1

Nos futuro berdaderoTa ku energia duradero

EnergiaDuradero

2

KolofonPubliká pa Gobièrnu di Kòrsou en kooperashon ku Bureau Telecommunicatie Post & Utiliteiten

Fort Amsterdam

Emmastad

Kòrsou

Teksto: Practical Business Solutions B.V.

Kreashon i diseño: Hagen Design & Strategy

Imprenta: Tramm Imaging

E buki di informashon aki ta parti di e seri tokante Uso di Koriente na Kòrsou:1. Maneho di Koriente

2. Sparmentu di Koriente

3. Energia Duradero

3

ContentsIntrodukshon 5E Maneho di Energia Duradero nobo 6 Metanan di maneho 6 Puntonan di salida di maneho 6 Regulashon di maneho 7 E maneho di konekshon 7

Kondishonnan di konekshon 7 Desaroyo di prosedura di petishon 8 Kompra i instalashon (dor di esun ku ta hasi e petishon i e

instaladó sertifiká i registrá).8

Sertifikashon 9 Símbolo i “Kenmerk”-nan 10 Stándartnan pa pènelnan di solo 11 Stándartnan pa mulina di bientu chikí 12 Pèrmit di konstrukshon i opstákulo 13 Komprobante di “keuring” di DOW di konekshon di kas 13 “Keuring” i kontrato di konekshon òf konekshon riba ret (dor

di Aqualectra) 15

Métodonan pa generá koriente 17 Generá koriente pa metanan no komersial (te ku 110kVA) 17 Eksigensianan adishonal pa generá koriente ku metanan pa hasi

negoshi (mas grandi ku (100kVA)18

Ehèmpel di kalkulashon pa generamentu di koriente 19

Kompra i suministro bèk dependiente di produkshon i nesesidat

20

Konsumo nèto, produkshon nèto i sistema di saldo 21 Preskripshonnan di tarifa 22 Límitenan pa kapasidat di produkshon 22 Ehèmpel di kalkulashon pa personanan partikular –

2 kW pènelnan di solo24

Rekenvoorbeeld bedrijf – 20 kW zonnepanelen 24 Meternan pa midi saldo i pa deskontá 25 Reglanan relashoná ku meternan pa “saldering” i deskontamentu 25

Pa mas informashon 27

4

5

IntrodukshonRiba 16 di novèmber 2011 Konseho di Ministernan a stipulá e “Nota di Maneho Suministro di Koriente Duradero riba Eskala Chikí Kòrsou”. Den e nota di maneho aki a inkorporá e maneho di konekshon pa generamentu di koriente ku no ta pa fin di hasi negoshi, òf mihó bisá produkshon riba eskala chikí di koriente duradero den kasnan famia i usuarionan komersial. Tur e kondishonnan i preskripshonnan ku ta kai bou di e generamentu ku no ta pa fin di hasi negoshi ta inkluí den e nota di maneho.

A elaborá mas aleu e “Nota di maneho provishon di Koriente Duradero riba Eskala Chikí” den e “Indikashon di tarifa pa provishon di Koriente Duradero riba Eskala Chikí”. Den esaki tin pará e preskripshonnan pa determinashon di e tarifanan di suministro bèk na momentu ku konektá e instalashonnan pa generamentu di koriente duradero ku no ta pa fin di hasi negoshi riba e ret di transporte i distribushon na Kòrsou.

E buki di informashon “Energia Duradero, number 3 for di e serie tokante Uso di Koriente na Kòrsou ta elaborá riba e maneho relashoná ku e generamentu i suministro bèk di koriente riba e ret di Aqualectra pa tantu personanan partikular i empresanan chikí komo empresanan mediano. Esaki ta enserá entre otro: e desaroyo di e prosedura di petishon, e kondishonnan pa konektá, e tarifanan di suministro bèk i e stándartnan pa pènelnan di solo i turbinanan di bientu chikí.

Tantu e “Nota di maneho provishon di Koriente Duradero riba Eskala Chikí” integral komo e “Indikashon di tarifa pa provishon di Koriente Duradero riba Eskala Chikí” ta disponibel pa públiko den forma digital i por baha esaki for di riba e wèpsait www.energiakonsiente.com.

Regering van CuraçaoJanuari 2012

6

E Maneho di Energia Duradero noboA stipulá e “Nota di maneho provishon di Koriente Duradero riba Eskala Chikí” riba 16 di novèmber 2011. A stipulá e tarifanan pa suministro bèk dia 23 di novèmber 2011. Den e Nota di Maneho tin e kondishonnan i preskripshonnan pa produkshon di koriente riba eskala chikí dor di kasnan di famia i usuarionan komersial. E Nota di Maneho ta un elaborashon mas aleu di e “Nota di Maneho Provishon di Koriente Kòrsou 2011-2015” ku Konseho di Minister a fiha dia 16 di febrüari 2011. Den e Nota di Maneho aki a deskribí e vishon i e intenshon di maneho di gobièrnu riba tereno di provishon di koriente. E maneho di koriente di e gobièrnu ta entre otro enfoká riba stimulá generamentu i uso di energia duradero a base di fuentenan limpi di kua e pais mes ta disponé, manera solo i bientu Esaki ta konta en partikular pa:

“Institutonan ku ta generá un kantidat mínimo di koriente duradero pa uso propio òf pa uso di un grupo limitá di personanan (hurídiko), kaminda e pipanan usá ta instalá riba terenonan privá.”

Ku esaki na bista a formulá i/òf ehekutá entre otro metanan di maneho, puntonan di salida di maneho i regulashon di maneho. Asina tin tambe un maneho di konekshon ku e kondishonnan di konekshon korespondiente.

