Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

GAS NEWS Agency : KIM JOEBooking : 28th. FeB., 2017 to 28th. March., 2017delivery :26-06-2017 (MOn) Time :9AM-tillstockStock :306

GAS NEWS Agency : SASBooking :25th. FeB., 2017 to 25th. March., 2017delivery :26-06-2017 (MOn) Time :9AM-tillstockstOCK : 306/rate:Rs.699/-First come first serve

HmasawnnaTharVol-32/247 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

THLAdo (june) 26, 2017 THAw|Anni (mondAy)

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

SP Hotline number 7085-256-377

dAIly dIreCt serVICe

1.CCPur-Jiribam-Hmarkhawlien

2.Churachandpur-Shillong

Contact no. 9862129273

NEWS TOMkiMCHANCHIN LAKTAWI

Chandel-ah simkhawlei an hningCHAndeL: Manipur-a Chandel district a chun June 25, 2017 zingkar inhmatak khan magnitude 3.5 a hra-tin simkhawlei an hning nawk niin ei thu dawngna chun a hril. June 19, 2017 khan

Imphal lai magnitude 4.4 a hratin a lo inhning ta bakah tulai hnai el khan Chura-chandpur district-ah 3.0 magnitude le June 1, 2017 khan Senapati district-ah magnitude 3.2 a hratin a lo inhning ta bawk a nih. (ANI)

Pasal pakhat thisa ruong hmuCCPur: Zanikhan Churachandpur District -a Henglep Sub-Divi-sion huopsunga Phois-anbung an tina hmunah tu ti hrietlo pasal pakhat thisa ruong hmu a nih. Mithi hi tum a nih

ti hriet a la ninaw a, Moirang Police Station huop sung (jurisdiction) a ni leiin Moirang Po-lice han RIMS, Imphal Morgue-ah an sie niin ei thu dawngna chun a hril.

Broadband hmang thei loinCCPur: Churachandpur District a chun June 24, 2017 zan a inthawk khan BSNL Broadband hmang thei lova a um leiin Broad-band hmangtu han harstna an tuok pha, Broadband sie hi zani hi thu ei sut chena khawm hin a la \hanaw zing.

Tulai khawvel technol-ogy a inelna nasa tak karah hienganga a san mumal hriet lova an khattawka a siet rawp el hi thuneitu han ngaimaw hai sien, a sietna a um chun an rang thei anga siem\hat a ni theina dingin hma la hlak hai sien nuom a um hle.

HI GHQ Executive meeting CCPur: June 26, 2017, 11AM hin Hmar Inpui Of-fice, HSA Campus, CCPur-ah Hmar Inpui General Headquarters Executive meeting nei ning a tih. Hi huna hin Executive mem-bers hai chu kim taka \hang seng dingin Pu Francis

Songate, General Secre-tary, HI GHQ chun inhriet-tirna a siem. Meeting huna hin Spe-cial Assembly thurel en-nawn ning a ta, Hmar inpui GHQ Auditor ding ruotna le thu lut dang dang hai hriltlang le rel ning a tih.

PMEGP Beneficialry emergency meeting CCPur: DIC, KVIB le KVIC, CCPur sponsored na hnuoia PMEGP 1st le 2nd phase BAnks in sum a la sanction lo hai ta din-gin June 27, 2017, 11AM hin Bijang Loubuk Jr. H/S ah Emergency meeting ko a ni a, hi huna hin CM N

Biren Singh le Industry minister Bishwajit hai re-port le financial report hai ngaithlak ning a tih. As-sociation hnuoia in register hai chu kim taka \hang seng dingin Secretary, PMEGP Association, CCPur chun an hriettir.

Chief Minister-in Inter-District le City Bus Service a hawngJune 26 a inthawkin Imphal-Pherzwl MST Bus Service tlân \an ding

imPHAL:(diPr): Ni dang laia Manipur State Road Transport Corpora-tion (MSRTC) ti hlak chu BJP sawrkarin modify-in Manipur State Transport (MST) tiin a ngai pawimaw bik ni 100 sunga zo dinga ruohman 100 Days Pro-gram-a a sie angin, Imphal le tlangram district head-quarter po thlungzawmna ding le Imphal khawpui sung City Bus Service, First Phase chu Pathienni khan Chief Minister Mr N. Biren Singh-in a hawng fel tah. Hieng Bus Services (In-ter-district) hai hi tuta hmaa Manipur State Road Trans-port Corporation (MSRTC) complex, Moirangkhom, Imphal a inthawkin inthla-suok an ni a. A main func-tion tak, State Transport Department-in a buotsai chu Inter-State Bus Termi-nal (ISBT) complex, Dew-lahland, Imphal ah neiin, hi taka inthawk hin City Bus Service chu inthla suok a nih. Hi hunsera hin Chief minister Mr N. Biren Singh chu khuol lien a ni a. Parlia-mentary Secretary (Trans-

port) Mr Khasim Vashum chu functional president a nih. Chief Minister chun thu hrilin, ni danga State Transport defunct tah suk-thar nâwkna hi mipuihai hmakhuo ngaina leia thaw a ni a. Mipuihai lo thlaw-pna zarin a hlâwtling ngei khawm a ring thu a hril. CM chun hi ni le Mus-lim hai ni pawimaw tak Eid-Ul-Fitr (Id) zântieng leh an zawm bâkah Rath Ja-tra Festival leh an ruol char nâwk pei hi vangneina \ha tak a ni thu a hril a. Hi lei hin a hlâwtling ngei dinga

ringna a nei thu a hril. Tuta Inter-District Bus Service hawng haiin a la huom lo district danghai khawm Bus thar inchawkin lan huomtir vawng an ni ding thu a hril a. “Hmasawnna le inun-auna le inlainatnahai a um theina ding chun inthlung-zawmna (connectivity) a pawimaw a. Chuleiin, ei inthlungzawm zing theina ding le Bus hai an tlân zing theina dingin mipui khaw-min thei tawpa MST hi lo thlawp ve a, mani ta anga lo enkai dingin ei inngên a

nih” tiin a hril bawk. Chief Minister chun, hmu tlang thei vawngna (transparency) le langchang taka thil thawna chun inringzona a siem a, inring-zona chun hnam hran hran inpumkhatna a siem nawk ding a nih tiin a hril bawk. Hi huna hin Works Minister Mr Th. Biswajit, CAF and PD Minister Mr Karam Shyam, MAHUD Minister Mr Th. Shyamku-mar, Tribal and Hill Areas Development Minister Mr N. Kayisii, IFCD Minis-ter Mr Letpao Haokip le

Education Minister Mr Th. Radheshyam hai khawm khuol chawngpu anga \han-gin an uop mawi. Parliamentary Secretar-ies dang dang hai, Advi-sor to CM Mr Rajat Sethi, Transport Commissioner Mr M. Lakhsmikumar le Civil le Police Officer dang dang hai khawm an \hang bawk. Works Minister Mr Th Biswajit Singh chun, dis-trict hran hrana lampuihai siem\hatna dingin sawrkâr thlungpui chun PMGSY hnuoiah lampui siemna ding additional fund hung sanction dingin an pei vawng an tah tiin a hril. “Transport Department-in hmun kilkhawr takhai chen inthlung zawmna dinga hma a hung lak ta si chun, Works Depart-ment khawmin lamlien hai, mipuihaiin inhawi taka an hmang theina dingin, pucca road an ni vawng theina dingin \hang a hung lak ve ding a nih” tiin a Depart-ment commitment a hril bawk. Mr Biswajit Singh chun Chief Minister Mr Biren Singh chu hmasawnna le

sin fe hrât theina dinga 100 Days Programs a hung siem chu \ha a ti thu le lâwmum a ti thu a hril a. Hi Program hin Minister le official hai chu, sinhai a hun taka zofel dingin nasatakin a chophur (motivate) niin a hril. Tiemtuhai hriet ta an-gin, tuta First Phase ah hin City Bus Service (Imphal sung) chu, ISBT, Dew-lahland ah \anin lampui (route) pahni hrawng a ta, chuong chun la tlân kuol a tih. Chun, Inter-District Bus Service chu Imphal a inthawka in\an vawngin, Imphal-Noney, Imphal-Moreh, Imphal-Kakching, Imphal-Yairipok, Imphal-Moirang le Imphal-Pherza-wl hai nîng an tih. MST thiltum hi du-thusam ang taka hlenna dinga duong ang chun, Phase thum chena dingin Bus 150 vel a \ul ding a nih. Tuhin Bus thar panga inchâwkna dingin sawrkar-in a approved tah a, la ap-prove pei nîng a tih. Tuta First Phase ah hin Bus, semi-low floor bus hai \hangsain, 15 a \ul ding a nih.

PG Diploma in Anesthe-siology zo

muoLHoi: Nk. Van-rokhawl |hiek, d/o Upa Khupzakham |hiek of Muolveng, Muolhoi, As-sam chun June 19, 2017 khan Srimanta Sankarade-va University of Health Sciences hnuoia Gauhati Medical College and Hos-pital-a inthawk Post Grad-uate Diploma in Anesthe-siology and Critical Care hnesaw takin a zo. Univer-sity ah Rank 3 a lak nghe nghe a nih. (Virthli)

HSA JHQ in tuolthatna an demCCPur: HSA, CCPur JHQ chun June 23, 2017, 7PM vela Haokip Stu-dents’ Organization (HSO) GHQ President Pu Letk-holal Haokip tut i hrietlo han a chengna in tuola a motor sunga an kaphlum chu an dem thu June 25, 2017 a Joshua L. Amo, Secy. Inf. & Publ., HSA, CCPur JHQ in demna thu-puong an zuoah a zieklang. Hienganga an student leader chanpui that a nina san puong dingin a thattu

hai an ngen bakah hien-gang thil hi tuta hnung thaw nawk ta lo dingin an ngen. Hi chungthuah KSO GHQ hmalakna chu an HSA, CCPur JHQ chun an thlawp tlat ding thu an zieklang bawk. Pu Letk-holal sunghai an sunpui thu an zieklang bawk. Chun, Zillai (Vaiphei Students’ Association) GHQ khawmin Pu Letkha-lal nunrawng taka kaphlum a nina hi an dem thu zani hmasa khan an puong.

CM in Music Project a hawngimPHAL: Zanikhan CM N.Biren Singh in Manipur State Film Development Society Auditorium, Pal-ace Compound, Imphal-ah “ Support of Musical Instru-ments and Teaching of Music to School Children” Project a hawng. Hi Project hi State Government’s 100 Days Pro-gramme a \hang a nih. Hi Project hi North East Council (NEC) sum hmanga thaw a nih. Ieng

sin khawm ni raw seh ei ngaipawimaw a, ei ngaihlu vawng ding a nih. Cultural heritage hausa take lei nei hi ei state suk ropui tu a nih. Manipur hi ei renga ei ta a ni a, a thatna dinga mawphurtu seng ei nih tiin CM chun a thu hril huna a hril. Hi huna hin CAF & PD Minister Karam Shyam le MAHUD Min-ister Th.Shyamkumar hai khawm an \hang ve.

Sum indainawna hi PWD har-satna a nih: N.Noren Singh

imPHAL: Zanikhan Editor’s Guild Manipur huoihawtnain Hotel Clas-sic, Imphal-ah “One Day Media Sensitization Pro-gramme on state of Nation-al Highways in Manipur” nei a nih. Tu taka National Highway-hai siem \hatna dinga state PWD harsatna chu sum indainawna hi a nih. Manipur-ah National Highwaya 16 a um a, hi hai laia 6 hai chu State PWD enkawl dinga peksuok a ni a, a dang 10 hai chu Na-tional Infrastuctures and Development Corporation Limited le Border Road Organisation hai enkawl

dinga peksuok a nih tiin N.Noren Singh, Additional Chief Engineer, PWD, Ma-nipur chun hi programme neina huna hin a hril. NH-6 hai enkawlna dinga sum peka um chu Rs 1.35 crore chau a nih tiin Tiken Singh, Chief Engi-neer, PWD, Manipur chun a hril. Motor tlan a pung pei a, kum 2009 a hi lam-puia motor tlan 1.9 lakh a ni laiin tuhin chu 3,89 lakh a hung nit a leiin lamlien sawttak a thlo tan aw a nih. Hi lei hin lamlien siem that-na ding hin sum tam lem a hung tul ta a nih tiin Tiken chun a hril.

