puitling sabbath sikul zirlai bu sabbath … nge kan lo nghah ang?..... 151 chanchin tha pumhlÛm...

1 2

H-1

PUITLING SABBATH SIKUL ZIRLAI BU

VÂNTLÂNG ZÎNGA

KOHHRAN RAWNGBÂWLNA

Gaspar F. Colón

May-Ellen M. Colón

Kuartar 3-na

July, August, September

2016

Sabbath School Lesson

[Gmidkcsif;bmom

yH kE S dy folyH kE S dy fol

yH kE S dy folyH kE S dy fol

yH kE S dy fol

OD;zkef;Edkif (00354)

refae*sm

uif;apmifhyHkESdyfwdkuf

206 a&Top mvrf;? &efuif; rdUe,f

&efukef rdU

xkwfa0olxkwfa0ol

xkwfa0olxkwfa0ol

xkwfa0ol

OD;apmxDrao (00590)

OuX

jrefrmjynfowraeYOykoftoif;awmf

68 OD;0dpm&vrf;?

&efukef rdU

tkyfa& - 700

"r®'ge

yxrtBudrf

3 4

A CHHÛNGA THU AWMTE

Thuhmahruai

1. Thil Engkim Dinthar Lehna Chu ......................... 7

2. Thuneihna Nei Lêt lehin .................................. 19

3. Thuthlung Hlui Huna Reldikna leh

khawngaihna: Then 1-na ................................. 32

4. Thuthlung Hlui Huna Reldikna leh

khawngaihna: Then 2-na ................................. 43

5. Vântlâng Tâna Isuâ Rawngbâwlna ................... 55

6. Isua chu Mîte Zîngah A Khawsa Ve.................. .. 67

7. Isuan An Thatna Tûr A Duhsak ...................... 79

8. Isuan Lainatna A Lantîr Thîn ........................... 91

9. Isuan An Mamawhte A Phuhrûksak ...............103

10. Isuan Mite Rinngamah A Insiam ................... 115

11. Isuan, “Min Zui Rawh U” Tiin A Sâwm ........... 127

12. Tâwpna Huna Khawpui Rawngbâwlna ........... 139

13. Engtin Nge Kan Lo Nghah Ang? ..................... 151

CHANCHIN THA PUMHLÛM CHU

Pastor pakhat chuan a kohhran member-tehmâah a Bible a lek chhuak a. A Bible lah chu a thlêrhniang hnuang mai a, a pawp thliah thluah bawk a.Pathian Thu zirna hmun (seminary)-a a awm lai khâna Bible hi a thiante nên an inhman tâwm thin a, diktaka rorêlna, retheihna, hausakna, leh inrahbehna tihthu inziahna lai chângte chu a zavaiin an chhinchhiaha. Tichuan, chutiang thu inziahna lai châng zawngzawngte chu sakawrbakchehin an chep thla ta vek maia. Chutianga an tih hnû chuan a Bible chu hmuh tlâkloh khawpa hniâr a lo ni ta a ni. Pathian Lehkhabupum pui hian hêng thupui hrang hrangte hi a dahpawimawh hlê mai a; hêngte hi paih ta vek ila chuanBible-ah hian thu kim lo a awm teuh mai ang. He pastorBible thlêr hnuang mai pawh hian Pathianin angaihven êm êm thilte chu thiam tak leh fiah takin asawi a ni.

He thawnthu tâwi tê hian keini Seventh-dayAdventist-te hi eng thu nge min hrilh le? Thil tam takmin hrilh a. Zirbingna pakhat chuan Seventh-dayAdventist-te zînga za zêla 30 chu kohhran huang pâwnlama awmte mamawh phuhrûksakna kawngah aninhmang tih a târlang a. Mahse zâ zêla 70-te khân engnge an tih ve? Isua chuan tâwpna huna chêng akohhrante chu “chatuana chanchin Tha” hi apumhluma puang darh a, nunpui tûrin a ko a ni(Thupuan 14:6).

Huapzo Chanchin Tha chu eng nge ni le? Luka4:16-21-a kan hmuh Isua hnathawh lehrawngbâwlnate hian chanchin tha pumhlum chu rinnaavânga chhandam kan ni tih hi kan thil tih zawng

zawngte a innghah chhan, a bulpui tak chu ni tho mahse, chumi bâk chu thil pawimawh dang a la awm a ni tiha tilang a. Isua chuan chanchin tha hril hi mi rethei te,riltâm te, damlo te, rilru nâ te, hnehchhiaha awm te,mîte kawm serh te, leh tân ina awmte chungahmangaihna lanchhuahtîrna kawng pakhat a ni nghâl ani tih min hmuhtîr a. Bible-in rêldikna leh Diabola thiltihtesûtsak tia a sawi hi, tâwpna hunathil tha lo chunga Isuanhnehna pumhlûm a chan hun tûr thlîr chunga kan theihanga tan lo lâk vêna hi a ni.

Tûn kuartar-ah hian “chatuana chanchin tha” hia huam zau thei ang berin kan luh chilh dâwn a, hechanchin tha hmanga kohhranhoten anmahni khawtlângtheuha rah an chhuah dân tûr pawh kan zir chiang bawkang. “Kohhran” tih chu mihring, a huhova awm, mahseanmahni tâna nung lova, chatuana chanchin tha chuIsua rawngbâwlnaa târlan a lo nih tawh dân anga nunpuileh hril tûra koh chhuahte tiin kan hrilhfiah dawn a.Chumi awmzia chu, chanchin tha chu hril ringawt lovanunpui nghâlin, keimahni khawtlâng theuha tlachhamawmte chu rawng kan bâwlsak tûr a ni tihna a ni.

Engtiangin nge in tual chhûng kohhran khântlachhamte chhawmdâwl hnâ chu in lo thawh ve le?Kohhrana rawngbâwlna peng hrang hrang hrangte (entîrnân, hrisêlna, chhûngkua, thalai, Sabbath Sikul, deacon/deaconess, leh a dangte) hi kohhran member-te vântlângtâna rawngbâwl ho tûra awm an ni a.

Adventist Community Services (ACS) hnuaia unitleh centre hrang hrangte pawh hian kohhran huangchhûng atangin chanchin tha chu eng nge a nih tih ataka entîr hnâ an thawk a, mîten Pathian Thu an lo hriattheih nân kawng an buatsaih bawk. Ram thenkhatahchuan ACS hi Dorki tih te, Adventist Mipa tih te leh,hming dang danga koh a ni a. Adventist Development

5 6

and Relief Agency (ADRA) pawh hi tual chhûng kohhranatanga hna thawk chu ni chiah lo mah se, tanpui ngaitetanpuina pêng pawimawh tak pakhat a ni bawk.

Engtiangin nge Krista zâra Pathianin thil a lotihsak tawh che avânga i lâwmna chu mi mal takin ilantîr ve le? Kohhran member pakhat chuan hetiang hiana sawi:

Kawthlêrah ka hmu hmeichhe naupang pakhat,Thawmhnaw pan tak a hâk avângin vâwt a ti, akhûr hlawk hlawk, Chaw ei tûr tuihnâi tak pawh abeisei ve phâk lo.Ka thinrim lutuk chuan Pathian ka chhuahchhâlta a:“Eng vângin nge hetiang thil hi a thlen i phal?Eng vângin nge thil eng emaw tal chu i tih loh?Pathian chuan min chhang mai lo va.Mahse chumi zân la la chuan min rawn chhâng lehta tho va;“Thil eng emaw chu ka ti chiang a lâwm.Nangmah kha ka siam che,” tiin. – Dwight Nelson,Pursuing the Passion of Jesus (Nampa, Idaho:Pacific Press® Publishing Association, 2005), p.78.

Gaspar Colón-a hi he Puitling Sabbath Sikul Zirlai Bu aziah lai hian Takoma Park, Maryland, USA-a awmWashington Adventist University-ah Department of Religionchairman a ni a. A thiannu, May-Allen Colón-i hi tûnahhian General Conference-a Sabbath Sikul and PersonalMinistries Department-ah assistant director a nih bâkah,Adventist Community Services International-ah director ani bawk. An nupa hian Africa leh Soviet Union hnuaia awmthîn ram hrang hrangah kum kua chhûng missionary niinhnâ an lo thawk tawh thîn a. Fa puitling tawh pahnihneiin, tû pawh pahnih an nei tawh bawk.

7 8

ZIRLAI 1-NA JUNE 25–JULY 1, 2016

“THIL ENGKIM DINTHAR LEHNA CHU”

CHÂNGVAWN: “Tichuan Pathianin Amâ anpuiinmihring a siam a, Pathian anpuingeiin a ni a siam ni; mipaah lehhmeichhiaah a siam a ni,” (Genesis1:27).

SABBATH CHAWHNU JUNE 25

CHHIAR TÛRTE: Genesis 1:26, 27; 3:8–19; Deuteronomy6:5; Marka 2:1–12; Johana 10:10;Galatia 4:19; Jakoba 4:4.

KAN vêla thil awm te, khawvêl hmun hrang hrang,leh keimahni ngei pawh hi han inthlîr ila. Eng nge kanhmuh le? Thil dik lo tak thleng a awm ngei a ni tih hairual a ni lo.

Hei hi suala mihringte tlûkna, Pathian laka anhelna, leh sual leh tha indona ropui ti-a sawi chu a ni a.

Mahse thil lâwmawm tak erawh chu hêng thil thalote hi kumkhuaa awm reng tûr a ni lo va, rei lo tê chhûngatân chauh a ni tih hi a ni. Leiah hian Isua chu lo kalin,khawvêl sual tlan nân a thî a, a lo kal leh tûr thu pawh asawi bawk. A lo kal leh hunah chuan he khawvêla thilengmah hi awm zui tûr a awm dawn lo va. Lalram thar, achatuan lalram chu a intan tawh ang.

“Tin, chûng lalte nî-ah chuan vân Pathianin ram a rawndin ang a, chû chu a chhe ngai tawh lo vang a, a lalnapawh mi dangte tân hnutchhiah a ni hek lo vang; hêng

ram zawng zawngte hi a tikeh sawmin a tiral zâwk anga, kumkhuain a ding reng ang,” (Daniela 2:44). Dintharlehna ropui tak a thleng dâwn a ni chu.

Nimahsela dinthar lehna bul tan tûr chuanKrista lo kal leh hun kan nghah kher a ngai chuanglo. Kristaa awmte chu tûnah hian thil siam thar an nitawh reng a (2 Korinth 5:17); Isua ang taka awm tûraruat lâwk tawh kan ni bawk (Rom 8:29). A kohhrantehi mi dangte dinthar leh hnâ pawh thawk tûrin minko va, thawk thei tûrin thiltihtheihna min pe bawk ani.

SUNDAY JUNE 26

PATHIAN ANPUIA SIAM CHU

Bible chuan mihringte hi a tîr takah chuanPathian “anpuia” siam an nih thu a sawi a (Genesis 1:27).“Anpui” han tih hian dârthlalang emaw, thlalâk emaw-akeimahni thlâ lo lang ang hi a ni thei a, a nih loh pawhintu emaw lim, anmahni ang taka siam pawh hi a kâwkthei tho bawk. Chu mai chu ni lovin, kan rilru lehngaihtuahnaa tu emaw piangphung leh ruangâm kan lomitthla te pawh hi a huam thei vek a. Bible-in “anpui”tih a sawi hi eng tihna nge ni ang?

Genesis 1:26, 27 chhiar la. Engtin nge PathianLehkhabu hian Pathian “anpuia” siam nih awmziachu a hrilhfiah le? Genesis 1:31; Deuteronomy 6:5;1 Thesalonika 5:23 te pawh hi en tel bawk ang che.

Kan nu leh pa hmasa berte a siam khân, Pathianchuan leia nunna nei awm rêng rêngte nih dân tûr aruat fel nghâl vek a: mipaah leh hmeichhiaah a siam ani. Hetih hun laia thil a siam dang zawng zawngte zîngah

khân anni pahnih chauh hi amâ anpuia a siamte an nia. Zâwng atanga lo insiam danglam chho an ni lo.Mihringte chu leia nunna nei awm ve dang zawngzawngte lak atangin kan danglam bîk hlê a, he kandanglamna sawi nêp tumna rawng kai thurin (theology)rêng rêng chuan mihring nihna leh hlutna a tihniamtlat a ni.

Pathian chuan an hming chu “mihring” (Adama)tiin a vuah a (Genesis 5:2). Chumi awmzia chu mipa lehhmeichhia-te kha inan lohna leh danglamna nei tho mahse, pumkhat an ni tho tihna a ni a. An pahnih khân apumhlûm leh a bâk awm chuang lovin, Pathian anpuiasiam ve ve an ni.

Pathian anpui tih hian a huam kim khawp mai a:“Siamtu kut atanga Adama a lo chhuah chiah khân, ataksa, rilru, leh thlarau-ah te khân amah Siamtu anna anei vek a ni.—Ellen G. White, Education, p. 15.(hawrawp âwnte hi sawi uar duh lai chinte a ni e).

Hebrai tawnga “anpui” an sawina thumal chutselem tih a ni a; “ang takin” tih an sawina thumal erawhchu demuth tih a ni ve thung. Hêng thumal pahnihte hiantaksa ruangâm lang thei (tselem) leh taksa chhûng lam(demuth), tharau thil leh rilru ngaihtuahna lamte a kâwkthei ve ve. Hei hi Ellen G. White-in a hriat avângin mihringchu Pathian anpuia siam a nih thu a sawi pawh khân,“pianhmangah leh nungchangah” an ang tih a sawi khera ni.—Prophets and Kings (Zâwlneite leh Lalte), p. 25.

Deuteronomy 6:5 hian mihring nihna pêng hranghrang a sawi a, chûngte chu: thinlung (rilru,ngaihtuahna), thlarau, leh chakna (taksa) te a ni. Hetiangdeuh hian Paula chuan 1 Thesalonika 5:23-ah a lo sawive a. Pathian anpuia siam mihring chuan hêng thil zawngzawngte hi a huam vek tihna a ni.

9 10

“Pathian anpuia siam” tih thû-ah hian sawi tûrdang tam tak la awm tho mah se, Bible-in a sawi erawhhi chu a chiang tâwk khawp mai: mihringte hi he leiathil siam dang awm vête lakah an danglamin anchungnung bîk hlê a. Anmahni han hnai phah tûrpakhat mah a awm lo. Eng vângin nge he kan danglambîkna hi kan rilrû-a kan vawn reng a pawimawh le?

THAWHTANNÎ June 27

SUALA MIHRINGTE TLÛKNA LEH A HNU-A THILTHLENGTE

Bible hian khawvêla thil awmte siam zawh a nihatanga mihringte suala an tlûk inkâr hi engtianga reinge ni tih min hrilh lo va. Ni tam tak a ni thei a, chawlhkâreng emaw zât a ni thei a, kum tam tak pawh a ni mai theibawk.

Tlûkna chu a awm ngei a, a nghawngte pawhhmuh theih maia chiang leh lo thleng chawpchilh nghâlmai a ni bawk tih erawh kan hria a ni.

Evi leh Adama-ten a chhia leh a tha hriatna thingrah an ei avânga thil lo thleng hmasa ber chu saruakaawm a nih tih an inhriat chhuah nghâlna kha a ni(Genesis 3:7). An taksa khuh tûrin theipui hnah an thuikhâwm a, Pathian lakah bihrûk an tum bawk a. Tûnahchuan an saruak khuhtu êng chu lâk kian a ni ta a (EllenG. White-i lehkhabu, Thlahtubulte leh Zâwlneite, p. 57 enla). Mahni chauh inngaih pawimawhna sual nêna aninchûl nêl tâk avâng chuan Pathian nêna an inpawhnapawh a lo chhe ta bawk. Tichuan, Pathian chuan nupatuak hmasa berte chu an sualnain nghawng a neihtehrethiam tûrin zirtîrna pêk a tum ta a ni.

11 12

A hnuaia Bible chângte hi chhiar la, Evi lehAdama-te sualnain chawplehchilha nghawng a neihnghâlte chu eng nge ni tih hmuh tum ang che. Chûngan thil tihsual nghawngte tho chu engtin nge tûnlaihunah pawh hian a lo lan chhuah thin le?

Genesis 3:8-10: _______________________________________Genesis 3:12:_________________________________________Genesis 3:13:_________________________________________Genesis 3:16:_________________________________________Genesis 3:17-19:______________________________________

Suala mihringte tlûkna kha a tak taka thleng ngeia ni a, pawm thiam a har a, mihringte chunga nghawnga neih pawh hi a râpthlâk hlê mai. Mihringte chanchinthui tak leh lungchhiat thlâk êm êm, tûna thil thlengmêkte ngei pawh hian sual nghawng râpthlâk takte chuan pho lang a ni.

Chuti a nih chuan, eng tik nî-ah emaw chuan sualavânga lungngaihna hi a la tâwp ang a, a lo lang leh ngaitawh rêng rêng dâwn lo va ni tih thutiam kan neih avânghian kan lâwm hlê tûr a ni dâwn lo’m ni?

Engtiang kawngte-in nge nî tin hian keimahnithil tih sual nghawngte chu kan nunah a lo lan chhuahthin le?

THAWHLEHNÎ JUNE 28

INHMÊLMÂKNA LEH TLANNA

Genesis 3:14, 15 chhiar la. Pathianin Setanahnêna, “Nang leh hmeichhia hi ka indotîr ang che ua, i thlahte leh a thlahte pawh ka la indotîr ang bawk

ang” (Genesis 3:15) tih thu a sawi hian eng nge sawi atum ni ang? Hetah hian keimahni tân eng beiseinange awm?

Hebrai tawnga inhmêlmâk/indo tih an sawinathumal hi hua tih leh hmêlmâ tih an sawina thumaltenên a tobul thuhmun a ni a. Evi leh Adama-te nupain achhia leh a tha hriatna thing rah an ei chiah khân,anmahni bâkah, mihring lo la piang tûr zawngzawngtechu Pathian nên inhmêlmaah a siam a (Rom 5:10;Kolosa 1:21; Jakoba 4:4). Heti laia Pathian thutiam hianamâ hnêna mihringte hruai kîr leh an nih theih nânaruahmanna a lo siam tawh chu, a takin a thawk ang a,an inhmêlmâkna pawh Setana lamah a insuan dâwn ani tih a kâwk. Chutiang an inhmêlmâkna Setana lamaha suan tâk avâng chuan, amâ dân thianghlim ngei chupalzût chuang miah sî lovin, mihringte a chhandamtheihna tûr kawng a hawng dâwn a ni. Hei hi “tlanna” tiakan hriat tâk ber chu a ni a, suala mihringte an tlûkavânga an thil hloh tawh zawng zawngte dinthar leh anih theih nâna Pathianin thil a lo tih tawh leh, a la tihmêk bawk chu a ni.

Hêng Bible chângte hian tlanna chungchângeng nge an sawi hlawm? Leviticus 1:3, 4; 1 Korin 5:7; 1Johana 1:9.

He tlanna hian engtiangin nge hnâ a thawh tihsawifiah nân Pathian thu zir mîte chuan tawngkampakhat, expiation tih hi an hmang thîn a. He tawngkamhi expiare tih atanga lâk a ni a, a awmzia chu “tlan,”“zângnadawmna pê” tihna a ni; chu chuan thil tihsualtawh siam that lehna lam a kâwk. Mi tute emaw chuanthil eng emaw an lo tisual a, dân ang taka rorêl a nihdâwn chuan an chungah hremna lek kawh ngei a ngaitlat a ni. Sapho chuan thil tisualtu chuan a thil lo tihtawh avângin “khawtlângah bat a nei a ni” an ti thîn.

Keimahni dinhmunah chuan thil sual kan lo titawh a, mahse tlanna ruahmannaah erawh chuanKristan a nun a hlanna (tlanna) khân chu kan thil sualtih nghawng lo thleng tûrte lak atang chuan minchhandam a. Amah Krista chuan kan tân hremna chu alo tuar ta a ni. Dân ang taka kan chunga hremna lothleng tûr (Pathian sawrkâr chuan dân a nei miau va)chu Isua chungah a tla ta zâwk a. Chutiang chuanrorêlna dikin a phût thilte chu hlen a ni a; mahse atlingtlatu tak chu keimahni ni lovin Isua a ni. Mi sual,thil dik lo tak tak lo ti tawh ni mah ila, ngaihdam kan nita a, a ngaihah chuan thiam chang kan ni tawh tlat. Heihi “ thil engkim siam thar lehna” atâna a rahbi hmasaber leh pawimawh êm êm chu a ni (Tirh. 3:21).

NILAINÎ JUNE 29

ISUAA SIAM THAR LEHNA

“Ka fâte u, Krista chu nangmahni-ah siampuitlina a awm hmâ loh chuan nau vei takin ka vei lehtâk che u hi” (Galatia 4:19, NKJV).

A tîrah chuan tha famkim leh a bâk awm chuanglo tûr khawpa duhawma siam kan ni a, khawvêl thafamkim leh mamawh engkim awmna hmunah dah kanni bawk. Vânduaithlâk takin, he Paradis hi sual avânginkan lo chân ta a, tûna khawvêl hi chu kan hriat anginthihna, tharum thawhna, hrehawm tawrhna, hlauhna,thil tha hriat lohnain a khat zo tawh a nih hi. He khawvêlhi a tîra a dinhmun tha famkima dah lêt leh a nih theihnân, tlanna ruahman chu siam a ni a. Krista chu sualatlûkna avânga hloh tawhte nei lêt leh tûrin a lo kal a ni.“A tîr chuan mihring hi Pathianin amâ anpuia a siam a

13 14

ni a. Mize zahawm tak tak nên a thuam nghê nghê a. Arilru pawh a inchawih tha tâwk hlê a, amahathiltihtheihna chi hrang hrang awmte pawh a inrualkhâiêm êm bawk. Nimahsela hêng thilthlâwnpêk a dawntehi suala tlûkna leh, chumiin a nghawngte chuan atikhawlo zo ta a. Sual chuan tihmêlhemin, mihringaPathian anna awm pawh chu a nuai reh vek têp a ni.Hemi din thar leh tûr hian chhandamna ruahman chusiam a ni a, mihring hnênah khân chumi nun neih lêtleh theihna hun remchâng siamsak a lo ni tawh bawk. Atîra siam a nih dân ang taka tha famkima awm lehnachu mihring nunin a tum ropui tak a ni a - chu chu midang zawng zawngte pawhin a tum ve tho tûr a ni bawk.”- Ellen G. White, Patriarchs and Prophets(Thlahtubulte leh Zâwlneite), p. 733.

He din thar lehna hi lei thar leh vân thara kanchên hmâ chuan la famkim thei rih dâwn lo mah se,tûnah hian keimahni-ah a siam tan mêk tawh a ni!

Galatia 4:19 chhiar la. Paula rilru kaptute chua enga pawh lo ni se, thlarau lam thil pawimawh tak asawi lan awm chu eng nge ni le?

Hebrai 1:3-ah chuan Krista chu Pathian anpuingei - “a zepui putu” (CL) a nih thu kan hmu a (Johana14:9; 2 Korinth 4:4; Kolosa 1:15 en la). Keimahnia Pathiananna awm kha siam that leh a nih theih nân, keimahninêna inpumkhata awm a duh a. Keini’n kan lo remti vê anih chuan Pathian zepui putu Krista chu keimahniahhian a awm thei dâwn a ni: “Nangmani-a awm Krista,ropuina beiseina chu” tih ang khân (Kolosa 1:27, NKJV).Pathian anna famkima kan neih lêt lehna chu Isua lokal leh hunah a thleng dâwn a (1 Korinth 15:49; 1 Johana3:2 en la). Amaherawhchu, Krista chu keimahni-a a awma, keimahni pawh Kristaa kan awm hunah, Pathiananpuia siam kan nihna chu he leia kan la awm lai lâ lâ

15 16

hian din thar leh hna thawh tan a ni ang. Chumi chu athlen hunah chuan kan khawtlânga chêngte hi anmahnidin thar leh theitu hnênah chuan hruai ve kan duh dâwna ni.

Din thar lehna hnâ chu tûnah hian keimahni-ahthawh tan ni tawh tho mah se, engati nge a famkimnaerawh chu Isua lo kal leh hmâ chuan a thleng dâwn loa ni tih hi kan hriat reng a pawimawh viau le?

NINGANÎ JUNE 30

DIN THAR LEHNA A THLEN THEIH NÂNA KOHHRANHNATHAWH

Kan hmuh tâk ang khân, kan khawvêl hi a tîrahchuan tha famkima siam ni tho mah se, suala tlu tawh ani miau va, chumi nghawng râpthlâk tak tak chu hmuhtûr a tam hlê a ni. Mahse Pathian chuan keimahni awmawma awm a, a tâwpa chatuana boralna (science zir mitam takin kan la chan ngei tûr nia an sawi chu) changmai tûrin min thlahthlam lo. Chutiang chu ni lovin,khawvêl awm tan hmâ hauh khân chhandamna ruahmanchu duan a lo ni sa reng tawh zâwk a (1 Petera 1:2), Amâtâna chânna nasa tak ni mah se, Isua chu he khawvêlahhian a lo kalin, kraws-ah a thî a, lo kal leh a intiam bawk.Thil engkim a zawh hnû a, sual pawh tihboral vek a nihhunah, a nihna dik tak hloh tawh khawvêl hi a siam thatleh vek a ni ang.

Thil mak deuh mai chu, Pathian chuan akohhrante hi he din thar lehna a thlen theih nân hianthâ thawh ve tûrin min ko hi a ni.

Marka 2:1–12-a mi palî-in harsa tak chunga zengpakhat Isua hnêna an hruai thlen thû kha chhiar la.Engtiangin nge he thawnthu hian mîte damna leh siam

thatna thleng tûra kohhhranin tih tûr a neih vête chua târlan le?

Kha inah khân Isua a awm avângin mi an tam hlêmai a. Anmahni a hmangaih a ni tih an hriat avânga lopung khâwm an ni hlawm. He ina a awm lai hian mi palî-te chuan an thianpa pakhat, thlarau, rilru, leh taksanatna vei chu Isua bula hruai thlen an duh avângin, amahan thlâk theih nân a awmna in chung chu an thiat ta a.Chutah Isua chuan a sualte ngaidamin damna a pe ta a,rilru thlamuanna pe-in thova ke-a kal nghâl tûrin a hrilha. He a thil tih hmang hian Isua chuan mi tû mah hi anpuma din thar leh a nih loh chuan damna tak tak anchang lo a ni tih a lantîr a ni.

Engtin nge Tirhkoh Johana khân he leia Isua lolan chhan a sawi kha? Hêng thutiamte atang hian engbeiseina nge kan lo chhar theih le? Johana10:10 leh 1Johana 3:8 chhiar la.

Johana 10:10 hi Seventh-day Adventist thuchahtlângpui kaihtâwi tia sawi a ni thîn a. Krista hnawhthawhsawifiahna a ni tih a chiang hlê bawk. Krista taksa, akohhran hna pawimawh tak pakhat chu a hniak hnungzui a ni a, diabola hnathawh chu sût a, thihna chu nuntam tak nêna thlâk thleng zêl a ni (Tirh. 10:38; 1 Joh. 2:6en la). Kohhran hi taksa, rilru, leh thlarau lama Pathiananpui ni leh tûra mîte siamna kawnga Krista thawhpuituni tûra koh a ni.

Tûnah khân i tanpuina mamawh êm êm, i tanpuitheih ngei tûr ni bawk sî tûte nge awm le?

ZIRTÂWPNÎ JULY 1NGAIHTUAH ZUI TÛR: Pathian anpuia siam that lehchungchâng inziahna châng dang, hêng: Rom 8:29;

Kolosa 1:15, 3:9–11; 2 Korinth 3:18; 5:17 te pawh hi enla. Ellen G. White-i lehkhabu, Thlahtubulte leh Zâwlneitetiha, “Thil Siam Thu,” “Thlêmna leh Suala Tlûkna,” leh“Tlanna Ruahman Chu,” tih te (pp. 23-57) chhiar bawkang che.

Mihringte hi mi dangte thatna tûr atâna hna thawktûr leh, Isuaa beiseina leh siam thar lehna thutiam minpêkte chu mi dangte kawhhmuh ve dân kawng zawngtûra koh kan ni a. Hemi ti thei tûr hian Pathian chuankawng hrang hrangin keimahni hmangin hnâ a thawkthei. Kohhran thenkhat, mîte taksa damna thlensaknaatân hrisêlna program hrang hrang buatsaih an awm a.Kohhran enkawl damdâwi inte leh inentîrna hmuntepawh hi hemi hlenchhuahna atâna tih vek a ni bawk.Rilru lam damna leh tihhmasâwnna chu kan mamawhtheuhte inphuhrûksak tawnna hmangin a thleng thei ani.

Kohhrante hian anmahni pualin sikul an din theilo a nih pawhin an awmna hmuna sikul awm sâte chu alo changtlûn zêl theih nân an tanpui thei tho va, mîten anhnâ thiam taka an thawh theih nân zirtîrnate pe-in, ziakleh chhiar thiam tûra zirtîr te, rilru lama an than zêl theihnatûra fuihna thûte an pe thei bawk. Chutianga siam thatnahnâ an thawh a, nun tam nei tûra mîte an puihchhunzawm zêl chuan, an khawtlânga mi tam takinthlarau leh rilru lama din siam thar lehna an mamawhziaan lo inhre chhuak ve dâwn a ni. Dik tak phei chuan heihi Pathian anpuia siam kan nihna din thar leh nâna thilpawimawh tak a ni (Efesi 4:22–24). Hêng thlarau thila mîtemamawh hi phuhrûksak thei tûrin, kohhran hi dinhmunpawimawh taka hun leh thuam a ni a, khawvêla pâwlinsiam hrang hrangte âi hian a tha zâwk hlê bawk a ni.

17 18

SAWI HO TÛRTE:

1. Mîte taksa, rilrû, leh thlarau lam siam thar lehna atâna inkohhranin thil hrang hrang in tihte chu engte nge ni? Inkhawtlâng tâna in kohhranin siam thar lehna hnâ inthawh mêk kha a huang in zauh zêl theih dân tûr kawngtesawi ho rawh u?

2. Engtin nge taksa din thar lehna tih hi kan lo hriatthiamhlawm? Mahse, eng ang pawhin mîte chu taksa damnanei leh tûrin tanpui mah ila, Lalpa chu an nuna a lo lêtleh a nih chuan sî loh chuan natna-in a tlâkbuak leh anga, an tar thi nge nge dâwn tho. Eng vângin nge hei hi Isualo kal leh hunah chuan siam thar lehna famkim chu athleng dâwn a ni tih tichiang zual êm êmtu a nih le?

3. Pathian anpui ni leh tûra bul\an tih thu hi sawi ho ula.Engtin nge chutiang chu a lo thlen ang? Engtin nge chumikawngah chuan hmâ kan sâwn a ni tih kan hriat theihang? Chu siam thar lehna chu a lo thleng theihna tûrchuan eng vângin nge kan nihna kan hriat chian hlê angaih? Kan beisei anga hmâ kan sâwn lo nia kan inhriatchâng pawhin engtin nge beidawnga râlbân mai loh dânkawng kan zir ang?

19 20

ZIRLAI 2-NA JULY 2–8, 2016

THUNEIHNA NEI LÊT LEHIN

CHÂNGVAWN: “Tin, Pathianin, ‘Kan anpuiin, keimahniang takin mihring siam ila, anni chutuifianriata sangha chungah te,chunglêng sava chungah te, ranchungah te, lei chung zawng zawngahte, rannung leia bawkvâka kal zawngzawng chungahte thû i neihtîr ang u,’a ti a,” (Genesis 1:26).

SABBATH CHAWHNU July 2

CHHIAR TÛRTE: Genesis 1:26–28; 2:15; Exodus 20:1–17; Sâm 8:3–8; Rom 1:25; 8:20–22; 2Thesalonika 3:10.

Suala an lo tlûk tâkah khân kan nu leh pa hmasaberte khân Pathian anpui a nihna chauh lo pawh thildang eng eng emaw hloh an nei a.

“Mihring chauh ni lovin, lei pawh hi sual avânginthil tha lo thununna hnuaiah a awm tawh a, tlannaruahman hmanga din thar leh ngai a ni. Siam a nihkhân Adama kha lei chunga thunei tûra tih a ni a.Mahse thlêmnaa a tlûk tâk avângin amah ngei pawhchu Setana thiltihtheihna hnuaia a lo awm ta zâwk a,thuneihna a lo neih thin zawng zawng pawh amahhnehtu hnênah chuan hlan a ni ta vek a ni. Tichuan,Setana chu ‘he khawvêl pathian’ a lo ni ta a. Lei chungathuneitu nihna, Adama hnêna pêk kha a lo chang ta.Nimahsela Kristan sual man tlâk nâna amah a

inhlanna hmang khân, mihring a tlan ta ni mai lovin,a lo chân tawh thuneihna pawh a pe kîr leh dâwn a.Adama hmasa zâwkin a lo hloh tawh zawng zawng khaAdama pahnihna chuan a rawn nei lêt leh dâwn a ni.”– Ellen G. White, in Signs of the Times, November4, 1908.

Suala an tlûk tâkah khân mihringte chuan thiltam tak an chân a ni tih a chiang a, chûng an thilchânte zîngah chuan a tîra pêk kan nih, lei chungzawng zawnga “thuneitu” nihna pawh a tel a ni.

Chû thuneihna kan chân tâk chu engte nge ni?“Thuneihna” han tih hian tûnlai hunah chuan a tha lolam kâwkin kan hmang tlângpui emaw tih mai tûr a nia; mahse Eden Huanah kha chuan a ni ve lo. Mihringtechu lei chunga thuneitu nihna pêk an nih khân engnge a awmzia? Kan nu leh pa hmasa berten suala antlûk hnû-a an lo hloh tawhte zînga thenkhat nei lêt lehthei tûra mite tanpuina kawngah kohhran hian eng ngetih theih a neih ve?

SUNDAY July 3

THUNEIHNA NEI TÛRA SIAM

Mi tu emaw chuan a thian pakhat, Pathian awmpawh ring lo, “zanlaia a thanharh chânga zawhna riltak tak, hêng: ‘He khawvêl hi vân boruak zau taka thileng emaw puak keh palh vânga lo awm a ni tak takang em? Engtin nge kan lo awm dânah leh lei leh vânpum puia thil awmte-ah pawh hian ruahmanna fel takleh tum ropui tak a awm loh theih ang? Mihring nunzawng zawng–keima nun ngei te, ka pasal nun, leh kafâte nun pawh hi pawimawhna engmah nei lo leh

awmze nei lo mai a ni thei dâwn em ni? Ka nun hianawmzia leh tum engmah a nei lo ang maw?” tia inzâwtthîn chanchin a ziak a.

Suala an tlûk hnu khân mihringte hian thil tamtak an chân a. Genesis bung tîr lama kan hmuh anginPathian nên chauh pawh ni lovin, kan mihringpuitenên ngei pawh kan inmihran ta a. Kan chênna lei nênakan inzawm dân pawh a danglam vek tawh bawk. Achunga hmeichhe pakhat zawhna inzawhten a lantîrang hian tu nge kan nih a, kan nun hian eng nge hlenchhuah a tum tih pawh kan hre hlei thei tawh lo chu ani a. Chu achhapah, tûnlaia ngaihdân tlânglâwn taktihpalh thil thua lo awm mai kan ni a, Siamtu Pathianinkeimahniah hian thil thlîr lâwk thiamna emaw, thiltumneihna emaw engmah a dah hran lo ni âwma rinnahian thil a tibuarchuar zual leh ta bawk a ni.

Hêng Bible châng: Genesis 1:26–28; Sâm 8:3–8;Isaia 43:6, 7 te hian engtin nge mihringte siam an nihchhan an sawi hlawm? “Ka ropuina tûra ka siam”(Isaia 43:7) tih hi eng nge ni a awmzia? Engtianginnge “Ka [Pathian] ropuina” tih tawngkam hi thuneihnanên a inzawm le?

Genesis-a kan hmuh angin, Pathianin Evi lehAdama-te a siam chhan dang chu eng pawh lo ni se, leichunga thu nei tûr pawhin a siam a ni tih kan hre tûr ani (Genesis 1:26–28). Nupa tuak hmasa berte kha Pathianropuina leh a nungchang pho langtu tûr an ni a,anmahni hmangin ropuina leh thuneihna vâwrtâwpneitu (Thupuan 1:5, 6) chuan leia a thil siam dang zawngzawngte hi a enkawl ang a, a châwm lian ang a, an rawnga bâwlsak bawk dâwn a ni. Sualah khân lo tlu lo ni tase, engtiang takin nge Pathian ropuina chu anmahni leh

21 22

a thuhnuaia awm khawvêl kal tlang hian puanchhuah anih ang le?

Mahse tûnah pawh hian Krista chu kan rin a,rinna, thuâwihna, leh amah nêna tan dunna hmangakan nun hi a hnênah kan hlan a nih phawt chuan,Davida’n, “LALPA chuan ka tâna thiltum a neih chu a hlenchhuak ang” (Sâm 138:8, ESV) tia a lo sawi kha kan zâwmve thei dâwn a. Pathian chuan mi tin tân hian thiltumeng emaw tak a nei theuh a ni tih hriatna hian mahniinrintâwkna leh hlimna min pê a, keimahniah hian athiltum chu tihhlawhtlin a nih theih nân a hnênah kaninpumpêk thlawp a tûl thîn rêng a ni.

Mi tu emawin, “Aw le, Kristian i ni bawk a, inunin hlen chhuah a tum chu eng nge ni?” tiin zâwtta che se la, eng nge i chhânna ni ang a, eng vângachutia chhâng chu nge i nih le?

THAWHTANNÎ July 4

THUNEITU NIH AVÂNGA HAMTHATNA AWM CHU

Genesis 1:26-28-a târlan anga mihringten leichunga “thu an neih” dân tûr chu eng nge ni?

Bible-a thu nei tih tawngkam hi Hebrai thumal(thiltih sawina) pakhat radah tih atanga lo kal a ni a. Hetawngkam hian rorêl tûra dikna leh mawhphurhna neitih a kâwk. He lai thû-ah hi chuan thuneihna lehthuneihna inkhaidiat chhâwng, khawvêla thil siam dangawm ve zawng zawngte chunga mihringte awmna sawinaatân hman a ni. Radah tih thumal hrim hrim hi chuan,Thuthlung Hlui hmun dangah pawh hman a nih dânangin chu thuneihna chu engtianga hman tûr nge (mi

23 24

dangte thatna tûr nge, mahni tânghma hai rân) tih lamsawi hran lo mah se, khatih lai hun kha suala mihringtean tlûk hmâ a la nih tlat avângin mi dangte thatna atânhman tûr a nih ngei a rinawm.

Genesis 1:28-a leilunga thil awmte chu an thûthû-a awmtîr tûra Adama-te nupa a hrilh chungchângahpawh khân chutiang chu a ni tih a chiang hlê. Thu thuaawm tîr tih hi Hebrai thumal pakhat, kavash tih atangalo kal a ni a, chu thumal chuan inlaichînna inkhaidiatchhâwngah hian mihringte chu leilung chungah an awma, an hnênah thiltihtheihna leh thuneihna pêk a ni bawktih a entîr. Thuthlung Hlui hmun dangah chuan kavashtih thumal hi radah tih thumal âi pawhin a chak zâwkbawk a, a tak taka mi tûte emaw kan thuhnuaia kankûn luihtîrna ang hi a kâwk a ni (Number 32:22, 29;Jeremia 34:11, 16; Estheri 7:8; Nehemia 5:5).