Metanan di maneho E meta di e maneho di energia duradero nobo ta pa stimulá mas posibel e generamentu di energia limpi òf duradero. Den e maneho nobo formulá pa e motibu ei tambe metanan di maneho pa stimulá produkshon duradero riba eskala chikí di koriente. Asina ta e intenshon pa por spar riba importashon riba kombustibel fòsil i riba gastunan di koriente pa e usuario final (metanan ekonómiko). Mas aleu a pone komo meta pa minimalisá e emishon di CO

2.

Puntonan di salida di manehoDen e maneho di energia duradero nobo a formulá tambe puntonan di salida di maneho. Asina ta hasi mas uso di energia for di solo i energia for di bientu pa generá energia duradero (koriente). E produkshon ta primariamente pa uso propio, pero por ekstendé su mes te ku un grupo limitá di persona. A stipulá límitenan pa e produkshon riba eskala chikí pa energia duradero. Pa personanan partikular esaki ta nifiká un kapasidat máksimo montá di 10 kiloWatt (kW); pa empresanan esaki ta 1 MegaWatt (MW). Pa un produkshon mas grandi ku e límitenan menshoná akiriba (pues mas ku 1 MW) ta eksistí obligashon pa ta den posishon di un konseshon, loke ta enserá ku e produktor mester disponé di un konseshon i e mester kumpli ku eksigensianan i kondishonnan mará na esaki.

7

Regulashon di manehoPa fasilitá e generamentu i uso di koriente duradero tabata nesesario pa regulá dos asuntu, esta: 1. Produkshon riba eskala chikí di koriente duradero: pa asina produsí un

parti mas grandi di e total di provishon di energia a base di fuentenan di energia limpi.

2. Konekshon di instalashonnan pa e produkshon duradero di koriente riba eskala chikí riba e ret públiko di koriente: prinsipalmente pa asina evitá kresementu for di kòntròl i aplikashonnan ku no ta sigur.

E maneho di konekshonHet netwerkbedrijf Aqualectra (die de exclusieve concessiehouder voor elektriciteitsdistributie is) heeft nu de verplichting om iedere inrichting voor kleinschalige duurzame opwekking van elektriciteit voor eigen gebruik of een beperkte kring van (rechts)personen aan te sluiten op haar transport- en distributienetwerk. Om hiervoor in aanmerking te komen zal de inrichting wel aan de aansluitvoorwaarden en overige technische voorschriften moeten voldoen. Deze aansluiting brengt de mogelijkheid van teruglevering met zich mee.

Kondishonnan di konekshonKomo regla básiko pa e maneho di konekshon ku ta bálido pa institutonan sin un konseshon pa produkshon di koriente duradero ta konta ku nan por bini na remarke pa un konekshon riba e ret di transporte i distribushon di Aqualectra, den kaso ku e esun ku ta hasi e petishon ta kumpli ku eksigensianan stipulá.

Na promé lugá esun ku ta hasi e petishon mester ta den poseshon di un Deklarashon di No Opheshon (Verklaring van Geen Bezwaar-VvGB) di Bureau Telecommunicatie en Post (e supervisor di e sektor di koriente). Tambe esun ku ta hasi petishon mester kumpli ku e kondishonnan di konekshon i e sobra preskripshonnan di Aqualectra, ku ta aprobá pa e Minister enkargá ku asuntunan di energia.

8

Desaroyo di prosedura di petishonPa resumí na momentu di entrega di un petishon e instituto en kuestion ta pasa dor di e siguiente stapnan, den kua esaki ta bai tin di haber ku algun instansia, ku ta:

Kompra i instalashon: • Esun ku ta hasi petishon i un instaladó sertifiká i registrá

Pèrmit pa konstrukshon i estorbo i Pèrmit di Medioambiente: • DROV i Servisio di medio ambiente (Milieudienst)

Komprobante di ‘keuring’ pa konekshon di kas: • DOW

Deklarashon di No Opheshon (Verklaring van Geen Bezwaar – VvGB): • BT&P

‘Keuring’ i kontrato di Konekshon òf Konekshon riba ret: • Aqualectra

Den kasonan kaminda ta eksihí e Pèrmit di konstrukshon i estorbo, esun ku ta hasi e petishon pa esaki mester disponé di esaki promé ku hasi e instalashonnan. Awor ta sigui splikashon mas aleu di e pasonan den e proseso.

Kompra i instalashon (dor di esun ku ta hasi e petishon i e instaladó sertifiká i registrá).

E responsabilidat pa skohe pa un sistema en partikular pa generamentu di e energia duradero i instalashon di e esaki dor di un persona sertifiká, pa asina sòru ku e sistema ta funshoná optimal, ta sintá serka esun ku ta hasi e petishon. Den e kaso aki esun ku ta hasi petishon i e sistema mester kumpli ku e eksigensianan i e stándartnan stipulá den e “Nota di Maneho Provishon di Koriente Duradero Riba Eskala Chikí”.

Teniendo kuenta ku instalamentu di un instalashon pa generá koriente ta trabou speshalisá, ta speshalistanan ku ta disponé di sufisiente konosementu i eksperensia pa instalá e tipo di instalashonnan aki di forma korekto i sigur, mester hasi e trabou. Ademas e persona aki mester ta bon konosí ku e eksigensia i stándartnan ariba menshoná.

9

Konsiderando esaki e instaladó mester ta sertifiká riba un base personal. Na momentu ku un instaladó por mustra ku e ta kumpli ku e eksigensianan di sertifikashon stipulá, e por hasi un petishon na BT&P pa inkorpor’é den e registro di BT&P. Di e forma aki e instaladó ta haña rekonosementu di su sertifikashon. Den e registro aki tin nòmbernan i datonan di instansianan di sertifikashon independiente.

