policy of queenstown girls’ high school regarding … · inventarisse van sporttoerusting word...

Laerskool Wonderboom

SPORTBELEID

Beleid hersien: Mei 2016 Volgende hersiening: Januarie 2017

INHOUDSOPGAWE

TITEL VAN DIE BELEID .......................................................................................1

EFFEKTIEWE DATUM ..........................................................................................1

HERSIENINGSINLIGTING ....................................................................................1

1. DOEL MET SPORT ......................................................................................1

2. DEFINISIES ..................................................................................................1

3. VERWESENLIKING VAN SPORT ................................................................2

4. VERSKEIDENHEID VAN SPORTSOORTE .................................................2

5. ALGEMENE RIGLYNE VAN SPORTDRAG .................................................3

6. BORGSKAPPE: SIEN KLEREKOMITEE ......................................................3

7. RIGLYNE VIR OUERS EN AFRIGTERS VAN SPORTSOORTE .................3

8. INVENTARISSE ...........................................................................................3

9. PROSEDURES BY UITSTEL VAN WEDSTRYDE BY ALLE

SPORTSOORTE ..........................................................................................4

10. OUDERDOMME VAN SPELERS .................................................................4

11. NOODHULP .................................................................................................4

12. MERIETE TOEKENNINGS ...........................................................................4

13. ONDERSTEUNERSDRAG ...........................................................................4

14. VEILIGHEID ..................................................................................................5

15. SPORTKOÖRDINEERDER: MNR. R. LABUSCHAGNE ..............................5

SKAAKBELEID

1. TYDSDUUR ..................................................................................................6

2. OEFENING ...................................................................................................6

3. PROEWE ......................................................................................................6

4. DAAG VAN SPELERS ..................................................................................6

5. LIGAS ...........................................................................................................7

6. PLASING VAN SPELERS ............................................................................7

7. KLEREDRAG ................................................................................................7

8. MERIETE ......................................................................................................7

NETBALBELEID

1. KRITERIA VIR SPANKEUSES .....................................................................8

2. PROSEDURES TYDENS PROEWE ............................................................9

3. OEFENTYE VAN VERSKILLENDE SPANNE ..............................................9

4. SPORTDRAG TYDENS LIGA ASOOK VRIENDSKAPLIKE

WEDSTRYDE ...............................................................................................9

5. GEDRAG VAN OUERS TYDENS WEDSTRYDE ASOOK TYDENS

OEFENINGE .................................................................................................9

6. AFRIGTERS .................................................................................................10

7. DEELNAME SERTIFIKATE EN TOEKENNINGS PER SPAN ......................10


MINI-NETBALBELEID

1. ALGEMEEN ..................................................................................................11

2. KLEREDRAG ................................................................................................11

3. NUWE LEERLINGE TYDENS SEISOEN .....................................................11

4. MERIETE TOEKENNING .............................................................................11

5. GEDRAG VAN OUERS TYDENS WEDSTRYDE .........................................12

KRIEKETBELEID


2. OEFENTYE ..................................................................................................13

3. KLEREDRAG ................................................................................................13

4. DAG/AAND-REEKS ......................................................................................13


ATLETIEKBELEID

1. HUISSPORT .................................................................................................15

2. VERDELING VAN LEERDERS ....................................................................15

3. DIE REËL IN ATLETIEK ...............................................................................16

4. ATLETE PER ITEM PER SPAN: HUISSPORT ............................................16

5. AFWESIGHEDE VAN LEERDERS ...............................................................16

6. ATLETIEK-OEFENPROGRAM .....................................................................16

7. BUITE-AFRIGTERS......................................................................................16

8. KLEREDRAG ................................................................................................17


10. KWALIFISERING VAN SPANNE ..................................................................17

GHOLFBELEID

1. KRITERIA VIR SPANKEUSES EN REËLS ..................................................18

2. OEFENTYE ..................................................................................................18

LANDLOOPBELEID


2. OEFENTYE ..................................................................................................19

3. KLEREDRAG ................................................................................................19

4. LIGAS ...........................................................................................................19

5. AFSLUITINGSFUNKSIE ...............................................................................19

6. KLUB LANDLOOP ........................................................................................19

SWEMBELEID

1. MISSIE ..........................................................................................................20

2. DOELWITTE .................................................................................................20

3. ITEMLYS ......................................................................................................20

4. LIGAS ...........................................................................................................20

5. VRIENDSKAPLIKE GALA’S .........................................................................20

6. INTERHUISUITDUNGALA ...........................................................................21

7. INTERHUIS ..................................................................................................21

8. AFRIGTING ..................................................................................................22

9. SWEMSEISOEN ...........................................................................................22

10. ORGANISEERDER ......................................................................................22

11. DOKUMENTASIE .........................................................................................22

12. BEFONDSING ..............................................................................................22

13. SWEMDRAG ................................................................................................23

HOKKIEBELEID


2. OEFENTYE ..................................................................................................24

3. WEDSTRYDE ...............................................................................................24

4. KLERE ..........................................................................................................24


TENNISBELEID


2. AFRIGTERS .................................................................................................25

3. TENNISLIGAS ..............................................................................................25

4. TENNISDRAG ..............................................................................................25

5. NOORD-GAUTENG KAMPIOENSKAPPE ...................................................25


7. TENNISAPPARAAT......................................................................................26

RUGBY BELEID


2. PROSEDURES BY PROEWE ......................................................................27

3. AFRIGTERS .................................................................................................28

4. OEFENTYE ..................................................................................................29

5. KLEREDRAG ................................................................................................29

6. TOEKENNINGS AAN DIE EINDE VAN DIE SEISOEN ................................29

7. GEDRAG VAN OUERS ................................................................................30

AANHANGSEL A: BELEID OOR SEKONDÊRE SPORTSOORTE .......................31

AANHANGSEL B: BELEID OOR INLIGTINGSESSIES IN

SPANSPORTSOORTE (2016) ..............................................................................32

AANVAARDING EN GOEDKEURING DEUR DIE BEHEERLIGGAAM ................33

Laerskool Wonderboom – Sportbeleid 1

TITEL VAN DIE BELEID

Sportbeleid EFFEKTIEWE DATUM 1 Janaurie 2015 HERSIENINGSINLIGTING

Soos gewysig op:

Mei 2016 Datum van volgende hersiening:

Januarie 2017 1. DOEL MET SPORT

Die doel met sport is om toe te sien dat Laerskool Wonderboom ontwikkel in ‘n krag waarmee daar rekening gehou sal moet word op die sportveld. Hierdie doel word alleenlik bereik deur goeie samewerking tussen die onderwysers, ouers en kinders. Sport kweek altyd goeie dissipline en spangees wat een van die skool se pilare uitmaak en hierdeur wil ons sien dat alle kinders tot hulle volle potensiaal ontwikkel en tot hul Godgegewe talent presteer, op die rugbyveld of die skaakbord. Verder sal ons toesien dat daar altyd genoegsame en goeie afrigters beskikbaar is en dat die nodige erkenning gegee word aan dié wat presteer het. Die skool se passie en strewe is om ‘n verskil in die kinders se lewens te maak. Laerskool Wonderboom wil graag die kinders voorberei om die geleenthede en uitdagings wat sport bied aan te gryp en te benut.