Hêng zînga tam takah hi chuan an thuneihna diklo takin an hmang a ni tih a lang chiang khawp mai;chuvâng chuan Pathian pawh a lâwm lo hlê thîn a ni.Mahse thil siam chungchângah bîk erawh hi chuanAdama-te nupa kha Pathian anpuia siam, sualna pakhatmah la nei lo an nih tlat avângin lei chunga thil awmtean thû thû-a awmtîr phalsak an ni pawh hi Siamtu âiawhaan thatna tûr an thawh theih nân a ni zâwk a. Mahnihmasial râna thil an tih phalsakna a ni lo tih a chianghlê a ni.

Genesis 2:15-ah pawh hetiang zâwnga thuneihnahman chungchâng thu kan hmu leh a. Adama chuPathianin a hruai a, Eden Huan enkawl (Hebrai, abad -hna thawk, rawngbâwl, lei let) tûr leh vêng (Hebrai,shamar - hung, vêng, vil, thlîthlai, thlîr, vawngtha,ngaihsak) tûrin a dah a nih kha.

Chutiang chu a nih avângin heti laia thuneihnanei tih hian a kawh ni bera lang chu, hmangaih tak

chunga thil siamte enkawl leh ngaihsak a ni. Pathiannêna an inlaichînna huang chhûngah khân kan nu lehpa hmasa berte hian a taka an thuneihna an hmantheihna tûra an mamawh zawng zawng chu an nei vektûr a ni a, chu chuan Pathianin a thil siamte ahmangaihzia a tilang dâwn a ni.

Tûnlai hunah hi chuan thu nei tih tawngkamhi thil duhawm lo lam sawina atân hman theih lehhman ni fo thîn tho mah se, Bible-a a lo lanna hmasaberah erawh hi chuan a ni ve hauh lo tih a chiang hlê.Suala mihringte an tlûk hmâa he tawngkam hman anih dân atang hian eng thilte nge hriat theih kan neiha, chûng kan thil hriatte chu engtin nge kan thuhnuaia awm mihringte chungah a taka kan hman theihang le?

THAWHLEHNÎ July 5

RAMRÎ-TE

Mihringte hian leia thil awm tinrêng chungah thûan nei (Genesis 1:26) han tih hian ramri kham âwm miahlovin kan thuneihna chuan engkim a huam vek tihna ani em? Bible hi ngun taka kan chhiar chuan he thuneihna(“enkawltu nihna” tih pawhin a sawi theih bawk) hianhuam chin bîk a nei ngei tûr a ni tih kan hria ang.

Entîr nân, Pathian chuan Adama hnênah a chhialeh a tha hriatna thing rah chu ei hauh lo tûrin a hrilh a(Genesis 2:15–17 en la). Chutiang chu a nih avângin sualhmasa ber pawh kha enkawltu nih chungchângah a nikan ti thei ang. Evi leh Adama-te khân an thuneihna tûrchin ni-a Pathianin ramrî a khamsak chu pêl a. Kha ramrîan lo pelhna avâng khân thil siam zawng zawngte chuanhrehawm an la tuar ta reng a nih hi (Rom 8:20–22).

Exodus 20:1–17 chhiar la. Pathian dâna kan tâna“ramri” kham awm vête chu eng nge ni a? Dâninmihringte thuneihnain a huam chin a sawi chu engnge ni?

Mihringte chanchin kal tawh kan chhui kîr chuan,hmân ata tawh (entîr nân, Exodus 1-14-ah chuan Faraoachanchin kan hmû a; Matthaia 2-ah pawh Herodachanchin kan hmu) tûn thleng hian (khawvêl tâwp hmâloh chu a la ni zêl dâwn bawk a, Thupuan 13 chhiar la)Setana thunun mi tu tute emaw chuan an thu hnuaiaawm tûr ni miah lote chungah lam pawh thu neih luihtâlh an lo tum tawh thîn a. Chutiang mîte chuanthuneihna hnehchhuh a, “he khawvêl lala” (Johana 12:31)mahni insiam chawptu Setana an entawn a. An thuneihnachu dik lo takin mi dangte awp beh nân an hmang tathîn a ni.

A lehlamah chuan, an thuneihna leh anmawhphurhna pawh pawm duh lo va, tlân chhiatsan tumtlat an awm ve leh tho bawk (Matthai 25:14–30; Luka19:12–27).

Khawvêl leh a chhûnga thil awmte siam a nih laiamihringte chunga thuneihna Pathianin a pêk kha sualchuan eng emaw chen min chântîr tawh mah se, a zavaichuan kan chân vek chuang lo. Kan mawhphurhnahuanga tla thil tam tak a la awm tho va: entîr nân, Kristapuihna azârah keimani mi mal nun theuh hi kan thununthei a (1 Korinth 9:25–27; Galatia 5:22, 23), khawvêl leh achhûnga thil awmte bâkah, Pathianin min pêk zawngzawngte enkawl hnâ pawh kan kutah a awm bawk a ni(Jakoba 1:17; Matthaia 25:14–30 chhiar la). Kristiantehian kan thuneihna chin kan hriat chian hlê a ngai a,chumi huang chhûngah chuan enkawltu rinawm tak nitûrin hna kan thawk tûr a ni bawk.

25 26

Mi dangte (entîr nân i nupui/pasal fanau te, ithian te, leh i hnathawhpuite) nuna i inrawlh ve arem lohna chin thenkhatte chu eng nge ni? Chutiangakan va inrawlh ve a rem lohna laite chu kan hriattheih nân eng kaihhruaina dânte nge kan hman angle (entîr nân, Matt. 7:1, 12 chhiar la)?

NILAINÎ July 6

KHAWVÊL ENKAWL HNÂ

“Chutichuan LALPA Pathian chuan mihring chua hruai a, Eden Huanah huan enkawl tûr leh vêngtûrin a dah ta a” (Genesis 2:15, NKJV). He lai thu atanghian kan chênna khawvêl kan enkawl dân tûr thû-aheng ang kaihhruaina nge kan hmuh theih le?

Evi leh Adama-te kha suala an tlûk hmâ zawngkha chuan an kuta Pathianin a dah zawng zawngtechungah Amâ aiawha enkawltu an lo ni reng thîn a. Thlaileh ransa chi tinrêngte chu an thuhnuaiah an awm vekmai a ni. Mahse, suala an lo tlûk tâkah khân thil siamzawng zawng chu an lakah mai pawh ni lovin, Pathianlakah nên lam an hel ta vek emaw tih mai tûr ni a.Khawvêla thil awmte (sik leh sa, khaw awm dân, thlawhhmalâk chungchâng, leh ramsate) lakah hian engmah tih theihnei lo ni hialin an inhmu tan ta bawk a ni.

“Thil siam hnuaihnung zâwkte zîngah chuanAdama kha lal ang mai a ni a, Pathian laka a rinawmchhûng chuan thil siam zawng zawngte khânrorêltu-ah an pawm a; mahse Pathian dân abawhchhiat chiah khân a thuneihna chu a chân veta nghâl a ni. Helna rilru, amah ngeiin kawng ahawnsak chu ramsa zawng zawngte zîngah pawh a lodarh ta a. Chutichuan, mihring nun chauh pawh ni

27 28

lovin, ramsate nihphung, thing leh mau, hnim hring,leh a boruak hîp luh te ngei pawh chuan an zavaiin thiltha lo hriatna zirlai lungchhiatthlâk tak chu an sawi tavek mai a ni.” - Ellen G. White, Education, pp. 26, 27.

Tûnah pawh hian leilunga chhiatna lo thlengteleh kan chhehvêla thil awmte chereu zêl hian hmunthenkhatah chuan harsatna nasa tak min la thlen renga. Chutiang lama invên nân chuan tûnlai thiamna lehkhâwl chi hrang hrangte nasa takin kan hmang rêng ani. Amaherawhchu, tûnlai thiamna leh khâwlte hian minvênna chin tam tak chu awm mah se, a châng chuankan chênna khawvêl tichhetu an ni ve leh tho bawk.Mahni hmâsial taka thil kan tihte hian mi dangte tânharsatna nasa tak a thlen theih tâk avâng hian kan leiathil nung awm rêng rêngte an awmna leilung azira annungchang leh awmphung zir hi Pathian thu lam atangathlîr pawhin thil pawimawh leh tûl tak a ni ta a ni.

“Seventh-day Adventist-te chuan chin tâwk neilêk lova hlâwk tumna leh thil chuangtlai siam chhuahteuh teuh duhna rilru-in a pawlh buai ve loh nun dânphung mâwl tê, hrisêl leh him bawk si chu kan sawimâwi a. Pathian thil siamte hi zah a, leilung hausaknatekan hman dânah pawh chin tâwk nei a, kan thil mamawhzât te chhût nawn leh a, nunna nei zawng zawngtezahawmna humhim nawn leh tûrin mi tin kan sâwm ani.” - “Official Statement of the Seventh-day AdventistChurch on Environment,” 1995.

Engtin nge khawvêl kan thlîr dânah hian inbûktâwk takin thil kan kalpui theih ang? Kan awmna tûratâna Pathianin in min pêk hi a enkawltu tha tak nitho chung sîin Pathian anga biak loh theih dân a awmem? Hemi chungchângah hian Rom 1:25 hian engvaukhânna thu nge min pêk le?

NINGANÎ July 7

“THUNEIHNA” NEI LÊT LEHIN

Tlûkna avâng khân keini mihringte hian thil tamtak kan chân a, chumi zîngah chuan Eden Huana anawm laia kan nu leh pa hmasa berten thil siam dangtechunga thuneihna an neih pawh a tel a. Krista chu kanthil chân tawhte min neih lêttîr tûrin leiah hian a lo kalta a ni.

Kan tâna Kristan thil a lo tih tawh azârah keimahningei pawh hi mi dangte hnên thleng a, Kristaa min pêktawh ang chu anni pawhin an neih lêt ve leh theih nânatanpui tûrin Pathianin min ko va. He thil hi Isua lo kalleh hmâ chuan a famkimin thleng dâwn lo mahse,tlachham te, Pathian lak ata bo tawh te, leh khawvêl thilina chîm buai hneh lutuk tawhte tanpui tûrin tih theihtam tak kan nei. Tûnah ngei pawh hian din thar leh hnâthawk tan nghâl tûrin Pathian chuan min hmang thei a,min mamawhtu apiangte chu i tanpui nghâl ang u.

Hêng a hnuaia Bible châng târlante hian sualavânga “thuneihna” an hloh tawhte nei lêt leh theitûra mi dangte puih theih dân kawng an sawite chuengte nge ni hlawm?

Deut.15:7–12: ________________________________________Luka 14:12–14:_______________________________________1Petera 3:15: _________________________________________Isaia 58:7:____________________________________________2Thesalonika 3:10:____________________________________

A kohhran ang zâwng pawh hian thiltih theih lehtih ngei ngei tûr kan ngah mai a, tlachhamte tanpui tûra

koh kan nihna hi kan hre reng tûr a ni. A châng chuanmi tute emaw hnênah châw ei tûr te, thawmhnaw inbeltûr te, leh chênna tûr hmun te kan pêk nghâl vat a tûlthîn a. Chhawmdâwlna pêk hi thil tûl tak ni tho mah se,mîte nuna thuneihna pe lêt leh tak tak tûr chuanchhawmdâwlna mai bâk thil dang eng emaw kan pêk tela ngai a ni.

Keimahnia beiseina awm hi eng vânga nei nge kannih tih sawi thei tûra kan inrin reng a tûl rualin, mîtechu engtik hunah leh khawi hmunah pawh an taksamamawh phuhrûksakin, nun kawng tha zâwk kankawhhmuh thei reng bawk a ni.

Kan harsatna tawh chu a inang diak diak vek kherlo vang a, kan mamawh pawh a inang vek thei hek loang; mahse Pathian chuan kan awmna hmun theuhaêng ni tûr leh, damna leh beiseina hnâr ni theuh tûrinmin ko va. Hei hi a rawng kan bâwl hmangaihna khatleh mihringte chhandam duh Pathian tâna thuhretu kannihna kawng pawimawh tak pakhat a ni. LALPA chaknarinchhanin, tlachhamte tâna êng leh beiseina kan nihtheih nân kan tih theih zawng zawng chu kan ti ngei tûra ni. Chumi âia nêp chu Kristiante hian kan ti thiang lo.He rawngbâwl hnâ kan thawh hian mîte hnênah Pathianchanchin kan hrilh pah zêl a. An taksa mamawh kanphuhrûksakna hmang hian,Thlarau Thianghlimin anthinlung a rawn thlen theih nân kawng kan lo buatsaihnghâl bawk a. Hetiang hian Isua pawh khân a lo ti thîna, a tih ang taka ti vê tûra koh kan ni.

ZIRTÂWPNÎ July 8

NGAIHTUAH ZUI TÛR: Ellen G. White-i lehkhabu Ei lehIn Thurâwn-a “Mahni-Inthunun A Ngaihna,” (pp. 73, 74)tih leh, Enkawltu Tâna Thurâwn-a”Enkawltu Nihna

29 30

Thupuite,” (pp. 111–113); “Tlante Hlimna Lâwmpuiin,”(pp. 348–350) tih te chhiar ni se.

Keini tûnlai huna chêngte thlirna atang hi chuansuala tlu khawvêla kan pil hneh tawh êm avângin, Tlûknaavânga kan thil chân chu eng nge ni chiah tih pawhsuangtuah thiam a har tawh hlê mai a. He khawvêl sualtak mai hi kan thil hmuh leh hriat chhun chu a ni miau sîa, chuvângin Pathian Thû-in kan tobul leh khawvêla sualnaleh thihna leh thil tha lo hrang hrang lo awm tan dân asawite hi hre lo ni phei ila chuan, kan en liam ve mai maiang, mihring nun pêng khat ve rêngah kan ngai hmiahmai dâwn a ni.

Nimahsela suala mihringte an tlûk chanchin hianhetiang hi thil nih dân tûr rêng a ni lo tih min hmuhtîr a.Genesis bû-a kan hmuh dânin Evi leh Adama-te khakhawvêla thil awm zawng zawng chunga thuneitu tûr an nia; mahse suala an tlûk hnû-ah khân anmahni an danglamtâk miau avângin, khawvêl nêna an inzawmna chu a inthlâkta nghâl a, khawvêla thil awmte nihphung pawh a lo inthlâkta bawk. Thuneihna an lo kawl thin chu vawilehkhatahan chân ta a, chumi ina a nghawngte chu a namai lo hlê.

“Hlîng leh buar lo chhuak ta-te (Genesis 3:17, 18),tui lêt-in leilung a tihchhiat te (Genesis 7:12), thlalêr lehram chhengchhia lo awm tâ te bâkah, chhanchhuaktu tûrngaia thil siam zawng zawngte an rûm reng mai pawh hiansualin khawvêl a nghawng dân chu an tilang chiang hlê ani.” -Handbook of Seventh-day Adventist Theology(Hagerstown, Md.: Review and Herald® Pub. Assn.), vol. 12,p. 254.

Chhandamna ruahman lo awm avâng hian kanlâwm hlê tûr a ni a, chu chuan kan thil chân tawh zawngzawngte kha min pe lêt leh dâwn a, hun liam tawh lehtûna kan hun hman mêk âia tha zâwk daih hma lamhun tha pêk min tiam bawk a ni.

31 32

SAWI HO TÛRTE:

@ Hêng Bible chângte (Exodus 23:10–12; Deuteronomi11:11, 12; 20:19, 20) hian a sawi ber chu tûnlaiaecology kan hriatthiam dân ang hi ni chiah lo mahse, kan chhehvêla awm thing leh mau, nungchâte,leilung hrim hrim hi a enkawltu tha tak kan nih atûl a nih tih kan hriatthiam theih nân eng thûtenge an sawi hlawm? Engtin nge kan chhehvêla thilawmte enkawltu ni lovin, kan chhehvêla thil awmtePathian anga betu kan lo ni zâwk em tih kan hriattheih ang?

@ Pathian siam khawvêl leh a chhûnga thil awmte hihan thlîr la. Kan tân thian tha tak an ni hlawm ngeni a, kan hmêlma hlauhawm tak an ni zâwk?

@ Sunday zirlaia mihring nun awmzia leh thiltumchungchânga sawina kha sawi ho leh ula. He zawhnazâwttu che hnêna heng chhânna nge i pêk ang?Kan chhânna pêk chu Pathian awm ring lote emaw,chhandamna thurin pawm vê lote emaw chhânnanên engtianga danglam tûr nge a nih? Thuneihnanei tih tawngkam hi a tîra a awmzia ang tak khânengtin nge kan neih lêt leh theih ang? Chumiawmzia chu, thuneihna nei tih hi engtiangin ngethil tha tak a nih? Engtin nge tûnlai hunah pawhhian thil tha tak a la nih ve theih tho ang?


THUTHLUNG HLUI HUNARÊLDIKNA LEH KHAWNGAIHNA: THEN 1-NA

CHÂNGVAWN: “Ani chuan hnehchhiaha awmtethlavâng a hauhsak a, riltâmte hnênahchaw a pe bawk thîn. LALPA chuan tânina awmte chu a chhuah zalên thîn a,LALPA chuan mitdelte mit a tivâr thîna, LALPA chuan lungngaia kûnte chu akaitho thîn. LALPA chuan mi felte ahmangaih a, LALPA chuan hnam dangtea vênghim a, pa nei lo leh hmeithaitechu a chhawmdâwl thîn” (Sâm 146:7–9).


CHHIAR TÛRTE: Exodus 22:21–23, 23:2–9; Isaia 1:13–17; 58:1–14; Amosa 8:4–7; Tirhkohte20:35.

Kum eng emaw zât liam tâah khân ni khat chukhawvâwt tak hnuaiah hian mipa naupang kum 10 vêlaupa hi ke-lâwnga awm leh vawt tih vânga khûr ngawtngawt chungin pheikhawk zawrhna dâwr tukverhah ava dâk a. Chutih lai tak chuan nu pakhat hi a hnênah alo kal a, eng vânga tukverha dâk reng nge a nih a zâwt a;chu mipa naupang chuan Pathian hnênah pheikhawkbun khat tal a neih theih nân a dîl thu a lo hrilh a.

Chû nû chuan a bânah kaiin dâwr chhûngahchuan a luhpui ta a. Dâwr nghâktu hnênah chuan mawzabun ruk rawn la tûrin a hrilh a; chawhtawlh, tui, leh

hrûkpuan pawh a dîl nghâl bawk a. Chu naupang tê chudâwr hnung lamah chuan a hruai a, a mawza bunlai tawptak chu a hlihsak a, a kê chu fai taka silsakin, hrûkpuanchuan a hru ro nghâl bawk a. Chutah dâwr nghâktu chuanmawza chu a rawn pê a. Hmeichhia chuan a buntîr a,tichuan pheikhawkte pawh a leisak ta bawk a. A lû-a benthak thak pah chuan nuam a tih deuh tawh leh tawh loh ahan zâwt vêl a. Kal leh mai tuma a inher lai chuan mipanaupang tê chuan a kut a va vuan a, mittui tla kiangchung hian, “Pathian nupui i ni em?” tiin a zâwt a. -www.inspirationalstories.com/1/198.html.

He mipa naupang tê hian amahin a hriat âia tamthudik a sawi a ni. Kohhran hi Pathian nupui, a mo a nia. A nungchang chu kan chângvawnah khan tarlan a ni.Keini a kohhran member, siam thara awm tawhte hianchu nungchang chu kan lan chhuahtîr ngei tûr a ni a.Amâ tâ kan ni tak tak a nih chuan, mi retheihte lehtanpuitu nei lote chu khawngaihna nên kan enkawl anga, an mamawhte kan pe thîn ngei ang.

SUNDAY July 10

KHAWNGAIHNA LEH RÊLDIKNA: PATHIAN MÎTECHHINCHHIAHNA

A tîr atang rêngin dik taka rorêlna hi Pathian dânpêng pawimawh tak leh a mîte tâna a duhthusâm a ni a.Khawtlâng rorêlna dik hi huhova awm mihringte tânaPathian thiltum sa rêng a ni: chumi khawvêlah chuanan mamawh bulpuite chu hmuh vek a ni ang a, anhmuingîl ang a, remna-in ro a rêl bawk dâwn a ni.

Hêng Bible chângte hi chhiar la, tichuankhawngaihna leh rorêlna dik, “khawtlâng rorêlna dik”tia an sawi bawk thin chungchâng an sawite chu i

33

H-3

khâikhâwm dâwn nia. Exodus 22:21–23; 23:2–9;Leviticus 19:10; Thufingte 14:31; 29:7.

Khawngaihna leh rorêlna dik chu hmânlai Israelmîte hnêna Sabbath serh dân tûr hrang hrang a pêkahtepawh khân târlan a ni a. Pathian chuan Sabbath chithum a sawi bawk.

Engtin nge hêng Sabbath chi thumahte hiankhawngaihna leh rorêlna dik chu târlan a nih le?Exodus 20:8–10; 23:10, 11; Leviticus 25:8–55.

1. Ni sarihna nî Sabbath serh tûra inzirtîrna thûte hianmi tin tân chawlhna hun remchâng a siamsâk a, chuchuan bâwih te, ranvulh te leh hnam dangte pawh ahuam vek a ni.

2. Kum sarih dan zêla lo thleng Sabbath (ram chawlhtîrkum) chu leibâte inngaihdamna, mi retheitengaihsakna, leh bâwihte chhuah zalenna tûr hun ani a. Pathian chuan he sabbath-a hamthatna awmtehi an ran vulhte pawh têltîr ve tûrin a hrilh a ni (Lev.25:6, 7).

3. Inpêk lêt leh kum (jubilee) chu ram chawlhtîr kumvawi sarih a vei hnû, kum sawmnganaah a lo thlengthîn a. Hemi kum hian thil an inleisak tawhte chu aneitu dik tak hnênah an pe kîr leh thîn a; leibâtengaihdam a ni a; lung in tângte leh salte chu chhuahzalen an ni bawk thîn. Jubilee chu khawtlâng mipuitehrût rual lehtu, mi tin hnêna bultan thar lehnaremchâng siamsaktu a ni a. “Hausa lutuk emaw,tlachham lutuk emawa mi an awm loh nân a vênghimtlat a ni.” - Ellen G. White, Ministry of Healing(Tihdam Rawngbâwlna), p. 172.

Chutiang chuan hmanlai Hebrai mîte khawtlânginrêlbâwl dânah khân rêldikna leh zahngaihna chuan

34

khawtlânga chanchhe zâwkte din chhuah ve theihnatûrin hna an lo thawk dûn thîn a ni.

THAWHTANNÎ July 11

THATTLÂNNA TÛRIN

Genesis 2:1–3 chhiar la. Hêng chângte hianSabbath chu mi zawng zawng tân a nihzia engtin ngean sawi le?

Sabbath hi dik taka kan serh a nih chuan,keimahni chawlhna (Exod. 23:12), tlanna (Deut. 5:12–15),leh lei thara dinthar lehna (Isa. 66:22, 23) tûr chauh kanbuaipui thei bîk lo vang. Dik taka sawi chuan, ni sarihnanî Sabbath hian Pathian chu Siamtu leh he leia thil nungawm zawngte tâna Chawlhna Petu a ni tih min hrilh a.Sabbath chawlhna chuan mi zawng zawng – kan retheiemaw, kan hausa emaw – a huap tih awmzia chu kanzavai hian chawlhna hun tha kan nei vek tihna a ni.Pathian chu mi zawng zawngte Pa intâwm a nih avângin,mihringte hi A ngaihah chuan kan intluk vek a, minngaihsak êm êm vek bawk a ni.

Nimin lama kan hmuh tâk ang khân, khawtlângrêldikna pawimawhzia chu chawlhkâr tina lo thleng thinSabbath te, kum sarih dana lo thleng thin ram chawlhtîrkum te, leh kum sawmngana kuma lo thleng thîn inpêklêt leh kum (jubilee) te khân an tilang a. Hêng Sabbathchi thumte siam a nihna chhan Leviticus 23 leh 25 -atârlante hi Kristiante tân pawh a ni ve tho tih kan hre tûra ni. Ni sarihna nî Sabbath chuan khawvêl leh a chhûngathil awmte hi Pathian siam a ni tih min hrilh kumkhuadâwn a, chu mai chu ni lovin, Kraws leh lei thar pawhmin kawhhmuh reng dâwn bawk. Min Siamtu leh minChhandamtu nêna kan inzawmna a tichak ang a, tichuan

35 36

a hmangaih êm êm – mamawh tam tak nei, rethei lehhrehawm tuarte nêna inhnaih zual zêl tûrin min hruaidâwn a ni.

Amaherawhchu, ram chawlhtîr kum leh inpêk lêtleh kum (jubilee) te hian chatuana nung reng thupawimawh tak tak lantîr tho mah se, tûnlai hunah pawhkan la serh reng a tûl tihna chu a ni lo. Khawvêl hi sualaa tlûk hmâ, thil siam a nih lai daih tawha din ni sarihnaSabbath ang hi chu ni lovin, hêng Sabbath-te hi chu “thillo thleng tûrte hlimthlâ” (Kolosa 2:16, 17), serh leh sânglam hawi an ni zâwk a; Isua rawngbâwlna leh inhlannakâwkin, kraws-a a thihnaah khân an tâwp zui ve nghâl ani. Hêng serh leh sâng lam hawi Sabbath-te hian midangte, a bîk takin tlachhamte chunga kan rilru puthmang tûr chu min kawhhmuh a. Israel mîte khaPathianin a tlan tawhte an nih avângin khawvêl hnênaêng chhitu tûr an ni a, inthliarhranna awm miah lovin,Pathian khawngaihna chu mi dangte hnênah an lantîrtûr a ni a. Lâwm chungin Pathian nungchang chu Amahla hre vê lote hnênah an lantîr dâwn a ni.

Amosa 8:4-7 chhiar la. Hetah hian eng thil ngethleng a, mi dangte nêna kan indâwrnaah hian an thiltih ang hi kan tih ve loh nân engtin nge kan invêntheih ang? “Matheilovin an hnathawh rêng rêng katheihnghilh hauh lo vang” tih thu Pathianin a sawiahhian eng thil pawimawh tak nge kan hmuh?

THAWHLEHNÎ July 12

ZÂWLNEI ÂW: THEN 1-NA

“‘Mahni tâna sawi ve thei lote chu sawisak la,hlamchhiaha awm zawng zawngte chu chhan rawh.Tawng chhuak la, dik takin rorêl ang che; mi retheiteleh tlachhamte dikna chanvo chu humsak rawh’”

(Thufingte 31:8, 9, NIV). Heta a thil sawite hi engtin ngetûnlai hunah hian a takin kan hman ve ang?

Tûn kârah hian Pathian chuan khawngaihna lehrêldikna lantîr tûr leh, chutiang chu a mîte nungchangatâna a duhthusâm a nih thu kan hmu nual tawh a.Hmânlai Hebrai zâwlneite kha tlachhamte tân an auchhuak thîn a. Pathian mîte chu ngaihsak hlawh ve phâklote leh, rahbeha awmte Pathianin a ngaihsak a ni tih anhaider lui tlat thîn chu sim vat tûrin an hrilh thîn. Pathianphei chuan mahni hmasialna tel lova mi dangte tanpuiduhna thinlung put chu chibai bûkna dik tak nênintlukah a ngai a ni.

Isaia 1:13-17 chhiar la. He laia Zâwlnei Isaiathupuan hian Pathianin chibai bûkna dik a hrilhfiahdân chungchâng eng nge a sawi? Engtin nge heta athil sawi hi keimahni-ah kan lo seng luh ve theih ang?Chumi awmzia chu, hêng Bible chângte hian tûnlaihuna mîte hnênah hian eng nge a sawi le?

Thuthlung Hlui hunlaia zâwlnei tam takte khânan thih hnû-a thil lo la thleng tûrte an sawi lawk hlawmngei mai tak a, chutih rual chuan, an hunlaia mîte thlaraunun leh rilru siam that tûlzia bâkah, mahni hmasialnatel miah lova rawngbâwl a pawimawhzia pawh a sawinasa hlê bawk thîn. Pathian chhiahhlawhte âw chu amîten an bul hnai maia awm hrehawm tuarte chuPathianin a khawngaihzia ngaihsak miah lova hleihluaktaka amah chibai bûk an tum sî lai khân a ri ring zualthîn a. Pathian “chibai bûka” buai luat tuk avângatlachham tanpuina hun pawh nei thei lote âia thuhretutha lo hi an awm thei chuang dâwn em ni? LALPÂ

rawngbâwltûte chuan mi dangte mamawh phuhrûksaknahmangin “chibai bûkna” dik chu an târlang tûr a ni zâwk.

37 38

NILAINÎ July 13

ZÂWLNEI ÂW: THEN 2-NA

Isaia 58-ah hian Isaia hunlaia chêng Pathian mîteleh tûnlaia keini tâna zilhhauna leh beiseina thuchah abîk taka puan chu kan hmu a.

Pathianin a mîte laka a beidawn thu a puanhnû khân (Isaia 58:1), engtin nge thu a hrilhte awmdân chu a sawi le? Isaia 58:2 chhiar la.

He thu a sawi lai hian engtiang takin nge a “awkî” a tihsân tih chu hre lo mah ila, a lang maia sâkhawmî-na leh rinna an lantîr chu a dik lohzia a hriat chianêm avângin LALPA chuan a duh lo hlê a ni tih erawh achiang a. Saptawng Bible pakhat, NIV chuan hetiang hiana letling a: “ ‘Zawn zawng nî tin mi zawng thîn ngei mai a;thil dik tak ti thîn leh Pathian thupêkte thlahthlam ngailo hnam ni âwm takin ka kawngte pawh hriat an châkniin a lang,’ “ tiin (Isaia 58:2, NIV).

Isaiah 58:3-14 chhiar la. Hêng mîte hnênahhian LALPAN an sâkhaw biak dâna thil dik lo awmchungchâng dang eng nge a sawi (hetah hi chuanchawnghei thû a ni a)? Heti laia thu lian tak inphûmawm chu eng nge ni?

He laia thil pawimawh tak inphûm awm chu i lohria em? Pathian chibai bûkna hi mahni hmasial takin akalpui theih a: LALPA, hei hi min tihsak rawh, chu chu katân ti ang che. Keimahni mi mal mamawh kan dîl hunleh hmun chu a awm ngei tûr a ni rêng a. Nimahsela,heti laia LALPAN a sawi hi chu chibai bûkna dik takah

39 40

chuan “riltâmte” hnênah ei tûr pêk te, “hnehchhiahaawmte” chhuah zalên te, leh “mi retheite” tanpui pawh atel tûr a ni. Thil ropui deuh mai chu, hetianga mi dangtehnêna rawngbâwlna hian tanpuina dawngtu chauh nilovin, tanpuina petu pawh mal a sâwm ve tho tlat hi a ni.Mi dangte rawng kan bâwlsak a, mi dangte hnêna thilkan pêk hian keimahni pawh mal kan insâwm nghâl a.Hêng Pathian thutiamte hi a tak a nih ngeizia eng emawti tala la chang ve miah lo tu nge awm le? Mahni intanpuithei lote tanpuitûte hnêna hlimna, lungâwina lehbeiseina lo thleng thînte hi la hmu ve ngai miah lo kanawm em? Hei âia khawvêl hnêna Pathian nungchangtârlan dân kawng tha zâwk hi a awm theih a rinawm loh.

Tirhkohte 20:35 chhiar la. Engtiangin nge hêngthûte hi mi dangte hnêna rawng i bâwlna kawngahkhân a taka i lo chan ve tawh le?

NINGANÎ July 14

THIL THA MIN TIHTÎRTU

Thudik kawl chu eng anga ropui pawh ni se atâwk zo chuang lo. Isaia 58-ah hian Pathian mîte chu ansâkhaw biak dânah an urhsûn êm êm mai a, chutih laiinan rinna chu a taka lan chhuahtîrna lamah erawh anhniam hlê thung si. Pathian chuan tûnlai huna a kohhranhi mîte thil tha tihtîrtu, a nungchang dik tak lanchhuahtîrtûra Thuthlung Hlui zâwlneite sâwmna thu puangchhunzawmtu ni tûrin a ko a ni.

Hêng Bible chângte hi chhiar la. A kohhran malang leh, khawvêl pum huap kohhran kan nihna hianengtin nge Pathianin ti tûra min duh chu kan tih theihang?

Sâm 82:3 ______________________________________Isaia 1:17______________________________________

Khawpui kohhran pakhat chu silai hmangainbeihnain a tihbuai reng thinna vênga awm a ni a. Kum2011 khân an pastor chu rawngbâwlna an neih laiin aau chhuak ta a. Chumi tuma a thusawi ber chu hetiangdeuh hi a ni: “Kristiante chuan thihnain kawng a zawhlai hi an tihtâwp nghâl tûr a ni!” tiin. Nain khaw hmeithaifapa ruang zâwntûte Isuan a tihdin thu (Luka 7:11–17)kha sawiin, an vênga tharum thawhna thleng a hluar zêllaia kohhran chu a thutthluan ngawt theih bîk loh thûthiam takin a sawi a. A thusawi ngaithlatûte chu, “Thitâte fakna thu sawitu tûr kohhran ringawt em ni kan nihle?” tiin a han zâwt tê tê a. Chutah, “‘Eng vângin ngetawrhna hi a thlen i phal?’ tiin Pathian hnênah kan zâwta nih chuan, ‘Eng vângin nge tawrhna hi a thlen in phal?’tiin min lo zâwt lêt ngei ang,” tiin a sawi zui bawk.

He kohhran hi khawtlâng hmasâwnna kawngahpawh an thawh hlawk hlê a. Kohhran zaipâwl chuan kumsarih chhûng chu an khawpui chhûnga kawtthlêrte anlo fang kual tawh thîn a. Pathian fakna hlâ an rem a,Pathian thuziak lehkhate an sem a, tlachhamte rawngan bâwlsak bawk thîn. Hetianga khawtlâng tâna aninhmanna hmang hian an vênga chêngte chu kawng tamtakin an tanpui tawh a, mamawh nei tam takin antangkaipui hlê a, an khawtlângah danglamna lian tak anthlen a ni.

He kohhran thiltihte hi kan khawtlâng theuhvakohhranhoten rawngbâwl hnâ kan kalpui theih dân lehdamna kan thlen theih dân kawng tam takte zînga pakhata ni.

In khawtlânga tanpui ngai awmte tân in kohhranineng nge tih theih a neih le?

ZIRTÂWPNÎ July15

NGAIHTUAH ZUI TÛR: Ellen G. White-i lehkhabu ziah,Thlahtubulte leh Zâwlneite tiha, “Israel-te Hnênah DânPêk A Ni,” (pp. 350-366) tih thu leh, “Pathianin Mi RetheiteA Ngaihsak” (pp. 644-652) tih thute chhiar ang che.

Pathianin khawngaihna leh rorêlna dik a ngaihpawimawhzia chu Thuthlung Hlui lehkhabu hranghrangahte hian hmuh tûr a awm a. Entîr nân,Deuteronomy 24:10-22 hi chhiar la. Hêng thil hranghranga tih dân tûr bîk a sawite hi en ang che. LALPAN miretheite, hnathawktute, leh leiba neite a ngaihsakziachiang takin kan hmu thei a. A ngaihsakzia a tihlannapawh hi tawngkam thlum leh duhawm, a taka tihpuitlintak tak theih loh tûr ang ni lovin, a thubuai azir zêla tihdân tûr bîk inhrilh hriatna hmangin a ni zâwk. Hêngthûte hi mi malin rorêlna dik leh khawngaihna a longaihdâna dah mai tûr chuan a pawimawh lutuk a. LALPAN

an lo awm thinna hmun, hamthatna chang ve phâk miahlova an awm lai kha hre chhuak tûra a hrilhzia te hingaihtuah ang che.

“Aigupta ramah khân bâwih in ni tawh thîn a ni tih inhre reng tûr a ni,” (Deut. 24:22). Keini Kristiante pawhhian kan sum leh pai dinhmun chu eng pawh lo ni se,Pathianin kan chunga khawngaihna leh phû lohduhsakna a lantîrte hi kan hre reng tûr a ni a.Chuvângin, Kristaa kan hausakna leh kan famkimnahmang hian (Efesi 3:19; Kolosa 2:10) kan tanpuina

41 42

mamawhtûte tanpui tûr leh, rawngbâwlsak tûrin kaninpeih ve a tûl tak meuh meuh a ni.

SAWI HO TÛRTE:

@ Engtiangin nge thupêk palî-nain Sabbath nî chuanbâwihte pawh an châwl ve vek tûr a nih tih thu asawi hian LALPA hmâah chuan mi zawng zawng hiintluktlâng vek kan nihzia a puan le? Engtianginnge kan mi chhawrte emaw, kan thuhnuai leh kanhnuaia awmte chu dik taka enkawl tûr kan nihziahrethiam tûrin min tanpui? Engtiangin nge mi tintâna Isuan Kraws-a thil a tih khân Pathian hmâahchuan mi zawng zawng hi intluktlâng vek kan nihziaa puan chhuah bawk le?

@ ”Krista rilrû chu kan rilru a lo ni a, a hnâte chu kanhnâte a lo nih ve hunah chuan zâwlnei Isaian, ‘Heihi chawngheina ka duhzâwng chu a ni lo’m ni?Nghâwngkawl hruite hlihsak leh, hnehchhiahhochhuahtîr leh, nghâwngkawl tinrêng tihtliahsak hi’[Isaia 58:6] a tih ang kha kan lo zâwm ve thei ang.Mi retheite leh hrehawm tuarten an mamawh chueng nge ni tih hriat tum la. Tichuan, hmangaihnaleh ngaihsakna thinlung nên Pathianin i hnênathiltha a lo thlentîr tawhte chu hrilh chhâwng vela, huaisenna, beiseina, leh inrintâwkna nei thei tûrinpui ang che.” - Ellen G. White, Pacific Union Recorder,July 21, 1904. Krista zâra Pathianin thil min pêktawhte chu a mamawh vetuten an tangkaipui ngeitheihna tûrin engtin nge kan hrilh chhâwn ve ang?

43 44


THUTHLUNG HLUI HUNARÊLDIKNA LEH KHAWNGAIHNA: Then 2-na

CHÂNGVAWN: “‘Tin, heti hi a lo ni ang a, luite chu anluanna apiangah rannung tinrênginan damphah ang a, sanghâte an awmhuai huai ang: tuipui tui athianghlimna tûr leh a luannaapiangah rannungten an nunphahnatûrin hêng luite hi a lo luang a ni sîa,’” (Ezekiela 47:9).


CHHIAR TÛRTE: Isaia 61:1–11; Ezekiela 37:1–14; 47:1–8; Matthaia 5:16; Efesi 2:10; Thupuan22:1, 2.

