi, vreari s-acreascâ
Ti-armânj sh-ti Fara Armâneascâ !...”
Dini Trandu
4
Custandin Dini Trandu
Lunjina dit sinduki
Pârmithi ti njits sh-ti mâri Isturii-Poemati-Minduieri-Cântitsi
Editsia 2015
5
Aradha tu carti
Dedicatsie………………………………………………6 Zboru ti Custandin Dini Trandu………………7 Zboru ti-ankiseari………………………………….14 Pirmithi ti njits sh-ti māri Râdzâtinj……………………………………...........17 Oclj di pulj…………………………………………….54 Pleasa di-ndzeanâ-hoarâ-al Dumidzā….73 Isturii di Zâmani Giunamea al Thanasi Nastu…………………98 Papu sh-pita di curcubetâ…………………..144 Unâ minti zurâ……………………………………152 Trastu-ali bani………………… ………………..187 Iu hii lāi papo........................................199 Lirica romantica Hai, dipunâ………………………………………..212 Tini sh-mini……………………………………….214 Dzāli kiruti……………………..………………...217 Dau giumitāts…………………………………..219 Suflit di primuvearâ…………………….……221 Hiu ama nu hiu?!................................223 Icuatsii di zboarrâ……………………………..225 Lunjina dit sinduki…………………………….227 Un-yisú ti Armanamea……………………..229 Minduierili a meali……………………………232 Vrearea Armâneascâ………………..……..234 Zboarrâ di-ndzeanâ………………………....236 Lirica ti cāntitsi Cāntitsi ti patriotism…………………………259 Cāntitsi ti cilimeanj……………………..……276 Cāntitsi ti minduiari…………………………..284 Cântitsi di vreri sh-dor……………………….293 Cadhuri cu strâ-aushi………………………..325 Cadhuri cu bana dit zâmani………………335
6
Dedicatsia-li carti:
Ti tuts atselji tsi s-alumtâ, Armânamea sh-limba armâneascâ
s-nu kearâ !
Cu ahândoasâ vreari sh-ahoryea dukeri,
Ti maia Catrina sh-papu Nisa Preftu – aflats tu-unâ hoarâ dit Epir:
Pleasa di-ndzeanâ
Ti muma Hrisula sh-papu Thanasi Trandu – aflats tu câsâbālu dit
Curceau
Ti dada meau Yianula sh-tati-a melù Ticâ Trandu
Tinjisiti haristuseri ti sotsu-a melù bunù, dârut patriot ti-Armanami,
Spiro Poci di Ghirocastro, tsi mi-agiutā s-u tipusescù aista carti la
tipografia “Argjiro”-Gjirokaster.
Mârtirisiri…
Aistâ carti u-scrirai dicāra nji s-i turnarâ tuti minduierili a
meali, tsi nji li-aveam pitricutâ uspets tu muntsâ-a strâ-
pâpānjilor-a melj dit Epir, iu sh-dzua di-azâ, cârvānji
’ncârcati cu sufliti armâneshti bat cāljiurili ta si-sh-aflâ
isâhia pi vārù top di munti...
Minduierili-a meali s-primnarâ sh-eali sh-featsirâ muabets,
deadun cu suflitili-a pâpānjilor-a melj sh-alântor oaminj
dâruts, sh-tora vini oara, voi tsi-avets vreari sh-dukeari ti
suflitu armānescù, s-li dutsets aisti muabets ninti…
7
Custandin Dini Trandu
“…Di-anda njicù nj-arâsea s-mi kerù pit pâdurea di la mardzina-li
hoari. Di multi ori, veara, mi-arucuteam tu-iarbâ, shideam pi
pâltāri, mutream tseru sh-âlj câftam mārdzinili, tish cānda vream
sâ shtiu ma di s-bitisescù iuva...Cum shideam arucutit tu-iarbâ,
isâhia di-avigâra, cānda vrea s-mi bagâ tu somù...Vārâ palâ di
vimtù kindurea di nj-adutsea njiurizmi di liliuci mash ta s-u-alasù,
si s-agioacâ niheamâ, cu peru-a melù di ficiuricù...Câti vārù puljiù
azbuira pi disuprâ, sh-dapoia kindurea pi vārâ lumaki, sh-acâtsa
s-batâ unù iho di harauùăùā câ aflâ unù locù ta si-sh discurmâ
8
adiljiaticu...Ma-nclo, s-avdza unâ ca vreavâ nicumtinatâ di-
alghini, tsi di tahinârili, dipuna multù nicukiri, di pi-arazili di soari,
tish namisa di liliuci, di sh-umplea ghiumili cu polenu ti-njiari.
Mini, ca pit-yisù, ascultam inima locui cum bati, ama dapoia,
dukeam câ tsi s-avdza ira inima meau, sh-minduiam câ locu sta
di nu s-minâ ici, ta s-nj-u ascultâ elù inima. Câthi vloarâ
mutream, cu-oclji mash pi giumitati zdicljish, ponjlji di-avigâra;
nji si-pârea câ-isha dit locù ca niscānti ayialmi murni, tsi
pruscutea pāndza njirā-a tserui cu-aumbri verdz; minduiam, câ
tu-atseli ayialmi murni s-ascundea kirolu, ta s-nu lu-veadâ
oaminjlji cum treatsi; cum shideam tesù tu-iarbâ, dukiam câ
dada natiura, nj-u ândisa inima cu soi di soi di simitsi, dit cari
acriscurâ vrearea sh-dukerili-a meali ti-banâ...
Câti vloarâ, mutream di-avigâra sh-nji si pârea câ, aco iuva, mult
alargù di mini, tseru dipuna di s-aduna cu locu; cu mintea mea di
ficiuric di tsintsi, shasi anj, pistupseam câ atsea va s-ira
mardzina-a tserui; imnam vārâ sâhati câtâ atsea mardzinâ ta s-
agiumgù la ea, s-vedù câ tsi sh-cum easti, sh-tut mi ciuduseamù
câ fudzea di mini; anda kinduream, kindurea sh-mardzina tish-
cānda mi-ashtipta; ma imnam ninti, sh-mardzina pârnjia di s-
mina ninti; ma imnam câtâ nâpoi, sh-mardzina cānda s-aprukea,
dipù cānda s-agiuca cu mini. Mini tindeam mānjili sh-auram: "o,
la mardzinā, stā niheamâ s-yinù la tini...ashteaptâ-mi niheamâ s-
ti-agiumgù..." . Tu-unâ dzuùâ tati mi sculā di tahinārili s-negù s-
dau tu-cutarù. Cutaru ira ashtirat pi-unâ dzeanâ, nu diparti di-
atsea pâdurici, tsi nji-u-aveam faptâ soatsâ; cum imnam, câftam
mardzina tserui, tsi ninga nu s-videa di scutidea, tsi mizi-mizi s-
trâdzea di pi locù, ca vārâ moashi tsi sh-nāsâ, mizi-mizi sh-lu-
9
aduna ausheaticu di pit cāljiuri...Cum imnam ca-ayunjiusitù,
vidzui tsi nu nj-avea vidzutâ oclji pânâ tu-atsea dzuùâ; di dinintea
meau, aco alargù, iu shteam câ easti mardzina tserui, unâ ca
pāndzâ aroshi acâtsā si s-tindâ pisti locu...Mushuteatsa-ljei mi
mâyipsea, sh-di atumtsea-nj bâgai tu minti, dit-atsea pāndzâ
aroshi, s-arup unâ cumatâ ta s-lj-u ducù-ali dadi si-nj facâ unâ
câmeashi mash ti Dumānica; sh-dzua di azâ nj-arâseashti s-
pistupsecù, câ va s-yinâ atsea dzuâ, anda va s-agiumgù si-nj facù
câmeashi nau, dit-atsea pāndza-aroshi, tsi u-ashtearâ apiritu di
soari, pi mardzina iu s-adunâ locu cu tseru...”
************************
Dini, s-amintā tu Rumunia, tu Yinar 1948, tu-unâ hoarâ cu numa,
Dudestii-Noi, la vārâ dzatsi km alargu di câsâbâlu Timisoara, dit-
unâ fumelj di-armânj-fârshârots. Dada lui, Yanula, fu-amintatâ
tu-hoara Pleasa di-nzeanâ, sh-afendu-su, Dimitri, s-avea
amintatâ Curceau, Arbiunishia di-azâ. Gimnaziu lu-featsi la
Timishoara sh-dapoia fudzi Bucuresti, iu bitisi Academia di
Shtiintsi Iconomtsi. Numa Dini yini di la Custandin. Di-anda njicù,
Dini-avea hari sh-vreari ti muzicâ sh-ti literaturâ; acriscu tu-hoarâ
pânâ di 14 di-anj tu poala-ali dadi natiura sh-namisa di-armānj cu
râdzâtinj dit muntsâ-a Pindui. Di la mumâ-sa Hrisula (amintatâ
Curceau) Dini-nvitsā multi isturii dit bana fârshâroteascâ sh-
alumpta armānjlor, cu gretslji sh-cu turtslji, tu muntsâ-a Epirui, ta
s-li tsānâ limba, relighia sh-adhetsili armâneshti, s-nu s-kearâ.
Tu-anjli di studentsii, acatsā s-cāntâ cu-unâ parei di students, cu
numa “Modern-Grup”, muzica Pop-Rock, sh-cu talentu-a lui
10
agiumsi un di nai mai cânâscuts Rock vocalist dit Rumunii. Tu anu
1986, u-alâsā Rumunia sh-agiumsi tu-Amerikii, iu baneadzâ sh-
dzua di-azâ; tu-Amerikii acatsā s-dukeascâ, câ limba armâneascâ
easti pi-cali si s-kearâ; vidzu câ tu-Amerikii cilimanjli sh-nitsi
pârintlji-a lor, nu para u-zburāsc limba armâneascâ. Dini acatsā
s-facâ muzicâ rock pi limba armâneasca, sh-tu anu 2001, deadun
cu nicukira-lui Anca, scoasi protu CD, cu cama mushatili cāntitsi
di muzicâ country- rock –pop dit repertoriu internatsional, cu
lirica faptâ di el pi limba armâneascâ; ira prota oara căndù-
armânjli putea s-avdâ muzica-al John Lennon (sh-alts) pi limba
armâneascâ.
Dini minduia câ aistâ soi di muzicâ, cântatâ pi limba lui di
dadâ, va s-hibâ aprukiatâ cu harauùăùâ di tiniramea armâneascâ,
ta s-u ducâ limba ninti s-nu kearâ. Dini vru sâ scoatâ tu migdani,
câ limba armâneascâ nu easti ma pirghios di-alanti limbi
internatsionali, sh-câ limba-lui di dadâ, s-uidiseashti mult ghini
sh-ti muzica mudernâ. Dini apufusi di scoasi ninga dau CD-luri,
tsi-avurâ mult success tu tiniramea armâneascâ dit Balkanu, iu,
tu anu 2010, ti prota oarâ, Dini featsi unâ voltâ di vidzu locurili-a
strâpâpânjlor-a lui, Pleasa di-ndzeanâ, Curceau, Muscopoli; cu-
aistâ furnjii, vidzu sh-horili armâneshti dit Gârtsii sh-duki câ-aco,
tu-atseali locuri, irra-angrupati râdzâtinjili / zârtinjili-a lui; scrisi
unù pârmith cu numa “Râdzâtinj” tsi fu tipusit tu-Arbiniushii sh-
lo premiu di-cama mushatù pirmth tu-anu 2010 di la SSAAM di
Skopjia. Dini ari scrisâ sh-multi poemati sh-isturii tsi vârâ dzuùâ
va s-li-adunâ tu-unâ carti di literaturâ armâneascâ. Dit cântitsili-
al Dini s-azvoami unâ dimândari ti vreari, akicâseari sh-unitati
namisa di-armânj; CD-lu dit soni, (2012), cu numa “Sculats dit
11
Som”, easti unâ dimândari ti tiniramea armâneascâ s-u veaglji
limba armâneascâ s-nu-kearâ.
Tu lirica di cântari, Dini sh-li spusi tritserili sh-dukerili dit bana lui
di-anda u-alâsā hoara iu s-amintā, sh-pânâ dzuùa azâ. Tu cānticu
" Câtse la dado" ni dzātsi cum u-alâsā hoara/vâsâlia iu bânā pânâ
la 38 di ańi, sh-fudzi tu Xeani, ama aistâ fudzeari u veadi ca un
blistemu ...”câtse, câtse la dado/ di-iu vini aistù blâstemù/s-
bânedz tu xeanea lai/tu Xeani s-aushedzù”. Protu anù tu Xeani
(Germania 1987) Dini s-dukea ca vārâ keatrâ di pit cali; tuti, di-
avigâra iu s-primna (sucakea, casili, ponjlji, pulji tsi azbuira),
cānda lu-ntriba:" tsi cafts tini-aua? Nu-ari vārù ananghi di tini...”
Tu cānticu Keatra (unù di nai ma mushatili compozitsii-al Dini)
dzātsi...”estù-nâ keatrâ di pit cali/tuts mi calcâ-n-cicioari/mini
aurù, aurù câ mi doari/vārù nu mi-avdi, ananghi nu-ari...” Doru
di casâ, di cilimeanj sh-nicukira lui, di pârints sh-frats s-ashtirā ca
vārâ lângoari greau tu suflitu-a lui sh-aistù dorù lu-spusi tu
cānticu “Nji-ntrebù steaua” iu dzātsi...”nji-ntrebù steaua noapti
di noapti/câtse-nj mi dusi ahānt diparti/câtse nu-nj mi-alâsā s-
bânedz rihati/ tu hoara iu s-featsi tati/O, la steauo, o, la
shcretā/tsi-nj fâtsesh cu-a meau etā/di vruts, moi, mi
dispârtsash/cu cai si-nj giocù sh-cu cai s-mi bashù”...Doru ti
fumelja lui (nicukira, feata sh-ficioru) tsi arâmasi tu Rumunii
ninga trei anj dicara fudzi tu xeani, lu-spuni tu cānticu “Iu eshti la
vrutā?”...”bati unù vimtù aratsi/vedù pulji cum s-adunâ/mash
mini stau n-cali/mutrescù norilji cum s-avinâ/Iu eshti la vrutā/
vrutā cât eshti diparti/ashtiptam azâ s-vineai/ma azâ vini mash-
unâ carti..” Tu cānticu “Tu Amerikie” ni spuni tsi pâtsā dicāra
12
acâtsā s-bâniadzâ tu-Amerikie...”ore, vinjiu tu-Amerikie/ta s-facù
vārâ purcukie/sh-pân’ s-ânvetsù s-dzācù n-dau zboarâ/nji si
frāmsi limba-ndau.../ sh-di la soi ânvitsai mash un lucru/cum s-
facù dulari”...Dupu vārâ 15 di anj di Xeaniti, Dini ni spuni ti
tritserili sh-dukerili dit bana lui (ca unù final di carti) tu cānticu
“Bana meau” ...”Di-anda njicù tut-ânyisam/si-nji fug s-mi-analtsù
s-vedù lumea tutâ/mult alâgai, multi târcui, multi-am vidzutâ.../
târcui pi munts, api târcui, pit ploi sh-furtunj sh-pit vimtù-aratsi/
mi-nkidicam, ma mi sculam, nu mi-aspâram, mash ninti
nidzeam/vārù nu putea dit calea mea, vārù nu putea s-mi
kindureascâ/ s-agiumgù pi tserù-nâ stea, bana s-nji-u
anyilitseacscâ...” Ma tuti aisti trâtseri s-tukea, ca gljetsu tu apâ
caldâ, tu-doru di hoara lui, ti papu-a lui...”ma doru-a melù, ti
hoara mea/ti papu-a melù tsi-ânj dzâtsea/ mash pāni lai s-māts
cu cashu/ ma vrutslji vloarâ s-nu ts-alash/ cu cai si-nj giocù sh-cu
cai s-mi bashù/ tu-xeanea lai...”
Tuti angrâpserili-al Dini, di la pârmithi, isturii, poemati,
minduieri, lirica ti cântari, sunt scrirati cu-unù cundilju “muljiatù”
tu-unâ milani ahoryia, amisticatâ cu soi di soi di hromi: di vreari,
di dorù, di dukeri sh-minduieri ahândoasi, di shicāi, di zboarâ ti
inimâ sh-ti suflitù, sh-tuti aisti, pruscutiti cu kicuti dit vrearea lui
ti bana sh-ti fara lui armâniascâ. Tu poemata “Vrearea
armâniascâ”, Dini dzātsi...”azâ voi s-hiu apâ aratsi dit
fântānâ...voi s-mi dau tu cupi di malmâ armānjlor cu seati di
vreari armâneascâ.../ azâ voi s-hiu pāni caldâ hoara tutâ s-mi
anjurdzeascâ /sh-armânj cu foami di vreari, dit mini si s-
hâreascâ.../..../... Sh-tsi voi s-hiu mini azâ, apâ aratsi, pāni caldâ
13
sh-cashu tu pita armâneascâ/vi li dau tuti-avau sh-dit vrearea
mea ti voi, tu voi, vreari s-acreascâ/ ti-armānj sh-ti Fara
Armâneascâ “...
Ti Dini, alumta ti-Armânami lipseashti si s-ducâ ninti, cu vreari
armâneascâ, unitati sh-akicâseari namisa di-armânj; aistâ alumtâ
easti unâ borgi sāmtâ, alâsatâ di strâ-pâpānj, ti tuts atsei tsi s-
dukescù Armānj....
Custandin Dini Trandu
14
Zbor ninti
Nj-aducù aminti, s-aveam vārâ patru, tsintsi anj, câ muma tsinea
tu-udālu-a ljei unâ sinduki, tsi pi mini mi mâyipsea; câti vloarâ u-
videamù muma cum u-zdicljidea, di loa di nuntù, vārâ shamii, icâ
vārâ batanii kindisitâ di u-ashtira pi-cârvati, icâ tsiva pârpodz, i
vārù jaketù di-lānâ, icâ vārù cadhurú, icâ orili-a afendu-su sh-tut
li-mutrea kirutâ tu-minduierili-a kirolui tsi cānda lu-tsânea-ncljisù
tu sinduki mash ti sufltu-a ljei.
Ti mini, sindukea ira ca vārù pirmith tsi nu nj-u lu-avea spusâ
muma. Vāhi nj-u duki nāsâ mirakea meau ti-sinduki, câ tu-unâ
dzuùâ, mi-acljimā la sinduki di u-zdicljisimù deadunù. Oclji-a melj
tish cānda videa cum s-zdicljidea unâ carti di-pirmithi, sh-cathi
lucru dit sinduki, tish cānda ira ti-mini, unù pirmith-ahoryia.
-Mumā, u-antribam mini cu-unâ boatsi diznjirdatâ di ficiuricù,
cānd va nji li-spunj tuti-aisti pirmithi? Câtse li-tsānj-ncljisi aua tu
sinduki?
-Uh, curbani muma, ânj grea nāsâ, sh-mi bâsha tu-frāmti, a-s tsi
li-spunâ muma unâ câti unâ....Ama nu-apucā mârata mumâ s-nji
li-spunâ tuti, câ u-ljirtā Dumidzā di-ahāntù aushaticù.
Vāhi di-atumtsea nj-intrā tu-minti, câ vārâ dzuùâ va li-scotù mini
tu-lunjinâ tuti atseali pirmithi, tsi li-avea adunatâ muma tu
atsea sinduki, sh-ia, vini oara s-vâ li-spun sh-avau tu-aistâ carti,
tsi ti-hâtārea-li mumi, lj-u bâgai castilea numa “Lunjina dit
sinduki”
15
Dit aistâ “sinduki” scoshù pi-aradhâ, soi di soi di-angrâpseri-
mpultiti cu “hiri di lunjinâ”: pirmithi ti-māri sh-ti njits, poemati
sh-cāntitsi ti-vreari, ti-dor, ti-giunamea pâpānjilor, ti-minduiari, ti
cilimeanj, zboarâ aleapti mash ti-minduieri ahândoasi, isturii tsi
s-ar faptâ sh-tsi nu s-ar faptâ...tuti-nviscuti tu-stranj kindisiti cu
vreari sh-dukeari armâniascâ, sh-pruscutiti cu niheamâ di
njiurizmâ fârshiruteascâ.
Aidits tora deadunù, s-u zdicljidemù sindukea-li mumi,
s-videmù câ tsi va s-aflām nuntù, s-li scutemù tuti tu-padi, tish
cum sh-u scutea paia, featili anda s-mârta.
Custandin Dini Trandu
18
Zboru ti Cartea Râdzâtinjili di
Kira Iorgoveanu – Mantsu .CUSTANDIN TRANDU – Râdzâtinjli – Pârmith ti njits sh-ti mări
Cu furnjia a Mariljei Adunări a Armânjiloru di Muscopuli alâncirâ cărtsâ, CD-uri trâ cari, cu kirolu, va sâ-nyrâpsimu… Aestâ aradhâ va sâ zburâmu di cartea alu Custandini Trandu – “RÂDZÂTINJLI”. “Cartea easti tipusitâ tu Albanii, la tipoyrafia “ARGJIRO” Ghirocastro, cu agiutarea a autorlui Custandin Trandu shi ali Sutsati A.F.A. Paris shi cu vrearea a Prezidentului ali Tinjii alishtei sutsati, domnu Iancu Perifan” easti-nyrâpsitu pi frândza dauâ. Editor: Spiro Poci, Kristo Goci, Niculaki Caracota. ISBN: 978-99943-48-97-8 Cartea easti multu musheatâ: tu unu formatu mari, cu yrami mări, cu caduri ditu lumea armâneascâ, cu zuyrâpseri di-a autorlui, uidusiti trâ aestu “pârmithu”. Lu cânâscuiu Dini Trandu trâ-ndauâ sticuri di oarâ Curceauâ sh-Muscopuli. Vidzuiu mashi harauùăa tsi-nyilicea tru ocljii-a lui, câ s-afla anamisa di-ahântâ armânami. S-videa câ di multu purta aestu doru cu elu! Lu shtiamu cântâtorlu di “rock” armânescu tsi n-avea adusâ ahântâ harauùăâ sh-mushuteatsâ, ascultânda cântitsli avdzâtsloru Beatles, tu limba a noastâ. Nu di multu kiro, adusi tu grupurli armâneshtsâ di pi internetu unu vimtu sânâtosu: hăbărli-a lui suntu daima unu mesagiu trâ Vreari, Acâkiseari, Unitati.
19
Adyivâsiiu di multi ori “Râdzâtinjili” shi cathi oarâ aflaiu sh-alti mushutets, dealihea giuvairi litirari. Tutu “pirmithlu” easti unu ahoryea giuvairu litiraru! Tu unâ muabeti cu Dini, dzăsi câ nu shtii cumu âlj vini idheea sh-cumu u-ashtirnu pi carti… Canda lj-u spunea “vârâ”! Poati atsea “boatsi” di cari zburashti tu carti, boatsea ancestralâ, strâausheascâ, tsi nu keari vârnâoarâ! “Pirmithlu” ari unu adârâmintu mutatu cu multâ mâsturlâki: ti tsâni cu suflitlu la gurâ shi ashteptsâ s-vedz câtâ iu va ti ducâ… Căndùu lu-adyivâsiiu pi gruplu di internetu, bâgatu pi cumăts, dukiiu idyia tsi dukeamu căndùu paplu nâ pirmithusea: canâoarâ nu bitisea pirmithlu tu unâ searâ… S-dizvârtea pi ma multi seri shi suflitlu a meu di cilimeanu mizi ashtipta s-yinâ alantâ searâ, tra sâ s-ducâ pirmithlu nâinti… “Pirmithlu” alu Dini Trandu ahurheashti cu “unâ cali tu horli dituMakidunii”. Putea s-dzâcâ di unâ cali “tu horli armâneshtsâ”, ama Dini Trandu fatsi cu shteari aestâ “localidzari”, ti itia câ simbolu Makidunia easti ca unu hiru aroshu a pirmithlui. Va s-dzâcâ, ditu ahurhitâ, nâ toarnâ tu Isturii… Calea autorlui easti unâ “initsiaticâ”, di “cânushteari” a lui ishishi, deadunu cu a farâljei a lui… Tu cartea “Râdzâtinjli”, Tricutlu, Prizentulu shi Yinitorlu suntu ligati cu mâsturlâki ca tu unu dealihea filmu. Dini Trandu ari unâ ahoryea puteari di zuyrâpseari shi, cu ptsâni zboarâ, nâ tindi dininti, ca pi pândza di cinema, cumăts di filmu etimu trâ unu rejizeru. Turnarea nicukirloru tu hoară, bâsearica pâryisitâ, easti unâ di-atseali ma musheatili părtsâ/secventsi di aestu “filmu”.
20
Dini Trandu vru, fârâ di-altâ, s-da unâ noimâ istoricâ a pirmithlui, tr-atsea s-aleadzi tu carti unu “leit-motivu”/obsesiuni - zboarâli “di cama di dauâ njilji di anj”: Di cama di dauâ njilji di anj: - armânjilji caftâ râdzâtinjli - muma moashi ashteaptâ-n hoarâ sâ s-toarnâ nicukirilji - boatsea preftului Vasili s-avdi tu bâsearica ditu hoarâ Pirmithlu easti-mplinu di simboluri shi idhei di unâ mushuteatsâ ahoryea shi-ndauâ di eali va li lomu pi-aradhâ: -“RÂDZÂTINJLI”-“avem aua si cama di dau njilji di anj, tsi câftăm râdzâtinli… shi afăm multi, ma nu shtim cari sântu atseali bunili… Câftăm râdzâtinjili a noasti di la strâaushi, câ tricurâ di cama di dau njilji di anj sh-ninga nu li shtim râdzâtinjli; s-misticarâ cu alti râdzâtinj sh-nu li udusim dotu…”nyrâpseashti Dini Trandu. “Câftarea” easti simbolicâ shi dutsi la suflitlu armânescu: “Râdzâtina s-u câftats tu suflitu, câ aco easti… sh-noi, armânjilji, mashi unâ râdzâtinâ avemu… unu suflitu armânescu… Himu ligats unu di-alantu sh-ti-atsea nâ vremu ahântu…”(…) “Tuts unâ soi himu … câ mash unâ râdzâtinâ avemu tuts. Ashă cum pomlu ari unâ râdzâtinâ sânâtoasâ, tsi fatsi njilji di dedz… ashă sh-noi. Noi himu dedzli!” -“BOATSEA” cari nu keari shi u-alâsămu di la unu la-alantu. Ma s-tindemu metafora, putemu s-dzâtsemu câ “boatsea” easti LIMBA. Ascultats tsi musheatu u dizvârteashti Dini Trandu aestâ metoforâ cu “boatsea”: “Aoa, noi u-alâsăm boatsea di la un…la alantu… Atselj tsi s-duc câtâ Dumnidză, nitsi tsi s-ducu, u-alasâ boatsea acasâ, s-nâ mutreascâ casili, horli, biseritsli; u-angrupămu omu cu multâ tânjii, ma boatsea nu lj-u-ngrupămu, u tsânem ca unâ nastimatâ.
21
Sh-ashă, boatsea a noastâ… boatsea armânjilor, nu kiru pânâ tora… Ashi easti aua, la noi, la armanjlji dit Makidunii… Sh-atsea boatsi tsi u ai tini, nu easti a ta, easti a papâ-tu, a tatâ-tu, icâ ali dadi a ta… câ sh-elj di-aoa, dit Makidunii, u-ar luatâ boatsea…” Bâgats oarâ câtu angreacâ autorlu pi loclu Makidunia! -“BÂSEARICA” easti altu simbolu di simasii tu pirmithu. Canda vedu dininti unâ bâsearicâ di Muscopuli sh-canda prosuplu a preftului Vasili ditu pirmithlu alu Dini Trandu s-toarnâ tu prosuplu a preftului Samara - andâmusitu stâ iarnâ - cari-nj si fânârsi ca atselu cari “aveaglji” s-nu kiremu “boatsea” armâneascâ! Zuyrâpsearea a bâsearicâljei, cu lunjinj apreasi di njilji di anj, cu boatsea a preftului nividzutu, cu cântitsli tsi li-avdi autorlu, ti fatsi s-dukeshtsâ câ ti trecu hiri-hiri… Cântitsli yinu “ca unâ palâ sânâtoasâ di vimtu” shi suntu-mplini di dramatismu: “Eeeeeeee… Oh, lea steauâ, câtu bânash/ Dzâ-nj strâaushilji iu lj-ngrupashi/Voi s-lâ duc niheamâ apâ,/Si-lj-ntrebu cai mi-ar blâstimatâ!” shi “Eeeeeee.. Oh, lea steau du-mi nâpoi/La-a melj munts sh-la a meali oi/ Aco iu sh-Alexandru s-featsi/ Si-lj-aduc sh-a lui niheamâ di-apâ aratsi…! -“PITA” easti unu simbolu cari nâ dutsi cu mintea la pânea crishtineascâ.Tu videala alu Dini Trandu “ pita” ari puteari mayicâ: ea poati s-adunâ armânamea tu Vreari sh-Acâkiseari. Unâ idhee multu musheatâ, cu noimâ crishtineascâ, easti: s-beai, s-mâts Tini sh-ti-Altu. Va s-dzâcâ, Tini nu hii UNU, SINGURU… Hii TUTS, DEADUNU, sh-maca tini mâts di pitâ sh-beai apâ aratsi ditu ghiumu i ditu pihadi, agiuts sâ s-facâ ciudia: “unâ pihadi… unu suflitu … unâ râdzâtinâ”
Aestâ easti UNITATEA armâneascâ tsi u-nyiseadzâ Dini Trandu! Tamamu căndùu minduimu câ râdzâtinjli s-aflarâ, pirmithlu s-dizvârteashti ma largush-adutsi nâintea a noastâ altu personagiu-
22
cljeai/simbolu: ALEXANDRU ATSELU MARLI. Sh-ashi, Dini Trandu leagâ “râdzâtinjli” di Makidunia alu Alexandru Atselu Marli. La frândza 47 putemu s-videmu cânâscutlu caduru alu Alexandru, tu alumtâ, câvalâ. Partea di pirmithu cu Alexandru ti-alânceashti, cuturburâ… Easti unu di nai ma musheatili texti tu limba armâneascâ trâ Alexandru! “Custandine, voi s-ti-antrebu nica unâ… Naca shtii iu easti angrupat Alexandru a nostu… atseli Mari, câ vremu si-lj dutsemu sh-a lui niheamâ apâ aratsi…” “ Mini dushu mâna la keptu sh-aurai:aoa easti angrupatu Alexandru… Lu-acâtsai Yoryu di mânâ sh-lj-u bâgai pi keptu a lui shi-lj dzâshu: atsia easti angrupat Alexandru! Deapoia, mi-alinai pi unâ mulari… mi-anâltsai pi cicioari sh-aurai: tora shtits iu easti angrupatu Alexandru a nostu? Ca la unu semnu… sh-dusirâ mâna la keptu sh-aurarâ di s-avdzâ pân tu dzeana di munti… Aoa easti angrupatu Alexandru! Tu suflitlu a nostu!” Sh-ashi Alexandru Atselu Marli easti unu “di-a nostu”, dipusu, ditu lumea xeanâ iu fudzi shi nu s-turnâ, tu suflitlu armânjiloru… Unâ viziuni multu musheatâ, unu mitu turnatu tu armânami… Cartea alu Dini Trandu, mplinâ di seamni, noimi, simboluri, idhei, easti-nyrâpsitâ cu unu singuru doru: Armânamea prindi sâ-shi aflâ râdzâtinjili, ISTURIA tu VREARI, ACÂKISEARI, UNITATI! Mesagilu ditu soni a pirmithlui easti optimistu… ashi cumu suntu sh-cântitsli cu cari Dini Trandu nâ poartâ tu unâ lumi armâneascâ tsi s-pari câ nu va s-kearâ vârnâoarâ:
“Sh-dzuua di adzâ nica arâdemu sh-mâcămu pitâ… câ pita sh-vrearea armâneascâ nu s-bitisescu vâroarâ! Nu kirumu! Nu kiremu! Nu va s-kiremu!” Kira Mantsu 14.09.2010
23
Rădzătinjili
Căndù unù trupù moari, moari mash unù insù Căndù unù suflitu moari, murim tuts niheamă
Ore-nj dzăsi dada, di ahăntù kiro, s-negù s-vedù horili dit
Makidunii. Dupu vărâ trei dzăli di-cali, agiumsh tu-unâ hoarâ
ashtiratâ pi-unâ dzeanâ di munti.
Mutream nastănga, nandreapta, nu videam văr lai omù; hoara
dip făr-di oaminj. Ore, iu s-hibă aici oaminj, dzăsh mini tu mintea
meau? Ma nitsi nu bitisii minduita, câ vidzui, câtâ bitisita di-cali,
ună moashi; shidea mardzina di-cali sh-cănda mutrea câtâ
dzeana di munti.
-O, la mumă, grii mini, iu sunt oaminjlji? Câtse hoara easti fărâ di
oaminj?
24
-Cuu, lăi ficioru-ali mumi, ânj gri năsâ, cu oclji-nlâcârmats. Ia,
shedù aua n-cali, di cama di dau njilji di anj, sh-tut lj-ashteptù
nicukirlji dit hoară, si s-toarnâ dit munti.
Anda avdzai, dzăsh cu mintea, câ văhi easti fudzitâ di minti, ama,
ea cănda nj-u-aduki minduiarea, sh-dzăsi ninga unoarâ, cu
boatsea ma-analtâ:
-Di cama di dau njilji di-anj fudzirâ tuts tu munti, sh-mi alâsarâ
mini s-u mutrescù hoara.
-Ama tsi caftâ tu munti di-ahănts anj, antribai mini cu multă
nipistupseari
25
-Cuuu, lăi curbani muma, s-dusirâ sh-mi alăsarâ, ama câpsi
s-dzăcâ alti zboarâ câ lji s-i nicarâ tu gurmadzù, sh-acâtsă s-
plăngâ.
-Mumă, grii mini, shi nji-si featsi njilâ di năsâ, cum u-videam câ
plăndzi; stă râhati! Ia, tora va s-negù tu munti sh-va tsâ-lji-aduc
tuts acasâ
26
-Cuuu, lăi ficioru-ali mumi, ashă s-ts-agiutâ Dumidză! A s-ti bashi
muma, shi nj-u-acâtsă capu cu dauli mănj sh-mi băshe tu frămti.
-Ia, easti unâ mulari atsia tu-ubor; aidi, s-tsâ da muma shi-unù
trastù cu pită, ună gârundi di-cashù, sh-unâ vutselâ cu apâ aratsi.
Aidi, s-nedz ghini!
27
Aistâ mumâ nu easti dip fudzitâ di minti ânj-dzăsh cu mintea, shi-
ncâlicai pi mulari sh-luai calea câtâ tu munti.
Agiumshù tamam cănd ascâpita soarili, tish cănda vrea si
28
s-ascundă dupu un topù di munti.
Nu dipunai ghini di pi mulari, s-nj-ashterù s-măcù niheamâ di
pitâ, cănd, tsi si-nj veadâ oclji, sh-nu pistipseamù ti tsi videamù…
Cama -nclo di mini, sum unù pomù ca uscatù, ira unù omù cu
capu-ntrocù sh-cu cicioarili-n-sus;
Ma-nclo di-elù, altù, sh-alts sh-ma-nclo; ore, nu pistupseamù tsi
videam; ânj fricam oclji, ama tut atsea videam; unâ pâduri di
29
oaminj cu capu-n-trocù sh-cu cicioarli n-sus.
Dzăsh tu minti câ nacâ li-videam ashă di foami, ama ira tuti di
dearihina.
Mi sculai di-aco di-iu iram, mi-aprukeai di protu tsi ira sumù
31
-More, cari eshti tini di mi cârteshti, antribă omu
-A bre, tsi fats atsia, antribai mini cu nipistupseari ti tsi videam.
-Câftăm râdzâtinjili, dzăsi elù. Himù aua, di cama di dau njilji di
anj tsi câftăm râdzâtinjili. Aflăm multi, ma nu shtim cari sunt
atseali bunili...
-Bre, crishtine, dzăsh mini, tsi li vrei râdzâtinjili? Ia, am mini pitâ,
32
trastu lu-am-mplin di pitâ, di la muma Vanghea.
-Ore, nu câftăm rădzătinj ti-măcari; nâ-li câftăm râdzâtinjili-a
noasti, di la strâ-aushi, câ tricură cama di dau njilji di-anj
sh-ninga nu li-aflăm dotù râdzătinjili; s-mintirâ cu alti râdzâtinji
sh-nu li-uidisim dotù
Căndu avdzăi tsi dzăsi, câdzui niheamâ pi minduiari.
33
-Ascultâ aua, dzăsh mini, mini vinjiù s-vă spun că shtiu iu sunt
râdzâtinjili.
Acljiamâ tuts nicukirlji, s-dipunâ tu-hoară. Mini va s-vâ-ashteptù
la bâsearică...
Ancâlicai pi mulari, mi turnai tu-hoarâ sh-kindurii la bâsearicâ.
Căndù agiumshù la bâsearică, ira ca scutidi. Videam stealili cum
acâtsarâ s-lu-kindiseascâ tserlu cu lunjinj, alti ma mări, alti ma
njits, sh-cănda tuti-ănj fâtsea semu cu oclju.
-Nu-am oarâ mini ti voi tora, dzăsh mini, taha zburânda cu eali;
va s-fâtsemù muabeti altoarâ
Intrai nuntru tu bâsearică, sh-tsi-nj videa oclji, nu ira ti
pistupseari; tutâ bâsearica ira-mplinâ cu tseri apreasi.
“Ore, cai li-apreasi aisti tseri, sh-cai li-tsăni apreasi, dzăsh tu
mintea meau, cu ciuduseari.
Cumù shideam ashă, kirutù tu minduiari, avdzai unâ boatsi, ama
tsi boatsi…ore, cănda-nj bumbunidza Dimidzălu tish-n-capu; ore,
mi tricurâ sudărili pi tuti părtsili sh-inima acâtsă si-nj-batâ, tish
cănda vrea s-nji-arsarâ dit keptù
-Cari hii tini atsia, cănda bumbunidză boatsea, tish tu-urecljili a-
meali; sunt cama di dau njilji di-anj di cănd nu bâgă vărù cicioru
tu-aistâ bâsearicâ.
Mini acâtsai s-tramur niheamă, că nu videamù icivărù sâ
zburascâ; avdzamù mash atsea boatsi.
34
Mutreamù di-avigâra, s-vedù, cari greashti, ama videam mash
aumbri, tsi cănda s-avina cănd pi-unù murù, căndù pi-alantù...
-“Fă-ti gioni! Fă-ti gioni! Fă-ti gioni!” ânji grii mini cu boatsea ca
ascumtâ, taha s-nu mi-avdâ vărù, câ-nj vinirâ tu-minti zboarili al
papu...
-“Ficioru-a papu”, ânj dzâtsea elù cumù mi giuca pi dzinuclji;
cashti cum di ts-intră frica vărâoarâ, di-itsido, s-dzăts di trei ori:
“fă-ti gioni!”
Cu mintea la zboarili-al papu, dzăsh: ”fă-ti gioni“ di trei ori, sh-ti
ciudii, ânj fudzi frica.
35
Mi feciù gioni, nj-u feciù boatsea ma-ahândoasă sh-grii:
-Ore, cai greashti?, iu-hii ta s-ti vedù?, cari eshti tini?, tsi cafts
aua tu bâsearicâ?
-Mini hiu preftu Vasili, dzăsi elù, ama mini ninga nu lu-videam.
Hiu preftù di cama di dau njilji di-anj tu-aistâ hoarâ; nicukirlji
fudzirâ tu-munti, ta s-caftă râdzâtinjili sh-mi alâsarâ mini aua, ta
s-mutrescù bâsearica.
“Mari ciudii tsi s-fatsi”, dzâtseam mini tu mintea meau; muma
mutreashti hoara, preftu bâsearica, sh-alants nicukiri caftâ
râdzâtinjili. Căndù avdzai, câ easti preftu-ali hoari, cănda mi
hârâsii niheamâ, sh-âlj grii:
-Ama iu-hii? Yinu s-ti vedù!
-Lăi ficior, dzăsi preftu, mini murii di multù, mash boatsea
arâmasi di mini; murii di-foami, ama boatsea-nj neadzi ninga!
Birikeavits! Boatsea-nj neadzi di cama di dau njilji di-anj!
Cănd avdzăi aisti zboarâ, giunamea meau di la papu ânj s-i tuki di
dipù! Acâtsai nâpoi s-tramur; mini tu-unâ bâsearicâ goalâ, cu
njilji di tseri apreasi, cu aumbri tsi s-avina pi murù, sh-cu unâ
boatsi tsi cănda bumbunidza, unâ boatsi tsi zbura cu mini!
“Bo. Bo, Bo...iu nj-agiumshù mini?” dzătseam tu minti, ama
dzăsh nâpoi di trei ori: “fă-ti gioni!”
-Ore prefte, ma câtse murishi di foami? Ia, easti unâ mumâ atsia
tu hoarâ; anja nj-u lu-umplu trastu di pitâ.
-Ah! dzăsi boatsea, văhi dzăts ti-muma Vanghea.
Lăi ficior, muma Vanghea s-i spigiură s-nu calcâ tu bâsearicâ di
cănd âlj-supsi capra.
-Ore, tsi ari s-facâ capra cu tini sh-cu bâsearica, dzăsh mini
ciudusitù.
36
-Atsa caprâ, dzăsi preftu cu boatsea niheamâ ma-ashtiratâ,
s-lândidză, sh-muma Vanghia ânj gri s-negù cu crutsea, taha s-u
facù ghini! Neshù mini s-vedù capra, u-ghivâsii, feciù cârutsea,
ama digeaba; capra mi mutrea, tish cănda iram vărù tsap fudzitù
di-minti, sh-pânâ tu soni supsi; di-atumtsea muma Vanghea nu
vrea s-mi veadâ.
Nitsi nu bitisi preftu isturia cu capra, câ usha di la bâsearicâ s-
zdicljisi, sh-cai s-vedù tu-usha di bâsearicâ, ira muma!
Muma shidea tu pragu di-ushi, ama nu bâgă cicioru tu bâsearicâ;
s-videa câ ira ca-aspumatâ, sh-mizi-adiljia.
Căndù u-vidzui, mi lo harauùă câ vedù unù omù, câ di-atsa
boatsi, mi-avea luatâ lâhtarea; mi silighii câtâ năsâ sh-aurai, cu
harauùă:
-Mumă, mumă, cum di vinish aua?
Muma mutri câtâ mini, ma nu putea sâ scoatâ vărù zborù
sh-adiljia ninga cu greu; mi lo di mănâ sh-mi trapsi nafoară dit
băsearică.
-Lăi, ficioru-ali mumi, mizi gri năsâ, shi-sh mina mănjili, tish
cănda vrea să zburascâ cu-eali; s-toarnă nicukirilji dit munti!
Pânâ s-nj-adunù mini mintea, că nj-avea fudzitâ di dipù aco
nuntru tu băsearică, muma câdzu-mpadi ca vărâ pitâ nicoaptâ.
-Mumă, mumă, aurai mini, sh-acâtsai taha s-u scolù, ma năsâ,
ici…, ira dusâ.
“Ore, tsi si-nj facù?”;ânj vini tu minti s-negù s-lj grescù-a preftui
37
Vasili; mi silighii câtâ usha di la bâsearicâ, ma dapoia-nj vini tu-
minti câ aco, ira mash atsea boatsi tsi bumbunidza.
Kindurii lâhtrâsitù sh-mi turai câtâ muma
“Ore, tsi-nj pâtsăi”, dzăsh mini sh-mi loarâ nâpoi sudărili;
mi-aplicai niheamâ sh-u bâtui muma pi fatsă, ca sh-cumù bati
vimtu, primuveara, frăndzili dit pomù. Nitsi nu tricu niheamă di
oarâ, câ acâtsă muma si-sh minâ oclji.
-Cuu, tsi-nj vedù ashă ca steali, mizi shushurâ muma.
Ore-nj vinea s-plăngù di-harauùă, cănd lj-u-avdzăi boatsea. Nu
shtiam câtse, ama nji s-i aliki multù inima di-aistâ mumâ.
-Mumă, sunt steali dealihea, dzăsh mini, mash câ tini irai fudzitâ
niheamâ ta s-li vedz cama ghini, sh-bâgai budza pi arâdeari. Hii
ghini?,u-antribai mini sh-u-agiutai si s-bagâ pi cicioari.
-Ghini nj-escù, ama nu nj-iram fudzitâ iuva; ânj vini niheamâ ca
milii, câ nj-escù moashi, ama ghini nj-escù! Ti vidzu muma câ
tărtseai calea câtâ bâsearicâ, sh-vinjiù, cuampatra, s-tsâ dzăcù că
dipunâ nicukirlji tu-hoarâ; cum zbura, muma sh-u
teasi măna sh-deadzitu mutritorù câtâ dzeana di munti
Mutrii sh-mini câtâ-aco; ore, sh-tsi si-nj vedù!? Unù rălù di
lunjinji cănda cura dit munti tamam câtâ hoarâ.
38
Mutreamù sh-mi ciuduseamù di mushuteatsa tsi nji si-ashtira di
dininti…
Mutrii câtâ steali, mutrii nâpoi rălu di lunjinj…, s-videa tish cănda
dipunarâ stealili dit tserù, sh-loarâ calea câtâ hoarâ; nji si pârea
câ iram tu-unù yisu…
Muma, văhi mi vidzu câ iram ca kirutù sh-nj dzăsi:
-Uh, s-tsi facâ muma! Tsi eshti ashă ca fudzitù? Ia, atselj sunt
nicukirlji tsi dipunâ muntili; cathishunù poartâ-nâ tsearâ apreasâ-
n-tru mănâ.
Mini eram ninga kirutù tu-atsea mushuteatsă di lunjinj, ama
u-antribai muma cu boatsea ca ciudusitâ:
-La mumă, cum di dânâsirâ-atseali tseri cama di dau njilji
di-anj?
-Uh, s-tsi facâ muma, gri năsâ, sh-acâtsă si sh-andreaptâ
pâdyieaua, câ ira ca shutsătâ di la-atsea câdeari; atseali sunt tseri
armâneshti! Nu s-astingù vloarâ putes!
39
“TSEARA ARMĂNEASCĂ NU S-ASTINDZI VLOARĂ!”
bumbunidză boatsea-li mumi, ma lai ca-atsea-a preftui, sh-mutri
câtâ dzeana di-munti; oclji-a ljei, cănda lji s-apreasirâ ca dau
tseri. Nitsi n-apucă kelea, s-nji si facâ ca di câcotù, câ muma sh-u
tură fatsa câtâ bâsearicâ sh-aură:
“NITSI BOATSEA ARMĂNEASCĂ NU KEARI VLOARĂ!”
Oclji, nâpoi lji s-apreasirâ ca dau tseri. Nitsi nu bitisi zboarili
muma, câ s-avdză unâ ca bumbunidzari tsi vinea di câtâ nuntru di
bâsearicâ sh-unâ ca lunjinâ, tsi mi urghi, ishe pit firidâ; ”văhi
ănyie preftu” dzăsh mini tu minti, sh-nâpoi mi loarâ sudărili; ”fă-
ti gioni” dzăsh di trei ori.
U-mutreamù muma, sh-nu pistupseamù tsi avdzam, tsi videam,
tsi nu videam; zdicljishù gura s-dzăcù tsiva ama armash cu ea
zdicljisâ.
-Curbani muma, dzăsi năsâ, cu-unâ boatsi dultsi, cănda cât s-
avea sculatâ dit somù; âncljidi-u gura s-nu arâtseshti că bati liva
aratsi.
“Moashi, moashi” dzăsh mini tu mintea meau”, ama shtii di tsi li-
tâcâneashti”.
Ama, dzăsi ghini muma; bâtea unâ ca livâ aratsi di câtâ munti sh-
ti ciudii, acâtsai s-avdù zboarâ, tish cănda li-purta vimtu sh-li-
dipuna tu hoarâ, ca vărâ cârvani tsi-sh dipunâ pi-aghalea
ghiumili-mplini di lapti; s-avdza ca unâ cănticu cu ” eeeeeee”, sh-
cum shideam ashă cu urecljili pi vimtù, mi-agudi ună palâ
sânâtoasâ, tish tu-urecljea di nandreapta sh-ănj dipună unâ
cumatâ di cănticù
40
“Eeeeeeee…
Oh, la steauo, cât bânash,
Dză-nj strâ-aushlji iu lj-angrupash?
Voi s-li duc niheamâ apâ
S-lj-antrebù cai mi-ar-blâstâmatâ!
Eeeeeeeee....”
Nitsi nu bitisii ghini s-adukescù zboarili, câ mi-agudi nâpoi unâ
palâ sânâtoasâ di vimtù, tish tu-urecljia di nastănga, sh-ănj
dipună ninga unâ cumatâ di cănticù.
“Eeeeeee…
Oh, la steauo du-nj-mi nâpoi
La-amelj munts sh-la-a meali oi
Aco-iu sh-Alexandru s-featsi
Si-lj ducù sh-a lui niheam apâ aratsi...!
Eeeeeee…”
Ore, ănj deadârâ lăcrănjili, ama nj-u-ascumsh fatsa s-nu mi veadâ
muma câ plăngù, ama muma mi duki; mi lo-mbratsâ, nj-
ashtearsi lăcrânjili cu palmili-aljei cărpati di kiro sh-ănj dzăsi:
-Tini ficioru-ali mumi eshti mult dârut ficiorù, sh-mi bâshe pi
frămti.
Tora, cănda u-vream muma, cănda nu u-vream, câ mintea ănj ira
mintitâ ca tărtsili tsi li-mintea papu di li-dâdea la prăvdz
-Mumă, dzăsh mini, tora câ s-toarnâ nicukirlji, fudz acasâ s-badz
kirkelu s-fats pitâ. Mini va s-lj-ashteptù nicukirlji aua la bâsearicâ;
41
fudzi muma câtâ casâ.
Mini mutrii câtâ usha di la bâsearicâ, feciù cârutsea sh-intrai. ”Tsi
s-hibă s-hibă” dzăsh mini, va s-negù ninti!”
-Iu eshti prefte?, grii mini mutrinda di-avigăra.Tserili ira tuti
apreasi, ama lunjina lor ira cama yiulucioasă.
Aumbrili s-tukirâ tu lunjinâ, sh-videam murili cănda âsh purta cu
falâ frestsâli cu Sâmts; tish tu analtu-ali bâsearitsi mutrea câtâ
mini Hristolu.
-Aua nj-escù, avdzai unâ boatsi, ama altă soi di boatsi, ma dultsi,
ma aprukiatâ. Ghini vinish tu bâsearicâ!
Ore, arâmash cu capu-nzeanâ sh-mi tricu unù ca hirù nividzut dit
capu pânâ tu cicioari; ira tish cănda ânj grea Hristolu; vreamù s-
nj-aplecù capu ma nu puteam, tish cănda mi tsinea Hristolu
spindzuratù di oclji-alui
-Nu ti-aspari gione! Mini hiu preftu Vasili! Fă-u cârutsea sh-
mutrea câtâ aua, câtâ altarù.
Feciù cărutsea sh-dukii cănda mi silighi Hristolu sh-mutrii câtâ
altarù. Ciudii, ciudii, sh-nâpoi ciudii! Ama aistă ira thamâ!
Videamù nandreapta di-altarù un dealihea preftù; mutrea dip ca-
aush; s-videa că lu-avea câlcatâ sh-bâtutâ ghini pricili-a kirolui.
Ore, di câti ori mi-acâtsarâ sudărili di-anda vinjiù tu-aistâ hoarâ,
câ tora mi-actâsarâ nâpoi, silighii di pi mini vărâ tsintsi kiladz..
-Ama, tini cănda…, acătsai mini s-grescù, ama preftu nj-u
lu-curmă zboru.
-Adukescù, dzăsi elù, tish cănda hiu tu-mintea tau; anda vinish
prota tu bâsearicâ, aflash mash unâ boatsi. Atsa boatsi ira-a strâ-
papu-a melu Vasili. Mini iram tu munti cu nicukirlji dit hoarâ, ma
mi turnai ma ayonjia, pi-ună cali ma shcurtâ.
42
Anda avdzăi, gura nji s-i zdicljisi sh-armashù mutù.
-Aua, zbura preftu ninti, noi u-alâsăm boatsea di la unù la alantù.
Atselj tsi s-ducù câtâ Dumidză, ninti tsi-s ducù, u-alasâ boatsea
acasâ, s-nâ mutreascâ casili, horili, bâseritsili; u-angrupăm omu
cu multâ tănjie, ama boatsea nu lj-u angrupăm; u-tsănemù ca-
unâ nâstimatâ, câ ashă, boatsea noastâ, boatsea armâneascâ,
nu s-kiru pân-tora sh-bâneadzâ, sh-dzua di-azâ namisa di noi.
Nitsi căndila nu u-astindzemù; u-tâsnem daima apreasâ di ni li-
veaghlji suflitili s-nu s-keară….
Ashă easti, aua la noi, tu Makidunii.
Atsa boatsi tsi u-ai tini, dzăsi elù, nu easti-a tau; easti-a
pap-tu, a tat-tu, icâ ali dadi-atau, câ sh-elj di-aua, dit Makidunii
sh-u-ar luatâ boatsea.
Mini, ninga cu gura zdicljisâ; nu puteamù s-u-ancljidù sh-li beam
zboarili-a preftui tish cănda beam unâ cupâ cu-apâ aratsi dit
munti.
Cumù shideam di-ascultam preftu, cănda acâtsă bâsearica s-
tramurâ; avdzamù mulări tsi bâtea locu sh-cănda s-aprukea di
bâsearicâ.
-Agiumsirâ nicukirlji, lj-aurai mini-a preftui, sh-ishei nafoarâ.
Pânâ s-iesù mini, bâsearica s-anvigâră di suti di-oaminj; alts ninga
pi mulări, alts apucară s-discalicâ. Ună amari di lunjinj u fitsea
bâsearica s-yiulutseascâ ca vărâ nistimatâ tu lunjina di soari
43
-Oaminj bunj, ghini vinitù, bumbunizdă boatsea meau, câ mi-
aspârai sh-mini di-ahăntâ boatsi tsi-aveam.
Ma tora, iram anvitsatù cu tuti ciudiile tsi li-tărcui;”văhi aistâ
easti boatsea tsi nji-u-alâsarâ strâaushlji amelj, sh-ia, tamam ază
ishe tu-padi”, minduiam mini; turarâ tuts capitili câtâ mini.
Tsi videamù, tora li-pistupseamù tuti.Tuts nicukirlji, ahănts câts
videam, avea tu-frămti, unâ crutsi di lunjinâ”. Atsa va
s-hibâ lunjina armâneascâ di cai zbura preftu”, dzăsh mini tu
minti.
-Ore, ni-acljimash s-ni dzăts câ iu sunt râdzâtinjili-a noasti, gri
nicukiru tsi lu-scosh protu di-n-trocù.
-Cum tsă-easti numa?, mi-antribă elù sh-teasi măna câtâ mini.
44
Cănd nj-u teasi măna, tish cănda s-teasi unâ râdzâtinâ câtâ mini
U-avea măna ca lai sh-ca kitâroasâ, ama mini-ălj dzăsh-ali minti,
si-nj sta rihati; lj-u dedù măna sh-dzăsh:
-Custandin mi-acljiamâ; dada faptâ Pleasa di-ndzeanâ
sh-afendu Curceau.
-Ore, di-anostù easti, aură elù câtâ tuts alants.
-Ghini vinish Custandine tu-hoara noastâ. Io escù Yiorgu; ma
mults di noi him grâmustenj, ama avem tu-hoarâ sh-fârshirots;
tuts di-unâ soi himù! Ma ia, dipunăm s-ni spunj că iu sunt
răzătinjili? Li-aduseshi tini? Spuni-ni, câ ni-adastâ suflitu sâ-shtim
câ iu sunt angrupati; li-câftăm di cama di dau njilji di-anj.
-Frati Yorgu, grii mini; ghini dzăts câ tuts di-unâ soi himù, câ dit-
unâ râdzâtinâ ni-trâdzem tuts; ashă cum pomu sh-ari unâ
45
rădzătină vârtoasâ, tsi fatsi njilji di dedz, ashă sh-noi; noi himù
dedzâli
-Io, nu escù deagâ, nj-u lu-curmă zboru, unù tsi ninga ira pi
mulari, sh-acâtsarâ tuts s-aradâ
Mini mutrii câtâ năsù cu namustri, sh-oclji nji si-featsirâ ma lăi di-
cum lji-amu.
-Aidi more, aestâ easti mash unâ shicai, dzăsi “deaga” sh-vini
di-nj lo măna.
-Io escù Hronciu, dzăsi elù, sh-tsân unâ fârshiroatâ; fatsi cama
bunâ pitâ dit hoarâ; s-yini pi la noi s-ti fânâteshti!
Câtù bitisi elù zboru, câ s-aprukiă ninga unù di mini, nj-u lo măna
sh-dzăsi:
-Mini estù Thanasi, fârshărotù, sh-tsănù unâ grâmusteanâ; nu u-
46
antreatsi vărù ti giucari; sh-mini-nă “deagă “hiu dzăsi elù
-Ore, cum yini aestă, gri Yiorgu, că nu-adukescù; ma avem mash
ună rădzătină, cătse căftăm rădzătinj? Lipsea s-câftăm mash unâ;
va s-ira ma lishorù s-u aflămù; sh-atsa râdzâtinâ vârtoasâ, cum
nâ-spunj tini, iu-easti?
-E! E! Iu-easti, grirâ sh-alants-n-corù. Mini-ălj mutrii tuts cu oclji-
mplinj di akicăseari.
-Aidits tu bâsearicâ, dzăsh mini; li-zdicljish dauli ushi di la
bâsearicâ sh-acâtsarâ s-intră nuntru; s-umplu bâsearica.
-Mutrits-ndzeanâ, dzăsh mini.Tsi videts?
-Em, tsi s-videmù, dzăsi Yiorgu. Mea, Hristolu cănda ni-veaghlji
-Hristolu-a cui ira?, antribai mini
-A-Dumizdă ira, grirâ tuts-n-corù
-Omu, cai lu-featsi?, ântribai mini
-Dumidză lu-featsi, griră tuts-n-corù
-Suflitu di la Dumidză lu-avem, avdzăi sh-boatsea-preftui.
-E heee, grii mini cu boatsea ma-ahândoasă.
Tu-atselù suflitù, tsi ni lu-deadi Dumidză, aco easti râdzâtina
noastâ, tsi u-câftats voi-ntrocù.
Râdzâtina strâaushilor-a noci, s-u câftats tu-suflitu!