2. DEFINISIES

2.1 Primêre sportsoorte: Dit is sportsoorte wat by die meeste skole aangebied word en waarby Laerskool Wonderboom geaffilieer is om in liga-verband teen ander skole te kompeteer.

2.2 Sekondêre sportsoorte: dit is sportsoorte wat nie by alle skole aangebied word nie, maar wat wel onder Laerskool Wonderboom se naam mag deelneem, soos jaarliks deur die beheerliggaam goedgekeur. Sien beleid oor sekondêre sportsoorte aangeheg.


3. VERWESENLIKING VAN SPORT Laerskool Wonderboom doen dit deur: 3.1 Die kinders aan te moedig om deel te neem aan sport; 3.2 ‘n Balans te handhaaf tussen sport en akademie; 3.3 Ervare en gekwalifiseerde afrigters te selekteer wat die kinders

inspireer en aanmoedig om hul maksimum potensiaal te bereik volgens hul eie vermoë;

3.4 Voortdurend die beleid en prosedure te hersien om tred te hou met die jongste ontwikkeling in sport;

3.5 Die ontwikkeling van leierskap en spanwerk deur ‘n verskeidenheid van sportsoorte op kompeterende en sosiale vlak; en

3.6 Erkenning te gee vir prestasie op elke sportgebied.

4. VERSKEIDENHEID VAN SPORTSOORTE Laerskool Wonderboom bied die volgende primêre- en sekondêre sportsoorte aan:

4.1 Primêre sportsoorte

Atletiek

Netbal

Rugby

Krieket

Tennis

Bulletjie-rugby

Skaak

Hokkie

Swem

Mini-hokkie

Landloop

Gholf

BevKrieket

Mini-netbal

4.2 Sekondêre sportsoorte:

Ruiterkuns

Jukskei


5. ALGEMENE RIGLYNE VIR SPORTDRAG

5.1 Sportdrag, soos gespesifiseer in die Kleredragbeleid, sal geld vir alle spanne insluitende mini-sportsoorte en die oefenklere wat deur spanne gedra word, met uitsondering van eerste spanne wat Beheerliggaam-goedgekeurde veranderings mag aanbring met dien verstande dat sodanige verandering vir ‘n tydperk van ten minste 3 jaar gehandhaaf word.

5.2 Sien spesifieke beleide van verskillende sportsoorte. 6. BORGSKAPPE: SIEN KLEREKOMITEE

6.1 Hoogstens 2 borgembleme sal op enige sportdrag toegelaat word en

dit sal soos volg aangebring word:

Regterkant op bors: Borgembleem en naam nie groter as 10cm x 10cm (Uitsondering by slegs Eerste Span (Rugby) wat op bors mag wees)

Moue: Dieselfde as bogenoemde

Op die rug net onder kraag

Op die broek of beffies 6.2 Alle borge op kledingstukke moet in oorleg met die skool se

Klerekomitee aangebring word, hetsy wedstryd- of oefendrag. 7. RIGLYNE VIR OUERS EN AFRIGTERS VAN SPORTSOORTE

7.1 Proewe word gehou waarvolgens afrigters spelers identifiseer en

saamstel vir spanne met duidelike kriteria deur afrigters; 7.2 Afrigters is alleenlik verantwoordelik vir keuses van spanne en spelers.

Buite afrigters mag wel by afrigting betrokke wees soos hoof-afrigter dit verlang en op eie keuse, maar is steeds verantwoordelik;

7.3 Vergadering word met die ouers gehou nadat spanne gefinaliseer is waarop rëels en regulasies, gedrag langs velde, rotasie van spelers, ens. bespreek word;

7.4 Na afloop van wedstryde kom spelers byeen, sodat terugskouing oor wedstryd gedoen word en geen speler, sonder toestemming van afrigter, verskoon mag word nie; en

7.5 Ouers is onderhewig aan algemene reëls van betrokke sportsoort langs velde. Sien reëlboek van onderskeie sportsoorte bv. Blouboek vir rugby.

8. INVENTARISSE

Inventarisse van sporttoerusting word deur betrokke sportorganiseerder ingevul voor aanvang van en weer na afloop van die seisoen. Lyste word dan na die sportkoördineerder geneem om voorraad na te gaan en as afgehandel beskou te word tot volgende seisoen. Alle toerusting en voorraad word in die sportstore gebêre na afloop van die seisoen.


9. PROSEDURES BY UITSTEL VAN WEDSTRYDE BY ALLE SPORTSOORTE 9.1 Indien enige ander skool ‘n wedstryd, van enige sportsoort, wil uitstel,

word die ander skool se organiseerder versoek om redes vir die uitstel van ‘n wedstryd aan die hoof van Laerskool Wonderboom te voorsien vir oorweging van die versoek, asook alternatiewe datums waarop die wedstryd gespeel kan word;

9.2 Indien Laerskool Wonderboom nie die versoek op die voorgestelde datum kan akkommodeer nie, word wedstryd gespeel op die datum soos geskeduleer in die ligabepalings; en

9.3 Indien geen oplossing gevind kan word nie, moet die skool wat uitstel verlang, punte stuur indien hul nie kan speel nie.

10. OUDERDOMME VAN SPELERS

Daar bestaan spesifieke reëls binne elke sportsoort vir ouderdomsgroepe waarin die spelers mag deelneem.

11. NOODHULP

11.1 Noodhulp moet ten alle tye teenwoordig wees by sportaangeleenthede en moet ook oor die nodige kwalifikasies beskik om noodhulpdiens te verskaf; en

11.2 Die sportorganiseerder en kliëntediens is verantwoordelik vir die reël van noodhulp.

12. MERIETE TOEKENNINGS

Kriteria vir meriete toekennings word in die spesifieke beleide van die verskillende sportsoorte beskryf.

13. ONDERSTEUNERSDRAG

Tans onder konstruksie.


14. VEILIGHEID Organiseerders en afrigters moet altyd die spelers se veiligheid hoog op prys stel. Die skool beskik oor twee weerligmeters en organiseerders en/of afrigters moet dit as riglyn gebruik indien daar weerlig in die lug is. Die aanvaarde norm om spelers op ‘n veilige plek te huisves of spel tydelik of permanent te staak is die Oranje (6- 12 miles) aanduiding. Die afstand van weerlig moet deurgaans gemonitor word. Indien daar na 40 minute geen verbetering sigbaar is, of voorsien word nie, mag die organiseerder, met oorleg van die sportkoördineerder en ander skole se organiseerders, waar nodig, afgelas word.

15. SPORTKOÖRDINEERDER: MNR. R. LABUSCHAGNE

Atletiek

Gholf

Hokkie en Mini-hokkie

Krieket en BevKrieket

Landloop

Netbal en Mini-netbal

Rugby en Bulletjie-Rugby

Skaak

Swem

Tennis


SKAAKBELEID Skaak vorm deel van Laerskool Wonderboom se primêre sportsoorte. Die doel met skaak by Laerskool Wonderboom is om leerders die geleentheid te gun om op die volgende vlakke blootgestel te word en te ontwikkel:

Blootstelling aan sport binne spanverband;

Die geleentheid om die skool in ‘n ligaspan te verteenwoordig.