Opium Rs. 16 lakh manhu leh pasal pakhat man

CCPur: June 25, 2017, 2AM vel khan CCPur Po-lice, Drug Cell i/c SI H. Thanglyanmang Paite le Night QRT Commander SI T. Jangkholal hai inrawi-naa Drug Cell team chun Kangvai Outpost lai motor inlawnvel hai sukchawla an dapnaah Maruti Van MN 01X 9014 sunga inthawk Opium (Kani) Kg. 20, market rate-ah Rs. 16 lakh manhu ding an dapdawk a, hi le inzawm hin pasal pak-

hat Lunlam Kipgen (37), s/o Songkholun Kipgen of Boljang, Saikul Sub-Divi-sion, Kangpokpi an man. CCPur Police-a Drugs Cell pawl hin report an dawng dungzuia motor in-lawn hai an dapnaa Opium hi an dapdawk niin ei thu dawngna chun a hril. Opi-um hi Van sunga a thupruk le fun 24-a inthun a nih. NDPS Act hnuoia FIR No. 37(6) 2017 U/s 18 (b) file khum a nih.

Dy.CM in Pineapple Festival a hawng

imPHAL: Zanikhan ni 5 sung aw ding Pineapple Festival, 2017 chu Dy.CM Y.Joykumar in Thoubal District a Andro A/C huop sunga Thambalnu Mar-ket Complex-ah a hawng. Rengthei hi thei hrisel a ni bakah thei inhnik, mitinin ei du seng a ni leiin ch-

ing uor ding a nih. Chun, sum lamsuokna \ha tak a ni leiin ching chi tak a nih. State sawrkar chun Rengthei chingtuhai suk-phur le suk thathona din-gin \hangpuina pek dingin riruong a siem a nih tiin Y.Joykumar chun thu a hril huna a hril

Corruption sukbo vawng sawrkâr thiltum a nih: CMimPHAL: Ei ramah cor-ruption (fakruk, hlepruk, indiknaw taka thil thaw-na) po po sukbo vawng hi sawrkâr thiltum lientak chu a nih tiin Chief Minister Mr N. Biren Singh chun a hril. Hi thu hi sawrkârin Anti-Corruption Cell siema 100 Days Program hnu-oia a siena le inzawma a sinthawna “100 Days Ac-tivities of Anti-Corruption Cell” ti lekhabute, Pathi-enni June 25 nia Cabinet Hall-a tlangzarnaa a hril a nih. Ama chun, mipui thlawpna zarin ni za khat sungin sawrkarin ei state chu ‘blockade-free’ a siem an tiem angin a siem niin a

hril a. A sawrkâr thupui chu mipuihai ditzawnga trans-parent tak le indik taka thil thaw a ni thu a hril a. Anti Corruption Cell sinthaw re-sult mipuiin an hriet nuom leiin ‘hunbi neia thil sui’ thaw a \ul niin a hril bawk. A hril dan chun, Anti Corruption Cell-in a What-sApp number fethlengin case 512 le, website feth-lengin case 50 a dawng a. Case 203 chu concerned authority hai kuomah suizui dinga peksuok a nih. Com-

plaint 203 lakah case 105 Action Taken Report chu concerned authority han Corruption Cell ah an pe-klut tah bawk. Case 71 hai Action Taken Report hai Chief Secretary inrawina hnuoia Screening Commit-tee-in vawi thum meeting-a a ngaithlâk hnungin sukfel an nih tah niin a hril bawk. Anti Corruption Cell action lak \henkhat chu; labour card holder hai kum khata an scholarship insu-ona dinga thamna pawisa a

lak leiin Labour Inspector pakhat ban a ni a. Daktor pakhatin damnawhai a in-thawkin hun tamtakah Rs. 3, 000 thamna a lak leiin ban a ni a, IFCD-a Me-chanical Supervisor pakhat, thawktu \henkhathai GPF, ACP, Pension Benefits etc. lâkna dinga thamna a lak leiin ban a ni bawk. Hi huna Directorate of Economics and Statistics le Department of Co-oper-ation in an published ni 100 sunga an sinthawna lekhab-ute khawm tlângzar a nih bawk. Indiknaw taka thil thaw, fakruk hlepruk sukbona dinga Anti Corruption Cell hi March 24, 2017 khan indin a nih a. Complaint le sawisêlna pelut nuom-hai chun WhatsApp No. 94022150000 le website www.accmanipur.in ah thawn thei a nih.

MAHUD-in 100 Days Program Lawm

imPHAL: Municipal Ad-ministration, Housing & Urban Development (MA-HUD) chun sawrkârin 100 Days Program a siem le inzawma ni za khat a hmang tling vena thuah “MAHID in 100 Days” ti lawmna program Pathienni khan Khawirambam Ima Keithel ah an hmang. Manipur Urban Dev Agency (MUDA) le Imphal

Municipal Corporation hai huoihawt hunsera hin MA-HUD sinthawna lekhabu te khawm tlângzar a nih. Khuol liena thang Con-sumers Affairs, Food & Public Distribution Min-ister Mr Karam Shaym chum, MAHUD minister Mr Th Shyamkumar sin-thaw danhai \ha a ti thu le entawn thlak tak a nizie thu a hril a. Elected member hai

laia huoisen pawl tak niin, a sinthawnahai thlawp pei a pawimaw thu a hril. MAHUD minister chun Imphal khawpui abîkin Ima Keithel le bazaar hai fak taka siem an tul thu a hril a. Nu-hai Market (Ima Keithel) hi khawvelin a mi hriet vena, khawvêla nuhmeiin an enkawl Market umsun a nih thu a hril. Shyamkumar chun IMC hmalâkna le sinthawnhai inpakin, Imphal khawpui chu fai tak le thienghlim taka siem mi tin mawphur-na a ni thu a hril a. Traffic intep taluo khawm sukveng dan ding ngaituo mek a ni thu a hril bawk. 100 Days Program hnu-ia khan MAHUD hin proj-ect pahni a hlen ve a nih.

Mipui ringzo sawrkâr siem ngai pawimaw takimPHAL: Chief Minister Mr N. Biren Sing chun, a sawrkâr thiltum hmasatak chu tlângram le phairam mihai inlaichinna siem\ha nâwka, mipui ringzo sawrkâr nghet tak siem niin a hril. All India Ra-dio (AIR) le DDK Imphal palaihai le 100 Days Pro-gram thua interview an neina huna chun, mipuihai ringzona leh hmasawna in\hang ding ti hi a sawrkâr thiltum niin a hril.

CM chun, mipuihai ringzona le thlawpna \hang lo chun sawrkâr chun sâwt a daih thei naw thu a hril a. “Mipuihai thlawpna zâr chauvin sawrkâr chun ni 139 national highway Economic Blockade khawm hlîp thei a ni a. Tribal Movement ni 600 nêka tam khawm Chura-chandpur ah sukfel thei a nih bawk” tiin a hril. “People’s Day” le “Hill Peoples’ Day” a siemna san an indawn a. “Politician/

Sawrkâr thaw ding/maw-phurna hmasatak chu mipui rawng bâwl a nih a, chun, mipuiin thuhril ringawt nih lovin a ra (result) an dit a nih. Mipui rawng \ha lema sawrkarin a bawl theina din-ga siem a nih” tiin a hril. In-sawrkarna le rorêlna haiah ringumtak le langtlang taka iengkim thaw chu a sawrkâr thiltum niin, fakruk hlepruk dona dingin CM Secretariat Anti Corruption Cell le>>sunzawmna pag 2-ah

Hmasawnna Thar2THLAdo (june) 26, 2017THAw|Anni (mondAy) ARTICLE/HEALTH & EMPLOYMENT NEWS

Editorial

EditorialBoardlalmalsawm sellate:Editor&Publisherroding l. sellate: Jt.EditorJoseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIEi beisei thuring hi an hning nawna dingin pawm tlat ei tiu, thutiemtu chu ring a um si a; Chun hmangai le thil thawa inchawktho tuo dingin inngaituo seng ei tiu; |henkhat thaw dan angin inkhawm dam bansan lovin, infui tuo lem ei tiu, ni chu a hung hnai deudeuva in hriet leiin infui tuo nawkzuol ro. - Hebrai 10:23-25

ALL INDIA RADIO: CHURACHANDPUR PROGRAMMEdate: june 26, 2017 (Thaw\anni)

TrAnSmiSSion- FM-101.4 Megahertz

Hours Studio/ Programme

4.53pm CR/P Signature

4.55pm Vande Mataram, Time Reading, Opening Announcement

5.00pm P Hyms to God (Paite): EBCC Central Choir

5.05pm P Local Announcement/Prog. Summary

5.10pm P Minor Dialect (Vaiphei): C. Hoiniang & party (mod)

5.25pm PScience Hints (Paite): Electricity: Advance & advantage

- by Niangmuankim

5.30pm PPAITE Prog. Sig. Tune & Announcement

Announcer: NgaibiaklunListener’s Choice (mod)

6.00pm PHMAR Prog., sig. Tune & Announcement

Announcer:DavidListener’s choice (dev)

7:00PM PTHADOU Prog., sig. Tune & Announcement

Announcer: NehkholetListener’s Choice (mod)

Farm & Home:Paite1. H. Biakson (dev)

2. Talk: How to use social media - by L. Pumlienpau Ngaihte

Fak le dawn

PATHien HminGBy-

L.Keivom

Hming dang po po nekin,A mawi tak Lal Isu hming.

