KUMCINGTE’ SABBATH SCHOOLLAI SIANGTHO SIN NA

HEHPIHNA ii SILH LEH TEEN:

Laisiangtho Sunga Limciinna Tampi ahi Silh leh Teen Te’ Thu

ABSG STAFF . Soraya L. Homayouni Garments of Grace : Clothing Imagery in the Bible

April, May, June2011

_______________________________________________________________________

1

KUMCINGTE’ SABBTH SCHOOL LESSON

HEHPIHNA ii SILH LEH TEEN :Laisiangtho Sunga Limciinna Tampi Ahi Silh leh Teen Te’ Thu

A kaikhawmpi : ABSG (Adult Bible Study Staff)

Endik : Soraya L. Homayouni

A Letkhia : Suan Khen Go

April, May, June

2011

2

A SUNGA OM THULUPI TE

1. Vantung Siambu Sungah

2. Pahtawi na Dinmun Pan Selpho na Dinmun

3. A Siangtho Sitset Silh leh Teen

4. A Meel Kibanglo Puantungsilh

5. Siampite’ Silh Hehpihna Puantualpi 6. Elijah leh Elisha te’ Tualpuan 7. A Ma’ Khanuai Limsung Ah 8. Minthanna ii Silh leh Teen

9. Meikuang Sung Pan-a Singkhuah Khat Tet Na

10. Tapa Taimangpa’ Puanthak Te 11. Mo Puan

12. Silh leh Teen Te’ Thu Limciinna Tampi Hi

3

13. Khrist Puan in Silh

THU MASA

A Mah Teek Saanga A thupi Zaw Na Khat

Limciina te(symbols) mun khempeuh ah kizang hi. Ih pau leh ih ngaihsutna te limciinna te ahihi. Limciinna te pen amaute mahmah teek leh ih muh khiat te saang in thupi zaw tham hi. Lai tawh aki gelh ui bang aom ciang in a ui teekteek acihna hipah lo hi. Tuate limciinna hi thei-a, laimal in leh aw in kisuak sak thei hi. Bangbang in ki minlawh ta leh hih laimalte amau minpuakna te ai awh atangding hi pahpah lo hi. Amaute in akilawhna teekteek te saang in athuuk zaw akhiatna lak thei hi.

Kampau te, ngeina te, kipawlna te, nainganzi te leh ih nunzia te limciinna te tawh ong kigen teh adeihna picing thei pan hi. Tua limciinna te pen : Dialkhai-alaan, liim leh meel, limsuihna, thu kiciing, khutsiamna, lakam, mualsuang,laamna, inn, leh ngeina te ahihi. Akhiatna te uh mun khat leh mun khat kibanglo kawikawi hi. Na tampi te pen amau te teek saangin khiatna lian nei zaw hi.

Hihbang teng thu hangin Laisiangtho zong liimciinna te tawh kidim hi. Piancil 2, sungah, Pasian in ani sagihna ni pen piansakna niguk sung ii liimciinna khat in na bawl hi. Lungdamna thu masa pen(the first gospel) in mawhnei te a’-ding a, kamciam masa pen ahihi. Tuate akhiatna nei limciinna ahi :suan leh khak, lutang leh khetul peuh in na ki gen hi. (Pian. 3:15). Hihte in amaute teek saangin kawkmun thupi zaw kawk uh hi. Kain in asanggampa Abel asuam khitciangin, Topa mahmah in limciinna te tawh Kain na hopih hi. “Na sanggampa’ sisan leilak pan in keitung ah ong kiko hi”(Pian. 4:10, NIrV).

Laisiangtho sung mun tampi ah limciinna te pen gentehnate leh ngaihsutnate hi-a, amaute mahmah sangin khiatna lian nei zaw hi. Agentehna in: Tuicin tun khit-a, sakhituihup(Pian.9:13), Joseph mangmat(Pian. 37:1-11), vantungmi thumte tangkona(Mang. 14:6-12), leh nekkhawm nek ciang a, khomun leh lenggah tui cih te ahihi.(Maku 14:22-25). Hihte in amaute mahmah saang in athupi zaw thugil kawk uh hi.

Tu kuata sunga ih lessonte’ muingim pen limciinna pawlkhat hi-a, tuate pen puansilhna leh puante ahihi. Laisiangtho sung-a, mite’ silh puan te ih sin ding hi. Puan silh ih cih bang akhiatna nei hiam cih ih sin ding-a, bang limciina nei a, bang kawk takpi hiam cih ih kan ding hi. Lucifer ii vantung-a, ameel hoih kituam zia pan in, eima ii sianthona ahi belpuansia tawh ih kibatna lel akipan Eden huansung-a Adam leh Eve ganhing vun tawh akituamna dong tak a, kipan in Isaiah 52:1,(NIrV), sunga, minthanna puante, cih te ih sin toto ding hi. Laisiangtho in puan, puansilhna cih te limciinna in na zang-a, thumaanthutak, mawhna, kiphatsakna, thumaanna, gupkhiatna, diktansakna, thawhkikna leh Khrist hang’-a nuntak tawntungna cih te ih tel theih nading-a, azat ahihi.

Ataktak in, eite pen ih puansilh te ih hi kei-a, ih puansilh dan in abangci mi cih ong lak bek a hihi. Tua hi-a, limciina ahi, silh leh teen in amaute mahmah sangin athupi zaw kawkmun kawk uh cih ih sin toto ding hi.

4

Laisiangtho kizang te :

NIrV – New International Reader’s Version ,

NIV _ New International Version,

CEV – The Contemporary English Version,

HCSB – The Holman Christian Standard Bible ,

NKJV – The New King James Version

NLT – New Living Translation

Amplified – The Amplified Bible

LESSON 1 March 26-April 1

VANTUNG SIAMBU SUNG AH

Sabbath Nitak March - 26

TU KAL SUNG SIM DING : Isai. 64, Rom 3:21-31, Rom 4:1-7, Rom 6:1-13, Philip. 3:3-16

KAMNGAH : “Thukham neilo te’ apheng gamtatna te amaisakte thupha ngah te a hi uh hi. Amaute’ mawhnate aki lakkhiat sak te thupha ngah te a hi uh hi.” (Rom 4:7, NIrV).

Khrist in mawhnei te’ sih taang ding in ong si in, ih mawhna hangin manh ong piak sak hi. Mawhnei te’ dinmun taang in, Amah in thukham zui hi. Hihbang ong sepkhiatna tawh mawhnei te in Amah um thei in, Ama sung ah khangto ding-a, Jesu Khrist pumpi satak up dim ding zah a up nading ahihi. Hihbang lampi tawh mawhnei te in, Ama sungah picinna ong nei ding hi. Khrist in mawhna hangin piakkhiatna ong sem hi. Khrist in amulkimhuai mawhna thaman khempeuh leh dan thuak ding khempeuh saang hi. Mawhna vangik asan laitak mah in Khrist in tawntung sian’thona ong pia khia ahihman in, mawhnei te in Pasian mitmuh ah mawhneilo ong hihi.

Limciinna te phawk dih in: sianthona puantualpi, kawkbanglo thumaanna puantualpi, “vantung siambu sunga aki gaan,” mun khempeuh-a khui theih ding khauzang mawhnei mihing sungah omlo hi. Jesu Khrist ii thumaanna lim pianzia bangzah in lamdang ahia! Hih thumaanna in, atawpna ah mi khempeuh vantunggam atun nadingin ong tuam ding hi.

SUNDAY March – 27

LIMLANGH SUNGAH SAL GEGA(Isa. 64)

Khristian khempeuh amau upna zah-a, dinmun saang ah nungta zo hilo hi. Mi pawlkhat te alawm dangte saangin hoh zaw na ven, ih vekpi in ih kawkbang tek ve hi.

Isa. 64, sungah banag thupuak ong pulaak hiam. Mihing te’ athumaanna pen

5

akizang puan them tawh ong bangci genteh hiam. Tua puan them akhiatna bang hiam. Tua laisiangtho sung ah bang lam etna ong ki pia veve hiam.

__________________________________________________________________ __________________________________________________________________

“Beelpuansia” ih cih pen nupi khat in akha tawn a, azat puansia nin ahihi. Mihing te’ puuk khitcianga, mihing mawhna asiat huai zia pianlim Laisiangtho in bangci gen hiam. Sawltak Paul in hih mawhna thuguipi, Rom 3, sungah na bul gen hi. Paul in ateltakin agen ah, Pasian muhna ah Judah te leh Gentail te akibang zawdeuh in na gen hi. Amau te khempeuh Pasian’ hehpihna akisam mawhnei te ahi uh hi. Isa. 64, in hihthu ciik na kawk hi. Mawhnei te ih hihna tawh ih buaina na kawk-a, tua mah in eite’ lam et theihna thu siksan ahih ong lak hi.

Banghun ahia, nang leh nang na ki tel et nu nung. Banghun ahia, na ngaihsutna tawng leh na lunggulhna te na kisit tel nu nung. Bang na mu a leh. Ong bangci lauphawn ahia. Na lam et ding bang bek om-ahia, banghang ahia.

MONDAY March – 28

ONG KIGUAN THUMAANNA (Rom 4:1-7)

Rom 4:1-7, sunga, agenna tawh kituak in, Abraham ii Pasian amuanna in ong kiguan thumaanna ong bangci lah hiam.

_________________________________________________________________________________________________________________________________

Rom 4:2, sungah, Paul in, Abraham pen ama nasepna tawh kidiksak leh amah kisial thei hi na ci hi. Tuabang hilo in Abraham in, Pasian um in, Pasian in amah adik bangin seh hi. Up himhim na tawh Ama kiang azuan dingin, Jesu in ei mawhnei te ong sam hi. Va zuan leng Amah in eite kawkbanglo Ama puanatualpi ong pia ding-a, tua kawkbanglo thumaanna pen Jesu in leitung anuntak lai a, angah ahihi. Tuapen “ ong kiguan thumaanna” kici hi. Hih pen Isa. 64, leh Rom 3, sung-a, kigen buainapi aveng sak thugil hi ngiat hi.

Hihbang in khung dih in: Jesu in na puanlui ninpi, na belpuansia ong hawkkhiat sak khit ciangin, Ama kawkbanglo thumaanna, Ama kawkbanglo sianthona, Ama kawkbanglo thukham zuih kiciaptehna puantualpi te tawh ong tuam hi. Nangmah ong tuam khitteh na bil gei ah amuk tum tawh, “Tu’n na kawkbang nawn kei hi. Ka kawkbang loh puantualpi tawh nangmah kong tuam zo hi. Tolh khia sak nawn ken maw,” ong ci hi. Letsong nasia pen nasan ngei bang ahia. Kisuanna omlo ding in, sep theih bangmah neilo na pi cin, tua letsong nasan teh na bangci lungdam hiam. Jesu in eite ong luih thumaanna letsong hangin bangzah tak in lungdam huai zaw kaan hiam.

TUESDAY March – 29

THUKHAM LO TAWH

Rom. 3:21-31, sungah Paul in, bang gen hiam. Hih Laisiangtho mun sung-a, thupai dan te in a tung-a pastor pa’ gen theih bang ong lak hiam.

______________________________________________________________________________________________________________________________________

6

Paul in mi pawlkhat te kiang ah atuam vilvel thu piang agen nuam ahihi. Hihmun pen Judah leh Gentail te akipan mi khempeuh a’-ding ahihi. Tuhun in, thukham hing lai in, zuih lai ding hi, aci ei SDA te’ a’-ding in, thupi zaw kaan hi. Hih in Pasian thumaanna in eite ong gumkhia-a, mawhnei te ih hihna tawh eite puantualpi tawh tuam bangin Pasian thumanna ih ki sam hi. Eite pen Jesu ii kawkbanglo thumaan nuntakna in ong honkhia ahihi. Eite’ tatkhiatna Ama sung ah om hi. Hih tatkhiatna Ama sungah kimu-a, eima sung leh ih thukham zuihna sungah kimu lo hi. Tua hi-a, hih tatkhiatna upna tawh ih ngah hi.

Thukham na zuihna ah bang thu na tuak kha ngei hiam. Sawl na man na ah, nagamtat hoihna penpen in, Pasian mai ah adik in ong bawl hi na kici ngei hiam. Na dawnna in bang ong kum thei tam. Sabbath ni in kikup ding in ong keng ve.

WEDNESDAY March – 30

SILH LEH TEEN IN MIHING PUAH HI (Rom 6:1-13)

Khrist ii thumaanna puantualpi ih san ciangin, ih nuntakna ah Ama ii nunzia ong kamciamte za ah za a tun ih hihi. Eite hehpihna tawh ih thutang sitset hi. Hihpen tomno kal sung a, nasep ahihi. Eite pen thuman sawlman zawh nadingin hatna zong on kipia khin ahihi. Hih vangliatna pen ih lungtang sungah ong kiguang in, ahun sial in nuntakna ong kheel ahihi.

Rom 6:1-13, sung ah, Jesu ii thumaanna tawh eite ong kituam ciangin, abangci nuntakna tawh nungta cih ong gen hiam. __________________________________

______________________________________________________________

Jesu tawh aki khailum khawm khin mi khat anuntakna anasia a aki kheelna Paul in teltak in gen hi. Hihtak ah nuntakna leh sihna limciinna te phawk dih in. A laklawh alaizang cih omlo hi. Ih milui nuntakna belpuansia pen si in, mi thak khat ong suak a, Jesu ii thumaanna tawh ih kituam hi. Tu’n, “nuntakna athak sung ah ih bual hi.” Nuntakna thak cih pen mawhna ki uk sak nuam nawnlo cihna ahihi. Gualzawh nading kamciam tampi tak ong ki pia khin hi. Nei khin ing ih ci ngam diam.

Na nuntakna bang pansan in, Pasian tawh kikhawl khawm taktak cih ong lak hiam. Haksa nasak, na suah khiat nop bang khawng ahia. Mimal khatciat ong ki luui Jesu sung ah ci leh sa deihna si sak-a, nuntakna thak ah tualbial ding cih nisim in na ban gci teel theih diam.

THURSDAY March – 31

HEHPIHNA PEENG(CIIKLO) LEH ZUIHZAWH THU

Upna tawh gupkhiatna thumaan lianpi ih ngah dan leh gupkhiat khitsa mi khat ii nuntakna bangci dan hiam cih Paul in, Philip. 3:3-6, sung ah bangci tel gen hiam.

__________________________________________________________________________________________________________________

Sawlmanna ih theih dan pen hamphatna khat hi-a, zawi nih pha sak hi hang. Tua gel pen: Hehpihna peeng leh zuihzawh thu ahihi. Amasa in thumang sawlman ding athupitna ih saang-a, azom in, ih sawlmanna thalawh tawh kingah loding cih ahihi. Banghanhiam

7

cih leh sawlmanna pen hamphatna khat in ih san ding ahihi. Ih sawlman zawh nadingin Jesu in ong huh dingin, Ama thungah ih kinga hi. Jesu in, thukham zuihna leh thutang nuntakna ong makaih ding hi-a, Pasian mai ah mawh maina ih ngah nadingin Jesu tungah ih kinga hi. Pasian in, eite asiangtho-a ong bawl’ ding leh mawhna tung ah ih gualzawh ding ciang bek sang in, ong deihsak zaw lai hi. Gualzawhna khat pen lunggulhna tawh akitut mahbang in, tua lunggulhna in Jesu tungah ih ci leh sa’ deihna nisim in kibangci pum ap cih sepna hi-a, tua in Jesu ong telsiam zaw sak hi. Paul in hihbang in ci hi. “Jesu ong sihna pan in, atho sak vangliatna ka thei nuam hi. Ama thuaksiatna ka thuak pih nuam hi. Ama sihna thuak pihna tawh Amah kabang nuam hi.”(Philip. 3:10, NIrV). Philip. 3:16, NIrV, ah, “ ih tun khitna ciang pan in mainawt to suak ni,” acih, Pawl in bang aci nuam hiam. Tuaban asem ding in khensat in, na bangci ki awi hiam.

FRIDAY April – 1

SIM BEH DING : “Thukham in sianthona, thumaan nuntakna, kawkbanglo gamtatna ong kal hi. Ei’ neih tawm tawh hihthu ih cin zo kei hi. Pasian’ thukham siangtho ii ong kalh ih cin zo kei hi. Khrist bel mi bangin leitung ah ong pai in, nuntak siangtho tawh ong nungta hi. Kawkbanglo gamtatna ah ong seisang hi. Hihte adeih khempeuh te’ a’-ding in, piakkhong ahi ding in ong ki luui hi… Amah in mihing gamtatna Pasian pianzia tawh akibang ding in ong lam(build) to hi. Tua in kha lam hatna leh hoihna ong lak hi. Tua hi-a, thukham ii thumaanna pen Khrist a um mite sung ah picing hi. (Rom 3:26, NIrV). The Desire of Ages, Lai. 762, Akitomlaak.

KI KUP DING TE :

1). Tuesday ni a, dotna nu nung kikum dih un. 2). Khrist ii sianthona puantualpi ih silh ciang in, eite in, “Topa’ minthanna ih lak

a, ih ki kheel ciang in Amah ih sun to sem-a, minthanna ih nei tektek hi.” (2Kaw. 3:18, NIrV). Topa’ minthanna ong ki lak cih akhiatna kikum dih un.

3). Ki telcianna acih akhiatna ih bangci theih hiam. Ih bangci ngah theih diam. Tua ki telcianna koi ah ih ngah thei diam.

LESSON 2 April 2 – 8

PAHTAWI NA DINMUN PAN SELPHO NA DINMUN

Sabbath Nitak April – 2

TU KAL SUNG SIM DING : John 1:1-3; Kalaw. 1:16, 17; EZe. 28:12-19; Thuhilk. 8:1-18, Isa. 14:12-14; 2 Kaw. 11:14

KAMNGAH : “Ong ki piansak ni a kipan na gamtatna mawhsakna omlo hi. Ahizongin, mawh ding nong kipan baih hi.” (Eze. 28:15, NIrV).

TUNI A, IH LAISIANGTHO KAMNGAH PEN LAISIANTHO BUPPI SUNG AH ATHUUK PEN KHAT AHIHI. Kammal athupi nih ong dawk khia hi. Tuate pen :

8

kawkbanglo cih leh mawna(KJV) cih ahihi. Hih Laisiangtho mun in, vantung gam aki cing in a om laitak mah in, mawhna vantung ah akipat ve ong lak hi.

Hih Laisiangtho mun ii ong lah pen Pasian’ ukna khuavanuai ah kawkbanglo cih sandan pen suahtakna kihel cih ahihi. Hih suahtakna pen lungsim gamtat suahtakna ahihi. Lungsim gamtat suahtakna acih pen sia leh pha teel siamna ahihi. Hih suahtak teelna in mihing ong khuasuak sak ahihi. Setvan leh setvan malneu te in hih suahtakna neilo uh hi.

Lucifer pen vantung ah kisaang pahtawi lua mahmah in, apuansilh na ngawn Laisiangtho in na gen hi. Lucifer’ akhiatna pen, “vantungmi kikhuh(kituam)” cihna ahihi. Hihmahta leh Lucifer in akipia suahtakna zang khial in Topa’ kiang pan na lam puuk hi. Lucifer ii amulkimhuai khialhna pan in bang ih theipil thei diam.