Despues di finalisá e instalashon di e sistema di generamentu di koriente, esun ku a hasi e petishon ta risibí un prueba ku un instaladó sertifiká i registrá a hasi e instalashon. Den kaso ku un usuario partikular òf un usuario komersial di koriente ke konektá e ariba menshoná aki riba e ret públiko di transporte i distribushon di Aqualectra, ku e meta pa suministrá bèk koriente duradero, esun ku a hasi e petishon mester kumpli ku algun kategoria di eksigensianan di seguridat i kalidat.

Eksigensianan pa instalashonnanTur instalashonnan mester kumpli ku e preskripshonnan tékniko relashoná ku e tipo di teknologia (manera solo òf bientu) ku ta usá pa generamentu di energia duradero. Ta stipulá e preskripshonnan aki pa garantisá ku e kalidat básiko di e instalashon pa generá koriente ta den liña ku e stándartnan internashonal riba e tereno.

Eksigensianan pa instalashonnan ku ta suministrá bèk tambeInstalashonnan pa kua tin e intenshon di suministrá bèk riba e ret di Aqualectra, mester kumpli ku eksigensianan di seguridat i kalidat relashoná ku konekshon di e instalashonnan di generamentu riba e ret di transporte i distribushon. Esaki pa evitá ku e instalashonnan ta di kalidat inferior i asina por bai forma un peliger pa e seguridat di e ret públiko.

SertifikashonRiba tereno internashonal tin diferensianan den aplikashon di e stándartnan pa sistemanan di produkshon di energia duradero. Asina por ripará ku tin diferensianan (chikí) entre esun di Oropa i Merka (chek NL versie). Na Oropa ta eksistí e “keurmerk CE”i na Merka tin esun di un asina yamá Nationally Recognized Testing Laboratory (NRTL) laboratorio di tèst.

Teniendo kuenta ku no ta eksistí un stándart ku ta akapará tur aspekto di kalidat i tur aspekto di seguridat, fabrikadónan di sistemanan di produkshon duradero ta obligá pa laga ehekutá mas programa di sertifikashon pa vários stándartnan eksistente. Pa esaki ta enbolbí instansianan di sertifikashon independiente. Na e momentu aki ta eksistí un kantidat di instansianan di sertifikashon ku ta akreditá pa kùr riba tur e stándartnan

10

anteriormente menshoná i pa duna e “keurmerk” korespondiente. Algun ehèmpel di e instansianan aki ta:

TÜV Rheinland Photovoltaic Testing Laboratory LLC Underwriters Laboratories Inc. (UL) CSA international (CSA)

Den kaso ku un persona partikular òf un empresa kumpra òf laga instalá pènelnan di solo, e bendedó mester mustra na esaki ku e pènelnan di solo ta bini di un fabrikadó ku ta sertifiká pa un instansia akreditá relashoná ku e stándartnan ya menshoná. Esaki mester ta rekonosibel semper na e marka riba e pènelnan mes. Esaki por ta den forma di un símbolo òf “kenmerk”, esta:

un símbolo di e stándartnan en kuestion un “kenmerk”europeo un “kenmerk” di un instansia di sertifikashon manera UL, TÜV òf CSA

Símbolo i “Kenmerk”-nan

Stándartnan IEC

“Keurmerk” europeo

Instansianan di sertifikashon(no ta solamente esakinan)

11

Stándartnan pa pènelnan di soloPa e kalidat di e pènelnan di solo no ta eksistí un stándart internashonal ku ta akapará tur kos. E stándartnan nesesario entre tantu a drenta na vigor den un kantidat di organisashon di standardisashon renombrá. E International Electrotechnical Commission (IEC) ta aki esun di mas importante den e organisashonnan aki. Banda di esei e Laboratorionan di “Underwriters”Merikano komo organisashon di sertifikashon independiente a sòru pa seguridat di produkto tambe pa e asina yamá stándartnan “de fakto”.

Relashoná ku stándartnan relevante (manera menshoná den e buki di informashon aki i den e maneho di energia duradero nobo) ta apliká e siguiente stándartnan básiko pa seguridat i kalidat di e pènelnan di solo:

IEC 61215 Modulonan fotovoltaíko di liña di kristal silicium pa aplikashon “aards” – klasifikashon di

diseño i aprobashon di tipo: e stándart ta enserá solamente modulonan di “zon-pv” konvenshonal. E tèstnan ta enserá e kalifikashon di e diseño, prestashon, durabilidat, seguridat i kon robusto e ta.

IEC 61646 Modulonan fotovoltaíko di kapa fini pa aplikashon “aards” - klasifikashon di diseño i

aprobashon di tipo: e stándart aki ta enserá solamente modulonan di kapa fini PV. E tèstnan ta enserá kalifikashon di e diseño, prestashon, durabilidat, seguridat i robustosidat.

IEC 62108 Modulonan di konsentradó fotovoltaíko (CPV) i kompilashonnan: e stándart aki ta enserá

solamente i únikamente modulonan di konsentradó PV. E tèstnan ta enserá diseño di kualifikashon i aprobashon di tipo.

IEC 61730 Kualifikashon di seguridat di modulonan fotovoltaíko

UL 1703 Modulonan i pènelnan fotovoltaíko “Flat-Plat”: e stándart aki ta enserá prinsipalmente e

eksigensianan di seguridat di pènelnan di solo pero tambe pa un parti eksigensianan di prestashon i tèstnan na kua e pènelnan di solo mester kumpli. E stándart tin poko similaridat ku e IEC 61730 i ainda mester harmonis’é ku esaki.