-Suoklien

Hming hi ei Pathien thu lakna hnara mihai chun inkona ringawt ni loin, a puttu umphung hriltu khawm niin an ngai. Pathien khawmin a mihriem siem hmasa tak Adam kuoma pawtfawlia a pek hmasa tak chu hming phuok sin (Naming Minister) a nih. Hming tin hi van ram lekhabua ziek lut le mihriemin van ram chena a sawm thei um sun niin an inchuktir. Pathien hming hriet khawm ama Pathien hrietna leh inkawp tlatin an ngai (Sam 9:10). Mi hminga thil hril le thaw khawm an aiawa thuneina neia thawa ngai a ni leiin, Mosie kuoma Pathien inlar \um khawmin, “Israelhai kuoma chun zu fe ta lang, ‘In thlatuhai Pathien chun in kuomah a mi hung tir a nih’ ti ta lang, ‘A hming iem a na?’ lo ti sien, iem ka hril ding?” ti-a Mosien a’n dawn khan Pathien chun, “KEIMA (UMA) CHU KA NIH. Israelhai kuoma chun ‘KEIMA/UMA’ chun in kuomah a mi tir a nih’ i ti ding a nih” (Ex. 3:13-14) tiin a hril a nih. Hi hming hi Hebrai \awng hawrawp pali inkawp ‘YHWH’, Tetragammaton an ti, vowel pakhat khawmin karche loa fil \hala an ziek, vowel an zep hnung a ‘Yahweh’ (Iahua) tia an lam, Sap\awng awphawia ‘Jehovah’ ti-a an ziek le lam, eini khawma ei sawm ve tah pei chu a nih. Eini rawi chu ei invet huoi lei amani ding, nauhai hminga sawm tah hiel khawm ei kat nawk a nih. Ei tuhai ngei ngei khawma, “Jehovah hung rawh, ka zei hrep ding che a nih” an hang ti el chuh, lu a mui chuoi chuoi el hlak! Israel hnam sawm inhmang laia mi ei ni nawzie hriltu a ni lei am a ni ding maw? An naw leh, Krista zara nau nina changtu le rohluotu ei ni leia Pa hming chen khawm ei inchupek ngam lei? Naupa ‘Immanuel’ hming khawm hi a him chuong nawh, a nuhmei a pasalin ei put fir fer el! Lal Biekna ei hril chang a, “I hming inza um raw se” ei ti hin ei inhuom satir ve naw a hawi khawp el. Ei nasa. Vaihai lem hi chuh an nasa zuol: Krishna Krishna, Ram Ram, Shiva Shiva, Vishnu Vishnu… A ieng khawm chu ni sien, Mosien Deuteronomy 6:4-a “Aw Israel mihai, ngaithla ro. LALPA ei Pathien chauh hi LALPA chu a nih. LALPA in Pathien chu in lungril po poin, in thlarau po poin, in hratna po poin in hmangai ding a nih” a ti-a hawrawppuia LALPA ti-a inziek po hi Jehovah (YHWH) tina le ‘Pathien’ ti hi ‘Elohim’ tina a ni a, chuonga tiem chun “Jehovah (LALPA) ei Elohim (Pathien) chauh hi Jehovah (LALPA) chuh a nih” ti-a tiem ding a nih. Hawrawp china “Lalpa’ ti inziekna po po hi ‘Lord’ tina a ni thung. Pathienin a nazawnga a hming sam pawlawt le hmang suol a khap lei kha’m a ni ding, kha hmaa intîm loa a hming lam hlak Israelhai khan Babulon sala an intang hung suok khan YHWH hming umna an tlung pha leh lam ngam loin Adonai an ti a, lam thieng loa ngaina an hung nei lien pei a; iemani chen hnungah ‘haSem’(a hming chuh) tiin an hung thlak zui a. Hienga kum za tam an thaw hnung hin YHWH lam rik dan indik tak khawm an inhmang tah niin an hril. Sakei \i-a Pathien amanih nu le pa amanih \i \hat nawzie hril fiena \ha khawm a ni el thei. Thuthlung Hlui (TH) Hebrai Baibula hming hrang hranga Pathien an ko dan tlangpui le a chuong zat Blue Letter Bible hai hril dan chun El Shaddai (Iengkimthawthei Lalpa Pathien: Lord God Almighty- vawi 37); El Elyon (Chunghnungtak Pathien: The Most High God- vawi 28); Adonai (Ka Hotu Lalpa: Lord, Master- vawi 434); Yahweh (Lalpa Jehovah: Lord, Jehovah vawi 6519); Jehovah Nissi (Lalpa Hnena Puonzar: The Lord My Banner- vawi 1); Jehovah Raah (Mi Vengtu Berampu le Lalpa: The Lord My Shephard- vawi 1); Jehovah Rapha (Sukdamtu Lalpa: The Lord That Heals- vawi 1); Jehovah Shamma (Lalpa Um zing: The Lord Is There- vawi 1); Jehovah Tsidkenu (Ei Felna Lalpa: The Lord Our Righteousness- vawi 2); Jehovah Mekoddhishkem (Serthiengtu Lalpa: The Lord Who Sanctifies You- vawi 2), El Olam (Chatuon Pathien: The Everlasting God- vawi 1); Elohim (Pathien (hai): God- vawi 2000 chuong), Qanna (Thikthusie: Jealous- vawi 85), Jehovah Jire (Phuhruktu Lalpa: The Lord Will Provide- vawi 1), Jehovah Shalom (Inremna/Thlamuongna Lalpa: The Lord Is Peace- vawi 1), Jehovah Sabaoth (Sipaihai Lalpa, Iengkim Lalpa: The Lord Of Hosts- vawi 285) a nih. Baibul inleta inhmanghaiin harsatna tam tak an hmasuon laia khir le hautak chu thumal pakhat ni si, a hmangna hmun le san zira umzie hrang hranga inlet le hmang a ngai hi a nih. Entirnan, a chunga Pathien hming laia dangdai deu el ei thur suok, Hebrai \awng mal ‘Qanna’ ti, Sap\awnga ‘Jealous/Zealous’ ti-a an inlet, eini \awnga ‘Thikthusie’ ti-a ei inlet, Exodus 20:5 a “Kei, LALPA i Pathien hi Pathien thikthu sie..” ti hi a nih. Ka ruolpa, anni \awnga Baibul inleta a kûl a tâia \hang la ve chun, “Hi chânga Sap\awnga ‘am a jealous God’ (Thikthusie Pathien) ti-a an inlet hi indik thei naw nih. Pathienin mi thik a nei chun a tluk lo an um tina ning a ta, thlak danglam ding a nih” a ta. Kei chun, “Unaupa, ngaituo nawn ngai a tih. Hi taka Hebrai thumal a hmang ‘qanna’ hi TH-ah vawi 85 zet ei hmu a, a hmangna (context) zirin umzie hrang hranga inlet a ngai a, sienkhawm an in\ingmit vawng a nih. Pakhat hi i her danglam chun namen loin buoi i tih. Mizo \awng Baibula Chief Translator le mi thiem filawr, KAN BIBLE HI ti buotsaitu Rev. Dr Zairem-in ‘Qana’ umzie suina a lekhabu tawp tienga a hran tawpa a zep sa kha tiem hmasa phawt la \hang a tih. Baibul hi patzai sût ang a na, a zai i sukchin chun a buoi vawng el a nih” tiin thurawn ka pek a. A hnungin kan inhmu rawn taa chuh a hril zui ta nawh. Entirna pahnina chu Johan 1:1-2 a ziektu Johanin Grik thumal ‘Logos’ ti a hmang, Sap\awnga ‘Word’ ti-a an inlet, eini \awnga ‘THU’ ti-a ei inlet hi a nih. ‘THU’ ti chu sir hrang hranga inthawka bi khawmin a \hat hle laiin, Sap\awnga inthawka ei lo inlet sawng ni naw sien chuh, thu mal dang inril lem le chieng lem a pieng el thei ti dam hi zeldin tlak a nih. Ei hril tum tak ruok chu ‘logos’ ti hin Pathienin mihriemhai ta dinga Isu Krista hmanga a thiltum puong suokna thu kawka hmang a ni a, sienkhawm umzie le hmangna 70 chuong a nei a, ei hmangna le hmang dan zirin umzie tum tum a pai a, sienkhawm Isu Kristaa in\ingmit vawng a nih. Pathien hming hrang hrang laia pakhat Jehovah Sabaoth , Sap\awnga ‘The Lord Of Hosts’ ti-a an inlet, eini rawiin sawr chin zuola ‘Sipaihai Lalpa’ ti-a ei inlet, TH-a vawi 285

inlang hi Pathien hminga hmang ding chun, a hming hung suok laia an khawvel boruok leh a lo inhmè a ni khawmin, a fuk chie nawh. ‘HPC/KNA/ZRA Lalpa’ ti ang khawm a hawi. Thlaler ram \awl le sahala inthawka pieng sakhuo pathum, sul khat kuol, \obul in\awm, ‘People of the Book’ ti-a ko hlaw- Judaism, Christianity & Islam-hai hi sakhaw rawng, mi dang sakhuo ngai thei lo le indopui dinga chem inlet zinga ngai le chuong ang chanchin hau chu an nih. Chuong zawnga sut chun Pathien hminga ‘Sipaihai LALPA’ ti inbuk khawm chu thil awm lo a ni nawh. Tu lai boruoka inthawka thlir chun, thlarau tienga indona thil a ni ngawt naw chun, hang lamin kam a’n dên zăn nawh. TH Baibula ‘Sipaihai LALPA’ ti inlangna hmasa tak chu 1 Samuel 1:3,11 ah a nih. Israelhaiin Kanan ram an lut hnung khan Bethel hmar tieng, Jerusalem le Sekem inkarah Efraim khawpui pakhat Silo a um a, Joshua hun laia inthawka Samuel hun chenin hi hmuna hin thuthlung bawm le biekbuk a um a. Chu hmuna chun hmun hrang hranga inthawkin Pathien be dingin an hung hlak a. Zawlnei Samuel chun Elkana chu a nuhmeihai pahnih, Penina le Hana \huoia ‘Sipaihai LALPA’ be dinga an hung thu a ziek a. Hi hi TH-a ‘Sipaihai LALPA’ ti inlangna hmasa tak a nih. Kanan mihai hlu suokna dinga an Pathien \huoina ropuizie an hmu chieng leia a kona dinga hming thar an ser chu Zawlnei Samuel hin a lekha ziekah a hung hmang khawm a ni el thei. Hi taka Hebrai thumal Sabaoth (se bâot) hin hnuoi le vana Pathien ta dinga dotu thilsiem po po (hosts) kawk leiin, tu lai inlet thara an thaw dan angin DV-a chuh ‘Iengkim LALPA’ (LORD Almighty) ti-a thlak vawng a ni tah.isu Krista Vs Krista isu Thuthlung Thara (TT) Pathien hming ruok chu Pathiena mi pathum (Pa, Naupa & Thlarau Thienghlim) hming, Isu Kristaa infawk khawm a ni tak a. Christian Bible Reference Site-a Bible Version inlar pali-a isu ti le Krista chuong zat chu: ISU & KRISTA -KJV (983;555), NASV (986;516), NIV (1273;530) & NRSV (999; 468) a nih. Thupui 28-a an \hè hnunga umzie hrang hrang a kawk an lak khawm chu 443 a nih. Chuong hming, nina le a fen khawm po po chanchin ziek suok ding chun, Johan-in a ti angin (21:25) “chu lekhabu chu khawvel khawm hin a keng ka ring nawh.” Kâr iemani zat liem tah khan DHCF Inkhawm \inin tuolah Jim Green (Lalramsang Hrangate) –in zawna dangdai tak anga inlang, hang ngaituo chet chun Kristien inti taphawtin an hriet chieng ngei ngei \ul si, sienkhawm indawn khawm an indawn sin lo ni awm tak, kei khawma zawna ka dawng vawi khatna chu, a mi’n dawn a. A zawna chu: isu Krista le Krista isu umzie danglamna le lekha ka ziek changa ka hmang dan a nih. Mi dang leh kan inbiek buoi lai a ni bakah a zawna chu bau khat bau hnia hang dawn el thei chi a ni naw leiin hril tlang hman loin kan in\he a. Hieng hming le nina pahnih ei bi luot ding hi Thuthlung Thara chauh a um. Baibul bu hrang hrang ziektuhai laia hmang inrim tak chu Tirko Paula a nih. A lekhathawnhai inlet ding chun a danglamna le khirkhan tak taka a hmang dan hai hriet fie a ngai. Chun, hi thil hi man chieng naw chun Pathiena Mi Pathum, Sap\awnga ‘Trinity’ an ti hih man fuk thei a ni nawh. Chu thu chu dangdai takin Hmangai Johan chun, “A tirin Thu a um, Thu chu Pathien kuomah a um, Thu chu Pathien a nih. Ama chu a tira inthawkin Pathien kuomah a um. Iengkim ama hmanga siem a nih; thisiem po po hi ama hmanga siem naw hrim a um nawh. Amaa chun hringna a um; chu hringna chu mihriemhai ta dinga var a nih” (1:1-4) tiin a lo ziek a. Chang 18 chen ei tiem chun a thu laimu a khè fai pap hman a nih. Hieng khawpa thutak khǐn le chatuon daih hi mihriem awm thusuok chu a ni thei nawh. Lekha dang ziek tah dĕr naw sien khawm, literechar khawvelah hming hlun ser hrim hrim a tih. ‘Isu’ ti hming hi Mathai 1:21 ah a hung inlang ruolin, a hming dang ‘Immanuel’ ti a hung inlang nghal a (1:23); Mat 16:16-a Peterin Isu chu ‘Krista, Pathien hring Naupa’ a ni thu a puong khan Israelhai lal lo beisei, Pathien hriek năl, Mesia ngei chu a nizie ei hung hmu thei a. ‘Mesia’ umzie chu Pathienin lal dinga hriek năla a namdet tina a ni a, chu chu Hebrai \awngin meshiach ti a na, Sap\awnga an ziek pha ‘Messiah’, Grik \awng ruok chun ‘Christos’ tiin an ziek. A nuhnung lem hi ‘Christ’ tia ziekin Sap\awngah an hung hmang lar lem leiin eini chen khawmin ‘Krista’ tiin ei hung ko ve tah a nih. Mari kuoma vantirko Gabriel-in a hril hming ‘Isu’ ti hih Kanan rama Israelhai \huoi luttu, râl hrât khawkheng ‘Joshua’ hminga inthawka lak a na, a umzie chu ‘Pathienin a sandam’ amanih ‘LALPA chu sandamtu a nih’ tina a nih. “Isu Krista” ti hi zawlneihaiin Davida \halbea inthawka Judahai lal hung dinga an beisei, Mesia Isu, hriek năl Isu, Davida Naupa, Pathien Naupa, Lalhai Lal, Hotuhai Hotu, Suol Hnetu, Sandamtu, Tlantu, Thiempu Lal, Pathien Beramte, Inchikna Hawngtu, 100% Mihriem, Thu mihriem taksa puta hung le mihriemhai laia cheng, 100% Pathien, Iengkim siemtu a nih. Damaska kawtsuoa thonawk Isu hnung zuituhai sukchimit tumtu Saula le an intuok khan, “Lalpa, tu am i na?” tiin a’n don a, “I sukduda ISU ka nih” tiin a dawn. Hi hnung sawtnawtea hin sunagoka hai thu hril ve-in Isu chu Pathien Naupa a nizie a hril \an a, mi makti le ringhla a kai nghal ti ei hmuh (Thil 9). Rawng a hung bawl tak tak hnungin, Rom, Korinth, Galati, Efesi. Filipi. Kolosa, Thessalonika kohranhai le mi mal Timothe, Tita le Filemon hai kuoma a lekhathawnah hai ‘Isu Krista, Krista Isu, Lalpa Isu Krista, Lalpa Krista Isu, Lalpa Isu Krista Pa le Pathien le a dang dang a hmang nasa hle a. Hienghai hi tiem liem mei mei loa ei sui chik pha leh, Paula chengna khawvel hi ei hmu chieng thei tak tak chauh a nih. Thil mak deuh pakhat nia ka hriet chu, chibai buknaah, Asia rama kohranhai kuoma a lekhathawn tin deuthawah “Kei Paula, Isu Krista siehlaw, tirko dinga ko, Pathien Chanchin |ha hriltu dinga ser hran” ti ang deuh a ziek vawng laiin Europe tieng, Makedonia ram Filipi le Thessalonika kohranhai lekha a thawna chuh Pathien ditzawnga Krista Isu tirko dinga ko le ser hran a nina hi a ziek sa vê dĕr nawh. Ieng lei am ni ding maw? (Saturday, May 20, 2017 Delhi).