Kum 1950 leh 1960 chho vêla vêng thang duangtak ni thîn kha kum 1960 tâwp lam leh 1970 tîr lamaherawh chuan indona mualah a lo chang ta . Chhûngkawtam zâwk daih chu hmun dangah an insaseng a, anchênna in kâng bâng leh tû ma zawh tawh lo kawngpuitechu an kal san a. Sumdâwngte pawh an inthiar chhuaknguah nguah a, an hmun ruak luah tûrin ruih theih thilzuarte leh, mi sual tak takte chu an lo lût ve thung a.Chû vêng chu chên zui zêl nân a duhawm lo leh zual tahlê mai.

Kum 1986 khân Kristian chhûngkaw pakhat chukhaw lian vak lova an in nuam tak kalsanin he vêng nguitak maiah hian an pêm lût a. Khaw dang atanga lo kalpastor pakhatin a rawn zawm ve leh bawk a. In kâng bângpahnih chu chei tha-in chênna atân an siam a. Chutiaan inben bel deuh hnû chuan kawtthlêrahte hunhmangin, chu lai vêla la châmbâng awm chhunte chu ankâwm thîn a. Hêng chhûngkaw pahnihte hi Pathianchuan hmun tiau leh ram tawh damna leh siamthar lehnathlentu kohhran din tanna hmanruaah a hmang ta a. Anhnathawh leh an huhâng neihte chu vawiin thleng hianchhunzawm a la ni zêl a, hemi vênga chêng mi tam taknunah danglamna lian tak an thlen a ni.

Hetiang dinhmun chhe taka dingte tânakohhranin tih tûr a neih chungchângah hian Pathianchuan thil eng emaw sawi tûr a nei a. Tûn kâr zirlai hianThuhlung Hlui zâwlneiten Pathian mîte chu khawvêlhnêna Pathian nungchang puang chhuak tûra ansâwmna âw kha a la “ngaithla” chhunzawm reng a ni.

SUNDAY July 17

KRISTAA NUNGIN

Dân bawhchhiatna leh suala thi tawhte hnênaharhtharna thlentu Pathian khawngaihna chu Ezekiela37-ah hian chiang takin puan chhuah a ni a. Inlârnaahchuan zâwlnei Ezekiela chu ruhrova khat ruamahThlarauvin a hruai a. Hêng ruhrote hian Israelchhûngkaw pum pui a entîr a. Pathian chuan, “Mihringfapa, hêng ruhrote hi an nung thei ang em?” tiin a zâwta (Ezek. 37:3).

A chhânna chu zâwlneiin ruhrote hnêna thu ahrilhlâwkahte hian puan chhuah a ni.

Ezekiela 37:1–14 chhiar la. A mîte tânaPathianin tih a tum chu eng nge ni?Ruhrote hnêna a thuchah puanin rah a chhuahte chu:(1) “an lo nung leh a, mahni kê theuhvin an ding a, sipairual ropui tak an lo ni ta a (châng 10); (2) Pathian chuana mîte chu anmahni ramah ngei a awmtîr leh dâwn a(châng 14); (3) anni pawhin chutianga titu chu Pathian ani tih an hria ang (châng 14). Nimahsela harhtharna chanringawt chu a tâwk sî lo. Israel mîte chu hnam hranghrangte hnêna êng chhitu tûr an ni.

Efesi 2:10chhiar la. Eng vânga Kristaah chuannuntîr (thlarau lama siam thar) nge kan nih le?

“Pathianin min pawm chhan chu a Fapa duhtakavâng chauh a ni tih a chiang a, tin, thiltha kan tih vêtepawh hi a ngaihdamna leh hmangaihna hnathawh rahliau liau a ni. Keimahni tih a ni lo va, kan thlarauchhandamnaah hian eng emaw tih nei ve nia kan ngaihphah theihna tûr thil tha tih pakhat mah kan nei hek lo.Chhandamna chu a thlâwna Pathianin a ringtûte hnênaa pêk a ni a, chu pawh Krista avâng chauhva pe a nibawk. Mi rilru hah tak chuan Kristaa rinna a nghahnaazârah thlamuanna a chang thei a, a thlamuanna chanpawh chu a rinna nêna inmil tâwk zêl a ni ang. A thil thatihte chu a thlarau chhandam a nih theih nânachhuanlamah a hmang thei lo.

“Mahse thil tha tihte chuan engmah hlutna a neilo tihna em ni? Mi sual, nî tina thil sual ti reng thînte hiPathian chuan Krista a rinna avânga rinawm taka thiltha tih tum hrâm hrâmte nên hian a duhsak dân a inchen

45 46

reng ang em? Pathian Lehkhabu chhânna chu: ‘Thil thati atân Krista Isua-ah chuan siama awmin, amâkutchhuak kan ni sî a; chû thil tha tih chu kan awmnatûrin Pathianin a buatsaih lâwk a ni,’ tih a ni.“Pathianin ruahmanna a siam dânah chuan, tû mahduhsak bîk awm dâwn lo mah se, thil tha tite chulâwmman pêk an ni dâwn a. Kristâ felna zârah chiahpawm kan ni a; tichuan, khawngaih thiltihte, tanpuingaite hnêna thil kan pêk te hi chu rinna rah a ni.” -Ellen G. White, Selected Messages, book 3, pp. 199,200.

THAWHTANNÎ July 18

LUI LUANG

Ezekiela 47:1–8 chhiar la. Inlârnaa Ezekiela’nlui a hmuhah khân eng thil nge thleng?

He temple chhûng atang hian tui a lo luangchhuak niin a lang a. Eng vânga lo luang chhuak ngawtnge ni ang, tui kawng (pipe) a phui lo em ni? He thilah hichuan hetianga a lo pût hian thil tha a thlen a.Temple atanga tui lo pût hi “chhak lam hawiin” a luangchhuak a. Jerusalem atanga khawchhak lamah khuanTuipui Thî a awm a, chu chu khawvêla tui tling khawmawmte zingah chuan a hniam lai ber a ni. Jerusalem lehTuipui Thi inkârah hian mêl 21 (kilometer 34) vêla zauthlalêr ram a awm a, Jordan phairuam ti pawhin an sawithîn. A tui hi a al êm avângin nunna nei engmah anchêng thei lo bawk.

Amaherawhchu, temple atanga tui lo luangchhuakin a rawn pawh veleh, tuipuia tui thi tawhte chu

47 48an lo “nung leh” ta a. Hei hi Pathian kohhran sawinaanga ngaih theih a ni a, Pathian biak in (1 Petera 2:4, 5)chu hrisêl taka awm theihna hnâr leh dân bawhchhiatnaleh suala thi tawhte damna thlentu a ni bawk.

Matthaia 5:16 chhiar la. Heti laiah hian khawvêlmîte hnêna a âiawh kan nihna tûr kawngah Isuan engthu nge min hrilh le?

Zambia rama Zambezi Lui chu thingkûng hnuaiatanga lo luang chhuak lui te tak tê-a intan a ni a. VictoriaFalls lam panin a luang zêl a, a tîra ngalrêk pil leka thûkkha khûp thlenga thûk a lo ni a, kâwng chena thûk lo nilehin, Victoria Falls a thlen dâwn meuh chuan hleuh thamzeta thûk a lo ni tawh a ni. Chutiang bawk chuan, hetemple atanga lo luang chhuak lui pawh hi a tîrah chuana tê hlê mai. Mahse lo lian telh telhin, a tâwpah chuan ahleuh a hleuh tham luipui, tû mâ dai kai rual loh khawpalian a lo ni ta a ni (Ezek. 47:5, NIV).

In kohhranin damna a thlen dân chu a bultannaa tê tham hlê pawh a ni mai thei e; mahse in khawtlânga siam danglam vek thlengin a thang chho thei asîn! Kanhnathawh hi a bultanna chu tê tak, lui tê ang lek chauha ni tûr thu hriattîr ka ni.” - Ellen G. White, Testimoniesfor the Church, vol. 7, p. 171.

Êng leh tui tih hi keimahni hmanga Pathianinmi dangte a puih theih thu sawina atân hman a nithîn a. Engtin nge tanpui ngaite tanpuina hmanrawtha zâwk kan lo nih theih ang?

THAWHLEHNÎ July 19

KOHHRAN CHU NUNNA HNÂR A NI

“ ‘Luite chu an luanna apiangah rannung tinrêngin an dam phah ang a, sanghâte an awm huaihuai ang: tuipui tui a thianghlimna tûr leh, a luannaapiangah rannungten an nun phahna tûrin hêng luihi a lo luang a ni sî a,’” (Ezekiela 47:9).

Ezekiela hrilhlâwkna hian Pathian kohhranatanga lo luang chhuak luiah chuan nunna a awmthu a sawi a. Ezekiela 47:10 thu hian thilmak êm êmmai sawi belh a nei a: thil nung engmah awm theih lohnania an hriat thin lui kamah chuan sangha mantûte an loding a, Engedi atanga Eneglaim thlengin lên denna hmuntha tak a lo ni ta a ni.

He thu-in a sawi tum ber chu Pathian thiltih-theihnain a mîte hnêna hnâ a thawh chuan nunna awmngai miah lohna hmunah pawh nunna a lo awm thei tihhi a ni.

“Pathianin hnâ a thawhna hmunah chuandinhmun beisei bo a awm thei lo va, mî tûte mah siamthattheih loh a awm theih loh a, hmalam huna beidawng lehchan châu min nihtîr thei ngêi tûr leh thiam loh minchantîr tûr âwma lang pawh a awm zui thei tawh lo.” -The Interpreter’s Bible, (Nashville: Abingdon Press,1956), vol. 6, p. 328.

Pathian khawngaihna mak tak mai chuan a lopawmtûte tân thil mak tak tak a ti thîn a. Hetah pawhhian chanchin tha thuchah chu kan hmu leh bawk a.Pathian chuan keimahni hmangin beidawng tawh te,lungngai te, thlarau lama ro tak te, leh thlarau leh taksathi mêkte hnênah beiseina a pe thei a ni.

Ezekiela 47:12 leh Thupuan 22:1, 2 hi khaikhinla. Hêng Bible châng pahnihte hian damna chang lehteleh, Isuan a kohhran hmanga a tihdam lehte chan tûran sawi chu eng nge ni?

Engtik nî-ah emaw chuan Pathian mîte chu -kohhran member-te inpêkna avânga Pathianin a tihdamleh nunna a pêk khawtlâng mîte nên - lei tharah an awmdâwn a. Chutah chuan lui dang pakhat, Pathianlalthutphah atanga lo luang chhuak chu a awm a. Thlalêrte, hmun ro rim rem te, leh thihna te chu a awm tawh lovang.

Chumi hun a thlen hmâ - chû malsâwmna a takaa lo thlen hun tûr kan lo nghah chhûng hian - Pathianchuan a kohhranhote hi khawtlâng tâna damna thlentuleh, nun tam an neih phah theihna hmun ni tûrin a duha. Keimahni hmang hian thlalêr hmunte leh hmun hniamlaite chu siam danglam a, kan awmna hmun theuhvaTuipui Thîte chu tihnun leh a, mîte chu Isuaa nun tamnei tûra hruai a duh bawk (Johana 10:10), chu chuAdventist thuchah pum pui khaikhâwmna pawh a ni rênga ni.

Ezekiela 47-in a sawi ang deuh hi zâwlneiAmosa pawhin a sawi vê a (Amosa 5:24 chhiar la). Engtinnge he thû hian khawtlâng tâna kohhranin tih tûr aneih ve chu a sawi? Engtiang kawngte-in nge inkohhran kha damna lui a nih ve le?

NILAINÎ July 20

JUBILEE THUTIAMTE

Thuthlung Hlui lehkhabute hi tîsâ leh thlaraulama malsâwmna dawngte chuan a dawng ve lote hnênape chhâwng ve tûr an nih thuin a khat a ni ber e.

Isaia 61:1-11 chhiar la. Eng thu nge Pathianina mîte hnênah a sawi a, heta a thil sawite hi engtin

49 50

nge keimahniah leh LALPÂ hmâa koh kan nihna kawngahhian kan lo inhmehbel ve theih ang? Luka 4:18 pawhchhiar la.

Isaia 61 hi mi retheite hnêna chanchin tha hriltûr te, thinlung keh tawhte tuam dam leh tûr te, sal tângtehnêna zalênna thu puang tûr te, thim hnuaia awmtechhuah zalên tûr te, leh beidawngte hnêna beiseina peleh tûra LALPÂ Thlarauvin Hriak Thiha hmanga hnâ athawh dâwn thu-in a intan a (Isaia 61:1). He thutiama athil sawi zawng zawngte hi “LALPÂ lungâwi kumah” khâna lo thleng famkim a. “LALPÂ lungawi kum” tih hian rampêk lêt kum (jubilee) kha a kâwk a, chumi kumah chuanchuan mi retheite chu an tlâkchhamna hrang hrangahtechhâwmdâwl thin tûr a ni.

Chutiang chuan, lusûn thlamuan tâk te, Zion-alungngaia awm thîn hnema awm tâ te, “vut âiah pangpârthihrui” leh “lungngaih âiah hlimna hriak” dawngtu te,“nguina thlarau âiah fakna silhfên” (Isaia 61:3) inbeltûtengei chuan hmâsâng kulh chhe tawhte chu an siam thaleh ang a, hmun ram tawhte pawh an dinthar leh ang(Isaia. 61:4). Messia jubilee malsâwmna changtûte chuan khawtlâng theuh siam thatu, khawpui tiau tawhtedin thar lehtu an lo ni ang a (Isaia 61:4). Pathianchhiahhlawhte chu puithiam leh rawngbâwltu tia kohan ni ang a, an chheh vêla hnam dang awmte hausaknahmanga châwm an ni dâwn a ni (Isaia 61:5, 6).

Isaia 61-a Pathian Hriak Thih-an Pathian nênathuthlungtûte hmuingîlna hmanga hnam dangte pawhinmalsâwmna an chan ve tûr thu a sawi hi (Isaia 61: 8, 9)vawiina puithiam leh rawngbâwltu ni tûra kohte zawngzawng tân pawh a la dik reng a. He hrilhlâwknain a sawikhawtlâng siamthatna huhâng hi LALPA Pathiana kanlâwmna a sân lai, chhandamna leh felna kawrfuala kan

H-4

51 52

inthuam lai te hian, kan khawtlângah theuh hriat a nive tûr a ni dâwn lo’m ni (Isaia 61:10, 11)?

Isaia 61:9 chhiar la. He thû hi Pathianin a mîtetâna thil ropui tak a tih theihzia sawina a ni a. Keinichungchâng pawh hi hetiang hian sawi ve theih tho ani ang em? Eng vânga ni/ni lo nge ni le?NINGANÎ July 21

KOHHRAN - DANGLAMNA THLENTU

Mika 6 chhiar la. Hetah hian LALPAN eng thil aduh loh thû nge a sawi?

Mika hian Thuthlung Hlui hunlaia zâwlnei dangteang bawkin, pâwn lama inti sâkhaw mi êm êm, mahseinngaihtlâwmna tlachham hlê sî, rorêlna dik lehkhawngaihna nunpui tum miah sî lo bawk chu dikna lehkhawngaihnaa khat Pathian tân pawm theih a nih lohthu uar takin a sawi a.

Mika 6:8-a thuchah pawimawh tak chu eng ngeni?

“Sâkhaw dik chu a taka lan chhuahtir chi a ni a.Serh leh sângte leh puithu na thilte chu a tel ngei tûrpawh a ni; mahse . . . ei leh ina insûmna âi mahin, riltâmtehnêna ei leh in tûr pêk lam a ni zâwk mah a. A tak takaPathian anna hi Pathian rorêlnain sâkhaw dik tak a hriatawm chhun chu a ni (Matthaia 25:34–46).” -- Ellen G.White, The SDA Bible Commentary, vol. 4, p. 306.

Tûnah pawh hian Pathian chuan a lang maiasâkhaw mî-na, Mika 6:8-in a sawi anga Pathian annatak tak awm sî lo ang chî hi chu A la hnâwl chhunzawmzêl a. Kan sâkhaw serh leh sâng hrang hrangte hi kantâwpna tûr ni lovin, kan tum ram kan panna kawng a ni

zâwk a, thlen kan tum ber chu keimahnia Krista lanchhuahtîr a ni zawk.

Tûn kâr zirlai thuhmahruaiah khân chhûngkawpahnih chu “beisei tûr engmah awm lohna” vênga chêngtetanpui tûra an pêm luh thu kan sawi a. Hê chhûngkawpahnihte hian an thian chhar thar dangte nên an inkawmkhâwmna pindanah pâwl lian vak lo an din a. Chu pâwlmember-te chu Pathianin an khawtlâng a siam that lehtheih nân tihtakzetin an tawngtai thîn a. Khawtlânghmasâwnna lam ngaihtuahtu pâwl pakhat nên thawkhovin, an chhehvêla chênna in chhe tawhte sak that lehnahna an thawk tan ta a ni.

He vêng hi i va tlawh a nih chuan vêng thangduang tak, tûn hmâ âia tha leh changkâng zâwk daihchu i hmû ang. Hetiang hi an lo nih theihna chhan chukohhran te reuh tê khân Isua hmangaihna a taka lanchhuahtîr an tum tlat vâng a ni a, chu chuan an vêngchu a siam danglam ta a ni. He an thil tih hian Kristachuan a mîte hmangin mîte rawngbâwl hnâ a thawk theia ni tih chiang takin a lantîr.

Pathian chuan ama mî ni tawh phawtte huamvêkin sawi tho mah se, châng 8-naa “i” tih lai hi chumi pakhat kâwka sawina (singular) a ni a. Pathianchuan mi tin hi mi mal takin a hrilh theuh tihna a ni.Engtin nge mi mal takin heti laia LALPAN “tha” a tihchu i lan chhuahtîr ve dâwn le?

ZIRTÂWPNÎ July 22

NGAIHTUAH ZUI TÛR: Jeremia 22:1–16; Ezekiela 16:49;Zakaria 7:9, 10 te chhiar la.

“Aw mihring, tha chu a entîr tawh che a ni; LALPAN

a phût che chu eng nge ni? Dik taka tih leh, khawngaihnangaihnat leh, i Pathian nêna thuhnuairawlh taka lên dun

a ni lo vem ni? (Mika 6:8). Hei âia chiang zâwka LALPAN amîte laka a thil phût sawi chhuahna hi a awm thei tawhdâwn chuang em ni? Pathian chuan “tha” chu eng nge nitih min hmuhtîr tawh a, he ti laia “thâ” tih thumal hisuala mihringte an tlûk hmaa thil siamte nihna sawinaatân hman thin a ni nghê nghê (Gen. 1).

Chuvâng chuan, chiang taka sawi lan ni lo mahse Pathian duhthusâm chu engnge ni a, kan tânaruahhmanna a lo neih leh Isua lo kal leh huna min pêk lêtleh a tum chu eng nge ni tih kan hre thei a. “LALPAN a phûtche chu” tia an lehlin tawngkam hi “nangmâ hnên atangaLALPAN hmuh a duh chu” tih pawhin a lehlin theih a (a dikzâwk mai thei bawk). Chumi awmzia chu, keini, a tlan sa,Krista khawngaihnaa thuamte lak atang hian Pathianchuan eng nge hmuh a duh ni ang? A chhânna chu midangte lakah leh Pathian laka kan awm dânah hian alang mai dâwn a ni.

A hmasa berin, dik taka thil ti tûr kan ni phawt a.Hei hi tûn kuartar-a kan zirlai thupui, dik lo taka anchungthû rêlsakte kan tanpui theih dân tûr chungchângnên pawh hian a inrem hlê.

A pahnihnaah chuan, khawngaihna ngaina tûr kanni bawk. Kan chênna khawvêl hian a châng chuankhawngaihna a nei lo hlê mai thîn a. Khawngaihna kanngainata, hmangaihna chu mi dangte laka khawngaihnalantîrna hmanga kan tilang a nih bawk chuan, thuhreturopui tak kan ni thei dâwn a ni.

A pathumna leh a tâwp ber ni bawk chu, Pathiannên thuhnuairawlh tak chungin kan lêng dûn tûr a ni. LALPA

hian Aigupta ram atanga a chhanchhuahna kha a lakainngaitlâwm tak leh rinawm taka an awmna tûr chhan niina sawi a nih chuan, keini Isua thisena tlan tawhte tân pawhhian a va ni lehzual dâwn êm! Kraws awmze dik tak leh mintlanna atâna a insênna zozai te khân, kan Pathian hmâah

53 54

chuan inngaitlâwm taka awm mai tûr kan nihzia minhriattîr reng a ni.

SAWI HO TÛRTE:@ Thuthlung Hlui hmun danga tanpui ngaite tanpui zêl

tûr kan nihzia inziah lai chângte chu engte nge ni?@ Amosa 5:21-24-ah hian Amosa hunlaia sâkhaw mîte

Pathianin a zilhhauhna thu hriam tak tak leh, amahngeiin a din sâkhaw serh leh sângte ai pawha midangte an en dân chu a ngaihven zâwk daih thukan hmû a. Hei hian a eng lai hi nge kan uar bertûr ni ang tih thu-ah eng nge min hrilh le?

@ Engtin nge mîte tîsa mamawh phuhrûk sak kantum lutukna lama an thlarau nun a mamawhngawih ngawihte kan lo hlamchhiah dêr mai lohnân kan invên theih ang? Engtin nge kan zînga

55 56

hamthatna chang ve phâk mang lote leh, tanpuingai ngawih nghawihte hi an tîsâ leh thlarau lammamawh inbûk tâwk takin kan tanpui theih ang?


VÂNTLÂNG TÂNA ISUÂ RAWNGBÂWLNA

CHÂNGVAWN: “Isua chuan Galilee ram zawng zawnga fang kual a, inkhâwmna inahtezirtîrin, lalram Chanchin Tha a hrilha, mipui zînga damlo awmte leh natnanei tinrêngte chu a tidam a,” (Matthaia4:23).


CHHIAR TÛRTE: Isaia 2:8; Matthaia 5:13; 13:3 9; Luka4:16–19; 10:25–37; Johana 4:35–38.

Thawnthu bu pakhat, Treasure Island (RophûmrûkAwmna Thliarkâr) tih a ziah avânga hriat lâr Robert LouisStevenson-a kha naupang chawrchê tak, sikul pawh kaltha hlei thei lo a ni thîn a. A tâwpah chuan a nu lehpaten amah malkhalhtu tûr zirtîrtu pakhat leh a mamawhapiang tihsaktu tûr awmpui pakhat an ruai ta ngawt maia ni. Zan khat chu amah rawn en fel tûra amah awmtunua lo kal chuan khumah a lo awm hauh lo mai a; a kut leha hnâr chu tukverhah chuan a lo chuktuah ngar ngarchu niin. A awmtunu chuan hritlâng a kai hmâa khumalêt nghal vat tûrin a hrilh a.

Chutah Robert-a chuan, “Tukverhah hian lo kalla, ka thil hmuh hi rawn en ve mah teh” tiin a sawm a.Amah awmtu nu chu a va kal a. Kawtthlêrah chuan mipakhat hian kawtthlêra khâwnvâr an dahte chu a lo chhiêng mêk hi a lo ni a. Robert-a chuan, “En teh khu, mipakhatin thimthamah a hawlh êng zek zek mai nia!” a tia. - Margaret Davis, Fear Not! Is There Anything TooHard for God? (Aspect Books), p. 332.

Thuthlung Hlui hunlaia zâwlneiten tanpui ngaitetanpui chungchâng thu an sawi tlêm azâwng chu kan lohmu ta a. Tûnah chuan Thuthlung Thar lehkhabutenengtin nge an sawi tih kan en ve tawh thung dâwn a, abultan nân pawh Isua âia tha an awm dâwn chuang emni? Isua thu zirtîrte zînga kan hriat lâr ber pakhat chu,“khawvêl êng” (Mat. 5:14) kan nih tûr thu kha a ni a.Chutianga khawvêl êng kan nih chuan, khawvêl ÊngDiktak chu (Joh. 8:12) kan nunin a lan chhuahtîr dâwna. Isua zirtîrna, amah ngeiin he leia rawng a bâwl laia asawite khân amah hmanga thimna kan chhun ên zêl theihdân tûr chu min kawhhmuh a ni.

SUNDAY July 24

ISUAN A TIH TÛR A SAWIFIAHNA

Nazaret khua atanga lo kal rabbi la patuai ve takIsua chu Galili ram vêlah chuan a lâr ta hlê mai a (Luka4:15). A thu zirtîrte chu mîten mak an ti thei êm êm a, achhan pawh “lehkhaziaktute ang lova thuneihna nei âwmtaka anmahni a zirtîr thin vâng a ni,” (Mat. 7:28, 29).Sabbath vawi khat chu Isaia lehkhabu hi a chhiar tûrinan pe a, bung 61-na châng 1 leh châng 2 a han chiar a,“kan Pathian phuba lâk nî thu” (Isa. 61:2) tih lai hi achhiar hmâin a laklawhah a tâwp ta daih mai a.

Luka 4:16–19 chhiar la. Hêng thûte hi a hmâinkhawiah nge kan lo hriat tawh? (Isaia 61:1, 2 en la).Hêng Bible chângte a chhiar pah hian eng thu nge apuan le?

Kan hmuh tawh ang khân, “LALPA lungawi kum”tih chu ram inpêk lêt leh kum–jubili kum (Leviticus 25)sawina a ni a. Nazaret inkhâwmna ina thu a sawi tumhian Isua chuan Pathian Lehkhabu-a Messia chungchângsawina thute chu a chhiar chhuak a, chutah a thu ngaith-latûte chu, “‘He Pathian Lehkha Thu hi vawiinah hian inhriatah a lo thleng ta e’ “ tiin a hrilh zui a (Luka 4:21). Amahchu Hriak Thiha, mi retheite hnêna chanchin tha hriltu, saltângte chhuahna thu puangtu, mitdelte hnêna mit vâr lehnathu sawitu, rahbeha awmte zalênna thu sawitu, leh engkimdintharlehna thu tlângaupuitu a nih thu a puang a. Hêng athu sawite hian a lei rawngbâwlna awmzia chu a sawifiahtha hlê a, chu chu a mamawhtûte hnêna zirtîrna pêk te,damna thlen te, leh rawngbâwlsakna hmang te-in abawhzui ta a ni.

Eng vângin nge Isua hian Isaia 61:2 hi chhiarchhuak lova a lai laklawha a tâwp daih mai le?

“Kan Pathian phuba lâkna nî” tih thu a chhiar thlenhmâa a tâwp daih chhan chu a rawngbâwlna, khatih hunlaiangaihdân tuallêng tak, Messia chu Israel mîte awpbetûtetitlâwm tûrin sipai rual nên a lo thawk dâwn a ni tih nênkhân hmer pawlh a duh loh vâng a ni. Chutiang chungaihdân dik lo tak, Amâ chipuite a nihna dik tak leh arawngbâwlna awmzia hriat thelhtîrtu tûr a ni a. Chuvângchuan, a hunlaia an ram politic dinhmun chu eng pawh loni se, a lo kal chhan mamawhtûte tâna a tih tum lam zâwkchu hna pui berah a neih zâwk rêng a ni.

57 58

Hetianga a rawngbâwlna a puang hian keimahni-ah eng nge a sawi ve le; chumi awmzia chu a taka kantih tûr lam sawi uar chungin kan tâna tangkai tûr thileng nge chhar theih kan neih?THAWHTANNÎ July 25

I VÊNGTE HMANGAIH RAWH

“‘Lalpa i Pathian chu i thinlung zawng zawngin, ithlarau zawng zawngin, i chakna zawng zawngin, i rilrûzawng zawngin i hmangaih tûr a ni a; nangmah iinhmangaih angin i vêngte pawh i hmangaih vê tûr ani,’” (Luka 10:27). Luka 10:25-37 chhiar la. Tanpuingaite tanpuina kawngah hetah hian eng thuchah ngepêk kan nih le?

Dân lama mi thiamte chuan thupêk zawngzawngte hi kan neih zawng zawng nêna Pathian hmangaihtûr kan nihzia leh, keimahni kan inhmangaih ang chiahami dangte pawh hmangaih ve tûr kan nihzia sawina veka nih thu an hria a. Zawhna awm ta chu, “Tûte nge kanvêngte chu?” tih hi a ni.

Krista hunlaia Juda-te khân an hnampuite chauhchu an vêngte-ah an ngai thin a, hnam dang zawng chupâwn lam mi angah an dah hmiah mai a ni. Chutiangngaihdân pu nghet êm êmtu dân hre mi pakhat chuanhelai thu hi sawifiah tûrin Isua a phût ta a. Isua tehkhinthu sawi erawh hi chuan thlîr dan dang daih a puangthung. Tanpui ngai kan hmuh apiangte hi kan vêngtechu an ni mai a. Vêngte nih awmzia pawh vêngte mamawhphuhrûksak a nih leh mai. Puithiam leh Levia chî mipakhat khân sâkhaw serh leh sâng thila bawlhhlawh niha, chûvânga sâkhaw thila an hna chanvo tih theih lohmawlh kha an hlâu va. An sâkhua chu mi tu emaw,engtikah mah rûl lêt leh thei miah lo tûr tanpui nâna

59 60

mahni inthihtîr lohna tûr chhuanlamah an hmang tahlauh a nih kha.

Samari-mi erawh kha chuan he hliam tuar, “pâwnlam mi” leh “hmêlma” anga amah en tlattu chu a vêngpaangin a en a, lainatna nên a mamawh tihsak nân a neihsum a sêng ve thung a ni. A awmzia chu, “Tute nge kavêngte chu?” tia zâwt lovin,

Samari-mi erawh kha chuan he hliam tuar, “pâwnlam mi” leh “hmêlma” anga amah en tlattu chu a vêngpaangin a en a, lainatna nên a mamawh tihsak nân a neihsum a sêng ve thung a ni. A awmzia chu, “Tute nge kavêngte chu?” tia zâwt lovin, “Rahbeha awmte tân tutenge vêngte ni dâwn?” tiin kan zâwt zâwk tûr a ni. Kantanpui ngai chu tu nge ni tihah buai a ngai lo: Tanpuingai apiang chu kan pui mai tur zawk a ni.

“Hnam leh chi leh kuang zâwnga inthliar hranna hiPathian chuan a pawm vê lo. Ani chu mi zawng zawngSiamtu a ni a. Mi zawng zawng hi Amâ siam vek an nihavângin chhûngkhat an ni a, tlanna avângin pumkhatan ni bawk. Krista chu daidanna bang tin thiat tûr te,temple piandan pahnihte daidangtu puanzâr hlîm tûrte, leh mi tinin anmahni ngeia Pathian an biak theihnatûr kawng hawng tûrin a lo kal a. A hmangaihna chu azau vin, a thûk êm êm a, a famkim êm êm bawk avânginkhawi hmun pawh a thleng phâk a ni.” - Ellen G. White,Krista Tehkhin Thute, p. 322.

Thenawm khawvêng tha tak i nih theihna tûr dâltlattu che mi dang chungchânga ngaihdân nghet tak ineih sâ tlatte kha eng nge ni le?

THAWHLEHNÎ July 26

EI TÛR THA LEH FAMKIM CHU

“‘Lei chî in ni e,’” (Matthaia 5:13).He lai chângah hian Isuan amah zuitûte chu “chî”

ni tûrin a sâwm a, chumi awmzia chu danglamna thlentuni tûrin a duh tihna a ni. Kohhran chu “chi bûr,” “lei chî”an dahna a ni a. He “chî” hi engah nge, tute hnênah ngekan al ang? Keimahni nên chauh nge ni a, keimahniang ni vê lote nên kan pawlh zâwk dâwn le?

He zawhna chhânna hi chiang zâwka i hriatthiamtheih nân, thleng dar pahnih lâ la, pakhat zâwkah chuanchî chu a hlangin i dah ang a, pakhat dangah chuanchhang leh chî i dah dâwn nia. Thleng dar pakhat zâwkahkha chuan chî chu ei tûr awm chhun a ni mai a; a tui lomai ni lovin, ei pawh a har hlê ang. Thleng dar pakhatzâwkah ve thung kha chuan chî kha ei tûr pahnih chhawpzînga pakhat a ni a, chhang nêna a inpawlh chiah khânchhang hâng tak ni ve mai kha a titui ta êm êm mai a ni.Chî chuan amah ang ni lo thil dang nêna chawhpawlh alo nihin thil tha a thlen thîn a. Hetiang chiah hi Kristiantepawh an ni vê tûr a ni. Mahse kohhran “chi bûra” kantawm tlat chhûng chuan a thleng ngai lo thung ang.

Hetah hian kan hmuh hmaih hauh lo tûr thilpawimawh tak pakhat a awm a. Mei kan zu lovin, zû kanin lo va, pawisa kan khêl lovin, pawi engmah khawihlovin ,mi dik tak kan ni a ni thei e. Hêng hi a pawimawhêm êm vek a. Mahse zawhna awm ta chu: “Eng nge kantih loh?” tih ni lovin “Eng thil nge kan tih?” tih lai tak hi apawimawh zâwk chu a ni. Chumi awmzia chu, kankhawtlâng tân eng nge kan tih a, tanpui ngaite tân engnge tih kan neih tih lam zâwk a ni.

Matthaia 5:13 hi chhiar nawn leh la. Engtinnge chî chuan a alna a hloh theih thin le?

“Nimahsela chî chuan a alna a hloh tawh a; Kristâhmangaihna tel sî lova Pathian tih tak ang nihna ringawtchuan thil tha tih theihna rêng a nei lo va. Nun pawhinkhawvêl hnênah chhandamna huhâng a nei thei hek lo.”- Ellen G. White, Desire of Ages (Chatuan Nghahfâk),p. 425.

Thlêng dâr pahniha ei tûr chi hnih chhawpchhuah thû-ah khân lêt leh ila. Kan hmuh tâk ang khân,chî chauh kha kan ei tûr neih chhun a nih chuan ahuphurhawm hlê ang. Dik taka sawi phei chuan, chî eitam lutuk chu taksa tân pawh a hlauhawm hrim hrimbawk a. Chî chu amah ang ni lo thil dang nên chawhpawlhtûr a ni. Khawvêl mite ang chiah kan ni ve a nih erawhchuan khawvêlah hian danglamna kan thlen thei dâwnlo va. Engmah pêk tûr kan nei hek lo vang. Chi chu engatân mah tangkaina a awm lo mai dâwn a ni.

Krista hmangaihnaa tihtui kan nih erawh chuan,“pâwn lam mîte” nên “chhûng lam mîte” nih tlân kan loduh ang a, danglamna thlentu ni thei tûrin mi dangtenên kan awm ho vang. An nuna a tha zâwnga danglamnathlentu, leh mihring nuna thil pawimawh ber (Isuaachhandamna) lama hruaitu kan ni thei bawk dâwn a ni.

Deuteronomi 12:30, 31:20 leh Isaia 2:8 chhiarla. Hêng Bible chângte hian eng thil hlauhawm ngean sawi a, chutiang thanga kan awh vê loh nân chuanengtin nge kan invên fîmkhur hlê theih ang?

NILAINÎ July 27

LO NEITU NIH THU

Johana 4:35–38 chhiar la. Thlarau mannakawnga a tahtawl tê tê-a thil tih ngai awmte chu engnge ni le?

61 62

Loneitu hnâ chu thil chi hrang hrang inkawp a nia. Hna thenkhat chu buh seng hmâa thawh ngei ngeingaite a ni hlawm (Matthaia 9:35–38). LALPA lo in amamawh chu buh sengtute chauh an ni bîk lo va. Loneituchuan buh seng hun laiin a mi chhawrte hnênah, “Tûnhi buh seng hun a ni bawk a, chuvângin buh tuh kantan tûr a ni” a tih kan ring em? Buh seng hnâ chu reitak chhûng enkawl a nih hnuah chauh thawh a ni thîn ani.

Loneitute chuan buh chînna tûrin a leilung chuan buatsaih hmasa phawt thîn a, a chhan pawh leizawng zawng hi buh chîn nân a that vek nghâl mailoh vâng a ni (Matthaia 13:3–9 chhiar la). In kohhrankhân in khawtlânga “lei châr laite” chu ti nêm a,“lung” leh “hlîngte” thian fai tûrin engte nge tih theihin neih vê?

Hnathawktûte chuan buhseng hun a thlen hmâinhna hahthlâk tak tak an lo thawk tawh a, chutianga anthawh azârah chuan hnathawktu dangten rah an lo sengve thung thîn. A châng chuan chanchin tha puan darhhna thawhnaahte hian a hmunhmâ buatsaihna âiin rahseng lamah kan inhmang nasa mah mah thîn a. Mahsehetiang hi a ni tûr a ni lo. Tirhkohte an rawn lan a, rahseng tûr a awm beiseia thu an hril tan hmâ daihin, leichu lo buatsaih lâwk thin tûr a ni zâwk.

Buh seng hnâ chu a tahtawla thil chi hrang hrangtih ngai a ni tih kan hre tûr a ni: lei chu a that leh thatloh enfiah te, buh chîn theih nâna lei buatsaih te, buhchi tuh te, tui pêk te, lei tha pêk te, a ei chhetu rannungthah te, a puitling hun nghah te, buh seng te, leh seng

63 64

khawm sa dahthat te a ngai a.Buh seng chu hna hranghrang awm zînga pakhat vê mai a ni.

Kohhranah pawh hian “lo neih hnâ” tih hian a leithat leh that loh enfiah hna, entîr nân, rawng kan vabâwl tumna khawtlâng mamawh leh mihring awm zâtzir chian te, an khawtlâng hruaitûte nêna inkawm te pawha huam vek a. A hmunhmâ buatsaih hnâah pawhkhawtlâng mamawhte zirchianna atanga anmahni ngeipawhin an mamawh ngawih ngawih nia an hriatphuhrûksak te a tel thei ang a; chi tuh hnâ han tih hanseminar neih te, Bible zir hona neihpui te, leh pâwl hranghranga insiam te a huam thei bawk ang; chutiang zêlinruah (Thlarau Thianghlim) a lo sûr theih nâna tawngtaipawh thil tûl êm êm a ni bawk.

Vawi khat thawh huka man hi chu mi tlêm têchauh an ni a. Hna chi hrang hrangte hi a tahtawlathawkin kan châwm lian zêl ang a, seng theih tûra anhmin thlengin kan thawk char char tûr a ni. A kahpahatih zeuh zeuh ringawt kan tum a nih chuan, a seng hunhmâin an thi leh mai dâwn a ni.

Thlarau hneh hna chi hrang hrang awmah hiantûna i thawh ve mêk ni lo kha eng hna dang nge ithawh ve ang le?

NINGANÎ July 28

KOHHRAN DIN

Matthaia 10:5–10 chhiar la. Eng vângin nge Isuahian a zirtîrte chu engmah keng lova kan chhehvêlkhuaahte kal chhuak tûra a hrilh le?

Isua zirtîrten an mamawh tûr thil engmah kenglova an rawngbâwlna tûr khuaa luh tawp mai tura thu

an dawng hi a mak ang reng hlê mai. Mahse hetianghun harsaah hian Pathian rinchhana awm dân leh,rawngbâwlsakna hmanga a khaw mipuite nêna inthianthatna siam a pawimawhzia zirtîr a tum a ni tih erawh alang chiang hlê thung. Chutiang a nih chuan, anrawngbâwlna atâna an mamawh chu a nei tho tihna a nidâwn a ni.