12

IEC 60364 Medidanan di protekshon – protekshon kontra “overstroom”

IEC 61701 Prueba di koroshon di neblina di salu di modulonan fotovoltaíko Na Kòrsou e aplikashon di e stándartnan ariba menshoná ta di e siguiente manera pa e vários sorto di pènelnan di solo:

Stándartnan pa mulina di bientu chikíEn komparashon ku sistemanan PV di solo e stándartnan pa mulinanan di bientu chikí ainda no e desaroyo mashá. E stándart básiko pa un mulina chikí ta e IEC 61400. Mas aleu e siguiente partinan di e stándart aki ta aplikabel:

• IEC61400-2,ed.2 Eksigensianan di diseño pa mulinanan di bientu chikí

• IEC61400-11,ed.2 Téknika di midi pa zonido akústiko

• IEC61400-12-1,ed.1 Sistema di ‘generator’ pa mulina di bientu

Kategoria di PVStándart

PV konvenshonal PV kapa fini PV konsentradó

IEC 61215 Obligatorio No ta aplikabel No ta aplikabel

IEC 61646 No ta aplikabel Obligatorio No ta aplikabel

IEC 62108 No ta aplikabel No ta aplikabel Obligatorio

IEC 61730 Obligatorio Obligatorio Obligatorio

UL 1703 Obligatorio Obligatorio Obligatorio

IEC 60364 Obligatorio Obligatorio Obligatorio

IEC 61701 Obligatorio Obligatorio Obligatorio

Tabèl 1: Stándartnan internashonal pa kategoria PV

13

Den vários pais ku ta tuma energia duradero riba eskala chikí basá riba teknologia di bientu na serio, organisashonnan internashonal prestigioso mes a desaroyá un stándart basá riba e IEC 61400 pa mulina di bientu. Ehèmpelnan di esaki ta:

North American Small Wind Certification Council (VS) Small Wind Turbine Performance and Safety Standard

British Wind Energy Association (VK) Small Wind Turbine Performance and Safety Standard i e programa di sertifikashon Microgeneration Certification Scheme (MCS) ku ta duna sertifikashon di mulina di bientu en konekshon ku e stándart aki.

E regla básiko pa kalidat di mulina di bientu riba eskala chikí ta pues ku e mulinanan di bientu chikí na Kòrsou mester kumpli ku e partinan menshoná di e stándart IEC 61400. Esaki ta e kaso tambe pa mulinanan di bientu riba eskala chikí ku ta kumpli ku eksigensianan di sertifikashon di e dos organisashonnan ariba menshoná.

Pèrmit di konstrukshon i opstákuloDen kaso ku ta trata di instalashonnan PV di solo ku ta kumpli ku un kantidat di kondishonnan stándartnan, lo tin un eksonerashon di e pèrmit di konstrukshon. DROV ta fiha e kondishonnan eksakto.

Si ta trata di un instalashon pa generá koriente pa kua sí tin un eksigensia di pèrmit di konstrukshon, esun ku ta hasi petishon mester kumpli ku e preskripshonnan di konstrukshon vigente. Pa esaki esun ku ta hasi e petishon mester hasi un petishon na DROV. Durante di e konstrukshon di instalashon di generá koriente, esun ku ta hasi petishon mester sigui e kondishonnan i e sobra eksigensianan di ehekushon den e pèrmit di konstrukshon.

Komprobante di “keuring” di DOW di konekshon di kasPa instalashonnan pa generá koriente a base di energia di bientu ta sigur un obligashon pa ta disponé di un di pèrmit di medio ambiente. Esaki por ta asina den otro situashonnan tambe. Mester hasi un petishon pa un pèrmit di medio ambiente na Servisio di Medio Ambiente.

Despues di instalashon di e sistema, DOW lo kùr esaki. DOW ta kontrolá e instalashon di generá koriente pa determiná si a hasi e ehekushon di forma korekto relashoná ku

14

eksigensianan ku ta aplikabel riba instalashonnan di kas i empresa. Den kaso ku kùr e instalashon bon, DOW lo otorgá un karta òf un komprobante di “keuring”. E gastunan pa un inspekshon ta bai pa kuenta di esun ku ta hasi petishon.

Petishon pa “Verklaring van Geen Bezwaar” (serka BT&P)E supervisor Bureau Telecommunicatie en Post ta otorgá un Deklarashon di No Opheshon (Verklaring van Geen Bezwaar – VvGB). Aki tambe por tin kondishonnan mará na dje. Pa por risibí esaki e institushon en kuestion mester kumpli ku e siguiente eksigensianan.

E koriente ku a generá mester bini di un fuente duradero (den kaso ku ta trata di produkshon di energia duradero);

E produkshon duradero ta primeramente pa uso propio òf pa un grupo privá di usuarionan, kaminda ta hasi uso di konekshonnan ku ta eksklusivamente riba terenonan privá (esaki ta konta pa produkshonnan no komersial);

Por papia di un kapasidat montá nominal di máksimo 1MVA1 (si ta trata di un produkshon riba eskala chikí);

Esun ku ta hasi petishon mester tin e pèrmitnan pa konstrukshon i medio ambiente (ademas e instituto mester kumpli ku e eksigensianan di legislashon di konstrukshon i opstakulisashon);

Esun ku ta hasi petishon mester tin un komprobante di instalashon pa e instalashon(nan) en kuestion. E komprobante di instalashon no por ta mas ku seis luna bieu. Un instaladó sertifiká i registrá serka e supervisor mester otorgá e komprobante di instalashon, esaki mester indiká ku e instalashon pa generá koriente mester kumpli ku e eksigensianan mará na esaki relashoná ku kalidat, bon funshonamentu i seguridat;

Tambe mester tin e intenshon fiho pa sera un kontrato di konekshon òf di konekshon riba ret Aqualectra pa por konektá e instalashon di generá koriente riba e ret di transporte i distribushon. E kontrato ta kontené entre otro kondishonnan tékniko (“keuring” i “herkeuring”periódiko), prosedural, hurídiko i finansiero stipulá pa un konekshon riba ret den kaso di suministro bèk;

1 Den kaso di un vòltahe kompletu den fase ku koriente 1MVA ta igual na 1MW

15

“Keuring” i kontrato di konekshon òf konekshon riba ret (dor di Aqualectra)

Despues di instalashon di e sistema di produkshon, konforme e stándartnan ku ta aplikabel pa esakinan, e “keuring” mester tuma lugá. Durante di e “keuring”ta kontrolá si e sistema ta kumpli ku e eksigenshanan stipulá. Esaki ta enserá tantu e eksigensianan riba e instalashon di e kas òf di e negoshi mes komo tambe e eksigensianan pa konekshon riba e ret.