Mihriem hringnuna pawimaw em em, a bova ei um thei lo hi thil tam takel a um a. Chuhai laia pakhat chu fak le dawn hi a nih. Ei phing a hung \am a, ei dang a hung char pha hin chu fak le dawn ding za-wngin ei invir buoi hle hlak. Phing\am lai taka bu le hme ei hang fak a; dangchar lai taka tui ei hang dawn hin chu dam man a um ei ti hlak. Amiruokchu, ei fak rawn taluo annawleh ei dawn rawn taluo ruok chun vawn\engin a mi thaw a, natna chi khat a hung ni hlak. Hi lei hin fak rawn taluo le dawn rawn taluo chu a \ha chuong naw a, a huntawka fak le dawn thiem a \ul hle. Tulai lem hin chu ei changkang ta a, a var deuhai chun fak\awk le dawn\awk hi an thaw ta ngai nawh. Damsawt nuomhai ta ding chun fak tlawm ding a nih an ti hi thudik a nih. Hrietna, thiemna le varna a hung insang pei a. Fak thei le dawn thei chi a hung tam deu deu a. Fak le dawna insum a hung harsa deu deu a, fak le dawn a fimkhur lo le insum thei lo \henkhat chun an fak le dawn an thipui a, an insung ta dingin \apna le lu-sunna a hung intlun pha hlak. Hi lei hin fak le dawn thilah hin ei fimkhur hle a \ul a nih. Mihai thil mipek taphawt hi fak le dawn el chi a ni nawh. A bik takin hriet ngai lo hai thil pek lem hi chu fak lo le dawn lo hi a him tak. Tulai lem hin chu fak le dawna pawl chi damdawi mum le a phit a suok thar \eu niin mi bengvar deu le thil chinchang hrie tasa hai chun an hril. Hiengang damdawihai hi a thawk dan chi tum tum nia hril a nih. \henkhat chu imu suokna le khuo hriet lova um theina a ni a. hiengang damdawi hi fak thei le dawn thei thilah an pawl hlak a. hi thil fa le dawnhai chu an imu a hung suok a, an hung in a, khaw hre lova an um pha leh a vairuitu han an rawk a, an thil hlu le an sum neihai an lak pek hlak niin an hril. Hiengang thil tuok hi ei ni lai khawm an bo bik ta nawa hril a nih. Tulaia damdawi phit suok thar pakhat lem chu mihriem tisa chakna tieng a thawk a, a fa annawleh a dawnhai chu a vairuitu han sex thilah an nuom a ningin an sawisak el hlak nia hril a nih. Hi thil hi vai ram le sap ram hai chaua um a ni naw a, ei ni lai ngei khawm hmang hlak ni taa hril a nih. Hi lei hin fak le dawn thilah ei fimkhur nawk zuol a \ul a nih. Sung le kuo, hmelhriet le ruol\ha thil mi pek a ni naw chun fak le dawn thil hrim hrim hnawl annawleh fak lo le dawn lo ngam a \ul a nih. An hnik hmel lei le chak a um leia thil fak hrut mei mei lo ding a nih. Ei ta dinga sietna intlun thei a ni ding le ding nawhai ngaituo chet chet hlak ta ding a nih. Chun, tulai bawk hin thei inrang taka sukhmin theitu, a hmel le a rawng sukmawi theitu, thei zaw-rhai lai a hmang an um a, Imphal khawpui sungah ngei khawm hiengang damdawi hmangtu mi 2 Po-lice han an man ta a nih. Hiengang thei (Fruit) fak hin mihriem hriselna a tawkpawi thei hlak. Hi lei hin Bazar-a thei zawra um hai inchawk le fakna kawn-gah khawm hin a hma neka ei fimkhur nuom a um. A hmel mawi le \ha nazawng hi inchawk el chi a ni nawh. Zu dawn hlakhai khawm fimkhur zuol ding a nih. Tulai tak lem hin chu Police han Zu dapin an man nasa a. Tuolsuok Zu, rakzu or zukha suongtuhai hlak chun an Zu suong an tawpsan el si naw a. An Zu bil a tho vat theina ding le Zu power hratna thil an pawl hlak. Hi lei hin hiengang Zu dawn hlak han an tuo-rhla hle nia hril a nih. Hi thu hi an dik ring a um. A san chu tuta hmaa nekin tulaia rakzu dawn hai taksa le hriselna hi a se hrat hle niin an lang. Nitina rakzu dawn hai hi ei hang en vang vang a, an hmel a sie hratin an tar pha zung zung el niin an lang. Rakzu dawn hai sim a hun . mihriem nun suktawitu ding a nih.

7th Pay HRA/allowances thuah Cabinet in June 28-ah final call

new deLHi: Central 7th pay Commission le inza-wmin Mr Narendra Modi inrawinaa Union Cabinet chun central government hnuoia thawktu hai House Rent Allowance (HRA) le allowances dang dang haia rawtna um hai thuah June 28, 2017 nia meeting huna final call (thutlukna) a siem ding a nih. Finance Minister Arun Jaitley Moscow-a an zin leiin hi chungthua rawtna

hi sukfel lova la sukhnuk a ni a, June 28, 2017 a Union cabinet meeting in rawtna hi an pawmpui chun Central thawktu han July thla hlaw a inthawk revised allowances hi an dawng thei ta ding a nih. AK Mathur inrawina 7th Pay Commission chun HRA 24%, Class X, Y le Z cities haia basic pay chu 16 le 8 percent a suk-pung dingin rawtna a siem a nih.

Borewell sunga tlalut naute keidawk, a thi

HyderABAd: Telenga-na-a Ranga Reddy district-a June 22, 2017 nia borewell sunga tlalut pal nuhmei naupang thla 14 mi Chin-nari tia an ko chu zanikhan sansuokna sinthaw pawl han an keidawk ta a, sienkhawm a lo thi hman tah. Chinnari nu le pa hai hi nitina inhlawfaa fakzawng an nih. A tlakna borewell

hi ft. 450 zeta inthuk a ni a, sansuoktu pawl han an ngaituona le lungvar dang dang hmangin oxygen hai chen kaplutin keidawk tu-min nasa takin hma an lak a, sienkhawm an keidawk el thei tanaw leia lo thi hman a nih. A ruong hi post-mortem thaw a ni hnungin a nu le pa hai kuta inhlan a nitah. (PTI)

Heroin grams 212 leh manAizAwL: Mizoram Ex-cise and Narcotics Depart-ment officials hai chun zani hmasa khan Champhai dis-trict-a Mizoram le Myan-

mar border-ah Heroin grams 212, Rs. 10.60 lakh manhu leh pasal pakhat an man a, NDPS Act hnuoiah case an siem khum.

Certificate lema sumdawngtu 2 mandHuBri: Assam Po-lice chun zani hmasa khan Dhubri town-ah pasal pahni Bipul Saha of LNB Road Ward No. 1, Dhubri le Bahadur Chaudhary of Bahadurtarry, Ward No. 11, Dhubri hai chu PAN Card siemna dinga Birth Certificates lem siema

sumdawngnaa hmangna le inzawmin an man. Hieng mi pahni hai hin Office hawngin PAN card lakna dinga birth certificate mamaw hai kuomah birth certificate lem a siempek hlak nia hril a ni a, hi thua intumna um le inzawma Police han an va man a nih.

Ms. Sushma in Meira in LS in\hung huna a thuhril sukbuoina videonew deLHi: Exter-nal Affairs Minister Ms Sushma Swaraj chun Opposition Presidential

nominee le Lok Sabha Speaker hlui Ms Meira Kumar beinain Speak-er a ni huna Inpui

in\hung huna a thuhril a sukbuoina video a twitter account-ah a post.

Ms Swaraj hi UPA sawrkar huna khan Lok Sabha-a Opposition leader a lo nih.