Noi armănjlji avemù mash-unâ rădzătinâ sh-mash-unù suflitù!
Atselù easti suflitu armânescù.
Him ligats unù di-alantù cu vrearea tsi curâ tu suflitu-a nostù prit
atsea râdzâtinâ sânâtoasâ.
47
Atsea vreari, easti vrearea armâneascâ sh-mash noi armănjlji
putem su-dukimù!
Cictâsirâ tuts; nu zbura vărù.
Tu isâhia tsi s-ashtiră tu bâsearicâ, s-avdza mash unâ inimâ tsi
bâtea, tish cănda inimili-a nicukirlor, s-adunarâ stogù tu-unâ
inimâ; dit-atsea inimâ, acâtsă si s-azvoamâ unù cănticù di vreari
armâneascâ tsi lu-avdza shi sămtslji dit-analtù-ali bâsearitsi, di-
dipunarâ sh-elj, s-lu căntâ-n-corù deadunù cu nicukirlji.
Lunjinili di tseri acâtsarâ s-yilutseacâ sh-ma multù.
Lăcrânj acâtsarâ si s-adunâ-ntr-oclji-a nicukirlor sh-tu cathi
lacrimâ, cănda yiulutsea unâ altâ soi di lunjinâ; văhi atsea ira
lunjina tsi s-apreasi tu suflitu-a lor, iu sh-u-aflarâ atsea râdzătinâ
armâneascâ.
După vărù kiro, Yiorgu, tsi shidea dip ninga mini, sh-u dusi măna
dupâ capu sh-acâtsă di si-scârkina tish cănda lu-mâca vărâ
bubulicâ.
-Ore, Io, tut nu-adukescù! Io, amù suflitu-a melù; Hronciu ari
suflitu-a lui; frati-nju Mihali, ari suflitu-a lui. Cum yini aestâ câ
mash unù suflitù avemù?
-Vinits nafoarâ tu-ubor, dzăsh mini.
Tu-uborù ira pihadea-li bâsearitsi. Cashti di-căndù ira aco, ama
apa tut-ashă aratsi ira sh-bunâ ti-beari.
48
-Hroncio, grii mini, scoati un ghiumù di-apâ!
S-i silighi Hronciu di-scoasi un ghiumù cu-apâ. Tuts lu-mutrea
ghiumu tish cănda vrea s-u bea apa cu oclji, nu cu gura.
-A cui lj-easti seati?,antribai mini. Aurară tuts câ li-ira seati di-
ahăntâ cali.
-Tora Yiorgo, lja ghiumu sh-bea niheamâ apâ!
Lo Yorgu ghiumu sh-acâtsă s-bea apa tish cănda ira vârâ mulari
aspumatâ
49
-Oh lele, tsi mi fânâtii, dzăsi Yiorgu, câ multâ seati nj-ira, sh-lo s-
lj-u da ghiumu al Hronciu, ta s-bea sh-elù
-Nu, nu, dzăsh mini, bea tini sh-ti Hronciu.
Mutri Yiorgu la mini ca cictâsitù, sh-biu ninga niheam-apâ
-Hroncio, ts-easti ninga seati, lu-antribai mini.
-Ore tsi shicai easti aestâ, crepù di seati, aură elù sh-deadi s-ljia
ghiumu s-bea.
-Nu, nu, dzăsh mini, sh-lj-u kindurii măna tsi s-tindea câtâ
ghiumù
-Yiorgo, bea sh-ti Mihali câ sh-a lui lj-easti seati.
-Ore, mi umflai, dzăsi Yiorgu, ma biu, cu zori ninga niheamâ sh
50
păndica lji s-i featsi, ma mari ca atsea-a preftui.
-Ore, tsi giocù easti aistu ta s-bea Yiorgu apâ sh-tu locu-a melù,
dzăsi Mihali ca nâritù.
-Eh, lăi oaminj, dzăsh mini, ashă easti sh-cu suflitu. Cathishun sh-
ari suflitu-a lui, ashă cum cathishun sh-ari putiru a lui, ama tuts
u-bem apa di la aistâ pihadi.
UNĂ PIHADI, UNU SUFLITU, UNĂ RĂDZĂTINĂ !
-Eheeee, s-ciudusi Yiorgu, tora adukescù cum easti cu suflitu sh-
cu rădzătina; lj-u-teasi ghiumu-al Hronciu sh-dzăsi:
-Ia, lăi Hrocio ghiumu, bea dit suflitu-a melù, câ unù easti. Dapoia
s-turâ câtâ mini sh-dzăsi:
-Custandine, voi s-ti-antreabù nica unâ; nacâ shtii iu-easti
angrupatù Alexandru-a nostù atselù Mari, câ vream s-lj dutseam
sh-a lui niheamâ apâ-aratsi.
-Shtiu, dzăsh mini, cu boatsi ahândoasâ. Zboarili-a meali s-tukirâ
tu isâhia tsi s-ashtiră di-avigâra; s-avzda mash adâljerili di la
mulări; mutrea sh-eali câtâ mini tish-cănda vrea s-avdâ câ iu ira
angrupatù Alexandru. Mini nj-u dush măna-ndreaptâ la keptù sh-
aurai: aua easti angrupatù Alexandru. Lu-acâtsai Yorgu di mănâ
sh-lj-u bâgai măna pi keptu-a lui shi-lj-dzăsh: atsia easti angrupat
Alexandru!
Dapoia, mi-alinai pi unâ mulari, mi-anâltsai pi cicioari sh-aurai:
-Tora shtits iu-easti angrupatù Alexandru-a nostù?
Ca la unù semù, sh-dusirâ tuts măna la keptù sh-aurară di
s-avdză pânâ tu dzeanili di munti
-Aua easti angrupatù Alexandru! Tu suflitu-a nostù!
51
“Eheee”, sh-mina niscănts capitili…”multù gioni easti aistù
ficiorù”… Câtù dipunai di pi mulari, câ s-aprukiă preftu di mini.
-Ore, ti vedu ficiorù ca tinur, ănj dzăsi elù. Căts-anj adunash?
-Cama di dau njilji di-anj, aurai mini. Acătsară tuts s-arădâ
sh-cum arâdeamù, ore căra vini ună njiurizmâ di pitâ…ma tsi
njiurizmâ…
-Pita s-featsi, avdzăi boatsea-ali mumi Vanghi, sh-u vidzui cum
trâdzea dupu năsâ unâ mulari-ncârcatâ cu vărâ dzatsi trasti di
pitâ.
-Mi-agiută sh-ts-al Mihali, gri năsâ, sh-acâtsă s-poartâ trastili câtâ
noi. ”Gioni mumâ” dzăsh mini s-avdâ tuts
-Custandine, ânj gri Yiorgu, tsi-adârămù cu ghiumu di-apâ, nu
putem s-adârăm sh-cu pita? S-măcù mini sh-ti Hronciu, sh-ti
Mihali, câ pitâ armâneascâ pot s-măcù ti tuts! Acâtsarâ tuts s-
arădâ!
52
-O la mumă, di tsi easti pita, antribă preftu tsi cănda trâdzea pit
nări njiurizma di pitâ
-Di “Râdzâtinj “easti, gri muma. Ore, căra pârnjimù s-arâdemù
măcam pitâ sh-arâdeamù…
-Nu pistupsescù ca măcù “Răzdătinj”, dzăsi Mihali.
Ore, ma mult arâdeamù di tsi mâcamù pitâ.
-S-nu vi si-acatsâ, aură muma, sh-arâdea, arădea pânâ lji-si-
acâtsă a-ljei.
Mâcămù pitâ sh-arăsimù până tu-apiritâ; sh-dzua di-azâ ninga
mâcămù pită, câ pita sh-vrearea armâneascâ, nu s-bitisescù
vloarâ!
55
Spiru, unù ficiorù di doisprâdzatsi di-anj, nidzea cathi vearâ,
dicâra s-bitisea sculia, la papu-su Nisa, tu munti. Hoara, iu
bâna papu-su irra ashtiratâ pi-unâ dzeanâ di munti, namisa di
pâduri di fadz. Un rălù cura ca zurù namisa di hoarâ sh-cathi
tahina u s-videai muljăr mardzina di-arăù cum bâtea stranjli
cu maljiu ta s-li spealâ. Papu Nisa shidea la mardzina di hoarâ
tu-unâ casâ cu ploaci roshi datâ cu-azvestri albâ. Thimelju-ali
casi irra fapt dit shcămbâ di munti sh-dit uborù puteai s-vedz
cutaru di oi-al papu, ashtiratù tish-analtù pi dzeana di munti.
Papu avea adunatâ vărâ tsintsi suti di oi sh-avea faptâ sh-unâ
câlivâ dip ninga cutarù, iu-shidea veara ta s-mutreascâ oili.
Spiru, mizi ashtipta s-yinâ veara ta si s-alinâ la cutar, sâ sta cu
papu-su. Cathi searâ, dupu tsi bitisea lucru cu oili, papu Nisa
fâtsea unù focù njicù, cu dedzili uscati tsi li-aduna Spiru dit
pâduri, sh-bâga lapti ta s-hearbâ. Ti Spiru, nu-avea ma
nostimâ mâcari ca laptili dinjicatù. Papu avea unù sanù mari
di cinkù, tsi lj-u-umplea-al Spiru pânâ di budzâ dicăra dinjica
pânea; shidea dolji avigâra di focù sh-cănda nu s-fânâtea
dotù, ni di lapti yiertù dinjicatù, ni di mushuteatsa locui di-
avigâra di cutarù.
Dicâra s-tunica, s-tindea dolji tu câlivâ, sh-papu-âlj dzâtsea
isturii dit bana tsi u-avea târcutâ, nu mash năsù, ama sh-
pâpănjli-a lui. Spiru nu s-fânâtea dot di isturiili tsi li-dzâtsea
papu sh-asculta, asculta pânâ lu-acâtsa somu. Câti vloarâ
papu bâtea fluiara sh-cânta căntitsi veclj, tsi li-avea ânvitsatâ
sh-năsù, di la pâpănjlji-a lui. Spiru ânvitsâ sh-el s-batâ fluiara
sh-mult s-hârâsea papu cănd lu-videa Spiru cât easti dârut ti
isturia, ti căntitsili sh-adhetsili-a pâpănjlor.
56
Tu-unâ dzuâ, cât-avea apiritâ soarili, papu lu-dishiptă dit
somù sh-âlj dzăsi:
-Spiro, ficioru a-papu, ljia unâ mulari s-dipunj tu-hoarâ.
Mumâ-ta u-si-ts da niscănti lucri tsi-nj lipsescu, s-li-aduts
nculea; ljia unâ cârlibani cu tini s-ti-afireshti cashti cum di ts-
iasi vărâ prici-n-cali, sh-ljia sh-unâ fluiarâ s-u ai soatsâ, cashti-
cum di tsi si murzuiashti calea. Cănd s-ti tori, s-trets sh-pi la
lalu-tu Thanasi, câ-ari vărâ yingjits câpri, s-li-aduts n-culea.
Di la cutarù pânâ tu hoarâ, s-irra cali di vărâ dau sâhăts.
Calea avea multi shutsâturi sh-ma mult târtsea pit pâdurili di
fadz; ti dipunari, nu irra dip lishor, ama mularea nu-avea
ananghi; u-shtea cathi keatrâ sh-cathi shutsâturâ di-cali.
Târcurâ vărâ dau sâhăts sh-unù cirec di-oarâ, pânâ
s-agiumgâ la mardzina di-hoarâ. Cum s-aprukiă di casa papu-
sui, al Spiru-âlj vini unâ njiurizmâ di pitâ, câ-acâtsă
s-lj-alasâ gura apâ. “Ehee, mindui Spiru, muma Katrina ari
bâgatâ kirkelu di-coatsi pitâ. Nitsi nu intră Spiru tu-ubor câ
muma lj-ishă-n-cali sh-dzăsi:
-Cuu, ficioru-ali mumi, a s-ti bashi muma. Aidi câ văhi
eshti agiunù. Ia, stă atsia tu-aumbrâ s-ts-aducâ muma niheam
di pitâ.
Muma avea faptâ pita di cashù sh-curcubetâ tamam cum lj-
arâsea-al Spiru. Ninti sâ sta-padi, Spiru neasi la pihadi, scoasi
unù cuvâ di-apâ, biu niheamâ, sh-arucă niheamâ apâ pi fatsâ,
sh-dapoia lu-dusi cuvălu câtâ mulari ta s-bea sh-năsâ.
Spiru lo di shidzu pi-unâ shcămbâ, sh-muma vini di-ashtiră
unâ misali dinintea lui; adusi pita sh-dapoia shidzu sh-năsâ
ninga Spiru.
57
-A, măcâ ficioru-ali mumi, măcâ s-ti fânâteshti, dzăsi muma,
sh-lo unù codurù di pitâ-ntru mănâ sh-lj-u teasi
Muma Katrina, lu-mutrea Spiru tish cănda irra suflitu
sh-lunjina-ljei; u-durea inima di-ahăntâ vreari tsi-avea ti aistù
ficiorù; Spiru irra protu nipot di partea hilji-su sh-lu acriscu di
njicù, câ dolji pârints irra mult acâtsats cu lucru diparti di
casâ.
Spiru acâtsă s-măcâ ayunjiusitù, câ dearihina irra agiunù;
cumù mâca u-ântribă mumâ-sa:
-Mumă, di iu shteai tini căndù o-s-inu, di u-bâgash kirkelu di
s-featsi pita tamam tsi agiumsh mini!?.
-Uh, curbani muma, dzăsi năsâ, sh-cănda nu s-fânâtea s-lu
veadâ nipot-su cum mâca pita. Ti vidzu muma anda loash
calea s-dipunj câtâ hoarâ; ti videa muma cum ti dipuna
mularea, tutâ calea di-aco di-ndzeanâ.
Spiru u-mutri ca ciudusitù sh-câpsi s-măcâ; s-i sculă-ntroarâ,
neasi namisa di-ubor, sh-mutri câtâ dzeana di munti, iu irra
ashtiratù cutaru-al papu Nisa. Cutaru s-videa, câliva s-videa,
ama calea nu s-videa ici, câ irra mult shutsătâ, sh-ma mult
târtsea pit pâduri; mutri câtâ muma sh-dzăsi ca ciudusitù:
-Tsi soi dzăts ashe, s-ciudusea elù, sh-nâpoi shidzu ninga
mumâ-sa sh-lo di biu niheamâ apâ.
-Uh, s-tsi facâ muma, dzăsi năsâ, ti vidzu muma cu oclji-a
puljui. Aidi tora s-tsâ da muma lucri tsi lipsescù ti cutarù, sh-
cum zbura, muma s-i sculă di-intră-n-casâ. Spiru arâmasi ca
cictâsitù. “Mârata mumâ, acâtsă si-lj fugâ mintea tora tu-
ausheaticù”,mindui năsù; nitsi nu sh-u bitisi minduiarea, câ
ishâ muma dit casâ cu dau trasti-mplini di lucri sh-li-ncârcă pi
58
mulari.
-Ficioru-ali mumi, gri năsâ, du-li aisti lucri-a papu-tu; si-ts da
muma sh-un trastù di pitâ, unâ cârvealji di păni sh-dau
gârundz di cashù, s-vâ-agiumgâ pânâ di stâmănâ.
-Mumâ, gri Spiru, tsi soi di pulju ai tini di vedz cu oclji-a lui?
Spiru u-ntribă castilea ta s-veadâ câ tsi va s-dzăcâ.
-Uh, s-tsi facâ muma, dzăsi năsâ sh-vini di shidzu ninga Spiru;
a-s-ti scarkinâ muma niheamâ. Spiru s-teasi tu iarbâ sh-lu
bâgă capu tu poala-a mumâ-sa tish ca atumtsea cănd irra
ficiuric di trei anj; sh-adusi aminti cum, totâna cănd muma
vrea s-lu bagâ tu somù, lu-scârkina pi capu sh-acâtsa si-lj
dzăcâ vărù pirmith.
-Cănd mi-amintai mini, acâtsă sâ zburascâ muma, sh-cum
59
zbura, sh-u târtsea mâna pit peru-a Spiru sh-dapoia lj-u
scârkina capu, tati a-melù Yioryiea dunjiartu, cât u-avea
bitisitâ aistâ casâ. Dupu trei dzăli, dicăra mi-amintai, vinirâ
treili miri di mi ghivâsirâ; dzăsirâ tsi dzăsirâ sh-fudzirâ.
Tahinârili vini dada s-mi ljia dit sârmânitsâ, s-mi bagâ la sinù,
sh-tsi si-lj veadâ oclji: unù puljiù njicù shidea pi sârmânitsâ,
tish la capu-a njelù; puljiu mi mutrea tish cănda mi vigljia s-nu
plângù.
-Aist pirmith nu nj-u lu-ai spusâ, dzăsi Spiru sh-zdicljisi oclji pi
giumitati.
-Em, aistâ tsi u-dzâcù tora nu easti pirmith, dzăsi muma sh-
kinduri niheamâ dit scârkinari. Azâ, ficioru-ali mumi, tini
umplush doisprâdzatsi di-anj, sh-cum zbura, s-aplică niheamâ
sh-lu bâshe tu-frămti. Azâ di tahina, cănd ti pitârcu papu-tu,
irrai ninga ficiuric, ama astarâ căndù u-s-ti alinj nâpoi la cutar,
va s-eshti bârbat, dzăsi muma, sh-acâtsă nâpoi s-lu scarkinâ
pi cap. Spiru, nu para li-bâgă tu corù zboarâli-ali mumi, sh-gri
cu-unâ boatsi ca diznjirdatâ:
-Sh-dapoia tsi s-featsi cu puljiu?
-Dada meau anda s-aprukiă di sârmânitsâ, puljiu s-i shutsă
câtâ năsâ, sh-u mutri tish-ntr-oclj; nitsi dada nitsi puljiu nu s-
minarâ ici ti vărù cirec di-oarâ sh-tut s-mutrea-ntr-oclji unù
di-alant.
-Dada tau irra muma meau ma mari? antribâ Spiru sh-nâpoi
zdicljisi oclji pi giumitati.
-Dada meau, Yianula, irra strâ-muma tau, sh-tati a-njelù,
Yioryia, irra strâpapu-a tălù.
-Sh-dapoia?, antribâ Spiru, sh-cljisi nâpoi oclji.
60
-Dapoia, cashti cum âlj vini-ali dadi, câ lo unù trastù tsi irra
spindzuratù di sârmânitsâ, lj-u bâgă-a puljiui-n-capu di lu
acâtsă tu trastu, sh-lu bâgă tu sinduki. “Astarâ, anda va si s-
toarâ Yioryia di la oi, va s-lj-u spun puljiu” dzăsi dada tu
mintea ljei; dapoia, mi lo mini sh-mi bâgă la sinù, ama mintea
lj-irra la-atsel puljiù, sh-tut videa oclji-a puljiui cum u-mutrea.
Nitsi nu târcu disâ di sâhati, câ dada mi bâgă nâpoi tu
sârmânitsâ, sh-neasi la sinduki s-veadâ puljiu; lu lo puljiu dit
trastù sh-cum lu tsânea-ntru-mănj, puljiu mutrea-ntr-oclji ali
dadi tish cănda irra vărù omù. Dada s-aspâră sh-ishâ irrushi
tu-ubor di lu-silighi puljiu. Puljiu azbuiră sh-kinduri pi citia-li
casi; mutri niheamâ di-avigâra, mutri nâpoi câtâ dada, sh-
dapoia acâtsă s-da aripili sh-azbuirâ câtâ dzenili di munti.
Dada lu-mutri puljiu niheamâ di oarâ, cum s-anâltsa, sh-dzăsi
tu minti “ciudii aistù puljiù cum agiumsi tish-n-casâ pi
sârmânitsâ” sh-cumù minduia, u-târcurâ hiri-hiri dit capù
61
pân-tu cicioari; âlj-vini niheamâ ca milii sh-mintea cănda lji s-
anvârtea cu tutù cu uborù, cu tutù cu casâ; “cuu, cuu, tsi s-
fatsi ashă”, acâtsă dada s-aurâ t-uborù; “cuu, tsi-nj vedù oclji-
ashâ!” sh-mizi, mizi intră-n-casâ di s-arucuti tu-cârvati; cljisi
oclji sh-dzăsi cu boatsea aplicatâ ,‘’Dumidzale, nacâ nj-u loash
mintea!“; acâtsă s-facâ cârutsea sh-cănda lj-irra fricâ
s-zdicljidâ oclji; mintea lji s-i limpidză, ma ti ciudii, cum shidea
cu oclji-cljish, dada acâtsă s-veadâ locurili tsi li-shtea di-anda
njicâ, tish cănda azbuira disuprâ di-eali; videa cipili di ponj tsi
s-tindea câtâ tserù, tish cănda eara agiuni di lunjinâ; citiili di
casi anviliti cu cirnjidâ roshi; rălu tsi cura dit munti sh-vinea
ayunjiusitù câtâ hoarâ, ca vârâ nâpârticâ avinatâ di vilturi;
oahtili nilivoasi, tsi tindea bratsâ verdz câtâ poalili kiutâroasi
di munts, tish cănda vrea s-arâkeascâ niheam di-aumbrâ, s-
nu s-pirpileascâ di dip tu dâgoarea soarrui; cupiili di oi, tsi
pâshtea ca ayunjiusiti sh-cănda nu s-fânâtea dotù di
dultseamea veardi di iarbâ; cutarili tsi adâsta oili si s-toarâ, câ
li s-avea murzuitâ di ahăntâ isâhii; mulări tsi shidea tu-
aumbrâ sh-cănda arumiga isturii adunati di pit căljiurili imnati
di cârvânari; Dapoia, ti harauùa-ljei, lu-videa papu -ndâpurat
di un paltin, cumù bâtea fluiara.
“Cuu, tsi mushuteatsâ ânj-vedù oclji”, dzăsi muma; zboarâli
cănda u-dishtiptarâ dit-yis sh-zdicljisi oclji; shutsă capu câtâ
sârmânitsâ sh-mi vidzu mini cum durnjamù rihati, sh-dzăsi “
tsi mushatù-yis ânj-vidzurâ oclji” sh-nâpoi s-arucuti tu cârvati;
cljisi oclji, sh-ti ciudii, lu-videa nâpoi papu cum shidea tu-
aumbrâ sh-bâtea fluiara; zdicljisi oclji -ntroarâ sh-videa câ
easti-n-casâ arucutitâ tu cârvati; s-i sculâ irrushi sh-neasi di
62
shidzu pi scamù ninga sârmânitsâ. Tora shtea câ nu irra tu
somù; cljisi nâpoi oclji, ama tutù atsea videa: papu cum
shidea tu-aumbrâ. Dapoia, acâtsă s-veadâ oili cum pâshtea
tish cănda azbuira disuprâ di eali. “tsi ciudii s-fatsi” mindui
muma sh-frămtea lji s-umplu di kicuti di sâdoari. Niheam câti
niheam, acâtsă s-adukeascâ câ tsi videa anda tsinea oclji
cljish, nu irra văr-yis; dada videa tsi videa sh-puljiu, iutsido iu
azbuira; videa cu-oclji a-puljiui. Aistù puljiù, mindui năsâ, lu-
adusirâ mirili; mutri di-avigâra ca-aspâratâ, dzinucljâ sh-featsi
cârutsea di trei ori; “nu easti ti spuneari” mindui năsâ; “u s-
dzăcâ dunjiauùa câ-nj fudzi mintea”. Dapoia cljisi oclji sh-
vidzu uboru-ali casi; “s-tură puljiu” mindui dada sh-ishe tu-
ubor. Dearihina, puljiu shidea pi citia li-casi. Dada lu-mutri,
teasi mănjili sh-dzăsi: “ aidi, dipunâ, nu ti-aspari; aistâ easti
sh-casa tau!. Puljiu tish cănda li-aduki zboarâli sh-azbuiră di
kinduri tu palmili-ali dadi; u-mutrea dada tish cănda vrea sâ
zburascâ cu năsâ. Dada lu-dusi puljiu-n-casâ sh-lu bâgă pi
sârmânitsâ, cănda s-mi veaglji mini. Trâtsea anjlji unù câti
unù, ma dada nu spusi a-vârnui ti puljiù; nitsi a-papu nu-lji
spusi, câ pistupsea, câ aistù puljiù, lu-adusirâ mirili mash ti
năsâ. Anda vinea vărù oaspi, dada lu-bâga puljiu tu sinduki.
Ti ciudii, iutsido iu mi bâga dada tu somù, puljiu vinea di
shidea la capu-amelù; anda nidzea dada pâzari i la vârâ soi,
uspetsù, dada-cljidea niheamâ oclji sh-mi videa mini di hiu,
ama nu hiu ghini; anda vrea s-veadâ cum easti papu-aco tu
tiputa cu oili, lu-silighea puljiu, sh-li videa dada tuti cu oclji-a
puljui. Dzua tsi umplui mini doisprâdzatsi di-anj, ca tini azâ,
sh-lu-bâshă nâpoi tu frâmti pi Spiru, dada mi lo dip-aua sumù
63
aistù pomù, acâtsă s-mi scarkinâ pi cap, sh-ânj dzăsi:
-Feata-li mumi, azâ umplush doisprâdzatsi di-anj. Dzua tsi ti
fâtsesh tini, vinirâ mirili, nj-adusirâ unù puljiù sh-lu-alâsarâ pi
sârmânitsâ s-ti veaglji.
-Dado, dzăsh mini, dip ca tini, aistù pârmith nu nj-u lu-ai
dzăsâ pânâ tora. Dada mi scârkina, shi-nj spusi tutâ isturia-a
puljiui, cum ts-u dzăsh sh-mini-atsăia. Mini nu pistupseam ici,
ma dada dzăsi:
-Vini oara, feata-li dadi, s-ts-u lu-trecù puljiu atsăia, sh-dapoia
u s-lu trets sh-tini, la protu nipotu a tâlù cănd s-umplâ
doisprâdzatsi di-anj.
Spiru s-i sculă-n-crushù, u-mutri mumâ-sa sh-dzăsi:
-Mumâ nitsi mini nu pistupsescù! Cum di nu lu-vidzui mini
vărâoarâ aistù puljiù?
-Dip ashă u-ntrâbai sh-mini dada: “iu easti aist puljiù di nu lu-
64
vidzui vărâoarâ? Aistù puljiù dzăsi muma, cu boatsea ma
aplicatâ sh-mutrinda di-avigâra s-nu avdâ vărù, alants oaminj
nu pot s-lu-veadâ; mash atselù omù tsi lu-aleapsirâ mirili s-lj-
u da puljiu, mash atselù poati s-lu veadâ; dapoia, poati s-lu
veadâ protu nipotù tsi s-amintâ tu atsea casâ, anda umpli
doisprâdzatsi di-anj, sh-tut ashâ.
-Tini lu-vidzush puljiu?,ntribă Spiru, cu nipistupseari tu-oclj.
-Lu vidzui, dzăsi muma, sh-azâ u s-lu-vedz sh-tini, ama tsăni
minti: s-nu u-spunj-a vărnui isturia puljui câ u-s-dzăcâ
dunjiauùa câ eshti fudzit di minti.
Muma s-i sculă, lu lo Spiru di mănâ, intrarâ-n-casâ sh-neasirâ
la sinduki.
-Tora, dzăsi muma, tini u-s-zdicljidz sindukea, u-s-ljei trastu
sh-o s-nidzem ninga sârmânitsâ. Puljiu ti shtii tini dit atsea
dzuùâ cănd ti-amintashi. Tini u-s-lu spindzuri trastu di
sârmânitsâ sh-u s-dzăts, di trei ori:
Aidi, ai pi sârmânitsâ
Si-ts dau apâ, si-ts dau sâmitsâ
Sh-tini si-nj dai oclji di puljiù.
Spiru featsi cum-âlj dzăsi mumâ-sa, sh-cum dzâtsea atseali
zboarâ, puljiu ishe dit trastu sh-imnâ pi sârmânitsâ.
Spiru acâtsă si-sh freacâ oclji di nispistupseari sh-arâmasi
nmârmurisitù; puljiu, s-i shutsă câtâ Spiru sh-lu mutri, tish
‘ntr-oclji vărù cirecù di oarâ, tish cănda ira vărù omù. Spiru nu
s-aspâră; lu lo puljiu-ntru-mănj sh-ishe nafoarâ tu-ubor; âlj-
deadi apâ sh-sâmitsâ sh-dapoia lu-silighi. Puljiu-azbuiră sh-
65
kinduri pi citia-li casi sh-mutrea di-avigâra.
Spiru, ‘cljisi oclji sh-acâtsă s-veadâ casili di-avigâra tish cănda
shidea năsù pi citia-li casi; di nipistupseari câ tsi videa, acâtsă
di-sh-frica oclji, ma tutù atsa videa. Inima acâtsă si-lj batâ
vârtos, dip cănda vrea s-lj-iasâ nafoarâ dit keptù s-gioacâ tu-
ubor di harauùă; lji s-i dusi mintea la papu-su sh-minduia câtâ
harauùă u-s-avea papu-su ma sâ shtea ti aistâ thamâ. Dupâ
niheam di oarâ, Spiru mutri nâpoi câtâ citia-li casi ama puljiu
nu irra aco; ‘cljisi-ntroarâ oclji sh-acâtsă s-veadâ cutaru di oi,
câliva, oili cum pâshtea sh-papu cum shidea tu aumbrâ.
Muma lu-mutrea Spiru cum shidea cu oclji cljish sh-cum lji s-i
lunjina fatsa di harauùă; duki câ nipot-su videa cu oclji-a
puljiui. “Tora”, mindui muma, “u s-mi duc rihati pi calea tsi nj-
u ashtiră Dumidzâ” sh-intră-n-casâ
Spiru, nu s-fânâtea dotù sâ sta cu oclji cljish, s-veadâ tsi videa
puljiu. Puljiu s-tură pi citia-li casi sh-lu mutrea Spiru cum
shidea tu-ubor cu oclji cljish. Spiru, zdiscljisi oclji, teasi
mănjili, sh-puljiu azbuirâ sh-lji s-i kinduri-ntru-mănj.
Lu mutri cu ciudii niheam-di oarâ sh-dapoia lu-bâgă tu trastu,
intră-n-casâ, sh-dzăsi:
-Mumă, tuti tsi nji li-spusesh s-featsirâ. Tora u s-kindurescù
la lali Tanasi s-ljau căprâli s-li ducù la cutar. Isherâ tu-ubor sh-
cum s-aprukia di mulari, muma dzăsi:
-Tora, ficioru-ali mumi, iutsido iu s-nedz, s-mutreshti ghini s-
nu keri trastu; cashti cum, di va s-eshti tu vărâ ananghi,
silighea-u puljiu sh-cu oclji-a lui u s-vedz câ tsi s-fatsi. Aidi
fudz tora câ ia, acâtsă s-dipunâ soarrâ.
-Mumă, tini vedz tora tsiva ma-cljidz oclji? u-ntribă Spiru ninti
66
s-ancalicâ pi mulari.
-Nu veadi muma tsiva; oclji-a melj di puljiù tsi-lj târcu muma
atsăia, ashă cum dzăsirâ mirili. A, fudz tora s-nu ti-amănj.
Spiru-ncâlică sh-lo calea s-neagâ la lalu-su Tanasi, iu kinduri
mash niheam di oarâ di lo căprili; lo calea câtâ cutarù sh-
nindzea ninti pi mulari; căprâli imna dupâ năsù, cănda shtea
câ li-dutsi tu munti, iu putea s-măcâ si-s fânâteascâ, di
frăndzâ veardi sh-dultsi.
Târcu vărâ sâhati di cănd u-alâsarâ hoara; calea, cu multi
shutsâturi, acâtsa s-treacâ pit-unâ pâduri deasâ di fadz.
Soarili ascumtù pit frăndzili di ponj, aruca kicuti di lunjinâ
pisti locù, sh-u kindisea calea cu peatitsi di-aumbri, cai di cai
ma ciudoasi. Spiru, cănd sh-cănd, tura capu câtâ căprâ sh-li-
numira ta s-hibâ tuti yingjits. Ta si-lj treacâ oara, acâtsă s-
batâ fluiara papu-sui.
Iholu di fluiarâ u-tindea harauùa-al Spiru, di la un pomù la-
alantù sh-dedzâli-a lor s-mina tu vimtù, tish ca niscănti bratsâ
di ficiori tsi s-adunarâ n-corù ta s-gioacâ. Cât târcurâ di
namisa di pâduri, la unâ shutsâturâ pi ninga unâ kiatrâ
pândicoasâ sh-analtâ, s-videa unù pomù câdzutù di-
amplatea di-cali.
Pomu irra ahăntù grosù sh-ncârcatù di lumăki, câ nu s-videa
calea di-alantâ parti-a pomui. Spiru kinduri mularea, mutri
nastănga câtâ shcămba atsea marea, mutri nandreapta, iu
67
locu câdea tu-unâ ahundami iu s-avdza cum târtsea rălu atsel
zurru câta hoarâ, sh-acâtsă di si s-scârkină dupâ capù;
“Bo, bo, aistù pomù nj-u tâlje dip calea”, mindui elù niheamâ
stinurhusitù “Ciudii cum câdzu aistù pomù tish tora cănd s-mi
torù la cutarù” s-ciudusea elù; cum lu-mutrea pomu, s-avdzâ
unâ boatsi vârtoasâ sh-ahândoasâ di-acâtsarâ frăndzili-a
pomui s-tramurâ.
Boatsea vinea di câtâ kiatra atsea marea.
-Lăi ficiorù, ma ts-u vrei bana, sh-ma vrei s-trets ninti,
lipseashti s-nâ dai oclji di puljiù !
Al Spiru-âlj târcurâ hiri-hiri dit cap pânâ tu cicioari, ama nu s-
lâhtrâsi; mutri nastănga, di câtâ iu vinea boatsea, sh-vidzu
trei aumbri di oaminj, cum dipuna pi ninga kiatrâ sh-heamâ
câti niheamâ s-aprukia di cali.
Spiru lo cârligu-a papu-sui dit pâltari, sh-ca ti ciudii duki cum
inima lji s-i umplu di giunami.
-Oclji di pulji lj-am di la dada, bumbunidză boatsea-a Spiru s-
morù, ma nu vi-lj dau!. Ma vrets loats dzatsi căprâ!
-Căprâ-avem sh-noi, vărâ tsintsi suti! Noi vrem oclji di
puljiù, s-avdză nâpoi boatsea; Aumbrili s-aprukiarâ sh-ma
mult di-cali.
68
-Ma iu-hits di nu vâ vedù?, gri Spiru, sh-anâltsă cârligu s-da,
ama videa mash aumbrili cum acâtsarâ si-s tindâ avigâra di
mulari. Mularea s-anâltsă pi dau cicioari sh-acâtsă s-li da, tish
cănda si s-afireascâ di-eali.
-Noi him aumbri di furi, s-avdză nâpoi atsea boatsi. Papu-tu-
âlj vâtâmă nicukirlji-a noci; mash noi, aumbrili, arâmasim di
năsh. Ma s-nu ni dai oclji di pulju, va s-ti fâtsem sh-tini
aumbrâ, sh-cum zbura, unâ di-aumbri s-anâltsă disuprâ di
capu-a Spiru, sh-acâtsă s-tindâ mănjili cu deadzitili lundz
shi strămbi, câtâ năsù.
Spiru mutrea aumbra cum s-aprukia di capu-a lui sh-acâtsă s-
da cu cârligu pi năsâ, ama aumbra nu fudzea sh-tutù s-tindea
69
câtâ elù; al Spiru âlj vinirâ tu minti zboarâli a mumâ-sai: “
ficioru-ali mumi, ma s-eshti vloarâ tu-anaghi, silighea-u puljiu
sh-elù va s-ti agiutâ”.
Spiru lu-silighi puljiu-ntroarâ. Puljiu azbuiră disuprâ di-aumbri
sh-acâtsă sâ siligheascâ dit oclji, fishecuri di lunjinâ pisti eali.
Aumbrili acâtsarâ s-tramurâ anda vidzurâ puljiu disuprâ cum
silighea lunjina dit oclji tish pisti eali; mutrea cu nipistupseari
sh-cu lâhtari cum li si tukea deadzitli, mănjli, cicioarili, unù
câti unù; s-turarâ lâhtrâsiti sh-cârtsinirâ câtâ kiatra atsea
marea ama nu-apucarâ si s-ascundâ câ lunjina tsi vinea dit
oclji-a puljui li-tuki di dipù
Dapoia, puljiu s-aprukiă di pomu tsi u-cljidea calea sh-acâtsă
s-da aripili ahăntù di vârtosù sh-aghonjia, câ lo di
s-ashtiră unù vimtu zurù, di lu lo pomu dit cali ca vârâ peanâ
70
di gâljinâ, sh-lu-arucâ tu-ahundamea locui. Spiru frică oclji cu
nipistupseari câ tsi videa.
Aumbrili s-tukirâ tu lunjina puljui sh-calea lji s-i zdicljisi. Puljiu
s-anâltsă disuprâ di ponjli dit pâduri sh-azbuiră disuprâ di cali.
Spiru cljisi oclji sh-acâtsă s-veadâ calea cum s-i shutsa pit
pâduri sh-cum isha câtâ unâ platei, iu soarili cănda-avea
kinduritâ si-s discurmâ niheamâ, ninti s-dipunâ câtâ-
ascâpitatâ.
Di la atsea platei, calea acâtsa si s-alinâ câtâ dzeana iu irra
ashtiratù cutaru-a papu-su. Puljiu azbuiră , azbuiră câtâ
dzeanâ sh-kiduri pi-unù cipù di pomù tsi cănda s-avea kirutâ
di fratslji-a lui, aco pit munts.
Spiru videa cutaru sh-papu-su cu oili cum s-dutsea câtâ
cutarù. “Va s-agiumgù tamam ti-muldzeari”mindui Spiru sh-di
harauùă pârnji s-batâ fluiara. Căprâli imna livendi dupâ năsù
sh-mularea li-dâdea cicioarili, tish cănda vrea s-u mâcâ calea
ta si-s bitiseascâ ma aghonjia.
Cum s-aprukia di cutar, puljiu dipună di n-dzeanâ sh-kinduri
pi umiru-al Spiru; lu lo-ntru-mănj, âlj hâidipsi peanili, lu-bâshe
pi cap sh-lu bâgă tu trastù “cât s-bânedzù, nu-nj va ti-
arâkeascâ vărù, putes!”, gri Spiru.
Nitsi nu bitisi zboarâli câ papu-su Nisa lj-ishe-n-cali.
-Eh, Spiro, ficioru-a papu, ia, agiumsesh ghini.
Cum zbura, u-acâtsă câpestru-ali mulari sh-lu agiută Spiru
s-dipunâ di pi mulari.
-Eh, cum easti mumâ-ta, ântribă papu sh-acâtsă s-li discarcâ
lucrili. Cum târcush calea? Spiru-âlj dzăsi câ târcu ghini calea
71
sh-câ mumâ-sa irra mult ghini, ama nu gri vărù zborù ni ti
pulju, ni ti-aumbrili tsi lj-isherâ-n-cali.
Spiru lu-vrea mult papu-su câ dukea cum bâna tu-inima lui.
Ti Spiru, papu-su irra ca-unù pirmithù tsi nu vrea vărâoarâ si
s-bitiseascâ; ca-unù cănticù di fluiarâ tsi ts-u umpli inima di
harauùă sh-tsi li-bagâ minduierili s-gioacâ-n-cor; ca-unù
vimtù di vearâ tsi dipunâ dit munti s-avinâ dugoarea soarrui
s-nu ti-ardâ; ca-unâ aumbrâ di paltin tsi ts-ashtearâ s-dornj
căndù eshti curmatù di cali; papu-su irra muntili sh-pâdurili di
fadz, rălu sh-iarba veardi tsi u-pâshtea oili di nu s-fânâtea
dotù.
Spiru shtea câ nu va dânâseascâ dotù s-nu-lj spunâ-a papu-
sui tsi-avea pi suflit; “o si-lj dzăcù dicăra s-mâcăm” mindui elu
Dupu tsi li-bâgarâ tuti lucrili pi-aradhâ, li-cljisirâ sh-căprâli tu
cutarù.
-Aidi tora s-muldzem oili sh-dapoia o-s-bâgăm ti tsinâ dzăsi
papu-su Nisa. Soarili ninga s-videa pi tserù tish cănda lji
s-avea murzuitâ s-dipunâ cathi dzuâ tu-ascâpitatâ, sh-ninga
shidea di fâtsea muabeti cu dzenili di munti.
Dupu tsi bitisirâ lucru cu oili, Spiru neasi di-adusi leami
uscati ti focù.
Mâcarâ tsi mâcarâ ma nu grea ni papu-su ni Spiru tish cănda
li-avea kirutâ zboarâli pit vărâ pâduri di minduieri, sh-nu-afla
dotù calea s-iasâ nafoarâ tu-lunjinâ.
72
-Aidi ficioru-a papu s-ni bâgăm câ ia, acâtsarâ s-da stealili
sh-măni tahina u s-ni rushuneadzâ soarili ma s-nu
lu-ashiptâm cu cafeia caldâ.
-Stă papo ninga niheamâ câ ia tsi voi si-ts spun, mizi gri Spiru;
ninti si-lj iasâ vărù zborù dit gurâ, papu-su s-aprukiă di Spiru,
lu-hâidipsi pi capù, sh-dzăsi:
-Nu lipseashti tora si-nj spunj tsiva, câ papu li-shtii tuti.
Azâ ficioru-a papu, tini dipunash tahina, la mumâ-ta tu hoarâ
ficiuricù sh-ti turash aua n-dzeanâ la papu, bârbatù.
-Aidi s-ti badz mea va-zburăm sh-măni.
Nitsi dzua di azâ nu shtiu ma Spiru-âlj dzăsi-a papu-su isturia
cu aumbrili, ama cashti cum di va lu-adunù Spiru vărâ dzuùâ,
va lu-ntrebù sh-va s-vâ spun sh-avau.
Mini ahăntù shtiu sh-ahăntù vâ spushù!
74
Pleasa di-ndzeanâ, hoara-al Dumidzâ
Aistâ isturii acatsā si-s deapinā tu mesu di cirisharù tu 1903,
tu-unâ hoarâ ca di pirmith, Pleasa di-ndzeanâ, ashtiratâ pi
unâ dzeanâ dit muntsâ-a Epirui, Arbinushia di azâ.Tu hoarâ
bâna vārâ 300 di fumelj. Di vārù kiro niscānts di ficiori
acâtsarâ s-minduiascâ s-u-alasâ hoara; nu mata vrea
s-arâmānâ tu hoarâ s-ducâ ninti zânatea-a pârintsâ a lorù di
picurari sh-cârvânari; s-dusi zborru câ mults ficiori dit
Curceau, unù câsâbā nu mult alargù di Pleasa, loarâ calea
s-neagâ tu Amerikii, iu dzâtsea elj câ ma s-lucreadzâ doi, trei
anj va si s-umplâ di pâradz, sh-dapoia va si s-tura acasâ s-facâ
vārâ purcukii.
Mita, unù ficiorù dit hoarâ, tsi mizi cât
umplu unsprâyinghits di anj tu dzatsi di cirisharù, sh-u featsi
mintea s-ljia calea s-neagâ tu Amerikii, deadun cu Mihali, un
protù cusurin di partea māsai. Tu-unâ dzuùā, Mita, lu-
ashtiptā tatu-su si s-toarâ di la dukeani, lu lo dinâparti
sh-dzāsi:
-Tatico, nji-u feciu mintea s-negù tu-Amerikii, s-lucredz vārâ
doi, trei anj, s-adun tsiva pâradz; anda u s-mi torù, voi s-mi
ashterù sh-mini tu casa meau; voi s-ti agiutù sh-tini niheamâ
75
câ vedù cum ti pidiseshti cathi dzuùā di cānd da soarrâ pânâ
dipunâ. Va s-yinâ sh-Mihali-ali teti Nuli cu mini.
Tatu-su lu mutri pi sum sufrântseali, ma-ntroarâ sh-lu aplicā
capu sh-nu putu s-greascâ ici. Dapoia, sh-lu scoasi trastu di pi
umirù sh-lj-u târcu-al Mita. Oclji lji s-i-umplurâ di lācrânji
sh-mizi putu s-greascâ:
-Mita, ficioru-a tati, aistù trastù irra a papu-tu. Ninti s-lu lja
Dumidzā nji lu-târcu anja cu tut cu vrearea lui. Vini oara tora
s-ts-u lu-trec sh-mini trastu atsāia cu tut cu vrearea meau;
cum zbura, lj-u târcu trastu, lj-u lo capu-ntru mānji, lu-bâshe
tu frāmti, lu-mutri ninga unoarâ-ntr-oclj sh-intrā irushi n-
casâ.
Mita vru s-dzācâ tsiva ma lji s-i-acâtsarâ zboarrâli tu
gurmadzù; lu lo trastu-ntru-mānji, lu mutri, lu dusi la kept sh-
dzāsi cānda s-avdâ mash nāsù: "sh-mini va s-u-adunù tutâ
vrearea meau tu-aistù trastù, sh-cānd va s-yinâ oara, va lu-
trecu a cilimanjlor-a melj, ashă s-mi agiutâ atsel di-ndzeanâ,
sh-cum mutri câtâ tserù sh-u featsi cârutsea.
Dapoia lo calea câtâ tetâ-sa Nula ta si-lj dzâcâ al Mihali s-li
bagâ tuti pi aradhâ, câ lipsea si s-scoalâ di tahina, s-dipunâ
câtâ Curceau. Aco lipsea s-treacâ pi la birou di emigrari s-ljia
cârtsili tsi lipsea ti cali.
Tutâ noaptea, Mita s-i shutsā cānd pi unâ parti cānd pi-
alantâ. Tut videa oclji-a tatu-sui nlâcrâmats. Nu lu-arâvdā
inima shi s-i sculā irushi shi s-i silighi la tatu-su tu udā.
Tatu-su nu irra tu cârvati; mash mamâ-sa Catrina irra teasâ
sh-mutrea dâvanea tish cănda sh-avea kirutâ oclji sh-âlj câfta
pi divani. Tatu-su Cola, shidea pi-unù scamù cu coatili pi
76
dzānucjli sh-cu capu-ntru-mānj.
-Tatico, gri Mita, nu-nji si fudzi ici. S-bâgā tu dzinuclj ninga
tatu-su, sh-acâtsā s-plāngâ ca vārù cilimeanù.
Tatu-su lu-mutri cu oclji ca nidurnjits, âlj bâgā māna pi cap sh-
dzāsi:
-Ficioru-a tati, nu ti-aspari! Ma ts-u fâtseshi mintea s-fudz nu
stā ici! Aua tu hoarâ nu vedù s-fats vārâ purcukii. Di papi-
strâpapi himù picurari. Vāhi vini oara vārù di noi s-anveatsâ
sh-altâ zânati; s-nu ai ananghi di noi. Mini sh-mamā-ta, ashă
cum târcum pânâ tora, u s-târtsem sh-di aua sh-ninti.
Pânâ s-ti tori tini, u s-mutrim ti vārâ featâ s-ti-nsori. Cum
zbura, Cola scoasi dit geapi unâ shamii ligatâ, u-zdisfeatsi sh-
dzāsi:
-Calea tsi u-ljei nu easti ici lishoarâ. Ia, aisti sunt fluriili tsi nji
li-alâsā papu-tu Aristidi; va s-ti agiutā vārù kiro pânâ s-acats
vārù luc. Bagâ-li ghini s-nu tsiva di li-keri calea. Dapoia âlj gri
a muljiarâ-sa:
-Aidi, Catrinā scoalâ s-fats vārâ pitâ a ficiorui s-lj-agiungâ
pânâ tu-Amerikii. Mini u s-neg s-mutrescu niheamâ prāvdzili.
Mita, tini fudz bagâ-ti niheamâ câ ti vedù ca nidurnjitù. Mini
u s-bagù dau mulāri pi cali, s-ti dipunù pân-tu Curceau.
Mita shidea ninga tu dzinuclj; mutrea fluriili shi s-minduia la
zboarrāli-a tatu-su, tsi cānda âlj-loarâ unâ kiatrâ di pi
inimâ.
Catrina s-aprukiā di nāsù, dzinucljā ninga hilji-su lj-u lo capu
pi keptù, sh-aliki fatsa di peru-a lui neali, neali sh-dzāsi:
77
-Ficioru-ali mami, ti fâtseshi bârbatu. Vini oara s-ljei calea tsi
ts-u deadi Dumidzā, sh-cum zbura, Catrina sh-u scoasi
crutsea di digushi, sh-lj-u târcu-a hilji-su.
-Mita-li mami, dzăsi nāsâ, cashti cum eshti vārâoarâ
tu-ananghi, s-ljei crutsea-ntru-mānâ, sh-Dumidzā u s-ti
agiutâ; aidi fudz bagâ-ti niheamâ s-ti fânâteshti di som câ hii
ca nidurnjitù; mâni u s-ai cali lungâ. Catrina lj-u lo capu-n-tru
mânji, lu bâshe tu frâmti sh-ishā nafoarā s-bagā kirkelu ti
pitâ.
Mita irra kirutù tu mindueari; avea trastu-a papu-su-mplin di
vreari, fluriili di la tatu-su, sh-crutsea di la mamâ-sa.
Tuti aisti, lj-umplurâ inima di harauùă, ama sh-di giunami. S-i
sculā, s-dusi tu cârvati, sh-lu-acâtsā somu-ntroarâ.
Nafoarâ acâtsă s-apirâ. Cola cât bitisi lucru ti prāvdz sh-
mutrea câtâ dzenili di munti tsi-acâtsarâ si-sh kindiseascâ
frāmtea cu lunjina soarrui; heamâ câtâ niheamâ, lunjina s-
ashtira pisti casi, tsi ma multi ira dati cu-azvestri alba, sh-li
scutea unâ câti unâ dit scutidi.
Doi câcots, tsi lj-avea Cola tu-ubor, s-alinarâ tish pi ploacili di
pi casâ, sh-acâtsarâ s-da di hâbari câ sh-azâ apiri soarili, sh-câ
bana neadzi ninti.
-Cucurrriguuuu, cucurrriguuu…cucurrriguuuu…sculats oaminj
bunj câ apiri, sh-ni fugù ficiorlji tu-Amerikii...
cucurrrriguuu…sh-tut-ashā…
78
Cola, sh-lu-knduri adiljaticu, ta s-avda ma ghini; “tsi cānda nji
si facu urecljili ashā” dzasi elù; nu putea s-pistupseascâ ti tsi
avdza; sh-i li-dusi deadzitili la-ureclj, cănda s-li distupâ, s-i
shutsâ cu fatsa câtâ iu-cânta câcotslji, sh-ascultā cu urecljea-
aplicatâ, ama tut-atsa avdza.
-O la Catrinā! Iu hii more, aurā Cola sh-mutri câtâ usha di la
casâ. Catrina cât u-avea bâgatâ pita pi kirkiā sh-tamam tsi
lj-adutsea unâ cafei.
-Ore, tini lj-avdzāsh câcotslji? Tsi soi cāntâ ashā?
-Tsi soi cāntâ, dzāsi Catrina sh-lj-u teasi cafeia. Unù dzātsi
"sculats câ sh-azâ apiri" sh-alant dzâtsi "sculats câ ni fugù
ficiorlji tu Amerikii"
-Nacâ ts-u deadi kicuta, lj-u turā zborru Cola cu nipistupseari
câ sh-Catrina avdzā tsi lj-avdzarâ sh-a lui urecljli.
-Amù, ma nj-u deadi-anja kicuta, vâhi ts-u deadi sh-atsāia lj-u
shutsā zborru Catrina, cu niheamâ inati.
Cola vru si-lj dzācâ tsiva ma-avdzā boatsea-a bagianac-su
tsi shidea-n-dauùâ casi niheamâ ma-ndzeanâ; Tasi tsinea
sora-a muljearâ-sai, Nula; yinea ayunjiusitù sh-ca lâhtrâsitù.
Cola lj-ishā n-cali sh-dzāsi:
-Bunâ dimneatsa sh-ghini apirishTase, tsi mutreshti ashâ
cānda-âlj kirush birbetslji?
79
-Ore, Cola dzāsi bagianac-su, apirii ghini, ama dimneatsa nu
easti bunâ ici.
-Câtse lāi Tase? Tsi ti vedù ashâ ca-aspâratù?
-Zurrusirâ câcotslji dit hoarâ, dzāsi Tasi cu boatsea ma
aplicatâ, sh-mutri di-avigâra cānda s-nu lu-avdâ vărù.
Nu shtiu câcotslji-a tālj, ama lj-avdzâi-a melj sh-a cuscru
Tuduraki: "sculats câ ni fug ficiorlji tu Amerikii", sh-cum
zbura, sh-u scoasi shamia dit gepi di sh-ashtearsi oclji tsi
acâtsarâ s-lj lâcrimeadzâ.
-Amù, sh-mini lj-avdzāi câcotslji, ma dzâshù câ-nj facù urecljli,
sh-Cola sh-u dusi mâna la unâ di ureclj, cănda s-veadâ câ-
easti tu locù.
-Mari ciudii tsi s-fatsi, mari ciudii, nu dânâsea Tuduraki
s-dzâcâ.
-Haidi nuntû s-bei-nâ cafei sh-dapoia u s-nidzem si-lj dzâtsem
a preftui Nisa, dzāsi Cola.
Catrina adusi pociu di cafei sh-dusi s-mutreascâ pita.
Njiurizma di pitâ acâtsă si-s tindâ tu-ubor, tu sucaki sh-tu tutâ
hoara. Unâ palâ di vimtu u-dusi tish pânâ tu dzenili di munti,
tsi cănda s-loarâ mânâ di mânâ shi s-aplicarâ niheamâ s-u
tsânâ njiurizma di pitâ mash ti nâsi.
Cola sh-Tasi shidea kiruts tu minduiari. Nitsi nu bitisirâ cafeia
câ ia vini sh-Nula.
-Cuu, dzāsi Nula, tsi s-fatsi ashā, lāi corghilj? Hearbi hoara di
câcots; po.po.po.po, zurrusirâ câcotslji, sh-cum zburra sh-
acâtsā capu cu mānjili sh-lu mina sh-nastânga sh-nandrepta,
di cănda vrea s-lu dislikeascâ di gurmadzù.
-Catrinâ la, aurā Cola, adu-niheamâ apâ-ali Nuli câ zurusi ma
80
lai di câcots. Aidi, stā padi s-bei ‘nâ cafei sh-dapoia u
s-nidzem la bâsearicâ s-videm tsi s-fatsi.
Nitsi nu-apucā Nula sâ sta pi scamu, câ acâtsā si s-avdâ
câmbanea-li bâsearitsi; cictâsirâ tuts. Tasi lo s-ducâ cafeia la
gurâ, ma māna nu-lj s-i minā. Câmbanea bâtea, bâtea, bâtea
ma s-avdza altâ soi.
-Cuu, cuu, lāi corghilj, tsi soi s-avdi-ashā, gri Nula cu oclj
lâhtrâsits, di cănda lji s-avea-alinatâ vărù câcotù tish pi capu.
-Ia tats niheamâ de, gri Tasi.
Nitsi nu bitisi zborru Tasi, câ acâtsarâ tuts s-facâ cârutsea.
Kelea li s-i featsi ca di gâljnâ sh-dukea cum li si mutâ peru-n-
capù. Câmbanea bâtea..."ding-dong, ding-dong, ding-
ding,...ni fuggggù ficiorljiiii tu Amerikkkkiiii...ding-dong,
ding,ding....sh-tutù ashă."; s-i scularâ tuts-ntroarâ, isherâ
irrushi nafoarâ tu sucaki, sh-loarâ calea câtâ bâsearicâ; videa
cum dunjiauùa imna ayunjiusitā câtâ bâsearicâ, sh-cum imna,
tuts-âsh fâtsea cârutsea.
Soarili, cât s-avea s-dispârtsā di surorili-a lui, dzenili di munti,
iu kindurea cathi tahina, di li-adutsea ghiumi-mplini di
lunjinâ, ta si-sh spealâ fatsa di lâiatsa noptsâljei.
La bāsearicâ, uboru s-umplu di oaminji.
81
Tuts mutrea ca nidurnjits, ca ciudusits, ca-aspârats.
Oaminjli zburra unù cu alantù, ma mult cu mānjli di cu gura
sh-dzâtsea tsi târcurâ di cāndù apiri.
-Ore, dzāsi unù aush, tsi shidea ca-ânduplicatù cu dauli mânj
pi-unâ cârlibani; ishāi s-mulgù capra, sh-tamam tsi
s-u bitisescù di-muldzeari, shutsā capu câtâ mini, sh-featsi:
meheheeee, meheheeee...
Aushu irra ca nostimù cum câfta s-facâ, ca vārâ caprâ;
niscānts tsi lu-asculta acâtsarâ s-arādâ.
-Em, alâsatsi-mi s-bitisescù, dzāsi aushu, sh-mutri narālu
câtâ-atselj tsi-arâdea. Eh, dzâshù mini, vāhi lj-easti seati, ama
dapoia, featsi …ia, sh-tora nji s-i mutâ peru, shi sh-u
anâltsā māna câtâ atselj di ninga elù, …mehehee… ni fugù
ficiorlji tu Amemeheerikii....Ia, pi aistâ cârutsi, dzāsi aushu,
sh-nu dānāsea dotù ta s-facâ cârutsea.
-Cuu, lāi Lambre, arsâru, unâ muljieari, tsi mutrea ca moashi.
Ficiorlji dit hoarâ-âlj grea muma Nasta. Neshù di tahina s-
vedù niheamâ clotsa, câ târcurâ vārâ shapti dzâli di cāndù u-
bâgai di-shidea pi-oauùā; u-anâltsai niheamâ s-mutrescù
oauli, sh-cum mutream, vidzui cum pulji deadirâ di-isha unù
câti unù dip ca toapi di-malmâ.
82
Clotsa u-videamù ca hârioasâ sh-tut s-anvârtea pi ninga pulji.
"stā râhati, âlj dzâtseam mini s-nu calts vārù pulji, câ u s-ts-u
taljù capu s-ti fac ghelâ". Iia ici! Clo, clo, clo...sh-muma Nasta
acâtsă si s-anvârteascâ, sh-câfta s-facâ ca vārâ clotsâ, di-
acâtsarâ oaminjlji s-creapâ di-arāsù.
-Em tsi arâdets ashă, li-aurā muma Nasta sh-âlj mutri narālu.