Om intellektueel te groei; en

As karakter in geheel te ontwikkel. 1. TYDSDUUR

Skaak se amptelike skole-liga geskied hoofsaaklik in kwartaal 2.

2. OEFENING

Amptelike skaakoefening geskied op Maandae en Woensdae vanaf 13:45 tot 14:45. Spelers sal in klasse, soos deur die organiseerder gereël, oefen. Dit staan spelers vry om ook privaatafrigting te ontvang. Met indien van bewys, sal hierdie spelers dan verskoon kan word van oefeninge by die skool.

3. PROEWE Proewe geskied vroeg in die jaar, gewoonlik in Februarie, soos deur die organiseerder gereël in die vorm van ‘n Interhuiskompetisie. Datums van proewe sal vroegtydig aan betrokke partye deurgegee word. Indien ‘n speler nie in staat was om die Interhuisproewe by te woon nie, kan die speler wel later, met die indien van ‘n geldige verskoning, daag. Spelers se voorlopige bordposisies word dan na afloop van die Interhuis aangewys. Spelers mag in hoër ouderdomsgroepe vir die skool liga speel, maar moet gevolglik in daardie ouderdomsgroep by die Interhuis deelneem. Ouderdomsgroepe kan nie tydens die liga verander word nie.

4. DAAG VAN SPELERS ‘n Versoek om te daag kan na afloop van die Interhuis skriftelik by die skaakorganiseerder ingedien word. Indien die versoek geldig is, sal spelers vir ‘n vensterperiode die kans gegun word om te daag.


5. LIGAS Die volgende spanne sal, afhangend van die beskikbaarheid van spelers, deur Laerskool Wonderboom vir die liga ingeskryf word:

Ouderdom Geslag Geslag

0/9 Seuns Dogters

0/11 Seuns Dogters

0/13 Seuns Dogters

Dit is wel moontlik om ‘n gemengde geslag span in elk van bogenoemde ouderdomme in te skryf, afhangend van die belangstelling en/of spelers beskikbaar is. Laerskool Wonderboom sal in elke ouderdomsgroep A- en B–spanne inskryf na aanleiding van die beskikbaarheid van spelers en/of, indien nodig, na die organiseerder se oordeel. Finale bordposisies sal deur die organiseerder bepaal word. Spanne kan nie gedurende die liga of uitspeelwedstryde verander sonder ernstige oorweging van die organiseerder nie, tensy daar onttrekkings of ander onvoorsiene omstandighede plaasvind.

6. PLASING VAN SPELERS

Die organiseerder sal spelers plaas soos wat dit die voordeligste vir die skool se ligaspanne sal wees en nie noodwendig na gelang van spelers se eie behoeftes nie.

7. KLEREDRAG

Spelers neem deel aan ligawedstryde in hulle skooldrag. Oefeninge kan in gepaste siviele drag bygewoon word.

8. MERIETE

Sien Merietebeleid.


NETBALBELEID

Netbal is ‘n geaffilieerde sportsoort waarby Laerskool Wonderboom by Netbal Suid-Afrika (NSA) geaffilieer is. Enige leerder van Laerskool Wonderboom mag aan netbal sowel as die proewe, in hul betrokke ouderdomsgroep deelneem. Alle speelsters moet aan die proewe deelneem om gekies te word vir spanne. Indien ‘n speler glad nie opdaag vir proewe nie, moet ‘n mediese sertifikaat ingehandig word en mag sy die geleentheid kry om by die laagste span in haar ouderdom te begin oefen totdat daar vir haar die kans gegee word om te speel, indien sy beter is as die speler wat reeds gekies is. Die afrigter het die finale besluit in so ‘n geval. Sou ‘n dogter nog besig wees met atletiek, dus gekies word vir die Gauteng-span en nie aan die proewe kan deelneem nie, geld bogenoemde reël ook. Daardie dogter sal die geleentheid kry om vanaf die B-span te begin deelneem en haarself dus so op werk soos wat die afrigter goeddink. ‘n Dogter mag aan die proewe deelneem en steeds besig wees met atletiek, maar doen dit met die ouers se goedkeuring omdat daardie dogter ‘n risiko neem om beseer te word. 1. KRITERIA VIR SPANKEUSES

Daar word proewe gehou waarop die afrigter en keurders (onderwysers van Laerskool Wonderboom) spelers identifiseer volgens vooropgestelde kriteria vir elke speler.

Die afrigter het die finale besluit by die keuse van spelers en spanne.

Alle spelers moet aan die proewe deelneem.

Dogters sal aan die begin van die jaar die geleentheid kry om aan die proewe deel te neem.

Die dogters word die keuse gegee in watter posisie hul graag die jaar wil speel, maar die finale besluit berus by die afrigter.

Die afrigter kyk spesifiek na elke dogter op 'n spesifieke posisie en/of hul aan die vaardighede voldoen van elke posisie, asook algemene netbalvaardighede soos gooi, vang, hantering en spanwerk.

Die span word aan die begin van die liga geregistreer en veranderinge mag dan nie meer plaasvind nie.

Nuwe leerlinge word die geleentheid gegee om hul vaardighede ten toon te stel tydens oefeninge om sodoende in die span te kan kom, maar die keuse berus steeds by die betrokke afrigter.

Sodra die afrigter seker is van haar spankeuse, sal die dogter wat dan uitgelaat word, opgeneem word as die reserwe in die span.


2. PROSEDURES TYDENS PROEWE

Enige leerder van Laerskool Wonderboom kan aan die proewe deelneem, hetsy in die korrekte ouderdom.

Dogters wat in Graad 7 is, maar reeds 14 word, kwalifiseer NIE om aan die proewe deel te neem nie.

Die spelers word volgens kriteria gekies in verskillende posisies. Sien kriteria vir spelers aangeheg.

Spelers word ‘n punt uit 10 toegeken en daarvolgens word die beste spelers in hul verskillende posisies gekies.

Keurders bestaan uit die afrigters (personeel van Laerskool Wonderboom) en buite-afrigters wat by die spanne help.

Geen ouer mag as keurder optree nie.

Buite afrigters word gebruik waar nodig en word deur die skool vergoed.

Buite afrigters teken ‘n kontrak met die skool om hulle te vrywaar van enige beserings deur spelers.

Buite afrigters mag wel besluite neem waar hul as hoof-afrigter van ‘n span aangestel word, andersins is die afrigter verantwoordelik vir die span in alle opsigte.

3. OEFENTYE VAN VERSKILLENDE SPANNE

Alle spanne oefen Maandae, Dinsdae en Donderdae.

Die oopspan se oefentye kan wissel, afhangende van die beskikbaarheid van die buite-afrigter.

Tye sal aan die begin van die seisoen deur die organiseerder bepaal word en aan alle betrokke partye deurgegee word.

Dit is elke afrigter se keuse as hul langer ure wil oefen, solank dit in oorleg met ouers geskied en skiftelik aan die ouers deurgegee is.