Monitoring Cell indin a nih a, Special Investigation Team (SIT) khawm indin niin a hril. Sin indai nâwna (unemployment problem) thuah chun, sawrkarin mi po po sin a pek vawng thei naw leiin \halai-haiin fak hmuna ding tâwk sin an hmu theina dinga thiem-na (skill) an nei theina dingin Manipur Skill Development Mission hnuoiah sawrkâr chun sin/training a pek tâwl ding niin a hril. College 40 haiah vocational course hai khawm thaw a nih vat tah ding niin a hril. Nuhmeihai \hangpuina ding HELPLINE “181” a siem khawm, nuhmei chunga nunrawngna (violence) thu chauh ni lova kawng iengkima râwn theina dinga siem niin a hril a. Nuhmeihai education ngai pawimaw a ni ding thu le, central-in Police Department ah nuhmeihai ta ding 33% reservation policy central hnuoiah a um chun state sawrkarin hmang dan ngaituo veng a tih tiin a hril. Manipur ah hmu theia danglamna le hmasawnna siem tum a nih a. Tuta 100 Days Program ang vawnga sin thaw thei a nih chun sawtnawte ah Manipur chu India rama state changkang takhai lai zelsa thei nih vat a tih, a tih bawk. Mipuihaiin iem an mamaw a ti hrie a sin thaw a \ul zing laiin thil umdân târlangtu chu media a nih leiin lim in-diktak inhmutir hlak dingin a ngên. Media chu khawtlâng le sawrkâr darthlalang a nih angin sawrkâr thilthaw phol-angna kawnga an sinthawah lâwmthu a hril a. Sawrkarin sin indik taka a thaw theina dingin thil umdân/milim indik-tak suklangpek hlak dingin a ngên bawk.

Mipui ringzo sawrkâr siem ngai pawimaw tak-sunzawmna

Pu Ngamrothang Hmar BJP-a laklutmAiBAnG: North Cachar Hills Autonomous Council (NCHAC) Chairman hlui Pu Ngamrothang Hmar chun BJP a zawm ta a, As-sam Finance, Health & Ed-ucation minister le North-East Democratic Alliance (NEDA) Convenor Dr Hi-manta Biswa Sharma chun mipui sangtel fekhawm hai hmaah official takin BJP

member dingin laklutna a nei.

Meira Kumar in June 28-ah Nomination a file ding

new deLHi: Presiden-tial Election hung um dinga Opposition common can-didate Ms Meira Kumar chun nomination paper file theina hun tawpna tak June 28, 2017 khin Nomination paper file a ta, kum 1996 le 1998 haia Karol Bagh Lok Sabha Constituency-a MP dinga thlangtling a nina angin Delhi hmuna inthawk campaign hi \an a tih. Opposition han tuta \um presidential election hung um ding hi secular parties han “ideological battle” a puong a ni angin Ms Meira Kumar chun Rajghat hmu-na Mahatma Gandhi me-morial-ah \awng\aina neiin

campaign hi a \an ding niin opposition thusuok chun a hril. Nomination a file huna hin top opposition leaders hai chu \hang kim vawng dinga beisei an ni bakah Lok Sabha le Rajya Sabha haia Congress MPs hai chu June 28, 2017, 11AM in Parliament House-a Con-gress Parliamentary Office-a fekim seng dinga inhriet-tir an nih.

Hmasawnna Thar3 THLAdo (june) 26, 2017THAw|Anni (mondAy) nATionAL/inTernATionAL & AdVerTiSemenT

VAwK in|HAnGnA dAmdAwiI vawk zawr hun tlingna dingin kum khat nek tam nghak ngai tanaw nih.

A |HATnA:

* PIGROW mum hi Company-hai ti dan ang taka i pek chun thla 5 sungin kg. 70 chuongkai hman a tih.

* PIGROW mum hin, i vawk chu i pek \ana inthawk chawl der loin an \hang tir thei.

A PeK dAn dinG:* Vawk pakhatah nikhatah mum 20 (zingtieng mum 10 le zantieng mum 10) pek ding.* Box khat ah mum 600 a um a, chu chu thlakhat sunga a fakzo ding a nih.* Rawt phita pek in fak awlsam an ti lem.InCHAwK tHeInAHAI:1. Hmingi 2. L.K. Screen PrintingBethel, CCPur Lighthouse Lane, CCPur# 84148523913. Pet Care Centre, Tiddim Rd. CCPur.Order tam dan dungzuiin HOMe delIVery khawm kan thaw thei.

inHrieTTirnADate 21/06/2017 HSA Hall, Rengkai Road sitting No. 4. Resolution 2. HWA General Headquarters chun, Unit tinin Term inruolkhai taka ei hmang seng theina dingin, in thlangtharna la nei lo po Unit haiin July thla sung ngei, 2017-2020 hun sunga OB ding thlang thar nisien \ha ti a nih. Sitting No. 4 resolutin date 21/06/2017 HSA Hall Rengkai Road-a rel a ni angin Unit tinin July (2017) thla sung ngeia lo inthlangthar dingin ka hung inhriettir cheu. 2017-2020 Term sunga O.B. thlang thar hai po po hming, address le mobile number an rang tienga GHQ a submit dingin kan hung inhriettir bawk cheu.

Sd/-rebecca SiemlienGeneral Secretary

HWA General Headquarters(24,25,26,27)

LAKTAwi

Maha CM in Farm loan waiver scheme a tlangzar

mumBAi: Maharashtra Chief Minister Devendra Fadnavis chun zani hmasa khan Rs. 34,020 crore farm loan waiver scheme a tlang-zar. Hi Scheme dungzui hin loan bat Rs. 1.5 lakh chen hai chu ziekbo ning a ta, a state sunga loneitu 1.31 crore vel um hai laia loneitu nuoi 89 vel han hi ham\hat-na hi an hmu thei ding a nih tiin CM Devendra Fadnavis chun a hril. Sawrkar chun April 1, 2012 le June 30, 2016 inkar sunga loans hai thaibo dingin a remti a, hi thil hi loneitu 40 lakh velin an sawr \angkai ding a nih tiin Fadnavis chun a hril.

Kum 400 a upa emerald idol in-

rukhmangCHennAi: Tamil Nadu-a chun Chennai khawpuia inthawk km. 50 vela hla Thiruporur hmuna Suy-ambeeswarar temple a kum 400 a upa emerald idol chu suomhmang han rawkin an inrukhmang. Hi thua hin T Anand (34) chun Police-ah complaint pein, inrukhmanga um idol hi emerald hmanga siem a ni thu a hril. (ENS)

Private sector banks hai le tekhi-in SBI bank chief hlaw tlawm

new deLHi: Private sector banks ICICI le HDFC Bank hai le tekhiin State Bank of India (SBI) chief hlaw chu a tlawm a, hi lei hin talent \ha nei hai hip a harsa pha a nih tiin RBI Governor hlui Raghuram Rajan chun nikum August thla khan a hril. Banks tum tum a annual report dungzuiin tuta SBI Chairman ni lai Arundhati Bhattacharya chun fiscal year nuhnungtak khan Rs. 28.96 lakh a laklut a, ICICI Bank MDC le CEO Chanda Kochhar ruok chun per-

formance bonuses Rs. 2.2 crores bakah basic salary Rs. 2.66 crore a laklut niin a hril. Hi chau hi ni lovin al-lowances le ham\hatna dang dang Rs. 2.43 crores chu-ong ding zet a dawng bawk. Hiengang bawk hin Axis Bank MD le CEO Sikha Sharma chun hlaw in Rs. 2.7 crore le variable pay Rs. 1.35 crore le al-lowances dang dang bakah HRA Rs. 90 lakh a laklut a; Yes Bank MD le CEO Rana Kapoor chun 2016-17 sung khan Rs. 6.8 crore a hlaw phak.

IMA in doctors ni lo hai le dawntlang lo dingin

new deLHi: Indian Medical Association (IMA) chun a office-bearers hai chu doctors ni lo hai le dawntlang ngailo dingin an fui bakah society ta din-ga ‘brand ambassadors of health’ ni tum seng dingin an fui. Tulai hnaia advisory an suo dungzui chun doc-tors hai chu July 1 (Doc-tors’ Day) le September 5 (Teachers’ Day) hai chu members han dry day a hmang dingin a hril bakah alcohol a him tawk chin chau dawn dinga hrilin pasal hai ta dingin 18 ml le nuhmei doctor hai chu 9ml chen dawn dingin a hril a, IMA alcohol policy dung-

zuiin IMA meeting hrim hrimah alcohol sem lo din-gin a hril bawk a nih. Doctors han mani dam-naw enkawl hai infuina pe le entawn thei dinga nun an hmang chu an mawphurna a nih tiin a hril a, Medical Council of India (MCI’s) code of ethics indik taka zui dingin doctors hai a hril bawk. Doctors chu a damnaw enkawl in ringzona a nei theina dingin a dikna le inzaumna a humhim tlat ding a ni a, nundan mawi-lo hin doctors hai ringzona sukbo a, profession hming a suksiet rawp hlak a nih tiin IMA National President Dr KK Aggarwal chun a hril.

Misuol luman Rs. 5 lakh nei inkaptuo-

naah thijAiPur: Rajasthan-a Churu district a chun mis-uol turu, sawrkarin luman Rs. 5 lakh neia a lo puong tah Anandpal Singh chu zani hmasa zana police hai le inkaptuonaah kaphlum a nih. Inkaptuonaa hin police personnel 2 in hliemna an tuok bawk a nih. Mr Anandpal hi Sep-tember, 2015 a Ajmer high security prison a inthawk Nagpur Court-a inlang din-ga \huoi a ni huna tlansuok a nih. Churu district-a a cheng-naina ama khat chaua a um lai insawnga inthawk police hai hi silaia kapin a cho a, chu huna inkaptuona tlunga Anandpal hi kaphlum a nih tiin DGP Manoj Bhatt chun a hril. (PTI)

GJM strike ni 11 tling; nitin mamaw thuah harsatna an tlun mekdArjeeLinG: Gorkha Janmukti Morcha (GJM) in Gorkhaland hran an ngenna le inzawma tiemchin um lova Darjeeling hill a shut-down an puong chu zani khan i 11 a tlingna a nita a, Internet thata um khawm zani kha ni 8 a tlingna a nita bawk. GJM in Darjeeling-a shutdown lei hin nitin ma-maw bufai, thlaihna le thil dang dang phurtu Trucks hai chu Darjeeling hills an

lut phal a ninaw leiin Dar-jeeling mipui chun fak le dawn le nitin mamaw thilah harsatna nasa tak an tuok mek a nih tiin West Ben-gal Food and Civil Supplies minister Jyotipriyo Mallick chun a hril. GJM thil ngen thlaw-pnain Gorkha Territorial Administration (GTA) a sawrkarna siemtu GJM members 45 hai chun tu-lai hnai el khan inbanna an pek bakah kum 2011

a Union Home Ministry, West Bengal sawrkar le GJM han GTA Accord an lo ziek ta copy khawm June 26 le 27 hai hin raw an tum bawk a nih. Hieng laizing hin West Bengal sawrkar chun GJM hai hi sawrkarin inbiekpui a nuom thu le inbiekpui dingin sawrkar chun kawt a hawng zing thu home secretary Malay De chun a hril. (AIR/PTI)

Nepal le Bhutan inzin dingin Aadhar valid document a ni nawh: HM

new deLHi: India mi Nepal le Bhutan ram inzin ding hai ta dingin Aadhar hi valid identification doc-ument a ni nawh tiin Home Ministry thusuok chun a hril. Hieng rambung pahni haia inzin ding hin valid national passport annawleh Election Commission in a

pek Electoral Identity Card an nei chun Visa hran \ul loa inzin thei a ni a, Aad-har Card ruok chu Nepal le Bhutan inzinna dinga valid document a pawm a ni nawh tiin zanita Home Ministy thusuok chun a hril. Chun, kum 65 le a chungtieng le kum 15 le

a hnuoitieng hai chun an thlalak le kum zat suk-chiengna Identity hieng PAN Card, Driving Li-cence, Central Govt. Health Service Card le Ration Card hai an hmang thei a, sienkhawm Aad-har chu valid document a pawm a ni nawh tiin a hril bawk. (AIR)

Philippines ah Eid (Id) Leiin Inkâp Châwl PuongmAniLA: Muslim hai in-sukthienghlimna thla le nisa um laia bu fa lova an \awng\aina thla Ramadan a tâwpna tak, mi bu an fakpuina hun Eid-ul-Fitr, Pathienni, June 25 chenin, Muslim helpawl-haiin thla hmasak laia an hluo tah Marawi khawpui a inthawkin Philippines si-paihai chun helpâwlhai an la hluo suok vawng naw zing a. Indona um zing lai nisienla khawm, an sakhuo dana hun pawimaw an ren-ga an hmang theina dingin tiin Muslim helpawlhai hluo suok tuma beitu Phil-ippines Army chu Pathien-ni po inkap châwl a puong, hlim takin Eid an la hmang tâwl. Muslim tamtakin Marawi Mosque ah an \awng\ai a, buoina leia an sung le kuo le ruol\ha thi tahai sunna an nei a, tamtak chu an \ap nasa hle. Mus-lim helpâwl haiin Marawi khawpui an awp china in-thawkin kar li a tling tah a.