Clotsa zurrusi di dipù! S-anvârtea sh-fâtsea ...clo, cloooo, clo,
clo, clooo..ni fuuugg ficiorlji tu-Amerikii...clo, clo, clooo; Ia,
cârutsea, dzăsi muma Nasta, sh-nu dânâsea ta s-facâ
cârutsea; ama nu s-bitisi auùa luyria, dzăsi muma Nasta.; mea
cāra acâtsarâ sh-pulji s-facâ...kiu, kiu, kiu....sh-muma Nasta
shi li-dusi mânjili la gurâ si-sh-u facâ boatsa ma subtsâri, sh-
câfta s-facâ cum fâtsea pulji… kiu, kiu, di cripa dunjiauùa di-
arâdeari; dapoia, ia, cârutsea, dzāsi nâpoi muma Nasta, câra-
acâtsarâ s-da aripili shi s-facâ ...kiu, kiu, kiu....ni fug ficiorlji tu
Amerikii....kiu, kiu...
Uh, lâi Dumidzale, uhtâ muma Nasta shi sh-anâltsâ fatsa sh-
mâinjli câtâ tseru…Nacâ nâ-u-loash mintea…
-Anja-ânji zurusirâ treili mulâri, arsâru Geogea, unù bârbatù
di vārâ patrudzāts di-anj, tsi tamam intrā tu-ubor sh-avdzā
isturia-ali mumi Nasta.
83
Li-dutseam la pihadi s-bea apâ, mea cāra-acâtsarâ s-facâ
"...njihihiii, njihihiii...sh-dapoia...njihihiii ..ni fuuugg ficiorlji tu
Amehihirikii"...sh-cum fâtsea Geogea ca vārâ mulari, ialea
intră tu-uborù sh-preftu Nisa; s-videa ca nidurnjitù sh-ca
nikiptinatù.
Dunjiauùa s-deadi niheamâ dinâparti ta s-treacâ câtâ-usha di
bâsearicâ.
-Tsi ti pâtsâsh lâi Geogea, dzăsi preftu, nacâ ti mâshcâ vârâ
mulari di nâri, di zurrusish sh-tini? Tâcurâ tuts câ lu-vidzurâ
preftu Nisa ca nâritù sh-fârâ kefi.
Preftu intrā tu bâsearicâ ca-ayunjiusitù, lo-vivlia sh-cârutsea a
Hristolui dit bâsearicâ sh-ishā nâpoi tu-uború.
-Oaminj bunj, acâtsā Preftu s-greascâ., azâ di cānd-apiri
soarili pisti hoarâ, sh-cum zbura mutri câtâ soari sh-câtâ casili
ashtirati pi dzeana, s-tihisirâ lucri nifapti di-cāndù bânāmù tu-
aistâ hoarâ. Nu shtim tsi-easti, ama lipseashti tuts nicukirlji
tsi-avdzārâ, “tsi avdzārâ”, s-intră tu bâsearicâ si-lj ghivâsimù,
sh-dapoia u s-alâgām tuts casâ di casâ s-li ghivâsimù sh-casili
sh-prāvdzili shi s-li pruscutim cu apâ di-la Dumidzā.
84
Intrarâ tuts tu bâsearicâ.
Mash vārâ shapti oaminj nu intrarâ tu bâsearicâ; s-trapsirâ
tu-un cohiu di-ubor shi zburra cu boatsea aplicatâ ti-ciudiili tsi
li-avdzārâ di la-alants oaminj.
-Ore, Costa, gri un ficiorù di-vârâ yingjits anj. Tsi sunt tuts
ashā ca-mbitats! Papu Lambri fâtsea ca vārâ caprâ, moasha
Nasta fâtsea ca vārâ clotsâ, cusurinu-a melù Geogea fâtsea ca
vārâ mulari sh-lali Cola-ânj dzâtsea, calea anda yineam câtâ
bâsearicâ, cum fâtsea câcotslji.
-Emù tsi s-dzācù lāi Miha, dzāsi Costa sh-acâtsā si sâ scarkinā
dupâ capù, mini-asearâ irram tutâ dzua cu oili. Nu-adukescù
ici tsi s-fatsi cu-aici oaminj.
-Nitsi mini nu-adukescù tsiva, arsâru sh-Ndreia, unù ficiorù di
vārâ optusprâdzatsi di-anj; sh-mini u-avdzāi câmbanea ca
totâna, ama niscānts dzācù câ bâtea cu zboarrâ sh-taha
dzâtsea, “ni fugù ficiorlji tu Amerikii...”
-Ti ciudii easti, arsâru sh-Vasili sâ zburascâ;
85
s-pari câ tuts-aici tsi intrarâ tu bâsearicâ li-avdzārâ aisti
zboarrâ. Noi avem trei câcots ma mini nu-avdzāi tsiva zboarrâ
...mash cucuridzau ca totâna.
-Aidits s-a vdzāmù tsi dzātsi papu Nisa Preftu, dzāsi Miha.
S-aprucljiarâ tuts niheamâ di usha di la bâsearicâ, tsi irra
zdicljisā. Dinafoarâ s-avdza zboarrâli-a preftui.
-Cum vidzut asearâ, mushata Dumānicâ, tuts di voi vinitù la
bâsearicâ s-yiurtusimù dau suti di-anj di căndù hoara noastâ
acâtsă s-adilji. Dumidzā s-u veaglji, sh-cum zburra featsi
cârutsea sh-tuts alants featsirâ sh-elj cârutsea.
Nafoarâ, lunjina soarrui acâtsā s-li-avinâ aumbrili dit-uboru-
ali bâsearitsi sh-cum usha di bâsearicâ irra zdicljisā, soarili
intrā sh-elù nuntù, sh-ashtirā unā cali di lunjinâ, di la ushâ
pânâ di-altarù. Vāhi pi-atsea cali di lunjinâ, imna tu bâsearicâ
suflitili atsâlor tsi bânarâ shi s-asteasirâ tu-aistâ hoarâ.
-Azâ tahina dicāra apiri, dzăsi Preftu, acâtsarâ câcotslji s-ni da
di hâbari, câ bana noastâ neadzi ninga ninti sh-câ Dumidzālu,
sh-nâpoi featsi cârutsea, ni-avdapsi ninga unâ dzuā tu-anjli-a
86
noci; tâcu niheamâ sh-mutri calea di lunjinâ tsi u-ashtirâ
soarili tu bâsearicâ; ama easti ti-nipistupseari tsi-avdzām! Ma
s-avdzam mash mini, tsi cucârâdza câcotslji sh-tsi bâtea
clopatu-ali bâseritsi, u s-dzâtsea dunjiauùa câ zurrusi Preftu;
niscānts acâtsarâ s-arâdâ.
-Ore Nisa, arsâru papu Lambri, lasâ câcotslji; ore anja-nji
zurrusi capra. Atsea nu ari mardzinâ!
-Em, atsea caprâ u-shtim câ easti zurrâ di totâna, dip ca tini
căndù irrai cilimeanù, arsâru muma Nasta sâ zburrascâ.
Preftu bâgă budza pi-arāsu sh-pârnjirâ tuts s-arādâ.
-Anja-nji zurrusi clotsa cu tut cu pulj, dzăsi moasha Nasta.
Aistâ nu easti ti spuneari, sh-cum zburra sh-u trapsi shamia pi
capu câ lj-avea câdzutâ pi frāmti.
-Em, ma nu easti ti spuneari ti tsi u-spunj, lj-u shutsā papu
Lambri; tini hii zurrâ di njicâ; ti-alinai, ca vārâ câpritsâ pi
nucu-al papuTsili di li-mâcai nutsili verdz. Muma Nasta lu
mutri narālu, featsi "pftii", âlj deadi māndzili cu tuti deadzitili
sh-dzāsi:
-Cuu s-tsi si-cljidâ derra lāi Lambrooo, cum ts-u deadi dipû
urbarea, aurā moasha Nasta shi s-ligâna di-measi, cānd
nastānga căndù nandreapta; pitreatsi vărù nipot s-ts-u-aducâ
mintea di la cutarû, câ u-agârshesh sh-azâ tu-câlivâ.
Vārâ dzuùâ va s-ts-u ljia vimtu sh-u s-u keri sh-atsea tsi
ts-arâmasi; u s-eshti dip "fiu, fiu"...
Dunjiauùa arâdea, arâdea sh-cānda agârsharā câ ti tsi
s-adunarâ tu bâsearicâ. Totâna căndù s-aduna Papu Lambri
cu muma Nasta, s-irrai di vārâ parti s-ti tsā-nji di pāndicâ di-
ahāntá arâdeari; câti vloarâ, anda s-aduna dolji, li-fâtsea
87
castilea ahtāri muabets ti harauùa atsâlor dit hoarâ.
Dunjiauùa shtea câ s-vrea dolji di-anda njits, ama nu s-loarâ
câ preftu li-dzāsi câ nu easti ghini si s-ljia câ elj câdea cusurinj
dea-treilea.
-Oaminj bunj, aurā Nisa preftu cu-unâ boatsi ma vârtoasâ, ta
s-lu-ascultâ tuts. Aidi s-dzâtsem câ zurrusirâ prâvdzâli sh-
câcotslji, ama câmbanea!?
Aidits s-nâ minduim niheamâ, cum acâtsā tutâ-aistâ isturii?
Prota hâbari ti apiritu di-azâ, u-deadirâ câcotslji-al Cola, sh-
dapoia acâtsarâ tuts s-cucureadzâ..."ni fug ficiorlji tu-
Amerikii."
Ciudia easti, dzāsi Preftu cu-unâ boatsi cama aplicatâ,
di-iu shtea câcotslji-al Cola ti fudzerea-a ficiorlor tu-Amerikii
di s-alinarâ pi-casâ s-cucureadzâ aistâ hâbari tu tutâ hoara.
-Mea vāhi avdzārâ cum zburra Cola cu hilji-su ti fudzeari,
dzāsi vitsinu-al Cola, Nashu-ali Veti-al Niculaki. Mini cât
aveam ishetâ nafoarâ s-duc niheamâ apâ la prâvdz, sh-cum lj-
avdzâi mini câ tsi zburra, vâhi ashă avdzārâ sh-câcotslji.
-Ore, Nasho, arsâru Cola, ore cum eshti dip shtāpù!
88
Iu-avdzash tini vloarâ, câcotslji i prāvdzâli, s-adukeascâ
zborrâli-a omui!
-Em câtse, lj-u shutsā Nashu zborru; dada-meau anda iasi tu-
uborù s-arucâ misurù ti-gâljnj, li-greashti: “kiu, kiu,kiu,
kiu”...sh-yinu tuti cuampatra cu tut cu câcots. Sh-a li-mulari
ma-lj-aurù, "diiii", pârnjeashti di-imnâ, sh-ma-lj-aurù "oooo"
kindureashti di-imnari! Ghini dzātsi Nashu, grirâ niscānts
sh-mutrea câtâ ta Preftu s-dzācâ tsiva.
Preftu Nisa, tâtsea sh-mutrea ca minduitù. Alants tâcurâ
sh-elj sh-ashtipta Preftu s-greascâ. Preftu aplicā capu, imnâ
niheamâ nastānga, niheamâ nandreapta, tish cănda lj-avea
câdzutâ minduierili-mpadi, shi sh-li câfta ta s-nu
sh-li-kearâ di dip. Dupâ vâr kiro dzăsi:
- Easti vārù tu hoarâ tsi nu li-avdzā aisti zboarrâ tsi li
cucuridzarâ câcotslji?
Nu gri vārù. Mutrea tuts di-avigâra câ vāhi va s-dzâtsea vārù
tsiva, ma tuts tátsea.
-Mini nu li-avdzāi aisti zboarrâ, s-avdzā unâ boatsi tsi vinea di
câtâ usha di bisearicâ; irra Miha tsi shidea nafoarâ cu alants
ficiori. Miha pârnji s-imnâ pi-calea di-lunjinâ câtâ altarù; dupâ
nāsù acâtsarâ s-imnâ sh-alants ficiori. Dunjiauùa dit
bâsearicâ-lj mutrea ca ciudusitâ;
-Mini lj-avdzāi câcotslji dzāsi sh-Costa, u-avdzâi sh-câmbanea,
ma nu-avdzāi, ni câcotslji, ni câmbanea s-dzācâ tsiva zboarrâ.
Tsi soi di shacāi sunt aisti dzāsi Costa sh-mutri câtâ dunjiauùa
dit bâsearicâ.
89
-Lali Nisa, gri sh-Vasili, nipotu-su-a preftui, di partea sorsa
i; noi, nu-irram asearâ la yiurtusearea-li hoari, câ avum
cathishun lucru-a lui. Cum s-fatsi câ tuts tsi-irra asearâ la
bâsearicâ li-avdzārâ aisti zboarrâ sh-noi tsi nu irram, nu li-
avdzām?
Arâmasirâ tuts muts. Nisa preftu s-kiru tu minduieri; neasi
dinintea-altarui, featsi cârutsea di trei ori, u-bâshe StâMâria
sh- dzāsi, "lj-iartâ-ni Dumidzale", sh-dapoia s-turā câtâ oaminj
sh-gri:
-Asearâ, di harauùa-li yiurtuseari, bium tuts câti unâ cupâ di
yinu roshù. Dupu cum shtits, yinu lu-tsineam tu-un ghiumù
sh-dit ghiumù vâ turai la catishunù câti unù putiriciù.
-Anja nitsi giumitati nu nj-u lu-turash, arsâru muma Nasta. Al
Lambri lj-u umplush pânâ-di budzâ; ti-atsea zurrusi dipù.
-Eeee, sh-tini moi mumā, dzāsi Preftu cu budza pi arâdeari;
papu Lambri easti bârbatù sh…ama nu-apucā preftu s-lu ducâ
zboru ninti, câ muma Nasta lj-u curmā zborru sh-dzāsi:
-Amû tsi bârbatû di ciuki easti Lambri, câ nu nj-u poati ici; lu
arucutescù mini, unâ dau, sh-nâpoi sh-u deadi shamia pi-
capù câ tut-âlj câdea pi-frāmti.
-Uuu, s-ti fats defi, ts-u deadi dip zurratsa, lj-aurā Lambri sh-
lji deadi māndzili.
Preftu câfta s-nu arādâ, ama nu putu si s-dânâseascâ,
mea cāra lj-ascâpā un arāsu zuru, di-lj si bâtea pultārili sh-
pândica, di dzâtseai câ u-s-li kearâ.
Dunjiauùa, tsi stâtea cu-arāsù tu gurmadzû sh-mizi s-tsânea
s-nu-arādâ, ahāntù ashtiptā; mea cāra-acâtsarâ s-arādâ tuts;
mutrea unù di-alantù cum arâdea, sh-dapoia arâdea sh-ma
90
multû; niscânts scutea shamiili di sh-ashtârdzea lâcrânjili di-
ahāntâ arâdeari; la niscânts-li si pârea câ-arādi sh-StâMâria
sh-tuts sâmtslji di pi murili-ali bâsearitsi.
-Uuuh, s-ti patâ gazepea, moi Nastā, mizi gri Papu Lambri, sh-
lu-apucā tusea di-ahāntâ arâdeari.
Arāsu dit bâsearicâ acâtsā si-s tindâ tu-ubor, pi sucāki, tu
tutâ hoara sh-agiumsi tish pânâ tu dzenili di munti....
Niscānts s-i scularā s-iasâ tu-uborù, ama tsi thamâ s-fâtsea;
uboru s-umplu di câcots shi-gâljinj, di câprâ sh-di oi, di
mulāri, di clotsâ sh-pulji, sh-tuti, sh-tuts arâdea, cathishun, pi
limba lui.
Tuts-isherâ nafoarâ s-veadâ atsea thamâ, ama vārù nu putea
si s-dânâseascâ di-arâdeari sh-arâdea sh-ma multù, cum
videa câ-arâdù sh-prāvdzili.
Arâdea tutâ hoara cu tutâ inima-ljei, iu lj-avea adunatâ, di
suti di-ani, oaminjlji cu tut cu câcots, gâljinj sh-tuti alanti
prāvdz; puteai s-dzâts, câ Pleasa di-ndzeanâ irra hoara al
Dumidzā.
Preftu Nisa, ishā sh-nāsù tu-ubor sh-u featsi cârutsea, mutri
câtâ tseru, sh-dzāsi..."tsi semù easti aistù Dumidzale? U-
fâtseshi tutâ hoara s-arādâ"; dapoia, acâtsă s-ghivâseascâ
91
Vivlia sh-cu māna-ndreaptâ mina câdelnitsa; ti ciudii,
oaminjlji câpsirâ s-arādâ sh-uboru s-guli di tuti prâvdzili tish
cănda li lo vimtu.
Unâ isâhii di murmints si-ashtirâ tu-ubor. Soarili cānda
kinduri si s-analtsâ sh-mutrea tu-ubor ta s-veadâ câ tsi s-fatsi
tu-aistâ hoarâ; ni-vimtù s-batâ, ni-frândzili si s-minâ; oaminjlji
mutrea di-avigâra sh-tut sh-frica oclji ciudusits
-Shtiu mini tsi s-fatsi! Shtiu mini tsi s-fatsi, s-avdzā boatsea al
Vasili, nipotu-a preftui, tsi vinea di câtâ dinâpoia li bâsearitsi.
Tu-unâ mānâ avea unâ kelki ca lai, sh-cu alantâ mānâ lu-
trâdzea, cum tradz vārâ mulari tsi nu vrea s-imnâ
ninti, pi gagaciu-ali hoari, Tanasicâ.
-Cāndù ishetù voi tu-uborù, aurā Vasili, mini dipunai tu
kilearu-ali bâsearitsi, sh-tsi si-nj veadâ oclji, Tanasicâ shidea
cu aistâ kelki-ntru-mānâ, ninga ghiumu di yinù, sh-cum
s-aprukia, u-anâltsā kelkea ta s-u veadâ oaminjlji.
Preftu, lo kelkea dit māna-a nipot-sui, u-mutri, u-shutsā pi
tuti pārtsili, mutri câtâ Tanasicâ, s-aprukiā sh-lu-ntribā cu unâ
boatsi prifteascâ, ashtiratâ.
-Tanasicâ, nu ti-aspari! Tsi easti aistâ kelki? Cum agiumsi tu
92
kilearù? Tsi avea nuntù?
Tanasicâ, s-avea sh-elù vārâ optusprâdzatsi di-anj. Preftu Nisa
lu-mutrea ca ficioru-a lui sh-lu tsinea pi-ninga bâsearicâ s-lu
agiutâ cu lucri ti-bâsearicâ.
Mults cilimeanj dit hoarâ sh-arâdea di-elù cá irra gagaciù sh-
niheamâ traptù di minti. Tanasicâ si-afirea sâ zburascâ
namisa di oaminj, câ tuts sh-arâdea, mash preftu Nisa nu
arâsi vârâoarâ di nâsù.
Cu unâ dzuâ ninti di-yiurtusearea-ali hoari, Preftu Nisa lu-
avea pitricutâ Tanasicâ s-dipunâ Pleasa di-ghiosù, s-ljia unù
ghiumù di yinù roshù, di la unâ dukeani tsi u-tsânea unù
turcù, sotsù bunù cu Nisa.
Preftu s-aprukiâ di Tanasicâ, lj-u deadi kelkea-ntru-mānâ
shi-lji dzāsi:
- Ma ts-arâseasti tsâni-u tini, a tau easti, ma tsi avea nuntû?
-Tututu..turcu nji-u, nji-u, nji-u deadeadea..di, acâtsā mizi s-
dzācâ gagaciu.
Nj-u, nj-u, bbbb...bâbâ, ggggâ tututu tratratra-stu shshshhh
dzdzdz, dzāssssi, apppp,ppppâ dududu..dultsi dididi..la
Dududumimidzā! Lulululu fafafatststsi yiyiyinu dududultsi.
Bibibibii shshsh mimimi…minininini nini..heahea..heamâ sh-
dappppopopopoia u-tutututu-rai tutututu ghiughiughium. U
gugugugulii kekekelkekea….. Cum s-gâgâcea, Tanasicâ mina
sh-capu sh-mānjili cănda s-lu-agiutâ si zburascâ.
93
A preftui lji s-arâvdā cât lji s-arâvdā, mea cāra lu-ascâpā
arāsu, di sh-u deadi capu câtâ-nzdeanâ sh-acâtsā s-arādâ,
s-arâdâ… mea cāra-acâtsă tutâ dunjiauùa s-arādâ… niscânts
s-tsinea di pāndicâ, alts lj-acâtsā tusea, alts dzinucljiarâ, alts
s-tuvulirâ pi pultāri sh-dâdea cicioarili; mea cāra acâtsā
s-arādâ sh-gagaciu khkhkhkhh ghghgh…
Preftu cum arâdea li-anâltsā mānjili-ndzeanâ, sh-deadi si
s-tsānâ cu mānjili di pāndicâ, mea cāra lj-ascâpā câdelnitsa
dit mānâ, di-âlj câdzu-al Tanasicâ tish pi-capù, di lji s-i lâi
fatsa di-shcrumù. Dunjiauùa s-câtâvulea di-arâdeari…
-Oh, Dumidzale Mari, dzāsi Preftu, cum sh-astârdzea oclji di
lācrânji, tsi dzuâ mushatâ ni-dâdesh azâ, sh-cum zbura sh-
featsi cârutsea.
-Tanasicâ-ficiorù, âlj gri Preftu, sh-neasi s-lj-u ashteargâ fatsa
di-lâiatsâ; nacâ pâtsāshi tsiva?; lj-u lo capu-ntru-mānji sh-lu
mutrea ta s-veadâ di pâtsā tsiva.
-Eh, mi agudii niheamâ ma nu-ari tsiva, gri Tanasicâ fârā si
s- gâgâceascâ.
-Eh, u si-ts treacâ. Nu-ari tsiva, acâtsă preftu.s-dzâcâ; mizi lu-
bitisi zborru câ arâmasi cictâsitù cu gura zdiscljisâ sh-cu
94
zboarili spindzurati di-limbâ; mutri câtâ oaminj, mutri câtâ
Vasilicâ nipot-su, nâpoi câtâ oaminj sh-nâpoi câtâ Tanasicâ;
vrea s-dzācâ tsiva ma nu lj-isha zboarrâli dit gurâ; u-fātsea
cārutsea, ama nu putea si s-minâ dit locù.
Alants oaminj, acâtsarâ s-facâ cārutsea sh-cu nipistipseari,
s-aprukia di Tanasicâ; lu-anvigârarâ sh-lu mutrea tish cānda
irra vārù Sāntù tsi tamamù dipunā dit tserù. Dupu varù kiro,
gri preftu:
-Ore, avdzâi ghini ma-nji facu urecljili?, âlj vinirâ zboarrâli-a
preftui, ama nu dânâsea si-sh facâ cârutsea.
-Di cāndù cu câcotslji aici, nu mata pistupsimù tsi-avdzām, gri
muma Nasta, ma nu-arāsi vārù.
-Tsi mi mutrits ashā cānda nu estù omù; sh-mini omù hiu, gri
Tanasicâ sh-acâtsā s-plāngâ ca vārù cilimeanù; muljerili di-
avigâra bâgarâ boatsea s-plāngâ; nu irra vārù tu-uborù s-nu-
aibâ oclji-mplinj di lācrânj; plândzea tutâ hoara di harauùa-al
Tanasicâ. Dukea tuts, câ itsido cum s-irra, Tanasicâ ira hiljiu-
ali hoari; irra hiljiu-a lorù.
-Intrats tu-bâsearicâ, s-avdzā boatsea preftui; tsi thamâ mari
s-featsi azâ, easti semù câ Dumidzâlu ni-veaglji, sh-câ aistâ
hoara, Pleasa di-ndzeanâ, easti hoara-al Dumidzā.
Aidi Tanasicā câ-azâ u s-ti ghivâsimù; lu-bâtu cu māna pi
pultāri sh-intrarâ tuts tu-bâsearicâ.
Uboru-arâmasi mash cu lunjina soarrui tsi ira sh-elù cictâsitù
di harauùa tsi s-featsi tu hoarâ, sh-cānda nu vrea si s-dispartâ
di-aistâ hoarâ hrisusitâ di Dumidzâ.
Dzenili di munti, tsi-anvigâra hoara ca vărù bâru, s-videa tish
95
cănda s-anvilirâ cu lunjina soarrui, ta s-ângâldzāscâ ketsârli tsi
durnjirâ tutâ noaptea tu-arâcoari; câti vārù puljiù, misura
tserù disuprâ di hoarâ; unù vimtù avrosù tsi dipunā dit munti
ca vārù māndzù hârios câ lu-silighi nicukiru-su nafoarâ dit
uborù, acâtsā s-facâ muabeti cu ponjli dit hoarâ sh-li mina
frāndzili cānda vrea si s-agioacâ cu eali.
Pi dzeana, tsi s-tindea dinintea-li bâsearitsi, pâshtea unâ
cupii di oi; cathi oai cānda si-antrâtsea, unâ di alantâ, cai di
cai s-mācâ ma multâ iarbâ ta s-da ma multù lapti.
Dau mulāri, tsi pâshtea sh-eali ma-nclo, mutrea cāndù
sh-cāndû câtâ hoarâ si-sh caftâ nicukiru, s-li-aducā vārû cuvā
di apâ-aratsi.
-Azâ s-featsi unâ mari thamâ tu hoara-noastâ, s-avdzā
boatsea preftui. Preftu cum zburra, u-bâshe StâMâria, featsi
cârutsea, lo vivlia sh-acâtsā s-ghivâseascâ.
96
Tanasicâ shidea cu capu plicatù dinintea preftui sh-oclji lj-
avea ninga-ânlâcrâmats; unâ lunjinâ hârioasâ lji si-ashtirā pi
fatsâ, di li fâtsea lācrânjili s-yiulutseacâ ca nistimatili tu soari.
Dunjiauùa asculta ghivâsearea preftui sh-lu mutrea Tanasicâ
cu nipistupseari, tish cănda irra vâr Sâmtù tsi dipunâ di pi
muru-ali bâsearitsi ta s-lu ghivâseascâ preftu.
Preftu kinduri di gjiváseari, mutri pisti oaminj sh-dzāsi:
-Māni va s-dipunù cu Tanasicâ, Pleasa di-nghiosû
s-lu-ntribāmû sotsu-a meu di la dukeani, tsi irra atsea “apâ
dultsi di la Dumidzâ”, di ni u-featsi mintea tamtelâ, di
acâtsām s-avdzām “tsi avdzāmù” shi s'videmû “tsi vidzumù”.
-Curbani Nisa, s-tsi facâ muma, arsâru muma Nasta, tsi irra,
tsi nu irra, dzā-lj-a turcui si-ts da ninga vārâ dzatsi kelki di-apâ
dultsi, s-bem cathi Dumānicâ câti unù putiriciù, câ multù nji-
arâsi cum fâtsea clotsa.
-Sh-anja cum fâtsea capra, arsâru sh-papu Lambri
-Sh-anja mulārili arsâru sh-Geogea
-Sh-câcotslji aurarâ sh-alts.
97
Preftu cānda-âlj mutri pi tuts cu namustri sh-dzāsi:
-Sh-anjia câmbanea...mea cāra-acâtsarâ tuts s-arādâ...nu
dânâsea dotù dunjiauùa di-arâdeari.
Sh-dzuùa di-azâ, ma s-ti-alinj Pleasa di-ndzeanâ, ninti
s-agiundz,va s-avdz, pit vimtù, arāsu-ali hoari unâ hoarâ-al
Dumidzā.
99
Isturii shuirati dit muabetsili-a meali, cu muma meau,
Hrisula Trandu, sorâ cu Thanasi Nastu
Numtsili dit Pleasa di-ndzeanâ
Soarili cât-acâtsā si-sh pitreacâ arazili di malamâ pisti hoara
Pleasa di-ndzeanâ ta s-u avinâ scutidea dit casi. Arazili tish
cănda ira ca tsiva feati alâxiti cu stranji kindisiti cu hiri di
lunjinâ tsi nidzea, casâ di casâ sh-bâtea tu cathi firidâ ta si-lj
dishteaptâ nicukirlji dit somu.
“Aidi, sculatsi-vâ câ-azâ, mushata dzuùā di Dumānica, avets
dau nunts tu hoarâ...”
Ira prota Dumānicâ tu mesu di Sumedru, tu anlu 1911.
Picurarilji dit hoarâ li-avea adunatâ oili dit tu tiputa, tu cutarili
ashtirati pi-unâ dzeanâ nu mult alargù di hoarâ.
Ma mārilji celnits, Kita Colimitra sh-Spiru Balamaci, cu ninga
shapti picurari dit hoarâ, lipsea s-dipunâ, ti n-dauùā dzāli, cu
cama di yinghits njilji di oi, câtâ Amarea Egeye iu va s-u
trâtsea iara. Ira unâ-adheti la pleasots, ca ninti ta s-li dipunâ
oili dit munti, s-li facâ tuti numtsili tu-unoarâ, tu prota
stâmānâ-a mesui.
Numtsili acâtsa di Gioia sh-bitisea Lunea. Aistâ aradhâ ira si s-
facâ dau numts; unâ numtâ s-fitsea tu casa-al Papa Nastasi,
preftu-ali hoari, tsi-ansura nâpotu-su, ficiorú-a sorâ-sa Vasila;
ninga unâ numtâ s-fâtsea tu casa-al Hrista Murova, tsi-ansura
sh-elú hilji-su.
Oaminjlji dit hoarâ, tsi ma mults di elj s-afla soi unù di-alantù,
li tinjisea dauli numts sh-urdina, cu harauùă, di la unâ numtâ
100
la alantâ. Cathi numtâ avea anikisitâ, cu shasi mesh ninti, dit
câsâbālu Curceau, câti unâ parei di muzikiani tsi bâtea salzili
ti kefea-li numti.
*********************
Papa Nastasi nu para durnji ghini tuti-atseali nopts di cāndú
acâtsarâ numtsili; vrea nu vrea, lji s-i dutsea mintea tu-anjlji
cāndù ira armatolú tu ceata-al Coli Ghiza. Cumandharu Ghiza
avea vinitâ dit-Armiro tu muntsâ Sets, s-lji-acatsâ furlji turts
tsi lji-u-avea vâtâmatâ Tasi, frati-su. Tasi lucra la câshâria-al
Kita Colimitra.sh-tu-unâ noapti fu vâtâmatú di-unâ ceatâ di
turts tsi vinirâ s-li furâ talarli di cashú.
Nitsi nu-avea umplutâ Nastasi yingjits anj, cāndu tu-anlu
1872, u-alâsā hoara sh-fudzi tu muntsâ Sets, la Coli Ghiza
Dupu vārâ shapti meshi, lo hâbari di la tatu-su, Papa Costa,
preftu-ali hoari, câ muri aushu, papu-su Cota. Nastasi lipsea
si-s toarâ tu hoarâ ta s-lu-agiutâ tat-su s-mutreascâ averea tsi
u-alâsā papu-su.
**************************
Tu-atselú kiro, tu bâsearica di Pleasa, Papa Costa Preftu, cum
sh-tatu-su nintea lui, Papa Cota Preftu, u-cânta lituryia pi
limba gârtseacâ sh-cilimanjlji anvitsa carti, tu-uború-ali
bâsearitsi, tut pi limba gârtseacâ. Ama, tu anlu
1878, tu hoarâ s-featsi unâ sculii, cu pâradz yinits di la
kivernisea-li Rumunii, tsi pitricu sh-cārts tu limba
101
rumuniascâ, nu mash ti sculia nauúā, ama sh-ti bâsearicâ;
s-tihisi câ tu-atselú anú, Papa Costa lu-ljirtā Dumidzā, sh-vini
tu-aradhâ ta s-hibâ preftu, Nastasi Preftu, hilji-su. Ahurhinda
cu anlu 1878, tu bâsiaricâ sh-tu sculia nauúā, limba gârtseacâ
fu alâxitâ cu limba rumuniascâ. Numa Preftu, u-alāxi tu numa
rumuniascâ Popescu.
Preftslji sh-dascalji ira pâltits, cathi mesú, cu pâradz di la
kivernisea-li Rumunii. Ipiscopu-ali bâsiaritsi orthodoxi
gârtseacâ dit Curceau, cum sh-mults fârshirots, nu li-videa cu
oclji bunj tuti-aisti alâxeri; deatumtsea, acâtsā s-intră-
ngrānjia, pânâ sh-namisa di frats sh-namisa di tatâ sh-hiljú,
ama cāndu s-tihisea vārâ numtâ, tuti s-agârshea. Adhetsili,
cum li-alâsarâ pâpānjlji-a lorú, li-tsinea sh-li dutsea ninti.
********************
La numtâ, avea vinitâ soii dit Curceau, di Armiro, di Nijopoli,
di Dishnitsa, Frashari, di Muskopoli, di Avlona-li Mizukei, di
Migidei sh-di Ghirokastra. Ma mults oaspits, durnjia tu casa-
al papa Nastasi sh-a hilji-su Nisa. “Oaminjlji bunj-âncapú"
dzâtsea elj. Alts oaspits durnjia la frats, surâri, prots cusurinji
sh-nipots. Papa Nastasi, cu tuti câ ira niheamâ curmatú,
harauùa ti numtâ lu-avinā dit cârvati, tamam cānd-arazili di
soari acâtsarâ s-batâ tu-firidâ.
“Em, ghini vinitù, sh-ghini apirimù sh-azâ” li gri elù, sh-neasi-
ntroarâ di u-bâshe icoana-li StâMârii tsi u-tsinea pi sinduki;
sh-u featsi cârutsea di trei ori sh-dzāsi cănda zbura cu nāsâ, “
Tini Sāmtâ Marie, Dadâ-a Hiljiu-al Dumnidzā dit tserú, tsi u
102
veaghli hoara sh-suflitu-a ljei, agiutâ-ni s-tritsem ghini aistâ
mushatâ Dumānicâ, dzuâ di numts, sh-tuti s-ni s-andreagâ
dupu inima Tau sāmtâ"
Dapoia, Papa Nastasi ishā nafaoarâ tu-ubor, mutri dzenili di
munts, tsi cānda s-diznjirda hâidāpsiti di-arazili di soari, neasi
la pihadi, trapsi unú cuvā di-apâ aratsi, biu niheamâ, sh-u
spilā fatsa di somù, sh-cum sh-u ashtirdzea fatsa cu
pishtamalu, unâ njiurizmâ di cafei lji s-ashtirā tish tu nāri.
-Papo, ia, lu-bâgai pociu di cafei sh-unú cucuticiù di pāni atsia
tu-udā, si-avdzā boatsea-li nâpoati-si Yanula; al Papa Nastasi
lji-arâsea s-u mācâ pānea muljiatâ tu cafei.
-Eh, la Nulā, tini eshti ca atsea arazâ di soari tsi mi diznjiardâ
tahinārili cu lunjinâ, mash câ tini mi diznjierdz cu njiurizmâ di
cafei. Grea-lji sh-a Nisa, s-u bem azâ cafeia deadun.
Nisa, hilji-su ma njicú, shidea tu-unâ casâ alikitâ di casa-al
Papa Nastasi. Papa Nastasi avea trei ficiori sh-dau feati, ama
pi Nisa, cānda lu-avea alikitâ di inima lui ashă cum ira sh-casa
iu stâtea.
“Sâhatea s-dusi optu sh-un cirecù”, mindui Papa Nastasi cum
imna dupu njiurizma di cafei; tamam tsi agiumsi tu udā, ialea
câ vini sh-hiljiu-su Nisa cu-unú piatù cu cashù sh-masini.
-Ghini apirish Tate, gri Nisa. Mushatâ dzuùā s-fatsi nafoarâ;
dip cānda shtea Dumizālu câ azá easti dzua ti numts.
-Em, Dumidzālu li-shtii tuti, gri Papa Nastasi sh-cum shidzu
pi scamú sh-u featsi nâpoi cârutsea.
Shidzurâ-amindolji s-bea cafeia sh-acâtsarâ sâ zburascâ ti
numtâ. Nisa, tsi li shtea ma ghini di tuts adhetsili-ali numti, li-
103
avea andreaptâ tuti lucrili ti numtâ. Pareia di muzikiani, salzili
cum li si spunea, lipsea s-agiumgâ, ashā cum lu-avea datâ
zboru, tu sâhatea unsprâdzatsi. Dupu tsi va s-prândza, va
pârnjia s-li batâ sālzili tutâ dzuùa sh-tutâ noaptea-li numti; tu
sâhatea doisprâdzatsi, va si-s fâtsea sursearea-a yrambolui
-Cai u-s-lu surseacâ Dina, antribā Papa Nastasi anda muljia
cucuticiu di pāni tu-cafei.
-Mini u-s-lu sursescù, dzāsi Nisa. Mizi ashteptù s-lu “taljiú”
niheamâ tu gurmadzù ta s-mi tsānâ minti câ mini lu-sursii tu
dzuùa di numtâ, sh-cum zbura unú sumarāsu lji si-ashtirā pi
fatsâ.
Nisa sh-Dina ira prots-cusurinj, ama s-vrea ca frats, câ
acriscurâ deadun di-anda njits.
-Njielu cai o-s-lu talji, antribā Papa Nastasi, sh-nâpoi lu muljiā
cucuticiu di pāni tu-cafei.
-E, lu-bâgai Gheli-al lali Tsili s-aducâ unú noatinù grasù di vārâ
yinyits kili, ama nitsi nu bitisi zboru, câ lu-ascâpā unú arāsù di
mizi u-tsânea filigeana di cafei n-tru mānâ.
-Tsi ti pâtsā?, lu mutri Papa Nastasi pi sum sufrântseali.
-Ljiartâ-mi ore tate, dzāsi Nisa sh-biu un gurmadzù di cafei;
ânji vini tu minti antsārtsù, pi numta al Kita-al lali Kendra;
noatinu tsi lu-tâljiai mini tu pragu di-ushi, u-avea pāndica
ahānt umflatâ, câ Kita, anda lo s-lu-anstrisarâ ta s-iasâ dit
casâ tu-uború, s-ankidicâ di pāndicâ; ghini câ lu-tsinum mini
sh-Gheli di sum-bratsâ, câ va sh-u loa zverca tish naparti di-
uború; fâtsea shacāi dunjiauùa, lu-dusi elú zboru ninti, câ
taha-al Kita lji si muljiarâ cicioarili, anda vidzu sāndzili-a
noatinui cum lj-isha dit gurmadzù; niscānts, dzâtsea câ lji si
104
muljiarâ, câ taha-al Kita lji s-i dusi mintea la noaptea tsi va s-u
dutsea-nveasta tu-udālu ti durnjiari, câ taha kiderea-lui atsea
marea, ira câ nu-avea vidzutâ pânâ tu-atsea noapti, cicioari di
featâ dizviliti pânâ di bārù...
-Em, tsi glârinj ânj dzāts ashā di tahina, lji-u curmā zboru
tat-su Nastasi. Tsi soi di namustri ai tini, māni-pimāni
sh-tini preftú!
-E, moi tate, nu ti-anvirinâ ti-ahtāri shacāi, gri Nisa cu boatsea
niheamâ ma-ashtiratâ. Cum s-arādâ oaminjlji ma nu cu
shacāi, ama va-lji dzācú-al Dina s-bagâ oarâ anda va s-
anstrisarâ noatinu, s-nu si-ankeadicâ, sh-cum zbura mizi-mizi
s-tsinu ta s-nu lu-ascapâ nâpoi arāsù.
-Tu tsi sâhati o s-pârnjits s-loats nunu, antribā Papa Nastasi.
-E, u s-pârnjim câtâ sâhatea unâli. Ti giumitati di sâhati va
s-lu-adutsem aua, sh-dapoia u s-fudzim s-lom nveasta cu
salzili dininti; o s-lu tindem coru pi tutâ sucakea pânâ
s-agiumdzem di cuscri. Dapoia, cum shtii, la cuscri o si-stām
vārâ sâhati ta s-ni tinjisim unù di-alantú, s-alâxim culatslji sh-
dhoarli di numtâ dupu cum esti adhetea, “s-acupârām”
nveasta, s-u scutem nveasta ncorù...
-Em ghini, ghini cāra lj-u curmā Papa Nastasi zboru.
Mutrits ghini s-li fâtsets tuti-adhetsili cum lipseashti. Mini o s-
intru niheamâ tu bâsearicâ s-li bagú tuti pi-aradhâ ti-
ncurunari. Bagâ oarâ s-nu yinits ma amânat di patruli, cum lu-
am faptâ zboru sh-cu Hrista Murova.; dauli preclji u s-li-
ncârun tu-idyia lituryie, di la patruli pânâ tu tsintsili.
Mutrea tora niheamâ oaspitslji tsi lji-avemú aua-n-casâ;
Ninga nu s-dishtiparâ, ama dzâ-lji ali Nuli s-bagâ misalea shi
105
s-facâ cafei tu pociu-atselú marrâ.
Papa Nastasi lo-unú jacket di lānâ dit sinduki sh-lu bâgā pi
nāsú ta si s-afireascâ di-arâcoarea di tahina.
Mesu di Sumedru dipuna dit munti cu dau trasti di-arumina;
unù trastu-mplinú di bunets: yinu, râkia, talari mplini di
cashú, canistri mplini di meari, gutunj, nuts sh-auúâ, harauùâ
ti numts, mushuteatsa zurleascâ di hromi tsi kindisea ponjlji
dit hoarâ sh-dit pâdurili dit munts, featili tsi s-videa
deaynangjia cum dipuna dit munti cu stoguri di lemi adunati
pi pâltāri; tu-alantú trastú, adutsea mash lâiets: arâcoarea-a
noptsâlor, ploi, vimtù-aratsi, sh-ma laiú di tuti, oahti oarfini di
oi, dip cum dzâtsea tu-un cānticú, “ni oai s-azghiarâ, ni cāni s-
alatrâ”.
Tu mesu di Sumedru, nicukirlji, acâtsa s-li-andreagâ lucrili-ali
casi, s-li bagâ tuti pi-aradhâ ta s-nu aibâ tsiva cârteri anda
neauúa va s-acâtsa s-u kindiseascâ hoara tu stranji albi.
Cum dzāsi Papa Nastasi, dauùāli numts agiumsirâ la bâsearicâ
tamam la patruli. Preftu u-ghivâsi lituryia ti-ncârunari oarâ di
vārâ sâhati sh-dapoia, cu salzili dininti, cathi numtâ s-dusi tu
casa-ljei. Nu-avea omú tu hoarâ s-nu hibâ pi numtâ; niscānts,
shidea mash pi-unâ numtâ ama ma mults, urdina di pi-unâ
numtâ pi-alantâ. Tutâ hoara cânta sh-giuca di harauùă. Salzili
cum bâtea, u-dutsea harauùa-li hoari nu mash tu horili di-
avigâra, ama sh-tu atseali di stri-munts. Tu-atsea Dumânicâ,
isâhia noptsâljei, tsi ira totâna vâshiljioani pisti dzenili di
muntsâ, âsh-lo peru ca vārâ zurâ-ascâpatâ dit vārâ pāndicâ di
106
munti, iu-avea statâ-ncljisâ suti di-ańi.
***********
Mash-unú omu, unú turcú tsi-lj dzâtsea " capidhanu Feim",
nu ira ici hârios. Feim bâna tu-unâ hoarâ, vārâ shasi km
alargù di Pleasa, sh-lucra ti-administratsia turtseascâ.
Feim agiumsi cumandharu, unâ soi di-Aga, tu pulitsia
turtseascâ. Tu-atselú kiro, anlu 1911, miletea armâniascâ dit
Balkanú, s-hârâsea di-idyia andrepturi, ca tuti-alanti milets,
andrepturi tsi li s-i deadirâ armânjlorú, di Sultanu Hamid
Abdul, pit-Iradeaua dit-anu 1905, tu mushatu mesú di Maiú.
Turtsâlji avea multâ tinjie ti-armānj sh-târtsea ghini, cu multâ
tolerantsâ unú di-alantú. Cathishun sh-li tsinea cu pirifanji
adhetsili tsi s-avea thimitlusitâ di suti di anj, tu-suflitu sh-tu
bana lorú.
Al Feim, lji-arâsea multú si s-alinâ tu hoara di Pleasa di-
ndzeanâ, iu-avea unú sots bunú, Nacu Batsu, cânâscut sumú
numa di Nacu Cârvânaru.
Feim ira mult nâritú câ nu lu-bâgā vārú tu corú atsea
Dumâncâ di numts.; nu lu-acljiamâ vārú pi vārâ numtâ; “tu
aistâ Dumānicâ, pleasotslji nu mi tinjisirâ ici”, mindui elú.
Soarili ira ninga disuprâ pi tseru-ali hoari, tish cānda vrea
sh-elu s-li-oarâ ghineatsâ-a yranyiadzâlor; ti harauùa-li numti
sh-ti harauùa tsi s-avea ashtiratâ pisti hoarâ, soarili sh-li
pitricu arazili s-gioacâ n-corú, di u-fitsea fustanea-li nveasti
atsea naua, s-anyilitseascâ ma mult di-eali.
Feim, arâvdā cât arâvdā pânâ tu sâhatea patruli.; mutri ninga
unoarâ stri-tserú sh-cum vidzu câ nu lu-deadi vārú dimânarú
107
pânâ tu-atsea oarâ, acljimā doi zapcii sh-li dzāsi:
-Alinatsi-vâ tu hoarâ, câftats-u sotsu-a melú Nacu sh-
dzâtsetsi-lj câ Feim va s-inâ la casa lui tu sâhatea shasili sh-
giumitati. Dzâtsetsi-lj c-al Feim lji-si featsi orixi di carâ friptâ
di noatinú sh-di râkia-lui atsea buna.
“Ma nu mi vrets voi, vâ voi mini” mindui elú; dupu tsi
s-agiumg mini, s-nidzets s-loats salzili di la Papa Nastasi, s-li-
adutsets tu casa-al Nacu. Alti salzi nu-amú di-iu s-li anikisescú
tu-aistâ oarâ.
Dzâtsetsi-lj al Papa Nastasi câ vâ pitricu Capidhanu Feim.
-Capidhane Feim, gri unú di zapcii, tsi s-fâtsem, cashticum
salzili nu va s-va ta s-yinâ cu noi?
-Em, tivikele, va-scutets tufekili sh-va si-li loats cu zorea!
Haidi, loatsi-vâ keafa de-aua!
Dit hoara-iu bâna Feim pânâ Pleasa di-ndzeanâ s-ira cali di vārâ trei cirecuri di oarâ fārâ si-lj vatsâ-nj calji. Dicāra fudzirâ zapcilji, Feim s-mindui s-neagâ si s-arucuteascâ niheamâ, câ shtea câ-atsea noapti va s-u fâtsea dzuúâ.
Cârvanea di furi
Unú oaspi, tsi ira ashtipatú cu-mari tinjie pi-ndauli numts, ira
armatolu cumândarú, Thanasi Nastu, unú di-naima gionjlji sh-
pirifanjlji rremenji-fârshirots dit districtu-ali Curceau.
Al Thanasi lji s-avea dusâ numa, pi tutú Balkanu ca-unú
inimos capidhanú di-armatoli, tsi si-alumta deadunú cu-alts
gionji armatoli, s-li ascapâ Epiru-Makidunia di shalvārili di
turcú sh-di oclji tamakiari di grecú.
Thanasi avea sum cumânduseari paisprâdzatsi di-armatoli,
108
tuts dit horili di-avigâra di Curceau, sh-bâna tu câlivi analtú tu
muntsâ-a Pindui. Cathi dzuâ, cathi noapti alâga pit hori di
bâga frica tu furlji turts i grets
Turtslji lji-avea loatâ lelea, sh-mash căndú-avdza câ ceata di-
armatoli-al Thanasi Nastu dipuna tu vārá hoarâ, s-tridzea dit
cali ta s-nu patâ tsiva daraveri.
Picurarlji dit Pleasa, Dishnitsa, Bubushtitsa, Poieni, Curceau,
Muskopuli, sh-alti hori di-avigâra ashtirati pi dzenili dit
muntsâ-a Pindui, âlj-aprukia armatolj cu harauùă, câ shtea câ
ma sunt-elj di-avigâra, nu va-lj cârtea , ni turtslj ni-gretslji
Tu atsea Dumānicâ di numts, Thanasi ira tu muntslji Sets,
nu mult alargú di câsâbālu di Curceau.
Niscānts picurari fârshirots, tsi li-tsinea oili tu muntsâlj Sets,
âlj dimândarâ al Thanasi s-yinâ cuampatra cu ceata lui, di
ispetea câ-unú cumandarú sârâkâceanú, cu numa Dhegas,
tsi dzâtsea câ easti grecú, alâga cu-unâ parei di vārâ optu
armatoli, tuts sârâkâceanj, pi la cutarili di fârshirots, ta si-lj
cârteascâ.
Cathi Sāmbâta ninti di-apiritâ, nidzea la itsido stani, cu
câburili-n-tru-mânji, u-anvigâra câliva iu durnjia picurarlji, sh-
acâtsa s-aurâ ca tsiva prici shcurtati di foami “ishāts dit câlivâ
câ va lj-u bâgām focú”.
Mâratslji picurari, doi, trei câts ira, ishea lâhtrâsits dit câlivâ,
cu oclji-mpiticats di somú, sh-nu shtea câtâ-iu s-ljiu da.
“ E, more, easti mash-nâ shacai “ dzâtsea cumandarú Dhegas,
“ama, ma nu vrets s-hibâ dealihea, adutsets tsintsi noatinj câ-
aveam ananghi. Haidits câ-acâtsā s-da soarili”, aura elú cu
inati sh-tindea mānjili câtâ elj cu câburili trapti, tish cānda
109
vrea s-li aminâ tu keptu-a lorú.
Thanasi avea avdzātâ di atselú cumândarú sârâkâceanú,
ama nu li-pistupsea tuti isturiili, câ minduia câ-un cumândarú
nu putea s-hibâ ahāntú fudzitú di minti.
Thanasi agiumsi tu muntslji Sets gioia câtâ siarâ sh-trapsi cu
ceata-lui la cutaru-al Cota-al Pala. Cutaru-al Coti, cama marili
namisa di tuti cutarili di-avigâra, nu fu vārâoarâ câlcatú di
sârâkâcenjlji furi.
Al Coti-al Pala lji s-avea dusâ zboru ti giunamea-lui, sh-câ nu
avea fricâ njitsi di-atselú lailu sh-niastimtlu, cu coarâ.
Urdina unú zború pit horili di fârshirots ti bushuru-al Coti; “e,
tish cānda mi-agudi bushuru-al Coti Pala” icâ, “s-ti-agudeascâ
bushuru-al Coti Pala”. Niscānts s-alâvda câ lu-avea vidzutâ
Coti cum u-fâtsea shcāmba cumāts ma u-agudea cu bushuru.
Coti avea ninga trei picurari tiniri, nâpots di-a lui, sh-tuts
shtea s-li minâ ghini câburili, ama avea sh-vārâ tsintsi cānj
māri, picurâreshti, tsi u-viglea tutâ stanea; nu s-aprukea vārú
dotú di stani pânâ nu isha picurarlji-n-cali.
Ti harauùa câ Thanasi Nastu trapsi la stanea lui, Coti tâljie
unú noatinú sh-lu bágā si s-frigâ pi sullâ. Nu s-avea adunatâ
cu Thanasi di vârâ doi anj; ira dolji-amintats tu hoara di
Pleasa shi si-shtea di-anda njits.
Cum shidea tuts avigâra di focu, iu s-fridzea noatinu, acâtsarâ
sâ zburascâ ti cârtearea tsi u-fâtsea aistâ ceatâ di furi
sârâkâcenj, n-capú cu cumandharu Dhegas.
Coti tamam tsi vinea dit câlivâ sh-acâtsā s-ampartâ putiri
njits, di lemú, ti tuts oaspitslji; dinâpoia lui, vinea nipotu-su
Piricli, sh-li-umplea putiricili cu râkie
110
Coti lu-anâltsā putiru sh-dzāsi:
-Ghini vinitú tu stanea-meau. Himú tu stâmāna di numts. Tu
hoara noastâ Pleasa, avem dau numts.; aidi s-kirdâseascâ
tinirlji, sh-cum lu-curmā zboru u-biu râkia.
-S-kirdâseascâ tinirlji yranyiadz, grirâ sh-alants n-coru sh-u
biurâ râkia. Dupu vārú kiro, gri Thanasi
-Ore, cari-ari vārâ hâbari ti câts-armatoli ari aistú
cumandharú sârâkâceanú cari s-pari câ i-fudzitú di minti.
-Mini, gri Coti, am-avdzātâ, câthi vloarâ yinu tsintsi, câthi
vloarâ doisprâdzatsi; cai u-shtii! Ma s-inâ la mini, s-yinâ sh-
tsindzāts, câ-u s-li kisedzú capu la tuts aurā elú, sh-cum aura,
lo cu māna stāngâ unâ shcāmbâ di-mpadi sh-u-agudi cu
bushurú, cu-ahāntâ inati, di cripā; u-agudi ninga unoarâ di s-
featsi shcāmba cumāts. “Ia, dip-ashâ u-s-li kisedzú capitili”
aura Coti cu inati.
Coti, tish cānda u-tsinea inatea ascumtâ tu keptú, ama cāndú
lji-ascâpa nafoarâ, acâtsa di lji-s-ashtira pi sufrântsealili-a lui
lāi sh-ândisati; dapoia, dipuna pisti bratsâli kiuturoasi di
s-aduna tu-avdzātili bushuri; acuplusiti di-inati, bushurili, lji-
acriscurâ ca-niscānti curcubeti. Niscānts armatoli sh-featsirâ
cârutsea.; avea avdzātâ di bushurili-al Cota Pala ama nu
li-avea vidzutâ.
-Em, avdzāi câ mash tu stanea tau nu-ari vinitâ cumandaru
cu sârâkâcenjlji-a lui, dzāsi Thanasi. Nu pistupsescú câ-ari
vārú ahāntâ bâruti si s-aproaki di “curcubetili”-a tali di
bushuri, sh-cum zbura, acâtsā castilea s-arādâ ta s-lj-u
moalji niheamâ inatea-al Cota.
-S-inâ elj mea u s-fugâ de-aua cu capitili kisati, dzāsi elú cu
111
boatsea ma-ashtiratâ sh-acâtsā s-arādâ.
-Mi minduiam, lu-dusi zboru ninti Thanasi, māni di tahinārili,
s-dām zború pit hori, iu bâniadzâ sârâkâcienj, câ tini Cota
u-s-fudz di Viniri dupu prāndzu, s-nedz la numtsili di Pleasa, s-
ti adunj sh-cu soia tsi-avea vinitâ di-naparti.
Māni di tahina, mini u-s-pitrecú trei oaminj di-amelj, tsi
zburāscú gârtseashti, tu-ndau hori-iu bâniadzâ sârâkâcenj;
u-s-tragâ la vārâ dukeani, s-bea vārâ cafei, sâ zburascâ cu
boatsi ma-analtâ, câ celnicu Coti Pala, u-s-nidzea Pleasa di
Viniri siarâ.
-Ore, di tsi mileti urutâ sunt aici Sârâkâcenjlji, arsâru Piricli,
nipotu-su-al Coti.
-Em, nu-easti mileti urutâ, gri Thanasi; si spuni câ-ira sh-elj
fârshirots ca noi, sh-taha cama veclji picurari tu Balkanú, ama
ninti di Hristolu, vinirâ di s-amisticarâ cu gretslji, sh-heamâ
câthi niheamâ, u-agârsherâ limba-lor di dadâ shi s-featsirâ
grets. Aisti li-shtiu di la tatâ-njiu Kendra.
Tora, sâ zburām ninti, ti lucru-a nostú. Tini Cota, Viniri pi la
sâhatea unâli, u-s-ljei Piricli cu tini sh-u s-loats calea câtâ
Pleasa; la stani o-s-arâmānâ mash Spiru sh-Miha. Hiu sighura,
dzāsi Thanasi, cumândharu u-s-pitreacâ unù, doi oaminj dea-
lui ta s-veadâ câ-dealihea ai fudzitâ Pleasa; vāhi va s-ti veaglji
di-aynanghia câ tsi fats sh-câtâ iu nedz.
Tini s-nedz pi calea di Pleasa vārâ dau, trei sâhāts ama
s-nu lu-shuts ici capu. Dapoia, cama pi-siarâ, s-ti tori pi-altâ
cali, câtâ stani; u-s-ti-aproki di stani sh-o s-ti adunj cu
oaminjlji-a melj la keatra atsea marea, di dinâpoi di cutarú.
Mini cu oaminjlji-a melj, tuts paisprâdzatsi, u-s-fudzim Viniri
112
di-tahina la cutaru-al Mandi Pitu; va s-ni curmām aco pânâ si
s-nupteadzâ sh-dapoia u-s-ni turām nâpoi-aua, tu stani.
Mini minduiescú câ furlji, vāhi u-s-ni agudeascâ Viniri
noaptea tu locú di Sambâtâ, ninti di-apiritâ.
-E, multú ghini li-minduish tuti, dzāsi Coti. Aidi stā tora
niheamâ s-ts-u curnj mintea. Ia, noatinu easti dip hâzāri. Cum
zbura Cota, Piricli acâtsā s-da la tuts cāti-unú piatù tesú di
lemú.
-Aidi, Thanasi, fâ-nj tinjia sh-ahurhea tini prota. Ia, ljia-aistú
câtsutú.
-Ore, tsi lu-vrei câtsutu, lj-u-shutsā Thanasi. Mash atselj di
Curceau mācâ cara di njielú cu câtsutu, sh-cum zbura,
s-aprukiā di noatinú, arupsi unâ cumatâ di zvercâ
sh-ntroarâ acâtsā s-mācâ.
-Bo, Bo, Bo tish tu inimâ mi-agudi aistâ njiurizmâ di noatinú
friptú, scâpirā elú oclji, tish cānda vrea s-u mâca cumata di
carâ nu mash cu gura ama sh-cu oclji.
Mâcarâ tuts tu sâhii. Cāndú sh-cāndú, Piricli li-umplea
putiricili di râkie sh-aruca sh-câti-unú lemú tu focu. Tsi-cāra
avea tuts tâmbārili pi-elj, ama arâcoarea di siarâ sh-vimtu
aratsi âlj cârtea pi tuts.
-Māni siarâ dzāsi, Thanasi, mini u-s-mi-ascundù nuntù tu
câlivâ. Dolji ficiori tsi-o s-arâmānâ aua tu stani, si-sh facâ
lucru-a lorú pi ninga stani ashā cum lu-facú cathi dzuâ.
Cashticum, cumândarú Dhegas u-s-pitreacâ tsiva oaminj dea-
lui ta s-veaglji di-aynanghia, câ tsi s-fatsi tu-stani,
s-dukeascâ câ nu-ari alts picurari di-avigâra. Tini Cota, cu
sotslji-a melj, va stats ascumsh dupu keatra atsea marea cu
113
tut cu calj. Anda u-s-yinâ zuru di Dhegas cu furlji-a lui s-caftâ
noatinj, unù di ficiori u-s-iasâ dit câlivâ s-antreabâ câ, cari hits
voi di ni-cârtits.