Pastor Frank-a chu a bial mipuiten Adventist laawm mang lohna khawpui lian taka vêng pakhatahkohhran din tûrin an ngên a. A tîrah chuan hna tan tûrinsum leh pai pakhat mah a nei lo. Chutah chu khawpuimap chu a han en vêl a, kohhran phun an duhna lai vêlchu khawi nge tih leh mihring awm zât te chu a zir chiangphawt a. Tichuan a car chu chumi vênga hmun lûn laitak maiah chuan a han dah (park) tê tê a, mi chi hranghrangte chu kâwm kualin chu lai vêla an nunphung chua zâwt a. Politic lama an hruaitû te, sumdâwng mî te,vântlâng tâna hnathawk te chu tlawh chhuak vekin, chulai vêngin an mamawh berte chu eng nge tih a zâwt hlawma. Chu lai vênga chêng mi thenkhatte chu thianah a siama, chûng mîte chuan an khuaa mipui pâwl pakhat chuzawm vê tûrin an lo sâwm a. Chu pâwla a telna atangchuan Presbyterian biak in pêng pakhat chu luah atâna lo ruak reng a ni tih a hria a. Chu pâwl member-techuan rawng leina tûr pawisate an thawh khâwm a, churoom chu khawtlâng rawngbâwlna atâna hman atân cheithat an tum ta a.

Khawtlâng hruaitûte nêna an inkawmna atanginchumi vênga chêngten an mamawh ber nia an lo hriat vechu hrisêlna lam a ni a. Tichuan, Pastor Frank-a chuanthalai sâwm rual vêl a khâwm a, chu mîte nên chuanhrisêlna endikna program chi hrang hrang leh a enkawldamna lam an kalpui ta a. Chutianga rawn inentîrtechuan pawisa tlêm azâwng an châwi ve a, chumi chuan

an sênso tlêm azâwng a lo tum ve bawk a. Ni rei vak lohnû-ah chuan Branch Sabbath School hawn a ni a,khawtual mi thenkhatte pawh an rawn inkhâwm ve tanta bawk a.

Pastor Frank-a chuan kohhran phun dân kawngtha ber mai pakhat chu vântlâng mamawh phuhrûksakturawngbâwlna neih phawt mai a ni tih a hre ta thuai a -chu rawngbâwlna hmang chuan kohhran chu a thangzêl mai dâwn a ni. He an rawngbâwlna zârah hian member140 chuang zet awmna Seventh-day Adventist kohhranpakhat chu a din ta rêng a ni.

Pastor Frank-a chanchin hian khawtlâng thatnaatâna hna thawh chungchânga Isua zirtîrna hi kan zâwma nih phawt chuan, eng thil nge lo thleng thei tih a lantîra. Engtin nge Isua khân rawngbâwlna chungchânga azirtîrnate hi a lo nun chhuahpui ve le? Kâr leh lama kanzir leh tûr chu Krista rawngbâwl dân phung niin, chuchu “mipuite rawngbâwlsakna kawnga hlawhtlinna diktak thlentu tûr a ni.” - Ellen G. White, Ministry ofHealing (Tihdam Rawngbâwlna), p. 125.

ZIRTÂWPNÎ July 29

NGAIHTUAH ZUI TÛR: Hêng Bible châng, in khawtlângtâna nangmah leh in kohhranin tih tûr in neih vête Isuana sawina hi chhiar la: Matthaia 7:12; 23:23; 25:31–46;Marka 4:1–34; 6:1–13; Luka 6:36; 11:42; 12:13–21; 14:16–24; 16:13; 18:18–27;19:1–10; Johana 10:10; 12:8; 17:13–18. Tin, Ellen G. White-i lehkhabu, Chatuan Nghahfâk-a,“Hêng Ka Ûnau Tê Berte” (pp. 619-624) tih chhiar ni bawkse.

“Kohhran hi khawvêl êng a ni lo a nih chuan, thimchhah tak a ni tihna a ni ang.” - Ellen G. White, in Signs

65 66

H-5

of the Times, September 11, 1893. Ngaihtuah a va tithuiêm! Hei hian, “Tû pawh ka lama tang lo chu mi do a ni;tû pawh mi lâk khâwmpui lo chuan a tidarh a ni,”(Matthaia 12:30) tih thu Isuan a sawi kha min hriatchhuahtîr a. Isua hian a sawi chiang khawp mai: indonaropuiah chuan tuâldâwih awma awm a thiang lo va. Kristalama kan tang lo a nih vêk chuan Setana lamah kantang tal ang. Êng ropui tak kawng chunga engmah tih sîloh chu a nihna takah chuan êng do zâwnga hna thawktihna a ni a. Khawvêla êng ni tûra koh kan ni a; êng kanni lo a nih chuan thim kan ni tihna a ni. He thû a sawinachhan hi chu thil dang daih ni tho mah se, a sawi tumerawh thuhmun tho a ni: “Chutichuan, i chhûnga êngchu thim ni sela, thim chu a va nasa dâwn êm!” (Matthaia6:23). Heti hian khâikhâwm teh ang, “Tû pawh tam takan pêka hnênah chuan tam tak an phût ang; tû pawhtam tak an kawltîra hnênah chuan tam deuh an phûtang,” tiin (Luka 12:48).

SAWI HO TÛRTE:

@ Mi dangte hnena rawng kan bâwl theih nân engtinnge an zîngah kan khawsak ang? Khawvel mîte nênhian an tih ang ti ve sî lovin engtin nge an zîngahkan khawsak theih ang?@ Khawtlâng thila kan han tel ve chiah hian politicsa lo inrawlh ve nghâl thuai thîn a. A thu hrimin,harsatna chin fel kan tum, heng - retheihna, zirna,hriselna, leh a dang dangte pawh hi politics thila anthu inchuh lian tak a ni ve reng bawk sî. Engtin ngetan bîk lam nei sî lova kan duh chu kan tih tho theihang? Politics thilah hian kan inthiarfihlîm vek a theihlohna chin a awm ve mai thei a, chuvâng chuanpolitics thila intihbuaina lam chî rêng rênga kaninhnamhnawih vê loh nân eng tin nge kan invên theihang le?@ A lehlamah, khawtlâng tâna rawngbâwl tak tak tûrchuan politics huanga kan zuan luh a ngaih châng aawm ve tho em? A awm a nih chuan, eng kawngahte

67 68

ta a. Engmah hre lova let reng sî khân a kut chu nghettakin a rawn hmêr a, deacon pawh chuan a tawngtainachu Pathianin a lo hria a ni tih a hrethiam mai a. Mittuifar zung zung chungin pindan atang chuan a chhuak a,hmeichhe pakhat, “Kei hi a fanu ka ni a. Ka pa hian a longhâk reng che a. ‘Thla khat danah Isua a lo kal thîn a,ka kut hi a rawn vuan thîn a ni. Vawi khat tal Isua kutkha ka vawn leh phawt loh chuan ka thi duh rih lo,’ tiina sawi a ni” titu chu a va su chawrh mai a.” - Adaptedfrom The Least of These, a video produced by OldFashioned Pictures (2004). Used by permission.

Kristian sâkhua hi mi tute emaw tâna “Isua” nihchungchâng a ni a. Kan zirlai zir leh zêl tûrte hian Isuarawngbâwl dân phung leh a kohhranten a rawngbâwlnakan nunpui ve theih dân tûr lam a thlûr bing dâwn a ni.

SUNDAY July 31

KRISTA TIH DÂN CHAUH

Ellen G. White-i chuan mi dangte rawngbâwlsaknân leh chhandama an awm theih nâna Isua thil tihhrang hrangte a khâikhâwm a (Mat. 9:35, 36 en la).

“Krista tih dân chauh hi mîte rilru hneh theih dândik awm chhun chu a ni a. Chhandamtu chu mi zîngahan thatna tûr duhtu angin a khawsa vê a. Anmahni akhawngaih a ni tih tilangin, an mamawhte a phuhrûksaka, tichuan, an rin a hlawh hunah, ‘Mi zui rawh u’ tiin asâwm ta thîn a ni.” - Ellen G. White, Ministry of Healing(Tihdam Rawngbâwlna), p. 125.

Hei hi chîk deuh hlekin i han bih teh ang:1. Isua chu mîte zîngah an thatna tûr duhtu angin a

khawsa vê thîn (Inpawhna kawng a hawng).

ZIRLAI 6-NA JULY 30–AUGUST 5, 2016

ISUA CHU MÎTE ZÎNGAH A KHAWSA VE

CHÂNGVAWN: “Chhiahkhawntute leh mi sualte chuIsua thu ngaihthla tûrin an lo kalkhâwm a. Nimahsela Pharisaite lehdân thu zirtîrtûte chu, ‘He pa hian misualte a kâwm a, an zîngah châw te aei nia!’ tiin an phunnâwi a,” (Luka15:1, 2).


CHHIAR TÛRTE: Sâm 51:17; Matthaia 1:22, 23; 9:10–13; Luka 15:3–24; Johana 1:14; 1Johana 2:16; Filipi 2:13–15.

Kohhran pakhata deacon pakhat chu an kohhranthalaite nên tar enkawlna ina awmte inkhâwmpui tûrinan chhuak thîn a. A chawlhkâr hmasa berah chuanwheelchair-a thû putar pakhat chuan chu deacon kutchu inkhâwm chhûng zawng a chelh ta a. Chutiangchuan inkhâwmna an neih apiangin a ti zui ta zêl maia. Tum khat chu, an tih dân pangngaiin thalaiho chuzai hruai tûrin dawhsan lamah chuan an lo chhuak leha; mahse wheelchair-a thu thîn pa kha a awm ve ta hauhlo mai. Chumi hmuna hnathawkte chuan zâna inkhâwmchu a peih tawh lo niin an sawi a.

Deacon chu a room-ah a va kal nghâl vat a,engmah hre lovin a khumah chuan a lo let reng mai chuniin. Chutah putar kut chu vuan chungin chatuannunnaa hruai thleng tûrin LALPA hnênah a tawngtaisak

2. Isua chuan mîte a khawngaih (Inkûngkaihna aneihpui).

3. Isua chuan an mamawhte a phuhrûksak (Inkûng-kaihpuina bawk).

4. Hêng thil pathumte a tih avâng hian mîte rin a hlawhphah.

5. “Tichuan,‘Mi zui rawh u’ tiin a sâwm ta a (zirtîr nitûrin).

Heta kan hmuh hi engkim huap zo chanchin thaa ni a. He rawngbâwl dânphung hian chanchin tha chufamkim lehzuala puang thei tûrin min hruai dâwn a. Isuachuan khawtlâng thatna tûr thil tih (number 1-4) lehamah zui tûra mîte a sâwmna thu (number 5) hi a thenhrang ngai lo va, keini pawhin kan then hrang bîk tûr ani lo. Hêng rahbi hrang hrangte thawk tlâng hian“hlawhtlinna diktak” chu min pe dâwn a. Tûn kâr zirlaihi chuan Isua tih dâna a rahbi hmasa ber hi a thlûr bingdeuh ang a. Zirlai 7-11-te hian a dangte a thlûr zui vêthung ang.

Hêng Bible chângte hian Fapa Pathian chukeimahni zînga a rawn khawsak ve thu engtin nge ansawi hlawm le? Mathaia 1:22, 23; Johana 1:14.

Sual chuan min hliam thûkin, min tichhe nasaêm êm vek a. Nimahsela sual avânga thil kal dik lo zawngzawngte hi Isua rawngbâwlna huapzo tak kal tlangaPathianin mihringte a rawn rem lehna chuan a rawnching fel tawh. Ani chu mihringte zîngah rawn chêngve-in mi mal tin chu an pum puia an thatna tûr a duhsakni mai lovin, mihring zawng zawng thatna tûr pawh aduh êm êm a, Juda-ten “mi sual ber” nia an ngaihte pawhrawng a bâwlsak tho a ni.

69 70

Thil engkim siamtu Isua (Johana 1:3 en la), chuanmihring tîsâ ang pu ve-in suala tlu tawh mihringtezîngah a chêng a, an rawng a bâwlsak bawk tih thu hingaihtuah zui la. He thu mak tak mai, beiseinaa khatbawk sî hian mi dangte nêna kan chên ho dân tûr lehan rawng kan bâwlsakna kawngah engtiangin ngenghawng a neih ang?

THAWHTANNÎ August 1

HLOH LEH CHHAR

Luka 15-ah hian Pharisaite leh dân thu zirtîrtuten“mi sualte kâwm a, an zînga châw ei ve thîn” nia an puhnachhân nâna tehkhin thu pathum a sawite kan hmû a(Luka 15:2).

A hnuaia Bible chângte hi chhiar la, an puhnahrang hranga Isua chhânna chu eng nge ni tih hriattum ang che.

Luka 15:3–7_______________________________________Luka 15:8–10______________________________________Luka 15:11–24_____________________________________

Hêng tehkhin thu pathumte hi thil eng emawtihbo thû-in a intan theuh va, lawmna thû-in a tâwp lehtheuh bawk. Hei hian Pathianin chuan min hmangaiha, chhandama kan awm a duh hlê a ni tih a tilang.

Pastor pakhat chuan Voice of Prophecy programtuipui tak chhûngkua hi a vil a, chu mîte chhûngkua chuanBible zir hona neih pawh an duh a ni tih a hre zui leh ta zêla. An nu ber leh pa ber te bâkah, an fanu naupang

71 72

zâwk te chuan Krista chu pawmin pastor pawh chu anina lêng fo tûrin a duh a. An fapa erawh chu Kristiansâkhaw lakah a hel tlat mai a, a hnaihin a hnaih duh lohrim hrim a ni. Tlai tin hian pastor chuan a rawn tlawhziah a; mahse an fapa tleirâwl erawh chu Bible zirnaa atel ve duh loh avângin a chhuak bo daih zêl a. Hlim takleh hlâwk taka chawlhkâr ruk chhûng zet Bible an zirho hnû-ah pastor chuan a Bible zirtîr mi pathumte chubaptisma chang tûrin a sâwm ta a. Mahse thutlûkna ansiam hmâa thla tlêm tê tal an nghah rih a ngaih thû ansawi theuh va. Chutah an rin loh deuhin an fapa khaBible zir hona an neihna hmun an chaw ei pindanahchuan a rawn lût hlawl mai a, pastor-in inpeih nia a hriathun hunah baptisma chan nghâl a duh thu a rawn sawia. Pastor hova a chhûngten Bible an zir honaah khânzan khat chu a tel ve hman a, chumi hnû chuan lehkhabuhlui zawrhna dâwr atanga Bible a lei chu an sitting room-ah amahin a lo chhiar ve char char thîn a, a rilrû-ahchuan a rinna chu mi dangte hmâa puan ngei tûl niin alo hre ta a ni. Chawlhkâr hnih hnû-ah baptisma chuchantîr a ni a; thla khat hnû-ah a chhûngte pawhinthutlûkna siam felin an chang ve leh ta bawk. Tehkhinthu pathum kan chhiar tâkte kha ngaihtuah lêt leh ila,he mîte chhûngkaw thutlûkna siam avânga vân mîtelâwm dân tûr chu kan suangtuah thiam mai âwm e.

Isua kha tum nei rân chungin mi hrang hrang,entîr nân tuichhunchhuah bula Samari hmeichhia te,Rom sipai za hotu te, hmeichhe “sual tak,” a ke-a hriakrimtui leihbawtu te, leh an hming sawi lan ve lêm loh mi“tlâktlailo” tak tak, an zînga awm vê tûra Isua chuthianghlim lutuk nia ngaitûte biak phâk ngei tûrin a awmthîn a ni.

In kohhrana lâwi ve tlâk chiah lo nia i hriattehnênah khân thuhretu nih loh hrâm dân i zawng tawh

ngai em? Chûng “mi sual tak takte” chu pawm theitûrin nangmah leh in kohhran pawh khân engtin ngekhawngaihna tam tâwk in lo neih theih ang?

THAWHLEHNÎ August 2

MI SUALTE NÊNA CHÂW KÎL TLÂNGIN

Matthaia 9:10–13 chhiar la. Isuan amahsawisêltûte a chhân lêtna atang hian a mi mal angineng thuchah pawimawh tak nge kan chhar chhuahtheih ang? Hosea 6:6 chhiar bawk la.

Isuan vântlâng ngaiha “kawm tlâk loh tak tak” nitûrte nên châw ei ho tûrin dawhkân chu a kîl ta a.

In hnam emaw, khawtlâng emaw khân “kawmtlâk loh” nia a hriatte chu eng ang mite nge ni ve?

Mi hmuhsitawm tak takte nêna thil an ti ho thînchu âwm ang lo tiin Pharisai-te chuan an sawisêl a. Chuan sawisêlna chu Isua khân a helh ve hlê ni tûr a ni,inthâwina ni lovin khawngaihna awmzia zâwk chu zirtîrtûrin a hrilh ta zêk mai a ni. “‘Inthâwina ni lovin,khawngaihna zâwk a ni ka duh,” tih hi a awmzia va zirrawh u. Mi fel takte lam tûra lo kal ka ni lo va, mi sualtesimtîr tûr zâwka lo kal ka ni asîn,’ a ti a,”(Mat. 9:13, NKJV).Sâkhaw hruaitûte chu an thurina a pawimawh berte zîngapakhat zir thar leh tûra Isuan a hrilh an ngai hi alungchhiatthlâk hlê a ni.

Hetah pawh hian Thuthlung Hlui hunlaia hasatnathleng ang tho kha kan hmu leh a, mipui rilrû-ah sâkhawbiak dân leh serh leh sâng thilte chu mi dangte chungaan chêt dân âiin a pawimawh zâwk tlat a. A sawi tum tak

sawi nâna Thuthlung Hlui thu a lâk chhuah dân te hi angaihnawm a nia (Hos. 6:6).

“Matthaia ina châw a ei tuma Kristan a hauh hrepPharisai-hote thil tihsual ang kha tûnah pawh hian mitam takin an tisual a ni. Mi tam tak chuan ngaihdânvawn ngheh tlur mai an neihte chu thlah âiin engte Pâatanga lo chhuk thutak lo hnâwl chu an thlang zâwk a.Anmahni rinna leh finnaah an innghat a, chutih laiinthlarau lama an pachhiatzia erawh an hre sî lo. . . .

“Mahni thiam inchantîr tumna rilru pu chungachaw nghei leh tawngtai chu Pathian ngaihah chuanhuatthlala tak mai a ni.” -Ellen G. White, Desire of Ages(Chatuan Nghahfâk), p. 259.

Keimahnî tehfung siam hmanga mi dangte thiltihlo rêlsak mai hi a âwl khawp mai a. Mahse inngaihtlâwmtaka mahni indah that a, Thlarau Thianghlim chukhawngaihna lanchhuahtîr phalsak dân kan zir ngei angai a ni.

Sâm 51:17 hian kan zavaia hnênah eng thu ngea sawi? Engtiangin nge keimahni sualna kan hriatnahian he thuin a sawi awmzia hi hrethiam thei tûrinmin puih le?

NILAINÎ August 3

FING TAKA THIL TI HOVIN

Thuhriltu pakhat chuan a thusawi ngaihthlatûtechu “Adventist ni lo thian” eng zât nge an neih hlawm azâwt a. Tlar hnung lama thû mi pakhat chu intithei takalo ding chhuakin, “Kei chuan pakhat mah ka nei lo tihka puang e!” tiin a chhâng a. He pa hian a sawi dik ngeipawhin a rinawm; mahse a thusawi hian khawvêl hnênah

73 74

eng ang êng nge a nih tih erawh a tilang chiang hlêthung a ni.

Kan hmuh tawh ang khân Matthaia 5:13 hian leichî kan nih thu a sawi a; mahse he chî hian a alna a hlohthei ve tlat. Sidon rama sumdâwng pakhat chuan a chîkhâr khâwm sa chu lei chhuatah a dah vûm nghek maia. Mahse chi chu lei nêna inhne reng a nih avângin aalna zawng zawng a hloh vek a. Tichuan a dah khâwmnain atang chuan an thiar chhuak a, kawng chhuat phahahan hmang ta ngawt mai a ni. Khawvêl nêna kan inchiahpiahna kawngah pawh hian kan fîmkhur hlê a ngai thîn:kan alna danglam tak mai hi khawvêl kan inrawktîr dâwnem? Kan ngaihhlut zâwngte hi khawvêl ngaihhlut zâwngnên a inang rêng em?

Hêng thawnthu hrang hrangte atang hiankhawvêl nêna inchiahpiah loh thû-ah eng nge kan zirtheih awm le? Genesis 13:5–13, 19:12–26; Number 25:1–3; 1 Johana 2:16.

Hêng thawnthûte hian 1 Johana 2:16-in a sawikhawvêl dân anga nungte nêna kan awm hona kawngahkan fîmkhur a ngaihzia an sawi a. ‘Fîmkhur vak a tûlnaa awm lo’ kan ti a ni emaw, suala tlu tawh khawvêl dânanga awm ve chu a hlauhawmna a awm hran em ni kantih a nih chuan, keimahni kan inbum tihna a ni ang.Chutih rual chuan, kan kawng zawhten a tha lo zâwngamin nghawng kan hlauh avâng ngawtin mi dangte pawhtheih loh tûrin inkhârkhîp ta tlat mai ila, mi dangte tâneng nge kan thatna awm bîk chuang ang?

He thurâwn fing leh inbûktâwk tak hi lochhinchhiah la: “Kristiana inchhâlte hian Kristian ni vêlote nêna thil tih ho leh inbiak tawn pawh an duh miahlo tûr a ni em? Ni lo ve. Khawvêlah hian khawvêl mî ni sîlo, an kawng zawh angte chu zawh vê lo, anmahni chu

75 76

awt lo, an tih lang leh thil chîn te chu ti vê tûra an rilruhawng lovin, an awm tlâng zâwk tûr a ni. Anni nêna thilan tih hona rêng rêng chu Krista hnêna mi dangte hruaitheihna tûr kawng a ni zêl tûr a ni.” - Ellen G. White,Selected Messages, book 3, p. 231.

Adventist ni lo thian eng zât nge i neih ve?Chu mîte nêna inthianthatna chu eng ang nge ni?Anmahni chu i hmin deuh zâwk nge ni a, anmahni’nan hmin deuh zâwk che?

NINGANÎ August 4

CHHUAN BENGTLALO HOTE ZÎNGAH

Khawvêl hian Kristaa Pathian min pêk ang hi amamawh a ni tih a chiang khawp mai a. Keimahniah hichuan kan thil neih min tihlu êm êm tûr engmah a awmhran lo. Krista hnên atanga thupêk kan dawn - mi dangterawngbâwlsak tûr kan nihna avâng chauhva hlû kan nia. Chutiang taka thilpêk ropui chu kan dawn avângin anei vê lote hnêna pe chhâwng vê zêl tûra koh kan ni rênga ni. “A thlâwnin in dawng a, a thlâwnin pe vê ang cheu,” tih ang khân (Mat. 10:8, NKJV).

Filipi 2:13–15 chhiar la. Hetah hian eng thilnge min hrilh a, a thil sawi chu mi dangte hnênarawngbâwl tûra koh kan nihnaah hian engtiangin nge ainrem viau le?

Khawvêl laka him kan tum luatah khawvêlamihring awmte nêna inbe pawh miah lo khawpa kan awma hlauhawm vê tho mai. Mahni thlarau chan leh Pathianthu pawm dân nghet neih sa huang chhûngah hianlungmuan taka awm a, thlarau lama inkhârkhip tlat minih a awl hlê. Chutianga inkhârkhîp tlatna chu mahnichauh indah pawimawhna sâkhuaah a inlet hlauh thei

lehnghâl. Entîrna nân, tual chhûng kohhran thenkhattepawh hi Pathian biak inkhâwm kalpui dân tûrah leh,thurin chungchângah an inbei tawn fo mai a, khawvêlthi mêk hnêna chanchin tha hril lam chu an theihnghilhtitih dêr thung sî.

Robert Linthicum-a chuan a lehkhabu ziahEmpowering the Poor (pp. 21–30)-ah chuan kohhran chithum a sawi a: (1) Khawpuia awm kohhran. He kohhranhian vêng chhûng mî leh sâte nên inpawhna an nei lotluk a ni a. Kohhranin a buaipui ber pawh an member-temamawh phuhrûksak a ni bawk. (2) Khawpui hnênakohhran. He kohhhran hi chuan khawtlâng tânarawngbâwlnaah a inhmang tûr a ni tih a hria a. Khawtlângmamawh nia a hriat chu anmahni pawh râwn chuanglovin a thawk mawp mawp mai thîn. “Khawtlâng tân” tiineng eng emaw a ti a; mahse a rawngbâwlna chu khawtualmîten an ta neih miau loh avângin an tân hlutna vak anei hran lo. (3) Khawpui tân/nên kohhran. He kohhranhi chuan rawng a bâwlsakte harsatna a hriatthiam theihnân an dinhmun zir chianna a nei a. Member-te chukhawtlâng hruaitûte leh mipuite nên an inkâwm tlâng a,an mamawhte an zâwt thîn a. An hnathawh chukhawtlâng miten thlâwp avâng leh an rin ngam tlatavângin ngaihthlut a hlawh êm êm a ni. Khaw chhûngmîte chu an duh ang khawtlâng siamna kawngah an theihang angin an thawhpui ve a. Khaw chhûnga pâwl hranghrang awmahte chuan inhmangin, mamawh an nihnalai apiangah an inpe nghâl zêl a. Chutianga neitu rilruan put tlân tlat avâng chuan tha takin a thawk ho thei a,an mamawhte pawh an lo nei ta thîn a ni.

ZIRTÂWPNÎ August 5Ngaihtuah zui tûr: Ellen G. White-i lehkhabu ziah,Tihdam Rawngbâwlna-a, “Kan Entawn Tûr,” tih (pp. 7–

19) leh Chatuan Nghahfâk-a “Levia Matthaia” tih (pp. 251-260) te chhiar la.

Kohhran chu mahnî tân chauhva inhmang lovin,khawvêl tân pawh a thawk tûr a ni. Mi dangte tânarawngbâwl tûra din a ni a. Kohhran pakhat (Adventist nilo) chuan an biak in panna kawng tâwp, kawngpui vapawhna tûr lai takah hian hê thuziak: “ChhiahhlawhteLuhna Kawngkâ” tih hi an târ a ni. A sawi tum chu achiang mai a ni lo’m ni?

Isua kha mîte chênchilh thîntu ropui tak a ni a,amah ang kha tûnlaia Pathian kohhran pawh hi kan nivê tûr a nih tih Ellen White-i chuan a sawi.

“Sazupuite pianthartîr tûra rawngbâwlna nei tûrinthlalêr hmuna bibo daih tûra kohna a awm lo. LALPÂ

zâwlneiin kohna zahawm tak a siam chu, Isua angin miduhawm lo te, rethei pachhia te, leh mi bote zînga khawsatûrin a ni. Ani chu misualte thian a ni a. Anintihhlimnaahte telpuiin, an awmna hmun apiangah apan thîn. Isuan A rinna a hnûkhniam ngai lo, mahse misualte awmna hmuna kal chu A nuam tihzâwng tak a nithung. Isuâ kianga lungmuang taka awm thînte chu misualte an ni a, mi thianghlim an tihte erawh chu ngaihngam lo ber berte an ni sî. Ani chuan tum bulfûk tak Aneih sâ avângin chutiang lam chu a ngaihtuah vê lo. Chûchu a lo kal chhan a ni a, mi thianghlimte chuan lobuaiphah deuh dâwn pawh ni se, keinî rawngbâwlna pawhchutiang chu a ni vê tûr a ni. . . .

“Adventist-te hi kan sahimna leh kan thlamuannahmunah rei tak chhûng kan lo inkhunghrang tawh thîna, keimahni lo chu mi dang tû mah khawvêlah hian anawm vê lo emaw kan ti ni tûr a ni. Chumi hun chu tûnahchuan a tâwp tawh a. Chutiang rin dân dik lo deuh maichu kan nei thei tawh lo va, kan nei ngam tawh bawkhek lo. A mi mal leh a kohhran ang pawhin khawtlâng hi

77 78

kan luhchilh ve a hun tawh a ni.” - Russell Burrill, Howto Grow an Adventist Church (Fallbrook, Calif.: HartBooks, 2009), p. 50.

SAWI HO TÛRTE:

@ Keimahni hlang chauhva inkhûrkhung tlatna hi“rin dân dik lo” a ni tih thû hi sawi ho ula. A thûhi a khawng lutuk em, nge a dik chiah zâwk? Adik a nih chuan, i chhânna pui tûrin Bible chângtanchhan tûr in nei em?

@ Rawngbâwl tûr chuan mi dangte nêna thil tih hongai tho mah se, eng vângin nge kohhranchhûngkua atanga puihna leh an rinngam nih chuthil pawimawh tak, kan ngaihthah theih miah loha nih sî le? Engtin nge kohhran kan nihna anghian khawvêl mîte tih ang ti vê sî lova khawvêlmîte rawngbâwlsak kan tumna kawngah hian kaninpuih tawn theih ang?

@ Kohhran thenkhat chu chêt chhuah nâna inhmanglovin, anmahni chhûngkaw buaina hrang hrangahan inhmang nasa zâwk tih thu hi sawi ho ula. Hethang hlauhawm tak hi engtin nge kan pumpelhtheih ang?

* * *

79 80

ZIRLAI 7-NA AUGUST 6–12, 2016

ISUAN AN THATNA TÛR A DUHSAK

CHÂNGVAWN: “Aw Jerusalem, Jerusalem, zâwlneitethattu, i hnêna an rawn tirhte lungalo dênghlumtu, arpuiin a notê a thlahnuaia a awm awp khâwm angin i fâtevawi eng zât nge awp khâwm ka tumkha! Nimahsela in duh sî lo,” (Matthaia23:37).

SABBATH CHAWHNU August 6

CHHIAR TÛRTE: Jona 3:4–4:6; Matthaia 5:43–47; Marka8:22–25; Luka 19:38–42; 1 Korin 13;Filipi 2:3–5; Jakoba 2:14–17.

Sabbath zînga Sabbath Sikul inkhâwm lai leh DivineService neih lai laite hian naupang rahtleng (skateboard)chuangte chu Seventh-day Adventist kohhraninkhâwmna in kawngkhârpui zâwnah an rawn tleng fuafua zêl mai a.

Eng vâng nge? A chhan chu he kohhran hinaupang rahtleng chuanna hmun bul maia awmcommunity youth centre building-a an inkhâwm vâng ani a. Hêng naupang rahtlenga chuangte hi ninawm i lo tia nih chuan, ngaihtuah tha leh ang che.

Thalaite zînga thil sual ti pung zêl tûr danna atânan khawpuia thuneitute chuan he park hi an din a, hehmunah hian thalaite chu infiamna thianghlim chi hranghrang tiin an hun âwl an rawn hmang thîn dâwn a ni.Youth centre leh rahtleng chuanna hmun te an siam zawh

hnû chuan, an khaw hotute chuan community youthcentre building-a Pathian chibai bûk inkhâwmna neithîn tûr kohhran pakhat awm se an ti a. Chutiangainkhâwmna a awm chuan park rawn hmangtu thalaitehnênah a tha zâwngin huhâng a neih theih an beisei a.Tichuan, Kristian kohhran pâwl hrang hrang hnênahsâwmna an pê a; mahse pakhat chiahin an lo pawm a,chu kohhran chu Inrinni zînga Sabbath Sikul leh Pathianbiak inkhâwm nei thîn an ni.

Chu Adventist kohhran member-te chu youthcentre-a an insawn dâwn avângin an phûr hlê mai a, achhan chu hêng rahtleng chuang thînte hi chanchinatha hrilh an lo duh êm êm thinte kha an nih vâng a ni.

He khuaa kohhranin “kohhran” awmzia anhrilhfiah dân chu: mahni tân ni lova mipui awm khâwmtih a ni tawp mai. Hê an hrilhfiahna hi kan kohhran zawngzawngte hrilhfiahna pawh a ni ve tûr a ni.

SUNDAY August 7

NINEVI KHAWPUIAH JONA

Jona 3:4–4:6 chhiar la. He zâwlnei hianngaihdân dik lo tak mai a neih chu eng nge ni?

Zâwlnei Jona chuan Ninevi khawpui ropui takchhak lampangah chuan thuthmun a rem a. Pathianinan chhiatna tûr thu sawi tûra a hrilh chu a puang zotawh a. A zinkawng a han chhui lêt a, Ninevi khawpuia akal hrehzia te, a ni lo lama a kal tâk daih dân te, Pathianina hnâ thawk tûra a ûm zui ngat ngat dân te, sanghakawchhûnga ni thum chhûng zet awm dân te, leh chumihnû-a khawmuala a lo chhuah leh tâk hlawl dân zawngzawng te chu a ngaihtuah a. Eng vângin nge khâng thiltekha a thlen le? Hêng mi zahpuiawm tak takte hi an sual

hawisantîr a, a chunga a khawngaihna lantîr tûrin Pathianina duh a ni lo’m ni? Mîte chuan an sual an sim ta chêng a,Jona erawh chuan phatsan hlawh niin a inhre tlat maithung sî. Mualpho taka awmtîr niin a inngai a. A beiseileh duh ber chu he Pathian dik pawh hre lohote khawpui,mihring 120,000 zet mai an awmna hi tihboral vek nise, chu chuan Pathianin a mîte a duhsak bîkzia lehNinevi khawpuia chêngte a hua chu a lo tidik a ni tih atilang dâwn a ni.

Luka 19:38–42 chhiar la. Hemi tum hian engthil nge thleng a, Jerusalem khawpui chunga Isuâ rilruput hmang chu eng nge ni?

Jona thih hnû kum kum zariat vêlah Isua chuansabengtung no chunga chuangin Jerusalem lam a rawnpan a. “LALPA hminga Lal lo kal chu fakin awm rawh se,vânah remthu lêng sela, chungnung berah khian ropuinaawm rawh se” tia amah lâwma mipui âu thâwmte chuhriat a ni a. Jerusalem khawpui lan theihna tlâng chhîpa thlen chuan a ding a, “Aw, nang lul hian tûn chhûnghian thlamuanna tûr thu hi lo hre hrâm la!” (Luka 19:42)tiin a tap ta hawm hawm mai a.

Jona nên chuan an inang lo hlê mai. Jona khachuan hreh tak chungin Pathian thû a zâwm a, Ninevikhawpuia chêngte thatna tûr kha a ngaituahtuahtehchiam lo. Isua erawh chuan Jerusalem khawpui chua thinlung takin a vei a; chhandamna pêk a tum chu lochang vê hrâm se a duh êm êm a ni.

Khawpui pahnih: Ninevi leh Jerusalem. Thuhriltupahnih: Jona leh Isua. An danglamna chu sawi sawi ngailova chiang sâ a ni. Isua chuan mahni hmasialna tel lo,mi dangte ngaihsakna leh an thatna tûr ngaihtuahpuinarilrû a pû a. Keini pawh hian, Pathian khawngaihna

81 82

azârah Isuan bo tawhte chunga a rilru put ang hi i pu vêang u.

Engtin nge mahni hmasialna hian mi dangtenchhandamna an chan ve theihna tûr kawng ngaihtuahmiah lo mî-ah mi a siam theih thin le?


“THO” DÂN CHU

Phâr pakhat chuan Isua rawn panin tihdam a ngên a.Vântlâng ngaihdânah chuan he pa hi khung hran tûr ani. Mahse mi thianghlim Isua chuan a khawih a, atithianghlim ta tho va (Mat. 8:1–4). Petera chuan Isua chua chungthû an rêl laiin vawi thum ngawt mai a phat a(Johana 18). Thlân atanga a thawhleh hnû khân Peterarilru chu a hriat chian êm avângin a rawngbâwl tûrin ala lût leh ta tho va (Johana 21). Korinth khuaa Pathiankohhran khân Paula thuneihna leh a huhâng neih chuan lâwm lo hlê mai a; mahse Paula chuan an rawng abâwlsak tho a nih kha (2 Korinth 12:14, 15).

He “tho” emaw, “nachungin” emaw dân hi anthatna tûr duhtu nungchang târlan nân chuan thil tûltak a ni.

“Tûnah hian boral mai tûr mihring, hriat lohnaleh sual khaidiatin a phuar beh, Kristan a hmangaih a nitih pawh la hre ngai miah lo maktaduai tam tak an awma. Kan dinhmun hi inthleng ta ila, kan tân eng nge ti sekan duh ang le? Kan tâna ti se kan tih zawng zawngtechu kan theih zâwng a nih phawt chuan an tân ti ngeitûrin mawhphurhna khûn tak kan nei. Krista nunnatehfung, rorêlna nî a thlen huna thiam min chantîrtu tûremaw, thiam loh min chantîrtu tûr emaw chu, ‘Thilengkim miin in chunga an tiha in duh tûr ang apiang

H-6

chu mi chungah pawh ti vê rawh u’ tih kha a ni ang.” -Ellen G. White, Desire of Ages (Chatuan Nghahfâk),p. 623.

He “dân rangkachak” hi keimahni hlâwkna tûr ni lovarawng kan bâwlsak tûrte \hatna tûr ngaihtuahtûte rilruputhmang innghahna chu a ni.

Matthaia 5:43–47; Luka 6:27, 35; 23:34 chhiarla. Hetah hian mi danglam deuh tûte emaw chungakan rilru puthmang tûr chungchângah eng thupawimawh tak nge Isua min hmuhtîr le?

Isua chuan mi hawtûte leh kan hmêlmâte ngeipawh hmangaihna leh ngilneihna lantîr tho tûrin minsâwm a. Isua chuan hêng thiltihte leh rilru puthmangtehi Pathian nungchang nên a sawi zawm a.“Amaherawhchu, in hmêlmâte hmangaih ula, an thatnatûrin ti ula, pûktîr rawh u, beidawng hauh lovin, tichuanin lâwmman a tam ang a, Chungnungbera fâte in ni bawkang; ani chuan mi lâwm nachâng hre lote leh mi sualte akhawngaih thîn,” (Luka 6:35).

Pathian chu “mi lâwm nachâng hre lote leh misualte chungah” a ngilneihna a lantîr tih thu hiengtiangin kan hriatthiam ang? (Entîr nân, engtin ngehei hian, “Eng vângin nge mi sualte hi an hmuingîlthûr thûr le?” tih zawhna ang te hi a chhân). Engtinnge Rom 2:4 pawh hian a chhânna pakhat chu minpêk le?


HMANGAIHNA CHUAN A TIBEIDAWNG NGAI LO

Isua ngaihdân chuan thupêk ropui ber pahnihtechu Pathian kan hmangaih tûr a ni tih leh, kan vêngte

kan hmangaih tûr a ni tih hi a ni a (Luka 10:27, 28). Tûtenge kan vêngte chu ni tih pawh min kawhhmuh tawhbawk (Luka 10:29–37). Isua nun kha, a pian atanga athih thleng khân Pathian hmangaihna thianghlimtârlanna a ni tih pawh hi sawi leh chuan ngai lo khawpachiang sa a ni a, Amah Pathian ngei pawh chuhmangaihna a ni bawk (1 Johana 4:16). ChuvânginPathian nungchang chu kan lantîr dâwn a nih a, midangte hnêna Pathian nihna dik tak leh eng ang nge anih tih kan târlang dâwn a nih chuan, anmahni chu kanhmangaih mai tûr a ni.