Army han hluo suok tuma an beina ah helpâwl le civil 350 vel an thi tah, se-curity forces 69 leh. Buoina lei hin mi 246, 000 vel an in le lo maksan ngaiin a siem tah a, umna ding hmun ng-het thar an \ul a nih. Marawi Mosque-a Eid hmang laia mi pakhat, Mus-lim provincial council hotu Zia Alonto Adiong chun, “Vawisuna kan Eid-ul-Fitr hmang chu kum za khat sûnga la lungngai thlak tak le lungsietum thlak tak le beidawngum tak a la nih” tiin a hril hlawl.

Ramadan sung hin Muslim po po chu fak le dawn an insûm a, var lai, nisa um laiin bu fain tui khawm an dawn ngai nawh. Ramadan a tâwp ni zingkar an \awng\aia, sung le kuo le ruol\ha infielin bu an fak tlâng hlak a nih. Tulai hin Muslim khawvêl a buoi nasa em em a, khawvêla Muslim tamna tak Indonesia khaw-min Eid-ul-Fitr hin inremna le muongna intlun sien an nuom thu an hril. Jakarta ah Muslim tamtak an \awng\ai a, Eid hin an ramah muong-

na intlungtir dingin an ngen a nih. Malaysia khawpui Kua-la Lumpur ah khawm Ye-men buoi leia raltlan tamtak an um a. Yemen-a an sûng-hai ta dingin an \awng\ai tâwl. Unau pahni Sumayah le Nabila hai chun an ram (Yemen) a buoi a, mi 10, 000 vel an thi tah leiin an hung tlân suok thu an hril a. “Nuhmei le naupang ta din-gin \i a um bik a, iengtiklai khawm thi thei zing kan nih. Iengtik ni am a nih chu dam takin kan la kir thei nawk ngei kan beisei” tiin Reuters an hril. Hienglai zing hin UNO chun Yemen ah Cholera nasatakin an lêng a, abîkin naupang 1, 500 neka tam an thi tah niin a hrila. Thla hni sung Chauvin a ram phekin a fang suok hman a, ni tin 5, 000 velin an invawi pei niin a hril. Tuchen hin mi nuoi hni vel a sukbuoi tah a, dang vat an naw chun a la zuolkai pei ding niin a hril bawk.

Israel-in Golan Height A Bomb

TeL AViV: Israel Defence Force (IDF) thusuokin a hril dan chun, Inrinni khan Israel vuongnahai chun Syria le an ri Golan Height laia Syrian military hmun-puihai an va bomb a, civil mi iemani zat an thi niin Syria tienga sawrkâr thu-suok chun a hril. IDF hril dan chun, hi thil hi Syria a inthawka projectile 10 velin Israel an hung kap leia a dawnletnaa thaw niin a hril a. Vangnei thlak takin Israel mi thi le hliem an um naw niin a hril bawk. An tum

tak chu sipaihai umna hmun thum le Tank pahni Syrian army hai ta a nih. Syrian news agency SANA in a puong dan chun, Israelhai bomb lei hin civil mi tamtak an thi niin a hril. SANA hril dan chun hilai biela indohai chu Syrian sawrkâr le helpâwl pakhat Nusra Front hai niin a hril. Israel chun, Syria le Israel kâra thil umdân en thlaithlaitu dinga sie United Nations’ Disen-gagement Observer Force kuomah complaint pelutin,

Syria hin san um der lovin Israel a chawkbuoi zing zing hlaka, Israel thuneina le zalenna “inza lova pal-zutna” a nih, tiin a hril. Syrian ruok chun Is-rael hin helpawlhai \hang-puina dingin Syrian army hai a hung kap niin a hril ve thung a. An bomb-in building pakhat a dêng sieta, a sûnga civil tamtak an thi tiin a hril a. Hi hma meta projectile hmang Is-rael kap a nîna thu ruok chun iengkhawm a hril nawh. Israel-in video an suoa an lang dan chun, an bomb thlak hin machine gun post le tank pahni bomb siet an ni lai tak an lang. Is-rael hin Syrian a \hangpui hlak Hezbollah helpâwl, Syria rama inthawka Israel hung kap hlak hai tukdawl tumin Syria ram sûnga an chetna hmunhai a bei hlak a nih.

US Dan Siemtu Han India Trade & Commerce Sukhrat Nuom

wASHinGTon: India Prime Minister Narendra Modi Thaw\anni a US an zinna ding le inzawmin, India le sumdâwngna hun iemani chen dan khir tak tak hai leia sukhrât thei lova um tah chu, US law-maker tamtakin President Trump chu ‘trade and in-vestment’ a harsatna umhai chu inhliptir dingin an hril. Republican le Demo-crats haia inthawka leg-islators hai chun zieka President lekha an thawnna ah, India le US high-level engagement chun trade le commerce-a harsatna le daltu umhai iengkhawm an

hlîp kieng thei naw niin an hril. “Indian economy sec-tors tam tak chu veng le humhim tlat an la nih a, American companies hai ta dinga lut le sumdawng an tak em em a nih” tiin an hril. World Bank re-port 2017 dungzui chun, khawvêla rambung sum-dawng inhawina rambung 190 hai lai India chu 130-na a nih, tiin a hril. India in ‘market-based reforms’ a la siem naw leiin rambung pahnihai sum-dâwngna ding thil khawm tamtak thaw thei lovin a la um a nih. Sumdawngna

sukhratna ding daltu chu tax insâng taluo dam, in-tellectual property rights human ding dan la um \ha lo le, license peksuokna le regulation thawna system hai a transparent tâwk nâw-na hai dam an nih. US company harsatna tuokhai chu solar company, information and telecom-munication technology le bio-technology products company hai niin an hril a. A list chu a pung deu deu niin an hril. PM Modi chun Pathienni khan US company 20 vela CEO hai an hmupuia, sumdâwng-na sukhrât dan ding an hriltlâng. Thaw\anni hin Presi-dent hlui Barrack Obama le an lo hril tah, sumdâwngna sukhrât dan dighai hril tlâng an tih. Company tamtak chun “America First” policy hin India le sumdâwngna a suk harsa a, trade deficit a sukpung a nih, tiin, Modi policy “Make in India” khawm hi US company hai ta dinga thil sukharsatu niin an hril bawk.

Japan ah 5.2 Lir An Hninga, Thi An Um NawhToKyo: Pathienni June 25 zingkar khan central Ja-pan ah 5.2 Richter Scale-a hrât lir an hninga, mithi le hliem ruok chu hriet ding an um nawh a. Thuomhnaw iem a ni zat a suksiet niin Japanese le US official hai chun an hril. Lirinhning hi Nagano biel, Ina thlang tieng Km.30 velah an \ana, a bul hung suokna chu hnuoi sung Km.10 vela inthawka in\an niin an hril. Lirinhning le inzawm hlak Tsunami warning ruok chu a um nawh. Central Ja-pan lai tak a tâwk buoi leiin Shinkansen Bullet Train ruok chu thu nawk um hma poa dingin inchawltir a nih. Hilai hmuna hin nuclear re-actor hmunpui iemani zat a um a, amiruokchu, pakhat khawm suksiet an ni nawh tiin Japanese public broad-caster chun a hril.

Japan hi leihnuoi inng-hatna Tectonic Plate pali inzawmkhawmna lai taka um a ni leiin, hieng leih-nuoi innghatsan (founda-tion lung) hai hi an chang or insiemrem pha pha lir-inhning le Tsunami hai a um hlak a nih. Japan ram lir an hning ngun lei hin an in bawl dan dinghai khau takin sawrkarin a moni-tor vawng leiin In chim le In chim leia thina tuok, thuomhnaw suksieta um râpthlâk taluo hriet ding a um ngai nawh. March 2011 khan tuipui sûnga inthawka lir inhningin North-east Japan a sawi a, Tsunami (tuipui fawn) hrattak a siem bawk a, mi 180, 000 neka tam thi an umna hriet tah lo an um a nih. Fukushima Nuclear Plant-a reactor pathum a suksiet bawk

J&K-ah terrorist 2 kap hlum

jAmmu: Jammu and Kashmir-a Athwajan Pan-tha Chowk area-a chun zani hmasa zanrila inthawk khan security forces le ter-rorist hai an inkaptuo a, inkaptuona hi a tawp ta a, inkaptuonaa hin terrorist pahni kaphlum an ni a, an hming ruok chu hriet a la ni nawh tiin official thu-suok chun a hril. Srinagar-Jammu high-way-a CRPF hai an bei hnungin terrorist hai hi Delhi Public School, DPS, building-ah an inbiruk a, chu taka security forc-es han an bawzuinaa an hnawchep le inkaptuona hi tlung a nh. Zani hmasaa LeT nia inhril han CRPF hai an bei huna khan Sub-Inspector 1 a thi bakah jawan dang pak-hatin hliemna a tuok a nih.

Pakistan Tanker Kan-gah mi 141 an Thi

iSLAmABAd: Islamic helpawlhaiin hmun hran hran ah mi tamtak an chawkbuoia, tuipui chunga suomhmang Pirates haiin thau phur lawng le thuom-hnaw chi hran hran phur suom an tum zing laiin, Pathienni khan Pakistan lawng lien, thautui phurtu (Tanker) pakhat chu Ba-hawalpur biela Ahmed-pur Sharqia ah kangmei a suok leiin mi 141 vel an thi vawng. Mi dang 60 vel chu na taka inhliem an nih leiin hospital hran hran ah admit tâwl an nih. Sansuokna sin thawtuhai hotu pakhatin a hril dan chun, hliem hai laia 70% chu meiin nasa-taka a kang an nih.

Mita hmutu hril dan chun thawktu \henkhat chun a kawl hnaia hin ziel an hawp lai hmu a nih a, kangmei hung in\anna khawm a nih el thei a nih tiin a hril. Kangmei hin motor-bike 75 le motor-Car 4 khawm a kangsiet vawng a nih. Kangmei suok \anna hmun tak hi Pul Paka, Na-tional Highway kawl a nih a. Thi le hliem a tamlem chu hilai khuo/village mi-hai deu vawng an nih. Official thusuokin a hril dan chun, mithihai hi DNA test thaw naw chun an hmêl a inthawk chun an hriet thei ta nawh niin a hril. Kang-mei suokna san sui mek a nih.