Cumandharu Dhegas, pistupsescú câ va-lj greascâ tsiva-a
ficiorui, sh-tamam atumtsea u-s-iesú mini pi napandica dit
câlivâ, sh-o s-lji-aminú dauli câburi-a meali tu keptú.
Hiu sighura câ-anda u-s-lu veadâ cumândharu-a lor vâtâmatú
pi furi u-s-lj-acatsâ lâhtarea sh-o s-arâmânâ limnusits ti
niheamâ di-oarâ; pânâ si s-dishteaptâ elj dit-atsea mintiturâ,
voi u-s-dats pi calji, sh-cu câburili trapti, o-s-aurats “ datsi-vâ
acâtsats ma vrets s-apirits sh-dzua di māni”. Eh, lāi Cota, tini
tsi dzāts? Nj-easti bunâ minduiarea
-Multú bunâ easti, gri Cota, ama ma s-nu yinâ ici ? Ma
s-neagâ s-agudeascâ altâ stani?
-Em, tora noi shtim câ aistú Dhegas mizi-ashteptâ unâ ipuhii
s-ti-agudeascâ tini, câ tsi s-i dusi zboru câ nitsi di atselú cu
coarâ nu ts-easti fricâ, em dapoia di cumândharu
Dhegas, sh-cashti cum u s-agudeascâ tu-altâ stani, u-s-ni
minām irushi ta s-lji-acâtsām. Cutarili nu sunt mult alargú unù
di-alantú; cama alargù easti cutaru-al Tsili-al Tsatsa, ama ti
trei cirecuri di-oarâ, ma s-dām sânâtos pi calji, u-s-lji-
angiundzem; u-s-pitritsem zboru ti tuts picuralji-a noci câ
Thanasi cu ceata-lui sunt di-avigâra; atselj tsi u-s-hibâ agudits,
s-facâ unú foc mari si s-veadâ fumu di-alargu. Noi u-s-ni
minām irushi câtâ iu o-s-videm fumu.
-Em, multù ghini ti-minduish! Ti-atsea ti-acljiamâ Thanasi
Nastu, gri Cota.
-Em ghini cāra. Aidits tora s-bem ninga unâ râkie s-ni fugâ
114
arâcoarea ta s-putemú s-durnjimú ghini.
Stanea-al Cota ira mult mari sh-avea câtâ dinâpoia-li stani
unâ ahuri castilea ti-oaspits.
Cota avea bâgatâ vārâ yingjits dushecuri umpluti cu palji sh-
anviliti cu ciordz, alti albi, alti roshi, alti murni, alti kindisiti cu
hromi-amisticati. Tu-unú capu sh-tu-alantú di-ahuri, avea
câthi-unâ sinduki mplini cu kilimi tsisuti dit lānâ.
Nafaoarâ di-ahuri, avea spindzuratâ, di-unú parú analtú, vârâ
trei cuvâdz ti-apâ, tsi u-purta oaspitslji dit-unú arāu tsi cura la
dzatsi minuti pirpadi. Cota durnji tu câlivâ cu trelj ficiori.
Noaptea tricu ghini fārâ vārâ cârteari. Ira tuts curmats sh-
durnjirâ ca tsiva shcāmbi kiruti pit cāljiuri.
Soarili cât sh-lj zdicljisi oclji ta s-veadâ câ tsi fatsi pisti locú
anda Cota ishā dit câlivâ, apreasi focu sh-bâgā lapti ta
s-hearbâ. Adusi dit câlivâ vārâ yingjits sani di-cingú
sh-dau cârvelj di-pāni sh-li-ashtirâ tuti pi measa di-lemú.
Dapoia, pi-unâ pirustrii bâgā unâ câldurushi ta s-facâ cafei.
Dupu vārâ dau cirecuri di-oarâ, njiurizma di-cafei “lji-angânā”
oaspitslji di-aco dit-ahuri, di-acâtsarâ, unù câti unú, si
s-adunâ avigâra di misali.
Soarili cānda s-ayunjiusea sh-elú si s-aproaki di measa di
lemú, si s-diznjiardâ tu-vārú cingú di lapti dinjicatú sh-ta
si-sh moalji arazili tu-vārâ filigeanâ di-cafei.
Atsea njiurizmâ di cafei turtseascâ li-hârâsea tuti nârili, nu
mash atsilor tsi shidea avigâra di measa di-lemú, ama sh-a
oilor dit cutarú tsi ti ciudii, stâtea cu nārili-ndzeanâ.
-Aide, aide, gri Thanasi, cum mutrea câtâ dzenili di munti,
115
lapti dinjicatú cu njiurizmâ di-cafei turtseascâ-n-dultsitâ cu
kicuti di-apiritâ, dzeni di munti muljiati tu lunjinâ aroshi di
soari...cari u-s-dzācâ câ nu-agiumsim tu Paradhisú.
-Aidi, s-vâ-am tuts hâriosh, gri Cota cum tsinea filigeana di
cafei tu mānâ; tuti s-ni s-andreagâ, cum li-bâgām asiarâ pi-
aradhâ.
S-andreapsirâ tuts sh-ti giumitati di sâhati oaspitslji fudzirâ.
Cota cu trelji ficiori acâtsarâ sâ scoatâ oili dit-cutarú s-li pascâ
di-avigâra di-stani.
-Tini Piricli, gri Cota, o-s-fudzim ti-ninga niheamâ di-oarâ. Voi
dolji, gri elú câtâ Spiru sh-Miha, s-vâ mutrits lucru di
cathi dzuâ; u-s-ni turām astarâ ashā cum lu-andreapsim
zboru-asiarâ.
Scutidea acâtsă si s-ashtearâ pit cohiurili dit stani. Aumbrili
sh-lunjina, tsi shidzurâ tutâ dzua tu-muabeti di-avigâra di
stani, s-loarâ mānâ di mānâ shi s-trapsirâ di pi locú câtâ
ascâpitatâ.
Spiru sh-Miha li-cljisirâ oili tu cutarú, sh-dupu tsi tsinarâ pi
measa di lemú, intrarâ tu câlivâ.
Vāhi s-dusi sâhatea nauli anda scutidea u-ascumsi stanea
sum poalili-a ljei lāi, tish cānda vrea s-u-afireascâ di furi.
Isâhia, dipunā sh-iia dit dzenili di munti sh-turba di harauùă
câ nu-avea vārú bâruti, ni om, ni prici, s-u cârteascâ.
Luna, tsi cathi noapti fâtsea muabets cu lutseafiru, mutrea ca
vārâ filii galbinâ di himinicú, ama vāhi fânâtitâ di tut-atseli
sh-mata-atseli isturii, s-anvili cu-unâ kilimi di niori lāi, sh-
neasi di s-bâgā.
116
Cānjlji durnjia sh-elj mash cu-unú ocljiú; cu-alantú ocljiú
sh-cu urecljili zdifapti u-vighljia stanea.
Târcurâ vārâ trei sâhāts di-cāndú Spiru sh-Miha intrarâ tu
câlivâ. Thanasi, ira sh-elú tu câlivâ sh-tut sh-li-ashtirdzea
câburili cu-unâ peaticâ di lānâ.
-Nu shtiu câtse, ama easti tsiva tsi-nj spuni, câ Dhegas o s-ni-
agudeascâ tora noaptea, gri elú cu-unâ boatsi aplicatâ.
Luna s-dizvâli pi giumitati di kilimea di niori, sh-virsā pisti
locú, unâ câldârushi di lunjinâ.
Tamam atumtsea, dit pâdurea di fadz, di-nghios di stani, ishā
unâ aumbrâ tsi s-lundzi pisti locú, vārâ tsintsi ceapi di omú.
Dupu-aumbrâ, ishā unâ ursâ cât câliva-al Cota di-analtâ; ashā
s-pârea tu atsea scutidi, tsi câtú u-avea pruscutitâ luna cu
lunjina dit câldârushi.
Ursa, acâtsā s-imnâ câtâ stani, mash pi cicioarili di dinâpoi,
tish cānda vrea s-li misoarâ ceapili; nitsi nu-apucâ s-facâ
dzatsi ceapi, câ-acâtsā s-avdā alâtratú di cānj tsi yinea di câtâ
stani; alâtratu s-avdza tish cānda avea-ncâlicatâ unâ palâ di
vimtú tsi s-aprukia avrapa.
Ursa, sh-lu teasi niheamâ capu câtâ ninti sh-vidzu tsintsi cānj
cum yinea câtâ nāsâ ca niscānti fishecuri aminati di câburi; s-
turâ n-troarâ, sh-intrā tu pâduri.
Tamam tsi cârtsinirâ cānjlji di la stani câtā ursâ, dit-alantú
cohiú di pâduri, ishā tu padhi unâ ceatâ di-armatuladz, pi calj,
tsi cârtsânirâ câtâ câlivâ, tish cānda-âlj dutsea vimtu. Unú di
elj, tsi-ira ma dininti, tsinea-ntru-mānâ unâ pirâ tsi lj-u tukea
scutidea dit cali.
Locu-acâtsā si s-cutramburâ di troputu-a caljilor tsi sh-lu
117
mâca locu di sum cicioari, tish cānda ira-agiunats di meshi di
zāli. Isâhia, cât-u-avea acâtsatâ somú tu sârmânitsa-li scutidi,
ama si sculā lâhtrâsitâ di-âsh-lo peru câtâ dzenili di munti, iu
s-ascumsi tu-unâ pishtireau.
Thanasi, cripā niheamâ usha di la câlivâ sh-mutri nafaoarâ.
Videa câtâ nastānga cānjlji tsi s-dipârta di stani sh-câtâ
nandreapta, atsea pirâ tsi s-aprukea di câlivâ.
-Ni-agudescú tora, gri elú câtâ dolji ficiori. Nu vedú dotú
câts calj sântú, ama dupu cum bati locu, va-s hibâ ma mults di
dzatsi. Tini, Spiro s-ieshi nafoarâ anda o-s-acatsâ furlji s-aurâ
ca zurlji. S-nu tsiva di s-tsâ tramurâ boatsea, ta s-dukeascâ
Dhegas câ frica nu sh-lu-aflā locu tu stanea-al Cota-al Pala.
-S-nu-ai ananghi lali Thanasi, gri Spiru.
Nu bitisirâ ghini zboru câ locu di sum câlivâ acâtsā si
s-cutramurâ tish cānda s-fâtsea vārâ minari di locú.
Dupu cum s-avdza troputu, furlji âlj-alâga calji di-avigâra di
câlivâ; s-avdza cum-aura sh-dâdea pi-elj ca zuri.
-Ishets nafoarâ câ va lj-ubâgām focu-ali câlivi, s-avdzā unâ
boatsi ahândoasâ. “Aistù va s-hibâ atselú tsi u-tsāni pira,”
mindui Thanasi; “ma s-hibâ cumândharu Dhegas sh-ma ghini,
câ va lj-uvedú fatsa tu lunjina-li piri”.
Troputu di calj nu kinduri ici. Spiru sh-li hipsi dauli câburi di
dinâpoi, sum tâmbari, sh-ishā nafoarâ.
Furlji ninga dâdea pi calj sh-lji-alâga di-avigâra di câlivâ. Mash
atselú cu pira shidea pi calú dinintea-li câlivi.
-Ore, cai hits voi di-aurats ca fudzits di minti tu-aistâ oarâ?
aurā cu inati Spiru. Aidi, dânâsits calji câ-nji yini mintea
di-avigâra.
118
-Bo, Bo tsi gioni ficiorú eshti tini bre, gri atselú cu pira. Vâhi
eshti di Palanjlji, taha s-ciudusea elú. Ei, Ei, dânâsits calji, aurā
elú câtâ-alants armatuladz; atsishtui gioni-âlj yini mintea di-
avigâra, sh-cum bitisi zboru, lj-ascâpā unù-arāsù tsi lj-u featsi
gura ma mari ca-usha di la câlivâ. Alants dânâsirâ calji, s-
aprukearâ ca ciudusits di cumândharu Dhegas, sh-acâtsarâ
sh-elj s-arādâ.
-Ore, Dhegas, gri unú di furi, aproaki-u niheamâ pira di fatsa
atsishtui gioni ta s-videm ma-lj fudzi ninga, capu di-avigâra;
acâtsarâ nâpoi tuts s-arādâ tish cānda-arāsui nu lji si bitisea
hiru. Spiru-âlj mutrea furlji ca ciudusitú; nu putea
s pistupseascâ câ-atselj oaminj, tsi-arâdea di s-avdza ma laiú
ca troputu di calj, ira furi.
Ti ciudii, al Spiru-ālj yinea sh-a lui s-arādâ. Arāsu-a furilor, tsi
lji-anvigâra urecljili, lu-acuplusi di dip, sh-fārâ di s-va, lu-
ascâpā sh-elú arāsu. Furlji, anda vidzurâ câ Spiru arādi,
acâtsarâ s-arādâ sh-ma multú, sh-dapoia, ma multú arâdea
shi Spiru.
-Bo, Bo gri Dhegas, sh-mizi kinduri s-arādâ, ânj-si virsarâ tuti
lācrānjili di-ahāntâ arâdeari.
Thanasi videa dit câlivâ, pit cripitura di la ushâ, câ tsi
s-fatsi nafoarâ. “Em cāra, tini eshti cumândaru atselú zuru”
mindui elú; “aidi arādi, arādi pânâ s-ti pitrecú mini tu-alantâ
etâ s-arādz”
-E, lāi gioni ficiorú, gri Dhegas. Cum vedz, aistâ easti mash
unâ shacai, ama, ma nu vrei s-hibâ dealihea, dā-nj dzatsi
noatinj, câ-am ananghi.
Spiro s-aprukiā niheamâ di Dhegas, sh-cum lu-mutrea, dzāsi:
119
-Em cāra, tini hii avdzātu cumândharú sârâkâceanú Dhegas,
cānda s-ciudusea elú.
-E, lāi gione, mini hiu! Tsi ti ciuduseshti ahāntú? Aidi tora,
nâmalú cu shacāili. Grea sh-a sotsu-tui s-iasâ nafoarā, câ am
ananghi di dzatsi noatinj. Dapoia, sh-lu shutsā capu câtâ-
alants furi sh-gri ca ciudusitú
-Ore, tsi minti ari sh-aistú celnicú Pala di-alâsā mash doi
ficiurits s-mutreascâ unâ stani ahāntú mari!
-Câtse, di-iu shtii tini de, câ himú mash doi, lj-ushutsā Spiru.
-Câ mini hiu cumândharu sârâkâceanú Dhegas, sh-li shtiu tuti,
aurā elú shi sh-u aprukiā pira di fatsâ, dimecâ ta s-lji si veadâ
ma ghini.
Nitsi nu sh-lu bitisi sârâkâceanú zboru câ Thanasi âlj deadi
unâ spindzurâ-ali ushi, di-arâmasi câliva fārâ di ushi, arsurâ
tish dinintea-al Dhegas cu dauli câburi trapti, sh-aurâ:
-Sh-mini hiu cumândharu Thanasi Nastu, sh-cum aura,
li-aminâ dauli câburi câtâ Dhegas; unú fishecú lu-agudi tish
namisa tu frāmti, sh-alantù tu keptú.
Luna s-dizvili tutâ di kilimea di niori, tish cānda vrea
s-mutreascâ sh-nāsâ câ tsi s-fâtsea tu-stani.
Iholu di fishecuri s-teasi pisti pâduri sh-câtâ dzenili di munts.
Isâhia, tsi ira ascumtâ tu pishtireau, sh-lo peru sh-cârtsâni ca
zurâ stri-munti.
-Datsi-vâ acâtsats, s-avdzā boatsea vârtoasâ-al Cota, sh-
boatsea alântor sots-al Thanasi. Anda-avdzārâ cum aurā
Thanasi, “sh-mini hiu Thanasi Nastu”, tuts armatolji-al
Thanasi, deadun cu Cota sh-Piricli, ncâlicarâ sh-cârtsânirâ cu
câburili trapti, câtâ câlivâ; s-aprukiarâ sh-lj-anvigârarâ tuts
120
sârâkâcienjlji, ama ti ciudusearea lorú, furlji nu s-minarâ ici;
cum ira pi calj, mutrea ca niscānti ayalmi limnusiti,
nmârmurisiti.Tuts mutrea sfuldzirats câtâ Dhegas, tsi ti
lâhtarea tutâlor, nu câdzu di pi calú; mānjili âlj câdzurâ pi-
ninga trupú, ama pira nu-lj câdzu di-ntru mānj.
Târcu vārâ giumitati di minut, ama trupu-lj shidea ninga
andreptú pi calú. Oclji māri, lāi, lji-arâmasirâ zdicljish tish
cānda mutrea tsiva tsi nu-avea vidzutâ vārâoarâ tu bana lui.
Thanasi tsi mutrea sh-elú cu nipistupseari, sh-li bâgā câburili
tu bārnú, s-aprukiâ di calu sh-lo pira dit māna-al Dhegas; u-
anâltsā pira câtâ fatsa-lui nmurmurisitâ, sh-cât s-aprukiâ
niheamâ ma mult, Dhegas câdzu pi pâltāri, pi skinarea calui,
tish cănda-âlj fu fricâ s-nu lji si-ardâ fatsa. Tuts tsi-ira di-
avigâra sh-featsirâ cârutsea; nu grea vārú; mash di-aynanghia
s-avdza cānjlji tsi ninga alâtra pi-ursâ.
-Cota, ljia doi oaminji sh-fudz di-adu ursa n-culea, âlj gri
Thanasi-al Cota; s-pari câ-ursa easti unú furú alâxitú tu keali
di-ursâ sh-avea tu minti si-lj ducâ cānjlji alargù di stani.
Aidi mutrits ghini!
-Cu-aici tsi o-s-fitsem, lu-antribā Cota pi Thanasi, ma nu
lu-ashtiptā s-greascâ tsiva, sh-lu dusi zboru ninti; anda o-s-mi
torú cu “ursa”, o-s-li kisedzú capitili la tuts; cum zbura,
s-aprukiā di-unù furù sh-lj-u-údeadi cu bushuru n-capu. “ia,
ashā! “, aurā elù cu inati. Furu s-aplicā ninti pi calú sh-arâmasi
cu capu spindzuratú pi ninga gurmadzù-a calui tish cānda lu-
acâtsā somu; “s-ti scolj cāndù u-si-ts grescù mini” dzasi elù,
sh-cârtsâni câtâ pâduri cu ninga doi oaminj
Thanasi nu dzāsi tsiva ama unú sumarās lji si-ashtirā pi fatsâ;
121
s-i shutsā câtâ ceata di furi sh-li gri pi limba gârtseacâ:
-Aidi zdicâlicats! Câburili sh-bārnurili cu fishecuri arucatsili
atsia ninga câlivâ.
Mults di sârâcâcenj u-adukia limba armâniascâ ama mash
putsānj di-elj u-zbura. Zdicâlicarâ tuts fārâ s-greascâ vārú
zború sh-li-arucarâ tuti câburili cu tut cu fishecuri ninga
câlivâ.
-Aidi ficiori, li-gri Thanasi-al Spiru sh-al Miha, adunatsili-li tuti
câburili tu-unú trastú sh-bâgatsú tu câlivâ.
-Voi, gri elú câtâ furi, shidets-mpadi unù ninga alantú cu
mânjili pi-capu. S-nu tsiva s-vâ minduits ti-vārâ cârteari câ
va s-vâ dau pi māna-al Cota.
Dapoia li-gri la doi oaminj dea-lui, s-lu ljia Dhegas di pi calu, s-
lu-ashtearâ-mpadi dinintea-furljor.
Ti niheamâ di-oarâ vini sh-Cota cu “ursa” tsi-ira bâgatâ di-
amplatea pi-unú calú.
-Ia, lāi Thanasi, ts-u-adush “ursa”; mizi u-dipunai di pi
pomú, câ lj-ira fricâ di-cānji, ama tora, u-bâgai niheamâ tu
somú câ u-avea luatâ lâhtarea mârata “ursâ”; trâmura tutâ câ
nu dânâsea cānjlji s-u-anjurdzeascâ.
-Ore, Cota, gri Thanasi cu sumarāsú pi fatsâ, nacâ lj-u kisash
capu!?
-Em, mash pi-giumitati, dzāsi Cota, ta s-u bagú niheamâ tu
somú.
-Aidi tora si-lj bagú sh-aici alants tu somù, dzāsi elú sh-acâtsā
s-imnâ câtâ-iu shidea furlji.
-E, moi Cota stā niheamâ s-ti curnji, âlj gri Thanasi. Ia, tsi o
s-fitsem: mini-am avdzātâ, câ Pulitsia turtseacâ di Curceau, u-
122
câfta di-vārú kiro ceata-al Dhegas, tsi-avea faptâ multi cârteri
pit tuti horili di sum districtu di Curceau. Dhegas ari vâtâmatâ
sh-oaminj dea-locui.
- E dzāsi Cota, li-shtiu sh-mini aisti lucri; tsi dzāts tini
s-fâtsemú?
- Di-aua pânâ Curceau s-hibâ dau sâhāts di cali. Mini sh-ashâ
aveam tu minti s-dipunú Curceau s-u vedú sor-mea Hrisula
Nu-am vidzutâ di-antsārtsú ti Cârciun. Mini cu sotslji-a melj
o-si-lj dutsem tuts aici furi, Curceau. Cu aistâ furnjie, o-s-li-
ndriptām niheamâ lucrili sh-cu autoritātsli turtseshti ta
s-ni-alasâ rihati s-ni mutrim lucru-a nostú.
O-s-pârnjim di-aua ti-unâ sâhati anda o-s-acatsâ soarili
s-da niheamâ pirâ.
Aidi tora s-li ligām mānjili la furi shi s-lji-alinām pi calj. Cum
sta pi-calj, va li-ligām sh-cicioarili unù di-alantú pi sum
pāndica-a calui sh-calji va-lj ligām unú di-alantú; o-s-fitsem
unâ soi di cârvani di furi. Oaminjlji-a melj o-s-neagâ-ncalaru
di-unâ parti sh-di alantâ-ali cârvani. Tsi dzāts!?
-Ore, Thanasi, anja Dumidzālu-ânji deadi bushurili māri ca
niscānti curcubeti, ama atsāia ts-u deadi mintea cātú muntili
di mari. Mizi ashteptù s-ni-adunām Dumānicâ pi numtâ, s-li
zburām tuti pi-aradhâ; cum zbura lji si-umplurâ oclji di
lācrânj.
-Ashā o-s-fitsem, dzāsi Thanasi. Aidi tora s-lj ligām furlji, ama
mutrea-ts ghini “curcubetili”, s-nu tsiva di-bagâ vārú furù tu-
somù.
-Em, ma si-nj dzācâ vārú di-elj câ lji-easti somú, o-s-lu agiutú
mini-ntroarâ.
123
Thanasi zburā sh-cu oaminjlji-a lui câ tsi-avea tu minti sh-
deadunù u-bâgarâ pi-cali cârvanea di furi.
“Ursa” u-ligarâ di calú ashā cum-ira di-amplatea. Vru “ursa”
s-greascâ tsiva, ama Cota, cu bushuru-a lui, u-bâgā nâpoi
“ursa” tu-somú ti niga vārâ dau, trei sâhāts.
Tut-ashă di-amplatea lu-ligarâ sh-cumandharu Dhegas sh-lu-
bâgarâ tish dininti. Calu cu “ursa” lu-bâgarâ dip dânâpoi.
Ninti s-pârnjiascâ, Cota li-dzāsi la tuts sotslji-al Thanasi si s-
toarnâ la stani ta si sta Sāmbâtâ sh-Dumānicâ, pânâ si
s-tura Thanasi di la numtâ.
Ma mults di-elj dzāsirâ câ va si s-toarâ la stani.
Cârvanea pârnji tamam tsi soarili-acâtsā s-li kindiseascā
dzenili cu hromâ di purtucalji.
Anda-agiumsirâ Curceau, sâhatea s-dusi optuli tahina.
Oaminjlji pit sucāki, pi-iu târtsea cârvanea di furi, kindurea
ciudusits. Agiumsirâ fārâ vārâ kideri la Tsentru-ali Pulitsie
turtseascâ, iu u-kindurirâ cârvanea tamam dininti.
Thanasi cum-ira pi calu, s-aprukiā di poarta di hierú, sh-aurâ
pi limba turtseascâ. “ Zdicljidets-u poarta s-intră cumândharu
Dhegas cu ceata lui”, sh-cum aura bâtea cu bushuru tu poarta
di hierú.
-Cari hii tini ?,s-avdzā boatsea unui zapciú di-nuntú.
-Mini hiu cumândharu Thanasi Nastu di-Pleasa, dzāsi elú.
Nitsi nu târcu unú minutú, câ tutâ sucakea fu-anvigâratâ di
zapcii cu tufekili n-tru-mānji.
Poarta di-hierú s-zdicljisi sh-ishā n-cali cumândharu-a
tsentrui, tsi dupu surati s-videa cama tricut di likie.
Thanasi zdicâlicâ shi s-aprukiā di cumândharú.
124
-Mini hiu Thanasi Nastu, gri elú. Ts-u lu-adush pi Dhegas
sârâkâceanu sh-ceata lui; lji-acâtsăm tu stanea-a celnicui
Cota-al Pala.
-Mini hiu Osman Bei, cumândharu-a tsentrui-ali pulitsii di
Curceau, sh-cum zbura lu-misurā pi Thanasi dit capú pān-tu
cicioari, tish cānda nu pistupsea cā easti ahāntú shcurtú tu
boi.
Dupu cum ts-u-am avdzātâ numa, dusi elú zboru ninti, ti
mutreamú s-hii cât poarta aistâ di-analtú. Tini o-s-eshti
ficiorú-al Kendra dascalu, u-shutsā elú pi limba armâniascâ,
dipú cum u-zbura pleasotslji.
-E, mini hiu atselú ficiorú tsi nu para sta tu-aumbra tatu-sui
gri Thanasi.
-E, avdzāi câ ts-arâsea di-anda njicu aumbra di fadz,
lj-u-shutsā Osman. Kendra, tat-tu, lu-aveam sotsú di
muabets, tora sh-vārú kiro. O s-fitsem altoarâ muabeti ti-aisti
lucri.
-Cari easti cumândharu Dhegas tsi lu-avinām noi di-vārâ trei
anj, antribā elú, sh-mutrea cu nipistupseari câtâ cârvanea di
furi.
Thanasi imnâ cātâ calu-al Dhegas sh-dzāsi:
-Ia, aistù easti, ama lu-ljirtā Dumidzā tish-aco tu stani.
Osman Bei, s-aprukiā, sh-gri, cānda zbura cu Dhegas “mari
tihi-avush câ nu ti-acâtsarā yiu”. Vream mini s-ti ljiertú, cum
ti-ljirtā Dumidzālu-a tālú, câti cripāri nj-ai faptâ.
Dapoia, imnā pi-avash pi ninga cârvanea di furi, shi-lj mutrea
tuts cu-ananghi.
Anda agiumsi la calu di dinâpoi, iu shidea “ursa” di-amplatea,
125
kinduri sh-acâtsā s-arādâ.
-Nu shteam câ Dhegas tsāni sh-unâ “ursâ” tu ceata lui, dāsi
elú sh-mutri câtâ Thanasi. Ursa” cai u-ljirtā?
-Nu u-ljirtā vārú, mash câ celnicu Pala u-bâgā niheamâ tu
somú cu bushuru-a lui ca vārâ curcubetâ.
-Eeee, am avdzātâ isturii cu bushuru-al Cota, s-ciudusi
Osman, sh-pârnji s-arādâ. Tu-unâ dzuâ o s-mi-alinú la stanea-
lui ti-vārâ cafei...
-Sh-ti vārú noatinú fripitú pi-sullâ avdapsi Thanasi. Dā-ńi di
hâbari sh-o s-inu sh-mini, dzāsi elú sh-lu mutri Osman cu
sumarāsú.
-Tsāni-u zboru, gri Osman Bei sh-cum imna câtâ oaminjlji-a
lui, li-aurā:
-Luats-u cârvanea di furi tu-uború! Dipunats furlji di pi calji
sh-bâgatslji tu-hapsea atsea marea!. Calji dutseslji tu ahurea-
li Pulitsii! Dapoia s-aprukiā nâpoi di Thanasi.
-Tini aidi cu mini-ndzeanâ, s-bem unâ cafei; lipseashti
s-dai unâ declaratsie ti-cum s-tihisirâ tuti lucrili.
-Sh-oaminjlji-a melj? antribā Thanasi.
-Em, ma ti-amú tini nu-am ananghi di-oaminjlji-a tālj;
s-neagâ iu s-va ama, s-nu nj-aducâ tsiva cripāri câ o si-lj bagú
deadun cu furlji-al Dhegas.
-S-nu-ai ananghi, dzāsi Thanasi, aici oaminj sāntú ca fratslji-a
melj.
-Mini lipseashti s-dau unâ declaratsii, li-gri Thanasi, ti cum s-
tihisirâ lucrili cu Dhegas sh-ceata lui. Voi fudzits s-vâ
discurmats cum vâ va kefea ama, martsea siearâ o s-ni
adunām tuts la stanea-al Cota. Aidi, s-ni videmú ghini.
126
-S-trets ghini pi numtâ, dzāsirâ niscānts, sh-lu-alâsarâ
Thanasi-ntru-mānjili-al Osman Bei.
Dupu vārâ dau sâhāts di muabeti cu cumândharú Osman,
Thanasi lo calea câtâ casa sorsa-i Hrisula, tsi ira mârtatâ la
Thanasi Trandu. “O s-mi bagú s-dormú tutâ dzua” mindui elú.
Unú anghil laiú
Thanasi avea ninga trei frats, Busha, Margarit, Dincu sh-ninga
unâ sorâ, Hrisafia, tsi bâna tuts tu-Amerikie, di vārâ tsintsi
anj; ira sh-elú dus tu-Amerikie, tu câsâbālu Saint Louis, iu-
shidzú mash doi anj sh-vāhi va stātea ma multú ama hâbārili
tsi vinea dit Curceau, nu ira ici buni.
Tu anu 1905, dip ninti di Pashti, tu-unú njiedzú di noapti,
dispoti grecú di Curceau, pitricu unâ ceatâ di-antarts grets si
s-alinâ Pleasa, di li-arsirâ tuti cârtsili rumuneshti dit
bâsearica. Pi Nastasi Preftu, lu-scoasirâ dit casâ cu zorea sh-lu
dusirâ tu-uboru-ali bâsearitsi; li-scoasirâ tu-uború tuti cârtsili,
li-featsirâ stogú sh-li-bâgarâ focú; lu-acâtsarâ papa Nastasi di
barbâ sh-lu tsinurâ cu zorea, ta s-veadâ cum lji si-ardú cārtsili.
“Ia, ashā va s-ardz sh-tini ma s-u ghivâseshti nâpoi lituryia
dupu-atseali cārts valuhuteshts.
-Lituryia s-u ghivâseshti tu-limba gârtseacâ, cum u-ghivâsea
tatâ-tu, papa Costa, lu-fuvirisirâ antartslji; ama papa Nastasi
nu s-aspârā ici; lituryia, ti Pashti, cānd-ira vinitú sh-papa
Lambru Balamaci, u-ghivâsirâ tutâ pi limba rumuniascâ, dupu
cârtsili tsi li-avea aprukiatâ dit Rumunii.
Antartslji grets, acâtsarâ s-bagâ lâhtarea tu-horili di rremenji-
fârshirots di-avigâra di Curceau; lji-avina pi-tuts atselj tsi
127
pitritsea cilimanjlji tu sculiili tsi li-avea zdicljisâ kivernisea-li
Rumunii; sh-ma laiú, antartslji grets acâtsarâ s-vatâmâ sh-
oaminjlji cama-avdzāts, tsi nu ira grecofilj.
Thanasi s-turâ dit-Amerikie tu-atselú anú, tu mesu di Maiú shi
s-bâgā armatolú tu ceata-al avdzātlu Apostoli Nastu, tsi ira
cânâscut sum numa di Capidhanu Cushcona.
Thanasi sh-Cushcona ira cusurinj.
Tu-unâ dzuâ, tu isheta-a Mailu, s-adunarâ tu cafineia-al Nisa
Preftu, ficioru ma ńicu-al Papa Nastasi, sh-bâgarâ pi cali s-lu
vatâmâ dispoti-grecu dit Curceau, ti nifapta tsi lj-ufeatsi-al
Papa Nastasi. Nitsi nu târcurâ vārâ shasi meshi, shi s-avdzā câ
dispoti-grecu fu vâtâmatú-n-cali, anda nidzea tu-unâ hoarâ,
nu multù alargú di Curceau, ta s-u tsānâ lituryia pi limba
gârtseacâ.
Di-atumtsea, Thanasi sh-Cushcona fudzirâ tu munts.
Thanasi s-dusi la niscānts sots dea-lui, tish tu câsâbālu di
Ohrida, iu-shidzu vārâ trei anj ta s-lji si-kearâ toarili, ama
sh-aco, intră tu-unâ ceatâ di-armatuladz, tsi s-alumta
ti-eliftiriseara-li Makidunii di-sum turts.
Thanasi, s-turnā nâpoi Pleasa, tu cirisharú, anlu 1908, iu
adunâ paisprâdzatsi di-armatoli, niscānts di Pleasa, alts di
Dishnitsa sh-Curceau sh-di alti hori dit muntsâ Sets. Scâpolu
a-lorú ira s-veaglji, rremenjlji-fârshirots s-nu hibâ cârtits, ni di
turts, ni di grets, ni di vârghari.
Picurarlji dit muntsâ Sets, cum sh-atselj di câtâ oahtili-ali
Muskopuli, ira bunj oaspits cu ceata-al Thanasi.
Di multi ori, picurarlji fârshirots, ira cârtits di furlji turts, i
grets, i vârghari sh-ma multú, di furlji sârâkâcenj.
128
Cāndú-avdza ti vārâ cârteari, Thanasi cu-armatolji-a lui, s-
mina ca vimtu s-lji-acatsâ. Di-cama multili arādz, Thanasi
lj-acâtsa furlji tsi ira câftats sh-di Pulitsia turtseascâ, sh-ti
atsea, cumândarlji turts lu-avea oaspi bunú, tsi-câra
minduierili-al Thanasi, ti-amirâria turtseacâ pisti Epiru, nu s-
uidisea cu minduierili-a lorú. Ama cu Iradeaua tsi u-deadi
Sultanu tu doisprâyingjits di Maiu 1905, tsi li-dâdea armānjlor
di tut Balkanu idyia andreptúri ca-alanti milets, Thanasi s-
muljiā niheamâ sh-cama-âlj tinjisea pi cumândarlji turts
Thanasi shidzu tu casa-a soru-sa tutâ dzua di Sāmbâtâ sh-
Dumānicâ pânâ o s-fudzea Pleasa.
Tahinārili, vini sh-tatu-su Kendra di featsirâ muabeti vārâ dau
sâhāts. Cu tatu-su Kendra, Thanasi nu para s-urdina ghini.
Minduierili-a lor ti-cufuma-li bani, ama sh-ma multú ti
catandisea armâniascâ tu-Epiru sh-tut Balkanu, nu si uidisea;
Kendra ira dascalú tu sculia di Pleasa, sh-dau dzāli tu
stâmānâ, tu ghimnazú di Curceau, iu cilimeanjlji anvitsa
scrierea sh-ghivâserea dupu abetseda rumuniascâ sh-cārtsili
dit Rumunii; dauli sculii furâ thimitlusiti di kivernisea-li
Rumunii tu anlu 1878.
Pâradzlji ti-dascali sh-ti tuti hārgiurili-ali sculii, yinea dit
Rumunii.
Thanasi nu videa cu oclji bunji câ ciljimanjlji di fârshirots nu u-
anvitsa tu sculii limba di-dadâ. “Limba noastâ veaclji u-s-
kiarâ”, lj-aura elú-a tatu-su. “Prota s-lji-anvitsats cilimeanjlji
limba noastâ, cum s-u ghivâseascâ, cum s-u-anyripseascâ,
sh-dapoia ma-nclo, s-anveatsâ sh-limbili xeani, ma s-va elj".
129
Kendra aura sh-elú: “Limba di dadâ s-anveatsâ-n-casâ.
Unâ limbâ tsi s-azburashti-ncasâ nu s-agârsheashti vloarâ
pute! Ia, tini hiljiu-a melù, cum di nu u-kirush limba pânâ tu-
aistâ likie, tsi cāra nisesh tu sculia rumuniascâ di Berati tu
Mizukei!?"
"Mini li-vedù lucrili di-aua sh-ninga trei suti di-anj ninti" lj-u
shutsa zboru Thanasi. "Unâ limbâ tsi nu s-anveatsâ dzuâ di
dzuâ tu sculii, tu-universitet, tsi nu s-cāntâ tu bâsiaricâ, tsi nu
si ufiliseashti tu-administratsia-li kivernisi, nu-ari s-neagâ
ninti! Heamâ câthi niheamâ, si-astindzi ca vārâ căndilâ tsi nu-
lj badz untulemú".
“Tora dzâsheshi ghini!”, âlj scâpira oclji Kendra. “Atsel
untulemú tsi dzāts tini, easti limba tsi u zburâm-n-casâ!” u-
anâltsa elú boatsea.
Kendra, tsi lu-acâtsa inatea shi s-apridea-ntroarâ; dapoia u-
kindurea muabetea sh-fudzea; nu putea s-li hunâpseascâ
minduierli-a hilju-sui, tsi-cāra dukea, iuva ahândosú tu
suflitu-a lui, câ Thanasi avea-n-driptati.
Kendra cu dzinir-su Thanasi Trandu sh-hilji-sa Hrisula fudzirâ
ti numtâ, la Papa Nastasi, ninti di prāndzú.
Thanasi neasi nâpoi di s-arucuti ti vārâ dau sâhāts sh-dapoia
lo calea di Pleasa, câtâ sâhatea tsintsili; minduia câ va s-
agiumgâ pi numtá, la Papa Nastasi, pânâ tu shasili sh-
giumitati.
**************
Capidhanu Feim, s-dishtiptā dit somú ca lâctrâsitú; anyisā câ
lo calea câtâ Pleasa sh-dupu niheamâ di-oarâ u-kiru calea sh-
130
agiumsi tu-altâ hoarâ tsi nu u-cânushtea; dzicâlicâ di pi calu
sh-intră tu-unâ dukeani s-antreabâ tsi hoarâ easti, ama
dukeania ira goalâ; anda ishā nafoarâ, calu nu ma ira; acâtsā
s-alagâ, ca fudzitú di minti, pit sucākili di-avigâra, ama nu s-
videa, ni-vārú lai omú, ni-calu; vidzu mash-unú aushú tsi mizi
s-mina pi-cali; anda s-aprukiâ niheamâ, aushu lj-aurâ: “calu
tsi lu-cafts tini, easti Pleasa; aco o-s-lu-afli”
Feim, lo s-lu-ntreabâ aushu ti numa-li hoari, ama ninti si-lj da
ashu vārâ-apandisi, s-dishtiptā.
“Tsi soi di-nyisu” s-ciudusi elú. Sâhatea s-dusi tsintsili; Feim
s-alâxi sh-lo calea câtâ Pleasa cum sh-u-avea faptâ mintea; lo
dupu nāsú sh-doi zapcii.
Cum s-aprukia di casa-al Nacu, unâ palâ di vimtú-ncârcatā cu
njiurizmâ di carâ friptâ di noatinú, lu-agudi tish tu nāri.
Feim deadi pi calu s-agiumgâ ma-ayonjia; “prota u-s-beau
unâ râkie” mindui elú.
Nacu, lu-acâtsā sotsú pi Feim, di cāndú lu-ascâpā Feim di
niscānts furi arbiuneshi. Tu-atsea dzuâ, Nacu u-avea ncârcatâ
cârvanea cu talari di cashú, sh-dipuna câtâ Curceau.
Ninti s-agiumgâ Pleasa di-nghiosú, unâ ceatâ di furi
arbiuneshi acâtsarâ s-lu cârteascâ, ta s-li ljia talarili.
S-tihisi câ Feim cu oaminjlji-a lui, ira di-avigâra di lj-avinarâ
furlji; di-atumtsea Feim sh-Nacu, s-featsirâ oaspits bunj.
-Aidi Feim, ghini vinish, lj-ishā Nacu-n-cali al Feim. Aidi câ lu-
am oaspi sh-frati-njiu Pilea.
-Ghini ti-aflai, dzāsi sh-Feim cu harauùă, sh-li bâtu cu māna
pultārili-al Nacu.
Njiurizma di noatinú friptú, dipunā tish tu hoara-meau sh-mi
131
trapsi di nāri pânâ-aua ndzeanâ., dzāsi Feim sh-câtsarâ dolji
s-arādâ.
-Voi dolji, zburā elú câtâ dolji zapcii, stats atsia nafoarâ,
dinintea-li casi, s-ashtiptats salzili ta s-inâ.
Sâhatea s-dusi shaptili. Feim, Nacu sh-Pilea gulirâ unâ vutselâ
di râkie tish cānda ira apá.
Pusta di râkii, u-fâtsea cara di noatinú sh-ma nostimâ.
Anda s-dusi sâhatea shapti sh-giumitati, Feim ishā nafaoarâ
dinintea-li casi s-veadâ tsi facú oaminjlji-a lui.
-S-amânarâ salzili, gri elú. Ma s-nu agiumgâ ti giumitati di
sâhati, s-nidzedz sh-amindolji câtâ casa-al papa Nastasi,
s-videts tsi facú alants dolji zapcii, di s-amânarâ ahāntú.
Feim acâtsā s-hibâ niheamâ sertú ama cu mintea la râkii
sh-cara friptâ, s-muljiā nâpoi sh-intrā n-casâ.
Thanasi, agiumsi pi-numtâ câtâ sâhatea shasili giumitati.
Cum s-aprukia di casa-al papa Nastasi, s-ciudusea câ nu
s-avdza ici iholu di salzi; minduia câ muzikianjlji li-dânâsirâ
mash ti niheamâ di oarâ; di-naparti di hoarâ, s-avdza pi
vimtú, salzili di la numta-al Hrista Murova. Thanasi deadi
niheamâ pi calu, sh-cum agiumsi dinintea-li casi, zdicâlicā
sh-intrā tu-uború. Nitsi nu-apucā ghini s-intră câ s-astâlje.
Tu-uború virsa cu kicuti di-anvirinú shi s-pârea câ u-spilarâ
harauùăa dit-uború. Ma mults di-oaminj ira mproshti shi
zbura cu boatsea aplicatâ, cānda s-nu s-avdâ nafoarâ di
uború. Thanasi mindui câ lu-ljirtā vārú Dumizālu tamam pi
dzua di numtâ. Cum mutrea di-avigâra cu oclji-mplinji di
nipistupseari, lu-vidzu papa Nastasi cum shidea pi unú scamú,
cu coatili pi measâ sh-capu-n-tru mānji. Thanasi s-astiljiā sh-
132
ma multú; imnâ cama nuntú tu-uború sh-aurā s-lu-avdâ tuts:
-Ore, tsi hits ashā? Tsi s-fatsi?
-Vinirā doi zapcii de-al Feim di li-loarâ salzili cu zori, gri
Nisa tsi tamam vinea câtâ Thanasi.
-Cum? Feimú? Va lj-u taljiú capu, s-niurā Thanasi.
-Fudzirâ di vārâ dzatsi minuti, dzāsi Nisa, câtâ casa-al
Nacu Cârvânaru.
Nitsi nu lu-bitisi ghini zboru Nisa, câ-al Thanasi lji-s-ashtirā
unâ ca zurleastsâ tu fatsâ sh-oclji lji-ascâpira fuviroshi.
Nisa, tsi shidea dinintea lui s-aspârā shi s-trapsi niheamâ
nâpoi; Thanasi ishā irushi dit-uború, ancâlicā sh-deadi pi calú
cu inati. Calu u-duki zurleatsa-a nicukiru-sui, si-anâltsā pi
dauli cicioari, azuri cānda cu inati, sh-pârnji ca vimtu turbatú.
Pânâ tu casa-al Nacu s-ira yingjits minuti pirpadi.
Thanasi, tsi u-shtea Pleasa ca tu palmā, lo unâ cali ma
shcurtâ, sh-ishā tu calea tsi dutsea câtâ casa-al Nacu.
Calea si-shutsa pi ninga unâ shcāmbâ analtâ, tsi mutrea ca
vārú pândarú cu câciula andisatā pisti ureclj. Thanasi, lu
ascumsi calu dupu shcāmbâ shi s-alinā pi “câciula pândarui”.
Shcāmba s-ira analtâ di vârâ trei metri. Di-aynanghia, nitsi
unâ sutâ di metri alargù di shutsâturâ, ālj videa dolji zapcii pi
calj, cu tufekili pi pultāri; zapcilji nidzea dinâpoia di salzi tish
cānda vrea s-li-avinâ ta s-imnâ cama avrapa.
Thanasi shi li-trapsi dauli câburi dit bārú shi s-aplicâ niheamâ
di pultāri ta s-nu lu-veadâ zapcilji.
Anda agiumsirâ tamam ninga shcāmbâ, Thanasi li-alâsā
patruli salzi s-treacâ, sh-dapoia arsâru di-ndzeanâ, ca vārâ
prici acâtsatâ di turbari, namisa di dolji zapcii; cum vinea di-
133
ndzeanâ, lj-agudi cu câburili tish n-capu.
Zapcilji nu-apucarâ nitsi s-veadâ tsiva, nitsi s-âncâniascâ sh-
câdzurâ sum calj ca-tsiva sats di tārtsâ. Salzili nu vidzurâ sh-n-
apucarâ si-s lâhtrâseascâ, câ li-gri Thanasi:
-Aidi turatsi-vâ câ v-ashteaptâ tutâ dunjiauùa la numtâ; o
s-inu sh-mini-ntroarâ.
Muzikianjlji, niheamâ ca aspârats, acâtsarâ s-da ayuńiusits
cicioarili câtâ casa-al Papa Nastasi. Thanasi âlj-ligā zapcilji di
mānj sh-di cicioari, âlj-bâgă pi calj di-amplatea sh-deadi pi-elj
s-neagâ ninti.
-Dzâtsetsi-lj-al Feimú câ vá pitricu Thanasi Nastu, elú aurâ
dupu nāshi.
Casa-al Nacu nu ira multú alargù di la-atsea shutsâturâ.
Zapcilji-al Feimú, tsi vigljea sucakea, acâtsarâ s-avdâ tropatú
di-calj; unú di-elj ishā cama dininti sh-vidzu, di-aynanghia,
calji tsi s-aprukia.
-Fudz, aurâ elú câtâ alantú zapciu, grea-lj-al capidhanu câ
yinu salzili.
Feim ishā irushi nafoarâ tamam tsi calji-ncârcats cu dolji
zapcii agiumsirâ dinintea-li casi sh-unú di zapcii tamam tsi si-
silighea si-lj kindureascâ.
-Tsi sāntú aici, antribā Feim, cum s-aprukia sh-elú di-calj.
-Thanasi, s-avdzā unâ boatsi tsi cānda yinea dit-unâ pāndica
di-calú, Thanasi Nastu, ni-pitricu!
Al Feim lji si-minti mintea; avea avdzātâ isturii cu Thanasi sh-
ceata-lui, ama nu lu-avea adunatâ vārâoarâ.
“Aistú Thanasi, mindui elú, va s-lu facú si-nj bashā māna; va
s-lu-anvets tsi-easti tânjia ti-cumândharu Feim”
134
-Dipunatsi-lj di pi calj, aurā elú cât-alants. Dapoia, s-dusi
tu-uború shi s-turā cu-unù piatù-mplińú di carâ sh-patru
putirici di-râkii.
-Aidi, dzăsi elú, bâgatsi-vâ pi cicioari sh-dapoia s-nidzets,
tuts patrulji, la numta-al Hrista Murova, s-nji li-adutsets salzili
de-aco; s-nu tsiva di s-vâ turats fār-di salzi, dzāsi elú, sh-intrā
tu-uború.
******************
Thanasi, s-turā la numtâ, iu-dunjiauùa nu shtea cum s-lu
hârâseascâ.
Cama hârios di tuts ira papa Nastasi; âlj dzāsi-al Thanasi, “u s-
ti ghivâsescú tutâ bana, cât s-estú preftú, ti-aistâ buneatsâ tsi
nji-u fâtsesh azâ”; s-aprukiā sh-Cota-al Pala s-lj-u ljia māna.
-Ore Thanasi, s-iram di-vārâ parti, u-s-li kisam capitili mini
atsilor tsi ni li-loarâ salzili, ama agiumsh tamam tsi-avea
fudzitâ. Aidi s-bem dolji unâ cupâ di yinú câ bunú yinú ari
faptâ Nisa.
Thanasi featsi muabeti vārâ dau sâhāts sh-fudzi câtâ casa al
Hrista Murova, s-lj-u tânjiseascâ numta-a hilji-su.
Cum s-aprukia di casa-al Murova, bâgā oarā câ nu
s-avdza ici salzili.
Dinintea-li casi, ira adunats niscānts oaminj sh-anda lu
vidzurâ Thanasi lu-anvigârarâ cu harauùă. Thanasi nitsi nu
apucā s-zdicalicâ.
-Ni li-oarâ salzili, gri unú sotsú dea-lui, Nacu-al Docu. Vinirâ
patru zapcii cu tufekili-ntru-māńi sh-li-loarâ cu zorea; li-dusirâ
la casa-al Nacu Cârvânaru, iu-easti vinitú cumândharú Feim.
Thanasi duki, cum di inati, sāndzili acâtsā si-lj hearbâ tu vini;
135
unâ zureatsâ lu-acuplusi dit-capú pânâ-tu cicioari
-Aistú Feimú nu-ari mardzinâ, gri elú cu-unâ boatsi fuviroasâ;
deadi pi-calú sh-cârtsâni câtâ casa-al Nacu Cârvânaru.
Calu fudzea tish cānda ira acuplusitú sh-elú di zureatsâ.
Feim deadun cu zapcilji, shidea tu-uború, pi nâscānti câciubi,
di-avigâra di focú. Tufekili li-avea bâgatâ stogú, cum s-bagâ
stogú câlâmishtili tu-soari. Muzikianjlji bâtea salzili ti-
harauùăa-al Feimú. Feimú tsinea-ntru-mānâ unú cipocú di-
carâ sh-lu mutrea tish cānda lu-mâca cu oclji.
Nacu sh-Pilea neasirâ la Pilea acasâ s-aducâ leami ti focú.
Tu-atsea noapti, ti-ciudii, luna cānda s-aprukiâ ma mult di
hoarâ, tish cānda vrea s-li tinjiseascâ numtsili cu mushuteatsa
ljei. Cu fatsa tutâ dizvilitâ, mutrea ca-unâ flurii mari, cât-unâ
pitâ di-curcubetâ; vāhi vārâ mumâ u-featsi sh-u-arucā pi-
tserú, ti harauùăa atsâlor di-ndzeanâ tsi s-aprukiarâ sh-elj
niheamâ, ta s-mutrescâ numtsili.
Thanasi shutsā calu dit-cali, astrisâru unú gardú di lumāki, sh-
pit gârdina-al Mandi Pitu, agiumsi dinâpoia-li casi-al Nacu
Cârvânaru; kinduri dupu-unú stogú di palji sh-mutrea câ tsi s-
fatsi tu-uború; âlj-videa turtsālj cum shidea di-avigâra di focú
sh-muzikianjlji-mproshti cum bâtea salzili; vidzu sh-tufekili
adunati stogú ninga elj; “sānt tsintsi” u-featsi isapea Thanasi;
patru di-elj, tsi shidea cu pâltārili câtâ gârdinâ, ira-nviscuts
tuts unâ soi, tu stranj di zapcii; “atselú cu cipocú-ntru-mānâ,
tsi ira-nviscutú altâ soi, u s-hibâ Feimú” mindui Thanasi; di la
stogu di palji pânâ tu uború, iu shidea turtsālji, s-ira vārâ
yingjits ceapi.
136
Tu-uború s-avdza mash salzili cum bâtea ti kefea al-Feimú.
Ni unâ, ni dau, Thanasi, trapsi unâ câburi dit bārú, deadi pi
calú sh-cârtsâni ca sfildzâru; turtsālji nitsi nu-apucarâ
s-dukeascâ câ tsi furtunâ câdea pisti elj; calu, lji-astrisâru
patrulji zapcii, lu-astrisâru focu, sh-cu cicioarili di dininti lu
agudi Feim tish tu keptú.
Feimú mash-apucâ s-veadâ pi sum oclji, cum-unú anghilú laiú
dipuna dit tserú pisti elú ca-vārâ rufei; câdzu pisti pultāri sh-
arâmasi arucutitú tish cănda-lu lo somú. Thanasi lu-shutsā
calu-ntroarâ câtâ zapcii, sh-aminā unú fishecú pisti capitili-a
lorú. Zapcilji, mintits di-minti, dzinucljiarâ shi s-aplicarâ di-
pâltāri tish cānda li-vini oara ti-ancljinari câtâ Alah.
Muzikianjlji deadirâ s-dzinucljiadzâ, ama Thanasi li-gri:
-Mini hiu Thanasi Nastu; vinjiú s-vâ duc nâpoi la-numtâ.
Aidits câ v-ashteaptâ dunjiauùa; easti unâ cali multú shcurtâ
pe-aco pit gârdinā, li-dzāsi elú. Aidits, imnats ninti sh-o
s-inu sh-mini ti-niheamâ di-oarâ.
Câtú lu-bitisi zboru, yinea Nacu sh-Pilea cu bratsâli-mplini di-
lemi.
Anda lu-vidzurâ Thanasi pi-calú, turtsālji pi-ancljinari sh-
Feimú arucutitú, arâmasirâ sh-amindolji limnusits.
-Aua, la tini tu-uború, s-bitisi muabetea, li-gri Thanasi. Salzili
o-si s-toarâ la numtâ; tsi soi di pleasots hits voi di lu-alâsatú
aistú cāni s-li-arâkeascâ salzili di la numts?
-Ore, frate Thanasi, mizi gri Nacu Cârvânaru, mini shteam câ
Feimú li-anikisi salzili di Curceau; cu Dumidza, ashā ni dzāsi-
anau.
-Li-arâki salzili cu zorea di la dauli numts, gri Thanasi cu inati,
137
sh-cum lu-bitisi zboru, ishâ nafoarâ tu-sucaki iu ira ligats calji-
a turtsâlor; âlj-dizligā, deadi pi-elj s-fugâ, sh-cârtsâni câtâ
numtâ.
Ti ciudii, calji-acatsarâ s-fugâ dupu calu-al Thanasi. Nacu sh-
Pilea nu s-minarâ ici; arâmasirâ ca niscānti ayalmi cu leamili-
mbratsâ.
Zapcilji, si-scularâ-ntr-oarâ shi si silighirâ câtâ Feim.
-Adilji, adilji, aurā unú; Naco, adu niheamâ apâ.
Dupu tsi lj-u pruscutirâ niheamâ fatsa cu-apâ, Feim zdicljisi
oclji, âsh-dusi mānjili la-keptú sh-acâtsā s-ancâniascâ.
-Mi-agudi unú anghilú laiú, mizi gri cu-unâ boatsi astimtâ.
-Atselú anghilú laiú tsi dzāts tini si-acljiamâ Thanasi Nastu gri
unú di zapcii, cum lu-agiuta pi Feimú si-shadâ pi câciubú; vini
di lo-saldzili.
-Calji, ni lo sh-calji, aurā unú zapciu, tsi tamam vidzu câ nu ira
vārú calú pi sucaki.
Feimú shi li-dusi mânjili la-capú, tish cānda âlj vinea mintea
di-avigâra.
-Mi fânâtii di-aistú Thanasi-a vostú, aurā Feimú. Va-lu bilescú
di-yiu; va-lu pirpilescú pi-sullâ ca vārú noatinú!
Naco, adu tsintsi mulāri dit-ahurea tau, âlj-aurā elú-al Nacu,
tish cānda Nacu ira vārú zapciu.
Al Nacu, lji-agiumsirâ pânâ di-nāri zuretsili-al Feim.
-Nu-amú mulāri ti tini, lj-u turā zboru, cu namustri, Nacu.
Ti-aprukiai azâ, dzuâ di numts, ta s-ti tânjisecú, ama tini
ascukiash pi-tânjia meau; mi-arâsesh, câ u-s-aduts salzi di
Curceau, ama tini, fārâ-arusheni, li-arâkish salzili di la numts;
s-nu mata ti-vedù tu casa meau di-aua sh-ninti. Aidi, curatsi-
138
vâ s-nu vâ vedù altoarâ, sh-cum lu-bitisi zboru âsh dusi
mânjili la bārú iu li-avea câburili.
Feimu, si-sculā, andrupatú di doi zapcii, sh-dzāsi:
-Nacu, tora eshti tu-inati, ama minduiati ghini; māni, pimāni,
o s-ti fats pishmani
-Unâ mulāri, sh-ahātu, gri Nacu cu-inati; s-ti ducâ tini câ eshti
nipututú; mularea ts-u dau-a tsāia s-ts-aducâ aminti câ avush
unú sotsú bunú Pleasa di-ndzeanâ. Di-aua sh-ninti, altâ borgi
nu-amú cu tini; himú isa-isa.
-U s-ti fats pishmani, gri nâpoi, Feimú, ama Nacu lji li shutsā
pultārili sh-dusi s-aducâ mularea.
Tutâ calea câtâ hoara-lui, Feimú s-mindui, cum s-lu acatsâ,
cum s-lu vatâmâ pi Thanasi; shtea câ Thanasi shidea tu
Curceau. Calea di Pleasa di-ndzeanâ câtâ Curceau, trâtsea pi
ninga unâ geamii turtseascâ.“Aco va mi-ascundú cu oaminjlji-
a melj” mindui elú; shtea câ oaminjlji s-tura di la numtsili di
Pleasa, dzua di Martsea ninti di prāndzú.
Luni siarâ, dupu nuntâ,Thanasi neasi di s-bâgā tu casa-al lalâ-
su Kita Colimitra. Martsea tahina, anda pârnji s-lji-a calea câtâ
Curceau, si-adunā pi-cali cu Nacu Cârvânaru, tsi dipuna sh-
elú, cu cârvanea câtâ Curceau.
-Feimú, si-spigiurā s-ti vatâmâ, âlj-dzāsi elú-al Thanasi.
Sh-pi mini ari inati câ lu-aghunii dit uború dicāra mi-arāsi câ
salzili li lo di Curceau. Dupu cum lj-u shtiu mini mintea, lu dusi
zboru ninti Nacu, Feim cu zapcilji-a lui, o-s-ti ashteaptâ la-
vārâ shutsâturâ, pi calea tsi vinish dit Curceau.; ari vārâ
treidzāts di zapcii tu cumândusearea lui.