SUNDAY April – 3

A KI PIANGSAKSA KHEMPEUH APIANGSAK PA

Khatvei lai in, mi khat in, “Banghang in bangmah om lohna ah na te om hiam,” cih dotna nei ngei hi. Aki dong thei thu lak ah dot huai thu bulpi khat hi thei hi. John 1:1-3, in, tua dotna bangci dawn hiam.

___________________________________________________ ___________________________________________________

Lunglut huai thu khat hi bilbel. Big Bang Theory – Theih Batloh Thu, cih khat om a, tua in, vantung khuavannuai om tawntung cih saang in, kum zamak tampi lai a, a om khinsa hi na ci zaw hi. Tuathu amaan-a, akhial zong in, mi tampi in, Pasian khat ahihkei leh Piangsakpa khat om cih bel na mu khin uh hi. Hihpen na te’ thu theihna(science), alum asa, khuavak, dat, aging te’ pianzia sinna(physics), ganan pilna leh buptuah kawikai pilna(equations) tampi te in, Theih Batloh Thu a’-ding in akisamh pelmawh thupiang te ahi uh hi.

Kaw. 1:16-17, in, na khempeuh, kua mi kua sa, nisim a ih muh theihloh na te Pasian in piangsak zo cih ong lak hi. Himun in ih theihna tawmno cik bek ahih ong bangci lah hiam. Ih kiniamkhiat huai zia ong bangci hilh hiam.

______________________________________________________ _______________________________________________________

Hih na khempeuh te Pasian in apian’sak phawk in. “Ama a’-ding” a, aki bawlsak ahihi. Ama a’-ding acih, bang acih nopna ahi tam. Ih bangci theih zawh diam. Eite zong Ama a’-ding a, ong ki piangsak cih bang akhiatna neih sak huai hiam.

MONDAY April – 4

A MEEL HOIH LEH A KAWKBANGLO VANGTUNGMI KHAT

Eze. 28:12-19, in, Lucifer bangci telgen hiam. Lucifer in bangci ki zepna nam nei hiam. Tua thu pan in bang ih sinpil thei diam. _________________________________

_________________________________________________________________

9

Hesiazah in Lucifer,”zingsang tapa,” ci’n na phuak hi. Isai. 14:12 ah, akawkbanglo dinmun, Pasian’ tamlawhna ih mu hi. Eze. 28:12 ah, zong Lucifer, “ kawkbanglo te’ ettehna” ci’n na ki lak hi. Tua kammal aki let ciangin, “pianlim(pattern) ahihkei leh ettehna(model) ong suak hi.

Isai. 14:12, mah Amplified leh NLT te in, Lucifer pen, “sun aksi” ahih kei leh “aksi taang” na ci uh hi. Hebia kam in, htlel (a taang khat) cih pen venus ataan dan akigen na ah aki zang kammal hi-a, zingsol bangin tang lela cihna ahihi.

Vantungmi te in thu ki khung te zui nuam uh hi. Amau te in amaute’ Piangsakpa’ hoihna lak nuam in, kilemna mun vantung inn-a, anungta te’ pahtawina tawh Topa’ phat uh hi. Tatsatlo-a, Pasian aphatna un, khat leh khat angsung khuallo ki itna ki thun uh hi. Tuabang-a, aphat det nopna un, kilemna mun, etlawmna mun leh itna mun ah ateen’ uh hang ahihi.

Vantunggam ii kilemna leh itna te, ih inn te, ih nasepna te leh ih pawlpi te ah ih bangci ciin theih diam. Leitung-a, ih nuntak dante in Pasian’ minthanna leh Ama itna te bangci hoih lah zaw thei ding cih kikum un.

TUESDAY April – 5

KAWKBANGLO VANTUNGMI KHAT ii PUUKNA

Lucifer a etlawm hoih mai dan ih lungsim tawh geel hak sehhak mai hi. Eze. 28:17 in, Lucifer ii puukna ih theih nading in bang ong huh thei lak thei hiam.

Hih puukna pan in, eite a’-ding in, bang theih pilna ih sin thei diam. _______________________________________________ _______________________________________________

Lucifer kituam cih pen amaan mah hi in, lamdang mahmah hi. Hoih mahmah in pil lua mai hi. Tuate koi pan-a ong pai ahia leh. Lucifer’ hoihna khempeuh Paisian’ kiang pan ong pai ahi ve leh. A ki piangsak vantung mi khat thu a gengen ih hi ve leh. Ama kizepna, ahoihna, apilna te Pasian kiang pan-a, hamphatna te ahihi. Topa lo tawh lucifer in bangmah hilo in bangmah neilo ding hi.

Pasian tawh aki nai kholh penpen tua vantungmi in athupi thumaan mangngilh mawk hi.

Bang thukhun, Thuhilk. 8:1-18, sung ah kimu-a lucifer’ tung ah bang thupiang cih ong bangci lah hiam.

________________________________________________

Na khempeuh a’-ding in Topa kisam vinven napi hang in, Topa ih mangngilh ding baih lua mahmah hi. Nisim-a ih zat theih bang van te in, puuk theihna awk thaang ahi, etlawm puansilh te pan in, ong bangci huh thei ding hiam. Etlawm puante pen ih ciimna, ih matutna leh ih hauhna te hi-a, tua te ih mangngilhna in Topa bangzah in kisam ih hiam cih ong bangci hilh ahiam.

WEDNESDAY April – 6

PASIAN SUAH NOPNA

10

Ezekiel in, Pasian’ mualtung-a, lucifer’ omzia, Eze. 28:14 sung ah, ong dawk sak hi. Hihmun ah, Pasianin Lucifer panmun saang apiak ih mu thei hi.

Lucifer pen Pasian mahmah leh adang vantungmi te in zong pahtawi uh hi. Tua pen zang khial in lungsim sia ong nei hi. Tua ngaihsut khialhna in sep khialhna ong sem-a, langdo na leh kisiatna ong tunto hi.

Isai. 14:12-14 in zong, lucifer’ puukna ong gen hi. Hih Laisiangtho mun pan in, mawhna tawh ih kibuan ih zawh nading bang ih sin thei diam.

______________________________________________ ______________________________________________

Rom mite in tanglai in, akumpi te uh asih ciang in, pasian suak ci’n um uh hi. Hih in, kumpi Vespasian ii sih kuan kammal ong tel gen-a, tua pen, “Oh, tazen, kei pasian khat asuak dingin ki ngaihsun ing,” cih ahihi.

Pasian ih peipuan ding ze etna pen ei nghaihsutna sangin kiphu kha zaw hi. Tua ze etna te pen mite’ ngaihsutna, thu ih khenna tawh eima neih ngaploh vang leh ukna te ih zatna tawh leh midangte ih ukna adau pai ngaplo lampi te cih khawng ahihi. Tu’n tuabang te tawh Pasian peipuang asawm mah hilo ih hia.

Pasian peipuan ih sawm alauhuai dinmun ah ih om asimtham lampi te lim ngaihsut dih in. Hih alauhuai ze etna adam sak penpen bang ahia.

THURSDAY April – 7

SATAN LEITUNG AH (2 Kaw. 11:14)

Mang. 12:7-12, in, bang thu gen hiam. Tua Laisiangtho mun ah bang lauphawnna om-a, bang lam etna mah ong kipia hiam.

_____________________________________________ _____________________________________________

Hamphatna tawh, singlamteh leh Jesu ong sepsak khit thu te hangin, thusia te bangci mong bei ding cih ih thei hi. Gualzawhna pen Khrist ii kawkbanglo puantualpi tawh aki tuam khempeuh te’ a’-ding in muanhuai mahmah hi. Satan in bel gupkhiatna leh tawntung nuntakna apiang thei lo dingin hahkat in mite tungah na sem hi.

2 Kaw. 11:14 ii akhiatna taldom in ngaihsun dih in. Hih Laisianghto mun pan in, eima a’-ding in, athupi bang thupuak ih sin thei ding hiam.

___________________________________________________ ___________________________________________________

Khalam lauhuaina in eite ong kimkot hi.(1Pet. 5:8). Ih phawk tek ding athupi khat pen aguallel khin ih galpa tawh aki nana ih hihi. Dawimangpa in lel khin hi. Akisiat ding telsa ahihi. Agam mongbei teek ding hi. Ahizongin, amah eiguak tha tawh ih do zo kei hi. Ih lametna leh ih thahatna pen, amah azo khin Jesu tung ah om hi. Jesu’ gualzawhna pen Amah ih up laiteng leh athu ih manh laiteng eima-a’ ahihi.

Ih kidop kei leh ih upna damdam-a, ong susia thei dawi ii asimtham alampi te bang ahia. Satan aguallelh nading-a, nisim a ih sep cian theih ding bang ih teel hiam.

FRIDAY April – 8

11

SIM BEH DING : “Satan in Pasian mi te belmang tawh atuam ding leh akisiat nadingin hanciam hi. Khrist in bel eite ong gum ding in ong kalsuan hi. Pasian’ mite mawh khin taleh Khrist in amute’ mawhna kisuanna te ama’ lubuuk in thuak hi. Christ’s Object Lessons, Lai. 169, Akitomlaak.

Ki Kup ding Te

1) Thumaan sepna leh suahtakna sandan thupai zia te limh ngaihsut dih un. Suahtakna omlo in amaan sep theih a om diam. Ong thatang sawl ahihkei leh eima deih teelna omlo in, ih gamtatna te amaan in ih sem thei diam.

2) Satan in bangbang ngian bulom anei zong in poi kei. Zong akicing hi kei. Amah tawh ih lungsim puakzia aki bat dan bangci lampi tawh ei leh eimah ih ki mu thei diam. Hih akibang lampi ih tot suk na pan in, ih bangci khawl theih diam.

LESSON 3 April 9 – 15

A SIANGTHO SITSET SILH LEH TEENSabbath Nitak April - 9

TU KAL SUNG SIM DING : 2 Tim 3:16-17; Luke 21:36; Pian. 2:20-25; Pian.2:15-15; Pian. 3:6-11, 21.

KAMNGAH : “Pasian in mihing Ama lim sun teek in ong piangsak hi. Amah in tuapa Pasian tawh kibangin ong piangsak hi. Amah in amaute pasal leh numei in piangsak hi.” (Pian. 1:27, NIrV).

Lucifer ii puukna vantung bek ah ki ciangtan lo hi. A zuau theihna ngian kawi leitung ah ong keng suk hi. Alamdang in, Pasian kammal thutak te zuau thu tawh heelzau zogawp cih ih mu thei hi.

Mihing pianzia Piancil sung pan kitel sinsen hi. Mihing pen leitung an leh tui lim pen te ne ding-a ong ki mapat ahihi. Atung a kipan in, Pasian’ lim sun in aki piangsak pah ahihi. Muh zawhloh nuntakna nei nono te pan in ong kipan in kum zamak tampi khitteh nuntakna nei lianpi ding in khangto in mihing ong suak pan hilo hi. Nuntakna neite ama thu in kum tampi khitteh kikhel toto in alianpi suak cih upna(evolution) in, mihing te muh zawh loh nuntakna pan khang toto in kum tampi khitteh an leh tui ne thei mihing suak ci hi. Laisiangtho in bel, mihing Pasian lim sun in asaang pen in ong ki piangsak khia ci hi. Mawhna hangin puuksuk ding ong ki pan zeel hi.

Tunipi sung in, Piancil sung a, silh leh teenna cih limciinna ih sin ding a, bangci bangin mihing puuk in kilamto kik cih ih sin ding hi.

SUNDAY April – 10

HUN MASA LAI TE (2 Tim. 3:16-17)

Pian. 1 na leh 2 na sim saisai pak dih in. Pasian in hih leitung apian sak lai bang tawh kibang ding cih lunggeel dih ih. Mawhna’ suksiat hih leitung bel hi ngeeingeei hi. Tuhun a, ih leitung, apiancil lai tawh bangci thu hangin kilamdang hiam.

____________________________________________________

12

____________________________________________________

Adam leh Eve in amaute a Piangsakpa tawh kizom in hih leitung ah khangto in seisang-a a om uh mawhna thei khalo uh hi. Kum tampi laipek-a, mawhna’ suksiat hih leitung ah eite ong Piangsakpa tawh naitak in ih ki bangci zop thei diam. Na dawn nading in hih Laisiangtho mun te sim in. 2 Tim. 3:1 6-17; Luke 21:36; Mate 6: 25-34; John 17:3.

____________________________________________________________________________________________________________________

Tu in, pahtawina khat ahi ih neih nawnloh Topa tawh maitang kituah-a kiho’, Adam leh Eve te in na nei hi. Nisial-a ih nuntakna ah Adam leh Eve te in Pasian mah tawh a neih uh nuntakna pahtawina bel ih nei lai hi. Mawhna in ong suktat hangin, Jesu in akitat ngeilo ding khau tawh vantung leh leitung ong zom hi.

Pasian tawh naitak in na bangci tonkhop hiam. Na dawnna ding na ngaihsut kawm in nang leh nangmah thu pawlkkhat ki dong dih hi. Hih ki naina akhauh zawk nading in bang sem mawk ka hia. Hih kizopna atat ding in bang sem mawk ka hia. Topa tawh naitak a ka tonkhop theih nading in bnag sem thei ka hia.

MONDAY April – 11

A GUAKTANG-a OM NAPI’N ZUM LO

Pian. 2:20-25, sung ah, Adam leh Eve te gel kikal naitak-a, akizopna namte bang ki lak hiam. _____________________________________________________________

_____________________________________________________________

(Pian. 2:24) ah, Ci khat sa khat ahih mahbang in, acih mahbang in Adam leh Eve te Pasian tawh ban ah amau leh amau mahmah zong kinai zop mahmah uh hi. Hih mun ah: amaute aguak tang in om in zumlo uh hi. (2:25).

Hih khuavak bang tawh akibang teekteek tam. Bangci tuam ai tam. Bang adeihna ahi tam. Theih nei khang ei. Khuavbak tawh kituam citaleh aguaktang in om kici hi. Thukhat ah, amaute zumlo ci ahihteh, khuavak tawh akituam pen aguaktang-a, a om uh khuh khinlo hi ngel hi. Mawh neilo leitung ahih teh thupoi lo hi ve. Hibang thu ahih theihna pen hih leitung ah zumna na omlo hi.

Athu ah Adam leh Eve aguaktang-a a om uh ong kigen pen pumpi satak tawh mawh neilo nupa te ki cisanehna nop asak uh ih mu thei hi. Amaute kikal ah thusim om vetlo in kisuanna om vetlo cihna ahihi. Adam leh Eve te thutak in, thusim omlo leh suakta mahmah tek in nungta uh hi.

Na nuntakna ah thusim bangci om hetlo hiam. Ahih kei leh thusim neiden keei in, athu piang taktak akhuh cip den pa/nu na hia. (Mate 10:26, sim in). Ahi ci mi na hih mawk leh na nuntakna bang khawng khel pah akul diam.

TUESDAY April – 12

ZE ET NA

Adam leh Eve te’ kiang ve ah ze et na akipiak, Pian. 2:15-17, sim in. Hih ze et na akipiakna mun ngaihsun dih in. Tua mun in, amau mawhna bangci siat sak zaw hiam.

13

____________________________________________________________

Satan in Eve kiang-a agen, Pian. 3:1-4, sung-a thu taldom liang in kaan dih in. Thutak leh azuau khempeuh te bangci helzau hiam. ___________________________

________________________________________________________________

Tua singkung pen asia leh apha ahih khop lunglut huai mahmah hi. Adam leh Eve tawh a om khawm khin Pasian’ piansak hih leitung hoih in hoihna tawh kidim ciat hi. (Pian.1:31). Ahizong in, Pasian in Adam leh Eve ahoih bek tawh akep noploh kitel sinsen hi. Topa in bel Adam leh Eve te sia leh pha khentel theihna pan hung in kem nuam veve hi.

Hihthu bel san hak kei mataw! Ei mawhnei hih leitung na ngawn ah nu leh pa te in atate uh thusia lasia pan in akem nuam hi ven. Pasian in Adam leh Eve nak kep nop zaw kaan hi. Amah in maute gitlohna pan kem nuam bek lo in, amaute’ khuavak silh leh teen asuplawh sak thei sia leh pha khentel theihna pan kem nuam zaw kaan hi.

Siatna pen muh baih hetlo in pelh ding zong baih san lo hi. Thu tuamtuam tawh kiseelcip thei hi. Bangci lampi tawh kiseel ahi tam. Hih kisiatna nam te bangci phawk in, ih kl bangci kep theih diam.

WEDNESDAY April - 13

SILH LEH TEEN THAK KOP KHAT

Pian. 3:6-11, gen’ bang in, Adam leh Eve te ong puuk khit uh teh bang ong tuak kha masa uh hiam. (Hih pen 3:5, sunga, satan gen kholh ataangtung teek ahihi). Hih in bang akhiatna nei hiam. Amaute’ mawhna thaman te in eite bang ong hilh hiam.

____________________________________________________________ ____________________________________________________________

Adam leh Eve te’ mit ong ki hong hi. Satan gen mahbang in ataangtung teek ahihi. Tu’n Adam leh Eve te in, a muh ngei loh uh leitung ki lamdang tak in ong mu uh hi. Amaute aguaktaang-a a om uh ong ki gen kik na ven, mawhnei lo asiangtho sitset a, a om na pan un mawhna sung ah apuukna uh Pasian tawh athak-a ong kizopna uh leh amaute gel mah zong ong ki zop dan te uh ong dawk ahihi.Tu in, amau te aguaktang-a, a om uh ong ki thei sitset ta uh hi.

Topa in Amaute adot thu zong phawk dih in. “Guaktang-a, na om uh kua in ong gen a hia”(taang 11, NIrV). A ki upmawhna ah Adam leh Eve asiangtho nuntak lai un, guaktang-a a om ding uh ngaihsun ngei khalo ding uh hi. Tuabang-a, angaihmuan om lel uh zong ahi ding mah cih theih ahihi. Tua hi-a, amau te in geelna zong nei tuanlo uh hi. Tu’n bel maizumna tawh ki vuknelh ta uh hi.

Adam leh Eve te’n guaktang-a, a om uh adawn kikna ii akhiatna maan bang a hia.________________________________________________________________

THURSDAY April – 14

GANHING VUN (pian. 3:21)

14

Adam leh Eve te’ kituamna ih theih masak theeiteh pen leicing in hoih masa samlo hi. Hoih in sawt kimang ding hileh mawhna aneilo ganhing te kigo in amau nupa kutuamna lo ding hi. Tuamahbang in, thukham zuih ding eite’ hamciamna te, gupna ngah nading in cihtaaklo in kimanglo hi.

Theeiteh leh ganhing vunte akilamdanna bulpi bang ahia. Ganhing vun pan-a, ong luang khat pen theeiteh pan ong luang khia lo hi. Tua ki lamdanna bel sisan hi ngiat hi. Hih sisan mah pen Pian. 3:21, sunga, lungdamna thu ong bangci dawk cih ong gen ahihi.

Hih Laisiangtho mun ii atawpna taang pen athu khum pen hi. Hihbang in ki at hi. “Amah in amau te tuam hi.”(Pian. 3:21). Hebia lai in kitel zaw lai –a, hihbang in na ki at hil. Adam leh Eve te tung-a, ganhing vun asilh sak pen tua Topa mah ahihi.