Si akaso esun ku a hasi petishon ta kumpli ku e kondishonnan di konekshon, por konektá esaki riba e ret di transporte i distribushon di Aqualectra. Tambe ta posibel pa rechasá un petishon si tin motibunan di peso pa esaki.

Ademas esun ku ta hasi petishon mester tene kuenta ku lo siguiente:

esun ku ta hasi petishon mester tin un VvGB manera indiká anteriormente, ku no ta mas bieu ku nobenta dia;

esun ku ta hasi petishon mester tin un komprobante di kùr di e servisio di gobièrnu enkargá ku Obranan Públiko (DOW), parti di Ministerio di Tráfiko, Transporte i Planifikashon Urbano ku ta indiká ku e instalashon di generá koriente ta kumpli ku e eksigensianan di instalashon ku ta aplikabel riba instalashonnan di kas òf empresa;

den kaso ku no tin posibilidatnan pa konekshon den e área di esun ku ta hasi e petishon, riba tèrmino kòrtiku Aqualectra lo mester fasilitá pa or hasi e konekshon deseá riba e ret;

e instalashon di generá koriente di esun ku ta hasi petishon mester kumpli ku reglanan relashoná ku konekshon riba e ret (ku otro palabra e kondishonnan di konekshon i e demas preskripshonnan di e kompania ret ku ta basá riba maneho di konekshon manera aprobá pa e Minister;

esun ku ta hasi petishon mester sera un kontrato di konekshon i konekshon riba ret ku Aqualectra pa konekshon di e instalashon di generá koriente riba e ret di transporte i distribushon; aki den ta stipulá e kondishonnan tékniko (manera “keuring” i “herkeuring”periódiko), prosedural, hurídiko i finansiero stipulá pa un konekshon riba ret den kaso di suministro bèk.

16

Na ehekushon di e “keuring” esun ku ta hasi e petishon mester presentá e siguiente dokumentonan na e inspektornan di Aqualectra:

• Unpinturadielokashonenkuestion • Unskètsdieinstalashondigenerákoriente • Undiagrameléktrikodieinstalashon • Unspesifikashondisistemaimanualnandiinstalashon • Ekomprobantediinstalashondieinstaladósertifiká • Ekomprobantedi“keuring”diDOW

Den kaso di aprobashon di e instalashon di generá koriente lo duna un karta òf komprobante di “keuring” dor di òf na nòmber di Aqualectra. Esaki ta bálido pa un periodo di máksimo 24 luna.

17

Métodonan pa generá koriente E métodonan pa generá koriente ta limitá na prinsipalmente 2 método. E promé método ta generá koriente pa medio di pènelnan di solo fotovoltáiko (“photovoltaic” (PV) solar panels). E di dos método ta pa generá koriente riba eskala chikí hasiendo uso di turbinanan di bientu. Bou di esaki ta kai tambe sistemanan híbrido manera kombinashon entre bòiler di solo i (tèrmiko solar) i pènel nan di solo fotovoltáiko. Mas aleu, e Minister en kuestion por disidí di adaptá òf amplia e métodonan pa generá koriente, den kaso ku tin motibu pa esaki.

Generá koriente pa metanan no komersial (te ku 110kVA)Hasiendo uso di pènelnan di solo fotovoltáiko ku mayoria biaha sa pone riba dak di un edifisio òf kas, personanan partikular òf negoshinan mes por produsí koriente pa propio uso. Ku yudansa di e pènelnan di solo, via di sèlnan di solo, energia (di solo) ta kombertí den energia eléktriko. Un transformatòr ta kombertí e energia eléktriko den koriente alterno, ku e persona partikular òf e usuario komersial por usa mesora den su kas òf respektivamente edifisio. Por generá koriente for di bientu pa uso propio ku yudansa di mulinanan di bientu spesial, e asina yamá “turbinanan di bientu”.

Ku metanan pa generá koriente ku no ta pa hasi negoshi ta referí na produkshon di koriente ku pa un gran parti ta pa uso propio. Esaki por ta pa un propio empresa, un propio kas òf un asina yamá “grupo privá”. Un otro definishon ta den kaso ku hasi uso eksklusivo di pipanan ku ta kore riba terenonan privá.

Pa bini na remarke pa un konekshon manera elaborá anteriormente ta importante pa eksistí un sierto relashon entre e uso di koriente i e generamentu pa uso propio. E regla ta ku e kantidat di koriente generá mester ta mas chikitu ku òf igual na e uso real riba un period di un aña kompletu. Durante di e aña, e koriente ku a generá por ta mas grandi ku e propio nesesidat pa koriente pa un òf mas periodo di kobransa. Den kaso di e último aki ta suministrá koriente bèk na ret.

Pa kasnan partikular e kapasidat di produkshon máksimo aseptá (kapasidat nominal) ta fihá riba 10 kW i pa usuarionan komersial esaki ta 100kVA. Esaki ta trata e kapasidat montá (e kantidat di KW) i no e kapasidat operashonal òf e kantidat di kWh ku bo por generá ku esaki. E límite stipulá ta simpel pa kontrolá.Simultáneamente pa e motibu aki e kantidat di kWh pa unidat di tempu ku mester generá ta limitá.