Kawng dang deuhin han ngaihtuah chhin teh ang.Mi thenkhatin Isua leh Kristian sâkhua hrim hrimhnâwlna atâna “chhuanlam” an hman thin langsâr takpakhat chu Kristian nia inchhâlte hi zuk ni tlat a.

Hun kal tawhah a ni emaw, tûnlai hunah ngeipawh ni se, “Kristiana” inchhâl tûten emaw thilrâpthlâk tak tak, Isua hming chhâl lehnghâla an tihsawi tûr i hria em? Chutiang chu a thleng dâwn tihDaniela lehkhabu (Dan. 7:24, 25; Rom 2:24) pawh hianmin hrilh rêng lo vem ni?

Hmân atâ tawh vawiin thlenga mi tam takinKristian sâkhua hrim hrim an hnaih duh miah lo maipawh hi a mak hran vak lo. Chuvângin mi dangte hnênahKrista chu keimahni nun ngei hmanga puangchhuak tûrkan nih thû pawh hi hmânlai âiin tûnah chuan a chakzâwk tawh tûr a ni rêng a. Mahse chu chu amah Isuangeiin a lo lan chhuahtîr thin hmangaihna ang khakeimahni nuna kan lanchhuahtîr vêna âia thawk nasazâwk tûr engmah a awm lo va ni.

1 Korinth 13 chhiar la. Paulan hmangaihna chueng nge nia a sawi? Hmangaihna ni lo nia a sawi chueng nge ni? Hmangaihnain a tih loh a sawite chu engnge? A tâwi zâwngin, engtiangin nge hmangaihna chu

83 84

keini Kristiante hian kan nunah kan lan chhuahtîr anga, engtiangin nge hmangaihna chu kan khawtlângathuhretu kan nihna tûrah kan hman tangkai theihang? Chu âi pawha pawimawh zâwk chu, hetianghmangaihna târlang thei tûr hian eng nge thlâkdanglam ngai i neih le?

NILÂINÎ August 10

KHAWIH NAWN LEHNA CHU

Marka 8:22–25 chhiar la. Isuan vawi khat akhawihnaah khân mitdel kha a dam nghâl hmiah love tlat mai a, heta tang hian thlarau lam zirlai eng ngezir theih kan neih le?

Midel mita chil a “chhâk” hnû khân Isua chuan achungah kut a nghat a, “Khua i hmu thei em?” tiin azâwt a nih kha (Marka 8:23). Eng vângin nge Isua khân amitah chil a “chhâk” kher le? Hmasâng mîte thuziakpakhatah chuan doctor-ten damlo enkawl nâna chil anhman thin thu a lo inziak ve a. Hemi tuma thilmak thlenghi a hmâ deuhva Dekapoli biala bengngawng tawng theilo tihdam (Marka 7:31–37 chhiar la) nên pawh khân ainanna lai a awm a. Amaherawhchu, mi a tihdam dangzawng zawngte ang lo takin he mitdel tihdamna hi chutum hnih thawh a ni tlat mai.

Marka 8:23, 24 hi chhiar nawn leh la. “Khua ihmu thei em?” tia Isuan a zawhna a chhânna hiengtiangin nge kan lo hriathiam?

“Mihring ka hmû a; mahse thingkûng kal anginka hmû” (Marka 8:24, NIV) tiin a chhâng a. Chumi awmziachu, mihringte chu an chêt avângin thing nên a thliarhrang thei tihna a ni. Engtin nge he thil thleng hi keimahninunah kan lâk luh vê theih ang? Hetiang deuh hian sawi

85 86

ta ila, Isuan thlarau lam thil hmuh theihna min pêk tawhhnû-ah pawh kan nihna tûr ang tak chu kan la ni pharih chuang lo va. Mihringte chu “thingkûng” ang te, thildang ang tein kan la hmu tho a ni mai thei. Chumi awmziachu an rawng kan bâwlsak tûrte chu an nihna dik takleh an mamawh kan la hmuhsak thei tlat lo tihna a ni a.Kan kohhran rawn zawm vê se chu kan duh a, kanbaptisma chantîr zât titamtu atân leh kan hming tithatuatân mai mai kan ti a ni mai thei. Chutiang mahnihmasialna rilrû nêna entute kohhranah chuan mi an awmpeih lo a ni.

Marka 8:25 hi chhiar nawn leh la. Eng vânginnge Isua hian he mitdel hi tidam tak tak tûrin vawihnih a khawih kher ni ang le?

He mitdel a tihdam hmâ chiah hian mitdel dânchi danga mitdel a zirtîrte chu, “Pharisaite dâwidim lehHeroda dâwidim lakah chuan invêng rawh u,” (Marka8:15) tia a sawi awmzia an hriatthiam loh avângin a lokamkhat deuh hlek tawh a. Lawnga an awm chhûnga antla tâwk tûr chhang an neih loh vânga chu thu chu sawiemaw an ti a. Chutah Isua chuan, “Mit nei reng sîin inhmu lo vem ni?” (Marka 8:18, NIV) a ti ta a ni.

Kohhran huang pâwna mîte chauhin Isua damnakut chu an mamawh a ni lo va. Kohhran chhûngah ngeipawh hian mitdelna chu a awm vê tho a ni. Kohhranmember khawhmuh fiah fak lo, number leh hmanruaanga mihring hmu tlat thînte chuan Kristaa nau piangthar tam takte chu biak in hnunglam kawngkhârah anpût chhuak leh a ni tih an hre miah lo va, a ngaihsakpawh an ngaihsak lo hrim hrim bawk. Hêng mîte hianthil engkim fiah taka hmuh a, Isua a hmangaih anga midangte pawh an hmangaih vê theih nân a khawih nawnleh an mamawh a ni.

87 88

NINGANÎ August 11

MI DANGTE DAH PAWIMAWHTU KOHHRAN CHU

“Mahni hmasial avâng leh chopona avângin engthil mah ti lo ula. Chu âi chuan inngaitlâwm takchungin mi dangte chu nangmahni âia tha zâwkahngai ula, nangmahni tâna tha tûr chauh en lovin, midang thatna tûr pawh en theuh zâwk thîn ang che u.In-inlaichîn tawnna thû-ah chuan, Krista Isua rilruput hmang ang kha nei vê rawh u,” (Filipi 2:3–5, NIV).

Leia a awm lai khân Isua chuan amah ainngaihtuah chang ngai lo va. A tum ber chu mi dangtethatna tûr tihsak a ni tawp mai. A rawngbawlna zîngatam tak kha chu a thil tih lai mêk an rawn tihkhaihlâkavânga a tihte a ni hlawm a, entîr nân Jairan a fanudamlo thi mai tûr tidam tûra a ina kal atâna a rawn ngênte kha. Chumi ti tûra a kal mêk lai chuan hmeichhepakhat, kum 12 chhûng zet thî pût reh thei lovin a lotikhaihlak leh chhâwng bawk a nih kha (Marka 5:21–43chhiar la).

Krista kohhran hi he leia Kristâ thinlung leh kuttea ni a. Isua chuan thil dang zawng âiin mihringte ahmangaih zâwk a, a kohhran ni tak tak chuan a tih angkhân a ti vê ngei ang.

Kohhrante chuan remruatna leh tihhlawhtlin tumeng eng emaw an nei ang, chu chu thil tha tak pawh a ni.Mahse thu delh kilh engmah awm lova mihringtehmangaihna chuan thiltum lâwk kan lo neih, a bîk takinmi dangte hnêna Pathian hmangaihna kan lantîrna tûrkawng dâl theitu tûr ang chîte lak atanga min hruaichhuah daih châng a awm dâwn a. Kohhran tam tak

chuan baptisma chantîr hi thupui berah an nei a.Baptisma chantîr chu a ropui thlâwt. Baptisma chantîrchu Matthaia 28:19-a thupêk kan hmuh hlenchhuahnaa ni bawk. Nimahsela, in kohhranin baptisma chantîr inphûr êm êmna chhan kha eng nge ni? Mahni hmasialnavâng a ni em? Kohhran hmêl tihmâwina tûr leh, pastorhming tihthatna tûr em ni? Nge ni a, in kohhran chuanin khua/vênga mîte chu Krista pawm avânga nun tam loawm thei (Johana 10:10) chu chang vê se, an tâna thaber tûrin in duhsak avângin pêk a tum zawng zawng chulo pawm vek tûra in duh tak tak vâng zâwk le?

Kohhran pakhat chuan khawpui pakhata vêngtlabirh deuh laiah hian chu lai vêla chêngten an mamawhêm êm satui hâng siamna hmun an siam a. Ni rei vak lohnuah an pastor chuan, “He satui hâng siamna hmun hikhâr ang u, heta tang hian baptisma chang pakhat mahkan nei sî lo,” a ti a. Kohhran dang pakhat chuan biak inthar mâwi tak an sa zo chiah a. An chhuang êm êm mailehnghâl a. An pastor-in khaw chhûng mîte chu anbiakina lo lût a, Vacation Bible School (VBS) leh hrisêlnaendikna an neih thinte chu rawn chhim ve se tia rawta ahan siam chuan, an ngaihtuahnaa lo lût hmasa ber chuan chhuat phah (carpet) thar chu a bâl ang a, a thlêrpalh ang tih a ni. An inthiarna hmun thar siamte chu ahmêlhem ang tih te an hlau va. Hêng kohhran pahnihtethil tih dân hi rahtleng khalhna hmun bula awm kohhrannên khân khaikhin ang che.

Filipi 2:3-5 kha chhiar nawn leh la. Engtiangtakin nge mi dangte chunga i rilru puthmang a târlanle? Kan nuna hetiang nungchang hi târlan a nihtheihna tûra tûl êm êm, mahni inthihsanna chu engtinnge a taka chan dân kan lo zir theih ang?

ZIRTÂWPNÎ August 12

NGAIHTUAH ZUI TÛR: Ellen G. White-i lehkhabu,Tihdam Rawngbawlna-a, “Kan Entawn Tûr” (pp. 7–19)tih te; Chatuan Nghahfâk-a, “Kawng Khat I La Bâk E”(pp. 499-504) tih te chhiar ni se.

“Mi tinte hnên kan thleng dâwn a nih chuan anawmna hmunah kan va pan a ngai a; anmahni duhthuchuan min rawn pan ngai lo vang. Pulpit tlâng atangchauh hian Pathian thutak hmangin mi thinlung khawihtheih a ni lo va. Krista kha chuan mîte chu an thatna tûrduhtu anga an zînga kalin an rilru a chawk tho va. An nîtin hnathawhna hmunah va kal chilhin, an thil lobuaipuite chu a tuipui ve tak tak a ni tih a takin a lant$rthin.” - Ellen G. White, My Life Today, p. 186.

Mi tam tak hi chuan a chhan hrang hrang avângin,“anmahni duhthû chuan min rawn pan mang mang dâwnlo” tih thu hi a va dik êm! Isua chu leiah a lo chhuk a,kan awmna hmunah min rawn pan ang chiah hian midangte tân pawh kan tih vê a ngai a. Hei hi eng emawchenah chuan thil harsa vak tûr pawh a ni hran lo. A chhanchu mamawh nei leh tanpui ngai tak tak an awm a. Hekhawvêl hi hmun chhe tawh leh hliam tuâr, thinlung kehsawm tawhte leh hliam tuarte awmna a ni a, chûng mîtechuan an thusawi ngaihthlâktu tûr, ti tipuitu tûr, lehanmahni ngaihsaktu an mamawh a. A kohhran ang zâwngpawhin eng emaw chen chu an tîsa mamawh kan pe thei.Mahse Jakoban a sawi ang kha (thiltih tel lo rinna) kan nihlohna tûrin kan fîmkhur hlê erawh a ngai. Thil ngaihnawmdeuh mai chu, he vaukhânna thu hi ei leh in emaw,incheina emaw, nungchang emaw chungchânga a pêk ani lo va, tanpui ngaite tanpui thû-ah a ni zâwk teh tlat hia ni (Jakoba 2:14–17). Chu hmangaihna tehna dik takchu kan “vêngte” mamawh kan chhân dân hi a ni.

89 90

SAWI HO TÛRTE:

@ Jakoba 2:14–17 chhiar la. Engtin nge Jakoban asawi ang hi in kohhran chuan in ti vê lo a ni tih achian theih nân i tanpui ang?

@ Bible-a mahni hmasial ngai miah lo leh mi dangtengaihsak êm êm thîn kan hmuhte hi ngaihtuah la.Entîr nân, “Joppa khuaah chuan zirtîr pakhat, ahming Tabitha an tih chu a awm a (a Grik hmingchu Dorki a ni a, ‘sazuk lâ’ tihna a ni); chu nûchuan thil tha tak tak a ti thîn a, mi retheite atanpui peih hlê bawk (Tirh. 9:36, NIV).In kohhran“Joppa khua” ve-ah khân eng nge i tih thin le?

@ Lawm leh fak i hlawh a, “thil tha” ti anga thantîr inih chuan thil tha tih pawh a awl deuh ngei ang.Mahse mi tû mâ hriat loh (i tanpuite chauhin anhriat) leh ngaihven pawh an ngaihven lêm lohvami dangte tâna thil tihsak hi eng nge a an le?

@ Mi tu emaw chuan Kristian pakhat hnênah, “In nunintum a neih chu eng nge ni?” tiin a zâwt a. Ani chuan,“Engmah beisei lêt nei lova mi dang hnêna thil pêk”tiin a chhâng a. He a chhânna hian engtiangin ngeKristian kan nih anga kan rilru puthmang tûrtlângpui chu a târlan le?

91 92


ISUAN LAINATNA A LANTÎR THÎN

CHÂNGVAWN: “Tichuan ani chu vaukama a lo chhuahchuan mipui tam tak a hmû a, akhawngaih êm êm a, an dam lote atidam a,” (Matthaia 14:14).

SABBATH CHAWHNÛ August 13

CHHIAR TÛRTE: Exodus 2:23–25; 2 Lalte 13:23; Luka7:11–16; Johana 11:35; Rom 12:15; 2Korinth 1:3, 4; 1 Johana 3:1 .

A âia râpthlâk thil dang a awm thei tawh dâwnchuang em ni? Tleirâwl pakhat, kum 17-a upa chu arualpuite pawh an tâl buai ve fona thinnaah chuan atâlbuai vê a. Mahse mi dang zawng âia a tâlbuai nasatzual bîk avângin a tâwpah phei chuan amâ nunna ngeichu a la ta hial mai a ni. A nû leh pâte rilru nat dân tûrchu tu-in nge suangtuah thiam ang le?

An pastor chuan a va tlawh vat a. An inkawmkhâwmna pindan-ah chuan an bulah ngâwi rengin a thûve a. An lungngaihna chu a tâwmpui ve tawp mai a ni.Nakin deuhah chuan a inhnît tan ta a, dan rual lovin amittui chu a lo luang ta zung zung mai a. Tichuan, engthu mah pawh sawi lovin a tho va, a chhuak leh ta ringawtmai a ni.

A hnû-a an inhmuh leh chuan an pa ber chuan athiltih chu lâwmawm a tih thu a hrilh a. Khatih lai takkha chuan eng thu mah, eng thutiam mah, leh eng

thurâwn mah an mamawh lo. An mamawh awm chhunchu an lungngaihna tawrhpuitu a ni.

Pastor hnênah chuan, “Kan lungngaihna min rawntawrhpui ve kha a hlû kan tihzia chu kan sawi chhuakthiam lo hial zâwk a ni,” tiin a sawi.

Tawrhpuina tih awmzia chu “khawngaihna nên”tihna a ni a, “khawngaihna” tih pawh chu lainatna, duatna,leh lungngaihna tih te nên a inzawm bawk. A awmzia chumi tu emaw rilrû thûk taka tâwmpui tihna a ni. Miinlungngaihna an tawh laia tawrhpuina lantîr tûr chuananmahni nêna inchênchilh tak tak a ngai thîn.

Chutianga mi lungngaite tawrhpuina chu Isua mia hneh theihna kawng pawimawh tak pakhat a ni bawk.

SUNDAY August 14

LUNGNGAIA RÛM RÎTE CHU HRIAIN

Lei leh vân zauzia, nêlawm lohzia, leh a lakahchuan awmzia kan neih tham lohzia kan ngaihtuah chânghi chuan kan tê chem chem mai a, hmun hlauhawm takniin a lang thei hial zawk a ni. Chutiang khawpa zau lehhmun râltî a nihzia chu tûnlai science thiamna hian a tilangchiang lehzual tawh a; an enhlatna tha tak takte chuanvân thengreng chu kan lo suangtuah thiam dân âi daihalian leh zau a ni tih an puang leh tawh nghê nghê. Chumai chu ni lovin, Darwin-an nunna lo awm tan dân leh adanglam chhoh zêl dân ni-a a sawi chuan Siamtu a awmni âwma ngaihna hi a malmâk dêr mai bawk a. Chutiangamin ngaihsak rêng rêng an awm lo nia lang hmunah chuanbeisei tûr pakhat mah nei lovin kan inhambuai ve mai maitihna a ni dâwn a ni.

Amaherawhchu, Bible hian thil siam tam takte zîngakan nihna dik tak chu thlîr dân dangin min hrilh thung.

A dawta Bible chângte hian Pathianin suala tlutawh leh kehsawm tawh a thil siamte a khawngaihziaengtin nge min hrilh?

Rorêltûte 2:16–18:____________________________________

2 Lalte 13:23:________________________________________

Isaia 54:7, 8, 10:_____________________________________

Thuthlung Hlui lehkhabuten Pathian a sawi hi chufîr leh khirh tak, ngaihdamna leh khawngaihna pawhnei lo, Thuthlung Thar lehkhabuten Pathian an sawi lehIsua nên phei chuan inang lo tak nia ngaihna lian tak aawm thîn a. Mahse chutiang chu a nih lohzia ThuthlungHlui châng tam takah hian hmuh tûr a awm vê tho a ni.

Pathianin hrehawm tawrhna a chinfel dânExodus 2:23-25-in min hrilh chu eng nge ni?

Pathian chuan mihringte hi a ngaihsak êm êm a(Jakoba 5:11). He thupui hi Bible pum puiah hian hmuhtûr a awm a.

“Hmangaihnaa khat a thinlung chu kanlungngaihnate leh kan lungngaih thû kan sawite hian akhawih êm êm thîn a. . . . Thlamuanna kan chan theihnatûr a nih phawt chuan eng thil mah hi atâna hriat thamloh khawpa tê lutuk a awm lo. . . . A fâte zînga a tê berchungah pawh hian kan vân Pâ hmuh loh emaw, angaihsak nghâl vat loh emawa chhiatna thleng engmaha awm thei hek lo.” - Ellen G. White, Steps to Christ(Krista Panna Kailâwn), pp. 78, 79.

In khua/vêngah khân a khawtlâng huap rûmnaeng ang chî nge vân lamah chho ve le? Chu mitawrhpui tûr leh hrehawm tuar mêkte tanpui tûr chuanengtin nge Pathianin a hman theih che?

93 94


MIN TAWRHPUITU KAN CHHANDAMTU CHU

Khatia leia rawng a bâwl laia mîte zînga a awm laipawh khân hrehawm an tawrhnate chu a tawrhpui vethinzia leh, anmahni a lainatzia a lanna a awm nual. “Anichu a lo chhuak a, mipui tam takte chu a hmû a, tichuana khawngaih ta êm êm a, an nâte pawh a tidamsak ta a,”(Mat. 14:14, ASV).

Matthaia 9:35, 36 leh Luka 7:11-16 chhiar la.Hêng chângte hian inlainatna leh inkhawngaihna diktak chungchâng eng nge min hrilh le?

Tawrhpuina tih thumal han sawi hian a kaihhnawihthumal dang, entîr nân, hriatthiampuina tih te, khawngaihnatih te rilru-ah a lo lang ve nghâl thîn a. Khawngaihna tihchuan mi tu emawin hrehawm a tuar a, chu a hrehawmtawrh avânga lungngaihpuina chu a kâwk a. Hriatthiampuinatih pawh hi mi dangte rilru tûr hriatthiampuina leh anhrehawm tawrhte tawrhpui vêna a ni.

Khawngaihna leh lainatna te hian mi dangtetawrhna chu kan hriatthiamsak ni mai lovin, an tawrhnachu lâk kiansak a, titâwpsak kan duh bawk tih a lantîr.

In khua/vênga chêng tute emaw chungah thillungchhiatthlâk tak, entîr nân, an in a kâng emaw, anchhûngkuaah thihna a thleng emaw a ni tih i hria a, chutihhunah chuan engtin nge i awm thin? “Aw, a valungchhiatthlâk ve!” i lo ti satliah ngawt a, i thil tih lai chui ti chhunzawm leh ta mai em? Chutianga tih chu a awlkhawp mai. Nge ni a, i tawrhpuinate chu a lo chhuak a,chu chuan anmahni i khawngaihna chu a rawn chêttîr tazâwk? Khawngaihna dik tak chuan i thiante leh i hriatngai lohte pawh thlamuama tanpui tûrin a hruai dâwnche a ni. I tawrhpuizia i ziahna lehkha (card) i thawn a ni

95 96

emaw, a nih loh leh i va tlawh chhuak a, an thil mamawhchawpchilh nghâl mai tûrte chu i va pê pawh a ni thei. Aeng pawh chu ni se, hmangaihna nêna a taka thil tih hiintawrhpuina dik tak rah chhuah chiang taka lang chu ani.

Vânnneihthlâk takin, mi tlâwmngaite leh mitanpui tûr hrim hrima pâwl dingte hian, chhiatna liamtham a lo thlenin khawngaihna nên a chhânlêt hna thawhnghâl vat an tum thîn a. Amaherawhchu, “mi reitheizâwkte” vânduaina leh chhiatna tawh an tawh vête hichu kan ngaihsak vak loh châng a awm vê leh zauh thîn.

Isua kha chuan a tawrhpui a ni satliah mai lovin,a khawngaihna chu thiltihin a tilang nghâl thîn a. Keinipawh hi a tih anga ti vê tûra koh kan ni a. Mi tu emawinvânduaina an tawh chuan pawi kan ti a, kan lainat hlêthei vek bawk. Mahse zawhna awm ta chu, Chu kankhawngaihna chuan eng thil nge min tihtîr? tih hi a ni.

Tûkthuan an ei mawlh mawlh lai chuanchhûngkaw nû ber chuan ram dang daiha thil râpthlâktak, mi sâng chuangin nunna an chân phahna a thlenthu a sawi a. Chû thil râpthlâk tak mai chu rei vak lochhûng an sawi zui a; mahse a pasal chuan thu dangdaih, a hmâ zâna a football team tan takten hnehna anchan thû a sawi ta daih mai a. He pa ang tho kan nihnalai hi a tam viau lo’ng maw? Hetiang ngawt lo deuh hitih theih eng nge ka neih le?


AN PHEIKHAWK CHU BUN VÊ CHHININ

Kolosa 3:12; 1 Petera 3:8 leh 1 Johana 3:17chhiar la. Hêng Bible chângte hian eng thû nge min

hrilh a, he khawngaihna hi kan nunah engtin nge kanlantîr theih ang?

Khawngaihna tih hi Latin tawnga thumal pakhat,compati tih atanga lâk a ni a, chu thumal awmzia chu“hrehawm tuar dûn tûrin” tihna a ni. Keini pawh hihrehawm lo tuar ve tawh kan nih avângin mi dangtetawrhna chu kan hriatthiampui thei a; chûng kantawrhnaahte chuan khawngaihna leh tawrhpuina kanbeisei thîn ang chiah khân mi dangte chungah pawhkhawngaihna leh tawrhpuina kan lantîr vê tûr a ni.

Zirlai hmasa lamah khân Samari mi tha chanchinkan hmu tawh a. Isua chuan, “Amaherawhchu, Samarirama mi tu emaw a zin kalin a awmna chu a lo thleng a, ahmuh vêleh a khawngaih ta êm êm a” (Luka 10:33) tiin asawi a. He khawngaihna, lainatna hian Samari khualzinchu hliam tuar tanpui tûrin a chêttîr ta a ni. Puithiam lehLevia chî te kha chuan, “He pa tanpui ta ila, ka chungaheng nge lo thleng ang?” tiin an inzâwt a nih hmêl a. Samarimi erawh hi chuan, “He pa hi tanpui lo ta ila, a chungaheng nge thleng ang?” a ti ve thung niin a lang. He thawnthu-ah hian Samari mi hian mahni hmasialna tel miah lovinhliam tuarpa chan chu a chanah a han dah chhin a, chuchuan a chêttîr ta rêng a ni. Amâ sahimna tûr pawh angaihtuah chang tawh lo va, a neih sumte chu a hmêlhriat loh tân a sêng hmiah mai bawk. Tawngkam danginsawi ila, Kristian kan ni a nih chuan a nghawng tûr hrelâwk lova chêt a tûl châng a awm thei a, insên deuh a tûlhun pawh a awm dawn a ni.

He thlîrna atang bawk hian fapa tlânbo tehkhinthû kha han chhiar leh la (Luka 15:20–32). Fapa tlânbopa hian sawisêl hlawh leh chhûngkaw innghirnghona athlen pawh huama thil a tih kha eng nge ni? A fapa tlânbo tawh lo kîr leh chu khawngaihna nêna a lo pawm te,neitu nihna kawrfual a lo hâktîr te, rin ngamna zungbun

a lo buntîr te, zalênna pheikhawk a lo buntîr, leh a lawmnaruai theh a rawt te khân, mahni hmasialna tel miah lovalâwmna a neihzia a tilang a; a fapa tlân bo tawh hnû-in adinhmun ngai a luah leh theihna tûr a nih dâwn phawtchuan engkim hlan a huam a ni.

Tlân bo tih awmzia chu che tlaran, pawisak nei lo,hleihluak taka che, leh zilh loh fa ang tihna a ni a. He anungchang hian he thawnthu-a fapa naupang zâwk kawngzawh chu a hrilhfiah chiang hlê. Amaherawhchu, hei hihan ngaihtuah chhin lawk teh, a fapa tlân bo tawh hnû alo lawm dânah hian a zahawmna zawng zawng chu a dahthâ a, engmah vênthâwn nei lovin a thil neih tin rêng maichu he a fapa lâktlâk loh tak hnênah hian a vûr vak mai a.A fapa upa zâwk ngaihah chuan a pa hi hleihluak tak leh atlaran zâwnga che, zilh lo fa ang deuh a ni.

Hetianga mîte tawrhpui tûr leh khawngaih thei tûrchuan mahni inphat a ngai a, an tawrhna chu kan tâwmpuivê avâng leh, an dinhmun ngai awh leh thei tûra kan puihtlat avâng chuan eng emaw chu kan chân pawh a tûl maithei bawk. A tâwi zâwngin sawi mai ila, khawngaihna lehtawrhpuina dik tak chuan chânna pawh a thlen thei ani.

NILAINÎ August 17

ISUA A TAP

“Isua chu a tap ta a” (Johana 11:35). He Biblechâng hian Isua kha mihring vê bawk a nih thu nimai lovin, chu a mihrinnaah chuan engtiangin ngemi dangte tawrhna a tâwmpui dân min hrilh le? Rom12:15 pawh en bawk la.

Johana 11:35-ah hian Isuan a rilru chhûng ril takami dangte a tawrhpuina, an dinhmun a hriatthiamsakna,

97 98

H-7

leh a khawngaihna a lantîr thu kan hmû a. Lazara chukaitho mai dâwn tho mah sela, a thian kawmngeih taktelungngaihna chuan a taksa leh a rilru a nghawng ve hlêa ni.

Amaherawhchu, Isua hi a thian duhtak thihnaavâng chauhva tap a ni lo va, sualin mi sawisakna avângamihring zawng zawngten hrehawm kan tawrhna pawhhi a rilru-ah khân a awm bawk a ni.

“Kum tam tak kal tawh atanga lungngaihnainchhêk khâwm chu a chungah hian nghah a ni a.Pathian dân bawhchhiatna nghawng râpthlâk tak taktechu a hmû a. Abela a thih a chin kha sual leh tha indonahi a la tâwp ngai lo rêng rêng tih pawh a hre bawk. Kumlo awm leh zêl tûrte pawh chu a thlîr a, hrehawm tawrhnaleh lungngaihna, mittui leh thihna te chu mihringte chantûr sa a ni tih a hmu a. Chhuan zawng zawng leh ramtina mihring awmte hrehawm tawrhna chuan a thinlunga chhun thlêr a. Suala tlu tawh mihringte mangannachuan a nun a delh rit em em a, an hrehawmna zawngzawng chu lâk kiansak a duh avângin a mittui chu danrual lohvin a pût ta zawih zawih mai a ni.” - Ellen G.White, Desire of Ages (Chatuan Nghahfâk), p. 515.

Pi White-i sawi hi han ngaihtuah zui mah teh: Isuachuan, kan zînga mi tû mahin kan la hmuh ngai loh,“chhuan zawng zawng leh ram tina mihring awmtehrehawm tawrh” chu a hmu bîk a nih chu.

Keini vê hi chuan kan mi hriat zâwngte leh kanlam hnai deuhte tawrhna chauh kan hriatthiampui tâwka ni a. Chanchin thara kan hmuh leh kan chhiarte hikan hriat dang leh chu a ni deuh mai bawk. Mahse LALPA

kan nei a, ani chuan kan hriat dân ang lo vin thil a hriaa, mihringte tawrhna intâwm chungah hian a tap thîn ani. Pathian chauhin mihringte manganna leh lungngaihnachu a famkimin a hria a. Chu lungngaihna chu chiang lo

99 100

ruai chauhva kan hriat avângin kan lâwm hlê zâwk tûra ni; a châng chuan chu pawh chu kan tuar zo lo lek lekthîn. Chutih lai huna Isua thinlung tithotu tûr chu engnge ni ang tih ngaihtuah ang che.

General William Booth-a, Salvation Armydintupa hian, “He khawpui hi i tahchhan thei lo a nihchuan, kan hmang thei bîk lo vang che” tiin a sawi ani awm e. - Roger S. Greenway and Timothy M. Monsma,Cities: Missions’ News Frontier (Grand Rapids, Mich.:Baker Pub. Group, 2000) p. 246. He a thusawi hikeimahni theuhah engtiangin nge a thawh le?

NINGÂNÎ August 18

THLAMUANTU DANG

“Kan LALPA Isua Krista Pathian leh Pa, khaw-ngaihnate Pa leh thlamuanna zawng zawng Pathian,Pathianin keimahni min lo thlamuan tawh dân angahrehawm tuar vê dangte pawh kan thlamuan theihnatûra kan hrehawmna zawng zawnga min thlamuantuchu chawimawiin awm rawh se,” (2 Korinth 1:3, 4,NKJV). Tirhkoh Paulan keimahni hrehawm tawrhtehian kan vêla awmte hnêna khawngaihna lehthlamuanna lantîr thei tûra min \anpui dân a sawichu eng nge ni? Hêng a thil sawite hi engtiangin ngein nunah khân a taka i lo chan ve tawh le?

Thlamuan tih thumal hi Latin tawnga com (a rualin,nên) tih leh fortis (chak) tih atanga lâk a ni a. Kantawrhnaah hian Krista chuan min tichak thîn ang hian,keini pawhin chu chakna chu mi dangte hnênah kan pechhâwng ve thei a. Keimahni tawrhnate atanga zir chhuakkan nih avângin mi dangte pawh an tawrhnaah awmzenei zâwkin kan tanpui thei bawk a ni.

Kohhran member-te zîngah hian thenkhat chu hrehawmtuar an ni a, thenkhat chu hrehawm tuarte thlamuantuan ni thung. Hetianga hrehawm tuarte leh thlamuantûteinkawp hian in kohhran chu “hmun him” - humhimnakhawpui (Numbers 35 chhiar la), khaw chhûnga luanglût damna luiah (Ezek. 47:1–12)a chantîr a ni.

Mîte tawrhna tâwmpui leh thlamuan hi thiamthilpakhat a ni vê a. Hêngte hi a neih nâna thurâwn then-khate chu a ni:@ Lem chang suh. A tawng lam ni lovin ngaihthlâk uârzâwk la. I taksa chêt vêl dân chuan khawngaih lehthlamuan i duh tak tak a ni tih tilang rawh se.@ A mi mal takin i tawrhpui a ni tih lantîr rawh. Mithenkhat chuan ngâwi rengin buaina tâwkte chu antanpui thîn a. Mi dang erawh chuan tanpui lovin, lusûntethlamuantu tûr thil eng emaw huaihawtin an tawrhpuiziaan lantîr thîn thung.@ Thusawi emaw, thil eng emaw tihsak âi chuan an bula

va awm ve ngawtna hi a pawimawh zâwk châng a awm.@ Anmahni duh dân anga lû an sûn phalsak rawh.@ Lusûna thil lo thleng thîn hrang hrangte hi a tahtawla

a lo thlen dân hriat vê tum rawh.@ “I rilru tûr chu ka hriatpui che alâwm” ti ngawt suh. I

hriat loh thil pawh a awm ve thei.@ Thurâwn pe thiam bîk (professional) an awm a ni tih

hre rawh.@ I tum tak tak a nih loh chuan, “Ka lo tawngtai sak ang

che” ti ngawt suh. A theih hunah amah nên tawngtaidun ula, khawi hmunah emaw te kal ula, Bible-afuihna thutiam tha tak tak awmte hi hrilh ang che.

@ In kohhranah emaw, in khawtlângah emaw khân (aremchân chuan) lûsûnte tanpuitu pâwl din ang che u.


NGAIHTUAH ZUI TÛR: Deuteronomy 24:10–22; Jona 3;Malakia 3:17; Matthaia15:32–38;Marka 6:34–44, Galatia6:2; Hebrai 10:32–34-te hi chhiar la. Tin, Ellen G. White-i lehkhabu, Krista Panna Kailâwn-a, “Tawngtaina HunRemchâng” (p. 100) tih kha chhiar bawk ang che.

Thianho chhûngkaw pali panga chuan naupangsikul chawlh laiin thil tha tak eng emaw tih an tum a. Anfâte nên chuan an khuaa chênna tûr in nei lote pêk tûrchaw leh ei tûr chi hrang hrang an fûn a. Chutiangadârkâr rei vak lo chhung an buai mar mar hnû chuan,an car chhûngah an lût a, khawpui lailî lamah chuan ankal ta a. Dârkâr chanve vêl chhûngin an thil fûnte chu ansem zo ta vek a. Tichuan, museum-ah hun an hmang leha, chumi hnû chuan zanriah ei tûrin an chhuak leh ta a.Chutia an car lam pana an kal lai chuan, an zînga naupangpakhat chuan, “He thil kan tih avâng hian ka hlim hlê mai.Mahse, tûnah chuan ei tûr kan pêkte zînga a tam zâwkkha chu an ril a tâm leh tawh mai thei a ni, “ a ti reuh a. Nie, thlamuanna, tawrhpuina, leh tanpuina mamawh tamtak an awm a, an tam lutuk hi, Thlamuan sên leh puihsên pawh an nih loh hi! tih mai pawh awl tak a ni.

Amaherawhchu, chutiang zâwnga ngaihtuahnachu a that lohna tam tak a awm. A hmasa berin, chutiangchuan mi zawng zawngin ngai ta se, mi tu mahin midangte an tanpui dâwn lo tihna a ni a, eng anga tanpuingai tâwp pawh ni se; chu chu a tha lo fê zâwk ang. Alehlamah chuan, mi dangte tanpui thei zawng zawng hichuan tanpui vek se, thil awm dân chu a ziaawm zâwkngei thung ang.

Pahnihnaah chuan, Bible-ah hian mihringte natna,hrehawm tawrhna, leh thil tha lote hi he leiah hian tihbovek a nih tûr thu a awm lo hrim hrim a. Dik tak phei chuanchumi letling chiah zâwk chu hrilh kan ni. Isua meuh

101 102

pawh khân, he leia a awm chhûng khân mihringtetawrhna chu a zavaiin a titâwp bîk chuang lo a nih kha.A theih chin zawng a ti mai a. Keini pawhin kan theihchin zawng ti vê-in, mi dangte hnênah thlamuanna,tawrhpuina, leh tanpuina kan pe vê tûr a ni.

SAWI HO TÛRTE:

@ Engtin nge in kohhran kha mi lungngaite tân hmunhim, leh damna hmunah in siam theih ang?

@ “Mi tam tak chuan, ‘Eng vângin nge Pathian hi a lochêt loh le?’ an ti thîn. Pathian chuan, ‘Eng vânginnge mi tam takte hian tanpui ngaite hi an ngaihsakmiah lo le?’ a ti vê thung” - Dwight Nelson, Pursuingthe Passion of Jesus (Nampa, Idaho: Pacific PressPublishing Association, 2005) tih thû hi in class-ahsawi ho ula. Chona a siam hi i pawmpui rêng em?I pawmpui a nih chuan a thlâk danglam tûrin engnge kan tih theih le?

@ Ellen G. White-i chuan ti hian a sawi a: “Thu hriatnuam sawi ngawt mai te, ngaihsakna tê tham taklantîr ngawt mai te hian thlêmna leh rinhlelhnachhûm, rîlrû-a lo zîng thînte chu a chhêm kiangang a. Krista khawngaihna ang târlanna thinlungdik tak, mâwlmang taka pêk chuan KristaThlarauvin dîm tak leh mâwl têa a khawihmamawhte thinlung kawngkhâr chu a hawng theia ni.” - Ellen G. White, Testimonies for the Church,vol. 9, p. 30. He thû hian ngilneihna lehkhawngaihnaten lusûnte a tanpui theih dân ropuitak chu eng nge min hrilh le?

103 104


ISUAN AN MAMAWHTE A PHUHRÛKSAK

CHÂNGVAWN: “Isua chuan khaw lian deuhte leh khawtê deuhte pawh a zavaiin a tlawhchhuak vek a, an inkhâwmna inahtezirtîrin lalram chanchin tha chu a hrilthîn a, natna leh dam lohna tinrêngtechu a tidam zêl a,” (Matthaia 9:35).

SABBATH CHAWHNÛ August 20

CHHIAR TÛRTE: Sâm 139:1–13; Marka 2:1–12; 5:22–43,10:46–52; Johana 5:1–9;Tirhkohte 9:36–42.

Africa ram pakhata Seventh-day Adventist nu pakhatchuan a hnâ atanga a pension tawh hnû-ah pawhrawngbâwl hnâ chawlhsan a la tum chuang lo. A awmnakhua chu HIV/AIDS natnain a rûn nasat avângin damnaan mamawh hlê mai a. An mamawhte zînga a hmanhmawhthlâk ber chu AIDS vei naupang, nû leh pa nei tawh bawksî lote chuan an taksa mamawh tâwk pawh ei tûr antlachham tlat mai chu a ni. Kum 2002 khân amah leh alâwina kohhrante chuan chu khuaa naupangte hnênanî tin chaw pêk program chu an tan ta a.