Jesu upna tawh alamdang gupkhiatna kamciam ngaihsun dih in. Eite’ a’-ding in, gupkhiatna kamciam pen Jesu’ ong sepsak na sa ah aki muh ngaihsun dih in. Gupkhiatna pen ei leh eimah sepna tawh kingah ngeilo cih ih mu hi. Khrist ii thumaanna na nuntakna laigil na suah sak ding leh tua Topa tawh na lamton theih nading in na bangci kisin theih diam.

FRIDAY April - 15

SIM BEH DING : Pasian in ih nu leh ih pa masa te Eden huan ah akoih lai in, sianthona puantualpi asilh sak ahihi… Tua sianthonna puantualpi mihing in ataan ciangin asep theih bangmah omlo hi…Khrist teekteek in ong tuam bek ciangin, Pasian omna ah akilawm in ih dawk thei hi. Hih kituamna, thumaanna puantualpi Khrist in akisiik khempeuh a um khempeuh te silh sak ding hi. Hih puantualpi pen vantung siambu lak pan-a, kigan hi-a, mihingte’ bawl mimkhau zang khat zong kihel lo hi. Khrist in mihing’ ci leh sa tawh kawkbanglo nuntakna ong lak hi. Amah in eite hih nuntakna gamtatna ong pia ding in ong luui hi. EG White, Maranatha, Lai. 78, Akitomlaak.

KI KUP DING TE :

1) Pian. 3:6, gen bang in, Eve’ kha apuuk nading in, satan ii zat lampi te bang ahiam. Tua tawh akibang nasep tuhun in zong, satan in bangci sep hiam.

2) Eden huan tangthu sung-a, thugil sandan khat ahi guaktang-a omna cih taldom in ngaihsun dih in. Hih sandan pan in tua tak-a thupiang ih theih nading in bang ih la thei ding hiam.

3) Friday ni-a, EG White kammal te pan in , alamdang lungdamna thutak ong bangci kilah hiam.

LESON 4 April 16- 22

TUA A MEEL KIBANGLO PUANTUNGSILH

Sabbath Nitak April - 16

TU KAL SUNG SIM DIMG : Pian. 29:21-30, Pian. 30:24;Pian 34; Pian. 37; Pian. 42:13, 1Kaw 9:24-26

15

KAMNGAH : “Israel in atapa dangte khempeuh saangin, Joseph it zaw tham hi. Amah ateek nung in,Joseph ama a’-ding in piang hi. Israel in ama a’-dingin

meel tuamtuam tawh kizem puantualpi hoih khat pia hi. (Pian. 37:3, NIrV).

Hih tangthu buppi Pian. 29, sung pan in ong kipan khia hi. Jacob in zipi nih nei in zi no nih mah nei hi. Innkuan khat sung ah pa khat bek hi-in, nu te li leh ta nu ta pa kaap guk nei cihna ong hihi. Hih innkuan sung ah bang buaina piang ding cih ama theih khol kamsang cih na om lo hi.

Jacob in Eden huan-a, etteh ding masa pen na nungzuih thei leh bangzah in hoih zaw ding hiam. Pasal khat in zi khat bek neih ding hi-a, hih ettehna pen khangtawn-a, innkuan khempeuh zuih ding tupna saang ettehlim ahihi.

Ih theihsa mahbang in, Pasian in mite suahtak deihteelna tawh piangsak hi. Tua suahtakna ah deihteel khialhna ong kihel hi. Jacob ii aminthang meel tampi nei tua puantungsilh teel khialna in etteh ding khat hi pah-a, khialhna khat in, ih uk zawh nawn loh ding thaman te ong tunto thei cih ahihi.

Mawhna in ong suksiat ma leh tua mawhna te ih zongsat ma in, khawl thei leng nakpi in hoih zaw pek ding hi. SUNDAY April - 17

INNKUAN SUNG BUAINA AKIPATNA TE

Pian. 24 leh 29:21-30, te sim in. Bangci nam innkuan hihmun ah ki piang sak hiam. Thumaan khat ii thukhunpi te tawh ki leh ngat in, leitung ii ngeina te ih zuihna in siatna ong tunto thei hi. Tua pan in, bang sinpilna ih ngah thei diam.

______________________________________________________ ______________________________________________________

“Jacob ii mawhna in siatna sakawn piangsak hi. Amawhna in, akha zaw gah a tate gamtatna leh anuntakna ah ong lak hi. Hih a ta te nupi papi thei ong suah uh ciang in asia huai mawhna te pung sak uh hi. A innkuan sung te ah zi lom neihna thaman te kimu tel pah hi. Amulkimhuai hih thusia in itna tuisam kang sak in, kizopna siangtho te thanem sak hi. Nu tampi te’ ki hazatna in innkuan sung tangkhatui dawn sak uh hi. Naupang te zong akitawng in ong khangkhia uh in, lep theih in zong om nawnlo uh hi. A pa’ nuntakna zong lunghihmawhna leh dahna in tuam ta hi. Prophets and Patriarchs, Lai. 208,209, Akitomlaak

Na uk zawh loh ong kipia na te bang ahia. Tampi hi mataw. Tu mahmah in, athupi na teelte pawlkhat ngaihsun dih in. Hih ka teelna te in midang te bangci huzap hiam cih kidong dih in. Na pian sak nop bangin atangtung takpi mah ahia leh.

MONDAY April - 18

JOSEPH LEH A SANGGAM TE

Pian. 34, in Joseph ii asanggamte abangci mi cih ong gen hiam. ____________________________________________________________

16

Pian. 37:5-11, sung ah Joseph ii mangmat thu kisung te om-a, tua mangsung ah a innkuan buppi un Joseph mai ah kun ngalhngah uh hi. A sanggam te in ana huatsa uh ahih leh hih mang in ahuatna uh behlap kaan ding hi. Pian. 37:8, in, hihthu teek mah na gen hi.

Pian. 37:2, sung a thupaizia in, Joseph leh asanggam te kikal kizopna bangci siat sak zaw hiam. ______________________________________________________

Mi khat peuh kiang ah ama thu akigen ding kuamah in deih lo hi. Asanggam te bangci siat ta leh, sanggam te’ thu Joseph in apa’ kiang ah alawt ding asanggam te’n deih lo uh hi. Asanggam te in bangci thuh cih bel Laisiangtho in genlo hi. Amau’ gamtatna sa te aki phawk uh teh, asia huai zaw leh azum huai zaw thu te inn ah aki lawt ma in, na tawp khin uh hi kha ding hi.

Eima dunmun teek ah ih awk ciat hi. Thu piang te ih uk zawh loh vive ahihi. Ih kidot det ding pen : ih thuakkhak dinmun te ih bangci do hiam. Tua te in ong uk in, thumaan pan na dau kha hiam. Ahihkei leh kei ong makaih thumaan ka tuahkhak thu ah ka ki makaih sak hiam.

TUESDAY April – 19

MEEL TAMPI NEI PUANTUNGSILH

Pian 37:3-4, sim in. Hih apa’ nasep in bang dinmun sia zaw piang sak hiam._____________________________________________________________ _____________________________________________________________

A it thei a pa in, Joseph amanpha puantungsilh khat pia hi. Meel tuamtuam tawh

etlawm tak in akigan ahihi. Tua puan pen asanggam te’ puantualpi dangte sangin mannpha zaw pek hi. Tua puan pen mi thupi te’ silh nam ahihi. A pa un Joseph apahtawi zawk pen theilo hetlo uh hi. Joseph in inn luahza ngah ding cihna ong hi pian hi. Joseph in apa’ gam’lianpi ngah ding in, asanggam te in sansat ziau uh hi. Jacob in Joseph puantungsilh apiak pen a it man liuleu hi-a, tua saang in bangmah ngaihsutna anei hilo hi. Ahizong in, hih pen sep khialhna pi khat ong suak a, hihthu hangin, asanggam te in Joseph muhdah lawh uh hi.

Leitung pahtawina ong kipia ngei hia. Na bangci lungsim thuak(feel) a. Na lungdamna bang tanvei asawt a. Ong kipahtawi na cihtaaklo in bangpi hi khollo ahia. Bang sinpilna tua pan na ngah thei hiam. Na dawnna ong huh ding in, 1 Kaw. 9:24-26, sim phot in.

WEDNESDAY April – 20

PUANTUNGSILH KI HAWKKHIAT SAK

Pian. 37:12-25, sim in. Asia leh apha kikal ah kawkbanglo leh ciampel te kikal kilamdanna lianpi bang na mu hiam. _____________________________________

______________________________________________________________

Pian. 37: 23, sung a, thupiang bang athupi om hiam. ______________________ ________________________________________________________________

17

A gamla pipek pan in Joseph agal muh uh ciang in, asanggamte’ kikup masak pen amangmat ahihi. Tua mangmat in Joseph amuh dahna uh khang sak mahmah hi.

Tu in, asanggam te in amaute’ muhdah mahmah na leh hehna apiangsak thu te hepkhiat sawm uh hi. Tua pauntungsilh in, a u te in asanggampa uh amuhdahna uh limciing ahihi. Tua pauantungsilh in ama hoihna khempeuh leh asanggamte’ siatna khempeuh limciing lai hi. Asanggamte in apuantungsilh ahawkkhiat sak khit uh ciangin, lungdam mahmah in lungkim ngel ding uh hi. Tu in, Joseh pen tua puantungsilh lo tawh ong om teh asanggamte in Joseh pen amaute saangin ahoih zaw tuanlo in ngaihsun zen uh hi. Tu in asanggamte’ ngaihsut dan ah Joseph mai ah amangmat bangin akun ding zah in Joseph in gautaakna hihzawhna nei sa nawn lo uh hi.

Ih lungsim sukkhakna te ih kep zawh nading in koici bang in Pasian vangliatna nuai ah ih kisin thei diam.

THURSDAY April – 21

NA TAPA’ PUANTUNGSILH (Pian. 37:31-32)

Pian. 37:26-36, sunga, asanggam te in a pa kiang a, athu sun bang kammal te lunglut huai peuhmah hiam. __________________________________________

____________________________________________________________

Asanggam te in, ‘Ka sanggampa’ puantungsilh,” acih sangsik in, “na ta pa puantungsilh,” acih phawk dih in. A dai hit hiat leh lungsim thuak damna ong diipkua vat hi. Tua kammal pen Joseph tung ah asia abawlna te uh aki mangngilh sakna lampi hi kha ngeel ding hi.

Tua hi a, tua puantungsilh in akipatna pan atawpna dong in ziaak nei khawm hi. Amasa in tua pen Jacob leh Joseph te’ kikal kizopna lim hi-a, tu in sisan tawh kituam pen, Joseph ii sihna limla ahihi. Asanggam te in Joseph ii mongbeina hi ci’n ngaihsun kha ngeel ding uh hi. Ahizong in, hih gamtatna in buaina khat hahsiang na ven, adang buaina ong ki behlap lel ding hi. A pa’ dahna hangin a sanggam te un tuaksia ngeel ding uh hi. Nisim a Jacob thuumna hang in hih mihing te kisuang laplap pelmawh ding uh hi.

Pian. 42:13, 21-23, 32 leh 44:28, te in, amau mahmah leh a innkuanpih te tung –a, kum kivei asanggam te’ gamtatna thaman in eite bang ong gen hiam.

________________________________________________ ________________________________________________

Bangbang ahizong in, hih tangthu sung-a, amulkimhuai amaute’ gamtatna in, mawhna ih bawl’ saisai ciang in, ong khutkhial sak, ong mittaw sak in, dahna leh gentheihna te ong tun thei cih eite ong phawk sak hi.

FRIDAY April - 22

SIM BEH DING: “Ama tung ah bang piang ding cih Joseph in bangmah muangmawh se lo hi. Lamsaupi pheiphung khaatna khualzinna pan in Joseph ong tun ciang in asanggam te lungdamna tawh a hopih ding in amau te kiang ah Joseph in va zuan hi. Asanggam te in, a ma thugen ngai nuam lo uh hi. Joseph in lamdawtsat atawt agen zong amau te’n thudon lo uh hi. Joseph in asanggamte’ heh et gaga ong lau ta hi…Asanggam te in amau tung-a, Joseph adik lohna te uh ong mawhsak ta hi. Asanggam te in hazatna veisiatna te ong pau

18

uh ciang in satan in amaute’ lungsim na uk hi. A sanggamte in, ama tung ah hehpihna lungsim leh itna peuhmah neilo uh hi. Meel tampi anei apuantungsilh a silh lai amau te in hawkkhiat sak uh hi. Tua puantungsilh pen a pa’ itna melmuh ahih teei hang in, tuamah in a sanggamte’ hazatna lungsim te tawk gawp ta hi. The Spirit of Prophecy, lom 1, Lai. 128,129, Akitomlaak.

KI KUP DING TE

1) Meel tampi nei a namdang puantungsilh te bang om hiam. Leitung na te ih deih bang ahia. Asawlo in ong ki hawk khiat sak in leh sisan abaang lel ding ahi diam. Leitung ki pahtawina te thupi tuak napi’n atawpna ah abangci nam te bangmah hilo takpi lel ahia.

2) Tunipi sung-a, ih lesson te ngaihsun in. Pian. 45:22, sim dih in. Anuihzak huai ahihkei leh apian dang bang thu om hiam.

3) Joseph pen Khrist tawh kibang in etteh ding in ih mu khin hi. Joseph leh Khrist na tehkaak ding bang na mu thei hiam. Na muhte hawmkhia in.

LESSON 5 April 23-29

SIAMPI TE’ SILH PUANTUALPI Sabbath Nitak April - 23

TU KAL SUNG SIM DING : Pai. 32:1-6; Siam. 21:7-24; Siam. 22:1-8; Pai. 28; Mang. 21:12-14; Heb. 4:14-15

KAMNGAH : “Pasian in no te Ama mi ding in ong teel khinzo hi… No te pen minam siangtho khat na hi uh hi. No te pen Pasian a nei mi te na hi uh hi. Hihthu te khempeuh hang in, no te in Ama’ phatna na sa thei uh hi. Amah in no te khuamial sung pan in a lamdang Ama’ khuavak sung ah ong tun khin hi.” (1 Pet. 2:9, NIrV).

A kakhia puahkikna ii Thubulphuhpi khat pen Thu ummi khempeuh ii siampi nuntakzia ahihi. Hih atung a, Laisiangtho mun sandan pen thu ummi khempeuh in, siampi hihna tawh Pasian na asem ahihi. Banghanghiam cih leh thu ummi khempeuh in Jesu nei uh a, hih leitung ah mawhsut nasepna ah amau te leh Topa kikal ah siampi kisam lo uh hi.

Jesu leitung ah ong nungta in ong si a, sihna pan ong thokik hi. Jesu eite ii siampi lian sem ding in vangtung ah kahto hi. Mawsi hun lai a, Pasian’ pat siangtho biakbuk nasep Khrist ii nuntakna leh asihna tawh tangtun khinta hi. Hihthu paizia ii deihna pen Hebia te’ zat siangtho biakbuk nasep asem siampi te kisam nawn hetlo cihna ahihi.

Tunipi sung in, Thuciamlui ngeina hun a, siampi te’ silh puantualpi thu ih sin ding hi. Hih ih sinna pan in Thuciamthak ngeina sung a’-ding in, siampi suah ding cih adeihna tawmcik khat ih sin thei ding hi.

SUNDAY April - 24

THUCIAMLUI HUN A HEHPIHNA

19

Pai. 32:1-6, sung ah nasiatak a, nungtoh khop nading ahithei paulap Aaron in bang nei thei hiam. ___________________________________________________________

Nungtolh cih mahmah pen kiciatloh vai khin hi. Aaron in mipite’ gen mang haihai hi. Ong thusia zaw pah hi. Aaron aki pahtawina leh athu neihna te ngaihsun dih ve, ki awi huai kei. Tangthu ah Aaron bang-a, thunei tawm mahmah napi’n Aaron in ze etna ong tuah ciang in ong puuk veve hi.

Lamdang sak huai mahmah thu hiah om ei! Pasian in Aaron’ mawhna maisak in, puantualpi siangtho silh phal veve in, Israelte’ siampi lian masa pen in zang veve hi. Hih za pen Jesu mahmah ii siampi lian nasep asep alimla ahihi. (Heb. 8:1). Thukhat pan in ngaihsun le’ng, Aaron in amulkimhuai mawhna palsat napi’n Pasian ii hotkhiatna hehpihna asaangpa ong hi lai teeiteei hi. Pasian hehpihna lian lua mahmah in, Aaron mawhna amaisak ban ah panmun siangtho leen sak lai hi. Hihpen Pasian’ khua ngaihna leh maisakna thu theihna ahihi. Aaron ii nuntakna pan in atuam vilvel etteh ding khua ngaihna leh guphiatna mi khempeuh a’-ding in Khrrist sung ah kingah thei cih ahihi.

Nuntak zawh nading in, ong kipia khin thu khat peuhpeuh ah, mulkimhuai tak in, na puuk ngei hiam. Bangci mawhna bawl khial talecin, kisia cip suak lo in, lametna om lai cih Aaron pianzia in ong bangci theih sak hiam.

MONDAY April – 25

SIAMPITE’ NUNTAKZIA (Pai. 28:1)

Levit minam te’ siampi nasep pen Israel te gamlak ah akikawn vial ma pek in, maa na ki pan khin hi. (Pian. 14:18). Siampi nasep kum 1500, saangin nasawt zaw khin hi. Topa’ tunga siampi nasep sandan zatdan sawtpi pek akipan in na kizang khin hi. Levit minamte’ siampi nasep abulkip zia in ama’ tuulpi nasep dan kiteltak in na lak hi.

Zan in, Aaron ii amulkimhuai amawhna ih mu khinzo hi. Mawh mahtaleh Topa in azat teeiteei napen Aaron in amawh mihing pianzia thei ding a, asianghto Pasian’ mai ah palai asep ciangin amite’ mawhna vei pih ding cih ahihi.

Siampite pen mawhna banglo leh sian’thona limla ahi uh hi. Mihonpi taangin Topa’ mai-a, ading te a hi uh hi.

Siampi. 21:7-24, leh 22:1-8, sung te ah, Pasian in siampite’ dinmun ding bang kal hiam. Hihthu te bang ai awh hi, ci’n na na ngaihsun hiam.

__________________________________________________________________ __________________________________________________________________

Tuhun in,,hih atung a, thu kikhung pawlkhat eite’n theih hak ih sa hi. Adeihna bel telhuai lel hi. Siampite’ nuntakzia pen midang tawh piandang deuh ding siangtho deuh ding cihna ahihi. Siampite pen Jesu limla ahi uh hi. Amau nasep pen Jesu in eite’ a’-ding in, palai ong sepsak ding cih lim ciingkhol ahihi.

Ih kiim ih paam te tawh ih ki lamdan huai maw leh. Ih ki lamdan huai leh banghang ahi diam. Bangci lampi tawh ih ki lamdang thei diam.

TUESDAY April – 26

SIAMPI PUANTUALPI TE

20

Pai. 28, sung ah, Aaron, siampi lianpa ahihna leh siampi dang te’ puansilh dingte na khung diudeu hi. Hihte ih tel kim ding zong baihlo na ven, hih Laisiangtho mun pan in, bang khalam hamphatna ih sin thei diam. ___________________________________

________________________________________________________________

A khangtawn in, tua siampite’ puan, ameel, azepna te, akhiatna tuabang tuabang hi, ci’n aki khia zong tampi om mah hi. Bangci bangin khiatna ki guan tek taleh vantung siangtho biakbuk sung-a, ih siampi lian Jesu ii kicinna, sian’thona, hoihna leh pahtawina te limla vive ahihi. (Heb. 8:1-2).