Thanasi lu-asculta cu-ananghi.
139
-Ia tsi dzācú mini, zbura cu multâ miraki Nacu, mini shtiu unâ
cali niheamâ ma lungâ, ama u s-ni scoatâ Curceau di alantâ
parti di câsâbā, pi calea tsi dutsi câtâ Bituli; di-aco pânâ la
dukeania-al Thanasi Trandu, cumnatu-tu, o- s-hibâ ninga
giumitati di sâhati.
Feimú-lu ashtiptā Thanasi, s-treacâ câtâ Curceau pânâ
s-dusi sâhatea dauli, dupu prāndzú. “Anjurdzi tsiva cânili” li
dzāsi elú atsilor alants.
Anda s-turâ Feimú la tsentru-a lui di Pulitsii, lji-aflā calji
ligats di ponji, tish di dinintea-a tsentrui; bâgā-oarâ câ-unú
calú avea sumú shauâ unâ carti. “Mini, nu hiu furú ca tini,
dzâtsea tu-carti, unú-omú tânjisitú, nu li-arâkeashti salzili di
la numts cum fâtsesh tini. Ti-ascumdz dupu shulvāri di zapcii
ta s-mi agudeshti pi dânâpoi. Ma ai bâruti sh-minduieshti câ
hii gioni sh-tânjisitú, yinu Curceau s-ni alumtām dolji
dealihea, ca bârbatsilji armatuladz.
Al-Feimú, fārâ s-va, lji s-i dusi mintea cum lu-vidzu Thanasi, ca
vārú-anghilú laiú tsi dipuna dit tserú sh-lu agudi tu keptú ca
vārâ rufei.
-Cari hii tini Thanasi Nastu ?, gri Feimú, cu-unā boatsi
aplicatâ, ta s-nu lu-avdâ alants. O s-mi-adun mini vloarâ cu
tini sh-o s-vedz tini cât gioni sh-tânjisitú easti cumândharu
Feimú.
**************
140
S-aprukea Cârciunu. Thanasi neasi tu pâzarea di Curceau s-
acupârâ dhoarâ ti-nâpots.Tamam tsi-ishâ dit-unâ dukeani, s-
tihisi cu Feimú tamam dinintea-lui. Ni-unâ ni dau Thanasi,
dusi māna la câburi.
-Nu voi s-fâtsemú aua shâmâtā, âlj-gri elú al Feimú, aidi
dinâpoia-li dukeani.
-Nu voi s-mi-alumtú cu tini, âlj-gri Feimú cu-unâ boatsi
ashtiratâ sh-cu oclji imiri. Ti câftai s-ts-u lji-au māna shi
s-mi-ncljinú atsāia, cama gionili armatolú cumândharú tsi lu-
am cânâscutâ tu-bana meau; li-pitârcui zború-al papa
Nastasi, sh-al Hrista Murova, s-mi lj-iartâ ti-cripārili tsi lâ
li-feciú tu noaptea di numts; cum zbura, lj-u teasi māna-al
Thanasi.
Thanasi arâmasi niheamâ ca ciudusitú, ama lj-u lo mâna al
Feimú sh-âlj dzāsi cu sumarāsú pi fatsâ:
-Dumidzālu-a tālu ti featsi cu mari tihi, capidhane Feimú câ
mi-aflash tu-aistú kiro di mari sârbâtoari; pimāni easti
Cârciunu, dzua cāndú s-amintā Hristolu-a nostú; “ljiartâ pi
atselú tsi nu shtii tsi fatsi” dzâtsea Hristolu, sh-ia, tora mini,
ti-ljiertú tini.
Nitsi nu câpsi ghini zboru, câ Feimú zdicljisi bratsāli sh-lu lo-
ambratsâ pi Thanasi.
-Di-aua sh-ninti o-s-ti tinjisescú ca vārú frati, gri elú cu
harauùă tu-oclji.Thanasi bâgā oarâ câ oclji-al Feimú s-
umplurâ di lācrânj.
-E, macâ vrei s-mi tinjisehti ahāntú, gri Thanasi cāndu vidzu
câ Feimú ira discljisú, tinjisea-mi cu-unâ râkii la dukeania-al
Thanasi Trandu, s-anveatsâ dunjiauùa câ Thanasi Nastu shi
141
Capidhanu Feimú, nu mata sunt dushmanj
-E, ghini dzăsi Feimú, ama dapoia s-nidzemú tu casa-li
dadi-a meau, ta s-mi tinjisehti sh-tini; âlj dzâshú-ali dadi
isturia cu salzili, sh-di-atumtsea nu mata vrea s-mi veadâ.
Dada-nj dzāsi, s-nu lj-utrecú pragu, pânâ s-nu ti-aflu tini ta s-
tsâ caftú ljirtari shi s-mi-ncljinú ti giunamea-a tau.
-Tinjisitā dadâ ti-featsi, gri Thanasi
-Ama, dzăsi s-ti-ducú tu casa-ljei câ vrea s-cânoascâ unú
ahtari gioni, lj-ushutsā zboru Feimú. “Ma nu va s-inâ, s-lu
aduts cu zorea”! ânji dzāsi dada”.Thanasi acâtsā s-arādâ.
Em, ghini cāra, gri elú. Stā niheamâ s-acupur unâ lâcumi ti
dada tau.
Târcurâ pi la dukeania-al Thanasi Trandu, iu s-ciudusea tuts
anda âlj videa deadunú, ama s-hârâsea ti-atsea aprukeari di-
frati, namisa di Thanasi sh-Feimú.
Arucutirâ câti-unâ râkii, sh-neasirâ s-u veadâ dada-al Feimú,
tsi nu shtea cum s-lu hârâseacâ pi Thanasi. Tu soni, anda lo-s-
fugâ, âlj lo dauli mānji-al Thanasi, sh-dzăsi:
-Tora-amú doi ficiori, Thanasi sh-Feimú.
*******************
S-dusi zboru Curceau sh-tu tuti horili di-avigâra ti Giunamea
al Thanasi Nastu; tu-dukeni, tu-casi, mpâzari, sh-tu câlivili di
picurari, analtú tu muntsâ-a Pindui, nu s-fânâtea dunjeaua
s-avdâ isturiili cu sârâkâcenjlji furi, cum Thanasi lu-acâtsă pi
cumândharú Dhegas, cu zuratsa-al Feimú, tsi li-arâki salzili di
la numts sh-cum Thanasi li-turā salzili, ama sh-cum Thanasi
142
s-featsi sotsú bunú cu dushmanu-a lui, Feimú. S-dusi zboru,
câ taha, dzenili s-aplica s-lu tânjiseascâ Thanasi, anda tritsea,
cu ceata-lui pit munts.
*******************
Thanasi Nastu s-amintā, tu hoara Pleasa di-ndzeanâ, tu anu
1879. Tatâ-su fu Kendra Nastu, cânâscut sum numa, “Kendra
dascalu” sh-mamâ-sa fu Vasila, hilji-al celnicu Kita Colimitra.
Thanasi muri tu Rumunii, tu-anu 1926. Thanasi ira frati cu
muma-a meau, Hrisula Nastu, mârtatâ la Thanasi Trandu,
papu-a melú.
Aisti isturii nji li-spunea muma, anda mi-aduna s-mi bagâ tu
somú.
143
Muma meau Hrisula Nastu Trandu cu papu-a melu Thanasi
Trandu
Kendra Nastu (Dascalu) -Tatu-su al Thanasi Nastu
145
Papu sh-pita di-curcubetâ.
Tu-unâ dzuâ di vearâ, ca ti prândzú, tamam candú soarili
kinduri disuprâ di-uboru-ali casi ta s-lu-areascâ di-aumbri cu
metura-lui di-arazi, Custandin, unú ficior di vârâ paisprâdzats
di-anj, ishâ dit casâ s-lu caftâ papu-su; lu vidzu papu-su Nisa
cum shidea andupuratú di-unú pomú, pi-unâ vilendzâ.
Niheamâ ma -nclo di papu-su, shidea muma-sa tsi scârmina
lānâ, tu poalâ.
Papu s-âncljina tu-unú somu dultsi; căndù sh-căndú,
zdicljidea oclji sh-mutrea di-avigâra, cănda s-nu lu-veadâ vârú
cum s-âncljinâ tu-somú.
146
Al Custandin, lj-arâsea s-batâ kitāra, sh-cafi oarâ, anda
anvitsa vârú cânticú nou, vrea s-lj-u spunâ prota-a papu-sui.
Imnâ ca-aghunjisitú câtâ papu-su sh-lj-aurâ cu-unâ boatsi-
mplinâ di harauùă:
-Papo, papo, papo…
Papu s-dishtiptâ ca lâhtrâsitu, sh-analtsâ cârlibanea tish
cănda vrea s-da pi vârú,
-Tsi, tsi easti?Tsi easti?, aurâ papu; intră vârú lupú tu cutarú?
Oclji lj-avea ca kiruts tish cănda lj-avea pitricutâ la cutari sh-lj-
ashtipta ta si s-toarâ.
-Uh, s-ts-u da kicuta, gri muma câtâ papu, tsi fats-ashă ca
vârú zurú?
-Tats more tini sh-scarminâ! lj-u tâlje papu cu-inati, câ muma
lu-vidzu ca kirutú tu lâhtrâseari.
- Eh, nipoate, tsi-easti? Tsi eshti ashă ca-aspâratú? gri papu-a
nipot-sui sh-nâpoi si-andupurâ di pom sh-cljisi oclji.
-Papo, gri ficioru, ia, feciú-unú cântic nou!, sh-cum zbura
ficioru u-bâgă kitara-ntru mânj ta s-cântâ.
Papu zdicljisi oclji, lu-mutri nipot-su, si-ndriptâ niheamâ dit
pultâri, sh-dzăsi;
-Ehee, nipoate, multú hârios s-avd-unú cânticú nou, câ nji si-
murzuirâ atseali vecljili, tutú-atseali sh-mata atseali. Aidi, lja-
lj-u tini sh-mini va s-lj-u ducú.
-Eh, moi papo. dzăsi ficioru,, aistú cânticú nu-easti di atseali
vecljili tsi li-shtii tini, easti altâ soi di cântari.
-Em ghini, dzăsi papu, acats-u tini, sh-mini va s-lj-u ducú pin-
dau.
147
-Uh, s-ts-u da kicuta, arsâru muma, dzăsi ficioru câ nu easti
di-atseali vecljli.
-Em, tats tini more sh-scarminâ!, lj-u tâlje nâpoi papu cu inati,
câ nu para-avdza ghini, sh-câti vloarâ nu lji si-uidisea zboarrâli
-Sh-cum si-acljamâ cānticu nipoate, antribā papu sh-lu mutri
nipot-su cu sumarāsú.
-Trastu-ALI BANI, gri nipot-su sh-trapsi deadzitili pisti hirili di
la kitārâ ta s-ahurheascâ s-cântâ.
-Trastu-al Ali Baniii!, arsâru papu.Tsi câftash tini la dukeanea
al Ali Baniii?! Turku aistú nu pot s-lu hânupsesc ici di cāndu
nj-u deadi cafeia dip-aratsi; ma s-ai anaghi di-vārú trastú,
mea, ari papu tsintsi trasti, atsia tu-sinduki.
Caftu-a mumâ-tai si-ts da unú, dau, câti vrei.
-Uh, s-ts-u da kicuta, arsâru muma, mea scoalâ tini sh-dâ-lj-u
trastu-a ficiorui; sindukea shtii iu-easti.
-Em, tats tini more! Tats-atsia sh-scarminâ!, lj-u tâlje papu
nâpoi-ali mumi.
Nipotu-âlj mutrea dolji sh-nu putu si-s dânâseascâ s-nu
arâdâ.
-Eh, more papo, nu-easti zboru ti-Ali Baniii, turku a-tâu. Easti
zboru ti-banâ! Trastu-ali bani! Banâ! Shtii tsi-easti bana?!!!
-Bana? Anja-nj dzâts ti-banâ? Aide nipoate, nu shtiu mini tsi-
easti bana?, acâtsă papu s-aurâ.
-Uh, s-ts-u da kicuta, dzăsi muma cu boatsea ma-ashtiratâ,
cănda s-avdâ mash nâsâ. Muma nu sh-lu-anâltsâ ici capu di la
scârminari; s-pari câ papu, nu u-avdzâ, câ nu s-turâ ici câtâ
nâsâ.
-Bana, nipoate, aura papu, sh-mutri câtâ, muma, bana easti
148
ca-vârâ kicutâ; atsea easti bana; unâ kicutâ!
Papu li-dzâtsea zboarrâli, tish cănda li-andisa tu-vârú trastú
s-ancapâ ma multi; ama cum yini aistâ, dzăsi papu ca
minduitú; cum, demec, bana ari trastu?! Cum s-ancapâ bana
tu-trastu!?
Ali-mumi nu lji s-i-arâvdâ; kinduri di-scârminari, sh-lj-aurâ
al papu:
-S-ts-u da kicuta! Tsi soi-âlj zburrâshti ashă-a ficiorui! Alasu
ficioru s-cântâ!
-Avdz nipoate, gri papu, avdz ma nu-avdz! Cum ts-u dzâsh,
unâ kicutâ easti bana! Ia, mumâ-ta, tutâ dzua cu kicuta-n-
gurâ, di nj-u featsi bana unâ kicutâ!
Aidi tora, cântâ-a papu, sh-cum zburra s-dupurâ nâpoi
di-pom sh-cljisi oclji.
Custandin acâtsā s-batâ kitāra, sh-u-andreapsi niheamâ
boatsea, sh-acâtsā s-cāntâ:
“Câti unoarâ mi minduiescú….”
149
Ma nu-apucâ s-cāntâ alanti zboarrâ, câ papu zdicljisi oclji sh-
dzăsi:
-Aide nipoate, mash câti vloarâ minduiesti tini?! Sh-cum
zburra, u-mutrea cârlibanea tish cănda sh-li-avea ascumtâ
minduierili tu-nāsâ; ma s-minduiam mini mash câti vloarâ, nu
va s-aveam azâ, dzatsi njili di oi, trei njili di cāpâr sh-vārâ
tsintsi suti di muli.
-Uh, s-ts-u da…acâtsā muma s-dzācâ, ama papu u-mutri
narālu sh-lj-u curmâ zboru:
-S-ts-u da atsâia!; scarminâ atsia sh-tats!; cănda mini nu
lu-alasu ficioru s-cāntâ.
Muma lu-mutri sh-ea narâlu, âlj -deadi mândzili, sh-dapoia
sh-u-aplicâ capu tu-poalâ, tish cănda vrea s-caftâ tsiva
zboarrâ, s-lji li-aminâ-al papu. “Uh, s-ti fats defi, ts-ar fudzitâ
sh-atsea tsi ts-arâmasi; ti-glârish dipú”, shushurâ muma, ama
papu, nu-u-avdzā ici.
-Sh-dapoia tsi dzâtsi cânticu-ntribâ papu.
Custandin, ahurhi diznou s-cântâ:
Câti unoarâ mi minduiescú…
Di-iu vinim sh-câtâ-iu nidzemú..
-Aide nipoate, acâtsă nâpoi papu sâ zburascâ; ficioru nâpoi s-
kinduri di cântari sh-lu-asculta papu-su cu tinjii di nipotú.
-Cum nu shtii tini, di-iu yini sh-câtâ-iu nedz! Ia, mini yinú cathi
searâ di la cutarú, iu li-mulgú oili, sh-negú cathi tahina, tutú
la cutar, di li-pascú oili! Demec, shtiu di-iu yinú, shtiu-iu negú!
-Eh, moi papo, dzāsi ficioru, aistâ tsi dzācú mini easti niheamâ
150
di filuzufii…
-Hiljiu-ali Fii?, tsi pâtsā hiliju-ali Fii? Tahina irra-aua di lo
niheamâ di firinâ ta s-facâ tetâ-ta Fia pitâ. Ia, vâhi s-featsi pita
câ nj-anjurdzescú nārili, sh-cum zburra papu sh-li-anâltsā
nârili sh-acâtsā s-li tragâ pi vimtú.
-Curcubeti hearti, arsâru muma; cum ts-u deadi dipú kicuta;
tsi Fii dzātsi ficioru? Ficioru dzātsi filuzufii! Atselj tsi
minduiescú multú, nu ca tini tsi tutâ dzua numiri oili, câpârli
sh-mulili.
-E, e, dzāsi papu, âlj pitârcui-ali Fii sh-unâ curcubetâ.
Anja u-s nj-u facâ pita di-curcubetâ; eh, moi ficioru-a papu,
dzāsi elú, alasu mumâ-ta câ nu para-avdi ghini mârata; nu lj-u
bagâ tu-corú; aidi, cāntâ niheamâ câ nj-arâseashti cânticu. Ia,
mini u-s-fac …eeee…Nu ti-alasâ papu tini, sh-nitsi nu bitisi
zborru, câ pârnji papu s-facâ ..eeee…Ficioru-ahurhi s-batâ
kitāra sh-ti ciudia-lui, s-avdza ghini cum cânta
papu…eeeee…Sh-dapoia, cu mari harauùă acâtsā s-cāntâ:
Câti unoarâ mi minduiescu…eeee
Di-iu vinim sh-câtâ iu nidzemu…eeee
Locu i-veclju ma bana-i shcurtâ…eeee
Pân s-u adukim, oara-i târcutâ…eeee
-Ghini dzāts, gri papu. Târcu oara sh-Fia nu vini ninga cu
pita….eeeee…Ficoru cânta ninti
Dumidzā ne-ar datâ minti…eeee
Omu s-neagâ tut-mash ninti…eeee
151
Ma-ahāntâ minti nu ne-ar datâ…eeee
Sâ shtibâ omu, ninti cum s-neagâ…eeee
-Nu shtiu câtâ minti v-ari datâ-avau nipoate, ama anja-nj
deadi Dumidzâlu multâ minti; ia, mini shtiu s-negú ninti;
Papu s-i sculâ sh-acâtsā s-neagâ pit-uború.
-Ia, nipoate, vedz?,shtiu s-neg ninti, sh-mini shtiu-iu negú!
Negú tora la Fia s-mācú pitâ di-curcubetâ, sh-cum imna, ishe
dit-uború sh-lo calea câtâ hilji-sa Fia, tsi dearihina, avea
bâgatâ kirkelu s-facâ pita.
Ficioru kinduri di cântari; dolji cu mumâ-sa, lu-mutrea
papu Nisa, cum nidzea ninti pit-uború, sh-cum ishe nafoarâ s-
neagâ ta s-mācâ pitâ di-curcubetâ.
153
Unâ minti zurâ
Ore, aistâ minti-ameau, nu shtiu cari nj-u deadi, ama easti mult zurâ; zurâ ca vârú mândzú ni-ancâlicatú. Câtiunoarâ zuruseashti di dipú; nu-nj mi-alasâ s-aushezdú rihati. Di multi ori, ta s-scapú di nāsâ, nj-u pitrecú câtâ-aua, câtâ- aco…”fudz, fudz” âlj dzâcu mini, “câ nj-u lu-fâtsesh capu tamtelâ”…
Asearâ-noaptea, nu-nj mi-alâsā ici s-dormu; mi dutsea tu
locuri tsi nu vream s-li vedú tu-atsea oarâ; ‘nj-adutsea zboarâ
sh-isturii tsi nu vreamú s-li-avdú; njadzânopts, mi lo di mi dusi
tu-analturli nibitisiti-a universui…
-Ma tsi câftām aua? u-antribai mini, ma nitsi nu-apucai s-
dzācú alti zboarâ câ nj-aurā:
-Ore, tats sh-mutrea tsi s-fatsi di-avigâra; ti-adush s-vedz sh-
tini di câtâ-iu s-azvumā bana. Ia, u-vedz atsa steauâ? Mutrea
aco, câtâ nastānga! Mutrii mini, ma videamú njilji di steali;
alti ma mâri, alti ma njits, alti ma yilicioasi …
-Cari di-eali?, antribai mini, sh-cānda câftam s-vedú mash
unâ, ama cum s-vedz mash unâ tu-atsea amari di steali tsi lu-
kindâsea tserlu fārâ di-mārdzinji…
-Ia, unâ tsi s-minâ câtâ noi sh-ari unâ cusitsâ di-lunjinâ
dinâpoi…
-Aaaa, e, e u-vedú, dzāsh mini sh-nj-u dushú māna la-oclji
cānda s-u vedú ma ghini.
-Ama cum di-yini câtâ noi, antribai mini cu-ciuduseari.
-Atsea steau mini nj-u-am soatsâ, ânj dzăsi mintea, cu
pirifanj. Am vinitâ aua, fārâ di tini di-ahânti ori, câ mi lo
154
lâhtarea di-ahāntâ hârheari tsi fats; mi ciudusescú cumú di ti
hânupseashti-nveasta; tramurâ firizdili di hârheara-tau; câti
vloarâ tish cānda bumbuneadzâ tserlu. Aidi tora! Ia, steaua s-
aprukiā, sh-dearihina vini steaua, ni featsi cu ocljiu sh-ni unâ,
ni dau, ni lo-ngrishcâ sh-antribā:
-Câtâ-iu s-vâ ducú? Pânâ s-grescú mini mintea nj-u lo ninti
-La sorú, du-ni niheamâ tu-locurli atseali ninga nividzuti, aco
iu sunt adunati tuti suflitili, ma tora di-oara, du-ni mash tu-
uboru iu sunt adunat- suflitili di-armânj, ta si s-adunâ sh-aistú
omu, nicukiru-a melú, cu suflitili dit râdzâtina lui…..
-Vâ ducú, dzăsi steaua; tsânetsi-vâ ghini s-nu vâ kerú calea.
-Stā, stā, aurai mini. Mini nu voi s-negú tu locuri nivâdzuti!
Voi acasa la mini! Voi s-dormu, câ nj-escú curmatú.
-La soru, gri mintea, taha-a meau, câ nu-nj mi-asculta ici sh-
tsi vrea nāsâ fâtsea, aistú omu-a meu easti ca shātpú. Anda
va s-veadâ suflitili di râdzâtina-a lui va-nj mi tânjiseascâ sh-va
si-nj dzācâ, ”multu pirifanú sh-hâiros nj-escú câ-nj ti-amú!”;
aidi tora s-fudzimú, gri mintea c-avemu multi ti-videari.
Pânâ s-dzācú mini tsiva, steaua lo vimtú. Em, cum s-dornj
cāndú ti lja unâ steau-angrishcâ, sh-ti primnâ pit locuri
nivâdzuti, tu-analturli-a universui.
Tsi videam di-avigâra nu easti ti spuneari; mutrii niheamâ
‘nghiosú, sh-ânj vini niheamâ ca milii.
Videam locu-a nostú cănda ira vārú topú nalbastú kindisitú;
s-mina aghalea, aghalea namisa di tuti-atseali steali, ca vârú
aushú tsi imna si-lj treacâ oara…”e heee!” mi ciuduseam
mini…. cum u tsāni aistú locú tutâ atsea apâ! Cum di nu s-
agudeashti di alanti steali!, sh-cum eram kirutú tu-atsea
155
ciuduseari, avdzāi boatsea-li minti:
-Tsi u-mutreshti locú ahāntú? Nu eshti fânâtitú di tutâ lâviljea
sh-varvaria huminidzilor tsi lu-fârmâcarâ? Nu vedz cum
rudzinirâ meridianili di-ahāntu fârmacú? Nacâ nu-nj mi
pistupseshti? Ia! Ljia oclji-a melj s-mutreshti câ tsi s-fatsi, câ
tini, cu oclji-a tālj, vedz cum-āsh veadi orbu deadzâtili; tsiva
nu vedz!
-Ore tsi soi mi zubursāhti ashă?,lj-aurai mini-ali minti cu inati;
mea sh-mini huminidú nj-escú! Zboarili-a ljiei mi agudirâ tish
ca vārâ shcāmbâ câdzutâ dit tseru; sh-macâ nji-lj dai tini oclji-
a tālj ta s-vedú mash lâvilji, lâiets sh-fârmacú, tsāni-ts-lj ti tini;
ti mini sh-ti oclji-a melj, atselú locú nalbastú, easti nai ma
mushatu locú di tuti, sh-huminidzilji sunt nai ma mushatâ
mileti di tuti tsi bâneadzâ. Ts-u-ari datâ dipu kicuta!; zburam
ca ayunjisitú câ nu vream si-lj dau-ali minti nitsi-unú minut si-
nj toarâ zboru; di vârú kiro, mash lâiets vedz; ama stâpsescú
mini câ ti- alâsai s-nedz iu-ts-u vrea kefea. Vidzush locuri sh-
lucri tsi nu lipsea s-li vedz! Ti-adunash sh-fâtsesh muabets cu
oaminj tsi nu lipsea s-ti adunj! Ti-umplush sh-tini di lâvilji! Va
s-ti ljau s-ti duc tish analtú tu munts, la cutarili di oi, s-ti curi,
s-ti spelj, câ vedú c-adunash multâ lâiatsâ pi tini!
Mintea cănda mi-asculta, cānda nu mi-asculta; mutrea câtâ
steali, tish cānda mini nu iram cu nāsâ.
-Ascultâ aua-âlj grii mini, câ videamú câ zboarili-a meali
cānda li-loa vimtu sh-nu-agiundzea la nāsâ.
Nacâ agârsheshi nâpoi câ mini escú nicukiru-a tâlú sh-câ fârâ-
di mini, tini nu pots s-bânedz?! Mini ti hârescú, mini ti
acriscui! Nu mindueishti câ lipseashti s-mi tânjiseshti
156
niheamâ? Ti-anvitsashi s-dânjits zboarâ goali…
-E,he,he, acâtsā nāsâ s-aradâ; s-pirpilea di-ahāntâ arâdeari
sh-mizi dzâtsea câti vārú zboru …he, he, he, mini taha nu
potú ..he.,he, he, s-bânedzú fārâ-di tini; aistâ easti cama bunâ
shacai tsi nj-u dzâsesh pânâ tora, he, he…, nu kindurea nāsâ
di-arâdeari…
-Em câpsea! lj-aurai mini, zurusish dipú!
-Ia, câpsii, dzăsi nāsâ, ama ts-u-am dzāsâ sh-altoarâ: mini nu-
escú-a tau! Tini eshti-a melú! Fārâ-di mini, tini eshti dipú
kirutú! Nitsi nu shtii di câtâ-iu yini, câtâ-iu nedz, sh-tsi hii;
nitsi nu shtii s-tsâ badz pâputsili; nu shtii stânga di-ndreapta;
nu shtii noapti di dzuâ; nu shtii omu di prici; tsiva nu shtii
fārâ-di mini; hii tini, tsi nu pots s-bânedz fārâ-di mini! Ia, dzā-
nj câts-anj eshti? 40, 50, 60 di-anj?; shtii câts-anj amú mini,
mintea tau?
-Cât-amú mini ai sh-tini, dzāshú mini ca ciudusitú, anda
avdzāi câ tsi mi-ntriba mintea; ta s-tsâ dzācú-ndreptú, tini hii
ma njicâ di mini, câ tini, anja-nj vinish cama amânatú
-He, he, he, acâtsā nâpoi s-aradâ mintea, amânatú,
niamânatú, ia dzâ-nj, shtii tini di iu vinjú mini la tini? Cari mi
featsi mini ta s-potú s-yinu la tini?
Anda u-avdzâi, nu shtiam tsi s-grescú. Arâmashú mutú câ nu
shtiam tsi si-lj dzācú. Di-iu vini mintea meau la mini?! Cari u-
featsi?! Tâtseamú sh-mutreamú di-avigâra sh-cānda câftam
apandisea di la vārâ steau. Nu shtiu cum-ânj vini, câ di-aco di-
iu shideam-ngrishcâ, acâtsai s-u batú steaua pi pultâri sh-lj-
aurai:
-O la steauooo!; nāsâ ici; nu grea. “Steaoooo!, acâtsai mini s-
157
aurú cu boatsea ma vârtoasâ, sh-tut-u bâteam pi pultâri.
-E, e, aurā sh-nāsâ ca-aspâratâ, tish cānda u-sculai dit somú.
Tsi easti? Câdzu vārú?
-Nu! Nu câdzu vārú, grii mini, hâirosú câ mi-avdzā; voi s-mi
duts prota la papu, câ voi s-lu-antrebú tsiva.
Steaua cănda vrea si-nj dzācâ tsiva, ama boatsea-ljei
s-avdza dipú ca vārú kipurú di sati tsi ti-dishteaptâ tahinārili
dit somú. ”Ore tsi soi s-avdi ashă!”, mi ciudusii mini, câ nu
para adukeam tsi dzâtsea, sh-tut-avdzam boatsea-a ljei ca
vārú kipurú. Nitsi nu tricu niheamâ di-oarâ sh-cănda câdzui ca
vārâ shcāmbâ dit-atseali analturi nibitisiti, tu-unâ amari di-
apâ aratsi. Ore, nu ira boatsea-li steau tsi s-avdza ca vārú
kipurú; ira satea meau tsi u-bâgai, s-lu batâ kipuru la shaptili
tahina.
********
Mi-anâltsai pi coati ca lâhtrâsitú; nj-ancljishú oclji sh-nj-u
scuturai capu cănda s-mi dishteptú; shizui niheamâ di kiro cu
oclji cljishi sh-caftam s-nj-u-adunú mintea. Mutrii di-avigâra,
uhtai, sh-dzâshú,”aistâ minti-a meau zurusi dipú”; lipseashti
sâ zburāscu cu vārú yiaturú”. Kipuru,mizi lu-kindurii, câ iram
ca-mbitatú di-ahântâ alâgari namisa di “steali”; tuti tsi
li-târcui tish cānda s-featsirâ dearihina; “unú dearihina-yisu”
dzāshú mini; “vāhi easti zurusearea-ali minti tsi nu-nj mi-
alasâ ici rihati”.
-Haidi, aidi, nj-aurā mintea, scoalâ, c-avemú lucri!
-Zurusish dipú! lj-u turnai mini zboru. Câtse nu-nj mi alâsash
s-dormú rúhati ma mi duts tini iu-ts va kefea? Mi sculai
niheamâ di stâteam pi mardzina-li cârvati
158
-Tini nu durnjish!?,gri nāsâ; cari hârhi tutâ noaptea di
acâtsarâ s-batâ vitsinjli pi-murú!? Haidi, fudz tora tu banji s-
ti-ndredz, s-nu-amânāmú.
Dzâtsea ghini mintea; iram vinitú tu câsâbâlu di Curceau
ti-unâ andamusi ti limba sh-cultura armâneascâ.
Prota dzuâ, ira programatâ, ti satea nauli, sesiunea ti
zdicljideari, iu lipsea si s-adunâ tuts oaspitslji; tu sâhatea
doisprâ, va s-prândzam, sh-dapoia va s-aveam programú ti-
primnari cathishun, cum-âlj vrea kefea.
Tuti li-tricui ghini atsea dzuâ. La andamusi, ira vinits oaminj di
culturâ dit tutú Balkanu, ama sh-dit alti vâsâlii: Germânii,
Frantsâ, Italii, Canada, Avstralii sh-Amerikii.
Mults di-elj âlj shteam mash dupâ numâ, ama anda li-u-loam
māna, ni-aprukiamú tish cānda ni shtiamú di tutâ eta; s-pârea
câ oclji-a noci silighea unâ energhii tsi ni-aprukia, ni-anvigâra
sh-ni liga, unú di-alantú, cu tsiva hiri tish ca hirili di lānâ tsi-
anvigâra cicrikea-li mumi anda turtsea lāna; ira ca-unâ
conspiratsiuni di vreari, unâ vreari tsi ira secretu-a nostú
sâmtú, alâsatú tu-unú cohiu dit inima noastâ, di strâpâpânjili-
a noci; shteamú câ ni-vremú sh-nu lipsea s-câftām zboarâ ti-
aisti dukeri. Vrearea noastâ s-azvuma di-iuva ahândosú, di la-
unâ râdzâtinâ vârtoasâ tsi s-kirea iuva tu muntslji fivuroshi dit
Makidunia strâ-aushilor-a noci.
Iramú unoarâ fuzitú Istanbul. Tu-unâ dzuā neshú pit Bazar s-
aflu tsiva dhoarâ ti-cilimeanj. Tamam tsi mutreamú niscānti
bilingiuts di malamâ, avdzāi unâ boatsi di bârbatú ”Ore, iu
kiru aistâ muljieari; Custandâ! O, la Custandâ! Iu-eshti
159
more?” Mutrii câtâ-aco, di-iu vinea boatsea, sh-vidzui doi
bârbats, unú di vārâ tsindzāts di-anj sh-alantú di vārâ yingjits
anj; tutú s-anâltsa pi cipili di cicioari, ta s-mutreascâ pisti
alants oaminj. Ni-unâ, ni dau, neshú câtâ nâshi. ”Ore, armânj
hits?!" sh-tesh māna câtâ atsel tsi aura ti Custanda. "Eheee!”
dzāsi elú, “ore, dea-nostú eshti?”,nj-u lo māna sh-lj-acâtsarâ
oclji si-lj gioacâ di harauùă, sh-cănda nu s-fânâtea di mâna
meau ”Ore, tsi thamâ easti aestâ, cānda câdzush dit tseru
pisti noi. Di câtâ iu yini ashă?,sh-cum zbura cānda s-agârshe
câ u câfta muljiearâ-sa; cum zburam, vini sh-nâsâ cu-unú
shalú albú-ntru mānâ..”Ia, dzāsi nāsâ, aistu va lj-u ducú-a
nipotu-tu Yiancu”.”Ore, iu eshti? Ti câftām di-ahāntú kiro! Ia,
ni-adunām cu-unú armân dea-nostú”.
Di harauùă, câ ni-aflām dea-noci namisa di xenj, neasimú la
unâ dukeani di mâcām sh-featsim muabeti pânâ njadzânopts,
tish cānda ni cânushteam sh-aveamu bânatâ deadun di
totâna.
Aisti zboarâ …“easti dea-nostu…” sunt ca-unâ parolâ
armâneascâ secretâ tsi ni zdifatsi inimili-a noasti di-armânj
sh-ni-alasâ s-intrām nuntú, sh-inima dzātsi:”ghini vinsh tu
casa tau câ mini hiu sh-a tau, haidi shedz!”; dapoia-ts bagâ
dininti unú putirú-mplinú di vreari, cănda shtii inima câ
tsi-easti seati di vreari, sh-tini acats s-bei…s-bei…s-bei
sh-nu ti fânâteshti dotú.
Vrearea armâneascâ easti cama marea aveari tsi ni u-alâsarâ
strâ-aushlji-a noci, aveari tsi s-da di la unú la alantú, di tuti
etili di căndù ahurhi miletea noastâ di makidonj, aveari tsi nu
s-kiru pânâ sh-dzua di-azâ; sh-cum s-kearâ cāndú pirifanjli
160
muntsâ, iu s-amintarâ pâpânjli-a noci, ninga sunt aco sh-nâ
grescú:”a lāi frats, nu v-aspârats!, câtú va s-bânām noi, va s-
bânats sh-voi, câ voi hits fratsā sh-hilji-a noci, câ voi, dit noi
hits fapts! Noi himú muntsâ-a strâ-pâpânjlor-a voci!
Dumidzâlu arucā pisti noi unâ sâmitsâ dit cai ishā, acriscu shi
s-teasi, cama pirifanâ mileti di pi-aistu locú, miletea-al Filip
sh-Alexandru Macedon, sh-al Aeneas di Troia, sh-al Iulius
Cesar sh-Traianus di Roma, miletea armânjilor-makidunits
di-azâ”.Cu-aisti minduieri bitisii mini sesiunea di zdicljideari-a
atsâshtei andamusi.
Dupâ prāndzú acâtsai s-imnú pi sucâkili dit Curceau.
Nidzeamú câtâ iu mi dutsea cicioarili, câ mintea, ta s-mi alasâ
s-mi primnú rihati, nj-u-aveam pitricutâ tu niorilji alghi tsi s-
aduna unú câti unú pi disupra atsâshtui câsâbā vecljiú sh-
cănda s-avina cai di cai s-agiungâ ma aghonjia.
Câti unoarâ, kinduream sh-mutream di-avigâra; nu shtiamú
câtâ iu mi aflam ama, “tsi-ari ananghi“dzâtseam mini, mintea
mi veaglji di-aco, di-ndzeanâ, sh-nu va s-mi -alasâ s-mi keru.
Târcurâ vārâ trei sâhāts di cāndú tutú imnam, anda mi kinduri
unú omú ca shcurtú sh-mi-antribā:
-Do you speak English? Lu-mutrii ca di-ndzeanâ, câ mult
shcurt ira
-Yes, I do, dzāshú mini; vâhi s-veadi câ nu escú dea-locui
-Ti vidzui di vārâ trei ori cum tritseai aistâ sucaki, dzāsi elú
tu-unâ inglezâ tsi mizi u-dukeamú; s-pari câ nu shtii câtâ iu
nedz… cānda cafts tsiva… sh-tut mutreshti-ndzeanâ…Tsi
cafts?, antribâ elú; mini bânedzú aua di tutâ eta sh-li shtiu
tuti locurli, ama, cu ljirtari, câtse tutú mutreshti-ndzeanâ?
161
Vedz tsiva?; âsh dusi māna la oclji sh-acatsā sh-elú s-
mutreascâ câtâ tseru tish-cānda câfta s-aflâ tsiva. Mini nu
vedú ishtsiva, dzāsi elú cu oclji ninga arucats pi tserú
-Em, dzāshu mini, tora sh-vārâ trei sâhāts, nj-u pitricui mintea
aco tu niori, sh-tora nu para-am sâhii, câ nu-nj s-i turnâ ninga;
mutrescú niorlji s-vedu tu cari nior s-ascumsi, sh-pi cari nior-
ancâlicâ.
Shcurtu mi mutri ca ciudusitú sh-ca lâctrâsitú; oclji lj-isherâ
dit capú ca-ndau mâslini lāi, tish cănda vrea s-mi veadâ ma
ghini. Mini anda-âlj vidzui oclji ca -ndau mâslini lāi, mi lo
foamea…”aidi lāi mâslini cu cashú sh-pāni caldâ”, acâtsă
foamea si-nj greascâ…. Shcurtu zdicljisi gura s-dzâcâ tsiva,
ama nu lj-isherâ zboarâli dit gurâ; âsh featsi cârutsea, ascuke
di trei ori n-sinú sh-cârtsâni di ninga mini; tut tura capu vāhi
di fricâ s-nu negú dupu nāsú; ama, cum tura capu, s-ankidicā
sh-câdzu. Ore, cāra mi plâscâni unú arâsú sânâtosú, câ nji si
scutura tutú trupu di-arâdeari; niscânts tsi târtsea calea,
shutsa capu câtâ mini sh-mi mutrea ca ciudusits, ama mini
nu-aveamu ananghi. Papu-a meu ânj dzâtsea:”ficioru-a papu,
cāndu arādi omu, lji si spealâ suflitu sh-inima di lâiatsâ;
mintea lji si lunjineadzâ sh-trupu lji si discurmâ…” Dupu tsi mi
fânâtii di-ahântâ arâdeari, nj-arucai nâpoi oclji pi tserú…”Ore
iu s-hibâ aistâ minti-a meau?!, vāhi kiru aco-ndzeanâ tu niori,
câ s-umplu tserú dip, sh-niscānts di-elj acâtsarâ si s-lâiascâ;
soarili, lâctrâsitú, sh-lo sh-elú keafa. Acâtsai nâpoi s-mi
primnú, sh-cum mutreamú di-avigâra, vidzui sum unú pomú
unâ ca banketâ. “Va-nj shedú aua niheamâ, s-mi discurm”
dâzshú mini, ama foamea tut-ânj bâga kedits tu
162
cicioari…”Emú, alasi-mi tora, de!; aravdâ niheamâ câ ia, tora
va si-nj yinâ sh-mintea, sh-va s-nidzemú s-mâcâmú mâslini cu
cashú; cum shideamú, mi-acatsâ nâpoi arâsu di-oclji-a
shcurtui; cljish oclji sh-dzâshú, “va-nj shedú aua pânâ s-nji si
toarâ mintea; vāhi neasi nâpoi si s-adunâ cu “sor-sa” steaua.
Nitsi nu bitisii ghini zboarili câ-ia, ânj gri mintea:
-O, lāi nicukire, ti vedú cum stai atsia sumú pomú. Nu ti
aspari!; va s-shedú niheamâ di-oarâ aua tu niori câ mi adunai
cu niscānti surāri di-meali sh-fâtsemú niheamâ muabeti.
Sheds atsia rihati ca va s-yinú-ntroarâ
-Ore, iu-aladz?,grii mini. Nu ti-amānâ multú câ nj-escú
curmatú sh-foamea-nj zurusi dipú! Iramú hâirosú câ-nj gri
mintea; ira ea zurâ, ama ira zura meau. Ama cu cai fats
muabeti atsia tu niori? antribai mini ca ciudusitú
-Eheee, gri nāsâ, aua hiu deadunú cu Kira, cu Sirma, cu
Vanghea, cu Spiru, cu Vanghiu, cu Yiorgu, cu Mihali, cu Dina,
cu Andoni, cu Hrista, cu Nikulaki, cu Steryiu, ore himú mults
sh-tuts sunt hâriosh câ ni-adunāmú aua; aidi lāi muabeti..
-Em ghini, dzâshú mini, ca hârios câ nu mash mintea meau
easti zurâ; ma ti-adunash cu-elj, stā sh-fā muabeti pânâ s-ti
fânâteshti.
Dedú s-cljidú oclji, ama foamea nu-nj mi-alâsa dipú; acatsā s-
cāntâ unú cânticú, dipú ca picurarlji dit munts.
”Eeeeee, haidi lāi mâslini-lini cu cashú..
Cu cash more sh-cu pāni caldâ…eeeeee
Pāni caldâ moi di la dada…eeeee”
Ore tsi-nj pâtsāi mini mârata…eeeeee!”
163
-Bo, booo, tsi-nj pâtsâi, dzāshú mini. Em câpsea tora de! Di-iu
s-aflu mini tora mâslini cu cashu sh-pāni caldâ di la dada?
Tish ca vārâ bebâ eshti! aravdâ niheamâ!
-Anda ts’easti mintea fudzitâ, dip shtāpú eshti, nj-u tâcâni
foamea. Cum nu ts-anjurdzescú nārili ici? Bo, bo, booo, tsi
njiurizmâ di pāni caldâ yini di câtâ atselú cohiu! Mutâ-ts
niheamâ nārili câtâ nastānga nj-auār foamea.
Mutrii mini câtâ cohiu-ali sucaki, nj-arucai nārili pi-vimtu, sh-
dearihina ânj vini unâ ca njurizmâ di pāni caldâ.
Mutrii ma ghini sh-vidzui unâ dukeani dip tu cohiu, cu unâ
reclamâ tsi dzâtsea cu ghrami aroshi, Makedonia Fast Food.
Mi sculai unâ dau, imnai ca -yunjiusitú câtâ dukeani sh-intrai
nuntú. Anda intrai nuntú, more câra mi-agudi unâ njurizmâ di
pāni caldâ tish cănda nj-u-andisā vārú pānea nuntu tu nāri.
-Bunâ dzua, âlj grii mini pi-armâneashti, câ ashă-nj gri limba,
a unui omu tsi tamam câtu scutea unâ pânishcâ njicâ dit-unú
cireapú njicú, adâratú dit tuvli aroshi.
-Bunâ dzua, gri sh-nāsú fârâ s-mi mutreascâ, câ u-shutsa
pânishca pi unâ parti sh-pi-alantâ; ira unú omú ca shcurtú,
ghini ligatú, cu keptu largú, namisa di dau bratsâ vârtoasi;
peru laiú, lu-avea datâ pisti capú, sh-purta unâ mustatsâ
tumsâ shcurtú.
-Ore, dzâsh mini, di-anostú hii? Nu pistupseamú câ avdzamú
zboarâ armâneshti; dzâshú ca nacâ-nj facú urecljli di foami,
câ avdzam armâneashti.
-E! dzăsi omu cu-unâ boatsi ahândoasâ sh-pirifanâ! Armânú,
makidonú nj’escu! Avea unâ pâdyiau alba, târcutâ namisa di
164
bâru, ma ninga nu mutrea câtâ mini; u-bâgă pânishca tu-unú
piatú, iu avea sh-nâ cumatâ di cashú sh-unú bushurú di
mâslini.
Mini căndù vidzui piatu-mplinú cu mâslini, cashú sh-pāni
caldâ, nj-isherâ oclji ma laiú ca a shcurtui, mash câ-a njia nj-
isherâ di dipú, shi si silighirâ câtâ piatú, ”e, e,” li-aurai mini,
“iu fudzits ashă?”; vreamú si-lj kindurescú, ama-elj ici;
arsârurâ tu-piatú sh-acâtsarâ s-mācâ ayunjiusits, cānda nu-
avea vidzutâ cashú di tutâ eta.; di-cāra lu-vidzui piatu-mplin
cu tuti tsi li-adâsta foamea meau, nji si-umplu gura di-apâ sh-
acâtsai s-u ascapitú.
-Ashteaptâ niheamâ, dzāsi elu câ ia, amú unú oaspi; neasi
câtâ unâ measâ njicâ, cu dau scamuri iu shidea unú bârbat
tsi mutrea ca-aushú; avea peru albú sh-ândisatú; ninga elú,
pi-alantú scamú, ira unú trastú di lānâ, kindisitú sh-unâ
cârlibani ira-ndupuratâ di pultārili-a scamui. “E hee”‘, ânj
dzāshú mini anda vidzui trastu, cârlibanea sh-cashu cu
mâslini; “aici oaminj sunt amindolj armânj”; dukeamú cum
acatsâ inima si-nj gioacâ di harauùă.
Cari s-apândâcsea câ tamamú tu-aistâ dukeani va s-aflu
oaminj di-anoci; nj-acâtsarâ oclji si-nj si spealâ cu lācrânj,
ama nji li-ashtershú ‘ntroarâ, s-nu bagâ nicukiru di-oarâ.
-S-ai pohtâ papo, âlj dzăsi nicukiru-a aushui. Dapoia, s-turā
sh-vini câtâ mini cu budza pi-arâdeari.
-E lāi gione, cum u-ai kefea?,mi-antribā nāsú; mutrii tu-oclji a
lui, sh-videamú cum lji si umplurâ di harauùă; atsea harauùă
s-teasi sh-câtâ oclji-a melj sh-nji s-i-umplurâ sh-anja di
harauùăa lorú; elú sh-ashtearsi mānjli di pâdyiau sh-nj-u teasi
165
māna.
-Ghini vinish tu dukeanea meau, ânj dzāsi elú cu-unâ boatsi
hârioasâ sh-ma caldâ ca-atsea pânishcâ tamam scoasâ dit
cireapú. Lj-u loai māna sh-dukeamú cum harauùăa dit oclji-
anoci acâtsā s-curâ câtâ mānjili-a noasti, iu kinduri niheamâ
ta s-li hârâseascâ; dapoia lo calea câtâ inimili-a noasti, tsi
cānda s-zdicljisirâ ta si s-umplâ, si s-fânâteascâ, s-nu kearâ
nitsi uná kicutâ.
-Ghini ti-aflai, mizi grii mini; vreamú s-nj-u tragú māna dit
māna lui, ama elú nj-u scutura ahānt vârtos, câ mi scuturam
sh-mini tutú; mi mutrea ahândosú tu-oclji sh-acâtsă s-mi-
ntreabâ:
-Di-iu eshti? Cum ts-easti numa? Cum di kindurishi aua? Aidi
shedz s-māts, câ ts-u-avdzāi foamea cumú aura di cāndú
bâgash cicioru tu dukeani. Tsi vrei s-māts?, mi-ntribā elú sh-
mizi nji-u silighi māna. Mini nitsi nu-apucai s-grescú vārú
zború, câ elú nu kindurea ici, tish cānda u-avea andisatâ gura
cu zboarâ, sh-harauùă lui cānda vrea s-lji li-scoatâ tuti cu-
unoarâ. Haidi, haidi, dzāsi elú, s-nu ai arusheni, câ nâ himú di-
anoci…
Anda dzāsi, “nâ himu di-anoci”, ânj tricurâ pi dininti
minduierili-a meali ti parola secretâ armâneascâ, tsi zdicljidi
inimili-a noasti, iu strâ-aushlji ni u-siminarâ vrearea lorú ti
noi, sh-ti tuts alants tsi-avea s-yinâ dupu noi.
-Mea, voi sh-mini unú piatú cu mâslini, cashú sh-pāni caldâ,
cum lj-u dâdesh-al papu-a tâlu, mizi apucai s-grescú mini.
“Caftâ dau, dau piati!” nj-aurā foamea, ma mini, nu lj-u bâgai
tu coru
166
-Multu ghini, dzāsi elu. Tora potú s-dzācú sighura câ armânu
hii! Ia, easti unâ maasâ aco ninga measa iu sta papu. Du-ti stā
‘padi! Va-tsi li-facú tuti-ntroarâ; si-nj greshti Mihali dzāsi elú,
sh-acatsā s-talji unâ cumatâ di cashú, filii, filii.Tini cum
ts-easti numa?
-Custandin, dzāshú mini sh-lu mutreamú cumú talji cashu.
-E hee, dzāsi Mihali cu-unâ boatsi hârioasa, dipú ca….vru
s-dzācâ elú tsiva, ama nu li-silighi zboarâli; kinduri niheamâ di
tâljeari cashu sh-mi mutri ca ciudusitú; vidzui unâ ca-aumbrâ
tsi-lj târcu pisti ocjli, ca-aumbra tsi lu-da vārú nior pisti locú,
anda s-primnâ pi-sumú soari…
-Si-nj bânedz Custandine, mizi u-scoasi elú boatsea dit
gurmadzú. Aidi tora, du-ti di stâ-padi; va zburām dupu tsi s-
māts. Mini neshú câtâ measâ sh-loai ta s-shedú, ma nu
apucai, câ-avdzai boatsea aushui
-Ore, nipoate, ânj gri aushu, yinu di shedz aua cu mini. Cum
tora, va s-mi-alashú s-mâcu singurú?! Ore, di-anoci nâ himú,
dzāsi elú cu-unâ boatsi sânâtoasâ; zbura tish cānda mi
cânushtea di tutâ eta;.s-i sculā, lo trastu sh-cârlibanea di pi
scamú sh-li-andupurā ‘nghios di measâ. Ia, shedz atsia, dzāsi
elú sh-trapsi niheamâ scamu ta s-potú s-shedú. Dapoia s-turā
câtâ Mihali.
-Mihale, lj-aurā el, adu dau putirici di râkii, di-atsea tsi ts-u
adush mini aolteari. Dapoia, shidzu pi scamú, s-aplicā
niheamâ câtâ mini, cānda sā-mi veadâ, cānda s-lu avdú ma
ghini, mi mutri-ndreptu ‘ntr-oclj sh-mi antribā c-unâ boatsi
fureascâ
-Va s-bei unú putiriciú di râkii?, câ neadzi, ti lj-ia harauùă, cu
167
cashú sh-cu mâslini; vāhi eshti curmatú, ama unâ râkii va s-ti-
ndreagâ.
Oclji-a lui ira dipú lāi, ma lāi ca mâslinili atseali dit piatú,
sh-cānda mi pitrunsirâ tish ahândosú, tu-unú cohiú di suflitu-
a melú, iu nu putea s-intră vārú fārâ sâ shtiu mini. Ti ciudii,
aistú aushú, tsi ninga nu lj-ushteam numa, nitsi nu apucâ
s-bagâ cicioru tu pragu-a suflitui-a melú câ tuti ushili lji s-i
zdicljisirâ, ca-unâ lilici tsi s-zdicljidi cafi tahina anda u-scoalâ
soarili dit somú, ta s-bea unú putirú-mplinú di lunjinâ;
dukeamú cum suflitu nji si umpli di lunjinâ sh-di câldurâ, di
vreari, di harauùă, sh-di tuti mushutetsili-ali bani di anda iram
njicú.
Tu suflitu-a melú, aushu tish cānda ira la elú acasâ; cănda elú
ira nicukiru-a suflitui-a melú...ore, sh-câts oaminj aveamú
mini tu suflitú, ama elú, cānda-âlj cunushtea tuts...muma
meau, maia sh-dada, papu-a melú, fratslji-a melj, mama sh-
tati, nipotslji; aushu nidzea di la unú la-alantú, li-loa māna
shi-lj ambârtsâta tish cānda âlj cânushtea di tutâ eta, tish
cānda ira fratili sh-papu-a lorú.
Lu-mutreamú sh-mini aistú papú sh-nu mi fânâteamú; cum lu
mutreamú, oclji-a lui cănda mi loarâ di mâna sh-mi dusirâ pi-
unâ câlici ascumtâ, tsi dutsea câtâ suflitu-a lui sh-ca ti ciudii,
usha lj-ira dipú zdicljisâ; intrai sh-acâtsai s-imnú...”ehee” mi
ciuduseamú mini...papu imnâ tu suflitu-a melú sh-mini tu
suflitu-a lui.
Mutreamú di-avigâra sh-nu mi fânâteamú di mushuteatsa tsi
u-videamú; unâ mushuteatsâ di pârmithu; lāi munts cu
pâduri di fadz analts cu frândza veardi; lāi pulj, tsi cânta shi s-
168
agiuca di ascumtâlea namisa di dedz; lāi arāru, cu mārdzinj
kindisiti di shcâmbi albi, tsi-sh dutsea, cu pirifanj, apili limpidz
câtâ unâ padi-mplinâ di-iarbâ veardi; lāi cupii di oi, cu lāna
albâ spilatâ tu lunjinâ di soari; lāi cutari; lāi picurari tsi-sh
cânta-n-corú, searâ di searâ, trâtserili-ali bani deadunú cu
muntslji di-avigâra tsi cānda lj-udutsea sh-elj-a cānticui; lāi
hori ashtirati pi dzeni ca niscānti mârdzeali spindzurati di
cipili di munts, lâi muabets cu oaminj dâruts cu trastili mplini
di vreari. Dipunam tu suflitu-al papu sh-nu mi fânâteam dot
di tuti tsi li-videamú....
-Amú unú nipotú tsi lu-acljiamâ Custandin, u-avdzâi mini
boatsea aushui, ca pitú somú, ca pitú yisu; nu lu-am vidzutâ
di-anda njicú, ma ia, tora cānda-nj trâcu niheamâ doru căndù
ts-u-avdzâi numa. Mihali sh-Custandin, mini lj-acriscui, mini
âlj giucam pi dzânunki sh-li dzâtseamú pârmithi; mi vigljia
anda vineamú câtâ casâ, sh-vinea cuampatra di nj-ishea n-cali
sh-cai di cai vrea s-lu lj-au ‘mbratsâ; nu shtia cum s-mi
hârâseascâ, sh-aura...”papo, papo, mini, mini prota”, sh-
tindea bratsâli-ndzeanâ...ma, mini mi-aplicamú sh-âlj loamú
dolji-mbratsâ sh-nu mi fânâteamú si-lj bashú; ” aistú easti
papu-a melú! “ …”nu!, ma multú-a melu easti, câ mini u-voi
ma multú”…”nu, mini u-voi papu ma multú” dzâtsa unú ti
alantú…”papo. papo,cai u-vrei ma multú?...mini mi va ma
multú câ mini u-ntribai prota”...sh-ashă mi hârâsea tutâ calea
pânâ agiundzeamú ‘n-casâ; mizi ashtipta si-lj lj-au pi
dzânuclji, s-li spunú pârmithi; mi vrea multú sh-amindolji...tut
cu papu n-gurâ ira...
-Eh, uhtâ elú. Boatsea lji s-i muljiā dipú, sh-oclji acâtsarâ si-lj
169
lâcrimeadzâ; scoasi unâ shamii dit sinú, sh-ashtearsi oclji,
bâgā māna pi bratsu-a melú, sh-uhtā nâpoi; tu kirolu a melú,
nâ-bânam tuts deadunú. Noi iram patru frats sh-trei surâri;
ni-tsânea tati tuts tu-unâ casâ, tu-unú uború; tsi banâ, tsi
banâ... sh-cumú zbura, âsh mina capu cănda s-mi facâ s-lu
adukescú ma ghini; mash cu harei sh-mash cu vreari târtsea
dzua, sh-muntsâ tsi ni vigljia hoara, ira hârioshi câ bânam
namisa di-elj. Māna-lj trâmura niheamâ sh-cānda lji s-i-aliki di
bratsu-a melú; vrearea sh-doru-a lui, cănda cura shi s-virsa tu
inima meau, sh-inima lui cānda vrea si s-alikeascâ di inima
meau, s-batâ deadunú. Ashă cum zbura sh-cumú mi tsânea di
bratsú, sh-cum mi mutrea cu oclji aroshi di-lâcrâmari, sh-
cumú mina capu, tish cānda ira papu-a melú tsi mi-acriscu sh-
mini; dukii cum inima acâtsā s-nj-angreacâ tu keptú sh-cumú
s-umplu di-unú dorú lângârosú di papu-a melú; bâgai māna pi
māna aushui sh-mizi dzāshú cu-unâ boatsi-nkidicatâ.
-Tini papo, eshti dipú ca papu-a melú tsi mi-acriscu sh-
mini...sh-cumú zburam, ânj deadârâ sh-anja lācrânjli; mi vrea
multú câ-iram cama njicú di tuts nâpotsilji-a lui; câtú
u-loai shamia dit geapi, s-nj-ashtergú sh-mini lācrânjli, vini
Mihali cu-unú piatú-mplinú di cashú sh-mâslini, sh-cu
trei putirici di râkii; li-bâgā pi measâ; lo sh-elú unú putirici-
ntru mānâ sh-dzāsi:
-Aidi, multâ sânâtati! Lom sh-noi putiricili-ntru mānâ sh-li
ciucutimú unú di-alantú
-Ghini vinish Custandine, dzāsi Mihali. Vedú câ papu ti lo tu
inima lui; s-nu ai ananghi ti-mâcari, câhii oaspili-a melú sh-
escú multú hâriosú câ ti cânâscui; lu-deadi putiru pisti capú
170
sh-dapoia lu-deadi golú di measâ
-Oahi lâi, bunâ râkii adusesh papo! Papu, lu-deadi sh-elú
putiriciu pisti capú, sh-lu deadi sh-elú di measâ. Mini, ni-unâ
ni-dau, lu-dedú sh-mini putiriciu pisti capú sh-lu dedú sh-mini
di measâ…
-Ashă si-nj bânedz nipoate, ânj gri papu, cu oclji-mplinj di
harauùă; cumú s-veadi multú gioni hii!; mi mutrea cānda ira
pirifanú ti mini.