18

Eksigensianan adishonal pa generá koriente ku metanan pa hasi negoshi (mas grandi ku (100kVA)

Apesar ku ta trata un grupo chikitu, na Kòrsou tin un kantidat di usuarionan komersial ku a base di e uso real i propio di koriente ta (òf por) surpasá e límite máksimo 100 di kVA pa e kapasidat di generá. Tin e posibilidat pa usa un instalashon ku ta mas grandi ku 100kVA, pero mas chikitu ku 1.000 kVA. Si akaso un usuario komersial hasi petishon pa esaki, Bureau Telecommunicatie en Post i Aqualectra lo husga pa kada situashon spesífiko. Den un kaso asina ta fiha eksigensianan adishonal riba dos tereno, esta:

Konekshon riba e ret Promé ku Aqualectra hasi un konekshon riba e ret di distribushon, lo hasi un análisis

elaborá riba e efektonan ku e instalashon lo por tin riba ret di distribushon. En partikular e karga i e maneho di vòltahe ta importante den e kaso aki.

E konfiabilidat di e provishon di energia total Durante di su durashon di bida e instalashon di generá koriente lo mester keda

funshoná denter di límitenan rasonabel. A base di esaki Aqualectra lo determiná kua eksigensianan adishonal e instalashon pa generá koriente mester kumpli kuné. Esaki ta enserá entre otro ku lo mester tuma lugá un inspekshon periódiko obligatorio i e usuario komersial ta obligá di tin datonan di produkshon i prestashon “real-time” disponibel. Esaki ta sigur di importansha mirando e grandura di e instalashon i e posibel konsekuensianan negativo ku si esaki kai afó, lo e por tin pa un parti di e provishon di koriente i e planifikashon di Aqualectra.

19

Ehèmpel di kalkulashon pa generamentu di koriente

Den e ehèmpel di kalkulashon ta kalkulá bèk un konsumo promedio di 350kWh pa luna na un konsumo promedio di 12kWh pa dia. Den kaso ku ta traha ku pènel di solo, mester tene kuenta ku masoménos un promedio di 5 ora di solo pa dia, kalkulá riba henter aña.

Pa pènelnan di solo ta apliká e konsepto “Watt piek” (Wp), esaki ta igual na Watt (W) bou di sirkunstanshanan ideal. 1 kapasidat di Wp lo mester produsí indikativo un promedio di 5Kwh pa dia. Un sistema pa produkshon duradero tin sinembargo indikativo un pèrdida di 25% dor di e uso di kabelnan, transformatòrnan i otronan similar. Esaki por ta mas tantu tambe pa motibu di bahadanan di dak grandi òf un direkshon di dak ménos adekuá. Un ke otro ta nifiká ku (ku e numbernan di nèt) ku un instalashon di generá koriente di 3.2 KWP na pènelnan di solo por produsí pa luna masoménos 350kWh na koriente.

Kantidatnan nesesario Kas partikular A

Usuario komersial B

Uso promedio pa luna 350kWh 2000kWh

Konsumo promedio pa dia (partí dor di 30) (= G) 12kWh 65kWh

Kantidat di promedio di ora di solo pa dia (= Z) 5 5

Instalashon efisiente (ta asumí) ( = E) 75% 75%

Kapasidat máksimo di produkshon (X= G/Z*E) 3,2 kWp 18 kW

Tabèl 2: Ehèmpel di kalkulashon pa generamentu di koriente

20

Kompra i suministro bèk dependiente di produkshon i nesesidat Ora un usuario ta disponé di un instalashon di generá koriente for di energia di solo òf di bientu i ta konektá riba e ret di Aqualectra, e ta posibel pa e duna bèk e koriente di mas ku e no ta usa na e ret di koriente; esaki yama “suministro bèk”. Esaki tambe tin provishon i preskripshonnan mará na dje.

Den práktika den mayoria kaso usuarionan lo skohe pa instalá un sistema di produkshon ku ta proveé pa un parti so den e nesesidat propio di koriente. Ta papia aki di un défisit na kapasidat. E usuario ta haña e ora ei e défisit via di e ret di distribushon di Aqualectra. Na e momentu ei no tin nesesidat pa suministrá bèk na e usuario riba e ret. Mirando ku e nesesidat pa koriente no ta konstante durante dia, e usuario lo no por suministrá bèk na ret si su nesesidat ta mas abou ku su generamentu.

E figura aki bou ta mustra kon un ke otro ta funshoná. E produkshon i e uso di koriente por ta por ehèmpel manera e figura aki bou ta mustra. Den e figura por mira ku durante e oranan di produkshon mas haltu ta produsí mas ku ta konsumí. E ora ei por papia di suministro bèk. Sinembargo durante di mayoria ora, sigur anochi i mardugá, ta konsumí mas ku ta produsí. E ora ei e usuario ta “trèk” riba e ret di distribushon.

Figura 1: Ehèmpel patronchi diario di generamentu di koriente versus uso propio

Produkshon (berdè) versus uso (ros) riba un base diário

kW

Tempo

0 2 4 6 8 10 12 14 16 18 20 22 24

21

Konsumo nèto, produkshon nèto i sistema di saldo E produktor riba eskala chikí ku ta suministrá koriente bèk na Aqualectra ta haña un kompensashon pa esaki a base di un dedukshon entre e suministro bèk na i e kompra riba e ret públiko. Esaki yama “net metering”, òf traha a base di saldo (“saldering”).