Hih Laisianghto mun sung a, siampi vai tuamtuam te’ pianzia sepdan te phawk dih in. (Pai. 28:12, 29, 30, 38, 42). Hihpen gupkhiatna geelna vai khempeuh a, athupi thumungpi khat ahihi. Hih sepna te khempeuh in Jesu’ limla hi a, eite’ ai awh a, mawhna apuakna leh thuaksiatna dan khempeuh thuak ding asana ahihi. Hihte khempeuh pen biakbuk nasepna leh siampite’ puantualpi silhna tawh na limciing hi.

WEDNESDAY April - 27

THUKHENNA AWMSUAN PEEK TE

Pian. 28:15-30, sung a, suangpeek tuamtuam te’ khiatna bang ahiam. Siampi pa in, “a lungtang tung ah Israel ta te’ min apuak ding teh,” acih in bang akhiatna nei hiam. (Pai. 28:29, NIrV). Mang 21:12-14, zong sim in.

__________________________________________________________________

Hihtak ah, siampi te’ thumungpi ih mu kik hi. Tua pen Jesu limla hi in, ami te ai awh a mawhna apua ahihi. Hebia kam a pua cih pen Thuciamlui sungah mawhna puakna(buuk hukna) cihna ahihi. Siampi te in anasep uh ahihna tawh hih vai te na pua uh hi. (Siam. 10:17, Pai. 28:38, Gam. 18:1,22). Tu’n, siampi te in, Israelte’ min a na minpuak theih zeel uh ih thei ta hi. Akhiatna taktak atuam khat in zong ki lamdang thei na ven, a deihna bel : Pasian’ mite Topa tung ah ki pum ngak ding, Amah in eite’ mawhna hong maisak in ong panpih in leh Ama in a mite’ kiang pan ong lam et ong deihsak ahi asiangtho a’- nuntak zawhna ding vangliatna ong luui cihte ahihi. (Philp. 4: 13).

Pasian ong it na nangmah teek in na bangci tuahkhak ngei hiam. Ama’ lungtang tawh kinai teh cih ong bangci lah hiam. Tua na tuahkhak ngei thu te banghang in thupi hiam. Na lungkham deuh hun teh na tuahkhak ngei thu te pan in, tha na bangci laak hiam.

THURSDAY April – 28

JESU IH SIAMPI LIAN PA

Heb. 4:14-15, sung ah banglam etna leh kamciam na mu thei hiam. Hih lam etna na nuntakna leh ze etna na buanna ah na bangci zat theih hiam.

_________________________________________________________________ _________________________________________________________________

Tuhun in, Khrist eite’ siampi iin, vantung biakbuk sung ah a om hi. Hihthu hang in, alungtang tung ah awmsuan peek te suaang hi. Jesu eite’ a’-ding in, “Pasian tawh kiho ding in nungta tawntung hi.” (Heb. 7:25, CEV). Ih lungsim thuakna te a hi, ih buaina,

21

gentheihna, ze etna te in ih siampi lianpa na sukha hi, cih ih theihna pan in, hehnepna ih ngah thei hi. Aaron mahbang in, Jesu in mihing’ buaina, thuaksiatna leh ze etna khempeuh athuak ahihi. Aki langlo khat beel om a, tua pen, Aaron bang in, Jesu in,”mawhna neilo” cih ahihi. Jesu ii mawhban’ lohna tawh alamdang kamciam nih ih ki paak thei hi. (1) Ih upna tawh Ama thumaanna puantualpi eima a’, hi thei a, Pasian’ mai ah kawkbanglo in ih din ih thei hi. (2) Jesu in a na zawh mahbang in, mawhna zawhna vangliatna ih nei thei hi.

Heb. 8:10-13, sim in. Eima a’-ding in bang kamciam te om hiam. Ih nuntakna ah hih kamciamte kibangci ngah theih ding hiam. _______________________________

________________________________________________________________

FRIDAY April – 29

SIM BEH DING : “ Khrist pen vantung a, biakbuk maan sung a, nasempa ahihi. Ama’ aituam Honpa a, Amah asaang khempeuh te’ siampi lianpa ahihi. Vantung ah Ama taang in kuamah in taangtawi thei peuhmah lo hi…Amah pen pawlpi a’-ding in zong siampi lianpa ahihi. EG White, That I May Know Him, Lai. 74, Akitomlaak.

Nisim in, ih upna ih thasin leh ih zat na tawh kizui in ong khangto semsem ding hi. Ih upna sung ah ih theih ding pen Jesu in ong gumkhia, ong it in leh ih mawhna te asisan tawh ong sawpsiang in, Pa Pasian mai ah kumpi leh siampi te in ong koih cih ahihi. (EG White, sons and Daughters of God, Lai. 286, Akitomlaak.

KI KUP DING TE :

1) Mang. 1:5-6, sim in. Hihtak ah, Jesu in Ama sep teng na phah in, kamciam hoih zong eite ong pia hi. Taang 6 na ii akhiatna kikum in, Ama nasem tawntung dingin eite kumpi te leh siampi te in ong koih cih bang acih nopna hiam. 2) Pai. 28, sung a, siampi te’ silh puantualpi adang te ngaihsun dih in, Khalam theihna leh thutak bang ih mu hiam. 3) Ki neihna hemlam sinthu hoihlo cih pen ih ki hilh khin hi. Ama’ thumaan puantualpi ih silh takpi maw. Ei leh ei ih ki hai khem maw. Ih kibangci theih diam. Kituamsa in kalsuan maw ahihkei leh guaktang in zumhuaipi in kalsuan maw cih ih ki bangci theih diam.

LESSON 6 April 30 – May 6

ELIJAH LEH ELISHA TE TUALPUAN

Sabbath Nitak April - 30

TU KAL SUNG SIM DING : 1 Kum. 19:1-19, 2 Sam. 10:3-4, Eze. 16:15-16, 1 King. 21:21-29, 2 King 2:2:1-18

KAMNGAH : “ Pasian’ deihna bang a dahna in, ih mawhna te pan in ong kihei khia sak in, gupna piangsak hi. Eite ih dah taktak lohman hizaw hi! Ci leh sa’ deihna bang a dahna in sihna tun zaw hi.” (2 Kaw, 7:10, NIrV).

Kamsang Elijah sang in lungsim ong bun Laisiangtho tangthu tawm khat bek om hi.

22

A gentehna in, paisanpawi a kibawl sial in, sabuai tung ah, a kituam neih deuh haisung ah lenggah zu ki koih hi. Inn kim ah kongpi te ki hong tek hi. Kamsang Elijah lut in adawn sak ding in mi khempeuh na kiging uh hi. Vun ki at na ah tutphah te Elijah’ tokhom ci in tua pawi ziak ah ki koih hi. Sabbath ong bei ciangin zong Judah te in Elijah’ la sa uh hi. Amaute’ lam et pen, “amah manglangtak in amaute’ hun ah pai ding hi… Messiah, David’ tapa, eite honkhia ding in ong pai ding hi,” cih ahihi.

Tunipi sung in, Elijah leh a puandumpi silh thu ih sim ding hi. Tua khalam hamphatna ih sin ding pen, Elijah leh a puandumpi’ong hilh theih ahihi.

SUNDAY May – 1

A GIN NGAIH MELLO AW NO KHAT

1 Kum. 19:1-4, sung pan in, Pasian tawh bangzah in ih kinai phial zong in, khalam ki nak niam theih cih bang theih huai thu ih sin thei hiam. ___________________________

________________________________________________________________

Ama’ lam etna bei thu ngetna a om pi mah in, Topa in Elijah tawh anasep man nailo hi. Pasian in Elijah a nuntakna ah a lunglutna leh a kician Ama itna teci lak lai ve hi.

1 Kum. 19:5-19, sung ah, Elijah in a maitang puandum tawh tuam hi. Hih bang a agamtat bang akhiatna nei takpi ahi diam. ____________________________________

_________________________________________________________________

A lunglut huai ih theih ding khat ah, Elijah in pingpei pi, zinling leh meikuang amuh ahihi. Hihte khat beek in amaitang puandum tawh akhuh sak bel hilo hi. A taau a aw neu khat sung a, Topa’ om pihna in asawl ahihi. Hihthu in, Elijah ii launa, zahtakna leh amah leh amah aki huutna ong lak ahihi.

Eite in, Pasian ong hopihna aw ih theih nading in ih bangci sin theih ding hiam. Hih dotna thupi zaw lai hi : ih zak bang in thu ih maang maw, ahihkei leh tua “aginglo aw no khat” in ih kha a hopih ih man ding ih nial maw. Na dawnna in nangma thu ong bangci gen ahia.

MONDAY May – 2

PUANTUALPI KI LUAH NA

1 Kum. 19:19, sung ah, lo lai a, Elisha akisapna bangci gen hiam. ______________________________________________________________

Elijah in Elisha asapna kammal te leh Elisha’ ii dawnna kammal te ih thei teek kei

hi. Elisha in amah akisap a zuih bel ih thei hi. Tu in, Elijah in, Pasan’ nasem khat ahihna tawh vaipuak te aneihna limlah na in, a puandumpi Elisha ii liangko tung ah silh sak hi. (Gam. 20:28). Hih limciinna kitel mahmah hi. Elisha pen tu in sapna siangtho a kipia ahihi.

Laisiangtho thupiang dang te ah tua puandumpi pen Pasian nasem ding a sapna limciinna in kizang den lo hi. Hih Laisiangtho mun te ah puandumpi aki pom dan aki zat dan koici bang hiam. Job 1:20, Late 109:29, Judah 22,23, 2 Sam. 10:3-4, Eze. 16:15-16.

23

________________________________________________________________ ________________________________________________________________

Na themno khat in asia lam leh ahoihlam nei tuak cih ngaihsun dih in. Tua na akizat dan tungah ki nga hi. Na nuntakna ah tua na te tawh bang sem na hiam.

TUESDAY May – 3

IPPI PUANTUALPI SILH NA

1 Kum 21:21-29, sung a, Ahab ii dawnna, adiakdiak in, tua Laisiangtho mun in Ahab abangci mi cih ong gen khit ciang in ih bangci tel gen thei diam.

___________________________________________________________________

Ahab in hih kammal te azaak ciang in Topa’ mai ah akiniamkhiat mahmah dan in kibawl hi. (1 Kum. 21:27). A puan te balkeek in, ippipuan silh hi. An na ngawn ne nuamlo hi. A om lai Laisiangtho mu in bel, Ahab kisiikna maan tawh akisiik kik dingin acian pia hi. Apuantualpi a balkeekna pen patauhna leh dahna limla ahihi. Tua in, Elijah ii thumaan agen Ahab in asan takpi ong lak hi. Laisiangtho in bel Ahab bangzah in ki thuuk siik in bangtan sawt cih genlo hi. A puan balkeek pen, tua laitak in Ahab’ ii lungsim ana taktak ahih ong lak hi.

Ih kamngah sim kik in. Bang adeihna hiam. Ih nuntakna ah hih hilhvauna ih bangci zat theih diam.

WEDNESDAY May – 4

ELIJAH A KI LAAKTOH NA

2 Kum. 2:1-18, sim in la, anuai a dotna te dawng in.1). Elisha in Elijah tawh akikhen ding ateek zawpa in amah thum vei asawl hang in

banghang in nial hi na ci hiam. _____________________________________________

2). Banghang in Elisha in a puan balkeek hiam. Adahna alahna maw thu dang hang maw. Adahna alahna hi zenzen leh banghang ahi tam. ___________________________

__________________________________________________________________

Elisha ii dawnna in bel alungsim vut mahmah leh nuam mahmah ahih kitel lahlo hi. Elisha ii apuan balkeekna in, ama puandum mahmah lungso na tawh abalkeekna limla leh Elijah silh sakna limla ahihi.

Elijah in a puandumpi lokho pa Elisha tung ah ong koih masak phet in, Pasian’ nasem ding a akisapna limlakna in a nih tuak un thei uh hi. Tu’n Elisha in hih puantualpi tuam vilvel a ma aituam ding in ong nei ta hi. Hihthu in bang ong lak hiam cih leh Elisha in makaih vai puak khempeuh Elijah sepsa mahbang in sem ding cih na ahihi.

Elisha in Elijah a dot thu phawk dih in. Elisha ii kammal te in ama gamtatzia pawlkhat ong lak hi. Hih in bang lak zel hiam cih leh Elisha pen kamsang thupi nasep azom ding a akilawmna puantualpi silh pa cihna ahihi.

Hih tangthu in a zai zaw nuntak pianlim bang ong lak hiam. Leitung vai muhna kawciik man in, ei tawh ong nai om khawm Pasian, Jesu leh vantungmi te koici bang in ih mangngilh kha hiam.

24

THURSDAY May – 5 ELIHSA ii PUANTUALPI

2 Kum. 2:13-14, sung a, tangthu in, ngaihsut ding bang ong pia hiam. Tua mun ah a thupi bang limciinna om hiam. ______________________________________________

2 Kum. 15-18, sim in. Jericho khua pan a, hih kamsang te mun ah nang mahmah kikoih dih in. Amah vantung ah kila khin zo cih amaute in thei napi uh banghang in amaute in Elijah zon sawm veve uh hiam. ___________________________________

Paulap thu pawlkhat hang in kamsang te in, Elijah pen “mualtung munkhat ah ahihkei leh maulkuam zang munkhat ah,”(2 Kum. 2:15), aki mu thei lai ding in um uh hi. Elijah zon sawm in abuai loh ding uh, Elisha in kamsangte gen hi. Amaute gen hak thei mahmah uh hi. Amuh mateng uh mun citeng zon sawm uh hi. Amuh loh peetmah uh teh bang thupiang cih amaute in thei pan uh hi.

Na lamdang ih tuakkha a, ih mu ngei zong in phamawh kei. A tawpna ah upna zang in ih lahkhiat ding thupi bek hi. Tua hikei leh asawtsawt ciang in lunghianna in ong zawt in nasiatak in Khristian nuntakna ong phin ding hi.

Topa tawh na ki lim kholh ngei thu pawlkhat ngaihsun dih in. Na phutkhak sung, na phutkhak khit, na upna akhauh zawk dot vet ding hi kei. Na tuahkhak thu te ong thaneem thei mai ding hi. Na sepna khat peuh ah nisim in na upna na kep ding banghang in thupi hiam.FRIDAY May – 6

SIM BEH DING : “ Elijah in sihna ciam kha lo in vangtung kah to hi. Amah pen Khrist a nihveina ong kum kik ciang a leitung a ahingtanga ‘akikheel dingte limla ahihi. Tua pen miphiat saang na ngawn a, tomno khat sung a ong piang vat ding ahihi. Pengkul nu nung pen aki mut ciang in, misite ong tho ding hi… Akisia thei leh asi thei ih pumpi akisia thei nawnlo ding leh asi nawnlo ding in ong ki kheel ding hi.’ (1 Kaw. 15:51-53, CEV).” The Desire of Ages, lai. 422, Akitomlaak.

KI KUP DING TE :

1) Na puak lah ding lungkiatna atuakkha ci ni. Elijah bang in, Topa na kiang ah om in ong vil gige cih na bangci theih diam.

2) Tu kuata sung in Laisiangtho ki makaih sinna ah puansilhna leh puantualpi te limciina tampi tawh ih kan khin hi. Limciina te bang ahia. Akhiatna ki koici khiat ahia. Tua a khiatna te in, ei mahmah thu ong bangci gen ahia.

LESSON 7 May 7 -13

A MA’ KHANUAI LIIM SUNG AHSabbath Nitak May – 7

TU KAL SUNG SIM DIMG : Pai. 19:4; 2 Sam. 11,12; Late 17:8; Late 32:1; Late 36:7; Late 51:2; Late 57:1.

25

KAMNGAH : “Keimah ong huh na hihman in, Na khanuai liim sung pan in kong phat hi..” (Late 34:12, NIrV).

“Lamdang kasak mahmah thu thum om hi. Ka theihloh thu li om hi. Amasa pen in, vantung a, muvanlai’ lampi ahihi.” (Pau. 10:18-19, NIrV).

Muvanlai pen gal asim gal vanleng manlang bang ahihi. Muuk kawi ngiungeu leh naanglem tem bang a ahiaam mahmah akhecin te agalhiam ahihi. Galsim vanleng manlang te bang a, galhiam akiguan phitphet ahihi. Muvanlai pen huih, kha, guh leh thagui satak te tawh kidim hi. Muvanlai pen sasial ne, ngasa bet siam, leh guta khat ahihi. Meei kawm pan in, tui tung ah piingpei huih tha tawh lum liang a, abawh suk ahihi. A khecin tawh sai tawn kuahkuah in abu sung ah a ta te kem in sa abalnen ahihi. Muvanlai pen lamdang in, hat in, hehpihna zong nei hi. Muvanlai pen atunga te limciing hi na ven, tua te sanginzong thupi zawlai pek hi. Alamdang beh thuneu khat ah, Laisiangtho at te in, vangkimlai a, muvanlai ii hiam’gam etlawm len dan na thei zolo uh hi.

David in ala phuah Salan la te sung ah muvanlai pen aki huang simsim limciinna in zong na zang zel hi. Muvanlai pen leen na kha te in na limciing in, Pasian’ ong kep detna na dawk sak hi. Tunipi sung in, Pasian’ ong dalna leh ih mawhna te ong tuamna ngaihsut in ih nei ding hi.

SUNDAY May – 8

A ZUMHUAI PI THUMAANTHUTAK

Leikha phawk kha lo in, Dahpa khuang laaklah dan. Thuneu no khat tawh kumpite puuk thei mahmah hi. Davi in a angkawm mawhna aseel nading leh aki siansuah nading in thu tampi vaihawm hi. 2 Sam. 11, in bang teng gen ahia. Mawh na pi hang in, ih mawhna pua nuamlo in ih im sim zel a, mawhna lian zaw ong tun thei zel hi. Banghang ahi tam maw. David ii tangthu athem aneng in, atung a, thu teltak in ong bangci lah hiam.

_______________________________________________________________ _______________________________________________________________

Khialhna khat in tualthahna leh phungsung kidona tunto hi. David tangthu in ong

theihsak pen mawhna ipcip in, pelh tohtoh ding thusia zaw ong tun cih ahihi. Abuai taktak mawhna pen, tua mawh khakna hang in kisuang in dah kha lo a, ipcip sawmna hi a, asia huai zaw mawhna leh seel beh ding ong piang tektek ahihi. David ii angkawmna pen kumpi khat ii vangliatna puantualpi nuai pan ong piang ahihi. Mi khat that beh lai in seel sawm toto hi. Pasian mit in bel puantualpi pualam pan in lungsim tawng sung mu pailet lua hi.

Hihbang in na kici ngei hi. “Tuahsiatna in mi atul in that a, tuahphatna in azah sawm in that zaw hi.” (Zawn ki thuakzo in, hauhna ki thuak zolo thei hi – Aletkhiapa). David nuntakna ih ngaihsut ciang in nopsakna in kha a’-ding in abangci lauhuaina tunto hiam. Haksat tuahsiatna in banghang in Pasian tawh ong kinai sak zaw hiam. Nopsakna thaangzak bangci kidop theih ding ih hiam.