-Mihale, âlj gri papu, ore adu kelkea di râkii s-bemú ninga unâ
câ-azâ s-tradzi shcreta!; amú sh-multâ harauùă câ lu cânâscui
aistu ficiorú! Mihali, s-dusi s-aducâ kelkea di râkii Aushu lo
unú putiriciú golú di pi measâ, lu-anâltsā niheamâ sh-acâtsā
s-lu shutsâ, cāndú nastâga, cāndú nandreapta, sh-tutú lu
mutrea, tish cānda vrea s-lu zburascâ, s-lu ‘ntreabâ tsiva;
oclji-mplinj di harauùă, lji s-i limpidzārâ, lji s-apreasirâ sh-
acâtsarâ s-yiulutseascâ; lu-alâsā putirishcu pi measâ, mi
mutri, shi-nj dzāsi:
-Aidi, ljia di mācâ, de! Aistú cashú mini lu-am adusâ; anja
nj-avea târcutâ foamea; loai s-mācú ma mizi u-ascâpitam
mâcarea.
-Nacâ nu ts-arâseashti?, mi-ntribā papu; vāhi bâgā oarâ câ nu
para mâcam cu pohtâ. Si-lj dzācú-al Mihali s-facâ pipiritsi
tsâghnisiti? Mini morú ti-eali, zbura elú sh-cānda vrea s-mi
hârâseascâ.
-Nu, nu, dzāshú mini, ghini nj-escú; nu-ari sh-ma bunâ ca
pānea caldâ cu cashú; acâtsai s-mācu ma cu pohtâ ti hâtārea-
lui. Anda mâcam, avdzāi unú ca shuirú tu ureclji...”mi
171
turnai”… avdzāi mini boatsea-li minti...Nu ti-aspari!; aidi
mācâ, mācâ s-ti fânâteshti!.
Mini, di harauùă câ nji s-i turnā mintea, acâtsai s-mācú
ayunjusitú, cu-ndauli mānj, ca vārú zurú agiunatú sh-videam
papu cum mi mutrea cu harauùă.
-Ashă nipoate-nj, dzāsi papu, cānda si-nj da curaiú; ia tora,
armânú di-amelú hii!, sh-acâtsā sh-elú s-mācâ ayunjusitú cu-
ndauli mānji.
-Eheee, dzāsi Mihali, tsi tamam vini cu kelkea di râkii; tish
cānda hits nimâcats di dzatsi anj, sh-cum zbura, acâtsā s-
umplâ putiricili di râkii. Mini, ni-unâ, ni-dau, lu loai putiriciu,
lu-gulii sh-lu dedú cu seati di measâ.
-Oahi lāi, tsi s-tradzi!, aurai mini. Papu sh-Mihali mi mutrirâ
ca cictâsits sh-nu shtiu câtse li s-i umplurâ oclji cu lācrinj di
harauùă; mini-lj feciú semú-al Mihali s-nj-u lu-umplâ putiriciu
diznou.
-Aidits, li-aurai mini, bets câ vâ u-loai ninti, sh-nâpoi
lu-gulii putiriciu, sh-lu dedú golú di measâ. Ni-unâ, ni dau, li
deadârâ sh-elj putiricili pisti capú sh-Mihali li-umplu diznou
-Mihale, gri papu, ljia vārú scamú di stâ-mpadi câ dip cānda-
nj stai tu zvercâ. Mihali trapsi unú scamú di la altâ measâ, ma
nu shidzu.
-Ore nji s-i featsi sh-anjia foami di orixea voastâ, dzāsi elú, sh-
neasi s-ljia sh-elú tsiva s-mācâ. Mini cu papu mâcam fārâ
zboarâ, mash ni mutreamú, cāndú sh-cāndú pi sum
sufrântseali.
Mihali vini sh-elú, cu unú piatú-mplinú cu cashú, mâslini sh-
pāni caldâ; tuts trelj mâcamú ca ayunjiusits, tish cānda va s-
172
vinea vārú furú s-nâ ljia mâcarea dit piatú; tâtseamú tuts sh-
mâcamú Dupâ vārú kiro gri papu:
-Ore, Custandine, cum s-veadi multú gioni eshti; di câtâ iu
yini? Iu bânedz tini? Mihali mi mutrea, tish cānda ira vārú
pândarú, tsi mizi ashtipta s-nj li-acatsâ zboarili.
Mini u-loai kelkea, sh-li umplui putiricili diznou; lu-loai
putiriciu-a melu, lu-dedu pisti cap, lu-mutrii papu-ntr-oclj cu-
ananghi, shi-lj dzâshú:
-Mini, papo bânedzú tu-Amerikii; hiu vinitú aua Curceau, la
unâ andamusi ti culturâ armâneasâ; azâ mi primnai pit
câsâbālu-a vostú mushatú; dapoia, mi-acatsā foamea di-
ahāntâ primnari, sh-mi pimsi aua tu dukeani, câ tutâ sucakea
anjurdzea di pāni caldâ; hâbari nu nj-aveamú câ hits
makidonj, armânj di-amelj. Papu sh-Mihali kindurirâ
s-bea râkia sh-cānda-nj bea zboarili-a meali tu locú di râkii.
Mini acâtsai nâpoi s-mācú sh-cum mi mutrea dolji ca
ciudusits, s-avdzā unâ boatsi:
-Mihale! O, lāi Mihale!
-E, E, aurā Mihali shi s-i sculā di pi scamú sh-mutri câtâ usha
di la intrari di-iu vinea boatsea.Tsi easti lāi Mita, tsi vrei?
-Mi pitricu muma si-nj ti-unú piatú cu cashú, mâslini sh-pāni
caldâ, dzāsi aistú Mita, tsi ninga nu lu-videamú, ama Mihali s-
turā câtâ mini shi-nj dzāsi:
-Easti unú cusurinú dea-melú; lu-pitreatsi totâna muma ti
mâcari
-Aidi niheamâ-nculea, âlj gri Mihali, câ ia, avemú unú oaspi
dit Amerikii; mini cānda lu-avdzam Mita cum s-apruckia di
measâ.
173
-Ia, dzāsi Mihali, aistú easti Custandin. Ore, cāndú lu vidzui,
nj-arâmasi unâ cumatâ di cashú tu gurmadzú, sh-nu puteam
s-grescú ici; atselú Mita ira...shcurtu! Shcurtu, anda mi vidzu,
lj-isherâ nâpoi oclji ca-ndau mâslini, dipú ca prota oarâ anda
ni-adunām tu sucaki, sh-acâtsā si s-tragâ dinâpoi ca
ayunjiusitú, ca lâhtrâsitú, di cānda videa vārâ stafii; âsh featsi
cârutsea di vārâ trei ori, sh-cum s-trâdzea ashă cu pâltārili,
s-ankidicā di-unú ciciorú di scamú sh-câdzu; s-i sculā
cuampatra sh-cârtsâni lâctrâsitú nafoarâ dit dukeani; anja-ânj
vinea s-crepú di arāsú, ma shcretu di cashú ânj stâtea ninga
tu gurmadzú; loai kelkea di râkii sh-u dedú pisti capú di putui
s-u-ascapitú cumata di cashú.
-Nji s-i-acâtsă, mizi grii mini cu boatsea ca zgrumatâ
sh-nj-u dushú māna la gurmadzú; ca ti-bileau, mi lo sh-unâ
sugljitsari di-ahântâ râkii tsi biui, câ nj-arsârea capu di câti ori
sugljitsamú; u-loai kelkea sh-u dedú nâpoi pisti capú, taha si-
nj treacâ sugljitsu.
-Ore, tsi s-fatsi?, grirâ shamindolji n-corú, sh-mutrea cāndú
câtâ mini, cāndú câtâ usha di-nafoarâ; oclji li-ira ishāts ma
laiú di mâslinili-a shcurtui...
Mini nu para lj-avdzam, câ ma multu avdzamú boatsea-li
minti:
-Kindurea s-u dai kelkea pisti capú câ acâtsai s-mi anvârtescú,
dzāsi nāsâ. Nitsi nu bitisi mintea zboarili, câ lu-videamú papu
deadunú cu Mihali cum-acâtsarâ s-gioacâ avigâra di measâ.
-Ia, vedz armânjlji, âlj dzāshú mini-ali minti, cum si-adunâ,
cumú acatsâ s-gioacâ di harauùă; ni-unâ, ni dau, nj-anâltsai
mānjili sh-unú ciciorú-ndzeanâ ta s-giocú sh-mini; nitsi nu-
174
apucai s-lu bagú cicorú-mpadi ta s-lu analtsú pi alantú, câ-nji
si loarâ dauli cicioari sh-câdzui sumú measâ sh-pistupsecú câ
mi-acatsâ somu.
Nu shtiu câtú shidzui sumú measâ; anda mi dishtiptai, capu
nj-ira pi trastu-al papu; ca ti ciudii, avdzam ca shushurāri di
zboarâ tsi vinea di nuntru dit trastú: ”tsi s-anvârteashti dzua
shi s-zdivârteashti noaptea?” sh-nâpoi, ”tsi s-anvârteashti
dzua shi s-zdivârteashti noaptea”;
-Ore tsi s-avdi?,nj-antribai mini mintea? ama mintea nu-nj
grea ici; s-pârea câ nj-ira fudzitâ cashti-iu.
Nj-u lu-sculai niheamâ capu di pi trastú sh-zdicljishú oclji;
mutrii di-avigâra sh-vidzui dau preclj di cicioari sh-cârlibanea-
al papu; nu s-avdza ishtsiva; nu mata adukeamú mini tsi
câftamú sh-cum agiumshú sumú measâ; bâgai nâpoi capu pi
trastu-al papu, s-nj-u adunú mintea, ama cumú nji si-aliki
urecljea di trastu, avdzâi nâpoi atsea boatsi di nuntru dit
trastu: ”tsi s-anvârteashti dzua shi s-zdivârteashti noaptea”
u-alikii ma ghini urecljea di trastú, mea câra dedú di-arsârui,
tish cānda mi-arsi vārú pi câlcānji; cumú arsârui, dedú cu
capu di measâ, câ nu shtiamú ma nji s-i frâmsi capu i s-frâmsi
measa; vidzui câ measa s-anâltsā di cicioari sh-dapoia-nj
câdzu nâpoi pi capú; vidzui atseali dau preclji di cicioari câ
s-minarâ alargú di measâ sh-dapoia, avdzāi boatsea-al Mihali:
-Ore, Custandine, eshti ghini? Tsi pâtsāshi ore di dai ashā di
measâ? Tsi-ai cu measa, bre? Mini ishâi lâhtrâsitú; cu unâ
māna nj-u fricam capu iu mi-agudii sh-alantâ u-teshú câtâ
trastu-al papu
-Trastu-al pa..pa...pa…papu zburāshti, auram mini sh-mi
175
trâdzeamú cu pâltārili s-mi dipârtedzú di-atsa measâ.
-Ore, tsi dzāts ashă!?, cumú sâ zburascâ trastu!?, dzāsi Mihali
sh-mizi s-tsânea s-nu-aradâ; sh-tsi dzātsi trastu, mi-antribā
Mihali, shi sh-u dusi māna la gurâ, cānda s-u-astupâ ta s-nu lj-
ascapâ arāsu.
-Ore Mihale aistâ nu easti dipú shicai, lj-u turai mini zboru.
Atselú trastú zbu…zburâshti; s-avdi unâ boatsi tsi yini di
nuntru di trastu, zburamú mini cu limba ca-nkidicatâ sh-
dzâtsi, ”tsi s-anvârteashti dzua shi s-zdivârteashti noaptea”
sh-tutú ashă dzâtsi anda u-tsānj urecljea alikitâ di trastú.
Papu mi mutrea ma nu dzâtsea tsiva.
Mihali sh-u lo māna di la gurâ, ore sh-cāra lji-ascâpā unú
arâsu, ma tsi arāsú, ore cāra pârnji di s-alinā arāsu-a lui, tish-
ndzeanâ la cutarili di oi, di neasi di-avigâra di cutari, di vārâ
patru tsintsi ori, di li-yinea sh-a oilor mintea di-avigâra sh-
dapoia, cāra si silighea tu-padi, dipú ca vārú arâu zurú,
ascapatú dit muntili tsi lu-avea kinduritâ niheamâ di-oarâ ta
s-aibâ kiro mulârili si s-fânâteascâ di-apa-lui aratsi; sh-nâpoi
s-alina câtâ cutari sh-nidzea di-avigâra sh-nâpoi dipuna; di-
ahântâ arâdeari, al-Mihali lji si scutura sh-capu, sh-pāndica,
sh-bratsâli, câ dzāshú câ va s-li kearâ tuti; dapoia lu-apucâ
tusea sh-tushea di s-tsânea cu mānjili di measâ.
-Bea niheamâ apâ, âlj dzāsi papu; papu nu arâdea ici.
Bâgai oarâ câ kelkea di râkii ira dipú goalâ.
-Shedz-mpadi Custandine, ânj gri papu. Nu ti-aspari di
atsea boatsi tsi yini dit trastú
Mini cānda vreamú s-mi aprokiú di maasâ ta s-shedú ma
ninga iram lâhtrâsitú...
176
-Voi s-negu niheamâ tu banj, grii mini ta s-mi avdâ dolji.
-Ia, dzāsi papu, aco dinâpoi iu easti atsea ushi veardi.
Mihali lo di s-dusi s-bia apâ. Mini neshú câtâ atsea ushi tsi nj-
u spusi papu; ira unâ banj njicâ ma li-avea tuti tsi lipsea.
Mi spilai pi mānj, nj-u spilai niheamâ fatsa sh-dedú s-mi
mutrescú tu-liyii; ti ciudii, vidzui fatsa-al papu...”vāhi vini sh-
papu si-sh facâ apa, minduiam mini…”
-E lāi papo, zburam mini, sh-lj-umutreamú fatsa tu-liyii, ore,
cum agiumshú mini-aco sumú measâ?; nj-arucai nâpoi apâ pi
fatsâ sh-nâpoi mutrii tu-liyii; papu ira ninga aco ma nu grea,
mash mi mutrea;
-Hii ghini papo?, antribai mini, sh-nj-u scoshú shamia di
nj-ashtersú fatsa sh-oclji; mi shutsāi niheamâ s-vedú papu
ama papu nu ma ira aco...”ore cāndú fudzi ahāntú ayonjia”
mi ciudusii mini; ishāi nafoarâ dit banj sh-neshú câtâ measâ
ca-ayunjiusitú; papu nu ira aco; Mihali tamam tsi
u-aduna misalea; tu-unâ mānâ tsinea piatili sh-tu alantâ
putiricili di râkii.
-Mihale, grii mini, iu easti papu? Lu-vidzui tu banj, ma ca ti
ciudii nu-nj gri ici; mash tsi mi mutrea pit liyii sh-dapoia cānda
lu lo vimtu. Mihali mi mutri, ca ciudusitú, sh-dzăsi
-Mini nu lu-vidzui s-neagâ papu câtâ banj câ neasimú dolji
tu kilearú s-veadâ niheamâ talarili di cashú.
Papu yini unoarâ-ntru-mesú di mutreashti dzāru ta s-aibâ
nâmal sari s-nu s-aspargâ cashu.
Anda avdzâi, cānda nji s-i mutā peru; mi târtsea hiri-hiri dit
capú pânâ tu cicoari; fudzii cuampatra câtâ banj, u discljihsú
usha sh-neshú-ndreptu la liyii; mutrii tu liyii sh-videamú
177
fatsa-al papu cum mi mutrea; nj-u lu-shutsāi capu dinâpoi ma
nu ira vārú; mutrii nâpoi liyia sh-nâpoi u-videam fatsa-al papu
tsi mi mutrea; nj-arucai apâ pi fatsâ, ânj fricai oclji, ama fatsa-
al papu tut-aco ira sh-mi mutrea..
-Papoooo, acâtsai mini s-aurú sh-cârtsānii nafoarâ dit banj; o,
lāi Mihaleee, papooo, auram mini ca fudzitú di minti, sh-mi
aprukeamú cudealaga di measâ.
Târcurâ multi lâiets pisti mini, pit tutâ bana iu-aveamú
alâgatâ, ma aistâ nu u-aveamú pâtsātâ pânâ tora; di tuti
isturiili tsi li-shteamú, tsi li-aveamú ghivâsitâ, nu-aveamú
avdzatâ aistú lucru si-s-facâ; tsiva tsi nu u-cânushteamú tsiva
tsi nu u-videamú, cānda si-agiuca cu mini. Kicuti di sâdoari
acâtsarâ s-nji si-adunâ pi frâmti sh-dukeamú cum ânj
trâmbura inima di lâhtarea tsi mi-avea acuplusitâ.
Pânâ s-agiungú la measâ, bâgai oarâ câ Mihali nu ma ira aco,
ama pi scamu tsi shidea papu, shideamú… mini...mi videamú
mini!!!!
-Eh lāi papo, gri atselú di pi scamú câtâ mini, shedz 'mpadi!
Mihali s-dusi si-lj ducâ mâcarea-ali mumi-al Mita
Mini-nj fricai oclji sh-mutreamú la atselú Custandin di pi
scamú tsi zbura cu mini, tish cānda mini iramu papu, sh-papu
iram mini; dukeamú cum-ânj fudzi tutú sāndzili dit capú sh-
cum nji si tukescú cicioarili; mintea nji s-i guli shi s-ascumsi tu
scutidi; nitsi nu dukii cum câdzui nâpoi sumú measâ.
Dupâ vārú kiro, ma nu shtiamú câtú kiro avea târcutâ, cānda
mi dishtiptai sh-bâgai oarâ câ iram arucutitú pir-dints sh-cu
capú pi trastu-al papu ca vârú câpitinjiú. Trastu anjurdzea,
tish cănda papu avea adunatâ nuntú, tuti primuverili, di anda
178
fu amimtatú, cu tutú cu lilicili sh-njiurizmili-a lor.
Avdzamú unâ boatsi, sh-dapoia ninga unâ, sh-ninga unâ, ama
nu yinea dit trastú ca prota oarâ.
-Custandine, o lāi Custadine, grea unâ boatsi tsi nji s-i pâru câ
easti-al Mihali, tsi pâtsāshi ore? Ia, vini muma Nasta s-ti
veadâ, vāhi ti lo vārú di-oclj.
-Ore, cari s-u lj-ia di-oclji, gri alantâ boatsi, tsi nji s-i pâru câ
ira-al papu; mash noi iram aua tu dukeani...
-Em, vāhi u-loash tini di-oclj lāi Yianco, gri unâ boatsi di
muljiari, câ ts-arâsi câ lu-acljiamâ Custandin, ca nipotu-tu, tsi
kirea ti-tini sh-tini ti-elú.
Aistâ vāhi easti muma Nasta, tsi dzâtsea Mihali, minduiam
mini; dedú s-mi shutsú, ama capu tish cānda nj-ira alikitú di
câpitinjiú sh-nu puteam s-lu-analtsú.
-Ia, ia, s-dishtiptā ficioru, gri muma Nasta. Mihale, agiut-u
ficioru si s-scoalâ. Mihali mi-acâtsā vârtos di mānj, mi-agiutā
s-mi scolú sh-trapsi unú scamú di shidzui.
Shideam cu coatili pi measâ sh-cu capú angrupatú-ntru-mānj;
dedú s-grescú tsiva, ama nu nj-ishā vārú zború, tish cānda nu-
shteam sâ zburāscú; dedú s-zdicljidú oclji, ama nu nji si
zdicljidea pleoapili, tish cānda iram vārú cilimeanú tsi dip cât-
ishā dit pāndica māsa.
-Custandine, ia, vini muma Nasta s-ti discāntâ, câ ni bâgash tu
mari miraki. Tsi soi dzâtseai ashā câ lu-videai papu tu-liyii sh-
dapoia cānda lu lo vimtu, sh-dapoia ti lâctrâsish anda lu-
vidzushi papu pi scamú, di tsi s-i loarâ cicioarili.
Mini, ninga nj-u tsineam fatsa-ntru-mānj, sh-u-avdzam
boatsea-al Mihali, tish cānda vinea dit vārâ pihadi ahândoasā,
179
tsi s-tindea pânâ tu-alantâ parti-a locui.
-Custandine, gri muma, dâ-nj niheamâ mānjili s-tsi li
ahuleascâ muma, sh-nitsi nu-apucai mini s-li minú mānjili câ
muma nji li lo, nji li-teasi pi measâ, li-shutsā palmili câtâ nāsâ
sh-nji li-tsinea-ntru-mānjili-a ljei.
Mini ninga lj-aveamú oclji cljish, ama u-dukeamú muma
aproapea di suflitu-a melú.
-Mihale, ljia aistâ kelki di-untulemú, toarnâ disâ di pociú, sh-
ângâldzā-u nihimârātsâ, avdzam mini boatsea-li mumi ca pit-
yisú; adu sh-unú shpirtú, curbani muma, sh-bagâ-li aua pi
measâ.Tini Yianco stā pi scamú di-alantâ parti di measâ
dinintea-al Custandin, sh-tindi sh-tini mānjili cu palmili-
ndzeanâ.
-Em, tsi mi vrei mini, gri papú ca nâritú, nacâ dzāts câ vāhi mi
lo sh-mini vārú di-oclj?
-Shedz atsia sh-câpsea, lj-ushutsā muma; tini stâpseshti câ-âlj
dâdesh-a ficioru s-bia ahāntâ râkii.
-Em, nu lj-u turai mini cu zori tu gurmadzú de; bium dolji di
harauùă...
-E,e, lj-u shcurtā muma, aistâ harauùă vâ u-lo mintea di dipú.
Tini lj-u loash-al Custandin sh-elú ts-u lo atsāia....
-Ia, mumā pociu cu untulemú shi shpirtú, gri Mihali sh-li bâgā
pi measâ. Anja nji si zdicljisirâ niheamâ pleoapili nâmal ta s-
vedú câ tsi fâtsea muma, ama câtâ iu shidea papu, naparti di
mini, nu mutream, câ nj-ira fricâ s-nu mi vedú mini
Nāsâ nitsi nu mutrea câtâ mini; apreasi unú shpirtú, ashtiptā
niheamâ si-s facâ pira ma mari sh-acâtsā s-facâ, disuprâ di
pociú cârutsea cu shpirtú apresú. Dzâtsea niscānti zboarrâ
180
dip xeani ti-urecljili-a meali, sh-dupu tsi fâtsea cârutsea di trei
ori lu-aruca shpirtú tu pociú. Pira s-fâtsea ma mari, cāndu
dâdea di-untulemú, ma dapoia s-astindzea sh-acâtsa s-iasâ
unú fumú albú.
Muma apreasi altú shpirtú, sh-tutú ashā di trei ori; s-featsi
nâmalú fum disuprâ di pociú sh-acâtsā, ti-ciudii, si-s tindâ
câtâ nārili-a meali sh-al papu. Bâgai oarâ câ muma lu-sufla
fumu câtâ noi sh-avdzam aisti zboarrâ…” tsi s-anvârti si-s
zdivârteascâ”...sh-tut-ashā; dapoia dukii kicuti caldi di
untulemú tu palmili di la mānji sh-muma acâtsā s-lu tindâ tish
cānda adâra unâ cârutsi.”ore, tsi fatsi aistâ mumâ minduiam
mini” ama dapoia âlj kicā untulemú sh-tu mānjili-al papu sh-
tut ashă lu-teasi ca vārâ cârutsi ....“tsi s-anvârti si-s
zdivârteascâ” nu kindurea s-dzācâ muma.
Dapoia u-lo māna stāngâ-al papu Yiancu sh-u bâgā pisti
palma meau di la māna stāngâ sh-palma meau dreapta u
bâgā pisti palma di dreapta-al papu; sh-mini, ama sh-papu nu
greamú tsiva, tish cānda muma ni li-avea arâkitâ tuti
zboarrâli.
Muma scoasi dau shamii dit sinú sh-ni li ligā mānjli unā di-
alantâ, cu trei noduri la cafi shamii; dapoia acâtsā di fâtsea
crutsea disuprâ di mānji sh-dzâtsea...”tsi s-featsi nodú si s-
zdinoadâ”...sh-tut-ashā di trei ori la cafi mānâ.
Fumu dit pociú acâtsā si-nj intră pit nāri sh-ti ciudii, dukeam
unâ câldurâ tsi mi pitrundea tu tutú trupu; dukeam câ tsiva
mi spealâ pi dinuntú sh-mi curâ di lâvilji, tish ca picuralji tsi
cura matsili di la vārú noatinú tsi lu-tâlja ti Pashti di fātsea
cucârudú...”ore tsi thamâ easti aistâ” minduiam mini;
181
nj-aplicai niheamâ capu sh-acâtsai s-tragú sh-ma multú fumú
pit nāri; dukeam cum plumunjā nji si umplu di njurizmâ di
liliuci di munti, di njurizmâ di frāndzâ veardi, njurizmâ di lapti
hiertú, di cashú dultsi, di lānâ di oai tamam scârminatâ; nārili-
a meali nu s-fânâtea dotú di-aistú fumú tsi vinea dit pociu cu
untulemú; dukeam cum capu nji si-umpli di-unâ ca lunjinâ tsi
pitrundea pit tuti cāljiurili mintiti dit mintea meau sh-nji li-
bâga uná cāti unâ tu-aradâ. Tuti minduierili lâvoasi
sh-fârmacati, niscānti di-ameali sh-alti xeani di mintea meau,
nji li-loa di li-spila sh-li-nvishtea cu stranj dit hiri di lunjinâ;
dapoia li-bâga sh-eali tu-aradâ, tu cohiurili scutidoasi dit
capu-a meu, tamam cum badz pi aradâ librili tu vārâ
vivliotecâ. “Ore tsi ciudii s-fatsi” minduiam mini.
Muma sh-li teasi mānjili sh-li bâgā palmili pi capu-a melú sh-a
papui; dapoia sh-anâltsā capu sh-acâtsā s-dzācâ: ”haidi yinu
di-iu fudzish câ nâmal ti-anvârtish”, sh-tutú ashā. Cum stâtea
ashā âmproastâ, cu mânjli teasi, muma mutrea ca vārâ
cârutsi-nviscutâ tu-stranj lāi...”haidi yinu di iu fudzish câ
nâmal ti-anvârtish...” s-avdza boatsea-ljei sh-cum zbura,
mānjili-a meali sh-a papui acâtsarâ s-tramurâ niheamâ
sh-dapoia s-tramurâ ma multú sh-tutú ma -ayonjia...sh-
muma zbura tutú ma-ayonjia...sh-mānjili-a noasti trâmura sh-
ma vârtosú câ-acâtsarâ s-da di measâ.
Anja, acâtsā si-nj tramurâ sh-capu sh-tutú trupu.
-O, la Nastā, ore tsi s-fatsi ashă, avdzāi boatsea-al papu; Mini,
acuplusitú di lâhtrâseari, zdicljihsú oclji ta s-vedú ghini câ tsi
s-fatsi; cum mutrii câtâ muma, vidzui ca hiri di lunjinâ cum
182
scâpira pit bratsâli-ali mumi, di la capu-a melú câtâ capu-al
papu, sh-nâpoi câtâ capu-a melú. Dapoia ti ciudii, nodurili di
la shamii s-zdifeatsirâ, sh-mini sh-papu ni li-trapsimú,
lâctrâsits, mānjili di pi measâ; dupu mash niheamâ di-oarâ
muma sh-li lo mānjli di pi capitili-a noasti sh-câdzu, bâldâsitâ
sumú measâ.
-Mumā, mumā, si silighi Mihali câtâ nāsâ, eshti ghini? Nacâ ti-
agudish?; u-sculā di-mpadi sh-u-agiutā sâ shadâ pi scamú.
Mini sh-papu ni-sculām di la measâ sh-u mutreamú muma cu
ciudii; mutrea multú curmatâ sh-mizi adâlja.
-Ghini nj-escú, gri muma. Mihale, adu tora unâ kelki di râkii
sh-patru putirici sh-aidi si stām tuts avigâra di measâ
-Em, tora zburāshti ghini, âlj dzāsi papu-ali mumi; unú putirú
di râkii va s-ni-andreagâ tuts; tini Nastā nacâ ti-kiru
Dumidzālu sh-agiumsesh tu-uboru atsâlui, niastimtlu?!
Muma nu grea ici; s-videa câ ira multú bâldâsitâ, sh-oclji
lj-avea ca kiruts; mutrea tish cānda fumu atselú albu,
s-teasi ca vārâ peaji pisti elj.
-Tini Custandine, eshti ghini?, ânj-gri papu; emú altoarâ cama
pi-avash cu râkia; u-gulish giumitati di kelki mash tini.
Mini stâteam cu capu plicatú sh-nu greamú; ninga nj-ira fricâ
s-lu mutrescú papu.
-Nu easti di la râkii, avdzâi boatsea-li mumi; mini sh-papu
u-mutrim muma ca ciudusits. Nu shtiu cum, mini lu-shutsāi
capu câtâ papu sh-adiljiai lishoratú câ lj-uvideam fatsa.
-Papo, ghini nj-escú, dzāshú mini, sh-lu mutrii-ntr-oclj. Nitsi
mini nu shtiu tsi-nj vini, am biutâ sh-altoarâ râkii, ama nu-nj
fudzi mintea cum pâtsāi azâ; ciudii easti câ asearâ noaptea,
183
sh-cum zburamú, mutreamú sh-câtâ muma, anyisai cum mi lo
mintea di mānâ sh-mi dusi tu-analturli nividzuti a-universui,
iu mintea meau si-adunā cu-unâ steau, tsi dzâtsea nāsâ, câ
taha easti sorâ-sa; âlj dzāsi s-ni ducâ s-mi-adunú cu soia
meau, tu-uboru di sufliti armâneshti. Dapoia steaua ni lo-
ngrishcâ sh-ni dutsea sh-tutú ni-dutsea sh-ma-ndzeanâ; dupu
vārú kiro, lj-aurai s-mi ducâ la papu-a melú câ vreamú
s-lu-antrebú tsiva.
Steaua vrea si-nj dzācâ tsiva ama boatsea-ljei s-avdza ca vārú
kipurú di sati, sh-ashā mi-dishtiptai dit somú, dit-atselú yisú.
Ama ciudia mari, zburamú mini sh-mutreamú, cānd la muma
cānd la papu, easti câ-azâ agiunshú tu-aistâ dukeani di-
armânj, sh-aua mi-adunai cu tini papo, tish cānda atsea steau
nj-u featsi vrearea si-nj mi ducâ la papu-a melú; tora mi
minduiescú, nacâ tini eshti papu-a melú tsi mi giuca pi
dzânunki anda iram njicú, ashā cum-ânji dzâtseai tini ninti s-
acâtsām s-bem râkii?
Zburamú cu-unâ boatsi ashtiratâ; zboarâli nj-ishea pi aradâ,
ashā cum nji li-pitârtsea, unú câti unú, mintea-meau
Unâ isâhii di murmintsi si-ashtirā tu-dukeani.
Papu, Mihali, muma Nasta, mutrea ca niscānti cadhuri bâgati
tu-ramâ sh-di-aco mi mutrea cum zburamú; ama dapoia,
cadhurili acâtsarâ s-lâcrâmeadzâ, sh-heamâ câthi niheamâ,
lācrinjili acâtsarâ s-li-tukeascâ ramili, sh-oclji-a lorû acâtsarâ
s-plāngâ cu boatsi; atsea boatsi mi pitrunsi tu-suflitu
sh-acâtsā suflitu-a melú s-da lācrinj, sh-atseali lācrinj s-teasirâ
tu-oclji-a melj, sh-oclji-a melj acâtsarâ s-plāngâ sh-elj, cu
184
boatsi.
Cicioarili-a meali nu nj-aravdarâ ici; mi scularâ di pi scamú shi
s-i silighirâ câtâ-iu shidea papu. Bratsâli-a meali nj-u zdicljisirâ
inima, sh-cu inima zdicljisâ mi-arucai la-keptu-a papu, tsi ira
sh-elú sculatú di pi scamú sh-mi-ashtipta cu bratsili sh-cu
inima zdicljisi.
Mihali sh-muma Nasta s-aprucljiarâ sh-elj sh-teasirâ bratsili
di-avigâra di mini sh-papu; ni-adunām sh-aminpatrulji tu-unú
stogú di vreari; s-avdza mash unâ inimâ tsi bâtea, mash unú
suflitú tsi uhta, mash unâ boatsi tsi plândzea; shidzum ashā
vârú kiro tish cānda ni ira fricâ s-nu ni kiremú unú di-alantú
-Aidits tora s-bemú unú putirú di-râkii câ va s-ni fugâ sh-atsea
minti tsi ni-arâmasi, dupu tuti tsi li-târcum azâ, dzăsi muma
Nasta.
Mini u-mutriii muma Nasta, sh-mi târcu unú hirú di-lâhtari dit
capú pânâ tu cicioari cum u-vidzui ca vārâ crutsi
nviscutâ tu-stranj lāi, ta s-mi discāntâ; boatsea-ljei, ninga-nj
shushura tu-ureclj; “tsi s-anvârti, si s-zdivârteascâ”, ”tsi s-
featsi nodú, si s-zdinoadâ”,”aidi yinu di-iu fudzish, câ nâmal
ti-anvârtish”, sh-tut-ashā.
Cum shideam tuts avigâra di measâ, s-pârea câ, catishunú
di noi ira kirutú tu minduierili-a lui, tish cānda ni-câftamú
zboarrâli, sh-nu li-aflamú dotú. Anja-ânj vini tu minti yisu-a
melú, cumú mintea mi-avea antribatâ, ma di shtiu di-iu yini
185
mintea omui, cari-u fatsi mintea, sh-mini nu shtiamú tsi si-lj
dzācú
-Papo, gri mini, voi s-ti-antrebú tsiva...Papu, mi mutri, uhtâ
sh-dāsi:
-Eh, more Custandine, târcurâ multi pisti mini tu-aistâ banâ,
ama dzua di-azâ nu easti ti pistipseari; shi-li curmā zboarâli
sh-biu niheamâ di râkii. Papu vāhi vrea s-dzācâ sh-altsiva,
ama mini lj-u loai ninti:
-Papo, mintea omui di-iu yini? Cari ni-u da mintea-a nau? Iu
fudzi dupâ tsi moari omu? Cumú agiundzi la omú? Câtse
catishunú ari altâsoi di minti? A cui easti aistâ minti? Câtse nu
ni-alasâ rihati?, antribam mini sh-cānda nu puteam s-
kindurescú...
Papu, mi mutri niheamâ, dapoia s-aplicā, di lo trastu di sumú
measâ, nj-u lu-teasi anja sh-acâtsā s-dzācâ tsiva, ama ti ciudii,
zboarrâli-a lui nu li-avdzamú.
Mini lu-loai trastú, lu-bâgai dinintea meau, pi measâ, sh-nu
shtiu cumú ânji vini di nj-u-alikii urecljea di-elú; ca ti ciudii,
tora li-avdzam zboarrâli-al papu, tish cānda vinea di nuntrú
dit trastú; arsârui ca lâctrâsitú sh-mi dishtiptai dit somú;
bâgai oarâ câ iram kicâ di-apâ; mutreamú di-avigâra sh-nu
pistupseamú ca nj-escú acasâ tu cârvatea meau; ânj fricai
oclji s-mi dishteptú ghini, s-hiu sighura câ nu escú tu vārú altú
yisú; nu puteam s-pistupsescú câ tuti tsi li-târcui furâ mash
tu-nyisú…“Ore, tsi soi di-yisú mi pâtsā”, mi ciuduseamu mini;
“unú yisú tu-altú yisú, tish cānda-nyisai câ-anyisamú”; ama
tsi-amârtii câ mi dishtiptai, tamam anda papu vrea si-nj da
186
apandisi ti-antribārili-a meali; mi-arucutii nâpoi tu cârvati sh-
cljshú oclji ta s-dormú, cu nâdia câ atselú yisú va s-nji s-i
toarnâ, ta s-u ducú muabetea cu papu ninti, s-hiu deadunú cu
muma Nasta sh-cu Mihali tu-atsea dukeani di sufliti
armâneshti; ti-amârtii, nu mi-acâtsā somu; dupu vārú kiro, mi
sculai sh-acâtsai s-lu-ashterú aistú yisú tu carti, ta s-nu lu-
agârshescú vārâoarâ putes; sh-dzua di-azâ, ninti s-mi bagú,
mintea nji si dutsi la-atselú yisú, sh-lu-ashteptú, cumú ts-u-
ashtepts vruta anda si-amānâ, s-lu ducú ninti, ta s-mi-adunú
nâpoi cu papu.
188
Trastu-ali bani
Motto: Bana nu lipseashti s-u adukim! Bana lipseashti s-u bânâm…
Unú cânticú, cu numa “Trastu-ali bani”, tsi lu-scrirai aua sh-
vārâ dzatsi anj, dzātsi:
Câti unoarâ mi minduiescú
Di- iu vinim sh-câti iu nâdzem?
Locu-i vecljiu, ma bana-i shcurtâ
Pân’ s-u-adukim, oara-i târcutâ
Tora dupu ahānts anj, mi minduiescú câ di-iu ânj vinirâ aisti
zboarâ tu minti. Mini hiu amintatú tu-unâ hoarâ kirutâ tu
Rumânii, sh-agiumsh s-bânedzú tu-Amerikie. Pârintslji-a melj
s-amintarâ tu-Epirú, tu-Arbinshia di-azâ, tati Curceau sh-
dada, Pleasa di-ndzeanâ, sh-agiumsirâ di bânarâ tu Rumunii.
Fratili-a melú ma mari, Thanasi, fu amintat tu Cadhrilater,
Vârghâria di-azâ, sh-agiumsi di bâneadzâ sh-elú tu Rumânii.
Cari li-ndreadzi aisti lucri, di lu-amintâ omu tu-unú locú sh-
dapoia lu-ljia, di lu-dutsi s-bâneadzâ, tu-altú locu?
Easti vârú aco-ndzeanâ tsi s-li-aibâ scriratâ tuti tsi va si s-
tihiseacâ tu-bana omui ninti di s-amintâ? S-hibâ dealihea câ
atselú/atselj di-ndzeanâ u-scrii bana noastâ ashă cum va si s-
deapinâ, ca vārú gljiemú di lānâ, unú cu hiru ma shcurtú sh-
altú cu hiru ma lungú!; “lji si bitisi hiru”, dzâtsea aushljji-a
noci; easti unâ adheti veaclji, ma multú tu Balkanú, sh-ma
189
multú la oaminjli tsi bâneadzâ tu-hoarâ, cari dzātsi câ-a treia
dzuâ di-anda si-amintâ omu, yinú trei miri, njadzânopts, sh-
ghivâsescú-a cilimeanui, ti-cum va si-lj si deapinâ bana, sh-ti
tuti tsi va li-treacâ tu-banâ; “ashă-lj fu mira”, “tsi dzāsi mira,
atsea va si s-facâ”, dzâtsea aushlji-a noci, tsi ma multú, zbura
sh-minduia cu inima; e, ma, sh-pânâ tu dzua di-azâ, ni câ li-
ari avdzatâ, ni câ li-ari vidzutâ, vārú mirili; dit-eta etilorú, a
omui lj-arâsi s-pistupseascâ, câ easti Tsiva aco-ndzeanâ, tsi
ninti di s-ni-amintām, ni-u-ashtearâ calea sh-u kindiseashti cu
tuti hareili sh-kiderili tsi va li-trâtsemú; câtú bâneadzâ omú,
adunâ tu trastu-ali bani, nu mash mushutets, ama sh-multi
stepsuri sh-kideri, sh-ti tuti ari omu unâ simbâtsâri…”ashă vru
atselú di-ndeadznâ!, mini imnu pi calea tsi nj-u-ashtirā Elú; nu
easti stepsu-a melú.”; vāhi easti elú, omu, tsi-avea anaghi, ta
s-lu-adarā pi-Atselú di-nzdeanâ, ta s-lj-u treacâ a Lui di-
arumina, trastu-ali bani, cu tuti stepsurili sh-tuti kiderili; altâ
soi, trastu va s-lu-zdurmina ma s-lu dutsea omu; e, omu-avea
anaghi di-unâ simbâtsāri, ta s-poatâ s-u ducâ bana ninti, ashă
cum shtii icâ ashă cum nu shtii; omu ari anaghi s-pistupseacâ,
câ easti tsiva aco-ndzeanâ tsi va s-lu-agiutâ s-ascapâ di kideri,
ta s-u treacâ bana mash cu harei; cu aistâ pisti, sh-u featsi
omu thimelju ti-suflitu-a lui;
Pistea, nâdia sh-vrearea ti-banâ sāntú untulemu tsi u-tsānú
căndila banâljei apreasâ; pistea, nâdia sh-vrearea ti-banâ lu-
facú omu s-mutreascâ câtâ-ndzeanâ, anda ari anaghi di
tsiva; eali deadunú u-facú a-treiadza tsi u-ducú bana omui
ninti, itsido cum easti.
Ore, s-hibâ cum s-hibâ, ama cathishun lipseashti s-aibâ-
190
ndreptu s-pistupseascâ,
s-minduiascâ, s-bâneadzâ ashă cum-âlj cāntâ inima; papu-a
melú ânj dzâtsea, “nipoate, ma s-vrei s-bânedz dearihina, sh-
averú s-tsâ hibâ lunjinâ pi-calea tsi-imnj, ascultu cânticu-ali
inimi, nu boatsea-li minti; mintea nu easti-a tau; mintea omui
lji-easti siminatâ di-atselj di-nafoarâ, di cāndú zdicljidi oclji,
anu-di-anu, pânâ tu-aushaticú, sh-pânâ-lj cljidi nâpoi.
*********
Căndú-agiumshú tu-Amerikie, imnam câti vloarâ pi sucaki sh-
cumú mutreamú di-avigâra, tuti nji si pârea xeani di inima
meau. Dukeamú câ aistâ nu easti casa meau; ”ore tsi caftú
mini aua” ânj-dzâtseamú tu minti.
Ma ti ciudii, căndù irram tu-anu 2010, Moskopole, la Marea
Anadamusi-a armânjlor, sh-neshú di vidzui, cu aistâ furnjii,
locu iu s-amintâ tati, Curceau, aveamú altâ soi di dukeri tu
suflitu-a meu; imnam pi sucaki, mutreamú di-avigâra, videam
sh-aua casili sh-dukenili, sh-tuti cănda ânji dzâtsea:”ghini
vinish acasâ, lâi ficior. Câtâ-iu aladz?; a-cui ni-alâsash?; cum
bânedz aco tu-xeani va s-bânai sh-aua; Ia, sh-aua tseru easti
nalbastu; Ia, sh-aua frândza easti veardi; Ia, sh-aua pulji-
azboairâ sh-ni hârâsescú cu cânticu a lorú; Ia, sh-aua avem
lilici tsi ni hârâsescú cu njiurizma lorú”; mutreamú di-avigâra
sh-nu psitupseam câ, dealihea irram acasâ. Lācrânj acâtsarâ
s-nji si-adunâ tu oclji; u- dushú mâna la gurâ sh-mizi mi
kindurii s-nu plāngú. Greu! Mult greu s-bânedz tu-xeani
cāndú inima ts-easti ‘mplinâ di vreari, ti casa-a suflitui-a tālú,
ti locu iu sunt angrupati râdzâtinjili-a tali sh-a pâpānjlor-a tālj.
Tut cu aistâ furnjii neshú di vidzui sh-hoara iu s-amintā dada
191
meau Yianula, sh-iu bânarâ sh-pâpānjli-a melj, tu-unú locú
anvigârat di dzenili di munts, unú dealihea paradis cu numa
Pleasa di-ndzeanâ; u-am scriratâ isturia, cum neshú di vidzui
aistâ hoarâ, tu-unú altú pirmith, cu numa “Iu eshti lāi papo”
Eheee…câti nu sunt ti spuneari…ama omu nu poati
s-bâneadzâ mash cu isturii di vreari, mash cu poiemati, mash
cu-uhtāri, mash cu minduieri, mash cu cāntic sh-giocu; multi
lucri tsi s-facú tu-banâ-a noastâ, tuti târtserili-ali bani, di
cāndú ni-amintām, pânâ tu-ascâpitatu-a banâljei, multi nu li-
adukimú sh-nitsi câ avemú oarâ s-li-adukimú sh-poati, nitsi câ
lipseashti s-li-adukimú.
Bana easti multú shcurtâ, sh-pân-tu soni, bana nu lipseashti
s-u-adukimú; ”tsi-easti bana?”antreabâ niscānts sh-
apandisea li-arâmāni spindzuratâ di limbâ; ”hiu, ama nu
hiu!”, antriba Shakespeare shi sh-lu dâdea capu di-murú sh-
mintea lji si-acuplusea sh-ma multu di kisâ,; tu soni, bana
lipseashti s-u bânām, s-u aprukiem cu harauùă, ashă cumú
yini di s-deapinâ; s-u bânām cu dukeari, cu vreari sh-
akicâseari.
Aistú cânticú neadzi ninti sh-dzātsi:
Dumidzālu ni-ar datâ minti
Omu s-neagâ tut mash ninti!
M- ahântâ minti nu ni-ar datâ
S-u shtibâ omu ninti cum s-neagâ!
Ma s-lj-avea datâ Dumidzālu-a omui, ma multâ minti,
Alexandru-a nostú nu va s-u-alâsa Makidunia cama di dzatsi
192
anj, ta si s-ducâ cu-ashkerea-lui pânâ tu bitisita a locui, pânâ
la Hindus, di lândidzā sh-muri tu-xeani, di u-kiru Makidunia,
vâsalia noasta, di u-loarâ xenjli sh-noi di-azâ, tsi himú dit
râdzâtina-a lui, s-bânāmú, la noi acasâ, ca tu-unâ casâ xeanâ,
fārâ di-shcoli, fārâ di-bâserits, fārâ di identitetú.
Himú noi arbinesh? Nu!. Himú noi grets? Nu!.Himú noi
vârghari? Nu!. Himú noi sârghi? Nu! Himú noi rumunj?Nu!;
ama elj, ni u-loarâ casa, skcoala, bâsearica, limba, numa,
identitetu, mash câ nu puturâ s-nâ ljia suflitu, inima, spiritu,
tsi ni li-alâsarâ pâpânjli-a noci cu limbâ di focú. Xenjli ni u-
loarâ shcoala, ama limba noi ninga u-zburām; ni lu-loarâ
identitetu (alâxirâ numili), ama noi ninga u-tsânem numa tu
suflitu-a nostú; ni u-loarâ bâsearica, ama noi nu lu kirumú
suflitu di-armânj; ni li-loarâ casili ama noi u-featsim casa tu-
inima noastâ! Nu! sh-Nu! Xenjli, nu potú s-ni kearâ
pi noi, câ noi himú muntsâ, arāurli, pâdurili, frândza tsi da
veardi primuveara, amarea, tseru pi disuprâ cu pulji tsi
azboairâ sh-ninga u-cāntâ limba noastâ armâneascâ.
Râdzâtinjili-a noasti sunt ahāntu ahândoasi tu-Makidunia
istoricâ, câ vārnu nu poati s-li-arupâ, s-li-usucâ, s-li-ardâ, s-li-
kiarâ! Râdzâtinjili-a noasti sunt ninga verdz sh-tu dzua di-azâ;
dânâsesc di cama di 4000 di-anj sh-ninga ni-da puteari s-
alumtām ta isnafea noastâ s-nu kearâ!
Tu cathi shcāmbâ dit casili tsi li-alâsarâ strâ-aushlji-a noci pit
muntsâ-a Pindui, Olimpus, Grammos, Epirus, tutâ Thesalia sh-
pân-di-amarea Egeye, sta apreasâ unâ pirâ, ca vārâ căndilâ tsi
193
li-veaglji suflitili armâneshti s-nu s-tukeascâ, sh-cashti cumú
ts-u-alikeshti ureacjlea di-vārâ shcāmbâ, va s-u-avdz boatsea
picurarilor-a noci, cum-âsh cāntâ giunamea sh-nikirerea. Tu
dzua di-azâ, soarili-a nost yiulutseashti sh-ma multú pi tseru-
ali Evropa, câ azâ noi himú cama veclji evropenji!
Azâ Evropa easti casa noastâ, câtse, câ Evropa s-timithlusi cu
shcâmbili tsi-arâmasirâ, ca kicuti di kiro, pi mealu-ali Amarea
Egeye dupu tsi câdzu Troia-al Priam sh-Aeneas. Azâ Europa
easti di partea noastâ, sh-va nu va, pânâ tu soni, tuti vâsâliili
iu-bânām, va s-ni pricânoascâ identitetu-a nost di-armânj, cu
râdzâtinâ di Makedon sh-cu spirit di Cezar Romanus.
Sh-tora ta s-mi torú la zboarili dit cânticu-a melú:
Omu ninga va-nvitsari
Tsi s-facâ cu mintea tsi-ari
Mintea ma u-tsânj tu-aumbrâ
Nu-anveatsâ omu, omú s-agiungâ!
Sh-ninga cât omu s-vatâmâ n-cali
Digeaba caftâ s-agiungâ tu steali!
Ari omu di-azâ ma multâ minti ca omu tsi bâna tora sh-tsintsi
njilji di anj? Vâhi ari ma multâ, ama tsi-ari s-facâ, câ nitsi azâ
omu ninga nu para shtii câtâ iu-neadzi! Ma s-lj-avea datâ
Dumidzâlu a-omui nâmal di minti, omu, i-vecljiú, i-atselú di-
azâ, nu va si s-vâtâma unú pi-alantú, nu va u-ampârtsa laolu
pi vâsâlii, pi relighioni, pi-avuts sh-niavuts! Aistâ ampârtsari
adusi, sh-ninga adutsi, sh-va s-aducâ tuti lâietsili tsi s-facú
pi-aistâ planetâ. Politikia sh-relighionu sunt atseali tsi
194
lj-ampartsâ pi-oaminj, di li-aspardzi, li-farmâcâ sh-li
manipuleadzâ mintea, di âlj facú pi oaminj s-da unú pi-
alantu!
Politikia sh-relighionu va di u-tsânú mintea omui tu-aumbrâ!;
ma s-ni minduim niheamâ, ni-politikia ni-relighia nu-arú vārú
interesú s-lu-anveatsâ omu, s-lji-u-ducâ mintea tu lunjinâ; ti
politikieni sh-ti bâsearicâ, cu-tuti institutsionili-a lorú, omu
lipseashti s-hibâ ca tsiva oi tsi li-tsâni picuraru tu cutarú sh-li
dutsi iu va nâsú, sh-li-hâreashti mash ta s-hibâ buni ti
muldzeari sh-ti mâcari;
Cânticu-a meu neadzi ninti sh-dzâtsi:
Mintea omui va-alâxeari
Câ i-rudzinâ pi meridiani
Meridiani rudzâniti
Ta s-nu kiremú va-alâxiti!
Ama, ta s-li alâxim “meridianili rudâzniti”, ta s-u-alâximú
mintea omui, ta s-putem s-alâxim fundamentu/timelju pi cari
easti “anâltsatâ” aistâ tsivilizatsiuni, lipseashti s-nidzemú la
orighinea omui, la râdzâtina-a lui, “la atselú” icâ “atsea” tsi
lu-featsi omú, sh-nu prici; vāhi tsentru di nervi, creieru-a
omui, lipseashti “ri-programat” sh-mâdua s-lji-hibâ frimitatâ
diznou, ta-s-poatâ s-da-a omui ma multâ energhii sh-
intelighentsâ pozitivâ; meridianili “rudzinirâ” di fârmacu tsi
lu-pruscuti, pisti eali, tsivilizatsionu-a omui, tsi fliturisi pi-
aistâ planetâ, tora sh-vārâ dzatsi njlji di-anj, ashă cum
195
u-shtimú dit vivlia-al Abraham, sh-a Hristolui, sh-dit isturia
anticâ, dit measi, sh-mudernâ; di iu vini tutú aistú fârmacú tsi
s-adunâ tu suflitu, tu mâdua, tu creieru, tu mintea-a omui!?
E, vāhi dit-atselu thimelju pi-cari s-anâltsā casa omui pi-aistú
locú, sh-pari câ thimelju fu elú isish fârmacatú dit-ahurhitâ;
ma s-u mutrimú tsivilzatsionu ca-unâ banâ di-omú -cumú si-
amintâ, cumú acreashti, cum s-maturâ, cumú ausheadzâ,
cumú moari- atumtsea, va s-yinâ sh-oara-a lui ta s-moarâ,
ama cashticāndu; si spuni câ, pi aistâ planetâ, ma
s-dizvârtirâ nica tsintsi tsivilizatsii nintea atsishtei, tsi
dânâseashti di-vārâ dzatsi njlji di-anj
Ama, ma s-poatâ omu di-azâ, s-li-alâxeascâ meridianili, s-lu
vindicâ thimelju di fârmacú, vâhi aistâ tsvilizatsioni, nu va s-
kiarâ vloarâ putes…
Cânticu neadzi ninti sh-mai dzâtsi:
Omu lipseashti mintea s-hâreascâ
Ti tsi i omu el s-adukeascâ
Sh-tu banâ omu cât bâneadzâ
Sâ seaminâ mash mushuteatsâ!
Omu vloarâ s-nu kindureascâ
TRASTU ALI BANI S-LU KINDISEASCA
Sh-tu trastu omu va s-adunâ
Ti atselj tsi yinu, mash minti bunâ!
Di-iu nâ yini aistâ fotisi ta si scrirām poiemati, ta
s-zuyrâpsimú, ta s-fâtsem operi di-artâ, ta s-fâtsem
196
inventsioni, tutâ aistâ tehnologhii-a internetui sh-multi alti!?
E, si spuni câ, creieru a-omui easti conectat sh-comunicâ pit-
undi electromagnetitsi, cu intelighentsia universui, pi cari
mults u-acljiamâ Dumidzā; minduiescú câ omu easti ninga
multú, multú diparti s-adukeascâ cum-âlj lucreadzâ creieru
sh-cum s-conecteadzâ sh-comunicâ cu inteligentsia
universui//Dumidzālu sh-vāhi easti ma ghini s-nu li-shtibâ
tuti, ta s-aibâ oarâ si s-hârâseascâ di banâ, s-u kindiseascâ
mash cu mushutets..
Ira mash-unoarâ unú OMU bunú, tsi-bânā pi-aistú locú, tora
sh-vārâ dau njlji di-anj: Hristolu! Hristolu ira omu tsi lu-
kindisea trastu-ali bani; aduna tu trastu-a ljei mash vreari ti-
oaminj, mash minti bunâ, mash yitrii ti-suflitu sh-inimâ omui,
mash lunjinâ ti mintea omui; tuti aisti li-ampârtsa cu tuts
atselj di-avigâra ta s-aibâ ti-elj sh-ti cilimanjlji-a lorú, sh-ti tuts
tsi va s-vinea dupu elj; inteligentsia universui lu-adârā
Hristolu ta s-hibâ unâ urneki di cum lipseashti s-hibâ omu, sh-
dapoia, tuts alants s-anveatsâ di la Elú shi s-caftâ s-hibâ ca
Elú.; ma s-ira tuts oaminjlji ca Hristolu, nu va s-aduna ici
fârmacú pi-aistâ planetâ; nu va-lj si rudzâna meridianili; tutú
laolu va s-bâna tu harauùăâ!
Ama tsi featsirâ oaminlji cu aistú mari OMU tsi cănda era
vinitú di-ndzeanâ, di pi-altâ planetā?,oaminjlji lu-vâtâmarâ;
“vâ ljiertú li-dzāsi Hristolu ca nu shtits tsi fâtsets”.Em, dapoia
cari stâpseashti câ omu nu shtii tsi fatsi?! Mini dzâc ca
stâpseashti “atsel” i “atsea” tsi lu-featsi omu fârâ di nâmal di
minti!
197
Ama tsi ari s-facâ tuti aisti dit “Trastu ali bani”, cu isturia
noastâ, cu Troia, Pelja, Roma, cu Filip, cu Alexandru, Cezar
Romanus, cu Armânamea, cu limba armâneascâ tsi easti pi
cali si-s-kiarâ, cu Europa sh-cu pricunushterea armânjlor ca
popul reghional ahoryea?
Ta s-dāmú apandisea la aistâ antribari va s-ni turām la tsi
dzāsh ma-ndzeanâ,”bana easti shcurtâ sh-pânâ s-u adukimú,
oara-i târcutâ!”sh-ti atsea câ easti shcurtâ, bana lipseashti s-u
bânāmú!”, ama, noi, s-u bânāmú ca rremenj/armânj, ca
makidon-armânj; s-u bânāmú cu pirifanja noastâ
armâneascâ!: s-u cântāmú, s-u giucāmú tu limba noastâ
armâneascâ, tsi ninga s-avdi tu-itsido cohiú dit Makidunia
istoricâ!: s-lu kindisimú “Trastu-ali bani armâneascâ” cu
adhetsili-a pâpānjlor-a noci!; s-adunāmú tu trastú, ti atselj tsi
yinú, cilimeanjli-a noci, tuti isturiili tsi dzâcú cari himú noi, di
iu vinimú noi, cari easti râdzâtina noastâ!; s-adunâmú tuti
cântitsili, poematili cântati shi scrisi pi limba armâneascâ!
Aistú trastú s-lu târtsemú di la unâ gheneratsie di-armânj la-
alantâ tsi yini, shi si-lj dzâtsemú: “aistú easti Trastu-a
strâpapui-a tālú!; ma s-lu keri, va s-keri sh-tini!, sh-tini, s-lj-u
dai trastu-a cilimeanjlor-a tâlj , sh-cilimeanjli-a tâlj s-lu da-a
cilimeanjlor-a lor, câ tu aistú trastú ni tsânem râdzâtinjili-a
noasti, câ tu-aistú trastú easti suflitu-a nostu, câ tu aistú
trastú u-tsânemú inima noastâ tsi ninga bati sh-ninga easti
198
yii, câ tu-aistú trastú u-tsânem boatsea noastâ, câ tu-aist
trastú u-tsânem pita noastâ armâneascâ tsi ni hâreashti di
cama di 4000 di-anj ta s-acrishtemú armânj, câ aistú trastú
easti pathrida noastâ sâmtâ!”
200
Iu hii lāi papo?!
Nj-aducú aminti di-anda njicú, vāhi s-aveamú vārâ patru,
tsintsi anj, cumú mi-aduna muma, ta s-mi bagâ tu-somú,
cāndu dipuna noaptea pisti hoarâ. Nj-arâsea s-dormú cu
muma câ-nj dzâtsea isturii dit locurili iu s-amintâ nāsâ, tu
muntsa-a Epirui.