Den e kaso ei lo papia di un tráfiko di dos direkshon kaminda riba un periodo determiná e koriente suministrá na ret kasi nunka òf nunka lo ta igual na koriente ku tuma for di e ret. Si a kaso riba un periodo determiná e usuario hasi ménos uso di koriente ku ta su nesesidat, e ret lo supli den e nesesidat (ta papia e ora ei di konsumo nèto). Di otro banda si a kaso e instalashon di generá koriente ta produsí mas ku e nesesidat di koriente, lo suministrá e ekseso via di e konekshon riba e ret (esaki ta pues produkshon nèto).

Den kaso di konsumo nèto (saldo positivo di konsumo ménos produkshon) e usuario ta paga Aqualectra mediante un método di saldo, e saldo konsumí na koriente. Ora di produkshon nèto (saldo positivo di konsumo ménos produkshon) e usuario ta akumulá un kleim serka Aqualectra. Pa loke ta trata konsumo nèto i produkshon nèto ta apliká e siguiente puntonan di salida:

Den kaso di un konsumo nèto durante di e periodo di fakturashon Aqualectra lo faktura esaki komo tal

Den kaso di un produkshon nèto ora di un produkshon di un instalashon chikí (te ku 10kW) durante di e periodo di fakturashon lo warda temporalmente e kantidat di kWh, i por krea de fakto un saldo positivo den kWh (tambe kWh “credits”). Den e siguiente periodo di fakturashon lo deskontá e kWh “credits” for di e konsumo.

Si akaso ta trata di un instalashon grandi (10kW-1000kVA) di un usuario komersial, lo no apliká e sistema di saldo a base di kWh (i no ta akumulá un saldo positivo) den kaso di un produkshon nèto pero sí lo deskontá a base di tarifanan di suministro bèk manera kunbiní.

Si a kaso for di e luna ku a konektá e instalashon pa generá koriente riba e ret, despues di diesdos periodo di fakturashon konsekutivo ainda no por papia di kWh “credits”, ta deskontá esaki a base di un tarifa konforme e prosedura di tarifa stipulá pa e Minister. Despues ku un periodo di seis luna pasa kada biaha lo kuminsá ku un periodo di seis luna nobo.

E puntonan di salida i tarifanan ku ta konta pa e deskontamentu di e koriente ku a suministrá bèk ta forma parti di e prosedura di tarifa i e kondishonnan di konekshon i e demas preskripshonnan di Aqualectra aprobá pa e Minister.

22

Preskripshonnan di tarifa E meta di e tarifanan di suministro bèk ta pa duna produktornan chikí di koriente duradero kompensashon adekuá, basá riba gastunan, pa e energia duradero ku nan ta generá. Di e manera aki nan por gana bèk nan invershon den instalashonnan manera pènelnan di solo i mulinanan di bientu denter di periodo rasonabel. Ademas di e forma aki ta stimulá e produkshon di energia duradero a base di diferente fuentenan limpi.

E tarifanan di suministro bèk (e asina yamá “feed-in tariffs”), meskos ku e sistema di deskontá, ku lo ta aplikabel den kaso di e suministro bèk di koriente riba e ret ta forma parti di e prosedura di tarifa i e kondishonnan di konekshon i e demas preskripshonnan di Aqualectra aprobá pa e Minister.

E Konseho di Ministernan a fiha riba 23 di novèmber 2011 e tarifanan pa suministro bèk di koriente duradero produsí riba eskala chikí dor di kasnan di famia i empresanan chikí di un banda i di otro banda dor di kompanianan grandi. E tarifanan aki a drenta na vigor entrante 1 di yanüari 2012. E siguiente fecha pa adaptashon lo ta, konforme e prosedura, 1 di aprel 2013.

Kasnan di famia i empresanan chikí ta haña riba base mensual un “saldering”di 40 sèn pa kWH pa e koriente duradero ku nan ta suministrá, kual lo deskontá na final di aña. Pa kompanianan grandi ta konta un tarifa di 42 sèn pa kWh.

Límitenan pa kapasidat di produkshonOra di determiná e nivel di e tarifanan Konseho di Ministernan tabatin komo punto di salida ku e suministro bèk i e tarifanan for di punto di bista ekonómiko empresarial no mester trese gastunan no rasonabel pa Aqualectra. Aqualectra tin i ta mantené tòg e responsabilidat pa fungi komo ret públiko di koriente i pa aktua komo “back-up” pa tur kas di famia i organisashonnan na Kòrsou. Pues Aqualectra no por hiba Aqualectra den un posishon muchu riská.

Pa e motibu ei tambe a fiha un límite riba instalashonnan pa generá koriente den kaso di produkshon di koriente riba eskala chikí. Pa kasnan di famia i empresanan chikí e límite ta di 10 kW, pa usuarionan komersial esaki ta 1 MW. Pa ámbos forma di produkshon riba eskala chikí no ta nesesario pa disponé di un konseshon; pa produkshon riba un eskala mas grandi si.

Pa resumí den e tabèl akibou, e kondishonnan entrante 1 di yanüari 2012 pa tantu personanan partikular komo usuarionan komersial ta enserá lo siguiente:

23

Te ku 10 kW 10-100 kW Te ku 1 MW

Ken? Personanan partikular (kasnan di famia) usuarionan komersial (empresanan chikí)

Usuarionan komersial (empresanan)

Usuarionan komersial (empresanan grandi/industria)

Prinsipio “Saldering”

Sistema di krédito:- akumalashon “credits”pa

produkshon nèto- pasa over pa e siguiente luna- riba base anual ta hasi

kuenta kontra di e tarifa di suministro bèk

Suministro: tarifanan di suministro (tarifa Aqualectra)

Suministro bèk: tarifanan di suministro bèk

Suministro: tarifanan di suministro (tarifa Aqualectra)

Suministro bèk: tarifanan di suministro bèk

Tarifanan pa suministro bèk

42ct/kWh(entrante 1 di yanüari 2012)

42ct/kWh(entrante 1 di yanüari 2012)