E-GEM hmang uor dingin PM in a hrilnew deLHi: Prime Minister Narendra Modi chun thaw dan pangngai anga zanita All India Ra-dio fethlenga Mann Ki Baat Programme a thu a hrilnaah, India mipui hai chu thil siemsuok le zaw-rna dingin Government-E-Marketplace ( E-GEM) portal hmang \angkai le uor dingin an fui. E-GEM portal hi thil-

tum tak chu thil inman tak zawr, awlsam, \ha le langtlang lema fepui a nih tiin a hril a. Yoga chun

khawvel pumpui a fang-suok ta a, mi hran hran keikhawmin inpumkhatna hmangruo \ha tak a nih tiin Yoga chungthuah a hril bawk. PM hin tulai hna-ia ISRO in hlawtling taka Cartosat-2 series le nano Satellites 30 \hanga hlawtling taka satellites a kapsuok chungthu khaw-ma hril.

Cable Car eksiden-ah mi 7 an thi

jAmmu: Jammu and Kashmir a chun zanikhan Baramulla district-a ski

resort inlar takel Gulmark hmuna cable car eksiden a tlung a, hrui inbawng

lein Delhi mi khuolzin 4 le tourist guides 3, an ren-gin mi 7 in thina an tuok. Thli hrangin thing-kung a mutthluk a, thing-kung tlu in ropeway a delbawng leia hiengang sietna hi tlung niin offi-cial thusuok chun a hril. Kum 1998 a inthawk Gulmarg hmuna hien-gang cable car eksiden tlung vawikhatna la nia hril a nih.

HPC(D) le inbiekna Political level a hlangkai tum

AizAwL: July thlaa HPC(D) le Mizoram sawrkar han inbiekna an nei nawk hunah chun political level a hlangkai tum a nih tiin Mizoram Home Department official thusuok chun a hril. Inbiekna hi August, 2017 a inthawka lo nei \an ta a ni a, inbiekna hi a hmawr inbawk a ni theina dinga thil iengkim buoipui a ni a, HPC(D) mi le sa hai ralthuom le an hung inpek hunah sawmdawlna ding remruotna hai khawm sukfel thawkkhat a nita thu home department of-ficial thusuok chun a hril.

Hmasawnna Thar4 EntErtainmEnt / SportSTHLAdo (june) 26, 2017THAw|Anni (mondAy)

Tuolsung/eTc.

China le US-in North Korea Khau Taka Hren Nuomwashington: China le US chun North Korea-in a nuclear râlthuom program a châwlsan theina ding a nih phawt chun khau nawk zuola hrena, hrenna chu ‘pumhlum, fie thei le keikir thei ta lo” ding khawpa khau le felfai nisien tiin an sawrkâr hotulien hai Washington ah Inrinni khan an inrem niin Chinese official news agency Xinhau chun a hril. “A tu tu tieng khawmin Korean Peninsula laia inremna le muongna a um theina ding chun North Korea nuclear program hi a châwlsan phawt a \ul ti an pawm a. A biela muongna hlun a um theina ding chun North Korea dangna dinga thei tâwp suoa hma lak tlâng pei an intiem a nih” tiin a hril. US Secretary of State Rex Tillerson chun, Chinese defence hotuhai le an inhmu a, China chun North Korea chungah khau nawk zuola economic le political pressure pe dingin a hril niin a hril. China General Fang Fenghui le top diplomat Yang Jiechi hai chun Rex Tillerson le US Defence Secretary Jim Mattis

an inhmupui a. Chu zovah Yang hin President Trump khawm White House ah an hmupui bawk. Intiemna thuthlung an zieka chun, UN Security Council thurêl indik taka hlen ding le inbiekna a um ngei theina dinga hma dingin an intiem a. China le US sipaihai kârah ‘inhrietthiemnawna’ le ‘thutlukna indiklo’ siem a ni nawna dingin sipai-le-sipai exchanges sukhratin i n b i e k p a w n a k h a w m sukchangkang ni rawse tiin an ziek bawk. Chinese media hai chun tuta \uma Washington-a inbiekna hi Apri l thlaa President Xi Jinping Florida, US an zina President Trump le an inbiekna ra suok, Trump sawrkâr hnuoia China le US sawrkâr inbiekpawna suksângna a nih tiin an hril. Chinese President Xi Jinping le US President Trump hai hi thla thar July khin G20 Summit, Hamburg, Germany ah inhmuin an inbiek nawk beisei a nih. Tulai hnai khan President Trump chu, China-in North Korea dang a tumna

Charlie Sheen, HIV Thuah Ruol Hluiin Intum TharLoS AnGeLeS: Kum 30 vel khawvelin a buoipui hnunga tulai chu Cancer le TB hai nêka \ium lo lema ngai tah, natna narân el anga khawvelin a ngai tah HIV/AIDS positive a nîna 2015 kuma an puong leia ruol \henkhatin an inkiengsana, court chena thubuoi an siem khum, Michael Sheen chu, a ring nâwna tieng tak a ruol hlui bawk (nuhmei) pakhatin, HIV a kaia ART fak ding khawm a khap niin an tum nawk tah. Hamlet-in vangduoina hi a hung phât chu a malin a hung nawh a, a tel telin a hung hlak a nih a ti ang deuvin HIV natna \ha taka inenkawla \hat tieng pan pei taa inngai, a court case khawm fel vâng vâng taa inngai Charlie ta ding chun ‘vangduoina battalion khat’ dang an la hung nawk ang a nih. Los Angeles County Superior Court-a Charlie ngawizawng hlui, a hming thup chun, Charlie hin HIV an kaitir a, ART fak a tum leh a \hat nawzie a hrilpui leiin tuchen hin ART fa lovin a um zinga a ngai a \ha naw hle a, a lungril a suksawl zing a nih tiin a hek niin Variety chun a ziek. Thubuoi siemtu hin HIV hi 2011 kuma a kai tah niin a hril.Court lekhain a tarlang

dan chun, HIV kaitupa hin November 17, 2015 khan TV interview ah, tlawmngaiin a HIV status a puong a. Chu hnung chun June 21, 2016 ah khawm chanchinbu le magazine interview ah a puong nawk angin a hril niin Variety chun a ziek a. Charlie Sheen chun November 17, 2015 khan a status a puong a, June 21, 2016 khan a puong nawk bawk a nih.

Court lekha hin direct-in Charlie Sheen hming a hril nawa chu a thu fedan ah ama naw chu tukhawm hmet kawp ding an um naw leiin Charlie Sheen ngei a nih ti hi court pawm dan a nih . Amiruokchu, hektunu hin iem a dit a, ti hi a la hril naw leiin court chun rel dan ding a la hriet naw niin a hril. Court lekha hril pei dan chun, Charlie le hin September 2015, HIV an

puong hma thla hniah an inhmu \an a. Nuhmei tieng thiem tak a ni leiin October 2015 chun sex an nei nghâl tah a. Chu china inthawk chun an in\he thei tah nawa an um kawp zing tah a. Chu hnungah HIV status thu a puong a. Kei khawm lungngai lo dingin a mi hrila, thi le thi kawp ding chen mi tiemin ART ka fak ding khawm a mi phal naw a nih, tiin statement a pek. Hienglai zing hin Charlie chu iengtinam a um peia ti an indawn a. “Ka \ha pei tah. Treatment \ha deuvin ka thaw a, ka \ha. Kei chu ka danglam an nawm, danglamtak ka nih. Sakei thisen ka nei an nawm!” tiin a hril. A status vântlâng hrieta a puonga inthawka a umdân an indawn chun, “Kei anga hi natna neituhai po po phurrik phur pekin, an ta dinga meiser sittu (torch bearer) niin kan ngai, positive taka hringnun hmang dinga kawkhmutu ka nih” tiin a hril. Charlie Sheen hi HIV status a puong zo khan a co-star le ngaizâwng hlui Scot t ine Ross- in HIV inpatirtu tiin a hek a, taksa le thlarau/lungril tieng khawm a tuor nasa em em nia hrilin court thuboi a siem khum a. December 2015 khan Court chun inrem dingin a hril tah a nih.

Geri Horner “Spice Girls” A Suoksan Nasan Puong

London: British nunghâk ngawt Band, an debut album “Wannabe” (1996) a inthawka inlâr nghâla 1990s sung po po Britain chau ni lo khawvêl pumpui ah “Cool Britannia” movement le inzawma inlâr zawm pei, Spice Girls hai laia a suokdawk hmasatak Geri Horner chun kum 20 hnungah a suok nasan a hril/puong. Geri hi, London-a BBC studio tuol lai Buddhist Monk hai lai uma, hlim takin a hmu taphawt innui puma a biek pei lai hmu a nih a. Jeans kekawr intight/fit deu le T-shirt var, a chungah zakuo ring bo coat ang deu a hak a. Pheikhawk var bawk, a hrui lien insâng a bun a. A sam sen thalin a hmêl fai varin Buddhist hai leh innui sieu sieua a um lai hmu a nih a. Hmun pakhata lem chu kut an chelpuia iemani chu an thaw a nih. Kum 44 ni tah, nau pahni nei tah Geri Horner chu a la nunghâk hle. The Sun a hril dan chun, 1996 kum an inlâr \an a, kum hni hnung 1998, an group official taka an \hiekdar hmaa ama malzai thaw a lo suok dawkna san chu, a ruolhaiin ‘R & B album’ siem an tum lei niin a hril. “R & B hla le music ka hriet si nawh, kei chu kan hnik thei nawh a. An inhnikna tak an thaw theina dingin ‘hmun le hun’ ka pek a nih” tiin a hril. Geri Horner a suoksan zo khan Victoria Beckham le a ruolhai chun “R & B album” an siema an hlâwtling hle a nih. Amiruokchu, kum hni

hnungah an in\hedar tah a nih. Chu china inthawkin malzaiin an fe tâwl a, Victoria Beckham ruok chu fashion tieng lutin tuhin fashion designer hlâwtling tak a nih tah. Inhmu thiemnaw leia in\he ni lovin, inhnikna zawng le nuomzawng inang naw ‘difference’ chite lei a nih tiin, “An thiem thil le inhnik zawng kha ka nei ve si nawh a. Artist ni chun thil thar thaw suok, hla thar sak or lam dan thar thaw suok ve pei hi ei nuom hlak a. Chu chu an thaw nuoma remchâng ka peka, kan siekieng a nih” tiin The Sun a hril. Spice Girls hai in\he hnung hin inkawp nâwk an tuma chu Victoria Beckham a thei tah nawh a. Geri le Mel B le Emma Bunton hai lem chun 2016 khan trio-group an indina an hlâwtling phien a nih. Mel C le Victoria an fiela, Spice Girls original indin nawk an tuma chu, Victoria a nuom ta nawh a. An original hlahai lem chu sak thei naw ni hai ti chen a hril leiin an pam\hul nawk tah a nih. Nau pahni, Bluebell Madonna (11) le Montague George (thla ruk) nei tah Geri hin tulai hnai khan a ruol hlui ni kum Christmas lai taka thi George Michael hrietzingna le inza suklangna dingin single “Angels in Chain” ti a tlângzar a, a hlâwk hle. Sum hlâwk hmu po po hi naupang \hangpuitu charity Childline \hangpuina dingin a donate vawng a nih.