A tîrah chuan naupang 50 hnênah an pe phawta, kum sâwm hnû (2012)-ah erawh 300 lai an châwmthei ta a. Chaw pêk mai chu duhtâwk lovin nau awmnahmun pawh an hawng ve leh a, chutah chuan naupang45 an lût bawk. Program dang dang - ADRA hnên atanga

lo kal thawmhnaw sem te, an chuktuah huan siama anthar thlai leh vaimîm te mi harsate hnêna pêk te, lehdamlo enkawlte pawh an ti a. Hmeichhiate tân bîk thiamthil zirna program te an kalpui a, chuta an thil zirchhuahte chu tam tak chuan eizawn nân an hmang nghênghê a. Hetianga Isua hmangaihna a taka an lantîrnahian kohhran thar a hring chhuak a. A tîr chuan memberpanga chiah an awm a; mahse hun a lo kal zêl a, kum2012-ah kha chuan 160 lai an lo tling ve ta a. Pathianchuan fahrah enkawlna in leh biak in thar an sak theihnatûrin kawng a hawnsak leh ta zêl a ni.

He an thil tih hi Kristiante tâna khawtlângmamawhte phuhrûksak pawimawhzia entîrtu tha tak ava ni tehlul êm!

SUNDAY August 21

RAWNGBÂWL LAI TIHKHAIHLAKNA

Isua chu Kapernaum khaw kianga dîl kamahchuan lawng atangin a lo chhuak a (Marka 5 en la). Azirtîrte chu Dekapoli biala ramhuai man mi pakhat antawh khân a la tihlauthâwng hlê a ni. Dân pangngaiin,hemi tum pawh hian mipui tam tak chu Isua hmu tûrina lo tlim leh hmur tawh a. A thusawi hre phâka awm anduh theuh avângin an innêk nasa mai a. Hetih lai takhian a tanpuina dîltu mi pakhat a lo lang nawlh mai a,chu pa chu inkhâwmna in hotûte zînga mî a ni.

Marka 5:22–43 chhiar la. Inkhâwmna in hotûtezînga mi mamawh phuhrûksak tûra Isua a kal mêl laikha engin nge rawn tikhaihlak kha, chu chu engtinnge a lo chhân? He thil thleng atang hian eng zirlaitenge kan zir chhuah theih a, kan rawngbâwl tikhai-hlaktuthilte hi engtin nge kan dawnsawn thin ang?

Tû mah hian kan thil tih mêk lai chu tihkhaihlakaa awm kan duh lo theuh a ni lo’m ni? Kan buai êm êm a,thil eng eng emaw tih tûr kan nei a, khawi hmunah emawkal kan tum a, thawh zawh ngei ngei ngai hnâ eng emawkan nei a. Tum eng emaw kan insiam a, chu kan thiltumchu hlenchhuah ngei kan duh bawk, a châng chuanhlenchhuah hun tûr kan inbituk thîn nghe nghe a ni.

Chutia kan buai êm êm lai chuan mi tu emaw-ina mamawh min rawn dîl ta se emaw, tanpuina rawn ngênta ang se, “a hun lo mang e aw” lo tih mai a awl viau rênga ni. I thiltih lai mêk chu kalsan tawp mai a rem lohchâng a lo awm ve bawk sî. Chutih rual chuan, kan thiltih lai chu dah rih theih reng pawh ni se, tanpui duh lohchhuanlama atâna kan hman hlauh châng pawh a awmve thîn tho lo maw?

Mahse mîte mamawh kan phuhrûksak theihnahun remchâng tha ber chu thil eng emaw kan tih mêk laitikhaihlak tûr tak zâwngin a lo thleng ve thîn tlat sî.Chutianga intihkhaihlaktîr chu kan duh lo hlawm theuha, kan lo ruahman lâwk anga kal thei dâwn lo nia kaninhriat phei chuan kan hnual rawih thîn. Isuarawngbâwlna kan en chuan, mîte mamawh aphuhrûksakna thenkhat kha chu thil dang eng emaw atih laia thleng a ni hlawm a; ani chuan hmangaih takin alo chhâng thîn a ni. Samari mi tha chanchin pawh kanhre tawh a. Kha pa kha khawiah nge a kal dâwn a, akalna tûr hmun a thlen hunah chuan eng nge a tih angtû ma’n kan hre lo? Mahse tanpui ngai tanpui tûrin ading a nih kha.

Mi tu emawin i thil tih lai tikhaihlak zâwngatanpuina a rawn dîl hnuhnung ber kha eng tik ngeni? Engtin nge i lo chhân?

105 106


ENGTIN NGE KA TANPUI ANG CHE?

Marka 10:46–52 leh Johana 5:1–9 chhiar la.Hêng damlo pahnihte hi Isua khân zawhna a zâwt veve a. Eng vânga zâwt nge a nih le?

Hêng damlo pahnihte hian eng nge ni an duh tihchu chiang sa reng mah se, Isua chuan an mamawh azâwt tho tih hi lo chhinchhiah la. An sawi kher loh pawhinani chuan chûng an mamawhte chu a hriatsak vek tawhhrim hrim bawk a.

Amaherawhchu, hetia zawhna a han zawh hianIsua khân anmahni a zah a ni tih a lantîr a. An thusawichu a ngaihthlâk-sak a, chutia a ngaihthlâksakna chuanan harsatna tawh chu a ngaihsak a ni tih tilang bawk. Achâng chuan mîte hian thil dang zawng âi pawhin mi tuemaw an thusawi ngaithlâksaktu tûr an mamawh berthîn a, a chhan pawh kan harsatna tawh chu min longaihthlâksaktu hnêna kan hrilh hian kan ven huai thînvâng a ni.

Doctor hnênah inentîr tûrin i va kal a, doctorchuan a lo melh thuak che a, i damdawi ei tûr hming aziak leh mawlh mawlh a, chutah a pindan atang chuanchhuahtîr leh ta mai che sela engtiangin nge i ngaih ang?I natna leh a damna tûr chu a hriat tak tak meuh pawhi ring kher âwm lo ve. “Kha doctor khân ka awm dânpawh min zâwt miah lo va, ka lungphû leh ka mar a thatleh that loh pawh a en bawk sî lo. . .” i ti rauh rauh maithei. Damlo enkawltûte tâna dân pawimawh tak pakhatchu, “Enkawlna i pêk hmain endik hmasa phawt rawh”tih hi a ni.

107 108

Missionary-te zînga tihdam rawngbâwl hnathawktûte pawhin hei hi an hre reng tûr a ni; a chhanpawh an tum ber chu mîte hrisêlna leh an mamawhte akima phuhrûksak a ni tlat si a. Kohhran tam tak chuanan khua/vênga chêngte mamawh leh thawh tûlte chuan hre sa vek niin an inngai thîn a. Khawtlâng mipuitechu an mamawh leh an harsatnate kan sawipui hian, anthatna tûr kan ngaihtuahpui a ni tih kan hriattîr a,anmahni pawhin an hlut ve theih tûr kawnga thawh dânkan lo hriatphah bawk a. Thian thar siamna remchângtha tak a ni bawk ang.

“ Nangmah dodâl nasa bertu che pawh kha mimal taka anmahni i ngaihsak tlat a nih chuan an do rengthei miah lo vang che. Krista pawhin he leia A chên laikhân mîte chu a ngaihsak êm êm thin a. A kalna hmunapiangah damna famkim thlentu a ni zêl thîn. A tih anghian keini pawhin kan kalna apiangah thil tha kan ti vetûr a ni a. Riltâmte hnênah châw pê a, saruaka awmhnênah thawmhnâw pêin, lungngaite thlamuan tûra thupêk kan ni.” - Ellen G. White, Welfare Ministry, p. 162.

Mi tam zâwk daih hi chuan kan ngaihdân sawichhuah kan harsat vak lo hlawm a. Mahse engtin ngengaithlatu tha tak nih dân kan zir theih ang?

THAWHLEHNNÎ August 23

MAMAWH RIL ZÂWKTE CHU

Isua khân, LALPA a nih miau avângin, mîte chuanmahni an inhriatna âia chiang zâwkin an chanchin ahriatsak a. Chanchin Tha bû-ahte hian Isua chuan mîtechu an rilrû ngaihtuah lai mêkte (Marka 2:8) chauh pawhni lovin, an hun kal tawh nên lam a hriatsak vek a ni(Joh. 4:18) tih a lanna tam tak kan hmû.

Sâm 139:1–13 chhiar la. Hetah hian Pathian Thuchuan eng nge min hrilh le?

Nimin lama kan hmuh tâk ang khân, Isua chuanmîte chu an mamawh a hriatsak vek a, chûng an thilmamawhte chu a phuhrûksak bawk thîn a ni. Dik takphei chuan, anmahnin an mamawh tih pawh an hriatloh thlengin ani chuan a hria a. Chutiang a nihzia chuzeng pakhat a tihdam thû-ah khân kan hmû. A langmaiah chuan kha pa khân taksa damna a mamawh tih achiang a; mahse chumi âia thûk zâwk harsatna dang ala awm a. Chuvâng tak chuan a nia Isua pawhin apuanthuah lâa kal tûra a hrilh hmâ khân, “Ka fapa, isualte chu ngaihdam a ni ta e,” (Marka 2:5) tih thu a hrilhrêng ni.

Marka 2:1–12 chhiar la. He pa chungchângahhian a phêna thil awm chu eng nge ni? Engtiangkawngte-in nge he a mamawh thûk zâwk hi anrawngbâwlsak kan tumte mamawh pawh a nih vê theihtho le?

Isua chuan a mamawh chu taksa damna ngawt ani lo tih a hria a. “He pa hian a duh ber chu taksa damnani lovin, a sual phurrit lâk kiansak a ni zâwk a. Isua chua hmu thei a nih a, a hnên atanga sual ngaihdamnna lehPathian atanga thlamuanna a dawng dawn a nih phawtchuan thih emaw, dam emaw, Pathian thû chu lâwmtakin a pawm mai dâwn a ni.” - Ellen G. White, Desireof Ages (Chatuan Nghahfâk), p. 246.

Isuan a phêna thil awmte pawh a hriat vek angkha chuan kan hre ve kher dâwn lo. Mahse an rawngkan bâwlsakte chu tu pawh ni se, sualin a tihkhawlohtawh chu an ni vek tho tih erawh kan hre chiang hlê tûr

a ni. Chumi awmzia chu, a lang lova an thil mamawhchu eng pawh lo ni se, khawngaihna, ngaihdam nihinhriatna, anmahni hmangaihtu, an tâna thî, leh a thaber chauh duhsaktu Pathian chu an mamawh hlê a ni.

Chhandam nih inhriat chianna leh Pathianin ahmangaih che a ni tih hriatna i mamawhzia khangaihtuah la. Chutiang chu mi dangte pawhin an chanve theih nân engtin nge i puih theih ang?

NILAINÎ August 24

JOPPA KHUAA MI DORKI

Tirhkohte 9:36–42 chhiar la. Dorki hian an bulvêla awmte mamawh a hmuh khân eng thil nge a tih?Tirhkohte 9:41-a “ringtute, a bîk takin hmeithaite”(NIV) tih tawngkam hian eng nge a kawh?

Dorki kha a taka thil ti thîn mî a ni a. “Joppakhuaah chuan zirtîr pakhat, a hming ‘Tabithi’ an tih chua awm (Tirh. 9:36, NIV). Hetiang hian a sawi ve theih angem? “[I awmna khua (entîr nân Aizawl) sawi la] khuaahchuan zirtîrte [in kohhran hming sawi leh la] an awm a,chû mîte chuan “thil tha tak tak an ti thîn a, mîte antanpui peih hlê bawk,” tiin (Tirhkohte 9:36)?

Heti laia “ringtûte” a tih hi Kristian kohhranmember-te an ni a; “hmeithaite” tih hi chuan kohhranmember-te leh member ni vê lêm lote pawh a huam theivek thung. In “Joppa khua” vê chuan in kohhran huangchhûng leh pâwn a huam tûr a ni. In kohhran member-te in ngaihsak rengna pawh kha chanchin tha hril dântha tak a ni vê hrim hrim bawk a (Tirhkohte 2:42–47).Chutianga in inngaihsak a nih chuan, kohhran pâwn

109 110

lama mîte pawhin, “En mah teh u, Seventh-dayAdventist-te inhmangaih leh inngaihsak tawnzia sâw!”an ti thei dâwn a ni.

Johana 13:34, 35 leh Johana 15:12 chhiar la.Hêng Bible châng pathuma thuchah thuhmun awmvek chu eng nge ni a, eng vângin nge chu thuchahchu a kohhran angin keini tân pawh zawm ve apawimawh viau? Chutih rual chuan, eng vângin ngezawm harsat viau châng a awm sî?

In kohhran huang pâwna awmte rawngbâwlsakin tum a nih chuan, engtianga bâwl tûr nge ni ang tih inngaihtuah hmasak phawt thîn tûr a ni.

Amy Sherman-i chuan kohhranin khawtlâng tânarawng a bâwl theih dân chi hrang hrang pathum a sawia: (1) Awm chilhtu. Hei hian in biak in hnaia awmtemamawh tihsakna lam a tinzâwn ber a. HIV/AIDS veiterawngbâwlsak hna thawktu hmeichhia khân a awmnavêng chu a “Joppa khua” vê-ah a thlang a nih kha. (2)Huan enkawltu. Hei hi chu in biak in atanga hla deuhhlekte rawngbâwlsakna lam a ni a, huan enkawltûtechuan an huan chu an chênna in atanga va pênhlehdeuhva an ngaih ang hi a ni âwm e. A châng chuankohhran eng emaw zât chu anmahni awmna vêng ni lotheuha rawngbâwl tûrin an thawk ho thîn a. Khawpuipakhatah chuan, kohhran tam takin hrisêlna atâna chawtha zawrhna dâwr an insiam tawm a – chuta tang chuankohhran thar a ding ta a ni. (3) Berâmpu. Hei hi chuanvêng tinzâwn bîk nei lovin, mipui hlâwm khat hlawk chubitumah an neih zâwk thung.” - Adapted from Ronald J.Sider et al., Churches That Make a Difference: ReachingYour Community with Good News and Good Works (GrandRapids, Mich.: Baker Books, 2002), p. 146.

111 112

NINGANÎ August 25

HNATHAWK KOHHRAN CHU

“I hnâte chu LALPA kawltîr rawh, tichuan i thilruahmante chu tihnghehin a awm ang,” (Thufingte16:3).

In kohhran khân khawtlâng tâna rawngbâwlnatûrin hmathlîr chiang tak in neih hunah, chu in hmathlîrchu a taka chantîr a nih theihna tûrin kohhranadepartment hrang hrang awmten an thawh tlân vek theihnâna ruahmanna in siam a pawimawh dâwn a. Inkohhranah chuan “hruaitu” niin i ngai vê lo pawh a nimai thei a; mahse thawh theih chu i nei vê tho. Kohhranmember zawng zawngten in thil tih chu an hriat vê theuha tha bawk, a chhan chu in khawtlâng tâna in kohhraninhnâ a thawh a ni tlat vâng a ni.

Duhthusâmah chuan, kohhranin ruahmanna asiam chu thil pathum atanga ngaihdân lâk khâwmainnghat ni se, chûngte chu: (1) Bible leh HrilhlâwknaThlarau atanga thurâwn; (2) khawtlâng mamawhtehriatna; leh (3) kohhran member-te ngaihdân. Kohhranthen khat chuan an member zawng zawngte chu kokhâwmin, rawngbâwlna atân leh an kohhran chhûnghmasâwnna atâna ngaihdân leh an duh an neih vête ansawi tûrin an sâwm a, chuta tang chuan thurâwn an lathîn.

Luka 14:25–35 chhiar la. He thû hian inkohhranin thawh tum in neihte tihhlawhtlin nâna rilrupêkna leh ruahmanna siam a pawimawhzia engtin ngea sawi le?

In khawtlâng mamawhte chu awmze nei takaphuhrûk a nih theih nâna thiltih ngaite i ngaihtuah laichuan, he thil ti tûr hian inpumpêkna nei leh hun sên tam

a va ngai deuh ve maw le! i ti ram ram mai thei. A awlsamzâwnga thil tih mai kan châk thîn a. Isua tehkhin thusawi pahnihte hian mawhphurhna kan neih leh zirtîrnihna chu holam taka la lo tûrin min vaulâwk a ni. Kantih tûr chu kan tih tak tak hmâin zir chianna lehruahmanna neih phawt a tûlzia min hrilh a. A nihna takahchuan, sum enkawltu tha nih thu hlâ a ni deuh ber e.Luka 14:34-a “chi alna” tih hian inpêkna tih a entîr a.Chumi tel lo chuan kan rawngbâwlna leh zirtîr kannihnate hian tangkaina leh awmzia engmah a nei lo. KanLALPA hnêna inpêkna tak tak leh nung kan neih a ngai a,chumi chu kan nei a nih phawt chuan rawngbâwlnaainpêkna tak tak leh nung chu kan nei chhawm mai dâwna ni.

In kohhranin khawtlâng tâna rawngbâwl intumna kawngah engtiangin nge tûn aia nasa zâwkkhân ruahmanna in lo siam lâwk theih ang?


NGAIHTUAH ZUI TÛR: Deuteronomy 15:11; Joba 29:11–17; Thufingte 14:31, 19:17; Tirhkohte 3:6; Jakoba 1:27–2:5-te hi chhiar la.

Paula pawh kha Isua ang bawkin mîten anmamawh an sawi chu phuhrûksak tûrin a inhmang thîna. Atheni khawpuia a thiltih hmingthang takah pawhkhân kan hmu thei. Milem biakna hmun hrang hrang ahmuhte chu a helh hlê mai a. Tichuan, khawpuia mi fingawmte leh dâwr hmuna awm amah tî tîpui duh zâwngtenên chuan thil an sawi ho ta a. Chuta tang chuan anmamawh leh an ngaihven zâwng a lo hria a. An nunahchuan hriat loh Pathian, engnge a nih tak an hriat theihsî loh chu a awm a, Pathian dik tak chu tu nge ni tih anhriat a, engmah ti thei hlei lo milemte chibai bûk chu an

bânsan a ngai a ni tih a hmuchhuak ta a ni. Tichuan,Juda-te leh “Gentail ni chunga Pathian chibai bûktûte”inkhâwm honaah chuan thu a hril tan ta a (Tirh. 17:17,NKJV). Tawngkam dangin sawi ta ila, remchânna a hmuhchu hmang tangkai nghâlin, chanchin tha a hrilh ta nghekmai a ni. Paula chuan mîte chu an awmna hmunah vahmuh a tum hrâm thîn a, inkhâwmna in pâwnah lehkawtthlêrah te pawh a hmuh apiang a kâwm mawlhmawlh mai thîn. Atheni khaw mipuite hian an hriat lohPathian eng emaw tak chu awm niin an ring a, chuvângchuan “Hriat Loh Pathian” tân maichâm pawh an siamrêng a ni (Tirh. 17:23). Chumi chu hre rânin Paula chuanPathian dik tak, “hre lova chibai an bûk thina” ngei maichu a kawhhmuh ta a (Tirh. 17:23). A hnû-ah phei chuananmahni hlaphuahthiam tu emaw-in thil dik ve deuhmai, “Keini pawh a thlahte kan ni sî a,” (Tirh. 17:28) tia alo sawi chu a sawi chhâwng a ni. Mîte chu a lo hriat tawhchin atanga bultanpuiin, an milem pathiante lak ata hruaichhuak a, Pathian nung leh Isua, thihna ata lo tholehahnênah chuan hruai thlen a tum tlat a. A tâwi zâwngasawi chuan, thu a hrilh duhte mamawh chu a zir chianghmasa pahwt a, tichuan chûng an mamawhte chu anneih theih nân a tanpui ta thîn a ni.

SAWI HO TÛRTE:

@ Mîte hnêna thlamuanna leh hlimna neih theihnatûr kawng zirtîrtu chu an thlarau lam mamawh anngaihtuah ang bawkin an tîsa mamawhte pawh anngaihtuah a ni.” - Ellen G. White, Chatuan Nghahfâk,p. 365. He tah hian eng vânga mi dangte mamawhphuhrûksak nge ni?

@ Mi dangte rawngbâwlsak chungchâng kan sawi hianeng vângin nge kan tum ber chu theihnghilh lo

113 114

tûra kan fîmkhur a tûl viau le? Kan tum ber ni tûrchu eng nge ni? Kan theihnghilh lohna tûr chhanhrang hrangte chu sawi rawh?

@ Kan thil tih lai mêk rawn tikhaihlaktu thenkhattehi engtin nge min zarbuaitu ni lova, rawngbâwlnaremchâng tha tak anga ngaih zâwk dân kan zirtheih ang? Hemi kawngah hian Galatia 2:20 hianengtin nge min tanpui?

* * *

H-8

115 116

ZIRLAI 10-NA AUGUST 27–SEPTEMBER 2, 2016

ISUAN MÎTE RINNGAMAH A INSIAM

CHÂNGVAWN: “Nimahsela a chanchin chu a thang zualta sauh va; mipui tam tak chu a thuhriat duh leh an nâte tihdamsak duhinan lo kal khâwm tup tup a,” (Luka 5:15).

SABBATH CHAWHNU August 27

CHHIAR TÛRTE: Genesis 15:6; Number 14:11; Deuteronomy4:1–9; Nehemia 2:1–9; Daniela 6:1–3;1Korinth 3:1–9; Tirhkohte 2:42–47.

Kum tam tak chhûng chu Seventh-day Adventistkohhran pakhat chuan an awmna khuaa sawrkârprimary sikul zirlaite hnênah chawlhkâr khata ni ngachhûng zêl tûkthuan ei tûr an lo sem tawh thîn a. Anram chu sâkhaw tih bîk nei lo tak ni mah se, sawrkârsikul tinten chaplain (pastor) pakhat theuh an rawih theihnâna sum pêkna tûr dân thar an siam a, an khaw sikulhotûte leh khawtlâng mipui pawhin Seventh-dayAdventist kohhran chu pakhat thawh ve tûrin an duh a(kohhran pakhat chauh an sawm bîk hi chu thil thlengkhât tak a ni). Chaplain hnâ tûr chu zirlaite taksa, rilruleh thlarau lam mamawhte enpui a ni a, zirtîrtûte lehhnathawk dangte an puih châng pawh a awm bawk thîn.Remchânna awm theite hi a ropui hlê mai.

Principal chuan an sikul rawn tlawhtu pastorhnênah chuan, “In kohhran nêna inzawmna danglam lehbîk tak kan nei hi nuam ka ti a. In tih ang hian kohhran

dangte pawhin ti ve sê ka ti hlê mai,” tiin a hrilh a. Pastor-in sikul a chhuahsan dâwn lai chuan sikul hotunupakhat (community liaison officer) chuan rawn be lehin,an kohhranin thil an tih avânga a lâwmthu a sawi a,Sabbath vawi khat chu an biak ina inkhâwm vê a duhthû a hrilh bawk a.

Tûn kârah hian rawngbâwlsak kan tumte lehKrista tâna hneh kan tumte rinngamna nih chungchângkan zir dâwn a ni.

SUNDAY August 28

MÎTE RINNGAM NIIN

Isua khân mîte chu a thatna tûr a duhsak a,anmahni a khawngaihzia a lantîr a, an mamawhte aphuhrûksak phawt a, chumi hnû chuan an lo “ring ngam”ta thîn a ni.

Rin ngamna tih hi Latin tawng chuan thumalpahnih con tih leh fides tih kaihkawp atanga lo piang ani a, con tih awmzia chu “nên” tihna a ni a, fides tih chu“rinna” tihna a ni. Bible-ah hian rinna tih awmzia sawifiahnân thumal eng emaw zât hman a ni.

Hebrai tawnga “rinna” tih thumal tobul chu amna ni a, chu chu amen tih thumal lo chhuahna hi a ninghê nghê. A bulthûm takah chuan nghehna,chhunzawm rengna, leh rintlâk nihna tihna a ni a. Thileng emaw sakhat tha tak, nghet, kan rinngam tûr lam akâwk. Pathiana chhandamnna pe thei rinna a awm thusawinaah chuan, “ring” (believe) ti pawha lehlin a ni fo,“thutak,” “thudik” tihna pawh a ni thei bawk. Kristanmîte rinngam a hlawh thin thu sawinaah chuan a inpêknanghet leh nghîng ngai lo an hmuh atanga rinngamna lopiang chhuak a kâwk ve thung a. Mîte nêna thil an tih

ho thin avâng te, an dinhmun a hriatthiampui avâng teleh, an rawng a bâwlsak thin avângte-in an rinngam niha hlawh êm êm thîn a ni.

Hêng, amn tih atanga lo piang thumal awmnaBible chângte (Genesis 15:6; Number 14:11; Isaia 7:9;Habakuka 2:4) hi chhiar la. Engtiangin hêng chângahtehian hman a nih a, engtin nge rinngamna leh rinnatih chungchâng an târlan hlawm le?

Thuthlung Thar lehkhabûte an ziahna Griktawngah chuan Hebrai-hoten amn (rinna, ring) an tih chupistis tih a ni vê thung a. He Grik thumal, rinna tih sawinâna an hman hian rinna, rin tlatna, hnial rual lovachianna, rintlâk a ni tih hriatna, a ni tih chian hlê-na tihte a kâwk a. Kristan mîte rinngam a hlawh thin thusawinaah chuan, mahni hmasialna tel miah lova thil tiho tûr te, khawngaihna lantîr te leh, an rawngbâwlsaktûr tea a inpêkna chu hnial rual lova chiang a ni tih anhriatna, a ni ngei a ni tih an chian hlê-na, an rin tlatnaleh, an rinna lam a kâwk ang.

Thil pawimawh tak kan hriat tûr awm chu, herinngamna thu hi mihringte chungchânga hman a nihnarêng rêngah chuan (mahni inrintâwkna emaw, mi tuemaw chunga rinna nghahna emaw pawh ni se), thil thalo lam kâwka hman a ni ve thei fo tih hi a ni (Mika 7:5 lehSâm 118:9-te hi chhiar mah teh). Mahse Pathianchungchânga hman a nih erawh chuan a tha zâwng hlîra ni ve thung a. Hei hian a hman dânah kan fîmkhur angaih thu min hrilh a ni. Krista zuitûte chu amah Kristanmîte nêna thil an tih ho dân anga ti vê a, an khawngaihanga khawngaih a, an mamawh a phuhrûksak angaphuhrûksak vê tûra koh kan ni. An rawng kan bâwlsaktenmin ringngam ta a ni tih an lantîr hunah Isua kankawhhmuh a, an tâna thil a lo tih tawh chu kan hrilhngei ngei tûr a ni.

117 118

Mi tu emaw-in, “Pathiana rinna nghat tak takte awmdân chu eng nge ni?” tiin zâwt ta che sela, engtin ngei chhân ang? Chutiang chuan eng vânga chhâng nge inih?


FÎMKHUR TAKA INCHAWIH TÂWKTÎRIN

Africa ram pakhata Seventh-day AdventistKohhran chu a thang chak hlê mai a. An than châk êmêmna thurûk chu eng nge ni? An kohhran hruaitûtechuan he an thanna leh kohhran member-ten mahnihmasialna tel lo leh beisei let nei miah lova khawtlângmipuite tâna rawng an bâwlna chuan inzawmna nghettak a nei niin an sawi. Chutianga Seventh-day AdventistKohhranin mîte rin an hlawh thu lo darh zau zêl chuanan ram president beng pawh a lo thleng vê ta hial a.Adventist-ten khawtlâng rawngbâwlna hun lian tham takan huaihawtah chuan tel vê-in, an rawngbâwlna avângami mal taka a lâwmzia a hrilh nghê nghê a ni.

Chutih rual chuan, Krista âiawhtûte kan nihangin fîmkhur taka kan kal thiam erawh a pawimawh a.Isuan a tih ang khân mîte rinngam nih kan hlawh a ngaia. Mahse keimahnia rinna an nghahna chu Isua hnênahruai nân kan hmang tûr a ni thung. Keini chu hmanruamai kan ni a. Keimahniah hian Isua mîzia eng eng emaw- mahni hmâ a sial lohna, a hmangaihna, mi dangte angaihsakna, mi dangte thatna tûr a nih chuan mahni ainphat thinna te pawh a ni ang - an hmû a, chu chuankan lamah a hîp ta thîn a ni. Mahse keimahni min enchîk leh lutuk a nih chuan (mi sual vê tho kan ni bawk sîa), an thil hmuh zawng zawng chu an duh vek kher lomai thei. Chuvâng tak chuan Isua lam kan kawhhmuh

119 120

fo tûr a ni rêng a, amahah chauh chuan rinna an nghatpumhlûm ngam dâwn a ni. Keini vê hi zawng, engtikahemaw chuan beidawng vê leh mai tûr kan ni hlawm tlatsî a.

1 Korinth 3:1-9; 5:1 chhiar la. Paula’n Koh-hrana buaina awm chil fel a tum chu eng nge ni? Hêngmîte hian an kohhrana lo inkhâwm vê tûrin mi dangtesâwm ta sela, an mi sâwmte chuan Paula thil sawi hirawn hmu sî se, engtin nge an ngaih ang le?

Mi dangte mamawh phuhrûksak hnâ thawh kantum hmain mi tha famkim emaw, kohhran fel famkimemaw kan nih phawt chu a ngai kher lo ngei mai a. Chutih rual chuan, mi dangten eng emaw ti zâwng tala mirintlâk leh rinawm nih an zirna tlâk nih kan tum ngei chua ngai sî a ni. Chutiang chu Isuan a lo tih tawh dân angarinawm tak leh tihtakzeta mi dangte kan ngaihsak a nihchauhin kan ti thei bawk. Kohhran chhûnga inremlohnaleh inbeih tawnna tam tak hi chu member-te khawtlângatanpui ngai awmte tanpuina lamah chauh an insâwr binga, an hnêna Kristâ hmangaihna an puang chhuak a nihphawt chuan rang takin a reh mai dâwn a ni.

Mî tûten emaw regular takin in kohhran kharawn tlawh thîn ta sela, eng thil nge an hmuh ang a,in kohhran chuan an hnênah eng ang thû nge anhriattîr ang le?


NUN CHENFÂKAWM

“Hmingthatna chu hausakna namên lo aiin aduhawm zâwk a; mi ngaihsânawm nih chu tangkaruaemaw, rangkachak emaw aiin pawhin a tha zâwk bawk”(Thufingte 22:1, NIV). Heta a thu sawi hi thuhretu kan

nihna leh khawtlâng tâna rawng kan bâwlnate nênengtiangin nge a inkûngkaih le?

“Nun chenfâkawm” an tih chu eng nge ni? I bankaccount-a pawisa i dah luh chuan a hlutna chu a lo thangchho zêl thîn a. Nun chenfâkawm an tih chu inlaichînnatha leh thawk hlâwk hi a ni a, chutiang chu bank-a kanpawisa dah ang bawka hlû a ni. Khawtlâng hruaitûtenêna inkûngkaihna tha in neih chu in chhawm nun zêla, an khawtlâng mamawhte in zawh fo va, chûng anmamawhte tihhlawhtlin a nih theihna tûra an thurâwnin lâk thin a, a tak taka in thawh zui zêl bawk chuan,anmahni nên chuan inlaichînna in siam chho zêl tihna ani a. Chû chu nun chenfâkawm an tih chu a ni. Anmahninêna thil kan tih honaa kan thil tawn tha tinrêng maichu kan inzawmna tinghet zualtu a ni ang a. Tichuan, innun chenfakawm chu a lo thang lian chho zêl ang a, anhmuhah chuan in hlu telh telh bawk dâwn a ni.

Kan Church Manual chuan Seventh-day Adventist-te chu “khua leh tui tha chungchuang. . ., zavaia thattlânna atâna hna thawk thîn nia mîte hriat” kan ni tûrniin a sawi a. “Kan rawngbâwlna leh kan thil neihtehmangin, a theih ang ang leh kan thurinte nêna inremchinah chuan khawtlâng thatna atân leh a lo changkânzâwkna tûra hna thawhte chu kan tanpui thîn tûr a nia,” “khawtlâng thila rorêlna dik leh mi mal chanvohumhalhna kawngah chuan eng nên maha inhnûkhniamlovin, nghet takin kan ding tlat tûr a ni bawk.” -“Standards of Christian Living,” pp. 137, 138.

Isua rawngbâwlna bâkah hian, Pathian Lehkhabuchuan Pathian mîten “nunchenfakawm” an neih hunathil lo thleng thei entîrna dang pawh min pê a. Ahnuaia Bible chângte hi chhiar la, hêng mîte leh “pâwn

lam mîten” inlaichînna tha a neih dân leh chumi-ina arahchhuahte chu sawi ang che:

Tirhkohte 7:9, 10: _____________________________________

Genesis 41:38–45:_____________________________________

Daniela 2:46–49: __________________________________

Daniela 6:1–3:____________________________________

Heta kan hmuh ang chhanchhuahna mak tak hichu kan chang ve kher lo vang a. Nimahsela chû chu apawimawh ber pawh a ni chuang lo. He mîte hian an bûlvêla awmte rilru khawih tak nungchang tha an târlanga. Ellen G. White-i chuan a lehkhabu, Thlahtubulte lehZâwlneite-ah (pp. 217, 218, 221) leh Zâwlneite leh Lalte-ah (p. 628) hêng Pathian tih mî takten an vêla chêng,“Pathian dik tak pawh hre lohote” rin leh duhsak an hlawhtheihna chhan nungchang an neih chu a lo ziak a,chûngte chu: zâidamna, rinawmna, finna, rorêlna rintlâk,theihna, zahawmna, leh dikna te a ni.

NILAINÎ August 31

NU CHENFÂKAWM HLUTNA CHU

Kohhran hi chu mahni thua rawn inpe vê tawpteawm khâwmna a ni deuh ber a, chêt vêlna atâna sum anneih pawh a tam tâwk lo hlê thîn. Chuvângin inkûngkaihtawnna hi in kohhranin amah maia a theih loh tûr thilpawimawh tak taka a hlenchhuah theih phahna tûr atânathil tangkai tak a ni a. Buh seng hunlaia loneitûte an

121 122

inpuitawn angte hi nun chenfâkawm chi khat chu a ni.Chumi awmzia chu, thil rêng rêng hi uluk taka a awmdân kan thlîthlai ngai tho mah se, a theih chin chinaherawh kan thiltumte chu hlenchhuak tûrin mi dangtekan thawhpui thîn tûr a ni.

Nehemia 2:1-9 chhiar la. Pathianin Nehemiachunga Lal Artezarzia rinna a nghah ngamtîrna rahchhuah chu eng nge ni?

“Mamawh leh châkkhai a [Nehemia] tlâkchhamtea pe theitû tûr hnênah a dîl mai a. Thutakin hmâ sâwntheihna tûrin LALPAN A sum enkawltûte thinlungakaihhruaisak a duh reng a. Amâ tâna thawktûte chuanpe tûra mîte thinlung A chawhthawhsakte tanpuinatechu an hmang tangkai tûr a ni. . . . Thilpêk hlântûtechuan Krista rinna an nei kher lo a ni thei a, A thû pawhan la hre lo a ni thei e; mahse hêng atâna anthilthlâwnpêkte chu lo hnar tûr a ni lo.” - Ellen G. White,Prophets and Kings (Zâwlneite leh Lalte), p. 638.

Pathianin Amâ hnâ tihhmasâwnna tûra milem bemîte thinlung a rawn khawih daih mai hi a mak angrenghlê a ni. Hei hian zirlai pawimawh tak min zirtîr a. Kantheih chin chinah mi dangte nêna thawh tlân kan tumtûr a ni a, chutianga kan thawhpui tûrte chu kan thurinmin tâwmpui ve lotûte pawh an ni mai thei a; mahseKrista ram a zauhna tûr a ni dâwn phawt chuan engkohhran pawh ni se, kan iai tûr a ni chuang lo.Amaherawhchu, mi dangte nêna inzawmna kan siam rêngrêngin kan fîmkhur thiam erawh a ngai a, an tel vênachuan khawtlâng thatna tûra thil tih kan duh chu a puithei dâwn a nih chuan, fîmkhur tak leh tawngtai rengchungin kan thawhpui thei ang. A châng chuan sawrkârte, mi mal sumdâwng lian te, leh mi hausa tak tu emaw

123 124

ten mi dangte thatna tûra hnâ kan thawh hi tha an tihêm avângin min puih vê an duh thu pawh an rawn sawiang a. Mahse chutiang chu lo pawm nghâl mai emaw, lohnâwl nghâl ngawt emaw tûr a ni lo va. Thutlûkna siamhmâin tâwngtaina nên fîmkhur taka ngaihtuah a,thurâwnte lâk hmasak phawt thin tûr a ni.

In khawtlângah khân i tân ni lo, mi dangte tânzâwka thil tha thlen theitu tûr “nun chenfâkawm” isiam theih dân kawngte chu engte nge ni?

NINGANÎ September 1

MÎ ZAWNG ZAWNG DUHSAKIN

Lalpa hnên atanga êng ropui tak pêk bîk kannihzia hi chu sawi loha lêng a ni a. Hê êng hi thurin(theology) lamah chauh a ni lo va (entîrna atân Krawsawmzia kan hriatthiam dânah te, biak bûk chungchângte, thih hnû-a kan awm zui tâk dânah te, Sabbath thû-ah te, leh indona ropui kan pawm dânah te), hêngte hianmahni ngawt pawh hi malsâwmna ropui tak a ni hlawmngei mai. Hrisêlna leh damna thû-a êng pêk kan nih thûpawh hi kan ngaihtuah chuan, kan vêla awmte hnênapêk tûr tam tak kan nei a ni tih a chiang hlê.

Dik tak chuan hrisêlna thuchah phei hi chu kankhawtlânga rawngbâwlna kan neih theihna tûr remchângmin siamsaktu tha tak a ni thei a. Kan thurin rawnngaihven tum miah lo tûrte pawh hian hrisêlna tha takneih chu an duh vê tho. Chu tak chu Pathianin êng minpêkte kan hrilh chhâwn ve theihna remchâng tak a nidâwn a. Isua chuan, “Tû pawh tam tak an pêka hnênahchuan tam tak an phût ang; tû pawh tam tak an kawltîrahnênah chuan tam deuh an phût ang,”a ti a nih kha (Luka

12:48). Tam tak pêk kan nihzia chu sawi ngai lova chiangsa a ni.

Deuteronomy 4:1-9 chhiar la. Hetih hunlaia amîte hnênah hian LALPAN eng thu nge a sawi, chu athu sawi chu, engtiang kawngte-in nge keimahnihnênah pawh hman ve theih tho a nih le?

Kum tam vak lo liam taah khân Seventh-dayAdventist kohhran pakhat chuan, “Kan kohhran hi zankhat thil thû-ah bo ta phiar ila, kan khawtlâng hian minui viau ang em?” tih zawhna hi an ngaihtuah a. A chhânnachu a chiang sa reng mai. An ui hauh lo vang. A chhanchu an khaw mipuite hian anmahniah rinna an nghatngam tlat lo a lâwm.