Kondishonnan - Kondishonnan tékniko stándart

- Kódigo di nèt- Stándartnan internashonal- Sertifikashon

- Kondishonnan tékniko stándart

- Kódigo di nèt- Stándartnan internashonal- Sertifikashon

- Kondishonnan tékniko stándart

- Análisis di e ret dor di Aqualectra

- Eksigensianan tékniko adishonal (monitòr i kapasidat (re-)aktivo)

Tabèl 3: Limitenan pa kapasidat di produkshon

24

Ehèmpel di kalkulashon pa personanan partikular – 2 kW pènelnan di solo

Un persona partikular ta konsumí mas tantu anochi/mardugá i ta produsí koriente durante dia, loke ta hiba na un disminushon den konsumo i hopi suministro bèk. Manera a trata kaba anteriormente den kaso di produkshon nèto (mas suministro bèk ku konsumo) na final di e period di fakturashon (luna) ta akumulá “credits” pa e siguiente periodo di fakturashon. Na final di aña ta hasi kuenta a base di e “credits” ku a sobra usando e tarifa di suministro bèk.

Ehèmpel di kalkulashon empresa – 20 kW pènelnan di solo

Un empresa ta konsumí koriente mas tantu durante dia. I ta produsí tambe koriente durante dia hasiendo uso di energia di solo, loke ta kousa ekonomisashon direkto, bahada konsiderabel di uso i ménos suministro bèk. Manera indiká anteriormente den kaso di suministro bèk ta deskontá na final di e periodo di fakturashon, no ta akumulá “credits”.

Persona partikular

Kantidat (indikativo) Tarifa Aqualectra Faktura ku mester paga

Konsumo ántes 600 kWh 0,7057 NAF/kWh Totaal 2.822,80

Produkshon di solo 2.500 kWh, ta hiba na:

Konsumo direkto 2.000 kWh

Konsumo nobo 2.000 kWh (4.000-2.000) 1.411,40

Suministro bèk 500 kWh (2.500-2.000) -/- 210,00

Nèto (“saldering”) Total 1201,40

Tabèl 5: Ehèmpel di kalkulashon 2 kW pènelnan di solo

Persona partikular

Kantidat (indikativo) Tarifa Aqualectra Faktura ku mester paga

Konsumo ántes 600 kWh250 kWh na balor di 0,5960100 kWh na balor di 0,7023250 kWh na balor di 0,7465

Total 405,86

Produkshon di solo 340 kWh ta hiba na:

Konsumo direkto 100 kWh

Konsumo nobo 500 kWh (600-100)

Suministro bèk 240 kWh (340-100)

Nèto (“saldering”) 260 kWh 250 kWh á 0,596010 kWh á 0,7023 Total 156,02

Tabèl 4: Ehèmpel di kalkulashon 2 kW pènelnan di solo

25

Meternan pa midi saldo i pa deskontá Na e momentu aki hopi konekshon riba ret regular ta disponé di meter di “draaischijf ” òf un Ferrarismeter. Esaki ta un meter análogo ku un “draaischijf ” horizontal sin un protekshon kontra draimentu bèk. Ora di suministro bèk di koriente mester drai e meter aki bèk i midi saldo outomátikamente a base di kWh. Ku esaki no ta hasi distinshon entre koriente ku a suministrá òf koriente ku a suministrá bèk, loke ta hasi e sistema aki ménos kla.Resientemente Aqualectra a pone meternan digital ku mas “telwerken” serka e usuarionan. Esakinan si ta duna un midí apart di kWh pa suministro i suministro bèk di koriente ku por usa pa por hasi e deskuento finansiero. Den e kaso aki por e mesun tarifa òf por usa un tarifa diferente.

Reglanan relashoná ku meternan pa “saldering” i deskontamentu

Teniendo kuenta ku ta usa un parti di e koriente generá mesora de e bibienda no ta posibel pa medio di e meter pa saka afó kuantu kWh realmente instalashon pa generá koriente ta produsí.Pa por keda ku bista riba e volúmen di produkshon total i e datonan di uso kada instalashon mester mantené sifranan di produkshon brutu. Por hasi esaki hasiendo uso di un meter di produkshon separá. Den vários kaso e transformatòr por mantené i registrá e kWh produsí.

26

Relashoná ku e uso di meternan eksistente òf di tiponan nobo pa deskontamentu di e produkshon di koriente duradero dor di usuarionan partikular i komersial pa generamentu di koriente ku no ta pa e fin di hasi negoshi, e reglanan ku mester sigui ta lo siguiente:

den kaso ku un usuario partikular òf komersial ta disponé di un meter análogo, ta remplasá esaki ku un meter digital bi-direkshonal sin kosto adishonal denter di un tèrmino rasonabel, pa asina por midi e suministro i e suministro bèk di koriente di forma separá.

den kaso ku un usuario partikular òf komersial ta disponé di un meter digital e por keda mantené esaki si akaso esaki ta disponé di dos òf mas “telwerken” pa registrashon separá di suministro i suministro bèk i

den kasonan kaminda e reglanan ariba menshoná no ta aplikabel, lo hasi palabrashonnan riba base individual entre e usuario i Aqualectra; punto di salida aki ta ku e palabrashonnan hasí, mester ta mas posibel riba e liña di e prinsipionan di “saldering” i deskontamentu apliká akiriba.

27

Pa mas informashonPa mas informashon bo por bishitá e siguiente wèpsaitnan: www.energiakonsiente.com The International Electrotechnical Commission - www.iec.ch Underwriters Laboratories - www.ul.com North American Small Wind Certification Council (VS) -

www.smallwindcertification.org/standard.html British Wind Energy Association (VK) -

www.microgenerationcertification.org

Nos futuro berdaderoTa ku energia duradero

Bishitá www.energiakonsiente.com pa mas informashon