Muma meau u-acljima Hrisula sh-avea unú frati, Thanasi, tsi
ira avinatú sh-di turts sh-di grets; ira unâ soi di Robin Hood,
tsi bâna analtú tu munti sh-mash noaptea dipuna tu-hoarâ di
s-aduna cu oaminjli-a lui; nu mi fânâteamú s-avdú di la muma
isturii cu tuti tsi li-avea târcutâ fratili-a ljei ma mari Tanasi;
“haidi bagâ-ti tora ânj dzâtsea muma, ma mini dzâtseam,
“aidi la mumâ dzâ-nj ninga unâ sh-u s-mi bagú”; cumú u-
dipina muma isturia, a njia nji si dutsea mintea câtâ atseali
locuri sh-nji si-umplea inima di pirifanj câ aveamú unú papu
tsi era ahântu gioni; di-anda njicú nj-avea intratâ tu minti s-
negú s-vedú atseali locuri sh-ma multú, hoara iu s-avea
amintatâ sh-bânatâ pâpānjli-a melj, Pleasa di-ndzeanâ.
Isturiili, tsi nji li-dzâtsea muma, li-am ninga tu minti, sh-va s-
yinâ vārú kiro, cāndú va s-li-ashterú pi carti, ma tora vini oara
s-negú s-vedú atsea hoarâ.
Tu-aistâ hoarâ s-amintâ sh-dada meau Yianula, tu-anu 1919;
ama tu anu 1927 hoara-s-asparsi sh-fudzirâ tu Rumunii; cum
agiunsirâ dit Pleasa tu Rumânii, easti altâ isturii mult jiloasâ
sh-dramaticâ tsi lipseashti spuneari, câ nu easti mash isturia-
a ljei, ama easti sh-isturia-a rremenjilor/armânjlor-makidonj
201
tsi arâmasirâ fārâ di casi, hori, bâsearitsi sh-di locurili-a lor di
tutâ eta, di la aushi strâ-aushi; li s-i lo Pathrida; s-hibâ aistú
vārú blâstem istoric, vārú blâstemú anticú, tsi câdzu pisti
capu-a nostu, dit kirolu-al Alexandru?; cashti câti blâsteami
adunā sh-el di la tuti moashili, aushlji, muljierli, preftslji dit
vâsâliili tsi li-câlcā sh-li târcu pit focú, cu ashkerea lui; vāhi lu-
blâstimarâ s-nu-apucâ si s-toarnâ acasâ tu vâsâlia-a lui, tu –
pathrida-a lui, Macedonia, lucru tsi s-featsi; vāhi lu
blâstimarâ, ca tuts di soia-lui sh-tuti generatsiili tsi s-tragú di
râdzâtina-lui, s-nu aibâ rihati, s-nu lj-acatsâ locu, casa lor s-u
ljia xenjli, sh-elj, tu casa lorú s-bâneadzâ ca xenji, tu bâsearica
lor si s-avdâ limbâ xeanâ, cilimeanjli-a lor sâ zburascâ limbâ
xeanâ, s-li si kearâ numa, limba, adhetsili, s-li si usucâ
râdzâtinjli, si-lj ljia vimtu s-lji-arâspândeascâ sh-perú s-nu-
arâmānâ di-identitetu-a lorú; ca ti ciudii, tuti aisti s-featsirâ!
Macedonia istoricâ arâmasi, ca-vâsâlii, mash tu cārtsili di-
isturii anticâ; ama sh-atsa isturii fu alâxitâ sh-pruscutitâ, cu
buiau lai, di-xenji, sh-ashă agiumsirâ armânjli/remenjlji-
makidonj, cama veclji sh-ma bunlji grets, arbiunesh, vârghari
sh-rumunj; cashticum va s-nedz s-ti primnj pit muntsâ-a
Pindui, va s-lj-u avdz boatsea ”iu, eshti Makidunie, iu sunt
cilimeanjli-a tâlj , iu lj-ai pulji-a tâlj !?”
Aistâ boatsi u-avdzâi sh-mini tu-unú yisú, tsi cānda mi
acljima; ânj vini oara s-negú s-u caftú aistâ boatsi veaclji di
cama di 3000 di-anj, tsi nu dânâsi, nu s-kiru sh-ninga
s-avdi sh-tu dzua di-azâ.
Arâmasimú noi Armânjli-Makidunits fâr-di pathridâ, ama
suflitu sh-boatsea nu poati s-ni li ljia vârnú; pathrida noastâ
202
easti tu-suflitu-a nostú, sh-cumú s-dzâtsi, suflitili nu kerú
vloarâ-putes!
Ma s-pistupsimú câ easti unú destinú, unú tihi, tsi u-dutsi
bana noastâ ninti, cu vrearea icâ fâr-di vrearea noastâ, sh-câ
lucrili tsi ni si tihisescú tu-banâ, sunt di ma ninti scrirati di
vârú di-ndzeanâ, nu lipseashti s-antribâmú: “Câtse?”:
apandisea u-shtimú: ”câ-ashă ni-easti scrisâ”, ”câ ashă ni fu
scrisâ”, “câ ashă-lj fu mira” !; mini nu pistupsescú tu ahtâri
lucri “scrisi” ninti si s-facâ!; nu pistupsescú câ “treili miri” nj-
avea “ursitâ” câ tu-anu 2010, dzua di StâMarie”, mini u-s-mi-
alinú pi-unâ dzeanâ di munti, iu-ira ashtiratâ aistâ hoarâ di
pirmith, Pleasa di-ndzeanâ; aistâ u-aveamú di-anda njicú, di
cāndú muma mi-aduna s-dormú sh-nj dzâtsea isturii dit bana
pleasotslor fârshârots.
Numa di pleasotú, yini cum s-veadi, di la numa-li hoari di
Pleasa; pleasotslji sunt dit fâlcarea di fârshârots.
Numa di fârshârot vâhi s-tradzi, cum si spuni tu multi scrirâri,
di la numa locui Farsalja, iu s-ampulisirâ romanjlji Pompei cu
Cezar tu anu 48 ndh.; di-cāra, Pompei lu-kiru polimu, mults
dit ashkerea lui, s-trapsirú tu muntsú-a Pindui tu-Epiru,
ta s-ascapâ di-arâzgânarea-al Cezar; cumú sh-cāndú
agiumsirâ fârshârotslji pi-atsea dzeanâ di munti, sh-câtse
tamam tu-atsel locú ca di pirmithu, easti unâ altâ turlii di
isturii.
Mini nu lu-acâtsai tu banâ papu-a melú, Nisa Preftu, ama-ânj
dzâtsea unú lali di-a melú, amintatú Pleasa di-ndzeanâ, câ
protslji bânâtori tsi s-ashtirarâ tu-aistú locu, tu anjlji 1725-
1750, furâ niscânts cârvânari fârshârots dit Epirú sh-alts dit
203
Thesalii; di iu yini numa Pleasa, nu shtiu ama hoara easti la
circa 1.300 di metri disuprâ di-amari sh-ira teasâ pi-unâ platei
(padi) di circa 3 Km2. Locu easti ‘mplinu di-iarbâ veardi, sh-
easti anvigârat di treili pârts, Notu-Datâ-Ascâpitatâ, di pirifani
dzeni di munti, tsi cānda dzua, s-ljia mānâ di mānâ di-intră-
ncor ta si-lj hârâseascâ nicukirlji dit hoarâ, sh-noaptea
s-alikescú, umir-di-umir, ta s-li veaglji somu; dzenili di munts
di-avigâra di hoarâ s-vedú ca vārú bârú di kiatrâ, sh-dunjieaua
lj-u bâgā numa “bāru di Pleasa”. Partea di Sud, s-zdscljidi, ca
vârâ poartâ pi-iu urdina nicukirlji s-dipunâ, ta s-ljia calea câtâ
Curceau, unú câsâbā la circa 30 Km alargú di Pleasa; aistâ ira
singura cali tsi ti-alâsa s-intri icâ s-ieshi dit hoarâ, cu oili sh-cu
mulārili; ti picurarlji tsi lu-bâgarâ paru tu-aistâ apurii di locú
sh-lj-u bâgarâ thimelju atsishtei hoari, ira ca-unâ dhoarâ
alâsatâ di vârú strânipotú di-al Zeus, i vâhi, di Zeus isish; ira
ca-unâ fortâreatsâ timithtlusitâ di dada Natiurâ; nitsi unú
cicior di-omú nu putea s-intră tu-hoarâ fārâ s-nu hibâ vidzutú
di nicukirilji tsi bâna aco
Hoara acriscu shi s-teasi dupu tsi s-arsi Moskopolea, la 1788
Mults fârshârots, avinats di turts sh-di-arbineshi, vinirâ di
bâgarâ sh-elj paru tu-aistâ hoarâ tsi agiumsi s-aibâ cama di
3oo di casi; ni turtslji, ni-arbineshli, sh-dupu vārú kiro, nitsi
gretslji nu-avea bâruti si s-alinâ-ndzeanâ s-lj-agudeascâ pi
rremenjli fârshârots di Pleasa; sh-u loarâ lelea di-elj, câ mults
tsi s-alinarâ ta s-facâ znjii tu-hoarâ, nu ma s-turarâ tu banâ;
giunamea pleasotslor ira di legendâ; pânâ sh-protu
administrator pisti aisti locuri, beu Feimú, tsi ira pitricutú di-
analta poartâ di Stambul, lj-alâsa plisotslji s-bâneadzâ rihati
204
aco tu tiputa;
Tu bitisita-ali eti 18, s-bâgā thimelju-ali hoari Pleasa di-
ghiosú, iu bâna mash arbineshi; cama mults di-elj, avinats di
propaganda preftsâlor turts, sh-di ispetea câ nu va s-avea
cârtheari di la administratsia otomanâ, sh-u shutsarâ pistea
câtâ Aljah; ama cāndú vini zború ti pleasots, ni preftslji turts,
sh-ma-nclo, ni preftslji grets nu puturâ s-u-minâ pistea
krishtinâ-a fârshârotslor; muma, ânj dzăsi unâ isturii cu unú
dispoti grecu tsi pârnji dit Curceau, cu ninga vârâ tsintsi prefts
grets, s-yinâ Pleasa di-ndzeanâ sâ zburascâ cu strâpapu-a
melu, preftu Nastasi, ta s-u cântâ lituryia pi limba gârtseascâ.
Dispoti vinea âncalarú pi-unú ghumarú sh-dupâ nâsu trâdzea
unâ mulari âncârcatâ cu dau trasti-ndisati cu cârts di religii,
scrirati tu limba gârtseascâ; alants prefts imna dinâpoi sh-
cânta-ncorú pi limba lorâ; cāndú sh-cāndú u-pruscutea calea
cu ayiasmâ, sh-li mina câdelnitsili pi vimtu, cāndú nastānga,
cāndú n-andreapta; ashă cumú vinea dispoti pi yumarú ta s-
intră tu hoarâ, tish cānda ira Hristolu anda intrā tu
Ierusalimú, mash câ dunjieaua lu-aprukiarâ sh-lu-anvigârarâ
Hristolu cu vreari sh-cu multâ harauùăâ
Aua Pleasa, nitsi nu-apucā dispoti s-intră tu-hoarâ, câ
dunjeaua, muljeri sh-bârbats, acâtsarâ s-da cu shcâmbi pi
nāsú, di lu-ayunirâ cu tutú cu preftslji-a lui; ti ciudii, ghumaru
nu vrea si s-toarnâ s-fugâ sh-lailu dispoti, discâlicâ sh-acâtsă
s-fugâ pirpadi, sh-cum fudzea, s-kidicâ tu fustanelâ, mea câra
deadi di câdzu câ li-kiru sh-câciula di preftu sh-vivlia sh-
câdelnitsa sh-crutsea.
Dunjeaua si silighi la mulari, di scutea cārtsili gârtseshti dit
205
trastu sh-li-aruca pi prefts; fudzea dispoti sh-preftslji tish
cānda irra avinats di tsiva cānji turbats; sh-dearihina, ma di
lu-cârteai plisotu, di lu-câlcai pi zvercâ, cānili turbat va s-ira
ca vārú njelú; cāndú acatsâ sândzili-a plisotui s-hiarbâ, ma
ghini s-ti-aruts tu-amari, sh-ma di nu-easti vārâ amari di
avigâra, ma ghini s-ti ljia vimtu, s-nu ti-aflâ n-cali.
S-pari câ gretslji nu u-agârsharâ aistâ isturii, câ dupâ vârú
kiro, tu -unâ Dumânicâ njadzânopts, dispoti pitârcu tu-hoarâ
unâ ashkeri di-andarts grets, tsi neasirâ-ndreptu la preftu
Nastasi acasâ sh-lu dusirâ di-azvara tu uboru-ali bâsearitsi;
intrarâ tu bâsearica, li-loarâ tuti cārtsili sh-vivlili veclji,
anyrâpsiti pi limba rumunâ, sh-li-arsirâ; dapoia lu-acâtsarâ
preftu Nastasi di barbâ shi-lj dzăsirâ: “ma ts-u vrei bana, di-
aua sh-ninti va s-u cānts lithuryia mash tu limba gârtseascâ”,
ama preftu Nastasi nu u-cântā ici lituryia pi limba gârtseascâ
pânâ sh-lu deadi suflitu, tu-anu 1922; easti angrupatú dip
ninga muru di la bâsearica veclji; ti nipistupseari, dit
bâsearica veclji, arâmasi pânâ sh-dzua di-azâ, s-aibâ tora vārâ
dau suti di-anj sh-cama, unâ cumatâ di murú, ca vārú
pândarú tsi li veaglji sufitili di Pleasa.
***************
Tu mesu di Ciresharu 2010, unú cusurinú dea-melú, tsi
bâneadzâ tu-hoara Pipera dit Rumânii, vini tu-Amerikii la unâ
numtâ, tamam New York, la unâ nipoatâ di partea muljarâsai;
nu lu-aveam vidzutâ Cola di vārâ 40 di-anj; mi adunai cu nāsú
sh-anda mi vidzu, ânj dzăsi..”ehee cât-irai mushatú sh-cât-
urutú hii tora…” sh-acâtsām s-arâdemú dolji câ sh-mini-âlj
206
dzāshú:”ehee, tini cānda hits doi di Cola”, câ mult mari u-
avea pāndica; ”emú, nipotú di preftú nj-escú”, dzāsi elú sh-u
bâtea pāndica cu māna, s-nâpoi pârnjim s-arâdemú; avumú
multâ harauùă s-ni adunām dupu ahānts-anj; cum zburam ti-
unâ, ti-alantâ, ânj dzāsi câ hilji-sa Luiza, ari-unâ agentsii di
turizmo sh-câ easti pi-cali s-facâ unâ voltâ, cu unú parei di
fârshârots, tu hoara di Pleasa di-ndzeanâ, sh-cu aistâ furnjii
va s-kindurea sh-tu Muscopoli, ti adunarea atsea marea-a
Armânjilor, tu 15 di Avgust 2010; ”ehee, mi ciudusii di-
harauùă, sh-mini nj-u-am faptâ mintea s-negú Muscopoli sh-
di-aco s-mi alinú Pleasa s-vedú hoara tsi u-anyisam di-anda
njicú.” “Bo, booo…” s-ciudusea sh-Cola,“ira scrisâ s-ni-
adunām dupu 40 di-anj aua tu-Amerikii, ta s-lom deadunú
calea câtâ Epirú s-nidzemú s-ni câftām Râdzâtinjli, ashă cum
scrirash tini tu pirmithu-a tālú; multú mushatú Pirmithu, dzāsi
elú, ama noi, nu va li-câftām Râdzâtinjli cu capu-ntrocú, cum
scrirai tini, sh-acâtsā s-arādâ; “eh, moi Cola”, dzāshú mini,
“vini oara si s-facâ pirmithu…”
U-featsimú zboru s-ni-adunām Bucureshti, sh-di-aco s-lom
calea câtâ Epir, Arbinishia di-azâ; s-adunarâ 35 di fârshârots,
ma mults di-elj cu râdzâtinjili tu Pleasa di-ndzeanâ.
Calea târcum mult ghini, cu cântitsi sh-isturii dit bana
fârshâroteascâ; iram ca tsiva iedz tsi-ascâparâ tu ceairi sh-
giuca di-harauùă câ nu easti vārú picurarú di avigâra si-lj
veaglji; târcum pit Vâghârii, pit Gârtsii sh- kindurim Sârunâ;
aco ni-adunām cu stri-strâpapu-a nostú Alexandru, tsi ninga
shidea pi Ducipal, calu-a lui di legendâ sh-vigljea pamporili
207
cum intra sh-ishea dit portu di Sârunâ.
“Ghini vinitú tu casa voastâ, lāi nipots”, dzāsi elú, sh-cānda s-
aplicā niheamâ ta s-lu avdzām mash noi; cashticum avets cali
Veryia, dzāsi elú, s-nidzets s-videts niheamâ tatâ-nju Filip, câ
pi-aco treatsi calea, pi la Vergina; dutsetsi-vâ câ lj-adastâ
s-veadâ sufliti di râdzâtina-a lui; mini v-ashteptú s-yinits
sh-altoarâ, dzāsi elú”; dapoia sh-lu-naltsā niheamâ capu, sh-
aurā:“sh-vloarâ s-nu-agârshets di-iu vâ si tradzi râdzâtina: di
la makidonjli-al Filip sh-a melj, cama gioni sh-pirifanâ mileti
tsi u-alâsā Dumidzâlu tu-aistú locú!”
Dapoia, sh-lu shutsā nâpoi capu, sh-acâtsā s-mutreascâ pisti
Amarea Mediteranâ, tish cānda ashtipta s-lji si toarnâ
ashkerea dit golfu di Persia
Ni dispârtsāmú di-Alexandru cu inimili-mplini di pirifanj sh-
lom calea câtâ Vergina, iu agiunsimú ti trei sâhāts, la
murmintili-al strâ-papu-a nostú Filip.
Anda ni-aprukeamú, dukeamú unâ câldurâ tsi nj-u lu-umplea
suflitu; u-shteamú isturia-al Filip, ama nu apândicseamú
vloarâ câ va s-yinâ oara s-imnú tu locurili iu bânā unú di cama
gionjli-a noci strâ-papi; nu pistupseamú dotú câ iram la 10
metri di locu iu-durnjea Filip, di cama di 2300 di-anj.
Nu grea vārú; nu adiljia vārú; iram tuts acuplusits di-unâ
emotsioni analtâ, tsi u-fâtsea inima s-batâ tish cănda vrea s-
arsarâ dit keptu-a nostú, s-neagâ s-u adunâ strâ-muma-ljei,
inima-al Filip, si s-alikeascâ di nāsâ, s-u dishteaptâ dit somú ta
s-batâ deadun; shidzumú ashă kiruts pi câljurili-al Filip vārâ
208
giumitati di-oarâ; ni-ira mult greu s-ni dispârtsāmú di Filip,
tish cānda ni-avea loatâ-mbratsâ sh-nu vrea s-ni-alasâ
s-fudzimú; tu-un kiro, cānda s-avdzā unú uhtatú tsi vinea di
câtâ kiatra lui, sh-ca ti ciudii uhtām sh-noi tuts-ncorú, sh-mizi
ishem nafoarâ dit murmints; vārâ disâ di sâhati nu gri vārú,
tish cānda boatsea noastâ arâmasi s-plāngâ, fār-di noi, la
capu-al Filip
Agiunsimú tu-Arbinishii sh-kindurimú s-nuptām Curceau.
Pleasa easti la vârâ 20 kilometri alargu di Cuceau;
U-featsimú isapea s-agiundzemú Pleasa di-nghiosú la optuli di
tahina, sh-di-aco s-ni alinām pirpadi pânâ tu-locu iu, tora sh-
vârâ 80 di-anj, hoara di-ndzeanâ ira ninga-mplinâ di oaminj;
ira tamam dzua di StâMarie, tish cānda StâMaria s-alinā
nintea noastâ sh-ni alāsā zború, la hotelu di Curceau, câ ni-
ashtiaptâ-ndzeanâ la muru di la bâsearica veclji.
Atsa noapti nu mi-acâtsā somu ici; ânj vinea tu-minti tuti
isturiili-ali mumi, sh-cānda nu puteamú s-pistupsescú câ
agiunshú tu locurili iu s-amintarâ sh-bânarâ pârintslji shi strâ-
aushlji-amelj; aveam vinitâ di-ahânti ori tu-aisti locuri mash
cu mintea, sh-ia, tora vini oara s-imnú, dearihina, pi toarili a
pâpānjilor.
Anda agiumsimú Pleasa di-nghiosú, kindurimú la-unâ cafinei
s-ântribāmú tsi cali s-lom s-agiundzemú Pleasa di-ndzeanâ;
nicukiru-ali dukeani, unú omu di vārâ 50 di-anj, ira arbinesu
sh-nu zbura armâneashti, ama noi aveamú cu noi unú ficiorú
209
tsi u-zbura limba arbinisheascâ. “Di iu hits”
antribā nāsú? Shidets niheamâ s-bets-nâ cafei turtseascâ
câ avets ninga cali di vārâ sâhati pânâ tu-hoara di-ndzeanâ;
“ama tsi câftats aco-ndzeanâ?,” antribā elú anda adutsea
cafeia, mash shcâmbili arâmasirâ “
“Arbinesu” dit pareia noastâ âlj dzāsi di-iu himú sh-mini-lj
dzâshú: …”shcâmbili atseali tsi dzāts tini, sunt “Râdzâtinili” a
noasti; tu cathi shcāmbâ sta unú suflitú di omú tsi bânā tu
atsea hoarâ; suflitu-a nostú di-aco yini”; mutri arbinesu la
mini cu harauùă, sh-dzāsi, “haideeeee, aistâ s-adukeashti câ
voi di-aua vâ trâdzets; pârintlji-a voshti ira ciubenj; papu-a
melú zbura limba atsâlor di-ndzeanâ sh-avea mults sots
plisots; s-nu-avets anaghi ti-cafei, dzāsi elú, easti di la mini;
cāndú s-vâ turnats di-ndzeanâ s-kindurits aua s-mâcats tsiva;
numa meau easti Osman; noi himú arbinesh ma ni-pitidzarâ
ca musulmanj dit kirolu-a turtslor tsi bâna tu -aisti locuri.
Haidits s-vâ spun calea, dzāsi elú sh-ishem tuts nafoarâ.
Di-nghiosú, s-videa bâru di munts, tsi sh-li-avea spindzuratâ
dzenili di tseru nalbastú, ma nalbastú ca-oclji ali feati tsi-nj
câdzu prota oarâ tu-vreari; nu shtiu câtse-nj vinirâ tu minti
oclji-a ljei; vâhi câ irra prota-oarâ tsi videamú tserú di Pleasa,
hoara mea dit-yisú, hoara tsi nj-u-avea siminatâ muma tu
suflitu-a melú, hoara tsi-nj câdzu tu vreari fārâ s-u vedú.
Soarili yiulutsea di tahina sh-cānda sh-tindea câtâ noi
arazili-a lui, ca tsiva bratsâ di lunjinâ, s-ni-ambârtsâteascâ,
s-ni dzācâ, “haidits, haidits, ghini vinitú tu-hoara meau”
210
Mutreamú dzenili di munti, sh-hiri, hiri mi târtsea pit tuti
pārtsili, dit capú pânâ tu-cicioari; aco-ndzeanâ, papu-a melú
Thanasi, tsi fu-avinatú di turts sh-di grets, sh-avea târcutâ
giunamea.
Muntsâ, ira fratslji-a lui; dzenili, ira surārili-a lui; pâdurea di
fadz analts, ira casa-lui, sh-mini, tu-atsa dzuâ di StâMârii,
agiumshú tu-uboru-a lui, sh-cānda dukeamú câ-atselj munts,
ira sh-fratslji-a melj, dukeamú câ mi turnai dit xeaniti acasâ;
”ghini vinish acasâ” cānda avdzāi unâ boatsi tsi vinea di câtâ
munti; ti-unú secundú avui unâ pindzeari, di-iuva dit-unú
cohiú ahândosú dit suflitu-a melú, s-fugú, s-mi silighescú,
irushi, cu bratsâli zdicljisi, câtâ bāru di munts shi s-aurú…”iu
hii lâi papoooooo…iu eshti?”
-Ia, pi-aco s-u loats calea, mi-dishtiptâ ca dit-yisú boatsea-al
Osman; atsea câlici va s-vâ ducâ tu-hoara di-ndzeanâ”.
212
Aidi, dipunâ!
-Aidi dipunâ, dipunâ dit tserú Aco iu mintea-ts ti pitreatsi cathi searâ S-nj-adunj zboari di vreari S-nj li-tori kicuti di ploai S-ti-acrescú Tini, lilici, tu gârdina vreariljei
-Aidi dipunâ, dipunâ pi scara kirolui Tsi lu-adunash tu-inima tau mash ti mini, S-mi tsânji veardi Kirolu-a tâlú s-tukeashti shi-nj curâ tu-suflitú Di câti ori stai ninga mini sh-dultsi mi bashi Mini escú kirolu-a tâlú S-tini eshti oara tsi lu-misoarâ Di-căndù doljii câdzum tu vreari Tu-atselú ascâptitatú di soari Tsi ni-arâki zboarili cu mushuteatsa lui... Noi, fār-di eali, ni li-pitricum suflitili Si s-primnâ, mānâ di mānâ, pi-calea aroshi Tsi u-ashtirā tu-amari, atselú ascâpitatú di soari Sh-mutrinda primnarea lor, ni-kirum tu vreari…
213
-Hai dipunâ, dipunâ dit tserú Pi bratsu-a melu, tsi-nj s-i teasi s-ti diznjardâ S-ti ljea, si-nj ti-dipunâ tu-atselú cohiú dit inima meau Mash ti tini gârdinâ, si-nj ti-acrescú lilici di vreari Aidi, dipunâ...dipunâ...dipunâ...
214
Mini sh-tini -Vruta meau! Ma tini eshti steau Mini va s-escú lunjina tau -Vrutu-a meu! Ma tini va s-eshti steau Mini va s-escú ocljiu tsi va s-ti mutreascâ di-sum lunâ Sh-dit lunjina tau, va si-nj facú cârunâ -Ma tini eshti puljiú azbuirâtorú Mini va s-escú aripili-a tali s-ti ducâ tu-analtú di-munti Si-lj duts-ali dadi, vrearea noastâ S-u-acreascâ tu sârmânitsâ. -Ma tini va s-eshti puljú azbuirâtorú Mini va s-escú simitsâ s-ti hârescú cu vrearea meau -Ma tini eshti inimâ Mini va s-escú sāndzili tsi treatsi ca s-ti tsānâ yie -Ma tini va s-eshti inimâ Mini va s-escú keptu cari va s-ti tsānâ mash ti-mini
215
-Ma tini eshti suflitú Mini va-s-escú doru-a talú ii vrearea noastâ, Tsi u-anyisam dolji di-anda njits -Ma tini va s-eshti suflitú Mini va s-escú uhtatu-a lui Ma s-nu nj ti-vedú-nâ searâ -Ma tini eshti lilici Mini va s-escú njurizma-ljei Sh-va-nj ti-facú primuvearâ -Ma tini va s-eshti trandafilú Mini va s-escú araza di soari tsi ti-acriscu Si-nj ti da anja, ta si-nj ti portú tu cusitsâ -Ma tini eshti cānticú Mini va s-escú iholu-a lui -Ma tini va s-eshti cānticú Mini va s-escú bairili-a lui -Ma tini eshti niorú Mini va s-escú vimtu tsi ti-adutsi disuprâ-nj Si-nj ti-facă aumbrâ pi-frāmti Veara căndù soarili mi-diznjardâ -Ma tini va s-eshti niorú Mini va s-escú kicutili-a tali di ploai Pisti gârdina iu-acrescú dorurili-a noasti di-vreari -Ma tini eshti ascâpitatú di soari Mini va s-escú locu tsi s-anvârteashti Si-nj ti-vedú nâpoi tu-apiritâ -Ma tini va s-eshti ascâpitatú di soari Mini va s-escú lunjina tau tu-apiritâ
216
-Itsido va s-eshti, Tini, vruta meau -Itsido va-s-eshti Tini, vrutu-a melú Sh-iutsido, Tini va s-nedz Mini va s-escú lunijna di-căndilâ, tsi va s-ti veaglji S-nu ti-aspari, cānd scutidea va s-dipunâ…..
Ma azâ, mini escú mini Sh-ti voi, ti-tsi azâ eshti tini: Mash vruta meau! Mash vrutu-a melú !
217
Dzâli kiruti
Nj-u feciú mintea azâ, S-negú si-nj caftú atseali dzāli tsi-nj tricurâ Fārâ si-ts dzācú, cât ti-voi, fārâ s-ti-ambârtsâtedzú Sh-cu peru-a tālú s-mi-agioc, sh-tu-oclji-a tālj s-mi kerú Cu lilici s-ti-nvescú, sh-tu njurizma tau s-mi diznjerd Sh-di mānâ s-ti ljau, s-ti primnú pi-calea vreariljei.. Tuti-atseali dzāli, voi s-li-adun, diznou s-li-ahurhescú Tu vreari s-li tornú, cu tini deadunú. Nj-u feciú mintea azâ, S-negú, si-nj caftú atseali dzāli tsi-nj tricurâ Cānd mi-agârshai ti tsi mi-amintai Cānd mi-agârshai s-cântú, s-giocú s-arâdú S-mi hârâsescú câ-apirii, sh-tini ninga mini s-hii Dzāli kiruti, iu sh-mini kirui Dāzli uscati, iu sh-mini mi-uscai Dzāli moarti, iu sh-mini murii Dzāli dispuljeati, dispâltiti, tu-scutidi ascumti Iu-ali liyii, lj-easti dorú di-oclji-a tâlj Tuti voi s-li-adunú, diznou s-li-ahurhescú Tu vreari s-li tornú, cu tini deadunú.
218
Ti tsi apirish azâ, tini soari? Ti tsi yiulutseshti, tini lutseafirú, sh-tini lunâ, sh-voi steali? Ti tsi cântats, voi pulji? Turnatsi-nj atseali dzâli, di-aco iu li-kirui! Tuti s-li-adunú, diznou s-li-ahurhescú Tu vreari s-li tornú, cu vruta-nj deadunú !
219
Dau giumitāts Di vārú kiro mi scolú mash giumitati
Alantâ, unú-yisú nj-u-arâki.
Ma tora, nu va dit-yisú si-nji si-toarnâ
-Ta s-escú omú, ânj-dzāsi, mi fânâtii!
-Fārâ di tini, âlj dzāshú mini, ti tsi s-bânedzú?
Nu voi s-am mash unú cicior ta s-imnú
Mash cu-unâ mānâ, s-mi minú
Mash unú ocljiú, giumitati s-mi vedú
Nu voi s-amú unâ inimâ disicatâ-n-dau
S-bânedzú mash cu giumitati di-harauùă
Nu voi ta s-amú unú suflit tsi s-mi doarâ
Sh-cu boatsea mutâ s-u plângâ-alantâ giumitati-a meau.
Nacâ vāhi nitsi nu ti-amintash
Sh-mash, tu-nyisili-a meali, tini bânash?
Nāsâ, nitsi nu gri; âncâlicā yisu sh-fudzi.
………………………………………………..
Mini, giumitati cum nj-iram, tu amari dipunai
Aco iu, dit-unâ simitsâ di-lunjinâ mi-amintai
Scâpiratâ di-ndzeanâ, cashti di-iu, cashti di-cai
220
Ta s-lu-antrebú strâ-papu Niptunú:
-Ta s-nj-u aprokiú-alantâ giumitati, tsi si-lj spunú?
-Alantâ giumitati-a tau, dzāsi papu Niptunú
Easti mash unú-yisú, di-cāndú tini ti-amintai tu-amari
Ea ti-acriscu, ti-analtsā di-agiunsesh s-aladz pit steali
Ma di-ahānti ori, tini, tu-inati, giumitatea ts-u-vâtâmai
Di crutsi u-spindzurai, u-angrupai sh-nâpoi u-disgrupai
Sh-nâpoi u-loai tu-bratsâ, u-diznjirdai, sh-âlj câftai ljirtari…
Shteai câ fār-di nāsâ, bana nu ts-avea hari
Câ fārâ di nāsâ, va s-bânai ca-vārú peashti, kirutú tu-amari.
Yisu-a tālú bânā cu tini, ca omú, sh-tuti tsi li-hunâpsi
Câ pistupsea mâratu, câ tu-unâ dzuâ,
Sh-tini va s-agiundz yisú ta s-hii.
------------------
Fudzii di la papu Niptunú anvirinat sh-pi minduiari
Sh-di-atumtsea, dzuâ sh-noapti, giumitatea nj-u caftú
Câ fār-di ea, di-yisu-a melú, bana nu sh-ari hari.
221
Suflit di primuvearâ Vini ninga-nâ toamnâ sh-cashti câti kirolu alti va s-misoarâ Shedú mardzina di-arāu, deadunú cu suflitu, inima, mintea sh-vārú di noi nu greashti… Tâtsemú sh-mutrimú toamna, cumú stranj rudziniti sh-ashtearâ, vimtu s-li usucâ Mānâ di mānâ, apa sh-kirolu ayunjiusiti curâ Rudzina s-nu li-acatsâ, bana ninti s-ducâ… Cadú frândzi galbini… vārâ nu greashti …vārâ nu plāndzi Cad sufliti uscati tsi plāngú, ma plāngu-a lor nu s-avdi… Cadú yisi agârshiti, a-cui sunt vārú nu shtii… Vāhi nâdia li-kiru pit cāljiuri… Pulji fudzirâ sh-elj cu vimtu sum-aripi Ponjli, fārâ di boatsi, tindú bratsâ dizguliti, s-caftâ pit tserâ lunjinâ Dedzâli-a lorú uscati, acatsâ s-da dorú di primuvearâ… Mini lu-adunú doru, ca poami, sh-lu-ncljdú tu cufumi, di kiro umblisiti Pulji cāndú si-s toarâ, setea si-sh curmâ
222
Ponj oarfinj tacú sh-mutrescú Cum kirolu treatsi sh-deapinâ dzāli niahurhiti Cānd sh-cāndú, dedz kicâ lācrânj verdz Sh-toamna cu eali fatsa sh-u spealâ Vāhi plāngú ponlji di dorú di-pulji, di-vimtú sh-di primuvearâ Ma toamna ananghi nu-ari… Vrea s-mi-nveascâ sh-mini cu stranj rudzâniti Ma nu-nj sunt uidisiti sh-armashú ninga veardi… Cadú frāndzi moarti…cadú sufliti frāmti tu-suflitu-a melú, Iu-ninga easti primuvearâ, iu-frāndza -virdzashti, Iu suflitu s-avdadzi, si-amintâ, diznou.
223
Hiu, ama nu hiu?!?!
Nj-aducú aminti di-anjli di liceu… Nu shteam ti tsi mi-amintai i, cari hiu Io Nu shteam ti tsi bânedzú, ti tsi-imnú sh-ti tsi-adiljú Nu minduiam ti tsi-escú, icâ tsi va s-hiu… Nu minduiam câ “azâ” treatsi, sh-câ māni, “azâ” nu va s-hibâ Câ-azâ va s-mi kerú tu-ascâpitatâ Sh-câ māni, va s-mi aflu nâpoi tu-apiritâ Mi-primna vimtu di-mānâ cum-âlj vrea kefea Ma mini ananghi nu-aveam, sh-nitsi nu câftam vārâ cali tsi s-mi ducâ, aco câtâ-iu nu shteam Câti vloarâ, mutream tserlu nalbastâ sh-frândza veardi u-mutream Videam cumāts di-soari cum sum-aumbri s-ascundea Cumú dit lunjinâ s-aminta aumbra sh-dit-aumbrâ, lunjina s-aminta Ore, tsi s-amintā prota?, aumbra ma lunjina? Vāhi dauli s-amintâ cu-unoarâ?!, pi-minduiari antribam Câ lunjinâ fâr-di aumbrâ, nu-aveam vidzutâ vārâoarâ… Di multi ori, oclji multú alargú nji-lj pitritseamú Ta s-mi aflâ, s-mi-adunâ di pit cāljuri… Câ nitsi mini, pi iu-alâgam, pi-iu mi-kiream, nu shteam… Mult nj-arâsea s-negú tish pân-aco, Iu-locu sh-tserlu s-ljia di s-adunâ,
224
Tragú dolji duani sh-dzācú isturii Cum bana, sh-amindolji, pâna tora sh-u-târcurâ… Mini shideam kirutú pi-minduiari sh-lj-ascultam câ vream s-anvetsú, sâ shtiu, Mini di-iu yinu, mini tsi-escú sh-ti tsi bânedzú Mini hiu, ama nu hiu?!
*** Unoarâ vidzui unú niorú cum treatsi… Aumbra pisti locu, cu pirifanj sh-u primna S-agiuca sh-elú cu lunjina, ma u-ascundea, ma u-silighea -Ore di-iu yini sh-tini, sh-cari sh-tini ti-amintā? Sh-iu ts-u duts aumbra?, mintea meau lu-antribā. Niorul cānda mi-mutri, sh-aumbra lui, pi frāmti nj-u-ashtirā -Yinú di la vruta-ts cari, cu lācrânj mi-ncârcā s-tsi li-kicú pi-fatsâ, ta s-ts-u lu-astingú doru tsi tu-suflitú ts-ardi; Di-alihea fatsa mea plândzea Sh-nioru acâtsā sh-elú s-plāngâ, cu lācrânj di la vruta mea Sh-atumtsea, cānda mi dishtiptai, mi cutrâmburai Sh-acâtsai s-fugú, s-fugú di-mini, s-fugú s-mi kerú, s-nu-nj mi-vedú…câ vream s-mi amintú diznou tu-alt locú, tu alt kiro Iu mini, s-lu-ancalicú vimtu, s-mi ducâ mini, aco iu sâ shtiu, Ti tsi escú, ti tsi bânedzú, sh-ti tsi va s-hiu… Aco, iu-ascâpitatu tu-vreari s-tukeashti sh-u toarnâ vrearea tu-apiritâ… Aco iu s-amintâ vrearea, aco voi si-nj bânedzú, aco voi si-nj hiu, câ fārâ di-vreari, mini, nu voi si-nj mi shtiu Câ mi fânâtii, tserlu s-lu-antrebú: “Mini hiu, ama nu hiu?”
225
Icuatsii di Zboarâ Azâ-arupsh unù peaticù di tserù-nalbastù Oclji di lâvilji s-nji lj-ashtergù… Vidzui n-doi niori cum mānâ di mānâ s-primna Sh-dupu elj trâdzea, ca vārù hir di mârdzeali, aisti zboarrâ: “Averu+Vreari=Dumnidzā” Asear-noaptea pi-unâ steau mi-alinai Niheamâ lunjinâ s-adunù, mintea s-nj-u spelù di lâvilji S-nj-u bagù tu sârmânitsâ rihati s-doarmâ… Vidzui unâ cometâ, cu cusitsa dispultitâ di-unù vimt galactic Cum trâdzea dit-ahundamea scutidoasâ a-universui Un hirù, ca vārâ pirâ, tsi nu s-bitisea Sh-cu ghrami di foc tseru lu-kindisea cu aisti zboarrâ: “Averu+Vreari=Dumnidzā” Cum durnjeam, un-yis mi-arâki sh-mi dusi pi câravea-al Noe, namisa di prici, di prâvdz sh-di n-doi oaminj… Mutreamù soarrâ, cumù-ascâpita, tu-unâ amari di lācrânj Tsi ninga kica dit zboarrâli cljsi tu-hapsea vivliljei-al Abraham Sh-cānd soarrâ ahurhi ta s-vearsâ sh-elù lācrânj di focù tu-amari, s-avdzā unù cāntic;
226
Prici, prāvdz sh-atselj n-doi oaminj, cu-unâ boatsi-n cor anjia-nj cânta aisti zboarrâ: Averu+vrearea=tini isush! Mi dishtiptai ca-aspâratù sh-mintit tu minti…
-------------------- Sh-azâ, cathi clipitâ u-vedù aistâ icuatsii di zboarrâ
Di tserù spindzuratâ cum sta, Ma tora vedù un semn di-antribari tu soni Averu + Vrearea =? Sh-minduiescù, câ apandisi va s-pot si-lji dau
Cănd sh-mini tu tseru va s-mi-analts spindzurat si-nj stau.
227
Lunjina dit sinduki
Mi-amintai tu-unù kiro tsi nu ira-a melù…
Mi-amintai tu-unâ casâ tsi nu ira-a meau, Iu-MINI, nu puteamù MINI s-hiu…. Sh-fudzii di-anda njicù s-nj li-aflu, sh-kirolu sh-casa…
Ma nu shteam iu sunt…icâ… sunt iuva…
Calea, cum nidzeam… vidzui -nâ moashi…
Lunjina di pit-aumbri u-aduna Sh-u scârmina, cum scarminj lâna s-u curâ di lâvilji…
Dit ea, hir di-lunjinâ shutsa, Sh-gljemi di lunjinâ tu-poalâ sh-li-aduna… Lo un gljiemù-ntru-mānâ, sh-câtâ apiritâ lu-dipinâ
Kirolu s-lu misoarâ ….câ vāhi agârshe Câts-anj avea tricutâ di cānd ea s-amintā…
Altù gljiemù di lunjinâ, câtâ ascâpitatâ lu-silighi…
S-dipinā gljjemu...pânâ cănd scutidea acâtsā lunjina s-u tukeascâ
Mutrea moasha ciudusitâ, cum-ali scutidi lj-ira foami di lunjinâ
Sh-acâtsā-ntroarâ dit hiri di lunjinâ, câltsinj ta s-âmpulteascâ… Mi apruckeai niheamâ, sh-nāsâ mi mutri cu oclji ca di
228
lunjinâ… -Tsi cafts lāi gione, tsi cafts pi-aistâ cali-ânj gri moasha sh-ninti-mpultea… -Nji-li caftù casa sh-kirolu, mumā, câ voi s-mi-amintù ninga nâoarâ
Câ-aco, iu-prota mi-amintai, bânai ca-xenu di mini Sh-ca xenu di-mini, nu voi si-nj bânedzù vārâoarâ! Mi lo moasha di mānâ, sh-tu casa-ljei mi dusi, Sh-unâ sinduki veaclji, cârtsâni jilos, cānd moasha u-zdicljisi…
-Aua nj-u-am adunatâ paia tutâ, di-anda nj-iram featâ Vilendzi, batanii, stranj, gljiemi pârpodz sh-câltsinj Paia tutâ, dit lunjina tsi u-adunai di pit-aumbri, faptâ! A-s-ti bagâ muma tu sinduki, trei dzāli sh-nopts tu lunjinâ sâ stai Ama s-nu-ai ananghi, câ mini va-s-ti vegljiù Sh-paia meau, dit lunjinâ faptâ, va s-ti hâreascâ. Mini tu sinduki-ntroarâ mi bâgai, sh-dukeamù Cum-heam-câti niheamâ
Lunjina dit sinduki acatsâ s-mi tukeascâ…. Trei dzāli sh-nopts tricurâ, sh-vini moasha-mbratsi di mi lo Sh-mi bâgă tu sârmânitsâ ta s-mi-acreascâ Câ tu lunjina dit sinduki mini mi-amintai diznou! Nj-u-aflai casa tu lunjinâ, sh-tu lunjinâ-a melù kiro…. Tora, dukescù câ-escù mini, sh-câ mini, hiu Io!
229
Dini Trandu tu-unâ cuvendâ cu atselj di-ndzeanâ
Unú-yisú ti-Armânamea
Tsi nyisú nji-avui asearâ ti-Armânami ta s-nu kearâ! Mini stri-nâpot di prefts, di-armatoli shi celnits māri Mi-aleapsi Armânamea, s-mi-analts-aco tu tserú S-mi adunù cu Dumidzālu sh-cu tuts sāntslji dit-ubor Ta s-lj-antrebú cu-anvirinari: -Ti tsi u-featsitú Armânamea, sh-tora u-alâsats di keari!? Nu easti Ea tinjisitâ? Nu vâ-ari Voi tu vreari? Pirifanâ a-Voastâ hilji, sh-tora u-alâsats di moari!?
230
Târcurâ dau njilji di-anj-nviscutâ tu a-Voasti stranj Hilji-aljei, cu pirifanj, cârutsea ninti u-purtarâ
Sh-ti Voi, tu foc elj s-arucarâ Câ nu vrea-a Voastâ hilji, Sānts Pârints, pi Voi s-vâ kearâ! Âlj deadi-tú-nâ limbâ dultsi, harú ti cântic, ti giucari Mushuteatsâ tu surati, Cama gioanâ sh-tinjisitâ, tu tutú laolu-a Vostú nu-ari! Câtse-alanti ma multú s-bâneadzâ!? Câtse-alanti ma multú s-adilji!? Nu easti sh-Ea, Armânamea, multú dârutâ-a Voastâ hilji!?! Câtse, pi-atselj tsi u-agudirâ, u-tâlj arâ, u-arâspândirâ Tsi-lj loarâ casa, limba, numa, sh-cilimeanjlji fârmâcarâ Nu lji-acljimatú la giudico?! Armânamea hiljea Voastâ, nu vrea s-facâ fânico! Vrea s-u-alâsats sh-Ea ta s-bâneadzâ, S-aibâ sh-Ea unú locú sumú soari, namisa de-alanti milets Cu vreari sh-akicâseari!" Nji-ascultarâ Sāmtslji zboru, cu-anvirinú, nipistupseari Tish cănda Elj, dip nu shtea, cá hiljea Armânamea s-keari! Acâtsarâ tuts s-zburascâ, bâtea gura, bâtea mānjlji Niscānts acâtsarâ s-aurlâ, alts acâtsarâ s-plāngâ... Mash Dumidzālu tâtsea sh-nu grea… Ma di-unoarâ tuts s-curmarâ... Dumidzālu ca-nâ lunjinâ, s-anâltsâ sh-la mini vini... Ncljishú oclji sh-dzinucljeai...
231
-Tini Hiljiú di Hiljia-Noastâ, avdzam zború di Dumidzā Toarnâ-ti la Armânamea, cama mari-a Noastâ Hilji Dzā-lji câ u-agârshim niheamâ, ma u-avemú tu minduiari! Tuti tsi li-tricu mârata, tuti Neastimtlu li-featsi Atselú lailu cu coarâ, tsi lu-avemú ti-vâtâmari! Hiljea noastâ Armânamea, câtú Himú Noi aua-ndzeanâ Va s-hibâ daima tu-banâ! Noi va s-vigljiemú putés s-nu kearâ!
Mi dishtiptai cu multâ harauùă sh-irushi vâ scriu sh-avau
A-voastâ s-hibâ sh-harauùăa meau!
232
Minduierili-a meali
Nu! Nu voi s-angrâpsescù azâ zboarâ uidisiti Minduierili-nj yinù shi-nj fugù, ama câti vloarâ nji li-acatsù... Ta s-nu li-kerù, nji li-ljiau sh-li tsesù tu bairi di zboarrâ Sh-nji li-ndesù tu trastu-al papu, sh-li-mpartù ca dhoarâ Anda negù s-mi primnù pâzari... Primuveara anda negù tu livadi, nji li-ljiau di li-spindzur tu ponji Di gutunji, prunji, meri, gorts, ciresh sh-nuts... Mi-ashteru tu-aumbra lor sh-li vegljiu cumù da bâbuki Sh-cumù bâbukili da liliuci, sh-liliucili s-toarâ tu poami Sh-poamili li-mācâ cilimeanjlji, sh-oclji-a lorù, ljia s-da bâbuki di-lunjinâ
Alti poami cadù pi locù di li-ljia pulji, sh-pulji azboairâ pi citia li-casi, sh-acatsâ di nji li-cāntâ minduierili ascumti tu poami... Cānd yini iara, nji li-dau minduierili-ali dadi si-nji-mpulteascâ pârpodz di lãnâ, icâ vārâ vilendzâ, ta s-njiu lu-tsãnu sufitlu tu-câldurâ
233
Altoarâ, cãndù minduierili vearsâ pisti mini ca vãrâ ploai zurâ sh-ayunjiusitâ, nji li-adunù tu ghiumili-al Papu sh-nji li-beau peanaga, peanaga noptsili, cãndù kirolu tsi nji-u lu-alâsã muma tu sinduki nji s-i curmâ tu gurmadzù
U-vedû muma ca pit-yisù, cum li-aduna minduierili-a ljei Sh-li shutsa tu hirù di lãnâ
Câti vloarâ muma nji-Ii dinjica minduierili-a ljei tu lapti... Tsãnù minti, câ mini lu-bâgam laptili tu trei putiri Tahinãrili, unù putirù lu-bâgam tu firidâ, ta s-anganù arazili-a soarui S-li-acatsù, s-li dinjicù, ta s-mi fânâtescù di lunjinâ Cãnd fudzea soarili, di s-ascundea sum locù Ta s-nu-sh lâvushascâ deadzitili di kisa noptsâljei, Un altù putirù lu-bâgamù pi-ugeagu-ali casi S-anganù tuti yisili, atseali cama mushatili, ta s-li-acatsù s-nji li-facû câpitinjiù Unù putirù lu-bâgam pi masa dit-udãlu atselù bunu S-anganù tuti minduierili tsi li-alâsa oaspitslji tinjisits Tsi vinea ti muabets cu papu, ta s-li-acatsù s-nji li-hâresc pi-aradâ mintea, inima sh-suflitlu. Câti vloarâ minduescù câ mini nu nji-escù omù… Sh-câ nji-escù mash-nâ Minduiari...
234
Vrearea Armâneascâ Azâ voi s-hiu apâ aratsi dit fântānâ
S-mi-adunù di prit-oahti sh-di prit munts
Voi s-mi dau, tu cupi di malmâ
Armânjlor tsi-au seati di vreari armâneascâ.
S-mi dau sh-atsâlor tsi tu-xeani s-uscarâ
Sh-dit hândakea etiljei s-lj-analtsù, diznou s-virdzascâ
Azâ voi s-hiu pâni caldâ, hoara tutâ s-mi anjurdzeascâ
Sh-armânj cu foami di vreari, di mini si s-hâreascâ.
Voi s-hiu cashu tu pita armâneascâ
Codhur di codhur, sh-la xenj s-mi-anpartsâ
Câ mini escù, sh-ninga va s-hiu, xenjli s-adukeascâ!
Azâ voi s-mi disicù, s-mi dau la tuts câti niheamâ
Tu cathishunù dit voi
S-bânedz shi s-morù, sh-nâpoi s-ânyiedz,
Sh-deadunù cu voi, s-nj-u trecù aistâ banâ
235
Sh-tsi voi s-hiu mini azâ…
Apâ aratsi, pâni caldâ sh-cashù tu pita armâneascâ
Vi li-dau tuti-a vau…
Sh-dit vrearea mea ti Voi, tu Voi, vreari s-acreascâ
Ti-armânj sh-ti Fara Armâneascâ !
237
Nu ni-amintãm ta s-bânãm Ni amintãm ta s-ni vremù !
Moartea nu ni-ashteaptâ… Yini câtâ noi, dzuâ di dzuâ
Bana easti unù-yisu tsi s-bitiseashti cãndù moartea ni-dishteaptâ
Anda moari unù omù, moari mash unù trupù Anda moari unù suflitù, murim tuts niheamâ
Bana sh-moartea imnâ mânâ di mânâ Pi- unâ cali tsi nu s-bitiseahti vãrâoarâ
238
Mini escù voi tuts câ dit voi tuts mi-amintai
Nu mi-acriscu mash dada meau… Mi-acriscu tutâ dunjeaua di cãnd dunjeaua s-amintã
Nu yini vãrù di-ndzeanâ …câ noi nidzemù aco.
Cãndù ti mutreshti tu liyii, di multi ori
Oclji tsi ti-mutrescù nu sunt-a tãlji
Ninti s-mi amintù nu-nj dzãsi vãrù ti tsi murii prota oarâ
Ma mini shteamù: murii ta s-pot s-mi amintù diznou
239
Nu-ari oaminj slaghi icâ oaminj bunj Ari mash oaminj, tsi shtirù, icâ nu, ti tsi bâneadzâ
Averu easti, mash ta s-lu câftãm sh-easti mash aco, iu noi nu himù
Bana nu lipseashti s-u-adukim, lipseashti s-u bânãm
Dumidzâ ni-ar datâ minti, omu s-neagâ tut mash ninti
Ma-ahânta minti nu ni-ar datâ sâ shtibâ omu ninti cumù s-neagâ
Pita di zboarâ s-coatsi tu cireapu-a minduiariljei
240
Lunjina si-ascundi tu-scutidi; lipseashti mash s-u câftãm
A cui lj-u fricâ di-scutidi, tu scutidi va s-bâneadzâ
Ali-scutidi lj-easti daima foami di lunjinâ
Tsi minduimù, nu sunt minduierili-a noasti;
Sunt-atsilor tsi s-amintarâ sh-murirâ nintea noastâ; Noi mash li-trâtsemù atsilor tsi yinù di s-amintâ
Kirolu nu s-misoarâ tu segondi, i minuti, i sâhâts Kirolu s-misoarâ cu bâterili-ali inimi
241
Prota vreari easti ti-inimâ, ca-unâ pitidzari
S-nu-avem ananghi di iu-vinim; s-avem anaghi iu-
agiumdzemù câ di-aco, va s-acatsâ alts ta s-yinâ!
Pita di zboarâ s-coatsi tu cireapu-a minduiariljei
Oclji tsi-arãdù, u-tsãnù firida suflitui zdicljisâ
Cashti-cumù ti kirush-ntreabâ vãrù aushù… Elù va s-tsâ dzãcâ pi iu s-lj-u dai ta s-ti afli…
242
Sãndzili ari unâ boatsi tsi u-avdi mash atsel tsi shtii di u-ascultâ
Mash cu-atsea boatsi pots s-lu avdz averu cum cãntâ
Cu oclji videmù tsi s-fatsi di-avigâra Cu mintea videm tsi s-fatsi tu-nuntru a nostù
Atselu tsi nu-ari anaghi di lâvilji, easti lâvos sh-pi dinuntru sh-pi dinafoarâ
Nu bâneadzâ ti-atsa tsi vedz! Bâneadzâ ti-atsa tsi dukeshti!
Ma di ti-adunj cu vãrù, ‘ntreabu: “Cum hits?”
Tu-cathi omù bâneadzâ ma mults cânuscuts sh-nicânâscuts.
243
Cãnd mintea sh-inima s-giudicâ, tini dãlj câshtigu-ali
inimi. Mash inima poati s-ts-u aducâ harauùăa tu-suflit
Doru easti misura vreariljei
Boatsea tsi nu s-avdi, easti boatsea averlui
A cui lj-easti fricâ s-dzãcâ tsi minduiashti, lj-easti fricâ di elù isish
Zboarili nispusi s-toarnâ tu fârmacu
244
Niscânts mash zburâscù; niscânts minduiescù sh-dapoia, zburâscù
Suflitu adunâ lãcrânj di si spealâ
Inima adunâ vreari ta s-nu dânâseascâ Mintea adunâ nâdii, bana ninti s-ducâ…
Focu-a vreariljei s-astindzi mash cu vreari
Anvirinarea easti ti suflit ca rudzina ti-hierù Harauùăa easti ca-apa ti-a-biari
Zboarâli dults nu s-toarnâ totâna tu-njiari
245
Niscãnts sta ca-oaspits tu-aumbrâ sh-mutrescù soarili Niscãnts sta tu-soari sh-mutresc aumbrili
Ama cãnd fudzi soarili, aumbrili s-kerù cu tutù cu oaspits
Plãngu sh-arãsu, bâneadzâ deadun tu suflitu-a nostù
Lunjina shi scutidea, bâneadzâ deadun tu-mintea noastâ Vrearea sh-ura bâneadzâ deadun tu-inima noastâ
Mash mini arâmashù singur…
Isâhia s-avdi mash cãndù u-zburãshti cu-alants
Atselù tsi nu shtii s-tacâ, nitsi nu shtii s-ascultâ Atselù tsi nu shtii s-ascultâ easti ma shcurtù tu-minti
Atselj tsi nu minduiescù cum treatsi oara bâneadzâ ma multù
246
Tricutu ni-mãcâ, Prezentu ni-hâreasht, Yinitoru ni-avdadzi
Tu dzua tsi ni-amintãm, bana ni-ljia di mãnâ sh-ni dutsi iu-lj
va kefea
Cãndù bana s-ankeadicâ, moartea gioacâ di-harauùă
Cãndù pit vinili-a trupui va s-curâ lunjinâ tu locù di sândzi
Atumtsea va s-putem s-agiundzem tu yinitoru dit cari vinimù
Cozmu vâhi easti infinit, ama mintea omui sighura easti
infinitâ
247
Tseru easti cutaru-a stealilor sh-soarili easti picuraru
Tu steali stau angrupati yisi, tsi ni-ashteaptâ cathi noapti s-li dipinãmù
Noaptea, trupu doarmi tu crivati sh-mintea doarmi
tu-steali.
Di la-apiritâ pânâ tu-ascâpitatâ s-tindi unâ punti, iu s-primnâ yisili-a noasti
Minduierili ni-dipârteadzâ di-atsea tsi himù noi isish Suflitu gioacâ di harauùă anda minduierili dormù
248
Boatsea tsi nu s-avdi spuni averu
Oclji totâna va s-ni spunâ tsiva, ama nu-arù boatsi
Atselù tsi nu veadi cu mintea, nu veadi nitsi cu oclji
Atselù tsi nu plãdzi cu oclji, plãndzi cu suflitu. Oclji tsi nu plãngù, li-vearsâ lãcrinjili tu suflitù
Unù omu tsi nu poati s-plãngâ, icâ s-aradâ, lu-ari suflitu
sicatù
249
Mash cu oclji-âncljish pots s-dipunj tu ahundamea suflitui
Cathi tahina s-ti mutreshti tu-liyii s-dzâts: “Ti voi ashă cumù eshti”!
Atsa va s-ti anveatsâ s-eshti tini isush.
Zboarâli tsi s-avdù, sunt ti-astelj
di-avigarâ Zboarâli tsi nu s-avdù, sunt mash ti tini isush.
Căndù ti mutreshti tu lihyi, caftâ s-vedz unù sotsù nu
unù xenù.
Căndù imni, bagu mintea s-imnâ dinintea tau
250
S-ai ananghi ti tsi dztãsi atselù tsi ti mutreashti Ama, ma multâ anaghi s-ai, ti tsi dzãts tini căndùã ti
mutreshti.
Mintea s-njicureadzâ ma s-u hâreshti mash cu zboarâ goali.
Omu mintimenù, u-ahurheashti bana di- aco di iu-alâsarâ alants
Ninti si s-amintâ cilimeanu, shtii s-numirâ mash pânâ la nau
Cilimeanjli imnâ cu cicioarili; aushlji imnâ cu-mintea.
251
Cama bunâ casâ ti-minduiari easti sâhia
Câts oaminj, ahãnti sufliti; tuts oaminlji sunt frats,
tuti suflitili sunt surãri
Suflitu nu moari; suflitu s-avdadzi
Aumbra tsi u-fatsi omu, easti prova ca el easti.