A chhânna chu an duh lo khawp mai a, tichuankhawtlâng mîte nêna an indaidanna bang zawng zawngthiah vek a, inkalpawhna tûr lei dawh zâwk zai an rêl ta a.Thutak an hriat chu thlah chuang sî lovin Pathian hnathawk ve tho pâwl dangte nên pawh an thawk ho va.Nakinah phei chuan a kahpah mai ni lovin, an khawtlânginan hlâwkpui êm êm thawh hona kumhlun deuh zâwk chuan neizui ta zêl a. An laka khawtlâng rilru put hmangpawh a inthlâk danglam chiang ta hlê a ni.

Tirhkohte 2:42–47 chhiar la. Kohhran hmasahunah khân “mi zawng zawng lâwmzâwnga awm”(Tirhkohte 2:47) leh kohhran thanna hian eng ngeinzawmna a neih? He lai thû-a an awm dân a sawi lehin kohhran awm dân kha khaikhin ang che.

ZIRTÂWPNÎ September 2

NGAIHTUAH ZUI TÛR: Marka 5:18–20; Luka 8:38, 39;Tirhkohte 5:12–16 te hi chhiar la. Tin, Ellen G. White-ilehkhabu, Tihdam Rawngbâwlna-a, “Kan Entawn Tûr” (pp.

17–28) tih leh, Chatuan Nghahfâk-a, “NaupangteMalsâwmin” (pp. 511-517) tihte kha chhiar ni bawk se.

Kohhran pâwl dangte leh tlâwmngai pâwl eng engemawte nêna nangmah leh in kohhran pawh in thawhho theih dân tûr kawng tam tak a awm a. In kohhrantâna thil tih tûr pawimawh deuh mai chu in khawtlângmamawhte hriat a, a tihlawhtling tûra a theih ang angami dangte nêna thawh ho a ni. Khawtlâng mipuite lehkohhran pâwl dangte rinngam nih theih dân kawng thazâwk dang a la awm ang em? Chutianga in kohhran lehan rawng in bâwlsak tûr khawtlâng mipuite inkâra inrintawnna a awm tawh ber chuan, Isua an zui theihna tûrathil tih ngaite chu tih a ni dêr tawh tihna a ni a, “chu inthil tih chu rah chhuah lohvin a awm hauh lo vang a, aawm pawh a awm thei hek lo.” - Ellen G. White, Ministryof Healing (Tihdam Rawngbâwlna), p. 144.

Hetiang rawngbâwlna mâwl tê avâng leh mi dangtethatna tûra kan thil tihte atanga mi kan hneh tawh lehla hneh leh zêl tûr zât chu Pathian chauhin a hria a ni.

SAWI HO TÛRTE:

@ Khawtlâng mipute nêna inzawmna tha tak siama, an ngaiha hming tha tak nih thu leh IsuanMatthaia 10:22-a vaulâwkna thu khauh tak minpêk, “Keimâ hming avângin mi zawng zawng huatin ni ang; nimahsela a tâwp thlenga tuar peihapiang chu, chu mi ngei chu chhandamnin a awmang,” tihte hi engtiangin nge kan sawi rem ang?

@ In class-ah khân, “Rinna dik tak neitûte awmdân chu eng nge ni?” tih zawhna hi sawi ho ula.Chumi awmzia chu, Isuaa rinna kan nghat tak tak

a nih chuan, a nghat vê lote nên eng nge kandanglamna ni tûr le?

@ Kan rin ang ring vê lote hnên atanga thilpêk dawnchungchâng hi fîmkhur taka kan ngaihtuah a ngaia. Nilaini zirlaia kan hmuh tâk ang khân Ellen G.White-i chuan kan rin ang ring vê lote chu sawiloh, Isua ring lotûte hnên atang pawha dawn apawi lo ang zâwngin a sawi a nih kha.Amaherawhchu, Tihdam Rawngbâwlna (p. 340)-ah chuan zu zuarte (member tha pangngai takpawh ni se) hnên atanga pawisa dawng kohhrantechu na takin a khak a. Hêng mîten pawisa anthawh chu “thisen kai a ni a, ânchhia a awm ani” a ti hial. Thilpêk min petûte emaw, mi dangtenêna kan thawh hona hrim hrimahte pawh hian,thil tha tihna tûr pawh ni se, engtin nge a dik lehdik lo kan thliar hran theih ang?

125 126

ZIRLAI 11-NA SEPTEMBER 3–9, 2016

ISUAN, “MIN ZUI RAWH U” TIIN A SÂWM

CHÂNGVAWN: “Nimahsela [berâmte chuan] hmêl hriat lohchu an zui ngai lo vang; zui ahnehin an lak ata antlân bo zâwk ang, a chhan pawh hmêl hriat loh âw chuan hriat than a nih loh vâng a ni,” (Johana 10:5).

SABBATH CHAWHNU September 3

CHHIAR TÛRTE: Luka 9:2; 19:1–10; Johana 10:1–5,16;Tirhkohte 26:11–27; Thupuan3:20; 14:6, 7.

ROM ram lal ber Julian-a chuan, A.D. 362 khânmilem biakna tharthawh a nih leh theih nân a bei chiammai a. He tih lai vêl hian Kristian sâkhua chuan RomLalram zawng zawng a tuam chhuak titih tawh a, Julian-a leh milem be sâkhaw hruaitûte chu an mangang hlê ani. Milem be sâkhaw puithiam pakhat hnêna a thurâwnpêk hian a thil helhkam ber chu a tilang a, Kristian sâkhuaa than chak êm êmna chhan nia a hriat pawh hetiang hiana sawi a: “[Milem be sâkhaw] puithiamte’n mi retheitengaihsak lova an en liam mai mai lai hi pathian zah lo takGalili mîte chuan an lo hmu reng a, tichuan anmahni tanpuitûrin an lo inpe ta thîn niin ka hria . . . . Anmahni mî lehsâte chauh ni lovin, kan zînga mi rethei awm vete pawh antanpui vek a, kan mîte hian kan hnên atangin tanpuinaan dawng mang lo tih chu mi tinin an hmu vek a ni.” -Quoted in Rodney Stark, Cities of God (San Francisco:Harper Collins Publishers, 2006), p. 31.

Rom-hote khân Kristiante chu an hruaitu ber Isuaa thih hnû kha chuan tiavai zui mai tûrah an ngai a.

127 128

Mahse a teuh lo mai, Rom khua leh tuite zîngah Isuazuitu an lo pung thûr thûr a. Engtin nge chu an“harsatna” chu an hrilhfiah tak le? Isua zuitûte chuanan bul vêla awmte mamawh phuhrûksak zâwngin Isuahmangaihna an lantîr thîn a. Chutiang chuan Isuapawhin he leia a awm lai khân a ti thîn a, amah zuitûtepawhin an ti vê tûr a ni bawk.

Chuvângin Isua zui tûra sâwmna an pêk pawhkhân mi tam takin an lo pawm ta a nih kha.

SUNDAY September 4

A ÂW AN HRIA

Johana 10:1–5, 16 chhiar la. Engtin nge hêngchângte hian kan khawtlânga chêng vête chu Isuahnêna hruai kan tum a nih chuan anmahni nênainlaichînna tha leh duhawm tak kan siam a pawimawha ni tih an târlan?

Thian tha inhrilhrûkna thû chu mikhual aurî âichuan mîte Isua hnêna hruai thlen nân a tangkai zâwka. Min rinngam tum tak thian kan siam dâwn a nih chuan,Samari Mi Thâ (Johana 10:11, 14) thawnthu hiankeimahni hmangin chûng mîte chu Isua âw hriaa zuitûrin a pui thei ang.

Isua âw chu mi dangten an hriat theih nâna kantanpui hmâin, keimahni ngei hian kan hriat hmasakphawt a pawimawh a. Mahse Setana âw fing vervêk takleh, Isua âw thliar hrang thiam tûr chuan Pathiantanpuina kan mamawh a ni. Indona ropui chu a takathleng ngei a ni a, hmêlpa chuan a lang lo thei ang bertûrin Isua nêna inlaichînna tha kan neihna tûr dâl a tumreng bawk a ni tih hi kan theihnghilh ngai tûr a ni lo.

Chutiang chu ni mah sela, Isua âw hre tûra mîtetanpuitu ropui tak kan ni thei tho va. Ani chuan thil siamhmang te, thil lo thleng palh nia kan ngaih hmang te,Thlarau Thianghlim uapna hmang te, Pathian tih mi takte hmangte, leh a Thu hmang tein min rawn be thîn a (Ellen G. White, KristaPanna Kâilâwn, pp. 85–91 en la). Keimahni hian a âw chukan hriat a, kan zawm bawk chuan, mi dangte kaihhruaitukan lo ni thei dâwn a ni. Chutih rual chuan, amah Isuanmin lo vaulâwk tawh ang khân, mitdelin mitdel vêk a hruai(Mat. 15:14) ang erawh chu kan ni tûr a ni lo.

Eng vâng in nge Isua khân mîte a lamah a hîptheih êm êm mai le? A chhan chu mahni hmasialna telmiah lova mi dangte tâna a inpêkna kha lo do lêt a harêm vâng a ni. Keini a taksate (kohhranho) pawh hianmahni hmasialna kan hnâwl a, chhiahhlawh zia chu kanput a, keimahniah hian amah chu kan nun chhuahtîr anih ngat chuan, Krista kohna lamah chuan mi an lo kalzut zut mai dâwn a ni.

Berâmpu Tha âiawhtûte kan nih ang ngeiin amahzui tûra mîte kan hrilh hun chuan a rawngbâwl dân angchiah khân kan bâwl vê tûr a ni. Isua hmangaihnatilangtu thudik leh a tak taka rawngbâwlna chuan anrawng kan bâwlsakte beng a verh hlê a, khawtlâng lehkohhran inkâra indaidanna bang pawh a thiat thîn a ni.

Mi dangten Berâmpu âw an hriat theih nâna itanpui theih dân kawng chu engte nge ni?

THAWHTANNÎ September 5

ZAWNG CHHUAK TÛR KAN NI

Luka 9:2; 19:10; Marka 1:17; Thupuan 14:6, 7-te hi chhiar la. Hêng Bible chângte hian thil thuhmun

129 130

H-9

an sawi theuh chu eng nge ni? Chumi awmzia chu, engthil nge ti tûra min hrilh le?

Seventh-day Adventist kohhran pakhat chu,“LALPA, khawngaih takin kan bul vêla chêngte hi kankohhranah leh nangma hnênah hîp rawh” tiin kum tamtak chhûng chu an tawngtai tawh a - kan kohhran hithîrhîpthei (magnet) lian tak, mak tak maia mîte hîptutûr emaw an ti a ni teh chêk a niang chu. Ni e, a chângchuan keimahni lamin kan va sâwm pawh ni hran lohian mîte hi Pathian zawngin kan kohhranahte hian anlo tei lût ve ngei mai thîn tak a.

Mahse kum tam tak a liam hnû-ah pawh in awmnavêla chêng vê mi tû mahin in biak in kawngkâ an rawnrap lo hrim hrim a nih chuan eng nge in tih ang? Mîtechu in hnêna lo kal tûra in tawngtai tlut tlut ringawt anih chuan Isua thlarau man dân phung in zui lo tihna ani. Ani kha chu mîte nên an khawsa ho va, an inkâwmtlâng a, chhandam tûr mi a zawng thîn. “Mîte chu kanhnêna an lo kal hun kan nghâk tûr a ni lo va; an awmnahmunah kan va zawng chhuak zâwk tûr a ni. . . . Anhnêna kan va thlen chawt te a nih loh chuan chanchintha dawng ngai rêng rêng lo tûr mi tam tak a awm a ni.”- Ellen G. White, Steps to Christ (Kristâ TehkhinThûte), p. 229.

Chanchin tha dawng tûr zawn chhuahchungchâng hi tehkhin thu hrang hrang hmanga sawi ani a:1. Berâmpu chuan a berâm pakhat bo zawng tûrin berâmhuanga berâm 99 awmte chu a kalsan hmiah mai a (Mat.18:10–14).He tehkhin thû hi “mi tê-te” chu sual lo tûravênhim leh châwm puitlin an ngaihzia târlan nâna a sawia ni a. Heti laia “mi tê-te” a tih hi naupangte emaw,Kristian nun kawnga la puitling rih lote emaw an ni theive ve. Chûng mîte chu khawvêlah an lêt leh a nih chuan,

131 132

Isuan a lo tih tawh ang khân kan va zawng chhuak ang a,hmangaihna takin a hnênah kan hruai kîr leh tûr a ni.Heti laia a sawi tum ber chu bo tawhte zawng chhuaktûrin kan che vat vat tûr a ni tih hi a ni. Anmahni vapawh tûrin kan beih a ngai a. A châng chuan kawtthlêrakan kal mai mai laia, “Pathian chanchin te, chhandamnachungchâng leh thutak thu chu min lo hrilh ve teh” tiamin rawn pan ve chawt pawh an awm ve ngei thîn tak a.Mahse chutiang chu kan tawng khât viau a ni lo’m ni?2. Bo tawhte zawn hmuh nân “Krista tih dân hi chu rahchhuah lovin a awm dâwn lo va, a awm thei lo hrim hrimbawk.” - Ellen G. White, Tihdam Rawngbâwlna, p. 144.Amaherawhchu, “a zâr hniam laia rahte” chauh - Kristianthurin tlângpui pawm ve tawh sate, entîr nân, kohhranpâwl danga mîte ang hi lawh kan tum em? A “lâwn harlaia rahte” - sâkhaw ngaihsak miah lo te, Pathian awmpawh ring lo te, Muslim te, Juda te, Hindu te, Buddhistte, leh a dangte hi pawh kan tum ve tho em?

Dân narânin, Kristiante thlîr dâna khawvêl thlîrvetûte chuan Adventist thurin leh zirîrnate hi chu dik anti deuh zêl a; mahse thlîr dân dang neite hnêna Isuachanchin hrilh tûr hian tan kan lâk thar hlê a ngai a ni.

THAWHLEHNÎ September 6

LEIHLÂWN CHU

Kohhran chuan khawtlâng rawngbâwlna atân tiinprogram chi hrang hrang - hrisêlna chungchâng,chhûngkaw thil, sum leh pai lam, buaina chin felna, leha dangte pawh a huaihawt châng a awm thîn a. Chutazawhna awm ta chu: “Tûin nge ‘Min Zui Rawh’ tih angdinhmun hi hruai thleng ta ang?” tih hi a ni maithei a.Mahse hei hi kan inzâwt zâwk tûr a ni ang: “Tu nge

dawhzawmtu (leilâwn)-ah tang dâwn?” A chhânna chu:“Nangmah kha lê!’ tih a ni.

“Mîten chanchin tha an pawm theih nâna sawimâwi dân tha ber chu mîte hmangaih thei leh hmangaihtheih Kristian nih hi a ni.” - Ellen G. White, TihdamRawngbâwlna, p. 470. An thil tihna hrang hrang rawnchhim thîntu chanchin lo vawng tha thlap zêl kohhrantechu Pathian hmangaih tak taktu member-in malsâwman ni thîn a, an kohhran rawn tlawhtûte nên chuaninthian thatna kumhlun neih theih dân mawlh an zawngbawk thîn.

A lehlamah, tlawhtûte ngaihsak ngai lêm lokohhran member-te chuan in kohhranin chêt chhuahrawngbâwlna a neihnaah nghawng tha lo tak a nei vethei thung a. “Kohhran member-te zînga piantharna lachang ve ngai miah lote leh, vawi khat pianthar hnuatawlh kîr leh tâte avâng hian LALPA chuan thudika mitam tak hruai hnâ a thawk nghâl mai rih dâwn lo. Hêngkohhran member rilru thianghlim lo tak takte hian,kohhran rawn zawm tharte-ah eng ang nghawng nge anneih ang? A mîten an ken atâna Pathianin thuchah apêk chu engmah lovah an chantîr mai ang tih a hlauhawmhle a ni.” - Ellen G. White, Testimonies for the Church,vol. 6, p. 371.

Luka 19:1–10 chhiar la. Eng vângin nge Zakaiakha Isua hmu tûra thingkûngah a lâwn kher? Hethawnthu atang hian thlarau lam zirlai engte nge kanlâk chhuah theih le?

Jeriko khuaa chêng sâkhaw hotu, mîten Isua anhmuh theih loh nâna dang tlat thînte khân Zaikaian Isuarawn hnaih a châkzia leh amah Isua pawhin he “mi sual”

hi hmangaih takin a hnêna kal tûra a sâwmzia hi lo hmuta sela, eng thil nge thlenga i rin?

Isua vêla “mipui” awmte zînga tel ve keini pawhhi harsatna nei leh mi sualte a hmangaihna hrî chuanmin “man” ve ngei tûr a ni a, chu hrî kan vei chu midangte hnênah kan “kai chhâwng” vê zêl tûr a ni bawk.Keimahni ang bawka mi sualte chu Pathian in ahmangaihin a khawngaih vê tho a ni tih kan hre tak taka nih chuan, mipui kâra awm ve phâk lo, thlarau lamapa tâwi takte chu hmangaihna nên kan zawng chhuakang a, duat takin Krista hnênah kan hruai thleng thîndâwn a ni.

In kohhrana hmêl tharte lakah khân engtin ngei awm thin? Va biak i tum hrâm thîn em? Nge ni a, midang tûte emaw ngaihsak zâwk rawh se tih rilru puchungin i haider lui thîn zâwk? I chhânna chuannangma chungchâng eng nge a sawi a, eng nge thlâkdanglam ngai awm le?

NILAINÎ September 7

SÂWMNA CHU

Isua leh a zirtîrte khân mîte tidamin an rilru chuchatuan thil lamah an hawitîr thîn a (Ellen G. White,Tihdam Rawngbâwlna, p. 20). Mark Finley-a chuan mîteharsatna phuhrûk sak ringawt a, Pathian chanchin hrilhleh sî loh chu chîn dân tha lo tak niin a sawi. Isua khachuan chanchin tha a hrilin mîte chu an mamawh tak ape thîn a. A taksa damna a thlensak khân a duhtâwknghâl mai ngai lo. Hetiang hi tihdam rawngbâwltûte hnâpawh a ni. Isuaa chatuan nun awm chu pêk ngei kantum tûr a ni a. Tihdam rawngbâwltute hnâ chu kan mihriat zâwngte Isua zui tûra sâwmna hmangin a tan nghâl

133 134

mai theih loh châng a awm mai thei a; mahse kan la sâwmnge nge tho tûr chu a ni. Anmahni kan hmangaih êmavângin Kristan a pêk tum zawng zawngte chu hrilh vekkan châk ang.

“Isua tih dâna a then khatna hi kei chuan ka tiang a, ‘Mi zui rawh u’ tiha sâwmna tak hi chu ka ti lovang. Chu chu ka thilpêk dawn a ni ve lo” i ti a ni maithei a. Nimahsela, a hmasa zâwk hi i ti a nih chuan, ihriat miah lovin Isua chanchin pawh i hrilh zui lehnghâlmai dâwn a ni. Chutiang chu thil nihphung pângngai verêng, tih awlsam êm êm bawk sî a ni a, a chhan pawh anthinlungah chuan “tanhmun tûr” i lo chheh fel tawh vânga ni.

An rawng in bâwlsakte nêna in innêl tak tak hnûchuan rinna chungchâng leh in tâna LALPA thatna tesawina hun remchâng zawng reng tawh ula. Thlarau lamthil sawina hun in melh rân dâwn nia. In thian thar chuan chhûngkaw chanchin te, an eizawnna leh an sâkhua/kohhran chanchin te zâwt ula, chu chuan i testimony isawina theihna tûr kawng a hawng dâwn a ni.

Dik taka sawi chuan mi mal testimony-te hithuhretu nihna kawng tha tak a ni thei a, a lo ngaithlatutân pawh a hlauhthâwnawm loh ber bawk. Uâlâu takinthu in hril lo va; thawnthu in hrilh vê a ni mai zâwk a. Athuhrimah kan zavai hian kan nuna Isuan thil a lo tihtawh dân chanchin sawi tûr kan nei vek tûr a ni.

Tirkohte 26:11-27-a Tirkoh Paulan Lal Agrippahnêna a testimony a sawi thu kha chhiar la. Heta tanghian mi dangte hnêna Isua chanchin hrilh kan tumnakawngah eng thil nge zir theih kan neih le?

Paulan rahbi hrang hrang a zawhte hi lochhinchhiah la. A hmasa berin LALPA a hriat hmâa a nihnaa sawi phawt a. Chutah a pianthar tuma a thil tawn a

135 136

hrilh leh a. Tichuan a pianthar atanga Pahianin a nunathil a tih tawh zawng zawngte chu a hrilh leh a. Tichuan,sâwmna a siam ta a ni.

Kan thil tawn chu Paula thil tawn angangaihnawm a ni vê kher lo mai thei a, mahse kan thiltawn ang chu mi dangte hnêna hrilh a \ûl hun a lothlen hunah engtin nge hrilh ve ngei dân kan zir theihang?


ZAWNG ULA, TICHUAN IN HMÛ ANG

Thupuan 3:20; Matthaia 7:7, 8, leh Johana 1:12chhiar la. Hêng châng pathumte hi engti kawngin ngean inkûngkaih kual vek a, LALPA zawn leh hmuh awmziachu engtin nge an sawi hlawm?

Hêng Bible chângte hian Isua chu kan dîl a, kanzawn a, kan thinlunga a luh theihna tûra kan inhawn atûl thu an sawi theuh va. Chutih rualin Thupuan 3:20chuan Isua chu kawngkhâr bula dinga kik ang leh, kawnglo hawntûte hnênah chuan a lût ang a, an hnênah zanriaha ei ang a, anni pawhin a hnênah an ei ve tûr thû a sawitho bawk.

An thil sawi hi a inkalh lo va. Thlarau Thianghlimthiltihtheihna hmangin LALPA chuan mîte thinlungah hnâa thawk mêk a, anmahni hre lêm lo mah se Amâ lamahhîp reng a ni. Mihring nunin a pêk theih sî loh thil engemaw tak an zawng thîn a. Chutiang mîte kawng dikkawhhmuha, an thil zawn tak mai chu eng nge ni tihhrilhfiah thei tûra kan lo awm hlauh hi a vânneihthlâkhlê a ni.

Nangmah hmangin Isua chuan in khawtlângamîte nun “kawngkâ” chu a kik thei a, an “kawng lohawng” a, an in chhûnga luhtîr duh apiangte chuan aken tel malsâwmnate chu an dawng ang (Thupuan 3:20,Johana 1:12). Amah zuitûte chu dîl a, zawng a, akawngkhâr kik a, a lalram “thilthlâwnpêk tha tak takte”chu dawng tûrin a sâwm bawk a ni (Mat. 7:7, 8, 11).

Mi tu emawin Krista luh nân a “kawngkhâr hawn”a duh a ni tih Thlarau Thianghlimin a hriattîr hunah chechuan, “Isua Krista chu i lo neih vê theih nân leh, achhûngkuaa i lo tel vê theih nân i tawngtai dûn anghmiang?” tiin sâwm la. Hetiang deuh hian a tawngtai vêthei ang:

“LALPA duhtak Isu, mi sual ka ni tih ka inhria a, ingaihdamna ka mamawh a ni. Kan sualte tlan nân i thitawh a ni tih ka hria a. Ka sualte hi kalsan ka duh a ni.Tûnah hian kan thinlung leh ka nunah lo lût tûrin kasâwm a che. Ka ring duh che a, ka LALPA leh Chhandamtuatân zui che ka duh a ni. Chûng chu Isua hmingin ka dîle. Amen.”

Sâwmna siamna hun tha kan hriat theih nânthlarau lam finna kan mamawh a. Kan nawr hmanhmawhlutuk ang tih a hlauhawm rualin, kan nawr lo lutuk angtih pawh a hlauhawm vê tho bawk a; nawr lutuk âi chuannawr miah loh hi a la hlauhawm zâwk mah thei a ni. Achâng chuan mîte hian LALPA chu thlang tûrin nawr vêdeuh hlekte pawh an mamawh a; mahse chu chuhmangaihna nêna tih ni se. Hetih hunah hian duhthlantûr pahnih a awma (Kristaa chatuan nuna awm emaw,chatuana boralna emaw) thlan zâwk tûr hre lova aninkhâp buai mêk leh mêk loh tuin nge hria le?

Mawhphurhna thianghlim tak kan nei a ni tih achiang hlê.


NGAIHTUAH ZUI TÛR: Sâm 77:20; Hosea 11:4;2 Korinth5:11–21 te hi chhiar la. Ellen G. White-i lehkhabu, TihdamRawngbâwlna-a, “Zirtîrna leh Tihdamna,” (pp. 139-146)tih te, Krista Tehkhin Thute-a, “ ‘He Mi Hian Mi Sualte APâwl Thîn,” (pp. 185–197) tih leh, “Kawtthlêrahte lehDaiahte Kal Ula,” (pp. 228–237) tih te chhiar ni bawk se.

Lalpa hmangaih êm êmtu, Isua chanchin a hriatang ang pawh mi dangte hnêna hrilh chhâwn vê zêl duhtlangvâl pakhat hi a awm a. Thusawi thiam leh mîtengainat hlawh tak a nih avângin thuhretu ropui tak a nibawk a. A thusawite chu mîten an ngaithla châk hlê thîn.Mahse harsatna pakhat a nei tlat mai: mîte chu Isuahnêna inpêk an duh leh duh loh a zâwt hlau tlat zêl a.Chû chu kohhran member dangte pawhin mak an ti a, achhan chu thil dang zawngah chuan LALPA tân a huaisenêm êm niin a lang a, a rinna thû pawh ualau takin a sawichhuak ngam tho bawk sî. A tâwpah chuan a hlauhnachhan an zâwt ta a, a chhânna chu: Nilaini zirlaia kanhmuh thû ang deuh khân, Isua hnêna mîte hruai chu athilpêk dawn a nih loh thu a sawi mauh mai.

Chi tuh chu nuam a ti hlê a; a seng hnâ erawh midang thawh atân a kian zêl dâwn a ni âwm e. Mahsenakîn deuhah chuan a inpuang ta ngê ngê a, a thil hlauhber mai chu eng dang ni lovin, a sâwmna chu miin an lohnâwl ang tih chu a ni. LALPA tâna thuhretu ni tûr chuantling lo deuh riauva inhriatna a nei a (chu chu thil thatak pawh a ni rêng a), chuvâng chuan Isua hnêna inpetûra mîte sâwm pawh ni se, an lo pawm loh mai a hlauthîn a ni. An kohhran member thenkhat chuan thuhretunih chu keimahni chungchâng ni lovin, Isuachungchâng a ni zâwk a. Keini hi chu thuhretu thafamkim lo kan ni reng ang. Tawngtaina leh hmangaihna

137 138

nên Isua lam chu kan kawhhmuh thei nameuh mai a;mahse Thlarau Thianghlim hnâ chu keinin kan thawkthei lo, Amah chauh chuan mahni sual inpuanna lehpiantharna a thlen thei a. Keini hi chu Kristan mi dangtea hmangaihna kalkawng mai kan ni e.

SAWI HO TÛRTE:

@ Mi tu emaw chuan Isua hnêna inpe tûrin mi dangtesâwm chu a hlauh zâwng tak niin sawi ta sela, chumi hnênah chuan eng nge i sawi ang?

@ Johana 1:9 thu: “Êng tak, mi tin ti-êng thîn khaawm a, khawvêlah a lo kal mêk a ni” tih kha chhiarla. Engtin nge he châng hian LALPA chuan mi tin hichhandamna chantîr vek a tum a ni tih hrethiamtûrin min puih le?

@ In kohhran kha tlawhtûte lakah engtiang takanêlawm nge in nih le? In inkhâwm rawn chhimtumikhualte chu tha lehzuala in lo dawnsawn theihdân tûr kawng a awm em?

@ Kawtthlêra tei rawlai vêl mai mai tû emaw in biakina a rawn tei luh ve nawlh tum khân engtin nge inkohhanin in lo dawnsawn?

@ In class-ah khân i lo pianthar dân chanchin sawila. Chu i pianthar dân chanchin chu mi dangtehnêna thuhretu nihna atân engtin nge i lo hmantheih ang?

139 140


TÂWPNA HUNA KHAWPUI RAWNGBÂWLNA

CHÂNGVAWN: “Sala ka tirhna che u khawpui thatnazawnsak ula, LALPA hnênah dîlsak rawhu. Chu ram hmuingîlna zâr chu nangnipawhin in zo ve dâwn sî a,” (Jeremia29:7).


CHHIAR TÛRTE: Exodus 2:23–25; Matthaia 13:3–9, 18–23; Johana 15:12, 13; Tirhkohte 18:1–28; 2 Petera 3:9.

Vântirhkoh pathum thuchahte hian chanchin thachu “hnam tinrêng te, chi tinrêng, tawng tinrêng, lehmi tinrêng te” hnênah tlângaupui tûrin min sâwm a(Thupuan 14:6). Chuti a nih chuan, he thuchah hianmihring awmna tawh phawt chu a thleng tûr a ni. Tûnlaihunah hi chuan khawpuiah mi tam tak an chên tawhavângin khawpui hrang hrangah kan kal tûr a ni bawk.

Dik tak chuan, khawpui rawngbâwl hna tuah takmai hi kum 2007 atang khân a tuah zual a, hemi kumhian United Nation-a mithiamte (statistical experts)chuan an lo chhinchhiah dâna a vawi khatna atânakhawvêl mihring zînga a tam zâwk hi khawpui huamchhûnga awm an nih thu an puang a. Vawiinah pawhhian khawpui rawngbâwlna chu Seventh-day Adventistmission ralrêlna atâna thupui chai hlawh ber a lo nita a ni.

Ram tam takah chuan Adventist-te rawngbâwlnahi khawpui lian tak takah âiin, khaw lian vak lo leh

thingtlâng lamah a hlawhtling zâwk tlângpui a. Endik-nate’n an tâlan dânin khawpui thenkhatah chuanmihring chêngte zînga a tam zâwk daihin Seventh-dayAdventist Kohhran hi an lo la hre ngai miah lo va,“vântirhkoh pathum thuchahte” phei chu a rim a râ pawhan la hre lo hrim hrim a ni.

Heta tang hian, khawvêl hnêna rawngbâwl tak taktûr chuan khawpui hrang hrangte kan luh chilh ngei angai a ni tih a chiang hlê.

SUNDAY September 11

KHAWPUI ZIA CHU

Khawpuite hian hnam zia leh tawng pawh inanglo tak tak te, sâkhaw hrang hrang vuantûte a hîp khâwma, Tûn hmâ deuh chuan tawng khat hmangte leh sâkhawthuhmun vuante chu a hlang deuh hlekin an chêngkhâwm thîn a, Mahse tûnah chuan mi chi tinrêng hi aninchên pawlh vek tawh mai a. Hetianga hnam hranghrang inpawlhsawpa chên hona hian, thil tha lo lehbuaina eng eng emaw a thlen theih rualin, chanchintha hrilh nân erawh a remchâng êm êm thung sî.Khawpui pâwna chêngte âi chuan a tlângpui thu-inngaihdân tharte an ngaithei zâwk a, sâkhaw dangthurinte pawh ngaihthla thei tûrin an inhawng zâwkbawk. Seventh-dah Adventist thuchah hre ngai lo tûrmang mangte pawhin khawpuia an rawn pêm luhavângin an hriat phah thin.

Paulan khawpuia kohhran a din a tum dânkawng khat hre tûrin Tirhkohte 18:1-28 chhiar la. Hekhuaa a thil tih atang hian eng nge zir theih kanneih sawi rawh.

Hêng khawpuite pawh hi tûnlaia kan khawpuiteang chiah hian tawng chi hrang hmangtûte leh hnamzeinang lo tak tak awm khâwmna hmun a ni ve tho va.Paula chuan mi tûte emaw, a hnû zêlah pawh a kawmngeih zui tâkte chu a chhar hlauh mai a. Chûngmîtechu Juda sâkhaw vuantu, Rom khua leh tui nihna neileh, amah pawhin a lo thiam ve zâwng tak puan in siam-tûte an ni a. Chu a thiam thil chu a intunnun nân ahmang nghê nghê a ni. Nupa tuak pakhat, a hnu-aringtu lo ni leh chanchin tha hriltu tangkai tak ni zui vetâte inah a chêng a. Inkhâwmna inah a zirtîr thîn a;mahse hnawhchhuah a tawh hnû chuan ringtu tûteemaw inah inkhâwmna a huaihawt tan ta a ni. Ringthar-te chu zirtîrin a vil zui reng a, a kalsan hnû-ah pawhchutianga a zirtîr chhuahte chuan mi dangte pawh an lokaihhruai ve thei dâwn a ni.

Paula khân hnam chi tinrêng leh sâkhaw hranghrang betûte inawm pawlhna khawpui zia a man a, atlângnêl takin hnâ a thawk thîn tih a chian khawp mai(1 Korinth 9:20-23 pawh en bawk lo). A awmna hmunmila insiam rem zêl dân a hria a, mîte chu an mamawhtak phuhrûksak zâwnga thudik hrilh dân a thiam êmêm bawk a ni.

Engtin nge a mi mal leh a kohhran mal ang zâwkakan inpawh a, an hnênah chanchin tha kan hrilh theihang le?


HREHAWM TAWRHNA HMUN

Kristan Jerusalem te, Kapernaum te, leh khawpui dangdangte a pan thin lai khân, Tidamtu a nih tih an tih an

141 142

hriat avângin damlo, piangsual, leh mi rethei tak taktenan zui nguah nguah zêl a. Hrehawm tuarte kha a lainathlê thîn a ni.

Khawpuiah chuan thingtlâng lam âiin thil tinrêngmai hi a tam zâwk a - mihring an tam zâwk a, chenna in atam zâwk, motor a tam zâwk a, buaina leh harsatna pawha tam zâwk hlê bawk. Hei hi kohhrante tân pawh chonalian tak a ni a. Chanchin tha thehdarh hna thawktute hiana thuchah ringawt buaipuiin, an bul maia mihring awmtemamawh lian tak takte chu an ngaihthah ngawt thiang lohrim hrim a; chutianga an ti a nih chuan thuchah hlutnaan tihniam vek ang. Kan thiltihte hian hmangaihna,khawngaihna, leh beiseina kan sawi chamchîte hi a lantîrlo a nih chuan, kan thusawiin awmzia a nei thei dâwn lova. Mipui pungkhâwmte hriat inchuh aw tam takte zîngapakhat ve mai anga hriat a ni ang.

Exodus 2:23–25, 6:5; Sâm 12:5; Rom 8:22; lehJoba 24:12 te hi chhiar la. Hêng Bible chângahte hiankan tân eng thuchah nge awm le?

Kan khawvêl hi na tawrhna hmun a ni a. Sual vângahrehawm leh phurrit hnuaiah a rûm tlawk tlawk mai a.Hemi lak atangin tû mah kan tlân chhuak thei lo.

He tawrhna hian thuhretu ni thei tûrin remchâng thatak tak min siamsak a. Mahse kan fîmkhur erawh a ngaihlê. Kohhran hi kohhran member ni vê lote’n nêl awm niamin hmuh leh, hmuh loh theihna tûr chungchângah hiankhawtlâng huap thil thlengte leh mîte mamawh phuhrûksakrawngbâwlna kal mêk te danglamna kan hriatthiam apawimawh khawp mai. Khawtlâng mipuite rilrû-ah hian kumkhata vawi khat mîte hnêna chaw ei tûr petu kohhran lehkhawpui lian tak pakhata Adventist kohhran pakhat phunte danglamna hi a awm ve hrim hrim a.

143 144

Chu kohhran chuan eng nge a tih le? Member-techu vântlâng hmun pakhatah nî tin an kal khâwm a.Chutah chuan zîng tin mi an va kal a, tûkthuan la lum vatvat hi an dawng thîn a. Chu kohhran chu kohhran liantak pawh a ni hran lo. Member pawh sawmsarih leh pangaâwrh chauh an ni; mahse an thenawmte mamawhphuhrûksak chu an tum ruh êm êm a. Hetianga hna ropuitak thawk tûr hi chuan inpumpêkna leh tanpui ngaitetanpui lo thei lo nia hriatna neih a ngai thung a ni.

Kan kohhran zawng zawngte hian kan thenawmkhawvêng theuhva hrehawm tuara rûm mêkte tanpuinatûr hian thil eng emaw tak ti hlawm ni ila nghawng kanneih dân tûr han suangtuah teh.


KHAWPUIAHTE CHI TUHIN LEH RAH SENGIN

Matthaia 13:3–9, 18–23 chhiar la. Engtin nge hetehkhin thu-ina min zirtîr hi kan khawtlânga, khawpuitepawh telin rawngbâwl dân tûr leh thuhretu nih dân tûrkan hriatthiam theih nân kan hman tangkai ang?

He tehkhin thu hi thingtlâng nun nêna inhmeh taknih mah se, khaw lian vak lo leh thingtlâng lamah âi chuankhawmpuia rawngbâwlna kawngah a pawimawh mahzâwk. A chhan pawh thingtlâng lam âi chuan khawpuiahhian “thlâi chînna tûr hmun” chi hrang hrang a tam hlê a,chanchin tha hril hna thawh pawh thingtlâng lam âiinkhawpuiah a châkawm zâwk bawk.

A tlâkna lei azirin rah pawh a chhuah thain a tha lomai a, chuvângin chanchin tha hril hnâ kan thawh hmainkan hrilna tûr hmun chanchin kan zir hmasa phawt thîntûr a ni. In kohhran chuan chanchin tha hril hna thawh in

tumna vêng “lei” chanchin chu in zir chian hnuah, “leitha” tlêm azâwng chauh a awm a ni tih ihmuchhuak anih chuan, chu lei chu tihthat tumin a châr laite chu intinêm ang a, lung awmte chu la sawnin, hlîngte pawh inthian fai tûr a ni. Chumi awmzia chu, chanchin thahlawhtling taka hril a nih theih nân, kohhran chuan hmâa lo la lâwk ang a, chi tuhna tûr lei chu a lo buatsaih savek tûr a ni. Inbuatsaih lâwkna a that leh that loh azirinchanchin tha hrilh hna pawh a hlawhtlingin a hlawhtlinglo thei a ni.

1 Korinth 12 te, Rom 12 te, leh Efesi 4-ah te hianthlarau thilpêk chungchâng kan hmû a. Tirhkoh Paula hianthilpêk chu chi hrang hrang awm tho mah se, tum thuhmunnei an nih thu chiang takin a sawi a. Lei chi hrang hrangabuh chi theh chungchâng tehkhin thu hian khawpuiarawngbâwl hnâ thawk tûr chuan thilpêk chi hrang hrangtea tangkai thu chiang takin a tilang a ni. Khawpui lian taktakahte hian “thilpêk inang lo tak tak neite chu hna thawhtlântîr tûr a ni” tiin Ellen G. White-i chuan a lo sawi a.“Tihdân tharte hman tûr a ni a. Pathian mîte chuan anhunlaia mîte mamawh âwm chu an hre zung zûng tûr ani.” - Ellen G. White, Evangelism, p. 70.