MONDAY May – 9

NATHAN IN A VEK IN GENSIANG HI

26

2 Sam. 12:1-12, sung a, Nathan ii thugentehna leh akhiatna sim in. Jesu in zong thugentehna azat phawk in, Hihbang thugentehna ih zat phatuamna bang ahia. Nathan in thumaan aseelcip nuam David ahilh nading a, ahoih pen lampi bang ahia.

____________________________________________________________

Nathan ii thugentehna tom liuhleuh lel napi lungkhauh mawhna lungtang sutlet nading in athupi thuhilhna ahihi. Amasa in Nathan in David mawhsakna tawh pan lo hi. Nathan in David kiniamkhiat tak in ahuh ding in kipan zaw hi. David ii lungtang bel mawhna hang in sak bekbak thei a, thumaan atheihna bel hinglai ve hi. A nihna ah, thumaan aseelcip David ii aki dalna pen Nathan in thugentehna tawh David phuukpai hi. A thumna ah, Nathan in thugentehna tawh gen a, azat dan pen David thumang ding in zol zo in, David in thu ong kikhen hi cih lungsim neilo sak hi. Himah lo ahia mataw. David amah leh amah ong kimawh sak hi.

David ii kisilna, a puan khelna leh sathau akinilhna in eite bang lam etna ong pia hiam. Jesu’ ong sawpsiang khitsa eite in Amah bia thei ding in banghang in khamuanna kician nei thei ih hiam.

TUESDAY May – 10

AMA’ MAWHNA A KI TUAMCIP TE THUPHA NGAH TE AHIHI

Late 32:3-5, sim in. David in amawhna te a pulaak noploh teh bangthu piang hiam, cih apholak nading in lakam limciinna te bangci lampi tawh na zang hiam. Taang 5 na ah, ama thuaksiatna abei nading in David in bang hih hiam.________________________

________________________________________________________________

David in a angkawmna zuau bulom leh sisan naisan tawh seelcip hi. Amawhna thaman in amah gawt mahmah hi. Late 32, in bel, David kiniamkhiat in, kisiik takpi in, Pasian’ hehpihna athuum’ ong gen hi. David in amawhna maisak nading a, athuum akah in, Pasian’ ii mawhmaisak ong tuamcipna bangci nget ding cih ong hilh ahihi.A nuai abang in ki mu thei hi. (1) David in amawhna paulap peuhmah ong nei nawnlo hi. (2) Mawhna abawl paulap hoih zon ding ong hanciam nawnlo hi. (3) Pasian’ thukham in amawhna akawk’ akhial in mu nawnlo hi. (4) Amawhna hangin amahmah kimawh sakta hi. (5) Pasian tawh aki gamla sak mawhna ong mudah taktak ta hi. Tu’n Pasian in, amah tuamcip ta hi.

Ih mawhna ih seelcip nopna leh Pasian’ ong tuam ong liahna te kikal bang ki lamdanna om hiam. Khrist ii thumaanna in ih mawhna ong tuamcip ma in, bang sep masak kul hiam.

Pasian’ tung ah na mawh teekteekna kiging tak in na bangci kipulaak hiam. Pulaak keilecin, atawpna ah, Pasian ahihkei leh nang leh nangmah akikhem na hi diam.

WEDNESDAY May – 11 VUK SANG IN NGO ZAW IN

Late 51:2, ah David in, amah asawpsiang kiuhgkeuh ding in Pasian kiang ah ngen hi. Hih ki sawpsiang ding cih bangteng kihel ahia. “Vuk sang in ngo zaw in, puknah tawh ong sawpsiang in,” (taang 7, na, NIrV), cih limciinna in ki hahsiang ding cih bang ong thei sak hiam. _____________________________________________________________

27

“Puknah” cih, David zat kammal pen ki sawpsiangna in Laisiangtho mun tuamtuam ah kizang a, puan sawpna cih na zong ahihi. (Pian. 49:11, Pai. 19:10, te sim in.Late 51:7, sung a, “siangsak” cih kammal in mawhna hang a, kilemkikna cih sandan a gen ahihi. Puknah pen a kausan a eng lopa teh khat hi a, mehsawh anamtui leh zatui a kizang ahihi. An leh zatui a kizang khawm ahihi.

Hih zatdan te ih et ciang in, puknah pen avang nei mawhna sawpsianna ahihi. David ii hih puknah a zatdan in ong theih sak pen ih mawhna pan in sawpsian’na leh damna ong pia thei ahoih pen ong sawpsiangpa, eite’ honpa’ sisan ii mawhmaisakna tawh damna ih ngah ong lak ahihi.

Late 51:10, sung ah, David thunget pen Pasian in, amah lungsim siangtho apiak ding ahihi. Lungsim siangtho nei ding cih in bang akhiatna nei hiam.

Pasian in ih lungtang pan in mawhna silsiang buatbuat lo hi. Amah in amai’sak a ta neu lungsim thak ong guan hi. Lungtang thak pen lungsim thak ahihi.

THURSDAY May - 12 A KHA NUAI A BIAKBUK SUNG AH (Late 61:4)

Late 17:8, 36: 7 leh 57:1, sung te ah, David in, Pasian’ kha nuai limsung ah bang hanciam in sep sawm hiam. Hih kha te in bang ong liah ding in ong luui hiam.

______________________________________________________________

Pasian’ kha nuai ah cih pen itna ngaihna, khua ngaihna leh bukna cihte limla ahihi. Thuuk kiat mahmah talehang in, Pasian amanlang zaw in ong leng suk hi. Ih kiatsukna mah ih lentoh nading in Pasian in ong zang hi. David bangin ih kisiikkik nakleh Pasian tawh ih kinai zaw kaan ding hi.

Muvanlai lendan in, David ii muanna tha pia a,tua pen Late 61, sung ah Pasian’ ii huunna kha te ci’n ih mu hi. Hih Laisiangtho mun pen a tapa Absalom in a kumpiza a suan nop lai a, a galtai lai hi kha thei hi. Tua in, Pasian’ hehpihna ii atuamna amuanna ong lak hi. Tua zong Pasian vantung biakbuk sung a, hehpihna tokhom limla hi kha thei hi. Tua mun pen Pasian thuciamna singkuang aki kepna mun ahihi.Vantungmi mang te in akha in zalh in thukham ahung uh ahihi. Tua in Pasian kawkbanglo itna pianzia te ong leng(reflect) ahihi.

Pasian’ tung ah athak nuntakna na ki ap khin kha thei hi. Mawhna thaman te na thuak laitak in, na lawm te tawh ki akgual khenna, cidam lohna leh lumgsim natna te na thuak laitak hi kha ve. Pasian’ kha nuai a, bukna in bang cidamna lam etna ong pia hiam.

FRIDAY May – 13

SIM BEH DING : “ David gamtat mah bang in, mi khat in a mawhna te pulaak takpi in kisiik khin mahtaleh tuapa in Pasian dan piakna thuak kha mai thei hi. Ama a’-ding in lam etna om taktak cih kitelcian zaw hi. Pasian’kamciam te upna tawh a sang mi in, mawhmai na mu ding hi. “Akisiik taktak kha khat Pasian in taisan ngeilo hi. Amah in hih kamciam ong pia khin hi. Tua hi-a, ka mipih te’ galte galmunanna ngah ding in Keima kiang ah ong pai hoih zaw hi. Amaute in Keimah tawh kilemna bawl ding uh hi. Ka ci phapha hi. Keimah tawh kilemna bawl ding uh hi. (Isai. 27:5, NIrV). Patriarchs and Prophets, Lai. 726, Akitomlaak.

28

KI KUP DING:

Mawhna maisakna in dahhuai thu piangsak thei hi. Ong ki maisak cih bel mangngilh ding hilo hi. Ih mawhna thaman tawh nungta khawm cih pen ih mawhna ong kimaisak lo cihna ahih loh bangci sin theih ding ih hiam.

LESSON 8 May 14 – 20

MINTHAN NA SILH LEH TEEN TE

Sabbath Nitak May - 14

TU KAL SUNG SIM DING : Isai. 1-5; Isai. 6:1-8; Isai. 51:6-8; Isai. 61; Luke 4:16-20

KAMNGAH : “Lungdamna lianpi, Topa’ sung ah ih mu hi. Eite in Pasian nei ih hihman in, lungdam in ih kipaak hi. Amah in eite ih puansilh ding in hotkhiatna

tawh ong silh hi. Amah in eite Pasian’ sian’thonna puantualpi tawh ong tuaam hi. Ama mo pawi a, aki zem mopa bang ih hihi. Eite pen, suang manpha tawh a kizem mo nu bang ih hihi. "(Isai. 61:10, NIrV).

Isaiah pen kumpi Uzziah, Jotham, Ahaz leh Hezekiah te’ maanlai in anungta ahihi. Kum 40 val hunsia sung in kamsang asem ahihi. Hih hunsung teng mah in, Laisiangtho thupi sim pawlkhat a at ahihi. Nainganzi siat sung, kha lam tha nem hunsung leh zawn leh ngau hunsung mah phu kha in Laisiangtho a at ahihi.

Isaiah in, thumaanna minthanna silhleh teen te silh in, Pasian hotkhiatna asan ding uh mipite hanthawn hi. Ama Thubu sung ah silh leh teen puantualpi leh ippi puan cih te na zang a, tua te in, leitung tangthu tawntung a khalam thumaan te ong hilhna ah ong huh ahihi. Isaiah hunlai a, mite leh eite a’-ding in ong ki dongkik khat in, “eite in eima silh leh teen ding te ih lungngai maw” Ahihkei leh a zumhuai ih mawhna leh ih guaktangpi tawh nungta in ih kalsuan hia leh.

SUNDAY May – 15

KIMANNA NEILO BIAKPIAKNA ONG KENG VET KEI UN (Isa. 3:18-23)

Isaiah alian 1 pan 5, dong sim saisai dih in. Mite in bang sem uh ahia. Bangci lungsim nei uh ahia. Isaiah in tuabang a hilhvauna mite apiak zah dong ding in bangthu piang ahia.Tuhun a, ih pawlpi sung tawh tehkaak ding bang na mu hiam.

________________________________________________________

________________________________________________________

Hih Thubu sung a adipkuat huai pen thu pawlkhat pen alian 1 na sung ah ih mu thei hi. A lian 1 na sung ah, Pasian’ kihhuai sak mite’ biakna zuihdan te ong lak hi. Topa bia a, akinei mite hi bilbel uh hi. Topa in a mite mahmah leh abiakpiakna uh bang na gen hiam.(Isa. 1:11-15, sim in).

_______________________________________________________________

29

Topa pen hehpihna tawh kidim den hi. Ama’ hih theihzah in mi khempeuh a hotkhiat sawm ahihi. Singlamteh in teci hi pah a, Topa in gupna ih ngah ding bangzah in ong deihsak cih ih lah theih tawntung ding ahihi. Hih Laisiangtho sung pawlkhat na ngawn pan in, Topa in a mite ong samkhia in, kisiatna tawh ih kipelh theih nading lampi ong luui ahihi.

Pasian na bangci biak hiam. Sep na neih teh bang na ngaihsun hiam. Bangzah lak khia in, bangzah amaan hiam. Aki lamdanna na bangci theih thei diam.

MONDAY May – 16

A NIIN MUUK TE

Isaiah in Topa’ sapna Isa. 6:18, sung ah bangci dawn hiam. A bangci nam dawnkikna nei hiam. Gupkhiatna vaihawmna ih theihna ah tua thu te banghang in nak thupit hiam. __________________________________________________________

Pasian’ sian’thona leh Isaiah ii aituam mawhna tawh akidimna aki nasiat kilamdanna in Isaiah’ lunglim bun mahmah hi. Tawlkhat sung in a ma buaina lianpi pen khalam vai ahih ong phawk hi. Ama ii pianpih mawhna leh mawh theihna in amah susia thei cih ong thei lai hi. Isaiah pen, a nin muuk neipa khat ong hihi. (taang 5 na, KJV) Tua hi a , vantungmite’ Topa aman bangci hopih thei ai tam maw.

Hih buaina ii a vaisianna bang ahia. __________________________________

________________________________________________________________

Vantungmi’ lawnna limla ahi Isaiah ii muuk mei aam tawh abikna in Isaiah ii kikhelna taktak ong lak hi. Tu in, Isaiah ii mawhna kimaisak ta hi. Topa sung ah nuntakna thak ong neita hi. Isaiah ii thumaan kikhelna gah, Isa. 6:8, ah kimu thei hi.

Isaiah ii kisuanna te ki paihkhiat sak hi. Amawhna te kimaisak hi. Ong “piangthak” ta hi. A pianthakna gah masapen sapna adawn nopna ahihi. Tu’n nang leh nangmah kidong in. Na kikhel khitteh bangci nam gah na lak hiam.

TUESDAY May - 17

SAWTPI A KIMANGLO SILH LEH TEEN

Isiah 51:6-8, sungah,Topa in mite bang thupuak pia hiam. A kilamdang bang kipia hiam. Lam etna e leh bang om ahia. ______________________________________

______________________________________________________________

Isaiah in Pasian’ gupkhiatna, Pasian thumaanna leh Khrist sian’thona puan te, tua te bek in gupkhiatna apiak theih na gen hi. Hih gupkhiatna atawntung in kimang ding hi. Tu in, Topa in teel ding nih bek ong pia a, tuate pen leithak a, tawntung sihna leh tawntung nuntakna te ahihi. Tawntung nuntakna pen mi khat in, “puan bang a silh ding,” hilo hi. (Isa. 51:6,NIV ). Ong kimaang paisuak zaw ding hi. Eden huan a, Adam leh Eve te akipan Khrist ong kumkik ni dong in, mi khenpeuh a’-ding in, mailam thu teel ding nih om den hi. Khat zawzaw teel loh phamawh ahihi. Mi khat ciat in nuntak tawntungna leh sih tawntungna ih teel ding’ ahihi.

Isai. 51:7, sung a, thupuak pen bang maan hiam cih athei mite leh alungtang sung a, Pasian’ thukham anei mite ahihi. Tuhun in, eite a’-ding in, bang akhiatna anei tam. Ih

30

lungtang sung a, thukham ih neihna in amaan bang hi cih ih theih nading in ong bangci huh hiam. Theihna bek tawh amaan sep ding ciang bek akicing diam. Tuaban kisap beh ih nei lai diam. Ih neih leh bang khawng ahi tam.

WEDNESDAY May – 18

MINTHANNA SILH LEH TEEN TE

Isai. 52, sunga, thupuak bang ahiam. Lam etna bang ong ki luui hiam. Mite aki silh sak, “minthanna silh leh teen te,” (NIrV), a khiatna bang ahiam. ___________________

_________________________________________________________________

Topa in, a mite a kisikkik ding, a thumang ding leh hotkhiatna angah ding in ong sam kik hi. Minthanna puan te pen thumaanna silh leh teen te ahihi. Topa tung a, aki pum ap te leh upna tawh nungta a, ama’ thupiak te a zuite akituam mite ahi uh hi. Tel nop lel hi. Eden huan akipan in, Pasian in a mite khempeuh asawl pen upna tawh nungta in a thu ih man ding ahihi. Isa. 52, sung , alunglut huai thu in, tua khawk bangci tawp-a, bang ong pai lai ding hiam cih ahihi. Isa. 52, sung ah, Isaiah in, mite “avam mahmah puan,” silh ding in sawl hi. Isa. 53, in Thuciamlui sung a, mihing tang ding a, Jesu’ sihna alim lah pen na mun ahihi. Jesu ii sihna in, “minthanna silh leh teen te,” mi khempeuh a’-ding in aki ngah na thu ong lak hi. Jesu ii nuntakna leh sihna bek in, mawhna in asuksiat khitsa mihing ong gumkhia thei bek hi. Isa. 52:3, ah alunglut huai mahmah thu khat pen, honkhiatnna in letsong hi a, thalawh theih leh lei theih hilo ahih ong lak hi.

THURSDAY May – 19

GUPKHIATNA SILH LEH TEEN TE

Isa. 61, ban sim in. Hih Laisiangtho ii athumungphuh bang ahia. Hihtak ah, lungdamna thu ong ki bangci piak ahia. Isa. 61, sung a, bang thumungphuh Laisiangtho Thak ah mat in kinei in ki tangko ahia. Agentehna in taang 6 na sim in.

_________________________________________________________________

__________________________________________________________________

Hih Laisiangtho mun te kicing mahmah in, Thuciamlui sung a, limciinna te tawh kidim in, Thucian Thak ii hiang leh zaam ong suak hi. Taang 10 na a, alunglut huai gentehna pen, “lungdamna lianpi Topa sung ah ih mu hi. Eite in, Pasian nei ih hihman in lungdam in ih kipaak hi. Amah in eite ih puansilh ding in hotkhiatna tawh ong silh hi. Ama mo pawi-a, akizem mopa bang ih hihi. Eite pen suangmanpha tawh aki zem mo nu bang ih hihi.” (Isa. 61:10, NIrV).

“KJV, in, amah leh amah kizem” acih kammal pen Hebia kampan ong pai hi a, “ siampite’ nasep asem,” cihna ahihi. Hihpen, Pasian’ mite’ theih ding mi khempeuh a’-ding a, kiciamna thak genkholhna ahihi. Amaute, gupkhiatna silh leh teen te tawh kisilh in, siampi te bang in na sem uh hi.”

Isa. 61, sim kik in. Hihsung pan in bang kamciam te na mu thei na sin thei diam. Tua kamciam te nangmah teek a’-ding in, amaanna na bangci zat theih diam. Hih

kamciamte na nuntakna ah atangtun theih nadingin, na ngeinasa te bang khel kul hiam.

31

FRIDAY May – 20

SIM BEH DING :Puantual kangpi pen asiangtho lungtang ahihi. Hih akhiatna pen Khrist ii sian’thona, mawhnei te kipia cihna ahihi. Hih pen vantung a, kigan puan taktak hi a, anuntakna a athumang nuamte a’-ding a, Khrist ong puak sa ahihi." EG White, Pawlpi Lamlak Bu 4 na, lai. 88, Akitomlaak.

KI KUP DING TE :

1) Isaiah Bu masa lam a, thumungphuh ahi biakna paaina te, thuuk tak in ngaihsun in. Biakna paaina maan ih cih na ngawn Pasian’ san huai loh hi thei hi. Tuhun in, Topa in santham asak loh biakna paaina te, abangci nam te ahiam. Buaina pen biakna paina te hang ahia thudang te hang hi zaw ahia. 2) Isai. 63, ah, bang kigen hiam. Tuatak a, kamciam ong kipia, eite in ih bangci ciap theih diam.

LESSON 9 May 21 - 27

MEIKUANG SUNG PAN A SINGKHUAH KHAT TET NA

Sabbath Nitak May - 21

TU KAL SUNG SIM DING : Zech. 1-3; Mang. 12:10; Pai. 3:2-14; Eph. 2:8-10; John 14:15

KAMNGAH : “Na mawhna ong lakkhiat sak zo ing. Nangmah puansiangtho kong silhsak ding hi." (1 Pet. 2:9, NIrV).

Khrist leh satan ih nuntakna ah akilangdo atakpi mah ahihi. Mangngilh ding hi vetlo hi. Galpi, tualthah na, ki honlai na, kilangdo na leh mihin’g thuaksiatna te muh theih gal nam te hi pah hi. Hihte pan a, suahtaak ding ih ki lungnotom na in piansakna khempeuh sukha hi. (Rom 8:20-22).