Mintea nu s-keari; mash treatsi di lu un la alant.
252
Noi himù, mash cãndù mintea ni dzãtsi ashă.
Câldura tsi yini di nuntru-a nostù ni da puteari Atsa tsi yini di-nafoarâ, mash ni- angâldzashti
Di multi ori nu ni-akicâsimù, câ nu tâtsemù nâmalù.
Atsei tsi nu zburãscù multù, lu-tsãnù averu tu geapi.
Sãnt oaminj tsi tacù, câ sunt ignorants Sãnt oaminj tsi tacù câ sunt mintimenj Mash oclji ni-dzãcù cari sh-ti tsi tacù.
253
Asearâ irram, câ azâ escù. Ma s-hiu sh-mãni, s-adukeashti câ azâ irramù
Aistâ easti formula simplâ-a banâljei.
Atselù tsi nu-ari vreari tu inimâ, nu-acâtsã ninga s-bâneadzâ.
Nu shtimù di iu-yini kirolu, nitsi nu shtimù iu-neadzi Noi mash lu-mutrimù cumù treatsi
Dzua nyisãmù cu oclji zdicljish; noaptea nyisãmù cu oclji-ncljish
Cãndù tats, adunj minduieri; cãndù zburãshti li-
arâspândeshti
254
Cãndù câdemù tu vreari, inimili li-pitritsemù uspetsù di
la unù, la alantù
Tutâ inteligentsa universui ancapi mash tu-unâ simitsâ
Lunjina shi Scutidea sãnt surãri tsi nu pot s-bâneadzâ
unâ fãrâ di-alantâ
Apiritu easti confirmarea câ bana neadzi ninti
Soarili s-agioacâ cu noi dea-apiritu sh-dea-ascâpitatu
255
Ma ts-u fricâ di nicânâscutù, nu mutrea-ndzeanâ
Tu cathi steau easti scrisâ unâ apandisi la-antribâri tsi ninga nu li-shtimù
Stealili tsi cadù, aducù sufliti ti-atselj tsi s-amintâ
Apiritu sh-Ascâpitatu s-mutrescù di-ahnanghea ma nu s-ljea vloarâ di s-adunâ; mash s-avinâ unù pi-
alantù
256
Bana nu ni-ausheadzâ, mash anjlji-a ljei
S-nu minduimù cumù treatsi bana, s-minduimù cum s-u bânâm
Anda yini Primuveara, alâsats-u s-intră tu suflitù, tu inimâ sh-tu minti, ta s-li curâ di-rudzina Toamnâljei
Minciuna easti prova câ averu easti
Cu mintea mâtsinãm minduieri; cu limba dinjicãm
zboarâ
257
Iutsido iu-nidzem, nâdia ni-tsãni di-mãnâ.
Atselj tsi s-hârescù cu thimiseri, inmâ,
Atslji tsi s-hârescù cu-yisi, azboairâ
Zboru easti cârvanea minduiariljei
Arãsu, li-spealâ suflitu sh-inima di lâiatsâ, u-bagâ
mintea tu-lunjinâ, sh-trupu lu-discurmâ
258
Lirica ti cântari
Ti tuts atsei cântâtori sh-compozitori tsi vor s-adarâ muzicâ pi limba armâneascâ, li dau-ndreptu
s-ufiliseascâ bairili-a meali dit “Lirica ti-cântari”
259
Lirica ti patriotizmu
Alâsatsi-ni rihati!
Alâsatsi-ni rihati Alâsatsi-ni ta s-him S-avem sh-noi un loc pi carti Numa noastâ s-angrâpsim Ni loatù crutsea di pi frāmti Di noi muntsâlj dispuljiatù Ni loatù sāndzili dit vini Limba -li dadi u-tâlj atù Boatsea noastâ ninga s-avdi Ma cathi dzuā ma putsān Limba noastâ tu focù ardi Nu-avem apâ s'u udām Mutrea tseru frate armāne Tseru-a tālù fu dinjicatù Sh-cumù irra -mplinù di steali Ar'masi mash unù murù surpatù
260
Iu eshti tini Armâname? Iu u-ai tini casa ta? Batù câmbānjili tu hoarâ Ma nu bat pi limba ta! Avem flamburâ cu soari Ma nu-avem locù iu s-u-ashtirām Noi vâ vrem s-bânats rihati Ma-alâsats sh-noi ta s-bânām!
261
Acljimarea-al Pindu
Mi-anyisai cu Alexandru... Imnam dolji tu Pindú, analtu Mutreamú tserlu sh-dzeana sh-lâcrimam Sh-boatsea-al Pindu u-ascultam -O, lāi Alexandre, voi gionj mârats, Mutrits dzeana sh-tseru sh-lâcrimats Sh-mini tseru sh-dzeana nji li-mutrescú Sh-la gionjli-a melj diunoarâ mi minduiescú -O, lāi Pindú mâratú, gri Alexandru Ahāntú mushatú sh-ahānt analt Tserlu sh-dzeana sh-tini cât-avemú Iutsido iu s-him nu va s-kirem -O, lāi gionj mârats, nu lâcrimats Mini cât s-bânedz sh-voi va s’bânats Sh-mini lâcrânjiedzú câtiunoarâ Câ hilji-a melj fudzirâ sh-mi-alâsarâ Mutreamú tserlu sh-dzeana pi minduiari La frats-a noci dit râspândeari Sh-la Makedonia ampârtsātâ Makedonia dârutâ sh-plāmtâ
262
Pârnji Alexandru gionjli s-aurâ Sh-acâtsarâ gionjli si s-adunâ Di gionji s-umplu Pindu pân-tu dzeanâ -”Torna, Torna Fratre!” Pindu ni-acljiamâ S-cutrâmbura locu di-ahāntâ giunami -”Torna, Torna Fratre”!, Pindu ni-acljiamâ -Scoalâ lâi nipoate, tsi-auri atsia? Ânyisai la dado, câ-nyie Makedonia!
263
Dimândari ti Armânj!
Lâi, Armânj, Armânj di tora Tsi bânâm pisti kiro S’ni-adun tuts t’unâ soi Cum ni-ar aleaptâ Dumidzâ! S’nu-agârshem cum s’alumtarâ Gionjli Armânj tu-analt di munts Numa sh’limba s’nu li-kearâ Noi s’him Armânj cum fum nâscuts! S’ni-adunâm dit râspândeari Unâ inimâ s’avem Tu tutâ lumea s’dâm hâbari Câ ninga him, sh’nu va s’kirem! S’nu-agrâshem c-avem ‘nâ numâ! S’nu-agrâshem câ him Armânj! S’nu-agrâshem limba ‘li dadi! Limba sh’numa s’nu kirem!
264
Dramatica Moscopole
Tu-unâ noapti, noapti lai, blâstimatâ Moscopolea di varvari i-anvigâratâ Foc lj’u bâgarâ ta s’u ardâ, ta si s-kearâ Oh, Armâname, câti ai tricutâ, câti ai traptâ Muljerili zghilea Cilimeanjli plândzea Aushlji trâmbura Pi varvari, pi dushmanj âlj blistima Moscopole, nâstimatâ armâneascâ Ma-avutâ, ma mushatâ ma-avdzatâ Ni-eshti mumâ, ni-eshti dadâ, ni-eshti soatsâ Numa tau pi tseru lunjinâ, pi tseru steau Moscopolea ardea Suflitu lji si-astindzea Moscopolea kirea Mash cârutsea, mash câmbanea arâmânea Di-u vini aistú blâstemú Moscopole ca s’ti kiremú Di iu vini aistú blâstemú S’ni-arâspândim, s’ni kirem, s-nu ni videmú! Moscopole! Noi, cilimeanjli-a tālj, Va s’ti tsinem steau, va s’ti tsinem lunjinâ! Moscopole! Noi cilimanjli-a tālj Nu va s’ti-agrâshem vārâoarâ Sh’va ti purtām totna tu-suflitu-a nostú!
265
Escú Fârshârotú!
Escú Fârshârotú cu ocljiu laiú sh’cu mutrearea-ndzeanâ,
Hiu faptú di munts analts sh’di cânticu di fluiarâ
Sh’di sāndzi di strâ-papi hiu faptu, tsi cu kirolu s-alumtarâ
S-hiu mini sh’azâ fârshârotú sh-numa s’nu-ânj kearâ!
Tu suflitu’nj di gioni, aushilji picurari tuts s-adunarâ,
Sh’cu boatsea ‘n-corú âshi cântâ giunamea di-nâoarâ,
Sh’averea lor dit suflitu, tu sufiltu nj-alâsarâ
S-hiu mini sh’azâ Fârshârotú sh-numa s’nu ânj kearâ!
Sh’ tu inima-nj di armânú tsi bati ti-a lorú numâ,
S-analtsâ soia noastâ, sh’ca rālu di pit munts
tut sāndzili s-adunâ,
Sh’cai va s-ânj sta ‘n-cali cāndu boatsea va s’nj-asunâ:
-“Lāi papi-a melj dit munts, ti voi alumptú,
S’nu-nj kerú-a voastâ numâ!
Him fapts di munts!
Him fapts di gionj sh’di cânticú di-fluiarâ!
Noi him Armânj, sh-Armânji va s’himú!
Armânjlji nu potú s-kearâ!
266
Filmu-al Toma (easti zboru ti reghizori Toma Enache tsi lu featsi protu filmu dit isturi anoasta, pi limba armâneascâ, la 2013)
Vini oara s-ni-adunām S-ni adunāmú, s-ni videmú S-ni videmú, s-ni hârâsimú Filmu-al Toma s-lu mutrimú “Nu hiu faimos, ama hiu Armān “ Hiu rremen, hiu sh-Makidonú Aistú ficiorú Toma-al Yianki Li bâgā la tuts câpaki Ti prota oarâ deadi cali Filmu pi limba-li dadi “Nu hiu faimos, ama hiu Armān “ Hiu rremen, hiu sh-Makidonú Voi ficiori di Samarina Dipunats tu hoarâ-n-hima Filmu-al Toma s'lu-videts Sh'vloarâ putes nu va s'kirets Tuts armānjlji, tuts s-adunâ Di la Livādz pân-di Sârunā Dipunâ sh'dit Midgidei Sh'dit Gramusti-unâ parei
Cu harauùă filmu s'mutreascâ
Protu pi limba armâneascâ
267
Giunamea-al Yiancu -Nu, nu, nu lāi Yianco, nu, n-hoarâ n’ghios, nu ti du!
Di turts hoara i-anvigâratâ, numta-li Yiani u-ar aspartâ Yiana, Yiana, sorâ bunâ n’apucā, si s-cârunâ
Câ di turts fu arâkitâ sh’la Pasha va s’u-mâritâ -Oh, lāi gionj, sh’amelj frats, ore, tsi soi mi zburats!
Yiana nj’u-am sorâ di sāndzi, suflitu-nj ti ea ânj-plândzi Yiancu frati cu Pindu munti, câtsutili sh’li-ascuti Sh’umplu bâru di câburi sh’calea n-ghios lo pit pâduri Ashteaptâ Yiancu s’nupteadzâ, ashteaptâ sh-tut-uhteadzâ Sh’cât ishe tu-calea mari, doi turts lj’isherâ-n-cali -O, lāi Yianco, ti-câftāmú, Yiana nâpoi s’ts-u dâm
Ma s’ti-alash acâtsatú, la Pasha s-ti dutsem ligatú! -Voi, si-nj dats Yiana nu-ashteptú, Sh-câburea li-u-aminâ tu keptú. Tu stranj di turts s-viscu, sh-tu hoarâ prit turts tricu. La Pasha-n-casâ vidzu lunjinâ, turtslji cât bâga ti tsinâ Sh-prit firidâ arsari-n-casâ, arsari Yiancu tish pi masâ -O, lāi Pashă, ma-ts vrei bana, pitreatsi s-aducâ Yiana
Māni Yiana si’s cârunâ, ma vrei oara s’nu ts-asunâ! -O, lāi Yianco, stā rihati, fâ-ti turcú sh-va-nj ti-facú frati Sh-va si-ts dau ahānt-aveari, sh-va s-ti facú capidhan mari!
-Mini aveari muntslji amú; amú sh’frats, hiu sh-capidhanú
Turtslji sunt turts tu Turkie, nu s-facú tu Makidunie
268
-Nu-am vidzutâ ahāntâ giunami, stā Yianco, voi s-ti-am oaspi S-fâtsets māni numtâ mari, gionj ca voi nu va cârteari!
Dā-nj la Yianâ māna s-ts-u bash, s-irram crishtin s-mi fâtseam nashu
Ti-aistú gioni, a tālú frati, va s’v-alasú s-bânats rihati!
S-featsi numtâ mari-n hoarâ, sh-Pasha vini ta s-li oarâ Sh-nu mash Yiancu easti gioni, ashă sunt tuts makidonlji!
269
Intrā lupu tu cutarú! Eh, Armâne! Câtse eshti azâ anvirinatú
O, lāi frate Armâne
Ore, câtse eshti ashă-anvirinatú
Nj-escú anvirinatú lāi frate
Intrā lupu tu-cutarú
Nj-escú anvirinatú, lāi frate
Patru luki sunt tu-cutarú
Ore, ljia paru Armâne Avinâ-lj lukilji dit cutarú
Fudz di-ljia vārú parú Armâne Sh-avinâlj naforâ dit cutarú
Gioni va s-mi facú lāi frate
Kelea lupui va s-lj-u ljiau Mini makidonú nj-escú frate
Sh-di luki mini nu mi-asparú! Eh, Yianco, ore Iu-nedz ashă anvirinatú
Eh, lāi frate Yianco
Iu nedz ore ashă anvirinatú?
Negú s-ljau paru di la papu
S-avin lukilji dit cutarú
Ore negú s-ljeau paru di la papu
S-lj-avinú n-afoarâ dit cutarú
270
Gioni va s-mi facú lāi papo
Kelea lupui va s-lj-u ljiau Tâmbari ta si-nj-u facú lāi papo
Tâmbari di protu capidhanú
Gioni va s-mi facú lāi frate
S-avinú lukilji dit cutarú
Tu cutaru-a melú lāi frate
Mash mini nj-escú capidhanú!
271
Iu ni-alâsatú? Tu hoara iu-bâna-a noci pârints Analtú tu munts
Tu oaminji vruts Oaminj dâruts Nu-aflai ni-semú
Nu-aflai ni-casi Nu-aflai nitsi murmints… Mash unâ boatsi, s-avdza pit vimtú
Di la pârints. -Lāi ficiori, o lāi nipots
Câtâ iu-alâgats? Iu ni-alâsatú?
StâMâria u-agârshatú
Pi-un murú laiú-ânlâcrimatú
Murú blâstimatú!
272
Nj-am unâ minduiari Nj-am unâ minduiari sh’tu inimâ unú dorú
Deadun s’bânām tu vreari, s’bânāmú tuts tu-unú uború
Nj’am unâ minduiari s-ni vrem s’ni-akicâsim Tini ti voi ca frati, tini ti voi ca sorú
Soia s’nu nâ kearâ-limba strâ-aushilor Nj-am unâ minduiari, s’ni vremú, deadun s’nâ himú. Iu hits voi Armâname, iu easti vrearea ta? Turnatsi’vâ acasâ! Casa ts-easti inima! Nu vremú nitsi cutari, nitsi cupii di oi Aco, tu munts sum soari, unú locu s-aflām sh-ti noi S’bânām deadun tu vreari, deadun s’ni hârâsim
Iu hits voi Armâname? Iu easti vrearea ta.? Turnatsi-vâ acasâ, aco iu-ts’easti inima…
273
Papu-a meu di Ianina Papu-a meu di Ianina Si scula di tahina Pi mulari -ncâlica N-sus tu munti s-alina La cutari kindurea Tutâ dzua oili pâshtea Sh-tu aumbrâ cum shidea Cu fluiara papu cânta Papu-a meu di Ianina Muldzea oili di tahina Lapti sh’cashu li dutsea Pâzarea di Ianina Papu-a meu di Ianina Di furi vloarâ nu s-aspâra Cârlibanea u-anvârtea Fudzea furlji di Ianina Fudzea furlji di Ianina Fudzea, fudzea sh-nu ma s-tura Sh-tuts armânjli s-aduna Sh-cu harauùă tuts cânta Mini nj-escú armânú di Ianina
Gioni, babagianú
Gioni capidhanú
Armânú di Ianina
274
Sculats dit somu! Tu padea di Moskopolea Cathi vearâ s’ni-adunām
Flambura-al Alexandru Cu harauùă s-u giucām, S’u-anâltsām! Tu Makidunia Anticâ Tuts armânjlji makidonj Tu locu-a nostú di tutâ eta
Pira noastâ s-aprindemú, S’u-anâltsâm! Tu padea di Moskopolea Tuts armânjilji s’dipunām
Makidunia, Armânamea Cu-unâ boatsi s’u cântām, S’ni avdzām! Makidunia, Armânamea Tuts tu inimâ u-avem Tu padea di Moskopolea Pira ljei va s-u-aprindemú, S’u anâltsām! HAidits, hai tu Moskopolea Flambura ta s’u giucām
Ta s’ni veadâ tutú Balkanu
Câ ninga him sh’nu va s-kiremú! Nu va s’kiremú!
275
Tsi ghini va s-irra! Tsi ghini va s-irra
Makidunia s-nu kirea
S-aveam biserits, s-aveam shcoli
Radio sh-televizionú
Tu locu-a nostú deadun s-bânam
Tsi ghini va s-irra
Armânamea s-nu kirea
Limba-li dadi s-u zburam
Numa-al papu s-nu alâxeam
Tsi ghini va s-irra
Fudzi papu, fudzi sh-muma
Cari s-ni veaglji limba sh-numa
Aurâ papu dit mirmints
Muma s-toarnâ, s-toarnâ pri-dints
S-keari limba, s-keari numa!
Tsi ghini va s-irra
Makidunia s-nu kirea
Zburām gârtseashti sh-vârgâreashti
Arbiuniseashti si-rumuneashti
Sh-mash câthi vloarâ sh-armâneashti
276
Lirica ti cilimeanj
Neaua cu harauùăa Aide, vini neaua
Sh-cilimeanjli cu harauùăa
Pap Cârciunu cudealaga
Cu doarâ umpli tisaga
Ini, ini pap Cârciun
Unú câ nticú s-câ ntām deadun
Cu harauùă tuts s-giucām
Papu Câ rciunu s-lu-ashtiptâm
Aidits feati, ai ficiori
Unā pom mari s-adârāmú
Cu dultseami sh-cu lunjinâ
Pa p Cârciun la noi ta s-inâ
Aide, vine neaua
Neaua cu harauùăa
Tutâ hoara-i tu lunjinâ
Pap Cârciun ashteaptâ s-inâ!
277
Cu harauùă!
Oili s’muldzem, oili s’muldzem
Cu harauùă, azâ cashu va s’fâtsem
Oili s’muldzem, oili s’muldzem
Cash sh’cu pâni caldâ, azâ va s’mâcām
Papu tundi oili, sh’muma toartsi lāna
Jaketi di lânâ sh’mânush ta s’mpulteascâ
Papu tundi oili sh’muma toartsi lāna
Căndù va s’yinâ iara, nipotslji s’nu arâtseascâ
Sh’njielu va s’tâljem, sh’njielu va s’tâlj em
Cu harauùă azâ njielu va s’mâcām
Sh’njielu va s’tâlj em, sh’njielu va s’tâlj em
S’acljimām sh’vitsinjli njielu ta s’mâcām!
278
Maia cu shicaia
Maia, Maia, Maia
Cu pâdyiaua laia
Bagâ s'facâ pitâ
S'veadâ feata njicâ
Māni va s'mâritâ
Nu shtii s'facâ pitâ
Bo, Bo, Bo…..
Albâ fârina
Ou di la galjina
Apa, umtu, sari
Cashu di la oai
Pânâ s'dzācâ dzatsi
Ialea, pita s'featsi
Adunâ feata paia
Paia di la Maia
Cu paia di la Maia
S'umplu tutâ udaia
Cu paia shi cu pitâ
Feata va s'mâritâ
279
Matsa sh’pita!
Tu-unâ dzuâ, di tahina
Ts-al Mita multú nicukirâ
Bâgă kirkelu s’facâ pitâ
Pitâ di-cashú sh’di urdzăts
Mâca Mita shapti cumts
Pita s’featsi sh-pân’ s’arâtseascâ
Ts-al Mita s’dusi-ntr-apâ
Apa aratsi s’aibâ Mita
S’bea di-căra s’măcâ pita.
Njiurizma di pitâ s’teasi
Tu-uboru-ali vitsini
Iu, tu soari arucutitâ
Shidea-nâ matsâ minduitâ.
Cuampatra matsa si sculă
Pi-anaga di pitâ s-aprukiă
Pi ninga pita s’anvârti…
Sh’ahurhi ta s’măcâ pitâ,
Sh-mâc â pân -tu bitisitâ
Sh’di-ahăntâ pitâ tsi mâcă
S-anvârti tsi s-anvârti
Sh-mârata matsâ, plâscâni!
280
Oili sh-cartea
Doisprâdzats di-anj cănd-aveamú
Ma vrutú di tuts-al papu mini nj’irram
Nji-dzâtsea câ hiu mintimenú
Câ hiu gioni sh’multú livendú
-Ficiorú tu câsâbâ va s’nedz, carti ta s-anvets!
Mini hoara nu vream s’nj-u alasú
Câ râlu sh’muntslji nji-lj-aveam frats
Oili-al papu li pâshteamú
Sh’di la papu multi-anvitsamú
Ma cât tricu-nheam di kiro
Mi dusirâ tu câsâbâ
Ore, sh’noaptea nu nj-aveam somú
Di râlu, di munts sh’papu nj’irra dorú
Sh’ti-anvitsari tsiva nu-adukeamú
Câ mintea tutú la papu sh’la oi nj’u-aveamú
Aidi, ore, papo ljia-mi nâpoi
Capu lu-amú ti carti, ama inima-nj ti oi.
281
Vreari s-ampârtsâmú!
Aidi, yinu papú Cârciunú
Yinu sh-pi la noi
Unú pirmith tsi voi s-tsâ spunú
S-tsâ dzăc sh-cât ti-voi
Nu voi poami nu voi dultsemi
Di tuti avem
Voi mash vreari ta s-ni-aduts
Vrearea s-u-ampârtsămú
Yinu, yinu papú Cârciunú
Aidi, trets sh-la noi
Tora seara s-himú deadun
Vrearea s-u cântăm
Aidi, yinu papú Cârciunú
Yinu sh-pi la noi
Unú pirmith tsi voi si-tsâ spunú
Si-tsâ dzăcú sh-câtú ti-voi
Nu voi poami nu voi dultsemi
Di tuti-avemú
Voi mash vreari ta s-ni-aduts
Cu vreari s-bânămú!
282
Opa, opa tsasi-ntsusi
Yini papu di-n pâzari, mizi imnâ di cicoari
Tsi-ai lăi papo, tsi ti doari? Oh, câdzui di pi mulari
Opa, opa tsasi-ntsusi
Tsi s-featsi, atsea si spusi…
Mash muljierea tsi stâpseashti; ânj câftă s-acupur peashti
Peashti yiu acupârai, tritseam arâlu sh-lu-ascâpai…
Opa, opa tsasi-ntsusi
Tsi s-featsi, atsea si spusi…
Mi-aplicai cât mi-aplicai, peashtili nu lu-acâtsai
Ama pâltarea nj-u loai, sh-tish tu-arâú akiushurai…
Opa, opa tsasi-ntsusi
Tsi s-featsi, atsea si spusi
Nathimats capu bârbate, iu lu-ai peashtili mârate
Mi bâgash de-apresh cireapu, tora du-ti sâ-ts măts capu!
Opa, opa tsasi-ntsusi
Tsi s-featsi, atsea si spusi…
283
Trei câcots
Irra unoarâ trei câcots
Tsi bâna vitsinj tu-hoarâ
Sh’amintrelj ahântú pirifanj
Nu s-avea vidzutâ altoarâ
Tahina tu-apiritâ
Isha trelj tu-uború
Sh-di pi citia-li casi
Cucurâdza, cu boatsea-n-corú
Cucurigu, cucurigu…
Oaminij bunj, nu ma durnjits
Cu sânâtati sh-cu harauùă
Dzua nauâ s-ahurhits!
Tricurâ-anjlji pisti hoarâ
Treilji câcots, sh-elj ausharâ
Ma boatsea lor nu-ar-kinduritâ
S-avdi sh-azâ tu-apiritâ.
284
Lirica ti minduiari
Aide cum trecú anjlji... Mi sculam di tahina Dada laptili hirbea Pâni tu sanú dinjicam Cu lapti sanu nj-u l-umpleam. Mâcam lapti dinjicatú De-acriscui gioni bârbatú Fârinâ dada frâmita Toapi, toapi u-adâra Cu shutsala li-tindea Tu soari peturi s-fâtsea Peturi cu cashú mâcam Altá mâcari nitsi vreamú Aide cum trecú anjlji, Anjlji ca-nâ cârvani Cathi lunea tahina Cireapu dada u-aprindea Pānea caldâ u-scutea Tutâ hoara u-anjurdzea Cashú, cu pāni dit cireapú Tutú mâcam sh-nu kindureamú
285
Ma multú di tuti nj-arâsea Cāndú kirkelu lu-bâga Pitâ di cashú di cutsea Sh-tuts nâpotslji lj-acljima Pitâ di cashú cu urdzāts Mini mâcam shapti cumāts Aide cum trecú anjlji Anjlji ca-nâ cârvani...
286
Keatra Escú-nâ keatrâ di pit-cali Tuts mi calcâ-n cicioari Mini aurú, aurú câ mi doari Vārú nu mi-avdi, ananghi nu-ari Nu caftú apâ, nitsi mâcari Nitsi aumbrâ, nitsi soari Nu caftú njilâ, ni-alâvdari Ni zboari dults, ni-diznjirdari Escú-nâ keatrâ di pit-cali Câtse mi calcâ tuts-n-cicioari!? Caftú unú suflitú s-mi ljia di-n cali S-mi ljia s-mi-arucâ tu-nâ-apâ mari Ma ti-unâ keatrâ, vārú suflitú nu-ari Ti-atsa escú keatrâ, ti-atsa stau-n cali Bana meau, nu-ari câpseari Ma tutâ bana stau-n-cali S-aveam suflitú s-bânam mash-nâoara Banâ di keatrâ s-nu-aveamú vloarâ! Escú-nâ keatrâ di pit-cali Tuts mi-calcâ-n cicioari!?
287
Crutsea-li dadi Mi pâtsâ unâ bileau
Mi kirui di calea meau
Mi-acâtsarâ pi sucaki
Sh-mi bâgarâ tu-n-ahundaki
Aidi frate di mi-ascapâ
Nj-easti dor di soari sh-apâ
Apâ aratsi dit pihadi
Dit pihadea-ali dadi
Ialea, vini-nâ lândârushi
C-unâ crutsi di digushi
Dada crutsea-nj pitricu
S-nj-aflu calea tsi-nj kirui
U-loai crutsea sh-u-bâshai
Sh-vidzui calea, calea nj-u-aflai…
Shi-nj mi dusi la pihadi
Tu-uboru-ali dadi…
288
Kirolu Vini sh-fudzi kirolu
Cānda ira, cānda nu sh-ira…
Canda s-vidzu, cānda nu s-vidzu…
Aidi s-lu aflām kirolu…
Mini lu-aflai tu vrearea ta
Tini lu-aflash tu vrearea mea
Tu vreara mea
Tu vreara ta
289
Trastu-ali bani Câti-nâoarâ mi minduiescú Di-iu vinim sh-câti iu-nidzemú? Locu-i vecljiu, ma bana-i shcurtâ Pân s-u-adukimú, oara-i târcutâ Dumidzā ni-ar datâ minti Omu s-neagâ tutú mash ninti! Ma-ahāntâ minti nu ni-ar datâ Sâ-shtibâ omu ninti cum s-neagâ! Omu ninga va-nvitsari Tsi s-facâ cu mintea tsi u-ari Mintea ma u-tsânj tu-aumbrâ Nu-anveatsâ omu, omu s-agiungâ! Omu va-oclji, shutsari S-veadâ niheamâ tu suflit tsi-ari Suflitu va curare, s-hibâ ca apa ti-abeari! Sh-ninga cât omu s-vatâmâ n-cali Digeaba caftâ s-agiungâ tu steali! Mintea omui va-alâxeari Câ i rudzinâ pi meridian, Meridiani rudzâniti Ta s-nu kiremú va alâxiti!
290
Omu lipseashti mintea s-hâreascâ
Ti tsi i omu elú s-adukeascâ
Sh-tu banâ omu cât bâneadzâ
Sâ seaminâ mash mushuteatsâ!
Omu vloarâ s-nu kindureascâ
Trastu-ali bani s’lu kindiseascâ!
291
Va s-videmú…
Va videmú moi, va s-videmú Azâ câtâ iu s-lj-u dām S-lj-u dâm hima s-lj-u dām-ndzeanâ Va videmú câ-avem oarâ
Va videmú, moi, va s-videmú Azâ oili s-tundem S-li tundem ma câtâ siarâ Va videmú, moi c-avem oarâ Va videmú moi, va videmú Featâ mshatâ ta s-aflām Multi feati sunt tu hoarâ Va videmú moi, c-avem oarâ
Va videmú moi, va videmú Tsi gāljinâ va s-tâljiem Albi-aroshi sunt nafoarâ Va videmú moi c-avem oarâ Va videm moi, va videmú Ân-pâzari cānd s-nidzem Ninga nu-apiri nafoarâ Va videmú moi, c-avem oarâ
292
Va videmú moi va videmú Tsi purcukie va-s'fâtsem Ma nu azá, vāhi altoarâ Va videmú moi c-avem oarâ
Va videmú moi, va videmú Tsi pitâ azâ va s-cutsemú Papu s-toarâ tish astarâ Va videmú moi c-avemú oarâ Va videmú moi va videmú Câti dzāli a-s bânāmú Câ sh-atseali tsi tricurâ Nu li-vidzum, tuti s-kirurâ!
293
Lirica di vreari sh-dor
Am unú dor Nj-am unú dorú, unú dorú nispus Tu hoarâ ta s-mi torú
S-vedú casa sh-locu iu-acriscui Sh-pihadea dit-uború. S-vedú calea sh-ponjlji pi iu-tritsea, Cupiili di oi S-vedú rălu sh-keatra iu-shideamú
Cu feati sh-cu ficiori. S-vedú muntsjli tsi-anvigâra
Cutarili di oi S-avdú picurarilji cum cânta
Ti-bana di la noi S-avdza sh-câmbanea cumú bâtea
Căndú seara dipuna
S-vedú sh-luna, noaptea, tsi vigljea
Hoara cumú durnjea
294
Ascultâ-nj inima -Lenā, mushata mea
Haidi yinu s-nj-ascults inima Lena mea -Gione, sivdaia mea Haidi yinu s-nj-ascults inima Ti vrearea mea Yinu, hai yinu, hai yinu… Yinu la keptu-a melú Ascultâ-nj inima Dau zboari voi sâ-ts dzācú
“Ti voi steaua mea!” -Lenā, mushata mea
Mash ti tini-nj bati inima Ti vrearea ta! Hai yinu, yinu, hai yinu… Yinu la keptu-a melú Ascultâ-nj inima Dau zboari va sâ-ts dzâcú “Ti voi vruta mea!” Lenā, mushata mea
Haidi yinu si-nj dai vrearea ta Vruta mea Dau zboari va sâ-ts dzācú
“Ti voi! Ti voi mushata mea!”
295
Bana meau Lāi frats, lāi sots-a melj Nipots surâri di-eta tutâ Unú zború tsi voi s-vâ dzācú Ti bana mea, cum am târcutâ Di-anda njicú tut-anyisamú Si-nj fug, s-mi analts, s-vedú lumea tutâ Multú-alâgai, multi târcui Multi-am vidzutâ Târcui pit munts, api tricui Pit ploi sh-furtuni, sh-pit vimtú-aratsi Mi-nkidicamú, ma-nj mi-sculamú Nu mi-aspâramú, mash ninti nidzeamú Vārú nu putea dit calea mea Vārú nu putea s-mi kindureascâ S-agiungú, pi tser-nâ stea Bana si-nj yilutseascâ Ma doru-a melu, ti-hoara mea Ti papu-a meu, tsi-ânj dzâtsea Mash pāni lai s-māts cu cashú Ma vrutslji vloarâ, s-nu lj-alash Cu cai si-nj giocú sh-cu cai s-mi bashú Tu Xeanea lai Unú dorú, unú dorú ânj-am S-mi torú ta s-vedú casa li-dadi S-mi-alinú pân-di cutarú Noaptea s-nji-u trecú tu câliva-al tati
296
Voi s-anyisezú, cumú njic nj-irram Cum alâgam, pit munts sh-pit oahti Cu frats sh-cu sots amelj S-bânedzú rihati Ma doru-a melu, ti-hoara mea Ti papu-a meu, tsi-ânj dzâtsea Mash pāni lai s-māts cu cashú Ma vrutslji vloarâ, s-nu lj-alash Cu cai si-nj giocú sh-cu cai s-mi bashú Tu Xeanea lai
297
Câtse, la dado?
Fudzii di njicú di-acasâ
Dit hoarâ di la noi
N-aveamú ni soru, ni-frati Sh-nu mi turai nâpoi Sh-luai carti di la dada
Hilji yinu c-aushei Nu pot ta s-negú-ntr-apâ Sh-vitsinlji nu ma trecú
Câtse, câtse la dado Di-iu vini aistú blâstemú S-bânedzú tu-xeanea lai Tu xeani s-aushedzú
298
Kitāra meau
Mi dishtiptai tahina tu hâryie
Nji-avdzamú kitāra cum plândzea
U-loai-ntr-u mānj, la keptu-a melú, ta s-u adunú
Kitara mea tutú suskira
Câtse nu shtiamú plāngu di iu-lji yini?
Plāngu di iu-lji yini?
De-ahāntú kiro, plândzeamú mash mini
Plandzeamú mash mini
Mutreamú soarili, arådea pisti locú
Mash ea kitāra, tutú plândzea
-Câtse vruta mea dzā-nji tsiva, nu voi ta s-plāndzâ
Ma ea nu grea, sh-tutú suskira
-Sâ shtii vrutu-a melú, anyisai câ vrei s-mi vindzâ
Sh-câ mi uscai di doru-a tālú
-Nu potú vruta mea, nu potú s-adiljiú ma s-nu ti-am tini
A-cui si-lj plāngu doru-a melú?
299
Cum s-irra, s-irra!
Tricurâ-anj, tricurâ-anj…
Ma ninga ânj cântú sh-ânj dansez
Ninga-n-yisezú cum va s-irra
Cu tini bana mea
Tricurâ anj, tricurâ anj…
Cānd luna-ntru mânj nji-u-adutseai
Sh-cu raza ljei câruna-nj mpulteai
Sh-cu vreari mi-nvishteai
Tricurâ-anj, tricurâ-anj…
Cāndú zboarâ di vreari-nj scrirai
Tutú li-adunai sh-li tsānú la keptú
Sh-bana cu eali-nj trecú
Cum s-irra, s-irra
Ti-am ninga tu inima mea
‘Ncljidú oclji sh-cu tini dansez
Unú vals vienez
“Que serra, serra”
300
Dorú di dorú! Dorú di dorú, dorú di dorú… Irra-nâ featâ sh-un ficiorú Featâ mushatâ, gioni ficiorú Dolji tu-vreari cânta di dorú -Nj-easti dorú di oclji-a tālj! Irra-nâ featâ sh-un ficiorú Sh-tu inimâ sh-avea unú dorú Noapti di noapti, tu-yisu s-videa Noapti di noapti, tu-yisu sh-cânta -Nj-easti dorú di oclji-a tālj! Dorú ti-vreari, vreari ti-dorú Ti-unâ featâ, ti-unú ficiorú Featâ mushatâ, gioni ficiorú Dolji tu-vreari sh-cânta di dorú -Nj-easti dorú di oclji-a tālj!
301
Easti unú cânticú Easti un cânticú Ave Maria Easti un cânticú tu-inima mea Oara vini, vini s-lu-ascultāmú
Oara vini, vini s-lu cântāmú
Easti un cânticú di la dada Ti-StâMaria sh-ficioru-a ljei Oara vini, vini s-lu-ascultāmú
Oara vini, vini s-lu cântāmú
Cântic di vreari, cântic di-dor Ti StâMaria sh-aljei ficiorú Dolji tu-suflit, dolji lj-avem Elj ni-anveatsâ s-ljirtâm, s-ni vremú Easti un cânticú AveMaria Aidits deadun-n corú s-cântām
Pân-tu tseru-analtú si s-avdâ Sh-atselj di-ndzeanâ, S-cāntâ-n corú cu noi
302
Featā va s-ti-arâkescú! -O, la featā, featā mushatā
Va s-inú māni s-ti caftu-nveastâ
-O, lāi gione, nu mi-caftâ
Dada mi-ari di njicâ datâ
-O, la featā, va s-ti-arâkescú
Fârâ tini nu pot s-bânedzú
-O, lāi gione, nu-nj mi-arâkea
Mini goalâ mi-ari dada
-Cu tut cu dada, va s-ti-arâkescú
Sh-tish la cutari va s-kindurescú
Sh-dada s-pitritsemú pâzari
S-avemú oarâ ti-bâshari!
303
Haidi, hai… Haidi, hai la featā, S-ni-adunām ninga-nâoarâ
La shopatu dit-cali, tu-veacljea hoarâ Haidi, hai lāi gione, Haidi s-ni primnām di-mānâ
S-mi bash ninga-nâoarâ la-fântānâ
Nj-easti dorú la featâ, Ti-nyisez noapti di noapti S-vineai ninga-nâoarâ di diparti… Haidi, hai lâi gione, Va s-mi torn, s-mi torn la tini Inima-ânj dzātsi, ts-u dorú di mini Aiidi, ai, Aidi, ai, S-ni-adunām ninga-nâoarâ
Si-nj dztās zboari dults
Ca prota oarâ.
304
Aidits tu-Armiro Aidits, hai tu-Armiro Soia s-u câftāmú Cu soia s-ni-adunāmú
Câ multâ vreari avemú! ‘Nj-dzāsi dada di-ahāntú kiro
Ta s-negú s-vedú hoara di-Armiro Hoara-armâneascâ pi dzeanâ teasâ Vrearea ti-soi sta ninga-apreasâ Aco iu papu sh-muma mea s-featsi Aco iu-doru nu s-asteasi Tricurâ anjlji sh-ahântú kiro Va s-negú s-vedú hoara di-Armiro! Aidits, aidits tu-Armiro! Soia s-u câftâmú! Cu soia s-ni adunâmú! Câ multâ vreari avemú!
305
Iu eshti la vrutā
Bati unú vimt-aratsi Vedú pulji cum s-adunâ Mash mini stau-n cali Mutrescú norlji cum s-avinâ Mutrescú sh-l-amarea lai Pi keatrâ cum s-alinâ Nj-ashteptú vruta ta s-inâ Di naparti di-amari Iu-eshti la vrutā?
Vrutā cât hii diparti! Ashtiptam azâ s-vineai Ma azâ vini mash unâ carti Nu pot ta s-inú lâi gione Nu potú ta s-inú la tini Dada nu potú s-nj-alasú Câ nu-ari altâ, mash pi mini Sh-tricurâ anjli gione Doru nji s-asteasi Tu inimâ lāi gione
Ti altú, unú dorú s-apreasi!
306
Ma ti-voi Di câti ori vrutā mi-ntribash
Ma ti voi, ma ti voi, ma ti voi… Tricurâ anjlji di cānd ti loai Sh-azâ mi-ntribash nâpoi… Di câti ori vrutâ mi-ntribash Ma ti voi, ma ti voi, ma ti voi… Ti tsi s-ti loam, ma s-nu ti-vream Ti tsi ninga tini s-ausheam! Di câti ori gione mi-ntribash Ma ti voi, ma ti voi, ma ti voi… Tricurâ anjli di cānd mi loash
Sh-azâ mi-ntribash nâpoi… Di câti ori gione mi-ntribash Ma ti voi, ma ti voi, ma ti voi… Ti tsi s-ti loam, ma s-nu ti-vream Ti tsi ninga tini s-ausheam! Sh-avemú unâ featâ sh-avem sh-unú ficiorú Fuzirâ tu lumea lor Sh-tora noi dolji oara tritsemú… Ma ti voi, ma mi vrei, ni-tribāmú!
307
Muabeti Azâ-i mari sârbâtoari Tuts-n hoarâ s-dipunām
S-ni-adunām cu njicú cu mari Muabeti ta s-fâtsemú Aidits lāi Armānj, Dipunats dit hori Cu tutú cu feati sh-cu ficiori Kinduri sh-unâ mulari Cu doisprâdzatsi di mulāri Poartâ lapti sh-cash di-oai Nipotslji s-acreascâ māri Aidits lāi Armānj, Dipunats dit hori Cu tutú cu feati sh-cu ficiori Aushlji tu-aumbrâ s-adunarâ Sh-acâtsarâ s-cāntâ-n-cor
Unú papu cāntâ dit fluiarâ
Unú cāntic di căndù-irra ficiorú
Haidits lāi Armānj, Dipunats dit hori Cu tutú cu feati sh-cu ficiori
308
Nu-am râkii, nu-am sâhii Ore, azâ nu escú ghini Nu-adukescú tsi-i cu mini Nu-amú stari, nu-amú sâhii Gulii shisha di-râkii Ore tsi, tsi, tsi-i cu mini Gulii shisha di-râkii Vruta neasi-mpâzari S-acuparâ n-dau meari Ai la vruta nu-amú sâhii Gulii shisha di-râkii Ore tsi, tsi, tsi-i cu mini Gulii shisha di râkii Vini vruta di-mpâzari Adusi mash-n-dau meari... Nu-aduseshi vrutā râkii Nu-amú râkii, nu-amú sâhii
309
Nj-antrebú steaua Nj-ântrebú steaua noapti di noapti Câtse-nj mi dusi ahāntú diparti Câtse nu-nj mi-alâsā rihati Tu hoara-iu, moi, s-featsi tati. “O, la steauā, o, la shcretā
Tsi-nj fâtsesh cu-a meau etâ? Di vruts, moi, mi-dispârtsashi Cu cai si-nj gioc sh-cu cai s-mi bashú?
Câtse nu-nj mi-alâsash tu -hoarâ S-bânedzú bana di-nâoarâ Si-nj pascú oili, s-cântú sh-dit fluiarâ Cu vruta s-mi-adunú cafi searâ O, la steauā cât bânash…
Dzâ-nj strâ-aushlji-iu lj-angrupash? Voi s-li ducú niheamâ apâ S-lj-antrebú cai mi-ar’ blâstimatâ? O, la steauā du-mi nâpoi La-a melj munts sh-la a meali oi Aco-iu sh-Alexandru s-featsi Si-lj ducú sh-a lui niheam-apâ aratsi
310
Nj-easti dorú Nj-easti dorú, nj-easti dorú gione mushatú S-mi tsānj la keptú ninga-nâoarâ
Nj-easti dorú, nj-easti dorú S-ni primnâmú, pi-sumú lunâ La mardzina di-hoarâ Iu-eshti, lāi gione?
Mi-alâsashi sh-fudzishi, fudzishi diparti Tut nj-u dorú shi-nj ti-ashteptú, noapti di noapti Nj-easti dorú, nj-easti dorú gione mushatú Dultsi ta s-ti bashú ninga-nâoarâ Nj-easti dorú, nj-easti dor di-oclji-a tâlj Sh-di boatsea ta, cum mi-acljima nafoarâ Iu-eshti, lāi gione?
Mi-alâsashi sh-fudzishi, fudzishi diparti Tut nj-u dorú shi-nj ti-ashteptú, noapti di noapti Haidi gione hai ti-toarâ, hai Adu-nj inima nâpoi Voi s-ti vedú ninga-nâoarâ, hai Si-ts dzācú gione, cât ti-voi! Iu-eshti, lāi gione?
Mi-alâsashi sh-fudzishi, fudzishi diparti Tut nj-u dorú shi-nj ti-ashteptú, noapti di noapti
311
Nveasta nau cu soacra Aidi la-nveastā pleacâ-ti Fā-lji mintānji a soacrâ-ti
Mini la-dado nu-nji mi-aplecú Mini cu soacra nu nji-u trecú
Aidi la nveastā bagâ-ts pâdyiaua Ti-zburāshti soacra sh-dunjiauùa
Mini la dado, pâdyiau nu-nji bagú Uzmetea-li soacri nu-ljiu facú
Aidi la-nveastā bagâ-ts cusitsâ Nu stā cu perlji dispâltitsâ
Mini la dado voi dispâltitsâ Nu voi ca soacrâ-mea cusitsâ
Fā-ti la-nveastā tini ma njicâ Câ ai soacrâ tinjisitâ
Sh-mini la dado ni-escú tinjisiâ Si s-facâ soacrâ-mea ma njicâ!
312
Nveastâ nau cu harauùă
Azâ him tuts cu harauùă C-avem unâ-nveastâ nau Nveastâ bunâ sh-multú mushatâ
Tutâ soia u-ari-aleaptâ Gioacâ gionili di-harauùă Gioacâ, gioacâ cu-nveasta nau Haidi, papo intră-n-corú
Gioacâ, gioacâ ti-ficiorú, Gioacâ papu s-da sh-di padi Di-ausheaticú, nu-ari ananghi Gioacâ papu sh-cu-nveasta nau Gioacâ, gioacâ di-harauùă Haidi, mumā intră-n-corú
Gioacâ, gioacâ ti-ficior Gioacâ muma tu-pârpodz S-minduiashti la strâ-nipots Aidi, sh-giucām tuts cu-harauùă
C-avemú unâ-nveastâ nau.
313
Primveara-li dadi
Mi-alinai pi-analtú di munti Cu nau-s-nau di câruti Sh-cu ninga vārâ trei mulâri Sh-cu cârigu pi pultāri. Loai sh-primveara tu-disagâ Tu-analtú di munti s-u-amú soatsâ
Shi-nj deadi papu sh-nâ fluiarâ S-mi-avdâ oili ma s-kearâ Vruta nj-u-alâsai tu hoarâ Va-lj ducú doru cafi searâ
Shcreta di oai va pâshteari! Nu-ari ananghi di-a mea vreari. Sh-cānd agiunshú, tish la cutari Trei furi-ânj isherâ-n cali Sh-acâtsarâ s-mi cârteascâ Primveara ta s-nj-u arâkeascâ Dipunai di pi-mulari, Sh-loai ciumeaga dit pultari Sh-cu mintea la giunamea-l papu Lj-u frānshú a-unui furú, lāi, capu. -Primveara nj-u-amú di la dada! S-morú, ma nu vâ dau disaga Primveara u-ducú tu-munti! Ma vrets, loats dzatsi câruti!
314
-Câruti avemú sh-noi tsintsi suti Noi vremú Primveara, nu câruti! Shi scoasirâ trei iatagani Shi s-aprucljiarâ di-mulari. Acâtsai s-cāntú dit fluiarâ
Oili acâtsarâ s-zghearâ Sh-pi furilji tuts lj-anvigârarâ Sh-cu hiru di lānâ-âlj ligarâ
Sh-mi-alinai, moi pi-mulari Sh-loai calea câtâ cutari S-ducú cârutili tu-munti Tora-am-nâ sutâ di vruti!
315
Rock, la featā! Aidi featā ta s-ti giocú
Ca ficiorlji cāntâ rock
Tsāni-ti di-māna mea
S-giucāmú rock pân- tahina
La featā, aidi s-ti gioc
Câ ficiorlji cāntâ, cāntâ rock
Anvârtea-ti! Nu sta pi-loc! Feata mea u-acljiamâ Gena Mai-sa u-acljamâ Lena Feata mea-i mult mushatâ Tuts ficiorilji va s-u gioacâ Featā, oh, aidi s-ti giocú
Câ ficiorlji cāntâ, cāntâ rock
Anvârtea-ti, nu stā pi-locú!
316
Sufliti di Pleasa
Neshú tu-Epir, tu-hoara mea Hoara mea di Pleasa Nu-aflai ni-casi, nitsi murmints Ni s-avdú boatsi di-pârints Mash-nâ mumâ tsi s-videa Shidea pi-shcāmbi, suskira Tu-poalā sufliti aduna Suflitili di-Pleasa Dā-nj la mumā suflitu-a melú Anda fudzii, aua lu-alâsai Lu-alâsai shi-Io mi kirui Sh-tu Xeani altú suflit nu-aflai.... Dā-nj, la mumā, dā-nj sh-unú zború Ta s-lu facú cānticu di-dorú S-lu-avdâ sh-a melj pârints Sh-deadun s-lu-cântām-n corú
Ta s-lu-avdâ sh-vruta mea Câ voi si-nj morú, aua, Pleasa
317
Ti câftai! Iu-irrai, pân-tora, iu-irrai? Di njicú-nj ti-ashtiptai Tu-yisi ti-câftai, ma nu vineai Iu irrai? Di câti ori, tu steali mi-alinai Câti ori luna-ntribai Sh-tu-amari dipunai, ma nu ti-aflai, Iu-irrai? Tini eshti vrearea mea Ti-câftai, ti-câftai … Iu-irrai? Ma sâ shtii, câti cāntitsi-ascultai Sh-tu zboari ti-câftai Ma t-unú cānticú ti-aflai, cu dorú cântai Iu-irrai? Ti tsi s-bânam Vrearea ma s-nu nj-u-aflam Tu inimâ ma s-nu-nj ti-aveam Fârâ tini cum s-irram, cum s-arâdeam Cum s-cântam? Tini eshti vrearea mea Ti-câftai, ti-câftai … Azâ ti-aflai!
Ti pârints
318
Câti-unoarâ stau seara tu-ubor Noaptea cānd si-alasâ, stealili misor Ia, unâ câdzu, a-cui easti nu shtiu Ma shtiu, câ aco-iuva, Am sh-mini steaua mea Aidi dipunâ steauo Ta s-tsâ dzācù unú zbor Aidi dipunâ steauo S-tsâ dzācù c-am unú dorú
Pârintslji ma si-âlj vedz S-li dzāts ta s-mi ljiartã
Mi mârtai sh-fudzii diparti Sh-nu-avea altâ Ma aco, iu iram, la elj mi minduiam
Sh-aco iu-alâgam, tu suflit-âlj purtam Ma voi ta s-mi ljiarta…
Câ fudzii diparti, fudzii sh-lj-alâsai Singuri s-aushadzâ, singuri bâniadzâ Ma azâ aflai, câ steaua tsi câdea Ira steaua, tsi-nji dzâtsea, câ tati mi-ljirta…
Câ tati s-astindzea
Tu Amerikie
319
Ore vinjú tu-Amerikie Ta s-facú vārâ purcukie
Sh-pân-s-nvets s-dzâc n-dau zboarâ Nji s-i frāmsi limba-n dau
Sh-di la soi anvitsai Mash unú lucru: cum s-facú dulari ! Mi sculam di-tahina, Dulari nveasta ânj câfta -Bârbate, negú la-dukeani Voi s-acupur unâ fustani Ore, aveam sh-doi cilimeanj S-anvitsarâ americanj Limba meau u-agârsharâ Ma ghini shideam tu-hoarâ Nitsi-am oarâ ti-primnari Shcreta di borgi va-pâlteari
Tu gârdinâ
320
Aidi featā tu gârdinâ
Lilici dolji s-adunām
S-âmpultim sh-unâ cârunâ Pi frāmti ta s-u purtām
Aidi gioni tu gârdinâ Lilici dolji s-adunām
S-âmpultim sh-unâ cârunâ Pi frāmti ta s-u purtām
S-ni-ashtirām sâ stām tu-aumbrâ
Cu peru-a tāu s-mi alashi s-mi-agiocú
S-mutrim pulji cum adunâ Dedzili si-sh facâ-un locú S-nji-alashi oclji s-ti mutreascâ Tu-oclji-a tâlj voi s-mi tukescú Cu vrearea mea si-ts umplu trupu Inima ca s-ts-u arâkescú.
Unú gioni dit xeani
321
Vini unoarâ unú gioni tu-hoarâ Sh-kinduri la dukeani Bea -nâ cafei, tradzi dâuani Unú gioni s-videa ca dit xeani Sta sh-minduiashti, calea mutreahsti S-mash unú aush tsi tritsea -S-mi ljierts lāi papo, câ ts-iesú-n-cali Ma voi s-ti-ntrebú tsiva…. Mini, lāi papo, fudzii dit hoarâ Aveam mash dzatsi-anj Mita mi-acljiamâ Nu aveam ni-tatâ Sh-nitsi dadâ nu-aveam Mi lo unú lali, pi-unâ cârvani Sh-tu xeani kindurii Tricurâ anjlji, sh-tora lāi papo Vinju nâpoi di-iu fudzii -Stā niheamâ s-ti vedú lāi ficiorú Sh-oclji s-umplurâ cu lacrimi di dor O lāi nipoate, mini escú papu Papu, cu cai ti-agiucai Tutâ dzua iu-i papu-ntribai.
Vini oara!
322
Vini oara s-ni-adunām
Vini oara s-ni videm S-ni-adunâm cu soia tutâ Soia noasta-i mult vrutâ Vini sh-papu pi-mulari Nipotslji lj-isherâ-n-cali Sh-ari papu sh-unâ fluiarâ
S-lu-avdâ oili ma s-kearâ
Vini oara s-ni-adunām
Vini oara s-ni videm S-ni-adunām cu soia tutâ
Soia noastâ-i mult vrutâ Sh-tutâ noaptea va s-cântām
Muabeti va-s-fâţsem!
Voi feata, nu voi pita!
Mini escú featâ njicâ Njicâ sh-mushuticâ Voi dada ta s-mi mâritâ!
323
Azâ, vini unú gioni, vini ta s-mi veadâ Vini-nveastâ ta s-mi caftâ Dada nu va s-mi mâritâ Dzâtsi câ hiu ninga njicâ Nu va, nu va s-mi mâritâ… Nu-nvitsai ninga s-facú pitâ Ma mini nj-escú featâ njicâ Njicâ sh-mushuticâ Voi dada ta s-mi mâritâ! -O, la featâ njicâ, mini nu voi pitâ Voi dada tau s-ti mâritâ Sh-neshú la dada-ncasâ Feata ta s-u caftú di-nveastâ Ma dada nitsi nu va s-avdâ -Mini dado nu voi pitâ Alas-u feata si s-mâritâ Pitâ, pitâ s-facâ dada Mini dado, voi mash feata.
Vrearea
Stau nafoarâ shi-nj ti-ashteptú
Azâ nâpoi ti-amânashi
324
Ânj-bati inima tu-keptú
Cānd minduiescú câ pots s-mi-alashi
Nu-easti mash unoarâ
Ti-amânash sh-altoarâ
Sh-di câti ori…
Ma shtiu, câ va s-ti ljiertú nâpoi
Sh-va-ts dzācú cānd s-ti vedú
Oh, cât ti-voi!
Câtse, câtse nu-ânj dzâtseai
Câtse nu nj-alâsai vārú zború
Câtse asearâ mi-ntribai
Ma di tini nj-easti dorú
Vrearea nu-easti mash unú giocú!
Nu easti mash unú zború!
Easti unú dorú, ca-unú focú apresú
Unú focú tsi-ardi tu-keptú
Cadhuri cu strâ-aushi
326
Natānga: Dada meau, Yianula-al Nisa Preftu mârtatâ la Dimitri Trandu (tu measi)
Ndreapta: Dumnica Trandu mârtatâ la Culi Ciufecu
1939 – Aidimir (Cadhrilater)
327
Ndzeanâ: Duminica Trandu (Ciufecu) – Yianula Trandu
Npadi: Culi Ciufecu-Busha Nastu-Dimitri (Tica) Trandu 1938 – Aidimir (Cadhrilater)
328
Armatolu Thanasi Nastu (fratili-ali Hrisula Nastu mârtatâ la Thanasi Trandu)
1905 – Pleasa di-ndzeana – Epir Cânâscut alamtator ti nikirerea-ali armânami
329
Di partea–li mumi: Strâ-papu Ndreia Nastu dascalu tu gymanziu di Curceau
1910-1912 (“Kendra dascalu”) afendu-ali mumi Hrisula Trandu
330
Pârints-ali dadi Yianula: Papu Nisa Preftu cu Maia Katrina
1935-Aidimir – Cadhrilater
Pârints-al afendu: Muma Hrisula Trandu (amintatâ Nastu) cu papu
Thanasi Trandu / 1908 – Curceau
332
Fumljia al Papu Nisa Preftu cu trei feati ( Yianula, Flora, Urania) sh-patru ficiori (Demostene, Petra, Anastasi
Margariti) sh-cu tuts dziniri, nveasti sh-nipots (1935 – Aidimir)
333
Muru di la bisearica dii Pleasa di-ndzeana (cadhru di la 2010)
Dit hoara di Pleasa di-ndzeana aramasira mash shcambi –foto 2010
334
Dini Trandu cu dada lui Yianula – Timisoara – 2014 Dada Yianula u ljirta Dumidza tu 11 di Martsu 2015
diparti di hoara iu s-aminta la 3 di Yinaru 1919, Pleasa di-ndzeana - Epir
335
Cadhuri DIT bana armâneaScâ di zâmani
Tuti aisti cadhuri li-adunai di la atsei duruts Armânj, tsi li
postarâ pi Internet sh-tu pareili electronitsi armâneshti.
Li haristusescú-a tutâlor tsi-au dorú sh-vreari ti-bana
armaneascâ di zâmani, sh-tsi va s-li tsănâ râdzâtinjili-a strâ-
pâpânjilor-a noci ninga verdz sh-vârtoasi.
Aisti cadhuri, arâmasirâ tu cultura armâneascâ di-azâ, ca
niscănti kicuti di-unú kiro tsi tricu, ama easti ninga yiu sh-
daima va s-hibâ yiu, tu-inima noasta armâneascâ.
Tu aisti cadhuri, easti zuyrâpsitâ prova, câ miletea noastâ,
bână cama di 3,000 di-anj tu Makidunia istoricâ, tu Epir, tu
muntsâ Pindu sh-Grammos, Thesalia sh-pânâ tu-Amarea
Egheye…
Bâruri di-armânj tsi bânarâ pisti kiro, sh-cilimeanjlji-a lorú,
tsi bâneadzâ sh-dzua di-azâ, arú borgi s-li mutreascâ shi s-li
poartâ aisti cadhuri tu suflitu-a lorú shi s-li treacâ, dit
suflitú tu suflitú, bărú di bărú, pânâ tu-nikireari.