4. SPORTDRAG TYDENS LIGA ASOOK VRIENDSKAPLIKE WEDSTRYDE Verwys na nuwe Klere Beleid soos deur die Beheerliggaam goedgekeur

5. GEDRAG VAN OUERS TYDENS WEDSTRYDE ASOOK TYDENS OEFENINGE

Daar word van ouers verwag om tydens oefeninge weg van die baan te sit – verkieslik op die paviljoen om te verseker dat die dogters sonder enige druk van die ouer kan oefen.

Tydens wedstryde mag ouers geen kommentaar lewer wat afbrekend is teenoor enige dogter, skeidsregter of afrigter nie.

Enige ouer wat hom/haar skuldig maak aan wangedrag sal gevra word om die skoolterrein te verlaat.


6. AFRIGTERS

Alle afrigters van Laerskool Wonderboom word geaffilieer en geregistreer by die Netbal Suid-Afrika (NSA).

Afrigters moet elke jaar die Algemene Reëlbespreking van die Distrik bywoon om sodoende op hoogte te bly van nuwe verwikkelinge.

Afrigters word ook, waar nodig, gestuur vir opleidingskursusse.

Afrigters moet jaarliks, of na gelang van die organiseerder, tydens die distrik-proewe gegradeer.

Die organiseerder, tesame met die sporthoof, deel afrigters by onderskeie spanne in na gelang van vorige jare se prestasies en ten bate van die bevordering van netbal.

Afrigters moet tydens oefensessies:

Vorige wedstryde bespreek en kritiseer.

Teenstanders bespreek – sterk- en swakpunte.

Kies die span.

Finale ondervraging en bespreking van spelpatroon en plan.

Voor aanvang van wedstryd:

Doen opwarming en afkoel.

Lig reserwes in omtrent hul rolle.

Finale bespreking van taktiek.

Wees ten alle tye positief

Herbevestig spelplan.

Na wedstryd

Lig span kortliks in oor hul vertoning.

Gaan span na vir beserings.

Bedank skeidsregter.

Bedank spelers.

Spansang. 7. DEELNAME SERTIFIKATE EN TOEKENNINGS PER SPAN

Slegs dogters wat 90% van die oefeninge bygewoon het, sal ‘n deelnemer-sertifikaat en boompie ontvang, mits daar ‘n geldige verskoning by die afrigter ingedien is.

Daar sal ook by hierdie geleentheid, op grond van prestasie gedurende die seisoen, die beste span van die jaar aangewys word. Indien twee spanne gelyk is, sal die oorleg van die organiseerder tel. Hierdie span ontvang elk ‘n klein trofee.

Verder sal daar ook ‘n trofee, in elke ouderdomsgroep, uitgedeel word vir die speler wat die beste vordering getoon het gedurende die seisoen.


Verwys na Meriete Beleid soos deur die Beheerliggaam goedgekeur.


MINI-NETBALBELEID 1. ALGEMEEN

By Mini-netbal word daar nie proewe gespeel nie. Dogters se vaardighede word ontwikkel, daarom kry alle dogters die geleentheid om deel te neem. Geen dogter word weggewys nie, tensy daardie dogter minder as 70% van die oefeninge bywoon. Die eerste kwartaal word gebruik om vaardighede aan te leer. Spanne word in die tweede kwartaal ingedeel volgens kleure en nie volgens meriete nie. Die afrigter het die voorreg om spanne saam te stel, soos sy goeddink.

Daar word ligawedstryde gespeel volgens die skool se netbalindeling, bv. Jubilee. Hierdie wedstryde geskied op ‘n nie-wen basis.

Ons neem ook aan Mini-netbal feesdae deel en dan word elke dogter die geleentheid gegun om 2 posisies te speel volgens die Mini-netbal reëls van Netbal Suid-Afrika (NSA). Aan die einde van die seisoen het sy dan op elke posisie gespeel en dus haar vaardighede maksimaal benut.

2. KLEREDRAG

Verwys na Klere Beleid soos deur die Beheerliggaam goedgekeur. 3. NUWE LEERLINGE TYDENS SEISOEN

Nuwe leerlinge word die geleentheid gegun om hul vaardighede te toon om sodoende die span te kan haal. Nuwe leerders is welkom om by die netbal aan te sluit, maar moet 70% van alle oefeninge bywoon om wedstrydgeleenthede te kry.

4. MERIETE TOEKENNING

Slegs dogters wat 90% van die oefeninge bygewoon het, sal ‘n deelnemer-sertifikaat en boompie ontvang, mits daar ‘n geldige verskoning by die afrigter ingedien is.


Verder sal daar ook ‘n trofee, in elke ouderdomsgroep uitgedeel word vir die speler wat die beste vordering getoon het gedurende die seisoen.


5. GEDRAG VAN OUERS TYDENS WEDSTRYDE

Daar word van ouers verwag om tydens oefeninge weg van die baan te sit – verkieslik op die paviljoen om te verseker dat die dogters sonder enige druk van die ouer kan oefen.

Tydens wedstryde mag ouers geen kommentaar lewer wat afbrekend is teenoor enige dogter, skeidsregter of afrigter nie.

Enige ouer wat hom/haar skuldig maak aan wangedrag sal gevra word om die skoolterrein te verlaat.


KRIEKETBELEID 1. KRITERIA VIR SPANKEUSES

Proewe vind eenmalig, voor die winter skoolvakansie, plaas.

Proewe moet die volgende aspekte dek: kolfwerk, boulwerk en veldwerk.

Elke speler word geëvalueer op 'n 10-punt skaal in elk van die bogenoemde aspekte.

Daar mag slegs 'n maksimum van 12 spelers vir elke span gekies word. Die 12de man by die B-spanne roteer elke week.

Alle spelers moet 'n gelyke kans kry om deel te kan neem aan proewe.

As 'n speler tydens die seisoen beseer word, mag hy deur 'n speler van die afrigter se keuse vervang word.

Geen ouers sal toegelaat word om in te meng by proewe nie.

‘n Speler mag nie vir die A- en B-span in een week speel nie, mits ‘n besering in die A- span, maar nie anders om nie.

2. OEFENTYE

Alle spanne oefen soos deur die krieketorganiseerder gereël. Elke krieketspan het sy eie net waarin hy kan oefen.

Elke afrigter is verantwoordelik vir sy kinders tot einde van die ooreengekome oefentyd, soos deur die krieketorganiseerder gereël. Geen afrigter mag vroeër ophou oefen nie, tensy vooraf gereël.

Oefentye word aan die begin van die seisoen deur die organiseerder bepaal.

3. KLEREDRAG

Wonnies “baggy” cap met wit Wonnies kriekethemp en wit Wonnies krieketbroek.

Geen swart tekkies nie. 4. DAG/AAND-REEKS

Spesiale aanddrag word vir die spelers, volgens die riglyne van die skool se Klerebeleid, gemaak.

Die 0/11- en 0/13-krieketspanne speel in die aandreeks.

Klere mag van jaar tot jaar, soos verlang, volgens Beleid verskil.

Daar mag van ‘n jonger speler gebruik gemaak word om Dag/Aand-liga te speel, indien die afrigter besluit dat die speler goed genoeg is.



Slegs spelers wat 90% van die oefeninge bygewoon het, sal ‘n deelnemer-sertifikaat en boompie ontvang, mits daar ‘n geldige verskoning by die afrigter ingedien is.