Pathian thilthlâwnpêk inlârna hmangin khawpuirawngbâwlnaa mi tangkai tak ni tûra thil tih ngai chu engnge ni tih a hmû a. Tûnah hi chuan hmânlai âiin tihdânleh thilpêk chi hrang hrang hmang a, huam zau taka thiltih a tûl lehzual tawh a. Hmun khata thu sawi emaw,project lian tak pakhat neih emaw hi chuan hlawhtlinna athlen rei tak tak dâwn lo va. Chutiang program-te chukhawpui boruak leh huhâng lian tak hian a lân hneh lutuka, a nghawng chu chawlhkâr tam pawh a liam hmâ-in chhui

let hleih theih loh a ni thuai mai ang. Chuvâng chuan,inhmâkhua lâwkna tha tak neih phawt thin tûr a ni.

Thuhretu nih in tumnate hi ngaihtuah la. Engang leiah nge thuhretu nih an tum? Chi tuh an tumnalei chu titha deuh tûrin engtin nge i puih theih ang?


MI MAL THILAH LA RAWH

Johana 15:12, 13; Jakoba 1:27; leh Galatia 6:2te hi chhiar la. Rawngbâwlna tihtakzeta kan thawhnatûra thil pawimawh tak awm min hrilh chu eng nge ni?

Khawpuiah hi chuan mihring an tam êm avânginrinna chu mi mal thil a ni tih theihnghilh mai a âwl thînkhawp mai. Khawpuiah a ni emaw, hmun dangah emawpawh ni se, rawngbâwlna hlawhtling a awm theih nân chuana rawngbâwl tûrten Krista nêna mi mal taka inzawmna anneih a pawimawh a. Zir chiannain a târlan dânin, Seventh-day Adventist Kohhrana inpête zînga a tam zâwk fê hichuan Adventist hmêlhriat tu emaw an neih vânga lo lûtniin an insawi a. Thiana mîte siam tak tak tûr chuan, mahniinthihtîr a, mi dangte thatna atâna thil tih tumna neih angai; chu chu rawngbâwlna thilah chuan a ni lehzual a ni.

Lei cheh phut, thlai chi thlâk, thlai lo tiak chu rahchhuah thei ngei tûra châwm len, leh rah sêng te hi ainzawmna tha a awm a nih phawt chuan a thawk tha êmêm vek a. Mîte tâna thian tha tak nih dân kan zir a tûl a;an thil sawite ngaihthlâk dân kan zir a tûl a; anmahnihmangaih dân pawh kan zir a tûl bawk. Hêngte hirawngbâwlna eng chî tân pawh a tûl a nih chuan, khawpuirawngbâwlna atân phei chuan a va tûl lehzual dâwn êm!

145 146

Khawpuiah chuan mi bo leh ngaihsaktu nei ve lo niainngai mi tam tak an awm sî a.

Khawpui rawngbâwl hnâ chu Thuhlung Tharkohhrana an tih ang deuh khân (Tirhkohte 2:46) pâwl lianlo tê tê-a inthena thawh chî a ni a. Kohhran la din lohnakhawpui vêng thenkhat leh thingtlâng khaw lian deuh,Seventh-day Adventists pali panga vêl chauh an awmnaangahte chuan group lian vak lo siam a, chu lai vêlahchuan hna thawh tan nghâl mai tûr a ni. (Ellen G. White,Testimonies for the Church, vol. 7, pp. 21, 22 en la.)

Hetianga tih hi khawpui rawngbâwlna atân chuana tûl riauna chhan tam tak a awm a. Chung zinga pakhatchu khawpui lian lutuk ni lovah pawh luh chilh tûr vêngleh kawtthlêr tam tak a awm a, chûng vêng leh kawtthlêrtinah chuan hnam hrang hrang hrang, tawng hrang hranghmang, leh sum leh pai dinhmunah pawh inang lo taktakte an awm tlâng vek mai a. Hêng hlâwm hrang hrangtebitum tûr hian group hrang hrangah kan insiam loh chuanKrista rawngbâwl hna hi thawh zawh tik a awm lo vang.

Pâwl hrang hranga inthena rawngbâwl hi ringtûtetân khawpuia Isua zui a harsat êm avâng pawhin thil tûltak a ni a. Khawpuiah chuan min nêktu leh thlêmna apuia tam a, tin, sakhaw dang leh ngaihdân hrang hmachhawntûr a awm reng bawk. Ringtu thenkhat chuan chutiangnawrna chu zo lovin kohhran an chhuahsan leh ta maithîn a, chutih laiin mi thenkhat chu an rinna vawnhim antumna lamah kâwr khawng tak an siam a, an bul vêla miawm, hmangaihna nêna Isua âiawhtu mamawh êm êmtûtelakah an chawmawlh ve tlat thung sî a ni.


KHAWPUI LIAN LAMA CHE CHHUAKIN

H-10

147 148

Pâwnlam rawngbâwlna leh kohhran chhûngarawngbâwlna hi thil awlsam tak a nih thu sawi tû mah anawm lo. Ni e, a awlsam lo rêng a ni. Mihringte hi sualatlu tawh, chhe lailet dêr, leh kan nihphung rêngahthlarau lam thil ngaihsak lo tak kan ni a. Paula chuanamâ chungchâng heti hian a sawi a: “Dân chu thlaraulam thil a ni tih kan hre sî a; kei erawh chu tîsa lama mi,sual bâwiha hralh tawh ka ni,” (Rom 7:14) tiin. Hetianghi Paulan a sawi a nih chuan, LALPA la hre miah lote leh,Isua nêna nun inthlâk danglamna la chang ve ngai miahlote phei chu ang ang tak ni ang maw?

Suala tlu tawh kan nihphung ve rêng chu chhelailet dêr ni êm êm lo pawh lo ni ta ang se, khawpuite hichu suahsual zir chhuahna hmunpui anga hriat a ni thomai. Khawpuia chêngte hian thlêmna tam tak anhmachhawn reng a, chûngte chu hmêlmapa chuan awhnâna hmangin, sual salah leh khawvêla tântîr nân ahmang thîn a. Chuvâng chuan khawpuia pâwnlamrawngbâwlna neih tum chu thil awl-âi tak a ni lo rêng ani; mahse chu hnâ chu thawh ngei a ngai thung sî a. Akohhran ang zâwng pawh hian koh kan nihnaah kanrinawm hlê a pawimawh khawp mai.

Hêng Bible chângte hian pâwnlam rawngbâwlnapawimawhzia eng nge min hrilh le?

2 Petera 3:9:_________________________________________1 Timothea 2:4:______________________________________

Pathian Thû-in min hrilh dân chuan Krista thihna khami tin huap a ni a: mihring zawng zawng, Evi leh Adama-tea anga lo la piang leh zêl tûrte pawh a huam vek. Hetahhian khawpui lian tak taka mihring chhiar sên lo hial tûrkhawpa tamte pawh an tel a. Anni pawh hian thudik

ropui tak, kan duh leh ngaihhlut êm êmte hi an hriat vengei a ngai a ni.

“Hmâna Pathianin thuchah a lo thawn tawhahte khântihdanglam tâk pakhat mah a awm lo. Khawpuia thawhtûr hnâ chu tûn hunah hian hna tûl tak a ni a. Khawpuiahhian Pathian duh dân anga hna thawh a nih hunah chuankan la hmuh ngaih miah lo khawpa ropui rah kan sengang.” - Ellen G. White, Medical Ministry, p. 304.

Khawpuia rawngbâwl tûra kohna hi mi mal thil a nia. Krista nêna inzawmna thûk zâwk nei tûra kohna a ni a,tihtakzeta indîlsakna, ruahmanna siam leh hmanrua dapkhâwm tûra kohna pawh a ni bawk. Harhtharna lehsiamthatna lungphûm chunga sak a ni a, ThlarauThianghlim thiltihtheihna azârah chauh a hlawhtling dâwna ni.

Rom 10:14, 15 chhiar la. Heti laiah hian Kristazuitu nia inchhâl zawng zawngten a thuphunga an loinhmehbel theih a sawi chu eng nge ni? Kan awmnahmun chu khawiah pawh ni se, engtin nge kan zavaihian pâwnlam leh kohhran chhûng rawngbâwlna lamahnasa zâwka kan inhman theih ang?


NGAIHTUAH ZUI TÛR: Ellen G. White Estate-in khawpuirawngbâwlna chungchânga Ellen G. White-i thuziak zawngzawng deuh thâw an chilh khâwmna bu, Ministry to theCities, (Hagerstown, Md.: Review and Herald® PublishingAssociation, 2012) tih bu hi chhiar ang che.

Khawpui rawngbâwlna lama Seventh-day Adventistmi thiam tak pakhat chuan chanchinbu hrang hranga EllenG. White-in khawpuia luh leh chhuahsan chungchâng alo ziah tawhnate a zir chiang a. A thuziak 107 zînga 24

chu khawpui chhuahsan tûr leh khawpui pâwna zirnain din tûra Adventist-te a hrilhna a ni a. Mahse a thuziakzînga 75 zet chu khawpuia lût a, khawpui rawngbâwlnanei tûra thurâwnte a ni ve thung. A dang pariatte chuchhuahsan emaw, luh chilh emaw lam pawh ni chuanglote a ni bawk. Kohhran chanchin kal tawh ziaktu pakhatchuan khawpui rawngbâwlna chungchânga Ellen G.White-i thurâwnte hi a khaikhâwm a, zirna in chukhawpui pâwna din ni se, kohhran erawh chuankhawpui chhûngah hna thawk thung se a ti niin a sawi.

Khawpuia rawngbâwlna nei tak tak tûrin inkohhran khân eng ruahmannate nge in neih le? Inkohhran kha in hnaih ber khawpui lian tak atanginengtianga hla nge a nih? Eng kohhran mah hiankhawpuia rawngbâwl chu awmze nei lo vah ngai suh se.Adventist kohhran member tinte chuan he missionaryhna ropui tak atân hian eng emaw tak an tih theuh a tûla. Khawpui ngaihthah a, khawpui pâwn vêl ringawt maihmâ tum chu Isuan rawngbâwl hna min pêk chhân lêtnadik a ni thei lo.

“Eng vângin nge tûnlai thudik hre tawhchhûngkuate hi hêng khawpuiah hian an inbenbel loh vangni? . . . Kohhran mimirte zînga hian khawpuia pêm lût tûreng emaw zât an awm a. . ., chûng mîte chuan Pathianinêng a pêk chu mi dangte hnênah an pe chhâwng ve dâwna ni.” - Ellen G. White in Advent Review and SabbathHerald, September 29, 1891.

SAWI HO TÛRTE:

@ Êng ropui tak Pathianin min pêk hi ngaihtuah la.Beiseina kan neih te, tûna nun tha zâwk chen tiamkan nihna te leh, chatuan atâna beiseina ropui takkan neih te hi ngaihtuah bawk ang che. Bible-a i châng

149 150

duh ber ber, a bîk takin Isuaa beiseina kan neih thusawina chângte chu engte nge ni? Eng vângin ngechûng chângte chu tha i tih êm êm le? Sabbath nî-ah in class member-puite i hrilh ve dâwn nia.

@ Beisei engmah nei lo angin han indah chhin teh. Henun chauh hi i neih chhun chu a ni a, a chakna leh ahrehawm tawrh zawng zawng nên; tichuan i thî ang a,thlânah i tawih ral mai dâwn chu a ni sî a. Hetiang hikhawpuia chêng mi tam takte rin dân chu a ni. Chuti anih chuan engtin nge thlarau hmangaihna lian tak neihdân leh, mîte chu an awmna hmun apianga luh chilhzêl duhna thinlung neih dân kan zir theih ang le?

* * *

151 152


ENGTIN NGE KAN LO NGHAH ANG?

CHÂNGVAWN: “Thahnemngaihna lamah chuan inthlah-dah ngai miah lo ula, rilru phûr tak chunginLALPA rawng chu bâwl zâwk rawh u. Beiseinaneia lâwm chungin, hrehawmna kârahpawh chhel takin awm ula, tawngtai fanfan thîn ang che u. Pathian mîte chu antlâkchhamnaah chhawmdâwl ula. Mikhual-te chungah that chhuah theihnghilh ngaisuh u,” (Rom 12:11–13).


CHHIAR TÛRTE: Mathaia 24:35–25:46; Johana 4:35–38;1 Korinth 3:6–8; Jakoba 2:14–26; 2Petera 3; Thupuan 21:1–4.

Kum 1906-a San Francisco-a lîr a nghîn vak hmâkhân kum eng emaw zât chhûng chu San Franciscoleh Oakland khawpuia Seventh-day Adventistkohhrante chu rawngbâwlin an inhmanhlel thîn hlê maia. Member-te chu damlote leh tlachhamte tlawh kualinan inhmang a. Fahrahte tân awmna tûr zawnsakin, hnanei lote tân hnâ an siamsak a. Damlote an enkawl a, inhrang hrangah lût kualin Bible zirna an neihpui bawka. Pathian thuziak lehkhate sem darhin mîte chu hrisêltaka nun theih dân tûrte an zirtîr bawk thîn.

Laguna Street-a an inkhâwmna in hnuaiahchuan naupangte tân sikul an din a. Hnathawk mîtechênna tûr hmun siamsiakin, tihdam rawngbâwlhnâ te an kalpui a. Hrisêlna atâna tha tûr chaw chihrang hrang zawrhna dâwr te hawngin, sa tel lo va

inhnangfâkna hmun (vegetarian café) an siam a. Ankhuaa lawng chawlhna hmunah chuan a theih ang anginmîte tanpui hnâ an thawk a, an pastor-te chuan khawpuichhûnga hall lian tak tak awmahte chuan a khât tâwkininkhâwmna an buatsaih reng bawk.

Hêng kohhrante hi Ellen G. White-i chuan“khuaibu pahnihte” tiin a sawi mai thîn a, an hnathawhhi a fakin a lâwm hlê a ni (Advent Review and SabbathHerald, July 5, 1900). Keini pawh hian Krista lo kal lehnakan nghah lai hian an tih angte hi kan ti vê thei reng a,kan ti vê ngei tûr pawh a ni bawk. Kan LALPA chu a lo kalleh ngei dâwn a ni tih kan hre chiang a. Kan tâna thilpawimawh tak ni ta chu: Kan nghah chhûng hian engnge kan lo tih? tih hi a ni.

Chu zawhna kan chhân dân chuan chatuana kanchan tûr a hril ang.

SUNDAY September 18

ISUA LO KAL LEHNA KAN NGHAH CHHÛNG HIAN

Zirtîrte chuan ni tla tûrina Pathian biak in a chhuntle sur mai chu ropui an ti hlê mai a. Chutah Isua chuanKristian kohhranin rei vak lo hnû-a thil tak tak ahmachhawn tûrte chu lo ngaihtuah lâwk tûra a duhavângin, thil eng eng emaw chu thukhuh deuh sîin a hrilhta a: “‘Hêng zawng zawng hi in hmû maw? Tih tak meuhvinka hrilh a che u, tihchim lohva lung intiang rêng rêng hetaha awm lo vang,’” tiin (Mat. 24:2). A thil sawi chu zirtîrte chuanmak an tih êm avângin, “Chu chu engtikah nge a lo thlenang? I lo kal lehna leh khawvêl hun tâwpna chhinchhiahnaeng nge ni dâwn?” tiin an zâwt a (Mat. 24:3, NIV). Matthaia24:4-31-ah hian Isuan a lo kal leh hmâa thil lo thleng tûr azirtîrte hnêna a hrilh chu kan hmû a ni.

A lo kal lehna chhinchhiahna hrang hrangte asawi hnû-in chungte chu Isua chuan tâwpna chu a lanih rih loh thû a hrilh a (Mat. 24:6). “Chûng zawng zawngchu nau vei tantirhna” ang niin a sawi a (Mat. 24:8).Zîrtîrte zawhna tak a chhânna chu châng 14-naah hiankan hmû a, “Chutichuan, he lalram chanchin tha hihnam zawng zawngte hriattîrna ni tûrin khawvêl pumahhril chhuah vek a ni ang a, chumi zawhah chuan tâwpnachu a lo thleng ang,” tiin (Mat. 24:14, NIV).

Matthaia 24-a a châng hmasa lam 35-te hianchhinchhiahnate chu ngun taka lo ngaihven tûrin min fuiha; chutih rual chuan “khawvêlhun tâwpna” chu engtiangalo nghâk tûr nge kan nih tih pawh min hrilh tho bawk (Mat.24:3). Tawngkam danga sawi chuan, bus stand-a bus lokal hun tûr nghâka kan lo thû angin a lo kal lehna chukan lo pâwng nghah ngawt ngawt mai tûr a ni lo tihna ani. Chutiang chu ni lovin, LALPA lo kal lehna kan nghahchhûnga kan lo thawh tûr hna tam tak tuk kan ni zawk.

Matthaia 24:36–25:46 chhiar la. Hêng tehkhinthûte hian Pathian mîten Isua lo kal lehna an nghah pahaan lo tih tûr chungchâng an sawi a. Heti laia LALPA thusawiawmzia ber chu eng nge ni tih hriat tum ang che. Tichuan,a mi mal ang leh a kohhran ang pawhin he zawhna hi iinzâwt ang u: Hêng tehkhin thu hrang hranga LALPAN

zirtîrna min pêkte hi engtiang taka tha-in nge kanzawm le?

Hetah hian Isua chuan a amah zuitu dik takten A lokal lehna an lo nghah dân tûr thû-ah fuihna a pe tan a.Hemi chhûng hian Isua zirtîrte chu inring rengin an awmtûr a ni a. An inhmangaih tawn theuh ang a, an inngaihsakinan inzah tawh hlê bawk tûr a ni; an inrâlring reng ang a, anlo inbuatsaih lâwk vek ang a, anmahni thlarau lamdinhmun theuhah mawh an phur bawk ang. Pathianin ankuta theihna a dahte chu tha takin an hmang ang a,

153 154

Pathian ram zauh zêl nân an peipung ang a, hmangaih-naa khat an Pathian nungchang dik tak chu an zah anga, “Isua unau tê berte zînga mi pakhat” pawh an ngaihsakêm êm bawk tûr a ni.


KAN NGHAH CHHÛNGIN HARHTHARNA LEH SIAM-THATNA

2 Petera 3 chhiar la. Hemi bunga harhtharna lehsiamthat lam hawi thil a sawite chu khâikhâwm la. HêngBible chângte hi tûn kuartar tluana kan thu zir tâk nênhian engtiangin nge a inrem viau le?

Pathianin a duh ber chu “mi zawng zawng” hianan “sual sim” vek se tih hi a ni a (Mat. 3:9). Mîte an sualsimtîr hnâ chu Thlarau Thianghlim thawh tûr a nih avânginkeini lo tih ve tûr a awm lo va; amaherawhchu an hnênachhan-damna thuchah thlen tûra koh kan ni a, chuthuchah chu an lo pawm a nih chuan, simna thinlungan lo put phah thung dâwn a ni.

Keini kohhran member-te pawh hian simna thin-lung kan put ve a ngai tho bawk a. Simna chu harhtharnaleh siamthatna a thlen theihna tûr a thil tûl tak pakhat ani. Harhtharna tih awmzia chu “nunna nei leh tûra lokîr, siamthara awm, dinhmun ngaia dah leh” tihna a nia. Siamthatna tih awmzia pawh “a pian hmang siamdanglam, siam tha - thil siam thar lo ni” (2 Kor. 5:17) tihnaa ni bawk. “Pathian anna dik tak nei tûra harhtharna hikan mamawh zawng zawngte zînga a ropui ber lehhmanhmawhthlâk ber a ni a. Chumi chang tûra beih chukan hna hmasa ber a ni tûr a ni.” - Ellen G. White, SelectedMessages, book 1, p. 121.

Nimin zirlaia “engtiangin nge kan lo nghah ang”tih thu khân harhtharna leh siamthatna a thlen theih nâna

155 156

thil tûlte leh a rah chhuah tûrte a sawi a. Entîr nân, nulathianghlim sâwmte kha an mutthlû an harh a, an thawhchhuah a ngai theuh va (Mat. 25:1–13). An zînga a â pangâtekhân an nuna Thlarau Thianghlima chhûn khah anmamawh hlê a ni. Keimahni kan inngaihtlâwm a, mahnikan inthihtîr a, mahni hmasialna tel miah lova kan tawngtaia, Pathian Thû kan zir a, kan thil hriatte chu mi dangtehnêna thu leh hmangaih thiltih hmanga kan pêk chhâwnve zêl hian, Thlarau Thianghlim chu nasa lehzuala changthei tûrin kan inhawng tihna a ni. Amaherawhchu, dârkâreng emaw zât chhûng Bible zir ve ngat ngat chung hianmahni hmasial tak a la nih reng theih tlat sî. Hartharna lehruah hnuhnung te pawh hi keimahni tân chauha thlengtûrin kan lo dîl tlut tlut mai palh ang e. Harhtharna chuanmahni hmasialna tel miah lova mi dangte thatna tûrngaihtuahna lamah mî a hruai thîn a. Thlarau Thianghlimakan khah hunah chuan mi dangte khawngaihtu, chanchintha hrilh darh châk leh rawngbâwl duh zirtîr-ahte siamthatkan ni dâwn a ni.

Kan tawngtainaah te, Bible kan zirnaah te, ruahhnuhnung a sûr huna Thlarau Thianghlim chan ve ngeikan lo tumnaah te hian harhtharna leh siamthatna kanmamawh a. Mahse a kohhran ang zâwng pawhin, kan rilrusûkthlêk leh kan thil tihdân hmangah hrim hrim hianharhtharna leh siamthatna kan mamawh hlê mai. “Isuaunau tê berte” chunga kan rilru puthmang leh thiltih dânahpawh harhtharna leh siamthatna kan mamawh a. Hêngzawng zawng hi tûn kuartar-a kan zirlaiin a tinzâwn berpawh a ni rêng a ni.

Engtin nge Isua lo kal lehna chungchângah hianngaihtha taka kan lo awm ngawt lohna tûrin kan invêntheih ang? Chumi awmzia chu, kumte a lo ral zêl laihian, engtin nge LALPA lo kal lehna chu a taka thleng ngeitûr leh thleng thuai tûr a ni tih kan hriat reng theih ang?


KAN NGHAH CHHÛNGA KOHHRAN TIH TÛR CHU

Jakoba 2:14–26 chhiar la. Engtiang kawngte-innge hêng chângte hian tute nge kan nih a, eng vângaheta awm nge kan nih tih min hrilh le?

Sunday zirlaiah khân zirtîrten Jerusalem-a awmPathian biak in mawizia an sawi thû kan hmû a. ChutahIsuan a chhûnga kohhran dinhmun leh khawvêl tâwp maitûra a hnathawh tûr lam chu a kawhhmuh ta zâwk a.Kohhran hi hnathawh tûr (mission) a awm avânga awmchauh a ni tih hi kan hre reng tûr a ni.

Seventh-day Adventist Kohhran hnathawh tûr(mission), General Conference Working Policy (A 05)-a târlana nih dân chu, “mi zawng zawng zirtîra siam a, Thupuan14:6-12-a vântirhkoh pathumten thuchah an puan chatuanachanchin tha [lalram chanchin tha (Matthaia 24:14)] mi tinhnêna hrilh a, Isua chu an mi mal Chhandamtua pawm vetûr leh, a kohhran la bâng nêna inpumkhat tûra hruai a,amah chu LALPA a ni tih hria a rawngbâwl tûra zirtîr a, a lo kalleh thuaina tûr atâna anmahni lo buatsaih a ni,” tih a ni. Herawngbâwl hnâ hi thuhril hmang te, zirîrna hmang te, lehtihdamna te hmanga thawh tûr a ni a. “Tihdamna” tih hiWorking Policy bu bawk chuan hetiang hian a sawifiah a:“Bible-in mi chu a pum puia hrisêl tûra a duhna chupawmpuiin, hrisêlna vawnthat leh damlo tihdam hnâ hingaih pawimawh berte zîngah kan neih a. Mi retheiteleh rahbeha awmte hnêna kan rawngbâwlna hmang hianSiamtu chu a khawngaihna avânga dintharleh hnâ athawhna kawngah kan pui vê a ni.”

Tûn kuartar-a kan zirlai hi Isua chuan mihringte-ah hian amah anna kha dinthar leh a, a hnung zuitûtechu keimahni awmnaah theuh dinthar leh hna thawhna

hmanrua ni tûra min tihchak a duh a ni tih thu nên aintan a. “Tûnlai khawvêl hian - kum 1900 kal taa amamawh - Isua Krista inpuanna tho kha a la mamawhreng a. Siamthatna hna ropui tak chu mamawh a ni a,taksa, rilru, leh thlarau dinthar lehna hnâ hi Kristakhawngaihna azârah hlenchhuah theih a ni.” - Ellen G.White, Ministry of Healing (Tihdam Rawngbâwlna), p.143.

Isua rawngbâwlna chu tâwpna huna a kohhranin aentawn ber tûr leh, a tih tûr ni bawk a nih thu an sawi ahriat hnû-in kohhran member pakhat chuan hetiang hiana sawi a: “Kan awmna ramah chuan ngaihdân tharte lehthil tih dân kawng tharte hi pawm mai harsa kan ti thîn a.Tûn kâra Isua rawngbâwl dân hmang zui chungchâng kanzir tâk pawh hi a nihna takah chuan thil thar a ni lo.Ngaihdân hlui tak a ni zâwk a. Kan lo theihnghilh hmindêr tawh a ni,” tiin.

“Thiltih tel lo rinna chu a thî a ni.” Engtianginnge rinna leh thiltihte inzawm hnaihzia hi a takin i lohriatthiam ve tâk? Engtiangin thiltihte hian i rinna atihpun thin le?


KAN NGHAH CHHÛNG HIAN RAHSENGNA HNUHNUNGATÂNA INBUATSAIHIN

Zirlai 5-naah pawh kan hmuh tawh ang khân,Isuan lalram chungchâng a zirtîrnaah lo neih lama antawngkam hman thin tlânglâwn tak takte chu a hmanga. Hlawhtling taka rah thar tûr chuan chhel takahnathawh a ngai thîn. Hna hrang hrangte chu a thawhhun tûr tak zêlah mi hran hranin tha taka an tih tûrtheuh an tih a ngai a. Chutiang deuh chiah chuan, keini

157 158

pawh hi leilung buatsaih, thlai chi thlâk, leh rah senghna thawk tûra LALPAN min hman theih nân ThlarauThianghlim hruai theih tûra kan inhawn ve a ngai a ni.

Johana 4:35–38 chhiar la. Hetah hian eng thilnge mitthlâ tûrin a zirtîrte a hrilh a, mi dangte tânahnâ kan thawhna tûr chungchângah kan tân thuchahawm chu eng nge ni?

Thu dik tak chu “mîte thinlung kan hriatsak lo” tihhi a ni a. An nuna Thlarau Thianghlimin hnâ a thawh dânpawh kan hre lo bawk. Mi tam tak hi chu seng (baptismachantîr) an nih hmâa kawng thui tak zawh tûr la nei niinkan hmu a ni mai thei a; mahse an mamawh tak erawhchu mi tu emaw, Isua hnêna an inpêk theihna tûra nawrtua ni zâwk sî. Mi tin thinlung leh ngaihtuahnaah hian indonaa thleng mêk a, mîten Amah an thlan theih nâna pui tûrinPathian chuan keini hi min ko va ni.

1 Korinth 3:6–8chhiar la. Hetah hian kal chhuakzâwnga rawngbâwl hnâ thawhna kawngah kan tân engthuchah nge awm?

Hetah hian Paula chuan a hmâa Isua pawhin a losawi tawh ang bawk kha a rawn sawi ve leh a. Rawngbâwlhnâ chu lo neih ang deuh a ni a. Kan zavaiin hna inangkan thawk thup thup kher lo a ni mai thei e; mahse kanhnathawh theuhte chu mi dangte va pawha thlarau hnehnakawnga a pêng pawimawh tak a ni vek tho. Pathian chuankawng hrang hrangin min hmang tho mah sela, a tâwpathlarau piantharna thlen theitu chu Pathian chauh a nileh tho dâwn a ni.

Mi dangte rawngbâwlsak hnâ kan thawhnakawngah hian, Pathianin hna bîk min tuk theuhte hiengtin nge lâwm tak leh inngaitlâwm tak chunga thawhdân kan zir theih ang? He hna thawh hi eng vânginnge hamthatna a nih le?

159 160

NINGÂNÎ September 22

KAN NGHÂK CHHUAK TA

Kum tam tak kal ta khân England rama ziaktulâr tak pakhat, Charles Dickens-a chuan A Tale of TwoCities (Khawpui Pahnihte Chanchin) tih lehkhabu a ziaka. Chu lehkhabu-a khawpui pahnih a sawite chu Londonleh Paris te a ni. A nihna takah chuan Bible pawh hikhawpui pahnih chanchin a ni vê tho va. Chûng khawpuipahnihte chu Babulon leh Jerusalem te a ni.

Thupuan 14:8-ah leh Thupuan 18-ah chuantirhkoh Johanan Babulon chanchin a sawi a. Chu khawpuichu ramhuaite chênna leh thlarau bawlhhlawhte kulhpuia lo ni ta a. Hnam hrang hrangte chu thlarau lama uirênaaha hruai lût tawh a. A chunga chhiatna lo thleng tûr pawhpuan tawh niin, khawpui “tlâwm hnû” anga sawi a ni a.He khawpui, thil tha lo leh kalsualna, Pathian laka helnachhinchhiahna hi eng tik nî-ah emaw chuan hneh a la niang a, tihboral vek a ni dâwn a ni.

Thupuan 21:1–4 chhiar la. Engtiangin ngeJerusalem Thar chu Babulon nên a danglam viau le?

Khawpui pahnihna chu Khawpui Thianghlim,Jerusalem Thar, Thupuan 21 leh 22-a kan hmuh hi a nia. He khawpuiah hi chuan mo neitu thlangtûte leh Setanahmasialna leh thlarau lama a uirênate leh amah zuitutehnâwltûte chu an chêng a. Tlansate hi chuan Pathiankhawngaihna azârah a thupêkte zâwmin, Isua rinna chulan chhuahtîr bawk a (Thupuan 14:12). Chhel takahrehawm an tawrh chhuahna leh, Isua rawngbâwlnachhawnzawm zêl an tumna chuan leia an awm lai ngeipawhin vân ram nun a lo tem lâwktîr a. Isua rinna an neih

tlat avânga chhandam tawh an ni a; Amâ felna chauhchuan vânrama chêng tlâkah a siam a. Isua “unau têberte zîng mi” (Mat. 25:40) an ngaihsakna chuchhandamna pe thei rinna an neihzia tilangtu a ni.

Berâm No thisen avângin (Thupuan 5) kohhraninkhawngaihna rawngbâwlna hmanga dintharna hnâ a thawhchu hlim taka lawmnain khâr a ni ta a ni (Thupuan 5:13,14). Chu khawpui nuam leh thianghlim takah chuan“Pathianin an mit atâ mittui zawng zawng a hrufai ang a;thihna a awm leh thei tawh lo vang a, lungngaih te, tah te,nat te pawh a awm leh tawh hek lo vang; thil hmasâte chua ral vek tawh dâwn a ni,” (Thupuan 21:4). Remna dik takchu dinthar leh a ni ta. Taksa, rilru, leh thlarau lamaPathian anpui kan nihna chu a pumhlûmin pêk kîr lehvek kan ni a. Indona ropui pawh a tâwp tawh a, “thil tê beratanga thil ropui ber thlengin, engkim–nunna nei leh neilote pawhin, an mawina zawng zawng leh hlimna famkimnên Pathian chu hmangaihna a ni tih an puang ang.” -Ellen G. White, The Great Controversy (Indona Ropui),p. 678.

Thupuan 22:21 chhiar la. Engtin nge he Biblechâng, Bible-a châng tâwp ber hian kan thurin zawngzawngte laimû chu a sawi chhuah le?


NGAIHTUAH ZUI TÛR: Matthaia 5:16; Kolosa 3:17; Hebrai13:15, 16 chhiar la. Tin, Ellen G. White-i lehkhabu,Chatuan Nghahfâk tiha, “Olive Tlângah” (pp. 627-636) tihleh, “Hêng Ka Ûnau Tê Berte Zînga Mî” (pp. 637-641)tihkha chhiar awn leh bawk ang che.

Isuan a lo kîr leh hmâa thil thleng tûr hrang hrangtemin hrilh a. Chûngte chu a duhawm lo viau hlawm lehnghâl a - Indona te, indo thuthang te, hrilêng leh thil dang

thlen tûr thûte a ni. Mihringte hian hêng thil tha lo chihrang hrangte hi Pathian hnâwl phah nân an hmang dâwna nih chuan, tûnah ngei pawh hian chhuanlam tûr tam takan nei a, tâwpna hun kan hnaih chhoh zêl ang a, an neitam telh telh bawk ang. Chuti a nih chuan Pathian mî, amahzuitu nia inchhâlte tân chuan khawvêl hnêna Pathiannungchang dik tak târlan a, Pathian chu eng ang nge anih tih hriattîr a pawimawh deuh deuh dâwn tihna a ni.

“Pathian hmâah chuan kan inngaihtlâwm a, ngilneileh hawihâwm, thinlung nêm leh khawngaih thei taka kanawm a nih phawt chuan tûn âia a lêt zaa tam daih hi thutakrawn pawm thar an awm dâwn a ni.” - Ellen G. White,Testimonies for the Church, vol. 9, p. 189.

Mi dangte tâna rawngbâwl leh chêt chhuah chung-chânga thusawi hriatthiam awlsam, thiltithei tak bawk sîa va ni tehlul êm! Isua lo kal lehna kan nghah chhûnghian Isua chuan a kohhran member-te chu chanchin thapum pui hi hrila, nunpui bawk tûrin a beisei a; keimahnileh kan thil neihte hi a hna thawh nân hmang a; mîte chuhmangaiha, zah a, ngaihsak hlê tûr leh; ThlarauThianghlim chu kan nuna a pumhlûma a lo luh theih nânainhawng tûrin min duh a. Chutiang taka thuhretu hnâkan thawk a nih chuan, khawvêla hnial khân fing tak taktepawh hian min khing thla thei dâwn lo va ni.

SAWI HO TÛRTE:

@ In class-ah khân “Babulon-a” chên leh “Jerusalem-a” chên a inan loh theih dân tûr sawi ho ula. Hêngkhawpui pahnihte danglamna lian deuh deuhte chuengte nge ni ang? Chumi awmzia chu, khawihmunahte nge a danglamna hmuh a nih ang a, tutenge a mi chêngate chu ni ang?

161 162

@ Kristiante tâna zawhna ropui tak chu, “Kristianrinnaah hian thiltihten pawimawhna a nei em?”tih lam a ni lo. A neih chu an nei nameuh mai. Chuaia kan inzawh zâwk tûr chu, “Thiltihten minchhandam thei lo a nih sî chuan, Kristian rinnaahhian eng nge pawimawhna an neih ve?” tih hi a ni.Engtin nge he zawhna hi kan chhân ang, a bîk takintlachhamte tanpui leh rawngbâwlsakna kawngahhian?

@ Engtiangin nge Isua lo kîr lehna tûr chu kan nghahle? Chumi awmzia chu, a lo kal leh kan rinna hi atak tak a nihzia tichiang tûrin kan nunah hian engnge kan tih? Eng vângin nge Isua lo kal lehna ringvê lotûte nun dân ang lo taka kan nun ang?

H-11

MORNING WATCH 163July, 2016

1. Zirtawp 1 Johana 4;:152. Nisarihni Rom. 15:4

3. Nikhatni Thufing 29:254. Thawhtan Thufing 10:295. Thawhleh 1 Johana 4:186. Nilai Joshua 1:77. Nilaithawhtan Exo. 20:208. Zirtawp 2 Tim 1:79. Nisarihni Joshua 1:9

10. Nikhatni Sam 23:6 11. Thawhtan 2 Chro. 20:21 12. Thawhleh Ephe. 5:8 13. Nilai Matt. 24:12,13 14. Nilaithawhtan Hagg. 2:4 15. Zirtawp Exo. 9:16 16. Nisarihni 1 Johana 2:14

17. Nikhatni Gen 22:12 18. Thawhtan 1 Lalte 18:44 19. Thawhleh Num 13:30 20. Nilai 1 Sam 14:6 21. Nilaithawhtan Exo. 32:1 22. Zirtawp Job 1:6 23. Nisarihni Sam 1:1,2

24. Nikhatni 1 Kor. 9:25 25. Thawhtan Nehem 6:3 26. Thawhleh Joshua 7:19 27. Nilai Isa. 62:10 28. Nilaithawhtan Dan. 2:23 29. Zirtawp Malachi 3:17 30. Nisarihni Isa. 43:5, 6

31. Nikhatni Isa. 40:31

164 MORNING WATCHAugust, 2016

1. Thawhtan Marka 15:252. Thawhleh Johana 12:323. Nilai Num. 21:94. Nilaithawhtan Johana 8:285. Zirtawp 1 Pet. 1:18,196. Nisarihni 1 Johana 1:7

7. Nikhatni Rom 5:118. Thawhtan Rom 5:8,99. Thawhleh Heb 10:19,20

10. Nilai Rom 5:10 11. Nilaithawhtan 2 Kor. 1:10 12. Zirtawp Gala. 6:14 13. Nisarihni 1 Kor. 3:20, 21

14. Nikhatni Jere. 9:23 15. Thawhtan Jere. 9:23 16. Thawhleh Jere. 9:24 17. Nilai 1 Pet. 4:11 18. Nilaithawhtan John 11:25,26 19. Zirtawp 2 Kor. 9:15 20. Nisarihni Heb. 7:25

21. Nikhatni Hosea 14:9 22. Thawhtan Sam 92:4 23. Thawhleh Phil. 2:8 24. Nilai Sam 85:10 25. Nilaithawhtan Kolossa 2:15 26. Zirtawp Luka 9:23 27. Nisarihni Gala. 2:20

28. Nikhatni Johana 10:27 29. Thawhtan Matt. 10:38 30. Thawhleh Matt. 27:32 31. Nilai Luka 23:42

MORNING WATCH 165September, 2016

1. Nilaithawhtan 1 Kor. 3:92. Zirtawp Luka 1:63. Nisarihni Luka 16:10

4. Nikhatni Kolossa 3:235. Thawhtan Proverb 3:336. Thawhleh Thufing 19:137. Nilai Job 1:58. Nilaithawhtan Sam 71:179. Zirtawp Luka 5:38

10. Nisarihni Sam 119:67

11. Nikhatni 2 Kor. 12:10 12. Thawhtan Isa. 32:17 13. Thawhleh Tirhkohte 22:3 14. Nilai Tirhkohte 10:4 15. Nilaithawhtan 1 Kor. 15:58 16. Zirtawp 1 Pet. 3:15 17. Nisarihni Thufing 3:27

18. Nikhatni Johana 13:35 19. Thawhtan Juda 1:3 20. Thawhleh Thufing 11:25 21. Nilai Ephe. 2:10 22. Nilaithawhtan Sam 41:1 23. Zirtawp Marka 16:15 24. Nisarihni Isa. 43:10

25. Nikhatni Thufing 3:9 26. Thawhtan Matt. 5:14 27. Thawhleh Luka 15:6 28. Nilai 2 Chro. 20:15 29. Nilaithawhtan Matt. 25:21 30. Zirtawp Matt. 24:14

puitling sabbath sikul zirlai bu sabbath … nge kan lo nghah ang?..... 151 chanchin tha pumhlÛm...

Documents