The Weeknd-in Social Media-ah Selena a supportLoS AnGeLeS: Texas nunghâk hlasakthiem Selena Gomez (24) chun, Justin Bieber le an in\he zo chara inthuk taka a hmangai le dit em em nia a hril, The Weeknd (Abel) \hangpuina ding le \an zâwngin social media ah vawi tamtak a lo post tah hnungin, The Week-nd khawmin Selena Gomez \an zâwngin, a ngaisang zie entirna a social media account-ah a post ve. Kum 27-a upa Canadian singer The Weeknd (Abel) chun a Instagram account ah, a ngaizawngnu Selena Gomez-in Coach FW 2017 campaign a thawnaa thlalâk pakhat chu ‘\ha’ a tizie le ‘thlawp’ ti suklangna dingin lunghlu lim Blue Diamond (emojis) panga (5 stars) pein a hnungzuitu maktaduoi 14 hai kuomah, like ve dingin a shared. Hi hma met hin Selena khawmin a tawih-pa Abel hi Instagram-a a hnungzuitu maktaduoi 122 neka tamhai kuomah ha hipin a lo inpâk

ve tah bawk a. An kâra thil um chu ‘hmangaina indik-tak, inzakna le rinumna pal tlang ngam’ niin a hril. The Weeknd a hlawtling-n a p a k h a t , c e l e b r i t y hlâwtling tak 100 haia laia \hangin Forbes magazine June special edition cover-a a chuongna chu a Instagram account ah a tarlang, a

\anzie le a lawmpui/uongpui zie uor takin a hril a nih. Hieng hin social media ah khawm an in intan le thlawp zie uolau takin an suklang a, hmangaina an chen dun lai khawm thup chuong nawh. Selena le Abel inzui \anna hi a la sâwt nawa chu chanchin an hau tah hle. January 2017 khan an

inzui \an a. A ruka hotel-a an um lai video le thlalâk a suok hnung lem chun April-a Coachella Valley Music Festival ah langchang takin an um kawp nghâl a. Chu zovah Mela Gala, New York ah red carpet an hraw dun a, mipui hmaah Abel hi a fawp bawk.Hieng bâka hin Canada le Italy haiah châwl hmanga inhawi chena an inzinna-hai khawm vântlâng hrieta pholang pawi an tih nawh. Selena Gomez lem chun Abel sûnghai an hmupui tah a, a nu khawmin a ditpui niin a hril tah bawk. N i kum e l a Jus t i n Bieber le in\he Selena Go-mez-in The Weeknd le an inngaizâwngna tlâng hriet a pawisa naw ang em em hin chu supermodel Bella Hadid le ni kum bawka in\he ve The Weeknd hin chu a tlâng insampui ve chie nawh a. Tuta social media-a a \an zie a suklang hi direct taka a puong vawikhatna a nih.

ConFederATion CuP :

Mikhuoltu Russia chu Mexico lakah an tlawm lem leiin an tla fel tah, Portugal-in New Zealand 4-0 in an sawp

Confederation Cup fe me-kah Inrinni zan khan ram neitu Russia le Mexico an inkhlel a, Mexico 2-1 in an hrat lem. Mexico ta dinga goal thuntuhai chu Nestor Araujo (30`) le Hirving

Lozano (52`) hai an ni a. Russia ta dingin minute 25-ah Aleksander Sam-edove chun goal khat a thun bawk. Russia an hrat naw lei hin tuta tournament fe meka inthawk hin an tla

fel tah. Russia an hrat naw naksapah minute 68 Yuri Zhirkov chun Red card a hmu bawk. Mexico an hrat le inzawmin Semi Finala dingin an hmun an siem fel tah tina a nih. Inkhel pahninaah New Zealand le Portugal an inkhel a, Portugal chun 4-0 tawpin an sawp. Portugal ta dingin World Best player ni mek Cristiano Ronaldo chun minute 33 naah goal hmasa(penalty) a thun a, goal dang thuntuhai chu Bernardo Silva, Andre Sil-va le Nani hai an nih. Anni hi Group A-a um an ni a, Portugal hi Semi Final an kai tah tina a nih.

Watford chun kum 5 sunga dingin Will Hughes an inchawk

Derby County midfield-er, Will Hughes chu kum 5 sunga dingin Watford chun £8m in an lak fel tah. Hughes hin champion-ship tieng Derby country hmingin vawi 165 tawp an khel hman a nih. Kum 16 mi chau a ni laia inthawka

Derby county-a inkhel \an a ni a, hi sung hin goal 12 a thun hman a nih. Tuhin kum 22 mi a ni mek a, England Under-21 team-a \hang mek a ni bawk. Tuhin Poland ramah Un-der-21 European Champion-ship inkhela \hang mek a nih.

Kum 34 mi Alvaro Arbeloa chun inkhel a chawlsan thu a puong

Spanish defender le Liver-pool, Real Madrid le West Ham haia inkhel hlak Al-varo Arbeloa chun inkhel a chawlsan ta ding thu a puong. Nikum khan Ham-mers ta dingin vawithum an lang hman a nih. Ama

hin Real Madrid leh la Liga title vawikhat an lak hman a, Champions League vawihni an lak hman bawk. Kum 2007-a inthawk khan vawisunni chen hin vawi 200 an khel hman a nih. Spain hmingin full

back-in a \hang hlak a, kum 2010 khan a ram chu World Cup nomawi a lo dawm-pui bawk bakah European Championship khawm kum 2008 le 2012 haia khan a lo lakpui bawk. Ama chun, ‘Ka hriselna a la \ha tawk a, inkhel thei tawk dingin ka lan fit bawk. Anachu, chawl a hun ta reng reng a nih,’ tiin a hril. Chun Real Madrid hi khawvela a Club ngainat tak a ni thu a hril a, club enkawlna tieng fielna lem chu an beisei naw a, anachu iengtik lai khawm Real Madrid ta ding chun a um zing ding thu a hril.

Zogal Hall a enfelCCPur: Mr Ginsuan-hau Aou @ GS Haupu, Ex-President, UZO GHQ le Chairman, MANIRE-DA Manipur chun zani zantieng 5:30AM khan Zoveng-a Zogal Memorial Hall enfelna a nei a, hi huna hin Zou hnam sunga Organisation tum tum hai chun Hall changtlung lema siem dinga hma la pui din-gin an ngen. UZO GHQ President a ninaa inthawk June 25, 2017 khan lo inban ta sienkhawm Zou hnam a

ngainatna a bo chuongnaw thu hrilin, Zou hnam pum-pui ta dinga Hall pawimaw Zougal Hall siem\hat na dina theitawp a suo ding thu hrilin Constituency mipui hi khawm hi chungthua hin hre thiem dingin a ngen. Chiengkon vadung chunga Urinal Shed chim chu ZSP le ZYO hmalaknain kar thara inthawk siem\hatna sin thaw a ni ding thu le Chiengkon vadung leilak se mek siem \hat le Hall siem\hatna sin khawm \an a ni ding thu hai a hril.

Damnaw iemanizat Dist. Hos-pital phurtlung

CCPur: Henglep sub Di-vision-a Hengkon khuoa a natna hriet lo damnaw 21 lai zet Kuki Khanglai Lawmpi (KKL) Tuila Block le KKL GHQ hai \hangruolin Dis-trict Hospital phurtlung a nih. Hengkom khuoa hin natna hrietlo leiin June thla bul khan mi tam tak an dam-naw a, hi lei hin Medical team khawmin a hmuna an

lo va enfel ta a, sienkhawm a \hahnem chuongnaw leiin damnaw mi 21 hai hi Dis-trict Hospital hung phurt-lung an ni a, hi laia 17 hai chu Observation Ward a sie le an thisen test dinga lak a nih. Bird Flu ni dinga ringh-la pawl an um nia hril a ni a, sienkhawm test result a suok huna an natna hrietchieng a ni chau ding a nih.

ICI Tui\haphai Presbytery Upa Camp \um\iek

CCPur: Independent Church of India, Tui\haphai Presbytery Kohran Upa Camp, June 21 a inthawka NPT Prayer mountain, Muolvaiphei-a nei chun June 24 khan hlâwtling takin a lo \um\iek tah. Taksa le thlarau tienga in-sukhratna ding Camp-a hin khaw hran hran a inthawkin Kohran Upa 47 an lut a, an hlawkpui tâwl hle niin thu ei lo dawng. Camp-a Speaker chu re-

tired Pastor Rev. F. Sangve-la, Lunglei, Mizoram Baptist a nih a. Thuhril a thiemin mi sukphur a thiem hle niin an hril. Pathienni sun khan Rêngkai ICI Biekin ah thu a hril a, tulai mi tamtakin ‘dit thlangna ei hmang suol’ leia sietna ei tuok nasat zie a hril. Ring-tuhai chun mani ditthlang-na hi fimkhur taka hmang a pawimaw thu a hril. Rev F. Sangvela hi Thaw\anni hin Mizoram pan a tih.

Project Vocal Promotional Tour

CCPur: EFCI Saikawt Presbytery NSSU in nau-pang hai hla tiengpang sukhmasawnna ding le naupang hai talent phawr-suokna dinga ‘Project Vo-cal’ a buotsai chu tluong takin a fe pei a, Audition le Acoustic Guiter round zo a ni hnungin June 24, 2017 khan Top 20 (Sound Track round) buotsai a ni a, round nawka \hang thei dingin mi 10 thlangsuok an nih. Sound Track Round a thlangsuok hai ta ding hin zani (Pathienni) khan khuo hran hran haiah Promotion-al Tour an nei bawk a nih. Top 10 a thlangsuok hai chu Elvis Shakhmingth-ang (Khawmawi); Em-

manuel Lalnipui (Khaw-mawi); Grace Lalramchuon (Rengkai); Grace Thilt-lawnpek (Hmarveng); KZ Zawlrotling (Rengkai); Lalrinmawii (Muolvai-phei); Lawmsangzuali (Hmarveng); Lhingjemhoi (Hmarveng); Mawi\hakim (Muolvaiphei) le Ronei-mawi (Saikawt) hai an nih. Promotional tour a hin Saikawt-ah Lhingjemhoi le Emmanuel Lalnipui hai an fe a; Muolvaiphei-ah Elvis Shakhmingthang le Grace Lalramchuon; Hmarveng-ah Lawmsangzuali le Lal-rinmawii; Khawmawi-ah KZ Zawlrotling le Grace Thiltlawnpek hai an fe a nih.

Srikanth in Australian Open Super Series title a lak

new deLHi: Indian bad-minton star Kidambi Sri-kanth chun zanita Sydney hmuna Australian Open Super Sereies men’s sin-gle title final-ah Olympic champion Chen Long chu 22-20, 21-16 a hnein Aus-tralian Open Super Series

Title a lak nawk. Tuta \um hi Super Series title a zawna a lak vawihnina le Super Series title vawi 4 a lakna a nitah. World No. 11 ni mek Srikanth hin Pathienni hmasa khan Indonesian Open Super Series Premier

title a lo lak ta bawk a nih. Badminton Association of India (BAI) chun zanita Australian Open Super Se-ries title latu Kidambi Sri-kant chu lawmpuinain Rs. 5 lakh pek dingin a puong. Mr Srikanth (24) hi India mi badminton khel thiem pasal hai laia a zaw-na superseries title vawihni latu hmasa tak a la nih. BAI president Himanta Biswa Sarma chun, Srikanth hi superseries title vawi 4 lo lata el chau ni lovin khawvelah a zawna super-series finals vawi 3 lo tlung phak 6-na a ni thu a hrilin Srikanth hlawtlingna chu a lawmpui thu a hril. (PTI)

chu a hlâwsam a, a la nawr tak tak tâwk nawh. North Korea dang tak takna dingah Xi sawrkâr ringhla a la kai metna a nih tiin a hril. Sumdawngna kawnga North Korea ruol\ha tak China hi, UN SC thurêl (sanction) hlenna kawngah khawm fet naw taluoa intum a nih a. Sanction \henkhat lem chu a thaw/hmang naw el ni lovin a dodaltu nia hril a nih. US chun China banks tamtak North Korea le sumdawngtuo hai chen khawm ‘secondary sanction’ puong khuma hren a rawt a nih. Tulai hnaia US student pakhat Otto Warmbier, thla 17 Jail an tang hnunga insuo a thina lei khan US le North Korea kar thu a se nawk zuol. Tuhin China leh \hangruola muongna hlun inumtir an tum nawk a nih a, a pawimaw hmasatak North Korea khapdei hi an thei dim, hunin la hril a tih.