Ki langdona lianpi ih cih pen zinan hau gam Arab gam kim teng, leitung gamgi, nainganzi leh leitung mun tuamtuam a, sum bawlna te hi zenzen lo in, hun khempeuh a, mihing hotkhiatna , mi khat na ngawn manphatsakna ahihi. Khrist thumaanna pualtualpi ii atuam mite bek in tawntung gupna ngah ding uh hi. Satan in sum leh paai, vangliatna, nainganzi cih te a don hilo in, apiangthei liai hi leh kha tampi asuksiat ding akin zaw ahihi. Khrist ii sihna tawh mi khempeuh tua kisiatna pan ong hon khia thei ahihi. Ki langdona lianpi ii thu mungphuh athupi pen in, mite ii tawntung siatna leh tawntung nuntakna teelna ahihi. Ih nuntakna ah, hihthu simloih athupi zaw khat zong omlo hi.

SUNDAY May – 22

JERUSALEM KHUAPI VEI NA

Zech. 1 leh 2 te sim in. Hihmun ah, Topa in am mite bang thupuak pia hiam. Hihthu te apian nading in, thunung tangthu bang om hiam. Akician bang Laisiangtho thu khunpi te ih mu thei hiam. Kamciam te bang ong ki pia hiam. Topa’ mite a’-ding in bang lam etna ong kiluui hiam. Bang dinmun tung ah kinga hiam. Tuhun in, eite a’-ding in akibang thukhunpi te ong bangci kilah hiam. _____________________________________

________________________________________________________________ 32

Babylon te in Jerusalem na sim ahihman in kum 70 sung na ki siacip hi. Pasian in tua khuapi ii mailam asuangpo nading in lam etna na pia ve hi. Zechariah in Topa’ kiang pan in thupuak saang a, biakinnpi leh Jerusalem khuapi kilam kik ding cih ahihi.

Zechariah in ama’ thungai mite’ kiang a, athugen pen Jerusalem makai te’ tung ah Topa lungdam hetlo cih ahihi. Zechariah in ama’ thu amangte bel thapia in hanthawn hi. Pasian’ kiang ah kileh kik in ih kisiik leh Amah ei’ lam ah ong ki hei kik ding hi, ci’n amite zol hi. (Zech. 1:1-3).

Pi khau a tehteh mipa pen Zechariah hunlai a, Jerusalem khuapi leh biakinnpi akilam kik nading geelna limciing ahihi. Biakinnpi khuamkua tawh kipan man bek in kilam man tuaklo hi.

MONDAY May – 23

AMAWHSAKPA LEH MAWHSAK ATHUAK TE

Zech. 3:1, sungg ah, athupi bang thumaatuhtak te ih mu hiam. Kidonalianpi leh tua mangmuhan na lungsim sung ah phawk gige in. _______________________________

_________________________________________________________________

Athupi kawkmun pawlkhat ong kilak hi. Amasa in, Joshua pen siampi mangpa hi a, Pasian’ mi vekpi ai awh in a ding ahihi. Hih mangmuhna sung ah Joshua pen Topa’ mai ah siampi khat in a ding ahihi. Israelte’ mawhna leh khialhna khempeuh ai awh in a ding ahihi.

Satan bel mite amawhsakpa hi ngeel hi. Hebia kam a, mawhsak cih kammal pen “satan” cih kammal teek pan mah in akibang in akila khawm ahihi. Satan bel mi mawhsak pa cih lunghian’ ding hi vetlo hi. Hihtawh kisai Laisiangtho ciik mahmah ih theih huai pen hih bang ahihi. “Vantung ah aw ngaihpi khat kaza hi. Tua aw in,’Tu in, ih Pasian’ kumpi’ gam, avangliatna leh hotkhiatna ong tung zo hi,” ci hi. Khrist ii thuneihna ong tungta hi. Ih sanggamnu ih sanggampa langpan in amawhsak Satan kilawn thal ta hi. Sun leh zan in, ih Pasian mai ah amah in amaute mawhsak thapai hi.” (Mang. 12:10, NIrV).

Ih mawhna te ngaihsut sut hoih khinlo hi. Ahizong in, ei leh eimah lungsim siang tawh ih ki et ding kisam ve hi. Na nuntakna ah kikheel akul bang na nei hiam.

TUESDAY May – 24

TOPA’ TUA VANTUNGMI

“Topa’ tua vantungmi,” kua ahia. Pai. 3:2-14 leh Zech. 3:1-2, te zong sim in.

________________________________________________________________

Zechariah Thubu sung ah kidonalianpi ii lim leh pianzia a kitel tak in ih mu hi. Hih galkidona pen ih Topa Jesu’ khut sung ama nuntakna apia, akisiik kha khempeuh te’ a’-ding a kido ahihi.

Zech. 3:1-3, sung tungtawn in, Joshua ii silh leh teen te in eite bang ong gen hiam.

____________________________________________________________

Siampi mangpa ahihna tawh Joshua pen puanninpi silh ding in thu kikhen hi. Hihthu in mawhna bangzah tak in sia huai cih ong lak hi.

A om lai Zechariah Thubu sung leuleu ah eite pen thaneemna tawh akidim

33

mawhneite ih hih ong tellah hi. “Topa’ tua vantungmi in satan” ong mawhsakna te ana dal ding in na om hi. Ong ki mawhsakna te akhial a, amaan zong in, phamawh kei. Topa’ tua vantungmi ahi Jesu in, eite ong gum ding in na om tawntung hi. Hihthu pen Laisiangtho bup sung ah athupi pen thumaanthutak ahihi.

Kilawmna khat beek nei takei leng phamawh kei. Topa’ vantungmi eima lam ah ong pang cih mangngilh ngei kei ni. Telkhialhna leh sankhialhna omlo in, hihthu bangci phawk tawntung theih ding ih hiam. Tua sankhialhna pawlkhat te bangte ahi thei diam.

WEDNESDAY May – 25

SILH LEH TEEN TE KI KHEEK NA

Zech. 3, thu limtak ngen in sim in. Zechariah ii mangmuh na in, eite gupkhiatna geelna bang ong hilh thei hiam. __________________________________________

_______________________________________________________________

Taang 3-5 na sung ah, paunthak aki silh sak ma in, puanlui ninpi Joshua tung pan ki hawkhiat sak hi. Hihthu ii akhiatna pen, Topa in, “na mawhna te ong lakkhiatsak,” (taang 4, NIrV), cihna hihi. Mi khat ii nuntakna kigumkhia cih hihthu in akhiatna bang nei hiam. Tu in, Joshua mawhnei lo kiuhkeuh maw leh. Amawhna khempeuh kilakkhiat sak khin cihna mah ahihi. `

EG White in, hihbang in na at hi. “Joshua mahmah mawhna leh amite’ mawhna te kimaap khin hi. Israelte puansilh thak tawh kituam hi. Tua puan pen mawhnei te akitang guat Khrist ii thumaanna limla ahihi. Joshua khuk lukhu te zong siampi’ khuk nam te mah ahihi. Tua zong,”Topa’ sianthona” cihna mah ahihi. Hih in bang ong lak hiam cih leh abeisa ah Joshua mawh mah ta leh tu in, Pasian’ mai abiakbuk sung ah nasep theihna thu nei cihna ahihi. Pawlpi Lamlak Bu 5, Lai. 469, Akitomlaak.

Taang 7 na ah, puansilh akhel khitteh, “Topa’ tua vantungmi,” in Joshua kiang ah bang gen hiam. Tua thupiak banghang in nak thupit hiam. ________________________

__________________________________________________________________

Amasa in atuam vilvel puan Joshua kipia phot hi.Tua khitteh Topa’ thuman ding hilhna saang in Topa’ lampi ah kalsuan pan hi…Khrist ii sianthona upna tawh Joshua kipia hi. Hihpen amah aki tang piak hi a, “ka lampi te” zui in, “ka thukham” zui in cih kihel lo hi. Tua thukham te azom ah ong pai pan hi. Tuate ong pai masa mawk leh Khrist ii sian’thona puantualpi ki manna neilo leh manneilo ong suak ding hi.

THURSDAY May - 26

TUA THUUMNA IN NASEM HI (Eph. 2:8-18)

Eima ii thagum suanglo a, Khrist hoihna tung bek ah ih kingak ding ih kisin ding hi. David in hihbang in na ci hi. “Thukham palsat a, agamta te’ mawhna akimaisak te thupha ngah te a hi uh hi. Amawhna te uh ki paihkhiat sak khin hi. (Late 32:1, NIrV).

Zech. 3 na, na lungsim ah kem in, Eph. 2:8-10, John 14:15, leh Rom 6:1-4, te sim in. Hih Laisiangtho mun te in, Zechariah gen, “hauhna puantualpi (rich robes)” acih na theih zawh nading in ong bangci huh hiam. ___________________________________

34

_________________________________________________________________

Tu in, Joshua pen sianthonna puante tawh kituam khin hi. Anuntakna in sianthonna alah ding ahihi. Pasian in khaa khat ciat in mawhna a gualzawhna ding in vangliatna khempeuh ong pia hi. Tua vangliatna azang thei ding in, eite ong ki bawl hi. Ih nuntakna ah mawhna akici peuhmah san ding omlo a, paulap zong zon ding hilo hi…Pasian’ thukham zui a ih nuntak zawh ding Khrist ii nuntakna in teci ong lak khin hi. Ih mawh leh amawh ding in ih teel hi. Deihteelna ih cih ngaihsut tawntung ding in bangzah in thupi hiam.

Ki lung’tom a, na do mawhna bang khawng ahia. Khrist’ ong kamciam mawhna na gualzawh nading bang khawng na suang hiam.

FRIDAY May - 27

SIM BEH DING : “Pasian mite in, a kisiikkik alungsim uh tawh alungsim uh asiangtho ding in thuum uh hi. Athuum phet un, Pasian thupiak kipia pah hi. ‘Apuannin uh suah khia un,’ cih leh hehnepna aw, ‘Na mawhna te uh ka lakhia khin hi. Puansiang kong silh sak ding hi.” (Zech. 3:4, NIrV), cih kiza hi. Khrist ii sianthonna kawkbanglo puantualpi pen agen thei acimawh te, ze etna athuak te leh Pasian’ tung a, athumaan a ta te kisilh sak hi. Pasian’ mite minthanna puante kisilh sak hi.Amaute pen leitung mawhna te in cikmahhun in, ninbaang sak nawnloding uh hi. Pariarchs and Prophets, Lai. 591, A kitomlaak.

KI KUP DING TE :

Hihthu thuuk ngaihsun dih in. Joshua apuansilh aki kheel sak khitciang bek in athuzuih ding thupiak kipia pan bek hi. Hihthu theih ding in, banghang in thupi mahmah hiam. Hihthu in, ih gupkhiatna thu bang ong gen hiam. Banghang in gupkhiatna pen ih nasepna thaman tung ah kinga lo hiam. Hih a kilamdanna ih theih ding banghang in thupi hiam.

LESSON 10 May 28 – June 3

TAPA TAIMANGPA’ PUANTHAK TE

Sabbath Nitak May - 28

TU KAL SUNG SIM DING : Pian. 4:1-8, Pian. 25:25-34, Luke 15:4-32, John 11:9, 10, Rom 5:12-20

KAMNGAH : “Eite in pawi bawl in ih lungdam’ ding ahihi. Tu in, hih na sanggampa a sisa ong thokik ahihi. Tu in, agammangsa amah ih mu kik hi." (Luke 15: 32, NIrV).

Lai at minthang, W.S. Maugham in, “Rain-Guah” akici tangthu tom khat at hi. Tua tangthu pen sangmang khat in South Sea aki cihna mun ah numei kizuak khat apianthak sakna thu ahihi. Alungsim, akha khempeuh tawh tua nu angah zawh nading in hanciam hi. Khat veivei sangmangpa’ sepzia pen theihhak in, maisak lah huai phial hi. Agentehna in, numeino kizuak nu America gam ah ciah kik in thongkia a, amawhna aven sak nading in ngen hi.(Tua zong tuanu’ utdan ahihi).

Tua tangthu upmawhloh lamtawh ong tawp hi. Sangmangpa pen amah leh amah

35

ong kithat hi. Aki semneen aluang pen sawpsiang sa in tuipi gei ah kimu hi. Bangthu piang mawk hiam. Siapa in tua numei kizuak nu tawh ahun zat sung in, tua nu tawh ong mawh mawk hi.

Sangmangpa leh tua numei kizuaknu’ kisapna mah, eite in mawhneite ih hihna tawh ih ki sam hi. Jesu in tapa taimangpa’ tangthu sung a ong lah hehpihna leh khamuanna pen mimal ciat in ih ciapkhak ding ih kisam hi.

SUNDAY May – 29

TUUN LEH ZUA KIBANG, AN LEH TUI KIBANG (Luke 15:12)

Tangthu dang te in hih thugentehna bang ong phawk sak hiam. Pian. 4:1-8, Pian. 25:25-34. __________________________________________________________

___________________________________________________________

Tapa nau zaw pa in, apa kiang ah agamh ngah ding anget ciangin apa’ veidan, Luke 15:12, sung pan in, bang theih ding ih sin thei hiam. Tuathu in Pasian in eite ong khual’ dan bang ong gen hiam. _________________________________________________

________________________________________________________________

Pa ta te bangci kiho cih Laisiangtho in genlo hi. A pa in a tapa kiang ah ngaihsun lai in, ci’n akhoh zong ki at lo hi. A tapa kiang ah bel tuaci nawh vaihawm loh ding in gen kha thei sam hi. Atawpna ah a tapa, “a pu a pa’ gamh kihawmh hi.” (Luke 15:12, NIrV). Tua khitteh paikhia pah vingveng hi. Laisiangtho sung bup ah hihbang thuguipi te ih mu zeel hi. Pasian in mihingte adeih teel theih nading in suahtakna pia a,a ut bang un akhepi mailam zuan thei uh hi. Hi peuhmah hi. Ih theihsa tek mah bangin ih deihteelna pan in ih muhkholh loh ih geelkholh loh thaman ong piang thei hi.

Tutadih in, na suahtak deihteelna pan a, na thaman bang khawng ahia.

MONDAY May – 30

AMA KHA TE ZALH NA

Luke 15:13-19, sung ah bangci nam kisiikkikna ih mu hiam. Kisiikkikna tatak ahih tuak hiam. Agamtatsa te’ hangin akisiikik takpi diam. Ahih kei leh agamtatsa te’ gu hang in adah lel ahi diam. Hih dotna te na dawn theih nading in hih Laisiangtho mun ah bang thumong om hiam. _____________________________________________________

________________________________________________________________

Tapa taimangpa adau ong pai mawk leh hih tangthu ong kilumlet in theihhak kha mai ding hi. Kisiikkik in thungen in ong khukdin ngeungau khollo ding hi.

Tapa taimangpa in amulkimhuai dinmun atun akitheih bel dontna vet om kei. Hihthu mah in alungsim akikheel sak ahihi. Tapa taimangpa’ lungtang ii ngaihsutna in a pa leh Pasian langpan khawm in mawh ahih ong lak hi. Alungtang tawng pan a a pau khiatna dan in kisiik taktak cih ong lak hi.

Ih mawhna te amulkimhuai zia ih theih zawh nading in, khat veivei ih gamtatna te’ thaman asia te ih thuak ding kisam thei hi. Hihbang theihna pen ih thaman te pan hilo in ih

36

gamtatna pan, ih thuakna pan ahihi. Tu in, nang mahmah in bangci dinmun na phukha hiam. Kisiikik’ daidai kullo in, mawhloh ding banghang in teel pahlo na hia.

TUESDAY May –3 1

INN NA CIAHKIK THEI HI

Tapa taimangpa’ tangthu ah lamsaupi pek pan in, a pa tawh kigawm kik ding in, kua in vaihawm hiam. Luke 15:4-10, sung a tuu mang leh sum mang gentehna tawh bangci kilamdan hiam. Hihtak ah athupi akilamdanna bang hi thei hiam.

______________________________________________________________

___________________________________________________________

Tuu mang leh sum mang thugentehna ah, hih na te in, amau leh amau aman lam uh kithei lo uh hi. Ciahkik ding cih vaihawm theilo uh hi. Tapa taimang pa bel thumaan lampi pan pai khia hi. Amah khuamial sung a, a om khit bek teh bangci man cih kithei thei hi. (John 11; 9,10). Gupkhiatna tangthu khempeuh ah, alampial lam mah aki thei mite Pasian in don in nei hi. Hih thugentehna sung a lungdamna thu in, Pasian in, Amah nungngat a, ataisan mite mah tawh kigawm kik nuam lai cih ahihi. Tapa taimangpa in avakthap ding teel in apaikhiat mah bang in aciah kik ding zong ama teel mah ahihi. Hihthu in eite khempeuh akibang in na ong sem ahihi.

Pasian agamla taihsat mite na thei ngei maw. Hih tangthu pan in bang lam etna nasin thei diam. Tapa taimangpa in veitak in athuak mahbang in athuak nailo te’ a’-ding in ih thunget sakna bangci thupit hiam.

WEDNESDAY June - 1

PUANTUALPI HOIH PENPEN

Luke 15:20-24, sung ah, a tapa’ mawh pulakkna a pa in bangci vei hiam. A pa in amah asan ma in, a tapa in bang ngen masa hiam. Hihtak ah eite a’-ding in, bang thupuak om hiam. Jer. 31:17-20, zong sim in. ____________________________________

_____________________________________________________________

A tapa in a pa kiang ah amawhna pulaak hi. Luke Laisiangho ih sim teh a pa in tua thuumna zak tuak lo mai hi. A thupai zia en dih in: a pa in a ta pa taai in bawh hi. Amah in a tapa kawi in nam hi. Amawh pulaakna zong kicing kha na ve. A ta pa’ sepdan bel a pa a’-saang in hoih zaw kha thei hi. Hihmun ah a tapa’ gamtatna in a aw saang in ginngaih zaw hi.

A pa in a nasem te kiang ah,”puantual hoih pen,” lasak in a tapa silh sak hi. Greek kam-a, “hoih pen - protos” akhiatna in, “amasa” ahihkei leh,”athupi pen” cihna ahihi. A pa in a tapa taimang aneih lianpen hoih pen apia ahihi.

Hitak ah alunglut huai thukhat in, nawlhna, “kong gengen khin ve leh” cih te a pa kiang pan kiza lo hi. Tuahun laitak in, akisam zong bangmah omlo hi. Mawhna in athaman tun lel hi. Topa taisan in ong kilehkik mite tawh ih ki sawh kik teh amaute’ mawhna hang in ih tai’ ih ko loh ding ih bangci kidop theih diam.

37

THURSDAY June - 2

A PA’ NEIHTUAM SILH LEH TEEN (Luke 15:22-24)

Hih tangthu in bang pilciimna ong pia hiam. Pasian’ pianzia bang ong gen hiam.

_______________________________________________________________

A pa in a tapa’ sepkhialh zumhuai na siin pah tuampah nuam hi. Abeisa te abeisa ci lel in, abeisa a, midangte’ mawhna leh ei mahmah a’- ih phawkkhak loh nading in, eite a’-ding in ih kisin ding bang thupuak om hiam. Tunbel asiahuai pen mawhna pawlkhat ki theilo ahih hang in, ni khat ni teh ong kithei nading hi.,(1 Kaw. 4:5,). Paul cih bang in abeisa te mangngilh in mailam ih mainawt ding ahihi. (Philp. 3:13-14).