Verwys na Meriete Beleid soos goedgekeur deur die Beheerliggaam.


ATLETIEKBELEID Die verloop van 'n atletiekseisoen is soos volg:

Huissport

Vriendskaplike byeenkomste

Cluster byeenkoms

Distrik kampioenskappe

Provinsiale kampioenskappe

Suid-Afrikaanse kampioenskappe 1. HUISSPORT

Vier spanne ding teen mekaar mee om die wenspan te bepaal: 1. Fisante Geel 2. Kwartels Groen 3. Patryse Rooi 4. Tarentale Blou

2. VERDELING VAN LEERDERS

Verdeling van spanne geskied in numeriese volgorde: 1-4.

Die sportorganiseerder van die skool, neem 'n volledige stel klaslyste waarna hy/sy by graad 7-leerders begin om nommers 1 tot 4 toe te ken.

By herhaling van die stel nommers kry elke leerder 'n nommer in die skool.

Leerders behou hul span vir die tydperk in die skool.

Aan die begin van die nuwe atletiekseisoen, in Oktober en dan weer in Januarie, moet daar weer 'n opname gemaak word sodat die spangrootte van elke span bepaal kan word.

Nuwe leerders word dan geplaas volgens die getal rekords, sodat al vier die spanne min of meer dieselfde aantal leerders het.

Huissport vind aan die einde van die derde kwartaal plaas. Atlete neem reeds in hul "nuwe" ouderdomsgroepe van die volgende jaar deel.


3. DIE REËL IN ATLETIEK

In items, waar ouderdom ter sprake is, mag die atleet die hele jaar waarin hy 'n sekere ouderdom bereik, onder daardie ouderdom deelneem. Indien hy dus op 1 Januarie 2010, 10 word, neem hy daardie hele jaar as tienjarige deel. (Onthou net ons neem nou alreeds deel asof die kind 1 Januarie 2010, 11 word – dus gaan hierdie outjie nou as 11-jarige deelneem. In atletiek word na atlete verwys as:

7-jariges

8-jariges

9-jariges

10-jariges

11-jariges

12-jariges

13-jariges

4. ATLETE PER ITEM PER SPAN: HUISSPORT

Naellope 4 150m en 200m 2 Kort hekkies 2 150m, en 200m hekkies 2 Middelafstande Onbeperk Velditems 5

5. AFWESIGHEDE VAN LEERDERS

Afwesige leerders, met verskoning, word nie benadeel nie. Leerders moet die geleentheid gegun word om 'n kans te kry om wel uit te dun vir 'n moontlike plek in die Wonnie-Atletiekspan.

6. ATLETIEK-OEFENPROGRAM Die oefentye sal deur die atletiekorganiseerder bepaal word. Sessie 1 13:45 – 14:30 Sessie 2 14:30 – 15:15 Diskus en spiesgooi 15:15 – 16:00 7. BUITE-AFRIGTERS

Atlete, wat by buite-afrigters oefen, moet ‘n brief vanaf die afrigter inhandig met die afrigter se volle naam, wat as bewys dien dat die betrokke persoon as buite-afrigter verantwoordelik is. Geen atleet mag sonder verskoning oefeninge misloop nie. Die skoolafrigter moet ten alle tye, per brief, in kennis gestel word oor enige probleme rondom atlete.


8. KLEREDRAG

Verwys na die Klere Beleid soos deur die Beheerliggaam goedgekeur. 9. MERIETE TOEKENNINGS

Verwys na die Meriete Beleid soos deur die Beheerliggaam goedgekeur.

Daar sal ‘n junior (Victor- en Victrix- ludorum), sowel as ‘n senior (Victor- en Victrix- ludorum) na afloop van die huissport aangewys word, wat ook hierdie trofee op die meriete-aand sal ontvang.

Die kriteria is soos volg:

Kriteria Punt

Item deelgeneem 1 punt per item

Eerste plek behaal 10 punte per item

Tweede plek behaal 7 punte per item

Derde plek behaal 5 punte per item

Vierde plek behaal 3 punte per item

Vyfde plek behaal 1 punt per item

Rekord ewenaar/verbeter 10 punte per rekord

Die seun en dogter, in afsonderlik Junior- en Seniorafdeling, met die meeste

punte, sal die trofee ontvang. Indien twee atlete in ‘n afdeling gelyk is, sal na die atlete se meeste eerste, tweede plekke, ens. behaal, gekyk word.

10. KWALIFISERING VIR SPANNE

Atlete kan slegs kwalifiseer vir die Wonnies-Atletiekspan indien hulle aan die Huissport deelneem. Indien afwesig by die Huissport, moet leerders oefeninge bywoon om sodoende te kan uitdun, asook ‘n geldige verskoning by die afrigter inhandig. Om te kwalifiseer vir die Distriksbyeenkoms, moet leerders aan die Cluster-byeenkoms deelneem. Geen leerder wat nie-amptelik deelneem, mag kwalifiseer nie – slegs as hulle amptelik vir Laerskool Wonderboom deelneem.

Indien daar 2 of meer atlete gelyk eindig, voor die kies van die span wat aan

die Cluster-byeenkoms deelneem, word daar gekyk na die vorige byeenkoms se prestasies om te bepaal wie die beste gevaar het. Die atleet wat die beste poging aangewend het op grond van uitslae word gekies om deel te neem. Aantal oefeninge bygewoon is ook belangrik om die atleet se gesindheid ten opsigte van bywoning te bepaal.


GHOLFBELEID 1. KRITERIA VIR SPANKEUSES EN REЁLS

Gholf is ‘n geaffilieerde sportsoort by Laerskool Wonderboom.

Enige leerder wat by Laerskool Wonderboom ingeskryf het, mag deelneem – seun of dogter.

Daar is geen ouderdomme by gholf ter sprake nie.

Die skool affilieer die spelers – daar is ‘n bestaande liga waaraan skole deelneem.

Daar is ‘n gholf-organiseerder wat die gholf, in samewerking met die sportorganiseerder, organiseer.

Spelers word op amptelike voorgee's gekies vir die span. Spelers word dan in orde van die laagste na die hoogste voorgee geplaas. Spelers is egter verplig om aan die proewe, soos deur die skool gereël, deel te neem. Die organiseerder sal dan die spelers, nie noodwendig op die uitslae van die proewe plaas nie, maar ook in aggenome die voorgee’s.

Die gholf-organiseerder is in beheer van die identifisering van spelers sowel as spankeuses.

Daar word 4 spelers in ‘n span gekies van nommer 1 tot 4. Indien daar genoeg spelers is om ‘n B-span in te skryf, kan ons dit wel doen.

Daar word ‘n reserwe speler gekies. Die reserwe sal slegs speel indien daar ‘n speler weens siekte of enige mediese toestand of onvoorsiene omstandighede, nie kan speel nie.

Tydens die proewe mag GEEN ouer op die baan wees of saam met die spelers loop terwyl hulle speel nie. Dit is ‘n baie belangrike reël wat streng toegepas word.

Indien ‘n ouer wil saam loop, geld die reël van ‘n minimum van 20 meter vanaf die speler. GEEN raad mag gegee word of spelers help met enige aspek rondom gholf op die baan nie.