Luke 15:24 ah, a pa in a sisa ka tapa tu’n ong thokik hi, acih bang acihnopna hiam Tua kam khauh ih bangci theih diam. _______________________________________

________________________________________________________________

Atawpna ah, gupkhiatna thu ah alailak dinmun cih omlo hi. Na khempeuh atawpna ah ong kigawm tuah khitciang in(Mang. 21:5), kidonalianpi ong man takteh, mi khempeuh nungta tawntung ding maw si tawntung ding cih khat zawzaw ong hi ding hi. Alailak dinmun om het lo hi.

FRIDAY June - 3

SIM BEH DING : “Khrist in, hihzawhna leh hehpihna ong pia khin a, vantungmi te in thu um kha khempeuh kiang ah, puak hi. Jesu in mawhnei te a’-ding in si khin ahihman in, Ama sung ah amawhna te uh mulkimhuai lua in, hihzawhna ,sianthonna leh thumaanna te ngah lah ding kuamah omlo hi. Jesu in, mawhna abaang aniin ih puante ong hepkhiat sak nuam in ong ngak hi. Sianthona puantualpi ong silh nuam hi. Jesu in silo in, anungta ding in thu ong pia hi. Steps to Christ. Lai. 650, Akitomlaak.

KI KUP DING : Tuun nu zua pa khat sung pan in, innkuan khat sung leh omna kibang kiim leh paam pan in a khangkhia khawm naupangte khalam kilamdanna aneih banghang cih ki kum un.

LESSON 11 June 4 – 10

MO PUAN

Sabbath Nitak June - 4

TU KAL SUNG SIM DING : Mate 21; Mate 22:1-14; Mang. 21:2, 9; Thuhilhs. 12:14; Dan. 7:10; Pian. 3:9-19

KAMNGAH : “Khrist Jesu anei khempeuh te, Pasian’ thukhenna nuai ah om nawnlo hi." (Rom 8:1, NIrV).

38

Tunipi sung in, alunglut huai thugentehna khat ih sin ding hi. Hih thugentehna in, thulai lak khat ong lah pen Khrist nungzui hi’ng akici khempeuh Khristian taktak hilo ci hi. Ahitazong in, thumaan mi leh thumaanlo mi khen theih hi nailo hi. Eite in mihoih leh mihoihlo te’ thu ih khen thei kei a, Pasian in thu ong khen ding hi zaw hi.

“Lungdamna thu pawipi a, leengla khempeuh te Pasian nasem akici te ahi uh hi. Amaute’ minte nuntakna laibu sung ah kikhum hi. Khristian hi’ng akici khempeuh te nungzui taktak hi khinlo hi. A nunung pen thaman a kipiak ma in, vantung thaman saang ding a akilawm te Pasian in khensat ding hi. Hih khensatna pen Khrist meeitung tuang a anih veina ong pai maa in, ki vaihawm khin ding hi. Banghang hiam cih leh Jesu ong kum ciang in ong piak ding thaman tawh Amah ong tonkhawm ding hi. ‘Mi khat in amaa nasepsa bang in thaman ka pia ding hi.’ (Mang. 22:12)” Christ’s Object Lessons, Lai. 310, Akitomlaak.

SUNDAY June - 5

LUNGSIM LINGLAWN NI TE

Mate 21 in, Jesu leitung a, a nasep nunung pawlkhat ong gual gen hi. Laisiangtho in on gen zeel mahbang in, hih Laisianghto munte in mihing lungtang in , ei leh eimah kikhem ih hih ong lak hi.

Mate 21, ban sim in. A mai a, Laisiangtho a lian buppi sung a, thugentehna te’ athu nung khangthu ong lak ding hi. Ong lim’ gen mahmah hi. Tua Laisiangtho mun ii athumungphuh bulpi bang ahia. A tom leklek in a la ding hilecin, na bangci tom kaih ding hiam. Athupi zaw ah khalam hamphatna te bang ih butom theih ding hiam. ___________

___________________________________________________________________

Hih a lian bup sung a, a thupi pen mun in, a tawpna gual nih khawng ahihi. Mite’ lungtang in Jesu mu khial uh hi. Athu gente don in neilo uh hi. Jesu in amau akawk lam atheih uh hang hi zaw hi. Thulam tawnlo tawh Jesu theih sawm uh hi. Alamdang khat veve ah, makai te in Jesu amat nop uh, mipi te mahmah in na hung in na dal uh hi. Bangzah in dah huai hiam! Mite saang in sia (makai) a,aki nei zaw te abupi in om zaw in sin ding hau zaw lai hi. Thu tuamtuam ah, amau te in sinnop kipuah ngopna nei vetlo uh hi. A sawsawt teh ong phawk uh teh lah zekai lua ta uh hi. (Rom 14:10).

MONDAY June – 6

KUMPIPA’ PAWI SAP NA

Mate 22:1-8, sim in. Hih thugentehna pen ih sim khitsa Mate 21, tawh ki koici tuah in kilawm hiam. A thumungphuh akibang bang ong dawk hiam. __________________

____________________________________________________________

Kumpipa in na khempeuh akigin phitphet khit phawk in. Atawpna peetpeet ah, kumpipa’ pawisim ding asapna mite in ong saang ta uh hi. Pawlkhat te in tua sapna thusim lo in, a nial uh zong phawk in. Thupi ngaihsut hetlo uh hi. Tuhun a, Pasian kamciam te athudon lo te limla ahihi.

Kumpipa’ kammal te ngaihsun leuleu in. Kumpipa in, hih sapna anial te, akilawmlo

39

te hi na ci hi. “Mawhtheihna tawh akidim mihing pianzia leh mihing mawhna pen kumpipa’ ong sap pawi sim ding in, akilawm takpi mah ih hiam. Atawpna a, theih ding in, Laisiangtho sung a, “kilawmna” cih pen Jesu in eite’ a’-ding a ong sepsaksa hang ahihi.

Hih a tung a sapna anialte’ paulap te ngaihsun dih in. Nang na nuntakna ah lep hak nasak pen bang na mu hiam. Tua paulap te tawh na kipelh theih nading in bang kamciam na pia ngam hiam.

TUESDAY June - 7

PAWI ONG SIIM TE

Mate 22: 9-14, sim in. Kua te in mopawi ong siim uh hiam. Ong pai te lak ah, “mi hoih, misia,” pawlkhat om cih akhiatna bang hiam. ___________________________

__________________________________________________________

A ki phincil sak mahmah pawlkhat te leh amuhdah huai pen pawlkhat te in Khristian hi ung acih tazen na phawk kha ngei hiam.

Hihpen thuthak hi kei. Crusade galkap akici te pen tuma kum tul lai a, a luang uh khaam a, Topa Jesu a’-ding in, khapsa gam kituh in Muslim te a do te uh ahihi. Agalsim sung un thah man that in, guk man gu uh hi. Hih crusade galkap te’ upna ih bangci theih /san hiam.

Na hici gen mai thei hi. “Hih galkap te Khristian taktak hilo uh hi ven, tuathu theihhak kei,” Tua bang a ci hilecin bangci theih na hia leh. A ngaihsutna uh bangci theih na hia.

Eite thukhen ding te ih hi kei hi. Pasian in thu ong khen ding a, kikawm asak bang in ong sem ding hi. (Rom 14:10, Heb. 10:30, Thuhilhs. 12:14, Dan. 7:9,10), te sim in. SDA te in, “Dawpkholh thukhenna – investigative judgment,” pen hihthu ah bulh uh hi. Hih thugentehna sung ah hihthu kilak hi.

Tangthu sung tawntung ah Jesu’ min paulam in, Khristian pawlkhat te in thusia lasia abawl uh ngaihsun dih in. Pasian in, hih mite thu tangtak in ong khen ding cih ih theih nading in hih thugentehna in ong bangci huh hiam.

WEDNESDAY June - 8

MOPUAN LOTAWH (Mate 22:1-14)

Hih thugentehna ah, mopuan akhiatna bang ahiam. Tua thugentehna a, nolhna, nialna pen banghang in sihna leh hinna zah ding in khiatna nei hiam.

Gupna kitaan thei nawnlo cih a um khat a’-ding in, Mate 13:24-30, sung a, Pasian in taang leh tahum a khenkhiat tawh bang ong ki saikaak hiam. ______________________

__________________________________________________________________

Gupngah leh ngahlo te kikal thukhenna nu nung cih omlo thei ding hiam. Hihthu ngaihsun kawm dih in. Gupkhiatna pen eima sepna liuleu tawh ngah theih

hileh siang pah lel hi! Ih sepna te sim toh pah ngekngek ding ahihi. Ahizong in, gupkhiatna thu ah upna acih bang akhiatna ong nei hiam. Gupkhiatna lah mi khat in eima thuak tangding a ong mawh lawh puaksak cih hi a. Tu’n ih thu ong thuuk lut tektek hi. Khialh cih anei ngeilo Pasian thukhenna pen eima sepna zuihna lel tung-a, kingakna saang in kisap zawk tuak hi. Himah lo ahia.

40

Hihthu bulpi mah hih thugentehna ii gen bel ahihi : Pasian’ nungzui ing akici te, Pasian in gupngah leh ngahlo te bangci khenkhiat ding. Nang koilam kigi ah na om zaw hiam. A khonkhong a ong kiluui Khrist ii sianthona ii puantualpi in ong tuam a, ong tuam kei zong in, hih kigi in bel pang khat lam a, a om ding in ong tel lah sinsen hi.

THURSDAY June - 9

DAWPKHOLH KANKHOLH NA(SITNA) – INVESTIGATION

Thuhilhs. 12:14, 1 Kaw. 4:5, te Mate 22:11, tawh enkop dih in. Hih Laisiangtho mun thum te ah kawkmun kibang khat bang om hiam. Tua kawkmun banghang in nak thupit hiam. __________________________________________________________

_______________________________________________________________

A nam tuamtuam thukhenna sandan om taleh dawpkholh thukhenna nam pawlkhat mah kawk hi. Pian. 3:9-19, en in. Mawhna ong lut khitphet in, Pasian mahmah ong ki taaklah in, dotna pawlkhat ong dong hi. Akidawn kikna ding Pasian in thei ngel in, Ama a’-ding zong hilo na pi, hih dawpkholh thukhenna hang in dotna adong ahihi. Hihthu in abawl uh mawhna asiat huai zia, Adam leh Eve te thei sak ding hi. Hihthu in Pasian athak in bangmah alak hi tuanlo hi. Hihthu in mite’ gamtatna in thute lumlet mang hi cih mite thusia omdan atheih sak nading leh mite’ phatuam nading ahihi. Pasian’ hehpihna in sihthuak thukhenna tung ah bangci ukcip cih hih Piancil thukhenna in ong lak hi. (Pian. 3:15), sim in. Pasian’ hehpihna pen Pasian’ nungzui taktak te a’-ding in, tu leh atawntung in, thukhen na aki sap uh ciang in akibang ahihi. Na nasepna te dawpkholh thukhen huai mah ahia. Jesu ii sianthona ii ong tuamcip ding, hun khempeuh ah na kisam hia. Tua gupkhiatna sepna tawh hilo in hehpihna tawh hi zaw lo ahia. ___________________________________________________________

________________________________________________________________

FRIDAY June - 10

SIM BEH DING : “Gupkhiatna geelna pen mihing’ gupkhiatna saang in athuuk zaw ngimna nei hi. Hih gupkhiatna liuleu ding bek in Khrist leitung ah ong pai lo hi. Leitung vantung khuavannuai ah Pasian’ pianzia telsiang nading ahihi. Patriarchs and Prophets lai. 68, Akitomlaak.

“Mawh khitphet in satan kisusia pah lo hi. Vantungmi te na ngawn in tua kidonna linapi a thu kihel te thei zolo uh hi. Thubulpi let te adawn dong in theih siang ding in ki nung lah ding hi. Mihing in vantungmi te mahbang in khuavak kumpipa(Jesu) leh khuamial kumpipa(satan) te kikal kilamdanna mahmah na muh kul hi. Mihing in kua ii na sem ding cih a teel kul hi. The Desire of Ages, Lai. 761, Akitomlaak

KI KUP DING : Jesu in mopuan thugentehna, hih kammal te tawh na khum hi. “Ka sapmi a tam hang in, ka teelmi atawm hi.”(Mate 22:14, NIrV). Hih thugentehna thumungphuh siksan in, Jesu ii gennop bang hi na ci hiam.

LESSON 12 June 11 – 17

LIMCIINNA TAMPI AHI SILH LEH TEEN TE’ THU

41

Sabbath Nitak June - 11

TU KAL SUNG SIM DING : Make 5:24-34; Luke l8: 43-48; John 13:1-16; John 19:23-24; Mate 26:59:68; Mate 27:27-29

KAMNGAH : " Ama’ puante ka lawn pelmawh kul hi. Tua khitteh ka dam pan ding hi, ci in, tuanu in ngaihsun hi.” (Maku 5: 28, NIrV).

Laisiangtho sung a, silh leh teen tawh kisai in ih sin tohtoh tampi te, lamdang sak luat ding hi kei. Tua hi a, silhleh teen tawh ih ki nahvawh hi. Puansilhna in eima thu ong gen tampi om a, kua ih hiam, a bangci mi ih hiam cih ong lak in ong gen hi.

Jesu thu tawh kisai in tangthu sungte a, puansilhna tawh kisai , tunipi ih lesson pan ih sin ding hi. Ih sin ding pen tua numei nu hi-a, Ama ii puan lawng kha liaan leng dam mahmah ning cih upna aneihna thu te ahihi. Tua khitteh a nungzui te khe a sil ding a, Ama puantualpi a suahkhia Jesu thu ih sin ding hi. Aban zom in, siampi mangpa thu ih sin ding a, amah pen Topa’ mai ah ding in, a kiphasak gam uk te’ mailam a khualna in, a puan abal keekna thu ahihi. Tuaban ah, Rom galkapte in Topa zahnuihsan in,Jesu puan tualpi asilh ih sin leuleu ding hi. ATawpna ah Laisiangtho’ genkholhna atangtun nading in galkapte in lai ai san in , Khrist ii puantaulpi a hawm na thu ih sin ding hi.

SUNDAY June – 12

KUA IN KA PUAN ONG LAWNG HIAM

Maku 5:24-34 leh Luke 8:43-48, te sung a, numei nu in Jesu’ puan mong teep lawng leng dam ding cih a upna in bang a khiatna nei hiam.

__________________________________________________________

__________________________________________________________

Hih nupi nu in, Jesu sung ah acihtham ahoihkhop khat upna nei hi. Amah in Jersu’ puan mong teep lawng kha leng dam ding cih upna aneih hawmthawh omlo hi,

Ka Puan kua in ong lawng hiam ci’n, Jesu in bang hang in dong hi ding hiam.

___________________________________________________________

Jesu in numei nu, dotna dong in numei nu’ deihna bang in sem hi. Mihon lak ah amah damsak hi. Hihbang a asep pen, akiim a paam a, teci a pan theih nading a, numei nu a zang ahihi. Bangthu pianghiam cih midang te in atheih ding uh Jesu in deih hi. Vangliatna khat peuhpeuh in tua puan mong teep lawng in adam ahih loh tua nupi nu, Jesu in theisak nuam hi. Ama upna hang in Pasian’ vangliatna in na asep atheihsak nop man ahihi. Numei nu omzia in amah leh amah kibuai sak peuh mah hi. Tu’n bel kidam sak ta hi. Tu’n Jesu in ama tung a, asepna te teci pang thei ta hi.

Hih numei nu bang in, cihmawh dongtuak in ih om laitak in, ih Topa’ kiang ih zuat theih nading in bangci kisin ding ih hiam. A thupi zaw ah, ih dam nading, ih nget bang in ih ngah loh teh Topa’ ih upna leh ih muanna bangci kipsak ding ih hiam.

MONDAY June - 13

A MAH IN A PUANTUNGSILH SUAH KHIA HI 42

Mate 20:20-28 sung ah, nungzuipite in athupi theihhuai thu bang thei zolo uh hiam.

_________________________________________________________________

Nungzuipite’ pianzia alungsim siat dan uh hawmthawh omlo in, tualak ah, Jesu alehhehpa Judah suuk pen hi. Judah ii sepzia pen bangmah khialh a om hetlo bangin sem se hi. Jesu in nungzupite’ pianzia hawmthawh huai sa ding na pi, bangci bawl in kizom hiam.

John 13:1-16, sung ah, Jesu in theih ding bang ong pia hiam. Hih Laisiangtho mun sungah, Jesu’ nungzui khat hih ding cih athupitna bang om hiam.

_______________________________________________________________

Nungzuuite’ ngeina ah lamlak konglak a, akhe niin te uh asil uh pen angeina uh ahihi. Hih khesil sak pen anasem te uh sep ahihi. Nungzuipite in nasem sawltak neilo uh in, Kuamah lah kiniam khiat in kisilsak nuan lo uh hi. Jesu in apuantungsilh suak khia in, nungzuite’ khe ong sil sak tak teh anungzuite’ lungsim ong tui liang hi.

Jesu in anungzuite’ lungsim khempeuh theihlolh neilo in, Judah khe zong ong silsak veve hi.

Midangte’ hoihna ding in bangci na kiniamkhiat sawm hiam. Na kiim na paam a te’ kisapna huh ding in, na puantungsilh na suah nunung pen cik a hia.

TUESDAY June – 14

“SIAMPI MANGPA IN A PUAN BALKEEK HI”

Siampi mangpa ii dotna, Khrist in adawn kikna pan in, siampi mangpa in a puan balkeek a, tua zan in bang theihhuai, Mate 26:59-68, sung ah ih mu thei hiam.

______________________________________________________________

Tua puan balkeekna ii limciinna pen thuuk mahmah hi. Hih pen khangtawn a, siampite’ gangawh biakna paaina ngeina zia khempeuh ii atawpna hi in, khangthak biakna ii akipatna lah ahihi. Athak zaw lah hi in, apicing zaw zong ahi, Khrist in vantung ah eite a’-ding in siampi mangpa thak ahihna tawh mawh ong suut sak nading thu ahihi.

Leitung siampi mangpa ii silh leh teen te pen ama hun in, khiatna ciinna adim in anei ahi ta zong in, asawtlo in, tua limciinna leh zatna te akhiatna nei nawnlo in mongbei ding cih ong hihi. Khrist ong pai lai in biakna makai atam simsim in Amah na sanglo uh a, makai pawlkhat te’ muhdahna, thu muhlohna, hazatna, kihtakna te bangzah in mulkim huai hiam. Jesu pen Messiah a, asaangte mi mawkmawk te na hi zaw hi. Hih mi mawkmawk te mah hih siampite’ nasep ong sem dingte ong hihi.

Topa in eite ong deihsak athupi thumanthutak ih muhloh zah dong ding in, (ei leh eimah lah hoih ih kisa ve a), bangci lampite in eite ong hencip hiam.

WEDNESDAY June - 15

A KI CIAMMUIH BAWL PUANTUALPI TE

43

Mate 27:17-29, sung ah bangthu piang hiam cih ngaihsun dih in. Hihmun ah, amulkimhuai leh thulamdang bang piang hiam. Hih Laisiangtho mun in, mihingte bangci hai, bangci lungbin leh bangci ngongtat cih ong lak hiam. Leitung in amah apiangsakpa leh ahonpa, tuhun na ngawn in, bangci bawl cih hih Laisiangtho munte in bangci limlah hiam. Luke 23:10,11; Maku 15:17-20 te sim in. _____________________________

_______________________________________________________________

Jesu’ puan te aki suahkhiat sak khitteh galkapte in puan dupsan tualpi silh sak uh hi. Hih puantualpi pen galkap khat ii puantualpi ahihkei leh Pilat mangpa’ puan lui tualpi khat hi thei hi. Adupsan meel pen kumpite’ zat meel ahihi. Hih puantualpi pen kumpipa hi’ng akicipa’ liangko tung ah ki ciammuih lawt suk hi.

Hihbang in kilawmlo zah dong ding in thuaksiatna a thuak hang in a lamdang veve ah, Jesu in Amah abawlsia te hih bang itna tawh na thuk hi. Hibang in, mi khat in eite ong bawlsia leh bangzah in heh in lungso in ih thuk kik tam maw. Ahizong in Jesu in Amah abawlsia te athuh kikdan etteh ding ong nusiat te en dih in.

Ong ki bawldan a thumaan loh teh na bangci thuh hiam. Jesu ii etteh dinmun pan bang na sin thei diam. Mailam ah ong ki bawlsia kik leh hih atung a thu te in, na thuh kik dan ding ong bangci huh theih diam.

THURSDAY June – 16

“ AMAUTE IN KA PUAN TE HAWMKEEK DING UH HI” (Late 22:18, NIrV)

John 19:23 leh Mate 27:35 te sim in. Hihmun ah Laisiangtho in agen kholh a khiatna bang ong tangtung hiam. Hihthu banghang in thupi hiam.

______________________________________________________________

______________________________________________________________

Vantung leh leitung khang tangthu ah, hihmun ah anasia pen sepna khat om hi. Hih galkap te in athuaksia pa khat ii puan te ong hawm keekna uh athu neu no khat tawh ong kibang lel ahia leh!

Jesu a’-ding in zong hihthu bang akhiatna nei cih ngaihsun in. Leitung’ mawhna vangikpi Ama tung ah kisuan ta hi. A pa tawh akikhenna in zong Amah gawt beh lai hi. Ahizong in, Jesu in hih galkapte in lai ai san in apuan ahawm uh a mitnuai ah amuh ciang in, Laisiangtho’ genkholhna atangtunna ong thei hi. Hihthu in aban zom in singlamteh tung ah athuak dingte, tha ngah nading in behlap zaw sop hi. Galkapte’ hihbang agamtatna te in, gelkholhna atangtunna teci ong lim lah mahmah hi.

Na kisap hun ah, na upna tha ong khauhsak ding in, Laisiangtho’ genkholhna bangmun te na mu hiam.

FRIDAY June - 17

44

SIM BEH DING : “ Khasiat theihna meel a neilo galkap te in, Jesu luang singlamteh tung ah sial uh hi. Amaute in atan tek ding un a puan uh hawm a, akithuaplo a puan khat kituh in kitawng uh hi. A tawpna ah, tua buaina aven nading in, lai ai san in ahawm ding in ong khensat uh hi. Hihthu apian ma in, Laisiangtho in, tua ma kum za tampi lai in kiciantak in na genkhol linliaan hi. ‘Mawhnei ci leh sa tawh a piang mi honkhat in puan ong silh khin uh hi. Amaute in ka kiim ka paam ah ui hon bang in ong umcih uh hi. Amau te in ka khut leh ka khe te ong sun let uh hi…Ka puante atanciat ding un hawmkeek uh hi. Ka silh lai deih uh in lai ai san uh hi.’” (Late 22:16,18, NIrV). (The Story of Redemption, p. 49, 50, Akitomlaak).

KI KUP DING TE :

1) Tha na ngah mahmah na uh, Laisiangtho sung a genkholhna mun te kikum dih un. Amah ih up theih nading in, Pasian in siksan hoih tampi ong piak, hih Laisiangtho munte in eite ong bangci lah hiam. 2) Jesu’ nuntakna atawpna lam pawlkhat te leh nasia tak a, athuak ding hun te enkik dih in. Eite’ a’-ding in bang theihpilna ih sin thei diam. Hihmun ah Jesu’ ong lahna lampi te tungtawn in, ih ci leh sa’ deihna ih sih sak nading in ih bangci kisin theih diam.

LESSON 13 June 18 - 24

KHRIST PUAN IN SILH

Sabbath Nitak June – 18

TU KAL SIM DING : Gal. 3:26-29; Rom 6:1-6; Kalaw. 3:1-10; Eph. 4:22-24; 1 Kaw. 15:49-55; 2 Kaw. 5:1-4

KAMNGAH : “Topa Jesu Khrist na puan bang un silh zaw un. Na pianpih uh mawhnei ngeina te’ deihna bang in bangci lungkim ding cih ngaihsun kei un.” (Rom 13:14, NIrV).

Aktui tangkhat khuuk suk in aki tapzan dong avil ci ni. Tua aktui ki tamzan pum khat ong suak kik na mu ngei maw. Mu ngei kei ni. Nuntakna picing taktak tuabang in ong ki pumkhat kik thei khollo hi.

Mawhna pianlim tawh akidim ih pianpih leitung ngeina paidan thukhun pen leitung na te, lo bang in tul ding cih ahihi. Na te kumsawt ong tul teh bang ong suak ahia leh. (1) Amau te khangto in thahat semsem in kilemto diamdiam ahia. Ahihkei leh (2) Tui bangin kiam in patpuan bang in tul tektek in kikai awk lamlam zaw ahia. Dawng ni ci leng kitel sinsen lel! Kiam lam teek lam ki manawh vive ahihi.

Hihthu neunau sung pan in, alungdam huai lungdamna thu ih nei hi. Tua in, gupkhiatna geelna ong luui in, ih ki lam kik nading hi a, tum bang guai, bel bang a sia ih pumpi ong no, ong thak suak sak kik ding ahihi.

Atawpna ih lesson sung ah, Thubu sung a, atuam vilvel limciinna puansilhna tampi ih kaan ding hi. Tuate in thaksuak kikna leh ki lamkikna kamciam te ong lak ding hi.

45

SUNDAY June - 19

KAMCIAM A OM BANG A GAMH TE

Gal 3:26-29, sung a, Paul ii agen athubulpi bang ahia. Hih Laisiangtho ih sim ciang in, Greek kammal pan a, ong ki teikhia, “silh un-put on” pen (ong ki silh ding- to be clothed) cihna ahihil. {zolai in, ‘Khrist pianzia nei te,’ 3:27, ah kici hi. (A teikhia pa)}

_____________________________________________________________

Taang 27 na NIV-ah, Paul in aki tuiphum khinsa khempeuh te “Khrist silh khin uh” na ci hi. Mawhnei mi vive ih hih hang in, ih mawhna te ong ki sawpsiang sak khin hi. Ih puanlui niinpi ong ki hawk khiat sak in, Jesu ii sianthona in ong tuam(silh) khin ta hi.

Rom 6:1-6, sung ah, Paul in bang gen hiam. Hih Laisiangtho mun in, Jesu sung ah “ki tuam un” cih akhiatna ih theih nading in ong bangci huh theih diam.

______________________________________________________________

_______________________________________________________________

Jesu sung ah kituam cih pen mite kiang ah Pasian ka nei uh hi, cih lel saang in thuuk zaw tham hi. Ei khristian te Khrist tawh ih ki pawl ih ki gawm hi. Ama sung ah ih ki pum ap hi. Ama hang in, eite athak in ong ki saang in ong ki puah kik hi. Alampi lui uh agamtatna lui uh leh anuntakna lui uh aki kheel nuam lo khristian te, amaute bang in tuam takpi cih aki muh theih nading in limlang ah aki et uh kul hi.

Lawm, nang’ bang na silh a leh. Mihon lak a, na silh leh nangmah guak bek a om a, na ki ngaihsut laitak a, na silh aki lamdang hia. Na dawnna in nang leh nangmah abangci mi cih bang ong gen hiam.

MONDAY June -20

KI ZE ET SAK NADING MUN OM KEI

Paul in khristian te a hat thawt na ah nisial a, zat ding athupi kawkmun te Rom 13, sung ah mitsuan dih in.

_________________________________________________________________

__________________________________________________________________

Hih Rom 13, ataang tawpna ah Paul in,”Topa Jesu Khrist tawh no leh nomau kisilh kituam un,” (NIV), na ci hi. {Zolai in bel, Topa Jesu Krist ong piak galhiam te zang un na ci hi. – A teipa}. Paul in, Gal. 3:27, sung a, azat kammal mah hih mun ah na zang kik hi. Sunday ni sinna en kik in. Amun nih tuak ah akibang thu na gen hi.

Paul ii cihnop te Rom 13, in teltak in lak hi. Hihmun ah Khrist silh ding cih ong gen hi. Akhiatna pen a hing upna tawh nuntakna leh thumanna-sawlmanna, ahihi. Akibang lai, Greek kammal “silh” cih zong taang 12 na ah ong dawk hi. Tua in zong khristian te in khuavak galhiam silh ding cih sandan pua sak hi. Amah tawh aton khawm te khuamial sung ah kalsuan lo hi.

46

Khrist sung ah kipum tuam lecin na nuntakna ong bangci ki lamdan ding hiam. Na nuntakna abang mun te Topa’ kiang pan in na ki puahkik ding hiam. Kipum ap kiuhkeuh hilecin, na nuntakna ong koici kilamdang ding hiam.

TUESDAY June - 21

SUAHKHIAT NA LEH SILHKIK NA

Kalaw. 3:1-10 sung a taang 10 na ah, (verb – gamtatna) akizang pen (silh ding – to put on) hi a, tua gamtatna mah tawh akibang (ong ki silh ding – to be clothed) cih kammal Paul in azat tumadeuh in ih sin khin hi. Hihthu te ngaihsun kawm in hih Laisiangtho mun te in eite bang ong gen hiam. ________________________________________________

___________________________________________________________________

Eph. 4:22-24, sung ah , (Taang 24 na a, Greek verb (gamtatna) in ‘silh ding - to clothe’ na ci a), Paul in bang kawkmun gen hiam. ________________________________

_________________________________________________________________

Milui cih leh mithak cih akilamdanna phawk in. Athubulpi ah, “milui” cih pen nuntakna lui hi-a, amah si khin ta hi. Ki tuiphumna in hih dinmun limla ahihi. Mithak, Khrist sung a, a piangthak khat ong ding khia to hi. Hihmun ah Khrist sung ah “ki pumtuam” ahihkei leh mithak cih sandan pen Khristian gamtat luheek tawh ong ki memat pah hi. Hih Laisiangtho mun anung ama sim dih in. Eite in mi pum khat ii pianzia leh gamtat kikhelna te ih kikum hi. Hihthu ih sangoi lumlet phapha hi. A kituiphum khristian te, Topa sung ah mithak ih hihi. Khrist sung ah “ki pum tuam” cih pen mawhmaisakna limciinna ahihkei leh Khrist ii kicinna in ih mawhna te tuam’cipna cih hi beklo in ami ngiat mithak suak, “Khrist ii kicinna leh thumaansianthona sung ah kibawl thak(Eph. 4:24), cihna ahihi.

WEDNESDAY June – 22

MITPHIAT KIKAL TOMNO KHAT SUNG IN

1 Kaw. 15:49:55, sung ah bang lam etna lianpi ong kipia hiam . Hih Laisaingtho mun te na sim ciang in tunipi sung ih sin khitsa Greek kammal bul pan a, ong pai silh ding – to clothe ahihkei leh ong kisilh ding cih kammal te tawh akihuang bang kammal te om cih upmawh gen dih ih. __________________________________________________

__________________________________________________________________

Taang 53 leh 54 na a, verb – gamtatna akikhiat zeelna : silh – clothed cih pen ih sin khitsa ahihi. Ahizong in, Sawltak Paul in hihkammal asaang zaw dinmun ah na koih hi. Khrist sung ah kipumtuam cih akhiatna pen Jesu tawh kisutna ciang bek, apianzia lah ding eite ong hilh thukhun te bang a, nungta lel ding cihna ciang bek hilo hi. Pianzia gamtatna kheel naciang bek hilo hi. Ih ci leh sa mahmah zong ki nasia pumkhel ding hi. Ih mihing pumpi ih ci thak tutut, a na valval leh asi ding pumpi akisia theilo pumpi tawh ong kituam ta ding a, tua pen Jesu’ sihna pan a thokik pumpi bang ahihi. Puansilhna, kikheelna vai ih

47

kikum hi. Puanthak silh ding vai ih kikum hi. Tua te pen eite ong na ngak gige ih lam et lianpi ahihi. Hihthu, bekmah ih upna ong manpha sak taktak ih lam et lianpi ahihi.

Hih Laisiangtho mun a ong ki lak, Jesu sung a ih neih lam etna thu ngaihsun dih in. Hih leitung in, hih sung a ong ki lak kamciam sang a ahoih amanpha zaw lampi ngeina, thukhat peuhpeuh ah ong luui thei na diam.

THURSDAY june - 23

IH VANTUNG INNPI

2 Kaw. 5:1-4, sung ah, Paul in eite bang ong gen hiam. Bang lam etna ong kipia zeel hiam. Tua lam etna tawh silh leh teen limciina kibangci lawm hiam.

_______________________________________________________________

_______________________________________________________________

Hih leitung ah ih om sawt lai teng, ih pumpi pen inn ahihi. Eite ih khuisa ding hi. Hu samdek liang in ih ki diik ding hi. Hih “ leitung ih teenna” ah hih ih pumpi mah tawh akhuisa lo kua om ding hiam. 1 Kaw. 4, in, hih ih nuntak sung a, Jesu’ nungzuite’ talsik dahna te’ thu agen ahihi. Hihthu tomno akigen khitteh, Paul in tuni a ih Laisiangtho mun ding ong gen ahihi.

Khuisa in, thuaksia in ih sih ding theihsa ahihi. Ahitazong in, tua tawh atawp ding ih hi kei hi. “vantung ih innpi” ah eite ong ki pumtuam ding kamciam ih nei hi.

Ih dinmun leh eite ong ngak ih lam etna ong kilang sak ding in, 2 Kaw. 5:1-4, sung ah Paul in bang limciinna nih zang hiam. ________________________________________________________________

________________________________________________________________

Atawpna ah hih limciinna te in, akibang thu gen uh hi. Tua in lam etna hi a, ih neih ong ki tuamcipna ahihkei leh Khrist ong kumkik ciang a, a tawntung ding ih pumpi inn ahihi. Thudang tawh gen le’ng Jesu’ sung a, ih neih nuntak tawntungna kamciam ahihi. Sihna ngaihsun dih in. Atawpna ah ong gualzo takpi ding tawh kibang phial hi. Atawntung cih lam etna om kei leh bang lam etna nei mawk ding ih hia. Atawpna ah sihna gualzo paisuak lo ding ahih ih neih paulap te ngaihsun dih in. Na dawnna te ong keng in kikum dih un.

FRIDAY June - 24

SIM BEH DING : “Aki gumkhia khempeuh te pen a lungdam, innkuan kigawm te hi in, phatna puan leh lungdamkohna puan tawh aki tuam te a hi uh hi.Tua puante pen Khist sian’thona puantualpi te a hi uh hi. Pianpih na te sunga ama liatna, a it huai hoihna te in akizom suak phatna leh biakna paaina te Pasian tung ah zomto suak ding uh hi. Kum te lungdamna lam ah ong ki hei ding hi. Kha ii taanna pen nitaang mah ong bang ding hi. Ni ii taanna peh tuhun a, ni taang zah sagih sang in taang zaw lai ding hi. EG White, My Life Today, Lai. 348, Akitomlaak.

KI KUP DING TE :

48

1) Thursday ni a dotna tawpna na dawnna en kik dih in. Hih alamdang kamciam sung ah lam etna ih muh nading in khat leh khat kibangci huh theih ding ih hiam. Um zolo a alunghiang neite na bangci huh theih diam. 2) Eite khristian te bang in anungta hi lehang, Khrist sung ah “kituam un” cih akhiatna thuuk ngaihsun in. Bangci nuntak cih ki ngaihsun in. Na gamtattat sa te, na zongsatna te, na ngaihsutna te leh mi dang tung ah na om dan muu dan te lungngai in. Hih atung a thute tawh ki zawi in Khrist ii pianzia na bangci hoih lah theih hiam. Eite ong kihilh khin Laisianghto thukhunte ih zuih zawh nading in ahon in ahihkei leh khat leh khat ki bangci huh theih ding ih hiam.

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

49

Application Form For G. M. Teacher

Pyin Oo Lwin

Date May ----, 2010

1. Name of Teacher ………………………………………..

2. N . I . R . C ………………………………………………

3. Father’s Name ………………………………………….

4. Home Address ……………………………………………………………………………………...

5. Qualification ………………………………………………………………………………………..

6. Absent Quotas

a. One Tardiness ………………One hundred Kyats Fine

b. One period absence ………….Two hundred Kyats fine

c. One day absence ……………..One thousand Kyats Fine.

d. Ten day absences for the whole school year to be allowed.

Note : For the No. 6 – d, absences, any reason for these absences should be requested

ahead of a day or later as soon as it’s possible. These absences are allowed to :

i. Sickness for the teaher who can not able to attend the school.

ii. Sickness for the teacher’s spouse and the family.

iii. Funeral Service and marriage in the family.

7. Any action for the extra absent quotas and other cases should be determined by the G. M

School Board, when it’s needed.

8. I, hereby, admit to abide the absent quotas, the teacher ethics and the christian ethics.

9. Signature of the teacher……………………………………………….

Min Lwin Suan Khen Go Chairman, G. M. School Board Secretary, G.M. School Board

Pyin Oo Lwin Global Mission Adventist Seminary

School Board Committee Minute, Pyin Oo Lwin.

May 24, 2010

50

Members : Min Lwin(chairman), Suan Khen Go(Secretary), Gin Lam Cin, Kai Khan Khual,

Kelly P. lyan, Naw Za Htoo, La Mae

Invitees : Kham Suan Mung, Khin Khin Htwe, Rozama, Mrs. La Mae

Absentee : La Mae

Opening Prayer : Kham Suan Mung

Voted 2010 – 1, Approved the student application form.

Voted 2010 – 2, Approved the teacher application form.

Voted 2010 – 3, That it’s allowed seven teachers : Regular - Suan Khen Go

Miss. Contr. : Malsawmkima, Nuam Hat Cing, Ohn Mar Aung, T. Dim cing,

Sc. Contract : Zen Khan Niang, and Maths. Teacher from outside.

Voted 2010 – 4, That it’s fixed 35,000.00 Kyats for a school contract teacher’s salary.

Voted 2010 - 5, That appointed the school officers as the follow :

Principal – Suan Khen Go

Registrar & Dean of Boys : Malsawmkima

Reach Coordinator : Malsawmkima

Cashier & Dean of Girls : Thang Dim Cing

Food In charge : Thang Dim Cing

Meeting adjourned by : Gin Lam Cin

Min Lwin Suan Khen Go Chairman Secretary

51