Tydens wedstryde mag GEEN ouer as joggie optree vir die spelers nie. Elke skool wat aan die liga deelneem, verskaf ‘n persoon (gholf-organiseerder) wat saam met die spelers beweeg of loop om toe te sien dat als volgens die reëls verloop. Elke vierbal bestaan uit 1 volwasse persoon wat saam hulle beweeg – dit is ook alle gholfbane se reël dat minderjariges deur ‘n volwasse persoon vergesel moet word, anders mag hulle nie speel nie.

2. OEFENTYE

Die spelers oefen op hul eie. Laerskool Wonderboom maak nie voorsiening vir oefentye vir gholf nie. Wedstryde vind op Maandae, gewoonlik by Akasia Gholfbaan of waar die liga bepaal dit moet gespeel word, plaas. Spelers maak van eie vervoer gebruik om by die baan te kom en te speel.


LANDLOOPBELEID 1. KRITERIA VIR SPANKEUSES

Enige leerling van Laerskool Wonderboom mag aan landloop deelneem. Almal wat wil, mag aan die ligas deelneem. Die enigste vereiste is dat atlete oefeninge moet bywoon.

2. OEFENTYE

Maandae, Dinsdae, Woensdae en Donderdae. Tye soos deur landloop-organiseerder bepaal.

3. KLEREDRAG

Verwys na Klere Beleid soos deur die Beheerliggaam goedgekeur. 4. LIGAS

Die kies van die Gauteng-Noordspanne berus by die keurders.

5. AFSLUITINGSFUNKSIE

Elke atleet wat aan ten minste twee ligas deelgeneem het, ontvang ‘n deelnemersertifikaat.

6. KLUB LANDLOOP Val nou saam met skole landloop.


SWEMBELEID 1. MISSIE

Om alle leerders van Laerskool Wonderboom in swem as komplekse sportsoort, met verskillende dissiplines en deelname-omgewings (25m vs 50m) te erken, ontwikkel en ondersteun deur ‘n wetenskaplik erkende evaluerings-meganisme.

2. DOELWITTE

Geleentheid tot deelname.

Massa deelname.

Kweek ‘n liefde vir swem.

Kweek sportmangees.

Om alle deelnemers in swem, in alle fassette van die sport, te erken.

Om swem as uitnemende sport te bevorder. 3. ITEMLYS

Uitdunne Interhuis Uitnodigings- gala

Vriendskaplik

O/6 – O/10 25 meter

O/7 – O/8 25 meter

O/7 – O/11 25 meter

O/7 – O/8 Geen item

O/11 – O/14 25 meter

O/9 – O/14: 50 meter

O/12 – O/14 50 meter

O/9 – O/14 50 meter

4. LIGAS

Swem kry voorkeur bo ander sportsoorte tydens die ligas. Die liga bestaan uit ‘n amptelike skoleliga in Pretoria wat bestaan uit ‘n A-, B-, C- en D-liga. Deelname hieraan geskied op grond van prestasies by die Interhuisswemgala, vriendskaplike gala’s, nuwe gala en die tydtoetse in September. Die beste moontlike span sal gekies word, wat die skool en nie noodwendig die individu bevoordeel. Deelname geskied slegs vanaf O/9, daarom sal die beste swemmers per ouderdomsgroep vir die span gekies word, selfs al val daardie swemmer in die ouderdomsgroep O/7 of O/8.

5. VRIENDSKAPLIKE GALA’S Vriendskaplike gala’s word deur die organiseerder in samewerking met die sportkoördineerder gereël. Die datums word op die jaar- en kwartaalprogram aangedui, maar kan ter enige tyd verander word. Swemmers sal per brief, nuusbrief of op ‘Communicator’ hiervan in kennis gestel word.


6. INTERHUISUITDUNGALA

Daar word jaarliks, in Januarie, ‘n Interhuisuitdungala aangebied. Die voorlopige swemspan word na aanleiding van uitslae tydens hierdie gala saamgestel. Enige leerder van Laerskool Wonderboom, wat ‘n 25 meter swembad kan deurswem, mag aan die gala deelneem. Die O/6 leerders van die skool word ook uitgenooi om aan hierdie gala deel te neem en kan in die swemspan opgeneem word mits hy/sy ‘n beter tyd as ‘n O/7 swemmer swem.

7. INTERHUIS Die Interhuisgala word in September aangebied en sal in die plek van die jaarlikse tydtoetse wees. Die doel van dié Interhuisgala sal wees om die reeds bepaalde swemspan se swemmers te toets om die bes moontlike span vir die liga’s te gebruik en ook om die A- en B-spanne te bepaal. Die tydtoetse is verpligtend vir alle swemmers wat in die span is. Leerders wat weens siekte of besering nie aan die uitdunne in Januarie kon deelneem nie, mag dan die voorlopige span kom daag om ‘n kans te staan om in die finale span opgeneem te word. Leerders wat nie in Januarie, tydens die Interhuisswemgala gekwalifiseer het vir die swemspan nie, kry ook met die interhuisgala die geleentheid om te daag vir ‘n plek in die span. Geen swemmer wat nie aan die uitdunne of Interhuisgala deelgeneem het nie, sal in die swemspan opgeneem word nie. Die volgende trofee word op hierdie dag oorhandig:

Junior Victrix Ludorum: O/6 tot O/10

Junior Victor Ludorum: O/6 tot O/10

Senior Victrix Ludorum: O/11 tot O/14

Senior Victor Ludorum: O/11 tot O/14 Kriteria wat in aanmerking geneem word vir die trofee: ‘n Swemmer moet aan ten minste 2 items deelneem. ‘n Swemmer met die meeste individuele punte op die dag, wen die trofee. Puntetotale word soos volg bereken:

Nuwe rekord: 7 punte

1ste plek: 4 punte

2de plek 3 punte

3de plek 2 punte

4de plek 1 punt


Aangesien O/7 en O/8 nie amptelik aan Vlinderslag deelneem nie, sal ‘n beste seun- en dogter-swemmer in dié twee ouderdomsgroepe aangewys word. Hierdie twee ouderdomsgroepe is egter welkom om aan die individuele Wisselslag en Vlinderslag deel te neem om in aanmerking te kom vir bogenoemde trofee.

8. AFRIGTING

Erkenning aan die einde van die jaar sal slegs gegee word aan swemmers wat 90% van oefeninge bygewoon het. Alle swemmers het die geleentheid om by klubs in te skakel vir professionele afrigting. Hulle sal in geen mate gepenaliseer word nie, tensy klub-afrigters die organiseerder laat weet dat ‘n swemmer nooit kom oefen nie. Swemmers wat dit egter nie finansieel kan bekostig nie, of om enige ander rede, kan inskakel by die skool se afrigtingspan, waar ‘n minimale fooi gevra word om aan die munisipale swembad, as huur vir die swembad, te betaal. Kostes sal voor elke seisoen aan swemmers deurgegee word. Geen swemmer wat hierdie fooi nie kan bekostig nie, sal benadeel word nie. Daar moet net vooraf met die organiseerder reëlings getref word.

9. SWEMSEISOEN Die amptelike swemseisoen vir Afrikaanse Laerskole strek vanaf die 3de tot die 4de kwartaal.

10. ORGANISEERDER Die Organiseerder tree op as skakel tussen die klubs en die skool. Die organiseerder moet op hoogte bly van al die verwikkelinge op plaaslike- en provinsiale vlak. Die organiseerder reël die Interhuisgala.

11. DOKUMENTASIE Dit is die organiseerder se verantwoordelikheid om ‘n lêer saam te stel met al die nodige dokumentasie.

12. BEFONDSING

Die organiseerder in samewerking met die sportkoördineerder stel jaarliks ‘n begroting op vir die volgende jaar. Slegs dit waarvoor begroot is, mag aangekoop word. Borge kan ingesamel word vir addisionele behoeftes.


13. SWEMDRAG Elke swemmer dra ‘n blou Wonnie-kostuum met die logo “Wonnies” daarop gedruk. Swemmers mag ook ‘n swart/blou ski-pant (seuns) of ‘n swart/blou “racer” (dogters) dra. ‘n Koningsblou swempet met “Wonnies” vergesel die swemklere en moet gedra word as ‘n swemmer in die water is. Die Wonnie PT-hemp word bo-oor die kostuum gedra, saam met ‘n swart oefenbroekie. Wonnie handdoeke is ook beskikbaar om te koop.


HOKKIEBELEID 1. KRITERIA VIR SPANKEUSES

O/8, 0/10, O/12 en 1ste span spelers kry geleentheid om te speel. Proewe word gehou vir die 1ste span – 14 spelers. Indien daar genoeg spelers is, kan ons ‘n 2de span inskryf. Alternatief – O/13 rondomtaliespan.

Eerste span:

Fiksheid

Vaardighede Stop en slaan Dribbel 3 wyses Dribbel en uitgee

In spel

Persoonlikheid 2. OEFENTYE Dinsdae en Donderdae, soos deur die hokkie-organiseerdeer gereël. 3. WEDSTRYDE Mini Hokkie: Rondomtalies op Saterdae Ligaspanne: Wedstryde op Vrydae en Saterdae 4. KLERE

Verwys na Klere Beleid soos deur die Beheerliggaam goedgekeur.



Daar sal ook by hierdie geleentheid, op grond van prestasie gedurende die seisoen, die beste span van die jaar aangewys word. Indien twee spanne gelyk is, sal die oorleg van die organiseerder tel. Hierdie span ontvang elk ‘n klein trofee (na gelang van die organiseerder – daar word inaggeneem dat spanne nie in dieselfde liga deelneem nie)



KRITERIA VIR TROFEE: BESTE HOKKIE DOELWAGTER Om te kwalifiseer moet die hokkiespeler aan die volgende vereistes voldoen:

Gereelde bywoning van oefeninge

Deurlopende deelname aan skool se hokkie-aktiwiteite

Neem deel aan beide kwartaal 2 en kwartaal 3 se liga

Speel in hokkieliga waaraan skool deelneem

Toegeken aan senior speler uit graad 6 of 7

Doelwagter wat die hoogste prestasie behaal, wat aan die voorafgaande kriteria voldoen het tydens die hokkieseisoen, ontvang die trofee soos deelname aan streek/provinsiaal/nasionaal

Indien daar meer as een kandidaat is, word trofee toegeken aan kandidaat wat die beste presteer het

Indien twee kandidate steeds gelyk is, sal die toekenning aan die Graad 7 speler gaan.


TENNISBELEID 1. KRITERIA VIR SPANKEUSES

Spanne word, deur die speel van proewe, gekies.

Daar is vier dogters en vier seuns in die tennisspan.

Reserwes word gekies om te help met die spelers wat siek word.

Wanneer spelers beseer/siek was tydens die uitspeel van wedstryde, moet hulle ‘n billike kans gegee word om in die span te kom, deur uit te speel vir ‘n plek in die span.

Uitdaging in die span kan slegs, voor die liga, in die tydgleuf soos deur die organiseerder bepaal, geskied.

Spelers speel in hulle korrekte ouderdomsgroepe.

2. AFRIGTERS

Hul hanteer die spelers volgens reëls.

Kombinasies is ‘n belangrike aspek van dubbels.

Goeie gedrag op die baan is ‘n vereiste en moet aangespreek word as spelers dié reël oortree.

Daar moet gelet word op die korrekte drag van die tennisspelers. 3. TENNISLIGAS

Die hoeveelheid spanne word gekies, soos wat daar spelers is. Daar word dan vir elke span ‘n bestuurder aangewys.

Vervoer van spanne word binne die span gereël 4. TENNISDRAG

Verwys na Klere Beleid soos deur die Beheerliggaam goedgekeur.

5. NOORD-GAUTENG KAMPIOENSKAPPE

Die nommer 1 en 2, meisies en seuns, kwalifiseer om hier te speel en die skool te verteenwoordig.

Die afdelings is: Enkelspel, dubbels en gemengde dubbels. 6. MERIETE TOEKENNINGS

Tennisseun of –dogter van die jaar: Enkelspeltellings van kwartaal 1 en 3 se liga word in ag geneem.



Daar sal ook by hierdie geleentheid, op grond van prestasie gedurende die seisoen, die beste span van die jaar aangewys word. Indien twee spanne gelyk is, sal die oorleg van die organiseerder tel. Hierdie span ontvang elk ‘n klein trofee (na gelang van die organiseerder – daar word inaggeneem dat spanne nie in dieselfde liga deelneem nie)


Verwys na Meriete Beleid soos deur die Beheerliggaam goedgekeur

7. TENNISAPPARAAT

Tennisballe moet baie goed gekontroleer word.

Tennissakke, balle en ander apparaat moet aan die einde van die seisoen terugbesorg word. (Teken lys van ontvangs by Tennisorganiseerder).

Die bane wat gebruik word, se oppervlakte moet baie goed opgepas word en getrou gesluit word.

Na die tennisseisoen word alle apparaat in die tennisvoorraadkamer toegesluit.


RUGBY BELEID Rugby is ‘n geaffilieerde sportsoort waaronder die skool deelneem in die A-liga en betaal affiliasiegelde by die Blou Bulle Laerskole Rugbyunie (B.B.L.V). Die reëls en regulasies word vervat in die Blou Bulle Reëlboek vir Laerskole wat deur die skool gehandhaaf en nagekom moet word. Alle ouers, spelers en afrigters is onderhewig aan die reëls soos in Blouboekie vir rugby. Enige leerder van Laerskool Wonderboom mag, in sy ouderdomsgroep, aan die spel deelneem. 1. KRITERIA VIR SPANKEUSES

Daar word proewe gehou waar die afrigter en keurders (onderwysers van Laerskool Wonderboom) spelers identifiseer volgens vooropgestelde kriteria vir elke speler.

Die afrigter het die finale besluit by die keuse van spelers en spanne.

Alle spelers moet aan die proewe deelneem.

Indien ‘n speler nie die proewe kan bywoon nie, moet ‘n mediese sertifikaat by die afrigter ingehandig word en daar sal ‘n geleentheid vir daardie speler geskep word om as proewe te dien tydens oefeninge in die laagste span en sodoende homself opspeel.

Indien ‘n speler glad nie opdaag vir proewe nie, mag hy die geleentheid kry om by die laagste span in sy ouderdom te begin oefen totdat daar vir hom die kans gegee word om te speel, indien hy beter is as die spelers wat reeds gekies is.

Die afrigter het te alle tye die finale besluit. 2. PROSEDURES BY PROEWE

Enige leerder van Laerskool Wonderboom kan aan die proewe deelneem.

Die spelers word volgens kriteria gekies in verskillende posisies – sien kriteria vir spelers aangeheg.

Hierdie kriteria is ook in die Blouboek vir Laerskole rugbyreëls vervat.

Spelers word ‘n punt uit 10 toegeken en daarvolgens word die beste spelers in hul verskillende posisies gekies.

Keurders bestaan uit die afrigters (personeel van Laerskool Wonderboom) en buite afrigters wat by die spanne help.

Geen ouer mag as keurder optree nie.

Na afloop van die proewe word spanne gefinaliseer en spelers word gekies op grond van kriteria en die afrigter besluit wie die beste spelers is. Die finale besluit lê by die afrigter.

Buite afrigters teken ‘n kontrak met die skool om hulle te vrywaar van enige beserings deur spelers.


Buite afrigters mag wel besluite neem waar hul as hoof-afrigter van ‘n span aangestel word, andersins is die afrigter verantwoordelik vir die span in alle opsigte.

3. AFRIGTERS

Alle afrigters van Laerskool Wonderboom word geaffilieer en geregistreer by die Blou Bulle Laerskole Vereniging (B.B.L.V).

Afrigters moet elke jaar die Algemene Reëlbespreking van die Unie bywoon om sodoende op hoogte te bly van nuwe verwikkelinge, ens.

Afrigters word ook, waar nodig, gestuur vir opleidingskursusse.

Afrigters skryf jaarliks die skeidsregterseksamen.

Skeidsregters word volgens hul eksamenuitslae gekeur.

Afrigters moet ten minstens oor vlak 1 beskik.

Afrigters is verplig om die Boksmart-kursus te voltooi.

Tydens oefensessies:

Bespreek, kritiseer vorige wedstryd.

Bespreek teenstanders.

Kies die span.

Finale ondervraging en bespreking van spelpatroon en -plan. Voor aanvang van wedstryd:

Let op na weerstoestande.

Gaan die veld na.

Doen opwarming en afkoel.

Lig reserwes in omtrent hul rolle.

Finale bespreking van taktiek.

Wees te alle tye positief.

Herbevestig spelplan. Na wedstryd:

Lig span kortliks in oor hul vertoning.

Gaan span na vir beserings.

Bedank skeidsregter.

Bedank spelers.

Spansang.

Is verantwoordelik vir die uithaal en bêre van toerusting tydens oefeninge.

Ry saam met die bus en die span skool toe en terug vir wegwedstryde.


4. OEFENTYE

Maandag, Dinsdag en Donderdag met tye en velde soos deur die rugby-organiseerder bepaal. O/9 A en B O/10 A en B O/11A en B 1ste span 2de span 3de span Geen ouer mag tydens oefeninge op die veld by die span wees nie, sodat die spelers kan fokus en hard oefen sonder druk van die ouers af. Slegs die afrigters en hulp-afrigters, soos verlang deur die hoof-afrigters, mag op die velde wees.

Indien ‘n speler nie kan oefen nie, moet hy die afrigter voor die tyd in kennis

stel sodat die afrigter te alle tye bewus is van die spelers se doen en late.

Indien ‘n speler beseer/siek is en nie ‘n wedstryd kan speel nie, word die reserwe in sy plek gekies.

Wanneer die beseerde speler weer fiks is vir wedstryde, mag hy kom oefen.

Indien ‘n speler langer as 1 week beseer/siek is, moet hy in die span onder sy oorspronklike span begin oefen, met ander woorde ‘n span laer. Hy kan homself dan weer bewys en sodoende sy plek oopspeel.

5. KLEREDRAG

Verwys na Klere Beleid soos goedgekeur deur die Beheerliggaam. 6. TOEKENNINGS AAN DIE EINDE VAN DIE SEISOEN


Daar sal ook by hierdie geleentheid, op grond van prestasie gedurende die seisoen, die beste span van die jaar aangewys word. Indien twee spanne gelyk is, sal die oorleg van die organiseerder tel. Hierdie span ontvang elk ‘n klein trofee (na gelang van die organiseerder – daar word inaggeneem dat spanne nie in dieselfde liga deelneem nie).

Verder sal daar ook ‘n trofee, in elke ouderdomsgroep uitgedeel word vir die speler wat die beste vordering getoon het gedurende die seisoen


7. GEDRAG VAN OUERS Blou-boekie reëls is geldig tydens alle wedstryde van Laerskool Wonderboom en word streng toegepas om te sorg dat die spel bevorder word en spelers, afrigters en skeidsregters hul beste kan gee. Enige persoon wat hom/haar skuldig maak aan wangedrag of teenstrydig is met die Blou Bulle reëlboek sal, volgens die reëls en regulasie mee gehandel word en die nodige stappe sal volg.


AANHANGSEL A BELEID OOR SEKONDÊRE SPORTSOORTE DOEL Die doel met die insluiting van sekondêre sportsoorte in die Sportbeleid van Laerskool Wonderboom is om die proses, soos deur sommige beheerrade vereis, van affiliasie te vergemaklik. Dit word soms van ‘n sportsoort verwag om in ‘n skoleliga onder ‘n spesifieke skool se naam in te skryf. Laerskool Wonderboom sal, met die goedkeuring van die beheerliggaam, sulke sportsoorte tegemoet kom om hulle onder Laerskool Wonderboom se naam te laat deelneem. Sekondêre sportsoorte word deur die bestuur of afrigter van elke sportsoort self geadministreer. Daar sal geen onderwyser/es bewillig word vir koördinering en/of administrasie van ‘n sekondêre sport nie. Sekondêre sportsoorte sal jaarliks, aan die begin van die jaar, deur die beheerliggaam oorweeg word om te bepaal of hierdie sportsoort wel nog as sekondêre sportsoort van Laerskool Wonderboom kan funksioneer. Die volgende sportsoorte funksioneer tans as sekondêre sportsoorte van Laerskool Wonderboom:

Ruiterkuns

Jukskei

Uiteensetting van vereistes:

Deelname moet in Laerskool Wonderboom drag geskied.

Meriete sal buite skoolverband toegeken word.

Geen administrasie sal deur die skool gedoen word nie.

Uitslae en/of nuus mag in die skool se nuusbrief geplaas word. Die berig moet

die skool die betrokke Dinsdag, elektronies bereik.


AANHANGSEL B BELEID OOR INLIGTINGSESSIES IN SPANSPORTSOORTE ( 2016)


Aanvaarding en goedgekeuring deur die Beheerliggaam. GETEKEN TE _________________ OP HIERDIE _______ DAG VAN _________________ 20_____ _____________________________ _____________________________ MNR. P.N. WESSELS MEV. L.M. KRUGER VOORSITTER: BEHEERLIGGAAM SKOOLHOOF

policy of queenstown girls’ high school regarding … · inventarisse van sporttoerusting word...

Documents